[k3vv3]

నేను లాప్ టాప్ లోచదువుతాను, అప్డేట్ కూడా ఇక్కడనుండే

రంగులు నాకు బానే ఉన్నా మీ సూచన ప్రకారం మార్చాను.

[k3vv3]

Thank you meeabhimaani garu
meccukunnaaru gaani rating, like ivvalEdu

[k3vv3]

K3vv3 gaariki, other updates choosukuntoo, ratings ichi vasthunnappudu, chaalaa saarlu rating quotaa ayipothunnadhandi. gurthu chasinandhuku thanks andi. 3 ratings ichaanandee.

Thank you meeabhimaani garu

[k3vv3]

నల్లమల నిధి రహస్యం
పార్ట్-38

నిర్జీవంగా పడి ఉన్న అజయ్ ని చూస్తూ, గుండెలవిసిపోయేలా రోదిస్తున్నాడు సంజయ్. తన అన్నగా మళ్ళీ పుట్టిన తన మిత్రుడ్ని గుండెలకు హత్తుకుని, "నిన్ను ఎలాగైనా కాపాడి తీరాలి అన్న కంగారులో నేను చేసిన తప్పుకి, నీ ప్రాణాలు పణంగా పెట్టావే! నిన్ను తీసుకు వస్తాను అని అమ్మకి చెప్పి ఇక్కడికి వచ్చిన నేను, ఇప్పుడు నీ శవాన్ని తీసుకు వెళ్ళాలా? అన్నయ్యా! అమ్మకి నేను ఏమని చెప్పాలిరా? ఎందుకు ఇంత త్యాగం చేసావురా?" అంటూ కన్నీటికే కన్నీరు పెట్టించేంతగా విలపిస్తున్నాడు సంజయ్. అప్పుడే అతని బుజం పై ఒక చేయ పడింది. అదిరిపడి పైకి చూసాడు సంజయ్. సంజయ్ నే చూస్తూ నిలబడ్డారు పూజారి గారు.
 
" పూజారిగారూ! చూడండి. మా అన్నయ్య.." అంటూ బోరుమని విలపించసాగాడు సంజయ్.
 
" ఏడవకు నాయనా! ఆ ఖడ్గమును సంపాదించాలి అని ఎంతో మంది ప్రయత్నం చేశారు. వారెవరు ప్రాణాలతో తిరిగి రాలేదు. మీరు కారణ జన్ములు కాబట్టే, బయటకు రాగలిగారు. ఈ జన్మలో నీకు అన్నగా పుట్టిన, నీ మిత్రుని మరణం బ్రహ్మ రాత నాయనా! ఇందులో నీ తప్పు ఏ మాత్రం లేదు" అంటున్న పూజారిగారి వైపు ఆశ్చర్యంగా చూస్తున్న సంజయ్ తో
 
" నాకెలా తెలిసింది అనుకుంటున్నావా? మీరిరువురు లోపలికి వెళ్ళింది మొదలు, బయటకు వచ్చు వరకూ లోపల ఏమి జరిగింది అనేది నా దృష్టికి కనిపిస్తూనే ఉంది. అన్నను కాపాడుకోవాలని నువ్వు ఊబిలోకి దిగిపోవడం తెలుసు. మీ ఇద్దరూ అక్కడ నుండి బయటకు వస్తారు అని తెలుసు. ఇద్దరిలో ఒకరే మిగులుతారు అని కూడా తెలుసు. అసలు అక్కడే పోవాల్సిన నీ ప్రాణం, నిలబడింది. నిన్ను కాపాడి, మీ అన్నయ్య మృత్యువుకి బలి అయ్యాడు. కానీ ఇదే విధి! దీన్ని నువ్వు ఒప్పుకుని తీరాలి. నువ్వు ఇక్కడే ఎంత ఏడ్చినా, నీ అన్న తిరిగిరాడు. జరగవలసింది చూడు!" అంటూ సంజయ్ ను ఓదార్చసాగారు పూజారి గారు. ఆయన ఇంకా మాట్లాడుతూ
 
"సంజయ్! ఆ సింగా శవం కూడా కాలి బూడిద అయిపోయింది. జరిగిన దాన్ని ఋజువు చేసేందుకు మన దగ్గర ఏ విధమైన సాక్ష్యాలు లేవు. అలాగే నీ అన్న మరణానికి కూడా ఏ రకమైన సాక్ష్యాలు లేవు. సెక్యూరిటీ ఆఫీసర్లు అడవి అంతా జల్లెడ పడుతున్నారు. ఏ నిమిషం అయినా మా గూడేనికి రావచ్చు. అందుకే నేను అక్కడ జరిగినది సెక్యూరిటీ అధికారి లకు చెప్పవద్దు అని మా గూడెం వారికి చెప్పాను. అక్కడ అంత జరిగినట్లు ఆనవాళ్లు ఏమీ లేకుండా చేశాను. ఆ ఖడ్గం అమ్మవారి అనుగ్రహంగా మళ్ళీ దాని స్థానం లోకి వెళ్ళిపోయింది.
 
ఆ సింగా ని వెతుకుతున్న మీ అన్నయ్య ఇక్కడికి వచ్చినట్లు సెక్యూరిటీ అధికారి లకు చెప్పమన్నాను. వారు ఏ నిముషంలో అయినా ఇక్కడికి చేరవచ్చు. సింగా చనిపోలేదు. పారిపోయాడు. వాడిని వెతుకుతు ఇక్కడికి మీ అన్నయ్య వచ్చాడు. ఆ క్రమంలో ఈ నిధి మీ అన్నయ్యకు దొరికింది. ఇక మీ అన్నయ్య విష వాయువు వల్లే కదా చనిపోయాడు! అదే చెప్పు. ఇంత నాటకం ఎందుకు. నిజం చెప్పేయొచ్చు కదా అంటావా? నిజం చెప్పినా ఎవరూ నమ్మరు. నీ అన్న మరణానికి నిన్నూ బలి చేస్తారు. అందుకే ఇలా చెప్పు" అంటూ తన ఉద్దేశం చెప్పారు పూజారి గారు.
 
అప్పుడు సంజయ్ కి తన అన్న మాట్లాడిన చివరి మాటలు గుర్తుకు వచ్చాయి.
 
వెంటనే ఆ నిధిని తెరిచి, అందులో విలువైన వజ్రాల మూటను పూజారి గారికి ఇచ్చి, "అయ్యా. ఇది మా అన్నయ్య చివరి కోరిక. ఆవాసాలను కోల్పోయిన నిరుపేద గిరిజనుల కోసం దీన్ని మీకు ఇస్తున్నాను. దీన్ని వారి అభివృద్ధి కోసం ఉపయోగించండి" అని చెప్పాడు.
 
" తప్పకుండా. అలాగే వారి కోసం ఉపయోగిస్తాను. అంటూ ఆ వజ్రాల మూటను తన దగ్గర భద్రపరుచుకుంటూ కన్నీరు తుడుచుకుంటూ, సంజయ్ ని ఓదార్చుతున్నారు పూజారి గారు.
 
***
 
"రిపోర్టర్ అనే వాడు ఎప్పుడూ మౌనంగా ఒకే చోట ఉండిపోకుడదు గంగా! ఏ విషయం అయినా ప్రపంచం ముందు నిలబెట్టే వృత్తి జర్నలిజం అంటే! అదే పనిని దైవం లాగా తీసుకుంటే ఎలా ఉంటుందో చూపించే వ్యక్తే ఈ రాంబాబు" అంటూ ఆ వర్షంలోనే రైన్ కోట్లు, గొడుగుల సాయంతో ఒకరితో ఒకరు కబుర్లు చెప్పుకుంటూ, చాలా దూరం నడుచుకుంటూ వచ్చేసారు కెమెరా పట్టుకుని గంగ, ఆవిడతో పాటు పీకే ఛానల్ ప్రతినిధి రాంబాబు. అలా నడుస్తూ, నడుస్తూ గూడెం దాకా వచ్చేసారు వాళ్లు. అప్పుడే సెక్యూరిటీ ఆఫీసర్లు కూడా అక్కడ గిరిజన గూడేనికి చేరుకున్నారు. వర్షం తగ్గడంతో సిగ్నల్ దొరికింది. ఇక లైవ్ స్టార్ట్ చేశారు పీకే ఛానల్ వారు.
 
" ఇన్స్పెక్టర్ అజయ్ కనిపించకుండా పోయి 24 గంటలు దాటి పోయినా, ఇంకా చిక్కని ఆచూకీ! నేరస్తుడు సింగా, అడవిలోనే ఉన్నట్టు సమాచారం అందుకున్న అజయ్, ఆ నేరస్థుడిని పట్టుకోవడానికి గాను అడవిలో, ఒంటరిగా రావడం జరిగింది. సెక్యూరిటీ ఇచ్చిన సమాచారం మేరకు అప్రమత్తమైన పై అధికారులు.. అజయ్, నేరస్తుడు సింగా లను పట్టుకునేందుకు అడవి మొత్తం జల్లెడ పడుతున్నా లభ్యం కానీ ఆచూకీ.. ఎన్నో నేరాలకు పాల్పడిన సింగా, తాజాగా ఫారెస్ట్ ఆఫీసర్స్ ని కూడా చంపినట్లు సెక్యూరిటీ ఆఫీసర్లు సీసీటీవీ ఫుటేజ్ ద్వారా ఆధారాలు సేకరించడం జరిగింది. వర్షం కారణంగా గాలింపు చర్యలు వేగంగా చెప్పలేక పోవడం విచారకరం. ఐతే అక్కడ పరిస్థితి వివరించడానికి మా ప్రతినిధి రాంబాబు లైవ్ లో ఉన్నారు.

“చెప్పండి రాంబాబు, అక్కడ ఏమి జరుగుతోంది? " అంటూ అప్పటి వరకూ అనర్గళంగా మాట్లాడిన న్యూస్ రీడర్, మాటలు అందుకుంటూ. రాంబాబు మాట్లాడటం మొదలుపెట్టాడు.
 
" సంధ్యా! 24 గంటలు దాటుతున్నా ఇన్స్పెక్టర్ అజయ్, ఇంకా ఆ నేరస్తుడు సింగా ఆచూకీ లభ్యం కాలేదు. సెక్యూరిటీ అధికారి లు గాలింపు చర్యలు చేపడుతూ ఇక్కడ గూడెం ప్రజలను వారి ఆచూకీ కోసం ఆరా తీస్తున్నారు. ఆ దృశ్యాలు లైవ్ లో చూడండి" అంటూ అక్కడి ప్రజలకు అజయ్, సింగాల ఫొటోస్ చూపిస్తూ, వారి గురించి సెక్యూరిటీ ఆఫీసర్లు ప్రశ్నించడం చూపిస్తున్నారు.
 
అది టీవీ లో చూస్తూ ఉన్న సీత ఊపిరి బిగపట్టి, వారి సమాధానం వినడం కోసం ఎదురుచూస్తోంది.

సెక్యూరిటీ అధికారి లు చూపించిన ఫోటోలు చూస్తూ,
"నాకు ఎరుక సార్! ఈ కూనడు ఇంకో మనిషిని తరుముకుంటూ నీలగిరి కొండగులవైపు పరుగెత్తక పోవడం మేము జూసినామ్ సారూ! ఆ తరువాత, అతని తమ్ముడు కూడా మా అయ్యోరుని ఎంటబెట్టుకుని, కొండల కానికి పోయిండు సారూ1 " అంటూ చెప్పాడు ఆ వ్యక్తి.

అంతే! ఆ వ్యక్తి చెప్పిన ఇన్ఫర్మేషన్ ప్రకారం, నీలగిరి కొండగుహలవైపు పరుగు అందుకున్నారు సెక్యూరిటీ అధికారి లు.

వారి వెనుకనే కెమెరా మాన్ గంగతో, రాంబాబు కూడా లైవ్ ఇస్తూ, సెక్యూరిటీ అధికారి లను వెంబడిస్తూ, వారి కర్తవ్యంగా ప్రపంచానికి అక్కడ విషయాలు తెలియజేస్తున్నారు. అది టీవీ లో చూస్తూ ఉన్న సీత గుండె వేగంగా కొట్టుకుంటోంది. తన కొడుకు దొరుకుతాడా? లేదా అనే టెన్షన్ తో ఆమె నిలువెల్లా వణికిపోతున్న చిగురుటాకుని తలపిస్తోంది.
 
***
 
సెక్యూరిటీ అధికారి వాళ్ళు, మీడియా వాళ్ళు అక్కడికి చేరే సరికి విగత జీవిగా పడి ఉన్న అజయ్, గూడెం వాళ్ళు చెప్పినట్టుగా అజయ్ కోసం పూజారి గారిని వెంటపెట్టుకుని వెళ్లిన అజయ్ తమ్ముడు సంజయ్ కనిపించారు. అజయ్ మరణించాడు అనే వార్త మీడియా ద్వారా ప్రపంచం అంతా తెలిసిపోయింది. అలాగే అక్కడ ఉన్న నిధి గురించి కూడా ప్రపంచానికి తెలిసింది. సింగా ఆ అడవిలో తప్పించుకు పోయాడు అని, అజయ్ ఆ నేరస్తుడిని పట్టుకునే క్రమంలో ఇక్కడికి వచ్చాడు, ఆ సమయంలో నిధిని కనుగొన్నాడు అని, అతన్ని వెతుకుతూ వచ్చిన అతని తమ్ముడు, పూజారిగారు ఇక్కడికి వచ్చేసరికే అజయ్ చనిపోయి ఉన్నాడు అని పూర్తి వివరాలు ఇంకా సేకరించవలసి ఉన్నాయని మీడియాకి చెప్పారు సెక్యూరిటీ అధికారి అధికారులు.

అందంతా టీవీ లో చూస్తున్న సీత అంతులేని గుండె మంటలను తన అశృ వర్షంతో ఇంకా ఇంకా మండిస్తూ, ‘పుత్ర శోకం మిగల్చకు దేముడా!’ అని మొరపెట్టుకుంటూ, ఊపిరి బిగపట్టి, టీవీనే చూస్తూ ఉన్న ఆమె కళ్ళు, దేన్ని అయితే చూడకూడదు అని ఇంతలా మొక్కిందో, అదే ఆమెకు కనిపించింది. ఏదైతే వినకూడదు అని ఇంత వేదన పడిందో, అదే ఆమె చెవులకు వినిపిస్తూ ఉంటే. ఆమె కన్నులు వాలిపోయాయి. గుండె ఆ భారం మోయలేక, బ్రద్దలైపోతొందా అన్నంతగా నొప్పి వచ్చి, అమాంతంగా కుప్పకూలిపోయింది.
 
కానీ అంజలి డాక్టర్ కావడంతో వెంటనే ఆమెకు ప్రాధమిక చికిత్స అందించింది. కమల భర్త అంబులెన్సుకు కాల్ చేయడంతో, వెంటనే ఆమెను హాస్పిటల్ కి తరలించారు.
 
***
 
ఆ కొండ గుహల నుంచి అజయ్ మృతదేహాన్ని హాస్పిటల్ కి తరలించారు. ఆ నిధిని సెంట్రల్ గవర్నమెంట్ హ్యాండోవర్ చేసుకుంది. అజయ్ మరణానికి చింతిస్తూ, అతని తల్లికి ప్రెసిడెంట్ మెడల్ ఇవ్వనున్నట్టు ప్రభుత్వం ప్రకటించింది.

కానీ సీత పరిస్థితి ఇంకా విషమంగానే ఉంది. అన్నయ్య చనిపోయాడు అన్న బాధ ఒక పక్క, తల్లికి ఏమవుతుందో అన్న బాధ ఒక పక్క. సంజయ్ జీవచ్చవంలా హాస్పిటల్ లో పడి కుమిలిపోయి ఏడుస్తుంటే, అతని పక్కనే, అతనికి అండగా అంజలి కూర్చుని ఉంది. చీకటైపోయిన అతని జీవితంలో వెలుగుని తెచ్చే ఉషోదయ కిరణంలా, అమావాస్య కటిక చీకట్లలో వెలుగును చిందించే చిరు దీపంలా, గాయపడిన హృదయానికి చేరికగా, విధి చిమ్మిన విషానికి విచ్చిన్నమైన తన కుటుంబ జ్యోతిని తిరిగి వెలిగించగలిగే ఆశాజ్యోతిలా.. ఆమె అతనికి అండగా నిలిచింది.
సశేషం

*ఈ భాగం చదివిన పాఠకమిత్రులు వారి అభిప్రాయాలను, రేటింగులు, లైకులు లేదా వ్యాఖ్యల ద్వార తెలియజేయమని మనవి

[k3vv3]

నల్లమల నిధి రహస్యం
పార్ట్ – 39
 
హాస్పిటల్ లో వైద్యుల పర్యవేక్షణలో తల్లి కోసం ఎదురుచూస్తూ, చనిపోయిన తన అన్ననే తలుచుకుంటూ ఏడుస్తోన్న సంజయ్ కి తోడుగా ఉండి, ధైర్యం చెప్తోంది అంజలి. అదే హాస్పిటల్ లో అజయ్ మృతదేహానికి పోస్టుమార్టం జరుగుతోంది. సంజయ్ గుండె పగిలేలా ఏడుస్తూనే ఉన్నాడు.
 
ఇంతలో డాక్టర్ బయటకు వచ్చి, "షీ ఈజ్ అవుట్ అఫ్ డేంజర్! నథింగ్ టు వర్రీ. తీవ్రమైన మానసిక ఒత్తిడి వల్ల హార్ట్ ఎటాక్ లాగా వచ్చింది. బట్ నథింగ్ సీరియస్. కొన్ని మెడిసిన్స్ రాసి ఇస్తాను. అవి వాడండి. ఆమె ఇంకో గంటలో స్పృహలోకి వచ్చేస్తారు. డోంట్ వర్రీ!" అని చెప్పి, సీత విషయంలో తీసుకోవాల్సిన కొన్ని జాగ్రత్తలు చెప్పి వెళ్లారు.
 
తల్లిని దూరం నుండే చూసుకుంటూ, కన్నీరు మున్నీరు అవుతున్న సంజయ్ ని ఓదారుస్తూ, "ఆంటీని నేను జాగ్రత్తగా చూసుకుంటాను. నువ్వు జరగవలసింది చూడు" అని ధైర్యం చెప్పింది అంజలి. అజయ్ మరణానికి కారణం అతని ఊపిరితిత్తులలో చేరిన విష వాయువే అని రిపోర్ట్స్ వచ్చాయి. అతని భౌతిక దేహాన్ని ఇంటికి తరలించారు.
 
సెక్యూరిటీ అధికారి డిపార్ట్మెంట్ వారు. అజయ్ మృతికి సంతాపం తెలియజేసారు. ఆ రోజంతా, అజయ్ ని చివరి చూపు చూసుకోవడం కోసం గాజు బాక్స్ లో పెట్టి ఉంచారు.
 
"తమ పిల్లల్ని ప్రాణాలకు తెగించి కాపాడి తెచ్చిన దేవుడే, ఇవాళ దేవుడి దగ్గరికి వెళ్లిపోయాడే!"అంటూ అజయ్ కాపాడిన పిల్లల తల్లితండ్రులంతా, అజయ్ పార్ధివ దేహం దగ్గర కూలబడి ఏడుస్తున్నారు.
 
" మా పిల్లలను ఇక జన్మలో చూడలేము అనుకున్నాం. దేముడిలా వచ్చావయ్యా! దేవుడు పంపినట్టే వచ్చావు. ఏమిచ్చి నీ ఋణం తీర్చుకోవాలి మేమంతా.." అంటూ ఆ పిల్లల తల్లులు, గుండెలవిసేలా ఏడుస్తున్నారు. అజయ్ స్నేహితులు, డిపార్ట్మెంట్ వాళ్ళు, శ్రేయోభిలాషులు అందరూ వస్తున్నారు.
 
అజయ్ తో వారి బంధాన్ని గుర్తు చేసుకుంటూ, వారంతా కన్నీటి పర్యంతం అవుతుంటే, సంజయ్ మాత్రం ఏడ్చి, ఏడ్చి నీరు ఇంకిపోయిన సంద్రంలా, శూన్యంలోకి చూస్తూ ఉండిపోయాడు.
 
***
 
సీతకి స్పృహ రాగానే, " నాన్నా.. అజయ్!" అంటూ లేవడానికి ప్రయత్నం చేసింది. అంజలి ఆమెను ఓదారుస్తూ, డాక్టర్స్, నర్స్ ల సాయంతో అంబులెన్సులో సీతను ఇంటికి తీసుకు వచ్చింది. ప్రాణానికి ప్రాణంగా పెంచుకున్న కొడుకుని విగత జీవిగా చూసిన ఆ తల్లి బాధ వర్ణనాతీతం. ఆమెను ఓదార్చడం ఎవరి తరం కాలేదు.
 
" మల్లన్న స్వామీ! నా బిడ్డని కాపాడమని ఎన్ని మొక్కులు మొక్కాను నీకు? జీవితంలో ఏమి చూసాడు వాడు! కాటికి కాళ్ళు జాపుకుని కూర్చున్న నన్ను వదిలేసి, నా బిడ్డను తీసుకెళ్లిపోయావే!
 
నీకూ ఒక తల్లి ఉండి ఉంటే తెలిసేది ఈ తల్లి బాధ! నీకు ప్రాణాలే కావాలంటే నా బిడ్డ ప్రాణానికి బదులు నా ప్రాణం తీసుకోవచ్చు కదా! అయ్యో.." అంటూ గుండెలు బాదుకుంటూ ఏడుస్తున్న ఆ తల్లిని ఓదార్చడానికి అంజలి, అంజలి తల్లీ ఎంతగానో ప్రయత్నం చేస్తున్నారు.
 
ఆమె ఈ పరిస్థితుల్లో అంతగా స్ట్రెస్ తీసుకోవడం మంచిది కాదు అని, అంజలి ఆమెకు సడేషన్ ఇంజక్ట్ చేసింది. ఆమెను గదిలో పడుకోబెట్టి, సంజయ్ దగ్గరే కూర్చుంది అంజలి. కమల, కమల భర్త కూడా సంజయ్ కి ధైర్యం చెప్తూ, రేపు జరగవలసిన కార్యములకు ఏర్పాట్లు చేస్తూ, వచ్చిన వారందరికీ కావాల్సినవి అమరుస్తూ ఉన్నారు.
అజయ్ మరణం గురించి మీడియా ద్వారా ప్రపంచమంతా తెలిసింది. అజయ్ చూపించిన ధైర్య సాహసలకు, ప్రభుత్వం ప్రెసిడెంట్ మెడల్ అందించనున్నట్లు సమాచారం, అందరికీ తెలిసింది. అలాగే కేంద్ర ప్రభుత్వ ఖజానాకు చేరిన నిధిని గురించిన వార్తలు కూడా మీడియాలో రావడం జరుగుతోంది.
 
***
 
జరిగినది అంతా తన తపోబలంతో తెలుసుకున్న సిద్ధాంతి గారు కూడా " తమ్ముడి కోసం ప్రాణ త్యాగం చేశాడా ఆ అన్నయ్య! అమ్మా, జగన్మాతా! ఏమి నీ లీలా? " అంటూ అజయ్ ఆత్మకి శాంతి చేకూరాలని ప్రార్థన చేస్తూ ఉండిపోయారు.
 
***
 
మరునాడు ఉదయం, అజయ్ అంతిమ యాత్ర మొదలైంది. అతని డిపార్ట్మెంట్ వాళ్ళు, స్నేహితులతో పాటు, అజయ్ వల్ల మేలు పొందిన ప్రజలంతా, ఆ యాత్రలో పాల్గొన్నారు. సెక్యూరిటీ అధికారి లాంచనాలతో అజయ్ అంతిమ సంస్కారాలు నిర్వహించారు. అతని మరణానికి సెక్యూరిటీ అధికారి డిపార్ట్మెంట్ వారు, ప్రభుత్వ పెద్దలు కూడా ప్రగాఢ సానుభూతి తెలిపారు.
 
ఎన్నో దారుణాలను, సంబరాలను, వికృతాలను, విపరీతాలను ప్రతి నిత్యం చూస్తూ ఉన్న సూర్యనారాయణ మూర్తి, ఇవాళ జరిగింది కూడా చూస్తూనే, చూడటమే తన పని అంటూ, సాక్ష్యం చెప్పని ప్రత్యక్షసాక్షిలా, తానొక కర్మ సాక్షిని మాత్రమే అన్నట్టు భారంగా అస్తమించాడు.
 
ఆ అస్తమిస్తున్న సూర్యునిలాగే తన బిడ్డ కూడా అస్తమించి తనని శోక సంద్రపు సుడిలో, నావలా వదిలేసి వెళ్ళిపోయాడు అంటూ, సీత కన్నీరు మున్నీరు అవుతోంది.
 
"ఈ చరాచర సృష్టిలో పుట్టడం సహజం, గిట్టడం సహజం, అనివార్యం.
జాతస్య హి ధ్రువో మృత్యుః ధ్రువం జన్మ మృతస్య చ । తస్మాదపరిహార్యేఽర్థే న త్వం శోచితుమర్హసి ।।
పుట్టిన వానికి మరణము తప్పదు. మరణించిన వానికి పుట్టుట తప్పదు. అనివార్యమగు ఈ విషయం కొరకు చింతించుట తగదు. చావు, పుట్టుకల అంతులేని, అలుపెరగని కాల చక్రపు ఇరుసులలో పడి నలిగిపోయే ఓ జీవీ! మరణం అనేది అనివార్యం అని గుర్తెరిగి మసలుకో. నువ్వు పుట్టినప్పుడే, నీ మరణం కూడా లిఖింపబడి ఉంటుంది. ఏనాడు అయినా అది నిన్ను వరింపక మానదు. అని గుర్తెరిగి మసలుకో. మరణించినంత మాత్రాన్న ఆ ఆత్మ నశించి పోయింది అని కాదు. మరణం అనేది శరీరానికే కానీ ఆత్మకు కాదు. మరణించిన వ్యక్తి శరీరం నుండి వేరైనా, ఆత్మ వేరొక కొత్త జన్మ ఎత్తి తీరుతుంది. ఆత్మ నిత్య సత్యమైనది, చావు లేనిది. మృత్యువు వారిని శరీరాల నుండి వేరు చేస్తుందే కానీ ఆత్మను చంపదు"
 
అంటూ గీతా సారాంశం చదివి వినిపిస్తూ, సీతకి, సంజయ్ కి ధైర్యం చెప్పడం కోసం తన ప్రయత్నం తాను చేస్తూ ఉంది అంజలి. అది అంజలి తల్లికి ఏ మాత్రం అభ్యంతరం లేదు. అప్పటికే ఆమె ఒక నిర్ణయానికి వచ్చేసింది.
ఇక ఏమి జరిగినా, తన కూతురి జీవితం సంజయ్ తోనే అని ఆమెకి అర్ధం అయిపోయింది కాబట్టి.
సశేషం
*ఈ భాగం చదివిన పాఠకమిత్రులు వారి అభిప్రాయాలను, రేటింగులు, లైకులు లేదా వ్యాఖ్యల ద్వార తెలియజేయమని మనవి

[k3vv3]

నల్లమల నిధి రహస్యం
పార్ట్ - 40 
సంజయ్ తన అన్ననే తల్చుకుంటూ, శున్యంలోకి చూస్తూ కూర్చున్నాడు. అతనికి కాఫీ అందిస్తూ, "ఇంకా మనకి ఈ ఊరిలో ఏమి పని? మళ్ళీ మనము వైజాగ్ వెళ్ళిపోదాం. నువ్వు కూడా కాలేజీకి వెళ్లివస్తుంటే కాస్త దృష్టి మారుతుంది. ఆంటీని అమ్మ చూసుకుంటుంది. కార్యక్రమాలు అన్నీ అయిపోయాయిగా సంజయ్" అంటూ అంజలి, వైజాగ్ తిరిగి వెళ్లిపోవడం గురించి మాట్లాడుతూ ఉండగా
 
ఆమె కళ్ళలోకి సూటిగా చూస్తూ " ఇక మీదట ఇదే నా ఊరు. నా అన్న ఊపిరి తనలో కలిపేసుకున్న ఈ ఆడవే ఇక మీదట నా ప్రపంచం. మా అన్నయ్య శ్వాస ఆగిపోయిన ఆ ఆడవే ఇకపై నా ఆవాసం, నా జీవితం, నా సర్వస్వం" అంటూ సూటిగా చెప్పాడు సంజయ్. ఆ మాటలు విన్న సీత స్థాణువులా ఉండిపోయింది. అంజలికి సంజయ్ మనసు అర్ధం అయింది.
 
కానీ అంజలి తల్లి సంజయ్ మాటకు అడ్డు వస్తూ, " ఏం మాట్లాడుతున్నావు బాబూ! ఇక్కడ ఎలా ఉంటావు? నీకు బోలెడంత మంచి భవిష్యత్తు ఉంది. ఇక్కడ ఈ అడవిలో నువ్వు ఏమి చేస్తావు? " అంటూ ఇంకా ఏదో మాట్లాడబోతూ ఉంటే
 
సంజయ్ లేచి నుంచుని, చేతులు జోడించి," ఆంటీ! మా అన్నయ్య నాతో భౌతికంగా లేకపోవచ్చు. కానీ ఇక్కడ ఉంటే, ఇంకా వాడు నాతో ఉన్నట్టు అనిపిస్తోంది నాకు. మా అన్నయ్య జ్ఞాపకాలు నన్ను కాల్చేస్తున్నాయి. నేను మా అన్నయ్య ఉనికిని తనలో కలిపేసుకున్న ఈ నల్లమలలోనే బ్రతకాలి అనుకుంటున్నాను.
 
ఇక్కడే ఉంటూ, వెనుకబడి బ్రతుకుతున్న అదివాసుల పిల్లలకు ఉచితంగా చదువు చెప్తూ, వారి యోగక్షేమాలు చూస్తూ నా జీవితాన్ని వారి అభివృద్ధి కోసం ధారపోయాలి అనుకుంటున్నాను. నాకు ఈ అడవిలో ఉంటే, మా అన్నయ్య నాతో ఉన్నట్టు ఉంటుంది. ఇందులో మార్పు లేదు. రాదు" అంటూ సూటిగా, స్పష్టంగా చెప్పేసాడు. అంజలి ఏమీ మాట్లాడకుండా, సంజయ్ నే చూస్తూ ఉండిపోయింది.
 
సీతకి సంజయ్ మాటల్లో, అతనికి తన అన్న మీద ఉన్న ప్రేమ తప్ప ఇంకేమీ కనిపించట్లేదు. ఆ తల్లి మనసు ఇంకేమీ మాట్లాడలేక గొంతు పూడుకుపోయి, కన్నుల వెంబడి కారుతున్న కన్నీరు తుడుచుకుంటూ, తన అంగీకారం మౌనంగానే తెలిపింది. కొంత సేపు మౌనం రాజ్యం ఏలిన ఆ ఇంట్లో
 
" నేను నీతోటే, నీ వెంటే ఉంటాను." అన్న అంజలి మాటతో ఆ మౌనం మాటల రూపం దాల్చింది.
 
గాడాంధకారంలో నిండిపోయిన అమావాస్య నిశీధి నింగిలోని చీకట్లను చీల్చుకుంటూ, వెలుగును చిందిస్తూ, ఉదయిస్తున్న సూర్యుని కిరణంలా ఆమె మాట్లాడిన ఆ ఒక్క మాట, సీత గుండెల్లో రేగుతున్న ఆవేదన మంటల అగ్నికీలలపై మంచు కురిసినంత చల్లదనాన్ని ఇస్తే, సంజయ్ మాత్రం, తన జీవితం ఇక ఆ అడవిలోనే అని, నాకోసం, నీ జీవితాన్ని వృధా చేసుకోవద్దు అని స్పష్టంగా చెప్పి, ఇంకో మాట మాట్లాడే అవకాశం ఇవ్వకుండా బయటకు వెళ్ళిపోయాడు.
 
అంజలి మాత్రం " నేనూ నా నిర్ణయాన్ని మార్చుకోను. నేను సంజయ్ తోనే బ్రతుకుతాను. సంజయ్ లేకపోతే చచ్చిపోతాను. ఆయన ఎక్కడ ఉంటే అక్కడే నేనూ ఉంటాను. ఆయన్ని తప్ప ఇంకెవరిని పెళ్లి చేసుకోను. కాదు, కూడదు అని నువ్వు అంటే మాత్రం, నాన్న లేకుండా బ్రతుకుతున్నావ్ కదా! నేను కూడా చచ్చిపోయాను అనుకుని బ్రతుకు" అంటూ నిష్ఠురంగా మాట్లాడి, గది లోకి వెళ్లిపోయింది. అంజలి మాట్లాడిన మాటలు ఆమె తల్లి గుండెల్ని బాణాల్లా చీల్చేశాయి.సీత ఆమెను ఓదార్చబోతే, " చూసావా సీతమ్మా! నా కూతురు ఎంత మాట ఆందో.. అది మీ సంజయ్ ని ఇష్టపడుతోంది అని నాకు ఎప్పుడో తెలుసు. కానీ అది దానంతట అదే చెప్పాలి అనుకుంటూ ఎదురుచూశాను. సంజయ్ కి నా కూతుర్ని ఇవ్వడం నాకూ ఇష్టమేనమ్మా! కానీ, చూస్తూ, చూస్తూ, అడవుల్లో బతుకుతాను అంటున్నవాడికి నా కూతుర్ని ఎలా ఇవ్వగలను చెప్పమ్మా? " అంటూ ఏడుస్తుంటే,
 
ఆ మాటలు విన్న అంజలి బయటకు వచ్చి, "అమ్మా. సారీ అమ్మా!
 
నేను అలా మాట్లాడి ఉండకూడదు. కానీ నేను సంజయ్ లేకపొతే బ్రతకలేను అమ్మా! దయచేసి అర్ధం చేసుకో. నేనూ సంజయ్ ని పెళ్లి చేసుకుని, ఆయనతో పాటు ఆ అడవిలో ఉంటాను. ఆయన ఆ గిరిజన పిల్లలకు చదువు చెప్తే, నేనూ వైద్యురాలిగా, వారికి వైద్యం చేస్తూ, ప్రశాంతమైన జీవితాన్ని గడుపుతాను. నిజానికి నాకూ అందులోనే సంతోషం ఉంది" అంటూ తల్లిని ఒప్పించింది అంజలి.
 
****
 
ఇంట్లో నుంచి నడుచుకుంటూ వచ్చిన సంజయ్
నేరుగా ఆ గిరిజన గూడేనికి చేరుకున్నాడు. పూజారి గారిని కలుసుకుని, తన సంకల్పం గురించి చెప్పాడు. ఆయన ఎంతగానో సంతోషిస్తూ, సంజయ్ ఇచ్చిన వజ్రాలు అమ్మగా వచ్చిన డబ్బులతో, అక్కడి ప్రజలకు ఇళ్ళు కట్టిస్తున్నట్టు తెలిపారు. అక్కడి ప్రజలంతా కూడా, తమకు సాయం అందించినది సంజయ్ అని తెలుసుకుని అతన్ని ఎంతగానో అభినందిస్తూ, వారి అభిమానం చాటుకున్నారు. ‘ఇక మీదట నేనూ మీతోనే ఉంటాను’ అని సంజయ్ అన్న మాటకి వారంతా సంతోషంతో ఉప్పొంగిపోయారు.
 
సంజయ్ వారందరితోను మాట్లాడుతూ, వారి జీవన విధానం గురించి, అక్కడి ప్రజలు ఎదుర్కొంటున్న సమస్యల గురించి, అన్ని విషయాలు తెలుసుకుంటూ ఉన్నాడు. వాళ్లు అలా మాట్లాడుకుంటూ ఉండగా, కొంత మంది ఆ అడవిలోకి వస్తున్నారు. వారిని చూస్తూనే, సంజయ్ మొహంలో రంగులు మారిపోతున్నాయి. సంతోషం, దుఃఖం కలగలిపిన వింత భావమేదో తన హృదయాన్ని మెలిపెడుతుంటే, ఆ వస్తున్న వారినే చూస్తూ ఒక ప్రశ్నలా నిలబడి చూస్తున్నాడు సంజయ్.
 
***
 
గుండె పగిలే బాధ అనుభవించిన మనిషికి జీవితంలో ఆశలు చెదిరిపోయిన క్షణంలో పుట్టిన ఆశయం, ఎంతో మందికి కొత్త జీవితాన్ని అందిస్తుంది. నిప్పుల కొలిమిలో కాలిన తరువాతే బంగారమైనా మెరుస్తుంది. ఉలి దెబ్బలు తిన్నాకే రాయి గుడిలో దేవుని ఆకృతి సంతరించుకుంటుంది. నమ్మి కొలిచే భక్తులకు అండై నిలుస్తుంది. విధి చేసే గాయాలకు జీవితం ఛిద్రమైన ఒక వ్యక్తి '’తను పడ్డ కష్టం పగవాడికి కూడా రాకూడదు’ అనుకుంటే 'మనిషి' అవుతాడు. 'తను పడిన కష్టం ఏమిటో ఎదుటివాడికి కూడా తెలియాలి' అనుకుంటే రాక్షసుడవుతాడు. ఏదైనా ఆ వ్యక్తి, వ్యక్తిత్వంపై ఆధారపడి ఉంటుంది.
 
ఒక్కోసారి మనిషి జీవితంలో, తన గమ్యాన్ని మలుపు తిప్పే పరిస్థితి ఎదురవుతుంది. ఆ పరిస్థితుల్లో ఆ మనిషి తీసుకునే నిర్ణయం అతన్ని ముందుకు నడిపిస్తుంది. అది మంచి దారిలో నైనా కావచ్చు, చెడు దారిలో నైనా కావచ్చు.
ఇప్పుడు సంజయ్ తీసుకున్న నిర్ణయం కూడా అతని జీవితాన్ని ఏవిధంగా మార్చనుందో!
సశేషం

*ఈ భాగం చదివిన పాఠకమిత్రులు వారి అభిప్రాయాలను, రేటింగులు, లైకులు లేదా వ్యాఖ్యల ద్వార తెలియజేయమని మనవి

[k3vv3]

నల్లమల నిధి రహస్యం
పార్ట్ - 41
రచన:రమ్య నముడూరి
 
పూజారి గారి సాయంతో, అక్కడ ఉన్న ప్రజల కష్టాల గురించి, వారి జీవన విధానం గురించి తెలుసుకుంటూ, చాలా సమయం గడిపాడు సంజయ్. తను కూడా వారితో పాటు కలిసి బ్రతకాలి అనుకుంటున్నట్టు సంజయ్ వారికి తెలియజేయగానే, అక్కడి ప్రజలంతా, తమను ఆదుకున్న వాడు తమతోనే ఉంటాను అనడంతో ఎంతో సంతోషించారు.

అలా వారితో మాట్లాడుతూ ఉండగా, కొంతమంది ఆ అడవిలోకి రావడం గమనించిన సంజయ్ మొహంలో రంగులు మారిపోయాయి. సంతోషం, దుఃఖం అనే రెండు విభిన్న భావాలు తన మనసుని మెలిపెడుతుంటే, అప్రయత్నంగా అతని కంటి నుండి కారుతున్న ఆనంద అశ్రుభాష్పాలను తుడుచుకుంటూ, " అంజలీ. అమ్మా! అంటీ.. మీరంతా ఇక్కడికి ఎందుకు వస్తున్నారు? " అంటూ ఎదురు వెళ్లి వాళ్ళని ప్రశ్నించాడు సంజయ్.
 
అంజలి తల్లి, సంజయ్ చేతిలో అంజలి చేయి పెట్టి, " నా కూతురు ఇక మీదట నీతోనే బ్రతుకుతుంది. నీ ప్రేమ కోసమే నా కూతురు బ్రతుకుతోంది. నువ్వు కాదంటే అది బ్రతకదు . మీ ఇద్దరూ ఒకటి అయితే, మీ ఇద్దర్నీ చూసుకుంటూ మేము ఇద్దరం కూడా మీతోనే ఇక్కడే బ్రతుకుతాం. కాదనకు బాబూ!" అంటూ అంజలిని సంజయ్ కి ఇచ్చి పెళ్లి చేయడానికి తన అంగీకారం తెలిపింది. సీత కూడా సంజయ్ కి నచ్చ చెప్పడానికి ప్రయత్నం చేసింది. కానీ సంజయ్ మాత్రం అంజలి జీవితం పాడవుతుంది అన్న ఆలోచనతో, అంజలికి ఈ పెళ్లి ఉద్దేశ్యం మార్చుకోమని నచ్చజెప్పే ప్రయత్నం చేసాడు.
 
" నువ్వు ఎక్కడ ఉన్నా, ఎలాంటి వృత్తిలో ఉన్నా, నీ లక్ష్యం ఏది అయినా.. నేను నీకు తోడుగా ఉంటాను. అరణ్యం అయినా వైభోగమే నాకు. నీతో ఉంటే నాకు అంతే చాలు. నువ్వు లేకుండా నేను బ్రతకలేను. ఇంత చెప్పినా నువ్వు కాదు అంటే మాత్రం నా ఊపిరి ఇక్కడే ఆపేసుకుంటాను కానీ, నిన్ను వదిలి నేను ఉండలేను" అంటూ అంజలి, సంజయ్ ని తన ప్రేమతో ఒప్పించింది.
 
పూజారి గారి ఆశీస్సులతో, కల్మషం లేని అక్కడి ప్రజల సహకారంతో అంజలి, సంజయ్ ల వివాహం జరిగింది. సీత, దుర్గలు కూడా పిల్లలతో కలిసి ఆ గూడెం లోనే ఉండి పోయేందుకు ఏర్పాట్లు చేసుకుని, వారి జీవనం మొదలుపెట్టారు. ఆ ఇష్టకామేశ్వరి అమ్మవారి గుడిలోనే కూర్చుని, తన జీవితంలో కోల్పోయిన వారి గురించి బాధపడుతునే, అందులో నుండి పుట్టుకు వచ్చిన వైరాగ్యంతో ఆధ్యాత్మిక జీవనానికి అలవాటు పడింది సీత.

దుర్గ ఆమెను వెన్నంటే ఉంటూ, గుడికి వచ్చి పోయే భక్తులకు ప్రసాదాలు అందిస్తూ, నిత్యం అన్నదానం చేస్తూ, తన ఆస్తిని అమ్మవారి సేవకు ఖర్చు చేస్తూ, జీవితాన్ని సార్థకం చేసుకుంటోంది. సంజయ్ తన ఆశయ సాధన వైపు అడుగులు వేస్తున్నాడు. ఆ గూడెం లోని ప్రజలకు, చుట్టు పక్కల ఊర్లలోని పిల్లలకు ఉచితంగా విద్యను అందిస్తూ, వారి జీవితాలలో వెలుగులు నింపాలనే పట్టుదలతో, అభివృద్ధి వైపుగా అతని అడుగులు ముందుకు పడుతూ ఉంటే, ఆ అడుగులలో అడుగులు వేస్తూ, సహధర్మచారిణి గా అతని ఆశయంలో కూడా సగ భాగం నాది అంటూ అక్కడి ప్రజలకు మెరుగైన వైద్యం అందిస్తూ, వైద్యరాలిగా తన వృత్తి ధర్మం పాటిస్తోంది.
 
అజయ్ లేని లోటును ఎవరూ భర్తీ చేయలేకపోయినా, ప్రాణానికి ప్రాణం అయిన నా అన్న, తన ప్రాణం నా కోసం త్యాగం చేసాడే అన్న బాధతో కుమిలిపోతున్న సంజయ్ ని ప్రేమతో ఓదార్చేది అంజలి. ఆమె చూపించిన ప్రేమ, ఆదరణతో, సంజయ్ లో కొద్దికొద్దిగా మార్పు వచ్చింది.
 
అలా ఒక ఏడాది కాలం గడిచిపోయింది.
 
ఇప్పుడు అంజలి నిండు గర్భవతి. ఆమె కడుపులో పెరుగుతున్నది తన పెద్ద కొడుకు అజయ్ నే అని సిద్ధాంతి గారి ద్వారా తెలుసుకున్న సీత ఆనందానికి హద్దే లేదు. సంజయ్, సీతలు అంజలిని ఎంతో అపురూపంగా చూసుకునే వారు. అది చూసి అంజలి తల్లి దుర్గ ఎంతో సంతోషించింది. అది కాక ఆ గూడెం ప్రజలు సంజయ్ ని, అంజలిని దేవతల్లా చూసే వారు. ఇప్పుడు పుట్టబోయే బిడ్డ మీద కూడా వారందరికీ ఎంతో అభిమానం ఏర్పడింది.
 
అందరూ కలిసి అంజలిని కాలు కింద పెట్టకుండా ఎంతో అపురూపంగా చూసుకునే వారు. అందరూ ఎదురుచూసిన ఆ ఘడియలు రానే వచ్చాయి. అన్ని గ్రహాలు అనుకూలంగా ఉన్న సమయంలో, అత్యంత శుభాన్ని చేకూర్చే శుభముహూర్తంలో, అక్కడి ఆడవారి అనుభవంతో పురుడు పోయగా. పండంటి మగపిల్లవాడు జన్మించాడు.
 
ఆ పిల్లాడిని మొదటి సారి తన చేతుల్లోకి తీసుకున్న సీత ఆనందం వర్ణనాతీతం. అచ్చు పసి బిడ్డగా ఉన్న అజయ్ నే మళ్ళీ ఎత్తుకున్న అనుభూతి కలిగింది సీతకి. ఆ పుట్టిన వాడు తన బిడ్డ అజయ్ నే అని గుర్తుగా. అజయ్ కి చేతి మీద ఉండే పుట్టు మచ్చే, ఈ పసి బిడ్డ చేతి మీద ఉంది.
 
"సిద్ధాంతి గారు చెప్పినట్టే నా అజయ్ మళ్ళీ పుట్టాడు" అంటూ ఆనంద భాష్పలతో ఆ తల్లి ఆ పసి బిడ్డను సంజయ్ చేతిలో పెట్టింది.
 
తండ్రిని అయ్యాను అన్న దాని కంటే, తన అన్నే మళ్ళీ పుట్టాడు అన్న సంతోషమే సంజయ్ ని ముంచేత్తేసింది. ఆ తల్లి కొడుకులు, ఆ పసిబిడ్డను చూసుకుని సంతోషంతో ఉప్పొంగిపోయారు. ఇన్ని రోజుల తరువాత సంజయ్ మొహంలో నిజమైన సంతోషాన్ని చూసి, అంజలి ఎంతగానో సంతోషించింది. ఆ పిల్లవాడి ఆలనా, పాలన లో సీత, దుర్గలకు ఇక లోకం తెలియట్లేదు.
 
సంజయ్, అంజలి లు ఆ ప్రజల అభివృద్ధి కోసం పాటు పడుతూనే, వారికి మళ్ళీ కొడుకుగా పుట్టిన అజయ్ ని చూసుకుంటూ, బతకడం అంటే నలుగురిని బ్రతికించడం అన్నట్టు వారి జీవనాన్ని ఆదర్శప్రాయంగా జీవిస్తున్నారు. ఆ పిల్లవాడికి అజయ్ మార్తాండ అని పేరు పెట్టుకుని, ఆ పిల్లాడే అజయ్ అనే నమ్మకంతో ఉన్నారు వారు. అలా అజయ్ మళ్ళీ పుట్టి, తొమ్మిది నెలలు గడిచాయి.
 
అజయ్ కి అన్నప్రాసన చేయడం కోసం సీత మొక్కుకున్నట్టు శ్రీశైలం గుడిలో ఏర్పాట్లు చేశారు సంజయ్, అంజలిలు. వారంతా అక్కడికి చేరుకునే సరికి, అక్కడ ఇంకో కుటుంబం కూడా అన్నప్రాసన కోసమే వచ్చారని , రెండు కుటుంబాలకి ఒకసారి ముహూర్తం కుదరడంతో కలిసి చేసుకోవలసిందిగా పూజారి గారు సంజయ్ ని కోరారు.
 
సంజయ్ ఒప్పుకోవడంతో, ఆ కుటుంబం వాళ్లు కూడా, వీరితో కలిసి అన్నప్రాసన ముహుర్తానికల్లా, వారి బిడ్డను తీసుకుని వచ్చారు.
 
 
వారికి పాప. పచ్చరంగు పట్టుపరికిణి కట్టుకున్న చందమామ లాగ ఉంది ఆ పసి పాప! పాల తెలుపులో, కలువల్లాంటి కళ్ళతో, ఆ కళ్ళకు కాటుకతో, ఆగులుతో పెట్టిన దిష్టి చుక్కతో, ఆ పసి పాప ఎంతో ముద్దుగా ఉంది. ఆ పాపని చూస్తూనే అంజలి, దగ్గరకు తీసుకుంది.పేరేంటి అని అడగబోయింది. ఇంతలో "ముహూర్తం ముంచుకోస్తోంది. పిల్లల్ని తీసుకు వచ్చి, తల్లిదండ్రులు పీటల మీద కూర్చోండమ్మా" అన్న బ్రహ్మ గారి పిలుపుతో, ఎవరి పిల్లల్ని వాళ్లు ఎత్తుకుని, పీటల మీద కూర్చుని, పూజ చేశారు.
 
పూజ అంత అయ్యాక, పసి పిల్లలిద్దర్ని కింద పడుకోబెట్టారు.
అన్నప్రాసన రోజు వారు పాకుతూ వెళ్లి, ఏది పట్టుకుంటారా అని ఇద్దరి తల్లిదండ్రులు, బంధువులు ఆత్రంగా చూస్తూ ఉంటే ఆ పిల్లలు ఇద్దరూ ఒకరికొకరు దగ్గరగా వచ్చి, బాగా పరిచయం ఉన్న వారిలా గట్టిగా ఒకరినొకరు పట్టుకుని, కిల కిలా బోసినవ్వులు నవ్వేస్తున్నారు. అది చూసి, బ్రహ్మ గారు. " ఆహా! బాగున్నారు ఇద్దరూ. వెళ్లి విడిపించండి. ఏమి పట్టుకుంటారో చూద్దాం!" అన్నారు.
 
" మార్తా .. మార్తా.." అంటూ అంజలి,
 
" మరియా.. మరియా.."అంటూ ఆ పిల్ల తల్లి, ఇద్దరినీ విడిపించడానికి ఆ పిల్లల్ని పట్టుకున్నారు.
 
అప్పుడు అంజలి, సంజయ్ లు మోహ మొహాలు చూసుకుని, "మీ అమ్మాయి పేరు మరియానా?" అని అడిగారు ఆ పిల్ల తల్లి తండ్రుల్ని.
 
అవును. అన్నట్టు తల ఊపారు ఆ పిల్ల తల్లి తండ్రులు.
సంజయ్ వాళ్లకి విషయం అర్ధం అయిపోయింది. ఇక వారిద్దరినీ విడదీయడం ఎవరి తరం కాదు అని.
 
"ఇదీ విషయం! మన అజయ్ మళ్ళీ పుట్టినట్టే, మరియా కూడా మళ్ళీ పుట్టింది. " అంటూ నవ్వింది సీత. మరణం లేని అమర ప్రేమ ఈ ప్రేమికులది. చావు పుట్టుకలు దేహానికి మాత్రమే కానీ ఆత్మకి కాదు. జన్మలుగా తన ప్రియుని కోసం ఎదురుచూసిన మరియాని తన ప్రేమే మళ్ళీ పుట్టించింది. మరణించి తన ప్రేమ కోసం మళ్ళీ పుట్టిన మార్తండ ప్రేమ గెలిచే తీరుతుంది. విధి ముందు ప్రేమ ఓడిపోయినట్టు కనిపిస్తూ ఉన్నా, మరణమే లేని ప్రేమను ఓడించేందుకు విధి చేసే ప్రయత్నం ఎప్పుడూ విఫలమే.
మరణమనేది లేని దానికి ఓటమా? అది అసాధ్యం!
ప్రేమతో విధిపై గెలుపు సుసాధ్యం.
 
ప్రేమ అమరం, అఖిలం, అజరామరం.
ఇక్కడితో కథ ( ఆరంభం )
 
సమాప్తం
*ఆఖరి భాగం చదివిన పాఠకమిత్రులు వారి అభిప్రాయాలను, రేటింగులు, లైకులు లేదా వ్యాఖ్యల ద్వార తెలియజేయమని మనవి

[k3vv3]

మొత్తానికి కథను సుఖాంతం చేసారు. నాకు బాగా నచ్చిన లైను " మరణమనేదే లేనిదానికి ఓటమా?". నిజమే కదా అందరూ ఎప్పటికైనా మరణం చేతిలోనే ఓడిపోతుంటారు, ఆత్మలకు మరణమనేది లేదుగా...బావుంది

ధన్యవాదములు ఉదయ్ గారు

[k3vv3]

Thank you Mustafanagar