[JustRandom]

Episode - 12

రాత్రి స్పందనని దింపేసి తన ఇంటికి చేరేసరికి ఒంటిగంట అయింది. ఫ్రెష్ అయ్యి వచ్చి ఒక బాక్సర్ వేసుకుని బెడ్ ఎక్కాడు కిట్టు. ఫోన్ తీసి చూసేసరికి సమీర నుండి మెసేజెస్ ఉన్నాయి. తన రోజు బాగా జరిగింది అని. మీటింగ్స్ బాగా అయ్యాయి అని. డిన్నర్ చేసి రూమ్ కి వచ్చాను. పడుకుంటున్నాను అని మెసేజెస్ పెట్టింది. 

అవి చదివిన కిట్టుకి చిరునవ్వు వచ్చింది. సమీర కొంచం ట్రై చేస్తోంది అనుకున్నాడు. తాను కూడా రిప్లై ఇచ్చాడు. తమ గద్వాల్ ట్రిప్ బాగా జరిగింది అని చెప్పాడు. సమీర కూడా వచ్చి ఉంటే బాగుండేది అని చెప్పాడు. సమీర నిద్రపోయి ఉంటుంది అనుకుని ఇంక ఆపేశాడు. అదే సమయానికి స్పందన నుంచి మెసేజ్ వచ్చింది.

స్పందన: ఓయ్ హీరో. ఇంకా నిద్రపోలేదా?

కిట్టు: లేదు హీరోయిన్ చెల్లి. ఇప్పుడే స్నానం చేసొచ్చాను. 

స్పందన: దుర్మార్గుడా. నిన్ను హీరోని చేస్తే నన్ను సైడ్ క్యారెక్టర్ ని చేస్తావా?

కిట్టు: మరి నేను హీరో అంటే హీరోయిన్ మీ అక్క కదా. అప్పుడు నువ్వు క్యారెక్టర్ ఆర్టిస్ట్ కదా. మరి.

స్పందన కోపం స్మైలీలు పెట్టింది. కిట్టు నవ్వే స్మైలీలు పెట్టాడు.

స్పందన: సరే. ఎంతైనా మా అక్క కదా. అందుకే నిన్ను ఏమి అనట్లేదు. కానీ ఎప్పటికైనా ఈ స్పందన క్యారెక్టర్ ఆర్టిస్ట్ అవ్వదు. నేను ఎప్పుడు హీరోయినే.

కిట్టు: అవును. నీ హీరోకి నువ్వే కదా హీరోయిన్.

స్పందన: నా హీరో నా? ఓహ్ వాడా.. వాడిని నేను హీరో అవుతాడేమో అనుకున్నాను కానీ అవ్వడు. వాడు సినిమాలో హీరోయిన్ ని పెళ్లి చూపులకి చూసెళ్లిపోయే బిస్కెట్ బాబులు ఉంటారు చూడు. అలా అనమాట.

కిట్టు: వామ్మో. అంత తీసిపారేశావేంటి?

స్పందన: మనకి సెట్ అవ్వడు

కిట్టు: హ్మ్మ్. నువ్వు షూర్ ఆ?

స్పందన: రోజురోజుకి క్లారిటీ పెరుగుతోంది. అలాంటివాడు నాకు సెట్ అవ్వడు. కమిట్ అయ్యి ఇద్దరమూ ఇబ్బంది పడేకంటే ఇదే నయం కదా.

కిట్టు: అది నిజమే అనుకో. లేదంటే అందరికి ఇబ్బంది.

స్పందన: అవును. అందుకే, రేపు వాడికి చెప్పేద్దాము అనుకుంటున్నాను.

కిట్టు: ఏమని చెప్తావు? సారీ, పర్సనల్ అనుకో. ఏదో కుతూహలం తో అడిగాను. 

స్పందన: మన మధ్య పర్సనల్ ఏమున్నాయి లే. తక్కువ సమయంలో ఇన్ని విషయాలు షేర్ చేసుకోవడం మాములు విషయం కాదు. మనది లైఫ్ లాంగ్ ఫ్రెండ్షిప్ లే. నువ్వు ఫిక్స్ అయిపో.

కిట్టు: అంతే అంటావా. సరే. ఫిక్స్. ఇప్పుడు చెప్పు. ఏమని చెప్తావు?

స్పందన: మనకి సెట్ అవ్వదు. కాబట్టి రిలేషన్షిప్ వద్దు. కేవలం ఫ్రెండ్స్ గా ఉండిపోదాము అని చెప్తా.

కిట్టు నుంచి ఒక రెండు నిమిషాలు ఏమి మెసేజ్ రాలేదు.

స్పందన: ఉన్నావా?

కిట్టు: ఉన్నాను.

స్పందన: ఏమైంది. అలా చెప్పద్దు అంటావా వాడికి?

కిట్టు: ఎలా చెప్పాలో నీ ఇష్టం. కానీ ఈ ఫ్రెండ్స్ గా ఉంటాను ఇలా చెప్పడం తేలిక. చేయడం చాలా కష్టం 

స్పందన: అంటే?

కిట్టు: బ్రేకప్ అయ్యాక కూడా ఫ్రెండ్స్ గా ఉండాలి అంటే ఇద్దరికీ అంతే మెచూరిటీ ఉండాలి. మీ ఇద్దరికీ అది ఉందా? అది చుస్కో. ఇద్దరిలో ఒకరికి లేకపోయినా వాళ్ళు మళ్ళీ మళ్ళీ ట్రై చేస్తూ ఉంటారు. నీకు క్లారిటీ ఉంది. ఆ అబ్బాయి నువ్వు చెప్పినదానికి కన్విన్స్ అవ్వలేదు అనుకో, ట్రై చేస్తూ ఉంటాడు. నువ్వేమో వద్దు అంటూ ఉంటావు. దాని వాళ్ళ కొన్నాళ్ళకి ఎలా అవుతుంది అంటే నువ్వు వాడిని లూప్ లైన్ లో పెట్టినట్టు అనిపిస్తుంది. అప్పుడు కొంతమంది వొయిలెంట్ గా రియాక్ట్ అవుతారు. అదేదో కష్టం అనిపించినా బ్రేకప్ అని కట్ చేసేసుకుంటే, ఇప్పుడు నొప్పి అనిపించినా ఫ్యూచర్ లో ఇబ్బంది రాదు. 

స్పందన (ఓకే రెండు నిమిషాలు ఆగి): నీ పాయింట్ నాకు అర్థం అయింది. హర్ట్ చేయకుండా చెప్పమంటున్నావు.

కిట్టు: ఇలాంటి వాటిలో హర్ట్ చెయ్యకుండా ఉండటం కష్టం. హర్ట్ చేస్తాము. కాకపోతే ఎంత తక్కువ హర్ట్ చేస్తాము, వాళ్ళకి మనకి ఫ్యూచర్ లో ఇబ్బంది రాకుండా ఎలా ఈజీగా అయ్యే లాగా చేస్తాము అనేదాంట్లో మన మెచూరిటీ ఉంటుంది. నీ వంతు ప్రయత్నం నువ్వు చెయ్యి. అయినా వాడు తేడాగా రియాక్ట్ అయితే అది నీ తప్పు కాదు. వాడి ఖర్మ. 

స్పందన: అర్థం అయింది. థాంక్యూ కిట్టు.

కిట్టు: ఏం పర్లేదు.

స్పందన: నువ్వు ములగ చెట్టు ఎక్కాను అంటే ఒకటి చెప్తాను. నువ్వు చాలా బాగా ఎక్స్ప్లెయిన్ చేశావు.  

కిట్టు: ములగ చెట్టు ఎక్కద్దు అంటే ఎలా? నేను ఉడేదే అక్కడ కదా. 

స్పందన (నవ్వుతు): జాగ్రత్త పడితే నడ్డి విరుగుతుంది. 

కిట్టు: ఆల్రెడీ నడ్డి విరిగింది కదా. ఒకటి కాదు రెండు సార్లు బ్రేకప్ అయింది. అందుకే మూసుకుని అరేంజ్డ్ మ్యారేజ్ చేసుకుంటున్నాను.
స్పందన పకపకా నవ్వింది.

స్పందన: అంటే ఈ తెలివి అంత బ్రేకప్స్ వల్ల వచ్చింది అంటావు. 

కిట్టు: తెలివి ముందే ఉంది. బ్రేకప్స్ వల్ల అనుభవం వచ్చింది. తెలివి అనుభవం కలిస్తే వచ్చేది విజ్ఞత. అది ఉన్నవాడు ఎప్పుడు బానే బతికేస్తాడు. 

స్పందన: ఆహా ఏమి చెప్తిరి ఏమి చెప్తిరి

కిట్టు సిగ్గుపడుతున్నట్టు స్మైలీ పెట్టాడు.

స్పందన: లేదు. సీరియస్ గా. నేను బాగా ఇంప్రెస్స్ అయ్యాను. ఇంకో పది మార్కులు వెయ్యచ్చు.

కిట్టు: నాకు ఇంకా మార్కులు వేస్తూనే ఉంటావా తల్లి. 

స్పందన: జీవితాంతం వేస్తూనే ఉంటాను.

కిట్టు: నాకేనా. నీకు వీడు కాకపోయినా ఎప్పుడోకప్పుడు హీరో వస్తాడు. వాడికి వేద్దువుగాని మార్కులు. నాకెందుకు.

స్పందన: హ హ. నీకు మా అక్క వేస్తుంది అంటావా?

కిట్టు: నాకు మీ అక్క వేస్తుందేమో నాకు తెలీదు. నీకే తెలియాలి.

స్పందన: అది వెయ్యదు. అది ఉన్నదాంతో సద్దుకుపోతుంది.

కిట్టు: ఏయ్ అంటే నాతో తప్పక సద్దుకుంటుంది అనుకుంటున్నావా? 

స్పందన: నేను అనలేదు బాబు. నన్ను ఇన్వొల్వె చేయకండి. కానీ నేను మాత్రం నీకు మార్కులువేస్తూనే ఉంటాను ప్రతి విషయంలో.

కిట్టు (నవ్వుతు): ఓకే. మంచి మార్కులు వస్తే గిఫ్ట్ ఎమన్నా ఇస్తారా టీచర్?

స్పందన: నేను నే బెస్టుఫ్రెండ్ గా ఉండటమే నీ లైఫ్ లో అతిపెద్ద గిఫ్ట్. ఇంకేమి కావలి?

కిట్టు: అబ్బా. ఇగో బట్టిన అడ్డగాడిద అని ఖుషి సినిమాలో పవన్ కళ్యాణ్ చెప్పింది నీ గురించే 

ఇద్దరు ఒక అయిదు నిమిషాల పాటు నవ్వుకున్నారు.  

స్పందన: సరే కిట్టు. నాకు నిద్రొస్తోంది. అక్క ఏమన్నా మెసేజ్ చేసిందా?

కిట్టు: చేసింది. తనకి ఇందాక రిప్లై ఇస్తుంటే నువ్వు చేశావు.

స్పందన: అయ్యో. డిస్టర్బ్ చేసానా?

కిట్టు: లేదు లేదు. తను నిద్రపోయింది అప్పటికే. పాపం హెక్టిక్ ట్రిప్ కదా. 

స్పందన: అవును. ఉన్నట్టుండి వెళ్లాల్సొచ్చింది. 

కిట్టు (కొంటెగా) : అయినా మీ అక్క మాట్లాడుతుంటే నీకు రిప్లై ఎందుకు ఇస్తాను? ఇగ్నోర్ చేసేద్దును కదా

స్పందన: ఓరి దుర్మార్గుడా. సరే. అక్క కదా. ఏమి అనలేను. నన్ను ఇగ్నోర్ చేసిన అక్కకే కదా ఇంపార్టెన్స్ ఇస్తున్నావు. సో క్షమించేస్తాను.

కిట్టు: సంతోషం.

స్పందన: గుడ్నైట్ కిట్టు. 

కిట్టు: రెండురోజులలో కలుద్దాము. వెళ్లి బట్టలు తెచ్చుకోవాలి కదా.

స్పందన: అవును. టేక్ కేర్. బై.

కిట్టు: గుడ్నైట్.

కిట్టు ఫోన్ పక్కన పడేసి అలా లైట్ ఆఫ్ చేసి నిద్రపోయాడు. పడుకునే ముందు ఒక 
సరి సమీరతో చాట్ చదువుకున్నాడు. చిన్నగా నవ్వుకుని ఫోన్ పక్కన పెట్టి కళ్ళు మూసుకున్నాడు.

*****

ఢిల్లీ లో హోటల్ రూమ్ లో సమీర తన లాప్టాప్ లో కిట్టు స్పందనల మధ్య చాట్ అంత చదివింది. వాళ్ళు సరదాగా మాట్లాడుకుంటున్నది, కిట్టు స్పందనకి ఇచ్చిన సలహా, తన గురించి వాళ్ళు మాట్లాడింది అన్ని చదివి చిన్నగా నవ్వుకుంది. ఉన్నట్టుండి తనకి చాలా గిల్టీ గా అనిపించింది. తన చెల్లి మెసేజెస్ తను చదవడం ఏంటి ఛండాలంగా అనుకుంది. వెంటనే వాట్సాప్ లోంచి లాగౌట్ అయిపోయింది. కిట్టుకోసం ఢిల్లీ లో ఏదన్నా గిఫ్ట్ కొనాలి అనుకుంది. 

ఇంతలో మరల తన మనసులో ఉన్న భయం గుర్తుకొచ్చింది. కిట్టుకి తన ప్రాబ్లెమ్ తెలిస్తే ఇలానే ఉంటాడా? స్పందనకి తన ప్రాబ్లెమ్ గురించి చెప్తే ఏమంటుంది. తన తల్లి సరోజ ఏమంటుంది. లోకం ఏమంటుంది. అసలు తన ప్రాబ్లెమ్ ఎవ్వరికైనా ఎలా అర్థమయ్యేలాగా చెప్పాలి. తను కిట్టుకి అన్యాయం చేస్తున్నానా? ఇలా ఎన్నో ఆలోచనలు తన మనసులో కలవరం రేపుతున్నాయి. 

ఏదైతే అది అవుతుంది అనుకుని ఇక పడుకుంది.

ఇంకా ఉంది
  

[JustRandom]

Episode - 13

మరుసటిరోజు అలా గడిచిపోయింది. రాత్రి పదింటికి స్నానం చేసి బెడ్ ఎక్కాడు కిట్టు. బెడ్ రూమ్ లో ఉన్న టీవీ ఆన్ చేసి ఏదో స్పోర్ట్స్ ఛానల్ పెట్టుకున్నాడు. సమీర తో మాట్లాడాలి అనిపించింది. మెసేజ్ చేశాడు.


కిట్టు: హాయ్. ఫ్రీ గా ఉన్నారా?

సమీర: మీకే మెసేజ్ చేయబోతున్నాను

అది చూసి కిట్టు సంతోషించాడు.

కిట్టు: నాకు తెలిసిపోయింది. అందుకే నేనే చేసాను.

సమీర: హ హ. 

కిట్టు: తిన్నారా?

సమీర: ఇప్పుడే అయింది. కొలీగ్స్ అందరు ఎవరి రూమ్ కి వాళ్ళు వెళ్లిపోయారు. మీరు తిన్నారా?

కిట్టు: రేపు బయల్దేరుతారా? 

సమీర: అవును రేపు సాయంత్రం ఫ్లైట్.

కిట్టు ఏదో మాట్లాడాలి అనుకుంటున్నాడు కానీ సమీరతో ఏమనాలో అర్ధం కావట్లేదు. 

స్పందన లాగ టకాటకా మాట్లాడితే పర్లేదు. తిను మాత్రం చాలా పొడి పొడి గా మాట్లాడే అమ్మాయి.

కిట్టు: ఎయిర్పోర్ట్ కి రానా?

సమీర ఆలోచించింది. ఏమి చెప్పాలి. తనకి కిట్టుని హర్ట్ చెయ్యడం ఇష్టం లేదు. 

సమీర: మీకు ఎందుకు ఇబ్బంది. 

కిట్టు: ఇందులో ఏముంది. ఊరికే అలా సరదాగా.

సమీర: సరే. మీ ఇష్టం.

కిట్టు: బలవంతం లేదు. మీకు ఒకే అయితేనే.

సమీర: హా పర్లేదు. రండి.

కిట్టు: ఇంకేంటి?

సమీర: ఏమి లేదు. బాగా అలసిపోయాను. ఇంక రెస్ట్ తీసుకుంటాను.

కిట్టు: అఫ్ కోర్స్. రెస్ట్ తీసుకోండి. రేపు కలుద్దాము. గుడ్ నైట్.

సమీర: గుడ్నైట్. 

సమీర ఫోన్ పక్కనపెట్టి అలా నిద్రపోయింది. 

కిట్టు నిద్రపోదాము అనుకుంటుంటే ఫోన్ లో మెసేజ్ వచ్చింది. చూడగానే కిట్టు మోహంలో చిన్న నవ్వు. అది వాడికి కూడా తెలీదు.

స్పందన: ఓయ్ హీరో. ఏమి చేస్తున్నావు?

కిట్టు: ఈ ప్రపంచాన్ని ఎలా బాగు చెయ్యాలా అని ఆలోచిస్తున్నాను.

స్పందన: అంత ఖాళీగా ఉన్నావా?

కిట్టు: లోకకల్యాణం కోసం తప్పదు.

స్పందన: ముందు నీ కళ్యాణం గురించి ఆలోచించు.

కిట్టు: దానికేమి. అన్ని బాగానే జరుగుతున్నాయి కదా?

స్పందన: జరుగుతున్నాయిలే. ఏదో నా పుణ్యమా అని.

కిట్టు: ఇందులో నువ్వేమి చేశావు?

స్పందన: నేను ఒప్పుకున్నాను కాబట్టే అక్క నిన్ను చేసుకుంటోంది. కాబట్టి మీ ఇద్దరు ఇక నుంచి మీ లైఫ్లో ఏమి జరిగిన అది నా వల్లే అని ఫిక్స్ అయిపో.

కిట్టు: ఇదేమి దౌర్జన్యం? 

స్పందన: అదంతేలేవోయ్. 

కిట్టు: ఒకే. నీ పిచ్చ నీ ఆనందం.

స్పందన నవ్వింది. అదేంటో ఈ చిన్న బాంటర్ తనకి నచ్చుతోంది.

స్పందన: సరే విను. ఇప్పుడే ఆ టైలర్ రాణి ఫోన్ చేసింది. మానని బట్టలు కోసం ఎల్లుండి రమ్మంది. లొకేషన్ పంపిస్తాను అంది.

కిట్టు: హమ్మయ్య. రేపు వెళ్ళాలి అంటే ఎలానా అని ఆలోచిస్తున్నాను.

స్పందన: రేపు బిజీ నా?

కిట్టు: చాలా. నా కాబోయే శ్రీమతిని పిక్ చేసుకోవాలి.

స్పందన: అబ్బో! అబ్బో! ఫెంటాస్టిక్. వెళ్లేప్పుడు ఖాళీ చేతులతో కాకుండా ఏమన్నా తీసుకెళ్ళు. 

కిట్టు: అబ్బా చా. మాకు తెలీదు మరి. నేను మీ అక్క కోసం గిఫ్ట్స్ ఎప్పుడో కొన్నాను. ఇవ్వడం కుదరక అన్ని నా దెగ్గరే పెట్టుకున్నాను. 

స్పందన: అబ్బో! బావ రొమాంటిక్ అనమాట. 

కిట్టు నవ్వే స్మైలీ పంపాడు.

స్పందన: ఐ అం వెరీ హ్యాపీ. చక్కగా ఎంజాయ్ చెయ్యండి. అది తక్కువ 
మాట్లాడుతుంది. నీతో కూడా మాట్లాడట్లేదు అని టెన్షన్ పడ్డాను. కానీ మెల్లిగా ఓపెన్ 
అప్ అవుతోంది అనుకుంటా.

కిట్టు: హ్మ్. చెప్పాను కదా. టైం ఇవ్వాలి. అన్ని అవే సెట్ అవుతాయి

స్పందన: నిజంగా. చాల సెన్సిబ్లె అబ్బాయివి నువ్వు. మా అక్కని బాగా చుస్కో.

కిట్టు: బెంగ పడకు. నీ స్కోరికార్డులో నాకు ఎన్ని మార్కులు వేశావో ఏమో మరి. నేను మాత్రం కొంచం మంచోడినే. 

స్పందన: సరే అయితే. ఎల్లుండి కలుద్దాము. రేపు ఎంజాయ్.   
మరుసటిరోజు రాత్రి ఎనిమిదింటికి హైదరాబాద్ కి చేరుకుంది సమీర. బయటకి వచ్చేసరికి రిసీవ్ చేసుకోడానికి వచ్చిన కిట్టు కన్పించాడు. కిట్టు చక్కటి నల్లటి టీ-షర్ట్ వేసుకుని జీన్స్ వేసుకుని వచ్చాడు. చూడగానే చక్కగా నవ్వాడు. సమీర గంధపు రంగు చుడిదార్, ఎర్రటి చున్నీ, జుట్టు విరిబోసుకుని జస్ట్ ఓకే క్లిప్ పెట్టుకుని చూడటానికి చక్కగా ఉంది.

సమీర ట్రాలీ బాగ్ తీసుకుని వచ్చింది. దెగ్గరికి చేరుకోగానే ఎలా పలకరించాలి అన్న ఆలోచన మళ్ళీఇద్దరి మదిలో మెదిలింది. కిట్టు వాటేసుకుంటాడేమో అని సమీర చూసింది. సమీర దెగ్గరికి వస్తే హాగ్ చేసుకుందాము అన్నట్టు కిట్టు చూస్తున్నాడు.
దెగ్గరికి వచ్చి నుంచుంది సమీర. ఒక అయిదు సెకన్లు అలా చూసుకున్నారు. నవ్వుతు మొహమాటపడుతూ. 

కిట్టు: ట్రిప్ బాగా జరిగిందా?

సమీర: బాగా అయింది. 

కిట్టు: వెళ్దామా?

సమీర: డిన్నర్ చేశారా?

కిట్టు చిన్నగా నవ్వాడు. సమీర డిన్నర్ కి వెళ్దామా అని తన శైలిలో అడిగింది అని అర్థం అయింది. 

కిట్టు: లేదు. మిమ్మల్ని పిక్ చేసుకుని వెళదాము అని టేబుల్ రిజర్వు చేశాను. పదండి.

సమీర చిన్నగా నవ్వింది. తన చేతిలోంచి ట్రాలీ బాగ్ తీసుకున్నాడు కిట్టు. అలా నడుస్తుంటే కాస్త దెగ్గరికి జరిగి సమీర వెనుక వీపు మీద చెయ్యి ఆంచాడు. 
కిట్టు తనని మొదటి సారి అలా టచ్ చేసాడు. సమీర కి టెన్షన్ మొదలైంది. అంత మందిలో, పబ్లిక్ లో ఉన్నా సరే, ఒక మగాడు తనని టచ్ చేసాడు అనేసరికి గుండె వేగం పెరిగింది.

కిట్టు అలానే నడుస్తూ ఉన్నాడు. సమీర వీపు మీద చెయ్యి వేయడంతో తన వొంట్లో కూడా ఏదో తెలియని అలజడి. తనకి కాబోయే భార్య. మొదటిసారి అంత దెగ్గరికి వచ్చాడు. భుజం మీద చెయ్యి వేసి దెగ్గరికి తీసుకోవాలి అనుకున్నాడు. కానీ సమీర ఇబ్బంది పడుతుందేమో అని అలా వీపు మీద చెయ్యి వేసి నడిచాడు. ఏవో జనరల్ మాటలు మాట్లాడుకుంటూ పార్కింగ్ కి వచ్చారు. అక్కడ కార్ ఎక్కి ఎయిర్పోర్ట్ బయట వున్న నోవొటెల్ హోటల్ కి వెళ్లారు. అక్కడ రిజర్వు చేసిన టేబుల్ దెగ్గర కూర్చున్నారు. 

ఒక అరగంట పాటు జనరల్ విషయాలు మాట్లాడుకున్నారు. తరువాత స్పందన గురించి టాపిక్ వచ్చింది. అలా ఏదో మాట్లాడుతూ ఉన్నాడు కిట్టు. తాను ఒక కొత్త అపార్ట్మెంట్ కొండము అన్న ప్లాన్ లో ఉన్నాడు. ఆ వెంచర్ విషయాలు చెప్తూ ఉన్నాడు. కానీ సమీర మనసు ఎక్కడో ఉంది. కొంచం సేపు అయ్యాక కిట్టు అది గమనించాడు. 

కిట్టు: అంతా ఒకే నా? 

సమీర కాస్త సందేహించింది. కానీ ఇంక తన మనసులో మాట చెప్పకపోతే కష్టం అనుకుంది. తానూ ఆ ప్రెషర్ హేండిల్ చేయలేకపోతోంది. 

సమీర: మీతో ఒక ముఖ్యమైన విషయము చెప్పాలి.
కిట్టు చిన్నగా తల ఊపాడు. 

సమీర: ఇది ఇప్పుడు చెప్పాచ్చో లేదో నాకు తెలియట్లేదు. కానీ చెప్పకపోతే పెద్ద తప్పు అవుతుంది. మీరు చాల మంచి మనిషి. అన్ని నిజాయితీగా ముందే నాకు చెప్పేసారు. కానీ నేను ఇది మీకు చెప్పలేకపోయాను. నిజానికి ఎవ్వరికి తెలియదు.
కిట్టు తినడం ఆపి చేతులు రెండు టేబుల్ మీద పెట్టి ఫోకస్ తో వింటున్నాడు.

కిట్టు: ఏ విషయం అయినా పర్లేదు. చెప్పండి.

సమీర: నాకు. నాకు ఒక ఫోబియా ఉంది.  

కిట్టు: ఫోబియా నా? ఏంటది?

సమీర: నాకు జెనోఫోబియా ఉంది.

కిట్టుకి దాని అర్థం కూడా తెలియదు.

కిట్టు: అంటే ఏంటి?

సమీర కొంచం నీళ్లు నమిలింది. ధైర్యం తెచ్చుకుని చెప్పింది.

సమీర: నాకు.. నాకు... నాకు సెక్స్ అంటే భయం

కిట్టుకి ఫుజ్ పోయింది. అలా చూస్తున్నాడు.

సమీర: చిన్నప్పటి నుంచి నేను ఎప్పుడు సెక్సువల్ గా ఎవ్వరితో ఇంవోల్వ్ కాలేదు. కాబట్టి అది నాకు తెలియలేదు. కానీ పెళ్లి చేసుకోవాలి అనుకున్నప్పుడు కూడా నాకు సెక్సువల్ కోరిక కలగలేదు. అదేంటో అర్థం కాకా డాక్టర్ డేగరికి వెళ్ళాను. కౌన్సిలింగ్ చేసాక చెప్పారు. నాకు వున్న కండిషన్ ని జెనోఫోబియా అంటారట. అంటే సెక్స్ పట్ల ఆసక్తి ఉండదు, భయం ఉంటుంది, ఎవరన్నా సెక్సువల్ గా ముట్టుకున్నా చాల భయం ఇబ్బంది వస్తుంది. 

నెక్స్ట్ పది నిమిషాల పాటు సమీర తనకి వున్న కండిషన్ గురించి ఎక్స్ప్లెయిన్ చేసింది. 

కిట్టు సైలెంట్ గా ఉన్నాడు. ఏమి చెయ్యాలో ఎలా రియాక్ట్ అవ్వాలో తెలీట్లేదు. అలా వింటున్నాడు. 

చెప్తూ చెప్తూ సమీర కన్నీళ్ళలో నీళ్లు వచ్చేసి బొటబొట కారాయి.

సమీర: మనకి ఎంగేజ్మెంట్ అయ్యాక కూడా మీరు చాల ట్రై చేసినా నేను మీకు రెస్పొంద్ అవ్వలేకపోయాను. కానీ మీరు నన్ను ఇబ్బంది పెట్టకుండా అలా ఉన్నారు. అంత మంచి మనిషి మీరు. మిమ్మల్ని ఇలా దూరం ఉంచి బాధ పెడుతున్నందుకు చాల బాధగా ఉంది. చెప్తే మీరు పెళ్లి కాన్సల్ అంటారేమో అన్న బాహాయంతో చెప్పలేదు. కానీ ఇప్పుడు ఏది అయితే అది అవుతుంది అని చెప్తున్నాను.

సమీర ఏడుస్తోంది. ఇది చెప్పడానికి చాలా ధైర్యం తెచ్చుకుంది. కానీ చెప్పాక మనసు తేలికపడాలి కానీ ఇంకా భారం పెరిగింది. పెళ్లి కాన్సల్ అంటే కారణం ఏమని చెప్పాలి? అమ్మ బాధ పడుతుంది. చెల్లి బాధ పడుతుంది. చెల్లి పెళ్లి సంగతి ఏంటి? ఇలా ఎన్ని ఆలోచనల మధ్య రగిలిపోతోంది. ధారాళంగా కలల్లోంచి నీళ్లు వస్తున్నాయి. 

అప్పటివరకు షాక్ లో వున్న కిట్టు తేరుకున్నాడు. సమీర అలా ఏడుస్తుంటే తనకి జాలి వేసింది. 

కిట్టు: సమీర. ఏడవకండి. ముందు నీళ్లు తాగండి.
సమీరాకి నీళ్లు ఇచ్చాడు. తాను తాగి కళ్ళు తుడుచుకుంది. కొంచం నార్మల్ అయింది.

కిట్టు: ఇది చెప్పడానికి చాలా ధైర్యం కావలి. మీరు ఇంత ధైర్యం చేశారు చుడండి, ముందుగా మీరు ప్రౌడ్ ఫీల్ ఆవలి.
సమీర కి ఏడుపుకి ఎక్కిళ్ళు వస్తుంటే కిట్టు ఇంకో గ్లాస్ వాటర్ ఇచ్చాడు. నీళ్లు తాగింది.

కిట్టు: నాకు మీ కండిషన్ గురించి డీటెయిల్స్ తెలీదు. కానీ మీరు చెప్పినదాని బట్టి ఎంత బాధ మీరు ఒక్కరే భరిస్తున్నారో అర్థం అయింది. ముందుగా మీకు ఒకటి చెప్తాను. మీరు మనసులో దాచుకుంటే ప్రాబ్లెమ్ సాల్వ్ అవ్వదు. కొన్నిసార్లు షేర్ చేసుకుంటే మనకి మేలు అవుతుంది. నాకు ఇబ్బంది కాకూడదు అని పెళ్లికి ముందు ఇది నాకు చెప్పారు అంటే మీరు ఎంత రెస్పాన్సిబుల్ గా ఆలోచిస్తారో ఇది ఒక నిదర్శనం.

సమీర కిట్టు మొహంలోకి చూసింది. కోపం లేదు. బాధ లేదు. భయం లేదు. ఏమి తేడా లేదు.

కిట్టు: దీనికి ట్రీట్మెంట్ ఉందా?

సమీర: కౌన్సిలింగ్ చేస్తారు. కొన్ని మెడిసిన్ ఉంటాయి. కానీ దీనికి కారణాలు అనేకం. ఎప్పుడు తగ్గుతుందో ఎలా తగ్గుతుందో తెలీదు. అసలు తగ్గుతుందో లేదో కూడా తెలీదు.

కిట్టు ఒక రెండు నిమిషాల పాటు ఏదో ఆలోచించాడు. ఏదో నిర్ణయం తీసుకున్నట్టు తనలో తాను తల ఊపి మాట్లాడాడు.

కిట్టు: ఖంగారు పడద్దు. డాక్టర్ దెగ్గరికి వెల్దాము. కౌన్సిలింగ్ సెషన్స్ అటెండ్ అవుదాము. మ్యారేజ్ కౌన్సిలింగ్ కి కూడా వెళదాము. నేను కూడా వస్తాను. మీరొక్కరే బాధ పడకండి. నేనున్నాను.

సమీర ఆశ్చర్యంగా చూసింది.

కిట్టు: టైంతో పాటు అన్ని సద్దుకుంటాయి. ముందు ఈ టైములో మీరు ఆలోచించకండి. పట్టుమని రెండు వారాలు ఉంది పెళ్ళికి. ఇవన్నీ స్ట్రెస్ తీసుకోకండి.
సమీర నమ్మలేకపోతోంది. అసలు కిట్టుకి అర్థం అయిందా లేదా అన్నట్టు చూసింది.

సమీర: మీకు అర్థం అవుతోందా కిట్టు? నేను ఫిసికల్ గా ఇంవోల్వ్ అవ్వలేను. అవ్వాలి అని ఉన్నా నాకు భయం.

కిట్టు: అర్థము అయింది. అందుకే కలిసి ప్రాబ్లెమ్ డీల్ చేద్దాము. పెళ్లి అయ్యాక చేసుకుందాము. ఇప్పుడు టెన్షన్ పడద్దు అంటున్నాను.
సమీర నోరెళ్లబెట్టింది.

సమీర: అంటే ఇది తెలిసి కూడా పెళ్లి ఒకే న?

కిట్టు: మీ మనసులో ఇంకా ఎవరన్నా ఉన్నారు అన్నా, మీకు ఈ పెళ్లి ఇష్టం లేదు అన్నా, మీరు పెళ్లి వద్దు అన్నా నాకు చెప్పండి. ఇప్పుడే కాన్సల్ చేసేస్తాను. మీ పేరు రానివ్వను. నేనే కాన్సల్ చేసాను అని చెప్తాను.
సమీర ఇంకా అలానే నమ్మలేనట్టు చూసింది.

కిట్టు: కానీ మీ మీద నాకు గౌరవం పెరిగింది. హెల్త్ ఇష్యూ కాబట్టి నేను ఇది పెట్టుకుని పెళ్లి కాన్సల్ చెయ్యను. మీకు ఎంత టైం కావాలో అంత టైం తీసుకోండి.

సమీర: ఎమోషనల్ గా కాదు. లాజికల్ గా ఆలోచించండి. ఇది చాలా పెద్ద డెసిషన్.
కిట్టు చిన్నగా నవ్వాడు.

కిట్టు: లోజికల్గానే ఆలోచిస్తున్నాను. రేపొద్దున పెళ్లి అయ్యాక నాకు ఆక్సిడెంట్ అయ్యి నేను సెక్స్ కి పనికిరాను అంటే? ఇలాంటి కండిషన్ నాకే ఉంటే? పెళ్లి అయ్యాక ఏజ్ వచ్చినప్పుడు ఇదొక రోగం వచ్చి ఫిసికల్ రేలషన్ కి మనము పనికిరాము అంటే? ఇలా ఆలోచిస్తూ పోతే చాలా చెప్పచు. కానీ మీకున్న కండిషన్ సైకలాజికల్ కదా. ఇది క్యూర్ అయ్యే అవకాశం ఉన్నా లేకపోయినా నేను ట్రై చెయ్యకుండా వదలలేను. అందుకే అంటున్నాను. కష్టం వచ్చింది. కలిసి హేండిల్ చేద్దాము. నేను మిమ్మల్ని ఫిసికల్ రేలషన్ కోసం ఇబ్బంది పెట్టను.

సమీర కి అర్థం కాలేదు. కుప్పలు తెప్పలు ప్రశ్నలు.

కిట్టు: అంటే నా ఉద్దేశం ఊర్లో బయటవాళ్ళతో ఎఫైర్ పెట్టుకుంటాను అని కాదు. మీకు నా మీద నమ్మకం ఉంటే ముందుకి వెళదాము. లేదంటే కాన్సల్ చేద్దాము.
సమీరకి కొంచం మనసులో భయం తగ్గింది. పెళ్లి కాన్సల్ చెయ్యాలా వద్దా అనే ఆలోచనలో ఉంది. 

కిట్టు: నాలుగు రోజులు టైం తీసుకోండి. మీ నిర్ణయం చెప్పండి. 
ఇద్దరు ఇక ఏమి తినలేదు. బయల్దేరిపోయారు. సమీరని వాళ్ళ ఇంటి దెగ్గర దింపడానికి వెళ్ళాడు. పైకి రమ్మంది. తనకి వెళ్లే మూడ్ లేనప్పటికీ సమీర అడిగింది అని వెళ్ళాడు. 

రాత్రి పదకొండు అయింది. సరోజ వచ్చి గంట అయింది. కానీ చాలా బిజీగా లాప్టాప్ లో ఏదో చేసుకుంటోంది. అల్లుడ్ని చూసి వెంటనే లోపలి వెళ్లి నైటీ మీద చున్నీ వేసుకుని వచ్చింది. 

స్పందన రూమ్ లోంచి బయటకి వచ్చింది. కిట్టుని చూసి నవ్వింది. సరోజకి కిట్టుతో తాను అంత చనువుగా మాట్లాడుతోంది అను తెలీదు. కాబట్టి తల్లితిడుతుంది అని సరోజ ముందు మామూలుగానే ఉంది స్పందన.

సరోజ: సారీ బాబు. మీరు వస్తారు అని తెలీదు. 

కిట్టు: అయ్యో అదేంటండి. నేనేమన్నా సెలెబ్రిటీనా? ఇంట్లోనే ఇలానే కదా ఉంటాము?

సరోజ నవ్వింది. 

సరోజ: మొదటి సారి ఇంటికి వచ్చారు. ఏమి తీసుకుంటారు.

కిట్టు: ఏమొద్దండి డిన్నర్ చేసే వస్తున్నాము.

స్పందన సమీర పక్కన కూర్చుంది. అక్క బావా డిన్నర్ కి వెళ్లారు అంటే తనకు ఆనందంగా అనిపించింది. అక్క చేతిని పట్టుకుని చిన్నగా నొక్కింది.

సరోజ: మొదటిసారి వచ్చారు. ఇల్లు చుడండి. సమీర, చూపించమ్మా.
కిట్టు వెంటనే స్పందన మొహం చూసాడు. తాను చెప్పలేదు అన్నట్టు సైగ చేసింది. 

కిట్టు: ఇంత రాత్రి ఎందుకులెండి. అందరు కంఫోర్టాబుల్ గా ఉండే టైం. ఈసారి వచ్చినప్పుడు చూస్తాను. 

సరోజ కి కిట్టు సమాధానాలు నచ్చుతున్నాయి. సెన్సిబుల్ అబ్బాయి అనుకుంది.

కిట్టు: సరే అంది. నేనుంటాను. 
కిట్టు బయల్దేరాడు. సోఫాలో ఉన్నా సమీర స్పందనల వైపు చూసి అన్నాడు.

కిట్టు: నేను చేరాక మెసేజ్ చేస్తాను. 

వాడు అన్నది ఎవరితోనో తెలీదు. కానీ సమీర స్పందన ఇద్దరు తల ఊపారు. అది కిట్టు మాత్రమే గమనించాడు. అంత టెన్సిం లో కూడా వాడికి కామెడీగా అనిపించింది.

సరే అని చెప్పి ఇక ఇంటికి బయల్దేరాడు.

ఇంకా ఉంది.    

[JustRandom]

Nice update andi. Aslu em problem andi sameera ki?

ఎపిసోడ్ 13 చదవండి. అర్థం అవుతుంది.

[JustRandom]

మొదటగా కిట్టూ పాత్రను బాగా మలిచారు. మాటల్లో, చేతల్లో చాలా పెద్దరికం (అనొచ్చా, చాలా మంది పెద్దలు గాడి తప్పి ప్రవర్తిస్తున్నారు ఈ మధ్య) బాలెన్స్ గా, హుందా గా ప్రవర్తిస్తున్నాడు. బ్రేక్ అప్ గురిచి మీరిచ్చిన విశ్లేషన కూడా బావుంది, ఈ మధ్య కాలం రిలేషన్ల కు అర్థమే మారిపోతోంది. సమీర కున్న ప్రాబ్లం ఏంటో, కొంపదీసి ప్రిజిడిటీనా, భయమా లేక నా ఊహకు అందడం లేదు. కధనం బావుంది బ్రో.

Thank you bro. 

మీరు ఇంటెలిజెంట్ గెస్ చేస్తున్నారు. ఎపిసోడ్ 13 చదవండి. అర్థం అవుతుంది.

[JustRandom]

Sameera problem enti sir.... Excellent update

ఎపిసోడ్ 13 చదవండి. అర్థం అవుతుంది.

[JustRandom]

కిట్టు.. బాబు బంగారం..

అంతే అంతే

[JustRandom]

నాకు రైటర్ నచ్చాడు...

Best compliment ever!!!! 

[JustRandom]

అది బావుంది, ఇది బావుంది అని చెప్పను..కథంతా ఇంటరెస్టింగా వుంది, కిట్టూ ప్లేస్ లో నేనుంటే ఎలా ప్రవర్తించేవాన్నో అని ఆలోచించుకునేటట్లు.

అది ఒక నిస్సహాయత వల్ల అనిపించిన కామెడీ. ఇద్దరు అందమైన అమ్మాయిలు. ఒక మంచి ఫ్రెండ్ గా మారిన మరదలు. బావుంది లైఫ్ అనుకుంటున్నా టైం లో వచ్చిన కష్టం వల్ల వచ్చే అర్థంలేని ఆలోచన.

[JustRandom]

Episode -14

ఇంటికి చేరిన కిట్టు సమీరకి స్పందనకి విడివిడిగా మెసేజ్ పెట్టాడు. రాత్రి ఒంటిగంట అయింది. స్పందన చక్కగా స్నానం చేసి లోపల బ్రా పాంటీ వేసుకోకుండా బెడ్ ఎక్కింది. ఫోన్ తీసి కిట్టుకి మెసేజ్ చేద్దాము, మరుసటిరోజు ప్లాన్ ఏంటో కనుక్కుందాము అనుకుంటుండగా తలుపు శబ్దం అయింది. ఈ టైం లో అమ్మ అక్క నిద్రపోయే టైం. ఏంటా అని తలుపు తీసింది. చుస్తే సమీర నైటీలో నుంచుని ఉంది. లోపల బ్రా వేసుకుని ఉంది అని పైకి కనిపించే బ్రా స్ట్రాప్స్ అచ్చు ద్వారా తెలుస్తోంది.

సమీర: సారీ. బిజీ నా?

స్పందన: ఏమి లేదక్కా. దా

సమీర లోపలి వచ్చింది. స్పందన బెంతనే పక్కనే ఉన్న చున్నీ తీసి మీద కప్పుకుంది. అదేంటో, అక్క, ఇంట్లో, అర్ధ రాత్రి అయినా సరే... ఒళ్ళు దాచుకోవాలి. ఆ విషయం చిరాకు అనిపించినప్పటికీ అక్క మోహంలో తేడా గమనించింది. 
స్పందన: ఏమైంది? అంత ఒకే నా?

సమీర కళ్ళల్లోంచి నీళ్లు కారిపోయాయి. స్పందన ఖంగారుగా చూసింది. తదుపరి గంటలో జరిగింది మొత్తం స్పందనకి చెప్పింది సమీర. అక్క చెప్పిన ప్రాబ్లెమ్ విని సమీరకి భయం, ఖంగారు, వొణుకు ఇలా చెప్పలేనివి అన్ని వచ్చాయి. లాప్టాప్ ఓపెన్ చేసి వీడియోస్ చూసింది. అక్కకి చూపించింది. ఆర్టికల్స్ చదివింది. అక్కకి ధైర్యం చెప్పింది. తనకి ఏమి తెలియకపోయిన సరే, అన్ని సద్దుకుంటాయి అది ఇది అని ధైర్యంగా మాట్లాడింది. ఇలా అక్కాచెలెళ్ళు ఇద్దరు ఉదయం అయిదు దాకా మెలుకువగానే ఉన్నారు. 

స్పందన: అయిదు అయింది అక్క. అమ్మ లేచే టైం అయింది. నీ మొహం అంత ఏడుపుకి వాచింది. అమ్మ చుస్తే మళ్ళీ ఇబ్బంది. ఈ విషయం అమ్మకి చెప్పద్దు. 
సమీర: ఓకే. చెప్పాలని కూడా లేదు. అమ్మ మనని పెంచడానికి పడ్డ కష్టాలు చాలు. ఇది తెలిసి ఈ ఏజ్ లో ఇంకో నొప్పి అక్కర్లేదు.

స్పందన: నువ్వు అవన్నీ ఆలోచించకు అక్క. కిట్టు చెప్పాడు కదా. టైం తీసుకోమని. టైం ఇస్తే అన్ని సద్దుకుంటాయో అని చెప్తుంటాడు. నాతో కూడా ఒకటి రెండు సందర్భాలలో అన్నాడు. (అక్కకి కిట్టుతో తాను మాట్లాడే విషయాలు తెలీవు అనుకుని ఎదో పైపైన చెప్పేసింది).

సమీర: సరే. నేను వెళ్తాను. నువ్వు నీ బట్టలు తెచ్చుకోవడానికి వెళ్ళాలి కదా టైలర్ దెగ్గరికి. 

స్పందన: అబ్బా ఇప్పుడు అది ముఖ్యం కాదు లే.

సమీర: ఒసేయ్. పెళ్లి చేసుకోవాలి అని నువ్వే అంటున్నావు. కిట్టు కూడా ఓపెన్ అంటున్నాడు. నేను నిర్ణయించుకోడానికి ఇంకో రెండు మూడు రోజులు ఉంది. కానీ పెళ్లి చేసుకోవాలి అంటే అన్ని మామూలుగానే జరగాలి కదా. లేదంటే అమ్మ కి అందరికి అనుమానం వస్తుంది. 

స్పందన: అవును నిజమే. కానీ నిన్ను ఇలా ఒక్కదాన్ని వదిలి వెళ్లడం నాకు ఇష్టం లేదక్కా. పోనీ నువ్వుకూడా టైలర్ దెగ్గరికి రా మాతోటి.

సమీర: లేదే. నేను రాలేను. కిట్టు మొహంలోకి చూసి మాట్లాడాలంటే ఎలానో ఉంది. నాకు ఒక్కడిని కాస్త టైం కావాలి. మీరు వెళ్ళండి. నేను ఇంట్లో ఉంటాను. భయపడకు. నీకు గంట గంటకి మెసేజ్ చేస్తుంటాను. సరేనా? 

స్పందన అయిష్టంగానే ఒప్పుకుంది. సమీర బయటకి వెళ్లేసరికి కిచెన్ లో ఉంది సరోజ. సమీర బెడ్ రూమ్ తలుపు వేసి కాకుండా దెగ్గరికి వేసి ఉండటం గమనించలేదు. తల్లి చూడకుండా మెల్లగా తన రూంలోకి జారుకుంది సమీర. 
అక్క వెళ్ళిపోగానే ఏమి తెలియనట్టు బయటకి వచ్చింది స్పందన. లోపల బ్రా వేసుకోలేదు. బుర్ర పని చెయ్యలేదు. అందుకే అలానే చున్నీ కప్పుకుని వచ్చేసింది.

సరోజ: అప్పుడే లేచేసావే?

స్పందన మొహం చుస్తే నిద్రపోయిన దానిలాగా లేదు. 

సరోజ: ఏమైంది. నిద్రపోలేదు?

స్పందన: లేదమ్మా. రేపటి నుంచి పెళ్లి అయ్యాక ఇంకో వారం పాటు సెలవు అనుకుంటున్నాను. అందుకే పెండింగ్ పనులు అన్ని ఫినిష్ చేసేసాను. 

సరోజ: కాఫీ తాగుతావా? లేక నిద్రపోతావా?

స్పందన: కాఫీ ఇవ్వు. మళ్ళీ పదింటికి వెళ్లి టైలర్ ని కలవాలి. బట్టలు అన్ని ఇచ్చేస్తుంది. అయ్యాక వచ్చి ఏకంగా మధ్యానమే పడుకుంటాను ఇంకా. 
సరోజ కాఫీ ఇచ్చింది. ఇద్దరు డైనింగ్ టేబుల్ మీద కూర్చున్నారు.

సరోజ: అక్క ఎలా ఉంది?

స్పందన నీళ్లు నమిలింది. అదేంటి చూసేసిందా అనుకుంది.

సరోజ: కిట్టుతో బయటకి వెళ్ళింది డిన్నర్ కి. ఇది పాజిటివ్ ఏ కదా.

సరోజ మనసులో ఉన్న భయాన్ని అలా అమాయకంగా అడిగేసరికి స్పందనకి జాలేసింది. పాపం అమ్మ ఎంత కష్టపడింది. స్ట్రిక్ట్ గా పెంచినప్పటికీ ఓల్డ్ జనరేషన్ వాళ్ళకి ఉన్న అమాయకత్వం ఉంది.

స్పందన: అవును. మెసేజ్ ఫోన్ లో కూడా మాట్లాడుతోంది. తక్కువే కానీ ఇదివరకు కంటే పర్లేదు.

సరోజ రెండు చేతులు జోడించి భగవంతుడికి మొక్కింది. నా పిల్లల్ని చల్లగా చూడు దేవుడా అని కోరింది.

తల్లి అలా అనేసరికి స్పందనకి ఏడుపు తన్నుకు వచ్చింది. అమ్మకి ఎలా చెప్పాలి. అసలు తట్టుకోగలదా. కానీ అతి కష్టం మీద కంట్రోల్ చేసుకోడానికి ప్రయత్నించింది. కానీ అప్పటికి కళ్ళు చెమ్మగించాయి. అది సరోజ గమనించింది.

సరోజ: ఏంటి నాన్న? ఏడుస్తున్నావా?

స్పందన చిన్నగా అడ్డంగా తలా ఊపింది తలా ఎత్తకుండా కాఫీ కప్ వైపే చూస్తూ.

సరోజ: మళ్ళీ అమెరికా వెళ్ళిపోవాలి అని బెంగా?

నిజానికి స్పందనకి ఆ ఆలోచన కూడా వచ్చింది. కాకపోతే మంచి ఉద్యోగం. ఇంకో ఐదారేళ్ళ కష్టపడితే ఇక్కడ ప్రాపర్టీస్ కొనచ్చు. ఒక రెండు మూడు కోట్లు బ్యాంకు బాలన్స్ పెట్టుకుని ఇండియా వచ్చేయచ్చు అందుకుంది. కానీ ఇప్పుడు ఇలా అక్కని వదిలి, తల్లికి తెలియకుండా.. ఎలా. అందులో అక్క పెళ్ళిచేసుకుని వెళ్ళిపోతే తల్లి ఒక్కతే ఉండాలి. ఎలా అనే ఇంకో బెంగ.

స్పందన చిన్నగా కళ్ళు తుడుచుకుంది.

స్పందన: ఏమి లేదమ్మా. మిమ్మల్ని వదిలి అంత దూరం వెళ్ళాలి అంటే మిస్ అవుతాను అని.

సరోజ కళ్ళల్లో కూడా నీళ్లు తిరిగాయి.

సరోజ: అక్క పెళ్లి అయ్యాక కొంచం గ్యాప్ ఇచ్చి నీకు చూస్తాను. ఎవరన్నా ఉంటే చెప్పమ్మా. మనకి పట్టింపులు ఏమి లేవు. మంచివాళ్లు అయితే చాలు.

స్పందన: అప్పుడే వద్దమ్మా. అయినా నాకు ఎవరు లేరు కూడా. 

సరోజ: అప్పుడే కాదు లే. ఇంకో ఆరు నెలలు ఆగి. నీ పెళ్లి కూడా అయిపోతే నేను ఫుల్ టైం జాబ్ ఆపెడ్డాము అనుకుంటున్నాను. కాన్ఫరెన్స్ పని మీద రోజు వెళ్తున్నాను కదా. ఒక పెద్ద డీమ్డ్ యూనివర్సిటీ డీన్ పరిచయం అయ్యాడు. ఆయన గెస్ట్ లెక్చరర్ గా పిలిచాడు. రోజుకి మూడు క్లాస్ లు. వారానికి మూడు రోజులు ఉంటాయి అంతే. ఒక గంట లెక్చర్ కి అయిదు వేలు ఆఫర్ చేశారు. నేను ఇంకా ఒప్పుకోలేదు. కానీ కన్సిడర్ చేస్తున్నాను.

స్పందన: నీకు అంటే నెలకి రెండు లక్షలు కూడా రావు. నీ జీతం కంటే తక్కువే కాదమ్మా.

సరోజ: పని కూడా తక్కువే కదా. అందులో ప్రినిసిపాల్ గా అడ్మినిస్ట్రేషన్ అవన్నీ చూడటం వల్ల నాకు రీసెర్చ్ మీద టైం కేటాయించలేకపోతున్నాను. ఈ ఆఫర్ తీసుకుంటే రీసెర్చ్ కూడా చేయచ్చు. ఇంకా వేరే యూనివర్సిటీలలో కూడా గెస్ట్ లెక్చరర్ గా వెళ్లుచు. ఎటొచ్చి ఇటొచ్చి నా జీతం కంటే ఎక్కువే సంపాదించుచు.

స్పందన: నీ ఇష్టం అమ్మ. అయినా అసలు నీకు కష్టపడాల్సిన అవసరమే లేదు. రిటైర్ అవ్వాలి అంటే అయిపో.

సరోజ: పూర్తిగా రిటైర్ అంటే ఇంకా టైం ఉంది. కానీ మెల్లిగా పని తగ్గించుకుంటాను. 
కాఫీ పూర్తి చేసేశారు. 

సరోజ: సరే. నేను ఫ్రెష్ అయ్యి బయల్దేరుతాను. ఈరోజు కాన్ఫరెన్స్ కి కావాల్సిన ఫైనల్ ప్రెప్ ఉంది. ఇంకా రెండురోజులు కదా ఉంది. 

పదిన్నరకు క్యాబ్ తీసుకుని హైటెక్ సిటీకి బయల్దేరింది స్పందన. కిట్టు అక్కడే ఇనార్బిట్ మాల్ దెగ్గర పిక్ చేసుకుని అక్కడి నుంచి ప్రగతి రిసార్ట్ కి వెళ్ళాలి. అక్కడే ఏదో ఈవెంట్ ఉంటే అక్కడికి వచ్చింది రాణి. వస్తూ వస్తూ స్పందన బట్టలు తెచ్చింది. అక్కడికి వెళ్లి బట్టలు తీసుకుని ట్రై చేసి ఏదన్న తేడా ఉంటే చెప్తే అక్కడికి అక్కడే కుట్టేసి ఇస్తాను అని చెప్పింది. 

మనసులో బట్టల ఎక్ససిట్మెంట్ కన్నా అక్క గురించి బెంగతో ఉంది స్పందన. పదకొండున్నరకి చేరుకుంది. కిట్టు అప్పటికే వెయిట్ చేస్తున్నాడు.

కిట్టు: హలో. ఎమన్నా తింటావా?

స్పందన అడ్డంగా తలా ఊపింది. స్పందన డల్ గా ఉండటం గమనించాడు. రాత్రి సమీర అంతా చెప్పి ఉంటుంది అని ఊహించాడు. కానీ ఏమి మాట్లాడలేదు.

కిట్టు: ఓయ్. పక్కా నా? లంచ్ చేసే టైం అయింది ఆల్మోస్ట్.

స్పందన: ఆకలి లేదు కిట్టు

కిట్టు ఏమనలేదు. ప్రగతి రిసార్ట్ లో రెస్టారంట్ లో తినిపిద్దాము అనుకున్నాడు. సరే అని కార్ స్టార్ట్ చేసి అలా ఔటర్ రింగ్ రోడ్ ఎక్కారు. అప్పుడు స్పందన కి తట్టింది. పాపం కిట్టు కి ఆకలి వేస్తోందేమో అని.

స్పందన: అయ్యో. సారీ. నిన్ను అడగలేదు. నీకేమన్నా ఆకలేస్తోందా? ఎమన్నా తిన్నావా?

కిట్టు (అలా డ్రైవ్ చేస్తూ ముందుకి చూస్తూనే): ఏమి తినలేదు. పెద్దగా ఆకలి లేదు. లంచ్ చేద్దాములే అక్కడ.

ఇద్దరు సైలెంట్ గా ఉన్నారు. ఏదో మ్యూజిక్ నడుస్తోంది. ఇంకో గంటలో ప్రగతి రిసార్ట్ కి వెళ్లారు. రాణి చెప్పిన ప్లేస్ కి వెళ్లారు. అక్కడ ఆవిడ అసిస్టెంట్ వచ్చి వీళ్ళని సూట్ రూమ్స్ దెగ్గరికి తీసుకెళ్లింది. అక్కడే రాణి ఒక సూట్ లో ఉంది. ఆవిడతో పాటు ఇంకో ఇద్దరు ఎవరో ఉన్నారు. రూమ్ అంతా బట్టలు, మెటీరియల్ ఉన్నాయి. 

రాణి: రండి రండి. ఎలా ఉన్నారు. ఎక్కడి దాకా వచ్చాయి పెళ్లి పనులు అని అడిగింది. 

స్పందన బుర్ర ఎక్కడో ఉంది. రానికి వాళ్ళు చెప్పిన అబద్దం గురించి మర్చిపోయింది. అది గమనించిన కిట్టు అందుకున్నాడు.

కిట్టు: నడుస్తున్నాయి రాణి గారు. మీరు ఆ టైం కి ఉంటున్నారా? (మళ్ళీ కంఫర్మ్ చేసుకోడానికి అడిగాడు)

రాణి: లేదండి. నా బెంగళూరు ప్రోగ్రాం కంఫర్మ్ అయింది. వెళ్ళాలి. కానీ మీరు నాకు ఫోటోలు పెట్టండి. మోడలింగ్ ఎలాగూ చెయ్యము అన్నారు. కనీసం మా క్లైంట్స్ అని మీ ఫోటోలు ఇంస్టాగ్రామ్ లో అయినా పెట్టుకుంటాము. మీ లాంటి అందమైన జంటలు చుస్తే మాకు ఇంకా పెళ్లి కాంట్రాక్ట్స్ వస్తాయి. 

స్పందన కిట్టు వైపు చూసింది. కిట్టు నవ్వు నటిస్తూనే స్పందన వైపు చూసాడు. డల్ గా ఉంది. స్పందన చేతిని చిన్నగా తట్టాడు. స్పందన రికవర్ అయింది.

రాణి: మీ బట్టలు అన్ని పక్క రూంలో ఉన్నాయి. ఎదురుకుండా ఇంకో రూమ్ కూడా బుక్ అయింది మనకే. అంటే ఈవెంట్ రాత్రి లేట్ అయితే ఉండటానికి చేసుకున్నాము. మీరు వెళ్లి అక్కడే వెయిట్ చేయండి. నేను పంపిస్తాను. ఇక్కడ పెళ్లి రేపు. ఈరోజు నైట్ రిసెప్షన్ ఉన్నాయి. కాబట్టి ఎవరొకరు వస్తూనే ఉంటారు. మీకు ఇబ్బంది.

సరే అని ఇద్దరు ఎదురుగ ఉన్న రూంలోకి వెళ్లారు. ఒక క్వీన్ బెడ్. ఒక సోఫా కం బెడ్, మంచి రూమ్. చాలా బావుంది. బయట సిందాహం ఎక్కువ ఉండటంతో బాగా చిరాకు అనిపించింది.

స్పందన: తలుపు వేసేయ్యవా ప్లీజ్

కిట్టు లేచి తలుపు వేసాడు. ఒక్క సారి అంతా నిశ్శబ్దం. బయట అరుపులు హోలా ఏవి వినిపించట్లేదు. కాస్త ప్రశాంతంగా అనిపించింది ఇద్దరికీ.
స్పందన సోఫాలో కూర్చుంది. కిట్టు ఎదురుగ కుర్చీలో కూర్చున్నాడు. కిట్టు ఫ్రిడ్జ్ లోంచి రెండు కూల్ డ్రింక్స్ తీసి ఓపెన్ చేసి ఒకటి స్పందనకి ఇచ్చాడు. స్పందన తీసుకుని సిప్ చేసింది.

కిట్టు: నీ మైండ్ ఎక్కడో ఉంది కదా.

స్పందన అలా తలా కూడా ఎత్తకుండా చిన్నగా కళ్ళు ఆత్రమే ఎట్టి కిట్టు వైపు చూసింది. 

కిట్టు: సమీర మాట్లాడిందా?

స్పందన తల ఊపింది. 

కిట్టు: హ్మ్.. నన్ను ఏమన్నా అడగాలా?

స్పందన తల ఎట్టి చూసింది. తన మనసులో ఎన్నో ప్రశ్నల సందోహం. అది తనకి తెలియకుండానే తన కళ్ళల్లో కనిపించింది. అది కిట్టు గమనించాడు. 

కిట్టు: నేను పెళ్లి కాన్సల్ చెయ్యట్లేదు. మీ అక్కకి ఇష్టం లేకపోతే అప్పుడు నేనే చేస్తాను. చెప్పిందా ఆ విషయం. 

స్పందన తల ఊపింది. కానీ తన కళ్ళలోంచి రెండు బొట్లు నీళ్లు కారాయి. కిట్టు వెంటనే లేచి వెళ్లి స్పందన పక్కన కూర్చున్నాడు సోఫా లో.

కిట్టు: ఏయ్. ఏంటిది. నేనేమన్నా తప్పు అన్నానా? మీ అక్కని నేను ఏమి బలవంత పెట్టట్లేదు కదా. 

స్పందన వెంటనే కిట్టు చేతిని తన చేతిలోకి తీసుకుంది. రెండు చేతుల మధ్య కిట్టు కూడా చేతినుండి గట్టిగ పట్టుంకుంది. 

స్పందన: నాకు ఏమి చెయ్యాలో తెలీట్లేదు (అంటూ గట్టిగ ఏడ్చింది)
అప్పటి వరకు చాలా ధైర్యంగా ఉన్న తాను కిట్టు దెగ్గర ఎందుకో ఉండబట్టలేక పోయింది.

కిట్టుకి తనని ఎలా ఓదార్చాలో అర్థం కాలేదు. పక్కనే ఉన్న టేబుల్ మీద టిష్యూ పేపర్ తీసి స్పందనకి అందించాడు. 

కిట్టు: ఇప్పుడు ఏమైందని ఏడుస్తున్నావు?

స్పందన కళ్ళు తుడుచుకుంది. నీళ్లు తాగింది. ఒక ముప్పయి సెకెన్ల పాటు కిట్టు చేతిని పట్టుకుని తరువాత కంట్రోల్ చేసుకుంది. 

స్పందన: నువ్వు చెప్పేది ప్రాక్టికల్ అంటావా?

కిట్టు: అంటే?

స్పందన: ఫిసికల్ రేలషన్ లేకుండా పెళ్లి నిలబడుతుందా?

కిట్టు ఏమి మాట్లాడలేదు.

స్పందన: ఇప్పుడు నువ్వు మంచితనంతో ఒప్పుకుంటున్నావు. కానీ.. కానీ.. నీ అవసరాలు నీకుంటాయి. అవి లైఫ్ లాంగ్ అణిచిపెట్టుకోలేవు కదా. 

కిట్టు ఇంకా ఏమి అనలేదు.

స్పందన: ఇంట్లో మా అక్క నీకు ఇవ్వలేనిది.. నీకు కావాలి అనిపిస్తే.. బయట.. అంటే నా ఉద్దేశం.. ఎన్నాళ్లని నువ్వు కంట్రోల్ చేసుకోగలవు.. అంటే మా అక్క బాధ పడుతూనే ఉంటుంది.. అంటే నువ్వు కూడా బాధ అనుభవించాలి.. వాటి వల్ల గొడవలు అవి వస్తే.. నీకు అర్థం అవుతోందా నేను ఏమి అడగాలి అనుకుంటున్నానో.
కిట్టు: నీ భావం అర్థమవుతోంది. ఫిసికల్ రేలషన్ లేకుండా భార్యని బాగా చేసుకోగలనా? అది అడ్డు పెట్టుకుని తనని మెంటల్ గా టార్చర్ చేస్తే ఏంటి పరిస్థితి? ఒకవేళ ఇప్పడూ ఓపికగా ఉన్న ఇలా ఎన్నాళ్ళు ఉండగలను అనే కదా?
స్పందన అవును అన్నట్టు తల ఊపింది.

కిట్టు ఒక నిట్టూర్పు వదిలాడు. తన మనసులో కూడా గజిబిజిగా ఉంది. కానీ స్పందన ఖంగారు పడకుండా ఎలా చెప్పాలో ఆలోచించాడు. 

కిట్టు: నిజం చెప్పాలి అంటే నా దెగ్గర సమాధానం లేదు. 


స్పందన అలా చూస్తోంది.


కిట్టు: నిన్నొక ప్రశ్న అడుగుతాను. నాకు ఆన్సర్ చెప్పు.

స్పందన తల ఊపింది.

కిట్టు: ఒక పెళ్లి అయినా అమ్మాయి ఒకరోజు బిజినెస్ ట్రిప్ అని వెళ్ళింది. అక్కడ ఒక అబ్బాయి పరిచయం అయ్యాడు. మొదట మాములుగా మాట్లాడిన ఇద్దరికీ మధ్యలో ఏదో చిన్న స్పార్క్ ఉంది. అది గమనించి వాడితి ఫ్లర్ట్ చేసింది. వాడు కూడా ఆ అమ్మాయితో విపరీతంగా ఫ్లర్ట్ చేసాడు. కలిసిన మూడోరోజే ఇద్దరికీ ఒక ముతుల్ ఫీలింగ్ మొదలైంది. అది ఒక టెన్షన్. ఒక ఎనర్జీ. మాట్లాడుతుంటే ఏదో తెలియని ఆనందం. పక్క పక్కనే కూర్చోవడం. అందరిలో ఉన్న వీరి మధ్యన ఇంకో ఏదో పారలెల్ సంభాషణ నడవడం. ఇలా జరిగాయి.

స్పందన ఆసక్తిగా వింటోంది. అసలు ఉన్న సమస్యకి కిట్టు చెప్పేదానికి లింక్ అర్థం కాలేదు. కానీ కిట్టు మీద అప్పటికే నమ్మకం ఏర్పడింది. ఏదో ఉండే ఉంటుంది అని వింటోంది.

కిట్టు: నాలుగో రోజు ఆ అమ్మాయి డిన్నర్ చేద్దాము అని అడిగింది. ఐదో రోజు డిన్నర్ అయ్యాక డ్రింక్ కూడా చేశారు. నైట్ హోటల్ రూమ్ కి వెళ్లి కాసేపు స్పెండ్ చేసారు.  ఆరోరోజు డిన్నర్ కూడా హోటల్ కి తెప్పించుకున్నారు. ఆరోజు రాత్రి డ్రింక్ చేశాక ఇద్దరు సెక్సువల్ గా ఇంవోల్వ్ అయ్యారు. ఇంకో నాలుగు రోజులు ఆ బిజినెస్ ట్రిప్ జరిగింది. ఆ నాలుగు రోజులు వాళ్ళు సెక్సువల్ గా ఇంకా దెగ్గర అయ్యారు. ఆ ట్రిప్ అయ్యాక ఆ అమ్మాయి తన ఇంటికి వెళ్ళిపోయింది. అబ్బాయి తన ఇంటికి వచ్చాడు. కానీ నెల రోజులలో ఆ అమ్మాయికి ఈ అబ్బాయికి మెసేజ్ లు చేయడం మొదలెట్టింది. ఏదో చిన్న ఫన్ అనుకుని అక్కడికి అక్కడే ఎండ్ అవుతుంది అనుకుని మొదలెట్టిన ఎఫైర్ సీరియస్ అవ్వడం గమనించాడు ఆ అబ్బాయి. తనకి పెళ్లి అయింది అని ఆ అమ్మాయికి గుర్తు చేశాడు. దానికి ఆ అమ్మాయి పెళ్ళిలో హ్యాపీగా లేను అని డివోర్స్ తీసుకుని వచ్చేస్తాను అని చెప్పింది. దానికి ఈ అబ్బాయి మెంటల్ గా ప్రిపేర్ అవ్వలేదు. వద్దు అన్నాడు. 

స్పందన కళ్ళు పెద్దవి చేసి చాల ఫోకస్ చేసి వింటోంది. 

స్పందన: తరువాత ఏమైంది?

కిట్టు: ఆ అబ్బాయి మళ్ళీ ఇంకో బిజినెస్ ట్రిప్ లో ఈ అబ్బాయిని కలిసింది. ఈసారి ఇది చిన్న ట్రిప్. గతసారి లాగ పది రోజులు కాదు. కేవలం నాలుగు రోజులు. మీటింగ్ అయ్యాక అబ్బాయిని రిక్వెస్ట్ చేసి డిన్నర్కి కలిసింది. మళ్ళీ డ్రింక్ చేశారు. అయితే ఒకసారి అలవాటు అయినా సుఖం. ఇద్దరికీ మంచి సెక్సువల్ కంపాటబిలిటీ ఉంది. టెంప్ట్ అయ్యారు. మళ్ళీ ఆరోజు రాత్రి కూడా కలిశారు. అర్థ రాత్రి రెండింటికి ఎవరు బెల్ కొట్టారు. ఎవరా అని వెళ్లి అమ్మాయి రూమ్ తలుపు తీసింది. ఎదురుగా తన భర్త ఉన్నాడు. వాడు అమ్మాయింది నెట్టుకుని లోపకి వచ్చాడు. లోపల తన భార్య బెడ్ మీద ఇంకో మగాడిని చూసాడు. రెడ్ హ్యాండెడ్ గా పట్టుకున్నాడు. ఆ సమయంలో వాడు ఏమి చేసుంటాడు అనుకుంటున్నావు?

స్పందన నోరెళ్ళబెట్టి చూసింది. 

స్పందన: ఏమో. కొట్టాడా? గొడవ చేశాడా? 

కిట్టు ఒక నిమిషం ఆగాడు. ఏదో గుర్తుకి తెచుకున్నట్టు కళ్ళు మూసుకున్నాడు. 

కిట్టు: ఆ వ్యక్తి అరవలేదు. భార్యని కొట్టలేదు. ఆ బెడ్ మీద ఉన్న వ్యక్తిని కూడా ఏమి అనలేదు. వాడు భార్య వైపు చూసే ఒకటే అన్నాడు. "నీకు ఇష్టం లేదు అంటే నేనే డివోర్స్ ఇచ్చేవాడిని. నన్ను ఇంత మోసం చేయాల్సిన అవసరం లేదు. కనీసం మన పాప కూడా గుర్తుకి రాలేదా నీకు?" అని అడిగాడు.

స్పందన ఒక నిట్టూర్పు వదిలింది.

కిట్టు: ఆ వ్యక్తి బెడ్ మీద ఉన్న తన భార్య లవర్ ని చూసి "ఈరోజు నన్ను మోసం చేసింది. రేపు నిన్ను చెయ్యదు అనుకుంటున్నావా?" అని అడిగి రూమ్ లోంచి వెళ్ళిపోయాడు. అది జరిగిన వారం కి ఆ అమ్మాయికి డివోర్స్ నోటీసు వచ్చింది. బయటకి చెప్తే పరువు పోతుంది అని ఆ అమ్మాయి ఏమి గొడవ చేయకుండా డివోర్స్ ఇచ్చేసింది. ఏడాది లో వాళ్ళు విడిపోయారు. అయితే ఆ అమ్మాయి భర్తని కోల్పోయి, పాపకి దూరం అయ్యి డిప్రెషన్ లోకి వెళ్ళిపోయింది. ఇంకో ఏడాదిలో ఉద్యోగం పోయింది. జరిగింది ఎవరికీ చెప్పలేక, తనని తానూ క్షమించుకోలేక, ఒకో NGO లో జాయిన్ అయ్యి జనాలకి సేవ చేస్తూ ఉంది పోయింది.

స్పందన అలా చూసింది.

కిట్టు: ఇప్పుడు ఎఫైర్ పెట్టుకున్న వ్యక్తి ఉన్నాడు కదా. వాడు ఎలాంటివాడు. అలంటి సంబంధం నీకు వస్తే నువ్వు ఒప్పుకుంటావా?

స్పందన షాక్ అయింది. తనకి ఏమి చెప్పాలో తెలీలేదు. బ్లాంక్ గా చూసింది.

కిట్టు: కానీ మీ అక్క ఒప్పుకుంది. ఎందుకంటే ఆ ఎఫైర్ పెట్టుకున్న వ్యక్తిని నేనే. 

స్పందన కింద భూమి కంపించింది. చేతిలో ఉన్న జ్యూస్ బాటిల్ కింద పడి పోయింది. నమ్మశక్యంగా లేదు. చుట్టూ ఉన్నవి అన్ని గిర్రున తిరుగుతున్నాయి. 

కిట్టు: నాకు ఆ అమ్మాయికి పాప ఉందని తెలీదు. ఆ అమ్మాయి చెప్పలేదు. ఉంది ఉంటే నేను అసలు తన జోలికి వెళ్లే వాడిని కాదు. నా జీవితం లో చేసిన అతి పెద్ద తప్పు. 

స్పందన: అక్కకి తెలుసా? అసలు ఎందుకు చెప్పావు?

కిట్టు: అబద్దం చేసిన డామేజ్ ఏంటో కళ్లారా చూసాను. ఆ అమ్మాయి నాకు అబద్దం చెప్పింది. తన భర్తకి అబద్దం చెప్పింది. జీవితం నాశనం చేసుకుంది. కానీ నేను కూడా తప్పే చేసాను.. పెళ్లి అయినా అమ్మాయితో ఎఫైర్ పెట్టుకోవడం నాదే తప్పు. అది మ్యూచువల్. ఎవ్వరికి నష్టం కలగకుండా ఇద్దరు వ్యక్తుల మధ్య ఒక చిన్న ఎఫైర్ అక్కడికి అక్కడ అయిపోయి ఉంటే అది వేరు. ఆ రకంగా చుస్తే తప్పు కాదు. కానీ జరిగిన పరిణామాలు చుస్తే ఎంత పెద్ద తప్పో తెలుస్తుంది. 

స్పందన బ్లాంక్ గా చూసింది. కిట్టు చెడ్డవాడా? కానీ తను చేసిన తప్పులు అన్ని ముందే చెప్పాడు కాబట్టి మంచివాడా? అర్థం అవ్వట్లేదు. గందరగోళంగా ఉంది బుర్ర అంతా. 

కిట్టు: ఒక ఎఫైర్ వల్ల వచ్చే నష్టం చూసినవాడిని. మీ అక్కని మోసం చెయ్యను. నా వల్ల తెలియకుండా ఒక కుటుంబం నాశనం అయింది. నేను కావాలని చెయ్యలేదు. కానీ నా పాత్ర ఉంది. అది నేను జీవితాంతం మర్చిపోలేను. నన్ను వేధిస్తూనే ఉంటుంది. అలాంటి నన్ను మీ అక్క నమ్మింది. అంత మంచి అమ్మాయిని నేను మోసం చెయ్యలేను. అందుకే, తనని ఎప్పుడు ఫోర్స్ చెయ్యలేదు. చెయ్యను. తనకి ఇష్టం లేనిది చెయ్యను. తను ఒప్పుతుంటే పెళ్లి చేసుకుని ట్రీట్మెంట్ దెగ్గర ఉంది ఇప్పిస్తాను. తను వద్దు అంటే నా మీద వేసుకుని పెళ్లి కాన్సల్ చేస్తాను.

స్పందన అలా కూర్చుండిపోయింది. ఎన్నో అడగాలి. ఇంకా ఏదో తెలుసుకోవాలి. కానీ కిట్టు గతం ఇంత డార్క్ గా ఉంది అంటే నమ్మలేకపోయింది. కానీ అంత సిన్సియర్ గా అన్ని చెప్పాడు అంటే ఏమనుకోవాలి. తన అక్కకే కాదు. తనకి కూడా చెప్పాడు. అంటే తన మీద కూడా కిట్టుకి అంత నమ్మకం ఉందా? ఇప్పుడు తను ఏమి చెయ్యాలి? 

కిట్టు: నాకు ఫ్రెండ్స్ లేరు స్పందన. నేను అన్ని అందరిని వదిలేసాను. ఆ సమయంలో ఈ సంబంధం కుదిరింది. మీ అక్క మీద నాకున్న గౌరవం మాటల్లో చెప్పలేనిది. అనుకోకుండా నీతో స్నేహం ఏర్పడింది. నిజానికి నాకున్న ఏకైక ఫ్రెండ్ నువ్వే. అందుకే ఇదంతా చెప్పాను. నువ్వు నన్ను జడ్జి చేసినా నీ మీద నాకు కోపం రాదు. నేను అర్థం చేసుకోగలను. 

ఇంతలో బెల్ మోగింది. రాణి assistant బట్టలు తీసుకుని వచ్చింది. 

ఇంకా ఉంది

[JustRandom]

ఇంత కస్టపడి రాస్తున్న ఒక పోస్ట్ కి యాభై లీకులు కూడా రావట్లేదు. నా టైం వేస్ట్ చేసుకుంటున్నాను అనిపిస్తోంది. కామెంట్ పెట్టేవారు కూడా కాపీ పేస్ట్ సేమ్ కామెంట్ పెడుతున్నారు కొందరు. కనీస ఆదరణ రావట్లేదు అంటే కథ నచ్చలేదు అనుకోవాలో లేక ఈ ప్లాట్ఫారం ఇంతే అనుకోవాలో తెలీట్లేదు. 

[JustRandom]

యాభై లైకులు ఎక్కువ బ్రో.. కొంత మంది చదివి కూడా లైక్ చేయరు.. ఎందుకంటే పైపైన చదివి మొత్తం ఒక సారి చదువుదాం అప్పుడు లైకులు కొట్టచ్చు అనుకుంటారు.

కామెంట్స్ కూడా అందుకే రిపీటేడ్ కనిపిస్తాయి...

ఈ సైట్ లో ఎంత మంది రీడర్స్ ఉన్నారో తెలీదు కానీ ఖచ్చితంగా 50 likes ఎక్కువ కాదు బ్రో. రీడర్స్ ఎలాగూ ఫేక్ అకౌంర్లు ఫేక్ id పెట్టె లాగిన్ అవుతారు. పది నిమిషాలు కథ చదివితే ఓకే నిమిషం కూడా పట్టదు అందులో ఏమి నచ్చిందో ఏమి నచ్చలేదో, కనీసము బావుందో బాలేదు చెప్పడానికి. ఇది ఫ్రీ ప్లాట్ఫారం, రైటర్స్ కి రూపాయి కూడా రాదు. కేవలం likes కామెంట్ లు మాత్రమే వారికి ప్రోత్సాహం. అది లేనప్పుడు ఒకటే అర్థం. 


దభా దభా ధన ధన కథలు చాలు అన్నమాట. మంచి ఫీల్ ఉండే నవలలు అక్కర్లేదు. సరే ఆడియన్స్ కి ఏది కావాలో అదే ఇద్దాము. ఎందుకు బుర్ర పెట్టి ఆలోచించడం రాయడం. రెండు మూడు పెద్ద కథలు అనుకున్నాను. అవి పబ్లిష్ చేయను. 

[JustRandom]

Bro.. మీరు ఈ కథ ని చాల బాగా రాస్తున్నారు... don't worry about likes.... some time people may lazy but you are writing a good story... please continue...

Thank you andi. The only thing writers here want is encouragement and appreciation. Likes and comments lekapothe adi lenatte kada. naa okkadi sangati kaadu. It's unfortunate. Naa durada valla raastunanu tappa asalu motivation ledu.

[JustRandom]

కథా చాలా బాగుంది....

మీరు కతను చాలా  బాగా వర్ణిస్తున్నారు....
కథ చదువుతునప్పుడు ఏదో తెలిని ఆసక్తి, కుతూహలం......
కథ చాలా సింపుల్ గా, స్మూత్ గా సాగిపోతుంది.....
addult story లేకుండా చాలాబాగా రాస్తున్నారు, చాలా అంటే చాలా.... 
ఈ storyని ఇలానే ముందుకు తీసుకెళ్లగలరని కోరుకుంటూ మీ అభిమాని....
...... కిట్టు ......

Idi kuda adult storyne. kakapothe oka story undi. Adult romance ki velle mundu context undali. Romance kathalo bhaagam avvali kaani uttaga romance kaadu ani melliga veltunnanu. 

Thank you for your comments.

[JustRandom]

 Bro Mee story ne epude chadhivanu Mee racha adhbutham , Mee rachana ne varnichadma maha kavvi laga rasthunaru 

Thanks for story
Story lo enne twist lu relationship and bonding meru eche explanation ke Ela spandhichalo theliyadam ledhu Katha mathram keka bhaiya 

Thank you so much andi!!!

[JustRandom]

థాంక్యూ ఫర్ అల్ ది ఫీడ్బ్యాక్. కొన్ని డిటైల్డ్ కామెంట్లు చదువుతుంటే చాలా బాగా అనిపించింది. ఇంకా రాయాలి అనే ఉత్సాహం నింపింది. తప్పడకుండా రాస్తాను. ఈ వీక్ కొంచం బిజీ గా ఉన్నాను. మూడు నాలుగు రోజులలో నెక్స్ట్ ఎపిసోడ్ పబ్లిష్ చేస్తాను. 

[JustRandom]

అందరు బావున్నారా? ఒక చిన్న ఆక్సిడెంట్ అవ్వడం వాళ్ళ హాసిపిటలైజ్ అయ్యాను. రికవర్ అవుతున్నాను ఇంకా. అందుకే లేట్ అవుతోంది. నా రెండు కథలు బావ నచ్చాడు మరియు ఓ చిన్ని ముద్దు త్వరలో పునఃప్రారంభిస్తాను.

[JustRandom]

Episode - 15

రాణి అసిస్టెంట్ తెచ్చిన బట్టలు అన్ని బెడ్ మీద పరిచింది. కిట్టు బయటకి వెల్దాము అని లేచాడు. 


అసిస్టెంట్: సర్, రాణి మేడం వస్తున్నారు.

కిట్టు: పర్లేదు. నేను బయట వెయిట్ చేస్తాను. 

అసిస్టెంట్ వింతగా చూసింది. బయటకి వెళ్లే ముందు స్పందన వైపు చూసాడు కిట్టు. తన మోహంలో లక్ష ప్రశ్నలు. స్పందన తనని ద్వేషిస్తుందా? స్పందన ఉద్దేశంలో తానొక చీప్ ఫెలో లాగ మిగిలిపోతాడా? అనే ప్రశ్నలు కిట్టుని దహించేస్తున్నాయి. తనకి ఏది రాసిపెట్టి ఉంటే అదే అవుతుంది అనుకుని బయటకి వెళ్ళాడు.
బయట వరండా లో తిరుగుతున్నా కిట్టుకి రాణి ఎదురైంది. 

రాణి: ఏంటి కిట్టు గారు? మీ ఆవిడ బట్టలు ట్రై చేస్తుంటే ఇక్కడేమి చేస్తున్నారు? రండి మీరు కూడా చుడండి ఆవిడకి ఎలా ఉన్నాయో

కిట్టు: అయ్యో వద్దండి. నేను ఇక్కడే ఉంటాను.

రాణి: మరీ ఇంత డీసెంట్ ఏంటి అండి మీరు. సరే. అయ్యాక పిలుస్తాను. కనీసం అప్పుడైనా వచ్చి చుడండి. చూస్తారు కదా?

కిట్టు చిన్నగా తలా ఊపాడు. నిజానికి తాను లోపలి వెళ్లి స్పందన ని చూడగలనా అనే ప్రశ్న మనసులో ఉంది. 

ఒక అరగంట గడిచింది. రాణి ఇంకా అసిస్టెంట్ ఇద్దరు బయటకి వచ్చేసారు. రాణి ఫోన్ మాట్లాడుతూ వెళ్ళింది. అసిస్టెంట్ వచ్చి కిట్టుతో మాట్లాడింది. 

అసిస్టెంట్: డ్రెస్ చాల పర్ఫెక్ట్ గా సెట్ అయింది. మేము ఇప్పుడే వస్తాము. మీరు లోపల వెయిట్ చేయండి.

కిట్టు డోర్ దెగ్గరికి వెళ్లి చిన్నగా తలుపు తట్టాడు. లోపలి నుంచి స్పందన గొంతు వినిపించింది. 'తలపై తీసే ఉంది,' అని.

కిట్టు తలుపు నెట్టి లోపలి వెళ్ళాడు. గాలికి డోర్ పడిపోయింది. అప్పుడు తల ఎత్తి చూసింది స్పందన. వచ్చింది కిట్టు. రాణి కాదు.

అప్పటి వరకు తల దించుకుని ఉన్న కిట్టు తల ఎత్తాడు. ఒక్కసారి షాక్ అయ్యాడు. ఎందుకంటే స్పందన ఇంకా బట్టలు పూర్తిగా కట్టుకోలేదు. మధ్యలో ఉంది.
జుట్టు విరబోసుకుని, చీర పైట చెంగు పక్కకి జరిగి, అందమైన ఎదభాగం స్పందన లోని ఆడతనాన్ని గుర్తు చేస్తున్నట్టు పైట చాటు నుంచి బయటకి వచ్చి కనిపిస్తోంది. 

[JustRandom]

బట్టలు మార్చుకుంటున్న స్పందన.

AI generated image  

[JustRandom]

కిట్టు మైండ్ బ్లాంక్ అయింది. స్పందనకి కూడా మైండ్ బ్లాంక్ అయింది. అలా ఒకరిని ఒకరు చూసుకుంటూ ఉండిపోయారు కాలం స్తంభించినట్టు. ముందుగా కిట్టు తేరుకున్నాడు. 

కిట్టు: ఐ అం సారీ. తలుపు తట్టాను.

స్పందన వెంటనే చీర పైట మొత్తం లాక్కుంది. 

స్పందన: ఐ అం సారీ టూ. రాణి అనుకుని లోపలి రమ్మన్నాను. 

కిట్టు: నేను బయట వెయిట్ చేస్తాను. నీది అయ్యాక పిలువు.

స్పందన: ఆగు. నువ్వు కూర్చో. నేను డ్రెస్సింగ్ ఏరియాలో మార్చుకుని వస్తాను. అన్ని అయిపోయాయి. ఇదే లాస్ట్. 

కిట్టు తల దించుకుని అలా వెల్ సోఫాలో కూర్చున్నాడు.

స్పందన బాత్రూమ్ వైపు ఉన్న డ్రెస్సింగ్ ఏరియా కి వెళ్లి తలుపు వేసుకుంది. 
పది నిమిషాలలో బయటకి వచ్చింది స్పందన. వచ్చి కిట్టుకి ఎదురుగా బెడ్ మీద కూర్చుంది. గల గలా మాట్లాడే ఇద్దరి మధ్యన మొట్ట మొదటి సారి సైలెన్స్.  

బెల్ మోగింది. కిట్టు లేచి తలుపు తీసాడు. రాణి లోపలి వచ్చి స్పందన ని చూసింది. తాను బట్టలు మార్చేసుకుంది. 

రాణి: అదేంటి అంత త్వరగా మార్చేసుకున్నారు. మీ ఆయనకి నచ్చలేదా?
స్పందన కి కిట్టుని తన భర్త అని సంబోధిస్తుంటే ఎలానో అనిపించింది. మొదట సరదాగా చిలిపిగా అనుకున్నా, ఇప్పుడు తన అక్క పెళ్లి ఆగిపోయే పరిస్థితి వచ్చేసరికి తనకి ఆ నాటకం నచ్చట్లేదు. 

స్పందన: అలా ఏమి లేదండి. బావున్నాయి. పర్ఫెక్ట్ గా సెట్ అయ్యాయి. కాకపోతే మాకు అర్జెంటు పని ఉంది. బయలుదేరాలి. 

రాణి కిట్టు వైపు చూసింది. కిట్టు కూడా చిన్నగా నవ్వుతు తల ఊపాడు. ఇంకో పది నిమిషాల పాటు ఎదో మాట్లాడి అక్కడి నుంచి ఇద్దరు బయట పడ్డారు. పార్కింగ్ కి వెళ్లి కార్ ఎక్కబోతుండగా స్పందనకి సమీర నుంచి కాల్ వచ్చింది. ముందు కిట్టు మొహం చూసింది. ఏంటో అన్నట్టు ఫోన్ ఎత్తింది.

స్పందన: అక్క. చెప్పు. మేము ఇప్పుడే బయల్దేరుతున్నాము. 

సమీర: సరే, ఇంటికి వచ్చేయండి. అమ్మ కూడా వస్తోంది. మాట్లాడుదాము.

స్పందన కి ఖంగారు పెరుగుతోంది. 

స్పందన: ఏమైంది అక్క? 

సమీర: ఖంగారు పడకు. ఇంటికి రా మాట్లాడుదాము. 

స్పందన ఫోన్ పెట్టి కిట్టు మొహం చూసింది.

స్పందన: అక్క ఇంటికి రమ్మంది ఇద్దరినీ. 

కిట్టు తల ఊపాడు. స్పందన కార్ ఎక్కింది. అప్పుడే కిట్టు ఫోన్ మోగింది. అది సమీర నుండి వచ్చిన మెసేజ్. స్పందన నుంచి కొంచం పక్కకి రండి. వచ్చి కాల్ చేయండి అని.

కిట్టు ఫోలే పట్టుకుని ఒక పది అడుగుల దూరం వెళ్ళాడు. దూరం నుంచి చూస్తున్న స్పందన కి సమీర కాల్ చేసింది అని అర్థం అయింది.
కిట్టు కాల్ చేసాడు. 

సమీర: కిట్టు. నేను ఒక నిర్ణయం తీసుకున్నాను. అందుకే ముందుగా మీకే చెప్పాలి అని చేసాను. 

ఇంకా ఉంది 

[JustRandom]

Episode - 16

సమీరతో ఫోన్ మాట్లాడిన తరువాత కార్ ఎక్కిన కిట్టు ఏమి మాట్లాడలేదు. స్పందన ఎన్ని సార్లు అడిగిన ఏమి మాట్లాడకుండా బండి నడుపుతూ కూర్చున్నాడు. స్పందన మనసు చేదు వార్తనే శంకించింది. ఏమి మాట్లాడకుండా కూర్చుంది. స్పందన కిట్టు ఇంటికి చేరుకున్నారు. 

అప్పటికే ఇంటికి చేరుకున్న సరోజ కూర్చుని సోఫాలో కూర్చుని ఉంది. సరోజ మోహంలో కూడా బెరుకు కనిపించింది స్పందన కి. 

స్పందన: ఏమైంది అమ్మ?

సరోజ: తెలీదు. అర్జెంటు గా మాట్లాడాలి అని పిలిచింది. 

అప్పుడే రూమ్ లోంచి బయటకి వచ్చింది సమీర. తన తల్లి పక్కన కూర్చుంది. 

సమీర: అమ్మ, నీకు తెలుసు చాల రోజులుగా నేను నేనుగా లేను. దానికి కారణం ఏంటో అని నువ్వు స్పందన అడిగినా నేను మాట దాటేసాను. కానీ దానికి బలమైన కారణం ఉంది. 

సరోజ అయోమయంగా చూస్తోంది. స్పందన భయంగా చూస్తోంది. అక్క తీసుకున్న నిర్ణయం తనకి అర్థం అయింది. కిట్టుకి అప్పటికే తన నిర్ణయాన్ని చెప్పింది సమీర. వాడు ఇంకా తేరుకోలేదు. అలా కూర్చున్నాడు సైలెంట్ గా. 

సరోజ: ఏంటమ్మా? నాకు ఖంగారు వస్తోంది. 

వెంటనే స్పందన లేచి తల్లికి మరో పక్క కూర్చుని తల్లి చేతిని పట్టుకుంది. చెరో పక్క ఇద్దరు కూతుళ్లు కూర్చుని చేతులు పట్టుకోవడంతో కాస్త ధైర్యం గా అనిపించింది సరోజకి. కానీ భయం పెరుగుతూనే ఉంది. 

సమీర తనకి ఉన్న జెనోఫోబియా గురించి చెప్పింది. అరగంట పాటు తల్లికి అర్థం అయ్యేలాగా డిటైల్డ్ గా చెప్పింది. 

సరోజ వెక్కి వెక్కి ఏడవసాగింది. స్పందన కూడా ఏడుస్తోంది కానీ తల్లి ముందు బాగా కంట్రోల్ చేసుకుంటోంది. చిత్రంగా, సమీర మాత్రం ఏడవకుండా ఉంది. నిజాన్ని తల్లికి చెప్పేశాక తన మనసు తేలిక పడింది. 

స్పందన: అదంతా మనము మేనేజ్ చేద్దాము అక్క. ఇదివరకు నీ ప్రాబ్లెమ్ ఒక్కదానివే చూస్కున్నావు. ఇప్పుడు కిట్టు కూడా నీకు ధైర్యం చెప్పి మరీ పెళ్లి చేసుకుందాము అని వెయిట్ చేస్తున్నాడు. నేను ఉన్నాను. నీకు అమెరికా తీసుకెళ్లి అయినా ట్రీట్మెంట్ చేయిస్తాము. నువ్వు వర్రీ అవ్వకు.

స్పందన తన అక్క కి ధైర్యం చెప్తున్నట్టు ఉన్న, నిజానికి లోలోపల భయానికి వణికిపోతోంది. అక్క ఏమి నిర్ణయం తీసుకుందో ఇంకా బహిరంగంగా చెప్పట్లేదు. 

సమీర: ట్రీట్మెంట్ ఉందొ లేదో నాకు అనవసరం. ఎందుకంటే నేను ఈ పెళ్లి చేసుకోదల్చుకోలేదు.

స్పందన గుండె వేగంగా కొట్టుకుంది. అయిపోయింది. అక్క కాన్సుల్ చేసేసింది. 
సరోజ ఏడుపు ఆపేసింది షాక్ లో.

సరోజ: ఏమి మాట్లాడుతున్నావ్? ఇంకో రెండు వారాల్లో పెళ్లి పెట్టుకుని ఏంటిది? అదికూడా కిట్టు ముందు.

సమీర చిన్నగా నవ్వింది. ఆ నవ్వులో తన మనసు ఎంత తేలిక పడిందో క్లియర్ గా తెలుస్తోంది.

సమీర: అమ్మ. కిట్టు గురించి మీకు ఇంకా అర్థం కాలేదు. నా ఉద్దేశంలో అలాంటి అబ్బాయి కోట్లల్లో ఒక్కడు ఉంటాడు. అందుకే, మీకంటే ముందు కిట్టుకే నా నిర్ణయం చెప్పాను.

స్పందన కిట్టు వైపుకి చూసింది. ఎందుకో ఒక్క క్షణం తనకి వాడి మీద కోపం వచ్చింది. కలిసి ప్రయాణం చేస్తున్నంత సేపు అక్క ఏమి మాట్లాడింది అని అడిగితే చెప్పలేదు. వాడికి తెలిసి కూడా తనకి చెప్పలేదు అన్న కోపం.

సరోజ: ఏంటి కిట్టు. ఇదంతా చూస్తూ కూడా నువ్వు ఏది మాట్లాడవు? 

కిట్టు అలానే కూర్చున్నాడు. వాడికి తెలిసిన ఇంకో విషయం, సమీర తీసుకున్న రెండో నిర్ణయం, అది అసలు మనసుల్ని తలకిందులు చేసేది. అది ఇంకా తెలియకుండానే వీళ్ళు ఇలా రియాక్ట్ అవుతున్నారు. అది తెలిసాక ఏమి చేస్తారో, అనుకున్నాడు.

కిట్టు: నేను బలవంత పెట్టలేను ఆంటీ. తనకి ఇష్టం లేదు అంటే లేనట్టే. ఈ పెళ్లి జరగదు.  

సరోజ: అలా అంటే ఎలా బాబు? మీ ఇంట్లో పెద్దవాళ్ళు ఏమనుకుంటారు. అసలు బయట అందరికి ఏమి చెప్పాలి. 

స్పందన ఏడుపు ఆపింది. కిట్టు వైపే చూస్తోంది. మనిషి మోహంలో బాధ లేదు. కోపం లేదు. అలా ఉన్నాడు. అలా ఎలా ఉన్నాడు? అర్థం కావట్లేదు.

సమీర: అమ్మ. నువ్వు చెప్పిన విషయాలు అన్ని మనము డీల్ చెయ్యాలి. కానీ దానికంటే ముందు ఇంకో ముఖ్యమైన విషయం చెప్పాలి. నేను నా పెళ్లి కాన్సల్ చేస్తున్నాను. కానీ ఒక నెల రెండు నెలలు ఆగి స్పందన కి కిట్టుకి పెళ్లి చేద్దాము.
స్పందన దాదాపు సోఫాలోంచి కింద పడింది. సరోజకి మైండ్ బ్లాక్ అయింది. ఇది కలా నిజమా? ఏంటిది. 

సరోజ: ఒసేయ్? ఏమి మాట్లాడుతున్నావు? పిచ్చెక్కిందా?

సరోజకి కోపం వచ్చింది.

స్పందన: అక్క. పిచ్చి పిచ్చిగా మాట్లాడుతున్నావేంటే?

సమీర: కిట్టు. సారీ. మీరు ఇంటికి వెళ్ళండి. మీ పేరెంట్స్ కి ఈ విషయం ఇంకో ఒక్కరోజు తరువాత చెప్పండి. ప్లీజ్. నా రిక్వెస్ట్.

స్పందన: ఒక్క రోజా? ఏమవుతుంది ఒక్కరోజులో? అంటే నేను ఒప్పుకోవాలా? 
సరోజ సైలెంట్గా కిట్టు వైపు చూసింది. వాడు లేచి కీస్ తీసుకుని అందరి వైపు చూసాడు. సరోజ వైపుకి చూసి అన్నాడు.

కిట్టు: ఇది అసలు ఊహించని పరిణామం అని తెలుసు. కానీ ఎవరు టెన్షన్ పది ఆరోగ్యం పాడు చేసుకోకండి. ప్రతి దానికి ఒక సొల్యూషన్ దొరుకుతుంది. ప్రస్తుతానికి నా బుర్ర కూడా పని చెయ్యట్లేదు. కానీ మనము స్ట్రాంగ్ గా ఉండాలి. ఉంటాను. 
కిట్టు వెళ్ళిపోయాడు. వెళ్లే ముందు స్పందన వాడి వైపే చూస్తూ ఉంది. కానీ కిట్టు స్పందన మొహం చూడకుండా వెళ్ళిపోయాడు. ఎందుకో తెలీదు స్పందనకి కళ్ళల్లో నీళ్లు తిరిగాయి. అక్క మీద కోపమా? కిట్టు మీద కోపమా? అక్క పెళ్లి ఆగిపోయింది అన్న బాధా? లేక తన ప్రమేయం లేకుండ అక్క అంత పెద్ద నిర్ణయం తీసేసుకుంది అన్న దుఃఖమా? తెలీదు. కానీ బొటబొట నీళ్లు కారాయి.

కిట్టు వెళ్ళగానే సరోజ అరిచింది.

సరోజ: నీకు ఎమన్నా దెయ్యం పట్టిందా?

సమీర: అమ్మ. ఆవేశపడకు. నేను చెప్పేది విను. 

సరోజ: ఇంతే వినేది? పెళ్లి కాన్సల్ చేయండి కాకుండా నువ్వు చేసుకోవాల్సిన 
అబ్బాయికి నీ చెల్లిని ఇస్తాను అంటావా? అది కూడా దాన్ని అడగకుండా? ఇలాగేనా నేను నిన్ను పెంచింది. ఛీ. నా మీద నాకే కోపంగా ఉంది.

సమీర స్పందన వైపు చూసింది. కోపంగా ఏడుస్తున్న కళ్ళతో అక్కవైపే చూస్తోంది. సమీర చెల్లికి సైగ చేసింది నీతో మళ్ళీ మాట్లాడుతాను అన్నట్టు.

సమీర: నీ కోపం నేను అర్థం చేసుకోగలను. ఒక పది నిమిషాలు నేను చెప్పేది విను.

సరోజ నీళ్లు తాగి కూర్చుంది. ఎంత కాదన్నా పిల్లల నిర్ణయం పట్ల గౌరవం ఉంది సరోజకి.

సమీర: జీవితంలో అందరికి అన్ని అవసరం లేదు. ఒక టెంప్లేట్ ప్రకారం పెళ్లి భర్త పిల్లలు, భార్య భర్త ఇద్దరు ఉంటేనే పిల్లలు పెరుగుతారు అని అనుకుంటే, నువ్వు నాన్న చనిపోయాక ఇంకో పెళ్లి చేసుకుని ఉండాలి ఎందుకు చేసుకోలేదు?

సరోజ సైలెంట్ అయింది. 

సమీర: నేను చెప్పనా? నీ మనసుకి తెలుసు. నన్ను చెల్లిని పెంచడానికి నీకు వేరే ఎవ్వరు అక్కర్లేదు. నీకు ఆ ధైర్యం ఉంది. నమ్మకం ఉంది. అన్నిటికంటే ముఖ్యంగా, నువ్వు వేరే పెళ్లి చేసుకుంటే మా జీవితాలు ఏమవుతాయో అన్న భయం ఉండేది. అందుకే, నువ్వు వయసులో ఉన్నా, అందంగా ఉన్నా, ఉద్యోగం ఉన్నా, నీ వెనక పడ్డ వారు ఉన్నా, వేరే పెళ్లి చేసుకోలేదు. అలాగే, నా మనసుకి బలంగా తెలుసు, నేను గనక పెళ్లి చేసుకుంటే, రెండు జీవితాలు నాశనం అవుతాయి, రెండు కుటుంబాలు బాధ పడతాయి. అందుకే, నేను నా సాఫ్ట్వేర్ ఉద్యోగం కూడా మానేసి ఒక అమెరికన్ NGO లో జాయిన్ అవుదాము అని డిసైడ్ అయ్యాను. మరో ఆరు నెలలలో వాళ్ళు గవర్నమెంట్ క్లియరెన్స్ తీసుకుని ఆఫ్రికా దేశాలు, బాంగ్లాదేశ్, శ్రీ లంక వంటి దేశాలలో ఎన్నో దేశాలలో పేదవాళ్లకు సహాయపడేందుకు ఇక్కడ నుండి ఒక సెంటర్ స్టార్ట్ చేస్తారు. అప్పుడు నేను అందులో చేరి నా జీవితంలో నాకు మనసుకి ఆనందం కలిగించే పని చేసుకుంటాను.

సరోజ అలా నోరెళ్ళబెట్టి చూసింది. స్పందనకి కళ్ళు తిరగడం ఒక్కటే మిగిలింది.

సమీర: అలాగే, కిట్టు లాంటి మంచి అబ్బాయి దొరకడం చాలా కష్టం. అందుకే, స్పందన ని అతనికి ఇచ్చి పెళ్లి చేద్దాము అంటున్నాను.

సరోజ స్పందన వైపు చూసింది.

స్పందనకి దాచుకున్న కోపం అంతా బయటకి వచ్చింది. 

స్పందన: అంటే ఏంటే? నీ పెళ్లి కాన్సల్ చేయడం నీ ఇష్టం. నా పెళ్లి ఫిక్స్ చేయడం కూడా నీ ఇష్టమేనా? ఇంకా నా డెసిషన్ ఏమి లేదా?

సమీర ఏమి మాట్లాడకుండా చెల్లిని చూస్తోంది. తనకి తెలుసు, స్పందన ఎలా ఆలోచిస్తుందో.

సమీర: నీ కోపం నేను అర్థం చేసుకోగలను. నిన్ను అడగకుండా ఈ విషయం కిట్టుతో అని ఉండకూడదు. కానీ అతనికి తెలియకుండా కూడా మనము ఈ నిర్ణయం తీసుకోలేము కదా. అందుకే, చెప్పాను. అందుకు మాత్రం మనస్ఫూర్తిగా సారీ చెప్తున్నాను. 

స్పందన: నాకు సారీ ఏమొద్దు. మూసుకుని పెళ్లి చేసుకో.

సమీర: నేను లైఫ్ లో ఇప్పుడు ఉన్నంత క్లారిటీతో ఎప్పుడు లేను. అందుకే చెప్తున్నాను. నాకు పెళ్లి కరెక్ట్ కాదు. నీకు కిట్టు తప్ప వేరే ఎవ్వరు కరెక్ట్ కాదు.
స్పందన సైలెంట్ అయిపోయింది. సమీర అంత దృఢంగా చెప్తుంటే తనకి ఏమి చెయ్యాలో తోచట్లేదు.

సరోజ: రెండు వారాలలో పెళ్లి పెట్టుకుని ఏంటే ఇదంతా?

సమీర: నిజం అమ్మ. ఇదే నిజం. నేను అడ్జస్ట్ అవ్వడనికి చాలా ట్రై చేశాను. కిట్టు కూడా ఒక్కరోజు సహనం కోల్పోలేదు. డాక్టర్స్ ని కలిసాను. అన్ని అయ్యి, అంత తెలుసుకున్నాక నాకు పెళ్లి అక్కర్లేదు అని మనసుకి అనిపించింది. అందుకే ఈ నిర్ణయం.

సరోజ: మరి స్పందనని కిట్టుకి ఇవ్వడం ఏంటి? అది కూడా మనసుకి అనిపించిందా?

సమీర: అవును. కొంచం ఆవేశం తగ్గించుకుని ఆలోచిస్తే మీకు కూడా అర్థం అవుతుంది నేను ఎందుకు అలా అంటున్నానో.

స్పందన: ఏంటే అనిపించేది? నా పరువు పోయింది.

సమీర చిన్నగా నవ్వింది.

సమీర: కిట్టు నిన్ను ఎప్పుడు తక్కువ చెయ్యడు. నిన్ను నిజంగా అవమానిస్తే ముందు తానే మధ్యలో దూరి మరీ ఆపుతాడు. ఈ విషయం నీ మనసుకి కూడా తెలుసు.

స్పందన: పాయింట్ అది కాదు. కిట్టు మంచివాడే. అది నేను కూడా ఒప్పుకుంటాను. మంచి వాళ్ళు అయితే పెళ్లి చేసేసుకుంటామా? కంపాటబిలిటీ ఉండద్దా? 
సమీర సైలెంట్ గా ఉంది.

స్పందన: నీ ఇష్టానికి నువ్వు నిర్ణయించుకుంటావా?

సమీర ఇంకా ఏమి అనలేదు. 

స్పందన: అయినా ఇది నా జీవితం. నేను ఏమి చెయ్యాలో నిర్ణయించే హక్కు నీకు ఎక్కడిది?

సమీర సైలెన్స్.

స్పందన: అక్క వి అని నువ్వు చెప్పింది ప్రతి పని నేను చెయ్యాలా?

సమీరా సైలెంట్ గా ఉంది.

సరోజ: ఇంక ఆపండి ఇద్దరు. చిల్లరగా అరుచుకోవడాలు ఏంటి? 

సమీర తల్లి వైపు చూసింది. స్పందన కోపాన్ని కంట్రోల్ చేసుకుంటోంది. కళ్ళు ఎర్రబ్బడ్డాయి. ఊపిరి వేగం పెరిగింది. తాను అక్కని పెళ్ళికి ఎలా ఒప్పించాలి అని ఆలోచిద్దాము అంటే, అక్క తననే పెళ్ళికి ఒప్పించాలి అని ట్రై చేస్తోంది. 

సమీర: అమ్మ. నా నిర్ణయం ఫైనల్. నేను ఈ పెళ్లి చేసుకోను. అయితే అబ్బాయి మంచివాడు. నా తరువాత ఎలాగూ దీనికి పెళ్లి చెయ్యాలి. దీనికి బాయ్ఫ్రెండ్ కూడా లేడు. నేను జాతకాలు కూడా చూపించాను. నాకంటే బాగా కలిసింది కిట్టు జాతకంతో.
స్పందన కి కోపం పెరిగిపోతోంది. కోపానికి కళ్ళల్లో నీళ్లు తిరిగాయి. తల్లి ముందు అక్క ముందు ఏడవడం ఇష్టం లేక తన రూమ్ లోకి వెళ్ళిపోయి తలుపు వేసుకుంది.  
సమీర తల్లి దెగ్గరికి వెళ్లి వాటేసుకుంది. కూతురిని పట్టుకుని గట్టిగ ఏడ్చింది సరోజ. 

సమీర: అమ్మ. ఏడవకు. నిజానికి ఈ పెళ్లి నేను చేసుకుంటే రోజు అందరమూ ఏడ్చే పరిస్థితి వచ్చేది. కానీ అది అవ్వకూడదు అనే నేను ఈ నిర్ణయం తీసుకున్నాను. ఇన్నాళ్లు డిసైడ్ అవ్వలేక కిట్టుకి ఎలా చెప్పాలా అని ఆలోచించాను. కానీ చాల మెచూర్డ్ అబ్బాయి. నేను చెప్పగానే పెళ్లి కాన్సల్ చేస్తాను అనలేదు. కలిసి ట్రీట్మెంట్ చేయించుకుందాము. ఖంగారు పడకండి అన్నాడు.

సరోజ నమ్మలేనట్టు చూసింది.

సమీర: అంతే కాదు అమ్మ. పెళ్లి ఆపెయ్యాలి అంటే నిండా తన మీద వేసుకుంటాను ఎవ్వరికి చెప్పద్దు అన్నాడు. మరి ఇంత మంచివాడు ఎక్కడైనా ఉంటాడా? చాలా అరుదుగా ఉంటారు కదా. అలంటి వాళ్ళు మన జీవితంలోకి వస్తే వాళ్ళని ఎలా కాపాడుకోవాలో అది మన మీద ఉంటుంది.

సరోజ: నేను కడనట్లేదు నాన్న. కానీ నీ సంగతి ఏంటి? నీ జీవితం ఏంటి? నీ పెళ్లి వద్దు అనడం నీ ఇష్టం. కానీ చెల్లి పెళ్లి నువ్వు నిర్ణయించడం తప్పు. అది కూడా కిట్టుకి చెప్పడం ఇంక పెద్ద తప్పు. ఆ అబ్బాయి ఏమనుకుంటారు. తన ఫామిలీ ఏమనుకుంటారు? నీతో పెళ్లి ఫిక్స్ అయ్యాక దాన్ని చేసుకుంటే చూసే వాళ్ళు ఏమనుకుంటారు?

సమీర: ఒప్పుకుంటాను. నా తప్పు ఉంది. కానీ టైం లేకపోవడంతో కొన్ని అలా చేయాల్సి వచ్చింది. కిట్టుకి నేను సంజాయిషీ ఇచ్చుకుంటాను. చెల్లితో నేను మాట్లాడుతాను. చెల్లి ఒప్పుకుంటే కిట్టు వాళ్ళ ఫ్యామిలీతో జాతకాలు కలవలేదు అని చెప్దాము. లేదంటే నాకు హెల్త్ ఇష్యూ ఉంది అని చెప్దాము. ఎలా చెప్పాలో ఎలా మేనేజ్ చెయ్యాలో కిట్టుని అడుగుతాను. ఆటను హెల్ప్ హెల్ప్ చేస్తాడు.
సరోజ అలా వింటోంది. కూతురు నిర్ణయం మార్చుకోడు అని అర్థం అయింది. 
సమీర: ఇక వేరే వాళ్ళకి ఏమి చెప్పాలి అంటావా, మనకి చుట్టాలు లేరు. ఎవరికీ చెప్పలేదు. నువ్వు నీ నలుగురు ఫ్రెండ్స్ కి మాత్రమే చెప్పావు. వాళ్ళు నీకు ముప్పయి ఏళ్ల నుంచి తెలుసు. వాళ్ళకి నువ్వు ఏమి చెప్పినా అర్థం చేసుకుంటారు.
సరోజ ఆలోచించింది. సమీర క్లారిటీ చూసి ధైర్య పడాలో, దాని జీవితం ఏమవుతుంది అని బాధ పడాలో అర్థం అవ్వట్లేదు.

సమీర: రెండు వారాలలో పెళ్లి. మనము చేయలేము. ఎదో కారణం చెప్పి ఒక రెండు నెలలు వాయిదా వేసి చేద్దాము.

సరోజ: చెల్లికి ఇష్టం లేకుండా ఎలా?  

స్పందన: అది నేను చూసుకుంటాను.ఒకవేళ స్పందనని నేను కన్విన్స్ చెయ్యలేకపోతే, పెళ్లి కాన్సల్ చేద్దాము అంతే. కానీ దాన్ని నేను ఒప్పించగలిగితే కిట్టు ఫ్యామిలీతో మనము మాట్లాడాలి. అది కూడా నేను చూసుకుంటాను. కానీ నువ్వు మెంటల్ గా ప్రిపేర్ అవ్వు. 

సరోజ: చెల్లి ఒప్పుకుంటుందా?

సమీర: నా ప్రయత్నం నేను చేస్తాను.

సరోజ ఏమి మాట్లాడలేక ఆలా కూర్చుంది కళ్ళు తుడుచుకుంటూ.

సమీర: ట్రస్ట్ మీ అమ్మ. ఇప్పుడు బాధ అనిపించినా, చెల్లి గనక ఒప్పుకుంటే, మనము లైఫ్ లో ఎప్పుడు లేనంత ప్రశాంతంగా ఉంటాము అని నేను బలంగా నమ్ముతున్నాను.

సరోజ చిన్నగా తల ఊపింది. 

సరోజ: నీకు ఇష్టం లేకుండా నిన్ను కూడా బలవంత పెట్టలేను. ఏమి చెయ్యాలో నాకు బుర్ర పని చెయ్యట్లేదు. నువ్వు కూడా దాన్ని బలవంత పెట్టకు.

సమీర: నువ్వు వెళ్లి పడుకో అమ్మ. నేను చూసుకుంటాను.

నిన్నటిదాకా సైలెంట్ గా ఎదో బాధగా ఉన్న తన కూతురు ఇంత క్లారిటీతో ధైర్యంగా ఉండటంతో సరోజకి ఈ ఇష్యూ హేండిల్ చేయచ్చు అని ధైర్యం మొదలైంది. కాకపోతే భయం మాత్రం పోలేదు. 

*****

రూమ్ లోపల సమీర కిట్టుకి ఫోన్ చేసింది. కిట్టు ఫోన్ ఎత్తలేదు. ఇంక కోపం వచ్చింది. మంచం మీద పడుకుని గట్టిగ ఏడ్చింది. కిట్టుకి మళ్ళీ ఫోన్ చేసింది. ఇంక ఫోన్ ఎత్తలేదు. వాడికి మెసేజ్లు పెట్టింది.

ఎక్కడున్నావు? ఫోన్ ఎత్తు. అర్జెంటు గా మాట్లాడాలి. మా అక్క నీకు ముందే చెప్తే నాకు ఎందుకు చెప్పలేదు? అయినా అక్కని చేసుకోవాలి అని నువ్వు నన్ను ఎలా చేసుకుంటావు? ఇప్పుడు అవాయిడ్ చేస్తున్నావా? ప్లీజ్ కాల్ మీ.
అక్కని ఎలా ఒప్పించాలి? అది నువ్వే చేయగలవు. ప్లీజ్ హెల్ప్ మీ. అక్క ఎందుకు ఇలా డిసైడ్ చేసుకుంది? నువ్వే ఏదన్న చెయ్యి. ప్లీజ్. 

కిట్టు నుంచి ఇంకా ఏమి రిప్లై రాలేదు. చాల కోపం బాధ వచ్చేసాయి. ఏడుస్తూ ఉంది. అప్పుడే తలుపు శబ్దం అయింది. వెళ్లి తెరిచింది. చుస్తే సమీర.

సమీర: నేను లోపలి రావచ్చా?

స్పందన తలుపు తెరిచి వెళ్ళిపోయింది. లోపలి వచ్చి సమీర తలుపు వేసింది. 

సమీర: ఐ అం సారీ. నిన్ను అడగకుండా కిట్టుతో చెప్పడం నాదే తప్పు. 

స్పందన: అది వదిలెయ్యి. ముందు నువ్వు ఎందుకు కాన్సల్ చేస్తున్నావో చెప్పు. ట్రీట్మెంట్ చేయించుకోవచ్చు కదా. కిట్టు కూడా చేయిస్తా అన్నాడు కదా. మరి ఇంకేంటి?

సమీర స్పందన చేతులని తన చేతిలోకి తీసుకుని ప్రేమగా నిమిరింది. అక్క అలా అనేసరికి స్పందనకి ఇంకా ఏడుపువచ్చింది.

సమీర: నేను ఈ పెళ్లి చేసుకుంటే నేను రోజు బాధ పడతాను. కిట్టు సంతోషంగా ఉండడు. మేము భార్య భర్తలుగా కాపురం చేయలేము. మమ్మల్ని చూసి నువ్వు అమ్మ కూడా దిగులుగా ఉంటారు. కొన్నాళ్ళు గడిచాక అసలు ఈ పెళ్లి ఎందుకు చేసుకున్న అన్న ఆలోచన వస్తుంది నాలో. అదే ఆలోచన కిట్టులో కూడా వచ్చింది అంటే ఇది ఎలాగూ డివోర్స్ కి దారి తీస్తుంది. అన్ని సవ్యంగా ఉన్న పెళ్లిళ్లే అనుకోని విధంగా విడాకులకు దారి తీస్తున్నాయి. అలాంటిది మనకి ప్రాబ్లెమ్ ఉంది అని తెలిసి ముందుకెళ్తే అది బుద్ధి తక్కువ పనే కదా. అందుకే కాన్సల్ అంటున్నాను.

స్పందన: అలా ఏమి అవ్వదు. కిట్టు అలంటి వాడు కాదు. నీ మీద చాల గౌరవం ఉంది అతనికి. నీకు తెలీదు కానీ నేను అతనితో చాటింగ్ చేస్తూ ఉంటాను అప్పుడప్పుడు. నేను ఒక ఫ్రెండ్ లాగా మాట్లాడతాను. ఆటను నన్ను ఒక క్లోజ్ ఫ్రెండ్ అని కూడా చెప్పాడు. అలానే చూస్తాడు. అతని గురించి నాకు అర్థం అయింది. తాను ఇంతక ముందు చేసిన తప్పులని నాకు కూడా చెప్పాడు. తన తప్పు నిర్భయంగా, పశ్చాత్తాప పడుతూ, ఒప్పుకున్నవాడు నిజంగా మంచోడు. అతనికి మన ఫామిలీ అంటే గౌరవం. అమ్మ మీద చాలా రెస్పెచ్త్ ఉంది. సింగల్ లేడీ అయి ఉండి ఇంత బాగా మానని పెంచింది ఆస్తులు సమకూర్చింది. నేను అతనితో నీకంటే ముందు నా బాయ్ఫ్రెండ్ గురించి అతనితో చెప్పగలిగాను అంటే ఎంత ఫ్రీడమ్ ఫీల్ అయ్యానో నువ్వే ఆలోచించు. అలాంటి వాడు భార్యని ఎంత బాగా చేసుకుంటాడో ఆలోచించు. ప్లీజ్ అక్క.

సమీర చిన్నగా నవ్వింది. అక్క నవ్వుతుంటే మళ్ళీ కోపం వచ్చింది. 

స్పందన: నవ్వుతావేంటే?

సమీర: కిట్టుని నువ్వు ఎందుకు చేసుకోవాలో నువ్వే చెప్పావు. అంత మంచి అబ్బాయిని నువ్వు పెళ్లి చేసుకుంటే నిన్ను గుండెల్లో పెట్టుకుని చూసుకుంటాడు. అందుకే నిన్ను చేసుకోమంటున్నాను.

అప్రయత్నంగా తాను చెప్పింది తిరిగి తన మీదకే వచ్చింది అని మనసులో తనని తానె తిట్టుకుంది.

స్పందన: అబ్బా. అక్క.. ఏంటి నువ్వు. నేను చెప్పేది నువ్వు చేసుకోడానికి. నేను చేసుకోడానికి కాదు.

సమీర: ఎందుకు నిన్ను అయితే బాగా చూసుకోడా?

స్పందన: చూసుకుంటాడు.. అది.. చూసుకోడా.. ఏమో.. మేటర్ నా గురించి కాదు. నువ్వు మాట మార్చకు. 

సమీర: ఇదే రైట్ మేటర్. కిట్టుని నేను చేసుకోకూడదు అనడానికి నీకు బలమైన కారణాలు నేను చెప్పాను. కానీ నువ్వే చేసుకోవాలి అనడానికి మంచి కారణాలు అన్ని నువ్వే చెప్పావు.

స్పందన సైలెంట్ అయిపోయింది. సమీర అర్గ్యూ చెయ్యదు. కానీ చేసినప్పుడు తనని గెలవడం కష్టం.

సమీర: నేను అయితే ఈ పెళ్లి చేసుకోను. కానీ నువ్వు చేసుకుంటే హ్యాపీగా ఉంటావు అని చెప్పను. నీకు ఇష్టం లేకపోతే నేను బలవంత పెట్టను. కానీ అప్పుడు కూడా నేను కిట్టుని చేసుకుంటాను అని మాత్రం అనుకోకు. 

స్పందన సైలెంట్ అయింది. అక్క మాటలకి జవాబు లేదు.

సమీర: కాబట్టి నా విషయం పక్కన పెట్టి కిట్టుని నీకొచ్చిన ఒక సంబంధం లాగా చూడు. నాకు ఇప్పుడు ఆన్సర్ చెప్పక్కర్లేదు. రేపొద్దున చెప్పు. కానీ నీ ఆన్సర్ నో అయితే పెళ్లి కాన్సల్ చేద్దాము. నీ ఇష్టం వచ్చినప్పుడు నీకు నచ్చిన వాడితో పెళ్లి చేద్దాము. ఒకవేళ యెస్ అయితే, చేయాల్సిన పనులు చాలా ఉన్నాయి. అందుకని.
స్పందన సైలెంట్గా వుంది. అదే సమయానికి కిట్టు నుంచి సమీర కి ఫోన్ వచ్చింది. చెల్లి ముందే ఫోన్ ఎత్తి స్పీకర్ ఆన్ చేసింది.

సమీర: చెప్పండి కిట్టు.

కిట్టు: సారీ సమీర ఈ టైం లో ఫోన్ చేసాను. మాట్లాడచ్చా?

సమీర: అయ్యో పర్లేదు చెప్పండి. 

కిట్టు: ఇందాక మీతో మాట్లాడటానికి టైం లేక వచ్చేసాను. నాకు పెద్ద షాక్ ఇచ్చారు. మన పెళ్లి కాన్సల్ చెయ్యాలా జరగాలి అని నిర్ణయం చెప్తారు అనుకుంటే స్పందన కి నాకు పెళ్లి కుర్దార్చాలి అని ట్రై చేస్తున్నారు.

సమీర: సారీ అండి. అర్థం చేసుకోగలను. సడన్ గా బాంబు పేల్చినట్టు అయింది.

కిట్టు: మాములు బాంబు కాదండి. న్యూక్లియర్ బాంబు.

ఆ సమయంలో కూడా కిట్టు సెన్స్ అఫ్ హ్యూమర్ అక్క చెల్లెల్లు ఇద్దరు గమనించారు.
సమీర: ఏమి నిర్ణయం తీసుకున్నారు? మా చెల్లిని చేసుకోవడం మీకు ఒకే నా?
కిట్టు సైలెంట్ అయ్యాడు.

కిట్టు ఏమి చెప్తాడా అని పక్కనే కూర్చున్న స్పందన నోట్లో వేళ్ళు పెట్టుకుని గోళ్లు కొరుకుతూ ఆతృతగా వింటోంది. స్పందన మొహం చుసిన సమీర లీడ్ తీసుకుంది.

సమీర: మీకు నాకంటే నా చెల్లి నే కరెక్ట్ కిట్టు. మీరు మేడ్ ఫర్ ఈచ్ అదర్. 

కిట్టు: ఏంటండీ మీరు? జోక్ చేస్తున్నారో సీరియస్ గా అంటున్నారో నాకు అర్థం కావట్లేదు.

సమీర: సీరియస్ అండి. నా చెల్లి అన్నట్టు కాకుండా మీరు స్పందన ని విడిగా మీకు వచ్చిన ఒక సంబంధం లాగా చుడండి.

కిట్టు ఏమి అనలేదు.

సమీర: మీరు చెప్పండి. నా చెల్లి మీద మీ జనరల్ అభిప్రాయం చెప్పండి.

కిట్టు: మంచి అమ్మాయి. సీమ టపాకాయి. మనసులో ఏమి దాచుకోదు. మొహం మీదనే చెప్పేస్తుంది ఏమున్నా.  

పక్కనే కూర్చున్న స్పందన నొసలు చిట్లించి ఫోన్ వైపు కోపంగా చూసింది. చిన్నపిల్లలు కోపం వస్తే చూసినట్టు వుంది తన మొహం.

కిట్టు: చాలా జోవియల్ గా ఉంటుంది. మంచి సెన్స్ అఫ్ హుమొర్ వుంది.

సమీర: ఇంకా?

కిట్టు: ఇంకా అంటే, పైకి ఆవేశంతో మాట్లాడుతుంది అనిపించినా లోపల ఆలోచిస్తుంది బాగానే. లైఫ్ లో ఏదో చెయ్యాలి అనే తపన వుంది. మీరన్నా మీ మదర్ అన్నా పిచ్చి ప్రేమ. 

సమీర స్పందన మొహం చూసింది. కిట్టు పొగుడుతుంటే స్పందనకి లోలోపల ఏదో తెలియని ఆనందం.

సమీర: మరి మా చెల్లిని పెళ్లి చేసుకుంటారా?

కిట్టు: వామ్మో! మీరు నన్ను మాటల్లో పెట్టి మీ లైన్ లోకి తెస్తున్నారు. 
సమీర పకపకా నవ్వింది. తను అంత టెన్షన్ పడుతుంటే అక్క అంత కూల్ గా నవ్వుతోంది. స్పందనకి అర్థం అయింది. పెళ్లి కాన్సల్ చేయడం వల్ల అక్కకి ఎంతో భారం తగ్గినట్టుంది. కాస్త హాయిగా నవ్వుతోంది.

సమీర: అలా కాదు. నేను జోక్ చెయ్యట్లేదు. మా చెల్లికి చెప్పిందే మీకు కూడా చెప్తున్నాను. రేపటి వరకు టైం తీసుకుని చెప్పండి. మీకు ఇష్టం లేక పోతే కాన్సల్. ఇష్టముంటే చేయాల్సినవి చేస్తాను.

కిట్టు: తనని ఫోర్స్ చెయ్యకండి. 

సమీర: అంటే మీకు ఒకే నా..

కిట్టు: వామ్మో.. ఏంటండీ మీ స్పీడ్. నాకు కూడా కాస్త టైం ఇవ్వండి. ముందు తనతో మాట్లాడితే మీరు ఫోర్స్ చేస్తారేమో అని చెప్తున్నాను.

సమీర: ఓకే. బై. 

సమీర ఫోన్ పక్కన పెట్టి చెల్లి వైపు చూసింది. 

స్పందన: ఏమి చేస్తున్నావు అక్క?

సమీర: నీ లైఫ్ సెట్ చేస్తున్నాను.

స్పందన రియాక్ట్ అయ్యేలోపల కిట్టు నుంచి ఫోన్ వచ్చింది. స్పందన ఫోన్ చేతిలో పట్టుకుని అక్క వైపు చూసింది.

సమీర (చిన్నగా నవ్వుతు): నీ హీరో. మాట్లాడు.

స్పందన షాక్ అయ్యి చూసింది. 

సమీర (నవ్వుతూనే): నువ్వు ఊపుకుని హీరోయిన్ అవుతావా లేక సినిమా లో వచ్చి వెళ్లిపోయే పెళ్లికూతురు చెల్లిలాగా మిమిగిలిపోతావా నీ ఇష్టం.
స్పందనకి ఒక్క క్షణం బుర్ర గిర్రున తిరిగింది. తను కిట్టు మాట్లాడుకున్న సంభాషణ [b]అక్కకి ఎలా తెలుసు అనుకుంది.[/b]

సమీర: అల్ ది బెస్ట్. మాట్లాడి రేపొద్దున్నకి గుడ్ న్యూస్ చెప్పు.

తలుపు వేసి సమీర బయటకి వెళ్ళిపోయింది. 

ఇంకా వుంది