[JustRandom]

Take care bro.
Least bother about this story.

Thank you Mr Perfect.

[JustRandom]

బట్టలు మార్చుకుంటున్న స్పందన.

AI generated image  

ఇటువంటి AI జెనెరేటెడ్ ఫొటోస్ పెట్టాలా వద్దా? మీకు నచ్చాయా లేదా కామెంట్స్ లో చెప్పండి. దాన్ని బట్టి నేను వీటి మీద నిర్ణయం తీసుకుంటాను. 

[JustRandom]

Wow fabulous keka asala expect cheyaledhu e suspense mathram keka undhe bro update mathram next em ayudho spandhana Elanti replay esthundho anne kadhu kane epudu kittu and spandhana madhya sambashana vinadanike yedhuri chusthunanu

Thank you for sharing your feedback andi.

[JustRandom]

కథ చాల బాగుంది. చాల వరకు మీ పాత్రల పరిచయం వర్ణ అతీతం.....

ఇలా ఏ కథలను చదువుతువుంటే ఏదో తెలియని ఒక అనుభూతి. కథ చదువుతునంత వారికి కూడా మనసుకి ఏదో తెలియని యాహ్లాధం. 
స్టోరీ మాత్రం చాల బాగుంది.  ఇలానే ముందుకు కదులుతూ ఉండాలని కోరుకుంటూ 
మీ అభిమాని 
  - కిట్టు -


గమనిక :  మీరు కొంచం అప్డేట్ తొరగా ఇవ్వగలని కోరుకుంటూ.

థాంక్యూ ఫర్ యువర్ కామెంట్స్ అండి. చాల సంతోషం! వీలున్నంత త్వరగా ఇస్తాను. నాకు కూడా ఈ కథ ముగించి ఇంకో కథ మొదలెట్టాలి అనే ఆత్రుత ఉంది. కాబట్టి వీలైనంత త్వరగా ముగిస్తాను.  

[JustRandom]

Episode - 17

సమీర తలుపు మూసేశాక స్పందన లోపలి నుంచి లాక్ చేసుకుంది. చేతిలో ఫోన్ మోగుతోంది. కిట్టు పేరు ఫ్లాష్ అవుతోంది. ఎత్తాలంటే చేతులు కాళ్ళు వొణుకుతున్నాయి. ఈలోగా రింగింగ్ ఆగిపోయింది. వెంటనే కిట్టు నుంచి మెసేజ్ వచ్చింది. 


సారీ. నీ మెసేజెస్ ఇప్పుడే చూసాను. చూడగానే కాల్ చేశాను.... 

స్పందన రిప్లై ఇవ్వాలి అనుకుంది. కానీ టైపింగ్.... టైపింగ్... టైపింగ్..... అని వస్తోంది. కిట్టు ఏదో చెప్పబోతున్నాడు అని ఆగిపోయింది. కానీ ఏమి మెసేజ్ రాలేదు.

ఒక రెండు నిమిషాలు ఆగి తాను మెసేజ్ చేసింది. ఉన్నాను. కాల్ చెయ్యి.
మెసేజ్ పెట్టక ఆలోచించింది. అదేదో నేనే కాల్ చేయచ్చు కదా. చెయ్యమని ఎందుకు పెట్టాను మెసేజ్. బుర్ర పని చెయ్యట్లేదు. అనుకుంది.

కిట్టు మళ్ళీ కాల్ చేసాడు. ఫోన్ ఎత్తింది. కానీ ఏమి మాట్లాడలేదు.

కిట్టు: హలో. ఉన్నావా.. హలో...

కిట్టు ఫోన్ పెట్టేసాడు. 

సమీర ఫోన్ వైపే చూస్తోంది. ఏమి చేస్తోంది తెలీదు. భయంగా ఉంది. బెరుకుగా ఉంది. కానీ మాట్లాడాలి అని ఉంది. కానీ ఏమి మాట్లాడాలో తెలీట్లేదు. పెళ్ళికి ఒప్పుకున్నాను అని చెప్పాలా? వద్దు అని చెప్పాలా? పెళ్ళికి నో అని చెప్తే కిట్టు ఏమంటాడు? తనకి కోపం వస్తుందా? లేక తాను కూడా వద్దు అనుకుంటున్నాడా? ఇలా ఎన్నో ఆలోచనల నడుమ ఫోన్ మళ్ళీ మోగింది. ఈసారి వాట్సాప్ కాల్ చేసాడు. స్పందన ఫోన్ ఎత్తింది.

కిట్టు: హలో స్పందన. 

స్పందన: హ్మ్మ్...

కిట్టు: సారీ ఈ టైం లో కాల్ చేసాను. పరిస్థితి అలాంటిది కదా. తప్పలేదు.

స్పందన: హ్మ్మ్..

కిట్టు: ఓయ్, నువ్వు ఏంటి ఏమి మాట్లాడట్లేదు. కోపం వచ్చిందా?

స్పందన ఒక అయిదు సెకన్లు ఆగింది. 

స్పందన: హ్మ్మ్...

కిట్టు: నా మీద కూడా నా?

స్పందన: హ్మ్మ్.

కిట్టు ఓకే అరా నిమిషం మాట్లాడలేదు. స్పందన కూడా ఏమి మాట్లాడలేదు. ఒకళ్ళ మీద ఒకళ్ళు పంచ్ లు వేసుకుంటూ చలాకీగా ఉండే వాళ్ళ కబుర్లని ఈ సరికొత్త మౌనం ఆక్రమించింది. 

కిట్టు: సరే. నీ మూడ్ ఎలా ఉందో నాకు తెలీదు. కానీ నేను అర్థం చేసుకోగలను. కాకపోతే నా సైడ్ నుంచి నీకు క్లారిటీ ఇవ్వాలి అనుకుంటున్నాను. 

స్పందన రిప్లై ఇవ్వలేదు. కానీ కిట్టు మాట్లాడాడు.

కిట్టు: మీ అక్క నాతో ఏమి డిస్కస్ చెయ్యలేదు. తనతో నా పెళ్లి కాన్సల్ చేద్దాము అంది. అక్కడితో ఆగకుండా నిన్ను పెళ్లి చేసుకోమని అడిగింది. అసలు నేనే ఊహించని ప్రశ్న అది. ఆ షాక్ లో ఉన్నాను. అదే టైంలో ఇంటికి రమ్మంది. నేను ఆ షాక్ లో డ్రైవ్ చేశాను. నా పక్కనే ఉన్న నీకు నేను ఎలా చెప్పగలను. అందుకే సైలెంట్ గా ఉన్నాను. ఇంటికి రాగానే మీ అక్కనే చెప్పింది. 

స్పందన: మరి నన్ను పెళ్లి చేసుకోమంటే నువ్వేమి చెప్పావు అక్కకి.

కిట్టు సైలెంట్ అయ్యాడు. నిజానికి వాడు నో అని చెప్పాలి. కానీ చెప్పలేదు. అది ఎందుకు చెప్పలేదు వాడు కూడా ఆలోచించలేదు. ఇప్పుడు స్పందన అడిగాక తట్టింది. 

కిట్టు: నేను ఏమి చెప్పలేదు. షాక్ లో ఉన్నాను కదా. 

స్పందన: మరి ఏమని చెప్తావు.

కిట్టుకి అర్థం కావట్లేదు. యెస్ అని చెప్తే స్పందన తప్పుగా అర్థం చేసుకుంటుంది. నో అని అంటే తనని అవమానించినట్టు ఉంటుందేమో అని సంకోచించాడు. కానీ సమయస్ఫూర్తి ఉన్నవాడు కదా. మేనేజ్ చేయడానికి ట్రై చేసాడు. 

కిట్టు: అదే ప్రశ్న నిన్ను అడిగితే సమాధానం ఉందా? 

స్పందన సైలెంట్ అయిపోయింది. 

కిట్టు: నీ దెగ్గర ఆన్సర్ ఉంటే నువ్వు మీ అక్కకి చెప్పావా?

స్పందన సైలెంట్. కిట్టు కూడా సైలెంట్.

స్పందన: నువ్వు నో అని చెప్తావేమో అనుకున్నాను. అలా చెప్పి మా అక్కని ఒప్పిస్తావు అనుకున్నాను.

కిట్టు: నీకు నా ఫ్లాష్ బ్యాక్ మొత్తం చెప్పను కదా. ఒక అమ్మాయికి ఇష్టం లేకుండా నేను ఎలా ఫోర్స్ చేస్తాను అనుకున్నావు. 

స్పందన: ఫోర్స్ కాదు. కన్విన్స్.

కిట్టు: ఇలాంటి విషయాలలో రెండు ఒకటే. అమ్మాయి నో అంటే నో. అంతే. ఇంకా వేరే ఆలోచనలు ఉండకూడదు. 

స్పందన వింటోంది. అదేంటో, ఇంత టెన్షన్ లో కూడా వాడిని మెచ్చుకోకుండా ఉండలేకపోతోంది. కాకపోతే బయటకి చెప్పట్లేదు.

స్పందన: మరి నా విషయం?

కిట్టు సైలెంట్ అయ్యాడు. మళ్ళీ సమయస్ఫూర్తి వాడాడు.

కిట్టు: నీకు ఇష్టం లేకపోతే నా ఇష్టంతో సంబంధం లేదు. 

స్పందన కి అర్థం అయింది. వాడు నో చెప్పట్లేదు. అలా అని ధైర్యంగా ఎస్ అని చెప్పట్లేదు. 

కిట్టు: మీ అక్క నాకు రేపటి దాకా టైం ఇచ్చింది. నీకు కూడా అంతే అనుకుంట కదా. రేపు నేను మా ఇంట్లో చెప్తాను. ఈ పెళ్లి కాన్సల్ అని. నువ్వు మీ అక్కకి చెప్పాల్సింది చెప్పేసెయ్యి. ఉంటాను.

కిట్టు ఫోన్ పెట్టేసాడు. స్పందనకి పిచ్చెక్కింది. వీడు ఏంటి క్లారిటీ ఇస్తాడు అనుకుంటే ఇంకా కన్ఫ్యుస్ చేసాడు. అంటే కిట్టుకి తనంటే ఇష్టమా? ఆలా ఎలా ఇష్టపడతాడు? అక్కని కదా ఇష్టపడాలి?

ఇంకాసేపు ఆగి మళ్ళీ ఆలోచన వచ్చింది. 

కిట్టుకి తనంటే ఇష్టం లేదా? అందుకే హర్ట్ అవ్వకూడదు అని డైరెక్ట్ గా నో చెప్పట్లేదు? అంత మంచి అబ్బాయికి తాను నచ్చలేదు అంటే అసలు తనకి ఎలాంటి మొగుడు వస్తాడో? అసలు అక్క చెప్పింది నిజమే నా? 

ఇంకాసేపు ఆగి మళ్ళీ ఆలోచనలు.

కిట్టు కి ఎస్ అని చెప్తే పెళ్లి చేసేస్తారా? అంటే, ఆ లైఫ్ ఎలా ఉంటుంది? అది ఆలోచించేలోపే నెగటివ్ ఆలచనలు వచ్చేసాయి. కిట్టు ని పెళ్లి చేసుకోకపోతే తనతో ఫ్రెండ్షిప్ కూడా కట్ అయినట్టేనా? ఇన్నాళ్ళకి ఒకో మంచి ఫ్రెండ్ దొరికాడు. నిజానికి లైఫ్ లో ఫస్ట్ టైం అంత మంచి స్నేహితుడు దొరకడం. వాడ్ని వదిలేయాలా? అలా అని స్నేహం కోసం పెళ్లి చేసుకోవాలా? స్నేహం వేరు పెళ్లి వేరు కదా? 


బుర్ర వేడెక్కింది. ఉన్న పళంగా తాను వేసుకున్న చుడిదార్ టాప్ తీసేసింది. పొద్దున్న నుంచి లోపల వొత్తుకుపోతున్న స్తనద్వయాన్ని విడుదల చేస్తూ వెనకాల వీపు మీద ఉన్న బ్రా హుక్స్ తీసేసింది. పైజామా నాడా లాగేసింది. అది జర్రున కిందకి జారిపోయింది. గుబురుగా ఉన్న ఆతులు పాంటీ లోంచి బయటకి వచ్చాయి. పాంటీని కూడా లాగి కిందకి జార్చేసింది. బ్రా పడేసి అలా బాత్రూమ్లోకి వెళ్లి షవర్ కింద నుంచుంది. చల్లటి నీళ్లు మీద పడుతుంటే తలా మీద నుంచి అవి కిందకి కారెప్పటికీ వేడిగా అయిపోయాయి. బుర్ర అంత హీట్ ఎక్కింది. స్నానం ముగించుకుని బయటకి వచ్చి టవల్తో తుడుచుకుని అలా బెడ్ మీద పడింది. 

టైం దాదాపు ఉదయం మూడు అయింది. ఇంకో నాలుగు గంటల్లో అక్కకి నిర్ణయం చెప్పాలి. ఏమని చెప్పాలి? అని ఆలోచిస్తూ నిద్రలోకి జారుకుంది. 

ఇంకా ఉంది

[JustRandom]

I'm always Lucky.

Nenu site ki gap ichhi malli vachesariki Updates Ready ga untay..

Hope Everything is fine about your health Bro..

Doing much better bro. Thank you for asking. Hope you enjoy this story.

[JustRandom]

చాలా మెచ్యూరిటీ గా రాసారు అప్డేట్

Thank you Shreedharan garu.

[JustRandom]

Nice update..... clp); clp); clp);  clp);

Thank you Jwala garu.

[JustRandom]

Nice update as usual ga chala baga rasaru..

Thank you, Mahesh garu.

[JustRandom]

Update bagundi bro manchi feel icharu, but sameera ala cancel cheyadam ento nachaledu, iddarni pelli cheskunna ok kani enduk badesindi ala ekkadiko velipota anatam

Life anthe kadandi. Anni anukunnattu jaragavu. Sameera ki kuda anthe.

[JustRandom]

Sry bro..naku nachaledhu..e update..
Story antha 3 r 4 chrtrs madhya tirugutundhi...story ni oka cage lo pettinattu anipinchindhi.
Sameera ki vunna phobia ni antha twaraga vaalla mother mundhu reveal chestaru anukoledhu..kittu chrtr avaru em cheppina sare anettu vundhi..sameera whole story ni single update lo marchesindhi..alanti situations lo ne manishi loni mrugam/swardham baitiki vastundhi but  story lo andaru Sameera cheppinattu veltunnattu anipistundhi...alane vundhi ..

New chrts introduce cheyandi...
Endhuku chepptunna ante me 1st 3 updates good story writing vundhi..
Idhi antha endhuku nak telidha story strustikartha ni anukutuntara ...just ignore

Thank you for your feedback andi. Nenu mee points annitiki ippude answer ivvalenu. Endukante I have a certain framework in my mind. Anduke screenplay ala undi. ikapothe: 

1) Indulo vere characters ekkuva undavu. Vere chinna characters like Tailor Patel, Tailor Rani, madhyalo vastaru. They have a limited scope but play in the progression of the story. This is supposed to be a story within one small family. 

2) Sameera alaa enduku marchesindi ante, meeru chuste Sameera is a main character. Tanu tana manasulo badha bhayam anni anuchukuni kurchundi. Sameera behavior vallane Spandana Kittu friends ayyaru. Sameera valane Spandana Kittu open up ayyaru. Ika ippudu pelli deggariki vachesariki inka laagi laabham ledu ani ala decide ayindi. And oka tandrileni small family of educated women story idi. Vallu chillara godavalu padaru. Life lo chala face chesaaru. self dependent aadavaru. They know how to control their emotions. Road lu ekki godavalu padaru. They express it differently. Meeru chuste character arcs veru untayi. Nenu explain cheste bavundadu. Readers feel it when they read. So Sameera actions will decide the flow.

3) Kittu ala enduku unnado strong backstory already undi. Anthe kaadu, inko chinna point nenu munde cheppesaanu. Kittu asalu pelli enduku chesukovali anukuntunnado episode 1 lo ne justification undi. Vaadi character anthe. Matured fellow. Kaani mondi kaadu. Life etu teeskelte ateltadu.

Inka munumundu chapters lo meeku nachani points ki justification chustaru ani anukuntunnanu. Hope you will like it.

Thanks!

[JustRandom]

చాలా బాగా రాసారు. ఏదైనా చేసేటప్పుడు పదిసార్లు ఆలోచించి చేయాలనుకునే కిట్టు తన అనుభవాలనుంచి, ఏదైనా మొహం మీదే చెప్పేసే స్పందన...ఇద్దరూ ఈ విషయానికి సైలంట్ అయిపోవడం బావుంది, నిజానికి అలాగే జరుగుతుందేమో. సమీర కూడా అలాగే ఆలోచించి వీళ్ళిద్దరికి కావలసినంత సమయమిచ్చింది ఏకాంతంగా గడపడానికి. ఇద్దరి మద్య ఐస్ ని ఎవరు బ్రేక్ చేస్తారో, లేక...వద్దులేండి విషాదాంతము. మీ శైలిలో కొనసాగించండి.

కథలో నేను చెప్పే విషయాన్నీ చాల అద్భుతంగా కాప్చర్ చేశారు. Two different people but same reaction. Adi chala aruduga jarugutundi.

You made my day. Thank you.

[JustRandom]

Chala Bagundhi sir.......
But e update and Last update lo kuda Same Question " ? ".
Who gave their consent ? ( ఎవరు వాళ్ళ అంగీకారాన్ని తెలిపారు ? )
Update Koncham thoraga evvagalara sir.....

Last time Update ku ( 20 to 27 Days ) chala samayam patindhi..... 
Meeru koncham vilu chusukoni thoraga update evvagalarani ashistu........

Thank you, will try my best.

[JustRandom]

Episode - 18

మరుసటిరోజు ఉదయం స్పందన లేట్ గా లేచింది. టైం తొమ్మిది అయింది. బయటకి వచ్చింది. ఇంట్లో ఎవ్వరు కనిపించలేదు. అంతా సైలెంట్ గా ఉంది. అక్క అమ్మ ఎక్కడికి వెళ్లారు అని చెప్పి ఇల్లంతా చూసింది. ఖాళీగా ఉంది. పొద్దున్నే ఎటెళ్లి ఉంటారు అని అనుకుంది. సరిగ్గా అప్పుడే గుర్తొచ్చింది. ఆరోజు వాళ్ళ అపార్ట్మెంట్ లో కింద మొబైల్ కూరగాయల వాన్ వస్తుంది. బహుశా కిందకి వెళ్లారు అని అనుకుంది. 
స్విచ్ ఆఫ్ అయిపోయిన తన ఫోన్ ఛార్జింగ్ కి పెట్టి బాత్రూం లోకి వెళ్ళింది ఫ్రెష్ అవుదామని. నోట్లో బ్రష్ పెట్టుకుని అద్దంలో చూస్తూ బ్రష్ చేసుకుంటోంది. కానీ మనసులో అలజడి ఏమి తగ్గలేదు. ఇంకా నిర్ణయానికి రాలేదు. కిట్టు తో జీవితం ఎలా ఉంటుందా అని ఆలోచిద్దాము అనుకున్న ప్రతిసారి అక్క జీవితం గుర్తొచ్చింది. అయినా అంత త్వరగా కిట్టు మనసు మార్చేసుకుంటాడా? అలా అక్క విషయంలో మార్చేసుకుంటే తన విషయంలో మార్చుకోడు అని గారంటీ ఏంటి? ఆ ఆలోచన వస్తేనే భయం వేసింది. 

ఇంతలో ఫోన్ మోగింది. టింగ్ టింగ్ టింగ్ అని మెసేజ్ లు కూడా వస్తున్నాయి. ఫోన్ అయినట్టుంది అనుకుని వచ్చి ఫోన్ చూసింది.  సమీర నుంచి మెసేజెస్ ఉన్నాయి. 
నేను అమ్మ కూరగాయలు కొనడానికి వెళ్తున్నాము. నిన్ను ఇబ్బంది పెడుతున్నాను అని తెలుసు. కానీ ఆలోచించి మంచి నిర్ణయం తీసుకో. వెయిటింగ్.
అక్క మెసేజ్ చూసాక స్పందన కి ఇంకా టెన్షన్ పెరిగింది. ఏమి చెప్పాలి రా దేవుడా. ఒక సరి కిట్టుతో మాట్లాడాలి అనుకుంది. కిట్టుకి మెసేజ్ చేసింది. 
లేచావా? కాల్ చేయనా?

ఏమి రిప్లై రాలేదు. ఇంకా వెయిటింగ్ ఎందుకు అని తానే ఫోన్ చేసింది. 
కిట్టు ఫోన్ ఎత్తలేదు. వీడెంటి పడుకున్నాడు అనుకుంది. అయినా అర్జెంటు విషయం కాబట్టి మళ్ళీ ఫోన్ చేసింది. ఈసారి ఎత్తాడు.

స్పందన: బిజీ ఆ?

కిట్టు: మా నాన్న కి హార్ట్ స్ట్రోక్ వచ్చింది. హాసిపిటల్ లో ఉన్నాము. నేను మళ్ళీ చేస్తాను.

స్పందన కి చేతులు కాళ్ళు వోణికాయి. ఇదేంటి? ఇలా ఎలా జరిగింది అని చెప్పి భయపడింది. వెంటనే అక్కకి ఫోన్ చేసి చెప్పింది. సమీర సరోజ వెంటనే పరిగెత్తుకుంటూ పైకి వచ్చారు. 

సమీరా: ఏమైంది?

స్పందన: నేను కాల్ చేసాను. అప్పుడు చెప్పాడు. కాంటినెంటల్ హాస్పిటల్ లో ఉన్నారంట.

సరోజ: పది నిమిషాలలో రెడీ అవ్వండి. వెళదాము. 

స్పందన కి పికెక్కతుతోంది. అసలు ఇదంతా ఎందుకు జరుగుతోంది? నాలుగు రోజుల క్రితం వరకు అంత బాగానే ఉంది. ఉన్నట్టుండి ఇదంతా జరుగుతోంది. అక్క సమీర మీద కోపం వచ్చింది. కానీ అక్క మీద కోపం చూపడానికి ఇది సమయం కాదు అని ఊరుకుంది. 

పది నిమిషాలలో ముగ్గురు ఎవరి రూమ్ లోకి వారు వెళ్లారు. స్నానాలు చేసి రెడీ అయి వచ్చారు. ఇద్దరు కూతుళ్ళకి మైండ్ బ్లాక్ అయింది అని అర్థం అయినా సరోజ తానే డ్రైవ్ చేసింది. గంటలో గచ్చిబౌలి చేరారు. హాస్పిటల్ కి వెళ్లి వెయిటింగ్ ఏరియా కి వెళ్లారు. అక్కడ కిట్టు వాళ్ళ అమ్మ రాజమ్మ ఉంది. 

సరోజ: నమస్తే వదినగారు. ఎలా ఉంది?

రాజమ్మ: ICU లో పెట్టారు వదినగారు. ఇంకా ఏమి చెప్పలేదు. 

సరోజ: అసలు ఏమి జరిగింది. 

రాజమ్మ: పొద్దున్నే వచ్చాము అమ్మ. రాగానే కిట్టు ఈ పెళ్లి కాన్సల్ చెయ్యాలి అని చెప్పాడు. ఎందుకు రా అంటే వాడికి అమ్మాయి నచ్చలేదు అని చెప్పాడు. ఆయనకి కోపం వచ్చి అరిచాడు. అమ్మాయి తో తనకి సైనిక్ కుదరలేదు అని ఏంటేంటో చెప్పాడమ్మా.

సరోజ స్పందన సమీర మొహాలు చూసుకున్నారు. సమీర లో కళ్ళలోంచి నీళ్లు వచ్చేసాయి. ఇదంతా తన వల్లనే అన్న బాధ తనని దహించేస్తోంది. అక్కని అలా చూసి స్పందన అక్క భుజం మీద చెయ్యి వేసి నీళ్లు ఇచ్చింది. 

రాజమ్మ: ఇలా అడుగుతున్నాను అని ఏమి అనుకోకు అమ్మ. అడగకూడదు అని తెలుసు కానీ తప్పట్లేదు. నీకు మా అబ్బాయికి ఎమన్నా గొడవలు అయినాయా? 
సమీర ఏమి అనలేదు. ఏడుస్తోంది.

రాజమ్మ: ఎంత గొడవలు అయినా ఇలా పెళ్లి రద్దు చేయడం ఏంటమ్మా? ఆడపిల్ల ఉసురు తగిలితే మంచిది కాదు. ఇలానే అవుతుంది. నా కొడుకు తరపున నన్ను క్షమించు తల్లి అని రెండు చేతులు జోడించింది.
సమీరా బిగ్గరగా ఏడిచింది. 

వెంటనే సరోజ కలుగచేసుకుంది. కిట్టు అమ్మ రాజమ్మ చదువుకోలేదు. కిట్టు నాన్న రిటైర్ అయిపోయిన టీచర్. ఉదయం పూట పదెకరాల మావిడి తోటకి వెళ్లి రావడం. మధ్యాహ్నం రిలాక్స్ అవ్వడం. పేద పిల్లలకి చదువు చెప్తూ సాయంత్రం కాలక్షేపం చేయడం. తిండి కి ఇబ్బంది ఉన్న పిల్లలకి వాళ్ళ ఇంట్లోనే వంట చేసి పెడుతూ భర్తకి సహాయం చేయడం. ఇదే ఆవిడకి తెలుసు. అంతే. అలాంటి మనిషి కొడుకు ఇలా చేస్తున్నాడు అంటే జీర్ణించుకోలేకపోయింది. 

సరోజ: ఇప్పుడు అంత పెద్ద మాటలు వద్దు వదినగారు. మనము దీని గురించి తరువాత మాట్లాడుదాము. కానీ కిట్టు తప్పు లేదు. తప్పు మా అమ్మాయిదే.
రాజమ్మ కి అర్థం కాలేదు. తెల్ల మొహం వేసి చూసింది. స్పందన ఖంగారుగా తల్లి వైపు చూసింది. అక్క మెడికల్ కండిషన్ గురించి చెప్పేస్తుందేమో అని. కానీ సరోజ చెప్పలేదు. 

సరోజ: మా అమ్మాయికి ఈ పెళ్లి ఇష్టం లేదు. అందుకే కిట్టు మీరు బాధ పడకూడదు అని అలా చెప్పాడు. 

రాజమ్మ: అదేంటమ్మా. నాకు అర్థం కావట్లేదు.

సరోజ: చెప్పను కదా. మీరు అవన్నీ ఆలోచించకండి. మనము తరువాత మాట్లాడుదాము. ముందు అన్నయ్యగారు కోలుకోవాలి. 

స్పందన సమీరని తీసుకుని పక్కకి వెళ్ళింది.

సమీర: అంతా నా వల్లే. (వెక్కి వెక్కి ఏడుస్తోంది)

స్పందన: నీ వాళ్ళ కాదు. అయన మొదటి నుంచి హార్ట్ పేషెంట్ అక్క. ఇది రెండోసారి ఆయనకి ఎటాక్ అవ్వడం. నీ మీద వేసుకోకు తప్పుని. 

సమీరా: కానీ ట్రిగ్గర్ అయింది నా వల్లే కదా.

స్పందన కి తెలుసు అక్క అనేది నిజమని. కానీ బాధ పడుతుంది అని ఎదో సముదాయించే ప్రయత్నం చేస్తోంది. ఇంతలో కిట్టు వచ్చాడు. అందరు వాడి దెగ్గరికి వచ్చారు. 

సరోజని పలకరించి కళ్ళకి దణ్ణం పెట్టాడు. సమీరని చూసి చిన్నగా తలా ఊపాడు. స్పందన మొహంకేసి చూసాడు కానీ ఏమి మాట్లాడలేదు. కిట్టు మొహం పీక్కుపోయింది. రాత్రంతా నిద్రపోలేదు అని తెలిసిపోతోంది. 

సరోజ: ఎలా ఉంది బాబు. డాక్టర్లు ఏమన్నారు.

కిట్టు: కళ్ళు తెరిచారు. ICU లోనే ఇంకా రెండు మూడు రోజులు ఉంచాలి అన్నారు. స్ట్రెస్ పడకూడదు అని చెప్పి. ఒకళ్ళు మాత్రమే వెళ్లుచు.అమ్మ నువ్వు వెళ్ళు.
రాజమ్మ ICU కి వెళ్ళింది. ఇంతలో కిట్టు అక్కడ కుర్చీల కూర్చున్నాడు.

సరోజ: ఎందుకు బాబు అలా అబద్ధం చెప్పావు? 

కిట్టు: తప్పలేదు అండి. మా అమ్మ నాన్నకి చెప్పిన అర్థం కాదు. అయినా మెడికల్ కండిషన్ అందరికి చెప్పుకునేది కాదు కదా. నేను ఒకటి చెప్పి వాళ్ళకి ఇంకోటి అర్థం అయ్యి అటొచ్చి ఇటొచ్చి ఏదోకటి అంటే కష్టం. అందుకే.

సరోజ: మరి నీ మీద చెడ్డ ఒపీనియన్ వస్తుంది కదా.

కిట్టు: అమ్మ నాన్న కదండీ. క్షమించేస్తారు. నేను వాళ్ళకి మెల్లిగా నచ్చచెప్తాను. 

సరోజ: మీ నాన్నగారు టీచర్ కదా. ఆయనకి అయినా నిజం చెప్పాల్సింది. 

కిట్టు: ఊర్లో పుట్టి అక్కడే పెరిగిన మనిషి. నిశ్చితార్ధం అయితే పెళ్లి అయినట్టే. ఇలా మెడికల్ రీసన్ అని చెప్పి పెళ్లి కాన్సల్ అంటే ఒప్పుకోరు. పెళ్లి చేసుకుని ట్రీట్మెంట్ ఇప్పించమని అంటారు. కానీ అలా చేస్తే కొన్నాళ్ళయ్యాకా పిల్లలు అది అని గోల మొదలవుతుంది. అందుకే, ఇప్పుడు కట్ చేసేస్తే అయిపోతుంది. 
సరోజ సైలెంట్ గా ఆలోచించింది. కిట్టు లాజిక్ అర్థం అయింది. కానీ ఇదొక్కటే మార్గమా? ఏమో?

కిట్టు: కానీ మా నాన్న హైపర్ అవుతారని నేను ఊహించలేదు. అదొక్కటే అనుకోకుండా జరిగింది.

సమీర: సారీ కిట్టు.

కిట్టు సమీర వైపు చూసాడు. ఏడుస్తోంది. 

కిట్టు: ఏడవకండి. మీ నిర్ణయం తప్పు కాదు. చెప్పిన టైం కలిసిరాలేదు. అంతే. దీనికి కారణం మీరు కాదు. 

సరోజ సమీర చెయ్యి పట్టుకుంది. 

కిట్టు: పెళ్లి కాన్సల్ చేసేద్దాము ఆంటీ. మా అమ్మ నాన్న గురించి ఖంగారు పడకండి. వాళ్లకి కావాల్సింది నేను పెళ్లి చేసుకుని హ్యాపీగా ఉండాలి. నేను హాపీగా ఉంటానో లేదో తెలీదు కానీ వాళ్ళకి కావలసినట్టు పెళ్లి చేసుకుని వాళ్ళని హ్యాపీగా ఉంచగలను అని నమ్మకం నాకుంది. మీరు వర్రీ అవ్వకని. ఇంటికెళ్ళండి. ఇక్కడ ఉంది చేసేది కూడా లేదు. డిశ్చార్జ్ అయ్యాక చెప్తాను. ఒకసారి వచ్చి చూడచ్చు.
ఈలోగా రాజమ్మ వచ్చింది. కళ్ళల్లో నీళ్లు. కుర్చీలో కూర్చుంది. కిట్టు వెళ్లి పక్కనే కూర్చున్నాడు.

రాజమ్మ: మాట్లాడుతున్నారు. నీతో మాట్లాడాలి అంటున్నారు. 

కిట్టు మళ్ళీ లోపలి వెళ్ళాడు.

సరోజ: ఏడవకండి వదినగారు. ఏమి కాదు.

రాజమ్మ: వాడి పెళ్లి అయిపోతే మాకు ఏమైనా పర్లేదు అమ్మ. వాడు వాడి భార్య ఒకరికి ఒకరు తోడు ఉంటారు. ఇప్పుడు కూడా అయన మీకు సారీ చెప్పమంటున్నారు. 
సరోజకి బాధేసింది. పెద్ద కూతురు ఏడుస్తోంది. చిన్న కూతురు ఓదారుస్తోంది. ఇంత మంచి కుటుంబాన్ని బాధ పెట్టాము అని బాధ ఉంది సరోజకి. కాకపోతే తన కూతుర్ని ఏమి అనలేని పరిస్థితి. దీర్ఘాలోచనలో పడింది.

****

ముగ్గురు ఇంటికి వచ్చారు. సమీర బాధతో లోపలికి వెళ్ళింది. స్పందన లోపలి వెళ్ళబొయింది. 

సరోజ: స్పందన. నీతో మాట్లాడాలి.

స్పందన: నీ పీక మీద కత్తి పెట్టి నిన్ను పెళ్ళికి ఒప్పించాలి అని కాదు. వాళ్ళది నిజంగా మంచి ఫామిలీ. అక్క చెప్పింది ఆలోచించు.

స్పందన: అమ్మ నువ్వు కూడా ఏంటి? 

సరోజ స్పందన పక్కన కూర్చుంది.

సరోజ: అక్క కాన్సల్ చేసింది అని నిన్ను బలివ్వడానికి అడగట్లేదు. అక్క నిన్ను అడిగిన టైం పద్ధతి అలా అనిపించి ఉండచ్చు. కానీ నా ఉద్దేశం మాత్రం అది కాదు. అక్క పెళ్లి చేసుకునే మానసిక స్థితిలో లేదు. ఆ పెళ్లి కాన్సల్ అయిపోయినట్టే. కాకపోతే ఆ కుటుంబం, ఆ అబ్బాయి నిజంగా చాల మంచివారు. నాకు నచ్చారు. అక్క జీవితం గురించి నువ్వు ఆలోచించకు. నేను చూసుకుంటాను. కానీ నువ్వు కూడా నా కూతురివే. నీ పెళ్లి కూడా నా బాధ్యతే. అందుకే అడుగుతున్నాను.  

స్పందన తల్లి మొహంలోకి చూసింది. సరోజ చాలా శాంతంగా ఉంది. తల్లి అంతా శాంతంగా మాట్లాడుతోంది అంటే చాలా క్లారిటీ తో ఉందని అర్థం. అందుకే స్పందన వింటోంది.

సరోజ: అక్క చేసుకోవట్లేదు. పెళ్లి కాన్సల్ చేసి వదిలేయచ్చు. కానీ నువ్వు పెళ్లి చేసుకునే ఉద్దేశం ఉంటె చొన్సిదెర్ చేయమంటున్నాను. 

తల్లి చెప్పిన మాటలు విని రూమ్ లోకి వెళ్ళిపోయింది.

రెండు రోజులు గడిచాయి. ఆరోజు సాయంత్రం కిట్టు తండ్రిని డిశ్చార్జ్ చేశారు. కలవడానికి ఇంటికి వెళ్లారు సరోజ ఇంకా పిల్లలు. రాజమ్మ స్పందన ఇంక సమీరతో మాట్లాడుతోంది.

సరోజ: నీతో ఒకసారి మాట్లాడాలి బాబు.

కిట్టు: చెప్పండి ఆంటీ.

సరోజ: ఇది సరైన సమయం కాదు అని తెలుసు. కానీ అడగాలి. నీకు స్పందనని చేసుకోవడానికి ఎమన్నా అభ్యంతరం వుందా?

కిట్టు: అదేంటండి?

సరోజ: నాకు నువ్వు మీ కుటుంబం బాగా నచ్చారు. సమీర విషయం అనుకోనిది. కానీ నువ్వు పెళ్లి చేసుకోవాలి ఎవరైనా పర్లేదు అంటున్నావు. నేను నా కూతురు అయితే బావుంటుంది అని అడుగుతున్నాను.

కిట్టుకి సంకోచం. ఇలాంటి టైం లో వెయిట్ చేసి ఇంట్లో వారిని ఇంకా వెయిటింగ్ లో పెట్టాలా? లేక పెళ్లి చేసుకుని ముందు వారిని సంతోషపరచాల.

సరోజ: తప్పొప్పులు ఆలోచించకు. నువ్వు ఏమి తప్పు చెయ్యట్లేదు. ఒక సంబంధం తప్పితే ఇంకో సంబంధం అన్నావు. అలానే అనుకో. 

అయిదు నిమిషాలు ఆలోచించాడు. లోపల పడుకుని ఉన్న తండ్రిని చూసాడు. బాల్కనీలో మాట్లాడుతున్న తల్లిని చూసాడు. తనతో పెళ్లిని కాన్సల్ చేసుకున్న సమీర ని చూసాడు. ఆ పక్కనే పసుపు పచ్చ చుడిదార్ ఎర్రటి చున్నీ వేసుకుని జడ వేసుకుని ఉన్న స్పందనని చూసాడు. అలానే ఒక రెండు మూడు నిమిషాలు చూసాడు. తన హావభావాలు గమనించాడు. కొంచం డల్ గా ఉంది. తాను కూడా స్ట్రెస్ లో ఉంది.

కిట్టు: స్పందనని అడిగారా?

సరోజ: అడిగాను. ఇంకా సమాధానం చెప్పలేదు. ఆలోచించమన్నాను. అందుకే నిన్ను కుడి అడుగుతున్నాను. ఒకసారి దానితో మాట్లాడతాను అంటే చెప్పు. మీ అమ్మగారితో నేను మాట్లాడతాను. 

కిట్టు: నేను ముందు స్పందనతో మాట్లాడాలి. ఆ తరువాతే మా అమ్మతో అన్నాడు.

సరోజకి చిన్న ఆశ చిగురించింది. 

సరోజ: సరే. మీ ఇష్టం. 

సరోజ కిట్టుతో మాట్లాడటం స్పందన గమనించింది. తల్లి ఏమి అంటోంది అని కుతూహలంగా ఉంది. అదే సమయంలో కిట్టు తల్లి అయినా రాజమ్మతో మాట్లాడుతుంటే స్పందనకి ఎదో తెలియని ఒక మంచి ఫీలింగ్. ఆవిడ అమాయకత్వం, మంచితనం, భోళాతనం, కల్మషంలేని మాటలు బాగా నచ్చాయి. తల్లి చెప్పిన మాటలు గుర్తొచ్చాయి. అవును చాల మంచి మనుషులు అనుకుంది. 
ముగ్గురు రాత్రికి ఇంటికి చేరుకున్నారు. సరోజ ఇద్దరు కూతుళ్ళని కూర్చోబెట్టి కిట్టుతో మాట్లాడింది చెప్పింది. 

సమీర తల్లివైపు మమకారంగా చూసింది. తనని తల్లి అర్థం చేసుకుంటుంది అని తెలుసు. ముందే చెప్పుంటే బహుశా విషయం ఇంత ఇబ్బంది పడేవాళ్ళు కాదేమో. కానీ ఏమి చేస్తాము, అందరు తప్పులు చేస్తారు. తన వాళ్ళ జరిగిన పొరపాటు ఇది. 

స్పందన: మరి అక్క సంగతి ఏంటి? 

సరోజ: అక్కకి ఏమి కాదు. అక్కకి మనము అందరమూ ఉన్నాము. ఏమి కాదు. 

స్పందన: అలా కాదమ్మా. 

సరోజ: చూడు చిన్న తల్లి.

సరోజ ఎప్పుడైనా ఇద్దరి పిల్లలకి బాగా నచ్చజెప్పేడప్పుడు అలా పెద్ద తల్లి చిన్న తల్లి అని పిలుస్తుంది.

సరోజ: అక్కకి ఏమి కాదు. ఇలాంటి మెడికల్ కండిషన్ తగ్గాలి అంటే స్ట్రెస్ ఉండకూడదు. పెళ్లి చేసుకుంటే ఎంత కాదన్నా స్ట్రెస్ ఉంటుంది. లైంగికంగా ఎప్పుడోకప్పుడు కలవాలి. అలాంటి పరిస్థితులు వస్తాయి. మీరు చిన్న పిల్లలు కాదు. అందుకే చెప్తున్నాను. రొమాన్స్ అనేది ఉంటుంది. అలాంటి సమయంలో మన మనసు అండ్ బాడీ రియాక్ట్ అవుతాయి. అది ఒకరికి అయ్యి ఇంకొకకిరికి అవ్వకపోతే ఇబ్బంది. అందుకే, అక్క ఎప్పుడు అయితే పెళ్ళికి రెడీ అవుతుందో అప్పుడే చేసుకుంటుంది. ఈలోగా దాని ఇష్టం. అలాగే నీకు ఇష్టం లేకపోతే చెయ్యను. కానీ అక్క ఏమనుకుంటుందో, అక్కకి అన్యాయం చేస్తానేమో అని పిచ్చి ఆలోచనలు వద్దు అంటున్నాను. కిట్టుతో మాట్లాడు. నిర్ణయం చెప్పు. నేను చేయాల్సింది అప్పుడు చేస్తాను.

ముగ్గురు ఎవరి రూమ్ లోకి వారు వెళ్లిపోయారు.


ఇంకా ఉంది.

[JustRandom]

Please update...

Any interest girls or auntys Massage me in ,.,...id..@V_chanduy

బాబు నీకో దండం. ఇక్కడ స్పాం చెయ్యకు. ఇది స్టోరీ ప్లాట్ఫారం. ఇంతక ముందు కూడా ఇలాంటివే పెట్టారు మీరు. కథలు చదవండి, కుదిరితే కామెంట్స్ పెట్టండి.

[JustRandom]

మీలో ఒక్క గొప్పా రచయిత ఉన్నాడు sir.... excellent update

Thank you andi! 

[JustRandom]

Naku oka doubt undhe , kittu valla oka family vide poyaru ah ammaye kuda ebandhilo hospital lo unnaru kadha valla character mugalisinatte na ah papa kane kittu vallatho malle spandhicha ledha

కేరక్టర్స్ గుర్తుంచుకుని అడుగుతుంటే చాల హ్యాపీగా ఉండండి మనోజ్ గారు. 

ఆ ఎఫైర్ పెట్టుకున్న ఆవిడ ప్రస్తుతానికి కిట్టుతో టచ్ లో లేదు. ఆవిడని marala మనవాడు లైఫ్ లోకి తేవాలి అంటే ఫండమెంటల్ గా కేరక్టర్స్ ని కొంచం చేంజ్ చెయ్యాలి. స్టోరీ టోన్, టోనాలిటీ, అన్ని మారిపోతాయి.  మిగతా మిత్రులు అందరు కూడా కోరితే అప్పుడు పార్ట్ 2  కింద ఆలోచించవచ్చు.

[JustRandom]

Wahh, emanna rasara, oka trance loki vellinattundhi..

I am so glad andi. Mee andarini ilaane entertain cheyyali ani anukuntunnanu.

[JustRandom]

చాలా బాగా వర్ణించారు sir..........
స్టోరీ లో  ఈ ట్విస్ట్ ఎవరము కూడా ఊహించలేదు....... 
But హీరో క్యారెక్టర్ మాత్రం చాలా బాగుంది.  అ సాఫ్ట్ కార్నర్. 

Wetting for  suspense. 
కాకపోతే ఈ స్టోరీ లో " అంగీకారం " మాత్రం తెలియడం లేదు.

ఇంకా కథ ఉంది మిత్రమా. అంగీకారం వస్తుందో లేదో చుడండి.

[JustRandom]

Episode - 19

రాత్రి పదిన్నర అయింది. స్నానం చేసొచ్చి నైటీ వేసుకుని కూర్చుంది స్పందన. కిట్టుకి మెసేజ్ చేసింది. రాత్రి కాల్ చేస్తాను అన్నాడు. వెయిట్ చేస్తోంది. టెన్షన్ గా ఉంది. కళ్ళు మూసుకుని, ఊపిరి కంట్రోల్ చేసుకోడానికి ప్రయత్నించింది. సరిగ్గా అప్పుడే ఫోన్ మోగింది. కిట్టు కాల్. చేతులు చిన్నగా వోణికాయి. ఆన్సర్ చేసి స్పీకర్ లో పెట్టి బెడ్ మీద కూర్చుంది.

కిట్టు: హలో. 

స్పందన: హలో.

కిట్టు: తిన్నావా?

స్పందన: తిన్నాను.. నువ్వు?

కిట్టు: తిన్నాను. సారీ కొంచం లేట్ అయింది కాల్ చేయడానికి.

స్పందన: అయ్యో పర్లేదు. ఎలా ఉంది అంకుల్ కి.

కిట్టు: పర్వాలేదు. 

స్పందన: నీతో మాట్లాడుతున్నారా?

కిట్టు: హా. అంటే ఎక్కువ ఏమి మాట్లాడట్లేదు. మాట్లాడితే వింటున్నారు. ఎక్కువగా రెస్ట్ తీసుకుంటున్నారు. 

స్పందన: పోనీ లే. అదే మంచింది.

కిట్టు: హ్మ్మ్ చెప్పు.

స్పందన ఒక క్షణం ఆగింది. 

కిట్టు: హలో. ఉన్నావా?

స్పందన: ఉన్నాను. నువ్వే చెప్పాలి.

కిట్టు నవ్వాడు.

స్పందన: ఎందుకు నవ్వుతున్నావు?

కిట్టు: లొడ లొడ మాట్లాడుకునే వాళ్ళము. ఇప్పుడు ఇలా వింతగా ఉంది.

కిట్టు ఆలా సరదాగా అనేసరికి కొంచం రిలాక్స్ అయింది.

స్పందన: అవును. రెండు రోజుల క్రితం వరకు అంతా వేరే లాగా ఉంది.

కిట్టు: హ్మ్మ్. మీ అమ్మగారు మాట్లాడారా?

స్పందన: హా. నీతో మాట్లాడాను అని కూడా చెప్పింది.

కిట్టు: హ్మ్మ్.. ఇంకేమన్నారు. 

స్పందన: ముందు నువ్వు చెప్పు. నీతో ఏమంది.

కిట్టు: ఏమి లేదు. డైరెక్ట్ గా చెప్పారు. సమీర కి పెళ్లి ఇష్టం లేదు. కాబట్టి అది కాన్సల్ చేద్దాము అన్నారు. 

స్పందన: హ్మ్మ్.. నాకు కూడా అదే చెప్పింది. 

కిట్టు: ఇంక నీ మీద న ఒపీనియన్ ఏంటి అని అడిగాను. 

స్పందన: మరి ఏమి చెప్పావు. (మనసులో కుతూహలం పెరిగింది)

కిట్టు: నీతో మాట్లాడాలి అని చెప్పాను. అంతే. ఇప్పుడు నువ్వు చెప్పు. 

స్పందన: నాకు అదే చెప్పింది. అక్కకి పెళ్లి ఇష్టం లేదు. ఆగిపోయింది. కానీ మీ ఫామిలీ మా అమ్మకి బాగా నచ్చింది. నువ్వు కూడా బాగా నచ్చావు. అందుకే ఎలాగూ నాకు పెళ్లి చెయ్యాలి కదా అని నన్ను అడిగింది. 

కిట్టు: ఓకే. బలవంత పెట్టట్లేదు కదా?

స్పందన: లేదు. నా ఇష్టం అనే చెప్పింది. 

కిట్టు: హ్మ్మ్.. ఏమనుకుంటున్నావు?

స్పందన: నువ్వు చెప్పు.

కిట్టు: లేడీస్ ఫస్ట్. 

స్పందన: నో జెంట్స్ ఫస్ట్.

కిట్టు: అలా అయినా ముందు నువ్వే చెప్పాలి.

స్పందన కి అయిదు సెకెన్ల తరువాత అర్థం అయింది జోక్. 

స్పందన: ఏయ్! ఏంటి కిట్టు. ఇంత సీరియస్ విషయంలో కూడా జోక్ వేస్తావు.

కిట్టు: అంతా సీరియస్ కాబట్టే కాస్త టెన్షన్ తగ్గించుకుందాము.

స్పందన: నీకు కూడా టెన్షన్ ఉండ?

కిట్టు: మరి ఉండదా?

స్పందన: నీకెందుకు టెన్షన్?

కిట్టు: నీకెందుకు ఉంది?

స్పందన: నేను అమ్మాయింది బాబు. అందులో నువ్వు డైరెక్ట్ గా వచ్చిన సంబంధం కాదు. నిన్నటి దాక మా అక్కని చేసుకోవాలి అనుకున్నావు. ఇప్పుడు నన్ను అంటున్నావు. రేపొద్దున ఇంకొకళ్ళు నచ్చితే?

స్పందన ఆలోచించకుండా పుసుక్కున అనేసింది.

కిట్టు సైలెంట్ అయ్యాడు. స్పందన మాటలు గుచ్చుకున్నాయి.

స్పందన: సారీ నా ఉద్దేశం అది కాదు.

కిట్టు: పర్లేదు. టెన్షన్ లో ఉన్నావు. తప్పు లేదు అలా అనుకోవడంలో. కానీ పెళ్లి నేను కాన్సల్ చెయ్యలేదు. సంబంధం నేను ప్రపోస్ చెయ్యలేదు. అది గుర్తిస్తే నీకు నా మీద ఆ అనుమానం రాదు. నీకు అనుమానం ఉంటే మనము ఈ టాపిక్ ఆపేద్దాము.
 స్పందన ఖంగారు పడింది. నోరు కంట్రోల్ లేదు అని తనని తానె తిట్టుకుంది.
స్పందన: సారీ కిట్టు. నా ఉద్దేశం అది కాదు. అంటే నేను నిన్ను అనట్లేదు. కానీ..
కిట్టు: నేను టాపిక్ ఆపేద్దాము అన్నాను పాపా. మనము ఫ్రెండ్షిప్ ఆపేద్దాము అనలేదు. ఖంగారు పడకు.

స్పందన మోహంలో చిన్న నవ్వు వచ్చింది. హమ్మయ్య అనుకుంది.

కిట్టు: నీకు ఇష్టం లేకపోతే అది కూడా వద్దు.

స్పందన: నో నో. నాకు మన ఫ్రెండ్షిప్ ఉండాలి. ఇలా ఉన్న ఎలా ఉన్నా.

కిట్టు: అంటే? 

స్పందన: అంటే... ఒకవేళ మనము ప్రొసీడ్ అవ్వాలి అనుకున్నా... నాకు ఫ్రెండ్షిప్ ఉండాలి. అది నాకు ముఖ్యం.

కిట్టు: నాకు కూడా. మనము ముందు మంచి ఫ్రెండ్స్. అది నేను ఎప్పటికి మర్చిపోను. అలాగే నువ్వు కూడా మర్చిపోకు. 

స్పందన: అయితే నువ్వు కన్సిడర్ చేస్తున్నావా?

కిట్టు: హ్మ్మ్. నీకు నిజం చెప్తాను. ఉన్నది ఉన్నట్టు. ఎందుకంటే ఫ్రెండ్షిప్ కొనసాగించాలి అనుకుంటున్నాము కాబట్టి. అసలు నాకు పెళ్లి వద్దు అనుకున్నాను. దానికి కారణాలు నీకు చెప్పాను.

స్పందన కి కిట్టు చెప్పిన ఎఫైర్ గుర్తొచ్చింది. గుండెలో సలుపు మంది. అంటే ఆల్రెడీ ఆడవారి రుచి ఎరిగిన వాడు అన్న మాట గుర్తొచ్చింది. కానీ ఇప్పుడు అది అవసరమా? 

కిట్టు: నా అఫైర్స్ గురించి నీకు కూడా చెప్పాను. కొత్త రేలషన్శిప్ లోకి వచ్చేప్పుడు నిజాయితీగా రావాలి అని నా ఉద్దేశం. అందుకే ఇబ్బందికర విషయాలు కూడా చెప్పాను. కానీ నేను ఎప్పుడు కూడా నీకు బాయ్ఫ్రెండ్ ఉన్నదా, ఏమి చేశారు, అఫ్ఫైర్లు ఉన్నాయా అనేది అడగను. నీ గతం నీ అనుభవం. నేను ఏమి చెయ్యలేను. కానీ నా అమ్మ నాన్న కోసం పెళ్లి చేసుకోవాలి అనుకున్నాను. 
స్పందన: అక్కడే నాకు చిన్న ప్రాబ్లెమ్ ఉంది కిట్టు. నువ్వు ఇష్టంతో కాదు. వేరే వాళ్ళ కోసం పెళ్లి అంటున్నావు. మా అక్క ఎలా ఒప్పుకుందో నాకు తెలీదు. కానీ నాకు అలా కాదు ప్రేమించి పెళ్లి చేసుకోవాలి అనట్లేదు. కానీ పెళ్లి కావాలి అని పెళ్లి చేసుకునే వాడు కావలి.

కిట్టు చిన్నగా నిట్టూర్చాడు. 

స్పందన: అందులో ఇప్పుడు ఈ పరిస్థితులు. నాకు అందుకే టెన్షన్ గా ఉంది.

కిట్టు: నువ్వన్నది నిజమే. కానీ నేను ఏ కారణం లో పెళ్లి చేసుకుంటున్నాను అనేది ముఖ్యం కాదు. పెళ్లి అయ్యాక ఎలా ఉంటాను అనేది ముఖ్యం. అది నేను అయినా, నువ్వు అయినా ఎవరైనా. ఆ విషయానికి వస్తే నువ్వు ప్రేమించి పెళ్లి చేసుకున్న, పెళ్లి అయ్యాక ఎలా ఉంటాడో తెలీదు కదా. నాకు అయినా అంతే. మీ అక్క ముందే చెప్పేసింది. లేదు పెళ్లి చేసుకున్నాక కూడా చెప్పచు. అప్పుడు ఎలా ఉండేదో. మనకి తెలియని వాటిగురించి మనము ఏమి చేయలేము. 

స్పందన కి కిట్టు మాటలు అర్థం అయ్యాయి. నిజమే కదా అనుకుంది.

స్పందన: హ్మ్.. కరెక్ట్ ఏ అనుకో. 

కిట్టు: ఇప్పుడు కూడా నేను ఆగి వేరే చేసుకోవచ్చు. అది ఎలాంటిది వస్తుందో, ఎవరో నాకు కూడా తెలీదు. నా అదృష్టం నాకు ఎలా రాసి పెట్టి ఉంటే అలా అనుకున్నాను. కానీ..

స్పందన కి కుతూహలం.

స్పందన: కానీ ఏంటి?

కిట్టు: కానీ నిన్న మీ అమ్మగారు ఒక మాట అన్నారు. నీకైనా మా అమ్మాయికి అయినా వేరే ఎదో సంబంధం చూడాల్సిందే. కానీ మీరు ఒకరికి ఒకరు పరిచయం ఉన్నవారు కాబట్టి ఒకసారి ఆలోచించమన్నారు. ఒప్పుకుంటే నెలలో పెళ్లి చేయచ్చు అన్నారు. 

స్పందన: నెలలో నా. నాకు ఆ మాట చెప్పలేదు.

కిట్టు: ఓహ్.

స్పందన: హ్మ్మ్.. నాకు అదే చెప్పింది. 

కిట్టు: సరే ఒకటి అడుగుతాను. నిజం చెప్పు. మీ అమ్మ నా గురించి చెప్తే నీకు వచ్చిన ఆలోచన ఏంటి?

స్పందన: హ్మ్మ్తె.. ముందు భయం వేసింది. అక్కకి అన్యాయం చేస్తున్నాను అని. కానీ అమ్మ వివరించి చెప్పింది. ఆ పెళ్లి కథ ముగిసినట్టే అని. తెలిసిన  అబ్బాయి. నువ్వు కూడా  చూసావు. ఆలోచించు అని. కానీ మా అమ్మకి తెలియదు కదా మనము ఫ్రెండ్స్ అని కొన్ని సీక్రెట్ లు కూడా చెప్పుకున్నాము అని. సరే నీ గురించి ఆలోచిస్తే నాకు భయం వేయలేదు. టెన్షన్ ఉంది. కానీ ఎవడో స్ట్రేంజర్ అనే భయం లేదు. పెళ్లి చేసుకుంటే ఎలా ఉంటుందో అన్న భయం మాత్రమే ఉంది.

కిట్టు: హ్మ్మ్. నాకు అంతే. 

స్పందన: మరి ఏమి చేద్దాము?

కిట్టు: నా ఉద్దేశం నేను చెప్తాను. నీ ఉద్దేశం నీది. అమ్మ నాన్న కోసం పెళ్లి అనుకున్నాను. అనుకోకుండా నీ సంబంధం వచ్చింది. మన స్నేహం ఏమి ఏళ్ళ తరబడి ఉన్నది కాదు. ఇప్పటి దాకా నాకు నీ గురించి అన్నీ నచ్చినాయి. అందుకే, నిన్ను చేసుకోవాలి అన్న ఐడియా ఐకి నేను ఓపెన్. నువ్వు ఒకే అంటే నాకు అభ్యంతరం లేదు. కొంచం ఆక్వర్డ్ గా ఉండచ్చు మొదట్లో మీ అక్కతో. కానీ మనము అందరమూ మెచూర్డ్ మనుషులం. అది సద్దుకుంటుంది. 

స్పందన కి మనసులో ఆనందం. భయం. ప్రశ్నలు. ఇలా ఎన్నో కలగలిపిన ఆలోచనలు. ఇప్పుడు తాను ఏమి చెయ్యాలి. 

కిట్టు: సరే పాపా. పడుకో. టైం మూడు అవుతోంది. పొద్దున్నే చిన్న పనులు ఉన్నాయి.

స్పందన: ఏమి పనులు? లీవ్ పెట్టలేదు?

కిట్టు: పెట్టాను. కానీ పెళ్లి కాన్సల్ కదా. చేయాల్సినవి కొన్ని ఉంటాయి కదా.
సరే అని చెప్పి ఫోన్ పెట్టేసింది. అలా బెడ్ మీద పడుకుంది. ఆలోచనల ప్రవాహం వచ్చింది. 

కిట్టు ఒప్పేసుకున్నాడు. వద్దు అనాలా? అనడానికి  కారణం లేదు. మంచోడు. అక్క విషయం పక్కన పెడితే, ideal అబ్బాయి. సెన్స్ అఫ్ హ్యూమర్ ఉంది. ఏ విధంగా చుసిన నో చెప్పడానికి కారణం లేదు. కానీ అక్క విషయం ఏంటి?

ఆలోచనలో రెండు గంటలు గడిచిపోయాయి. ఉదయం వంటింట్లో చిన్న శబ్దాలు అయ్యాయి. వెళ్లి చూసింది. అమ్మ లేచేసింది. 

సరోజ: ఏంటి నాన్న అప్పుడే లేచావు?

స్పందన: అసలు పడుకోలేదు అమ్మ.

అదే టైం కి సమీర రూమ్ లోంచి బయటకి వచ్చింది.

సరోజ: కాఫీ తాగుతారా? 

ఇద్దరు తల ఊపారు.

*****

ముగ్గురు కూర్చుని కాఫీ తాగుతున్నారు.

సరోజ: వాళ్ళ నాన్నగారికి ఎలా ఉంది?

స్పందన: పర్లేదట. రెస్ట్ తీసుకుంటున్నారు. 

సమీర వైపు చూసింది స్పందన. మొహం కాస్త తేరుకున్నట్టు ఉంది. బహుశా సరిగ్గా నిద్రపోయినట్టుంది. పెళ్లి కాన్సల్ అయ్యాక అక్క మొహం కొంచం బెటర్ గా ఉంది.
సరోజ: చెప్పమ్మా. ఇంకేంటి విశేషాలు.

స్పందన సందేహించింకి అక్క ముందు చెప్పడానికి. సమీర అది గమనించింది. 

సరోజ: పర్లేదు చెప్పు.

స్పందన: నేను ఏమి అనలేదు. కానీ కిట్టు ఒకే అన్నాడు.

సమీర: హమ్మయ్య (అని రెండు చేతులు జోడించుకుని పైకి చూసి దేవుడికి దణ్ణం పెట్టింది)

స్పందన ఊహించలేదు అక్క రిలీఫ్ ఫీల్ అవుతుంది అని.

సరోజ: మరి నువ్వేమన్నావు?

స్పందన: ఇంకా ఏమి చెప్పలేదు. కానీ నో చెప్పడానికి నాకు కారణాలు కనిపించట్లేదు.

సరోజ చిన్నగా నవ్వింది. కూతురు మనసు అర్థం అయింది. 

సరోజ: అక్క ఏమి అనుకోదు. మనసులో ఉన్నది చెప్పు.

స్పందన ఏమి అనలేదు. 

సరోజ ఇద్దరు కూతుళ్ళని రమ్మని చేతులు చాపింది. ఇద్దరు వచ్చి తల్లి అటు ఇటు కూర్చున్నారు. తల్లి చెరో భుజం మీద తలలు వాల్చి ఉన్నారు. సరోజ ఇద్దరిని తలా మీద చిన్నగా ముద్దు పెట్టింది. తలా నిమురుతూ అంది. 

సరోజ: చిన్న తల్లి, నువ్వు ఇష్టం అని చెప్తే అక్క బాధ పడదు. చాలా సంతోషిస్తుంది. 

సమీర: నా పెళ్లి కాన్సల్ అయినందుకు నాకు బాధ లేదు చెల్లి. పెద్ద భారం తగ్గినట్టుంది. కానీ ఒక మంచి కుటుంబం నా వల్ల బాధ పడుతోంది అని ఉంది. ఇప్పుడు నువ్వు ఒప్పుకుంటే నేను చేసిన తప్పు సరిదిద్దడమే కాక నీకు ఒక మంచి మొగుడు వస్తాడు. నా ఆనందానికి హద్దులు ఉండవు.

స్పందన కళ్ళలోంచి నీళ్లు వస్తున్నాయి. అది బాధ కాదు. ఆనడం కాదు. ఏంటో తెలీదు. 

స్పందన: మరి నువ్వేమి చేస్తావు అక్క? మమ్మల్ని వదిలేసి ఏటో వెళ్ళిపోతా అని అంటున్నావు. 

సమీర: అది మిమ్మల్ని వదిలి కాదు. నాకు కొన్ని కోరికలు ఉన్నాయి. సమాజానికి ఏదోకటి చెయ్యాలి అని. సాఫ్ట్వేర్ ఉద్యోగం బానే ఉంది. కానీ నేను ఎంజాయ్ చేయలేకపోతున్నాను అందుకే, NGO లో చేరుతా అన్నాను. మిమ్మల్ని వదిలి ఎక్కడికి వెళ్తాను. వర్క్ పరంగా తిరుగుతాను. వీలున్నప్పుడు వస్తాను. 

స్పందన: అంటే దూరంగా ఉంటావా?

సమీర: నువ్వు అమెరికా లో ఉన్నప్పుడు కూడా దూరమే ఉన్నాము. కానీ మన మధ్య ఎమన్నా దూరం వచ్చిందా? లేదు కదా. ఇది కూడా అంతే. నువ్వు ఎప్పుడు నా చిట్టి చెల్లివే. 

స్పందన: మరి నీ ట్రీట్మెంట్?

సరోజ: అది నేను చూసుకుంటాను. 

స్పందన కళ్ళల్లోంచి నీళ్లు ధారాళంగా వస్తున్నాయి. అక్క అమ్మ ఇద్దరికీ క్లారిటీ ఉంది. కిట్టు ని చేసుకుంటే ఏది ఉన్నా లేకపోయినా, అమ్మ అక్కలతో తన చనువు మాత్రం పోదు. మిగతా విషయాలు అన్నీ అవే సద్దుకుంటాయి. 

స్పందన: సరే అమ్మ.

సరోజ: ఏంటి సరే?

స్పందన: నేను కిట్టుని చేసుకుంటాను. 

సమీర స్పందన చేతిని ముద్దు పెట్టుకుంది. సరోజ ఇద్దరు కూతుళ్ళని దెగ్గరికి తీసుకుని వాటేసుకుంది. 

ఇంకా ఉంది