Thriller ❤️ అందని జాబిలి..❤️ కోసం (రక్త కధనరంగం - 1)

[Sunnysunnysunny]

.........................అదే రోజు కొన్ని గంటల ముందు ప్రదేశం డెహ్రాడూన్.......................

 
సమయం: మధ్యాహ్నం 02:30 గంటలు (ప్రళయ వర్షం)
ప్రదేశం: సీమ నివాసం & ఆ గ్రామం (నరమేధ దృశ్యం)
 
బయట మధ్యాహ్నం 2:30 గంటల సమయమే అయినా... ఆకాశమంతా కాళరాత్రిలా నల్లటి మేఘాలు కమ్మేసి ప్రళయంలా మారింది.
 
ఊహించని రీతిలో పిడుగుల వర్షం కురుస్తోంది. ఆకాశాన్ని నిలువునా చీల్చేస్తూ ఉరుములు, భయంకరమైన పిడుగుల వెలుగులు ఆ ఊరిపైన పడుతున్నాయి.
 
అజిత్, రంగల రాక్షస మూక ఆ గ్రామంలోకి విరుచుకుపడి కంటపడిన ప్రతి ఒక్కరినీ దారుణంగా నరికి చంపేస్తోంది! ఇళ్లన్నీ తగలబడిపోతున్నాయి, రక్తం వర్షపు నీటితో కలిసి కాల్వలై పారుతోంది.
 
సీమ ఇంట్లో పరిస్థితి మరింత భయంకరంగా ఉంది. 1000 ఏనుగుల రాక్షస బలం ఉన్న అజిత్, రంగలు వినాశనం సృష్టించి అందరినీ తమ అదుపులోకి తీసుకున్నారు.
 
అన్ష్, అభిలు ఆఖరి శ్వాస వరకు పోరాడి తీవ్రంగా గాయపడి రక్తం కక్కుకుంటూ పడిపోయారు.
 
శత్రువుల గూండాలు తుపాకులు, కత్తులను సీమ, రీయా, స్నేహ, అవ్నిలతో సహా కుటుంబ సభ్యుల తలలపై పెట్టడంతో... అందరూ నిస్సహాయంగా ఏడుస్తున్నారు.
 
శత్రువులు తలుపులు బద్దలుగొడుతున్న ఆఖరి క్షణంలో... సీమ తన చిన్న పాపను రహస్య కబోర్డ్ వెనుక దాచింది. పాప చేతిలో ఒక పాత సీక్రెట్ ఫోన్ పెట్టి, ఆమె కళ్లల్లో నీళ్లతో వణుకుతున్న గొంతుతో అంది:
 
సీమ: "బుజ్జి తల్లి... భయపడకు, ఇక్కడే నిశ్శబ్దంగా దాక్కో! ఈ ఫోన్లో 'గ్రీన్ బటన్' నొక్కు. అవతలి వాళ్లు ఫోన్ ఎత్తగానే... 'నన్ను క్షమించు అక్కా... నేను బతకను' అని ఒక్క మాట మాత్రమే చెప్పు తల్లి!"
 
ఆ మాట చెప్పి, సీమ పాపను లోపల దాచి, ఆ అభాగ్య కుటుంబంతో నిలబడటానికి బయటకు వెళ్లిపోయింది.
 
ఆ పాప వణుకుతున్న చేతులతో ఆ గ్రీన్ బటన్ నొక్కింది.
 
పాప: "అమ్మమ్మ... అమ్మమ్మ! ఆ రాక్షసులు ఊరిలోని అందరినీ చంపేస్తున్నారు అమ్మమ్మ! ఇల్లంతా రక్తం చిమ్మి ఉంది...! కాపాడు అమ్మమ్మ..."
 
పూనమ్: (సింహంలా గర్జిస్తూ) "తల్లి! నేను వస్తున్నాను... సరేనా నువ్వు అక్కడే జాగ్రత్తగా ఉండు. సీమ అమ్మమ్మని , మిమ్మల్ని కాపాడటానికి నేను వస్తున్నాను!"
 
ప్రదేశం: సీమ నివాసం
సమయం : సాయంత్రం 4.15 నిమిషాలు
 
ఇంట్లో రక్తం ఓడుతున్న ఆ వాతావరణంలో...అజిత్ భయంకరమైన బలంతో విజృంభిస్తూ, అందరినీ కూలదోశాడు.
 
అతడు కత్తి పట్టుకుని మాయ, అభి, రీయా, అవ్నిల వైపు క్రూరంగా చూస్తూ వారి శక్తిని లాక్కోవడానికి సిద్ధపడ్డాడు. ఆడవాళ్లందరూ భోరున ఏడుస్తున్నారు.
 
అజిత్ పదునైన కత్తిని చేతుల్లోకి తీసుకుని, "ఈ 3 అమ్మాయిలను చంపి నేను మరింత బలవంతుడిని అవుతాను!" అని ఝుళిపించబోతుండగా...
 
చావుబతుకుల మధ్య రక్తం కక్కుకుంటూ పడి ఉన్న అన్ష్... తన నరనరాల్లోని సర్వశక్తినీ కూడగట్టుకుని తుఫానులా పైకి లేచాడు! చేతిలోని కత్తితో దారిలో ఉన్న శత్రువులను నరుకుతూ, అజిత్ వైపు రౌద్రంతో దూసుకొచ్చాడు.
 
అన్ష్: (అజిత్‌ను చూసి గర్జస్తూ) "నువ్వేమీ చేయలేవు! నువ్వేమీ చేయలేవు!"
 
అన్ష్ అరుపుకు అజిత్ ఒక్క క్షణం నిశ్చేష్టుడయ్యాడు, కానీ మరుక్షణమే నవ్వుతూ తన కత్తిని అన్ష్ వైపుకు కాకుండా... మోకాళ్లపై ఉన్న 'సీమ' గొంతు వైపు బలంగా విసిరాడు!
 
అజిత్: "ముందు మీ అమ్మ గొంతు కోస్తానురా!" ఆ కత్తి సీమ గొంతును తాకబోయే సరిగ్గా ఆ ఆఖరి మిల్లీసెకనులో...
 
"ఢాంఅఅఅఅంంమ్మ్మ్స్!!!!!!!"
 
ఆకాశంలో పిడుగు బద్దలైనంత శబ్దంతో... గది పైకప్పు నుండి సీక్రెట్ కమాండో రూపంలో పిడుగులా కిందకు దూకింది పూనమ్ దేవి!
 
అజిత్ విసిరిన ఆ కత్తికి అడ్డంగా... పూనమ్ దేవి తన నల్లటి కాంబాట్ కత్తిని మెరుపు వేగంతో అడ్డుపెట్టింది!
ఆ రెండు ఆయుధాలు ఢీకొన్న రసవత్తర క్షణంలో...
 
రెండు పర్వతాలు ఢీకొన్నట్లు విపరీతమైన నిప్పు రవ్వలు ఎగిసిపడ్డాయి! బయటి వర్షపు నీటి చినుకులు లోపల ఎగిరిన ఆ నిప్పు రవ్వలపై పడి ఆవిర్లుగా మారాయి.
 
మాస్క్ లేకుండా నిలబడి ఉన్న పూనమ్ దేవిని చూసి అక్కడున్న శత్రువులు, అన్ష్, అభి మరియు ఆ కుటుంబ సభ్యులందరూ ఒక్కసారిగా నిశ్చేష్టులై షాక్‌కు గురయ్యారు!
 
ఎందుకంటే... మోకాళ్లపై ఉన్న 'సీమ', ఆమె ఎదురుగా కత్తి పట్టుకుని దేవతలా నిలబడిన 'పూనమ్' ఇద్దరూ
అచ్చం ఒకేలా ఉన్నారు!
 
ప్రదేశం: టైటాన్స్ సమరం
 
అన్ష్: (శ్వాస తీసుకుంటూ, షాక్‌తో సీమను చూస్తూ) "అమ్మా... ఎవరు ఈమె?! అచ్చం నీలాగే ఉంది?"
 
సీమ: (కళ్లల్లోంచి ఆనంద భాష్పాలు కారుతుండగా) "మనందరినీ కాపాడటానికి వచ్చిన నా ప్రాణసమానమైన అక్క... పూనమ్ దేవి!"
 
అజిత్ కోపంతో రగిలిపోతూ పూనమ్‌పైకి దూకాడు. అక్కడ ఇద్దరు యోధుల మధ్య భయంకరమైన నరమేధ సమరం మొదలైంది!
 
అజిత్ తన కత్తిని పూనమ్ మెడను లక్ష్యంగా చేసుకుని అడ్డంగా విసిరాడు. పూనమ్ మెరుపు వేగంతో కిందకు వంగి ఆ దాడిని తప్పించుకుంటూ, తన మోచేతితో అజిత్ పొత్తికడుపులో "భచ్‌" మంటూ బలంగా పొడిచింది!
 
ఆ దెబ్బకి అజిత్ కడుపులో గాలి పోయినంత పనైంది, నోటి నుండి నురుగు వచ్చింది!
 
అజిత్ తనలో ఉన్న 1000 ఏనుగుల బలాన్ని ఉపయోగించి, తన ఎడమ పిడికిలిని నిలువుగా పూనమ్ ఛాతీకి బలంగా విసిరాడు! పూనమ్ తన రెండు చేతులను అడ్డంగా పెట్టి ఆ పిడికిలి దెబ్బను అడ్డుకుంది.
 
"థచ్‌!!" అనే భయంకరమైన శబ్దం వచ్చింది! ఆ దెబ్బలోని అపారమైన భారానికి పూనమ్ కమాండో బూట్లు నేలను చీల్చుకుంటూ... వేగంగా నాలుగు అడుగులు వెనక్కి పడిపోయాయి!
 
పూనమ్ కాళ్లల్లో వణుకు వచ్చింది. "ఒక మనిషికి ఇంత బలం ఎలా సాధ్యం?!" అని పూనమ్ ఆశ్చర్యపోయింది.
 
అజిత్ వెంటనే పూనమ్ కాలును లక్ష్యంగా చేసుకుని కత్తితో దాడి చేశాడు. పూనమ్ వెనక్కి తుళ్లుతూ తప్పించుకునే ప్రయత్నం చేసింది, కానీ అజిత్ కత్తి పూనమ్ తొడ భాగాన్ని చీల్చుకుంటూ వెళ్లింది!
 
రక్తం చిమ్మి నేలపై కురుస్తున్న వర్షపు నీటిలో కలిసింది. పూనమ్ ఆ తీవ్రమైన నొప్పిని దిగమింగుతూ... రివర్స్‌లో తన కత్తిని అజిత్ భుజంలోకి గుచ్చి లోతుగా గాయం చేసింది! అజిత్ గర్జించాడు!
 
మరోవైపు స్పృహలోకి వచ్చిన అన్ష్, అభిలు రక్తం ఓడుతున్నా సరే తమ సర్వశక్తులనూ కూడగట్టుకుని రంగపై విరుచుకుపడ్డారు! అన్ష్ గాలిలోకి లేచి రంగ ముఖంపై తన రెండు కాళ్లతో 'ఫ్లయింగ్ డ్రాప్ కిక్' కొట్టాడు!
 
రంగ వెనక్కి పడబోతుంటే... అభి వెనుక నుండి వచ్చి రంగ మోకాలి వెనుక భాగంలో బలంగా తన్ని మండే భుజాలపై నేలకేసి బాదాడు!
 
అన్ష్, అభిలు ఇద్దరూ రంగ దవడ పైన, గుండెల పైన శబ్దాలు వచ్చేలా పిడిగుద్దుల వర్షం కురిపించారు! రంగ ముఖం రక్తసిక్తమై మూలుగుతూ క్రుంగిపోయాడు!
 
కుటుంబ సభ్యుల తలలపై శత్రువుల గుండాలు పెట్టిన కత్తులను, తుపాకులను చూసి పూనమ్ కంగారుపడింది. ఆ భయం ఆమెను సరిగా పోరాడనీయడం లేదు. వెంటనే ఆమె తన సిగ్నల్ పంపింది...
 
ఈ ప్రళయ వర్షం హోరులో కూడా "డాట్... డాట్... డాట్... డాట్!" అని స్నైపర్ల శబ్దం స్పష్టంగా వినిపించింది!
కిటికీల వెనుక ఉన్న పూనమ్ స్పెషల్ స్నైపర్లు ఒక్కసారిగా విరుచుకుపడ్డారు!
 
కుటుంబం వెనుక నిలబడిన శత్రువుల తలలన్నీ 'హెడ్ షాట్స్‌' తో బద్దలై శవాలుగా నేలపై కూలిపోయారు!
 
ఇది చూసి అజిత్ తీవ్ర భయానికి గురయ్యాడు. రంగ పరిస్థితి దారుణంగా మారింది. అన్ష్, అభి, పూనమ్‌లు ముగ్గురూ కలిసి అజిత్‌ను మూడు వైపులా చుట్టుముట్టారు.
 
అన్ష్ ఒకవైపు నుండి అజిత్ వీపుపై కత్తితో నరకగా, అభి అజిత్ పొట్టలో తన్నాడు. పూనమ్ తన కత్తితో అజిత్ రొమ్ముపై లోతైన గాయం చేసింది.
 
మూడు వైపులా పడుతున్న దెబ్బలకు, పూనమ్ డిఫెన్స్‌కి అజిత్ పూర్తిగా నీరసపడిపోయాడు. అజిత్ కొట్టే ప్రతీ దెబ్బనూ పూనమ్ తన పదునైన కమాండో టెక్నిక్స్‌తో అడ్డుకుంటుంటే...
 
సమయం 5 గంటలు 

అతను ఆశ్చర్యపోతూ ఆలోచించాడు: "ఈ సమయం పోరాటానికి తగదు... తప్పుకోవడమే మేలు!"
 
వెంటనే అజిత్ తన జాకెట్‌లోని స్మోక్ గ్రెనేడ్, గ్రెనేడ్ల పిన్స్ ఊడదీసి, నేరుగా రీయా, స్నేహల వైపు విసిరాడు!
 
పూనమ్: "నోఓఓఓ!"
 
పూనమ్ ప్రాణాలకు తెగించి పరుగున వెళ్లి, రీయాను బలంగా పక్కకు నెట్టి, ఆ గ్రెనేడ్‌ను తన కాలితో దూరంగా విసిరేసింది. కానీ... అది గాల్లోనే "భూం" మంటూ పేలిపోయి, దట్టమైన పొగను విడుదల చేసింది!
 
ఆ పొగను ఆసరాగా చేసుకుని అజిత్, రంగలు అక్కడి నుండి పారిపోయారు!
 
కానీ పొగ తగ్గగానే... ఒంటిపై ఉన్న గాయాల వల్ల, రక్తస్రావం వల్ల పూనమ్ దేవి కింద పడిపోయిఉంది . కన్నీళ్లతో ఉన్న సీమ పరుగున వచ్చి పూనమ్‌ను పట్టుకుంది. పూనమ్ ఒంట్లో శ్వాస లేనట్లు ఉంది.
 
సీమ: (భోరున ఏడుస్తూ) "అక్కా... అక్కా! నువ్వు నన్ను వదిలి ఎక్కడికీ వెళ్లకు! లే అక్క .....