Thriller ❤️కన్నతల్లి కన్నీటి సాక్షిగా ❤️..రక్త కదనరంగం❤️

[Sunnysunnysunny]

బయట మెరుపు ఒక్కసారిగా హాల్‌ను వెలిగించింది. ఆ వెలుతురులో అనుష్క ముఖం ఒక సాధారణ తల్లిలా లేదు; 

ఒకప్పుడు సామ్రాజ్యాన్ని శాసించిన ‘డెత్ ఏంజెల్’ లాగా ఆమె కళ్లలో రౌద్రం, గుండెల్లో ఆర్తి స్పష్టంగా కనిపిస్తున్నాయి. సన్నీ ఆమె చేతిని గట్టిగా పట్టుకుని ఉండగా, అయేషా, మీనాక్షీ, రితిక శ్వాస ఆపి అమ్మ నోట వెంట రాబోయే ప్రతి అక్షరం కోసం ఎదురుచూస్తున్నారు.

 
అనుష్క నెమ్మదిగా కన్నీళ్లు తుడుచుకుని, శూన్యంలోకి చూస్తూ తన గతాన్ని, ఆ చివరి రోజు జరిగిన భీభత్సాన్ని చెప్పడం ప్రారంభించింది.
 
ముగ్గురు దేవతలు – 'డెత్ ఏంజెల్స్' పుట్టుక
 
అనుష్క: "సొంత కుటుంబం కంటే ఎక్కువ ప్రేమానురాగాలతో, ప్రాణానికి ప్రాణంగా కలిసి బ్రతికిన ముగ్గురం మేము... నేను, భావన, మా అందరికీ తల్లిలాంటి పూనమ్ దేవి! పూనమ్ మాకంటే కేవలం మూడేళ్లు పెద్దది. కానీ, ఆ వయసులోనే తను తన సుఖాలు, సంతోషాలు, కంటి నిండా నిద్ర... అన్నింటినీ వదిలేసుకుని మమ్మల్ని కంటికి రెప్పలా చూసుకుంది.
 
కానీ... యవ్వనం తెచ్చిన పొగరు, గర్వం నన్ను ఆ ఇద్దరి నుండి దూరం చేశాయి. బయటి ప్రపంచం ఇచ్చిన చెడు ప్రభావాలకు, మాటలకు లోనై, వాళ్లకు పూర్తిగా దూరమై ఒక ఏడాది పాటు పిచ్చిదానిలా తిరిగాను. కానీ, మేము చిన్నతనం నుండి నేర్చుకున్న నియమాన్ని నేను తప్పిన.... వాళ్ళు తప్పలేదు, వాళ్లూ వదల్లేదు.
 
మాకు 4 ఏళ్లు, పూనమ్‌కి 7 ఏళ్ల వయసు ఉన్నప్పటి నుండి ఒక నియమం నేర్పించారు. బయట ప్రపంచానికి కనిపించేది కేవలం నేను, పూనమ్ దేవి మాత్రమే. కానీ, భావన మా ఇద్దరికీ వెనుక ఉండే ఒక అదృశ్య నీడలా ఉండాలి. మేము ఎక్కడ ఉన్నా, ఏం చేస్తున్నా... భావన కన్ను ఎప్పుడూ మాపైనే ఉండేది. అందుకే, నేను ఆ ఒక్క ఏడాది దూరంగా ఉన్నా... పూనమ్ నన్ను వెతకలేదు. భావన నన్ను కనిపెట్టుకుని ఉంటుందనే నమ్మకంతో తను అలాగే ఉండిపోయింది.
 
పదేళ్లకు పైగా రక్తం చిందించి నేర్చుకున్న యుద్ధ విద్యలను ఎవరూ మర్చిపోలేరు. అలా... భావన, పూనమ్, నేను కలిసి ఈ ప్రపంచం భయపడే 'డెత్ ఏంజెల్స్' గా మారాము! లోకంలో ఉన్న అన్ని రకాల ఆయుధ విద్యలు, మార్షల్ ఆర్ట్స్ మాకు నేర్పించారు. ఇదంతా ఒక దైవ నిర్ణయం కోసమేనని నాకు, భావనకు తెలుసు. కానీ, ఆ పూర్తి నిజం కేవలం మా పూనమ్ దేవికి తప్ప ఈ ప్రపంచంలో ఎవరికీ తెలియదు! సొంత అమ్మ ఉన్నా అంత ప్రేమగా చూసుకోరేమో... అలా చూసుకునేది పూనమ్ మా ఇద్దరినీ..."
 
అనుష్క: (గుండెల్లో భారంతో, వణుకుతున్న గొంతుతో) "నేను వాళ్లను విడిచిపెట్టి వచ్చిన కొన్ని నెలలకే... అక్కడ భావనకు బలవంతంగా పెళ్లి చేసేశారు. ఇటు చూస్తే నేను గర్భవతినయ్యాను. నా సొంత రక్తమే, నా వాళ్లే నన్ను... నా కడుపులో పెరుగుతున్న బిడ్డను చంపడానికి చూస్తున్నారని తెలిసిన మరుక్షణమే అక్కడి నుండి పారిపోవాలనుకున్నాను.
 
కానీ, ఎనిమిది నిండు నెలల గర్భంతో ఉన్న నేను సరిగ్గా కదల్లేకపోయాను. శరీరం పూర్తిగా బలహీనపడిపోయింది. 'ఇక నేను బ్రతకను, నా కడుపులోని బిడ్డ ఈ లోకాన్ని చూడదు' అనిపించిన క్షణంలో...
 
నాకు ఉన్న ఒకే ఒక్క మార్గం, నా అమ్మ, నా ప్రాణం, నా సర్వస్వం అయిన పూనమ్ దేవి మాత్రమే అనిపించింది. కానీ, ఆ సమయంలో కూడా శత్రువుల కన్ను నాపైనే ఉందనే నిజం నాకు తెలియదు.
 
ఎలాగోలా ధైర్యం చేసి పూనమ్‌కి కాల్ చేశాను. ఫోన్ ఎత్తగానే నా నోట వెంట కేవలం ఒక్కటే మాట వచ్చింది... 'అక్కా...!'
 
అవతల నుండి పూనమ్ దేవి గొంతు వినబడింది... 'అనూూూ... ఎందుకు అమ్మ అంత కంగారు పడుతున్నావు? నీ అమ్మ పూనమ్ ఇంకా బ్రతికే ఉంది, ఏడవకు. నీకేం కావాలి చెప్పు?' అంది.
నేను ఏడుస్తూ... 'నా కడుపులో ఉన్న నా బిడ్డను కాపాడు అమ్మ...' అని చెప్పాను. మరుక్షణమే ఫోన్ కట్ అయిపోయింది."
 
రక్తపాతం – భద్రకాళి పునరాగమనం
 
అనుష్క: "నాకు ఏం జరుగుతుందో అర్థమయ్యేలోపే... మేమున్న ప్యాలెస్ బయట భూమి బద్దలయ్యేలా వరుస పేలుళ్ల శబ్దాలు వినిపించాయి! నేను విడిచిపెట్టి వచ్చేసినా... నా కోసమే, నేను ఎప్పుడు పిలుస్తానా అని నా అమ్మ పూనమ్ ఆ ఇంటి బయటే కాపలా కాస్తూ కూర్చుందని నాకు అప్పటివరకు తెలియదు!
 
నేను ఆల్రెడీ ట్రైన్డ్ ఫైటర్‌ని అని తెలిసి, నేను పారిపోకుండా ఉండటం కోసం సురేష్ చోప్రా నా చుట్టూ వందల మంది కిల్లర్స్‌ను కాపలా పెట్టాడు. ఆ రోజు ఆ కోటలోకి దూసుకొచ్చిన పూనమ్ దేవిని చూస్తే... సాక్షాత్తూ ఆ భద్రకాళే దిగివచ్చి శత్రువుల గుండెలు చీల్చి చెండాడినట్టు అనిపించింది!
 
ఆమె రెండు చేతుల్లో కత్తులు తిరుగుతుంటే... నా చుట్టూ ఉన్న 200 మందికి పైగా ప్రొఫెషనల్ కిల్లర్స్ తలలు గాల్లో తెగిపడ్డాయి! శత్రువుల రక్తంతో పూర్తిగా తడిసిపోయి, ఎర్రటి దేవిలా నా గదిలోకి దూసుకొచ్చింది పూనమ్. నన్ను చూడగానే ఆ ఉగ్రరూపం మాయమైంది. ఎంతో ప్రేమతో నన్ను తన ఒడిలోకి తీసుకుంది. అదే సమయంలో, ఆ ప్యాలెస్‌లోనే దాక్కున్న సురేష్ చోప్రా ఫ్యామిలీకి చెందిన అన్నల తలలను నరికి నా కళ్ల ముందే పడేసింది!
 
అంతటి భయానక రక్తం పారుతున్న సమయంలో కూడా... తను వంటగదిలోకి వెళ్లి, నా కోసం వేడి ఆహారం తెచ్చి, ఎంతో లాలనగా తన చేతులతో నాకు తినిపించింది. తినిపిస్తూ, గది మూలలో ఉన్న సీసీ కెమెరా వైపు చూపించింది..."
 
అనుష్క: అప్పుడు "పూనమ్ అమ్మ నాతో అంది... 'అనూ, నువ్వు ఎప్పటికైనా ఒక్క సిగ్నల్ ఇస్తావేమోనని నీ కోసం చూస్తున్నాం అమ్మ...' అని. అప్పుడు నాకు గుర్తొచ్చింది... భావన నన్ను నిరంతరం చూస్తూనే ఉందని!
 
నేను ఆరాటంగా... 'అక్కా, మరి భావన ఎక్కడ?' అని అడిగాను. పూనమ్ కళ్లల్లో నీళ్లు తిరిగాయి... 'భావనకు పెళ్లయింది అనూ... మరికొద్ది రోజుల్లో తను కూడా ఒక బిడ్డకు జన్మనివ్వబోతోంది. తొమ్మిదో నెల నడుస్తోంది. కానీ, ఈ స్థితిలోనూ తను నిన్ను చూస్తూనే ఉంది...' అని ఏడుస్తూ చెప్పింది.
 
తర్వాత పూనమ్ నా కళ్లల్లోకి చూస్తూ తీవ్రంగా అంది... 'అనూ, మనం ఇక్కడి నుండి బయటపడ్డాక నా కోసం ఎదురుచూడకు. ఏం జరిగినా వెనక్కి తిరిగి చూడకుండా ముందుకు వెళ్తూనే ఉండు.
 
ఎందుకంటే... మొత్తం ముంబై నగరం ఇప్పుడు మన చావు కోసం వేటాడటానికి సిద్ధంగా ఉంది. కానీ, ఈ ముంబై  ఏ కాదు ప్రపంచం అంతా ఎదురు నిలిచిన , మీ ఇద్దరి కంటే నాకు ఏది ఎక్కువ కాదు. ఈ అమ్మ కోసం నేను చెప్పింది చేస్తానని నాకు మాట ఇవ్వు. ఇక్కడి నుండి నీ బిడ్డతో చాలా దూరంగా వెళ్లిపో, కొత్త జీవితాన్ని ప్రారంభించు. నేను, భావన నీ కోసం మళ్లీ వస్తాం... సరేనా?' అని అంది.
 
ఆ సమయంలోనే... పూనమ్ చేతిలో ఉన్న ఫోన్ స్పీకర్‌లో భావన ఇదంతా వింటూ ఏడుస్తోంది. అంతలోనే... అవతల నుండి భావన గొంతు భయంతో వణికిపోతూ వినబడింది... 'అక్కా... ఎవరో వచ్చారు! ఎవరో లోపలికి వచ్చారు... హా...!'
 
ఆ వెంటనే... గుండెలు పగిలేలా ఒక భయంకరమైన తుపాకీ శబ్దం (Gunshot) వినబడింది! ఫోన్ కట్ అయిపోయింది... నిశ్శబ్దం ఆవరించింది. భావన కథ ముగిసిపోయింది..."
 
(హాల్లో ఉన్న అయేషా, మీనాక్షీ నోళ్లు నొక్కుకుని ఏడవడం మొదలుపెట్టారు. సన్నీ కళ్లు కోపంతో, రౌద్రంతో ఎర్రగా మారాయి.)
 
అనుష్క: "పూనమ్ నా వైపు చూస్తూ ఏడుస్తూ గట్టిగా నా చేతులు పట్టుకుంది... 'అనూ... వీటన్నింటికీ నువ్వు దూరంగా ఉండాలి. మాకు ఏం జరిగినా సరే, నువ్వు మళ్లీ పగ, ప్రతీకారం అంటూ ఇటువైపు రాకూడదు. నా మీద ఒట్టు అనూ...!' అని నా చేత ప్రమాణం చేయించుకుంది.
 
ఆమె ఒక చేతిలో గన్, వెనుక రెండు కత్తులు తగిలించుకుని నన్ను ఎత్తుకుని బయటకు వచ్చింది. నన్ను ప్రాణాలతో కాపాడి ట్రైన్ ఎక్కించడానికి ఆ రోజు పూనమ్ దేవి చేసిన వినాశనం, ఆ విద్వంసం... ఇప్పటికీ నా కళ్ల ముందే కదలాడుతోంది!"
 
చివరి పోరాటం – సన్నీ చేతిలో అమ్మ శపథం
 
అనుష్క: "ఆ పోరాటంలో పూనమ్‌కి అప్పటికే రెండు బుల్లెట్ గాయాలు అయ్యాయి, ఒంటి నిండా కత్తిపోట్లు ఉన్నాయి. అయినా ఆమె ఆగలేదు. సింహంలా పోరాడి నన్ను ట్రైన్ ఎక్కించింది. నేను ట్రైన్ ఎక్కి సీట్లో కూర్చోగానే... అబ్బా, నా బిడ్డ బ్రతికింది అని తను కొంచెం ఊరటగా ఊపిరి పీల్చుకుంది.
 
కానీ... కరెక్ట్‌గా అదే సమయంలో, ఒక కిల్లర్ వెనుక నుండి దూసుకొచ్చి... తన కుడివైపు పొట్టలో కత్తిని దారుణంగా దూర్చాడు! ఆ రక్తం చిమ్మింది... అయినా ఆ నొప్పితోనే నన్ను వెతుక్కుంటూ ట్రైన్ ఎక్కుతున్న మరికొంతమంది రౌడీలను తను అడ్డుకుంది. ఆ రౌడీల నరకడం నుండి నేను తప్పించుకుని పారిపోయాను. అలా ప్రాణాల కోసం పరుగెడుతున్న నన్ను... మీ నాన్న ప్రసాద్ కాపాడారు.
 
కానీ... నన్ను కాపాడటం కోసం, నా కడుపులోని బిడ్డను బ్రతికించడం కోసం... నా అమ్మ పూనమ్ దేవి, నా ప్రాణ స్నేహితురాలు భావన ఇద్దరూ దారుణంగా బలైపోయారు! కేవలం ఆ ఒక్క సురేష్ చోప్రా మాత్రమే కాదు... ఇంకా పేరు తెలియని ఎంతో మంది పెద్ద తలకాయలు మా చావు కోసం ఆ రోజు ఎదురుచూశాయి. వాళ్లందరికీ అడ్డుగా నా పూనమ్ దేవి కొండలా నిలబడి నన్ను బ్రతికించింది... కానీ తను మాత్రం రక్తం మడుగులో కలిసిపోయింది..."
 
(అనుష్క ఏడుస్తూ, వణుకుతున్న చేతులతో సన్నీ చేతిని గట్టిగా పట్టుకుంది. ఆమె కళ్లల్లో నుండి కన్నీళ్లు సన్నీ చేతిపై పడ్డాయి.)
 
అనుష్క: "సన్నీ... ఆ చివరి క్షణంలో, ఆ రక్తం మడుగులో పూనమ్ దేవి చెయ్యి నా కడుపుపై ఉన్న నిన్ను మాత్రమే తాకిందిరా! తాకుతూ తను చెప్పిన చివరి మాట... 'బిడ్డ జాగ్రత్త అనూ...' అని! నీ ప్రాణం... ఆ పూనమ్ దేవి అమ్మ పెట్టిన భిక్ష సన్నీ!"

అనుష్క తన కథను ముగించి, సన్నీ గుండెలపై వాలిపోయి వెక్కి వెక్కి ఏడవడం మొదలుపెట్టింది. హాల్లో ఉన్న ప్రతి ఒక్కరి కళ్లల్లో కన్నీళ్లు ఆపడం ఎవరి వల్లా కాలేదు.

సన్నీ కళ్లు కాలసర్పంలా మారాయి. వాడి నరాలు ఉబ్బిపోయాయి. అమ్మను కాపాడటానికి చనిపోయిన ఆ ఇద్దరు దేవతల త్యాగం, తన ఒంట్లో ప్రవహిస్తున్న రక్తం ఆ పూనమ్ దేవి పెట్టిన భిక్ష అనే నిజం వాడి గుండెల్ని రగిల్చేసింది. ఆ హాల్‌లోని వాతావరణం ఒక్కసారిగా నిశ్శబ్దంగా, భయానకంగా మారిపోయింది.

సన్నీ నెమ్మదిగా అమ్మను తన గుండెలకు హత్తుకుని, తల నిమురుతూ లేచి నిలబడ్డాడు. వాడి చూపుల్లో ఇన్నాళ్లూ ఉన్న ఒక సాధారణ కొడుకు లేడు; ముగ్గురు 'డెత్ ఏంజెల్స్' వారసత్వాన్ని, ఆ శౌర్యాన్ని పుణికిపుచ్చుకున్న ఒక కాలయముడు కనిపిస్తున్నాడు.
ఆకాశంలో మరోసారి పెద్ద మెరుపు మెరిసింది. ఆ వెలుతురులో సన్నీ ముఖం ప్రతీకార జ్వాలలా ప్రకాశించింది.