|
మనం చదివిన పుస్తకాలు - మనం రాసే సమీక్షలు
|
19-03-2019, 08:11 PM
(This post was last modified: 21-03-2019, 11:25 PM by Vikatakavi02. Edited 2 times in total. Edited 2 times in total.)
మనం చదివిన పుస్తకాలు - మనం రాసే సమీక్షలు
గర్ల్స్ హైస్కూల్ > INDEX నా పుస్తకాల సొరుగు > My (e)BOOK SHELF చిట్టి పొట్టి కథలు - పెద్దల కోసం > LINK 
20-03-2019, 10:35 AM
(This post was last modified: 20-03-2019, 10:38 AM by Rajkumar1. Edited 1 time in total. Edited 1 time in total.)
ఏడు తరాలు --------------------- ఏడు తరాలు... ఇది ఒక బానిసల కథ. అమెరికాకు ఆఫ్రికానుండి బలవంతంగా రప్పించబడిన అమెరికాలోని ఆఫ్రికా బానిసల కథ. అగ్రరాజ్యమైన అమెరికాలో చీకటి కోణం, నల్లవాళ్లపై తెల్లవాళ్ళ ఆకృత్యాలు ఇందులో కళ్ళకు కట్టినట్లు చూపించారు. అప్పటిదాకా నా అనే వాళ్ళతో సొంత ఊరి జనం మధ్య సంతోషంగా ఉన్న జీవితాలు ఒక్కసారిగా తలకిందులైతే? వీళ్ళందరికీ దూరంగా, భవిష్యత్తు అంటే ఏంటో తెలీక, దొరలకు కండలు కరిగేలా స్వేదాన్ని చిందించిన దానికి ప్రతిఫలంగా చర్మం ఊడిపోయేలా కొరడా దెబ్బలు తింటూ, గతాన్ని గుర్తు చేసుకోలేక - భవిష్యత్తును ఊహించలేక నాగరిక సమాజంలో ఒక జాతి మరో జాతిపై ముసుగులో చేసిన దమనకాండకు అక్షరరూపం ఈ "ఏడుతరాలు" నవల! ఇదొక వాస్తవిక చరిత్ర!! స్వేచ్ఛనుండి సంకెళ్లకు, సంకెళ్లనుండి స్వేచ్ఛా వాయువుల్లోకి వెళ్లిన ఆఫ్రికా నిగ్గర్ల (నిగ్గర్లు అంటే బానిసలు) చరిత్ర ఈ ఏడు తరాలు. బానిసలపై జాలి, దయ, కరుణ, మానవత్వం లాంటివేమీ లేకుండా అగ్రరాజ్యం అమెరికా జరిపిన ఆకృత్యాలు చదువుతుంటే నరాల్లోని రక్తం ఉడికి పోతుంది, కన్నీళ్ల సముద్రంలో కనుగుడ్లు తేలియాడుతాయి. క్రీస్తుశకం 1750 లో ఆఫ్రికా ఖండంలో గాంబియా అనే దేశంలో మొదలవుతుంది ఈ కథ. కల్లా కపటం తెలియని , స్వేచ్ఛ స్వాతంత్ర్యాలకు అడ్డులేని జాఫురు అనే గ్రామంలో ఉమురా-బింటో దంపతులకు కుంటా పుట్టడంతో కథ ప్రారంభం అవుతుంది. అచ్చమైన పల్లెటూరి వాతావరణంలో, నానమ్మ చెప్పే కథలతో, తోటి పిల్లలతో వాళ్ళ సంప్రదాయాల ప్రకారం పెరుగుతూ ఉంటాడు. పొలం పనులు చేస్తూ, సాయంత్రాలు చదువుకుంటూ ఉంటాడు. కఠినమైన గ్రామ సంప్రదాయ పురుష శిక్షణ తీసుకొని ఇంటికి తిరిగొచ్చి తన వైవాహిక జీవితం గురించి కలలు కంటూ ఉంటాడు. ఒకానొక దురదృష్ట సమయంలో తెల్లవాళ్ళ కంటబడి వేట కుక్కలతో, మారణాయుధాలతో వేటాడి బందీగా చిక్కుతాడు. చిన్నప్పుడు తన తండ్రి చెప్పిన "తెల్లవాళ్లు మన చుట్టూ ప్రక్కల ఉన్నప్పుడు కోడిమాంసం వాసన వస్తుంది" అన్నవిషయంలో ఏమరపాటుగా ఉన్నందుకు చింతిస్తాడు. అలా తెల్లవాళ్ళకు చిక్కి, స్పృహ కోల్పోయి కళ్ళు తెరిచేప్పటికీ ఓడలో వివస్త్రై బందీగా ఉంటాడు. శరీరమంతా గాయాలై ఎర్రగా పుండ్లు పట్టి ఉంటుంది. కాళ్ళు చేతులు కట్టి పడేసి ఉంటాయి. ఆ ఇరుకు ఓడలో తన తోటి బందీలతో భోజనాలు, మలమూత్రాలు ఒకేచోట చేస్తూ కొన్నివారాల పాటు సముద్రయానం చేసి అమెరికా చేరుతాడు. రచయిత వర్ణించిన ఓడ ప్రయాణం చదువుతుంటే అందులో ప్రయాణించడం కన్నా చావడం అతి ఉత్తమమని అనిపించకమానదు. విసర్జించిన మలమూత్రాలు బందీల చుట్టూ అట్టలు అట్టలుగా పేరుకున్న చోటే నిద్రాహారాలతో ప్రయాణమంటే ఎంత జుగుప్సాకారంగా ఉంటుందో చదువుతున్న మనకే కడుపులోని ప్రేగులు నోట్లోకి వచ్చేస్తాయా అని అనిపిస్తుంది . ఒకవేళ బానిస నోరుతెరిచాడో కొరడాతో చర్మం చెమడాలు చెమడాలు కింద వొలిచేవారు. దారిలోనే గాల్లో కలిసిపోయిన ప్రాణాలను సముద్రంలోకి పడేస్తారు. బ్రతికిన వాళ్ళతో ఎలాగోలా తీరానికి చేరుకున్న కుంటాను సంతలో పశువులను కొన్నట్లు ఒక తెల్లదొర వేలంలో కొంటాడు. నిగ్గరుగా బ్రతుకుతున్న కుంటా చిన్నప్పుడు నేర్చుకున్న సంస్కృతీ సంప్రదాయాలను విడిచిపెట్టడానికి ఇష్టపడేవాడు కాదు. దొంగచాటుగా వాటిని పాటిస్తూ అవకాశం చిక్కినప్పుడల్లా పారిపోవడానికి ప్రయత్నిస్తుంటాడు. దొరికిన ప్రతిసారి చావుదెబ్బలు తిన్నా విశ్వ ప్రయత్నాలను మాత్రం ఆపడు. ఒకసారి ఇలానే పారిపోయి దొరకనప్పుడు శిక్షించదలచిన తెల్లవాడు నీ పురుషాగము, కాలి పాదాల్లో ఏదోటి కోరుకో అని అడిగితే తన వంశం తనతోనే అంతమవడం ఇష్టంలేక తన రెండు చేతుల్ని అడ్డు పెట్టుకోడంతో.. చర్మం నుండి, నరాల నుండి, కండలనుండి, ఎముకలనుండి ఒక్కవేటుతో కుడికాలు పాదం తెగి ఎగిరి అవతల పడుతుంది. ఇక విధిలేని పరిస్థితుల్లో అక్కడే నిగ్గరుగా బానిస బతుకు బతుకుతూ తనతోటి మరో నిగ్గరు స్త్రీ భెల్ ని పెళ్లిచేసుకుంటాడు . కొన్నాళ్లకే వీరికి పుటిన పాపకి కిజ్జీ అని పేరు పెట్టి ఆఫ్రికా సాంప్రదాయాల ప్రకారం పెంచుతాడు. చిన్నప్పటి నుండి తన కథనంతా కిజ్జీ కి చెప్పి నీ ముందుతరాలకు కూడా ఇలానే చెప్పమని కోరతాడు. తవాత కిజ్జీ తన బాధలు, తన తండ్రి బాధలు తన సంతానానికి చెబుతూ రాబోయే తరాలకు కూడా ఇలానే చెప్పాలని చెబుతుంది. ఇక్కడ కిజ్జి కూడా అమ్మా నాన్నలకు దూరమై వేరే దొరదగ్గరకి బానిసగా బ్రతకడానికి అమ్మబడుతుంది. అలా కుంటా కథ తరతారలకు చెప్పబడుతూ ఏడవ తరం వాడైనా రచయిత అలెక్స్ హైలీ కి చేరుతుంది. ఇక్కడినుంచి రచయిత దేశదేశాలు తిరిగి, ఎన్నో గ్రంధాలు, ప్రభుత్వ రికార్డులు పరిశీలించి కుంటా స్వగ్రామమైన జాఫురుకు చేరుకుంటాడు. కందెన నలుపు శరీరం గల తన పూర్వీకులను చూసి తన శరీర వర్ణాన్ని పోల్చుకొని చుస్తే తన వర్ణ సంకరత్వానికి కుమిలిపోతాడు. ఇక్కడితో కథ ముగుస్తుంది. తెల్లవాళ్లు నల్లవాళ్ళ స్వేదంతో పంటలు విరగ పండించి లాభాలు ఆర్జించారు! తమ లైంగిక వాంఛను తీర్చుకోవడం కోసం అనేకమంది నల్లవాళ్ళ మహిళలపై ఘోరమైన హత్యాచారాలు చేశారు!! వాళ్లకు పుట్టిన పిల్లలు తమ వారసులని తెలిసికూడా వాళ్ళతో ఊడిగం చేయించారు!! స్వేచ్ఛ కోసం పోరాటాలు, ఉద్యమాలు చేస్తున్న సమయంలో లేనిపోని ఆంక్షలను వారిపై రుద్ది, తెల్లవాళ్ళ అనుకూల చట్టాలను తయారు చేసి ఎక్కడికక్కడ వాటిని అణచివేయసాగారు!!! నాగరికులమని, అభివృద్ధి చెందిన వారమని చెప్పుకొనే అమెరికన్లలో అత్యంత పాశవికమైన చీకటి కోణాన్ని ఈ నవల మనకు కళ్ళకు కట్టినట్లు చూపిస్తుంది. బానిసలుగా ఆఫ్రికన్లు బ్రతికిన బ్రతుకు, తెల్లవాళ్లు పెట్టిన చిత్రహింసలు, చేసిన హత్యాచారాలు హృదయవిదారకంగా ఉంటాయి. స్వేచ్చావాయువుల్లోనుండి బలవంతంగా బానిస బతుకులోకి ఈర్చబడిన కుంటా మళ్ళీ స్వేచ్చావాయువుల్లోకి వెళ్ళడానికి పడిన తపనని... చదివేకొద్దీ వచ్చే కన్నీళ్లు చుస్తే ఆకాశానికి చిల్లులు పడ్డాయా అని అనిపించకమానదు! ముఖ్యంగా కుంటా ఆఫ్రికాకు దూరమైనా తన భాషా, సంస్కృతీ సాంప్రాదాయాలను, మతాన్ని విడిచిపెట్టడు. తన వంశ చరిత్ర రాబోయే తరాలకు కూడా తెలియాలని తాపత్రులపడుతుంటాడు. రూట్స్' పేరుతో 1976 లో ప్రచురితమైన ఈ రచన మూడు దశాబ్దాల క్రితం ఏడు తరాలు పేరుతో సహవాసి గారు తెలుగులోకి అనువదించారు. Download it from following Link Download
20-03-2019, 10:44 AM
ఓల్గా నుంచి గంగకు… విస్తృత ప్రాతిపదికమీద రచనల్ని మౌలికంగా రెండు విధాలుగా విభజించి చూడవచ్చు. మొదటి రకం కల్పితాలు. రెండవ రకం వాస్తవాలు. ఈ రెండు కలగలసిన రచనలే ఎక్కువ. చారిత్రక రచనల విషయానికి వస్తే ఖచ్చితత్వం పాటించాల్సిన రచనలు దురదృష్టవశాత్తూ కల్పితాలుగా, కల్లబొల్లి కథనాలుగా పాలక పక్ష బాకాలుగా లభిస్తున్న సందర్భాలే ఎక్కువ. అయితే అలాంటి దౌర్బాగ్యం నుండి విముక్తి కలిగించి మానవ సమాజ పరిణామ క్రమాన్ని ఖచ్చితంగా మన ముందుకు తెచ్చిన పుస్తకం ‘ఓల్గా నుంచి గంగకు’. రాతి యుగానికి పూర్వం నుంచి మానవుని జీవితం ఎలా సాగుతూ వస్తోందో.. దొరికిన చారిత్రక సాక్ష్యాధారాలను ఆలంబనగా చేసుకుని సాధారణ పాఠకులకు అర్థమయ్యే రీతిలో ఆసక్తి కలిగించే విధంగా మానవ చరిత్రను చెప్పే మహత్తర ప్రక్రియ ఇది. రాహుల్‌ సాంకృత్యాయన్‌!!! అంతర్జాతీయ ఖ్యాతి పొందిన రచయిత. బహుభాషా పండితుడు. గొప్ప చరిత్ర కారుడు. స్వాతంత్య్ర సమరయోధుడిగా సుదీర్ఘకాలం కారాగారంలో గడిపిన త్యాగశీలి. ఆయన స్వయంగా అనేక ప్రదేశాలు తిరిగి పరిశోధించి మానవ సమాజ క్రమాన్ని ఒక అద్భుత చరిత్రగా మలచి మన ముందుకు తెచ్చిన పుస్తకం… ఈ నెల మీకు పరిచయం చేయబోతున్న ”ఓల్గా నుంచి గంగకు”. ప్రముఖ రచయిత్రి చాగంటి తులసి దీన్ని తెలుగులోకి అనువాదం చేశారు. మనిషి ఎప్పుడూ నిలకడగా లేడు. సమాజం కూడా అందుకు అనుగుణంగా మారుతూనే వచ్చింది. ఆ క్రమంలోనే నాయకత్వం మార్పు జరిగింది. లింగ వివక్ష తెరమీదకు వచ్చింది. గుంపుకు నాయకత్వం వహించిన ఆదిమ మహిళ నుండి నేటి ఆధునిక మహిళవరకు సమాజంలో వచ్చిన మార్పులు ఏమిటి?? మాతృస్వామ్య వ్యవస్థ పితృస్వామ్య భావజాలానికి జారిపోయిన క్రమం ఎలాంటిది? ఈ ప్రశ్నలకు సమాధానమే ”ఓల్గా నుంచి గంగకు”. క్రీస్తు పూర్వం 6000 సంవత్సరాల కాలం నుంచి క్రీస్తు శకం 1942 వరకు జరిగిన కాలంలో ఇండో యూరోపియన్‌ జాతి మానవ వికాసాన్ని ఆసక్తికరమైన 20 కథలుగా మలిచారు రాహుల్‌. ఓల్గా తీరపు మంచు ఎడారి నేపధ్యంగా సాగే తొలి కథ ‘నిశి’తో మొదలుపెట్టి పాట్నాలోని గంగా తీరంలో సాగే ”సుమేరుడి” కథ వరకు సాగే ‘ఓల్గా నుంచి గంగ వరకు’లో అన్ని కథలు ఊపిరి బిగపట్టి చదివించేవే. తొలి కథలో ఆర్యుల సంస్కృతి కళ్ళకు కట్టినట్లు వర్ణిస్తారు రాహుల్‌. స్త్రీ కుటుంబ పెద్దగా ఉండడం, ఆమె సారధ్యంలో కుటుంబం యావత్తూ వేటకు వెళ్ళడం, ఆమె తనకు నచ్చిన పురుషుడితో (సోదరుడు, కుమారుడు లేక చుట్టూ ఉన్నవారు) కూడి సంతానాన్ని వృద్ధి చేయడంతో మొదలు పెట్టి, కుటుంబంలో వచ్చిన చీలికలు, సమూహాలు, వాటి మధ్యన ఆధిపత్యపు పోరు, జీవికను వెతుక్కుంటూ సమూ హాలు చేసే మజిలీలు, నెమ్మది నెమ్మదిగా సంస్కృతిలో మార్పులు వచ్చి పురుషుడు కుటుంబ పెద్ద అవ్వడం, వివాహ వ్యవస్థ, స్త్రీ స్థానం తగ్గుతూ పోవడం… ఇవన్నీ మొదటి ఆరు కథల్లో చిత్రించ బడ్డాయి. ఆర్యులకి, అనార్యులకి మధ్య యుద్ధం జరిగిన క్రమం… ఆ క్రమంలోనే రాజుని తమ చెప్పుచేతల్లో పెట్టుకునే పురోహిత వర్గం బలపడడం, వేదాలు అందుకు చేసిన దోహదం తరువాతి కథల్లో విశదంగా చెప్పబడుతుంది. సమాజంలో అసమానతలకి మతం ఎలా కారణమయ్యిందో చాలా బలంగా చెప్తారు రాహుల్‌. రాజు-పురోహితుడు-మతం ఈ మూడూ కలిసి సమాజాన్ని ప్రభావితం చేసిన తీరు ఉదాహరణలతో చూపిస్తారు రచయిత. బౌద్ధ స్థాపన, విస్తరణ, దేశం మీద జరిగిన దండయాత్రలు, అలాగే ఇస్లాం స్థాపన, విస్తరణ, కంపెనీ పాలనలో భారతదేశం, అప్పటి క్రైస్తవ ప్రభావం… ఇవన్నీ కళ్ళకి కట్టినట్లు వర్ణింపబడతాయి. ఆ తర్వాతి కథల్లో ఈస్టిండియా కంపెనీల కాలంలో జమీందారీలను ఏర్పరచడం, అందువల్ల రైతులకు ఎదురైన ఇబ్బందులు, సామంత రాజుల బలహీనతల్ని ఆంగ్లేయులు సొమ్ము చేసుకోవడం, సిపాయిల తిరుగుబాటు, గాంథీజీ మొదలుపెట్టిన ఉద్యమం, ఆ ఉద్యమాన్ని వ్యతిరేకించే వర్గం అభిప్రాయాలు… ఇంతవరకు కథలను తీసుకువచ్చి, చివరకు సామ్యవాదం మాత్రమే సమ సమాజాన్ని తీసుకు రాగలదన్న అభిప్రాయంతో ఈ పుస్తకాన్ని ముగించారు రాహుల్‌ సాంకృత్యాయన్‌. ఒక్కొక్క కథ ఒక్కొక్క యుగం నాటి ఆచార వ్యవహారాలను, అలవాట్లను చిత్రిస్తుంది. సమకాలీన ఇతివృత్తాన్ని తీసుకుని కథ నడిపించడం కష్టం కాకపోవచ్చు. కానీ వేల సంవత్సరాలు వెనక్కి వెళ్ళి అప్పటి జీవనశైలి, మనుషుల భావాలు, భావోద్వేగాలు, అలవాట్లు చిత్రించడం చాలా కష్టమైన పని. కానీ రచయిత రాహుల్‌ సాంకృత్యాయన్‌ ఆ పని చాలా గొప్పగా చేశారు. అందుకుగాను ఆయన చేసిన పరిశోధన అంతా ఇంతా కాదు. బౌద్ధ భిక్షువుల జీవనశైలిని అక్షర బద్ధం చేయడానికి ఆయన దారి కూడా సరిగా లేని కొండల్లో నడుస్తూ, టిబెట్‌, కాశ్మీర్‌, లడఖ్‌, కార్గిల్‌ ప్రాంతాల్లో తిరిగి అక్కడ లభ్యమైన పుస్తకాలను కంచర గాడిదలమీద తరలించుకు వచ్చారట. అవి అధ్యయనం చేయడానికి ఆయన టిబెటిన్‌ భాషను నేర్చుకున్నారు. ప్రపంచంలో యాత్రలను చేయడానికి మించిన గొప్ప పని లేదంటారాయన. యాత్రలంటూ జరగకపోతే మనిషి నాగరికతలో ఇంత పరిణామం జరిగి ఉండేది కాదనీ, సమాజం పశు స్థాయి నుండి మానవ సమాజంగా ఇలా మారి ఉండేది కాదనీ.. అంటారు రాహుల్‌ సాంకృత్యాయన్‌. Download. It from below link Download
20-03-2019, 06:45 PM
సోదరా రాజు..
నీ నూతన నామధేయం కాస్త పొడవుగా వుండటంతో పాత పేరుతోనే సంబోధిస్తున్నాను. ఏమనుకోకు... నా ఈ దారంలో పుస్తకాలనూ, వాటికి సంబంధించిన సమీక్షలను జతచేర్చి ఇచ్చినందుకు ధన్యవాదాలు. ఐతే... బయటవారు వ్రాసిన సమీక్షలు కాకుండా... ఇక్కడ ఆయా పుస్తకాలను చదివిన పాఠకులు తమ అభిప్రాయాన్ని తమ స్వంత మాటల్లో తెలియజేయాలన్న కోరికతో ఈ దారాన్ని ప్రారంభించాను. కావలిస్తే... సేకరించిన సమీక్షని కూడా ఇక్కడ పోస్టు చెయ్యవచ్చును. ఐతే, ఆ సమీక్ష వ్రాసిన సదరు వ్్యక్తి పేరుని జతచేస్తే బావుంటుంది... ఐనా తప్పు నాదే... దారాన్ని ప్రారంభించాక మొదటి పోస్టులో ఇదంతా చెప్దామని వ్రాశానుగానీ, అది డిలీట్ అయిపోయింది. అప్పటికి నిద్ర ఆవహించి బద్ధకించేశాను. ఇప్పుడు మీకు పై పుస్తకాలను చదివిన తర్వాత కలిగిన అభిప్రాయాన్ని మీ మాటల్లో తెలియజేస్తారని ఆశిస్తున్నాను. స్వస్తి వికటకవి ౦౨ గర్ల్స్ హైస్కూల్ > INDEX నా పుస్తకాల సొరుగు > My (e)BOOK SHELF చిట్టి పొట్టి కథలు - పెద్దల కోసం > LINK
21-03-2019, 11:12 AM
మిత్రమా కవీ...
పై రెండు పుస్తకాలూ నేను చదివాను కానీ వాటిపై సమీక్ష రాసే శక్తి నాకు లేదు.. అందుకే కాపీ పేస్ట్ చేసాను... మంచి పుస్తకాలకు సంబంధించి అందరికీ తెలియజేయాలని నా ఉద్దేశ్యం .. మీరు చెప్పినట్టు సమీక్ష రాసిన వారి పేరు ఇకనుంచి రాస్తాను.. 
22-03-2019, 07:16 PM
మంచి ప్రయత్నం కవి గారూ.. దీని వల్ల మంచి పుస్తకాల గురించి అందరికీ తెలుస్తుంది... మంచి సమీక్ష చదివితే ఆ పుస్తకం చదవాలని కోరిక పుడుతుంది... పాత xossip సైట్ లో నేను ఇటువంటి దారాన్నే తెరిచాను...
అందరూ తాము చదివిన పుస్తకాల గురించి ఇక్కడ పంచుకుంటే బాగుంటుంది 
23-03-2019, 01:51 PM
(22-03-2019, 07:16 PM)Lakshmi Wrote: మంచి ప్రయత్నం కవి గారూ.. దీని వల్ల మంచి పుస్తకాల గురించి అందరికీ తెలుస్తుంది... మంచి సమీక్ష చదివితే ఆ పుస్తకం చదవాలని కోరిక పుడుతుంది... పాత xossip సైట్ లో నేను ఇటువంటి దారాన్నే తెరిచాను... good Idea. నిజం నిజం సమీక్ష వల్లే ఆ పుస్తకానికి ఇమేజ్ పెరుగుతుంది. మంచి పుస్తకాన్ని మించిన స్నేహితుడు లేడు. castaway అన్న మూవీ చూడండి. దానిలో ఒంటరి దీవిలో తోడు-నీడ ఒక కొబ్బరి బొండం.
28-03-2019, 01:15 PM
తప్పుచేద్దాం రండి.. సమీక్ష
![[Image: a62bbc5b-a46b-49e6-8d1a-04c18d2f4994.jpg]](http://images.kinige.com/thumb/a62bbc5b-a46b-49e6-8d1a-04c18d2f4994.jpg) యండమూరి వీరేంద్రనాథ్ రచనల్లో 'బెస్ట్' ఏదీ అంటే చెప్పటం చాలా కష్టం... ఏవైనా రెండే ఎంచుకోమంటే నేను మొదటగా[b] "తప్పుచేద్దాం రండి" తర్వాత "అంతర్ముఖం" ఎంచుకుంటాను... "తప్పు చేద్దాం రండి" అద్భుతమైన రచన... యండమూరి ముందు నవలలు రాసాడు... తర్వాత "విజయానికి అయిదు మెట్లు" రాయడం ద్వారా వ్యక్తిత్వ వికాస రచనల్లో అడుగు పెట్టాడు... "తప్పు చేద్దాం రండి" ఈ రెండు కోవల్లోకీ వస్తుంది... ఒక వైపు ఉత్కంఠ భరితంగా ఒక కథను చెబుతూనే అందులోని పాత్రల ద్వారా వ్యక్తిత్వ వికాసం పాఠాలు చెబుతాడు రచయిత... మొదటిసారి చదివినప్పుడు కలిపి చదివినా రెండో సారి చదివేప్పుడు కథ ని గానీ , వ్యక్తిత్వ వికాసం అంశాలు గానీ ఏదో ఒక్కటే చదువుకునే వీలుగా రెండింటినీ రెండు రంగుల్లో ముద్రించారు... కథ విషయానికి వస్తే ఒక సామాన్యుడు దేవుడి అవసరం లేకుండా ఎవరైనా జీవించ వచ్చని దేవుడితోనే ఛాలెంజ్ చేస్తాడు... తనకు దేవుడు ఎన్ని ఇబ్బందులు పెట్టినా తట్టుకుని నిలబడతాడు... తన ప్రతినిధిగా ఒక సామాన్యురాలిని ఎంచుకొని తాను రాసిన పుస్తకాన్ని ఆమెకు ఇస్తాడు... ప్రియుడి చేతిలో మోసపోయిన అమాయక పేద అనాధ అయిన ఆ అమ్మాయి అతని ప్రభావంతో ముఖ్యమంత్రి స్థాయికి ఎదుగుతుంది... దేవుడు కూడా తన ప్రతినిధిగా ఒక పరమ భక్తుణ్ణి ఎంచుకుంటాడు... అతని జీవితమంతా ఎన్ని బాధలు ఎదురైనా దేవుని మీద విశ్వాసం సడలదు.. చివర్లో దేవుణ్ణి ఛాలెంజ్ చేసిన వ్యక్తి, దేవుడు తమ ప్రతినిధులు సాక్షులు గా చేసుకొని తమ తమ వాదనలు వినిపిస్తారు... ఎవరి వాదన నెగ్గుతుంది అనేది వేరేవిషయం కానీ పుస్తకం చదువుతున్నంతసేపు మనం ఇంకో లోకంలో ఉంటాం... పుస్తకంలో ఎన్నో ఉదాహరణలు, చిన్న కథలు ఆసక్తిగా ఉంటాయి... " మంత్రి కొడుకు- బిచ్చకత్తె" కథ ఈ పుస్తకానికే హైలెట్... ప్రతి ఒక్కరూ తప్పక చదవాల్సిన పుస్తకం "తప్పుచేద్దాం రండి" - లక్ష్మి[/b] 
28-03-2019, 02:17 PM
Nenu Kooda Chana pustakalu chadivinanu,kaani naaku sammekshalu raase antha sakthi ledu. Nenu chadivina manchi pustakaalu, 'Oka yogi atma katha' by Sri Paramahamsa Yoganand, ee pusthakamu dadapu 7 sarlu kante ekkuva chadivinanu. Prastutamu eepustakamu naavadda ledu marala dorakute chaduvutaanu, eppudu chadivina kothaga untundi. Ee pustakaalu dadapu 700 pages untundi vela Kooda Rs 200.00 lopaley untundi veelayithe konni chadavandi, idi andaru chadavandi. Migatavi pustakaalu gurinchi taruvatha raastanu.
29-03-2019, 12:17 AM
(This post was last modified: 29-03-2019, 12:19 AM by Vikatakavi02. Edited 1 time in total. Edited 1 time in total.)
లక్ష్మిగారూ... మీ సమీక్ష చాలా చక్కగా "కట్టె-కొట్టె-తెచ్చె" అనే విధంగా లేకుండా... విపులంగా, ఆ 'తప్పుచేద్దాం రండీ' అనే విధంగా వుంది ;) :D . మీ సమీక్ష చదివాక నాకు మళ్ళా ఆ పుస్తకాన్ని చదవాలని అనిపిస్తోంది. ధన్యవాదాలు.
ఇలాగే అందరూ ముందుకొచ్చి తాము చదివిన పుస్తకాలను గురించి ఎంతో కొంత సంక్షిప్తంగా అయినా తమ అభిప్రాయాన్ని తెలియజేస్తారని ఆశిస్తున్నాను. యండమూరి వీరేంద్రనాథ్
తప్పు చేద్దాం రండి..!
![[Image: 363927.jpg]](https://i.ibb.co/k964PgF/363927.jpg) >>> డౌన్లోడ్ <<<
యువక్ గారూ... ఈ దారం ముఖ్య ఉద్దేశం పుస్తకాలు చదవాలని ఆసక్తి వున్నవారందరికీ ఏదో కొంచెం మార్గదర్శకత్వం కల్పించటం. మామూలుగా ఒక పుస్తకాన్ని చదివినప్పుడు వారికది నచ్చవచ్చు, నచ్చకపోనూ వచ్చు. కొన్నిసార్లు అందుకుగల కారణం ఇదీ అని వారు చెప్పలేకపోవచ్చు. ఒకవేళ నచ్చిందా లేదా అన్నది చెప్పగలిగితే మాత్రం వాళ్ళకి ఇది ఓ వేదికగా ఉపయోగపడుతుంది. అలాగే చదవాలి అనుకునేవారికి ఆ పుస్తకం ఎలా వుంటుందో తెలియదు. ఒకవేళ చదివాక నచ్చకపోతే అనవసరంగా చదివానే అనిపిస్తుంది. అలాంటప్పుడు ముందుగా ఈ పుస్తకం గురించి తెలిసుంటే బాగున్ను కదా అని అనిపిస్తుంది. (ఇది నా స్వంత అనుభవం. అల్పజీవి పుస్తకం చదివాక నాకు ఇలాగే అనిపించింది. ఆ పుస్తకం గురించి త్వరలో సమీక్షని వ్రాస్తాను.) అందుకే నాలాంటి వాళ్ళకోసం ఈ దారాన్ని తెరిచాను. సమీక్ష అనగానే ఏదో పేద్ద పదంలా అనిపించి దాన్ని మోసే శక్తి నాకు లేదు అని అనిపిస్తుందిగానీ సరదాగా మీ స్నేహితుడు ఫలానా సినిమా చూడొచ్చా అని అడిగినప్పుదు మనం చెప్తాం చూడండి... వద్దంటున్నా సినిమా కథ, డైలాగులు, అప్పుడప్పుడు సస్పెన్సు కూడా రెవేల్ చేసేస్తాం అత్యుత్సాహంలో... అది సినిమా చూడాలి అనేవాళ్ళకి (పాజిటివ్/నెగటివ్) ఏదో ఒక ఐడియాని ఇస్తుంది... అలానే ఇక్కడా మిత్రులతో పంచుకోండి. సదరు పుస్తకం గురించి ఒక అభిప్రాయం ఏర్పడుతుంది వాళ్ళకి... ఒకరు పంచుకున్నరని మరొకరు అదే పుస్తకం పైన ఏమీ చెప్పకూడదు అనే ఆంక్షలు ఏమి లేవిక్కడ. ఏవరి నెరేషన్ స్టైల్ వాళ్ళది. కనుక ఎలాంటి అనుమానాలు పెట్టుకోకండి. అలాగని పైన చెప్పిన విధంగా కథల్లోని సస్పెన్సులు బయటపెట్టకండి. చదివే మూడు, ఇంట్రెస్టు రెండూ రివ్వున ఎగిరిపోతాయి. వీలైనంతవరకూ అందరూ తెలుగులోనే సమీక్షలను వ్రాయటానికి ప్రయత్నించండి. అది ఆంగ్ల పుస్తకమయినా అయినాసరే! ఇక మీరు చెప్పిన 'ఒక యోగి - ఆత్మకథ పుస్తకం' గురించి వెతికాను యువక్ గారూ. ఈ క్రింది సైట్ లో దొరికింది. ఇదిగోండీ ఆ లింక్
గర్ల్స్ హైస్కూల్ > INDEX నా పుస్తకాల సొరుగు > My (e)BOOK SHELF చిట్టి పొట్టి కథలు - పెద్దల కోసం > LINK
29-03-2019, 09:32 PM
యద్దనపూడి సులోచనా రాని గారి రచనల్లో నాకు బాగా నచ్చినవి...
మీనా, సెక్రెటరీ, జీవన తరంగాలు, ప్రియసఖి.... చడవని వాళ్ళు చదవండి
29-03-2019, 09:35 PM
అలాగే మీరు చదివిన పుస్తకాల్లో మీకు బాగా నచ్చిన వాటి గురించి నాలుగు మాటలు రాయండి... కుదరకపోతే పేర్లయినా చెప్పండి... మీగతా వారికి ఉపయోగ పడతాయి...
07-04-2019, 12:22 PM
చలం - అమీనా [Chalam - Ameena]
అంతర్జాలంలో నాకు లభించిన అత్యద్భుతమైన నిష్పక్షపాత సమీక్ష ఇది. దీన్ని విప్లవ్ కే వ్రాసారు. అమీనా పుస్తకాన్ని చదవాలనే కాంక్షని నాలో కలిగించిన ఈ సమీక్షని ఇక్కడ అందరితో పంచుకోవాలని కాపి చేసి పోస్టు చేస్తున్నాను. Quote:చలం గురించి కానీ, అతని ( ఆయన / గారు అని నేను అనను. సమీక్షించేటప్పుడు కోర్టులో జడ్జీ అంత నిష్పాక్షికంగా వ్యవహరించాలి కనుక, మర్యాద మొదలెడితే విమర్శ నిఖార్సుగా రాదు కనుక) రచనాశైలి గురించీకానీ, philosophy గురించైనా ఇవ్వాళ నేను రాయడం అంటే ఒకట్రెండు జీవితకాలాల లేటుగా జరుగుతున్న వ్యవహారం. కానీ నేను చదివిన అతని రచనలు కొన్నిటిని గూర్చి సమీక్షలూ, విమర్శలూ గట్రా చదువుదామని మూడునాలుగు సంవత్సరాలుగా గూగుల్‍లో చూస్తున్నా ఎప్పుడూ ఏవీ కనపడలేదు. కొంచెంలో కొంచెం మైదానం గురించైతే వాడివేడి discussions, arguments జరిగాయ్ తప్పితే. నాకు అర్థం అయినంతలో, అర్థం చేసుకుంటూ చెబుతున్న అర్థాలే ఈ సమీక్షలనీ, గర్ల్స్ హైస్కూల్ > INDEX నా పుస్తకాల సొరుగు > My (e)BOOK SHELF చిట్టి పొట్టి కథలు - పెద్దల కోసం > LINK
13-04-2019, 08:52 AM
(07-04-2019, 12:22 PM)Vikatakavi02 Wrote: చలం - అమీనా [Chalam - Ameena] 
20-04-2019, 10:55 PM
చాలా మంచి ప్రయత్నం చేస్తున్నారు. Great.
చాలా మంచి ప్రయత్నం చేస్తున్నారు. నాకిష్టమైన పుస్తకాలు. మల్లాది - జయం యండమూరి - స్టూవర్ట్‌పురం పోలిస్టేషన్, తులసి దళం, తులసి PVRK ప్రసాద్ - సర్వసంభవాం, అసలేం జరిగిందంటే! సత్యం శంకరమంచి - అమరావతి కథలు
21-04-2019, 10:15 AM
27-04-2019, 09:16 PM
![[Image: Vamsi-BBP.jpg]](https://i.ibb.co/7jhxNHn/Vamsi-BBP.jpg) కోనసీమ కొబ్బరిబొండం నీళ్ళు ఎంత తీయగా ఉంటాయో తెలుసా? పెళ్ళిలో వడ్డించే తాపేశ్వరం కాజా ఎంత తీయగా ఉంటదో తెలుసా? శోభనంగదిలో ఆత్రేయపురం పూతరేకు సోకు ఎంత సొగసుగా ఉంటదో తెలుసా? ఎండాకాలంలో ఈతకొడుతుంటే గోదారి నీళ్ళు ఎంత చల్లగా ఉంటాయో తెలుసా? పిల్లకాల్వలో వదిలిన కాయితం పడవ సుళ్ళు తిరుగుతూ ఎన్ని పంట మళ్ళు దాటేసిందో తెలుసా? మనవాళ్ళ ఎటకారాలకు నవ్వుకొంటూ పున్నమి వెన్నెల్లో సముద్రంలో కలిసిపోయే మన గోదారి తల్లి మొగమెంత బావుంటుందో తెలుసా? మనదైన యాసని తనదైన శైలిలో రాసే మన వంశీ కథలు అంత బావుంటాయి. తెలుసా? ఆయ్! స్వాతి వారపత్రిక 3-5-2019 (నుండి) మీదుగా మన వంశీ కథా ప్రవాహం
28-04-2019, 05:37 PM
(This post was last modified: 04-05-2019, 02:15 PM by Kavyaraja. Edited 1 time in total. Edited 1 time in total.
Edit Reason: added few details
)
ఈమాట గురించి
![[Image: hive1b.png]](https://i.ibb.co/2ZLhzcL/hive1b.png) ఈమాట పాఠక లోకానికి స్వాగతం! సాహిత్యమంటే అభిమానం ఉన్నవారు, ప్రవాసంలో ఉన్న తెలుగువారి కోసం ఒక మంచి సాహిత్య పత్రికను స్వచ్ఛందంగా తీర్చిదిద్దడమే ధ్యేయంగా స్థాపించిన పత్రిక, ఈమాట. లాభాపేక్ష లేకుండా, రాజకీయ వాదాలకూ వర్గాలకూ అతీతంగా, రచయితలకూ పాఠకులకూ స్నేహపూరితమైన వాతావరణంలో ఒక ఉమ్మడి వేదికగా మనగలగడమే ఈమాట లక్ష్యం. 1998 దీపావళి నాడు విడుదలైన మొదటి సంచిక నుంచి ఇప్పటిదాకా...
02-06-2019, 10:46 PM
మైలవరం నుంచి అమెరికా దాకా
పోరాటమే ఊపిరిగా ఎదిగిన ఒక పేద యువతి ఆత్మకథ
...ఐనా, నేను ఓడిపోలేదు!
![[Image: IMG-20190602-222714.jpg]](https://i.ibb.co/qdK0nHb/IMG-20190602-222714.jpg) ~~~~~~
మూడడుగుల పొడుగు, రెండున్నర అడుగుల ఎత్తు వున్న ఆల్సేషియన్ కుక్క ఆ చీకటి రాత్రిలో కాలి నడకన రూమ్ కి వెళ్తున్న నన్ను అడ్డగించింది. "భౌ" అంటూ ఒక్కసారిగా ఎగిరి రెండు కాళ్ళూ నా భుజమ్మీద పెట్టి నమిలి మింగేసేలా నాలుక బయటపెట్టి నన్ను వాసన చూస్తోంది. చెమటలు పట్టేశాయి. నా పిల్లలు, అమ్మ నాన్న అందరూ గుర్తొచ్చారు. "ఈ రాత్రిలో ఈ కుక్క చేతిలో చచ్చిపోయాను. బ్రతికి బయటపడితే ఇంక అమెరికాలో వుండను. ఇంటికి వెళ్ళిపోతాను దేవుడా" అంటూ ఏడ్చేసాను...~~~~~~
రిక్రూటర్గా పనిచేయమన్నారు. ఒక రూమ్, ఒక ఫోన్ ఇచ్చారు. ఫోన్లో కాల్ చేయడం ఆరంభించిన మొదటిరోజునే అర్థమైపోయింది. నాకు ఇంగ్లీషు మాట్లాడటం రాదు. అమెరికన్ ఇంగ్లీషు యాస అసలు అర్థంకాదు. ఈ ఉద్యోగం నేనేం చేస్తాను? చేయలేకపోతే, పెట్రోలు బంకులో గ్యాస్ ఫిల్లింగ్ చేయాలా? బేబీ సిట్టింగ్ చేయాలా... ఎంతకాలం? పిల్లలు, కుటుంబం గుర్తొచ్చారు. అమెరికా వచ్చి తప్పుచేశానా? ఓడిపోయానా? నాలో అంతర్మథనం మొదలైంది...~~~~~~
2008లో అమెరికాని ఆర్థిక సంక్షోభం భయంకరంగా కుదిపేసింది. అనేక సాఫ్ట్ వేర్ కంపెనీలు మూతపడిపోయాయి. చాలామంది భారతీయులు మన దేశానికి తిరిగి వచ్చేశారు. నేనేం చేయాలి? నా కం పెనీ భవిష్యత్ ఏమిటి? అమెరికాకి తీసుకువచ్చిన నా పిల్లల భవిష్యత్ ఏమిటి? తప్పుచేశానా? జీవితంలో ఓడిపోయానా?...(పుస్తకం చివరి పేజీ నుంచి గ్రహించినది)
. . . లేదు... ఐనా, ఆమె ఓడిపోలేదు. ఒక సామాన్య పేద యువతి... ధీర వనితగా మారి అసమాన్య దృక్పథంతో తనతో పాటుగా వందలమందికి ఉపాధినీ, జీవితాన్నీ, మనోబలాన్నీ అందించింది. శారీరికంగా సత్తువ లేకపోయినా దృఢచిత్తంతో చావునుండి బ్రతుకు బాట పట్టి తను చదువుకున్న పదోతరగతితో, తనకలవాటైన 'మొండి'తనంతో ముందుకు సాగిపోయిన... కాదు, దూసుకుపోయిన 'జ్యోతి రెడ్డి' తన ఆత్మకథలో మనకు చెప్పిన జీవిత పాఠాలు ఎన్నో... ఎన్నెన్నో... ఒక 'అనాథ'గా 'బాలాసదన్'లో జీవన ప్రస్థానాన్ని ప్రారంభించిన జ్యోతి, అమెరికాలో మ్యాన్ పవర్ బిజినెస్ ని స్థాపించి నడిపించిన తీరు ఆమెలోని పోరాట పటిమను, అలుపెరుగని సంకల్పాన్ని, నిరంతరం నేర్చుకునే తత్వాన్నీ తెలియజేస్తాయి. నేడు మార్కెట్లో లభించే ఎన్నో వ్యక్తిత్వ వికాస పుస్తకాల కన్నా ఒక మెట్టు పైనే వుంటుంది ఈ పుస్తకం అనటంలో అతిశయోక్తి ఏమీలేదు. ఎందుకంటే, ఇందులో అడుగడుగునా కనపడేది... జీవితం! ప్రతి ఒక్కరూ తమ జీవితంలో తప్పక చదవవలసిన పుస్తకం ఇది. >>> DOWNLOAD <<<
ఈ పుస్తకాన్ని గురించి తెలియజేసిన లక్ష్మిగారికీ, పుస్తకం లింక్ ని అందజేసిన సోదరుడు రాజుకి నా కృతజ్ఞతలు. ఈ పుస్తకాన్ని చదవటం ద్వారా నేను తెలుసుకున్నదేమిటంటే... ఒక సమస్య ఎదురైనప్పుడు దాన్ని వదిలేసి పారిపోవటం కన్నా ధైర్యంగా ఎదుర్కోవాలి... తప్పించుకునేందుకు సాకులు వెదకకుండా పరిష్కారానికి మరో మార్గాన్ని వెదకాలి అని. నేను కూడా ఇదే ఆచరిస్తాను ఇప్పట్నుంచీ... జై జ్యోతి
గర్ల్స్ హైస్కూల్ > INDEX నా పుస్తకాల సొరుగు > My (e)BOOK SHELF చిట్టి పొట్టి కథలు - పెద్దల కోసం > LINK |
|
« Next Oldest | Next Newest »
|
![[+]](https://xossipy.com/themes/sharepoint/collapse_collapsed.png)