[Babab96]

Continue.....

Nimrit kaa ghar bahut bada tha. Bahar ak sundar garden tha aur andar purane style kaa bada drawing room.

Nimrit ke pitaji ne tumhare pita kaa welcome kia.

Dinner se pahle sab log drawing room me baithkar baat karne lage..

Nimrit ke pitaji ne tumhare pita se unke pariwar ke bare me pucha.

Nimrit ke Pitaji_ Kunwar sahab, aapke pitaji kyaa karte hai?

Abhay_ Mere pitaji Baldev Singh Thakur family ki agricultural land aur kuch purane businesses sambhalte hai. wo jyadatar apne pushteni gaanv me rahte hai, meri maa, or dadaji, or anay family members ke sath...

Nimrit ke pitaji chaukte huye....

Nimrit ke pitaji_ Kyaa apke pita ne 2 saadi ko hai...

Abhay_ Ji, meri maa Manjot Kaur se unhone ak tarah se love marriage ki hai...

iske piche ki kahani badi interesting hai..fir kabhi bataunga..

Abhay se Manjot kaur sunte hi...

Nimrit ke Pitaji_ Manjot Kaur?

Abhay_ Haa. Meri maa Sikh family se hai.

Mere pitaji aur maa ki shaadi bhi iss sahar me huyi thi...

Aftab_ Isliye Kunwar sahab ko pyar ke mamle me family support milne ki puri ummid hai.

Abhay ne Aftab ko gusse se dekha.

Nimrit ke pitaji ne Aftab ki baat per dhyan diya, lekin uss samay kuch nhi kaha.

Nimrit ki maa ne baat badalte hue pucha—

Maa_Aapki maa ko aapke politics me jane se koi problem nhi hoti?

Abhay_ Bahut hoti hai.

Wo roj kahti hai ki construction kaa kaam karo aur politics chhod do.

Mosi_ Fir aap unki baat kyun nhi mante?

Abhay_ Kyunki jab log apni problem lekar ghar tak aa jate hai, tab unhe mana karna mushkil hota hai.

Nimrit chupchap tumhare pita ki bate sun rhi thi.

Dinner ke baad Nimrit ke pitaji aur Aftab business ki baat karne lage.

Nimrit ki maa kitchen me chali gyi.

Tumhare pita garden me aakar khade ho gye.

Kuch der baad Nimrit bhi garden me aa gyi.

Nimrit_ Aap akela kyun khade hai?

Abhay_ Aftab aur aapke pitaji business ki baat kar rhe hai. Unke bich jaunga to mujhe achcha nhi lagega..

Nimrit_ Rajput Construction aapki firm hai, fir bhi?

Abhay_ Firm hum dono ki hai, lekin accounts Aftab sambhalta hai. Paiso ke mamle me meri bhi nhi sunta.

Nimrit_ Achcha karta hai. Kisi ko to aapko control karna chahiye.

Abhay_ Aap bhi kar sakti hai.

Nimrit ne Abhay ki taraf dekha.

Nimrit_ Abhay ji, ak baat puchu?

Abhay_ Puchiye.

Nimrit_ Aapne mujhe pahli baar dekhte hi pasand kese kar liya?

Abhay kuch pal chup rha..

Abhay_ Iska sahi jawab mere paas bhi nhi hai.

Nimrit_ Fir bhi koi wajah to hogi.

Abhay_ Pahli baar jab maine aapko dekha tha, aap coaching ke bahar ak chhoti ladki ko uski books uthane me help kar rhi thi.

Fir aapne uske rikshaw wale ko danta tha, kyunki wo usse jyada paise mang rha tha.

Nimrit_ Aap uss wakt se mujhe dekh rhe the?

Abhay_ Haa.

Nimrit_ Ye to picha karne wali baat huyi.

Abhay_ Sirf char din tak.

Nimrit_ Char din kam hote hai?

Abhay_ Mujhe apni feelings batane me char din lage. Uske baad aapne mujhe dant diya aur maine rasta badal liya.
Nimrit ke chehre per halki si muskan aa gyi..

Nimrit_ Aapko pata hai naa ki me IAS banna chahti hu?
Abhay_ Haa.

Nimrit_ Mera pura focus abhi exam per hai.

Meri maa chahti thi ki me District Collector banu. Wo khud Collector banna chahti thi, lekin unka sapna pura nhi ho saka.
Unki death ke baad maine decide kia tha ki me unka sapna pura karungi.

Me kisi bhi relationship ki wajah se apni preparation compromise nhi kar sakti.

Tumhare pita ne bina ak pal soche jawab diya—

Abhay_ Aapko karni bhi nhi chahiye.

Nimrit_ Matlab?

Abhay_ Agar mera pyar aapko aapke sapne se dur karta hai, to fir mera pyar aapke liye sahi nhi hai.
Nimrit kuch pal use dekhti rhi.

Abhay_ Aap IAS ki preparation kijiye.

Exam clear kijiye.

Collector baniye.

Me naa aapko padhai se disturb karunga aur naa hi aapse roj milne ki jid karunga.

Nimrit_ Aur aapki feelings?

Abhay_ Wo meri responsibility hai. Aapki nhi.

Nimrit_ Aap kab tak intejar karenge?

Abhay_ Jab tak aap mujhe saaf mana nhi kar deti.

Nimrit_ Me to pahle hi mana kar chuki hu.

Abhay_ Wo jawab aapne mujhe jane bina diya tha.
Ab aap mujhe jaan rhi hai.

Isliye ab wale jawab kaa intejar karunga.

Nimrit_ Aur agar maine fir se mana kar diya?

Abhay_ To iss baar bina koi ummid rakhe chala jaunga.

Nimrit_ Itna easy hoga?

Abhay_ Bilkul nhi..

Lekin pyar me samne wale kaa faisla accept karna padta hai.

Nimrit ke man me tumhare pita ke liye respect aur badh gyi..

Nimrit_ Mere Mains exam me ab jyada samay nhi bacha hai.

Abhay_ Tab tak hum nhi milenge.

Nimrit ne hairani se pucha..

Nimrit_ Bilkul nhi?

Abhay_ Aapne kaha ki aapka focus exam per hona chahiye.

Nimrit_ Haa, lekin iska matlab ye nhi ki—

Nimrit apni baat bich me hi rok gyi.

Abhay ke chehre per halki si muskan aa gyi.

Abhay_ Kyaa matlab nhi?

Nimrit_ Kuch nhi.

Abhay_ Aap chahe to kabhi-kabhi office aa sakti hai.

Nimrit_ Me kyun aau?

Abhay_ Mujhe laga aap mujhe janna chahti hai.

Nimrit_ Iska matlab ye nhi ki me khud aapke office aati rahungi.

Abhay_ Fir me aapki coaching ke paas aa jau?

Nimrit_ Bilkul nhi. Waha sab mujhe jante hai.

Abhay_ Fir milenge kese?

Nimrit kuch pal sochti rhi.

Nimrit_ Har Sunday sham ko me Central Library jati hu. Waha politics aur administration ke purane journals padhne.

Abhay_ Achcha..

Nimrit_ Aap bhi kabhi padhne aa sakte hai.

Abhay_ Konsi kitab padni hogi?

Nimrit_ Koi bhi.

Abhay_ Me kitab padhunga aur aapko dekhunga nhi?

Nimrit_ Agar aap mujhe dekhte rhe to me seat badal lungi.

Abhay_ Fir me bhi seat badal lunga.

Nimrit_ Abhay ji….

Abhay_ Theek hai. Me sirf kitab padhunga.

Nimrit_ Aur mujhse baat bhi kar sakte hai.

Abhay_ Kitni der?

Nimrit_ Ye time table bhi banana padega?

Abhay_ IAS ki preparation karne wale log har chij kaa time table banate hai.

Nimrit muskurate hue boli—

Nimrit_ Maximum aadha ghanta.

Abhay_ Manjur hai..

Dono ki baat chal hi rhi thi ki Nimrit ke pitaji garden ke darwaje per aa gye.

Unhone dono ko ak sath khade dekha.

Nimrit turant thoda piche hat gyi.

Nimrit ke Pitaji_ Kunwar sahab, Aftab sahab aapko bula rhe hai..

Abhay_ Ji..

Tumhare pita waha se chale gye.

Nimrit ke pitaji kuch pal apni beti ko dekhte rhe.

Nimrit_ Kyaa hua papa?

Nimrit ke Pitaji_ Tum Kunwar Abhay ko pahle se janti ho?

Nimrit ne pahle baat chhupane kaa socha.

Lekin fir usne sach bol diya..

Nimrit_ Haa. Wo mujhse pahle bhi mil chuke hai.

Nimrit ke Pitaji_ Kaha?

Nimrit_ Coaching ke paas.

Nimrit ke Pitaji_ Kis silsile me?

Nimrit kuch pal chup rhi.

Nimrit_ Unhone kaha tha ki wo mujhe pasand karte hai.

Nimrit ke pitaji kaa chehra gambhir ho gya.

Nimrit ke Pitaji_ Aur tumne kyaa kaha?

Nimrit_ Maine unhe mana kar diya tha.

Nimrit ke Pitaji_ Fir aaj tum dono garden me kyaa baat kar rhe the?

Nimrit_ Me unhe samajhne ki koshish kar rhi hu.

Nimrit ke Pitaji_ Nimrit, wo tumse age me chhota hai.

Nimrit_ Mujhse paanch saal chhota hai. Mujhe pata hai.

Nimrit ke Pitaji_ Wo politics me hai. Politics me har din naye dushman bante hai.

Uska construction kaa business bhi hai.

Uski life simple nhi hogi.

Nimrit_ Meri life bhi simple nhi hone wali, papa. Me IAS banna chahti hu.

Nimrit ke Pitaji_ Me tumhe rok nhi rha. Bus tumhe jaldbaji me decision lene se mana kar rha hu.

Nimrit_ Maine koi decision nhi liya hai.

Nimrit ke Pitaji_ Aur agar kal lena pada to?

Nimrit ne garden se bahar jate hue Abhay ko dekha.

Fir apne pita ki taraf dekhkar boli—

Nimrit_ Tab me unki age nhi, unka character dekhkar decision lungi.

Nimrit ke pitaji ne kuch nhi kaha.

Lekin unhe samajh aa gya tha ki unki beti ke dil me Kunwar Abhay Pratap Singh Thakur ke liye jagah banne lagi hai.

Me_ Kyaa Nana ji papa ke khilaf the?

Dadaji_ Shuru me nhi..

Wo tumhare pita ki kabiliyat se bahut impress the.
Lekin pita hone ke nate unhe Nimrit ki chinta thi.
Age difference unke liye ak issue tha.
Tumhare pita kaa politics me hona dusra issue tha.
Aur sabse bada issue ye tha ki Nimrit kaa pura focus IAS per hona chahiye tha.

Me_ Fir papa aur maa Sunday ko library me mile?

Dadaji_ Haa.

Lekin unki pahli Sunday wali mulakat se pahle hi tumhare pita ke khilaf ak naya mamla khada ho gya.

Me_ Kyaa hua?

Dadaji_ Rajput Construction ki ak colony ke khilaf Nagar Palika me complaint file ki gyi.

Complaint me kaha gya ki colony ki kuch jamin government ki hai aur tumhare pita ne illegal tarike se usper kabja kia hai.

Me_ Kyaa ye sach tha?

Dadaji_ Bilkul nhi.

Land ke sare papers legal the.
Lekin complaint ke sath kuch nakli documents bhi lagaye gye the.

Nagar Palika ne Rajput Construction kaa kaam rokne kaa notice bhej diya.

Me_ Complaint kisne ki thi?

Dadaji_ Samne ak chhote se local aadmi kaa naam tha.
Lekin uske piche kon tha, ye tumhare pita aur Aftab dono samajh rhe the.

Me_ Salman Pathan?

Dadaji_ Shak usi per tha.

........

[Babab96]

Continue.....

Lekin tumhare pita bina proof ke kisi per aarop nhi lagate the.

Aftab_ Maine kaha tha naa, ye aadmi bus competition nhi hai.

Abhay_ Complaint legal tarike se aayi hai. Jawab bhi legal tarike se jayega.

Aftab_ Wo nakli papers lagakar hamara kaam rok rha hai aur tum legal tarike se jawab doge?

Abhay_ Agar hum bhi uske jese ban gye, to hum dono me fark kyaa rahega?

Aftab_ Fark ye rahega ki wo jeet jayega aur hum rules padhte rahenge..

Abhay_ Nhi. Fark ye rahega ki jab wo harega, to use samajh bhi nhi aayega ki apne hi jaal me kese fas gya.

Me_ Papa ne fir kyaa kia?

Dadaji_ Tumhare pita ne revenue records ki certified copies nikalwayi.

Unhone purane land maps, registry papers aur government survey report collect ki.

Fir unhone pata lagaya ki complaint ke sath jo document lagaya gya tha, usper ak retired officer ke nakli signature the.
Tumhare pita ne bus notice kaa jawab nhi diya.
Unhone forgery aur fake government documents use karne ki security officer complaint bhi kar di.
Jis aadmi ke naam se complaint file huyi thi, wo security officer kaa naam sunte hi dar gya.
Usne maan liya ki use kuch paise dekar complaint karwayi gyi thi.
Lekin paise dene wale aadmi tak pahuchne se pahle hi wo apna statement badal gya.

Me_ Kisi ne use dhamkaya tha?

Dadaji_ Shayad.

Tumhare pita ko proof nhi mila.

Lekin unhe samajh aa gya ki unke aas-paas dushmani kaa pehla ghera banne laga hai.

Uss Sunday jab tumhare pita Central Library pahuche, Nimrit pahle se waha baithi thi.

Uske samne books khuli thi, lekin wo darwaje ki taraf baar-baar dekh rhi thi.

Tumhare pita uske samne wali chair per baith gye.

Nimrit_ Aap late hai.

Abhay_ Sirf saat minute.

Nimrit_ Time, time hota hai.

Abhay_ Colony ki ak legal problem solve karni thi.

Nimrit_ Kesi problem?

Abhay_ Kisi ne fake documents laga kar hamari land ko government land batane ki koshish ki.

Nimrit_ Kon?

Abhay_ Pata nhi.

Nimrit_ Ya aap batana nhi chahte?

Abhay_ Bina proof ke kisi kaa naam lena sahi nhi hai.

Nimrit ne apni kitab band kar di.

Nimrit_ Aapko dar nhi lagta?

Abhay_ Kis baat kaa?

Nimrit_ Politics, business aur itne sare powerful logo se takkar lene me.

Abhay_ Dar lagta hai.

Nimrit_ Lekin aap dikhate nhi..

Abhay_ Dar dikhane se problem solve nhi hoti.

Nimrit_ Aur agar kisi din ye problems aapke pariwar tak pahuch gyi to?

Tumhare pita kuch pal chup ho gye.
Fir bole—

Abhay_ Tab shayad mujhe apne decisions kaa hisab dena padega.

Nimrit_ Kisko?

Abhay_ Apne pariwar ko… aur shayad us insaan ko bhi, jo meri life kaa hissa banega.

Nimrit ne dheere se tumhare pita ki taraf dekha.

Abhay_ Isliye aapko mujhe jante samay sirf meri achchi bate nhi dekhni chahiye.

Meri life ke risks bhi dekhne chahiye.

Nimrit_ Aap mujhe khud se dur kar rhe hai?

Abhay_ Nhi.

Me bus chahta hu ki kal aap ye naa kahe ki maine aapse sach chhupaya tha.

Nimrit_ Aur agar sab janne ke baad bhi me dur naa jana chahu to?

Abhay ne uski aankho me dekha.

Abhay_ Fir shayad mujhe duniya kaa sabse lucky aadmi maan lena chahiye.

Nimrit ne kitab dobara khol li, lekin uske chehre per muskan thi.

Me_ To maa ne papa ko haa kah diya tha?

Dadaji_ Abhi nhi, bete.

Lekin uss din Nimrit ne pahli baar apne man me ye maan liya tha ki wo tumhare pita se dur nhi jana chahti.

Aur tumhare pita ko pahli baar ummid huyi thi ki unka pyar ak tarfa nhi rahega.

Lekin un dono ko ye nhi pata tha ki Salman Pathan bus ak shuruaat tha.

Aage tumhare pita ki politics aur Nimrit ki administrative journey me aise kai log aane wale the, jinke chehre, naam aur backgrounds alag the…

Kisi kaa motive paisa tha.
Kisi kaa political power.
Kisi kaa ego.
Aur kisi kaa ak aisa purana raaj tha, jiska connection tumhare pariwar se bahut pahle se tha.

Me_ Kyaa unhi logo ne baad me wo accident karwaya tha?

Dadaji ne meri taraf dekha, lekin iss baar unhone turant jawab nhi diya.

Dadaji_ Yahi sach to tumhe pata lagana hai, Jay.

Lekin uss accident tak pahuchne se pahle tumhe ye samajhna hoga ki tumhare mata-pita ne kin logo ko haraya tha… aur kin logo per bharosa kia tha.
Kyuki bete…

Dushman hamesha samne khada hua aadmi nhi hota.
Kai baar sabse khatarnak dushman wahi hota hai, jo pariwar ki tasveer me sabke sabse kareeb khada hota hai...

.....

[Babab96]

Continue...

Me_ Pariwar ki tasveer me sabse kareeb khada hua aadmi? Kon tha wo, Dadu?

Dadaji_ Fir jaldbaji kar rhe ho, Jay.
Maine kaha naa… ak-ak naam aur ak-ak ghatna kaa matlab tumhe step by step samajh aayega.

Me_ Lakin aapne hi kaha ki koi bahut kareebi aadmi bhi dushman ho sakta tha.

Dadaji_ Ho sakta tha… maine ye nhi kaha ki wahi dushman tha.

Tumhare mata-pita ki maut ke baad bahut sare logo per shak hua tha. Kuchh log tumhare pita ke political rivals the, kuchh business rivals aur kuchh tumhari maa ke Collector banne ke baad uske khilaf ho gye the.

Lekin uss samay… jab tumhare pita aur Nimrit ki love story shuru ho rhi thi, tab unhe khud bhi nhi pata tha ki unki life me kitne dost aur kitne dushman banne wale hai.

Me_ To library wali mulakat ke baad kyaa hua?

Dadaji_ Uske baad tumhare pita aur Nimrit har Sunday Central Library me milne lage.

Lakin wo mulakate aam premi jodo jesi nhi hoti thi.
Nimrit apni IAS ki kitabe, notes aur current affairs ke journals lekar aati thi. Tumhare pita apne sath government policies, district development plans aur budget se judi reports lekar aate the.

Me_ Papa bhi IAS ki preparation karte the?

Dadaji_ Nhi bete.

Tumhare pita kaa lakshya politics tha. Lakin unhe government system samajhne kaa bahut shauk tha.

Wo kahte the—

Abhay_ Agar ak neta ko ye hi nhi pata ki government kaa system kaam kese karta hai, to wo logo ki problem solve kese karega?

Nimrit theoretical questions padti thi aur tumhare pita unhe ground level ke examples se samjhate the.

Ak din Nimrit ne pucha—

Nimrit_ Maan lijiye ak village me college ki building hai, teachers bhi appointed hai, fir bhi bachche college nhi aate. Administrator ko kyaa karna chahiye?

Abhay_ Pahle ye samajhna chahiye ki bachche college kyun nhi aa rhe.

Nimrit_ Garibi ki wajah se.

Abhay_ Ho sakta hai. Lakin sirf yahi wajah ho, jaruri nhi.
Ho sakta hai college village se bahut dur ho. Ho sakta hai teachers regularly naa aate ho. Ho sakta hai ladkiyo ke liye alag washroom naa ho. Ho sakta hai parents ko lagta ho ki college bhejne se achcha bachcho se kaam karwaya jaye.
Administrator kaa kaam office me baithkar order nikalna nhi hai. Use village me jakar asli problem samajhni hogi.

Nimrit_ Aap politician banenge ya Collector?

Abhay_ Collector ko ak district milta hai. Me politics me aakar pure state ke liye kaam karna chahta hu.

Nimrit_ Bate to aap Chief Minister banne jesi karte hai.

Abhay_ Sapne chhote kyun dekhe jaye?

Nimrit_ Abhi to aap MLA kaa election bhi nhi lad sakte.

Abhay_ Isliye Dharmchand ko ladwaya hai.

Nimrit_ Matlab jab tak aap 25 saal ke honge, tab tak practice Dharmchand karega?

Abhay_ Nhi. Practice hum dono kar rhe hai. Galti karega wo aur seekhunga me.

Nimrit hansne lagi.

Library me baithe dusre logo ne dono ki taraf dekha to Nimrit ne turant apni aawaj dheemi kar li.

Nimrit_ Library me dheere baat karte hai.

Abhay_ Hansi aap aur dant mujhe rhi hai.

Nimrit_ Kyunki aap mujhe hasate hai.

Abhay_ Ye bhi meri galti hai?

Nimrit_ Haa.

Abhay_ Fir ye galti me baar-baar karunga.

Nimrit ne use gusse se dekhne ki acting ki, lakin uske chehre ki muskan chhup nhi saki.

Dheere-dheere Nimrit tumhare pita ke samne comfortable hone lagi.

Pahle wo sirf IAS aur politics ki baat karti thi. Fir wo apne bachpan, apni maa aur apne sapno ke bare me bhi batane lagi.

Ak Sunday usne tumhare pita ko apni maa ki ak purani photo dikhayi.

Nimrit_ Ye meri maa hai.

Abhay ne photo ko bahut dhyan se dekha.

Abhay_ Aap bilkul inke jesi dikhti hai.

Nimrit_ Sab yahi kahte hai.

Maa mujhe District Collector banana chahti thi. Wo khud banna chahti thi, lakin unki shaadi jaldi ho gyi. Fir pariwar aur business ki responsibilities me unka sapna piche chhut gya.

Abhay_ Isliye aap unka sapna pura karna chahti hai?

Nimrit_ Haa.

Jab wo accident hua tha, tab me sirf 6 saal ki thi. Maa aur Dadi bus se ghumne gyi thi. Wapas aate wakt bus accident me dono ki death ho gyi.

Mujhe bahut samay tak lagta tha ki maa ak din wapas aa jayegi.

Abhay ne Nimrit ki aankho me dard dekha, lakin usne use bechari samajhkar tasalli dene ki koshish nhi ki.

Usne bus dheere se kaha—

Abhay_ Aapki maa wapas nhi aa sakti… lakin unka sapna aapke jariye jarur pura ho sakta hai.

Nimrit_ Agar me exam clear nhi kar payi to?

Abhay_ To dobara exam dengi.

Nimrit_ Aur dobara bhi nhi hua to?

Abhay_ Fir teesri baar.

Nimrit_ Aapko har problem kaa solution itna simple kyun lagta hai?

Abhay_ Solution simple hota hai. Usper chalna difficult hota hai.

Nimrit_ Aur agar me haar gyi to?

Abhay_ Aap thak sakti hai, fail ho sakti hai… lakin haar tab hogi jab aap try karna chhod dengi.

Nimrit kuchh pal chup rhi.

Fir usne apni maa ki photo kitab ke andar rakh di.

Nimrit_ Aapko pata hai, jab aap aisi bate karte hai to aap 21 saal ke nhi lagte.

Abhay_ Or jab aap mujhe danti hai to aap mujhse 5 saal nhi, 15 saal badi lagti hai.

Nimrit_ Me aapse badi hu, ye baat baar-baar yaad dilana jaruri hai?

Abhay_ Mujhe koi problem nhi hai.

Nimrit_ Ho sakta hai aapke pariwar ko ho.

Abhay_ Meri maa ko pata chalega ki mujhe koi ladki pasand hai, to wo pahle uss ladki ko dekhegi. Age baad me puchegi.

Nimrit_ Aapne apni maa ko mere bare me bataya hai?

Abhay kuchh pal chup rha.

Nimrit_ Bataya hai?

Abhay_ Thoda sa.

Nimrit_ Thoda sa matlab?

Abhay_ Bus itna ki ak ladki hai, jo mujhe pasand hai.

Nimrit_ Aur?

Abhay_ Wo IAS ki taiyari kar rhi hai.

Nimrit_ Aur?

Abhay_ Wo mujhse 5-6 saal badi hai.

Nimrit_ Aapko ye last wali baat batane ki kyaa jarurat thi?

Abhay_ Kyunki baad me pata chalta to maa kahti ki maine important information chhupayi.

Nimrit_ Unhone kyaa kaha?

Abhay_ Unhone kaha—“Pahle ladki se puchh lena ki wo tujhe pasand bhi karti hai ya tu akela hi kahani bana rha hai.”
Nimrit apni hansi rok nhi payi.

Me_ Dadi Manjot ne sach me aisa kaha tha?

Dadaji_ Tumhari Dadi Manjot kaa swabhav hi aisa tha.
Wo bahut sidhi baat karti thi. Dil ki bahut achchi thi, lakin tumhare pita ko chhedne kaa koi moka nhi chhodti thi.

Me_ Papa ne Dadi ko ye nhi bataya ki maa ne pahle unhe lafanga samjha tha?

Dadaji_ Bataya tha.

Me_ Fir Dadi ne kyaa kaha?

Dadaji_ Manjot bahut hansi thi.

Usne kaha tha—

Manjot_ Ladki samajhdar hai. Tujhe pahli najar me pahchan gyi.

Abhay_ Maa, me aapka beta hu.

Manjot_ Isliye to itni achchi tarah janti hu.

Tumhare pita ne gusse me khana chhodkar jane ki acting ki, lakin tumhari Dadi ne unka hath pakadkar wapas bitha liya.

Manjot_ Achcha bata, ladki kesi hai?

Abhay_ Bahut achchi hai.

Manjot_ Ye to har pyar me pagal ladka kahta hai. Kuchh alag bata.

Abhay_ Intelligent hai. Mehnati hai. Apni maa kaa sapna pura karna chahti hai.

Manjot_ Aur tujhe pasand karti hai?

Abhay_ Abhi nhi pata.

Manjot_ To pahle ye pata kar. Uske baad apne pita se baat karna.

Me_ Aapko papa ne nhi bataya tha?

Dadaji_ Tumhare pita mujhse koi bhi badi baat jyada din tak chhupa nhi pate the.

Lakin wo chahte the ki Nimrit kaa jawab saaf hone ke baad hi mujhse baat kare.

Udhar Nimrit ki Mains exam ki date paas aa rhi thi.

Exam se lagbhag 20 din pahle tumhare pita ne Central Library me usse kaha—

Abhay_ Aaj ke baad hum aapke exam tak nhi milenge.

Nimrit_ Kyaa?

Abhay_ Agle 20 din aap sirf padhai karengi.

Nimrit_ Ye decision aapne akele kese le liya?

Abhay_ Kyunki jab bhi hum milte hai, aadha ghanta baat karne kaa plan hota hai aur do ghante ho jate hai.

Nimrit_ To hum kam baat karenge.

Abhay_ Nhi kar payenge.

Nimrit_ Aapko kese pata?

Abhay_ Pichle 6 Sundays se try kar rhe hai.
Nimrit chup ho gyi.

Use tumhare pita ki baat sahi lag rhi thi, lakin wo 20 din tak unse naa milne ki baat se khush nhi thi.

Nimrit_ Phone per bhi baat nhi hogi?

Abhay_ Sirf tab, jab bahut jaruri ho.

Nimrit_ Mere liye jaruri kaa matlab alag ho sakta hai.
Abhay_ Exam se related problem jaruri hai.

Nimrit_ Aur agar mujhe bus aapse baat karni ho?
Abhay tumhari maa ki taraf dekhte rhe.

Fir unhone dheere se kaha—

Abhay_ Tab me phone rakhne ko nhi kah paunga. Isliye aap phone hi mat kijiyega.

Nimrit ne kitab band kar di.

Nimrit_ Aap bahut ajeeb hai.

Abhay_ Aapko Collector banana hai.

Nimrit_ Mujhe banana hai, aapko nhi.

Abhay_ Lakin aapka sapna ab mere liye bhi important hai.
Nimrit tumhare pita kaa chehra dekhti rhi.

Abhay_ Exam achche se dijiye. Uske baad jitni der baat karni ho, kar lena.

Nimrit_ Promise?

Abhay_ Promise.

........

[Babab96]

Continue.....

Agale 20 din tumhare pita Nimrit se milne nhi gye.
Wo coaching wali road se bhi nhi gujre.

Lakin unhone Aftab ke jariye Delhi aur State Capital se kuchh important government reports aur journals mangwaye, jo Nimrit ki preparation me kaam aa sakte the.

Unhone wo books khud dene ke bajay Central Library ke librarian ke paas Nimrit ke naam se rakhwa di.

Nimrit ne jab books dekhi to turant samajh gyi ki wo kisne bheji hai.

Books ke andar koi love letter nhi tha.

Bus ak chhota sa paper tha—

“Collector sahiba, ab bahana nhi chalega. Exam clear karna hi padega.”

Niche naam bhi nhi likha tha.

Nimrit ne wo paper apni diary me sambhal kar rakh liya.

Me_ Kyaa wo paper maa ke paas baad tak tha?

Dadaji_ Haa.

Tumhari maa ki death ke baad uski personal diary mujhe mili thi.

Wo chhota sa paper usme tab bhi rakha hua tha.

Me_ Wo diary ab kaha hai?

Dadaji kuchh pal chup ho gye.

Dadaji_ Safe jagah per hai.

Me_ Mujhe kab milegi?

Dadaji_ Jab tum usme likhi bate samajhne layak ho jaoge.

Me_ Me ab bada ho gya hu, Dadu.

Dadaji_ Umar se bade ho gye ho. Lakin kuchh sach insaan ko ak pal me uski umar se kai saal bada kar dete hai.

Abhi kahani suno.

Nimrit ne apni Mains examination di.

Exam ke din uske pita aur mosi uske sath jana chahte the, lakin Nimrit ne mana kar diya.

Wo apni car se examination centre pahuchi.
Tumhare pita waha nhi aaye.

Me_ Papa ko aana chahiye tha.

Dadaji_ Tumhari maa ne bhi yahi socha tha.
Wo examination centre ke bahar ak baar idhar-udhar dekhi thi.

Lakin tumhare pita ne promise kia tha ki wo use disturb nhi karenge.

Exam khatam hone ke baad jab Nimrit bahar aayi, to uski car ke paas ak chhota sa flower bouquet rakha tha.

Uske sath ak note tha—

“Paper kesa hua, ye baad me batana. Pahle ghar jakar rest karna.”

Nimrit samajh gyi ki tumhare pita aas-paas hi kahi the.
Usne charo taraf dekha.

Sadak ke dusri taraf Aftab ki car khadi thi. Usme tumhare pita baithe the.

Dono ki najre mili.

Abhay ne dur se bus apna hath uthakar use congratulations kaa ishara kia.

Wo car se niche nhi utre.

Nimrit ne bhi dur se halki muskan ke sath jawab diya.
Me_ Papa milne kyun nhi aaye?

Dadaji_ Kyunki examination centre ke bahar bahut sare students aur Nimrit ki coaching ke log the.

Tumhare pita nhi chahte the ki koi Nimrit ke bare me bate banaye.

Uske liye Nimrit ki reputation uski apni khushi se jyada important thi.

Exam ke agle din Nimrit khud Rajput Construction ke office pahuch gyi.

Aftab ne use aate dekha to muskurakar kaha—

Aftab_ Kunwar sahab ne kaha tha exam ke baad aap jitni der chahe baat kar sakti hai. Me meeting room free karwa deta hu.

Nimrit_ Aap har baat sunte hai?

Aftab_ Partnership me secrets allowed nhi hote.

Nimrit_ Ye business partnership hai.

Aftab_ Hum college se dost hai. Business to baad me aaya.
Tumhare pita apne cabin se bahar aaye.

Abhay_ Exam kesa hua?

Nimrit_ Achcha hua.

Abhay_ Bus achcha?

Nimrit_ Bahut achcha hua.

Abhay_ Fir to mithai banti hai.

Nimrit_ Result aane ke baad.

Abhay_ Me advance me celebrate karta hu.

Nimrit_ Itna confidence?

Abhay_ Aap per hai.

Nimrit ne bag se wahi chhota sa paper nikala, jo books ke andar mila tha.

Nimrit_ Ye aapne bheja tha?

Abhay_ Isper mera naam kaha likha hai?

Nimrit_ Ye “Collector sahiba” bolne ki aadat or kisi ki nhi hai.

Abhay_ Ho sakta hai librarian sahab kaa confidence ho.

Nimrit_ Or flower bouquet bhi librarian ne bheja tha?

Abhay_ Ho sakta hai.

Nimrit_ Or examination centre ke samne car me bhi librarian baithe the?

Abhay chup ho gye.

Nimrit_ Aap mujhse milne aaye the, fir mile kyun nhi?

Abhay_ Me bus dekhna chahta tha ki exam ke baad aap theek hai.

Nimrit_ Aapko lagta tha me exam hall se ghayal hokar niklungi?

Abhay_ IAS Mains bhi kisi battle se kam nhi hota.
Nimrit_ Aap mil lete to kyaa ho jata?

Abhay_ Waha aapke coaching ke students the. Koi hamare bare me galat baat karta to mujhe achcha nhi lagta.

Nimrit_ Aapko apni image ki chinta thi?

Abhay_ Mujhe aapki image ki chinta thi.

Nimrit kuchh pal chup rhi.

Usne tumhare pita ko pahli baar itni gehri najar se dekha.

Nimrit_ Abhay ji, ak baat puchu?

Abhay_ Haa.

Nimrit_ Aap mujhe itna respect kyun karte hai?

Abhay_ Kyunki pyar bina respect ke adhura hota hai.

Nimrit_ Aur agar me IAS clear karke aapse bahut dur kisi dusre state me chali gyi to?

Abhay_ To me train pakadkar milne aa jaunga.

Nimrit_ Har baar?

Abhay_ Jitni baar aap bulayengi.

Nimrit_ Aur agar me busy rhi?

Abhay_ Intejar karunga.

Nimrit_ Kab tak?

Abhay_ Ye sawal aap baar-baar kyun puchti hai?

Nimrit_ Kyunki me dekhna chahti hu ki har baar aapka jawab badalta hai ya nhi.

Abhay_ Jawab nhi badlega.

Nimrit_ Or agar mera jawab badal jaye to?

Abhay ne Nimrit ki taraf dekha.

Abhay_ Kis taraf?

Nimrit ne turant najar niche kar li.

Nimrit_ Pata nhi.

Abhay_ Mujhe pata hai.

Nimrit_ Aapko har baat kaa pata kese hota hai?

Abhay_ Aapki aankhe aapki bato se jyada sach bolti hai.

Nimrit_ Aap bahut confident ho rhe hai.

Abhay_ Galat hu to bata dijiye.

Nimrit ne jawab nhi diya.

Kuchh pal cabin me bilkul shanti rhi.

Fir Nimrit ne dheere se kaha—

Nimrit_ Me ab aapko lafanga nhi samajhti.

Abhay_ Itni progress bhi mere liye badi baat hai.

Nimrit_ Me aapko ak achcha insaan samajhti hu.

Abhay_ Or?

Nimrit_ Intelligent bhi.

Abhay_ Or?

Nimrit_ Responsible bhi.

Abhay_ Or?

Nimrit_ Jyada lalach mat kijiye.

Abhay_ Me uss jawab kaa intejar kar rha hu, jiske liye itne din se ruka hu.

Nimrit_ Abhi mera interview baki hai.

Abhay_ Iska matlab interview ke baad jawab milega?

Nimrit_ Ho sakta hai.

Abhay_ Ye bhi progress hai.

Nimrit jane ke liye khadi ho gyi.

Door tak pahuchkar wo ruki aur piche mudkar boli—

Nimrit_ Abhay ji…

Abhay_ Ji?

Nimrit_ Jab tak mera final result nhi aa jata, tab tak kisi aur ladki ko pasand mat kar lijiyega.

Abhay kuchh pal use dekhta rha.

Fir uske chehre per aisi muskan aayi, jise wo chhupa nhi saka.

Abhay_ Ab kisi aur ko pasand karne ki possibility hi nhi hai.

Nimrit_ Itna confidence achcha nhi hota.

Abhay_ Aapne abhi-abhi mujhe intejar karne kaa adhikar diya hai.

Nimrit_ Maine bus mana kia hai ki kisi aur ko pasand mat karna.

Abhay_ Mere liye dono bate ak hi hai.

Nimrit bina jawab diye office se bahar chali gyi.

Aftab bahar reception ke paas khada tha.
Usne Nimrit ke chehre ki muskan dekhi, fir cabin ke andar baithe Abhay ko dekha.

Aftab_ Result exam kaa baad me aayega… lakin Kunwar sahab kaa result lagta hai aaj hi aa gya.

Abhay_ Aftab, tumhare paas koi kaam nhi hai?

Aftab_ Bahut kaam hai. Lakin dost ki love story company ke kisi bhi project se jyada interesting hai.

Me_ Fir Nimrit ne papa ko haa kab kaha?

Dadaji_ Mains kaa result aane ke baad.

Nimrit ne Mains clear kar liya tha.

Jis din result aaya, usne sabse pahle apne pita aur mosi ko bataya.

Uske baad usne Rajput Construction ke office phone kia.
Phone Aftab ne uthaya.

Aftab_ Rajput Construction.

Nimrit_ Abhay ji hai?

Aftab_ Kon bol rha hai?

Nimrit_ Aap meri aawaj jante hai.

Aftab_ Me confirm kar rha hu. Kunwar sahab ne kaha hai ki important call ho to hi meeting se bahar bulana.

Nimrit_ Unse kahiye future Collector kaa call hai.
Aftab turant hans pada.

Kuchh der baad tumhare pita phone per aaye.

Abhay_ Result aa gya?

Nimrit_ Haa.

Abhay_ Clear hua?

Nimrit_ Aapko kyaa lagta hai?

Abhay_ Clear hua hai.

Nimrit_ Itna confidence?

Abhay_ Aapki aawaj bata rhi hai.

Nimrit_ Mains clear ho gya.

Abhay kuchh pal chup rhe.

Fir cabin se bahar unki tej aawaj sunayi di—

Abhay_ Aftab, mithai mangwa!

Nimrit phone per hansne lagi.

Nimrit_ Interview abhi baki hai.

Abhay_ Wo bhi clear hoga.

Nimrit_ Aaj sham Central Library aa sakte hai?

Abhay_ Library band hone ke baad bhi aa jaunga.

Sham ko dono Library ke piche wale garden me mile.
Nimrit ke hath me uski maa ki wahi purani photo thi.

Nimrit_ Mains clear hone ke baad mujhe sabse pahle maa ki yaad aayi.

Abhay_ Wo jaha bhi hongi, aaj bahut khush hongi.

Nimrit_ Abhi final result baki hai.

Abhay_ Lakin aap unke sapne ke bahut kareeb pahuch gyi hai.
Nimrit ne photo apne bag me rakh di.

Fir wo kuchh pal tumhare pita ko dekhti rhi.

Nimrit_ Aapko yaad hai, aap mere jawab kaa intejar kar rhe the

Abhay_ Ak-ak din yaad hai.

Nimrit_ Maine socha tha interview ke baad jawab dungi.

Abhay_ Me intejar kar sakta hu.

Nimrit_ Lakin ab mujhe nhi lagta ki aapko aur intejar karwana sahi hai.

Tumhare pita bilkul shant khade rhe.

Nimrit_ Me abhi shaadi ke liye ready nhi hu. Pahle mujhe interview dena hai, result kaa intejar karna hai aur apni training puri karni hai.

Abhay_ Me aapse abhi shaadi karne ke liye nhi kah rha.

Nimrit_ Mujhe pata hai.

Abhay_ Fir?
Nimrit ne gahri saans li..

Nimrit_ Fir ye… ki me aapko janna chahti thi.

Ab me aapko pahle se bahut jyada janti hu.

Me ye nhi kah sakti ki future me kyaa hoga. Kaha posting hogi, career kesa hoga ya hamare families kyaa kahenge.
Lakin itna jarur kah sakti hu ki…
Me bhi aapko pasand karne lagi hu.
Tumhare pita ki aankho me ak alag hi khushi aa gyi.
Lakin unhone turant koi dramatic baat nhi ki.

Abhay_ Sirf pasand?

Nimrit ne use gusse se dekha.

Nimrit_ Me itni mushkil se bol rhi hu aur aapko ab bhi jyada chahiye?

Abhay_ Pichle kai mahino kaa intejar hai. Thoda lalach to banta hai.

Nimrit_ Haa… me aapse pyar karne lagi hu.

Tumhare pita kuchh pal tak kuchh bol hi nhi paye.

Nimrit_ Ab chup kyun hai?

Abhay_ Bus ye confirm kar rha hu ki me sapna to nhi dekh rha.

Nimrit_ Aapko yakin nhi hai to me apni baat wapas le leti hu.

Abhay_ Bilkul nhi.

Nimrit_ To fir?

Abhay_ To fir aaj se aapke Collector banne kaa sapna sirf aapka aur aapki maa kaa nhi… ham dono kaa hai.

Nimrit_ Aur hamare relationship kaa?

Abhay_ Wo aapke career ke raste me kabhi nhi aayega.

Nimrit_ Promise?

Abhay_ Promise.

Dadaji_ Uss sham tumhare mata-pita ne pahli baar ak dusre ke pyar ko accept kia tha.

Lakin pyar accept karna ak baat thi aur dono pariwar kaa uss relationship ko accept karna dusri.
Nimrit ke pita tumhare pita ki kabiliyat se impress jarur the, lakin unke man me age difference aur politics ko lekar ab bhi doubts the.
Aur mujhe bhi abhi tak tumhare pita ne Nimrit ke bare me puri baat nhi batayi thi.

Me_ Fir aapko kese pata chala?

Dadaji_ Tumhari Dadi Manjot ki wajah se.
Tumhare pita ne socha tha ki wo pahle mujhe akele me samjhayenge.

Lakin Manjot ne dinner table per sabke samne puchh liya—

Manjot_ Abhay, teri Collector wali ladki ne haa kar di ya abhi bhi tujhe lafanga samajhti hai?

Tumhare pita ke hath se pani kaa glass girte-girte bacha.
Me_ Aapne kyaa kaha?

Dadaji_ Maine tumhare pita ki taraf dekha aur pucha—

Baldev_ Konsi Collector wali ladki?

Manjot_ Lo ji, aapko abhi tak kuchh pata hi nhi?

Tumhare pita ne apna sir pakad liya.

Abhay_ Maa, maine kaha tha sahi samay aane per Pitaji ko bataunga.

Manjot_ Sahi samay aa gya. Ladki ne haa kar di naa?

Baldev_ Koi mujhe shuru se batayega?

Tumhare pita ne uss raat mujhe Nimrit ke bare me sab kuchh bataya.

Uski age, uski IAS preparation, uske pariwar aur ye bhi ki Nimrit ne pahle use mana kar diya tha.

Me_ Aapko maa papa se 5-6 saal badi thi, iss baat se problem huyi?

Dadaji_ Hairani jarur huyi thi.

Lakin mene tumhare pita se ak hi sawal pucha—

Baldev_ Tujhe uski age se koi problem hai?

Abhay_ Nhi.

Baldev_ Use teri age se problem hai?

Abhay_ Ab nhi.

Baldev_ To fir mujhe kyun hogi?

Tumhari Dadi Manjot turant boli—

Manjot_ Mujhe pahle se pata tha mera pati samajhdar hai.

Baldev_ Tum bich me mat bolo. Tumne itni badi baat mujhse chhupayi hai.

Manjot_ Maine nhi chhupayi. Aapne pucha nhi.

Baldev_ Mujhe kese pata hota ki kyaa puchna hai?

Manjot_ Apne bete kaa chehra dekh lete. Pichle mahino se bina wajah muskurata fir rha hai.

Me_ Fir aap maa se kab mile?

Dadaji_ Bahut jaldi.

Lakin hamari Nimrit se pahli formal mulakat se pahle tumhare pita ke business me ak aur bada conflict shuru ho gya.
Salman Pathan ne ak naye partner ke sath hath mila liya tha.
Me_ Kon tha wo?

Dadaji_ Michael D’Souza.

Me_ Christian tha?

Dadaji_ Haa. Lakin uski dushmani uske dharm ki wajah se nhi thi.

Michael D’Souza ak bahut bada infrastructure businessman tha. Uske paas road construction, hotels aur government supply ke contracts the.

Wo Salman se alag tha.

Salman gusse aur ego me decision leta tha.

Michael shant chehre ke piche calculation karta tha.

Salman saamne se dhamki deta tha.

Michael muskurakar hath milata tha aur piche se pura business model badal deta tha.

Dono ko ak hi baat se problem thi—

Rajput Construction kaa badhta hua naam.

Unhe lagne laga tha ki agar Kunwar Abhay Pratap Singh Thakur ko abhi nhi roka gya, to kuchh saalo me business aur politics dono me unki jagah kam ho jayegi.

Aur usi samay State Government ne sahar ke paas ak bahut bade housing project kaa tender nikalne ki taiyari shuru kar di.

Rajput Construction, Salman Pathan aur Michael D’Souza… tino ki najar usi project per thi.

Me_ Kyaa yahi se unki asli dushmani shuru huyi?
Dadaji_ Haa bete.

Pyar ki kahani apni jagah badh rhi thi…
Aur dushmani ki kahani apni jagah.

.........

[Babab96]

Continue......

Dadaji_ Pyar ki kahani apni jagah badh rhi thi…

Aur dushmani ki kahani apni jagah.

Ab aage....

Me_ Pahle aap pyar wali kahani sunao Dadu. Dushmano ki baat baad me karna.

Dadaji_ Dono kahaniya ak dusre se alag nhi thi, Jay.

Tumhare mata-pita jab bhi apni life me ak kadam aage badhate, unke dushman bhi unki taraf ak kadam aur badh jate the.

Lakin theek hai… pahle tumhari Dadi Manjot aur meri Nimrit se pahli mulakat suno.

Ye baat 1990 ki hi hai.

Nimrit IAS Mains clear kar chuki thi aur ab interview ki taiyari kar rhi thi.

Tumhare pita usse pyar kaa jawab paa chuke the, lakin dono ne decide kia tha ki interview hone tak wo apne relationship ko lekar koi bada decision nhi lenge.

Me_ Jab dono ak dusre se pyar karte the, to fir wait kyun?

Dadaji_ Kyunki tumhari maa apne career ko lekar bahut serious thi.

Aur tumhare pita bhi nhi chahte the ki shaadi ya relationship ki baat se uska focus interview se hate.

Lakin tumhari Dadi Manjot ko intejar karna pasand nhi tha.

Ak subah breakfast ke wakt usne tumhare pita se kaha—

Manjot_ Abhay, Sunday ko uss ladki ko ghar bula le.

Abhay_ Konsi ladki?

Manjot_ Wahi jo tujhe lafanga samajhti thi.

Abhay_ Ab wo mujhe lafanga nhi samajhti.

Manjot_ Achcha? Matlab progress ho gyi?

Abhay_ Maa, aapko har baat kaa mazak banana jaruri hai?

Manjot_ Me mazak nhi kar rhi. Me apni hone wali bahu ko dekhna chahti hu.

Baldev_ Pahle ladki aur uske pariwar se formally baat to ho jane do.

Manjot_ Formal baat baad me hoti rahegi. Pahle me ladki se milungi.

Abhay_ Uska interview hone wala hai. Abhi use disturb karna sahi nhi hoga.

Manjot_ Sunday ko ak ghante ghar aa jane se uska interview kharab nhi hoga.

Abhay_ Wo apne pariwar se bina puche nhi aayegi.

Manjot_ To uske pariwar ko bhi bula lo.

Tumhare pita ne meri taraf dekha.

Abhay_ Pitaji, aap hi samjhao maa ko.

Baldev_ Tumhari maa ko samjhane ki koshish me mene apni aadhi jindagi nikal di hai. Ab tum khud sambhalo.

Manjot_ Dono baap-bete mere khilaf ak ho jao. Lakin Sunday ko Nimrit ghar aa rhi hai.

Me_ Dadi ko maa kaa naam bhi pata tha?

Dadaji_ Tumhari Dadi ko Nimrit ke bare me jitna mene suna tha, usse jyada pata tha.

Tumhare pita apni maa se koi baat chhupa hi nhi pate the.

Usi din tumhare pita ne Rajput Construction ke office se Nimrit ke ghar landline per phone kia.

Phone Nimrit ki maa ne uthaya.

......

[Babab96]

Continue...

Simranjeet Kaur_Hello?

Abhay_ Namaste. Me Abhay bol rha hu. Kyaa Nimrit ji se baat ho sakti hai?

[b][i]Simranjeet kuchh pal chup rhi..[/i][/b]

Wo pahle hi samajh chuki thi ki Abhay aur Nimrit ke bich kuchh chal rha hai.

Mosi_ Ak minute..

Thodi der baad Nimrit phone per aayi..

Nimrit_ Haa, boliye.

Abhay_ Sunday ko aap free hai?

Nimrit_ Interview ki preparation kar rhi hu. Puri tarah free to nhi hu.

Abhay_ Meri maa aapse milna chahti hai.

Phone ke dusri taraf kuchh pal shanti ho gyi.

Nimrit_ Aapne apne ghar me sabko bata diya?

Abhay_ Haa.

Nimrit_ Sab kuchh?

Abhay_ Lagbhag sab kuchh.

Nimrit_ Ye “lagbhag” kyaa hota hai?

Abhay_ Ye nhi bataya ki aapne mujhe pahli baar kitni buri tarah danta tha.

Nimrit_ Jhooth bol rhe hai. Ye baat aap jarur bata chuke honge.

Abhay_ Maa ko pata hai.

Nimrit_ Mujhe pata tha.

Abhay_ To Sunday ko aa rhi hai?

Nimrit_ Akeli?

Abhay_ Aapke pitaji aur maa bhi aa sakte hai.

Nimrit_ Ye normal meeting hogi ya rishta dekhne wali?

Abhay_ Maa ke liye rishta dekhne wali. Pitaji ke liye normal. Mere liye bahut important.

Nimrit_ Aur mere liye?

Abhay_ Ye aap decide kijiye.

Nimrit kuchh pal chup rhi.

Nimrit_ Pahle mujhe papa se baat karni hogi.

Abhay_ Me unse khud baat kar lu?

Nimrit_ Bilkul nhi. Pahle me unhe bataungi.

Abhay_ Kyaa wo mere bare me kuchh jante hai?

Nimrit_ Itna jante hai ki aapne unka project bachaya hai… aur ye bhi ki hum pahle se ak dusre ko jante hai.

Abhay_ Ye nhi jante ki hum ak dusre se pyar karte hai?

Nimrit_ Mene abhi itni clearly nhi bataya.

Abhay_ To kab batayengi?

Nimrit_ Aaj raat.

Abhay_ Gussa hue to?

Nimrit_ Aap politics sambhalte hai. Me apne papa ko sambhal lungi.

Usi raat dinner ke baad Nimrit apne pitaji ke study room me gyi.
Uske pitaji project ke kuchh documents check kar rhe the.

Nimrit_ Papa, mujhe aapse ak important baat karni hai.

Nimrit ke Pitaji_ Interview se related?

Nimrit_ Nhi.

Unhone file band kar di.

Nimrit ke Pitaji_ Kunwar Abhay se related?

Nimrit hairan reh gyi.

Nimrit_ Aapko kese pata?

Nimrit ke Pitaji_ Me businessman hu, Nimrit. Logo ke chehre padhna mere kaam kaa hissa hai.

Project ke inauguration wale din jis tarah tum uska intejar kar rhi thi, wo mene dekh lia tha.

Nimrit chup ho gyi.

Nimrit ke Pitaji_ Kyaa tum use pasand karti ho?

Nimrit_ Haa.

Nimrit ke Pitaji_ Kitna serious hai ye mamla?

Nimrit_ Itna ki me aapse chhupana nhi chahti.

Uske pitaji chair se piche hokar baith gye.

Nimrit ke Pitaji_ Aur Abhay?

Nimrit_ Wo mujhse shaadi karna chahta hai.

Nimrit ke Pitaji_ Tumse 5 saal chhota hai.

Nimrit_ Mujhe pata hai..

Nimrit ke Pitaji_ Sirf age ki baat nhi hai. Wo 21 saal kaa hai. Politics me active hai. Construction kaa business hai. Uski life me risk hai.
Tum IAS join karogi to tumhari life bhi alag tarah ki hogi.

Nimrit_ Abhay mere career ko support karta hai.

Nimrit ke Pitaji_ Pyar ke shuru ke dino me har ladka support karne ki baat karta hai. Asli test shaadi ke baad hota hai.

Nimrit_ Mene use kaam karte hue dekha hai, papa.

Usne kabhi mujhper apni marji nhi thopi.

Mene pahle use insult kia. Fir bhi usne naa mera picha kia aur naa apni power kaa istemal.

Jab use pata chala ki IAS meri maa kaa sapna tha, tab usne mujhe kaha ki mera sapna ab uska bhi hai.

Nimrit ke pitaji kuchh pal chup rhe.

Nimrit_ Aap uski kabiliyat ko khud dekh chuke hai.

Nimrit ke Pitaji_ Business aur politics ki kabiliyat achcha pati hone ki guarantee nhi hoti.

Nimrit_ Ye baat sahi hai.

Isliye me jaldi shaadi kaa decision nhi le rhi.
Pahle interview, fir result.
Lakin me chahti hu ki aap uske pariwar se mile..

Nimrit ke Pitaji_ Uske pariwar ne tumhe bulaya hai?

Nimrit_ Sunday ko.

Nimrit ke Pitaji_ Tum jana chahti ho?

Nimrit_ Haa.

Uske pitaji ne gahri saans li.

Nimrit ke Pitaji_ Theek hai. Hum jayenge.

Lakin ye final rishta pakka karne ki meeting nhi hogi.

Nimrit_ Mene bhi aisa nhi kaha.

Nimrit ke Pitaji_ Aur tumhari preparation compromise nhi honi chahiye.

Nimrit_ Nhi hogi.

Nimrit ke Pitaji_ Fir Sunday ko chalte hai.

Me_ Nana ji itni jaldi maan gye?

Dadaji_ Wo mane nhi the, bete..

Wo bus tumhare pita aur unke pariwar ko samajhna chahte the.
Sunday ko Nimrit apne pita aur maa ke sath hamare ghar aayi.
Tumhare pita subah se hi pareshan ghum rhe the.

Kabhi drawing room kaa furniture dekhte, kabhi servant se chai ke bare me puchte aur kabhi main gate tak jakar wapas aate.

Manjot_ Abhay, ladki tumse milne aa rhi hai ya kisi rajya kaa Raja?

Abhay_ Maa, aap please uske samne mujhe embarrass mat karna.

Manjot_ Me to bus sach bolungi.

Abhay_ Yahi to problem hai.

Baldev_ Tum shant baith jao. Tumhe dekhkar lag rha hai jese aaj tumhara interview hai.

Abhay_ Mera interview hi hai.

.........

[Babab96]

Continue......

Manjot_ Aur pass ya fail karne kaa decision Nimrit ke pitaji lenge.

Thodi der baad unki car main gate per aakar ruki.

Sabse pahle Nimrit ke pitaji niche utre.

Unke baad Nimrit ki maa aur fir Nimrit car se bahar aayi.

Tumhare pita kaa dhyan bus Nimrit per tha.

Manjot ne dheere se unke kaan me kaha—

Manjot_ Muh band kar le. Sab dekh rhe hai.

Abhay turant normal khade ho gye.

Mene Nimrit ke pitaji kaa welcome kia.

Baldev_ Aaiye Sandhu sahab. Aap logo kaa hamare ghar me swagat hai.

Nimrit ke Pitaji_ Dhanyawad Baldev ji.

Manjot seedhe Nimrit ke paas gyi.

Usne kuchh pal Nimrit kaa chehra dekha.

Nimrit ne jhukkar uske pair chhuye.

Manjot ne use turant gale laga liya.

Manjot_ Bahut sundar hai. Ab samajh aaya mera beta pagal kyun ghum rha tha.

Abhay_ Maa…

Nimrit ki maa apni hansi rok nhi payi.

Nimrit bhi sharma gyi..

Manjot uska hath pakadkar use drawing room me le gyi.

Manjot_ Beta, tum comfortable raho. Ye koi formal rishta dekhne kaa program nhi hai..

Baldev_ Manjot, abhi tumne gate per hi rishta declare kar dia.

Manjot_ To galat kyaa kaha?

Nimrit ke pitaji ne tumhare pita ki taraf dekha...

Abhay ne thoda awkward hote hue kaha—

Abhay_ Maa kaa swabhav thoda…

Manjot_ Mera swabhav bilkul theek hai.

Sab log baith gye.

Shuru me normal family aur business ki bate hoti rhi.

Nimrit ke pitaji ne mujhse hamari agricultural land, purane family business aur Rajput Construction ke bare me pucha.

Fir unhone seedha sawal kia—

Nimrit ke Pitaji_ Baldev ji, aapko Nimrit aur Abhay ke age difference se koi problem nhi hai?

Mene Nimrit aur tumhare pita dono ki taraf dekha..

Baldev_ Problem tab hoti, agar dono me se kisi ak ko issue hota.

Jab dono comfortable hai, to sirf samaj kyaa kahega, iss wajah se me apne bete kaa decision galat nhi kahunga.

Nimrit ke Pitaji_ Abhay abhi sirf 21 saal kaa hai.

Baldev_ Umar kam hai, lakin responsibilities kam nhi hai.
Usne bahut chhoti age se business aur politics sambhali hai.
Lakin me ye nhi kahunga ki wo perfect hai.

Gussa bhi karta hai, kai baar jyada risk leta hai aur apni safety ko seriously nhi leta.

Abhay_ Pitaji, aap meri tarif kar rhe hai ya complaint?

Baldev_ Dono.

Nimrit ke Pitaji_ Meri chinta ye hai ki Nimrit IAS join karegi. Uski posting kahi bhi ho sakti hai.

Kyaa Abhay uske career ke sath adjust kar payega?

Tumhare pita ne khud jawab diya—

Abhay_ Nimrit apna career nhi chhodegi.

Uski posting jaha hogi, wo waha jayegi.

Nimrit ke Pitaji_ Aur tum?

Abhay_ Mera business aur politics iss sahar se juda hai.
Ho sakta hai hume kuchh samay alag cities me rehna pade.
Lakin iska solution Nimrit kaa career rokna nhi ho sakta.

Nimrit ke Pitaji_ Shaadi ke baad bhi tum isi baat per rahoge?

Abhay_ Haa.

Nimrit ke Pitaji_ Kal tumhare political supporters kahenge ki tumhari wife government officer hai aur tum uski position kaa fayda utha rhe ho.

Abhay_ Tab me apne business aur uske official work ke bich clear distance rakhunga.

Rajput Construction uss district ke kisi government tender me participate nhi karegi, jaha Nimrit decision-making position per hogi.
Room me kuchh pal ke liye shanti ho gyi..

Nimrit ne tumhare pita ki taraf dekha.

Usne khud bhi iss bare me itni detail me nhi socha tha.

Nimrit ke Pitaji_ Isse tumhari company ko loss ho sakta hai.
Abhay_ Ho sakta hai.

Lakin Nimrit ki honesty per sawal uthne se bada loss koi nhi hoga.
Nimrit ke pitaji kaa chehra pahli baar thoda soft hua..

Unhone pucha—

Nimrit ke Pitaji_ Tum politics me kitna aage jana chahte ho?

Abhay_ Jitna log mujhe le jaye aur jitni meri kabiliyat ho.

Abhi meri age election ladne ki nhi hai.

Lakin 25 kaa hone ke baad MLA kaa election ladunga.
Uske baad future time decide karega.

Nimrit ke Pitaji_ Politics me dushman bahut bante hai..

Abhay_ Business me bhi bante hai..

Lakin dushman ke dar se kaam chhodna mujhe nhi aata.

Nimrit ke Pitaji_ Yahi baat mujhe sabse jyada pareshan karti hai.

Abhay_ Me samajh sakta hu..

Lakin me Nimrit se koi baat chhupakar rishta nhi banana chahta.
Meri life easy nhi hogi..

Agar wo mere sath aati hai to use mere sath risks bhi milenge.

Nimrit ne turant kaha—

Nimrit_ Aur Abhay ko mere sath ak IAS officer ki responsibilities milengi.

Sirf me hi risk nhi le rhi.

Manjot ne muskurakar Nimrit kaa hath pakad liya.

Manjot_ Bas, mujhe ladki pasand hai.

Baldev_ Final decision interview ke baad hoga.

Manjot_ Aap logo ko har chij me meeting aur decision chahiye.

Mene to decide kar lia.

Nimrit ki maa ne Nimrit ke pitaji ki taraf dekha.

......

[Babab96]

Continue...

Mene to decide kar lia.

Nimrit ki maa ne Nimrit ke pitaji ki taraf dekha.

Simranjeet Kaur_ Mujhe bhi ladka aur pariwar achcha laga.

Nimrit ke pitaji ne turant haa nhi kahi.

Lakin unhone mana bhi nhi kia.

Lunch ke baad Manjot Nimrit ko ghar kaa garden dikhane le gyi.

Tumhare pita bhi unke piche jane lage.

Manjot_ Tu kaha aa rha hai?

Abhay_ Garden me.

Manjot_ Garden tune kabse dekhna shuru kar dia?

Mujhe Nimrit se akele me baat karni hai.

Tumhare pita wahi ruk gye.

Garden me Manjot aur Nimrit ak bench per baith gye.

Manjot_ Beta, me tumse ak baat saaf-saaf puchungi.

Nimrit_ Ji.

Manjot_ Kyaa tum mere bete se sach me pyar karti ho ya uski help aur position se impress ho?

Nimrit ne bina bura mane jawab diya—

Nimrit_ Shuru me me usse bilkul pasand nhi karti thi.

Mujhe laga tha ki wo koi Awara lafanga hai..

Lakin jab mene unhe jana, tab mujhe samajh aaya ki wo dusro ki help credit ke liye nhi karta. wo bahut achche hia swabhav or soch se..

Unhone mere pita kaa project bachaya, lakin badle me kuchh nhi manga.

Unhone meri IAS preparation me help ki, lakin kabhi mujhe apne liye padhai chhodne ko nhi kaha.

Me unki power se nhi, ubke character se impress huyi hu.

Manjot kuchh pal use dekhti rhi.

Manjot_ Aur age difference?

Nimrit_ Pahle mujhe lagta tha ki ye problem hogi.

Lakin Abhay ki understanding uski age se bahut jyada hai.

Kai baar wo mujhe hi samjha dete hai.

Manjot_ Haa, bate to buddho jesi karta hai.

Dono hansne lagi.

Manjot_ Ak aur baat.

Mera beta achcha hai, lakin bahut ziddi hai.

Kisi kaa dard dekhkar apni safety bhool jata hai.

Politics me kabhi-kabhi bina soche powerful logo se takkar le leta hai.

Use rokna mushkil hai.

Nimrit_ Me use uska kaam chhodne ko nhi kahungi.

Lakin galat risk lene se rokne ki koshish jarur karungi.

Manjot_ Fir tumhe bahut mehnat karni padegi.

Nimrit_ IAS interview se jyada difficult hoga?

Manjot_ Usse kai jyada.

Dono dobara hansne lagi.

Jab Nimrit apne pariwar ke sath wapas jane lagi, Manjot ne use ak chhota sa box diya.

Nimrit_ Ye kyaa hai?

Manjot_ Koi sagai kaa gift nhi hai. Darna mat.

Ghar jakar kholna.

Car me baithne ke baad Nimrit ne box khola.

Usme ak purana fountain pen tha.

Sath me ak chhota note tha—

“Is pen se Collector banne wale documents per sign karna.”

Nimrit ki aankhe bhar aayi.

Uski maa ne uska hath pakad lia.

Mosi_ Lagta hai tumhe sirf ladka hi nhi, maa bhi mil gyi.

Nimrit ne piche mudkar dekha.

Manjot main gate per khadi use hath hila rhi thi.

Me_ Maa aur Dadi itni jaldi close ho gyi thi?

Dadaji_ Haa.

Tumhari maa ne bahut chhoti age me apni maa ko kho diya tha.

Manjot kaa swabhav aisa tha ki wo Nimrit ko kuchh hi mulakato me apni beti ki tarah treat karne lagi.

Lakin udhar business ki situation kharab hoti ja rhi thi.

State Government ne sahar ke paas ak bahut badi housing scheme kaa tender announce kia.

Project me government employees ke liye ghar, market, college aur hospital banne the.

Rajput Construction technically strong thi.

Salman Pathan ke paas transport aur material network tha.

Aur Michael D’Souza ke paas bade officers aur contractors kaa support tha.

Me_ Tender kis company ko milna tha?

Dadaji_ Tender abhi open nhi hua tha.

Lakin Salman aur Michael pahle hi milkar game set karne lage the.

Ak raat dono Michael ke hotel ke private room me mile.

Michael D’Souza shant swabhav kaa aadmi tha. Safed shirt, dark coat aur chehre per hamesha halki si smile rakhta tha.

Salman uske opposite tha. Baat-baat per gussa aur apni power dikhane ki aadat.

Michael_ Rajput Construction kaa estimate dekha?

Salman_ Abhi tender open bhi nhi hua.

Michael_ Abhay ki company ne engineers se survey karwa lia hai.

Wo hamse kam rate per better design dega.

Salman_ To officers ko samjha denge.

Michael_ Har officer paise se nhi samajhta.

Aur Abhay ne project ko public issue bana dia to government pressure me aa sakti hai.

Salman_ Fir kyaa kare?

Michael ne table per ak file rakhi.

Michael_ Rajput Construction ki financial capacity per objection lagwayenge.

Salman_ Unke paas paisa hai.

Michael_ Paisa hona aur documents me qualify karna alag baat hai.

Unki ak colony me jo legal complaint huyi thi, uska record abhi close nhi hua.

Usi complaint ko base bana kar kahenge ki company land dispute me fasi hai.

Salman_ Wo complaint fail ho chuki hai.

Michael_ Publicly fail huyi hai. File me abhi final closure report nhi lagi.

Salman ne Michael ko dhyan se dekha.

Salman_ Tumne tayari pahle se kar rakhi hai.

Michael_ Business me tayari pahle ki jati hai. Gussa baad me.

Salman_ Aur agar Abhay ko pata chal gya?

Michael_ Pata chalega.

Lakin tab tak tender committee ke samne doubt create ho chuka hoga.

Salman_ Mujhe ye tender chahiye.

Michael_ Hume ye tender chahiye.

Salman_ Partnership half-half?

Michael_ Profit half-half.

Risk kaa division situation ke according.

Salman_ Matlab agar mamla kharab hua to naam mera aayega?

Michael halki si muskuraya.

Michael_ Aapka naam wese bhi har jagah aa hi jata hai.

Me_ Kyaa Michael Salman se bhi jyada khatarnak tha?

Dadaji_ Salman kaa gussa dikhayi deta tha.

Michael kaa irada nhi.

Isliye Michael ko samajhna jyada difficult tha.

Tender submit hone se do din pahle Rajput Construction ke office me ak government notice aaya.

Notice me likha tha ki purane land dispute ki wajah se company ko apni legal position clarify karni hogi.

Aftab notice lekar tumhare pita ke cabin me aaya.

Aftab_ Ye wahi purani fake complaint hai.

Abhay_ Closure report abhi issue nhi huyi?

Aftab_ security officer ne complainant kaa statement le lia tha. Revenue Department ne hamare papers correct maan liye the.

Lakin final closure letter Nagar Palika ne issue nhi kia.

Abhay_ Kyun?

Aftab_ File ak legal officer ke paas atki hai.

Abhay_ Naam?

Aftab_ Anthony Pereira.

Abhay_ Michael D’Souza se koi connection?

Aftab_ Dono same community ke hai, iska matlab connection ho, jaruri nhi.

Abhay_ Mene community nhi puchi. Business ya personal connection pucha hai.

Aftab_ Anthony kaa chhota bhai Michael ke hotel me manager hai.

Tumhare pita kuchh pal chup rhe.

Abhay_ Proof?

Aftab_ Abhi nhi.

Abhay_ To naam bahar nhi aayega.

Aftab_ Tender submit karne ke liye sirf do din hai.

Abhay_ Dharmchand ko phone lagao.

Aftab_ Political pressure?

Abhay_ Nhi. Bus department ke senior officer se meeting kaa time chahiye.

Aftab_ Aur agar time nhi mila?

Abhay_ To hum office ke bahar baithenge.

Usi dopahar tumhare pita, Aftab aur company ke legal advisor Nagar Palika pahuche.

Legal officer Anthony Pereira ne unhe wait karwaya.

Ak ghanta beet gya.

Fir do ghante.

Aftab gusse me bola—

Aftab_ Ye jaan-bujhkar time waste kar rha hai.

Abhay_ Haa.

Aftab_ Fir bhi shant baithe ho?

Abhay_ Gussa karne se darwaja jaldi nhi khulega.

Lagbhag teen ghante baad Anthony ne unhe office me bulaya.

Anthony_ Kunwar sahab, file abhi process me hai.

Abhay_ Process me kis step per hai?

Anthony_ Legal verification chal rha hai.

Abhay_ Revenue Department kaa verification complete hai. security officer complainant kaa statement record kar chuki hai. Forged document ki report bhi file me hai.

Ab konsi verification baki hai?

Anthony_ Procedure me time lagta hai.

Abhay ne apne legal advisor se ak paper lia.

Abhay_ Ye High Court kaa previous judgment hai.

Iske according jab land ownership Revenue Department verify kar de aur complaint forged document per based ho, to Nagar Palika project ko indefinite period tak disputed nhi rakh sakti.

Anthony_ Aap mujhe law samjha rhe hai?

Abhay_ Nhi. Me bus ye confirm kar rha hu ki aap law jante hai.

Anthony kaa chehra badal gya.

Anthony_ Aapki language theek nhi hai.

Abhay_ Meri company ko bina wajah tender se bahar karne ki koshish bhi theek nhi hai.

Anthony_ Aap mujhe threaten kar rhe hai?

Abhay_ Bilkul nhi.

Me written application de rha hu.

Ya to aap aaj reasoned order issue kijiye, ya written me bata dijiye ki file kyun roki gyi hai.

Kal subah hum State Urban Development Department me appeal karenge.

Aur sath me ye bhi mention karenge ki tender ki last date se pahle jaan-bujhkar closure roka gya.

Anthony kuchh pal chup rha.

Abhay_ Hamare paas pure din kaa time hai, Pereira sahab.

Hum yahi wait karenge.

Anthony_ Aap bahar baithiye.

Do ghante aur beet gye.

Sham hone se pahle Nagar Palika ne Rajput Construction ko written clearance de dia.

Me_ Itni jaldi?

Dadaji_ Kyunki Anthony janta tha ki agar tumhare pita State Government tak gye, to file rokne kaa asli reason bhi investigate ho sakta tha.

Clearance milte hi Rajput Construction ne tender submit kar dia.

Aftab_ Ye kaam Michael kaa hai.

Abhay_ Ho sakta hai.

Aftab_ Salman aur Michael dono mile hue hai.

Abhay_ Ho sakta hai.

Aftab_ Tum har baat per “ho sakta hai” kyun bolte ho?

Abhay_ Kyunki court aur politics dono me shak se jyada proof important hota hai.

Aftab_ Ak din ye log proof mitakar tumhe hi fasayenge.

Abhay_ Isliye hume unse jyada smart rehna hoga.

Usi sham tumhare pita Nimrit se Central Library ke bahar mile.

Nimrit interview ke questions discuss karna chahti thi, lakin Abhay kaa dhyan kahi aur tha.

Nimrit_ Kyaa hua?

Abhay_ Kuchh nhi.

Nimrit_ Aap jab jhooth bolte hai to seedha aankho me nhi dekhte.

Abhay ne uski taraf dekha.

Abhay_ Company kaa ak legal issue tha. Solve ho gya.

Nimrit_ Kyaa Salman Pathan se related?

Abhay_ Aapko Salman kaa naam kese pata?

Nimrit_ Papa ne project ke time bataya tha ki Salman ne contract ke badle approval dilwane ki offer di thi.

Aur inauguration wale din mene aap dono ko baat karte dekha tha.

Abhay_ Abhi koi proof nhi hai ki uska hath hai.

Nimrit_ Lakin shak hai.

Abhay_ Haa.

Nimrit_ Aap careful rahiye.

Abhay_ Aap interview per focus kijiye.

Nimrit_ Ye har sawal kaa answer nhi ho sakta.

Abhay_ Aur meri har problem aapki responsibility nhi hai.

Nimrit_ Mene kab kaha responsibility hai?

Abhay_ Aap pareshan ho rhi hai.

Nimrit_ Kyunki me aapse pyar karti hu.

Tumhare pita kuchh pal chup ho gye.

Ye pahli baar tha jab Nimrit ne normal conversation ke bich bina jhijhak ye baat kahi thi.

Nimrit_ Ab kyaa hua?

Abhay_ Kuchh nhi.

Nimrit_ Fir aankhe kyun badal gyi?

Abhay_ Bus achcha laga.

Nimrit_ To fir meri baat suniye.

Abhay_ Haa.

Nimrit_ Apne dushmano ko kam mat samjhiye.

Aap intelligent hai, powerful hai, lakin invincible nhi.

Abhay_ Ji, future Collector sahiba.

Nimrit_ Mazak mat kijiye.

Abhay_ Me serious hu.

Me careful rahunga.

Nimrit_ Promise?

Abhay_ Promise.

Nimrit_ Aur koi bhi badi problem hogi to mujhe batayenge.

Abhay_ Interview ke baad.

Nimrit_ Abhay ji…

Abhay_ Theek hai. Bataunga.

Nimrit_ Ye better hai.

Abhay_ Ab interview ki tayari kare?

Nimrit_ Haa.

Abhay_ Pahla sawal—agar ak powerful businessman government officer per illegal approval kaa pressure banaye to aap kyaa karengi?

Nimrit_ Rules ke according decision lungi.

Abhay_ Agar wo businessman aapka pati ho?

Nimrit ne use ghurkar dekha.

Nimrit_ Sabse pahle use ghar se bahar nikalungi.

Abhay_ Fir file?

Nimrit_ File reject karungi.

Abhay_ Pati kaa kyaa hoga?

Nimrit_ Use apne pita ke ghar bhej dungi.

Abhay_ Ye to mere liye bahut risky marriage hai.

Nimrit_ Abhi bhi time hai. Decision badal sakte hai.

Abhay_ Tender chhod sakta hu. Aapko nhi.

Nimrit ke chehre per muskan aa gyi.

Kuchh dino baad Nimrit IAS interview ke liye State Capital gyi.

Interview board ne usse administration, women’s education, industrial development aur political pressure se related questions puche.

Ak member ne pucha—

Board Member_ Aap ak wealthy business family se aati hai. Agar aapko aise district me posting mile, jaha aapke pariwar ke commercial interests ho, to conflict of interest ko kese handle karengi?

Nimrit_ Me apne official decisions ko pariwar ke business se completely separate rakhungi.

Agar kisi case me direct conflict hua, to use written form me senior authority ko disclose karungi.

Public office personal relation se uper hona chahiye.

Board Member_ Agar aapke kisi close person ne pressure banaya to?

Nimrit_ Close person wo hoga jo meri duty kaa samman kare.

Jo mujhe rules todne ko kahe, wo close ho hi nhi sakta.

Interview ke baad Nimrit bahar aayi.

Is baar tumhare pita waha present nhi the.

Lakin hotel ke reception per uske naam ak envelope rakha tha.

Usme ak chhota sa note tha—

“Interview board ko Collector mil gyi hogi. Ab jaldi wapas aaiye, kisi ko aapki yaad aa rhi hai.”

Niche pahli baar pura naam likha tha—

“Kunwar Abhay Pratap Singh Thakur.”

Nimrit ne note padhkar muskurate hue use apni diary me rakh lia.

Me_ Papa khud State Capital kyun nhi gye?

Dadaji_ Housing tender ki technical presentation usi din thi.

Tumhare pita ko business aur Nimrit ke bich choose karna pada.

Unhone Nimrit se pahle hi pucha tha ki kyaa wo interview ke liye unke sath chale.

Nimrit ne mana kar dia.

Usne kaha—

Nimrit_ Aap apna kaam chhodkar mere piche mat aaiye.

Mujhe akela interview dena hai.

Abhay_ Lakin wapas aate wakt?

Nimrit_ Me bachchi nhi hu.

Abhay_ Mujhse 5 saal badi hai, ye baat har jagah prove karna jaruri hai?

Nimrit_ Haa.

Tender presentation me Rajput Construction, Salman Pathan aur Michael D’Souza tino present the.

Committee ne har company se technical aur financial plan manga.

Salman ki company ne sabse kam rate quote kia tha.

Michael ki company ne bade foreign-style design dikhaye.

Rajput Construction kaa rate dono ke bich tha, lakin tumhare pita kaa plan sabse practical tha.

Usme local material, rainwater harvesting, college, hospital aur low-income employees ke liye alag housing blocks shamil the.

Committee ke ak officer ne pucha—

Officer_ Aapki company kaa rate Salman Pathan ki company se jyada hai. Government aapko contract kyun de?

Abhay_ Kyunki unka rate construction cost hai. Hamara rate project ki total life kaa hai.

Officer_ Samjhaiye.

Abhay_ Sasta material laga kar ghar 5 saal me repair mangenge.

Poor drainage se colony har monsoon me pani me dubegi.

college aur market baad me banane per government ko alag budget dena padega.

Hamari cost shuru me thodi jyada hai, lakin agle 20 saal kaa maintenance kam hoga.

Salman bich me bola—

Salman_ Kunwar sahab theory bahut achchi batate hai. Lakin government ko budget bhi dekhna hota hai.

Abhay_ Bilkul.

Isliye hamne total maintenance comparison file me attach kia hai.

Michael_ Future cost estimates assumptions per based hote hai.

Abhay_ Aur bahut kam tender rate bhi assumptions per based hota hai.

Ya to contractor quality compromise karega, ya baad me revised cost mangega.

Room kaa mahaul tense ho gya.

Committee Chairman_ Personal comments se bachiye. Sirf proposal per baat kijiye.

Presentation khatam hone ke baad Salman corridor me tumhare pita ke paas aaya.

Salman_ Har jagah hero banne ki aadat ho gyi hai tumhe.

Abhay_ Me bus apna proposal present kar rha tha.

Salman_ Tumhara proposal reject hoga.

Abhay_ Ho sakta hai.

Salman_ Fir bhi itne shant ho?

Abhay_ Tender hai, jang nhi.

Salman tumhare pita ke bilkul paas aakar dheere se bola—

Salman_ Mere liye dono me jyada fark nhi hai.

Tumhare pita ne uski aankho me dekhkar jawab diya—

Abhay_ Yahi tumhari sabse badi galti hai.

Jang me dushman ko khatam kia jata hai.

Business me competition ko haraya jata hai.

Dono ko ak mat samajhna.

Michael kuchh dur khada dono ko dekh rha tha.

Uske chehre per wahi halki si muskan thi.

Me_ Tender kisko mila?

Dadaji_ Result turant nhi aaya.

Lakin result aane se pahle Nimrit kaa IAS final result aa gya.

Us din subah hamare ghar kaa landline baja.

Tumhare pita ne phone uthaya.

Dusri taraf Nimrit thi.

Uski aawaj kaap rhi thi.

Abhay_ Nimrit? Kyaa hua?

Nimrit_ Result aa gya.

Abhay_ Aur?

Nimrit kuchh bol nhi payi.

Tumhare pita kaa chehra ak pal ke liye utar gya.

Abhay_ Koi baat nhi. Next attempt—

Nimrit_ Me select ho gyi.

Abhay kuchh pal bilkul chup khade rhe.

Nimrit_ Abhay ji?

Abhay ne achanak itni tej aawaj me kaha—

Abhay_ Maa!

Pure ghar me unki aawaj gunj gyi.

Manjot kitchen se bahar aayi.

Manjot_ Kyaa hua?

Abhay_ Nimrit IAS me select ho gyi!

Manjot ne turant mere hath se newspaper chhin kar side me fek dia aur phone ke paas aa gyi.

Manjot_ Phone mujhe de.

Abhay_ Maa, pahle me baat—

Manjot_ Tu baad me kar lena.

Manjot ne phone lia.

Manjot_ Mubarak ho, Collector sahiba!

Dusri taraf Nimrit hans bhi rhi thi aur ro bhi rhi thi.

Nimrit_ Thank you.

Manjot_ Thank you baad me. Sham ko pure pariwar ke sath ghar aa jao.

Aaj celebration yahi hoga.

Nimrit_ Papa se puchna hoga.

Manjot_ Unse me khud baat karungi.

Phone rakhne ke baad tumhare pita chupchap khade muskurate rhe.

Mene unke kandhe per hath rakha.

Baldev_ Khush ho?

Abhay_ Bahut.

Baldev_ Ab agla step?

Abhay_ Ab uske pitaji se formally uska hath mangunga.

Baldev_ Pahle use training per jana hoga.

Abhay_ Me intejar karunga.

Manjot_ Intejar bahut ho gya. Rishta abhi pakka hoga, shaadi jab dono chahe tab karenge.

Usi sham Nimrit apne pariwar ke sath hamare ghar aayi.

Mithai bati gyi.

Nimrit ki maa ki photo bhi table per rakhi gyi.

Nimrit ne apne result kaa letter photo ke samne rakha aur dheere se kaha—

Nimrit_ Maa, aapka sapna pura ho gya.

Manjot uske paas khadi thi.

Usne Nimrit ke sir per hath rakha.

Manjot_ Ab tumhari maa jaha bhi hongi, tumper garv kar rhi hongi.

Nimrit ro padi aur Manjot ke gale lag gyi.

Kuchh der baad dono pariwar drawing room me baithe.

Mene Nimrit ke pitaji se seedhi baat ki—

Baldev_ Sandhu sahab, ab hum formally Nimrit kaa rishta apne bete Abhay ke liye mangna chahte hai.

Room me shanti ho gyi.

Nimrit ke pitaji ne apni beti ki taraf dekha.

Nimrit ne bina jhijhak unki aankho me dekha.

Nimrit ke Pitaji_ Nimrit, ye tumhari life kaa decision hai.

Kyaa tum Kunwar Abhay Pratap Singh Thakur se shaadi karna chahti ho?

Nimrit_ Haa, papa.

Unhone tumhare pita ki taraf dekha.

Nimrit ke Pitaji_ Abhay, Nimrit ki training aur career pahle aayega.

Abhay_ Me janta hu.

Nimrit ke Pitaji_ Uski posting kisi bhi state ya district me ho sakti hai.

Abhay_ Me janta hu.

Nimrit ke Pitaji_ Aur me future me ye nhi sunna chahta ki shaadi ki wajah se meri beti ne apna career compromise kia.

Abhay_ Aap kabhi nhi sunenge.

Nimrit ke pitaji ne kuchh pal use dekha.

Fir unhone apna hath tumhare pita ki taraf badha dia.

Nimrit ke Pitaji_ Fir mujhe ye rishta manjur hai.

Manjot ne turant mithai uthakar pahle Nimrit aur fir Abhay ko khila di.

Abhay_ Maa, abhi sirf baat pakki huyi hai.

Manjot_ Mere liye itna hi kafi hai.

Nimrit ki mosi ne Nimrit ke gale me ak chhoti si gold chain pahna di.

Koi badi ceremony nhi huyi.

Bus dono pariwar, kuchh mithai aur bahut sari khushi.

Me_ To engagement ho gyi?

Dadaji_ Official engagement baad me honi thi.

Uss din bus rishta pakka hua tha.

Lakin jab sab khush the, usi raat Rajput Construction ke office me ak confidential message aaya.

Housing tender kaa result final ho chuka tha.

Me_ Tender papa ko mila?

Dadaji_ Haa.

Government housing project Rajput Construction ko mila tha.

Technical quality aur long-term cost ke base per committee ne tumhare pita kaa proposal choose kia.

Salman Pathan ki company second position per thi.

Michael D’Souza ki company third per.

Me_ Fir to dono bahut gusse me aaye honge.

Dadaji_ Salman kaa gussa usi raat bahar aa gya.

Usne apne office me glass tod dia aur kaha—

Salman_ Abhay ko lagta hai ki wo har jagah mujhe hara sakta hai.

Uske aadmi ne pucha—

Aadmi_ Ab kyaa karenge Salman bhai?

Salman_ Tender usse mila hai. Kaam pura nhi karne denge.

Udhar Michael bilkul shant tha.

Usne bus tender result ki copy table per rakhi aur Anthony Pereira ko landline se phone kia.

Michael_ Anthony, Rajput Construction ki clearance file ki copy mere office bhej do.

Anthony_ Ab to clearance issue ho chuki hai.

Michael_ Mujhe pata hai.

Anthony_ Fir file kaa kyaa karoge?

Michael_ Kabhi-kabhi band file me bhi future kaa rasta mil jata hai.

Phone rakhne ke baad Michael ne apne assistant se kaha—

Michael_ Kunwar Abhay ko business me seedhe harana difficult hai.

Isliye uski strength ko uski weakness banana hoga.

Assistant_ Uski strength kyaa hai?

Michael_ Uska naam, uski politics… aur ab uska hone wala rishta ak future IAS officer ke sath.

Assistant_ Nimrit?

Michael_ Haa.

Assistant_ Lakin wo abhi training per jayegi.

Michael_ Aaj wo trainee hai.

Kal officer hogi.

Aur jis din log ye kahna shuru kar denge ki Abhay apni wife ki position kaa fayda utha rha hai…

Uss din hamare paas use business aur politics dono me todne kaa rasta hoga.

Me_ Kyaa Michael ne maa ko bhi target karna shuru kar dia tha?

Dadaji_ Abhi sirf usne Nimrit kaa naam apni calculation me shamil kia tha.

Lakin yahi sabse khatarnak baat thi.

Salman tumhare pita ko harana chahta tha.

Michael tumhare pita ki puri life ko ak chessboard ki tarah dekhne laga tha.

Usse lagta tha ki har insaan ki koi naa koi weakness hoti hai.

Aur usne tumhare pita ki weakness Nimrit ko samajh lia.

Me_ Lakin maa papa ki weakness nhi, strength thi.

Dadaji_ Bilkul.

Lakin dushman pyar ko strength ki tarah nhi dekhta, bete.

Wo use ak aisi jagah samajhta hai, jaha chot pahuchakar insaan ko toda ja sakta hai.

Usi raat tumhare pita Nimrit ko ghar chhodne gye.

Main gate ke bahar dono kuchh pal ak sath khade rhe.

Nimrit_ Aaj aap bahut chup hai.

Abhay_ Me soch rha hu ki meri life me ak hi din me do bahut badi khushiya kese aa gyi.

Nimrit_ Do?

Abhay_ Aap IAS me select ho gyi… aur aapke pitaji ne hamare rishte ke liye haa kah di.

Nimrit_ Aur tender?

Abhay_ Wo third hai.

Nimrit_ Aapke liye itna bada business project third number per hai?

Abhay_ Business project dobara mil sakta hai.

Aap dobara nhi mil sakti.

Nimrit ne halki muskan ke sath kaha—

Nimrit_ Aapko har wakt filmi dialogue bolna jaruri hai?

Abhay_ Ye dialogue nhi, sach hai.

Nimrit_ Ab training ke liye mujhe bahar jana hoga.

Abhay_ Pata hai.

Nimrit_ Kai mahine milna mushkil hoga.

Abhay_ Letters likhenge.

Nimrit_ Aap letter likh payenge?

Abhay_ Business proposals likhta hu. Love letter bhi likh lunga.

Nimrit_ Dono same nhi hote.

Abhay_ Pahle letter ke baad review de dena.

Nimrit_ Agar kharab hua to?

Abhay_ Rewrite karunga.

Nimrit_ Aur agar mene reply nhi kia?

Abhay_ Dusra letter bhejunga.

Nimrit_ Aur uska bhi reply nhi kia?

Abhay_ Teesra.

Nimrit_ Aapne kaha tha ki picha nhi karenge.

Abhay_ Ab rishta pakka ho gya hai. Rules badal gye.

Nimrit hans padi.

Fir usne serious hote hue kaha—

Nimrit_ Abhay, ak promise aur kijiye.

Abhay_ Kyaa?

Nimrit_ Hamare relationship ko kabhi mere career ke sath mix nhi karenge.

Naa aap meri position kaa fayda lenge aur naa mujhe apne business ya politics me kisi illegal help ke liye kahenge.

Tumhare pita ne bina soche apna hath uske samne badha dia.

Abhay_ Promise.

Aur aap bhi ak promise kijiye.

Nimrit_ Kyaa?

Abhay_ Kisi political pressure, transfer ya threat ki wajah se apni honesty compromise nhi karengi.

Nimrit_ Promise.

Dono ne ak dusre kaa hath pakda.

Unhe uss wakt nhi pata tha ki future me in dono promises ki keemat bahut badi hone wali thi.

Nimrit ki honesty uske liye dushman banane wali thi.

Aur tumhare pita kaa uski honesty ke sath khada rehna… un dono ko ak aisi ladai me le jane wala tha, jaha business, politics aur administration sab ak dusre se jud jane wale the.

Me_ Lakin abhi to unki shaadi baki thi.

Dadaji_ Haa.

1990 kaa saal start hote hi, Nimrit training ke liye chali gyi.

Aur 1990 me hi dono ki shaadi honi thi.
Lakin shaadi se pahle tumhare pita ko housing project ki site per ak aisi ghatna kaa samna karna pada...

......

[Babab96]

jisme pahli baar Salman Pathan kaa naam sirf shak me nhi… seedhe samne aane wala tha.

Me_ Salman Pathan ne site per kyaa kia tha, Dadu?

Dadaji_ Seedha attack hamesha bandook ya talwar se nhi hota, Jay.

Kai baar ak businessman per sabse bada attack uske kaam, uski reputation aur uske workers ke bharose per kia jata hai.

Rajput Construction ko government housing project mil chuka tha. Tender ki conditions ke according tumhare pita ko 30 din ke andar site per initial development shuru karna tha.

Sabse pahle land survey, boundary marking, temporary labour camp aur construction material kaa storage area taiyar hona tha.

Project bahut bada tha.

Isliye tumhare pita ne Aftab ko accounts aur suppliers sambhalne diye, jabki wo khud engineering team aur government officers ke sath coordination kar rhe the.

Udhar Nimrit apni IAS training ke liye chali gyi thi.

Me_ Wo kaha training kar rhi thi?

Dadaji_ Pahle foundation course ke liye use academy jana pada tha.

Training ke shuru ke dino me uska schedule bahut strict tha.

Subah physical training, din me lectures, fir group assignments aur sham ko study.

Landline phone per baat karna bhi har wakt possible nhi hota tha.

Isliye tumhare mata-pita ak dusre ko letters likhte the.

Me_ Aapke paas wo letters bhi hai?

Dadaji_ Kuchh letters mere paas hai.

Kuchh Nimrit ki diary ke sath rakhe hai.

Aur kuchh… shayad uss accident me kho gye.

Tumhare pita kaa pahla letter bahut lamba tha.

Manjot_ Abhay, tu love letter likh rha hai ya tender document?

Abhay_ Maa, please padhne ki koshish mat karna.

Manjot_ Mujhe interest bhi nhi hai.

Abhay_ Fir aap mere piche kyun khadi hai?

Manjot_ Ye dekhne ke liye ki mera beta likhna janta bhi hai ya nhi.

Tumhare pita ne letter me Nimrit ko apne project ki progress, Dharmchand ki politics aur ghar ki sari chhoti-badi bate likhi.

Akhir me likha—

“Collector sahiba, academy ke rules follow kijiyega, lakin khana skip mat kijiyega. Aap desh sambhalne nikli hai, pahle khud ko sambhaliye.”

Nimrit ne jawab me likha—

“Kunwar sahab, academy me mere health kaa dhyan rakhne wale bahut log hai. Aap apni construction site aur political fights per dhyan dijiye. Aur haa, letter thoda chhota likha kijiye. Aapke letter ko padhne me mere do lectures kaa time chala gya.”

Tumhare pita ne agle letter me sirf char lines likhi—

“Letter chhota kar dia.

Khana time se khaiyega.

Mujhe yaad kijiyega.

Jaldi reply kijiyega.”

Nimrit ne niche likhkar wahi paper wapas bheja—

“Ab ye bahut chhota hai.”

Me_ Dono letters aise hi bhejte the?

Dadaji_ Haa.

Unke letters me pyar bhi tha, mazak bhi aur future ki planning bhi.

Lakin isi bich housing project ki site per problem shuru ho gyi.

Ak subah Aftab office pahucha to use pata chala ki cement aur steel supply karne wale tino bade suppliers ne achanak material dene se mana kar dia hai.

Aftab_ Tino ne ak sath contract cancel kar dia?

Manager_ Haa sir.

Ak supplier kah rha hai stock available nhi hai. Dusra rate revise karne ki baat kar rha hai aur teesra phone hi nhi utha rha.

Aftab_ Advance payment di ja chuki hai.

Manager_ Fir bhi material dispatch nhi hua.

Aftab turant tumhare pita ke paas gya.

Abhay_ Tino suppliers kaa owner alag hai?

Aftab_ Documents me alag hai.

Lakin transport Salman ke trucks se hota hai.

Tumhare pita samajh gye ki problem kaha se shuru huyi hai.

Abhay_ Alternative suppliers?

Aftab_ Dusre district se material mangwa sakte hai, lakin cost badhegi aur kam se kam das din kaa delay hoga.

Abhay_ Tender condition me initial work ki deadline?

Aftab_ Sirf barah din baki hai.

Abhay_ Salman chahta hai ki hum deadline miss kare aur government tender cancel kar de.

Aftab_ Ya fir hum uske paas jakar deal kare.

Abhay_ Wo bhi yahi chahta hoga.

Usi dopahar Salman kaa phone aa gya.

Salman_ Suna hai material ki thodi problem ho gyi, Kunwar sahab.

Abhay_ Aapko bahut jaldi khabar mil jati hai.

Salman_ Transport kaa kaam hai. Khabar raste me hi mil jati hai.

Abhay_ Kyaa chahte ho?

Salman_ Seedhi baat pasand hai mujhe.

Project me 40 percent subcontract mujhe de do.

Cement, steel, transport aur labour supply me sambhal lunga.

Tumhara kaam time per complete ho jayega.

Abhay_ Aur agar me mana kar du?

Salman_ Fir market me shortage chal rhi hai. Material milna difficult ho sakta hai.

Abhay_ Shortage market me hai ya tumhare order per?

Salman_ Business me proof ke bina aarop nhi lagate, Kunwar sahab.

Abhay_ Ye line meri hai.

Salman_ Achchi hai. Isliye use kar li.

Abhay_ Project kaa ak percent bhi tumhe nhi milega.

Salman_ Soch lo. Government deadline miss huyi to tender cancel ho jayega.

Abhay_ Tender dobara jeet lunga.

Salman_ Har baar kismat sath nhi deti.

Abhay_ Ye tender kismat se nhi mila tha.

Salman_ Theek hai. Fir dekhte hai tumhara dimag cement aur steel kese banata hai.

Phone cut ho gya.

Aftab_ Ab?

Abhay_ Market me sirf ye tino suppliers nhi hai.

Aftab_ Dusre district se material aane me time lagega.

Abhay_ Railways kaa goods yard kitni dur hai?

Aftab_ Site se lagbhag 35 kilometre.

Abhay_ State Capital wali steel company kaa material railway wagon se aa sakta hai?

Aftab_ Aa sakta hai, lakin direct purchase agreement chahiye.

Abhay_ Aaj hi karte hai.

Aftab_ Cement?

Abhay_ Ak cooperative cement plant hai, jo government projects ko direct supply karta hai.

Aftab_ Unke paas already orders honge.

Abhay_ Industries Minister ke office se sifarish nhi chahiye. Bus meeting kaa time chahiye.

Aftab_ Tum har baar political influence use karte ho aur fir kahte ho sifarish nhi chahiye.

Abhay_ Meeting dilwana sifarish hai. Rules todkar supply dilwana corruption hai. Dono me fark hai.

Tumhare pita usi sham State Capital ke liye nikal gye.

Dharmchand bhi unke sath tha.

Cooperative cement plant ke chairman ne pahle mana kar dia.

Chairman_ Hamare paas next 20 days kaa production committed hai.

Abhay_ Ham government housing project bana rhe hai. Tender deadline miss huyi to public project delay hoga.

Chairman_ Har contractor yahi kahta hai.

Abhay_ Ham advance payment denge. Transport ham khud arrange karenge. Aapko sirf production schedule me partial adjustment karna hai.

Chairman_ Isse dusre buyers kaa material late hoga.

Abhay_ Unse consent liya ja sakta hai. Ham unki transport cost bear karenge aur unhe alternate dates denge.

Chairman ne tumhare pita ko dhyan se dekha.

Chairman_ Aap contractor hai ya planner?

Abhay_ Problem solve karne aaya hu.

Kafi baat-chit ke baad cement plant ne limited emergency supply ke liye haa kar di.

Udhar steel company ne railway wagon ke jariye direct supply accept kar li.

Lakin problem abhi khatam nhi huyi thi.

Me_ Ab kyaa hua?

Dadaji_ Salman ko pata chal gya ki tumhare pita alternative supply arrange kar chuke hai.

Usne transport union per pressure banaya.

Local truck owners ne Rajput Construction kaa material site tak le jane se mana kar dia.

Aftab_ Ab railway yard per material aa jayega, lakin site tak kese layenge?

Abhay_ Apne trucks kitne hai?

Aftab_ Company ke 6 trucks hai. Kam se kam 25 chahiye.

Abhay_ Farmers ki tractor-trolleys?

Aftab_ Cement aur steel tractor se?

Abhay_ Emergency me truck kaa wait karenge to deadline chali jayegi.

Aftab_ Tractor owners ko kon manayega?

Abhay_ Me.

Tumhare pita aas-paas ke villages me gye.

Government housing project ke liye jamin usi area ke paas thi. Project complete hone per local logo ko jobs, market aur roads milne wale the.

Tumhare pita ne village meeting bulayi.

Abhay_ Hume material railway yard se site tak lana hai.

Local transport union ne trucks dene se mana kar dia hai.

Jo farmer apni tractor-trolley dena chahe, company use proper rent degi.

Fuel aur driver kaa payment alag hoga.

Village kaa ak aadmi bola—

Villager_ Kunwar sahab, cement kaa saman heavy hota hai. Tractor kharab hua to?

Abhay_ Repair company karwayegi.

Dusra bola—

Villager_ Salman Pathan kaa transport union per control hai. Kal wo hamare kheto kaa saman market tak naa jane de to?

Tumhare pita kuchh pal chup rhe.

Fir bole—

Abhay_ Dar sahi hai.

Isliye me kisi ko force nhi karunga.

Lakin ak baat yaad rakhna—agar har aadmi darr kar piche hatega, to Salman jese log hamesha decide karenge ki iss sahar me kon kaam karega aur kon nhi.

Ak bujurg farmer khada hua.

Bujurg_ Mere do tractor hai. Dono jayenge.

Fir dusra farmer khada hua.

Fir teesra.

Kuchh hi der me 30 se jyada tractor-trolleys taiyar ho gyi.

Me_ Papa khud bhi waha the?

Dadaji_ Haa.

Wo railway goods yard se lekar site tak pura operation khud dekh rhe the.

Raat bhar tractors material le jate rhe.

Tumhare pita, Aftab aur company ke engineers ne khud unloading karwayi.

Agli subah project site per cement aur steel pahuch chuka tha.

Deadline se pahle foundation work shuru ho gya.

Salman Pathan ko khabar mili to use yakin nhi hua.

Salman_ Tractor se pura material le aaye?

Aadmi_ Haa Salman bhai.

Villages ke logo ne help ki.

Salman_ Abhay ne unhe kitna paisa dia?

Aadmi_ Proper rent dia, lakin log paiso se jyada uske naam per aaye the.

Salman ne table per hath mara.

Salman_ Yahi uski asli takat hai.

Michael bhi room me present tha.

Michael_ Mene tumse kaha tha, supply rokna enough nhi hoga.

Salman_ Tumne kyaa kia?

Michael_ Me uske solution kaa intejar kar rha tha.

Salman_ Kyaa matlab?

Michael_ Ab usne emergency supply me government cooperative plant se cement lia, railway wagon use kia aur private tractors se material transport karwaya.

Itni jaldi me kahi naa kahi documentation mistake jarur huyi hogi.

Salman_ Aur agar nhi huyi?

Michael_ To mistake create ki ja sakti hai.

Salman ne Michael ki taraf dekha.

Salman_ Tum har baat ko file me kyun le jate ho?

Michael_ Kyunki goli kaa nishan dikhayi deta hai. File kaa nishan nhi.

Udhar tumhare pita ko lag rha tha ki unhone problem solve kar di hai.

Lakin agle hi din Labour Department aur Transport Department ki joint team site per pahuch gyi.

Officer_ Hume complaint mili hai ki unauthorized vehicles se commercial material transport ho rha hai.

Aftab_ Tractor owners ko rent dia gya hai. Sare payment records available hai.

Officer_ Kyaa tractors commercial transport ke liye registered hai?

Aftab chup ho gya.

Farming tractors ko short-term emergency transport ke liye use kia gya tha, lakin legal position clear nhi thi.

Officer_ Jab tak verification complete nhi hoti, material movement band rahega.

Abhay_ Material already site per aa chuka hai.

Officer_ Aage koi tractor use nhi hoga.

Abhay_ Theek hai.

Officer_ Labour camp kaa registration certificate?

Manager ne file nikali.

Officer ne documents dekhe.

Officer_ Temporary labour camp me workers ki sankhya 100 se jyada hai. Medical facility aur sanitation inspection abhi pending hai.

Abhay_ Camp abhi fully operational nhi hai.

Officer_ Records me 126 workers site per present dikhaye gye hai.

Abhay ne manager ki taraf dekha.

Manager_ Sir, kuchh temporary workers kal unloading ke liye bulaye the.

Officer_ Jab tak compliance complete nhi hoti, construction work roka jata hai.

Me_ Fir to Salman jeet gya?

Dadaji_ Ak din ke liye use aisa laga tha.

Tumhare pita ne officer se kaha—

Abhay_ Aap written order dijiye.

Officer_ Order office se issue hoga.

Abhay_ Tab tak verbal order per site band nhi hogi.

Officer_ Aap government officer se bahas kar rhe hai?

Abhay_ Nhi. Me legal process follow karne ko kah rha hu.

Aap jo bhi deficiency hai, written me dijiye. Hum aaj hi correct karenge.

Officer_ Aapko lagta hai sab kuchh ak din me ho jayega?

Abhay_ Agar deficiency real hai, to ho jayegi.

Agar bus kaam rokna purpose hai, to aapko difficulty hogi.

Officer kaa chehra sakht ho gya.

Officer_ Language sambhalkar.

Abhay_ Me puri respect se baat kar rha hu.

Lakin ye government housing project hai. Har din kaa delay public money kaa loss hai.

Written notice dijiye, hum written compliance denge.

Officer ne ak provisional notice issue kia.

Usme 24 ghante ke andar medical camp, sanitation certificate, worker registration aur vehicle details submit karne ko kaha gya.

Aftab_ 24 ghante me ye sab kese hoga?

Abhay_ Hospital se temporary medical unit arrange karo.

Municipal sanitation officer ko inspection ke liye written request bhejo.

Workers kaa registration abhi start karo.

Aftab_ Aur tractor wala issue?

Abhay_ Material aa chuka hai. Aage company ke trucks aur railway-approved carriers use honge.

Aftab_ Local truck union hume vehicle nhi dega.

Abhay_ Dusre district ke carriers se contract karo.

Aftab_ Cost fir badhegi.

Abhay_ Badhegi.

Lakin project rukne se kam.

Rajput Construction ke office me puri raat kaam hua.

Temporary medical room banaya gya.

Ak doctor aur compounder contract per rakhe gye.

Labour camp me water tanks, toilets aur waste disposal arrange kia gya.

Subah Municipal Health Officer ne inspection kia.

Dopahar tak compliance report ready ho gyi.

24 ghante complete hone se pahle sare documents department me submit kar diye gye.

Project kaa stop notice cancel ho gya.

Aftab_ Salman har baar hamara cost badha rha hai.

Abhay_ Lakin wo hume better system banane per bhi majbur kar rha hai.

Aftab_ Tum isme bhi positive side dekh rhe ho?

Abhay_ Labour camp me medical unit pahle hi hona chahiye tha.

Sanitation inspection bhi pahle karwana chahiye tha.

Complaint galat intention se huyi, lakin deficiency kuchh had tak real thi.

Aftab_ To Salman ko thank you letter bhej de?

Abhay_ Address mile to bhej dena.

Me_ Papa gussa nhi hue?

Dadaji_ Bahut gussa hue the.

Lakin tumhare pita kaa tarika tha ki gusse ko decision per control nhi karne dete the.

Uss raat unhone Nimrit ko letter likha.

Lakin pahli baar unhone project ki puri problem use nhi batayi.

Unhone bus likha—

“Site per kaam shuru ho gya hai. Thodi administrative problems aayi thi, ab solve ho gyi hai. Aap training per focus kijiye.”

Nimrit ne jawab me likha—

“Administrative problem kaa matlab mujhe achchi tarah pata hai. Puri baat likhiye.”

Tumhare pita ne fir bhi details chhupayi.

Kuchh dino baad Nimrit ko apne pita ke letter se pata chala ki project site per multiple inspections aur supply blockade hua tha.

Usne turant Abhay ko trunk call book kia.

Me_ Trunk call kyaa hota hai?

Dadaji_ Uss samay long-distance call aaj ki tarah turant nhi lagta tha.

Telephone exchange ke through call book karna padta tha. Kabhi-kabhi connection milne me bahut samay lagta tha.

Sham ko Rajput Construction kaa landline baja.

Aftab ne phone uthaya.

Operator_ Academy se Nimrit ji kaa trunk call hai. Kunwar Abhay Pratap Singh Thakur se baat karni hai.

Aftab muskuraya aur tumhare pita ko phone de dia.

Abhay_ Hello?

Nimrit_ Aapne mujhse jhooth kyun bola?

Abhay_ Namaste to bol dijiye.

Nimrit_ Pahle jawab dijiye.

Abhay_ Mene jhooth nhi bola. Problems solve ho gyi thi.

Nimrit_ Aapne likha “thodi administrative problems.”

Material supply rokna, transport union kaa mana karna aur Labour Department kaa site band karna thodi problem hai?

Abhay_ Aapko kisne bataya?

Nimrit_ Papa ne.

Abhay_ Unhe kisne bataya?

Nimrit_ Ye important nhi hai.

Aapne kaha tha ki badi problem mujhse chhupayenge nhi.

Abhay_ Me nhi chahta tha ki training ke bich aap pareshan ho.

Nimrit_ Me aapki hone wali wife hu ya bus ak student, jise aap har baat se protect karenge?

Abhay kuchh pal chup rhe.

Nimrit_ Abhay ji?

Abhay_ Galti ho gyi.

Nimrit_ Itni jaldi maan gye?

Abhay_ Aap phone per hai. Samne hoti to thoda argue karta.

Nimrit_ Me serious hu.

Abhay_ Me bhi.

Aage se koi badi problem hogi to bataunga.

Nimrit_ Promise?

Abhay_ Promise.

Nimrit_ Aur Salman Pathan?

Abhay_ Proof abhi bhi nhi hai.

Nimrit_ Lakin aap jante hai ki wahi karwa rha hai.

Abhay_ Haa.

Nimrit_ security officer complaint?

Abhay_ Kis basis per?

Nimrit_ Suppliers, transport union aur departments kaa timing coincidence nhi ho sakta.

Abhay_ Coincidence prove karna difficult hota hai.

Nimrit_ Aap evidence collect kijiye.

Abhay_ Future Collector order de rhi hai?

Nimrit_ Future wife advice de rhi hai.

Abhay_ Wife wala part dobara boliyega.

Nimrit_ Topic mat badaliye.

Abhay_ Me careful rahunga.

Nimrit_ Sirf careful nhi. Har document aur har payment record safe rakhiye.

Kis officer ne kab inspection kia, kis supplier ne kab contract cancel kia, sab likhkar rakhiye.

Abhay_ Aap training me administration seekh rhi hai ya investigation?

Nimrit_ Dono kaaam aayenge.

Tumhare pita ko Nimrit ki baat sahi lagi.

Unhone Aftab ko har incident kaa separate record maintain karne ko kaha.

Supplier cancellations, union refusal, government inspections aur forged complaint—sabki dates aur documents ak confidential file me rakhe gye.

Me_ Kyaa wahi file baad me accident ki investigation me kaam aayi?

Dadaji kuchh pal chup ho gye.

Dadaji_ Uss file ne bahut sare sawal khade kiye the.

Lakin jawab… pure nhi mile.

Me_ Wo file ab kaha hai?

Dadaji_ Kahani puri hone do, Jay.

Har chij kaa samay hota hai.

Kuchh hafte baad government housing project kaa official foundation ceremony rakha gya.

Chief Minister ko bulane ki koshish huyi, lakin unke badle Urban Development Minister chief guest bankar aaye.

Dharmchand Patel stage per tha.

Tumhare pita aur Aftab project team ke sath present the.

Salman aur Michael ko formally invitation bheja gya tha, lakin Salman nhi aaya.

Michael aaya.

Me_ Papa ne apne rivals ko invite kyun kia?

Dadaji_ Business function me competitors ko invite karna normal hota hai.

Aur tumhare pita personal rivalry ko public event per dikhana pasand nhi karte the.

Michael stage ke samne first row me baitha tha.

Function ke baad wo tumhare pita se mila.

Michael_ Congratulations, Kunwar sahab.

Aapne impossible ko possible kar dia.

Abhay_ Kyaa impossible tha?

Michael_ Material blockade, transport issue, department inspections… fir bhi project time per start ho gya.

Tumhare pita ne uski aankho me dekha.

Abhay_ Aapko sari details pata hai.

Michael_ Business me market ki khabar rakhni padti hai.

Abhay_ Ya khabar banani padti hai?

Michael halka sa muskuraya.

Michael_ Aap mujhper shak karte hai?

Abhay_ Bina proof ke shak ko aarop nhi banata.

Michael_ Achchi policy hai.

Abhay_ Lakin shak ko ignore bhi nhi karta.

Michael_ Ye aur bhi achchi policy hai.

Michael ne tumhare pita se hath milaya.

Michael_ Ham competitors hai, enemies nhi.

Abhay_ Ye aapko Salman ko samjhana chahiye.

Michael_ Salman emotional aadmi hai.

Abhay_ Aur aap?

Michael_ Me practical hu.

Abhay_ Practical aadmi jyada dangerous hota hai.

Michael ki smile thodi gehri ho gyi.

Michael_ Shayad isi liye ham dono ak dusre ko jaldi samajh rhe hai.

Me_ Kyaa papa ko Michael per bhi shak ho gya tha?

Dadaji_ Tumhare pita ko uski smile per kabhi bharosa nhi hua.

Lakin Michael ne kabhi khud ko openly dushman nhi dikhaya.

Wo kai functions me tumhare pita se normal tarike se milta.

Business meetings me unki tarif karta.

Aur piche se unki har kamjori note karta.

Uss waqt tumhare pita ki sabse badi khushi Nimrit ke letters the.

Training ke dauran Nimrit kaa rural visit hua.

Use kuchh villages me jakar local administration, college aur health centre kaa survey karna tha.

Usne Abhay ko letter me likha—

“Tumhari ak baat sahi thi. File me village kaa college functional tha, ground per teacher hi nhi aaya. Health centre me medicine register bhara hua tha, lakin almari khali thi. Administrator ko sach me office se bahar nikalna padta hai.”

Tumhare pita ne jawab diya—

“Finally Collector sahiba ne maan lia ki politician kabhi-kabhi sahi ho sakta hai.”

Nimrit ne niche likha—

“Ak politician sahi ho sakta hai. Sab nhi.”

Abhay ne jawab bheja—

“Ak IAS officer intelligent ho sakti hai. Sab nhi.”

Is tarah dono door rehkar bhi ak dusre ki life kaa hissa bane rhe.

1989 kaa end paas aa rha tha.

Nimrit ki initial training complete hone wali thi.

Uske ghar wapas aane ki date fix huyi.

Tumhari Dadi Manjot ne uske swagat ki taiyari shuru kar di.

Manjot_ Training se lautne ke baad sagai kar dete hai.

Abhay_ Maa, uske pariwar se puchh to lo.

Manjot_ Rishta pakka hai. Ab har baat per meeting kyun?

Baldev_ Kyunki ladki kaa bhi pariwar hai.

Manjot_ To aap phone kijiye.

Baldev_ Aise phone per sagai ki date decide nhi hoti.

Manjot_ To ghar chaliye.

Abhay_ Aaj?

Manjot_ Haa.

Tumhare pita ne meri taraf dekha.

Baldev_ Mujhe mat dekho. Tumhari maa decide kar chuki hai.

Hum usi sham Nimrit ke ghar gye.

Nimrit abhi academy se wapas nhi aayi thi.

Uske pitaji aur mosi hamara intejar kar rhe the.

Normal baat-chit ke baad Manjot ne seedha kaha—

Manjot_ Ab bachcho kaa rishta sabko manjur hai. Nimrit training se laut aaye to sagai kar dete hai.

Nimrit ke Pitaji_ Mujhe koi problem nhi hai.

Lakin shaadi kaa kyaa socha hai?

Baldev_ Dono jesa chahe.

Abhay ne jawab diya—

Abhay_ Nimrit ki training aur initial posting kaa schedule clear hone ke baad.

Nimrit ke Pitaji_ Shaadi 1990 me ki ja sakti hai.

Manjot_ Ak saal aur intejar?

Nimrit ki Mosi_ 1990 bahut dur nhi hai.

Manjot_ Pyar karne wale ke gharwalo se puchho.

Abhay_ Maa, me yahi baitha hu.

Manjot_ Isliye bol rhi hu.

Aakhir decide hua ki Nimrit ke wapas aate hi chhoti si formal engagement hogi.

Shaadi 1990 me, uski training schedule aur available leave ke according rakhi jayegi.

Me_ To sab theek chal rha tha?

Dadaji_ Bahar se haa.

Lakin usi raat housing project site per ak serious ghatna huyi.

Site per raat ki shift me kuchh labourers foundation area me kaam kar rhe the.

Achanak cement storage kaa ak bada shed gir gya.

Do workers uske niche dab gye.

Me_ Kyaa unki death ho gyi?

Dadaji_ Nhi.

Ak worker kaa hath fracture hua aur dusre ko sir per gehri chot lagi.

Dono ko hospital le jaya gya.

Tumhare pita ko raat me khabar mili.

Wo turant site pahuche.

Shed ke steel supports niche gire hue the.

Site Engineer_ Sir, ye supports kal hi install hue the. Aise gir nhi sakte.

Abhay_ Welding check ki?

Engineer_ Welding cut ki gyi hai.

Aftab torch lekar niche jhuka.

Steel joints per seedhe cut marks the.

Aftab_ Ye accident nhi hai.

Abhay_ Kisi ne jaan-bujhkar supports cut kiye hai.

Security Guard ko bulaya gya.

Abhay_ Raat me site per kon-kon enter hua?

Guard_ Sir, workers aur material wala ak truck.

Aftab_ Material truck kis company kaa tha?

Guard ne register dekha.

Guard_ Pathan Transport.

Aftab ne tumhare pita ki taraf dekha.

Aftab_ Ab bhi proof chahiye?

Abhay_ Truck kaa site per aana proof hai. Shed cut karna nhi.

Aftab_ Salman ke truck kaa aadmi raat me yaha aaya aur usi raat shed gir gya.

Abhay_ Driver aur helper ko dhundo.

Driver agle din mil gya.

Usne kaha ki wo sirf material unload karke chala gya tha.

Helper gayab tha.

Me_ Wo helper Salman kaa aadmi tha?

Dadaji_ Register me uska naam Rafiq likha tha.

Address fake nikla.

security officer complaint file huyi.

Forensic jesi facilities uss samay har jagah easily available nhi thi, lakin security officer ne cut steel aur tools kaa inspection kia.

Report me clear tha ki supports natural failure se nhi gire the.

Ye sabotage tha.

Ab pahli baar tumhare pita per direct criminal attack kaa evidence mila tha.

Lakin attacker kon tha, ye abhi bhi prove nhi hua.

Aftab_ Salman ko arrest karwana chahiye.

Abhay_ Kis evidence per?

Aftab_ Truck uska tha.

Abhay_ Uske hundreds trucks hai. Driver kaa statement hai ki usne helper ko local labour contractor ke through lia tha.

Aftab_ Statement kharida bhi ja sakta hai.

Abhay_ Ho sakta hai.

Aftab_ Fir se ho sakta hai?

Abhay_ Court me “ho sakta hai” se arrest nhi hota.

Usi dopahar Salman khud Rajput Construction ke office aa gya.

Receptionist ne Abhay ko inform kia.

Abhay_ Use andar bhejo.

Salman room me aaya aur chair per bina permission baith gya.

Salman_ Suna hai site per accident ho gya.

Abhay_ Accident nhi, sabotage.

Salman_ Badi serious baat hai.

Abhay_ Tumhare truck se ak fake identity wala helper site per aaya tha.

Salman_ Mere 200 se jyada trucks chalte hai. Har helper kaa character certificate me khud check nhi karta.

Abhay_ Lakin jab tumhare truck kaa aadmi mere site per supports cut kare, tab jawab tumhe dena padega.

Salman_ Prove karo ki usne cut kiya.

Abhay_ security officer dhund rhi hai.

Salman_ Dhundne do.

Abhay_ Tum uska address jante ho?

Salman_ Nhi.

Abhay_ Driver?

Salman_ Driver company kaa employee hai. Helper temporary tha.

Abhay_ Temporary worker ko government project site per bina identification bhejna tumhari company ki negligence hai.

Salman_ Fine laga do.

Abhay_ Ye fine kaa mamla nhi hai. Do workers mar sakte the.

Salman_ Lakin mare nhi.

Tumhare pita apni chair se khade ho gye.

Abhay_ Ye baat dobara mat kahna.

Salman bhi khada ho gya.

Salman_ Aawaj niche rakho, Kunwar.

Abhay_ Mere office me khade ho.

Salman_ Office tumhara hai. Sahar nhi.

Abhay_ Sahar tumhara bhi nhi hai.

Dono ak dusre ke bilkul samne khade the.

Aftab aur office ke kuchh employees door per aa gye.

Salman_ Tumhe lagta hai ak tender jeetkar tum bahut bade aadmi ban gye?

Abhay_ Mujhe kisi tender se apni aukat prove nhi karni.

Salman_ Fir meri aukat test mat karo.

Abhay_ Me kisi ki aukat test nhi karta.

Lakin mere workers ko chot pahuchane wale ko chhodunga bhi nhi.

Salman_ Direct aarop laga rhe ho?

Abhay_ Me kah rha hu—agar iss sabotage me tumhara hath nikla, to tumhari politics, transport aur business tino ko kanun ke samne khada karunga.

Salman_ Aur agar mera hath naa nikla?

Abhay_ To tumse maafi mangunga.

Salman kuchh pal tumhare pita ko dekhta rha.

Fir dheere se bola—

Salman_ Maafi mangne ki tayari rakhna.

Abhay_ Tum investigation ki tayari rakho.

Salman office se bahar nikal gya.

Me_ Kyaa uske jane ke baad papa ko darr laga?

Dadaji_ Darr se jyada gussa tha.

Lakin uss ghatna ne mujhe aur Manjot ko pareshan kar dia tha.

Manjot_ Business me competition alag hota hai. Ye log jaan lene per aa gye hai.

Abhay_ Abhi prove nhi hua ki Salman kaa hath hai.

Manjot_ Har baar proof kaa intejar karte rahoge?

Baldev_ Manjot sahi kah rhi hai. Apni security badhao.

Abhay_ Security lekar har jagah ghumunga to logo se milunga kese?

Baldev_ Jinda rahoge to logo se miloge.

Tumhare pita chup ho gye.

Mene unke office aur project site per extra guards rakhwa diye.

Abhay ko ak licensed revolver rakhne kaa suggestion bhi diya gya.

Me_ Papa revolver rakhte the?

Dadaji_ Kuchh samay baad unhone license ke liye apply kia tha.

Lakin wo hathiyar se jyada apne logo aur intelligence network per bharosa karte the.

Ussi samay Nimrit training complete karke wapas aane wali thi.

Tumhare pita ne decide kia ki wo use site sabotage ki baat khud batayenge.

Railway station per Manjot, Nimrit ke pitaji, mosi aur tumhare pita use receive karne gye.

Train platform per aakar ruki.

Nimrit apna suitcase lekar niche utri.

Sabse pahle usne apne pita aur mosi ke pair chhuye.

Fir Manjot ne use gale laga liya.

Manjot_ Collector sahiba aur patli ho gyi.

Nimrit_ Training kaa khana achcha tha.

Manjot_ Fir mera beta letters me jhooth likhta tha ki tum khana skip karti ho.

Nimrit ne Abhay ki taraf dekha.

Nimrit_ Inhe exaggerate karne ki aadat hai.

Abhay_ Aapko dekhkar lag rha hai me sahi tha.

Nimrit_ Sabke samne health discussion jaruri hai?

Abhay_ Aap sabke samne mujhe liar bol sakti hai?

Nimrit_ Mene liar nhi, exaggerate kaha.

Dono ki nok-jhok dekhkar sab muskurane lage.

Station se bahar aate wakt Nimrit ne notice kia ki Abhay ke sath do naye security guards chal rhe hai.

Nimrit_ Ye dono kon hai?

Abhay_ Company ke guards.

Nimrit_ Aapke sath kyun?

Abhay_ Normal precaution.

Nimrit ruk gyi.

Nimrit_ Kyaa hua hai?

Abhay_ Ghar chalkar batata hu.

Nimrit_ Abhi.

Tumhare pita ne aas-paas dekha.

Abhay_ Site per sabotage hua tha. Do workers injured hue.

Nimrit kaa chehra badal gya.

Nimrit_ Kab?

Abhay_ Kuchh din pahle.

Nimrit_ Aapne letter me kyun nhi likha?

Abhay_ Aapki training complete hone wali thi.

Nimrit_ Aapne promise kia tha.

Abhay_ Isliye ab bata rha hu.

Nimrit_ Mere puchne ke baad.

Abhay_ Ghar per detail me baat karenge.

Nimrit ne kuchh nhi kaha.

Wo car me baith gyi, lakin pure raste tumhare pita se baat nhi ki.

Me_ Maa naraj ho gyi thi?

Dadaji_ Bahut.

Sham ko sab log chale gye, lakin Nimrit ne tumhare pita ko ghar ke garden me rok lia.

Nimrit_ Aapko meri baat kaa koi value nhi hai?

Abhay_ Aisa nhi hai.

Nimrit_ Do workers injured hue. Aapko direct threat mila. Site per sabotage hua. Aur aapne mujhe normal precaution bola.

Abhay_ Me aapko pareshan nhi karna chahta tha.

Nimrit_ Relationship me ak dusre ko bus khushiya nhi batayi jati.

Problems bhi batani padti hai.

Abhay_ Mene galti maan li.

Nimrit_ Aap har baar galti maan kar fir wahi karenge?

Abhay_ Nhi.

Nimrit_ Aap samajhte kyun nhi ki aapki life ab sirf aapki nhi hai?

Tumhare pita kuchh pal chup ho gye.

Nimrit ko bhi ahsas hua ki usne kitni gehri baat bol di hai.

Abhay_ Dobara boliyega.

Nimrit_ Me serious hu.

Abhay_ Me bhi.

Aapne kaha meri life sirf meri nhi hai.

Nimrit ne najar hata li.

Nimrit_ Hamara rishta pakka hai.

Aapko kuchh hoga to aapke pariwar ke sath mujhe bhi fark padega.

Abhay_ Sirf rishta pakka hone ki wajah se?

Nimrit_ Abhay ji, ye waqt romantic bate karne kaa nhi hai.

Abhay_ Me bus clear kar rha hu.

Nimrit ne use gusse se dekha.

Fir dheere se boli—

Nimrit_ Nhi.

Sirf rishta pakka hone ki wajah se nhi.

Kyuki me aapse pyar karti hu.

Aur me aapko kisi Salman Pathan ya kisi business tender ki wajah se khona nhi chahti.

Tumhare pita kaa chehra soft ho gya.

Abhay_ Me bhi aapko kabhi khona nhi chahta.

Nimrit_ Fir promise kijiye ki bina security dangerous jagah per nhi jayenge.

Abhay_ Har jagah security possible nhi hai.

Nimrit_ Important meetings aur project site per to possible hai.

Abhay_ Theek hai.

Nimrit_ Har threat kaa written record rakhenge.

Abhay_ Rakh rha hu.

Nimrit_ security officer investigation ko influence nhi karenge.

Abhay_ Me kyun karunga?

Nimrit_ Kyunki aap politician hai.

Abhay_ Ab insult ho rhi hai.

Nimrit_ Me future IAS officer hu. Doubt karna training kaa hissa hai.

Abhay_ Theek hai, Collector sahiba.

Aapki sari conditions manjur hai.

Nimrit_ Aur ak condition.

Abhay_ Aur?

Nimrit_ Salman se akela milne ki jarurat nhi hai.

Abhay_ Wo mere office me aa gya tha.

Nimrit_ Next time Aftab ya koi aur room me present rahega.

Abhay_ Aap meri security officer hai ya hone wali wife?

Nimrit_ Dono.

Abhay_ Wife wali authority abhi se?

Nimrit_ Problem hai?

Abhay_ Bilkul nhi.

Uss raat pahli baar tumhare pita ne mujhe kaha—

Abhay_ Pitaji, shaadi jyada delay mat kijiyega.

Me_ Papa khud jaldi shaadi karna chahte the?

Dadaji_ Salman ki wajah se nhi.

Nimrit ke wapas aane ke baad unhe ahsas hua ki wo usse kitna miss kar rhe the.

Dono pariwar ne engagement ki date fix kar di.

December 1989 ke ak Sunday ko hamare farmhouse per chhoti si ceremony rakhi gyi.

Sirf close relatives, Dharmchand, Aftab aur kuchh family friends ko bulaya gya.

Manjot ne Nimrit ke liye apni pasand ki ring li.

Nimrit ki mosi ne Abhay ke liye ring choose ki.

Ceremony ke din Nimrit bahut graceful lag rhi thi.

Tumhare pita use dekhkar fir wahi pahli mulakat wale ladke jese ho gye the.

Aftab_ Kunwar sahab, muh band rakho. Family dekh rhi hai.

Abhay_ Ye line maa already bol chuki hai.

Aftab_ Sahi boli thi.

Ring exchange se pahle Nimrit ke pitaji ne sabke samne kaha—

Nimrit ke Pitaji_ Aaj hum dono kaa rishta officially accept kar rhe hai.

Lakin Nimrit kaa career uski pahli responsibility rahega.

Baldev_ Aur hamara pariwar uske career me uske sath khada rahega.

Manjot_ Ab ring bhi pehna do. Speech shaadi me kar lena.

Sab hans pade.

Tumhare pita ne Nimrit ko ring pahna di.

Fir Nimrit ne unhe ring pahna di.

Dharmchand sabse tej tali baja rha tha.

Aftab ne dheere se kaha—

Aftab_ Election jitane se jyada difficult kaam ye tha.

Dharmchand_ Isme hamne kyaa kia?

Aftab_ Kunwar sahab ko coaching wali road se dur rakha.

Dono hansne lage.

Ceremony ke baad Salman Pathan kaa ak bada flower arrangement aaya.

Uske sath card tha—

“Kunwar Abhay Pratap Singh Thakur aur Nimrit ji ko mubarakbad. Umeed hai naya rishta aapki priorities badal dega.”

Me_ Iska kyaa matlab tha?

Dadaji_ Sabko ye normal congratulations jesa laga.

Lakin tumhare pita aur Aftab samajh gye ki Salman kaa message seedha tha.

Wo kah rha tha—business aur politics se piche hat jao.

Nimrit ne card padha.

Nimrit_ Kyaa ye threat hai?

Abhay_ Indirect suggestion.

Nimrit_ Aap kyaa karenge?

Abhay_ Flower arrangement andar rakhwaunga.

Nimrit_ Aur suggestion?

Abhay_ Ignore.

Nimrit_ Salman ko lagna nhi chahiye ki engagement ke baad aap weak ho gye.

Abhay_ Engagement ke baad me jyada strong hua hu.

Nimrit_ Filmi dialogue fir shuru.

Abhay_ Ab officially bolne kaa right mil gya hai.

Usi sham Michael D’Souza kaa bhi gift aaya.

Ak expensive chessboard.

Card per likha tha—

“Life aur business dono chess ki tarah hai. Har move sochkar kheliye.”

Me_ Papa ne gift rakha?

Dadaji_ Haa.

Tumhare pita ne wo chessboard apne study room me rakh lia.

Michael kaa gift unhe warning bhi lagta tha aur challenge bhi.

Aftab_ Isse wapas bhejo.

Abhay_ Kyun?

Aftab_ Wo tumhe openly game kaa part bata rha hai.

Abhay_ Achcha hai.

Kam se kam hume pata hai ki wo game khel rha hai.

Aftab_ Salman attacker hai. Michael planner.

Abhay_ Aur dono ko lagta hai ki hum unke rules per khelenge.

Aftab_ Hum kiske rules per khelenge?

Abhay_ Kanun ke.

Aftab_ Kabhi-kabhi tum bahut idealistic ho jate ho.

Abhay_ Aur tum bahut suspicious.

Aftab_ Isi balance se company chal rhi hai.

Engagement ke kuchh hi dino baad IAS Department se Nimrit ki next training aur probation schedule kaa letter aaya.

Use kuchh mahino ke liye fir bahar jana tha.

Shaadi ki date 1990 ke middle months me rakhne per baat hone lagi.

Manjot_ Itna delay kyun?

Nimrit_ Maa, training leave ke according hi date rakhni hogi.

Ye pahli baar tha jab Nimrit ne Manjot ko naturally “Maa” kaha.

Manjot kuchh pal bilkul chup ho gyi.

Nimrit_ Kyaa hua?

Manjot ne use gale laga lia.

Manjot_ Kuchh nhi.

Bus dobara bol.

Nimrit_ Maa?

Manjot ki aankho me aansu aa gye.

Manjot_ Ab shaadi kal hi karwa do.

Sab hansne lage.

Me_ Dadi maa se bahut pyar karti thi naa?

Dadaji_ Bahut.

Nimrit ko Manjot me wahi maa kaa pyar milne laga tha, jo usne 6 saal ki age me kho dia tha.

Aur Manjot ko Nimrit me sirf bahu nhi, beti mil gyi thi.

Shayad isi liye 1996 kaa wo accident…

Dadaji ki aawaj achanak dheemi ho gyi.

Me_ Dadu?

Dadaji_ Kuchh nhi.

Abhi 1989 khatam hua tha.

1990 aane wala tha.

Tumhare mata-pita ki shaadi kaa saal.

Lakin shaadi se pahle tumhare pita ko Salman Pathan ke against pahla solid evidence milne wala tha.

Site kaa gayab helper Rafiq pakda jane wala tha.

Aur uske statement me sirf Salman kaa naam nhi…
Ak aur aise aadmi kaa naam aane wala tha, jise tumhare pita uss wakt apna supporter samajhte the.

......

[Babab96]

Ab aage

Dadaji_ Jay ab raat kafi ho gyi hai bete, lagbhag 2 baj chuke hai, ab hum dono ko sona chahiye...

Me_ Dadaji, Aadhi adhuri kahani kaha sone degi ab mujhe..

Dadaji_ Me janta hun bete, tum apne jiwan kaa pura sach sunne ke liye betab ho...Lakin ye kahani ak raat me khatam nhi hogi...
Tum ak kaam karna kal me jangal wale khet per rahunga, or sirf kal hi nhi aane wale 2 din or 2 raat...

Me_ Kyun dadaji, waha to humara nokar Nandu hai naa...

Dada_ Nandu or uski biwi 2-3 dino ke liye, Nandu ke gaanv jaa rhe hai, Nandu ke pitaji ki tabiyat jyada kharab hai...

Me_ theek hai dadaji...

Dadaji_ Or wese bhi tum subah saam mujhe khet per khana dene aaoge hi..to aage ki kahani me tumhen wahi suna dunga...

Me_ theek hai dadaji...

Humari iss baat cheet ke baad dadaji to chale gye...

Lakin me andar se bechen tha...ki kyaa hua hoga aage..

Or Meri, kyaa hakkikat hai...

Ye sab sochte huye, In sab me, me dadaji ko apne lund wali baat bata hi nhi paya...

unse kah hi nhi paya ki mujhe, mere lund ko lekar bhi chinta hai...

Me lagbhag raat ko 4 baje soya...

Or subhah 7 bje mujhe Anuj ne aakar jagaya...

Anuj_ Bhaiya uthiye subhah ho gyi hai, suraj aaj apse pahli uth gya hai...

Darasal me roj subah 5 bje uthkar, naha kar vyayam ke liye, Akhade chale jata hun...

Me_ Chachi kaha hai Anuj...

Anuj_ Haa aaj subah se papa ke sath khet per gyi hai...Wo apke liye ye halwa bana kar rakh gyi hai..

Me_ Subhah se?

Anuj_ Haa bhaiya 6 bje se, chaliye aap naha dhokar ye kha lijiyega...mera kaam pura hua...

Me_ Achcha to ye kaam tumhen chachi dekhar gyi hai...

Anuj_ Haa, chaliye me bhi ab khet me jaa rha hun...

Anuj ke jaane ke baad me, Nahaya dhoya...wo badam kismis or kaju se bhara hua halwa khaya...

Or Akhade me jakar Abhyas karne laga.....

Akhade se aane ke baad, Dobara Nahaya.....

Khana khane gya..to Tau ke kuchh tane sune...khana khane ke baad dadaji ke liye tiffin lekar jangal wale khet pahuch gya...

Waha dadaji ke sath bethkar dobara khana khaya, matlab dadaji ko khilaya or khud bhi thoda bahut khaya...

Kyuki ghar per Tai thi, or wo mujhe kabhi theek se khana khane nhi deti.. kuchh naa kuchh tont marti hi rahti hai...

fir khana khane ke baad, dobara dadaji ne mujhe kahani sunani suru Kari ......

[Babab96]

Me_ Wo supporter kon tha, Dadu?
Dadaji_ Naam sunne ki jaldi mat karo, Jay. Pahle ye samjho ki Rafiq pakda kese gya.

Housing project ki site per shed girne ke baad security officer ne uski talash shuru kar di thi.

Register me uska naam Rafiq Khan likha tha, lakin address aur identity dono fake nikle.

Pathan Transport kaa driver kah rha tha ki Rafiq use project site ke paas wale labour naka se mila tha.

Labour contractor usse pahchanne se mana kar rha tha.

Sabhi ak hi baat bol rhe the—

“Hum use jyada nhi jante.”

Lakin tumhare pita ko yakin tha ki Rafiq koi normal labourer nhi tha.

Me_ Unhe kese pata?

Dadaji_ Shed ke steel supports normal aadmi ne nhi kaate the.

Steel joints ko jis tarah se cut kia gya tha, usse pata chalta tha ki Rafiq ko welding aur metal work ki achchi samajh thi.

Tumhare pita ne project site ke purane labour records check karwaye.

Pata chala ki shed girne se lagbhag ak hafte pahle Rafiq ne kisi dusre naam se site per temporary welding kaa kaam bhi kia tha.

Aftab_ Iska matlab usne pahle se site ko study kia tha.

Abhay_ Haa. Use pata tha ki kis support ko cut karne se pura shed girega.

Aftab_ Aur use ye bhi pata tha ki night shift me security kam hoti hai.

Abhay_ Site kaa schedule kisi andar ke aadmi ne diya hai.

Aftab_ Ya Salman ke transporter ko pata tha.

Abhay_ Transporter ko material delivery kaa time pata hota hai. Labour shift aur security change kaa nhi.

Tumhare pita ne site manager, labour contractor aur security staff sabki background verification karwayi.

Unhone security officer ko interfere kiye bina apne level per bhi information collect karni shuru ki.

Rajput Construction kaa kaam kai villages aur districts me chalta tha.

Isliye tumhare pita aur Aftab ke paas drivers, labour contractors, dhaba owners aur transport workers kaa bada network tha.

Rafiq ki photo security officer ke paas clear nhi thi, lakin ak security guard ne uska rough description diya tha.

Lagbhag 10 din baad ak truck driver ne Aftab ko phone kia.

Driver_ Aftab sahab, aap jis aadmi ko dhund rhe the, usse milta-julta ak aadmi mene highway ke paas dekha hai.

Aftab_ Kaha?

Driver_ State border se pahle jo purana petrol pump hai, uske piche ak dhaba hai. Wo waha kisi truck me helper kaa kaam mang rha tha.

Aftab ne turant security officer ko information di.

Me_ Papa khud use pakadne gye the?

Dadaji_ Tumhare pita jana chahte the.

Lakin mene aur Nimrit dono ne unhe mana kia.

Nimrit_ security officer ko apna kaam karne dijiye.

Abhay_ Agar information leak ho gyi to wo fir bhaag jayega.

Nimrit_ Aap security officer team ke sath ja sakte hai, lakin khud se pakadne ki koshish nhi karenge.

Abhay_ Me use marne nhi ja rha.

Nimrit_ Aapko gussa aaya to kyaa karenge, ye mujhe pata hai.

Abhay_ Aapko mere gusse per itna kam confidence hai?

Nimrit_ Aapke gusse per pura confidence hai. Control per thoda kam hai.

Aakhir tumhare pita security officer team ke sath gye, lakin jeep me hi baithe rhe.

security officer ne dhabe ko gher lia.

Rafiq piche ke raste se bhagne laga, lakin kheto ke paas pakda gya.

Use sahar laakar security officer station me puchhtach shuru huyi.

Me_ Kyaa usne turant sab bata diya?

Dadaji_ Nhi.

Pahle usne apna naam bhi Rafiq manne se inkar kar diya.

Usne kaha ki uska naam Yusuf hai aur uska project site se koi connection nhi.

Lakin security officer ko uske bag se welding tools mile.

Ak tool per wahi industrial grease lagi thi, jo housing project ke shed me use hoti thi.

Uske paas se Pathan Transport ke ak purane delivery slip kaa aadha hissa bhi mila.

security officer ne use officially arrest kar lia.

Tumhare pita security officer station ke bahar wait kar rhe the.

Aftab_ Andar chalo. Uske samne khade honge to jaldi bolega.

Abhay_ security officer interrogation me hamari presence sahi nhi hogi.

Aftab_ Usne hamare workers ko marne ki koshish ki.

Abhay_ Isliye hi kanun ko kaam karne dena hai.

Aftab_ Kabhi-kabhi lagta hai tum politician kam aur judge jyada ho.

Abhay_ Aur tumhara bus chale to security officer, judge aur jailer sab khud ban jao.

Kai ghanto ki puchhtach ke baad Rafiq ne maan lia ki wo project site per gaya tha.

Lakin usne kaha ki uska purpose sirf chori karna tha.

Inspector_ Chori karne ke liye steel support kyun kaata?

Rafiq_ Shed gir gya hoga. Mene kuchh nhi kia.

Inspector_ Tere welding tool kaa mark support ke cut se match karta hai.

Rafiq chup ho gya.

security officer ne usse raat bhar lockup me rakha.

Agle din use injured workers ki medical reports aur site ki photographs dikhayi gyi.

Inspector_ Ak support thoda aur jaldi girta to do aadmi mar jate.

Ye chori nhi, murder ki koshish kaa case hai.

Rafiq kaa chehra badal gya.

Inspector_ Jisne tujhe paise diye, wo bahar baitha hai. Jail tu jayega.

Rafiq_ Mujhe kisi ko marne ke liye nhi kaha tha.

Inspector_ To kyaa kaha tha?

Rafiq_ Bus shed girana tha… taki project kaa kaam ruk jaye.

Inspector_ Kisne kaha tha?

Rafiq fir chup ho gya.

Inspector_ Salman Pathan ne?

Rafiq ne seedha jawab nhi diya.

Rafiq_ Mene Salman bhai ko kabhi directly nhi dekha.

Inspector_ Fir instructions kisne diye?

Rafiq_ Ak aadmi tha.

Inspector_ Naam?

Rafiq_ Mahadev Deshmukh.

Me_ Mahadev Deshmukh kon tha?

Dadaji_ Mahadev Deshmukh Maharashtra se aakar uss sahar me basa hua ak political organizer tha.

Wo Dharmchand Patel ki election campaign me bhi kaam kar chuka tha.

Public meetings arrange karna, workers ko mobilize karna aur alag-alag areas ke local leaders se contact banana uska kaam tha.

Sabse badi baat…

Wo tumhare pita ko apna chhota bhai kahta tha.

Me_ Matlab wo papa kaa supporter tha?

Dadaji_ Haa.

Kam se kam sabko yahi lagta tha.

Dharmchand ke election me Mahadev ne bahut mehnat ki thi.

Tumhare pita usper bharosa karte the.

Wo kai political meetings me present rahta, Rajput Construction ke social programs me bhi help karta aur tumhare pita ke opponents ki khabar laakar deta.

Rafiq ne security officer ko bataya ki Mahadev Deshmukh ne use ak purane godown me bulaya tha.

Waha use project site kaa rough map, night shift kaa schedule aur temporary helper kaa fake card diya gya.

Inspector_ Mahadev ne tujhe kitne paise diye?

Rafiq_ Pahle ₹10,000 diye the. Kaam hone ke baad ₹40,000 aur milne the.

Inspector_ Salman Pathan kaa naam kisne lia?

Rafiq_ Mahadev sahab ne kaha tha ki Pathan Transport kaa truck site me easily enter ho jayega.

Inspector_ Kyaa Mahadev ne kaha tha ki Salman ne kaam karwaya hai?

Rafiq_ Nhi. Unhone bus kaha tha ki bade logo kaa kaam hai. Sawal mat puchna.

security officer ne Mahadev Deshmukh ko puchhtach ke liye bulaya.

Mahadev khud security officer station aa gya.

Uske chehre per naa ghabrahat thi, naa darr.

Mahadev_ Inspector sahab, mujhe pata chala hai kisi criminal ne mera naam lia hai.

Inspector_ Rafiq kahta hai aapne use project site kaa map aur paise diye.

Mahadev hans pada.

Mahadev_ Kal koi bhi chor Kunwar Abhay kaa naam le de, to aap use bhi arrest kar lenge?

Inspector_ Rafiq ne uss godown kaa address bhi bataya hai jaha meeting huyi thi.

Mahadev_ Sahar me kai godown hai.

Inspector_ Jis godown kaa address usne diya hai, wo aapke cousin ke naam per registered hai.

Mahadev kaa chehra ak pal ke liye badla.

Lakin usne turant khud ko control kar lia.

Mahadev_ Mera cousin property rent per deta hai. Waha kon aata-jata hai, mujhe kese pata hoga?

Inspector_ Rafiq ke paas jo fake card mila, usper use huyi party office ki stamp kaha se aayi?

Mahadev_ Party office me darjano log aate hai.

Kisi ne stamp chori ki hogi.

Mahadev ne har sawal kaa jawab diya, lakin kisi bhi aarop ko accept nhi kia.

security officer ko uske ghar ya office se direct proof nhi mila.

Rafiq kaa statement tha, godown kaa indirect connection tha aur party stamp thi.

Lakin payment kaa record nhi tha.

Me_ Papa ko jab pata chala to unhone kyaa kia?

Dadaji_ Pahle to unhe yakin hi nhi hua.

Aftab security officer station se Rajput Construction ke office aaya aur usne puri baat batayi.

Aftab_ Rafiq ne Mahadev Deshmukh kaa naam lia hai.

Abhay_ Kyaa?

Aftab_ Wahi Mahadev jo Dharmchand ki campaign sambhalta tha.

Abhay_ Ye possible nhi hai.

Aftab_ Rafiq ne godown kaa address diya.

Godown Mahadev ke cousin kaa hai.

Fake card per party office ki stamp bhi hai.

Abhay_ Mahadev ko fasaya bhi ja sakta hai.

Aftab_ Har baar dusre logo ke liye itna benefit of doubt kyun?

Abhay_ Kyunki Mahadev ne hamare sath kaam kia hai.

Election ke time usne apni jaan laga di thi.

Aftab_ Ya election ke time se hi tumhare paas jagah bana rha tha.

Abhay_ Bina proof ke ye baat dobara mat kahna.

Aftab_ Rafiq kaa statement proof nhi hai?

Abhay_ Statement badal sakta hai.

Aftab_ Godown?

Abhay_ Cousin kaa hai.

Aftab_ Party stamp?

Abhay_ Office me kai logo ki access hai.

Aftab_ Tum sach dekhna hi nhi chahte.

Abhay_ Me bus jaldbaji me apne aadmi ko dushman declare nhi karna chahta.

Aftab_ Aur isi wajah se ak din dushman tumhare ghar ke andar hoga.

Tumhare pita aur Aftab ke bich pahli baar itni sakht behas huyi thi.

Aftab gusse me cabin se bahar chala gya.

Me_ Fir papa Mahadev se mile?

Dadaji_ Haa.

Mahadev khud unse milne aaya.

Mahadev_ Kunwar sahab, mujhe fasaya ja rha hai.

Abhay_ Kisne?

Mahadev_ Salman Pathan ne ya Michael D’Souza ne.

Abhay_ Wo tumhe kyun fasayenge?

Mahadev_ Kyunki me aapke sath hu.

Unhe pata hai ki Dharmchand ji ke workers me meri pakad hai.

Wo aapke aur mere bich shak paida karna chahte hai.

Abhay_ Rafiq tumhara naam kyun lega?

Mahadev_ Use naam dena tha.

Usne wahi naam lia jo politics me jana-pehchana hai.

Abhay_ Godown tumhare cousin kaa hai.

Mahadev_ Haa.

Lakin wo godown 6 mahine se rent per hai.

Abhay_ Kisko?

Mahadev_ Ak transport broker ko.

Abhay_ Naam?

Mahadev_ Javed Ansari.

Abhay_ Agreement?

Mahadev_ Oral agreement hai.

Abhay_ Rent cash me?

Mahadev_ Haa.

Abhay ne kuchh pal Mahadev ko dekha.

Abhay_ Party office ki stamp Rafiq ke fake card per kese aayi?

Mahadev_ Mujhe nhi pata.

Abhay_ Stamp tumhare paas rahti thi.

Mahadev_ Election ke baad bhi kai workers use karte the.

Abhay_ Mahadev, me tumhe dushman nhi maan rha.

Lakin me aankh band karke tumper bharosa bhi nhi kar sakta.

Investigation puri hone tak tum party office aur Rajput Construction ke kisi internal matter me involve nhi hoge.

Mahadev kaa chehra sakht ho gya.

Mahadev_ Itne saal kaa trust ak criminal ke statement se khatam?

Abhay_ Trust khatam nhi hua.

Temporary distance rakhi ja rhi hai.

Mahadev_ Aapko pata hai mene Dharmchand ji kaa election jitane me kitna kaam kia?

Abhay_ Pata hai.

Mahadev_ Mene aapke liye kitne logo se dushmani li?

Abhay_ Wo bhi pata hai.

Mahadev_ Fir bhi aap mujhe side kar rhe hai?

Abhay_ Agar tum innocent ho, to investigation ke baad sab pahle jesa ho jayega.

Mahadev_ Aur tab tak meri izzat?

Abhay_ Meri project site per do workers ki jaan ja sakti thi.

Mujhe unki izzat aur safety kaa bhi jawab dena hai.

Mahadev kuchh pal tumhare pita ko dekhta rha.

Fir wo chair se khada hua.

Mahadev_ Aapne mujhe apna aadmi kabhi samjha hi nhi.

Abhay_ Agar naa samajhta to tumhe directly security officer ke hawale kar deta.

Mahadev_ Ak din aapko samajh aayega ki aapne galat aadmi per shak kia.

Abhay_ Me chahta hu ki tum sahi sabit ho.

Mahadev bina hath milaye office se chala gya.

Me_ Kyaa Mahadev sach me dushman tha?

Dadaji_ Ye sawal uss samay ham sabke man me tha.

Aur Jay… kai saal baad bhi iska jawab utna simple nhi nikla.

Me_ Matlab?

Dadaji_ Rafiq ne pahle Mahadev kaa naam lia.

Fir court me apna statement badal diya.

Me_ Kyun?

Dadaji_ Court me produce hone se ak raat pahle jail ke ak guard ne use message diya tha.

Message kisne bheja, ye kabhi prove nhi hua.

Agle din Magistrate ke samne Rafiq ne kaha—

Rafiq_ security officer ne mujhe Mahadev Deshmukh kaa naam lene ke liye force kia tha.

Inspector_ Ye jhooth bol rha hai.

Magistrate_ Court me discipline rakhiye.

Rafiq ne ye bhi kaha ki use project site kaa map ak unknown aadmi ne diya tha, jiska chehra usne clearly nhi dekha.

Uske statement badalne ke baad Mahadev ke against case kamjor ho gya.

Use arrest nhi kia gya.

Lakin tumhare pita ne use turant apne circle me wapas bhi nhi lia.

Me_ Salman kaa naam bhi case se bahar ho gya?

[Babab96]

Me_ Salman kaa naam bhi case se bahar ho gya?

Dadaji_ Uske khilaf to pahle se direct proof nhi tha.

Pathan Transport kaa truck site per gya tha, lakin company ne kaha ki booking ak private broker ne ki thi.

Wo broker Javed Ansari nikla.

security officer jab Javed ko dhundne pahuchi, wo sahar chhod chuka tha.

Uska office khali tha.

Files gayab thi.

Aur address fake nikla.

Aftab_ Ye pura network hai.

Abhay_ Haa.

Aftab_ Salman, Michael, Mahadev, Javed… sab connected hai.

Abhay_ Sabko ak sath connect karne wala proof kaha hai?

Aftab_ Tumhe har chij court jesa proof chahiye.

Abhay_ Kyunki kal hume court me hi khada hona padega.

Aftab_ Ak din proof milte-milte bahut der ho jayegi.

Abhay_ Isliye records safe rakho.

Tumhare pita ne sabotage case ki sari documents confidential file me rakhwa di.

File kaa naam diya gya—

“Project Suraksha.”

Isme Rafiq kaa pahla statement, badla hua statement, Pathan Transport ki delivery slip, Mahadev ke cousin ke godown ki details aur Javed Ansari ki information rakhi gyi.

Nimrit ko bhi puri baat batayi gyi.

Usne file ki copies alag-alag jagah safe rakhne ki salah di.

Nimrit_ Original office me rakhiye.

Ak copy ghar per.

Aur ak sealed copy kisi trusted lawyer ke paas.

Abhay_ Itni security ak file ke liye?

Nimrit_ Ye bus file nhi hai.

Kisi ne aapke workers ko marne ki koshish ki hai.

Kal evidence disappear ho sakta hai.

Aftab_ Mene bhi yahi kaha tha.

Abhay_ Aajkal sab mujhe hi careless samajhte hai.

Nimrit_ Kyunki aap hai.

Abhay_ Me 21 saal ki age me business aur politics sambhal rha hu.

Nimrit_ Isliye kabhi-kabhi bhool jate hai ki aap insaan bhi hai.

Aftab_ Me chalta hu.

Hone wale pati-patni ki behas me partner ko nhi fasna chahiye.

Abhay_ Tumne hi baat shuru ki thi.

Aftab_ Aur ab me samajhdari dikha rha hu.

Me_ Dadu, kyaa aapko Mahadev per shak tha?

Dadaji_ Mujhe uski bato me kuchh kami lagti thi.

Wo apni safai dene me bahut jyada jaldi kar rha tha.

Lakin mere paas bhi proof nhi tha.

Manjot ko politics aur investigation se jyada tumhare pita ki shaadi ki chinta thi.

Manjot_ security officer apna kaam karegi.

Tum log shaadi ki date decide karo.

Abhay_ Maa, abhi itna sab chal rha hai.

Manjot_ Isi liye shaadi jaldi honi chahiye.

Nimrit tere sath hogi to kam se kam koi tujhe samjhane wala rahega.

Baldev_ Abhi tak hum kyaa kar rhe hai?

Manjot_ Aap bus serious chehra bana kar advice dete ho.

Nimrit isse baat manwa leti hai.

Abhay_ Me sabki baat sunta hu.

Manjot_ Sunta sabki hai, karta apni hai.

Nimrit ki probation training kaa schedule aa chuka tha.

Use 1990 ke shuru ke mahino me district training per jana tha.

Dono pariwar chahte the ki training ke ak major phase se pahle shaadi ho jaye ya fir uske baad available leave me.

Nimrit ke pitaji practical aadmi the.

Nimrit ke Pitaji_ Shaadi ko jyada delay karne kaa koi reason nhi hai.

Rishta dono ko manjur hai.

Lakin ceremony simple aur planned honi chahiye.

Manjot_ Simple kyaa hota hai?

Hamare ghar ki ak hi shaadi hai.

Baldev_ Abhi se guest list mat banana.

Manjot_ Mene bana li hai.

Abhay_ Kitne log?

Manjot_ Bus close family aur friends.

Baldev_ Number batao.

Manjot_ Lagbhag 700.

Abhay_ Maa, ye close family hai?

Manjot_ Hamara pariwar chhota nhi hai.

Nimrit ki mosi aur Manjot shaadi ki planning me lag gyi.

Dono kaa ak dusre ke ghar aana-jana badh gya.

Nimrit jab bhi training se ak-do din ke liye wapas aati, Manjot use jewellery, dresses aur rasmo ke bare me batati.

Nimrit_ Maa, mujhe bahut heavy wedding nhi chahiye.

Manjot_ Heavy wedding nhi hogi.

Nimrit_ Aapne 700 logo ki list banayi hai.

Manjot_ Ab 800 ho gye hai.

Nimrit_ Maa…

Manjot_ Theek hai.

Guest list Baldev aur tumhare papa decide karenge.

Me tumhare kapde decide karungi.

Nimrit_ Mujhe simple kapde chahiye.

Manjot_ Abhay bhi yahi kahta hai.

Dono kaa fashion sense kharab hai.

Abhay_ Mera naam kyun aa rha hai?

Manjot_ Kyunki ye tumhari shaadi bhi hai.

Me_ Shaadi kis tarah hone wali thi?

Papa Thakur the aur Dadi Sikh family se thi.

Maa kaa pariwar?

Dadaji_ Nimrit kaa pariwar Punjabi background kaa tha, lakin kai saalo se uss sahar me business karta tha.

Dono pariwar ne decide kia ki shaadi me dono taraf ki family traditions kaa samman hoga.

Koi bhi rasm dusre per force nhi ki jayegi.

Tumhare pita ko rasmo se jyada Nimrit ki leave ki tension thi.

Abhay_ Shaadi ke baad kitne din ki leave milegi?

Nimrit_ 15 din.

Abhay_ Bus?

Nimrit_ Probation chal rhi hai.

Abhay_ Government ko pata nhi hai kyaa ki meri shaadi hai?

Nimrit_ Government aapke according nhi chalti.

Abhay_ Dharmchand se bolkar Assembly me issue uthwa du?

Nimrit_ Aisa kia to shaadi se pahle hi rishta cancel.

Abhay_ Me mazak kar rha tha.

Nimrit_ Aap politics me hai.

Aapka mazak bhi record per ja sakta hai.

Dono ki shaadi ki date 1990 ke middle se pahle rakhne kaa decision hua.

Lakin exact date fix hone se pahle Nimrit ko district training ke liye ak remote area me jana pada.

Waha se telephone connection bahut difficult tha.

Letters pahuchne me bhi kai din lagte the.

Isi dauran Mahadev Deshmukh dobara Dharmchand ke paas pahucha.

Mahadev_ Dharmchand ji, mere sath galat ho rha hai.

Dharmchand_ Investigation chal rhi hai.

Mahadev_ Investigation nhi, mujhe political circle se bahar kia ja rha hai.

Dharmchand_ Abhay ne sirf temporary distance rakha hai.

Mahadev_ Party workers me message ja rha hai ki me gaddar hu.

Dharmchand_ Kisi ne publicly aisa nhi kaha.

Mahadev_ Publicly kehne ki jarurat nhi hoti.

Abhay jis aadmi se dur ho jaye, log khud samajh jate hai.

Dharmchand_ Tum innocent ho to cooperate karo.

Mahadev_ Me cooperate kar rha hu.

Lakin ak criminal ke statement ke base per meri saalo ki loyalty per sawal uthaya gya.

Dharmchand_ Rafiq ne statement badal diya hai.

Mahadev_ Fir bhi Abhay ne mujhe wapas nhi bulaya.

Dharmchand_ Use time do.

Mahadev kaa chehra sakht ho gya.

Mahadev_ Abhay ko lagta hai party sirf uske dimag se chalti hai.

Dharmchand_ Ye baat kaha se aa gyi?

Mahadev_ Election me ground per workers mene sambhale the.

Local leaders se meeting mene karwayi thi.

Lakin credit pura Abhay le gya.

Dharmchand_ Abhay ne kabhi credit nhi manga.

Mahadev_ Mangne ki jarurat hi nhi padti.

Aap har jagah uska naam lete ho.

Dharmchand_ Kyunki strategy uski thi.

Mahadev_ Aur me kyaa tha?

Bus ak worker?

Dharmchand ne pahli baar Mahadev ke andar kaa gussa clearly dekha.

Dharmchand_ Tumhe problem investigation se hai ya Abhay se?

Mahadev_ Mujhe apni beizzati se problem hai.

Dharmchand_ To apna naam clear hone do.

Mahadev_ Naam court clear karega.

Lakin respect kon wapas karega?

Mahadev office se chala gya.

Dharmchand ne usi din tumhare pita ko phone kia.

Dharmchand_ Mahadev kaa behaviour change ho rha hai.

Abhay_ Gusse me hai.

Dharmchand_ Sirf gussa nhi.

Use lagta hai tumne uska credit le lia.

Abhay_ Mene kabhi uska credit nhi lia.

Dharmchand_ Sach aur feeling alag chije hoti hai.

Use feel hota hai ki use side kia gya.

Abhay_ Jab tak investigation clear nhi hoti, me use internal meetings me nhi la sakta.

Dharmchand_ Me tumhe use wapas lane ko nhi kah rha.

Bus careful raho.

Abhay_ Tumhe lagta hai wo sach me involved hai?

Dharmchand_ Mujhe nhi pata.

Lakin ab wo tumse loyal hai ya nhi… ye bhi nhi pata.

Me_ Kyaa Mahadev Salman se mil gya tha?

Dadaji_ Ak raat wo Michael D’Souza ke hotel gya tha.

Lakin ye baat tumhare pita ko uss samay pata nhi thi.

Michael hotel ke private office me baitha tha.

Mahadev ko andar laya gya.

Michael_ Aaiye Deshmukh sahab.

Mahadev_ Mene kaha tha mujhe yaha publicly mat bulana.

Michael_ Private entrance se aaye hai.

Koi nhi dekhega.

Mahadev_ Rafiq ne mera naam kyun lia?

Michael_ Ye sawal aapko Salman se puchna chahiye.

Mahadev_ Salman kaha hai?

Michael_ Aaj nhi aayega.

Mahadev_ Plan ye nhi tha.

Michael_ Plan me changes hote rahte hai.

Mahadev_ Mene sirf site kaa schedule diya tha.

Shed girane ya workers ko hurt karne ki baat nhi huyi thi.

Michael_ Aapne information di.

Use kese use karna hai, ye dusre logo kaa decision tha.

Mahadev_ Abhay ko lagta hai mene uske sath gaddari ki.

Michael_ Kyaa aapne nhi ki?

Mahadev_ Mene bus use thoda pressure dene ke liye help ki thi.

Wo har decision khud leta hai.

Ground workers ko kuchh samajhta hi nhi.

Michael_ To fir problem kyaa hai?

Mahadev_ Problem ye hai ki Rafiq kaa naam mujh tak kese aaya?

Michael_ Rafiq weak nikla.

Mahadev_ Ya jaan-bujhkar mera naam uske muh me dala gya.

Michael muskuraya.

Michael_ Aap bahut sochte hai.

Mahadev_ Me kisi kaa bali kaa bakra nhi banunga.

Michael_ Tab apna role achchi tarah nibhaiye.

Mahadev_ Ab me kuchh nhi karunga.

Michael_ Ye decision aapko pahle lena chahiye tha.

Mahadev_ Aap mujhe threaten kar rhe ho?

Michael_ Nhi.

Bus yaad dila rha hu ki party office ki stamp, godown aur project schedule… tino kaa connection aapse hai.

Mahadev kaa chehra utar gya.

Michael_ Abhay ne abhi sirf distance rakha hai.

Agar use sari sachchai pata chali, to wo aapko kanun ke hawale kar dega.

Mahadev_ Aap chahte kyaa ho?

Michael_ Abhi kuchh nhi.

Bus Rajput Construction aur Dharmchand ke political office ki information dete rahiye.

Mahadev_ Shaadi ke baad Abhay kaa focus wese bhi change ho jayega.

Michael_ Aap Nimrit ko kam samajh rhe hai.

Wo uska focus change nhi karegi.

Wo use aur disciplined karegi.

Mahadev_ Fir?

Michael_ Fir hume dono ko ak dusre ke against use karne kaa moka dhundna hoga.

Me_ To Mahadev sach me gaddar tha!

Dadaji_ Haa, usne project kaa schedule leak kia tha.

Lakin shed girakar workers ko marne kaa plan shayad usne nhi banaya tha.

Usne dushmano ko bus darwaja khola.

Andar aakar unhone kyaa kia, wo uske control me nhi tha.

Yahi gaddari kaa sach hai, Jay.

Kai baar insaan sochta hai ki wo bus chhoti si information de rha hai.

Lakin uski di huyi information kisi ki jaan bhi le sakti hai.

Me_ Papa ko ye sab kab pata chala?

Dadaji_ Bahut baad me.

Uss samay tumhare pita shaadi aur project dono sambhal rhe the.

Nimrit remote district training per thi.

Ak din uska letter aaya.

Usne likha—

“Yaha ak village me 3 din se electricity nhi thi.

File me supply normal likhi thi.

Jab khud inspection kia to pata chala transformer 2 mahine se kharab hai.

Officers numbers theek rakhte hai, ground reality nhi.

Tum sahi kahte the—office me baithkar administration nhi hota.”

Tumhare pita ne jawab likha—

“Me hamesha sahi hota hu.

Shaadi ke baad ye baat yaad rakhiyega.”

Nimrit kaa jawab aaya—

“Shaadi ke baad sabse pahle isi misunderstanding kaa treatment karungi.”

Uske letters se tumhare pita kaa tension kam hota tha.

Lakin ak raat unhe unknown phone call aaya.

Caller_ Kunwar sahab, shaadi ki taiyari achchi chal rhi hai?

Abhay_ Kon?

Caller_ Naam important nhi hai.

Important ye hai ki project site kaa accident ak warning thi.

Abhay_ Kiski warning?

Caller_ Housing project chhod dijiye.

Politics me Dharmchand ke piche se kaam karna band kijiye.

Aur apni hone wali wife ko government service tak hi rakhiye.

Abhay_ Nimrit kaa naam dobara lia to phone per nhi, samne baat hogi.

Caller_ Gussa sehat ke liye achcha nhi hota.

Abhay_ Samne aakar meri sehat ki chinta karo.

Caller_ Shaadi se pahle vidhwa jesi bate achchi nhi lagti.

Phone cut ho gya.

Me_ Caller ne maa ko harm karne ki dhamki di?

Dadaji_ Indirectly.

Tumhare pita kaa gussa control se bahar hone laga.

Unhone receiver itni jor se rakha ki wo toot gya.

Aftab usi room me tha.

Aftab_ Kyaa kaha?

Abhay_ Nimrit kaa naam lia.

Aftab_ Kon tha?

Abhay_ Aawaj badli huyi thi.

Aftab_ security officer ko inform karte hai.

Abhay_ Haa.

Tumhare pita ne iss baar koi baat chhupayi nhi.

Unhone security officer complaint ki aur Nimrit ke pitaji ko bhi inform kia.

Lakin Nimrit ko turant batane me unhe hesitation hua.

Aftab_ Promise yaad hai?

Abhay_ Wo remote training per hai.

Waha unnecessary panic hoga.

Aftab_ Agar use kisi aur se pata chala to jyada bura hoga.

Abhay ne usi raat Nimrit ko detailed letter likha.

Letter pahuchne me 5 din lage.

Nimrit ne letter padhte hi district office se trunk call book kia.

Connection raat ko mila.

Nimrit_ Aap theek hai?

Abhay_ Haa.

Nimrit_ Ghar per sab theek hai?

Abhay_ Haa.

Nimrit_ Security?

Abhay_ Badha di hai.

Nimrit_ security officer complaint?

Abhay_ Kar di.

Nimrit_ Caller ne mera naam kyun lia?

Abhay_ Wo mujhe darana chahta hai.

Nimrit_ Kyaa aap dare?

Abhay_ Gussa aaya.

Nimrit_ Mene pucha dare?

Tumhare pita kuchh pal chup rhe.

Abhay_ Haa.

Nimrit_ Apne liye?

Abhay_ Aapke liye.

Nimrit ki aawaj soft ho gyi.

Nimrit_ Me safe hu.

Abhay_ Abhi.

Nimrit_ Aap mujhe training chhodkar wapas aane ko nhi kahenge.

Abhay_ Me aisa nhi kahunga.

Nimrit_ Aur project bhi nhi chhodenge.

Abhay_ Aapko kese pata me ye soch rha tha?

Nimrit_ Kyunki dhamki kaa purpose wahi hai.

Agar aap project chhod denge, to wo samjhenge ki mera naam lekar aapko control kia ja sakta hai.

Abhay_ Me aapko risk me nhi dal sakta.

Nimrit_ Me bhi aapko dar ke according jeete hue nhi dekh sakti.

Security badhaiye.

Evidence collect kijiye.

Lakin piche mat hatiye.

Abhay_ Aapko kuchh ho gya to?

Nimrit_ Me officer banne ja rhi hu, Abhay.

Future me mujhe bhi threats mil sakte hai.

Kyaa har threat per me duty chhod dungi?

Abhay_ Nhi.

Nimrit_ Fir aap bhi nhi chhodenge.

Dono kuchh pal chup rhe.

Nimrit_ Ak baat promise kijiye.

Abhay_ Kyaa?

Nimrit_ Gusse me kisi per bina proof attack nhi karenge.

Abhay_ Promise.

Abhay_ Aap bhi ak promise kijiye.

Nimrit_ Haa.

Abhay_ Koi unknown aadmi mile, call aaye ya suspicious chij lage to turant inform karengi.

Nimrit_ Promise.

Me_ Kyaa uss phone call kaa connection Salman se tha?

Dadaji_ Telephone exchange se number trace karne ki koshish huyi.

Call ak public booth se kia gya tha.

Booth owner ne caller ko clearly nhi dekha tha.

Usne bus itna bataya ki aadmi medium height kaa tha aur Marathi accent me bol rha tha.

Me_ Mahadev?

Dadaji_ Shak usper gya.

Lakin phone booth owner use identify nhi kar saka.

Mahadev ne uss din apni presence ak political meeting me dikhayi.

Meeting register me uska signature tha.

Baad me pata chala ki wo meeting se lagbhag aadhe ghante ke liye gayab tha.

Lakin phir wahi baat—

Proof nhi tha.

Tumhare pita ne Mahadev ko direct confront nhi kia.

Wo bus usper najar rakhne lage.

1990 kaa saal shuru ho chuka tha.

Shaadi ki final date fix karne ke liye dono pariwar mile.

Nimrit ko training se limited leave mil sakti thi.

Aakhir shaadi ki date 1990 ke madhya se pahle rakhi gyi.

Manjot ne pura ghar sajwane kaa kaam shuru kar dia.

Tumhare pita ke kamre ki safai aur furniture change hone laga.

Abhay_ Mera table kaha gya?

Manjot_ Bahar.

Abhay_ Kyun?

Manjot_ Ye bedroom hai, office nhi.

Abhay_ Me yahi kaam karta hu.

Manjot_ Shaadi ke baad office me kaam karna.

Abhay_ Nimrit bhi files padhegi.

Manjot_ Uske liye naya study room taiyar ho rha hai.

Abhay_ Mere liye?

Manjot_ Tum uske study room me permission lekar jana.

Abhay_ Ye mera ghar hai.

Manjot_ Shaadi ke baad ye Nimrit kaa ghar hoga.

Tum adjust kar lena.

Me_ Dadi hamesha papa ki side leti thi ya maa ki?

Dadaji_ Shaadi se pahle tumhare pita ki.

Nimrit ke aane ke baad jyadatar Nimrit ki.

Manjot khud kehti thi—

Manjot_ Beta to mera pahle se hai.

Ab beti mili hai, uski side lungi.

Shaadi ki preparations ke bich ak aur important ghatna huyi.

Dharmchand Patel ko party ne youth political committee me bada role dene kaa decision lia.

Iska credit tumhare pita ki strategy aur government housing project ki popularity ko mila.

Dharmchand_ Party leadership chahti hai ki me State Capital me jyada active rahu.

Abhay_ Achchi baat hai.

Dharmchand_ Lakin constituency kon sambhalega?

Abhay_ Me hu.

Dharmchand_ Tumhari shaadi hone wali hai.

Abhay_ Shaadi ke baad politics band nhi hoti.

Dharmchand_ Nimrit maan jayegi?

Abhay_ Wo mujhe politics chhodne ko nhi kahegi.

Dharmchand_ Tum lucky ho.

Abhay_ Mujhe pata hai.

Mahadev ko jab Dharmchand ke naye role ki khabar mili, uska gussa aur badh gya.

Use ummid thi ki Dharmchand use district organization me important post dega.

Lakin Dharmchand ne investigation clear hone tak uska naam rok diya.

Mahadev seedha Salman Pathan ke paas gya.

Salman_ Ab aaye ho mere paas?

Mahadev_ Me kisi kaa aadmi bankar nhi aaya.

Salman_ Abhay kaa aadmi bankar gye the.

Result dekh lia?

Mahadev_ Usne meri loyalty per shak kia.

Salman_ Kyunki tum pakde gye.

Mahadev_ Rafiq ne mera naam kyun lia?

Salman_ Michael se pucho.

Mahadev_ Tum dono mujhe use kar rhe ho.

Salman_ Politics me har aadmi kisi ko use karta hai.

Abhay ne Dharmchand ko use kia.

Dharmchand ne tumhe.

Tumne Rafiq ko.

Ab problem kyaa hai?

Mahadev_ Me Abhay ko barbaad karna nhi chahta tha.

Bus use samjhana chahta tha ki ground workers ke bina wo kuchh nhi.

Salman_ Ab bahut late ho chuka hai.

Mahadev_ Kyaa chahte ho?

Salman_ Dharmchand State Capital jayega.

Constituency Abhay sambhalega.

Hume uski political planning aur housing project ki internal details chahiye.

Mahadev_ Aur badle me?

Salman_ Jab Abhay girega, district organization tumhare paas hoga.

Mahadev_ Aur agar wo nhi gira?

Salman_ Har aadmi girta hai.

Bus sahi jagah dhakka dena padta hai.

Me_ Mahadev ne deal accept kar li?

Dadaji_ Usne turant haa nhi kahi.

Lakin wo waha se mana karke bhi nhi gya.

Aur kai baar silence hi agreement hota hai.

Shaadi se lagbhag ak mahina pahle Nimrit training se wapas aayi.

Iss baar uske wapas aane kaa reason sirf shaadi ki preparation nhi tha.

Uski probation kaa next phase complete ho chuka tha aur use kuchh hafto ki leave mili thi.

Manjot ne use ghar bulakar wedding clothes dikhaye.

Nimrit ne ak simple outfit choose kia.

Manjot_ Ye bahut simple hai.

Nimrit_ Mujhe yahi pasand hai.

Manjot_ Shaadi roj thodi hoti hai.

Nimrit_ Heavy kapdo me me chal nhi paungi.

Abhay_ Me simple wale ke favor me hu.

Manjot_ Tumse kisi ne pucha?

Abhay_ Shaadi meri bhi hai.

Manjot_ Tum bus time per pahuch jana.

Nimrit hans padi.

Wedding preparations ke bich tumhare pita aur Nimrit ko ak dusre ke sath akela samay kam milta tha.

Ak sham dono farmhouse ke garden me mile.

Nimrit_ Shaadi ke baad sab badal jayega naa?

Abhay_ Kyaa?

Nimrit_ Abhi hum letters likhte hai, milne kaa intejar karte hai.

Shaadi ke baad responsibilities badhengi.

Meri posting hogi.

Aapka business aur politics.

Abhay_ Bate kam ho sakti hai.

Pyar nhi.

Nimrit_ Aapko har serious sawal kaa ready answer kese mil jata hai?

Abhay_ Pichle ak saal se aapke questions ki practice kar rha hu.

Nimrit_ Me serious hu.

Abhay_ Me bhi.

Ho sakta hai hume alag cities me rehna pade.

Ho sakta hai ak dusre ke liye time kam ho.

Lakin hamne relation easy life ke liye start nhi kia tha.

[Babab96]

Nimrit_ Agar meri posting bahut dur huyi?

Abhay_ Milne aaunga.

Nimrit_ Politics?

Abhay_ Manage karunga.

Nimrit_ Business?

Abhay_ Aftab sambhalega.

Nimrit_ Aur agar Aftab ne mana kar diya?

Abhay_ Company uske naam kar dunga aur aapke paas aa jaunga.

Nimrit_ Aftab aapko company se bahar nikal dega.

Abhay_ Kam se kam aapke sath to rahunga.

Nimrit_ Aap practical baat kab karenge?

Abhay_ Shaadi ke baad.

Nimrit ne kuchh pal use dekha.

Fir dheere se boli—

Nimrit_ Mujhe aapse ak aur promise chahiye.

Abhay_ Shaadi se pahle hi itne promises?

Nimrit_ Ye important hai.

Abhay_ Boliye.

Nimrit_ Hamare bich kabhi koi secret nhi hoga.

Business, politics, meri service… koi bhi badi baat ak dusre se nhi chhupayenge.

Abhay_ Promise.

Lakin aap bhi.

Nimrit_ Promise.

Abhay_ Aur gussa hone per ghar chhodkar apne papa ke paas nhi jayengi.

Nimrit_ Ye situation per depend karega.

Abhay_ Ye kesa promise hai?

Nimrit_ Aap galti chhoti karenge to ghar me dantungi.

Badi karenge to papa ke ghar jaungi.

Abhay_ Me galti hi nhi karunga.

Nimrit_ Ye sabse bada jhooth hai jo aapne bola hai.

Dono hansne lage.

Lakin Jay…

Unhone uss sham jo promise kia tha—ak dusre se koi secret naa rakhne kaa—future me wahi promise sabse jyada test hone wala tha.

Kyuki shaadi ke din se kuchh din pahle tumhare pita ko Mahadev aur Salman ki secret meeting ki ak photograph mili.

Me_ Kisne bheji?

Dadaji_ Envelope per koi naam nhi tha.

Rajput Construction ke office me ak brown envelope aaya.

Andar ak black-and-white photograph thi.

Photograph me Salman Pathan kaa office dikh rha tha.

Salman chair per baitha tha.

Uske samne Mahadev Deshmukh khada tha.

Photograph clear nhi thi, lakin dono ko pahchana ja sakta tha.

Piche date likhi thi.

Wahi date, jis raat unknown caller ne tumhare pita ko dhamki di thi.

Aftab_ Ab proof mil gya?

Abhay_ Meeting kaa proof mila hai.

Conspiracy kaa nhi.

Aftab_ Mahadev ne kaha tha wo Salman se kabhi nhi mila.

Abhay_ Iska matlab usne jhooth bola.

Aftab_ Aur kyaa chahiye?

Abhay_ Ye photo kisne bheji, ye pata karo.

Aftab_ Ho sakta hai Michael ne bheji ho.

Abhay_ Ya Salman ne khud.

Aftab_ Salman khud kyun bhejega?

Abhay_ Mahadev ko hamare against permanently karne ke liye.

Aftab_ Ya Mahadev ko sacrifice karke apna naam clean rakhne ke liye.

Tumhare pita ne photograph ko “Project Suraksha” file me rakh dia.

Unhone Mahadev ko turant confront nhi kia.

Me_ Kyun?

Dadaji_ Shaadi paas thi.

Wo koi public controversy nhi chahte the.

Lakin unhone Dharmchand ko photo dikha di.

Dharmchand ne photo dekhkar gahri saans li.

Dharmchand_ Isne mujhse jhooth bola.

Abhay_ Haa.

Dharmchand_ Me ise party se nikal deta hu.

Abhay_ Abhi nhi.

Dharmchand_ Kyun?

Abhay_ Hume dekhna hai wo kis-kis tak information pahucha rha hai.

Dharmchand_ Matlab use jasoos ki tarah use karenge?

Abhay_ Nhi.

Use pata nhi chalna chahiye ki hume sach pata hai.

Hum sensitive information usse dur rakhenge aur kuchh controlled information uske through leak karenge.

Aftab_ Fir dekhenge leak kaha pahuchti hai.

Dharmchand_ Ye risky hai.

Abhay_ Seedha nikal denge to wo Salman ke paas permanently chala jayega.

Abhi wo dono taraf jagah bachakar chal rha hai.

Me_ Papa ne Mahadev ko trap karne kaa plan banaya?

Dadaji_ Haa.

Unhone Mahadev ko fake information di ki housing project ke second phase ke liye cement kaa bada payment ak specific date ko bank se release hoga.

Asal me payment kisi aur date per hona tha.

Information dene ke 2 din baad Rajput Construction ke bank ko anonymous complaint mili ki company illegal funds use kar rhi hai.

Bank ne payment temporarily hold karne ki inquiry shuru kar di.

Aftab_ Information seedhe Salman tak gyi.

Abhay_ Ya Michael tak.

Aftab_ Source Mahadev hai.

Abhay_ Ab isper doubt nhi.

Tumhare pita ne Mahadev ko office bulaya.

Mahadev normal tarike se andar aaya.

Mahadev_ Kunwar sahab, suna hai bank ne payment rok di.

Abhay_ Tumhe bahut jaldi khabar mil gyi.

Mahadev_ Political workers market ki khabar rakhte hai.

Abhay_ Payment release ki date tumhe kisne batayi?

Mahadev chup ho gya.

Abhay_ Mene batayi thi.

Sirf tumhe.

Mahadev_ Aap mujhe test kar rhe the?

Abhay_ Haa.

Mahadev_ Itne saal ki loyalty kaa yahi reward?

Abhay ne table per Salman ke office wali photograph rakh di.

Mahadev kaa chehra safed pad gya.

Abhay_ Ye bhi test hai?

Mahadev kuchh pal photo dekhta rha.

Fir bola—

Mahadev_ Me Salman se milne gya tha.

Abhay_ Kyun?

Mahadev_ Apna naam clear karne.

Abhay_ Chupkar?

Mahadev_ Wo mujhe publicly milna nhi chahta tha.

Abhay_ Unknown phone call wali raat?

Mahadev_ Coincidence.

Abhay_ Party office ki stamp?

Mahadev_ Mene nhi di.

Abhay_ Project schedule?

Mahadev chup ho gya.

Abhay_ Rafiq ko schedule kisne diya?

Mahadev_ Mene bus ak aadmi ko delivery timing batayi thi.

Mujhe nhi pata tha ki wo shed girayenge.

Aftab gusse me uski taraf badha.

Aftab_ Tumhari wajah se do workers mar sakte the!

Abhay ne hath uthakar Aftab ko rok dia.

Abhay_ Puri baat bolo.

Mahadev_ Salman ke aadmi ne kaha tha ki bus material delivery delay karni hai.

Usne mujhse security shift aur truck entry kaa time pucha.

Mene de diya.

Abhay_ Badle me kyaa mila?

Mahadev_ Kuchh nhi.

Aftab_ Jhooth!

Mahadev_ Mujhe party organization me position chahiye thi.

Salman ne kaha tha ki wo uper tak support karega.

Abhay_ Tum mere sath kaam karte hue mere rival se position mang rhe the?

Mahadev_ Kyunki aapne hamesha Dharmchand ko aage rakha.

Mene ground per kaam kia.

Lakin naam aap dono kaa hua.

Abhay_ To tumne workers ki jaan risk me dal di?

Mahadev_ Mene kaha naa mujhe sabotage kaa pata nhi tha!

Abhay_ Lakin tumne information di.

Mahadev_ Haa.

Room me gehri shanti chha gyi.

Tumhare pita ki aankho me gussa tha, lakin aawaj bilkul shant.

Abhay_ Aaj ke baad tumhara hamare political office, company ya kisi internal meeting se koi connection nhi hoga.

Mahadev_ Aap mujhe party se nikal rhe ho?

Abhay_ Me party president nhi hu.

Lakin Dharmchand ko sari baat bataunga.

Aur security officer ko bhi updated statement dunga.

Mahadev_ Mere paas bhi aap logo ke bahut secrets hai.

Aftab_ Dhamki de rha hai?

Mahadev_ Sach bata rha hu.

Abhay_ Jo sach hai, sabke samne lao.

Lakin ak baat yaad rakhna—

Agar tumne meri company, workers ya pariwar ke against koi aur information di, to iss baar tumhare aur mere bich politics nhi, kanun khada hoga.

Mahadev_ Aapko lagta hai kanun hamesha aapki side rahega?

Abhay_ Kanun kisi ki side nhi hota.

Proof ki side hota hai.

Mahadev photo uthakar le jane laga.

Abhay_ Photo wahi rakho.

Mahadev ne photo table per fek di.

Mahadev_ Aapne mujhe dushman bana dia, Abhay.

Abhay_ Nhi Mahadev.

Tumne dost rehne kaa haq khud khoya hai.

Mahadev office se bahar chala gya.

Me_ Fir security officer ne use arrest kia?

Dadaji_ Tumhare pita ne security officer ko uska verbal confession bataya.

Lakin Mahadev ne security officer ke samne sab deny kar dia.

Office me uss samay tumhare pita aur Aftab ke alawa koi neutral witness nhi tha.

Photograph meeting prove karti thi, crime nhi.

Mahadev per direct criminal case strong nhi ban saka.

Lakin Dharmchand ne use political organization se suspend kar dia.

Usi din Mahadev openly Salman ke camp me chala gya.

Me_ Ab wo official enemy ban gya?

Dadaji_ Haa.

Lakin usse bhi jyada dangerous baat ye thi ki wo tumhare pita ke political system ko andar se janta tha.

Use workers, routes, meeting places, financial supporters aur pariwar ke routines tak ki information thi.

Nimrit ko jab ye pata chala to wo bahut pareshan huyi.

Nimrit_ Aapne mujhe pahle kyun nhi bataya ki Mahadev per itna strong doubt hai?

Abhay_ Hume photo abhi mili thi.

Nimrit_ Aur trap kaa plan?

Abhay_ Aap shaadi ki preparation me busy thi.

Nimrit_ Fir se wahi galti.

Abhay_ Plan dangerous nhi tha.

Nimrit_ Aap decide nhi karenge ki mere liye konsi information important hai.

Hamne secrets naa rakhne kaa promise kia tha.

Abhay_ Sorry.

Nimrit_ Har baar sorry bolkar baat khatam nhi hogi.

Abhay_ To punishment bataiye.

Nimrit_ Shaadi ke baad aapke office ki ak duplicate key mere paas rahegi.

Abhay_ Kyaa?

Nimrit_ Aur “Project Suraksha” file ki copy bhi.

Abhay_ Aap IAS officer ban rhi hai ya meri company ki auditor?

Nimrit_ Dono ki jarurat lag rhi hai.

Abhay_ Aftab, tumne ise file ke bare me bataya?

Aftab_ Me sach ki side hu.

Abhay_ Tum meri side kab hote ho?

Aftab_ Jab tum sahi hote ho.

Bahut kam chance milta hai.

Nimrit ne pahli baar “Project Suraksha” file puri dekhi.

Usme fake land complaint se lekar site sabotage aur Mahadev ki photo tak sab kuchh tha.

Nimrit_ Ye sab ak hi chain kaa hissa ho sakta hai.

Abhay_ Ho sakta hai.

Nimrit_ Salman samne hai.

Michael piche se plan karta hai.

Mahadev internal information deta tha.

Lakin in tino se uper bhi koi ho sakta hai.

Abhay_ Kyun?

Nimrit_ Kyunki departments kaa coordination normal businessman ke bas kaa nhi lagta.

Land complaint, legal clearance delay, Labour Department inspection, bank complaint…

Alag-alag jagah same timing per action hua.

Ya to inke paas government system me bahut strong network hai…

Ya koi government ke andar kaa aadmi inki help kar rha hai.

Me_ Maa ne tabhi samajh lia tha ki koi officer bhi involved hai?

Dadaji_ Haa.

Tumhari maa ki administrative thinking bahut sharp thi.

Usne kaha—

Nimrit_ Aap sirf businessmen per focus mat kijiye.

File kaha-kaha gyi, kis officer ne kab roki, kisne complaint forward ki… uska bhi chart banaiye.

Tumhare pita ne Aftab ko pura timeline chart banane ko kaha.

Names ki list me ak South Indian officer kaa naam baar-baar saamne aaya—

Raghavan Iyer.

Me_ Ye wahi South Indian dushman tha?

Dadaji_ Uska naam pahli baar tab saamne aaya tha.

Lakin uss samay ye clear nhi tha ki wo dushman tha ya bus ak strict government officer.

Raghavan Iyer State Urban Development Department me Deputy Secretary tha.

Rajput Construction se judi 3 alag files uske desk se pass huyi thi.

Ak file usne jaldi clear ki thi.

Do files uske office me delay huyi thi.

Uska Salman ya Michael se direct connection prove nhi tha.

Nimrit_ Is officer kaa pattern samajhna hoga.

Abhay_ Me State Capital me usse mil chuka hu.

Bahut intelligent aur strict aadmi hai.

Nimrit_ Honest?

Abhay_ Reputation achchi hai.

Nimrit_ Fir ho sakta hai koi uske office kaa naam use kar rha ho.

Abhay_ Ya wo bhi game kaa part ho.

Nimrit_ Bina proof conclusion mat nikaliye.

Abhay muskuraya.

Abhay_ Ye line meri hai.

Nimrit_ Ab meri bhi.

Me_ Fir shaadi ruk gyi?

Dadaji_ Nhi.

Dushmano ko yahi lagta tha ki pressure se tumhare pita ki personal life disturb hogi.

Lakin Abhay aur Nimrit ne decide kia ki shaadi fixed date per hi hogi.

Nimrit_ Agar hum date badlenge to unhe lagega ki wo hamari life control kar sakte hai.

Abhay_ Me bhi yahi soch rha tha.

Nimrit_ Lakin security double hogi.

Abhay_ Manjur.

Nimrit_ Guest list verify hogi.

Abhay_ Maa ko samjhana padega.

Manjot_ Kyaa samjhana hai?

Nimrit_ Maa, guest list 800 se kam karni hogi.

Manjot_ Dushmano ki wajah se apne logo ko nhi bulayenge?

Nimrit_ Unknown logo ko nhi bulayenge.

Close family aur trusted friends rahenge.

Manjot_ 500?

Baldev_ 300.

Manjot_ 450 final.

Nimrit_ 350.

Manjot_ Tum shaadi se pahle hi bargaining seekh gyi.

Nimrit_ Abhay se pyar karke business family kaa effect aa gya.

Aakhir guest list limited ki gyi.

Security arrangements security officer aur private guards dono ne sambhale.

Shaadi se ak din pahle tumhare pita ko ak aur envelope mila.

Is baar andar koi photo nhi thi.

Bus ak line likhi thi—

“Shaadi mubarak ho, Kunwar sahab.

Dulhan ko sambhalkar ghar le jaiyega.

Raste hamesha safe nhi hote.”

Me_ Ye to clear dhamki thi!

Dadaji_ Haa.

Tumhare pita ne letter Nimrit se chhupaya nhi.

Unhone turant use dikhaya.

Nimrit ne letter dhyan se padha.

Nimrit_ Handwriting disguised hai.

Abhay_ security officer ko de diya hai.

Nimrit_ Wedding route change kijiye.

Abhay_ Already kar dia.

Nimrit_ Vehicles check honge?

Abhay_ Haa.

Nimrit_ Driver trusted hoga?

Abhay_ Hamara purana driver.

Nimrit_ Aur aap kisi bhi point per akela nhi jayenge.

Abhay_ Ji, Collector sahiba.

Nimrit_ Me serious hu.

Abhay_ Me bhi.

Abhay_ Me bhi.

Nimrit_ Dar lag rha hai?

Abhay ne kuchh pal use dekha.

Abhay_ Shaadi se nhi.

Aapko risk me lane se.

Nimrit_ Me apni marji se aapke sath aa rhi hu.

Aap mujhe risk se bachane ki koshish kar sakte hai.

Lakin meri life kaa decision mere badle nhi le sakte.

Abhay_ Aapko pata hai naa meri life difficult hai?

Nimrit_ Abhi tak doubt tha.

Ab proof mil gya.

Dono halki si muskan ke sath ak dusre ko dekhne lage.

Nimrit_ Kal late mat hona.

Abhay_ Apni shaadi me kon late hota hai?

Nimrit_ Aap labourer ko hospital le jane ke liye inauguration me late ho sakte hai.

Kal raste me kisi ki help karne ruk gye to?

Abhay_ Kal pura sahar bhi rukwaye to nhi rukunga.

Nimrit_ Achcha hai.

Dadaji_ Agle din 1990 me tumhare mata-pita ki shaadi huyi.

Lakin Jay…

Shaadi ke function me bhi ak aisa aadmi present tha, jise officially invitation nhi bheja gya tha.

Wo guest bankar nhi aaya tha.

Wo catering staff ke bich disguise hokar andar enter hua tha.

Me_ Kon?

Dadaji_ Javed Ansari.

Wahi transport broker, jiska naam Rafiq aur Mahadev ke connection me saamne aaya tha.

Me_ Wo shaadi me kyaa karne aaya tha?

Dadaji_ Ye baat tumhare pita ko shaadi khatam hone ke baad pata chali.

Lakin usne shaadi ke andar kyaa kia…

Aur wo bina pakde waha se kese nikla…

Ye tumhe pahle shaadi ki puri kahani samajhne ke baad hi bataunga.

.....

[Babab96]

Me_ Dadu, pahle shaadi ki kahani kyun? Aap seedha ye kyun nhi batate ki Javed Ansari waha kyaa karne aaya tha?

Dadaji_ Kyunki uss din ki har chhoti ghatna important hai, Jay.

Javed shaadi me bus andar ghusne nhi aaya tha. Usne pahle se puri planning ki thi.

Use ghar kaa layout, security arrangements aur tumhare pita ki wedding car kaa route tak pata tha.

Aur ye information use kisi bahar wale se nhi mil sakti thi.

Me_ Matlab fir se kisi andar ke aadmi ne help ki thi?

Dadaji_ Haa.

Lakin uss wakt hume ye pata nhi tha ki wo aadmi kon tha.

Shaadi kaa din aa chuka tha.

Subah se hamare farmhouse me relatives aur close friends kaa aana shuru ho gya tha.

Security ki wajah se har guest kaa invitation card check kia ja rha tha. Main gate per private guards ke sath security officer ke kuchh log bhi present the.

Catering, decoration aur music staff ki list pahle hi verify karwayi gyi thi.

Tumhari Dadi Manjot subah se pure ghar me ghum rhi thi.

Kabhi wo decoration check karti, kabhi kitchen me jakar khana dekhti aur kabhi tumhare pita ke room me jakar unhe jaldi taiyar hone ko kahti.

Manjot_ Abhay, abhi tak taiyar nhi hua?

Abhay_ Maa, function me abhi bahut time hai.

Manjot_ Ladki wale time per aa gye to?

Abhay_ Wo apne ghar per hai. Hum unke yaha jayenge.

Manjot_ Isliye to taiyar ho ja. Baarat tere bina chali gyi to?

Abhay_ Meri shaadi hai. Mere bina kese jayegi?

Manjot_ Tujhe kaam aur politics kaa itna shauk hai ki tu apni shaadi me bhi meeting kar sakta hai.

Aftab wahi room me tumhare pita ki dress check kar rha tha.

Aftab_ Manjot aunty sahi kah rhi hai. Iska bus chale to wedding dress ke uper party kaa scarf pahen le.

Abhay_ Tum dono ko mujhe akela chhodne me kyaa problem hai?

Aftab_ Partner hu. Dekhna padega groom presentable lag rha hai ya company ki image kharab karega.

Manjot_ Aftab, tu iski pagdi check kar. Me jewellery lekar aati hu.

Abhay_ Maa, mujhe jewellery nhi pahenni.

Manjot_ Bus family ki chain aur ring hai.

Abhay_ Ring to Nimrit pahenayegi.

Manjot_ Wo wedding ring hogi. Ye hamare pariwar ki ring hai.

Aftab_ Kunwar sahab, aaj aapki koi argument accept nhi hogi.

Tumhare pita ne dono ki taraf dekha aur bina kuchh kahe chair per baith gye.

Me_ Papa nervous the?

Dadaji_ Bahut.

Lakin wo manne ko taiyar nhi the.

Thodi der baad Dharmchand room me aaya.

Dharmchand_ Kunwar sahab, bahar log aapko dekhne kaa intejar kar rhe hai.

Abhay_ Me koi exhibition kaa saman hu?

Dharmchand_ Aaj ke liye haa.

Aftab_ Dharmchand, iska dhyan rakhna. Kahi raste me koi political worker mil gya to ye baarat rok kar uski complaint sunne lagega.

Abhay_ Tum dono shaadi ke baad ghar mat aana.

Dharmchand_ Shaadi ke baad tumhara ghar tumhara kaha rahega?

Tumhare pita ne gusse me cushion uthakar Dharmchand ki taraf feka.

Sab hansne lage.

Udhar Nimrit ke ghar per bhi taiyari chal rhi thi.

Uski mosi aur kuchh close relatives use taiyar kar rhe the.

Nimrit normal dikhne ki koshish kar rhi thi, lakin wo baar-baar apni maa ki photo ki taraf dekh leti.

Uski mosi ne ye notice kia.

Mosi_ Aaj didi hoti to bahut khush hoti.

Nimrit_ Mujhe subah se unki bahut yaad aa rhi hai.

Mosi_ Wo tumhare sath hi hai.

Tumne unka sapna pura kia. Ab tum apni life ki nayi shuruaat kar rhi ho.

Nimrit_ Aapne mujhe kabhi unki kami feel nhi hone di.

Mosi_ Me tumhari maa ki jagah nhi le sakti thi.

Bus tumhe akela nhi chhodna chahti thi.

Nimrit ne apni mosi kaa hath pakad lia.

Nimrit_ Aap meri maa hi hai.

Dono ki aankho me aansu aa gye.

Tabhi Manjot ki taraf se bheja gya ak chhota box Nimrit ke paas laya gya.

Box ke andar wahi fountain pen tha, jo Manjot ne Nimrit ko pahli family meeting me diya tha.

Uske sath ak naya note tha—

“Collector banne wale documents per sign karne ke liye ye pen diya tha. Aaj apni nayi life ki shuruaat bhi isi ke sath karna. Shaadi ke papers per sign karte wakt ise apne paas rakhna.”

Nimrit ne fountain pen apne paas rakh lia.

Me_ Maa ne wo pen baad me bhi use kia tha?

Dadaji_ Haa.

Apni service ke kai important documents per usne usi pen se sign kiye the.

Collector kaa charge lete wakt bhi wahi pen uske paas tha.

Me_ Wo pen ab kaha hai?

Dadaji_ Mere paas.

Me_ Aapne mujhe kabhi dikhaya kyun nhi?

Dadaji_ Kyunki abhi tak tumhare liye wo bus ak pen hota.

Kahani puri hone ke baad tum samjhoge ki kuchh chije saman nhi hoti… wo logo ki adhuri zindagi sambhal kar rakhti hai.

Baarat farmhouse se nikli.

Security ki wajah se route last moment per change kia gya tha.

Sirf security officer, main driver, me, Aftab aur tumhare pita ko final route pata tha.

Wedding car ko chalane wala hamara purana driver Shankar tha.

Wo hamare pariwar ke sath kai saalo se tha.

Car nikalne se pahle usne khud engine, tyres aur brakes check kiye.

Abhay_ Shankar kaka, car kal hi check huyi thi.

Shankar_ Kunwar sahab, aaj koi risk nhi lenge.

Manjot_ Shankar sahi kah rha hai.

Tum chupchap car me baitho.

Me_ Kyaa dhamki wale letter ki wajah se sab itne careful the?

Dadaji_ Haa.

security officer ko bhi alert kia gya tha.

Lakin function kaa mahaul kharab naa ho, isliye jyada logo ko threat ke bare me nhi bataya gya.

Baarat safe tarike se Nimrit ke ghar pahuch gyi.

Waha tumhare pita kaa welcome hua.

Nimrit ke pitaji ne mujhe gale lagaya.

Nimrit ke Pitaji_ Baldev ji, aaj se dono pariwar ak ho rhe hai.

Baldev_ Rishta to uss din hi jud gya tha, jab Manjot ne Nimrit ko apni beti maan lia tha.

Manjot_ Aap dono emotional bate baad me karna. Pahle rasme time per karwao.

Tumhare pita wedding area me baithe the, lakin unki najar baar-baar uss door ki taraf ja rhi thi, jaha se Nimrit ko aana tha.

Aftab ne dheere se kaha—

Aftab_ Itna mat dekho. Door tumhari najar se jaldi nhi khulega.

Abhay_ Tumhara yaha kyaa kaam hai?

Aftab_ Groom ko control me rakhna.

Dharmchand_ Ye election ke result kaa intejar bhi itni tension se nhi karta tha.

Fir Nimrit andar aayi.

Tumhare pita kuchh pal ke liye sach me sab kuchh bhool gye.

Unhe stage, guests, music ya security kuchh dikhayi nhi de rha tha.

Bus Nimrit.

Nimrit ne unki taraf dekha.

Dono ki najre mili.

Nimrit ke chehre per halki si muskan aa gyi.

Aftab tumhare pita ke paas jhukkar bola—

Aftab_ Kunwar sahab, saans lete rahiye. Shaadi se pahle behosh hona achcha nhi lagega.

Abhay_ Chup raho.

Ceremony shuru huyi.

Dono pariwar ki traditions kaa samman rakhte hue simple tarike se rasme huyi.

Tumhare pita aur Nimrit ne ak dusre ko wedding rings pahenayi.

Fir legal marriage documents per signatures hone the.

Nimrit ne Manjot kaa diya hua fountain pen nikala.

Abhay_ Ye wahi pen hai?

Nimrit_ Haa.

Maa ne kaha tha important documents per isi se sign karna.

Manjot ki aankho me khushi aa gyi.

Nimrit ne sign kia.

Fir pen tumhare pita ko diya.

Abhay_ Me bhi isi se?

Nimrit_ Ab document dono kaa hai.

Tumhare pita ne bhi usi pen se sign kia.

Me_ Aap witness the?

Dadaji_ Haa.

Mene aur Nimrit ke pitaji ne witness ke roop me sign kiye.

Manjot ne documents dekhe aur kaha—

Manjot_ Ab official ho gya naa? Ab koi training, tender ya politics rishta cancel nhi kar sakta?

Sab hans pade.

Lakin isi wakt catering staff ke kapdo me Javed Ansari function ke service area me enter kar chuka tha.

Me_ Security ne uska card check nhi kia?

Dadaji_ Kia tha.

Uske paas catering company kaa valid temporary card tha.

Card per naam “Jameel Sheikh” likha tha.

Photo uska hi tha.

Baad me pata chala ki original Jameel Sheikh ko shaadi ki subah kisi ne ₹2,000 dekar chhutti karwa di thi.

Usse kaha gya tha ki uske pariwar me emergency hone ki jhoothi information catering supervisor ko de di jayegi.

Javed uski jagah uniform aur identity card lekar aa gya.

Me_ Kyaa original worker Javed ko janta tha?

Dadaji_ Nhi.

Use paise ak unknown aadmi ne diye the.

Javed ne pahle kitchen area me normal kaam kia.

Wo plates uthata, water containers move karta aur staff ke bich aise ghumta raha jese wahi kaa worker ho.

Uska asli target wedding ceremony nhi tha.

Uski najar ghar ke piche wale corridor per thi.

Usi corridor se Nimrit ke pitaji kaa study room aur temporary security control room connected tha.

Me_ Wo waha kyaa dhund rha tha?

Dadaji_ Wedding route kaa map, security list aur tumhare pita ke paas rakhe kuchh confidential papers.

Tumhare pita ne dhamki wala letter security officer ko de diya tha.

Lakin uski ak photocopy aur “Project Suraksha” file se nikali gyi kuchh important notes wedding ke din Aftab apne sath laya tha.

Aftab kaa maanna tha ki agar function me koi suspicious activity ho, to wo security officer officer ko turant previous incidents kaa reference de sake.

Usne brown leather bag study room ki locked cupboard me rakha tha.

Me_ Javed ko bag ke bare me kese pata tha?

Dadaji_ Yahi sabse bada sawal tha.

Bag ke bare me sirf Aftab, tumhare pita aur mujhe pata tha.

Aftab ne bag office se nikalte wakt bhi kisi ko nhi bataya tha.

Lakin Javed seedha usi cupboard tak pahucha.

Usne pocket se duplicate key nikali.

Cupboard khola aur brown leather bag bahar nikal lia.

Me_ Usne file chura li?

Dadaji_ Puri file nhi.

Usne bag kholkar andar ke documents dekhe.

“Project Suraksha” naam dekhte hi usne kuchh papers alag kiye.

Unme Mahadev aur Salman ki photograph, Javed Ansari ki security officer search report aur Pathan Transport ki delivery slip ki copy thi.

Javed ne photograph aur security officer report apne kapdo ke andar chhupa li.

Lakin usi samay corridor me kisi ke kadmo ki aawaj aayi.

Wo cupboard band karne laga.

Door khula aur Shankar driver andar aaya.

Shankar_ Tum kon ho?

Javed ne turant tray uthayi.

Javed_ Catering staff se hu. Pani rakhne aaya tha.

Shankar ne cupboard ki taraf dekha.

Cupboard kaa door puri tarah band nhi hua tha.

Shankar_ Pani rakhne ke liye cupboard kyun khola?

Javed_ Mene nhi khola.

Shankar uski taraf badha.

Javed ne tray uske samne feki aur side ke door se bhaag gya.

Shankar ne use pakadne ki koshish ki, lakin Javed ne corridor me rakha ak flower stand gira diya.

Shankar usse takrakar gir gya.

Me_ Shankar kaka ko chot lagi?

Dadaji_ Hath per halki chot lagi.

Wo turant khada hua aur security ko aawaj di.

Javed kitchen ke raste main lawn ki taraf bhaaga.

Lakin shaadi me bahut bheed thi.

Catering uniform me hone ki wajah se wo aasani se staff ke bich mix ho gya.

Security ne gates band kar diye.

Har worker ko line me khada karke cards check hone lage.

Lakin Javed tab tak apni catering jacket aur cap change kar chuka tha.

Usne kitchen ke store room me ak decoration worker kaa spare kurta aur jacket pahen lia.

Fir wo flowers kaa carton uthakar decoration staff ke sath rear gate ke paas pahuch gya.

Rear gate per security officer guard ne use roka.

Guard_ Card?

Javed ne decoration company kaa card dikhaya.

Wo card bhi fake tha.

Guard card ko dhyan se dekhne hi wala tha ki main wedding area me firecrackers ki tej aawaj hone lagi.

Radio set per message aaya ki suspicious catering worker main hall ki taraf bhaaga hai.

Guard kaa dhyan kuchh pal ke liye udhar gya.

Javed carton lekar rear gate se bahar nikal gya.

Me_ Wo paidal bhaaga?

Dadaji_ Rear lane me ak motorcycle uska intejar kar rhi thi.

Motorcycle chalane wale ne helmet pahna hua tha.

Javed piche baitha aur dono chale gye.

Number plate per mitti lagi huyi thi.

Kisi ne number clearly nhi dekha.

Udhar wedding ceremony chal rhi thi.

Security ne hume turant incident nhi bataya.

security officer officer nhi chahta tha ki bina wajah panic ho aur shaadi ruk jaye.

Aftab ko side me bulaya gya.

security officer Officer_ Ak aadmi study room me enter hua tha.

Aftab_ Kyaa chori hua?

security officer Officer_ Abhi check karna hoga.

Aftab turant study room pahucha.

Usne leather bag khola.

Aftab_ Mahadev aur Salman wali photograph gayab hai.

security officer Officer_ Aur?

Aftab_ Javed Ansari ki report aur Pathan Transport ki delivery slip ki copy.

security officer Officer_ Cash ya jewellery?

Aftab_ Kuchh nhi.

security officer Officer_ Matlab target documents the.

Aftab kaa chehra sakht ho gya.

Aftab_ Abhay ko batana hoga.

security officer Officer_ Ceremony khatam hone dijiye.

Aftab_ Agar attacker function me hi hai to?

security officer Officer_ Pure premises kaa search chal rha hai.

Abhay ko abhi bataya to wo ceremony chhodkar investigation me lag jayega.

Aftab janta tha ki security officer officer sahi kah rha hai.

Usne tumhare pita se baat chhupane kaa decision bahut mushkil se lia.

Me_ Lakin maa-papa ne promise kia tha ki koi secret nhi rakhenge.

Dadaji_ Aftab ne bus ceremony khatam hone tak delay kia tha.

Wo tumhare pita ki shaadi kaa din kharab nhi karna chahta tha.

Lakin uski najar pure function me har aadmi per rhi.

Tumhare pita ne notice kia ki Aftab tension me hai.

Abhay_ Kyaa hua?

Aftab_ Kuchh nhi.

Abhay_ Tum jab jhooth bolte ho to jyada serious chehra banate ho.

Aftab_ Security arrangements check kar rha hu.

Abhay_ Koi problem hai?

Aftab_ Ak worker kaa card mismatch hua tha. security officer verify kar rhi hai.

Abhay_ Bas?

Aftab_ Haa.

Abhay ne kuchh pal use dekha.

Fir Nimrit ne tumhare pita kaa hath pakda.

Nimrit_ Aaj ke din kam se kam office aur security ki tension chhod dijiye.

Abhay_ Aftab kuchh chhupa rha hai.

Nimrit_ Agar serious hoga to wo batayega.

Aftab ne Nimrit ki taraf dekha.

Use ak pal ke liye guilt hua, lakin usne chup rehna sahi samjha.

Shaadi ki rasme puri huyi.

Manjot ne Nimrit ko gale lagaya.

Nimrit ki mosi aur pitaji ki aankho me aansu the.

Nimrit apne pita se lipat gyi.

Nimrit ke Pitaji_ Khush rehna.

Career aur pariwar me se kabhi ak ko choose karne ki jarurat pade, to jaldbaji mat karna.

Sahi pariwar tumhe career chhodne ko nhi kahega.

Nimrit ne tumhare pita ki taraf dekha.

Abhay_ Aap chinta mat kijiye. Nimrit kaa career ham sabki responsibility hai.

Nimrit ke pitaji ne tumhare pita kaa hath pakda.

Nimrit ke Pitaji_ Me apni beti tumhare sath bhej rha hu, Kunwar sahab.

Iska matlab ye nhi ki wo hamse dur ho gyi.

Abhay_ Wo dono pariwar ki beti rahegi.

Manjot_ Aur meri beti jyada.

Nimrit ki mosi ne Manjot ko gale laga lia.

Vidai kaa wakt emotional tha.

Nimrit car me baithne se pahle apni maa ki photo ke samne gyi.

Usne photo ko chhua aur dheere se kaha—

Nimrit_ Maa, me ja rhi hu.

Manjot uske piche khadi thi.

Usne Nimrit ke kandhe per hath rakha.

Manjot_ Betiya ghar chhodkar nhi jati. Bus unke ghar badh jate hai.

Nimrit palatkar Manjot ke gale lag gyi.

Me_ Fir wedding car safely ghar pahuch gyi?

Dadaji_ Haa.

Route change kia gya tha.

security officer escort bhi sath thi.

Koi incident nhi hua.

Lakin farmhouse pahuchne ke turant baad Aftab ne tumhare pita aur mujhe alag room me bulaya.

Nimrit bhi sath aa gyi.

Aftab_ Ak serious baat hai.

Abhay_ Mujhe pata tha tum kuchh chhupa rhe ho.

Aftab ne pura incident bataya.

Shankar ne catering worker ko study room me dekha.

Brown leather bag khola gya.

Mahadev-Salman photograph, Javed Ansari ki report aur Pathan Transport delivery slip ki copy gayab thi.

Tumhare pita kaa chehra badal gya.

Abhay_ Original file?

Aftab_ Safe hai.

Ye sirf selected copies thi.

Abhay_ Worker kaa description?

Aftab_ Shankar kaa kahna hai ki wo Javed Ansari ho sakta hai.

Abhay_ “Ho sakta hai” ya wahi tha?

Shankar ko room me bulaya gya.

Shankar_ Kunwar sahab, mene Javed ko pahle clear photo me nhi dekha.

Lakin security officer sketch se chehra milta hai.

Uske right eyebrow ke paas chhota sa cut mark tha.

security officer report me bhi wahi identification mark likha hai.

Nimrit_ To wo Javed hi tha.

Abhay_ Use bag ke bare me kese pata tha?

Aftab_ Ya to kisi ne use bataya…

Ya wo mujhe office se follow kar rha tha.

Nimrit_ Duplicate key?

Aftab_ Cupboard force se nhi khola gya.

Uske paas key thi.

Baldev_ Cupboard ki duplicate key kis-kis ke paas thi?

Aftab_ Original key mere paas.

Duplicate key farmhouse ke caretaker office me sealed envelope me rakhi thi.

Caretaker ko bulaya gya.

Usne record check kia.

Caretaker_ Sir, duplicate key kaa envelope sealed hai.

Aftab_ Seal dikhao.

Envelope laya gya.

Uper se seal normal dikh rhi thi.

Lakin Nimrit ne use hath me lekar dhyan se dekha.

Nimrit_ Ye seal original nhi hai.

Caretaker_ Madam?

Nimrit_ Wax kaa shade alag hai.

Envelope pahle khola gya, key use karke impression liya gya aur fir dobara seal kia gya.

Abhay_ Kisne access kia?

Caretaker_ Office me me aur assistant Ramesh.

Wedding preparation ke time decorators aur electricians bhi andar aate-jate the.

Nimrit_ Record?

Caretaker_ Normal visitors kaa register hai. Lakin staff kaa nhi.

Aftab_ Matlab kisi ne kai din pahle duplicate key kaa impression lia.

Abhay_ Ye last-minute plan nhi tha.

Nimrit_ Kisi ko pata tha ki wedding ke din important documents farmhouse per ho sakte hai.

Abhay_ Ya kisi ko Aftab ke bag kaa exact movement pata tha.

Aftab_ Office se nikalte wakt sirf tum, Baldev uncle aur me present the.

Nimrit_ Kyaa Mahadev ko wedding arrangements ki koi information thi?

Aftab_ Officially nhi.

Abhay_ Lakin party workers aur suppliers ke through use guest list aur staff companies kaa naam mil sakta tha.

Nimrit_ Javed ne documents kyun churaye?

Abhay_ Apna naam aur Salman kaa connection mitane ke liye.

Aftab_ Lakin original hamare paas hai.

Nimrit_ Shayad use laga ki wahi original evidence hai.

Abhay_ Ya wo check karna chahta tha ki hamare paas kitni information hai.

Room me kuchh pal shanti ho gyi.

Nimrit ne wedding dress me hi table per rakhe papers dekhe.

Uski shaadi kaa din ab investigation me badal chuka tha.

Tumhare pita ne use dekha.

Abhay_ Sorry.

Nimrit_ Kisliye?

Abhay_ Mene aapko apni life me khushi dene kaa promise kia tha.

Shaadi ke pahle din hi ye sab—

Nimrit_ Mene easy life kaa promise nhi manga tha.

Mene bus sach kaa promise manga tha.

Aapne mujhe abhi sab bata dia.

Ab hum dono milkar handle karenge.

Abhay_ Aaj aapko rest karna chahiye.

Nimrit_ Aaj kisi ne hamari shaadi me ghuskar confidential documents churaye hai.

Me rest baad me karungi.

Manjot door per khadi sab sun rhi thi.

Manjot_ Aur me kyaa karu?

Sabne uski taraf dekha.

Abhay_ Maa, aap kab aayi?

Manjot_ Jab tumne sorry bolna shuru kia.

Nimrit_ Maa, aap tension mat lijiye.

Manjot_ Tension kese naa lu?

Koi meri bahu ki shaadi me chor bankar ghus aaya.

Baldev_ security officer kaam kar rhi hai.

Manjot_ security officer karegi apna kaam.

Lakin Abhay, tu ak baat sun le.

Ab shaadi ho gyi hai.

Pahle tu apni safety ko ignore karta tha, ab Nimrit ki safety bhi teri responsibility hai.

Abhay_ Janta hu.

Manjot_ Aur Nimrit, tum bhi sun lo.

Ye ladka har problem khud solve karne ki koshish karta hai.

Isper najar rakhna.

Nimrit_ Me already shuru kar chuki hu, Maa.

Manjot_ Achcha hai.

Kam se kam ab meri ak tension kam huyi.

security officer ne catering aur decoration staff ki list collect ki.

Original Jameel Sheikh ko agle din dhunda gya.

Usne paise dene wale aadmi kaa description diya.

Jameel_ Wo Marathi bolne jesa accent rakhta tha.

Inspector_ Mahadev Deshmukh?

Jameel_ Naam nhi pata. Mene use pahle kabhi nhi dekha.

security officer ne Mahadev ki photograph dikhayi.

Jameel ne use dhyan se dekha.

Jameel_ Face thoda milta hai… lakin paise dene wale ne beard rakhi thi aur cap pahni thi.

Inspector_ Pakka ye hi tha?

Jameel_ Me pakka nhi kah sakta.

Mahadev ko fir puchhtach ke liye bulaya gya.

Mahadev_ Shaadi ke wakt me kaha tha, uske witnesses hai.

Inspector_ Kaha the?

Mahadev_ Ak local political meeting me.

Inspector_ Meeting kaa time?

Mahadev_ Sham 7 se raat 10 baje.

Inspector_ Jameel ko paise subah diye gye the.

Mahadev_ Subah me ghar per tha.

Inspector_ Witness?

Mahadev_ Meri family.

Direct proof fir nhi mila.

Me_ Har baar Mahadev bach kese jata tha?

Dadaji_ Kyunki wo akela kaam nhi karta tha.

Network me har aadmi bus apna chhota role nibhata tha.

Kisi ko puri planning nhi pata hoti.

Ak aadmi staff card arrange karta.

Dusra duplicate key kaa impression leta.

Teesra motorcycle lekar wait karta.

Javed documents churata.

Aur plan banane wala sabse dur baitha rahta.

Me_ Michael D’Souza?

Dadaji_ Shak usper bhi tha.

security officer ne Michael se formal puchhtach ki.

Michael_ Kunwar Abhay ki shaadi me me invited tha, lakin business tour ki wajah se attend nhi kar saka.

Inspector_ Javed Ansari ko jante hai?

Michael_ Naam news aur business circles me suna hai.

Inspector_ Kyaa wo aapke hotel ya company ke liye kaam kar chuka hai?

Michael_ Mere businesses me hajaro temporary workers kaam karte hai. Records check karne honge.

Usne security officer ko records dene kaa promise kia.

Records me Javed kaa naam nhi mila.

Lakin temporary labour lists incomplete thi.

Salman se bhi puchhtach huyi.

Salman_ Me shaadi me gya hi nhi.

Inspector_ Aapne gift bheja tha.

Salman_ Mubarakbad dena crime hai?

Inspector_ Chori huye papers me aapki company se related documents the.

Salman_ To koi mujhe fasana chahta hoga.

Inspector_ Javed kaa connection Pathan Transport se nikla tha.

Salman_ Mere truck me temporary helper ban jana connection nhi hota.

Har sawal kaa jawab ready tha.

Kisi per case nhi bana.

Lakin tumhare pita ne shaadi ke baad pehla decision ye lia ki “Project Suraksha” file kaa system badla jayega.

Abhay_ Original documents ak jagah nhi rahenge.

Aftab_ Office safe me ak part.

Baldev uncle ke paas ak part.

Lawyer ke paas sealed copies.

Nimrit_ Aur document movement kaa written register.

Kisne file kab dekhi, kyaa copy nikali, sab record hoga.

Abhay_ Aap service join karne se pahle hi Rajput Construction ki system reform kar rhi hai.

Nimrit_ Free consultancy hai. Appreciate kijiye.

Aftab_ Me to pahle din se keh rha tha ki company ko disciplined system chahiye.

Abhay_ Tum dono milkar mujhe company se bahar kar doge.

Nimrit_ Aap politics sambhaliye. Company Aftab ji sambhal lenge.

Aftab_ Finally kisi intelligent insaan ne meri value samjhi.

Tumhare pita ne dono ki taraf dekha.

Abhay_ Shaadi ke dusre din hi partnership mere against ho gyi.

Me_ Shaadi ke baad maa-papa kahi ghumne nhi gye?

Dadaji_ Unke paas sirf 15 din the.

Security incident ki wajah se pahle 3 din investigation me nikal gye.

Tumhare pita chahte the ki dono kisi hill station chale jaye.

Nimrit_ Ab itna sab hone ke baad long route per jana sahi nhi hoga.

Abhay_ Dushmano ki wajah se honeymoon cancel kar denge?

Nimrit_ Cancel nhi. Safe jagah choose karenge.

Manjot_ Farmhouse ke piche pahadi hai. Wahi ghum aao.

Abhay_ Maa…

Manjot_ Me bus suggestion de rhi hu.

Aakhir dono kuchh dino ke liye ak nearby peaceful hill town gye.

Security bahut limited rakhi gyi, taki unki privacy bhi bani rahe.

Me_ Waha koi problem nhi huyi?

Dadaji_ Nhi.

Wo kuchh din unki life ke sabse shant dino me se the.

Waha naa politics thi, naa construction site aur naa training academy.

Ak sham dono hotel ki balcony me baithe the.

Nimrit_ Ab sach bataiye.

Abhay_ Kyaa?

Nimrit_ Shaadi se pahle kabhi laga tha ki me haa nhi kahungi?

Abhay_ Pahli baar dantne ke baad laga tha ki aap mera chehra dobara dekhna bhi nhi chahegi.

Nimrit_ Fir bhi intejar kia.

Abhay_ Aapko bhoolne ki koshish ki thi.

Nimrit_ Kitne din?

Abhay_ Shayad do.

Nimrit_ Bus do din?

Abhay_ Teesre din Aftab ne aapka naam le lia.

Nimrit_ To Aftab ji ki wajah se nhi bhool paye?

Abhay_ Nhi. Me wese bhi nhi bhool pata.

Nimrit_ Aur ab?

Abhay_ Ab bhoolne kaa option hi nhi hai.

Aap legally meri wife hai.

Nimrit_ Legal document kaa pyar se kyaa connection?

Abhay_ Ab aap mujhe dantkar rasta badalne ko nhi kah sakti.

Nimrit_ Me ghar se bahar nikal sakti hu.

Abhay_ Maa aapko wapas andar le aayegi aur mujhe bahar kar degi.

Nimrit hans padi.

Kuchh der baad wo serious ho gyi.

Nimrit_ Abhay, kyaa aapko lagta hai hamari life normal ho payegi?

Abhay_ Normal kaa matlab?

Nimrit_ Bus ghar, pariwar, career… bina har wakt threats aur conspiracy ke.

Abhay kuchh pal chup rhe.

Abhay_ Me jhooth bolkar haa kah sakta hu.

Lakin sach ye hai ki politics aur business me problems aayengi.

Aapki service me bhi powerful logo se takkar hogi.

Normal shayad naa ho.

Lakin ak baat promise kar sakta hu.

Jo bhi hoga, aap akeli nhi hongi.

Nimrit_ Aur aap bhi nhi.

Dono ne ak dusre kaa hath pakda.

Unhone uss wakt apni future life ko lekar bahut sare sapne dekhe.

Nimrit Collector banna chahti thi.

Tumhare pita 25 saal ke hote hi election ladna chahte the.

Dono ak aisa ghar chahte the, jaha politics aur administration ki discussions bhi ho aur pariwar ki hansi bhi.

Me_ Aur mere bare me?

Dadaji_ Tumhare bare me bhi baat huyi thi.

Nimrit_ Aapko kitne bachche chahiye?

Abhay_ Ak puri cricket team.

Nimrit_ Me IAS service chhodkar bus bachche sambhalu?

Abhay_ Theek hai. Do.

Nimrit_ Mene abhi ak bhi decide nhi kia.

Abhay_ Ak beta aur ak beti.

Nimrit_ Naam bhi decide kar liye?

Abhay_ Beta hua to Jay.

Nimrit_ Jay kyun?

Abhay_ Chhota, simple aur strong naam hai.

Nimrit_ Aur beti?

Abhay_ Aap decide karna.

Nimrit_ Matlab difficult kaam mujhe.

Abhay_ Partnership barabar honi chahiye.

Me_ Mera naam papa ne shaadi ke kuchh dino baad hi decide kar lia tha?

Dadaji_ Haa, bete.

Tumhare pita ko “Jay” naam pahle se pasand tha.

Lakin tab unhe ye kaha pata tha ki ak din wahi Jay unki puri adhuri kahani kaa jawab dhundega.

Me_ Fir shaadi ke baad kyaa hua?

Dadaji_ Nimrit ko apni probation training ke next phase ke liye wapas jana pada.

Tumhare pita housing project aur politics me lag gye.

Shaadi ne unhe weak nhi kia.

Ulta tumhari maa ki planning aur discipline ki wajah se Rajput Construction kaa system aur strong ho gya.

Project time per progress karne laga.

Salman kaa material network fail hua.

Mahadev political circle se bahar ho chuka tha.

Michael openly shant tha.

Aur Raghavan Iyer kaa naam files me baar-baar dikhayi dene laga.

Lakin isi bich Nimrit ne training ke dauran ak aisa illegal land transfer pakda, jiska connection Salman Pathan, Michael D’Souza aur ak naye '. businessman se tha.

Me_ Naya aadmi kon?

Dadaji_ Farooq Mirza.

Me_ Ye bhi papa kaa rival tha?

Dadaji_ Shuru me nhi.

Farooq Mirza ak wealthy land dealer aur hotel businessman tha.

Wo sophisticated aadmi tha. Salman ki tarah gussa nhi karta tha aur Michael ki tarah directly business competition me bhi nhi tha.

Uski asli power land deals, benami properties aur officers ke personal connections me thi.

Nimrit ne training ke dauran jo file pakdi thi, usme government ki jamin ko private industrial land dikhakar transfer karne ki koshish ki gyi thi.

Paper per transaction legal lag rha tha.

Lakin village records me land kaa owner koi private company nhi… State Government thi.

Me_ Maa ne kyaa kia?

Dadaji_ Usne apne senior officer ko written report di.

Usse kaha gya ki wo bus trainee hai aur final decision senior officers lenge.

Lakin Nimrit ne file per apni noting clearly likh di—

“Land ownership record aur transfer document me serious contradiction hai. Independent revenue inquiry ke bina approval naa diya jaye.”

Uski noting ki wajah se file ruk gyi.

Ak bahut badi deal atak gyi.

Aur pahli baar Farooq Mirza ne Nimrit kaa naam suna.

Farooq_ Ye Nimrit kon hai?

Uske manager ne jawab diya—

Manager_ IAS probationer hai.

Farooq_ Trainee ne file rok di?

Manager_ Usne noting kar di. Senior officer ab bina inquiry sign nhi kar rha.

Farooq_ Uska background?

Manager_ Sahar ke bade businessman ki beti hai.

Aur recently Kunwar Abhay Pratap Singh Thakur se shaadi huyi hai.

Farooq kuchh pal chup rha.

Fir usne halki muskan ke sath kaha—

Farooq_ To problem ak nhi… dono husband-wife hai.

Me_ Yahi se maa ke dushman banne shuru hue?

Dadaji_ Haa, Jay.

Shaadi ke turant baad tumhari maa ne apni service me pahli important file roki.

Aur uss file ne Abhay ke business rivals ko Nimrit ke administrative career se jod diya.

Ab tak dushmani do alag raste per chal rhi thi—

Ak tumhare pita ke business aur politics kaa rasta.

Dusra tumhari maa ki service kaa.

Farooq Mirza ke land case ke baad ye dono raste pahli baar ak dusre se milne lage.

Aur jis din dushmano ko ye samajh aaya ki Abhay aur Nimrit ko alag-alag todna mushkil hai…

Ussi din unhone dono ko ak sath target karne kaa plan banana shuru kar dia.

[Babab96]

Me_ Dono ko ak sath target karne kaa plan kisne banaya tha, Dadu? Farooq Mirza ne?

Dadaji_ Farooq ne bus problem ko pahchana tha, Jay.

Plan ak aadmi ne nhi banaya tha. Har rival apne fayde ke according chal rha tha.

Salman Pathan tumhare pita ko business aur politics me niche girana chahta tha.

Michael D’Souza Rajput Construction ko bade government projects se bahar karna chahta tha.

Mahadev Deshmukh apni beizzati kaa badla lena chahta tha.

Aur Farooq Mirza ko darr tha ki Nimrit ki wajah se uski illegal land deals saamne aa jayengi.

Me_ Aur Raghavan Iyer?

Dadaji_ Uska role abhi clear nhi tha.

Tumhari maa jis land transfer ki file per noting karke aayi thi, uski final approval State Urban Development Department se honi thi.

Aur uss department me Deputy Secretary Raghavan Iyer tha.

Nimrit ki noting ke baad file uske desk per pahuchi.

Raghavan Iyer ne file teen din tak apne paas rakhi.

Usne naa transfer approve kia aur naa hi turant reject.

Usne Revenue Department se original land records, village map aur pichle 20 saal ki ownership history mangwa li.

Me_ To wo honest officer lag rha tha.

Dadaji_ Tumhari maa ko bhi pahle yahi laga.

Raghavan kaa kaam karne kaa tarika bahut strict tha.

Wo kisi politician kaa phone easily receive nhi karta tha.

Businessmen ko office ke bahar ghanto wait karwata.

Aur file per jab tak har document complete naa ho, sign nhi karta tha.

Lakin uski ak aadat aur thi—

Wo apne thoughts kisi ke samne reveal nhi karta tha.

Nimrit ki training ke senior officer ne use bulaya.

Senior Officer_ Nimrit, Farooq Mirza land transfer case me tumne strong objection likha hai.

Nimrit_ Sir, village record me land State Government ke naam hai. Transfer document me private company owner dikhayi gyi hai.

Senior Officer_ Ho sakta hai mutation record update naa hua ho.

Nimrit_ Isliye mene independent inquiry recommend ki hai. Transfer reject nhi kia.

Senior Officer_ Tum trainee ho. Itni strong language file per avoid karni chahiye.

Nimrit_ Sir, agar contradiction serious hai to language bhi clear honi chahiye.

Senior Officer_ Tumhe system samajhne me time lagega. Har irregularity fraud nhi hoti.

Nimrit_ Aur har legal-looking document genuine bhi nhi hota.

Senior Officer ne use kuchh pal dekha.

Senior Officer_ Tumhare husband construction business me hai naa?

Nimrit_ Ji.

Senior Officer_ Farooq Mirza bhi land aur construction business me hai. Kal ko koi kahega ki tumne business rivalry ki wajah se uski file roki.

Nimrit_ Mere husband aur Farooq Mirza ke bich koi direct business dispute meri knowledge me nhi hai.

Aur agar hota bhi, to land record kaa contradiction khatam nhi ho jata.

Senior Officer_ Tum defensive mat ho.

Nimrit_ Me sirf apni noting explain kar rhi hu.

Senior Officer_ Theek hai. Ab iss file per koi aur personal follow-up mat karna. Matter State Department ko bhej diya gya hai.

Nimrit_ Ji.

Me_ Maa ko laga ki senior officer bhi mila hua tha?

Dadaji_ Shak hua tha, lakin usne conclusion nhi nikala.

Tumhari maa ko training me ak baat achchi tarah samajh aa gyi thi—

Government system me har delay corruption nhi hota.

Kai baar officer careful hota hai.

Kai baar incompetent.

Kai baar political pressure me.

Aur kai baar sach me corrupt.

Farooq Mirza ne pahle Nimrit per direct pressure nhi banaya.

Usne uske senior officers tak message pahuchaya ki ye land transfer ak bade industrial hotel project kaa hissa hai.

Project se employment aayega.

Investment aayega.

State kaa revenue badhega.

Farooq_ Ak trainee officer ki noting ki wajah se ₹20 crore kaa project nhi rukna chahiye.

Manager_ Sir, file Raghavan Iyer ke paas hai.

Farooq_ Iyer ko kon handle karega?

Manager_ Wo directly kisi se milta nhi.

Farooq_ Har aadmi directly handle nhi hota.

Uske aas-paas ke log dekho.

Family, juniors, staff, purane colleagues… kahi naa kahi rasta milta hai.

Manager_ Aur Nimrit?

Farooq_ Abhi use touch mat karo.

Nayi officer hai. Pressure diya to aur rigid ho jayegi.

Pahle uske bare me information collect karo.

Uski training report, family background, husband kaa business aur political connections—sab.

Me_ Farooq maa ke bare me spying karwa rha tha?

Dadaji_ Haa.

Lakin normal criminal jasoosi jesi nhi.

Uske log government offices, social circles aur business networks se information collect kar rhe the.

Kuchh hi dino me Farooq ko pata chal gya ki Nimrit bus wealthy businessman ki beti nhi hai.

Wo Kunwar Abhay Pratap Singh Thakur ki wife hai.

Wahi Abhay, jisne Dharmchand Patel ko MLA banwaya.

Wahi Abhay, jiski Rajput Construction ne Salman aur Michael ko housing tender me haraya.

Farooq ne Michael D’Souza ko apne hotel per dinner ke liye bulaya.

Michael_ Aapne achanak yaad kese kia?

Farooq_ Ak naam ke bare me baat karni hai.

Michael_ Kiska?

Farooq_ Nimrit.

Michael ne glass table per rakh dia.

Michael_ Kunwar Abhay ki wife?

Farooq_ Aur IAS probationer.

Michael_ Usne kyaa kia?

Farooq_ Meri land transfer file rok di.

Michael_ Ak trainee ne?

Farooq_ Noting itni clear hai ki senior officer bina inquiry sign nhi kar rha.

Michael_ Interesting.

Farooq_ Tum Abhay ko jante ho.

Michael_ Jitna competitor ko janna chahiye.

Farooq_ Kyaa wo apni wife ki service kaa use business me karega?

Michael_ Directly? Shayad nhi.

Farooq_ Itna confidence?

Michael_ Abhay idealistic hai.

Uski problem corruption nhi, uski problem ye hai ki wo khud ko system se jyada intelligent samajhta hai.

Farooq_ Aur Nimrit?

Michael_ Wo usse bhi jyada dangerous ho sakti hai.

Farooq_ Kyun?

Michael_ Kyunki Abhay power ko public support se leta hai.

Nimrit power ko law se legi.

Public opinion ko manage kia ja sakta hai.

File per likhi legal noting ko mitana difficult hota hai.

Farooq_ Fir solution?

Michael_ Abhi usse attack mat karo.

Farooq_ Mene bhi yahi socha hai.

Michael_ Use observe karo.

Dekho uski weakness kyaa hai.

Farooq_ Abhay.

Michael_ Aur Abhay ki weakness?

Farooq_ Nimrit.

Michael halki si muskuraya.

Michael_ Isliye dono ko alag-alag target karne kaa koi fayda nhi.

Unke bich doubt create karna hoga.

Farooq_ Kese?

Michael_ Wakt aane per.

Me_ Kyaa Salman bhi iss meeting me tha?

Dadaji_ Nhi.

Farooq Salman ko jyada pasand nhi karta tha.

Usse lagta tha Salman gusse me plan kharab kar deta hai.

Michael planning karta tha, isliye Farooq usse jyada useful samajhta tha.

Udhar Nimrit ne land case ki baat tumhare pita ko letter me likhi.

Usne confidential details nhi batayi, bus itna likha—

“Training me pahli baar ak aisi file mili, jaha paper aur ground record ak dusre se match nhi karte. Senior officers ko inquiry recommend ki hai. Shayad isi tarah service me real pressure start hota hai.”

Tumhare pita ne jawab diya—

“Rules follow kijiye. Lakin har document ki copy aur apni noting kaa personal record rakhiye. Powerful log galti se jyada record se darte hai.”

Nimrit ne jawab diya—

“Official documents ki personal copy rakhna har case me legal nhi hota. Me apni diary me dates aur noting kaa summary rakhungi. Aap apni construction company wale rules meri service per apply mat kijiye.”

Abhay ne fir likha—

“Future Collector sahiba already mujhe official warning dene lagi hai.”

Nimrit ne niche likha—

“Warning nhi. Training.”

Me_ Shaadi ke baad bhi maa-papa letters me aise hi ladte the?

Dadaji_ Haa.

Unki nok-jhok kabhi khatam nhi huyi.

Nimrit training me hoti to letters likhti.

Tumhare pita kabhi uske letters office me padhte, kabhi political meeting ke bich.

Ak baar Aftab ne dekha ki Abhay important company report chhodkar Nimrit kaa letter padh rha hai.

Aftab_ Cement kaa rate badh gya hai.

Abhay_ Hm.

Aftab_ Labour contractor strike ki dhamki de rha hai.

Abhay_ Theek.

Aftab_ Salman Pathan sanyasi ban gya.

Abhay_ Achcha.

Aftab_ Tum sun bhi rhe ho?

Abhay ne letter se najar uthayi.

Abhay_ Kyaa kaha?

Aftab_ Mene kaha company mujhe de do. Tum letters padho.

Abhay_ Letter important hai.

Aftab_ Nimrit bhabhi ne kyaa likha?

Abhay_ Tumhe kyun batau?

Aftab_ Kyunki letter padhne ke baad tumhara mood achcha hota hai. Tab financial approvals sign karwana easy hota hai.

Abhay_ Bahar jao.

Aftab_ Pahle cheque sign karo.

Me_ Aftab uncle maa ko bhabhi bolte the?

Dadaji_ Shaadi ke baad se.

Aur Nimrit bhi use sirf tumhare pita kaa partner nhi, chhota bhai samajhne lagi thi.

Lakin Aftab kaa apna ak concern tha.

Wo dekhta tha ki tumhare pita kaa time politics me badhta ja rha hai.

Dharmchand ko party ne State Capital me important role de diya tha.

Constituency ki local meetings, public complaints aur organization kaa major part tumhare pita sambhal rhe the.

Rajput Construction kaa daily management Aftab ke uper aata ja rha tha.

Aftab_ Abhay, hume management structure change karna hoga.

Abhay_ Kyaa problem hai?

Aftab_ Problem ye hai ki company ke workers har final approval ke liye tumhara intejar karte hai.

Tum politics me busy hote ho.

Files delay hoti hai.

Abhay_ Tum sign kar dia karo.

Aftab_ Authority written me do.

Abhay_ Tum partner ho.

Aftab_ Partnership deed me kuchh financial limits hai.

Government housing project me decisions fast lene padenge.

Abhay_ Legal advisor se revised authority paper banwa lo.

Aftab_ Ak aur baat.

Abhay_ Haa?

Aftab_ Tumhare personal political decisions aur company ke resources kaa record separate hoga.

Abhay_ Wo already separate hai.

Aftab_ Completely nhi.

Kabhi political meeting ke liye company ki jeep use hoti hai.

Kabhi public relief kaa payment company account se jata hai.

Abhay_ Public relief charity hai.

Aftab_ Fir charity trust banao.

Kal koi bolega Rajput Construction political influence kharid rhi hai.

Tumhari wife government officer hai. Scrutiny aur badhegi.

Tumhare pita kuchh pal chup rhe.

Unhe Nimrit ke pitaji se kia hua promise yaad aaya tha.

Abhay_ Theek hai.

Ak separate public welfare trust register karte hai.

Company kaa paisa company ke kaam me.

Politics ke donations kaa proper record.

Aftab_ Aur Nimrit bhabhi jis district me posting per hongi, waha government tender?

Abhay_ Rajput Construction participate nhi karegi.

Aftab_ Ye written company policy me add kar dete hai.

Abhay_ Kar do.

Me_ Papa ne sach me maa ke district me kabhi tender nhi liya?

Dadaji_ Jab tak Nimrit service me rhi, tumhare pita ne iss boundary ko seriously follow kia.

Baad me unke dushmano ne fir bhi aarop lagaye.

Lakin uss wakt unke paas direct proof nhi tha, kyunki tumhare pita ne system pahle hi separate kar diya tha.

Nimrit ki land file per kuchh hafte baad Revenue Inquiry kaa order aa gya.

Raghavan Iyer ne order sign kia tha.

Inquiry team village pahuchi.

Original records me clear tha ki land State Government ki thi.

Private company ke naam dikhaya gya mutation forged tha.

Me_ Farooq pakda gya?

Dadaji_ Itna simple nhi tha.

Forgery jis private company ke naam se huyi thi, wo ak shell company nikli.

Uska director ak old employee tha, jisne kaha ki use documents per sign karne ke paise diye gye the.

Farooq Mirza kaa naam kisi official paper per nhi tha.

Lakin shell company ke hotel project kaa management contract Farooq ke group ko milne wala tha.

Connection tha, direct ownership nhi.

Revenue Inquiry ne land transfer cancel kar diya.

Forgery kaa criminal case register hua.

Farooq kaa project ruk gya.

Usne apne office me manager ko bulaya.

Farooq_ Nimrit ki noting ke bina inquiry hoti?

Manager_ Shayad nhi.

Farooq_ “Shayad” nhi. Seedha jawab.

Manager_ Nhi hoti.

Farooq_ Raghavan Iyer ne inquiry kyun order ki?

Manager_ Documents strong the.

Farooq_ Ya use kisi ne push kia?

Manager_ Abhay Pratap Singh kaa State Capital me network hai.

Farooq_ Kyaa Abhay ne Iyer se baat ki?

Manager_ Koi record nhi mila.

Farooq_ Dharmchand?

Manager_ Usne bhi officially interfere nhi kia.

Farooq kuchh pal chup rha.

Farooq_ Matlab husband-wife dono ne rule follow kia.

Manager_ Ji.

Farooq_ Ye problem badh gyi.

Manager_ Kese?

Farooq_ Agar wo openly misuse karte, to hum expose kar dete.

Lakin ye log image bhi clean rakh rhe hai aur kaam bhi rok rhe hai.

Manager_ Ab?

Farooq_ Shell company ke director ko legal help do.

Manager_ Hamara connection expose ho sakta hai.

Farooq_ Directly nhi.

Aur Nimrit ki service file me note karwao ki usne trainee hote hue apni authority se jyada interfere kia.

Manager_ Kiske through?

Farooq_ Senior officer khud rasta bata dega.

Me_ Kyaa maa ki training report kharab karne ki koshish huyi?

Dadaji_ Haa.

Uske senior officer ne confidential assessment me likha—

“Officer is intelligent and hardworking but occasionally displays excessive rigidity and insufficient regard for administrative hierarchy.”

Me_ Ye serious tha?

Dadaji_ Training assessment future postings per effect daal sakta tha.

Nimrit ko report kaa exact text officially nhi bataya gya.

Lakin academy ke ak honest instructor ne use warning di.

Instructor_ Aapke field supervisor ne aapko rigid likha hai.

Nimrit_ Kyaa meri noting galat thi?

Instructor_ Nhi. Land inquiry ne aapko correct prove kia.

Lakin administrative service me correct hona enough nhi hota. Procedure aur communication bhi important hai.

Nimrit_ Mene written channel follow kia tha.

Instructor_ Mujhe pata hai.

Lakin powerful interest hurt hua hai. Aage se apni language precise rakhiye aur har oral instruction kaa written confirmation lijiye.

Nimrit_ Kyaa aapko lagta hai assessment influence hua hai?

Instructor_ Me bina proof ye nhi kahunga.

Lakin coincidence per bharosa bhi mat kijiye.

Nimrit ne turant Abhay ko ye baat nhi batayi.

Me_ Kyun? Unhone to secret naa rakhne kaa promise kia tha.

Dadaji_ Wo batana chahti thi.

Lakin usi wakt tumhare pita housing project ke ak major labour dispute me fase hue the.

Usne socha ki face-to-face milkar baat karegi.

Kuchh dino baad Nimrit chhoti leave per ghar aayi.

Tumhare pita use station se lene gye.

Car me baithte hi unhone notice kia ki Nimrit unusually quiet hai.

Abhay_ Training ne aapko chup rehna sikha diya?

Nimrit_ Nhi.

Abhay_ Fir kyaa hua?

Nimrit_ Ghar pahuchkar baat karenge.

Abhay_ Serious hai?

Nimrit_ Thoda.

Abhay_ Abhi bataiye.

Nimrit_ Aap car drive kar rhe hai.

Abhay_ Side me rok deta hu.

Nimrit_ Abhay ji, ghar chaliye.

Tumhare pita ne bina aur sawal kiye car ghar ki taraf badha di.

Ghar pahuchkar dono study room me gye.

Nimrit ne land case aur confidential assessment ki puri baat batayi.

Abhay_ Supervisor kaa naam?

Nimrit_ Aap kuchh nhi karenge.

Abhay_ Mene bus naam pucha.

Nimrit_ Isi liye nhi bata rhi.

Abhay_ Aap mujhper trust nhi karti?

Nimrit_ Karti hu.

Lakin aap politician aur businessman hai.

Aapne us officer se baat ki to mera assessment sach me influence hone kaa aarop lag jayega.

Abhay_ Me directly baat nhi karunga.

Nimrit_ Indirectly bhi nhi.

Abhay_ To me bus baithkar dekhu ki koi aapki career report kharab kare?

Nimrit_ Me apni service khud handle karungi.

Aap mujhe support kijiye, rescue nhi.

Tumhare pita kuchh pal chup rhe.

Abhay_ Difference samjhaiye.

Nimrit_ Support kaa matlab—meri baat sunna, advice dena aur emotional strength banna.

Rescue kaa matlab—apni political pahchan use karke meri problem solve karna.

Mujhe pahla chahiye, dusra nhi.

Abhay ne gahri saans li.

Abhay_ Theek hai.

Lakin aap har document aur assessment kaa factual reply record me dengi.

Nimrit_ Academy process ke according dungi.

Abhay_ Aur agar unfair posting mili?

Nimrit_ Join karungi.

Abhay_ Agar punishment posting huyi?

Nimrit_ Tab bhi.

Abhay_ Aap bahut ziddi hai.

Nimrit_ Aapse seekha hai.

Abhay_ Ye meri galti hai.

Nimrit_ Bahut sari hai. Ak aur sahi.

Me_ Papa ne sach me interfere nhi kia?

Dadaji_ Nhi.

Unhone Dharmchand ko bhi mana kia ki Nimrit ki service ke kisi matter me phone naa kare.

Dharmchand_ Ak senior leader academy director ko janta hai. Bus informal clarification—

Abhay_ Nhi.

Dharmchand_ Isse problem solve ho sakti hai.

Abhay_ Aur kal koi kahega Nimrit political recommendation se assessment badalwati hai.

Dharmchand_ Lakin report unfair hai.

Abhay_ Wo official channel se reply karegi.

Dharmchand_ Tum kabse itne patient ho gye?

Abhay_ Shaadi ke baad training mil rhi hai.

Dharmchand_ Nimrit ki IAS training chal rhi hai ya tumhari?

Abhay_ Dono ki.

Nimrit ne assessment kaa written representation proper channel se diya.

Usne land inquiry result attach kia.

Usne likha ki uski noting official records per based thi aur usne final decision khud nhi lia tha.

Academy review board ne assessment completely remove nhi kia, lakin final evaluation me note add kia—

“Officer demonstrated sound judgment in identifying serious land-record irregularities. Needs continued development in stakeholder communication.”

Me_ Matlab maa kaa career bach gya?

Dadaji_ Career khatre me nhi tha.

Lakin usne pahli baar samjha ki sach pakadna ak challenge hai aur sach ko system me prove karna dusra.

Farooq Mirza kaa project cancel ho gya, lakin wo legally bach gya.

Michael D’Souza ne usse kaha—

Michael_ Mene kaha tha Nimrit ko directly pressure mat do.

Farooq_ Pressure mene nhi diya.

Michael_ Uski assessment me negative remark kisne dalwaya?

Farooq_ Ak officer ne apna opinion likha.

Michael_ Coincidence?

Farooq_ Tum Abhay ki language bolne lage ho.

Michael_ Problem ye hai ki result kyaa nikla?

Farooq_ Uski report me rigidity kaa remark aa gya.

Michael_ Sath me sound judgment kaa appreciation bhi.

Aapne usse kamjor karne ki koshish me uski official credibility badha di.

Farooq_ Ak trainee officer se tum itna impress kyun ho?

Michael_ Me impress nhi hu.

Me future risk calculate kar rha hu.

Aaj usne land transfer roka.

Kal uske paas district kaa charge hua to wo records khud khulwa sakti hai.

Farooq_ Tab tak bahut samay hai.

Michael_ Time jaldi badalta hai.

1990 kaa saal aage badh rha tha.

Tumhare mata-pita ki shaadi ko kuchh mahine ho chuke the.

Dono adhiktar alag-alag cities me rahte the.

Nimrit training aur probation per.

Abhay business aur politics me.

Lakin jab bhi Nimrit ko chhoti leave milti, wo ghar aati.

Manjot uske liye uski pasand kaa khana banati.

Tumhare pita apni sari meetings cancel karne ki koshish karte.

Lakin kai baar public problems unhe ghar se bahar le jati.

Ak din Nimrit ghar aayi hi thi ki ak village se kuchh log Abhay ko bulane aa gye.

Villager_ Kunwar sahab, canal kaa pani factory wale rok rhe hai. Hamari fasal kharab ho jayegi.

Abhay_ Me abhi aata hu.

Nimrit_ Aap abhi aaye hai.

Abhay_ Ye log subah se wait kar rhe honge.

Nimrit_ Me mana nhi kar rhi.

Bus dinner se pahle wapas aa jaiyega.

Abhay_ Promise.

Manjot_ Iske promises per jyada bharosa mat karna.

Abhay_ Maa…

Manjot_ Pichli baar do ghante bolkar 8 ghante me aaya tha.

Nimrit_ Iss baar 2 ghante late hue to me khana nhi rakhungi.

Abhay_ Ye emotional blackmail hai.

Nimrit_ Administrative condition hai.

Tumhare pita village gye.

Factory ne illegal temporary wall banakar canal kaa flow divert kia tha.

Factory kaa indirect ownership Salman Pathan ke ak relative ke paas tha.

Me_ Fir se Salman?

Dadaji_ Sahar ke kai transport aur industrial businesses me uske connections the.

Tumhare pita ne factory manager se wall hatane ko kaha.

Manager_ Hamare paas Irrigation Department ki permission hai.

Abhay_ Written permission dikhao.

Manager_ Office me hai.

Abhay_ Tab tak flow restore karo.

Manager_ Aap MLA nhi hai.

Abhay_ Mene kaha bhi nhi ki hu.

Manager_ Fir aap hume order nhi de sakte.

Abhay_ Me order nhi de rha.

Me bata rha hu ki farmers Irrigation Department aur court jayenge.

Aur kal media ko bhi yaha bulaya jayega.

Manager_ Aap dhamki de rhe hai?

Abhay_ Information de rha hu.

Factory manager ne wall turant nhi hatayi.

Tumhare pita villagers ko lekar Irrigation Office gye.

Records me koi permission thi hi nhi.

Officer ne inspection kaa order diya.

Sham tak temporary obstruction hatwa diya gya.

Lakin tumhare pita dinner se 3 ghante late ghar pahuche.

Nimrit dining table per files padh rhi thi.

Abhay_ Khana milega?

Nimrit_ Kitchen band hai.

Abhay_ Maa kaha hai?

Nimrit_ Unhone kaha tha me aapko handle karu.

Abhay_ Village ki fasal kaa sawal tha.

Nimrit_ Mene ye nhi kaha ki aapko nhi jana chahiye tha.

Abhay_ Fir punishment kyun?

Nimrit_ Phone kar sakte the.

Abhay_ Waha phone kaha tha?

Nimrit_ Irrigation Office me landline tha.

Abhay_ Aapko kese pata?

Nimrit_ Government office hai. Hona chahiye.

Abhay_ Ho sakta hai kharab ho.

Nimrit_ Try kia?

Abhay chup ho gye.

Nimrit_ Nhi kia.

Abhay_ Bhool gya.

Nimrit_ Isliye khana khud garam kijiye.

Abhay_ Aap khayengi?

Nimrit_ Mene wait kia tha. Ab sath hi kha leti hu.

Abhay_ Matlab aapne bhi nhi khaya?

Nimrit_ Aapko guilt feel karwane ke liye nhi. Sath khane kaa promise tha.

Tumhare pita kuchh pal use dekhte rhe.

Abhay_ Sorry.

Nimrit_ Agli baar information.

Abhay_ Promise.

Nimrit_ Ye wala likhkar dijiye.

Dono kitchen me gye aur khana garam karne lage.

Tumhare pita ko properly roti garam karna bhi nhi aata tha.

Nimrit_ Tawa itna garam kyun kia?

Abhay_ Jaldi garam ho jayegi.

Nimrit_ Roti jal jayegi.

Abhay_ Construction me heat jyada ho to kaam jaldi hota hai.

Nimrit_ Kitchen construction site nhi hai.

Manjot door se dono ko dekhkar muskurati rhi.

Me_ Dadi ne help nhi ki?

Dadaji_ Jaan-bujhkar nhi.

Baad me usne mujhe kaha—

Manjot_ Dono ko apni life khud sambhalne do. Har baar me bich me aaungi to ladna aur manana kese seekhenge?

Un dino unki married life dooriyo ke bawajud khush thi.

Lakin dushmano kaa network bhi badh rha tha.

Mahadev ab openly Salman ke political programs arrange karta tha.

Michael aur Farooq business deals me ak dusre ki help karne lage.

Aur Raghavan Iyer ne Farooq land case ki complete confidential report apne personal record section me seal karwa di.

Me_ Kyun?

Dadaji_ Official reason tha ki case me forged government documents use hue the.

Lakin usne report ki ak extra indexed copy bhi banwayi, jiska normal file register me record nhi tha.

Me_ Iska matlab wo corrupt tha?

Dadaji_ Ya wo bhi kisi badi conspiracy kaa proof collect kar rha tha.

Uss samay kisi ko clear nhi tha.

Ak sham Raghavan Iyer apne office me akela baitha Farooq land case ki file dekh rha tha.

Usne ak telephone number diary me likha.

Fir State Capital ke ak public booth se kisi ko call kia.

Raghavan_ File me same survey officer kaa naam hai.

Dusri taraf se aawaj aayi—

Unknown Man_ Confirm?

Raghavan_ Haa. Farooq land case aur Rajput Construction ki purani land complaint—dono records me Survey Officer N. Krishnamurthy kaa signature hai.

Unknown Man_ Signature genuine?

Raghavan_ Ak file me genuine lagta hai. Dusri me forged ho sakta hai.

Unknown Man_ Abhay ko pata hai?

Raghavan_ Nhi.

Unknown Man_ Nimrit?

Raghavan_ Use bhi nhi.

Unknown Man_ Filhal unhe mat batao.

Raghavan_ Agar ye network wahi hai, jo hum soch rhe hai, to dono already target ban chuke hai.

Unknown Man_ Proof collect karo.

Raghavan_ Aur agar der ho gyi to?

Unknown Man_ Jaldbaji me hum khud expose ho jayenge.

Phone cut ho gya.

Me_ Raghavan kis se baat kar rha tha?

Dadaji_ Ye sawal tumhare pita ko kai saal baad mila tha.

Lakin jawab nhi.

Me_ Kyaa wo unknown aadmi asli mastermind tha?

Dadaji_ Ho bhi sakta tha… aur tumhare mata-pita ko bachane ki koshish karne wala bhi.

Har secret call conspiracy kaa hissa nhi hota, Jay.

Kuchh log system ke andar rehkar criminals ko expose karne ki koshish bhi karte hai.

Lakin jab sab log secret me kaam karte hai, to dost aur dushman me fark karna difficult ho jata hai.

1990 ke end tak Nimrit kaa probation phase strong report ke sath aage badha.

Use ab field administration me aur responsibility milne lagi.

Tumhare pita kaa housing project bhi fast progress kar rha tha.

Dharmchand ki political position State Capital me strong ho rhi thi.

Aur tumhare pita kaa 25 saal kaa hona abhi dur tha, lakin party ke kai leaders use future MLA candidate maanane lage the.

Me_ Salman ko ye pasand nhi aaya hoga.

Dadaji_ Bilkul nhi.

Usne Mahadev se kaha—

Salman_ Agar Abhay 25 kaa hote hi election lada, to use rokna difficult hoga.

Mahadev_ Abhi char saal hai.

Salman_ Political image char saal me banti hai. Election ke 4 mahine pahle nhi.

Mahadev_ Kyaa karna hai?

Salman_ Uski image per pahla daag lagana hai.

Mahadev_ Business complaint fail ho chuki hai.

Salman_ Business nhi.

Uski wife.

Mahadev_ Nimrit?

Salman_ Log bolenge Abhay apni IAS wife ke through government approvals leta hai.

Mahadev_ Abhi uski koi powerful posting nhi hai.

Salman_ Sach important nhi hota.

Sawal important hota hai.

Ak baar public ke man me sawal aa gya, answer dete-dete aadmi thak jata hai.

Mahadev_ Evidence?

Salman_ Create karenge.

Me_ Unhone maa-papa per corruption kaa jhootha aarop lagane kaa plan banaya?

Dadaji_ Haa.

Aur unhe moka jaldi mil gya.

Rajput Construction ko housing project ke second phase kaa ak revised environmental clearance chahiye tha.

Normal process me file State Urban Development Department se pass honi thi.

Wahi department jaha Raghavan Iyer Deputy Secretary tha.

Aur usi time Nimrit training assignment ke liye kuchh dino ke liye State Capital me present thi.

Me_ Isme kyaa galat tha?

Dadaji_ Kuchh bhi nhi.

Lakin Salman ne ak local newspaper me anonymous documents bheje.

Headline chhapi—

“Future IAS Officer ke pati ki company ko special government favour?”

Article me likha tha ki Rajput Construction ki file unusually fast move huyi.

Nimrit same time State Capital me thi.

Dharmchand Minister se mila tha.

Aur Raghavan Iyer ne clearance per sign kia.

Article me direct corruption kaa aarop nhi tha.

Bus sawal uthaye gye the.

Me_ Maa-papa ne kyaa kia?

Dadaji_ Nimrit ne newspaper dekha to uska chehra gusse se bhar gya.

Usne tumhare pita ko phone kia.

Nimrit_ Aapki environmental clearance file kab submit huyi?

Abhay_ Pichle mahine.

Nimrit_ Process kitne din chala?

Abhay_ Lagbhag 26 din.

Nimrit_ Article me 4 din likha hai.

Abhay_ Jhooth hai.

Nimrit_ File per koi political recommendation?

Abhay_ Dharmchand ne status pucha tha. Recommendation nhi di.

Nimrit_ Aapne mujhe file ke bare me kyun nhi bataya?

Abhay_ Kyunki normal company matter tha.

Nimrit_ Ab normal nhi rha.

Abhay_ Aapko lagta hai mene kuchh galat kia?

Nimrit_ Mujhe aap per doubt nhi.

Lakin hume proof ke sath public answer dena hoga.

Abhay_ Newspaper ko legal notice bhejta hu.

Nimrit_ Sirf legal notice se lagega hum sawal daba rhe hai.

Puri file timeline public kijiye.

Application date, objections, compliance aur approval date.

Abhay_ Company documents public?

Nimrit_ Sensitive information hata kar process public.

Aur meri State Capital training dates bhi.

Taaki clear ho ki me file submit hone aur major processing ke time waha thi hi nhi.

Abhay_ Aapko public statement dene ki jarurat nhi.

Nimrit_ Mera naam use hua hai.

Me chup rhi to career ke shuru me hi suspicion record ban jayega.

Abhay_ Department permission?

Nimrit_ Official media statement nhi dungi.

Apne senior ko written clarification aur disclosure dungi.

Tumhare pita ne usi din press conference bulane kaa socha.

Lakin Aftab ne roka.

Aftab_ Gusse me press ke samne mat jao.

Abhay_ Jhooth likha hai.

Aftab_ Isliye documents ke sath jao.

Nimrit bhabhi sahi kah rhi hai.

Company file kaa certified timeline nikalo.

Dharmchand se uski meeting diary lo.

Raghavan Iyer ke office se dispatch dates mangwao.

Abhay_ Iyer cooperate karega?

Aftab_ Official information hai. Deni hogi.

Raghavan Iyer ne surprisingly complete certified timeline issue kar di.

Usme clear tha—

File 26 din process me rhi.

Do technical objections lage.

Rajput Construction ne written compliance diya.

Nimrit ki State Capital posting file approval ke last 3 dino me thi, lakin wo department ki kisi meeting me present nhi thi.

Dharmchand ne bus public project delay kaa status pucha tha.

Koi special order issue nhi hua.

Tumhare pita press ke samne documents lekar aaye.

Abhay_ Rajput Construction ko koi special favour nhi mila.

Agar kisi journalist ke paas iska opposite proof hai, to wo public kare.

Hum independent inquiry ke liye ready hai.

Journalist_ Kyaa aapki wife ne kisi officer se baat ki?

Abhay_ Nhi.

Journalist_ Kyaa aap future me unki position kaa benefit nhi lenge?

Abhay_ Rajput Construction ki written policy hai ki jis district me Nimrit decision-making position per hongi, hamari company waha government tender me participate nhi karegi.

Journalist_ Ye policy kab banayi?

Aftab ne document ki certified copy dikhayi.

Aftab_ Unki shaadi ke turant baad.

Article publish hone se pahle.

Me_ Fir aarop khatam ho gya?

Dadaji_ Publicly article weak pad gya.

Newspaper ne correction chhapa.

Lakin tumhare pita ne ak important baat notice ki—

Anonymous packet me jo internal file number likha tha, wo sirf department ke officers aur company ki legal team ko pata tha.

Me_ Matlab information government office se leak huyi?

Dadaji_ Ya Rajput Construction ke andar se.

Abhay_ File number kis-kis ke paas tha?

Aftab_ Legal advisor, project manager, me aur department.

Abhay_ Dharmchand?

Aftab_ Usse complete number nhi diya tha.

Abhay_ Nimrit?

Aftab_ Nhi.

Abhay_ Company me internal leak fir se ho sakta hai.

Aftab_ Ya Raghavan ke office me.

Nimrit_ Dono possibilities note kijiye.

Lakin kisi ko bina proof confront mat kijiye.

Abhay_ Aapko lagta hai article Salman ne plant kia?

Nimrit_ Style uska ho sakta hai.

Planning Michael ki.

Information kisi insider ki.

Aur timing us aadmi ki, jo hamare marriage aur meri training dates janta tha.

Abhay_ Mahadev.

Nimrit_ Ho sakta hai.

Lakin uske paas department kaa internal file number kese aaya?

Room me sab chup ho gye.

Ye conspiracy ab sirf business competitors aur political rivals tak limited nhi lag rhi thi.

Government department ke andar bhi koi information de rha tha.

Me_ Raghavan Iyer?

Dadaji_ Sabse obvious shak usper ja sakta tha.

Lakin certified timeline bhi usi ne di thi, jisne tumhare mata-pita ko aarop se bachaya.

Me_ Ho sakta hai pahle leak kia ho, fir help karke trust jeeta ho.

Dadaji_ Ye possibility tumhare pita ne bhi sochi thi.

Lakin Nimrit ne kaha—

Nimrit_ Har intelligent officer ko mastermind samajhna sahi nhi.

Ho sakta hai uske office kaa koi junior information leak kar rha ho.

Abhay_ Ya Iyer dono side khel rha ho.

Nimrit_ Proof collect kijiye.

Abhay_ Fir meri line chura li.

Nimrit_ Shaadi me sab kuchh half-half hota hai.

Dadaji_ Uss incident ke baad tumhare mata-pita ne ak naya rule banaya.

Jab bhi Rajput Construction ki koi government file submit hoti, uski movement kaa independent log maintain hota.

Aur Nimrit apne official work se tumhare pita ki company ko completely separate rakhti.

Dushmano kaa pahla corruption aarop fail ho gya.

Lakin Salman ne Mahadev se kaha—

Salman_ Aarop fail nhi hua.

Mahadev_ Newspaper ko correction chhapna pada.

Salman_ Lakin ab har journalist ko pata hai ki Abhay ki wife IAS officer hai.

Agli baar sawal uthana easy hoga.

Michael bhi waha present tha.

Michael_ Salman sahi kah rha hai.

Pahla attack jeetne ke liye nhi tha.

Boundary test karne ke liye tha.

Farooq_ Aur boundary strong nikli.

Michael_ Har boundary me gate hota hai.

Hume gate dhundna hai.

Mahadev_ Unka gate kyaa hai?

Michael_ Pariwar.

Me_ Pariwar se unka kyaa matlab tha?

Dadaji_ Tumhare mata-pita professional attacks handle kar lete the.

Documents se.

Law se.

Public support se.

Lakin dushmano ko lagta tha ki emotional attack me wo galti karenge.

Usi dauran Manjot ki tabiyat ak baar achanak kharab huyi.

Me_ Dadi ko kyaa hua?

Dadaji_ Unhe severe chest pain hua tha.

Raat ko tumhare pita ghar per nhi the.

Wo ak political meeting ke liye dusre town gye the.

Main ghar per tha.

Nimrit bhi short leave per aayi huyi thi.

Manjot ne pahle pain chhupane ki koshish ki.

Manjot_ Gas hogi.

Nimrit_ Maa, pain left arm tak ja rha hai?

Manjot_ Thoda.

Nimrit ne ak pal delay nhi kia.

Usne driver ko car nikalne ko kaha.

Doctor ko landline per inform kia.

Aur Manjot ko hospital le gyi.

Doctor ne kaha ki serious heart attack nhi tha, lakin angina kaa warning episode ho sakta hai.

Time per hospital lane se danger avoid ho gya.

Tumhare pita ko message mila to wo meeting chhodkar raat me hi wapas aaye.

Hospital room me Manjot bed per thi.

Abhay_ Maa, aapne pahle kyun nhi bataya ki chest pain ho rha hai?

Manjot_ Tum wese hi har baat per tension lete ho.

Abhay_ Aapko kuchh ho jata to?

Manjot_ Nimrit thi naa.

Tumhare pita ne Nimrit ki taraf dekha.

Unki aankho me darr clear tha.

Nimrit_ Maa ab stable hai.

Doctor ne tests likhe hai.

Diet aur medicines regular hongi.

Manjot_ Dekha? Collector se pahle doctor ban gyi.

Abhay ne Nimrit kaa hath pakad lia.

Abhay_ Thank you.

Nimrit_ Maa meri bhi hai.

Thank you bolne ki jarurat nhi.

Me_ Kyaa Dadi ki tabiyat future accident se related thi?

Dadaji_ Nhi.

Lakin uss raat tumhare pita ko pahli baar apne pariwar ko khone kaa real darr feel hua.

Hospital corridor me unhone Nimrit se kaha—

Abhay_ Me sabko protect nhi kar sakta.

Nimrit_ Koi bhi nhi kar sakta.

Abhay_ Politics aur business ki wajah se already threats hai.

Ab maa ki health…

Nimrit_ Har problem kaa blame khud per mat lijiye.

Abhay_ Agar meri wajah se kisi ko kuchh hua to?

Nimrit_ Tab responsibility lenge.

Lakin har accident, illness aur danger ko pahle se control karna possible nhi.

Abhay_ Aapko darr nhi lagta?

Nimrit_ Lagta hai.

Abhay_ Fir aap itni calm kese hai?

Nimrit_ Kyunki iss wakt aapko calm rehne ki jarurat hai.

Kal jab me darungi, aap mujhe sambhal lena.

Tumhare pita ne uska hath aur majbooti se pakad lia.

Dadaji_ Manjot kuchh dino me theek hokar ghar aa gyi.

Usne medicines se jyada Nimrit ki instructions follow ki, kyunki use pata tha Nimrit serious ho jayegi.

Manjot_ Abhay bolta hai to ignore kar sakti hu.

Nimrit bolti hai to file bana deti hai.

Nimrit_ Maa, medicine chart isi liye banaya hai.

Manjot_ Haa Collector sahiba.

Time per le lungi.

Uss health scare ke baad pariwar aur kareeb aa gya.

Aur kuchh mahino baad tumhare mata-pita ko ak aisi khabar mili, jisne unki puri life badal di.

Me_ Meri?

Dadaji ke chehre per pahli baar bahut soft muskan aayi.

Dadaji_ Abhi tum nhi, Jay.

Pahle tumhari maa ki probation complete hone aur uski pahli proper administrative posting ki khabar.

Lakin usi posting wale district me Farooq Mirza kaa ak bahut bada hotel project, Salman kaa transport contract aur Michael D’Souza kaa road construction project chal rha tha.

Me_ Matlab maa ko jaan-bujhkar wahi posting dilwayi gyi thi?

Dadaji_ Ya ye normal administrative posting thi.

Ye sawal baad me utha.

Uss wakt sab khush the ki Nimrit ko field me independent responsibility milne wali hai.

Kisi ko nhi pata tha ki jis district me wo ja rhi hai…

Wahi uske aur tumhare pita ke dushmano kaa sabse strong business network tha.

[Babab96]

Me_ Maa ki posting kis district me huyi thi, Dadu?
Dadaji_ Devgarh district me.
Devgarh hamare sahar se lagbhag 300 kilometre dur tha. Pahadi aur forest area hone ki wajah se waha stone mining, timber, transport aur road construction kaa bahut bada business tha.
Nimrit ko waha Assistant Collector aur Sub-Divisional Magistrate ke roop me field charge mila.
Ye uski pahli proper independent administrative responsibility thi.
Me_ Kyaa maa khush thi?
Dadaji_ Bahut khush thi.
Training me usne administration ko books aur senior officers ke through samjha tha.
Ab pahli baar uske paas apna office, official staff aur ak pura subdivision tha, jaha use khud decisions lene the.
Posting letter milte hi wo Manjot ke paas gyi.
Nimrit_ Maa, meri posting aa gyi.
Manjot_ Kaha?
Nimrit_ Devgarh.
Manjot_ Kitni dur hai?
Nimrit_ Car se lagbhag 7-8 ghante lagenge.
Manjot_ Itni dur?
Nimrit_ Field posting hai, Maa. Jana to padega.
Manjot_ Mene mana thodi kia.
Bus soch rhi hu Abhay kaa kyaa hoga.
Abhay wahi khada tha.
Abhay_ Mera kyaa hoga?
Manjot_ Shaadi ke baad bhi aadha time akela rahega.
Abhay_ Me Devgarh milne chala jaunga.
Nimrit_ Har hafte nhi.
Abhay_ Kyun?
Nimrit_ Aapka business aur politics yaha hai.
Aur meri posting ko log hamare personal influence se connect naa kare, isliye aapka har dusre din mere office aana sahi nhi hoga.
Abhay_ Me office nhi aaunga. Ghar aaunga.
Nimrit_ Official bungalow bhi government kaa hoga.
Abhay_ To kyaa husband ko entry permission leni padegi?
Nimrit_ Entry milegi. Lakin register me naam likhna padega.
Abhay_ Apni wife se milne ke liye register?
Nimrit_ Rules sabke liye same hote hai.
Manjot_ Beta, abhi se samajh le. Shaadi tune officer se ki hai.
Abhay_ Mujhe laga tha wife se ki hai.
Nimrit_ Dono ak hi hai.
Me_ Papa maa ki posting se upset the?
Dadaji_ Unhe Nimrit per garv tha.
Lakin wo jante the ki Devgarh easy district nhi tha.
Waha political aur business pressure bahut tha.
Government land per illegal mining hoti thi.
Forest roads per overloaded trucks chalte the.
Contractors local officers ko paise dekar quality compromise karte the.
Aur kai villages me powerful businessmen ne pani aur jamin per kabja kar rakha tha.
Sabse important baat—
Devgarh me Salman Pathan kaa transport network tha.
Michael D’Souza ki company State Highway kaa road project bana rhi thi.
Aur Farooq Mirza kaa ak luxury hotel aur hill resort project approval ke final stage me tha.
Me_ Matlab tino pahle se waha the?
Dadaji_ Unke businesses waha the.
Unhe pahle ye nhi pata tha ki Nimrit ko Devgarh me posting milegi.
Lakin posting order nikalte hi khabar un tak pahuch gyi.
Salman Pathan ne Mahadev Deshmukh ko apne office bulaya.
Salman_ Abhay ki wife Devgarh aa rhi hai.
Mahadev_ Assistant Collector bankar.
Salman_ Devgarh me hamare 60 percent trucks chalte hai.
Mining material, cement, stone… sab.
Mahadev_ Wo ak junior officer hai. Itni power nhi hogi.
Salman_ Power designation me nhi, intention me hoti hai.
Usne trainee hote hue Farooq kaa land project rok diya tha.
Mahadev_ To kyaa kare?
Salman_ Pahle welcome karenge.
Mahadev_ Welcome?
Salman_ Haa.
Naye officer ko dushman banane se pahle ye dekha jata hai ki wo dost ban sakta hai ya nhi.
Udhar Michael aur Farooq bhi meeting kar rhe the.
Farooq_ Devgarh me Nimrit ki posting coincidence hai?
Michael_ Government postings me har chij conspiracy nhi hoti.
Farooq_ Raghavan Iyer ke department se order nikla hai.
Michael_ Posting Personnel Department karta hai. Iyer recommendation de sakta hai, final order nhi.
Farooq_ Ho sakta hai Iyer use hamare projects per najar rakhne bhej rha ho.
Michael_ Ya ho sakta hai aap har officer se darrne lage hai.
Farooq_ Mene usse underestimate kia tha. Dobara nhi karunga.
Michael_ Fir simple rule rakhiye.
Jab tak wo direct problem create naa kare, usse touch mat kijiye.
Farooq_ Aur agar usne hotel project ki file khol di?
Michael_ Tab use procedure me uljha denge.
Me_ Maa ko pata tha ki un logo ke businesses Devgarh me hai?
Dadaji_ Haa.
Posting accept karne se pahle usne apne senior officer ko written disclosure diya.
Usne likha ki uske husband ki company kaa Salman Pathan aur Michael D’Souza se business dispute rha hai, aur Farooq Mirza ki ak land file per usne probation ke dauran objection likha tha.
Senior Officer_ Tum posting change karwana chahti ho?
Nimrit_ Nhi sir.
Me bus conflict disclosure record me rakhna chahti hu.
Senior Officer_ Rajput Construction kaa Devgarh me koi project hai?
Nimrit_ Meri knowledge me nhi.
Senior Officer_ Fir direct conflict nhi hai.
Lakin Farooq, Michael ya Salman se related kisi sensitive case me personal bias avoid karna.
Nimrit_ Ji sir.
Senior Officer_ Aur apne husband ko district administration ke kisi matter me involve mat karna.
Nimrit_ Wo khud bhi isi boundary ko follow karte hai.
Senior Officer_ Dekhenge.
Nimrit ko senior officer kaa last sentence pasand nhi aaya, lakin usne kuchh nhi kaha.
Devgarh jane se pahle usne tumhare pita se clear baat ki.
Nimrit_ Ak baat pahle decide kar lete hai.
Abhay_ Fir koi rule?
Nimrit_ Haa.

[Babab96]

Devgarh ke kisi businessman, politician ya officer kaa kaam lekar aap mujhe phone nhi karenge.
Abhay_ Me kisi kaa illegal kaam nhi karta.

Nimrit_ Legal recommendation bhi nhi.

Abhay_ Agar kisi garib aadmi ki genuine problem huyi?

Nimrit_ Wo written application dega.

Aap mujhe inform kar sakte hai ki application di gyi hai, decision kyaa hona chahiye ye nhi kahenge.

Abhay_ Theek hai.

Nimrit_ Rajput Construction Devgarh me koi government tender nhi legi.

Abhay_ Policy already hai.

Nimrit_ Aur Aftab ji ko bhi remind kar dijiye.

Abhay_ Aftab ko aap khud order de dijiye. Wese bhi ab wo meri kam, aapki jyada sunta hai.

Nimrit_ Kyunki wo sensible hai.

Abhay_ Shaadi ke baad sab mere against ho gye.

Nimrit_ Ak aur baat.

Abhay_ Ab kyaa?

Nimrit_ Devgarh aayenge to security ke sath.

Abhay_ Me apni wife se milne jaunga ya Chief Minister se?

Nimrit_ Salman kaa transport network waha hai..

Mahadev ko aapke political routes pata hai.

Aur Javed Ansari abhi tak missing hai.

Isliye security.

Abhay_ Ji, Madam SDM.

Nimrit_ Office me Madam. Ghar per Nimrit.

Abhay_ Ghar kaha hai? Aap Devgarh ja rhi hai.

Nimrit kuchh pal use dekhti rhi.

Fir usne dheere se kaha—

Nimrit_ Jaha hum dono hai, wahi ghar hai.

Tumhare pita turant chup ho gye.

Nimrit_ Ab dramatic jawab mat dijiye.

Abhay_ Aapne mera dialogue chura lia.

Devgarh pahuchne ke din district administration ne Nimrit ko official bungalow aur staff diya.

Bungalow purana tha, lakin bahut bada.

Samne garden aur piche ak chhota servant quarter tha.

Manjot khud Nimrit ko Devgarh chhodne gyi.

Tumhare pita bhi sath jana chahte the, lakin usi din Assembly constituency me ak important farmers meeting thi.

Nimrit_ Aap meeting attend kijiye.

Abhay_ Aapki first posting hai.

Nimrit_ Maa mere sath ja rhi hai.

Aap agle hafte aa jaiyega..

Abhay_ Pakka?

Nimrit_ Register me entry karwa dungi.

Abhay_ Fir wahi register.

Manjot_ Tu meeting kar. Me apni beti ko ghar set karwa dungi.

Devgarh me first day Nimrit ne office kaa charge lia.

Usne staff se introduction kia.

Tehsildar, Revenue Inspector, security officer Circle Officer, Block Development Officer aur department heads usse milne aaye.

Zyadatar officers ne use normal young IAS officer samjha.

Kuchh ko laga ki wealthy family se hone ki wajah se wo field me jyada strict nhi hogi.
Ak senior clerk ne dusre se dheere se kaha—

Clerk_ Madam kuchh mahine rahengi. Fir transfer ho jayega.

Dusra bola—

Clerk 2_ Bade businessman ki beti hai. Files se jyada functions karegi.
Nimrit ne unki baat nhi suni thi.

Lakin kuchh hi dino me sabko samajh aa gya ki wo office me baithne wali officer nhi hai.
Charge lene ke teesre din usne surprise inspection kia.

Subah 7 baje wo bina pahle information diye local ration warehouse pahuch gyi.
Register me 500 wheat bags dikhaye gye the.

Ground per sirf 370 the.

Nimrit_ Baki 130 bags kaha hai?

Warehouse Manager_ Madam, distribution ho gya hoga.

Nimrit_ Distribution register me entry kaha hai?

Manager_ Clerk se mistake ho gyi hogi.

Nimrit_ Ak-do bag mistake ho sakte hai. 130 bag nhi.

Usne warehouse seal karwa diya.

Food Department se inquiry order ki.

Manager kaa suspension recommend kia.

Do din baad use ak anonymous phone aaya.

Caller_ Madam, Devgarh me har file rule se nhi chalti.

Nimrit_ Aap kon bol rhe hai?

Caller_ Ak well-wisher.

Nimrit_ Naam bataye bina advice dene wale well-wisher nhi hote.

Caller_ Warehouse manager ak bade aadmi kaa relative hai.

Nimrit_ To inquiry me uska naam bhi aa jayega.

Caller_ Aap nayi hai. Sambhalkar.

Nimrit_ Thank you.

Ab me call trace aur serious karwaungi.

Caller ne phone cut kar diya.

Me_ Maa darrti nhi thi?

Dadaji_ Darr use bhi lagta tha.

Lakin wo darr ko apne official decisions per control nhi karne deti thi.

Usne call kaa record banwaya aur security officer ko inform kia.

Lakin tumhare pita ko usne usi sham bataya.

Nimrit_ Ak anonymous warning call aaya tha.

Abhay_ Kis case me?

Nimrit_ Ration warehouse.

Abhay_ Security badhao.

Nimrit_ Already request kar di.

Abhay_ Me kal aa rha hu.

Nimrit_ Nhi.

Abhay_ Kyaa matlab nhi?

Nimrit_ Kal district me ak public hearing hai.

Aap yaha aayenge to staff kaa focus change hoga.

Weekend per aaiyega.

Abhay_ Aapko threat mila hai.

Nimrit_ Threat har officer ko milta hai.

Abhay_ Aap “har officer” nhi hai.

Nimrit_ Aapke liye nhi. Duty ke liye hu.

Abhay kuchh pal chup rhe.

Abhay_ Theek hai.

Lakin ak security officer guard bungalow per hona chahiye.

Nimrit_ Hai.

Abhay_ Driver trusted?

Nimrit_ Government driver hai. Background verify ho rha hai.

Abhay_ Cook, staff—

Nimrit_ Abhay ji, me officer hu. Bachchi nhi.

Abhay_ Me husband hu. Department nhi.

Nimrit ki aawaj thodi soft ho gyi.

Nimrit_ Weekend per aaiyega.

Me wait karungi.

Tumhare pita kaa gussa turant kam ho gya.

Abhay_ Register me entry?
Nimrit_ Nhi.
Husband ke liye exemption hai.

Me_ Papa weekend per gye?

Dadaji_ Haa.

Lakin Devgarh pahuchne se pahle hi unhe Nimrit kaa pahla major conflict dikh gya.

Highway per unki jeep ke samne overloaded stone trucks ki lambi line chal rhi thi.

Trucks per Pathan Transport kaa naam likha tha.

Kai trucks itne overloaded the ki stone road per gir rhe the.

Aftab bhi tumhare pita ke sath tha.

Aftab_ Ye trucks legal limit se bahut uper hai.

Abhay_ Salman kaa network.

Aftab_ security officer rok kyun nhi rhi?

Abhay_ Ye sawal district administration se puchna hoga.

Aftab_ Bhabhi se?

Abhay_ Nhi.

Official complaint denge.

Aftab_ Apni wife ko complaint?

Abhay_ SDM ko complaint.

Aftab_ Shaadi interesting hai tumhari.

Devgarh pahuchkar tumhare pita seedha bungalow gye.

Nimrit office se abhi tak wapas nhi aayi thi.

Manjot kuchh din wahi ruk gyi thi.

Manjot_ Teri wife subah 8 baje office gyi thi. Ab raat hone wali hai.

Abhay_ Usne khana khaya?

Manjot_ Lunch box wapas full aaya hai.

Tumhare pita kaa chehra badal gya.

Nimrit lagbhag 8 baje bungalow pahuchi.

Use drawing room me Abhay baitha mila.

Nimrit_ Aap aa gye?

Abhay_ Haa.

Khana khaya?

Nimrit_ Office me thoda—

Manjot kitchen se boli—

Manjot_ Jhooth. Lunch box pura bhara tha.

Nimrit ne apni aankhe band kar li.

Nimrit_ Maa, aapne sab bata diya?

Manjot_ Ab me kiske against secret rakhu? Mera beta hai.

Abhay_ Aap dusro ko administration sikhayengi aur khud lunch nhi karengi?

Nimrit_ Ak urgent inquiry thi.

Abhay_ Khana khane me 10 minute lagte hai.

Nimrit_ Aap khud meetings me kitni baar lunch miss karte hai?

Abhay_ Baat aapki ho rhi hai.

Nimrit_ Convenient.

Manjot_ Dono pahle khana kha lo. Behas baad me.

Dinner ke baad Abhay ne Pathan Transport ke overloaded trucks ki baat batayi.

Abhay_ Highway per kam se kam 20 trucks overloaded the.

Nimrit_ Written complaint dijiye.

Abhay_ Me aapse personally—

Nimrit_ Nhi.

Aapne Devgarh enter karte wakt jo dekha, uski written complaint dijiye.

Vehicle numbers ya approximate time ho to mention kijiye.

Abhay_ Vehicle numbers note nhi kiye.

Aftab_ Mene kuchh note kiye hai.

Nimrit_ Achcha.

Kal Transport Department aur security officer ko joint checking kaa order dungi.

Abhay_ Aapko pahle se pata nhi tha?

Nimrit_ Do complaints aayi hai.

Lakin checkpost records me sab trucks legal weight dikhaye gye hai.

Abhay_ Matlab weighing system compromised hai.

Nimrit_ Ho sakta hai.

Proof ke liye surprise checking chahiye.

Aftab_ Salman ko information pahuch jayegi.

Nimrit_ Isliye operation kaa time sirf me, Circle Officer aur ak trusted Magistrate ko pata hoga.

Abhay_ Me help—

Nimrit_ Bilkul nhi.

Abhay_ Mene sentence pura bhi nhi kia.

Nimrit_ Aapki aankhe bata rhi hai.

Abhay_ Ye line bhi meri thi.

Agli subah 4 baje Nimrit official jeep lekar nikli.

Uske sath Circle Officer aur limited security officer team thi.

Regular highway checkpost se 15 kilometre pahle temporary mobile weighing machine lagayi gyi.

Subah 5 baje stone trucks ki line aani shuru huyi.

Pahla truck legal limit se 8 tonne uper tha.

Dusra 11 tonne.

Teesra 9 tonne.

Lagbhag har truck overloaded nikla.

Nimrit_ Sare vehicles seize kijiye.

Transport Inspector_ Madam, itne trucks seize karenge to road block ho jayega.

Nimrit_ Ak-ak karke side ground me lagwaiye.

Driver_ Madam, ye Pathan Transport ke trucks hai.

Nimrit_ Vehicle kaa owner chahe koi bhi ho, weight law se uper hai.

Driver_ Salman bhai se baat kar lijiye.

Nimrit_ Challan Salman bhai nhi, department bharega.

Do ghante me 17 trucks seize ho gye.

Transport Inspector kaa chehra utar gya tha.

Nimrit_ Regular checkpost per ye trucks legal kese pass hue?

Inspector_ Madam, ho sakta hai loading baad me badhayi ho.

Nimrit_ Stone mine checkpost se pahle hai.

Loading baad me kaha huyi?

Inspector chup ho gya.

Nimrit_ Regular weighing machine seal kijiye.

Technical inspection hoga.

Checkpost ke pichle 3 mahine ke records office bhejiye.

Me_ Salman ko kab pata chala?

Dadaji_ Subah 7 baje.

Usne Devgarh Transport Office me phone kia.

Salman_ Trucks release karo.

Officer_ Sir, SDM madam khud checking per hai.

Salman_ Kon SDM?

Officer_ Nimrit madam.

Salman kuchh pal chup rha.

Salman_ Usse bolo documents me mistake hai.

Officer_ Sir, wo trucks personally weigh karwa rhi hai.

Salman_ Me Devgarh aa rha hu.

Dopahar tak Salman Pathan official office pahuch gya.

Uske sath do lawyers aur local political workers the.

Nimrit apne chamber me files dekh rhi thi.

Clerk_ Madam, Salman Pathan milna chahte hai.

Nimrit_ Appointment?

Clerk_ Nhi.

Nimrit_ Unhe waiting room me bithaiye. Public hearing complete hone ke baad milungi.

Salman ko lagbhag ak ghanta wait karna pada.

Me_ Papa ko itna wait karwati?

Dadaji_ Official kaam me shayad.

Lakin Salman ko jaan-bujhkar wait nhi karwaya gya tha.

Nimrit public complaints sun rhi thi.

Uske liye businessman aur normal citizen dono kaa number same tha.

Meeting me Salman chair per baitha.

Salman_ Mubarak ho, Madam. Pahli posting me hi bahut bada action le lia.

Nimrit_ Trucks overloaded the.

Salman_ Weighing machine faulty ho sakti hai.

Nimrit_ Machine district headquarters se certified mangwayi gyi thi.

Salman_ Drivers ne documents dikhaye honge.

Nimrit_ Documents me legal weight tha. Ground per illegal.

Salman_ Stone transport me thoda uper-niche hota hai.

Nimrit_ 10-11 tonne “thoda” nhi hota.

Salman_ Trucks release kar dijiye. Fine company bhar degi.

Nimrit_ Law ke according fine, permit suspension aur checkpost inquiry hogi.

Salman_ Madam, ak-do trucks kaa case hota to samajh aata. Aapne pura transport route block kar diya.

Nimrit_ Route overload ki wajah se unsafe tha.

Do college buses aur public vehicles bhi wahi road use karte hai.

Salman_ Aapko pata hai har din kaa kitna loss hoga?

Nimrit_ Overloaded trucks ki wajah se government road kaa kitna loss hota hai, uski report bhi ban rhi hai.

Salman ki aawaj thodi sakht ho gyi.

Salman_ Aap personal rivalry ko official chair per laa rhi hai?

Nimrit_ Konsi personal rivalry?

Salman_ Aapke husband aur mere business relations achche nhi hai.

Nimrit_ Ye case aapke trucks aur Motor Vehicles Law kaa hai.

Mere husband kaa naam lane ki jarurat nhi.

Salman_ Sahar me sab jante hai Abhay mujhe competitor maanta hai.

Nimrit_ Ye Devgarh hai. Rajput Construction kaa yaha koi tender nhi.

Aapke against complaint aur physical evidence hai.

Aapke paas legal objection hai to written me dijiye.

Salman ne kuchh pal Nimrit ko dekha.

Fir wo halki muskan ke sath bola—

Salman_ Ab samajh aaya Abhay aapse shaadi kyun karna chahta tha.

Nimrit_ Meri personal life per comment mat kijiye.

Salman_ Me tarif kar rha tha.

Nimrit_ Meeting complete hai.

Written reply aapke lawyer ko mil jayega.

Salman chair se khada hua.

Salman_ Devgarh chhota district hai, Madam.

Yaha rules books se nhi, relations se chalte hai.

Nimrit_ Tab shayad isi wajah se mujhe yaha bheja gya hai.

Salman bina jawab diye chamber se bahar chala gya.

Me_ Kyaa papa ko iss meeting kaa pata tha?

Dadaji_ Nimrit ne sham ko khud bataya.

Abhay_ Usne personal comment kia?

Nimrit_ Haa.

Abhay_ Me usse baat karunga.

Nimrit_ Nhi.

Abhay_ Usne meri wife ko office me—

Nimrit_ Usne ak officer ko influence karne ki koshish ki.

Officer ne handle kar lia.

Ab husband jaakar baat karega to lagega ki officer ko protection chahiye.

Abhay_ Protection ki baat nhi. Respect ki baat hai.

Nimrit_ Meri respect mene khud protect kar li.

Tumhare pita chup ho gye.

Nimrit_ Naraj hai?

Abhay_ Usper.

Nimrit_ Mujhper bhi.

Abhay_ Thoda.

Nimrit_ Kyunki mene aapko interfere nhi karne diya?

Abhay_ Kyunki me kuchh kar nhi sakta.

Nimrit_ Aap kar sakte hai.

Abhay_ Kyaa?

Nimrit_ Mujhper trust.

Tumhare pita ne gahri saans li.

Abhay_ Theek hai.

Lakin agar wo official boundary cross kare—

Nimrit_ Tab law action lega.

Abhay_ Aur personal boundary?

Nimrit_ Tab me aapko bataungi.

Abhay_ Promise?

Nimrit_ Promise.

Checking ke baad regular checkpost ki machine me tampering mili.

Records me trucks kaa weight kam dikhaya jata tha.

Transport Inspector, checkpost clerk aur do security officer constables suspend hue.
Departmental inquiry start huyi.

Salman ke 6 truck permits temporary suspend kar diye gye.

Ye Devgarh me uske business per direct strike thi.

Usne Mahadev ko phone kia.

Salman_ Abhay ko phone karke bolo apni wife ko control kare.

Mahadev_ Abhay meri baat nhi sunega.

Salman_ Direct mat bolna.

Political workers ke through message pahuchao ki transport strike ho sakti hai.

Mahadev_ Agar strike huyi to public Nimrit ke against ho sakti hai.

Salman_ Wahi chahiye.

Do din baad Devgarh Transport Union ne strike announce kar di.

Reason diya gya—

“Administration kaa transport business ke prati atyachari behaviour.”
Buses kaa ak section bhi strike me shamil ho gya.
Markets me supply effect hone lagi.
Opposition political leaders ne kaha ki young SDM bina ground reality samjhe action le rhi hai.

Me_ Maa ne trucks release kar diye?

Dadaji_ Nhi.

Usne union leaders ko meeting ke liye bulaya.

Union Leader_ Madam, checking ke naam per transporters ko harass kia ja rha hai.

Nimrit_ 17 trucks me se 17 overloaded the.

Union Leader_ Fine bharne ko ready hai.

Nimrit_ Ye pahli violation nhi hai. Records me 3 mahine se false weight entry hai.

Union Leader_ Drivers ki galti kaa punishment owner ko kyun?

Nimrit_ Same company ke sare trucks same pattern me overloaded the.

Ye individual driver mistake nhi.

Union Leader_ Strike tab tak continue hogi jab tak permits restore nhi hote.

Nimrit_ Legal appeal kijiye.

Public transport aur essential supply rokna alag offence ban sakta hai.

Union Leader_ Aap dhamki de rhi hai?

Nimrit_ Consequence bata rhi hu.

Meeting fail ho gyi.

Nimrit ne turant alternate transport plan banaya.

Cooperative buses ko temporary routes diye.

Milk aur food supply ke liye government vehicles aur small local carriers arrange kiye.
Village routes per private jeeps ko temporary permit diya.
Do din me strike kaa public effect kam hone laga.
Chhote transporters union se alag hone lage.
Unhe Salman ki company ke liye apna business lose karna pasand nhi tha.
Teesre din union strike toot gyi.

Me_ Salman fir haar gya.

Dadaji_ Officially haa.

Lakin usne ak dangerous lesson seekha—

Nimrit ko direct pressure se nhi jhukaya ja sakta.

Michael ne Salman se kaha—

Michael_ Mene pahle hi kaha tha.

Salman_ Wo meri 6 permits suspend karke hero ban gyi.

Michael_ Aapne strike karke use public support de diya.

Salman_ Ab kyaa karu?

Michael_ Uske decision ko illegal prove karo.

Salman_ Kese?

Michael_ Checkpost operation me procedure violation dhundo.

Kyaa seizure witnesses complete the?

Kyaa weighing machine kaa certification correct tha?

Kyaa SDM ko permit suspend karne ki full authority thi?

Salman_ Lawyers dekh rhe hai.

Michael_ Aur uske personal life kaa use abhi mat karo.

Pahla legal challenge do.

Farooq bhi meeting me tha.

Farooq_ Aur hotel project?

Michael_ Nimrit kaa jurisdiction uss land tak aata hai?

Farooq_ Partially.

Michael_ File uske table per aane se pahle technical approvals complete karwa lo.

Farooq_ Agar usne site inspection kar lia?

Michael_ Tab use busy rakhiye.

Me_ Busy kese?

Dadaji_ Farooq ne local land disputes aur public complaints ko political tarike se badhana shuru kia.

Devgarh me ak tribal village ke paas uska proposed hill resort tha.

Paper per land private dikhayi gyi thi.

Lakin village ke log uss pahadi ko community grazing area aur religious forest maante the.

Farooq ne local middlemen ke through kuchh villagers se signatures le liye the.

Kuchh signatures paise dekar.

Kuchh bina puri information ke.

File Nimrit ke office pahuchi.

Tehsildar_ Madam, hotel project se tourism aur employment aayega.

Nimrit_ Village consent complete hai?

Tehsildar_ Majority signatures hai.

Nimrit_ Gram Sabha meeting kab huyi?

Tehsildar_ Pichle mahine.

Nimrit_ Meeting minutes me 180 members present likhe hai.

Village population record me adult members 146 hai.
Tehsildar chup ho gya.

Nimrit_ 34 extra log kaha se aaye?

Tehsildar_ Clerical error hoga.

Nimrit_ Signatures me 12 logo ke thumb impressions same pattern ke lag rhe hai.
Independent verification hogi.

Tehsildar_ Madam, project State level per important hai.

Nimrit_ Tab documents aur strong hone chahiye.

Nimrit khud village inspection per gyi.

Village ki women ne use bataya ki unhe project kaa pura matlab nhi samjhaya gya tha.

Ak old villager ne kaha—

Villager_ Madam, hamne road aur jobs ke liye sign kia tha.

Pahadi dene ke liye nhi.

Nimrit_ Gram Sabha me resolution padha gya tha?

Villager_ Meeting hi nhi huyi.

Sirf kagaj ghar-ghar laye the..

Nimrit ne pura process suspend kar diya.

Fresh Gram Sabha aur land-status inquiry kaa order diya.

Farooq Mirza ko same din information mil gyi.

Farooq_ Ye aurat har file me problem kese dhund leti hai?

Manager_ Village visit khud kia.

Farooq_ Tehsildar ne manage kyun nhi kia?

Manager_ Madam documents cross-check karti hai.

Farooq_ Tehsildar ko hatao.

Manager_ Transfer ham directly—

Farooq_ Directly nhi.

Uske khilaf purani complaint activate karo.

Manager_ Aur Nimrit?

Farooq_ Use ak legal notice bhejo ki uske action se company ko loss ho rha hai.

Manager_ Wo darr jayegi?

Farooq_ Nhi.

Lakin record create hoga ki uske against bias kaa allegation pahle se tha.

Kuchh dino baad Nimrit ko Farooq Group kaa legal notice mila.

Notice me likha tha ki wo personal aur family rivalry ki wajah se hotel project delay kar rhi hai.
Nimrit ne notice padhkar Abhay ko phone kia.

Nimrit_ Farooq ne officially aarop laga diya hai ki me aapki wife hone ki wajah se uska project rok rhi hu.

Abhay_ Me public statement dunga ki mera Farooq se koi active business dispute nhi.

Nimrit_ Abhi nhi.

Pahle official reply jayega.

Abhay_ Aapko legal team chahiye?

Nimrit_ Government legal officer reply prepare karega.

Abhay_ Wo reliable hai?

Nimrit_ Verify karungi.

Abhay_ Farooq kaa hotel project kyaa hai?

Nimrit_ Confidential file details nhi bata sakti.

Abhay_ Me husband hu.

Nimrit_ Official confidentiality marriage ke baad khatam nhi hoti.

Abhay_ Ak din me aapki files ki wajah se jail chala jaunga aur mujhe reason bhi nhi pata hoga.

Nimrit_ Aap illegal kaam mat kijiye. Safe rahenge.

Abhay_ Support kaise karu?

Nimrit_ Bus itna kahiye ki me correct hu ya nhi, ye evidence decide karega.
Aap nhi.

Abhay kuchh pal chup rhe.

Abhay_ Mujhe aap per trust hai.

Nimrit_ Yahi support chahiye.

Nimrit ne legal notice kaa factual reply diya.

Usne Gram Sabha attendance mismatch, duplicate thumb impressions aur villagers ke statements mention kiye.

Sath hi apne conflict disclosure ki copy attach ki, jo posting join karte wakt hi di gyi thi.

Isse clear hua ki usne apna personal connection pahle se hide nhi kia tha.

Fresh Gram Sabha huyi.

Majority villagers ne original project ke against vote kia.

Farooq kaa hill resort project fir ruk gya.

Me_ Maa ne Farooq kaa dusra project bhi rok diya.

Dadaji_ Rules ki wajah se.

Lakin Farooq ke liye dono baar result ak hi tha—

Crores kaa project delay.

Uske man me Nimrit ke liye personal dushmani badhne lagi.

Farooq_ Ab ye bus officer nhi rhi.

Manager_ Sir?

Farooq_ Isne pahle land transfer roka.

Ab resort.

Dono baar public image banayi.

Manager_ Kyaa karna hai?

Farooq_ Uski image ko hi target karenge.

Manager_ Corruption kaa aarop?

Farooq_ Abhi nhi.

Pahle uske ghar ko disturb karo.

Manager_ Abhay?

Farooq_ Haa.

Devgarh me Nimrit strict officer ban rhi hai.

Udhar uska husband apne sahar me politics kar rha hai.

Distance har relationship me doubt create karta hai.

Manager_ Kese?

Farooq_ Ak aurat ke naam ki jarurat hogi.

Me_ Kyaa matlab?

Dadaji_ Farooq aur Michael ne tumhare mata-pita ke bich personal misunderstanding create karne kaa plan banana shuru kia.

Unhe lagta tha ki professional attacks me Abhay aur Nimrit ak dusre kaa support karte hai.

Agar unke relationship me doubt aa gya, to dono kamjor ho jayenge.

Michael ne ak woman journalist kaa naam suggest kia—

Rebecca D’Souza.

Me_ Kyaa wo Michael ki relative thi?

Dadaji_ Door ki cousin.

Lakin usse jyada important ye tha ki Rebecca ambitious journalist thi.

Wo political leaders ke personal scandals aur business investigations per articles likhti thi.

Michael ne use directly jhooth publish karne ko nhi kaha.

Usne bus ak story di—

“Ak young political strategist, uski IAS wife aur ak secret political relationship.”

Rebecca_ Evidence?

Michael_ Evidence create nhi karna.

Questions uthana hai.

Rebecca_ Woman kon hai?

Michael_ Abhi koi nhi.

Rebecca_ Fir story kese?

Michael_ Abhay ke political office me ak female social worker ko important position dilwao.
Photos apne aap mil jayengi.

Me_ Kyaa papa kaa kisi woman ke sath relation dikhane wale the?

Dadaji_ Haa.

Lakin plan turant execute nhi hua.

Michael wait karna janta tha.

Usne pahle political organization me ak educated young woman ko introduce karwaya—
Maria Fernandes.

Me_ Christian character ye thi ya Michael?

Dadaji_ Michael pahle se Christian rival tha.

Maria shuru me rival nhi thi.

Wo social worker thi.

........

[Babab96]

[b][i]Women’s education aur health camps me kaam karti thi.
[/i][/b]
Usse sach me public service me interest tha.



Lakin Michael ne uski ambition ko use karne kaa plan banaya.



Michael_ Dharmchand Patel ki team me women representation kam hai.



Maria_ Me kisi political party ki worker nhi banna chahti.



Michael_ Social projects ko political support chahiye hota hai.



Kunwar Abhay women’s education trust bana rha hai.



Maria_ Aap use jante hai?



Michael_ Business competitor hai.



Lakin achcha kaam kare to appreciate karna chahiye.

Maria ko nhi pata tha ki use ak game me push kia ja rha hai.

Udhar tumhare pita sach me public welfare trust ke through women literacy program start karna chahte the.

Aftab_ Program kaa coordinator chahiye.

Dharmchand_ Maria Fernandes naam ki social worker hai.

Abhay_ Background check?

Aftab_ Clean hai.

Education programs kaa experience hai.

Abhay_ Interview ke liye bulao.

Me_ Papa ko plan kaa pata nhi tha?

Dadaji_ Bilkul nhi.

Maria genuine thi.

Michael kaa plan ye tha ki genuine professional relation ko photographs aur rumours ke through personal relation dikhaya jaye.

Lakin usse pahle tumhari maa ko Devgarh me ak legal victory mili.

High Court ne Salman ke seized permits wale case me administration kaa action valid maana.

Court ne kaha ki overloading aur tampered checkpost records serious violation the.

Salman ko permits restore karwane se pahle heavy penalty aur safety compliance dena pada.

Judgment ke baad newspapers ne Nimrit ki tarif ki.

“New SDM breaks transport mafia network.”

Me_ Maa famous hone lagi thi?

Dadaji_ Devgarh me uska naam hone laga.

Aam log use strict lakin fair officer maante the.

Wo bus action nhi leti thi.

Drivers ke liye rest area, truck weighing kaa transparent system aur online system to uss waqt tha nhi, isliye public display boards lagwaye.

Har weighing slip ki duplicate copy driver ko dena compulsory kia.

Isse honest transporters ko bhi fayda hua.

Chhote transporters uske support me aa gye.

Salman kaa monopoly weak hone laga.

Nimrit ne ak letter me tumhare pita ko likha—

“Law kaa use bus punishment ke liye nhi, system improve karne ke liye hona chahiye. Agar bus trucks seize karti rahti to naye illegal trucks aa jate. Transparent weighing system se corruption kaa gate kam hua hai.”

Abhay ne jawab diya—

“Me pahle hi kahta tha aap Collector banne ke liye bani hai.”

Nimrit ne likha—

“Abhi SDM hu. Promotion apni political speech se mat dijiye.”

Abhay kaa reply tha—

“Mere liye pahle din se Collector sahiba hai.”

Me_ Kyaa maa Devgarh me kitne time rhi?

Dadaji_ Lagbhag ak saal se thoda kam.

Ussi period me usne ration scam, overloaded transport aur illegal hill resort jese cases handle kiye.

Uski official reputation strong huyi.

Lakin personal life me distance difficult hone lagi.

Tumhare pita har 2-3 hafte me usse milne jate.

Kabhi Nimrit leave lekar ghar aati.

Kabhi dono letters aur trunk calls per baat karte.

Ak baar Abhay ne bina pahle inform kiye Devgarh jane kaa plan banaya.

Wo Nimrit ko surprise dena chahta tha.

Aftab_ Surprise kaa result achcha nhi hoga.

Abhay_ Kyun?

Aftab_ Ho sakta hai bhabhi tour per ho.

Abhay_ Staff se pata kia hai. Bungalow per hai.

Aftab_ Tumne staff ko phone kia? Surprise already leak ho gya hoga.

Abhay_ Cook ko bola kisi ko naa bataye.

Aftab_ Government cook tumhari love story kaa secret agent ban gya.

Tumhare pita sham ko Devgarh pahuche.

Bungalow kaa door Manjot ne khola.

Abhay_ Maa? Aap yaha?

Manjot_ Nimrit ki tabiyat theek nhi thi. Isliye aa gyi.

Tumhare pita kaa chehra badal gya.

Abhay_ Kyaa hua?

Manjot_ Fever aur weakness thi.

Doctor ne rest bola hai.

Abhay turant bedroom ki taraf gye.

Nimrit bed per files padh rhi thi.

Abhay_ Aap bimaar hoke files padh rhi hai?

Nimrit ne hairani se use dekha.

Nimrit_ Aap yaha?

Abhay_ Surprise dene aaya tha.

Mujhe hi surprise mil gya.

Temperature?

Nimrit_ Ab normal hai.

Abhay ne file uske hath se le li.

Nimrit_ File dijiye.

Abhay_ Nhi.

Nimrit_ Urgent hai.

Abhay_ Aapki health jyada urgent hai.

Nimrit_ Kal hearing hai.

Abhay_ Adjourn ho jayegi.

Nimrit_ Officer husband se order le?

Abhay_ Patient husband se advice le.

Nimrit_ Patient me hu.

Abhay_ Isliye husband decision lega.

Nimrit_ Aap meri official hearing postpone nhi kar sakte.

Abhay_ Me official baat nhi kar rha.

Me keh rha hu doctor se puchho. Agar wo allow kare to jaiyega.

Manjot door per khadi thi.

Manjot_ Abhay sahi kah rha hai.

Nimrit_ Maa, aap bhi?

Manjot_ Haa.

Do din se properly khana nhi khaya.

Nimrit_ Nausea ho rhi thi.

Abhay_ Kyaa?

Tumhare pita ne turant doctor ko phone kia.

Nimrit_ Normal fever me nausea ho sakti hai.

Manjot ne Nimrit ko dekha, fir tumhare pita ko.

Uske chehre per ak alag hi muskan aa gyi.

Manjot_ Doctor ko bula lo.

Me_ Kyaa maa pregnant thi?

Dadaji ke chehre per halki si muskan aa gyi.

Dadaji_ Haa, Jay.

Doctor ne tests recommend kiye.

Agle din confirm hua ki Nimrit maa banne wali thi.

Me_ Matlab me?

Dadaji_ Haa bete.

Tumhari kahani wahi se shuru huyi.

Doctor ne report Nimrit ko di.

Nimrit kuchh pal use dekhti rhi.

Uski aankho me khushi bhi thi aur hairani bhi.

Tumhare pita uske samne khade the.

Abhay_ Confirm hai?

Nimrit ne bina kuchh bole report uski taraf badha di.

Tumhare pita ne report padhi.

Fir kuchh pal bilkul chup khade rhe.

Nimrit_ Kyaa hua?

Abhay_ Mujhe samajh nhi aa rha kyaa bolu.

Nimrit_ Aapke paas har situation kaa dialogue hota hai.

Aaj chup kyun hai?

Abhay ne report table per rakhi aur Nimrit kaa hath pakad lia.

Abhay_ Thank you.

Nimrit_ Isme thank you kis baat kaa?

Abhay_ Pata nhi.

Bus bolna tha.

Manjot room me enter huyi.

Manjot_ Mujhe bhi koi batayega ya dono ak dusre ko dekhte rahoge?

Nimrit ne sharmate hue report Manjot ko de di.

Manjot ne report padhi.

Uski aankho me turant aansu aa gye.

Manjot_ Me Dadi banne wali hu?

Abhay_ Lagta to yahi hai.

Manjot_ “Lagta hai” kyaa hota hai?

Doctor ne confirm kia hai.

Usne Nimrit ko gale laga lia.

Manjot_ Ab tum koi tour nhi karogi.

Nimrit_ Maa, pregnancy illness nhi hoti.

Manjot_ Mere liye ab tum patient ho.

Nimrit_ Me officer bhi hu.

Manjot_ Office chair per baithkar karna.

Village tour band.

Nimrit_ Doctor decide karega.

Manjot_ Doctor ko me samjha dungi.

Abhay_ Maa, Nimrit sahi kah rhi hai.

Manjot_ Tu chup reh.

Tujhe khud kaa dhyan rakhna nhi aata.

Ab beti aur bachche kaa me dekhungi.

Me_ Papa khush the?

Dadaji_ Mene tumhare pita ko life me kai baar khush dekha tha.

Election jeetne per.

Bada tender milne per.

Nimrit ke IAS select hone per.

Shaadi ke din.

Lakin tumhari khabar sunne ke baad unke chehre per jo khushi thi, wo alag thi.

Usi raat wo bungalow ke garden me akela khada tha.

Nimrit uske paas aayi.

Nimrit_ Yaha akela kyaa kar rhe hai?

Abhay_ Future plan kar rha hu.

Nimrit_ Ak report aate hi planning start?

Abhay_ Baby room kaha hoga?

Nimrit_ Abhi hum Devgarh ke government bungalow me hai.

Abhay_ Hamare ghar me.

Nimrit_ Abhi bahut mahine hai.

Abhay_ Naam bhi decide hai.

Nimrit_ Aapne pahle hi decide kar rakha hai—Jay.

Abhay_ Beta hua to.

Nimrit_ Aur beti?

Abhay_ Aap decide karengi.

Nimrit_ Agar mene kaha mujhe ak hi bachcha chahiye?

Abhay_ Fir naam gender ke according adjust kar lenge.

Nimrit_ Aapko lagta hai sab aapke plan se hoga?

Abhay_ Nhi.

Ab pata chal rha hai life apne plan se chalti hai.

Nimrit ne apna sir tumhare pita ke kandhe per rakh diya.

Nimrit_ Dar bhi lag rha hai.

Abhay_ Kis baat kaa?

Nimrit_ Career, posting, baby… sab kese manage hoga?

Abhay_ Ak din me ak problem.

Nimrit_ Aur distance?

Abhay_ Ab me jyada Devgarh aaunga.

Nimrit_ Business?

Abhay_ Aftab.

Nimrit_ Politics?

Abhay_ Dharmchand.

Nimrit_ Har responsibility dusro ko de denge?

Abhay_ Sabse important responsibility khud rakhunga.

Nimrit_ Konsi?

Abhay_ Aap dono.

Nimrit_ Filmi dialogue.

Abhay_ Aaj allowed hai.

Nimrit muskurayi.

Lakin pregnancy ki information bahut limited logo ko di gyi.

Sirf close family, Aftab aur Dharmchand ko pata tha.

Me_ Dushmano ko kese pata chala?

Dadaji_ Devgarh hospital kaa ak clerk Farooq Mirza ke local manager ko information deta tha.

Usne medical visit kaa record dekh lia.

Kuchh dino me Farooq ko pata chal gya ki Nimrit pregnant hai.

Farooq ne Michael ko phone kia.

Farooq_ Abhay aur Nimrit kaa bachcha hone wala hai.

Michael kuchh pal chup rha.

Michael_ Confirm?

Farooq_ Haa.

Michael_ Abhi iss information kaa koi use nhi hoga.

Farooq_ Emotional weakness badhegi.

Michael_ Ya relation aur strong hoga.

Farooq_ Salman ko bataye?

Michael_ Nhi.

Wo gusse me koi bewakoofi karega.

Farooq_ Fir?

Michael_ Wait.

Pregnancy ke dauran Nimrit apne decisions me thodi cautious hogi.

Uski field movement kam hogi.

Hotel project ki revised file tab submit karo.

Me_ Farooq ne maa ki pregnancy kaa fayda uthaya?

Dadaji_ Koshish ki.

Usne wahi hill resort project ak naye naam aur revised layout ke sath dobara submit kia.

Is baar community land ko project se technically bahar dikhaya gya.

Lakin access road usi land se ja rhi thi.

Nimrit ne file dekhi aur turant kaha—

Nimrit_ Project area se land hata di.

Lakin road wahi se kyun?

Tehsildar_ Road public use ke liye bhi hogi.

Nimrit_ Gram Sabha permission?

Tehsildar_ Pending hai.

Nimrit_ Fir file incomplete hai.

Tehsildar_ Madam, State Tourism Department priority de rha hai.

Nimrit_ Priority rules replace nhi karti.

Tehsildar_ Aapki health bhi—

Nimrit ne uski taraf sakht najar se dekha.

Nimrit_ Meri health kaa file se kyaa relation hai?

Tehsildar_ Mera matlab tha aap rest—

Nimrit_ Mera medical advice doctor dega.

Aap documents complete kijiye.

Nimrit ne file fir rok di.

Farooq ko report mili to wo gusse me bola—

Farooq_ Pregnancy me bhi iska dimag slow nhi hua.

Manager_ Sir, transfer karwa dete hai.

Farooq_ Abhi transfer karwaya to lagega project ki wajah se hua.

Michael_ Waise bhi uski posting temporary hai.

Kuchh mahino me normal rotation ho sakta hai.

Farooq_ Tab tak?

Michael_ Uske senior officers ko report bhejo ki medical condition ki wajah se files delay ho rhi hai.

Manager_ Lakin file incomplete hai.

Michael_ Officially delay kaa reason incomplete documents hoga.

Unofficially narrative create hoga ki officer field duty handle nhi kar pa rhi.

Me_ Maa ko ye pata chala?

Dadaji_ Haa.

Uske senior officer ne phone kia.

Senior Officer_ Nimrit, aapki health kesi hai?

Nimrit_ Better hai sir.

Senior Officer_ Field duty manage kar pa rhi ho?

Nimrit_ Ji.

Senior Officer_ Kuchh reports hai ki files delay ho rhi hai.

Nimrit_ Konsi files?

Senior Officer_ Tourism project.

Nimrit_ File incomplete hai. Gram Sabha approval pending hai.

Senior Officer_ Aapne written deficiency issue ki?

Nimrit_ Same day.

Senior Officer_ Theek.

Apni health kaa dhyan rakhna.

Agar light duty chahiye to batao.

Nimrit_ Jarurat huyi to request karungi.

Phone rakhne ke baad Nimrit ko samajh aa gya ki koi uski pregnancy ko administrative weakness dikhane ki koshish kar rha hai.

Usne turant pending files kaa public tracking register banwaya.

Har major project ke samne likha jata—

File kab aayi.

Kyaa deficiency thi.

Applicant ko kab inform kia.

File kis level per pending hai.

Isse koi ye nhi keh sakta tha ki files bina reason uske office me ruki hai.

Me_ Maa har attack kaa system solution nikal leti thi.

Dadaji_ Isi liye dushman usse aur jyada dangerous samajhne lage.

Usne personal aarop kaa jawab personal speech se nhi diya.

System transparent karke diya.

Tumhare pita ko jab pata chala to unhone kaha—

Abhay_ Aapko rest karna chahiye aur aap naya register system bana rhi hai.

Nimrit_ Me chair per baithkar kia hai.

Abhay_ Doctor ne stress avoid karne ko kaha hai.

Nimrit_ Wrong allegation stress deta hai.

Correct record stress kam karta hai.

Abhay_ Aap har baat justify kar leti hai.

Nimrit_ Isliye IAS clear kia.

Abhay_ Ab me aapko ghar le jana chahta hu.

Nimrit_ Posting chhodkar?

Abhay_ Maternity leave kab milegi?

Nimrit_ Time aane per.

Abhay_ Tab tak Manjot maa yaha rahegi.

Nimrit_ Maa kaa bhi ghar hai.

Abhay_ Aap bhi unka ghar hai.

Manjot ne decide kia ki wo kuchh time Devgarh aur kuchh time apne ghar rahegi.

Tumhare pita kaa aana-jana badh gya.

Rajput Construction kaa major control Aftab ke paas chala gya.

Ak din Aftab ne mazak me kaha—

Aftab_ Baby aane se pahle hi company kaa malik me ban gya.

Abhay_ Temporary hai.

Aftab_ Paper per authority permanent hai.

Abhay_ Partnership tod dunga.

Aftab_ Fir bhabhi ko bataunga ki tum business tension le rhe ho.

Abhay_ Tum blackmail kar rhe ho?

Aftab_ Pariwar management.

Me_ Meri birth kab huyi?

Dadaji_ 1992 me.

Lakin usse pahle tumhari maa ko Devgarh se ak aur posting mili.

Pregnancy kaa middle phase complete hone per administration ne use comparatively less field-intensive assignment diya.

Officially ye normal rotation tha.

Lakin kuchh logo ne kaha ki Nimrit pressure me Devgarh se hatayi gyi.

Kuchh ne kaha health ki wajah se.

Aur kuchh ne kaha Farooq aur Salman ne transfer karwaya.

Me_ Sach kyaa tha?

Dadaji_ Official file me transfer routine administrative grounds per tha.

Raghavan Iyer ki ak confidential noting bhi thi—

“Officer has demonstrated integrity and sound field judgment. Considering medical circumstances, she may be assigned a role allowing continuity without excessive travel.”

Me_ To Raghavan maa ki help kar rha tha?

Dadaji_ Uss noting se to yahi lagta hai.

Lakin usne Nimrit se kabhi directly sympathy nhi dikhayi.

Jab Nimrit transfer order ke sambandh me State Capital gyi, tab pahli baar uski Raghavan Iyer se proper meeting huyi.

Raghavan_ Mrs. Thakur, Devgarh reports dekhi hai.

Nimrit_ Sir.

Raghavan_ Overloaded transport action legally strong tha.

Lakin public confrontation avoid kia ja sakta tha.

Nimrit_ Sir, transporter meeting me personal rivalry kaa issue le aaya tha.

Mene discussion ko official record tak limited rakha.

Raghavan_ Good.

Farooq hotel case?

Nimrit_ Gram Sabha records forged the. Revised file bhi incomplete thi.

Raghavan_ Aap janti hai Farooq Mirza kaa network uper tak hai?

Nimrit_ Rules network ke according change nhi hote.

Raghavan_ Ideal answer.

Practical life me cost hoti hai.

Nimrit_ Me cost samajhne ki koshish kar rhi hu.

Raghavan ne use kuchh pal dekha.

Raghavan_ Apne husband ko official matters se dur rakhiye.

Nimrit_ Wo dur rahte hai.

Raghavan_ Dushman fir bhi unka naam use karenge.

Nimrit_ Already kar chuke hai.

Raghavan_ Records safe rakhiye.

Har oral order kaa written confirmation.

Har sensitive file kaa movement register.

Nimrit_ Sir, aap ye advice general experience se de rhe hai… ya kisi specific threat ki wajah se?

Raghavan kuchh pal chup rha.

Raghavan_ Government service me general advice hi sabse specific hoti hai.

Nimrit samajh gyi ki wo kuchh chhupa rha hai.

Lakin usne aage sawal nhi kia.

Me_ Maa ne papa ko meeting ke bare me bataya?

Dadaji_ Haa.

Abhay_ Iyer ne records safe rakhne ko specially kyun kaha?

Nimrit_ Shayad Devgarh cases ki wajah se.

Abhay_ Ya use network kaa pata hai.

Nimrit_ Ho sakta hai.

Abhay_ Usne kisi kaa naam lia?

Nimrit_ Nhi.

Abhay_ Me usse milunga.

Nimrit_ Officially?

Abhay_ Government housing project ki ak file ke liye State Capital jana hai.

Nimrit_ Meri meeting kaa reference nhi denge.

Abhay_ Theek.

Kuchh dino baad tumhare pita Raghavan Iyer se mile.

Meeting official project ki thi.

File discussion complete hone ke baad Abhay ne casually kaha—

Abhay_ Meri wife Devgarh se transfer ho rhi hai.

Raghavan_ Haa.

Abhay_ Aapne medical circumstances wali noting ki thi?

Raghavan ne seedha jawab nhi diya.

Raghavan_ Personnel file confidential hoti hai.

Abhay_ Me bas thank you kehna chahta tha.

Raghavan_ Thank you ki jarurat nhi.

Officer achcha kaam kare to system ko use protect karna chahiye.

Abhay_ System hamesha protect nhi karta.

Raghavan_ Isliye records important hai.

Abhay_ Aap har baar records ki baat kyun karte hai?

Raghavan ne tumhare pita ki aankho me dekha.

Raghavan_ Kyunki Mr. Thakur, log mar jate hai.

Records kabhi-kabhi bach jate hai.

Tumhare pita uski baat sunkar kuchh pal chup reh gye.

Abhay_ Kyaa koi specific danger hai?

Raghavan_ Abhi nhi.

Abhay_ “Abhi” kaa matlab?

Raghavan_ Aap intelligent hai.

Business aur politics me bahut fast grow kar rhe hai.

Aapki wife honest officer hai.

Aise logo ko friends se jyada observers milte hai.

Abhay_ Kyaa aap mujhe warn kar rhe hai?

Raghavan_ Advice de rha hu.

Sensitive documents ki copies alag jagah rakhiye.

Apne circle ke logo kaa background time-time per verify kijiye.

Aur har aadmi ko dushman samajhne ki galti mat kijiye.

Abhay_ Aur har aadmi ko dost?

Raghavan_ Wo galti aur dangerous hai.

Me_ Kyaa papa ko usper trust hua?

Dadaji_ Pura nhi.

Lakin tumhare pita ko pahli baar laga ki Raghavan shayad unka dushman nhi tha.

Ya kam se kam puri tarah dushman nhi.

Nimrit ki nayi posting ke baad wo hamare sahar ke thoda kareeb aa gyi.

Pregnancy kaa final phase aate-aate usne maternity leave le li.

Wo hamare ghar aa gyi.

Manjot bahut khush thi.

Usne pura ghar baby ke liye taiyar karna shuru kar diya.

Abhay_ Maa, abhi doctor ne date me time bataya hai.

Manjot_ Preparation pahle hoti hai.

Nimrit_ Maa ne baby clothes already kharid liye.

Abhay_ Blue?

Manjot_ Blue aur pink dono.

Abhay_ Beta hoga.

Nimrit_ Aapko kese pata?

Abhay_ Feeling.

Nimrit_ Administrative evidence?

Abhay_ Political instinct.

Nimrit_ Matlab koi evidence nhi.

Manjot_ Mujhe bus healthy bachcha chahiye.

Beta ho ya beti.

Baldev_ Naam decide?

Abhay_ Beta—Jay.

Nimrit_ Abhi final nhi.

Abhay_ Shaadi se pahle decide hua tha.

Nimrit_ Aapne decide kia tha. Mene approve nhi kia.

Abhay_ Aapko naam pasand hai.

Nimrit_ Hai.

Abhay_ To approve.

Nimrit_ Procedure follow hoga.

Abhay_ Baby kaa naam bhi file me jayega?

Nimrit_ Haa. Manjot Maa chairperson, Dadu member aur hum dono applicants.

Me_ Aap bhi naam decide karne me the?

Dadaji_ Mujhe Jay naam pasand tha.

Tumhari Dadi bhi maan gyi.

Isliye tumhare pita kaa proposal unanimously pass ho gya.

Me_ Mera janm normal tha?

Dadaji kaa chehra soft ho gya.

Dadaji_ Tumhara janm 1992 ki ak barsaat wali raat me hua tha.

Raat ko achanak Nimrit ko pain start hua.

Tumhare pita ak political meeting me the.

Landline per message bheja gya.

Dharmchand stage per speech de rha tha.

Aftab tumhare pita ke paas aaya aur dheere se bola—

Aftab_ Hospital jana hai.

Abhay_ Kyaa hua?

Aftab_ Bhabhi ko labour pain start hua hai.

Tumhare pita ne meeting usi wakt chhod di.

Dharmchand ne stage se unhe jate dekha aur samajh gya.

Dharmchand_ Kunwar sahab ko ak bahut important personal kaam se jana pada hai.

Baki meeting me sambhalunga.

Tumhare pita car me itne tense the ki driver ko baar-baar fast chalane ko kah rhe the.

Aftab_ Road wet hai. Driver ko drive karne do.

Abhay_ Hospital kitni dur?

Aftab_ Das minute.

Abhay_ Bees lag rhe hai.

Aftab_ Sirf 3 minute hue hai.

Hospital pahuchkar tumhare pita seedha maternity ward ke bahar gye.

Manjot aur Nimrit ki mosi waha thi.

Abhay_ Nimrit theek hai?

Manjot_ Doctor andar hai.

Abhay_ Pain kabse?

Manjot_ Ak ghanta.

Abhay_ Mujhe pahle kyun nhi bataya?

Manjot_ Meeting ke bich panic kyun karte?

Abhay_ Me husband hu.

Manjot_ Aur doctor andar hai. Yaha ghumne se delivery jaldi nhi hogi.

Tumhare pita corridor me ak jagah se dusri jagah chalte rhe.

Aftab_ Baith jao.

Abhay_ Nhi.

Aftab_ Tum operation thodi karoge.

Abhay_ Chup reh.

Kuchh ghanto baad baby ke rone ki aawaj aayi.

Tumhare pita bilkul wahi ruk gye.

Doctor bahar aayi.

Doctor_ Congratulations. Beta hua hai.

Mother aur baby dono healthy hai.

Tumhare pita ne pahle pucha—

Abhay_ Nimrit theek hai?

Doctor_ Bilkul.

Fir unke chehre per muskan aayi.

Manjot ro padi.

Usne mere hath pakadkar kaha—

Manjot_ Baldev ji, hum Dada-Dadi ban gye.

Me_ Papa ne mujhe pahli baar kab dekha?

Dadaji_ Nurse tumhe bahar lekar aayi.

Tum bahut chhote the.

Tumhare pita tumhe hath me lene se darr rhe the.

Nurse_ Pakdiye.

Abhay_ Itna chhota hai.

Nurse_ Bachche aise hi hote hai.

Manjot_ De mujhe.

Abhay_ Nhi, me pakadunga.

Usne bahut sambhalkar tumhe apni baho me lia.

Tumne aankhe bhi puri tarah nhi kholi thi.

Tumhare pita tumhe dekhte rhe.

Aftab_ Naam kyaa hai Kunwar sahab?

Tumhare pita ne bina najar hataye kaha—

Abhay_ Kunwar Jay Singh Thakur.

Me_ Maa ne approve kar dia tha?

Dadaji_ Hospital room me tumhare pita tumhe lekar gye.

Nimrit thaki huyi thi, lakin tumhe dekhkar muskurayi.

Abhay_ Dekhiye… Jay.

Nimrit_ Aapne officially announce bhi kar dia?

Abhay_ Committee decision tha.

Nimrit_ Chairman se final signature nhi lia.

Abhay_ Chairman bahar ro rhi hai.

Nimrit_ Fir naam Jay hi sahi.

Tumhare pita ne tumhe Nimrit ke paas rakh dia.

Nimrit ne tumhari chhoti si ungli pakdi.

Uski aankho me aansu aa gye.

Nimrit_ Abhay…

Abhay_ Haa?

Nimrit_ Ab darr aur badh gya hai.

Abhay_ Kis baat kaa?

Nimrit_ Ab ham sirf apne liye responsible nhi hai.

Abhay ne tum dono ko dekha.

Abhay_ Isliye ab aur strong hona padega.

Dadaji_ Uss raat hamare pariwar me tum aaye, Jay.

Tumhare janm ke baad kuchh samay ke liye aisa laga ki sari dushmani, politics aur conspiracies hamari life se dur ho gyi hai.

Manjot kaa pura time tumhare sath nikalta.

Tumhare pita office se jaldi ghar aane lage.

Nimrit maternity leave per thi.

Ghar me har wakt tumhare rone, Manjot ke hasne aur tumhare pita ke confused hone ki aawaj aati.

Me_ Papa confused kyun?

Dadaji_ Tum raat me bahut rote the.

Ak raat Nimrit thak kar so gyi thi.

Tum rona start hue.

Tumhare pita tumhe uthakar room me ghumne lage.

Abhay_ Jay, chup ho jao.

Tum aur tej rone lage.

Abhay_ Political speech sunoge?

Nimrit ne aankhe khole bina kaha—

Nimrit_ Wo bachcha hai. Voter nhi.

Abhay_ To kyaa karu?

Nimrit_ Check kijiye diaper.

Abhay_ Maa!

Manjot dusre room se boli—

Manjot_ Aaj khud karo. Baap bane ho.

Me_ Papa ne kia?

Dadaji_ Bahut difficulty se.

Uske baad tum aur tej rone lage.

Nimrit hansi rok nhi payi.

Nimrit_ Construction company chalate hai. Diaper nhi badal sakte?

Abhay_ Building seedhi rahti hai. Ye hath-pair hilata hai.

Aakhir Manjot ko aana pada.

Ghar me khushi thi.

Lakin tumhare janm ki khabar dushmano tak bhi pahuch gyi.

Salman ne normal congratulations gift bheja.

Michael ne silver baby rattle.

Farooq ne expensive imported baby clothes.

Mahadev ne koi gift nhi bheja.

Me_ Gifts accept kiye?

Dadaji_ Manjot ne kaha bachche ke naam aaye gifts wapas karna achcha nhi lagta.

Lakin tumhare pita ne Salman, Michael aur Farooq ke gifts charity hospital ko donate karwa diye.

Abhay_ Jay ki life kaa pahla saman kisi dushman kaa nhi hoga.

Nimrit_ Baby kaa gift bhi political statement bana diya?

Abhay_ Safety.

Nimrit_ Clothes se kyaa danger?

Abhay_ Pata nhi.

Lakin me comfortable nhi hu.

Nimrit ne use dekha.

Usne argue nhi kia.

Nimrit_ Theek hai.

Lakin public announcement mat kijiye ki gifts donate kiye.

Abhay_ Nhi karunga.

Lakin kuchh dino baad Ak local newspaper me chhoti si khabar chhapi—

“Kunwar Abhay ne business rivals ke gifts hospital bheje.”

Me_ Information kisne leak ki?

Dadaji_ Yahi sawal fir khada hua.

Gift donation kaa decision sirf close family aur Aftab ko pata tha.

Hospital ko bhi donor name public naa karne ko kaha gya tha.

Fir bhi news bahar aa gyi.

Aftab_ Ghar ke andar koi information de rha hai.

Abhay_ Ya hospital se leak huyi.

Nimrit_ Dono check kijiye.

Lakin staff ko publicly accuse mat kijiye.

Abhay_ Ab ghar ke staff kaa background dobara verify hoga.

Baldev_ Jay ke aas-paas rehne wale har aadmi kaa.

Us investigation me ak nayi baat saamne aayi.

Hospital me gifts receive karne wala clerk wahi aadmi tha, jiska cousin Farooq Mirza ke Devgarh hotel office me kaam karta tha.

Me_ To Farooq ne news leak karwayi?

Dadaji_ Possible tha.

Lakin proof nhi.

News se koi bada nuksan nhi hua.

Lakin tumhare pita aur Nimrit ko samajh aa gya ki unke pariwar ki personal information bhi ab dushmano ke network tak pahuch rhi hai.

Nimrit_ Ab Jay ko public functions me limited le jayenge.

Abhay_ Security guard hamesha sath hoga.

Nimrit_ Ghar ke staff access bhi limited.

Manjot_ Bachche ko jail me thodi rakhenge.

Nimrit_ Nhi Maa.

Normal life hogi.

Bus careless nhi honge.

Me_ Kyaa mere janm ke baad maa ne service chhodne kaa socha?

Dadaji_ Ak pal ke liye bhi nhi.

Lakin usne ye jarur socha ki career aur tumhari parvarish kese balance hogi.

Maternity leave complete hone kaa time paas aaya to Nimrit raat me bahut pareshan thi.

Abhay_ Kyaa hua?

Nimrit_ Jay abhi bahut chhota hai.

Posting join karungi to use chhodkar jana padega.

Abhay_ Maa hai. Me hu.

Nimrit_ Aap business aur politics me busy rahte hai.

Abhay_ Time manage karunga.

Nimrit_ Aur agar meri posting dur huyi?

Abhay_ Jay aapke sath jayega.

Nimrit_ Field posting me?

Abhay_ Staff hoga. Maa kuchh time sath rahegi.

Nimrit_ Me Maa per sari responsibility nhi dal sakti.

Abhay_ Ak trained caretaker rakhte hai.

Nimrit_ Mujhe guilt feel ho rha hai.

Abhay_ Kis baat kaa?

Nimrit_ Maa banne ke baad bhi career continue karna chahti hu.

Abhay_ Isme guilt ki kyaa baat hai?

Nimrit_ Logo ko lagega me apne bachche ko chhodkar service choose kar rhi hu.

Abhay_ Aap kisi ak ko choose nhi kar rhi.

Dono manage kar rhi hai.

Nimrit_ Agar manage nhi hua to?

Abhay_ Tab system change karenge. Sapna nhi.

Nimrit ne tumhare pita ki taraf dekha.

Abhay_ Aapki maa ne aapko Collector banane kaa sapna dekha tha.

Jay ki maa apna sapna chhod degi to kal use kyaa sikhayegi?

Nimrit_ Ki responsibilities important hai.

Abhay_ Aur ye bhi ki aurat kaa sapna responsibility aane ke baad khatam nhi hota.

Nimrit ki aankho me aansu aa gye.

Nimrit_ Aapko pata hai naa, ye sab practical me difficult hoga?

Abhay_ Haa.

Lakin difficult kaa matlab impossible nhi.

Nimrit_ Ak condition hai.

Abhay_ Boliye.

Nimrit_ Jay sirf meri responsibility nhi hoga.

Abhay_ Ham dono kaa hai.

Nimrit_ Raat me rona bhi.

Abhay_ Ye condition difficult hai.

Nimrit_ Fir me service resign kar deti hu.

Abhay_ Nhi, nhi. Raat meri.

Nimrit hansi.

Dadaji_ Tumhare pita ne Nimrit ko service continue karne ke liye pura support diya.

Lakin Jay…

Tumhare janm ke baad unki strength badhi thi.

Sath hi unki sabse badi emotional weakness bhi duniya ke samne aa gyi thi.

Ab dushmano ko pata tha—

Abhay ko sabse jyada darr Nimrit aur Jay ko khone kaa hai.

Aur Nimrit ko sabse jyada darr tumhare pita aur tumhari safety kaa.

1992 ke end tak tumhari maa service me wapas aane wali thi.

Tumhare pita politics me aur strong ho rhe the.

Rajput Construction naye private projects le rhi thi.

Aur Salman, Michael, Farooq aur Mahadev kaa network ak naye plan per kaam kar rha tha.

Is baar unka target koi tender, permit ya land file nhi thi.

Unka target tumhare pita ki political image aur tumhari maa ki honesty ko ak hi case me fasana tha.

Me_ Kese?

Dadaji_ Ak fake company banayi gyi.

Company ke naam per Rajput Construction se judi land kharidi gyi.

Aur documents me aisa dikhaya gya jese us company kaa asli fayda tumhari maa ke pariwar aur tumhare pita ko milne wala ho.

Me_ Corruption kaa jhootha case?
[b][i]Dadaji_ Haa.[/i][/b]



Aisa case, jo prove ho jata to tumhare pita kaa business aur politics dono khatam ho sakte the…
Aur tumhari maa service se suspend bhi ho sakti thi.
Sabse dangerous baat ye thi ki fake documents per sign kisi unknown aadmi ke nhi the.
Unper Aftab Qureshi ke signature dikhayi de rhe the.

[Babab96]

Me_ Aftab uncle ke signature? Kyaa Aftab uncle ne papa ke sath gaddari ki thi?

Dadaji_ Yahi sawal uss wakt pure sahar me uthaya gya tha, Jay.

Lakin tumhare pita ne ak pal ke liye bhi Aftab per shak nhi kia.

Me_ Documents per unke signature the, fir bhi?

Dadaji_ Signature dikhayi de rhe the. Iska matlab ye nhi ki sign Aftab ne hi kiye the.

Ye baat 1992 ke end ki hai. Tumhare janm ko kuchh hi mahine hue the.

Nimrit ki maternity leave khatam hone wali thi aur wo service join karne ki taiyari kar rhi thi.

Ussi samay ak subah State Capital ke bade newspaper me front page per khabar chhapi—

“IAS Officer ke pariwar aur political businessman kaa benami land deal se connection?”

Article me tumhari maa, tumhare pita, Aftab aur Nimrit ke pitaji kaa naam tha.

Me_ Nana ji kaa bhi?

Dadaji_ Haa.

Article ke according “Sahyadri Urban Estates Private Limited” naam ki ak company ne Devgarh ke paas 60 acre jamin bahut kam price per kharidi thi.

Kuchh hi mahino baad uss jamin kaa land use agricultural se commercial kar diya gya.

Isse jamin ki value kai guna badh gyi.

Documents me dikhaya gya tha ki company me asli investment Aftab Qureshi ne Rajput Construction ki taraf se kia tha.

Company ke board resolution per Aftab ke signature the.

Ak agreement me likha tha ki project complete hone ke baad profit kaa ak hissa Nimrit ke pitaji ke business group ko milega.

Aur sabse dangerous document wo tha, jisme ye dikhaya gya tha ki Devgarh me posting ke dauran Nimrit ne land conversion file ko favourable noting di thi.

Me_ Lakin maa ne to Farooq kaa project roka tha.

Dadaji_ Bilkul.

Lakin newspaper me file kaa ak photocopy page chhapa tha, jisme Nimrit ke initials aur uski writing jesi noting dikhayi de rhi thi—

“Project public investment aur employment ke liye beneficial hai. Conversion may be considered on priority.”

Ye Nimrit ki original noting nhi thi.

Lakin pahli najar me bilkul asli lagti thi.

Subah Aftab newspaper lekar tumhare pita ke ghar pahucha.

Tumhare pita tumhe apni god me lekar drawing room me baithe the.

Aftab kaa chehra utara hua tha.

Abhay_ Kyaa hua?

Aftab ne newspaper table per rakh diya.

Aftab_ Ye dekho.

Tumhare pita ne article padha.

Manjot aur me bhi wahi aa gye.

Nimrit ne headline dekhi to usne turant tumhe Manjot ki god me diya aur documents padhne lagi.

Abhay_ Sahyadri Urban Estates naam ki kisi company ko jante ho?

Aftab_ Nhi.

Abhay_ Ye signature?

Aftab ne photocopy ko dhyan se dekha.

Aftab_ Mere jese hai.

Lakin mene ye sign nhi kiye.

Abhay_ Sure?

Aftab ne gusse se tumhare pita ki taraf dekha.

Aftab_ Tum mujhse ye sawal puch rhe ho?

Abhay_ Me bus confirm—

Aftab_ Rajput Construction mene tumhare sath banayi thi.

college se lekar aaj tak tumhare har kaam me sath khada hu.

Tumhe lagta hai me tumhari company ke naam per benami jamin kharidunga?

Abhay_ Mujhe aisa nhi lagta.

Aftab_ Fir “sure” kyun pucha?

Abhay_ Kyunki investigation me har sawal pucha jayega.

Me tumhara jawab pahle sunna chahta tha.

Aftab kuchh pal chup rha.

Fir usne newspaper dobara uthaya.

Aftab_ Signature mere jese hai, lakin natural nhi lag rhe.

Ye partnership agreement wale mere purane signature se copy kiye gye hai.

Nimrit_ Aapko kese pata?

Aftab_ Me har document per “Qureshi” kaa last stroke thoda alag karta hu.

Ye bilkul wahi signature hai, jo 1989 ki original partnership deed per tha.

Abhay_ Partnership deed ki copies kaha-kaha hai?

Aftab_ Company safe me.

Registrar Office me.

Bank ke paas.

Aur legal advisor ke record me.

Nimrit_ Matlab kisi ne old document se signature trace ya copy kia ho sakta hai.

Manjot_ Aur Nimrit ki writing?

Nimrit ne article me chhapi noting ko dhyan se dekha.

Nimrit_ Words mere jese hai.

Lakin ye meri noting nhi hai.

Baldev_ Kese confirm karogi?

Nimrit_ Original file dekhkar.

Mene Farooq ke project me priority recommend nhi ki thi.

Mene ownership aur Gram Sabha records verify karne ko kaha tha.

Abhay_ Ye same land hai?

Nimrit_ Location Devgarh ke wahi area ki lag rhi hai.

Lakin company kaa naam alag hai.

Ho sakta hai Farooq ke original project ki land ko alag shell company me transfer dikhaya gya ho.

Me_ Shell company kyaa hoti hai?

Dadaji_ Aisi company jo paper per exist karti hai, lakin uska real business bahut kam ya bilkul nhi hota.

Kai baar asli malik apna naam chhupane ke liye dusre logo ko director bana dete hai.

Tumhare pita ne turant Aftab se kaha—

Abhay_ Company office chalo.

Sare original records seal karne honge.

Aftab_ Tumhe lagta hai security officer raid hogi?

Nimrit_ Sirf security officer nhi.

Vigilance inquiry bhi ho sakti hai.

Article me ak serving IAS officer kaa naam hai.

Mujhe apne department ko khud written disclosure dena hoga.

Abhay_ Aap abhi service join bhi nhi huyi.

Nimrit_ Isliye aur jaruri hai.

Kal koi ye naa kahe ki mene article chhupane ki koshish ki.

Manjot_ Lakin tumne kuchh kia hi nhi.

Nimrit_ Maa, innocence bolne se prove nhi hoti.

Record se hoti hai.

Tumhare pita ne Aftab ki taraf dekha.

Abhay_ Rajput Construction ki sari land deals, bank statements aur board resolutions ki certified copies nikalo.

Aftab_ Aur agar inquiry tak company kaa kaam rok diya gya?

Abhay_ To rok denge.

Lakin ak bhi paper hide nhi hoga.

Aftab_ Media kyaa kahegi?

Abhay_ Jo kehna hai kahe.

Hum documents denge.

Nimrit_ Ak aur baat.

Abhay_ Kyaa?

Nimrit_ Jab tak inquiry clear nhi hoti, aap public me ye mat kahiye ki article Salman, Michael ya Farooq ne plant kia hai.

Abhay_ Aur kon karega?

Nimrit_ Shak alag hai, proof alag.

Aapne hi sikhaya tha.

Tumhare pita ne gahri saans li.

Abhay_ Theek hai.

Ussi dopahar State Vigilance Department ne preliminary inquiry order kar di.

Nimrit ko notice aaya ki wo apna written explanation aur Devgarh posting ke dauran handle ki gyi relevant files ki details submit kare.

Rajput Construction ko bhi notice mila.

Dharmchand Patel per opposition ne aarop lagaya ki uska political strategist government officers aur IAS wife kaa use karke land deals kar rha hai.

Me_ Dharmchand ne papa se distance bana lia?

Dadaji_ Party ke kuchh senior leaders ne use yahi salah di.

Party Leader_ Jab tak inquiry clear nhi hoti, Abhay ko public political meetings se dur rakho.

Dharmchand_ Kis basis per?

Party Leader_ Newspaper me documents hai.

Dharmchand_ Photocopy hai. Original nhi.

Party Leader_ Public perception original aur photocopy kaa fark nhi dekhta.

Dharmchand_ To hum apne aadmi ko jhoothe aarop per chhod de?

Party Leader_ Politics emotion se nhi chalti.

Dharmchand_ Loyalty ke bina bhi nhi chalti.

Dharmchand ne tumhare pita ko phone kia.

Dharmchand_ Party chahti hai tum kuchh time low profile raho.

Abhay_ Tum kyaa chahte ho?

Dharmchand_ Me chahta hu tum stage per mere sath khade raho.

Abhay_ Isse tumhari image per effect hoga.

Dharmchand_ Mera election tumne jitaya tha.

Ab tumper aarop laga hai to me media se darrkar piche nhi hatunga.

Abhay_ Ye personal loyalty kaa matter nhi.

Dharmchand_ Mere liye hai.

Tumhare pita ne use samjhaya ki jab tak preliminary documents clear naa ho, wo public political programs me limited rahenge.

Lakin Dharmchand ne unhe apne political office se remove nhi kia.

Udhar Rajput Construction ke office me Aftab bahut upset tha.

Usne resignation letter tumhare pita ke samne rakh diya.

Abhay_ Ye kyaa hai?

Aftab_ Jab tak inquiry clear nhi hoti, me company se alag rahunga.

Abhay_ Kyun?

Aftab_ Documents per mere signature hai.

Company ko protect karna hai.

Abhay_ Company tumhari bhi hai.

Aftab_ Isi liye alag ho rha hu.

Agar media kahe ki Abhay apne partner ko bachane ke liye records manipulate kar rha hai to?

Abhay ne resignation letter uthakar faad diya.

Aftab_ Abhay—

Abhay_ Chup.

Aftab_ Professional decision hai.

Abhay_ Nhi. Darr kaa decision hai.

Aftab_ Me tumhe aur bhabhi ko apni wajah se problem me nhi dekh sakta.

Abhay_ Tumhari wajah se problem nhi hai.

Jisne fake documents banaye, uski wajah se hai.

Aftab_ Agar investigation me kuchh aur nikla to?

Abhay_ Kyaa niklega?

Aftab_ Mujhe nhi pata.

Kisi old employee ne mera sign use kia ho.

Koi blank paper office se gya ho.

Koi payment mere naam se route huyi ho.

Abhay_ Agar tumne galat kia hai to kanun face karoge.

Lakin jab tak proof nhi, tum mere partner ho.

Aftab_ Tumhe mujhper itna trust kyun hai?

Abhay_ Kyunki tum company partner banne se pahle mere dost the.

Aur dost banne se pahle mere bhai.

Aftab ki aankhe bhar aayi, lakin usne chehra dusri taraf kar lia.

Tabhi Nimrit office me enter huyi.

Usne floor per resignation letter ke tukde dekhe.

Nimrit_ Kyaa hua?

Aftab_ Aapke husband professional matter ko emotional bana rhe hai.

Abhay_ Ye company chhodna chahta hai.

Nimrit_ Kyun?

Aftab_ Inquiry tak distance sahi rahega.

Nimrit ne kuchh pal socha.

Abhay ko laga wo Aftab ki baat support karegi.

Lakin Nimrit ne kaha—

Nimrit_ Formal resignation galat signal dega.

Log kahenge Aftab ji responsibility accept karke bhaag rhe hai.

Aftab_ Fir kyaa karu?

Nimrit_ Daily financial approvals kisi independent senior accountant ke sath jointly sign kijiye.

Relevant records inquiry team ko seal karke dijiye.

Aur company me apni position per rahiye.

Aftab_ Aapko bhi mujhper trust hai?

Nimrit_ Family ke roop me haa.

Officer ke roop me me evidence kaa wait karungi.

Dono bate ak sath possible hai.

Aftab ne dheere se sir hilaya.

Aftab_ Jay bada hoga to use bataunga ki uski maa ne pahli inquiry me mujhe suspect bhi kia aur support bhi.

Nimrit_ Use ye bhi batana ki uske Aftab chacha resignation dekar bhaagne wale the.

Aftab_ Chacha?

Nimrit_ Aap uske chacha hi hai.

Aftab pahli baar uss din muskuraya.

Me_ Me Aftab uncle ko bachpan me chacha bolta tha?

Dadaji_ Haa.

Tum bolna seekhe bhi nhi the, lakin Aftab sabko kahta tha ki tumhara pahla word “Aftab chacha” hoga.

Manjot kahti thi—

Manjot_ Pahla word Maa hoga.

Abhay_ Papa.

Aftab_ Chacha.

Nimrit_ Itni politics bachche per mat kijiye.

Inquiry team sabse pahle Devgarh record room pahuchi.

Sahyadri Urban Estates ki land conversion file nikali gyi.

File ke andar wahi noting page tha, jo newspaper me chhapa tha.

Nimrit ke initials aur writing match karte dikhayi de rhe the.

Vigilance Officer_ Mrs. Thakur, kyaa ye aapki writing hai?

Nimrit_ Writing imitate ki gyi hai.

Vigilance Officer_ Page official file me mila hai.

Nimrit_ File movement register dikhaiye.

Register me likha tha ki original file Nimrit ke office se uske transfer ke 4 din baad Revenue Branch ko bheji gyi thi.

Lakin file ke page numbers me ak problem thi.

Page 42 ke baad seedha page 44 tha.

Jis page per favourable noting thi, usper number 43 alag ink me likha tha.

Nimrit_ Ye page baad me insert hua hai.

Vigilance Officer_ Proof?

Nimrit_ File ke baki pages per punching distance same hai.

Iss page kaa punch thoda uper hai.

Aur official noting sheets per department kaa watermark hota hai.

Iss photocopy me watermark clear nhi dikh rha.

Original page light me check kijiye.

Page ko light ke samne dekha gya.

Watermark tha, lakin year alag tha.

File 1990 ki thi.

Inserted page per stationery batch 1991 kaa tha.

Vigilance Officer_ Ye page 1990 ki file me original nhi ho sakta.

Nimrit_ Exactly.

Lakin sawal hai ki official record room me insert kisne kia.

Record Clerk ko bulaya gya.

Clerk_ Sir, files seal me aati hai. Hum bus shelf per rakhte hai.

Vigilance Officer_ Iss file ko kis-kis ne access kia?

Access register incomplete tha.

Kai entries per sirf initials the.

Ak entry me “Special Review—State Department” likha tha.

Officer kaa naam clear nhi tha.

Me_ Kyaa Raghavan Iyer ne file mangwayi thi?

Dadaji_ State Department ne file mangwayi thi, lakin direct Raghavan ke order per ya kisi junior ke through—ye clear nhi tha.

Nimrit ne turant kaha—

Nimrit_ State Secretariat me dispatch copy hogi.

Har important noting ki duplicate file waha jati hai.

Vigilance team ne State Capital se duplicate record manga.

Waha Raghavan Iyer ke personal indexed section me original noting ki certified copy mili.

Usme Nimrit ne likha tha—

“Ownership contradiction, suspected forged Gram Sabha record and incomplete access-road consent. Conversion should not be considered until independent verification.”

Me_ Raghavan ne copy kyun rakhi thi?

Dadaji_ Usne sensitive forged land cases ki separate indexed copies banwayi thi.

Wahi habit, jo sabko suspicious lagti thi, tumhari maa ko bachane kaa sabse bada evidence bani.

Vigilance Officer ne Raghavan se pucha—

Vigilance Officer_ Aapne ye extra certified copy normal register ke bahar kyun rakhi?

Raghavan_ Normal record me entry hai. Bus storage section confidential hai.

Vigilance Officer_ Reason?

Raghavan_ Devgarh aur Rajput Construction ki alag-alag files me same survey chain use huyi thi.

Mujhe document manipulation kaa suspicion tha.

Vigilance Officer_ Aapne uss samay formal inquiry kyun nhi order ki?

Raghavan_ Direct proof nhi tha.

Original file me contradiction resolve ho gya tha.

Vigilance Officer_ Kyaa aapne Nimrit ko warn kia tha?

Raghavan_ General records-safety advice di thi.

Vigilance Officer_ Abhay Pratap Singh ko?

Raghavan_ Use bhi.

Raghavan ki certified copy se Nimrit per laga sabse serious aarop weak pad gya.

Lakin Aftab ke signatures aur investment documents abhi baki the.

Sahyadri Urban Estates kaa Registrar record nikala gya.

Company ke 3 directors the—

Ak retired clerk.

Ak small property broker.

Aur ak aadmi, Naseer Baig.

Me_ Naseer Baig kon tha?

Dadaji_ Naseer Baig legal documents aur shell companies arrange karne wala corporate fixer tha.

Wo khud bada businessman nhi tha.

Lakin bade businessmen ke liye benami directors, temporary offices aur paper transactions arrange karta tha.

Uska Farooq Mirza ke hotel group ke kuchh agents se purana connection tha.

Michael D’Souza ke accountant ke sath bhi uski meetings record me thi.

Aur Salman Pathan ke transport network kaa ak broker uska rishtedar tha.

Me_ Matlab sab dushmano ko jodne wala wahi tha?

Dadaji_ Wo link tha, mastermind nhi.

Naseer ko security officer ne puchhtach ke liye bulaya.

Naseer_ Me bus registration consultant hu.

Client documents deta hai, me company register karwata hu.

Vigilance Officer_ Client kon tha?

Naseer_ Ak aadmi Sanjay Mehra.

Vigilance Officer_ Address fake hai.

Naseer_ Mujhe nhi pata tha.

Vigilance Officer_ Aftab Qureshi ke signed board resolution tumhe kisne diye?

Naseer_ Courier se aaye the.

Vigilance Officer_ Courier receipt?

Naseer_ Purani file me hogi.

File gayab thi.

Naseer ne direct kisi rival kaa naam nhi lia.

Aftab ke alleged investment cheque ki bank inquiry huyi.

Cheque per Rajput Construction kaa logo aur Aftab kaa signature tha.

Lakin bank manager ne ak important baat pakdi.

Bank Manager_ Ye cheque hamari branch kaa genuine cheque leaf nhi hai.

Vigilance Officer_ Kese?

Bank Manager_ Cheque number series 1991 me issue huyi thi.

Lakin document per payment date 1990 likhi hai.

Aur account number me ak digit galat hai.

Kisi ne old cheque ki photocopy dekhkar duplicate print banaya hai.

Me_ To Aftab uncle bhi clear ho gye?

Dadaji_ Signature forensic report abhi baki thi.

Handwriting expert ne original Aftab signatures aur fake documents compare kiye.

Report me likha—

“Disputed signatures show unnatural uniformity and hesitation marks. They appear to have been mechanically traced or reproduced from a common specimen.”

Common specimen 1989 ki partnership deed wala signature tha.

Me_ Bilkul jesa Aftab uncle ne kaha tha.

Dadaji_ Haa.

Lakin inquiry ne ak aur sawal uthaya—

1989 ki partnership deed ki high-quality copy dushmano tak pahuchi kese?

Company safe ki copy secure thi.

Registrar Office ki certified copies normal public process se mil sakti thi.

Lakin fake document me jo signature quality thi, wo ordinary photocopy se better thi.

Bank ne bataya ki 1990 me Rajput Construction ke loan renewal ke time partnership deed ki ak photographic copy submit huyi thi.

Us loan file ko ak legal verification officer ne access kia tha.

Naam tha—

Anthony Pereira.

Me_ Wahi Anthony, jiska connection Michael D’Souza se tha?

Dadaji_ Haa.

Anthony kaa chhota bhai Michael ke hotel me manager tha.

Anthony se inquiry huyi.

Anthony_ Loan file verify karna mera official duty tha.

Vigilance Officer_ Kyaa aapne document ki copy nikali?

Anthony_ Nhi.

Vigilance Officer_ File 2 din aapke personal custody me thi.

Anthony_ Legal verification ke liye.

Vigilance Officer_ Ussi period me photographic copy kaa negative record se missing hai.

Anthony_ Record room ki responsibility meri nhi.

Vigilance Officer_ Michael D’Souza ko jante hai?

Anthony_ Sahar kaa businessman hai.

Vigilance Officer_ Aapka bhai uske hotel me manager hai.

Anthony_ Isse mera official work corrupt prove nhi hota.

Direct proof fir bhi nhi mila.

Lakin chain clear hone lagi thi—

Partnership deed ki copy bank file se nikli.

Aftab kaa signature trace hua.

Nimrit ki old file me fake noting page insert hua.

Shell company Naseer Baig ne register karwayi.

Company kaa proposed hotel-management agreement Farooq ke business group se juda tha.

Material transport contract Salman ke broker ko milna tha.

Aur fake corruption story publish karne wala newspaper correspondent Rebecca D’Souza ke professional circle kaa aadmi tha.

Me_ Rebecca ne story publish ki thi?

Dadaji_ Original article usne nhi likha tha.

Lakin usne anonymous packet ak journalist tak forward kia tha.

Jab inquiry team ne usse pucha, usne kaha—

Rebecca_ Mujhe documents anonymous source se mile the.

Vigilance Officer_ Source kaa envelope?

Rebecca_ Fek diya.

Vigilance Officer_ Aapne verification kyun nhi ki?

Rebecca_ Mene khud story publish nhi ki. Ak journalist ko lead di.

Vigilance Officer_ Michael D’Souza aapka relative hai?

Rebecca_ Door kaa cousin.

Vigilance Officer_ Kyaa usne documents diye?

Rebecca_ Nhi.

Rebecca per criminal case nhi bana.

Lakin uski professional credibility per sawal uth gya.

Me_ Maria Fernandes kaa kyaa role tha?

Dadaji_ Abhi tak Maria ko iss fake land case ki planning kaa koi pata nhi tha.

Wo Rajput Public Welfare Trust ke women education program me genuinely kaam kar rhi thi.

Lakin Michael kaa dusra plan abhi bhi alive tha—

Maria aur tumhare pita ke professional relation ko personal scandal dikhana.

Filhal corruption case jyada bada tha, isliye usne wo plan rok rakha tha.

Preliminary inquiry ke 3 hafte baad Vigilance Department ne interim report di.

Report me likha tha—

- Nimrit ki favourable noting forged aur baad me insert ki gyi thi.
- Aftab ke signatures traced the.
- Investment cheque fake tha.
- Nimrit ke pitaji ko benefit dene wala agreement legally unverified aur fabricated lagta tha.
- Shell company ke piche actual beneficiaries identify karne ke liye criminal investigation jaruri thi.

Me_ Maa-papa completely clear ho gye?

Dadaji_ Interim report ne unhe major relief diya.

Lakin investigation officially band nhi huyi.

Opposition ne kaha—

“Documents fake ho sakte hai, lakin fake documents banane wala kon hai? Kyaa ye apne aapko bachane kaa internal plan bhi ho sakta hai?”

Me_ Koi bhi kuchh bhi bol sakta tha?

Dadaji_ Politics me bol sakta hai.

Isliye tumhare pita ne press conference me gussa nhi kia.

Wo Aftab aur Dharmchand ke sath media ke samne aaye.

Journalist_ Kyaa aap inquiry report ko apni clean chit maante hai?

Abhay_ Final investigation baki hai.

Interim report ne bus itna confirm kia hai ki published documents genuine nhi the.

Journalist_ Kyaa aap Salman Pathan, Michael D’Souza ya Farooq Mirza ko responsible maante hai?

Abhay_ Mere paas direct proof nhi hai.

Journalist_ Kyaa Aftab Qureshi company partner bane rahenge?

Abhay_ Haa.

Journalist_ Unke signature documents per the.

Abhay_ Forensic report kahti hai wo forged the.

Journalist_ Agar final report me unka involvement nikla?

Abhay_ To kanun action lega.

Journalist_ Aap personally kyaa karenge?

Tumhare pita ne Aftab ki taraf dekha.

Fir kaha—

Abhay_ Sach saamne aaya to jo sahi hoga, wahi karunga.

Lakin jhoothe aarop ke darr se

[Babab96]

Me_ Papa ko permanently raste se hatane kaa proposal kisne rakha tha?

Dadaji_ Salman Pathan ne.
Me_ Matlab wo papa ko marna chahta tha?
Dadaji_ Uske muh se nikle shabd kaa matlab wahi tha.
Lakin meeting me present sab log murder ke liye ready nhi the.
Michael D’Souza ko lagta tha ki tumhare pita ko maarna sabse bewakoofi bhara kadam hoga.
Me_ Kyun?
Dadaji_ Kyunki uska maanna tha ki kisi popular young leader ki death use aur bada bana deti hai.
Zinda aadmi ko badnam karke haraya ja sakta hai.
Mara hua aadmi kai baar logo ke liye hero ban jata hai.
Ye 1993 ki baat hai.
Tumhare pita ab 25 saal ke ho chuke the.
Kanuni roop se wo MLA kaa election lad sakte the.
Party ke local workers khule roop se unka naam future candidate ke liye lene lage the.
Dharmchand Patel ab State Capital ki politics me jyada active ho rha tha.
Isliye sabko lag rha tha ki agle election me uski jagah tumhare pita constituency se election ladenge.
Isi bich State Capital ke ak bade hotel me industrial development conference rakhi gyi.
Conference me government ministers, officers, industrialists, builders, transporters aur political leaders ko bulaya gya tha.
Conference kaa chief guest ruling party kaa state-level adhyaksh tha—
Kunwar Bhim Singh Thakur.
Me_ Bhim Tauji?
Dadaji_ Haa.
Tumhare bade Tauji.
Kunwar Bhim Singh Thakur mera sabse bada beta tha.
Vimla Devi se janma mera pahla beta.
Uske baad Bhanu Pratap kaa janm hua tha.
Me_ Aur papa?
Dadaji_ Abhay dono se chhota tha.
Bhim bahut pahle se politics me tha.
Party ke andar uski pakad itni strong thi ki ministers bhi uski baat ko lightly nhi lete the.
Lakin tumhare pita ne kabhi Bhim ke naam kaa use apne political career me nhi kia.
Bahar duniya ke liye dono bhai jarur the, lakin politics me dono ki identities alag thi.
Abhay chahta tha ki jo bhi jagah use mile, wo uski apni mehnat aur public support se mile.
Bhim bhi uski iss marji kaa samman karta tha.
Me_ Lakin dono ke relation achche the naa?
Dadaji_ Bahut madhur.
Bhim tumhare pita ko apne sage bhai se bhi jyada maanta tha.
Lakin dono public me apne emotions jyada show nhi karte the.
Conference se pahle hotel ke private room me Salman, Michael, Farooq aur Mahadev ki secret meeting huyi.
Salman room me aage-piche ghum rha tha.
Salman_ Abhay 25 kaa ho chuka hai.
Party kaa local unit uska naam candidate ke liye bhejne wala hai.
Agar wo election lad gya to use harana difficult hoga.
Mahadev_ Election me abhi time hai.
Salman_ Isi liye abhi rokna hai.
Michael_ Kese?
Salman ne sabki taraf dekha.
Salman_ Permanently.
Room me kuchh pal shanti chha gyi.
Mahadev_ Kyaa matlab permanently?
Salman_ Jo samajh rhe ho.
Mahadev kaa chehra badal gya.
Mahadev_ Me politics me opposition tak theek hu.
Murder kaa part nhi banunga.
Salman_ Jab tumne site kaa schedule diya tha, tab workers mar sakte the.
Mahadev_ Mene kisi ko marne ke liye nhi kaha tha.
Salman_ Result same ho sakta tha.
Mahadev_ Isliye ab dobara wo galti nhi karunga.
Farooq_ Salman, physical attack se sabka nuksan hoga.
Abhay kaa naam public me strong hai.
Uski death huyi to security officer, party aur media sab hamare network tak pahuchne ki koshish karenge.
Salman_ To tum log chahte kyaa ho?
Michael ne shant aawaj me jawab diya—
Michael_ Abhay ko marna nhi hai.
Uski political eligibility, public credibility aur party support ko khatam karna hai.
Salman_ Kese?
Michael_ Aisa criminal case, jisme party bhi usse bachane ki himmat naa kare.
Farooq_ Corruption case fail ho chuka hai.
Michael_ Corruption public ko confuse karta hai.
Violence public ko dara deta hai.
Mahadev_ Kesi violence?
Michael_ Conference ke bahar kuchh labour unions protest karne wale hai.
Mahadev_ Mujhe protest ke bare me pata hai.
Wo housing project ke labour contract ko lekar memorandum dena chahte hai.
Michael_ Normal protest ko violent banaya ja sakta hai.
Mahadev_ Kese?
Michael_ Ak group Abhay ke political workers jesa dikhayi dega.
Dusra labourers ke bich hoga.
Argument hoga.
Patthar chalenge.
security officer lathi-charge karegi.
Agar ak-do log seriously injured hue, to blame Abhay ke workers per jayega.
Salman_ Bus injury?
Michael_ Agar situation control se bahar gyi aur kisi ki death huyi, to Abhay per criminal conspiracy kaa aarop lagega.
Mahadev chair se khada ho gya.
Mahadev_ Nhi.
Me iss plan kaa part nhi hu.
Michael_ Aapko kuchh nhi karna.
Bus Abhay ke local workers ki list aur unke scarves, badges aur slogans ki information chahiye.
Mahadev_ Wo information fake workers ko dene ke liye?
Michael_ Aapko purpose puchne ki jarurat nhi.
Mahadev_ Ab mujhe purpose pata hai.
Me kuchh nhi dunga.
Salman_ Tum bahut late moral ban rhe ho.
Mahadev_ Mene Abhay se gaddari ki hai.
Lakin me kisi innocent labourer ki jaan lene kaa plan nhi banaunga.
Salman_ Abhay tumhe wapas apne paas nhi lega.
Mahadev_ Mene ye bhi accept kar lia hai.
Michael ne dono ko roka.
Michael_ Conference aaj hai.
Argument kaa time nhi.
Mahadev information de ya naa de, hume kaafi details pahle se mil chuki hai.
Mahadev ne Michael ki taraf dekha.
Mahadev_ Kisne di?
Michael_ Har information kaa ak hi source nhi hota.
Mahadev_ Agar aaj koi mara, to me security officer ko sab bata dunga.
Salman uski taraf badha.
Salman_ Dhamki?
Mahadev_ Warning.
Farooq bich me aa gya.
Farooq_ Bas.
Abhi conference start hone wali hai.
Mahadev room se bahar chala gya.
Salman_ Ye aadmi problem banega.
Michael_ Abhi nhi.
Lakin isper najar rakho.
Me_ Kyaa Mahadev ne papa ko warn kia?
Dadaji_ Directly nhi.
Usse darr tha ki agar wo tumhare pita se mila to Salman ko pata chal jayega.
Usne anonymous message Rajput Construction ke office bhejne ki koshish ki.
Lakin conference start hone tak message tumhare pita tak nhi pahucha.
Hotel ke main conference hall me bahut bade-bade businessmen aur leaders present the.
Stage per Ministers ke sath Bhim Singh Thakur baitha tha.
Tumhare pita ko builders aur young entrepreneurs wale section me seat mili thi.
Salman, Michael aur Farooq bhi front rows me the.
Mahadev piche political workers ke bich khada tha.
Tumhare pita ne Bhim ko stage per dekha.
Dono ki najre ak pal ke liye mili.
Bhim ke chehre per normal political expression tha.
Usne bus halka sa sir hilaya.
Tumhare pita ne bhi wahi kia.
Me_ Dono mile nhi?
Dadaji_ Public function me normal tarike se mile.
Bhim party kaa state president tha.
Tumhare pita ak young businessman aur political strategist.
Bhim nhi chahta tha ki logo ko lage Abhay ko family relation ki wajah se special attention mil rhi hai.
Aur Abhay to wese bhi ye bilkul nhi chahta tha.
Conference me industrial development, government policies aur private investment per speeches huyi.
Tumhare pita ko bhi short presentation dene ke liye bulaya gya.
Anchor_ Ab hum Rajput Construction ke Kunwar Abhay Pratap Singh Thakur ko invite karte hai.
Abhay stage per gye.
Bhim chair per baitha unhe dhyan se dekh rha tha.
Abhay_ Development kaa matlab sirf badi factories aur buildings nhi hai.
Agar kisi project se government ko tax aur company ko profit mile, lakin local logo kaa pani, jamin ya employment chala jaye, to wo balanced development nhi.
Private business ko profit kaa haq hai.
Lakin public resources ki responsibility bhi hai.
Government aur businessman kaa relation favours kaa nhi, accountability kaa hona chahiye.
Hall me tali bajne lagi.
Bhim ne bhi normal tarike se tali bajayi.
Salman ne Michael ke paas jhukkar kaha—
Salman_ Har jagah speech dekar hero ban jata hai.
Michael_ Speech se nhi.
Log uski baat per trust karte hai, isliye.
Conference hall ke bahar labour unions kaa protest shuru ho chuka tha.
Pahle sab normal tha.
Workers banners lekar khade the.
Wo pending wages, housing project me local employment aur safety conditions ki demands rakh rhe the.
security officer ne unke liye ak separate area banaya tha.
Conference complete hone ke baad tumhare pita hall se bahar aaye.
Labour leaders ne unhe dekha aur aawaj lagayi—
Labour Leader_ Kunwar sahab, hamara memorandum lijiye!
Security Officer_ Sir, aap car ki taraf chaliye.
Abhay_ Wo mujhe bula rhe hai.
Security Officer_ Crowd controlled nhi hai.
Abhay_ Me unse baat karke aata hu.
Aftab tumhare pita ke sath tha.
Aftab_ Memorandum officer ko de denge.
Abhay_ Housing project ki complaint hai.
Company hamari hai.
Hume sunna chahiye.
Tumhare pita protest area ki taraf badhe.
Isi wakt fake workers kaa group crowd me enter hua.
Unhone wahi scarves aur badges pahne the, jo tumhare pita ke local political workers use karte the.
Ak fake worker ne labour leader se jor se kaha—
Fake Worker_ Kunwar sahab ko badnam karne aaye ho?
Labour Leader_ Hum apni wages ki baat kar rhe hai.
Fake Worker_ Political drama band karo.
Usne labour leader ko dhakka diya.
Dusri taraf se kisi ne patthar feka.
Patthar security officer barricade per laga.
security officer turant alert ho gyi.
Kuchh seconds me dono sides se shouting start ho gyi.
Fake workers tumhare pita kaa naam lekar slogans bolne lage—
“Kunwar Abhay jindabad!”
Fir unhone labourers ko dhamkana shuru kia.
Me_ Taaki lage papa ke supporters violence kar rhe hai?
Dadaji_ Haa.
security officer ko laga tumhare pita ke supporters protestors per attack kar rhe hai.
Ak aur patthar security officer officer ke sir per laga.
security officer ne lathi-charge kaa order dene ki taiyari ki.
Tumhare pita crowd ke paas pahuch chuke the.
Unhone fake workers me se kuchh logo ko dekha.
Abhay_ Ye hamare workers nhi hai.
Aftab_ Pakka?
Abhay_ Me apne local workers ko janta hu.
Inme se ak bhi party office kaa regular aadmi nhi.
Tumhare pita barricade ke uper chadhkar tej aawaj me bole—
Abhay_ Sab log piche hato!
Kisi ko patthar nhi fekna!
Crowd me kuchh pal confusion hua.
Fake workers kaa leader bola—
Fake Worker_ Kunwar sahab, hum aapke liye—
Abhay_ Tum kon ho?
Fake Worker_ Party worker.
Abhay_ Konsi ward unit?
Fake worker jawab nhi de saka.
Abhay_ Badge pahen lene se koi mera worker nhi ho jata.
security officer Officer_ Kunwar sahab, aap crowd se bahar aaiye.
Abhay_ Officer sahab, ye log fake hai.
Inhe separate kijiye.
Isi bich fake group kaa ak aadmi labourers ke bich ghuskar petrol se bhari chhoti bottle nikalne laga.
Me_ Wo aag lagana chahta tha?
Dadaji_ Haa.
Conference ke bahar khadi ak government jeep ko target kia gya tha.
Aag lagti to security officer firing tak situation pahuch sakti thi.
Mahadev ne us aadmi ko bottle nikalte dekh lia.
Wo crowd ke piche khada tha.
Usne turant uska hath pakad lia.
Mahadev_ Ye kyaa hai?
Aadmi ne Mahadev ko dhakka diya.
Bottle niche girkar toot gyi, lakin aag nhi lagi.
Petrol ki smell fail gyi.
security officer ne dono ko pakadne ki koshish ki.
Aadmi Mahadev ko chaku dikhakar bhagne laga.
Tumhare pita ne use dekha.
Abhay_ Pakdo use!
security officer aur security guards uske piche bhaage.
Wo aadmi hotel ke parking area ki taraf bhaga.
Ak motorcycle pahle se start thi.
Lakin gate close ho chuka tha.
security officer ne use gher lia.
Usne resistance kia, lakin pakda gya.
Crowd me petrol bottle milne ke baad security officer ko samajh aa gya ki protest ko jaan-bujhkar violent banaya gya tha.
Lathi-charge roka gya.
Labour leaders aur asli workers ko ak side kia gya.
Fake scarves aur badges wale 11 log pakde gye.
Me_ Mahadev ne papa ko bachaya?
Dadaji_ Usne situation ko bahut bada hone se roka.
Lakin wo tumhare pita ke samne nhi aaya.
security officer usse witness ke roop me le gyi.
Tumhare pita ne labour leader kaa memorandum lia.
Abhay_ Aapki pending wages ki inquiry kal se start hogi.
Labour Leader_ Kunwar sahab, violence hamne start nhi ki.
Abhay_ Mujhe pata hai.
Aapke bich outside men enter hue the.
Labour Leader_ Wo aapka naam le rhe the.
Abhay_ Naam lene se wo mere aadmi nhi ho jate.
Har arrested aadmi ki identity verify hogi.
Aftab_ Abhay, pahle yaha se chalo.
Abhay_ Injured workers?
security officer Officer_ Ambulance aa rhi hai.
Ak security officer constable aur 6 workers ko chot lagi thi.
Kisi ki death nhi huyi.
Conference kaa environment tense ho gya.
Media ne turant headlines chalani shuru kar di—
“Industrial conference ke bahar violence.”
“Kyaa Kunwar Abhay ke supporters ne labour protest per attack kia?”
Lakin petrol bottle aur fake identity wale workers ki arrest ki khabar bhi jaldi saamne aa gyi.
Bhim Singh Thakur conference hall se bahar aaye.
security officer aur party leaders unke aas-paas the.
Unhone tumhare pita ko injured labourers ke sath khada dekha.
Bhim_ Kunwar Abhay, aap theek hai?
Abhay_ Ji.
Bhim_ Security ne aapko crowd me jane se roka nhi?
Abhay_ Roka tha.
Bhim_ Fir bhi gye?
Abhay_ Complaint hamari company se related thi.
Bhim ne kuchh pal unhe dekha.
Bhim_ security officer ko investigation karne dijiye.
Koi public statement documents ke bina mat dena.
Abhay_ Ji.
Public ke samne dono kaa conversation bilkul formal tha.
Lakin Bhim ki aankho me chinta tumhare pita ne samajh li thi.
Bhim stage area ki taraf wapas chale gye.
Me_ Bhim Tauji ne papa ko alag se nhi bulaya?
Dadaji_ Conference ke baad bulaya.
Lakin uss room me dono ke bich kyaa baat huyi, ye uss wakt mujhe bhi nhi pata tha.
Bhim ne saalo tak wo baat kisi ko nhi batayi.
Me_ Aapko baad me pata chala?
Dadaji_ Haa.
Lakin wo baat tumhe Bhim khud batayega.
Me_ Abhi kyun nhi?
Dadaji_ Kyunki kuchh confession dusre ke muh se sunna jaruri hota hai.
Me_ To aapko pata hai ki unhone kyaa kaha tha?
Dadaji_ Pata hai.
Lakin abhi itna samjho—
Bhim ne tumhare pita se kaha tha ki agar conference attack ke piche powerful political ya business network hai, to wo apni position kaa use karke investigation strong karwa sakta hai.
Tumhare pita ne mana kar diya.
Me_ Kyun?
Dadaji_ Wahi purani zid.
Abhay nhi chahta tha ki Bhim uske lafdo me involve ho.
Use lagta tha ki wo apne dushmano ko khud handle kar sakta hai.
Aur Bhim ne uski baat maan li.
Ye decision baad me Bhim ko zindagi bhar dard dene wala tha.
security officer interrogation me fake workers ki identities saamne aayi.
Kuchh daily-wage labourers the, jinhe ₹500 aur khana dene kaa promise hua tha.
Unhe kaha gya tha ki bus slogans lagane hai aur protestors se argument karna hai.
Unhe real planning kaa pata nhi tha.
Petrol bottle wala aadmi professional criminal tha.
Uska naam Ashok Kale tha.
Me_ Marathi tha?
Dadaji_ Haa.
Lakin uska crime uske background ki wajah se nhi tha.
Wo paise lekar political events me violence create karta tha.
Usper pahle bhi assault aur illegal recovery ke cases the.
security officer_ Tumhe kisne hire kia?
Ashok_ Ak aadmi ne.
security officer_ Naam?
Ashok_ Nhi pata.
security officer_ Payment kisne diya?
Ashok_ Cash.
security officer_ Meeting kaha huyi?
Ashok_ Bus stand ke piche.
security officer_ Description?
Ashok ne jo description diya, wo Mahadev Deshmukh se milta-julta tha.
Me_ Mahadev ne khud use pakda tha. Fir wo hire kese kar sakta tha?
Dadaji_ Yahi confusion create karna purpose ho sakta tha.
Ashok ne kaha hiring wale aadmi ne Marathi accent me baat ki aur apna naam “M. Deshmukh” bataya.
Mahadev per turant shak gya.
security officer ne use question kia.
Inspector_ Ashok kahta hai use M. Deshmukh ne hire kia.
Mahadev_ Mene hi petrol bottle pakdi thi.
Agar plan mera hota to me use rokta kyun?
Inspector_ Apne aapko clean dikhane ke liye.
Mahadev_ Me stupid nhi hu ki apna hi surname bata kar criminal hire karunga.
Inspector_ Tum Salman ke camp me ho.
Mahadev_ Haa.
Lakin murder plan me nhi.
Inspector_ Conference se pahle Salman se mile the?
Mahadev chup ho gya.
Inspector_ Michael aur Farooq bhi meeting me the?
Mahadev_ Mujhe lawyer chahiye.
Me_ Kyaa Mahadev ne meeting kaa sach security officer ko bataya?
Dadaji_ Pura nhi.
Usne bus ye kaha ki meeting business aur political strategy ke liye thi.
Murder ya violence discussion deny kar diya.
Me_ Kyun?
Dadaji_ Kyunki sach batata to khud bhi conspiracy me fas sakta tha.
Usne project schedules aur political information pahle hi leak ki thi.
Use darr tha ki security officer purane cases bhi khol degi.
Lakin usne tumhare pita ko ak anonymous note bheja—
“Conference violence kaa main plan tumhe criminal case me fasana tha. Agli baar fake supporters ko pahchanne kaa system banao. Tumhare aas-paas ke symbols, badges aur routes copy kiye ja rhe hai.”
Tumhare pita ne note padhkar kaha—
Abhay_ Ye Mahadev ne bheja hai.
Aftab_ Kese pata?
Abhay_ Words dekho—“fake supporters.”
Conference me petrol bottle usne pakdi.
Wo directly saamne nhi aana chahta.
Aftab_ Usne pahle hume betray kia.
Abhay_ Iska matlab ye nhi ki wo har crime me comfortable hoga.
Aftab_ Tum use fir trust karoge?
Abhay_ Nhi.
Lakin information ignore bhi nhi karunga.
Nimrit ko jab conference attack ki puri detail mili, wo turant ghar aayi.
Tum uss wakt lagbhag ak saal ke the.
Manjot tumhe drawing room me khila rhi thi.
Nimrit ne enter karte hi tumhare pita ko dekha.
Nimrit_ Aap crowd me kyun gye?
Abhay_ Labourers hamari company ke against complaint dene aaye the.
Nimrit_ security officer receive kar sakti thi.
Abhay_ Unhe mujhse baat karni thi.
Nimrit_ Petrol bottle thi.
Fake workers the.
Chaku tha.
Aapko pata nhi tha crowd me kon hai.
Abhay_ Isliye hi gaya.
Nimrit_ Ye logic nhi hai.
Abhay_ Agar me dur khada rahta to fake workers mere naam per violence karte.
Nimrit_ Aap security ke sath situation handle kar sakte the.
Abhay_ Wakt nhi tha.
Nimrit_ Har baar aapke paas yahi answer hota hai.
Tumhare pita chup ho gye.
Nimrit ki aankho me gussa se jyada darr tha.
Abhay_ Me theek hu.
Nimrit_ Aaj.
Kal?
Abhay_ Me careful rahunga.
Nimrit_ Ye promise kitni baar sun chuki hu.
Abhay_ Fir kyaa karu?
Nimrit ne tumhari taraf ishara kia.
Nimrit_ Isse dekhiye.
Aapke paas ab bus apni life nhi hai.
Abhay ne tumhe Manjot ki god me dekha.
Tum bina kuchh samjhe toy pakadkar khel rhe the.
Nimrit_ Aapko kuchh hota hai to sirf political leader ya businessman nhi marta.
Kisi kaa husband aur kisi kaa father bhi chala jata hai.
Room me shanti ho gyi.
Manjot ne tumhe mujhe de diya aur khud room se bahar chali gyi, taki Abhay aur Nimrit akele baat kar sake.
Abhay_ Sorry.
Nimrit_ Mujhe sorry nhi chahiye.
Plan chahiye.
Abhay_ Kesa plan?
Nimrit_ Political events me verified volunteer list.
Unique identity cards.
Entry per photographs.
Security briefing.
Aap crowd me bina security officer coordination enter nhi karenge.
Abhay_ Ye political rally hai ya government office?
Nimrit_ Jis din petrol bottle mili, uss din difference khatam ho gya.
Abhay_ Theek hai.
Nimrit_ Written system banega.
Abhay_ Aftab handle karega.
Aftab_ Har dangerous decision tum log lete ho aur paperwork mujhe milta hai.
Nimrit_ Kyunki aap responsible hai.
Aftab_ Bhabhi, kabhi-kabhi mujhe bhi irresponsible rehne kaa chance dijiye.
Conference incident ke baad tumhare pita ne political workers kaa formal registration start karwaya.
Har ward unit ki list bani.
Badges kaa design regularly change hota.
Large events me volunteers ki photograph aur local reference verify ki jati.
Me_ Ye sab maa kaa idea tha?
Dadaji_ Nimrit kaa administrative mind aur Abhay kaa political experience milkar system bana.
Conference attack kaa public result dushmano ki expectation ke opposite hua.
Tumhare pita per violence kaa aarop establish nhi hua.
Ulta unhone labourers ki demands ki inquiry start karwayi.
Rajput Construction ke do local contractors ne wages delay ki thi.
Aftab ne investigation ke baad unke contracts cancel kiye.
Pending wages company ne workers ko di aur amount contractors ki security deposit se recover kia.
Abhay_ Protest genuine tha.
Fake violence ki wajah se workers ki real problem ignore nhi honi chahiye.
Nimrit_ Sahi decision.
Abhay_ Official approval mil gya?
Nimrit_ Me aapki wife hu. Company officer nhi.
Aftab_ Lakin final approval fir bhi inhi kaa lagta hai.
Me_ Bhim Tauji ne conference investigation me help nhi ki?
Dadaji_ Nhi.
security officer ne normal process se investigation ki.
Bhim chahta to state-level special team lagwa sakta tha.
Lakin tumhare pita ne usse dur rehne ko kaha.
Bhim ne direct ya indirect pressure nhi banaya.
Usne party leaders ko bhi bus itna kaha—
Bhim_ Investigation ko political colour mat do.
Kanun ko kaam karne do.
Na Abhay ko bachane kaa pressure aur naa use fasane kaa.
Me_ Kyaa Bhim Tauji ko bura nhi laga ki papa unki help nhi le rhe?
Dadaji_ Laga tha.
Lakin wo Abhay ki independence janta tha.
Usse lagta tha ki chhota bhai jab sach me help chahega, khud aayega.
Ye soch uss wakt reasonable thi.
Baad me yahi soch uske guilt kaa reason bani.
Me_ Accident ke baad?
Dadaji_ Haa.
Lakin abhi 1993 tha.
Tumhare pita jinda the.
Tumhari maa service me thi.
Tumhari Dadi Manjot tumhare piche pure ghar me ghumti thi.
Aur hume lagta tha ki hamare paas abhi bahut samay hai.
Industrial conference ke kuchh hafte baad Ashok Kale jail se court le jate wakt security officer van me kisi se mila hua ak note lekar pakda gya.
Note me likha tha—
“Deshmukh kaa naam pakadkar rakhna. Baki payment family ko mil jayega.”
Me_ Matlab use Mahadev kaa naam lene ke paise mil rhe the?
Dadaji_ Haa.
security officer ne Ashok ke pariwar ke bank records check kiye.
Uski wife ke account me ₹50,000 deposit hue the.
Deposit ak small transport company ke account se aaya tha.
Company kaa naam tha—
Southern Freight Carriers.
Me_ Kiska business tha?
Dadaji_ Paper per owner ak aadmi tha—
Suresh Nair.
Kerala se aaya hua transport businessman.
Me_ Naya South Indian rival?
Dadaji_ Ho sakta tha.
Lakin Suresh Nair Salman ya Michael jesa openly powerful nhi tha.
Uski company chhoti thi.
Wo bade transporters ke liye subcontracting karta tha.
security officer ne use bulaya.
Suresh_ Mene koi payment personally approve nhi kia.
Accountant ne kia hoga.
Inspector_ Payment description “consultancy” hai.
Konsi consultancy?
Suresh_ Mujhe nhi pata.
Inspector_ Ashok Kale ki wife ne aapki company ko kyaa service di?
Suresh_ Shayad staff welfare payment ho.
Inspector_ Aapke staff me Ashok ya uski wife kaa naam nhi.
Suresh_ Accounts check karne honge.
Company accountant gayab tha.
Uska naam tha—
Ramesh Pillai.
Me_ Fir se koi aadmi gayab.
Dadaji_ Network kaa tarika yahi tha.
Paper per chhoti company.
Cash aur fake consultancy.
Payment ke baad responsible employee gayab.
Suresh Nair ne kaha accountant ne uske sign forge kiye.
Handwriting report me payment voucher per Suresh kaa sign genuine nikla.
Suresh_ Me bahut vouchers sign karta hu.
Blank voucher hoga.
Inspector_ Blank documents sign karte ho?
Suresh_ Business me kabhi-kabhi.
security officer ne use direct conspiracy me arrest nhi kia, lakin financial irregularity kaa case register hua.
Tumhare pita ne Aftab se kaha—
Abhay_ Southern Freight Carriers kaa Salman se connection dhundo.
Aftab_ Ak route per Pathan Transport kaa subcontractor hai.
Abhay_ Michael?
Aftab_ Michael ke road project me bhi trucks diye hai.
Abhay_ Farooq?
Aftab_ Hill resort ke initial stone transport kaa quotation diya tha.
Abhay_ Tino se connected.
Aftab_ Ya normal transport market me tino ke sath kaam karta ho.
Abhay_ Proof ke bina conclusion nhi.
Aftab_ Ab tum meri line chura rhe ho.
Nimrit ne financial trail dekhkar kaha—
Nimrit_ Suresh Nair mastermind nhi lagta.
Abhay_ Kyun?
Nimrit_ Ya to wo careless businessman hai, jiske accounts koi aur use kar rha hai…
Ya wo paise ke liye apni company kaa naam dene wala front hai.
Aftab_ Dono dangerous hai.
Nimrit_ Haa.
Lakin hume ye pata lagana hai ki accountant Ramesh Pillai kis contact me tha.
security officer ko Ramesh kaa ak old address mila.
Room khali tha.
Lakin landlord ne kaha ki Ramesh ko kuchh mahino se ak well-dressed aadmi milne aata tha.
security officer ne photographs dikhayi.
Landlord ne Michael, Salman aur Farooq ko identify nhi kia.
Mahadev ki photo dekhkar bhi mana kar diya.
Anthony Pereira ki photo per wo ruk gya.
Landlord_ Isse milta-julta tha.
Me_ Fir Anthony pakda gya?
Dadaji_ Anthony ne kaha wo Ramesh ko official bank verification ke through janta tha.
Direct proof fir incomplete.
Lakin ab chain me Anthony baar-baar aa rha tha.
Tumhare pita ne “Project Suraksha” file me naya section add kia—
Anthony Pereira Network.
Nimrit_ Naam neutral rakhiye.
Abhay_ Wo har forgery me aas-paas milta hai.
Nimrit_ Fir bhi final proof nhi.
Abhay_ Theek.
“Financial Document Leak Network.”
Aftab_ Ye government file kaa naam lag rha hai.
Nimrit_ Achcha hai.
Kam se kam emotional title nhi.
Conference attack fail ho gya.
Lakin dushmano kaa network tuta nhi.
Salman ko gussa tha ki Abhay aur popular ho gya.
Michael ko concern tha ki security officer financial routes tak pahuch rhi hai.
Farooq chahta tha ki investigation uske hotel businesses tak naa aaye.
Aur Mahadev ko samajh aa gya tha ki Salman aur Michael use kabhi bhi scapegoat bana sakte hai.
Ak raat Mahadev ne apne ghar me ak diary likhni shuru ki.
Usne dates, meetings aur payments ke bare me short notes likhe.
Lakin kisi kaa pura naam nhi.
Bus initials—
S.P.
M.D.
F.M.
A.P.
Aur ak naya initial—
B.R.
Me_ B.R. kon tha?
Dadaji_ Hume uss wakt nhi pata tha.
Mahadev ki diary bhi hume bahut baad me mili.
Me_ Kyaa B.R. mastermind tha?
Dadaji_ Ho sakta hai.
Lakin story me har initial kaa matlab wahi nhi hota, jo pahli najar me lage.
1993 ke end tak tumhare pita election ki formal preparation start karne wale the.
Party ke local leaders unhe candidate declare karwana chahte the.
Lakin tumhare pita ne ak unexpected decision lia.
Me_ Kyaa?
Dadaji_ Unhone kaha—
Abhay_ Me agla election turant nhi ladunga.
Dharmchand_ Kyaa?
Aftab_ Tum 25 ke hone kaa intejar kar rhe the.
Abhay_ Haa.
Lakin abhi housing project complete nhi hua.
Public welfare trust kaa kaam bhi adhura hai.
Dharmchand_ Politics me perfect time kaa intejar karoge to moka chala jayega.
Abhay_ Me bus seat ke liye election nhi ladna chahta.
Pahle ak clear public agenda chahiye.
Dharmchand_ Party ticket ready ho sakta hai.
Abhay_ Party ticket se pahle public work ready hona chahiye.
Aftab_ Dushmano ko extra time milega.
Abhay_ To mile.
Me fear ki wajah se election nhi ladunga.
Me_ Bhim Tauji ne unhe election ladne ko nhi kaha?
Dadaji_ Party ke state president ke roop me Bhim decision process me tha.
Lakin usne Abhay kaa naam push nhi kia.
Abhay ne kabhi usse support manga hi nhi.
Bhim ne local committee ko kaha—
Bhim_ Candidate ground report aur organization recommendation se decide hoga.
Family relation se nhi.
Kuchh party leaders ko laga Bhim apne chhote bhai se distance bana rha hai.
Kuchh ko laga dono ke relation achche nhi.
Sach bus Abhay aur Bhim jante the.
Dono jaan-bujhkar politics me ak dusre se distance rakh rhe the.
Me_ Papa ko bura nhi lagta tha?
Dadaji_ Nhi.
Ye distance unki apni marji thi.
Lakin Nimrit ne ak raat unse pucha—
Nimrit_ Aap Bhim Bhaiya se help kyun nhi lete?
Abhay_ Mujhe help ki jarurat nhi.
Nimrit_ Har insaan ko kabhi naa kabhi hoti hai.
Abhay_ Unki apni state-level responsibilities hai.
Mere business rivals aur local political conflicts me unhe kyun lau?
Nimrit_ Kyunki wo aapke bade bhai hai.
Abhay_ Isi liye dur rakhna chahta hu.
Mere dushman unper aarop lagayenge ki wo mujhe protect kar rhe hai.
Unki party position weak hogi.
Nimrit_ Aur agar situation serious ho gyi?
Abhay_ Tab bhi pahle khud handle karunga.
Nimrit_ “Pahle” aur “hamesha” me fark rakhiye.
Abhay_ Theek hai.
Bahut serious situation huyi to baat karunga.
Nimrit_ Promise?
Abhay_ Promise.
Dadaji_ Lakin tumhare pita ne wo promise kabhi properly pura nhi kia.
Aur Bhim ne kabhi force karke unki life me enter nhi kia.
Dono ko lagta rha samay bahut hai.
1994 aane wala tha.
Tum ab chalna seekh rhe the.
Manjot tumhare piche pure ghar me ghumti.
Tumhare pita kaa business strong tha.
Nimrit kaa administrative record achcha tha.
Aur bahar se lagta tha ki conference attack ke baad dushman shant ho gye hai.
Lakin Mahadev ki diary me ak nayi date likhi gyi—
“Agla plan—pariwar kaa route.”
Me_ Kiska pariwar?
Dadaji ne meri taraf dekha.
Dadaji_ Tumhare pita kaa.
Lakin ye 1996 wale accident kaa final plan nhi tha.
1994 me pahle ak chhoti testing honi thi.
Wo dekhna chahte the ki tumhare pariwar ki car movement, security response aur emergency ke wakt tumhare pita kyaa decision lete hai.
Aur iss testing ke liye unhone target choose kia—
Tumhari Dadi Manjot aur tumhe.