[k3vv3]

ఘోర కలి వార్నింగ్
ప్రపంచానికి చీకటి రాజ్యాల అధినేత ఘోర కలి హెచ్చరిక
 
ఘోర కలి, అతని అనుచరులు   అశుతోష్ చేతులు కట్టేసి  బలవంతంగా లాక్కుని వెళ్తున్న ఆ వీడియో క్షణాల్లో దేశం అంతటా వైరల్ అయిపోయింది. అశుతోష్ చాలా పేరున్న ఆఫీసర్ అవ్వటంతో అతి తక్కువ కాల వ్యవధిలోనే ప్రపంచంలో చాలా మందికి తెలిసిపోయింది. అశుతోష్ మాజీ భార్య స్మిత సంజయ్ కి  కాల్ చేసింది.
 
 స్మిత: హలో సంజయ్...ఎక్కడున్నావ్?
 
సంజయ్: ఏమైంది మేడం? మీరు కాల్ చేశారేంటి? ఎనీథింగ్ రాంగ్?
 
స్మిత: అసలు న్యూస్ ఫాలో అవుతున్నావా నువ్వు?
 
సంజయ్: అశుతోష్ కి ఏమైనా జరిగిందా ?
 
స్మిత: అశుతోష్ ని కిడ్నాప్ చేశారు ఎవరో కొందరు.....లుక్స్ లైక్ దే ఆర్ ఫ్రొం మాఫియా
 
సంజయ్: వాట్?....మాఫియా నా?....ఓహ్ షిట్ ! వాళ్ళా...చెబుతూనే ఉన్నా దూరంగా ఉండమని....వింటేనా?
 
 స్మిత: ఏంటి, నీకు ముందే తెలుసా?
 
సంజయ్: అదొక పెద్ద స్టోరీ మేడం....తరవాత చెబుతాను మీకు....ఇప్పుడు అశుతోష్ ఎలా ఉన్నారు? కరెంట్ సిట్యుయేషన్ ఏంటి అక్కడ?
 
స్మిత: ఏమో నాకు తెలీదు....న్యూస్ లో చూసాను....చాలా బాధ అనిపించింది....సిన్సియర్ ఆఫీసర్ తను.....జాబ్ అంటే పిచ్చి....అలాంటి ప్యాషనేట్ వ్యక్తిని నేనెప్పుడూ చూడలేదు నా లైఫ్ లో
 
కాసేపు సైలెన్స్ తర్వాత....
 
సంజయ్: మరి ఎందుకు మేడం తనని వదిలేశారు?
 
 స్మిత: నాకు తన సపోర్ట్ కావాల్సిన టైం లో కూడా జాబ్ జాబ్ అంటూ నన్ను అస్సలు పట్టించుకోలేదు.....ఏం చేయమంటావ్? ఐ హాడ్ నో ఛాయస్ !
 
 సంజయ్: మీకు తనంటే చాలా రెస్పెక్ట్ అని నాకు తెలుసు....ఇలాంటి టైములో మీ లాంటి వాళ్ళు ప్రేయర్ చెయ్యటం చాలా ఇంపార్టెంట్.....ఐ హోప్ దే రీచ్ హిం అండ్ ప్రొటెక్ట్ హిం ఫ్రొం బాడ్ ఫోర్సెస్
 
 స్మిత: యా సంజయ్....నువ్వు చెప్పింది నిజం.....ఐ విల్ డెఫినిట్లీ ప్రే ఫర్ హిం
 
 సంజయ్: ఓకే థెన్....ఉంటాను...మేడం, ప్లీజ్ టేక్ కేర్
 
 స్మిత: బై....టేక్ కేర్
 
సంజయ్ వెంటనే తన ఫ్రెండ్, ఇన్వెస్టిగేటివ్ జర్నలిస్ట్ జోసెఫ్ సెబాస్టియన్ కి కాల్ చేసాడు.
 
సంజయ్: జోసెఫ్....అశుతోష్ సర్ మిస్సింగ్ ....తెలుసు కదా ?
 
 జోసెఫ్: యా సంజయ్...అసలు అదే హాట్ టాపిక్ నేషన్ మొత్తం
 
సంజయ్: కెన్ యు హెల్ప్ మీ?
 
 జోసెఫ్: యా చెప్పు
 
 సంజయ్: నాకు ఇక్కడ ఒక యోగి అండ్ సిద్ధపురుషుడు కనిపించారు....అశుతోష్ ప్రస్తుతం ఎక్కడున్నారో ఆయన చెప్పగలరు. ఆయన నాకు డీటెయిల్స్ చెప్పగానే లొకేషన్ నీకు షేర్ చేస్తాను జిపిఎస్ లో
 
జోసెఫ్: ఓకే....ఇంతకీ ఎవరు ఆ యోగి? అసలు లొకేషన్ డీటెయిల్స్ ఎలా చెప్పగలుగుతున్నాడు?
 
 సంజయ్: నాకు తెలీదు.....హి కెన్ లిటరల్లీ సీ దోస్ ఇమేజెస్ ఇన్సైడ్ హిస్ హెడ్ అండ్ షేర్ దెమ్ విత్ మీ
 
 జోసెఫ్: వావ్ ! గ్రేట్ ! కెన్ ఐ మీట్ హిం వన్స్?
 
సంజయ్: డెఫినిట్ గా చెప్పలేను....అడిగి చూస్తాను....ఆయన కారణం లేకుండా ఎవ్వరినీ కలవరు
 
 జోసెఫ్: ఓకే
 
 సంజయ్: అశుతోష్ సర్ ని మాత్రం ఎలా అయినా నువ్వే రెస్క్యూ చెయ్యాలి...ప్లీజ్
 
  జోసెఫ్   : డెఫినిట్ గా సంజయ్....ఐ విల్ ట్రై మై లెవెల్ బెస్ట్
 
 సంజయ్: వన్ థింగ్....అశుతోష్ ని కిడ్నాప్ చేసింది మాఫియా వాళ్ళు కాదు.....వాళ్ళు షేప్ షిఫ్టర్స్

[k3vv3]

జోసెఫ్: వాట్ !
 
 సంజయ్: యా....వాళ్ళ గురించి నీకే తెలుస్తుంది మీట్ అయినప్పుడు.....ఐ యాం జస్ట్ వార్నింగ్ యు
 
జోసెఫ్: ఓకే....థిస్ ఈజ్ గెట్టింగ్ ఇంటరెస్టింగ్ .....ఐ విల్ పుట్ మై హార్ట్ అండ్ సోల్ ఇన్ థిస్ ఆపరేషన్....డోన్'ట్ వర్రీ
 
 సంజయ్: థాంక్ యు జోసెఫ్
 
 జోసెఫ్: ఛలో....సీ యు
 
 సంజయ్: బై
 
విమానం దిగగానే, ఘోర కలి, తన మనుషులూ తమ మొట్టమొదటి చీకటి రాజ్యంలోకి ఉత్సాహంతో  అడుగుపెట్టారు.
 
అశుతోష్ కళ్ళకి గంతలు కట్టేసి  ఉండటంతో వాళ్ళు తనని ఎక్కడికి తీసుకొచ్చారో తెలుసుకోలేకపోయాడు.
 
మధ్యలో ఒకే ఒక్క లైట్ మాత్రమే ఉన్న చీకటి గదిలోకి అశుతోష్ ని తీసుకుని వెళ్లారు. అక్కడ చైర్ లో అశుతోష్ ని కట్టేసి ఉంచారు. ఘోర కలి అశుతోష్ కి ఎదురుగా ఇంకొక చైర్ వేసుకుని కూర్చున్నాడు.
 
ఘోర కలి చెబుతుంటే వీడియో రికార్డు అయ్యేలా అక్కడ అరేంజ్మెంట్స్ చేశారు ఒక ట్రైపాడ్ స్టాండ్, కెమెరా మరియు నెట్ కనెక్షన్ తో వీడియో లైవ్ అయ్యేలా ప్లాన్ చేశారు.
 
ఘోర కలి ఇలా చెప్పటం స్టార్ట్ చేసాడు.
 
"ప్రపంచంలో ఎంతో మంది రాజకీయ నాయకులు ఉన్నారు. చరిత్రలో ఎంతో మంది నాయకులు ఉన్నారు. చాలా దేశాలలో నియంతలు ఉన్నారు. కానీ ఈ చీకటి రాజ్యాలకు మాత్రం ఘోర కలి ఒక్కడే ఉన్నాడు.
 
ప్రతి సారి వోటింగ్ వెయ్యటం.... ఒక నాయకుడిని ఎన్నుకోవటం.... బోర్ కొట్టట్లేదా?
 
ప్రపంచం మొత్తం ఒకటే వరల్డ్ ఆర్డర్ ఉంటుంది ఇక నుంచి.
ఎవ్వరైనా సరే ఈ ఘోర కలికి భయపడాల్సిందే.
 
చీకటి రాజ్యాల్ని సపోర్ట్ చేసే దేశాలు, ఎదురుతిరిగే దేశాలు ఈ రెండే కులాలు ఉంటాయి ప్రపంచంలో.
 
సపోర్ట్ చేసే దేశాల ప్రజలు సేఫ్ గా ఉంటారు. ఎదురు తిరిగిన దేశాల ప్రజలు పాతాళంలో ఉంటారు.....కికికికి
 
ఇది నా సిగ్నేచర్ స్మైల్ ! బావుందా ?
 
అశుతోష్ అనే ఈ సిబిఐ ఆఫీసర్ 'అదృశ్య మందిరం' కేసు ని ఇన్వెస్టిగేట్ చేసి నిజాలు బయట పెడతాడంట....కికికికి
చూసారుగా  ఏమైందో ! కిడ్నాప్ అయ్యి మా చీకటి రాజ్యం లోనే సేఫ్ గా ఉన్నాడు.
 
'అదృశ్య మందిరం' కేసు ని మర్చిపోండి. అలాగే ఈ ఘోర కలికి ఎదురుతిరగాలి అనే ఆలోచనను మర్చిపోండి.
ప్రాణాలతో మిగులుతారు. ఇదే నా లాస్ట్ అండ్ ఫైనల్ వార్నింగ్."
 
ఆ వీడియో నిమిషాల్లో ప్రపంచం మొత్తం చూసేసింది.
హైయెస్ట్ వ్యూస్ తో ట్రెండింగ్ లో ఉంది.
 
ప్రపంచ దేశాల నాయకులు వెంటనే సమావేశం అయ్యారు.
 
సిద్ధపురుషుడు, సంజయ్, అభిజిత్, అంకిత లు ఆ వీడియో చూసారు.
 
  "స్వామి, అశుతోష్ ఎక్కడున్నాడో మీరే ఎలా అయినా కనుక్కుని చెప్పాలి", అన్నాడు సంజయ్.
 
ఘోరకలి దగ్గరున్న అరుదైన నాగమణి వల్ల అతను ఎక్కడున్నాడో ఆ సిద్ధపురుషునికి వెంటనే తెలిసిపోతుంది.
 
ఆ నాగమణి వల్లే ఘోరకలి తను ఏది అనుకుంటే అది చెయ్యగలుగుతున్నాడు.
 
అతనెక్కడ ఉన్నాడో ఏ మానవుడూ కనిపెట్టలేకపోతున్నాడు.
 
సిద్ధపురుషుడు కాసేపు మౌనం వహించి ఇలా చెప్పాడు.
 
"ఘోరకలి ఎక్కడున్నాడో మీకు చెప్తాను. కానీ ఇప్పుడున్న పరిస్థితుల్లో అతనిని ఎదుర్కోవటం అంత సులభం కాదు. దానికి ఎన్నో తెలివితేటలు, ఓర్పు, నేర్పు కావాలి.
 
మనకు కొన్ని అరుదైన శక్తులు కూడా కావాల్సిన అవసరం ఉంది. చీకటి రాజ్యంలో ఎంత మంది సైనికులున్నారో, ఎన్ని మారణాయుధాలున్నాయో మనకు తెలీదు.
 
 
అందుకే మనం ఇప్పుడు శంభల రాజ్యానికి పయనం అవ్వాలి. మీరు ముగ్గురూ నాతో రావాలి"
 
సంజయ్, అభిజిత్, అంకిత ముగ్గురికీ ఈ  శంభల రాజ్యం గురించి ఏమీ తెలీదు. సంజయ్, అంకిత లు ఇద్దరికీ ఏం చెప్పాలో అర్థం కాక దిక్కులు చూస్తుంటే
 
"మీరెప్పుడంటే అప్పుడు నేను రెడీ స్వామి. నాకు రాజులు అన్నా, రాజ్యాలు అన్నా చాలా ఇష్టం", అనేశాడు అభిజిత్.
 
సిద్ధపురుషుడు మృదువుగా నవ్వాడు.

[k3vv3]

Please send private msgs to Sarit Garu, he won't and can't be viewing all threads, next to impossible

[k3vv3]

చీకటి రాజ్యాల విస్తరణ
హ్యూమన్ ట్రాఫికింగ్ ముఠా నాయకులతో ఘోర కలి మీటింగ్
 
హ్యూమన్ ట్రాఫికింగ్ లో ఎంతో మంది అమాయకులను   ఎన్నో దేశాలకు తరలిస్తూ ఉంటారు.   హ్యూమన్ ట్రాఫికింగ్ ద్వారా దొరికిన వారిని ఎన్నో ఇల్లీగల్ పనులకు వాడుకుంటారు. వాళ్ళను బానిసలుగా చేసి సప్లై చేస్తూ ఉంటారు కొంత మంది. బానిసత్వం ఇప్పటికీ చాలా   దేశాలలో ఉంది. అందుకే ఇలాంటి వాళ్లకు డిమాండ్ బాగా ఉంటుంది మార్కెట్లో. సరిగ్గా   ఇలాంటి వాళ్ళ   మీదే   ఘోర కలి నిఘా పెట్టాడు.  
 
ప్రపంచం మొత్తంలో ఇలాంటి గ్యాంగ్స్ ఒక 183 ఉన్నట్టు గుర్తించాడు. ఆ 183 గ్యాంగ్స్ ని నడిపే కింగ్ పిన్ లని పిలిపించాడు. వాళ్ళతో ఇలా చెప్పటం మొదలు పెట్టాడు.
"మీరు ఇప్పటిదాకా ఎంత మంది బానిసలను సప్లై చేశారో నాకు తెలియదు. ఇక నుంచి అవన్నీ ఆపెయ్యాలి. మీరందరూ నాకోసమే   పని చెయ్యాలి. ప్రస్తుతం మీ దగ్గరున్న బానిసలను మా సైన్యానికి అప్పగించాలి"  
 
వాళ్లలో ఒకడు,"ఎవడ్రా నువ్వు? మాకు ఆర్డర్ లు ఇస్తున్నావ్?....మొన్న యూట్యూబ్ లో చూసాను నీ వీడియో....బాగా నవ్వుకున్నాం నేను, నా ఫ్రెండ్స్....యూట్యూబ్, టిక్ టాక్ లో పాపులర్ అవ్వటానికి చేసుకో ఇలాంటివి...మా జోలికి రావొద్దు", అంటూ నవ్వుతూ ఉన్నాడు.
 
ఘోర కలి ఇదంతా సైలెంట్ గా గమనిస్తూ   ఉన్నాడు. అక్కడున్న వాళ్ళందరూ నవ్వుతూ ఉన్నారు. మొహం   సీరియస్ గా అయిపోయింది. బలంగా అడుగులో అడుగు వేస్తూ తన పర్సనల్ ఛాంబర్ లోకి వెళ్ళిపోయాడు ఘోర కలి. వాళ్ళందరూ సైలెంట్ అయిపోయారు. ఒక ఐదు నిమిషాల తర్వాత ఒక ఖడ్గంతో బయటికొచ్చాడు. తన రివాల్వింగ్   చైర్ లో కూర్చుని ఆ ఖడ్గాన్నే చూస్తూ ఇలా చెప్పాడు.
"నెపోలియన్ బోనాపార్టే స్వోర్డ్ గురించి మీకు ఐడియా ఉందా? 1800 లో బాటిల్ అఫ్ మరెంగో లో ఈ ఖడ్గాన్ని ఆస్ట్రియన్ సైన్యంతో పోరాడటానికి ఉపయోగించాడు. ఇటలీని గుప్పిట్లోకి తెచ్చుకున్నాడు. అరేబియన్ లు వాడే కత్తులు పదునుగా శత్రువును చీల్చి చెండాడే మృత్యు పాశాలలా ఉండేవి. నెపోలియన్ కి అవి బాగా నచ్చి వాటిలానే   ఉండే ఒక ఖడ్గాన్ని తయారు చేయించాడు. ఆ ఖడ్గం తయారీ వెనక ఇంత కథుంది.  
 
దాన్ని రీసెంట్ గా ఆక్షన్   లో అమ్మేశారంట. ఇది తెలిసాక చాలా బాధేసింది. నా గర్ల్ ఫ్రెండ్ నాకు బ్రేక్ అప్ చెప్పినట్టు అనిపించింది. నా చేతిలో ఉండాల్సిన కత్తి ఇంకొకడి చేతిలోకెళ్లటం చూసి తట్టుకోలేకపోయా. నరికేద్దాం అనిపించింది. నెపోలియన్ కి నేను పెద్ద ఫ్యాన్ ని. అందుకే ఆ కత్తి మీద చాలా రోజుల వరకు బెంగ పోలేదు. అది బెంగ కూడా కాదు. విరహ వేదన. నేను ఊరుకుంటానా?  
 
అంతకంటే పదునైన కత్తిని తయారు చేయించా",
అని ఆ ఖడ్గాన్ని తీసి తనకు ఎదురుగా   ఉన్న అతన్ని పొడిచేసాడు. అతను మరెవరో   కాదు. ఇంతక్రితం ఘోర కలిని చూసి వెటకారంగా నవ్వుతూ హేళన చేసినతనే.  
 
ఒక్కసారిగా అక్కడున్న వాళ్ళందరూ హడలిపోయారు. వాళ్ళల్లో నుండి ఒకడు ముందుకొచ్చి," మీకేం కావాలో చెప్పండి. అది ఇచ్చేస్తాం. దయచేసి మమ్మల్ని ఏమీ చెయ్యొద్దు"
 
ఘోర కలి గట్టిగా నవ్వాడు.  
"నాకేం కావాలో ఇందాకే మర్యాదగా అడిగాను కదరా బుజ్జి. విన్నారా ? నవ్వారు. నన్ను చూసి నవ్వారు. ఘోర కలిని చూసి ఎవడైనా నవ్వుతాడా !  
ఎవ్వడైనా నవ్వుతాడా?" అని గట్టిగా అరిచాడు.
 
"నవ్వడు....మేము ఇంకెప్పుడూ   నవ్వము", అని అందరూ ముక్తకంఠంతో జవాబిచ్చారు భయపడుతూనే.
 
దేన్నైతే పెట్టుబడిగా పెడితే జీవితకాలం లాభాలు పొందవచ్చో అలాంటిదే   ఆ రోజు పెట్టుబడిగా పెట్టాడు ఘోర కలి.  
 
అదే భయం.
 
భయం ఉన్నన్ని రోజులే   ఆధిపత్యం తనతో ఉంటుందని బాగా తెలిసినవాడు ఘోర కలి.
 
ఆ భయాన్ని అక్కడున్న వాళ్ళందరి కళ్ళల్లో   చూసి క్రూరత్వముతో మనః పూర్వకంగా నవ్వాడు.
రాబోయే రోజుల్లో ప్రపంచం తన వశం అవ్వబోతున్నదని లోలోపల ఆనందపడ్డాడు.  

[k3vv3]

[k3vv3]

అశుతోష్ రెస్క్యూ ఆపరేషన్
ఘోర కలిని ఎదుర్కోవటానికి జోసెఫ్ సెబాస్టియన్ చేసే మేధోరచన
 
ఘోర కలి సామ్రాజ్యంలో బందీగా వున్న అశుతోష్ ని ఇలాంటి పరిస్థితులలో కాపాడటం ప్రాణాంతకమే. అయినా సరే జోసెఫ్ సెబాస్టియన్ కున్న పట్టుదలే తనను నిద్రపోనివ్వటం లేదు. ఒక వారం రోజుల నుండి ఆలోచిస్తూనే ఉన్నాడు. షేప్ షిఫ్టర్ అనేది మొదటి ఛాలెంజ్ అయితే అనుమానమొస్తే చాలు ముందు వెనక చూడకుండా చంపేస్తాడు అన్నది అసలైన ఛాలెంజ్. అప్పుడే ఒక ఆలోచన వచ్చింది. మొదటిగా ఘోర కలిని ఎలా అయినా సరే తను నమ్మించగలగాలి. ఘోర కలి అంత త్వరగా ఎవ్వరినీ నమ్మడు. ఎన్నో శల్యపరీక్షలు చేస్తాడు. ఏ ఒక్క దశలో విఫలమైనా సరే ప్రాణం పోతుంది.
 
ఘోర కలి అశుతోష్ చేసే ఇన్వెస్టిగేషన్ కి భయపడే అశుతోష్ ని బంధించి తన చీకటి రాజ్యంలో ఉంచాడనిపిస్తోంది. ఎంతో శక్తి గల ఘోర కలి అశుతోష్ ఇన్వెస్టిగేషన్ కి ఎందుకు భయపడుతున్నాడు? అంటే ఇందులోనే ఏదో క్లూ దాగుంది.
 
'అదృశ్య మందిరం' లో తప్పిపోయిన ఐదుగురికి సంబంధించిన అన్ని డీటెయిల్స్ జోసెఫ్ సెబాస్టియన్ లాప్టాప్ లో వున్నాయి. ఈ కేసు ఇప్పుడు ప్రపంచం మొత్తానికి బహిర్గతం అవ్వటంతో తప్పిపోయిన ఆ ఐదుగురి ఫ్యామిలీస్ వుండే ఇళ్ళకి యాక్సెస్ దొరికింది మీడియా వాళ్లకు. ఎన్నో ప్రముఖమైన మీడియా సంస్థలు కోరటంతో కేంద్ర ప్రభుత్వమే దగ్గరుండి గ్రాంట్ చేసింది. కానీ ఒక షరతు విధించింది. పోస్ట్ గ్రాడ్యుయేషన్ లో జర్నలిజం చేసిన వాళ్ళని మాత్రమే అనుమతించేలా కండీషన్ పెట్టింది. ఆ ఐదు మంది కుటుంబాలకీ రక్షణ అవసరం కాబట్టి ఇలాంటి కట్టుదిట్టమైన చర్యలు తీసుకోక తప్పలేదు. జోసెఫ్ సెబాస్టియన్ సంజయ్ తో కలిసి రెండేళ్ల క్రితమే ఈ కేసు ఇన్వెస్టిగేషన్ మొదలుపెట్టి చాలా విషయాలు తెలుసుకున్నాడు.
 
కాబట్టి ఈ ఐదుగురు ఫ్యామిలీస్ ని ఇప్పుడు కలవటం పెద్ద కష్టమేమీ కాలేదు. పైగా సిబిఐ నుండి స్పెషల్ పర్మిషన్ ఇస్తూ ఒక లెటర్ కూడా రావటంతో జోసెఫ్ పని సులువైపోయింది. సంజయ్ సిబిఐ కి మెయిల్ పెట్టడంతో ఈ లెటర్ క్షణాల మీద ఫ్యాక్స్ లో జోసెఫ్ కు చేరింది.
 
ఇన్వెస్టిగేషన్ లో భాగంగా మొదటగా రాధాకృష్ణన్ ఇంటిని ఎంచుకున్నాడు జోసెఫ్. చెన్నై లోని తాంబరమ్ లో వున్న రాధాకృష్ణన్ సొంత ఇంటికి వెళ్ళాడు. ఆ రోజు ఇంట్లో రాధాకృష్ణన్ కూతురు ప్రియా కృష్ణన్ ఉంది.
 
 బయట షూస్ వదిలేసి పక్కనే ఉన్న టాప్ దగ్గర కాళ్ళు కడుక్కుంటున్నాడు  జోసెఫ్. టాప్ తిప్పుతున్నప్పుడు వచ్చే నీళ్ల శబ్దంతోటే ఎవరో వచ్చినట్టుగా గుర్తించి ప్రియా డోర్ వైపుగా నడుచుకుంటూ వస్తోంది. జోసెఫ్ కాలింగ్ బెల్ కొట్టడం ప్రియా కృష్ణన్  తలుపు తెరవటం రెండూ ఒకే సారి జరిగాయి. ఒక్క నిమిషం షాక్ అయ్యాడు జోసెఫ్. ఇలా బెల్ కొట్టగానే అలా తలుపు తెరుచుకోవటం ఏంటబ్బా అని.
 
 జోసెఫ్: మీ రియాక్షన్ టైం ఏంటండీ ....అంత ఫాస్ట్ గా ఉంది !
 ప్రియా: మీరు టాప్ ఆన్ చేసినప్పుడే ఎవరో వచ్చారని అనిపించింది....సో, వెంటనే వచ్చేసా
 
 జోసెఫ్: మై నేమ్ ఈజ్....
 
ప్రియా: యా....ఐ నో యు....సంజయ్ నాకు మీ గురించి మెయిల్ పెట్టాడు…. తను మెయిల్ పెట్టకపోయినా మీరెవరో తెలుసు....ఇండియన్ ఎక్స్ప్రెస్ లో మీ ఒపీనియన్స్ చదువుతా.....
 
 జోసెఫ్: గ్రేట్ !
 
ప్రియా: చెన్నై లో ఎండలు ఎక్కువ....ఏదైనా డ్రింక్ తీసుకుంటారా?
 
జోసెఫ్: గ్లాస్ అఫ్ వాటర్ ప్లీజ్ !
 
 జోసెఫ్ కళ్ళ ముందే ప్రియా వాటర్ ప్యూరీఫైర్ లోంచి ఒక గ్లాస్ వాటర్ తెచ్చిచ్చింది.
 
 జోసెఫ్: మిమ్మల్ని నేను కొన్ని ప్రశ్నలు అడగాలి....
 
 ప్రియా: యా షూర్.....టేక్ ఏ సీట్ అండ్ హావ్ యువర్ వాటర్ ఫస్ట్
 
గ్లాస్ లోని నీళ్లు మొత్తం తాగేశాడు జోసెఫ్. తనతో తెచ్చుకున్న కేసు డైరీ బయటికి తీసాడు. అందులో రాధాకృష్ణన్ అన్న లీఫ్ ఉన్న చాప్టర్ ఓపెన్ చేసాడు.
 
 జోసెఫ్: ఈ అదృశ్య మందిరంలోకి ఎంటర్ అవ్వటానికి మీ ఫాదర్ ఎన్నేళ్లు వర్క్ చేసాడు?
 
 ప్రియా: 2 ఇయర్స్ ముందు తప్పిపోయాడు....సో అంతకు ముందు 5 ఇయర్స్ ఇదే ప్రాజెక్ట్ మీద వర్క్ చేసేవాడు.
 
జోసెఫ్: ఫ్యామిలీకి అస్సలు టైం కేటాయించేవాడు కాదా?
 
 ప్రియా: హహహ....చిన్నప్పటి నుంచి అలవాటే మాకు
 
 జోసెఫ్: ఓకే....ఈ ప్రాజెక్ట్ మీద వర్క్ చేస్తున్నందుకు శాలరీ వచ్చేదా?
 
ప్రియా: అఫ్ కోర్స్....ఈ ప్రాజెక్ట్ లో వర్క్ చేసే బ్రెయిన్స్ ఇద్దరే ఇద్దరు. ఒకరు మా ఫాదర్ ఇంకొకరు సైంటిస్ట్ కృష్ణ స్వామి....కృష్ణ స్వామి గారి కింద కొన్ని టీమ్స్ వర్క్ చేసేవి....వాళ్ళ డీటెయిల్స్ నాకే కాదు ఎవ్వరికీ తెలియవు ఇప్పటిదాకా.....
 
జోసెఫ్ చిన్నగా నవ్వాడు.
 
ప్రియా: ఎందుకు నవ్వుతున్నారు?
 
జోసెఫ్: కృష్ణ స్వామి కింద మూడు టీమ్స్ పని చేస్తాయి. ఒకటి ఐటి వింగ్. రెండు యాంటీ గ్రావిటీ టీం. మూడోది గ్రీవెన్స్ రిడ్రెస్సెల్ టీం. ఏ ఒక్క టీం కీ ఇంకొక టీం గురించి ఐడియా లేదు. ఒక్క యాంటీ గ్రావిటీ టీం కే కృష్ణ స్వామి గురించి కాస్త ఐడియా ఉంది. మిగతా రెండు టీమ్స్ కి కృష్ణ స్వామి ఎవరో కూడా తెలీదు. వాళ్ళు ఎవరికోసం వర్క్ చేస్తున్నారో కూడా తెలీదు. ఇచ్చిన టాస్క్ అండ్ అసైన్మెంట్ కంప్లీట్ చేసి డెలివరీ ఇవ్వటమే తెలుసు.
 
ప్రియా: ఇదంతా క్లాసిఫైడ్ ఇన్ఫర్మేషన్ కదా?
 
 జోసెఫ్: యా...సిబిఐ కి ఈ కేసు హ్యాండోవర్ అయ్యేముందే సంజయ్ అండ్ నేనూ తెలుసుకున్న ఇన్ఫర్మేషన్ ఇది
 
 ప్రియా: మరి నాకు చెప్తే మీకు ప్రాబ్లం అవ్వదా?
 
 జోసెఫ్: ఆల్రెడీ వెబ్ లో....రెడిట్ లో కృష్ణ స్వామి కింద పని చేసే టీమ్స్ పైన చాలా థియరీలు ఉన్నాయి.....

[k3vv3]

ప్రియా: ఓకే...అలాంటప్పుడు మా డాడీ గురించి మీకు తెలియకుండా ఎలా ఉంటుంది?
 
జోసెఫ్: మీ ఫాదర్ ఎప్పటికప్పుడు తన లొకేషన్ మారుస్తూ వచ్చారు. అసలు మీ సొంతిల్లు తాంబరమ్ లో వుంది అన్న విషయం ఈ మధ్యనే అశుతోష్ వల్ల తెలిసింది. తను ముంబైలో ప్రొఫెసర్ గా పని చేసే కాలేజీలో కూడా మీ సొంత ఇంటి అడ్రస్ ఇవ్వలేదు.
 
ప్రియా: మరి ఇప్పుడెలా కనిపెట్టారు?
 
జోసెఫ్: ఆండ్రూ గంబూర్ట్సేవ్ అనే జియాలజిస్ట్ తో మీ నాన్నగారు గుర్గావ్ లో మాట్లాడారు. ఆ మీటింగ్ చివర్లో ఆండ్రూతో మీ నాన్నగారు అడ్రస్ షేర్ చేసుకున్నారు. సిబిఐ ఇంటరాగేషన్ అయిపోయాక ఆండ్రూ అశుతోష్ తో ఈ అడ్రస్ ని షేర్ చేసుకున్నాడు. అలా తెలిసింది మీ ఇల్లు.
 
ప్రియా: గ్రేట్ వర్క్ ! కానీ ఇక్కడ మీకు తెలియని విషయం ఒకటుంది. మా నాన్నగారు పని చేసే కాలేజీలో సొంత ఇంటి అడ్రస్ ఇచ్చారు. నాకు బాగా గుర్తు. ఆయన సెలవులకి ఇంటికొచ్చినప్పుడు యూనివర్సిటీ నుండి కొన్ని పేపర్స్ వచ్చేవి.
 
 జోసెఫ్: అవునా !
 
 ప్రియా: యా....రీసెంట్ గా అడ్రస్ బుక్ లో ఏమైనా మార్చేసారేమో మరి
 
 జోసెఫ్: అలా అయితే....ఆయన లాస్ట్ టైం ఎప్పుడు అడ్రస్ మార్చారో తెలుసుకోవాలి
 
ఆ డేట్ అండ్ టైం
 
మాటల మధ్యలోనే జోసెఫ్ లేచి నడుచుకుంటూ వెళ్లి ఇంట్లోని ప్రతీ గదిని ఒకసారి పరిశీలించాడు. ఒకే ఒక్క రూమ్ మాత్రం లాక్  చేసి వుంది.
 
 జోసెఫ్: మీ నాన్నగారి స్టడీ రూమ్ చూడొచ్చా?
 
ప్రియా: యా...షూర్. తను మిస్సింగ్ అని తెలిసినప్పటి నుండి నేను తన రూమ్ ని లాక్ చేసుంచా. తన డెస్క్ మీదున్న ఒక్క కాగితం కూడా ముట్టుకోలేదు.
 
జోసెఫ్: సిబిఐ నుండి మీ ఇల్లు తనిఖీ చెయ్యటానికి నాకు ఇచ్చిన పర్మిషన్ లెటర్ కాపీ ఇది. యు కెన్ రీడ్ ఇట్.
 
ప్రియా  : థాంక్ యు....ఇలా లీగల్ డాక్యుమెంట్ ఒకటుంటే మీకు ఆయన రూమ్ కి యాక్సెస్ ఇవ్వటానికి నాకే ప్రాబ్లం ఉండదు. నేనే అడుగుదాం అనుకున్నాను అంత లోపు మీరే ఇచ్చారు.
 
జోసెఫ్ అడిగినట్టుగానే ప్రియా రాధాకృష్ణన్ స్టడీ రూమ్ తలుపులు తెరిచింది. ఆ గది నిండా పుస్తకాలే ఉన్నాయి. ఎన్నో అరలు కల ఒక పెద్ద అల్మారా ఉంది. దాని నిండా పుస్తకాలు, పేపర్ లే. స్టడీ చైర్, టేబుల్ ఉన్నాయి. ఆ టేబుల్ కిందున్న అరకు లాక్ వేసి ఉంది. దాని కీ కోసం ప్రియాని అడిగాడు జోసెఫ్. అది ఓపెన్ చెయ్యగానే ఒక ఫైల్ కనబడింది. ప్రాజెక్ట్  టూర్ డే అదృశ్య మందిరం  అని వుంది. ఇంతవరకు ఇలాంటిది చూడలేదు జోసెఫ్. ఆ ఫైల్ లో ఏ టు జెడ్ ప్లానింగ్ మొత్తం ఉంది. వెంటనే ఆ ఫైల్ ని తీసుకుని తన బ్యాగ్ లో పెట్టుకున్నాడు. ఫైల్ పెట్టిన చోటే ఒక అడ్రస్ బుక్ కూడా ఉంది. దాన్ని కూడా తీసుకున్నాడు.
 
ఇంకొన్ని రీసెర్చ్ పేపర్స్ ని కూడా తీసుకుని ప్రియాకు థాంక్స్ చెప్పి అక్కడి నుండి నిష్క్రమించాడు జోసెఫ్.
 
రిటర్న్ జర్నీ చెన్నై టు ముంబై ఫ్లైట్ బుక్ చేసాడు. ఫ్లైట్ లో తన వెనకే కూర్చున్న ప్యాసెంజర్ ఒకరు తనని గమనిస్తున్నట్టు అనిపించింది జోసెఫ్ కు.
 
రెండు గంటల్లో ఛత్రపతి శివాజీ మహారాజ్ ఇంటర్నేషనల్ ఎయిర్పోర్ట్ వచ్చింది.
 
ఎయిర్పోర్ట్ లోని బ్యాగేజ్ కౌంటర్ లో జోసెఫ్ తన బ్యాగ్ కలెక్ట్ చేసుకుని ఎగ్జిట్ వైపుగా వెళ్తున్నాడు.
 
ఫ్లైట్ లో తన వెనకే కూర్చున్న ప్యాసెంజర్ జోసెఫ్ ను వెంబడిస్తున్నాడు.

[k3vv3]

శంభల రాజ్యానికి పయనం – 1

సిద్ధపురుషుని నేతృత్వంలో మార్గం సుగమం

ఈ ప్రపంచాన్ని ఘోర కలి నుండి కాపాడేందుకు కావాల్సిన శక్తులనీ, మనోధైర్యాన్నీ ప్రోది చేసుకోవటానికి శంభల రాజ్యానికి పయనం అవ్వటమే పరిష్కార మార్గంగా సూచించాడు సిద్ధపురుషుడు. రాజవరం గ్రామంలోని అధిష్ఠా నివాస స్థానమున విచ్చేసి ఉన్న సిద్ధపురుషుడు శంభల రాజ్యం గురించి అభిజిత్, అంకిత, సంజయ్ లతో ఇలా చెప్పటం మొదలు పెట్టాడు.
 
"బాహ్యమైన భౌతిక దృష్టికి శంభల రాజ్యం కనిపించదు. 
కాలచక్ర తంత్రంలో ప్రవేశం ఉన్నవారికి మాత్రమే శంభల రాజ్య దర్శనం దొరుకుతుంది. భారతదేశానికి ఉత్తరాదిన ఉన్న సీతా నదిని దాటిన తర్వాత మాత్రమే శంభల రాజ్యం మనకు కనిపిస్తుంది. శంభల రాజ్యంలో ఏడుగురు ధర్మజ్ఞులు కాలచక్ర తంత్రాన్ని మనకు అందించారు. వాళ్ళు అందించిన ఆ తంత్ర శాస్త్రాన్నే శాక్యముని కల్కి రాజులకు ఇచ్చాడు. శంభల రాజ్యంలో మొత్తం 32 మంది రాజులు ఉన్నారు. మొదటి ఏడుగురినీ ధర్మజ్ఞులు అంటారు. మిగిలిన 25 మందినే 
కల్కి రాజులు అంటారు. ప్రస్తుతం 21వ కల్కి రాజైన అనిరుద్ధుని కాలచక్రంలో నడుస్తోంది శంభల రాజ్యం."
 
"వాళ్ళని  కల్కి రాజులు అని ఎందుకంటారు స్వామి?"అడిగాడు అభిజిత్.
 
"25వ చక్రవర్తి కల్కి ఆగమనంతో ఈ కాలచక్రం ముగిసిపోతుంది. అందుకే ఈ 25 మంది రాజులనూ కల్కి రాజులు అంటారు", అన్నాడు సిద్ధపురుషుడు.
 
"కల్కి రాకతో కాలచక్రం ఎలా అంతం అయిపోతుంది స్వామి?" అడిగాడు సంజయ్.
 
"కల్కి రాజుగా ఉన్న సమయంలోనే 'మహాప్రళయ సంగ్రామం
' జరుగుతుంది. ఆ సమయంలో ప్రపంచంలో ధర్మం పూర్తిగా నశించిపోవటం వలన దుష్టులైన వారే రాజ్యపరిపాలన చేస్తూ ఉంటారు. ధూమకేతువు లాంటి ఖడ్గంతో  దేవదత్తం అని పిలువబడే తెల్లటి గుర్రాన్ని అధిరోహించి దుష్టశిక్షణ చేస్తూ కల్కి ధర్మాన్ని నిలబెడతాడు. కల్కి శ్రీమహావిష్ణువు అవతారం. ఆయన పరిసమాప్తించిన తర్వాత తిరిగి సత్యయుగం ఆరంభం అవుతుంది. అలా ఈ కాలచక్రం అంతం అయిపోతుంది ", అన్నాడు సిద్ధపురుషుడు.
 
"ధూమకేతువు అంటే ఏమిటి స్వామి?" అడిగింది అంకిత.
 
"తోకచుక్క. అలాంటి ఆకారంలో ఉంటూ భగభగ మండే అగ్నితో పదునైన ఖడ్గమును చేతబూని దుర్మదాంధులను సంహరిస్తాడని మన విష్ణుపురాణంలో చెప్పబడి ఉంది", అన్నాడా సిద్ధపురుషుడు.
 
"శాక్యముని అందించిన ఆ కాలచక్ర తంత్రాన్నే ఇప్పుడు మీకు దీక్షగా అందిస్తున్నాను. శ్రద్ధగా దీన్ని తీసుకుని శంభల రాజ్యంలో మీ పయనానికి మార్గాన్ని సుగమం చేసుకోండి", అన్నాడు సిద్ధపురుషుడు.
 
"స్వామి...ఇలా అడుగుతున్నానని మరోలా అనుకోకండి. శాక్యముని అనగా ఎవరు?" అడిగాడు అభిజిత్.
 
"గౌతమ బుద్ధుడినే శాక్యముని అంటారు. అగ్నిపురాణంలోని 16వ అధ్యాయంలో బుద్ధుడి గురించి, కల్కి గురించి చెప్పబడి ఉన్నది. పురాణాల్ని అధ్యయనం చెయ్యటం అన్నది మనకు ఎప్పటి నుంచో విధిగా వస్తున్నది. పురాణాల్ని మననం చేస్తూ ఉంటే వాటిలో ప్రస్తావించిన విషయాలను ఎక్కువ కాలం గుర్తుపెట్టుకోగలము", అన్నాడు సిద్ధపురుషుడు.
 
"మీకు ఇంకా ఏవైనా సంశయాలు ఉన్నచో ఇప్పుడే అడగండి. ఆ కాలచక్ర తంత్రాన్ని దీక్షగా తీసుకున్న తర్వాత ఒక్క వాక్యం కూడా మీరు పలుకరాదు. అచంచలమైన శ్రద్ధ, పట్టుదలతో అభ్యసించినప్పుడు మాత్రమే మీకు ఆ తంత్రం సిద్ధిస్తుంది ", అన్నాడా సిద్ధపురుషుడు.
"ఇక్కడి నుండి శంభల రాజ్యానికి వెళ్లి మళ్ళీ తిరిగి ఇక్కడికి రావటానికి ఎంత సమయం పడుతుంది స్వామి?" అన్నాడు సంజయ్.
 
"యుద్ధవిద్యల గురించి ప్రస్తావించిన అథర్వణ వేదంలోని ఎన్నో రహస్యాలను మీరు అక్కడ తెలుసుకోనున్నారు. వాటిని అధ్యయనం చేసి, సాధన చేసి చివరిగా ఒకసారి క్షుణ్ణముగా మొత్తం చదివితే కానీ అర్థమయ్యేవి కావవి. ఈ ప్రక్రియ అంతా పూర్తవ్వటానికి 30 దినముల వ్యవధి సరిపోతుంది", అని చెప్పాడు సిద్ధపురుషుడు.
 
సంజయ్ కాసేపు ఆలోచించాడు. అభిజిత్, అంకితలను రెండు ప్రశ్నలు అడిగాడు.
 
"30 రోజుల టైం పడితే ఇక్కడ ఇన్వెస్టిగేషన్ డిలే అయిపోతుందేమో కదా? పైగా మనకి సిబిఐ నుండి పర్మిషన్ ఎలా దొరుకుతుంది?"
 
"అశుతోష్ ఎక్కడైతే ఇన్వెస్టిగేషన్ ని ఆపేశాడో ఇప్పుడు జోసెఫ్ సెబాస్టియన్ అక్కడి నుంచే కంటిన్యూ చేస్తున్నాడు. జోసెఫ్ కేసు ఇన్వెస్టిగేషన్ స్టేటస్ ని సిబిఐ కి అప్డేట్ చేస్తూనే ఉన్నాడు. మనకు రోజూ మెయిల్స్ పెడుతున్నాడు. మనం మొబైల్, లాప్టాప్ ఇలాంటివి శంభల రాజ్యంలోకి తీసుకుని వెళ్లలేం కాబట్టి ఆటోమేటిక్ రిప్లైస్ వచ్చేలా మెయిల్ లో అవుట్ అఫ్ ఆఫీస్ సెట్టింగ్స్ అప్లై చేసేద్దాం. ఇప్పుడున్న సిట్యుయేషన్ లో అశుతోష్ ని రెస్క్యూ చెయ్యటం మీదనే అందరి ఫోకస్ ఉంది. పైగా ఘోర కలి ఎప్పుడేం చేస్తాడో ఎవరికీ తెలియదు. 'అదృశ్య మందిరం' కేసు ఇన్వెస్టిగేషన్ ని ఎవ్వరూ టచ్ చెయ్యకండి అని ఘోర కలి వార్నింగ్ ఇచ్చాడు కాబట్టి మీడియాలో మన గురించి ఎవ్వరూ పట్టించుకోరు. 30 రోజులు కాబట్టి మనం ఎక్కడికి వెళ్లిపోయాం అని ఎన్నో ప్రశ్నలు ఎదురవుతాయి. వెళ్లే ముందే ఒక మెయిల్ పెట్టేస్తే సరిపోతుందని అనుకుంటున్నాను", అన్నాడు అభిజిత్.
 
అదేదో చాలా తేలికైన విషయం అన్నట్టు అభిజిత్ అంత నార్మల్ గా చెప్పేసరికి సంజయ్, అంకిత తననే రెప్పార్పకుండా చూస్తూ ఉన్నారు.
 
చివరికి చేసేదేం లేక అభిజిత్ చెప్పినట్టుగానే సంజయ్ మెయిల్ బాక్స్ ని  వెకేషన్ రెస్పాన్స్ ఇచ్చేలా సెట్ చేసాడు. 30 రోజుల పాటు వీళ్ళు అవుట్ అఫ్ రాజవరం వెళ్తున్నారని...అది కూడా కేసు ఇన్వెస్టిగేషన్ కోసమే అని....అదొక  సీక్రెట్ ఆపరేషన్ కావటంతో డీటెయిల్స్ డిస్క్లోజ్ చేయలేనని సీబీఐకి మెయిల్ పెట్టేసాడు సంజయ్. ఇన్ని రోజులూ జోసెఫ్ సెబాస్టియన్ కు తను కేసు ఇన్వెస్టిగేషన్ కి సంబంధించిన ప్రతీ డీటెయిల్ ని అప్డేట్ చేశానని.... ఈ  సీక్రెట్ ఆపరేషన్
వల్ల మెయిల్ లేదా కాల్ సపోర్ట్ ఇవ్వలేకపోయినా జోసెఫ్ కి కేసు ఇన్వెస్టిగేషన్ లో వచ్చే నష్టమేం లేదంటూ లాజికల్ పాయింట్ ఒకటి మెన్షన్ చేసి మెయిల్ ని కంక్లూడ్ చేసాడు సంజయ్.  
 

 

[k3vv3]

సిద్ధపురుషుడి దగ్గరి నుండి ఆ  కాలచక్ర తంత్ర ప్రవేశం
దొరకటానికి సంజయ్, అభిజిత్, అంకిత లకు 8 గంటల సమయం పట్టింది. అధిష్ఠాను, రాజవరం గ్రామ ప్రజల్ని శాపవిముక్తులను గావిస్తానని మాటిచ్చాడు సిద్ధపురుషుడు.
 
సంజయ్, అభిజిత్, అంకితలు అధిష్ఠాతో కాసేపు మాట్లాడారు.
 
సిద్ధపురుషుడి గురించి వాళ్లకి తెలియని కొన్ని నిజాలను అధిష్ఠా వారితో పంచుకున్నాడు. రాజవరం గ్రామానికి వీడ్కోలు పలుకుతూ శంభల రాజ్యానికి పయనమయ్యారు సంజయ్, అభిజిత్, అంకితలు సిద్ధపురుషుని సారథ్యములో.
 
భారతదేశానికి ఉత్తరాదిన ఉన్న సీతా నది వైపుగా సిద్ధపురుషుడు వారిని తీసుకెళ్లాడు.
 
కాలచక్ర తంత్ర ప్రవేశం గురించి మాత్రమే సిద్ధపురుషుడు వారికి చెప్పాడు. ఆ తర్వాత క్రమంలో వారికి ఎదురయ్యే పరీక్షల గురించి ఏ వివరమూ తెలుపలేదు.
 
అవి తెలియకుండా అమాయకంగా సిద్ధపురుషుడు చెప్పినట్టుగానే మౌనంగా ఆయన వెంటే ఉత్తరాది వైపుగా పయనమయ్యారు సంజయ్, అభిజిత్, అంకితలు. ఎన్నో కఠినమైన పరీక్షలను సమర్థవంతంగా ఎదుర్కొన్న తర్వాత గాని శంభల రాజ్యంలోకి అడుగుపెట్టలేరన్న నిజాన్ని అతి త్వరలో తెలుసుకోబోతున్నారు.

[k3vv3]

శంభల రాజ్యానికి పయనం – 2
అద్భుతం....అమోఘం.....అజ'రామ'రం

ఉత్తరాదిన ఉన్న సీతానది వైపుగా సిద్ధపురుషుడు సంజయ్, అభిజిత్, అంకితలను తీసుకెళ్తున్నాడు. దక్షిణాదిన ఉన్న రాజవరం నుండి ఉత్తరాదిన ఉండే వారణాసికి ఫ్లైట్ లో 3 గంటల్లో చేరిపోయారు నలుగురూ. వారణాసి నుండి వీళ్ళు సీతానదిని వెతుకుతూ బయలుదేరి ఇప్పటికి 8 గంటలు గడుస్తోంది. అయినా ఆ సీతానది కనిపించలేదు. సంజయ్, అభిజిత్, అంకితలు అసహనానికి లోనవుతున్నారు. అయినా ఆ సిద్ధపురుషుడి మీదున్న నమ్మకంతో ఒక్క మాట కూడా బయటికి మాట్లాడటం లేదు. ఇంతలో ఒక చిన్న మందిరం ఒకటి కనిపించింది వాళ్లకి. చుట్టుపక్కల నివసించే ప్రజలు తండోప తండాలుగా తరలివచ్చారు ఆ గుడికి. సాయంత్రం 7 కావస్తోంది.
 
సిద్ధపురుషుడు వాళ్ళతో ఇలా అన్నాడు," సీతానదికి మనకు దారి దొరికేలా ఉన్నది. ముందు మనం ఆ గుడికి వెళ్లి ఆ దేవిని దర్శించుకుందాం. ఆ నారాయణుడే మనకు ఏదో ఒక మార్గాన్ని నిర్దేశిస్తాడు."
 
నలుగురూ ఆ గుడికి వెళ్లారు. చిత్రమేమిటంటే అది సీతాదేవి ఆలయం. అక్కడున్న గ్రామ ప్రజలందరూ భక్తి శ్రద్ధలతో సీతాదేవిని కొలుస్తున్నారు.
 
ఆలయ ప్రాంగణంలోకి వీళ్ళు అడుగుపెట్టగానే అక్కడున్న కొంత మంది గ్రామ ప్రజలు ఎదురొచ్చారు. వాళ్లలో ఒకడు,"మీరొస్తున్నారని మాకు ముందే తెలిసింది. ఆలయ పూజారి చెప్పారు. ఇక్కడున్న కొళాయిలో మీరు కాళ్ళు కడుక్కున్న తర్వాతే ఆలయంలోకి ప్రవేశించండి", అని చెప్పాడు.
 
"గంగతో పావనం అయిన తరవాతే ఆ సీతాదేవి దర్శనభాగ్యం అన్నమాట. బావుంది", అన్నాడు సిద్ధపురుషుడు.
నలుగురూ అక్కడే ఉన్న కొళాయిలో పాదాలను పరిశుద్ధి చేసి ఆలయంలోకి ప్రవేశించారు.
 
సీతాదేవి దర్శనం దివ్యంగా జరిగింది. అమ్మవారిలో ఉన్న దైవీభావాలు, పవిత్రత వల్ల దర్శనం చేసుకున్న వారెవరికైనా కొత్త శక్తులు ఉద్భవిస్తాయి. నిద్రాణంగా ఉన్న శక్తులు జాగృతం అవుతాయి.
 
దర్శనం అయిపోయాక కాసేపు అక్కడే ఆసీనులయ్యారు నలుగురూ.
ఇంతలో ఇద్దరు దివ్యపురుషులు ఆలయప్రాంగణంలోకి అడుగుపెట్టారు. ఒక దివ్యపురుషుడు నీలకాంతితో ఉన్నాడు. ఇంకొక దివ్యపురుషుడు బంగారు కాంతితో ఉన్నాడు. ఇద్దరి భుజాలకి ధనుస్సులున్నాయి. వెనుక అంబులపొదులున్నాయి.
వారిని చూడగానే అక్కడున్న వారందరూ పాదాభివందనం చేశారు. చూస్తూండగానే ఆ ఆలయంలో ఉన్న గ్రామ ప్రజలందరూ అక్కడి నుండి వెళ్లిపోయారు. ఆలయంలో పూజారి, సిద్ధపురుషుడు, సంజయ్, అభిజిత్, అంకితలు తప్ప ఇంకెవ్వరూ లేరు. ఆ దివ్యపురుషులిద్దరూ గర్భగుడిలో కెళ్ళి  సీతాదేవి దర్శనం చేసుకున్నారు. పూజారి నోట మాట రాలేదు. వారిరువుర్నీ చూస్తూ నమస్కరించాడు. దివ్యపురుషులిద్దరూ చిరుమందహాసంతో పూజారికి నమస్కరించారు. ఆ పూజారి వెంటనే అక్కడినుండి 'జై శ్రీరామ్', 'జై శ్రీరామ్' అంటూ పరుగుపరుగున వెళ్ళిపోయాడు.
 
సంజయ్, అభిజిత్, అంకితలకు ఇదంతా ఒక కలలా ఉంది. సిద్ధపురుషుడికి ఇదంతా విష్ణుమాయ అని అర్థం అవుతోంది. సీతాదేవి దర్శనం అయిన తర్వాత ఆ దివ్యపురుషులిద్దరూ వీరి దగ్గరికే వచ్చి వారి చెంతనే ఆసీనులై కూర్చున్నారు.
 
"నమస్కరించటం అంటే నిష్కల్మషమైన మనస్సును దేవునియందు  సమర్పించటమే కదా, లక్ష్మణా?" అన్నాడు రాముడు.
 
"మీకు తెలియనిదా అగ్రజా!" అన్నాడు లక్ష్మణుడు.
 
"ఈ రోజు వీరు నలుగురూ త్రికరణ శుద్ధితో సీతాదేవిని వేడుకున్నారు, లక్ష్మణా. అందుకే కదా మనిద్దరమూ ఇంత దూరం పయనమయ్యి వచ్చాము వీరి కోసం", అన్నాడు రాముడు.
 
ఆ మాట వినగానే అక్కడున్న సంజయ్, అభిజిత్, అంకితలు లేచి నిల్చున్నారు. సిద్ధపురుషుడు అప్పటికే నిలబడి ఉన్నాడు. నలుగురూ రామలక్ష్మణులకు సాష్టాంగ ప్రణామం చేశారు. శివుడు పార్వతీ దేవికి చెప్పిన 
'శ్రీ రామ రామ రామేతి'
శ్లోకాన్ని పఠించారు.
 
"విష్ణు సహస్రనామ స్తోత్రం చెప్పినంత ఫలితాన్ని 
'శ్రీ రామ రామ రామేతి'
  చెప్పేసి పొందారు. తెలివైనవాళ్ళే", అంటూ ఆటపట్టించాడు లక్ష్మణుడు.
 
"రాముడు శుద్ధమైన అంతఃకరణను మాత్రమే చూస్తాడు కదా స్వామీ. తమకు తెలియనిది ఏముంది?" అన్నాడు సిద్ధపురుషుడు.
 
"అది సరే గాని", అంటూ సంజయ్, అభిజిత్, అంకితలను చూస్తూ, "వీళ్ళేం మాట్లాడరా?" అన్నాడు లక్ష్మణుడు చమత్కారంగా.
 
"శంభల రాజ్యానికి పయనం అయినప్పటి నుండి 
 మౌనదీక్ష
వహిస్తున్నారు స్వామి. ఇప్పటి వరకూ ఏమీ తినలేదు. పచ్చి మంచి నీరు కూడా ముట్టలేదు. మానసిక, శారీరక అలసటకు గురయ్యారు" అన్నాడు ఆ సిద్ధపురుషుడు.
 
ఆ మాట వినగానే రాముడు తన దగ్గరున్న గంగాతీర్థాన్ని సిద్ధపురుషుడికిస్తూ ఇలా అన్నాడు,"బిడ్డలు అడగకుండానే అమ్మకు వాళ్ళ ఆకలి అర్థం అయిపోతుంది. మీరు సీతాదేవిని ప్రార్థించగానే ఈ గంగాతీర్థాన్ని నాకిచ్చి పంపించింది. ఎంతైనా అమ్మ అమ్మే కదా", అన్నాడు రాముడు.
 
రాముడు అలా 
'ఎంతైనా అమ్మ అమ్మే కదా'
అంటూ ఉండగానే వాళ్లకు ఆకలి తీరిపోయింది. సంజయ్, అభిజిత్, అంకితలకు ఆ గంగాతీర్థాన్ని సిద్ధపురుషుడు ఇచ్చాడు.
 
"వాళ్ళకిచ్చి నువ్వు తీసుకోవేమయ్యా?" అన్నాడు లక్ష్మణుడు.
 
"సమర్థ రాఘవునికి ఆ తీర్థాన్ని నేనే స్వయంగా ఇస్తాను లే. అసలే చాలా దూరం ప్రయాణించాలి కదా", అంటూ రాముడే ఆ పవిత్ర గంగను సిద్ధపురుషునికి తీర్థంగా ఇచ్చాడు. 

[k3vv3]

శివుని జటాజూటంలోని గంగను 
మర్యాద పురుషోత్తముడైన  ఆ శ్రీరామచంద్రుడు తానే స్వయంగా సిద్ధపురుషునికి ఇవ్వటం అన్నది మామూలు విషయం కాదు. ఇందులో ఏదో కార్యకారణ సంబంధం ఉన్నదని ఆ సమర్థ రాఘవుడు అను నామధేయం కలిగిన సిద్ధపురుషునికి వెంటనే అర్థం అయిపోయింది. ఎన్ని వేల కోట్ల జన్మలెత్తినా దొరకని అదృష్టం తనను వరించింది అనిపించింది.
 
శ్వేతద్వీప వైకుంఠం వదిలి అదృశ్య మందిరానికి వచ్చే ముందు ఆ శ్రీమహావిష్ణువు ,"ఎల్లప్పుడూ నీ వెంటే ఉంటాను సిద్ధా", అన్న మాటే గుర్తుకొచ్చింది ఆ క్షణాన సమర్థ రాఘవుడికి. హృదయం ద్రవించిపోయింది ఆయన చూపిన కరుణకి.
 
అక్కడ కొంతసేపు నిశ్శబ్దం ఏర్పడింది. ఆ రామలక్ష్మణులను సంజయ్, అభిజిత్, అంకితలు భక్తిభావంతో మైమరచిపోయి అలానే చూస్తూ ఉన్నారు.
 
రాముడిలా చెప్పాడు, "మీరు ఇక్కడి నుండి వాయవ్య దిశగా పయనం అయితే మీరు కోరుకునే గమ్యాన్ని చేరుకునే మార్గం సుగమం అవుతుంది. సీతానది దాటిన తర్వాత కూడా వాయవ్య దిశగానే మీరు పయనించాలి. ఎన్నో కఠినమైన పరీక్షల తర్వాత మీకు ఒక సముద్రం కనబడుతుంది. అది దాటితే వచ్చేదే శంభల నగరం. ఆ సముద్రం దాటడానికి మైనాకుడు మీకు తోడ్పడతాడు."
 
ఆ మాటలు పూర్తవ్వగానే రామలక్ష్మణులు ఇరువురూ అంతర్ధానమయ్యారు.*

[k3vv3]

ఇక్కడ పాఠకుల సంఖ్య తక్కువ కావడం వల్ల, ఆసక్తి తక్కువై వ్యవధి ఎక్కువగా ఉంటోంది
మరే ఇతర కారణాలు లేవు మిత్రమా!

[k3vv3]

Sure, before this weekend

[k3vv3]

శంభల రాజ్యానికి పయనం – 3
సంకల్ప బలానికి శల్య పరీక్ష
రాముడు చెప్పినట్టే వాయవ్య దిశగా వెళ్లగా ఒక యోజనము దూరం అనగా 8 /10 మైళ్ళ దూరం లేదా 16 కిలోమీటర్ల దూరం నడిచాక వారికి సీతా నది కనిపించినది. నది దర్శనం చేసుకున్న తర్వాత వారు అక్కడే కొంత సేపు విశ్రాంతి తీసుకున్నారు. అంతలో అక్కడికి ఒక మునీశ్వరుడు వచ్చాడు. సిద్ధపురుషునికి అభివాదం చేసి సంజయ్, అభిజిత్, అంకితలను ఒకసారి తీక్షణంగా చూసాడు.
"మీలో అచంచలమైన దీక్ష, పట్టుదలలు మెండుగా ఉన్నవి. మీకు సిద్ధపురుషుని సాంగత్యం దొరకటం ఒక వరం. ఎంత గొప్ప శిష్యుడికైనా సరైన గురువు దొరికినప్పుడే తను నేర్చుకునే విద్యకు సార్థకత చేకూరుతుంది. అలానే ఇన్ని కష్టనష్టాలు అనుభవిస్తూ మీరు చేస్తున్న ఈ ప్రయాణం  సిద్ధపురుషుని వల్లే గమ్యం దిశగా చేరుకుంటోంది. మీకు ఈ మహానుభావుడి వల్లే రామలక్ష్మణుల దర్శన భాగ్యం కలిగింది. ఇదంతా మీకు చెప్పటానికి ఒక బలమైన కారణం ఉన్నది. సీతా నదిని దాటిన తర్వాత మీకు ఎదురయ్యే ప్రతీ ఒక్కరు మీ నమ్మకాలను, విశ్వాసాలను చాలా లోతుగా పరీక్షిస్తారు. ఎక్కడ ఏ చిన్న లోపం ఉన్నట్టు వారికి అనిపించినా మీ ఉనికినే దెబ్బ తీయ్యాలని ప్రయత్నిస్తారు. లంకిని లాంటి రాక్షస స్త్రీలు, శంఖినీ జాతి స్త్రీలు, శాకిని, డాకిని లాంటి పిశాచ స్త్రీలు మీకు కనబడతారు. శంఖినీ స్త్రీలు చెప్పుడు మాటలు వింటూ ఉంటారు. వారి పాదాలు చాలా పెద్దవిగా ఉంటాయి. వారు పురుషుణ్ణి రెచ్చగొట్టే విధంగా మాట్లాడుతూ ఉంటారు. శంభల రాజ్యానికి మీరు వెళ్ళాలి అంటే ఈ కఠిన పరీక్షల్ని ఎదుర్కోక తప్పదు. ఆడవారికి రాక్షస స్త్రీలు తారసపడతారు. మగవారికి శంఖినీ జాతి స్త్రీలు ఎదురవుతారు. శృంగార భావనలని ప్రేరేపిస్తారు. పిశాచ స్త్రీలు ఆడవారికి, మగవారికి ఎదురవుతారు. ఇవన్నీ ఎలా ఉన్నా సరే ఒక్క విషయం మాత్రం మనసులో స్థిరంగా గుర్తు పెట్టుకోండి. మన భావనకు చాలా బలమున్నది. మనసుయందు ఆ మహాశివుణ్ణే నెలకొల్పి మీరు అడుగు ముందుకేస్తూ ఉంటే చాలు మిగతాది ఆయనే చూసుకుంటాడు. హంస దేవత వివేకాన్ని ఇచ్చి చీకట్లను పారద్రోలుతుంది. అందుకే మీకు ఈ 
హంస గాయత్రి
మంత్రాన్ని ఉపదేశిస్తున్నాను.
 
 
ఓం 
హంస హంసాయ విద్మహే 
పరమ హంసాయ ధీమహి 
తన్నో హంసః ప్రచోదయాత్ ||
ఓం శాంతిః శాంతిః శాంతిః 
 
ఏదైనా ఉపద్రవము వచ్చినప్పుడు ఈ మంత్రాన్ని మూడు సార్లు మననం చేసుకోండి. మీకు పరిష్కార మార్గం దొరుకుతుంది.
 
ఓం నమః శివాయ
", అనేసి తన దారిన తాను వెళ్ళిపోయాడు ఆ మునీశ్వరుడు.
"మనల్ని గెలిపించటానికి గొప్ప గొప్పవాళ్ళు దారి పొడుగునా తారసపడుతూ జ్ఞానోపదేశం చేస్తున్నారు కదా!" అంటూ ఉద్వేగానికి లోనయ్యాడు సిద్ధపురుషుడు.
మౌనదీక్షలో ఉండటంతో సంజయ్, అభిజిత్, అంకితలు ఏం మాట్లాడలేకపోయారు. వారి కళ్ళల్లో మాత్రం ఆ కృతజ్ఞతా భావం కనబడింది. ఆ మునీశ్వరుడు ఉపదేశించిన మంత్రాన్ని జపం చేస్తూ గడిపారు కాసేపు.
 
ఆ తర్వాత రాముడు చెప్పినట్టుగానే సీతా నదికి వాయవ్య దిశగా బయలుదేరారు.
కొంత దూరం వెళ్ళగానే వెలుగు అమాంతం తగ్గిపోయింది. తగ్గిపోవటం కాదు అస్సలు లేకుండా పోయింది. సంజయ్, అభిజిత్, అంకితలు ఎవరు ఎక్కడున్నారో వారికే తెలియట్లేదిప్పుడు. మౌనదీక్షలో ఉన్నారు కాబట్టి బయటికి గట్టిగా మాట్లాడలేరు. సిద్ధపురుషుడు ఎక్కడున్నాడో కూడా వారికి తెలీదు. సిద్ధపురుషుడు ఏదైనా మాట్లాడతాడేమో అని లోలోపల ఆశతో ఎదురుచూస్తూ ముందుకెళ్తున్నారు ఆ చీకట్లోనే. అది అలాంటి ఇలాంటి చీకటి కాదు. చుట్టూ చీకటి. కింద, పైన చీకటి. నిశీథినీ సముద్రంలా అనిపించింది వారికి.
ఏ శబ్దమూ లేదు. ఏ అలికిడి లేదు. అంత సేపు మౌనదీక్షలో ఉన్నా కూడా అనుభవించనంత నిశ్శబ్దాన్ని వాళ్ళు అక్కడ అనుభవిస్తున్నారు. కానీ అది ఆనందాన్ని ఇచ్చే నిశ్శబ్దంలా అనిపించట్లేదు. భయాన్ని పెంచి పోషించే క్రూరమైన నిశ్శబ్దంలా అనిపిస్తోంది. ఆ నిశ్శబ్దంలో, ఆ చీకట్ల సాగరంలో, ఆ భయాందోళనలో సంజయ్, అభిజిత్, అంకితలకు వారిలో ఉన్న నిజమైన ధైర్య, సాహసాలేంటో తెలిసొచ్చాయి. ఇదంతా దేని కోసం చేస్తున్నాం అన్న ప్రశ్న మొదలైంది వారిలో. చాలా ముఖ్యమైన ప్రశ్న అది. జీవితంలో మనం ఏ పనినైనా విజయవంతంగా చెయ్యాలంటే ఈ ఒక్క ప్రశ్నకు సమాధానం తెలిస్తే చాలు. అదే మనల్ని ముందుకు నడిపిస్తుంది.
అశుతోష్ ని కాపాడటానికి ఇంత రిస్క్ చేశారా?
ప్రపంచాన్ని ఘోర కలి నుండి కాపాడటానికా?
సిద్ధపురుషుడి మీదున్న నమ్మకంతో ఆయన ఏది చెప్తే అది చేశారా?
ఇవేవి కావు. ముగ్గురికీ ఒక్కటే అనిపించింది. శంభల రాజ్యానికి వెళ్ళటం అన్నది విధి లిఖితం. ఎలాగైనా సరే అది జరిగే తీరుతుంది అని అనిపించింది ఆ క్షణంలో సంజయ్, అభిజిత్, అంకితలకు. ఏదైతే విధి లిఖితమో దాన్ని ధైర్యంగా ఎదుర్కోవటమే ముందున్న లక్ష్యం అని ఎవరో హితబోధ చేసినట్టుగా అనిపించింది ముగ్గురికీ. వెంటనే వాళ్లలో ఉన్న సంశయాలన్నీ పటాపంచలు అయ్యాయి. ధైర్యంగా అడుగేస్తూ ముందుకెళ్లారు ఆ చీకట్లలోనే.

[k3vv3]

అంతటి చీకట్లో కూడా శంఖినీ జాతి స్త్రీ తన చుట్టూ కాంతితో అణువణువూ కనబడేలా అందంగా తయారయ్యి సంజయ్, అభిజిత్ లకు తారసపడింది.
"అమ్మాయి నడుము ఎంత మృదువుగా ఉంటుందో తెలుసా? లేత కొబ్బరిలా ఉంటుంది. తాకి చూస్తారా?" అంటూ సంజయ్, అభిజిత్ లకు దగ్గరిగా వస్తూ వారి చేతులను తీసుకుని తన నడుమును తాకించింది.
"ఎలా వుంది? మాట పడిపోయిందా? హహహ", అంటూ అందంగా నవ్వింది ఆ శంఖినీ జాతి స్త్రీ.
సంజయ్, అభిజిత్ లు నోరు మెదపలేదు.
"నాతో రతి కోసం శంభల రాజ్యంలోని ప్రతీ మగాడు తహతహలాడిపోతాడు. కానీ నన్ను సుఖపెట్టేవాడిని నేనే ఎంపిక చేసుకుంటాను. నాకు అంత తేలికగా ఏ మగాడూ నచ్చడు. మీ ఇద్దరూ మంచి వయసులో ఉన్నారు. సింహాలలా ఆకలి మీదున్నారు. మిమ్మల్ని రెచ్చగొడితే రాత్రి, పగలు అనే నియమం పెట్టుకోకుండా నాతో సంభోగిస్తారు. హహహ", అంటూ సరసం ఒలకబోస్తూ కొంటెగా కన్ను గీటింది. తన శిరోజాలని సవరిస్తూ తన కుచద్వయం కనిపించేలా కళ్ళ నిండా తమకంతో రెచ్చగొడుతోంది.
"యువకులారా! మీ వయసును వృధా చేసుకోవటానికా ఇంత దూరం వచ్చింది? హహహ" అంటూ సంజయ్, అభిజిత్ ల బుగ్గ మీద ముద్దు పెట్టింది.
"నా వెచ్చని శ్వాస మీ బుగ్గలను తాకితేనే ఇలా తమకంలో తేలిపోతున్నారే! హహహ. ఇక మీ పెదాలతో నా పెదాల్ని బంధిస్తే ఏ అప్సరసా ఇవ్వనంత మధువును నేను మీకందిస్తాను. అప్పుడేం ఐపోతారో ఊహించుకుంటేనే నవ్వొస్తోంది" అంటూ మాటలతోటే కాదు చేతలతోనూ కవ్విస్తోంది.
 
హంస దేవత
వివేకాన్ని ఇచ్చి చీకటిని దూరం చేస్తుందని చెప్పిన ఆ మునీశ్వరుడి మాటలు ఇప్పటికి గుర్తుకొచ్చాయి వారిద్దరికీ. బాహ్యమైన దృష్టికి కనబడేది కాదు శంభల రాజ్యం అన్న సిద్ధపురుషుని మాటలు కూడా గుర్తుకొచ్చాయి. భౌతికమైన సుఖాలను ఎరగా చూపి వశపరుచుకోవాలని చూసే ఈ శంఖినీ జాతి స్త్రీ తమలోని సంకల్ప శక్తిని మాత్రమే పరీక్షిస్తున్నదని అర్థం అయిపోయింది సంజయ్, అభిజిత్ లకు. వెంటనే ఆ మునీశ్వరుడు ఉపదేశించిన 
హంస గాయత్రి
మంత్రాన్ని పఠించారు. ఆ మంత్రం పఠించగానే తన మాయా రూపాన్ని వీడి ఆ శంఖినీ జాతి స్త్రీ ఇలా అన్నది.
"శంభల రాజ్యంలో మిమ్మల్ని మోహానికి గురిచేసే అందగత్తెలు ఎందరో ఉంటారు. వారి మాయలో పడిపోయి మీ కార్యాచరణను పూర్తిగా మరిచిపోయి వారికే వశం అయిపోయే ప్రమాదం ఎంతైనా ఉన్నది. అందుకే ఇలా శంఖినీ జాతి స్త్రీలా వచ్చి మీలో కామోద్రేకాన్ని కలిగించి మీలో వున్న మానసిక బలాన్ని పరీక్షించాను. ఈ పరీక్షలో మీరు ఇరువురూ విజయం సాధించారు. విజయోస్తు. శంభల రాజ్యంలో మీరు కోరుకున్న అన్ని శక్తులూ మీకు లభిస్తాయి" అని చెప్పి అక్కడి నుండి కనుమరుగు అయిపోయింది ఆ అదృశ్య దేవత.
సంజయ్, అభిజిత్, అంకితలు ఆ చీకట్లలోనే ఎంతో దూరం నడిచారు. అలా ఒక పది యోజనాల దూరం నడిచాక ఒక కొండ చివరి అంచు కనిపించింది. చీకటి తెర వీడిపోయింది. సంజయ్, అభిజిత్ లకు అంకిత కనిపించింది. సిద్ధపురుషుడు వీళ్లందరి కంటే ముందే అక్కడికి చేరుకున్నాడు. ఆ కొండ చివరి అంచు దగ్గర నిలబడి ఉన్నాడు.
ఆకాశంలో నుండి సూర్యుని కిరణాలు తేజోవంతంగా ప్రకాశిస్తున్నాయి.
వాళ్ళు ముగ్గురూ నడుచుకుంటూ సిద్ధపురుషుని వైపుగా వెళ్తున్నారు. వీళ్ళ ముగ్గురినీ చూడగానే సిద్ధపురుషుడు అమితానందం పొందాడు.
"మొత్తానికి అనుకున్నది సాధించారు. ఇక్కడే కొంత సేపు సేద తీరుదాం. మైనాకుడి కోసం ఎదురుచూడాల్సిందే. ఈ సముద్రాన్ని దాటడం మనవల్ల కాదు", అంటూ ఆ కొండ చివరి అంచు వరకూ వెళ్లి కిందున్న ఆ మహాసముద్రాన్ని చూపిస్తూ అన్నాడు.
 
అనంతమైన మహా సాగరంలా ఉందది. ఇంతవరకూ భూమ్మీద అలాంటి సముద్రాన్ని ఎప్పుడూ చూడలేదనిపించేలా ఉందది.
సంజయ్, అభిజిత్, అంకితలు ఆ సముద్రాన్నే చూస్తూ సంభ్రమాశ్చర్యాలలో మునిగిపోయారు.

[k3vv3]

శంభల రాజ్యానికి పయనం – 4
మైనాకుని సహాయంతో సముద్ర లంఘనము....శంభల నగరానికి ఆగమనం
సిద్ధపురుషుని నిర్దేశంతో సంజయ్, అభిజిత్, అంకితలు తమ 
మౌన దీక్షను  విడిచి పెట్టారు. ఆ కొండ చివరి అంచునే ఆసీనులై మహాసముద్రాన్ని చూస్తూ ఉన్నారు. సిద్ధపురుషుడు మాత్రం ఏదో తీవ్రంగా ఆలోచిస్తూ ఉన్నాడు.
 
"ఏమిటి స్వామి అంతలా ఆలోచిస్తున్నారు?" అడిగాడు సంజయ్.
 
"ఆ రోజున రాముడు మనకు దిశానిర్దేశం చేస్తున్నప్పుడు చివరిలో సముద్రం దాటాల్సి వస్తే మైనాకుడు మనకు తోడ్పాటుని అందిస్తాడన్నాడు. దాని గురించే ఆలోచిస్తున్నాను", అని బదులిచ్చాడు ఆ సిద్ధపురుషుడు.
 
"స్వామి....అసలు ఎవరీ మైనాకుడు?" అడిగాడు అభిజిత్.
 
"క్షమించండి స్వామి....మా వాడికి పురాణాలతో కాస్త కూడా పరిచయం లేదు", అన్నాడు సంజయ్.
 
అభిజిత్ వంక వింతగా చూస్తూ, "ఏంటి నీకు మైనాకుడు ఎవరో కూడా తెలీదా !" అన్నది అంకిత.
 
"అందరికీ అన్ని విషయాలూ తెలియాల్సిన అవసరం లేదు కదా. అభిజిత్ అడిగాడు కాబట్టి మైనాకుడి గురించి, రామాయణంలో మైనాకుని ప్రస్తావన గురించి మీకు చెబుతాను.
 
జంబూద్వీపంలోని అన్నిపర్వతాలకు రారాజు హిమవంతుడు. ఇతను మేరు పర్వతరాజు పుత్రిక అయిన మేనకను పెళ్లి చేసుకున్నాడు. మేనకా, హిమవంతుల కుమారుడే ఈ మైనాకుడు. అప్పట్లో పర్వతాలకు రెక్కలు ఉండేవి. అవి ఒక చోట నుండి మరొక చోటకు యథేచ్ఛగా సంచరిస్తూ ఉండేవి. ఒకానొక పర్వతం చేసిన తప్పిదం వల్ల కొన్ని పక్షులకు, జీవులకు ప్రాణనష్టం జరిగింది. ఇంద్రునికి ఆగ్రహం రావటంతో ఆ పర్వతాల రెక్కలు అన్నింటినీ తన వజ్రాయుధంతో ఖండిస్తూ పోతున్నాడు. ఆ సమయంలో ఇంద్రునికి భయపడ్డ మైనాకుడు వాయుదేవుని సహాయముతో దక్షిణ సముద్రంలో దాక్కున్నాడు.
 
హనుమంతుడు సీతాదేవిని వెతుకుతూ లంకకు పయనం అయ్యి సముద్రమును దాటుతుండగా, సముద్రుని కోరిక మేరకు మైనాకుడు తన ఆతిథ్యమును స్వీకరించమని హనుమను కోరాడు. సముద్ర గర్భంలో ఎక్కడో అడుగున ఉన్న మైనాకుడు వాయుదేవుని మీదున్న కృతజ్ఞతతో వాయుదేవుని పుత్రుడైన హనుమంతుడు సేద తీరటం కోసమని  తన శృంగము పై అనగా తన పర్వతశిఖరము పై విశ్రమించమని వినమ్రముగా అడిగాడు. రామకార్యం పూర్తయ్యే వరకూ తనకు విశ్రాంతి అన్నది లేదని హనుమ మైనాకుని విన్నపాన్ని సున్నితంగా తిరస్కరించాడు. హనుమంతుడికి సహాయపడి తన ఋణం తీర్చుకోవాలని తపన పడిన ఆ మైనాకుడికి ఇంద్రుడు అభయం ఇచ్చాడు.
 
ఇప్పటికీ రెక్కలు కలిగిన పర్వతంగా మనకు మైనాకుడు ఒక్కడే కనిపిస్తాడు."
 
"వావ్...అంటే మనల్ని ఇప్పుడు ఆ మైనాకుడే శంభల రాజ్యానికి తీసుకెళ్తాడన్నమాట!" అన్నాడు అభిజిత్.
 
"చాలా ఎగ్జైటింగ్ గా ఉంది అంకిత....ఫ్లయింగ్ మౌంటైన్ ని చూడబోతున్నాం ఫస్ట్ టైం మన లైఫ్ లో!" అని ఎగ్జైట్ అయ్యాడు అభిజిత్.
 
అంకిత,"నీతో ఇదే ప్రాబ్లం....తెలిసే దాకా ఆపవు, తెలిసాక అస్సలు ఆగవు"
 
సంజయ్,"ఇందాకటి నుంచి దేని గురించి స్వామి తీవ్రంగా ఆలోచిస్తున్నారు?" అడిగాడు సిద్ధపురుషుణ్ణి.
 
"రాముడు మనకు చేసిన ఆ దిశానిర్దేశంలోనే ఏదో ఒక ఆంతర్యం దాగుంది. అదేంటో అంతుపట్టట్లేదు", అన్నాడు ఆ సిద్ధపురుషుడు.
 
"వాయవ్య దిశగా వెళ్ళమన్నాడు. ఇక్కడికి వచ్చేసాం. ఇక్కడి నుంచి వాయవ్య దిశగా ఎటు వెళ్తాము? కింద సముద్రం ఉంది. వీ హావ్ టు వెయిట్ ఫర్ మిస్టర్ మైనాక", అన్నాడు అభిజిత్.
 
"ఏది ఇంకోసారి చెప్పు", అని అభిజిత్ ని అడిగాడు ఆ సిద్ధపురుషుడు.
 
"వాయవ్య దిశగా ఇక్కడి దాకా వచ్చాము. ఆ దిశగానే వెళ్ళాలి. బట్ ఇక్కడి నుంచి కదలటానికి లేదు. సో..." అని అభిజిత్ అంటూ ఉండగానే
 
"మార్గం దొరికేసింది", అన్నాడు ఆ సిద్ధపురుషుడు.
 
"అభిజిత్ మాటలే ఇప్పుడు మనకు దారి చూపించాయి", అని ఆనందంతో చెప్పాడు సిద్ధపురుషుడు.
 
అభిజిత్ మాటలు దారి చూపించటం ఏంటి అన్న ప్రశ్న మొదలయింది సంజయ్, అంకితలకు. సిద్ధపురుషుని మాటల్లోని లోతైన భావం ఏంటో వాళ్లకు అర్థం కావట్లేదు.
 
"అదెలాగ స్వామి?" అని అడిగాడు సంజయ్.
 
"వాయవ్య దిక్కుకు అధిపతి వాయుదేవుడు. మైనాకుడిని ఆనాడు కాపాడినది వాయుదేవుడే. వాయుదేవునికి కృతజ్ఞతగా మైనాకుడు మనకు సహాయాన్ని అందిస్తాడు. ఇప్పుడు మన ముందున్న ప్రశ్న ఏంటంటే మన నలుగురిలో వాయుదేవునితో సంబంధం వున్న వాళ్ళు ఎవరు అన్నది. మీ ముగ్గురి జన్మ నక్షత్రాలు నాకు చెప్పండి", అన్నాడా సిద్ధపురుషుడు.
 
"స్వాతి", అని సంజయ్ బదులిచ్చాడు.
 
"శతభిషం", అని అభిజిత్ జవాబు ఇవ్వగా, "ధనిష్ఠ", అని అంకిత సమాధానమిచ్చింది.
 
"ఈ జన్మ నక్షత్రాలు ఎందుకు స్వామి? ఇంతకీ మీ జన్మ నక్షత్రం ఏదో చెప్పనేలేదు", అని క్యూరియాసిటీతో అడిగాడు అభిజిత్.
 
"ప్రతీ నక్షత్రానికి అధిదేవత ఒకరుంటారు. అలా మన నలుగురి నక్షత్రాలలో వాయుదేవుడు అధిదేవతగా ఉన్న నక్షత్రం ఎవరిదో తెలియాలి. అప్పుడు ఆ వ్యక్తి వాయుదేవుడిని కానీ, హనుమంతుడిని కానీ ప్రార్థిస్తే మనకు మైనాకుడి నుండి సహాయం వెంటనే అందుతుంది. అభిజిత్, నాది శ్రవణ నక్షత్రం", అన్నాడు ఆ సిద్ధపురుషుడు.
 
"సంజయ్, మన నలుగురిలో వాయుదేవుడు అధిదేవతగా కల స్వాతి నక్షత్రంలో పుట్టినది నువ్వే. సాక్షాత్తు ఆ మహాశివుని అంశతో వాయుదేవుని ఆత్మజుడు అయిన ఆ హనుమంతున్ని ప్రార్థిస్తే మనకు ఓ మార్గం తప్పక దొరుకుతుంది", అన్నాడు సిద్ధపురుషుడు.
 
సంజయ్,"తప్పకుండా స్వామి" అని తనకు తెలిసిన 
హనుమద్గాయత్రి మంత్రాన్ని జపించాడు.
 
 
ఓం అంజనీ సుతాయ విద్మహే,
 
వాయుపుత్రాయ ధీమహి, 
 
తన్నో మారుతిః ప్రచోదయాత్ ||
 
సిద్ధపురుషుడు 
శ్రీ రామ రామ రామేతి
మంత్రాన్ని పఠించాడు. అభిజిత్, అంకితలు కూడా అదే మంత్రాన్ని పఠించారు.
 
సిద్ధపురుషుడు, అభిజిత్, అంకితలు ముగ్గురూ రామ నామ జపంలో ఉన్నారు. సంజయ్ హనుమద్గాయత్రి చేస్తూ ధ్యానంలో ఉన్నాడు. అలా ఎంతసేపు గడిచిందో తెలీదు.

[k3vv3]

 
ఇంతలో సంజయ్ ని వెనక నుండి ఎవరో భుజం తట్టినట్టు అనిపించింది. హనుమద్గాయత్రిలో నిమగ్నమై ఉండటంతో సంజయ్ కి ఆ స్పర్శ కూడా తెలియలేదు. పదే పదే అదే స్పర్శ కలగటంతో కళ్ళు తెరిచి వెనక్కి తిరిగి చూసేసరికి ఒక వృద్ధుడైన సాధువు కనిపించాడు.
 
"ఏమయ్యా వాళ్లంతా చక్కగా రామనామ జపం చేస్తుంటే నువ్వేమిటయ్యా హనుమ, హనుమ అంటావు?" అన్నాడా సాధువు.
 
ఒక్క నిమిషం సంజయ్ కి ఏం అర్థం కాలేదు.
 
"ఏమిటి అలా బిక్కమొహము వేస్తావు? నేనే హనుమంతుడిని అనుకో ఒక్క నిమిషం. హనుమంతుడికి రామనామ జపం చేసేవాళ్ళే ఇష్టం. ఆ విషయం తెలుసా నీకు?" అన్నాడు ఆ సాధువు.
 
"స్వామీ...మైనాకుడు", అని సంజయ్ అంటూ ఉండగా
 
"ఇదిగో రాముడు నాకు అన్ని విషయాలూ చెప్పే పంపించాడులే కానీ.....ఒక్క సారి నాకోసం రామనామ జపం చెయ్యవయ్యా....ఇంతగా అడుగుతుంటే అర్థం చేసుకోవెందుకు?" అన్నాడు.
 
సంజయ్ వెంటనే రామనామ జపంలో లీనమయ్యాడు. ఆ సాధువు కూడా ఆనందంగా రామనామ జపం చేస్తూ గడిపాడు.
 
అలా రామనామ జపంతో ఆ ప్రదేశం అంతా పరమ పావనం అయినది.
 
వీరి రామనామ జపంతో  సముద్రుడు ప్రత్యక్షం అయ్యాడు.
సిద్ధపురుషుడు, అభిజిత్, సంజయ్, అంకితలు అచేతన స్థితిలోకి వెళ్లిపోయారు. వృద్ధుడైన ఆ సాధువు రూపంలో ఉన్న ఆంజనేయుడు సముద్రుడితో ఇలా మాట్లాడాడు.
 
"ఆనాడు నా రాముడు 3 రోజుల పాటు నిన్ను ఉపాసించినా నీవు ఆయన ఎదుట నిలువలేదు. ఈనాడు నా రాముడి పేరు వినగానే వచ్చితివే ? సముద్రా నీలో ఎంత మార్పు?" అని అడిగాడు హనుమ.
 
"ఆ దోషమును బాపుకొనుటకే ఈనాడు నీ ముందు ఇలా నిలిచితిని, హనుమ. ఆజ్ఞాపించు. నేనే విధముగా ఉపయోగపడగలనో విన్నవించు", అన్నాడా సముద్రుడు.
 
"సిద్ధపురుషుడు అయిన ఈ సమర్థ రాఘవుడు సాక్షాత్తు ఆ శ్రీమన్నారాయణుని శ్వేతద్వీపవైకుంఠవాసి. ఆయనను, ఆయనతోటి వచ్చిన ఈ పరివారమును సముద్రగర్భంలో ఉన్న మైనాకుడి ద్వారా శంభల నగరానికి క్షేమంగా చేర్చే బాధ్యతను నీకు అప్పగిస్తున్నాను", అన్నాడు హనుమంతుడు.
 
"ఆఘమేఘాలమీద ఈ కార్యాన్ని మైనాకుడికి ఇచ్చెదను. శ్రీరామ జయరామ", అంటూ సముద్రుడు అంతర్ధానమయ్యాడు.
 
వృద్ధుడైన సాధువు రూపంలో ఉన్న ఆ హనుమంతుడు అచేతనులై ఉన్న ఆ నలుగురి వంక ఒక్కసారి చూసి వారి నుదుటన సింధూరం దిద్ది, "జై శ్రీరామ్" అంటూ అక్కడి నుండి అంతర్ధానమయ్యాడు.
 
కొంతసేపటికి నలుగురూ కళ్ళు తెరిచి చుట్టూ చూసారు.
 
"హే...అక్కడ చూడండి...మిస్టర్ మైనాక అనుకుంటా", అన్నాడు అభిజిత్.
 
ఆ కొండ అంచు చివర మానవరూపంలో ఉన్న మైనాకుడితో సిద్ధపురుషుడు ఇలా అన్నాడు," ప్రణామములు మైనాక ! శంభల రాజ్యానికి చేరుటకు నీ సహాయము లేనిదే మా ప్రయత్నము సర్వమూ వ్యర్థమగును."
 
"శ్రీరాముడి సాక్షాత్కారము కలిగిన మీ నలుగురికీ సహాయపడుట నా అదృష్టముగా భావించెదను. ఈ విధముగానైనను వాయుదేవుని ఋణము కొంత తీర్చుకున్నవాడిని అవుతాను", అన్నాడు మైనాకుడు.
 
మానవరూపంలో ఉన్న ఆ మైనాకుడు వెంటనే పర్వతరూపం ధరించాడు.
 
సిద్ధపురుషుడు, సంజయ్, అభిజిత్, అంకితలు నలుగురూ ఆ పర్వతాన్ని అధిరోహించగానే స్వతః సిద్ధముగా కల రెక్కలతో ఆ మైనాకుడు గరుడపక్షి వలె వాయువేగంతో ఆ మహాసముద్రాన్ని లంఘించాడు.
 
కొన్ని ఘడియలలోనే ఆ సముద్రాన్ని దాటి శంభల నగరానికి చేరుకున్నాడు.
 
శంభల నగరానికి ఉన్న ప్రవేశ ద్వారానికి దగ్గరలో వారిని సురక్షితంగా చేర్చి తన దారిన తాను వెళ్లిపోయాడా మైనాకుడు.
 
శంభల నగర ప్రవేశ ద్వారాన్ని చూస్తూ అలానే నోరెళ్ళబెట్టుకుని ఉండిపోయారు సంజయ్, అభిజిత్, అంకితలు.
 
ఆ ప్రవేశ ద్వారం వైపుగా నడుచుకుంటూ వెళ్తున్నాడా సిద్ధపురుషుడు.

[k3vv3]

శంభల నగర ప్రవేశం
దేవశిల్పి విశ్వకర్మ వృత్తాంతము

శంభల నగర ప్రవేశ ద్వారం దగ్గరికెళ్ళాక సిద్ధపురుషుడు వెనక్కి తిరిగి చూసాడు. సంజయ్, అభిజిత్, అంకితలు ఆశ్చర్యంగా మైమరచిపోయి ఆ ముఖద్వారాన్నే చూస్తూ ఉండటం గమనించాడు. 1500 అడుగులకు పైనే ఉన్న ఆ ద్వారాన్ని ఇంతవరకూ భూలోకంలో ఎప్పుడూ, ఎక్కడా చూసి ఉండరనుకున్నాడు ఆ సిద్ధపురుషుడు. ఆ సింహద్వారంతో పాటు  సమానమైన ఎత్తులో వున్న ప్రహరీ గోడ కూడా అనంతంగా అన్ని వైపులకూ వ్యాపించి ఉండటంతో అందనంత ఎత్తులో వున్న ఆకాశాన్నే తాకుతోందేమో అన్నట్టుగా కళ్ళను మాయ చేస్తోందా రాజప్రాకారం.
 
సిద్ధపురుషుడు దూరం నుంచి తన చేతులతో సైగ చెయ్యటంతో సంజయ్, అభిజిత్, అంకితలు ఈ లోకంలో కొచ్చారు. పరుగులాంటి నడకతో ఆ నగర ద్వారం వైపుగా వెళ్లారు.
 
అక్కడికి చేరుకోగానే వాళ్లకు ఆ ద్వారాన్ని దగ్గరి నుండి చూసే అవకాశం దొరికింది. ఆ సింహద్వారం మధ్యలో ఐదు ముఖాలతో, పది చేతులతో వున్న ఒక ఋషిలాంటి వ్యక్తి యొక్క చిత్రపటము కనిపించింది. దూరం నుండి చూసినప్పుడు శంభల రాజ్యానికి రాజేమో అనుకున్నారు. కానీ ఇప్పుడు దగ్గరగా చూసేసరికి ఆ చిత్రంలో వున్న వ్యక్తి రాజులా అనిపించలేదు.
 
"ఎవరు స్వామి ఆయన?" అని తన చూపుడు వేలితో ఆ చిత్రం వైపుగా చూపిస్తూ సిద్ధపురుషుణ్ణి అడిగాడు అభిజిత్.
 
"అలా వేలితో చూపించకు, అభిజిత్. అది మంచి పధ్ధతి కాదు. చిత్రాన్నే కాదు, ఒక వ్యక్తిని అయినా సరే చూపుడువేలితో అలా చూపిస్తూ మాట్లాడటం సంస్కారం కాదు",అన్నాడా సిద్ధపురుషుడు. "ఇది మానవలోకం కాదు. శంభల నగరం. ఇచట మన ప్రతీ కదలికనీ గమనించే దేవతాగణాలుంటాయి. అందుకే ప్రత్యేకించి ఈ  విషయాన్ని చెబుతున్నాను", అన్నాడు.
 
"తెలియక అలా చేసాను స్వామి. ఆయన ఎవరో తెలుసుకుందామనే తొందరపాటులో అలా ప్రవర్తించాను. క్షమించగలరు", అని వినమ్రంగా అడిగాడు అభిజిత్.
 
"ఆయన దేవశిల్పి విశ్వకర్మ", అన్నాడు సిద్ధపురుషుడు.
 
"మనోడికి దేవశిల్పి అంటే అర్థం అయినట్టు లేదు", అని అంకితతో సంజయ్ అంటూనే అభిజిత్ తో,"అభిజిత్, దేవతలకు  ఆర్కిటెక్ట్ ఆయనే", అన్నాడు.
 
స్వామి, మనం లోపలికి వెళ్ళటానికి  ఇంకా చాలా టైం పట్టేలా ఉన్నది. అంతలోపల విశ్వకర్మ గురించి చెప్తారా?" అడిగాడు అభిజిత్.
 
"అవును స్వామి. చూస్తుంటే ఇప్పట్లో మనకు లోపలికి వెళ్లే అనుమతి దొరికేలా లేదు.
 
విశ్వకర్మ మాకు తెలియని విషయాలన్నీ చెప్పండి", అని అడిగాడు సంజయ్.
 
"ఏంటి నీకు కూడా ఆయన గురించి తెలీదా సంజయ్?" అడిగింది అంకిత.
 
"తెలీదు. నేనేం మైథాలజీ ప్రొఫెసర్ రాధాకృష్ణన్ ని కాదు కదా. సిబిఐలో వర్క్ చేసే ఆఫీసర్ ని అంతే", అన్నాడు సంజయ్.
 
"కదా. నాకూ అలాగే దేవశిల్పి అంటే ఏంటో తెలీదు. నాకంటే నీకు కాస్తెక్కువ తెలుసంతే. స్టార్టింగ్ లో నీ నాలెడ్జ్ చూసి అనవసరంగా టెన్షన్ పడిపోయా. ఇప్పుడర్థం అయిపోయింది", అన్నాడు అభిజిత్.
 
"ఏమర్థం అయింది?" అన్నాడు సంజయ్.
 
"సమర్థ రాఘవుడి లాంటి గురువు ఉంటే నీకంటే నేనే బ్రైట్ స్టూడెంట్ ని అని", కాన్ఫిడెంట్ గా కనుబొమ్మలు ఎగరేస్తూ చెప్పాడు అభిజిత్.
 
"స్పర్థయా వర్ధతే విద్యా అని మన పెద్దలెప్పుడో చెప్పారు", అంటూ నవ్వాడు ఆ సిద్ధపురుషుడు. "సరే మీరు అడిగినట్టే విశ్వకర్మ గురించి క్లుప్తముగా చెప్తాను. శ్రద్ధగా వినండి", అంటూ ఇలా చెప్పసాగాడు ఆ సిద్ధపురుషుడు.
 
"విశ్వకర్మకు మూడు రూపాలున్నాయి. వాటిల్లో మొదటిది విరాట్ స్వరూపమైన  పరమాత్మ తత్వము
. ఆ పరమాత్మ ఐన విశ్వకర్మనే ప్రవేశ ద్వారం మీదున్న చిత్రంలో మీరు చూస్తున్నారు. తన సంకల్ప బలంతో పునఃసృష్టి చేసి ఈ సమస్త జీవకోటినీ సృష్టించాడని ఋగ్వేదం చెబుతోంది. స్వయంభువుగా ఉద్భవించిన ఆయనకు ఐదు ముఖాలు, పది చేతులని వేదాలలో చెప్పబడి వున్నది.
 
విశ్వకర్మా మనుస్త్వష్టా స్థవిష్ఠ స్థవిరో ధ్రువః
అని విష్ణుసహస్రనామ స్తోత్రంలో వుంది. అంటే ఆయన పరమాత్మ స్వరూపం అన్నట్టే కదా.
 
రెండవది 
భౌవనపుత్ర విశ్వకర్మ. ఇతను భువనుడు అనే రాజర్షి యొక్క పుత్రుడు. ఒక శిరస్సు, నాలుగు హస్తములు మరియు ఏనుగును వాహనంగా కలవాడు. ఇతను వేదకాలంలోనే తన తండ్రిలా చక్రవర్తి పట్టాభిషేకం జరిపించుకున్న శిల్పర్షి, రాజర్షి. ఇతను భూమి నుండి జన్మించినటువంటి సువర్ణరత్న శిల్పి యని మహాభారతములో చెప్పబడి వుంది. సహస్ర శిల్పముల కర్త అని కూడా మహాభారతమునందు చెప్పబడి వున్నది. శ్రీమహావిష్ణువు యొక్క రూపమని విశ్వకర్మసంహితలో వున్నది.
 
మూడవదైనటువంటి రూపమే మనం ఎక్కువగా వినే 
 దేవశిల్పి విశ్వకర్మ . దేవతలకు, మానవులకు శిల్ప గురువు ఇతడే. తన తపో శక్తితో భౌవన పుత్ర విశ్వకర్మ సాక్షాత్కారం పొందటం చేత ఆయన నుండి సర్వశక్తులను పొందినవాడయ్యాడు ఈ దేవశిల్పి విశ్వకర్మ. ఒక శిరస్సు, రెండు భుజములు మరియు హంసను వాహనంగా కలవాడు.పార్వతీదేవిని పరిణయమాడిన తర్వాత శివుడు ఒక అందమైన భవనాన్ని నిర్మించమని విశ్వకర్మను అడగటంతో ఆయన   స్వర్ణలంకను సృజించాడు. తర్వాతి రోజుల్లో ఇదే రావణాసురుని దగ్గరికి చేరింది. దధీచి వెన్నెముకతో ఇంద్రునికి 
వజ్రాయుధాన్ని తయారు చేసిచ్చింది కూడా ఈ విశ్వకర్మే.
 
సత్యయుగంలో దేవతల  స్వర్గలోకమును , ద్వాపరయుగంలో 
ద్వారకా నగరాన్ని , కలియుగంలో  హస్తినాపురాన్ని , 
ఇంద్రప్రస్థాన్ని కూడా ఈ దేవశిల్పి విశ్వకర్మే సృజన చేసాడు.
శ్రీమహావిష్ణువుకు సుదర్శన చక్రాన్ని కూడా ఈయనే చేసిచ్చాడు. ఇలా ఎన్నెన్నో చేసాడు. మీరిప్పుడు చూడబోయే శంభల నగరాన్ని, శంభల రాజ్యాన్ని కూడా విశ్వకర్మ సంతానమే సృజించి ఉంటారు. అందులో ఎటువంటి సందేహము లేదు”, అని అక్కడితో ముగించాడు సిద్ధపురుషుడు.
 

[k3vv3]

ఇంతలో సూర్యోదయా సమయం కావటంతో ఆ ప్రవేశ ద్వారం తలుపులు ఒక యోజనం మేర తెరుచుకున్నాయి. ఆ తలుపుల మధ్యలో నుంచి వాళ్లకు అందమైన ఆ శంభల నగరం కనిపించింది. అనంతమైన ఆ సింహద్వారంలో ఒక యోజనం మేర తెరుచుకున్న తలుపులు కూడా కిటికీలలా అనిపించాయి. ఆ రాజప్రాకారమే అంత పెద్దగా ఉంటే ఇక శంభల నగరం ఎంత పెద్దగా ఉంటుందో ఊహించుకోవటానికి కూడా హద్దు లేకుండా పోయింది.
 
శంభల రాజ్యం నుండి వచ్చిన ఇద్దరు సైనికులు మాత్రం వాళ్ళ కళ్ళ ముందే నిలబడి ఉన్నారక్కడ.
 
"శంభల నగరాన్ని మీకు చూపించిన తరువాతే శంభల రాజ్యానికి మిమ్మల్ని తీసుకురమ్మని అనిరుద్ధుల వారి ఆజ్ఞ. శంభల నగరం మొత్తం చూడటానికి మీకొక రోజు పడుతుంది", అని చెప్పి మౌనంగా ఉండిపోయారు ఆ సైనికులు.
 
"అబ్బో....అంతా వీళ్లిష్టమేనా ఇక్కడ? మన ఒపీనియన్ కి వేల్యూ లేదన్నమాట", అన్నాడు అభిజిత్.
 
"శంభల నగరాన్ని చూస్తే జీవితాంతం మీకు అక్కడే ఉండిపోవాలనిపిస్తుంది", అంటూ చిరునవ్వు చిందిస్తూ అన్నాడా సిద్ధపురుషుడు.
 
"అయితే డెఫినిట్ గా చూడాల్సిందే” అంటూ ఎగ్జైట్ అయ్యాడు అభిజిత్.

[k3vv3]

శంభల నగరం – 2
స్వర్వాహినీ క్షేత్రం

శంభల నగరానికి నాలుగు వైపులా పర్వత శ్రేణులే ఉంటాయి. శంభలలో మొత్తం 18 ప్రాకారాలు ఉంటాయి. 9 ప్రాకారాలు శంభల నగరంలో ఉంటే మిగిలిన 9 శంభల రాజ్యంలో ఉంటాయి. శంభల నగరం, శంభల రాజ్యం వేటికవే రెండూ భిన్న లోకాలలా ఉంటాయి. శంభల నగరంలో జ్ఞానసముపార్జన, దైవసంకీర్తన, శివారాధన ప్రముఖంగా కనిపిస్తే శంభల రాజ్యంలో యుద్ధవిద్యా బోధన, నైపుణ్య పరీక్ష, ధర్మ శాస్త్రాలపై అవగాహన ప్రధానంగా ఉంటాయి.
 
శంభల నగరంలోని మొదటి ప్రాకారం ఐన  స్వర్వాహినీ క్షేత్రంలో ఉన్నారు సంజయ్, అభిజిత్, అంకితలు.
సిద్ధపురుషుడికి కూడా శంభల నగరానికి రావటం ఇదే మొట్టమొదటి సారి కావటంతో చుట్టూ ఒకసారి పరిశీలనగా చూస్తున్నాడు. సైనికులు వీరితో పాటే అక్కడున్నారు.
 
"ఈ  స్వర్వాహినీ క్షేత్రానికి ఎందరో సిద్ధులు, శంభల రాజ్యంలోని రాజులు, మంత్రులు, యోగులు వస్తూ ఉంటారు. ఇదొక నది అంటారు. శంభల చుట్టూతా ఉంటుంది. కానీ మనకు ఇదొక పుష్కరిణిలా కనిపిస్తుంది. ఈ ప్రాకారాన్ని అలా నిర్మించారు. శంభల నగరంలోకి అడుగుపెట్టేవారికి ఇది మొట్టమొదటి ప్రాకారంలా అనిపిస్తుందేమో కానీ ఇది చిట్టచివరిదైన 9వ ప్రాకారం. వికసించిన పద్మానికి ఎలా అయితే దళాలు విచ్చుకుని ఉంటాయో అలానే ఈ 9 ప్రాకారాలు శంభల నగరం మధ్యలో కేంద్రీకృతం అయ్యి ఉన్న శక్తిని ఆలంబనగా చేసుకుని చుట్టూ రక్షణ కవచాలలా వృత్తాకారంలో ఉంటాయి", అని చెప్పాడు వాళ్లలో ఒక సైనికుడు.
 
"ఈ క్షేత్రం ప్రాముఖ్యత ఏంటి?" అని అభిజిత్ అడిగాడు.
 
"వాక్కులో ఎలాంటి దోషాలు, అపశబ్దాలు లేకుండా అనవసరమైన ప్రసంగాలు చెయ్యకుండా ఉండాలంటే ఇక్కడికొచ్చి  స్వర్వాహినీ దేవిని ప్రార్థించి ఇక్కడి జలాన్ని తీర్థంగా స్వీకరిస్తే చాలునని అంటూ ఉంటారు శంభలలో", అన్నాడొక సైనికుడు.
"మానవులకు వాక్కులో దోషాలు సహజం. శంభలలో కూడా ఇలాంటివి ఉంటాయా స్వామి?" అంటూ సిద్ధపురుషుణ్ణి అడిగాడు సంజయ్.
 
"ఎంతటి వారికైనా సరే భగవంతుని గుణగణాల కీర్తన చెయ్యనిదే వాక్కులో పరిపూర్ణమైన శుద్ధి అనేది అసంభవం. అందుకే మనకు  అచ్యుతా...అనంతా...గోవిందా అని స్మరించమంటారు", అన్నాడా సిద్ధపురుషుడు.
 
స్వర్వాహినీ క్షేత్రంలోని నీటిని తీర్థంలా సేవించి అక్కడే కాసేపు ఆసీనులయి వాక్కులో పరిపూర్ణమైన శుద్ధి కొరకు ఆ స్వర్వాహినీ దేవిని ప్రార్థించారు.
"స్వామీ  కనకధారాస్తోత్రంలో
…..
స్వర్వాహినీ విమలచారు జల ప్లుతాంగీమ్
అని వస్తుంది కదా. అక్కడ ప్రస్తావించినది ఈ నది గురించేనా?" అని అడిగాడు సంజయ్.
 
“స్వర్గలోకంలో ఉన్న ఆకాశగంగ  మందాకినీ
అనే పేరుతో నదిగా ప్రవహిస్తోంది. శంభల శివుని క్షేత్రం కావటంతో ఇక్కడ అదే ఆకాశగంగ స్వర్వాహినీ 
పేరుతో ప్రవహిస్తోంది. ఆదిశంకరుని కనకధారా స్తోత్రంలో చెప్పిన స్వర్వాహినీ విమల చారు జలం ఇదే. నీ ఆలోచనలో ఉన్న లోతు నాకెంతగానో నచ్చింది. ఇలాగే ప్రతీ విషయాన్ని వివేకంతో ప్రశ్నిస్తూ తెలుసుకుంటూ ఉంటే ఏదో ఒకరోజు నీకు బ్రహ్మజ్ఞానం తప్పక లభిస్తుంది”, అంటూ ఆనందంతో సంజయ్ ని చూస్తూ చిరునవ్వు చిందించాడు సిద్ధపురుషుడు.
 
రెండవ ప్రాకారం ఐన  ధనుః ప్రాకారం వైపుగా అడుగులు వేస్తున్నారు సంజయ్, అభిజిత్, అంకితలు. సైనికులు వీళ్లకు దారి చూపిస్తూ ముందుకు వెళుతున్నారు. సిద్ధపురుషుడు సైనికులని అనుసరిస్తూ వారి వెనకే వస్తున్నాడు. సిద్ధపురుషుణ్ణి అనుసరిస్తూ మిగతా ముగ్గురూ తమ అడుగులు ముందుకేస్తున్నారు.
 
శంభల నగరంలోని ప్రతీ ప్రాకారం వెడల్పు 3 యోజనాలు. 3 యోజనాల దూరం నడిస్తే గాని మరొక ప్రాకారానికి వెళ్లలేము. ప్రతీ ప్రాకారం యొక్క చుట్టుకొలత తగ్గుతూ పోతుంది. ఆ లెక్కన చూస్తే శంభల నగరంలో వున్న 9 ప్రాకారాలలో ఈ 
స్వర్వాహినీ క్షేత్రమే అతి పెద్ద చుట్టుకొలత గల ప్రాకారం.
 
మధ్యలో కేంద్రీకృతం అయ్యి ఉన్న శక్తిపీఠం కిందుండే భూగృహములో చింతామణి అనే దేవమణి ఉంటుంది. ఆ దేవమణిని కోరుకుంటే దొరకని శక్తి లేదు. ఆ దేవమణి కాంతి ప్రసరిస్తే చాలుననుకునే రాజులు ఎందరో ఉన్నారు శంభల చరిత్రలో. ఇంతవరకూ అలాంటి అవసరం కానీ, సందర్భం కానీ ఏ  కల్కి రాజుకీ రాలేదు. అనిరుద్ధుల వారికి అలాంటి అరుదైన సువర్ణావకాశాన్ని ఇచ్చేది బహుశా ఈ ముగ్గురేనేమోనని….సంజయ్, అభిజిత్, అంకితలను చూస్తూ మనసులో అనుకుంటున్నాడు సిద్ధపురుషుడు.