[SivaSai]

Part - 57

రుద్ర గారు చేసుకుంటున్న అమ్మాయిని అనా నామీద మీరు ఇంత ప్రేమను చూపిస్తున్నారు అని అడుగుతుంది.
 
ఆ మాటకి ఏం చెప్పాలో తెలియక కౌసల్య మౌనంగా ఉంటే.. మాట్లాడరేమిటి అని చేయ పట్టుకుని కదుపుతుంది.

కౌసల్య తేరుకొని పక్కన కూర్చుని.. శాంభవి చేతిని తన చేతిలోకి తీసుకుని... ఆ చేతి మీద చిన్నగా తడుతూ.. అలాగే ఏమీ లేదు.

నిన్ను చూడగానే మా అన్న ఫీలింగ్ వచ్చింది. రుద్రతో పెళ్లి ఈ మధ్యన అనుకున్నాము కానీ.. ముందు నుంచి నీతో మేము అలాగే ఉన్నాము కదా.

నిన్ను చూస్తూ ఉంటే దూరమైన మా ఇంటి అమ్మాయి మళ్లీ మా దగ్గరికి వచ్చింది అనిపిస్తుంది అని చెబుతారు. అంటీ మీకు ఒక విషయం తెలుసా అని అడుగుతుంది.

ఏమిటమ్మా అంటే.. పొద్దుట దేవేంద్ర సార్ తో కలిసి గుడికి వెళ్ళాము కదా.. అక్కడ పెద్దవాళ్లు ఇద్దరూ
కలిశారు.

నిత్యం అమ్మవారి కి పూజ చేస్తూ ఉంటారంట. ఆ అమ్మమ్మగారు ఐతే నన్ను చూసి చాలా ఎమోషనల్ అయ్యారు తెలుసా అని చెబుతుంది.

ఆ మాటలు వినగానే కౌశల్యకి అర్థం అవుతుంది వాళ్ళ ఎవరో. వాళ్లు చాలా మంచి వాళ్ళు. చీమకు కూడా హాని తల పెట్టని గొప్ప వాళ్ళు అని ఆ రోజులు తలుచుకుని కంటతడి పెడతారు.


అయ్యో ఆంటీ మీరు ఎందుకు బాధ పడుతున్నారని కళ్ళు తుడుస్తోంది. సరే.. సరే.. మనం ఇలా మాట్లాడుకుంటూ ఉంటే ఎంతసేపన్న టైం సరిపోదు.

పడుకో. పొద్దున్నే లెగాలి కదా అని చెప్పి శాంభవిని పడుకోబెట్టి దుప్పటి కప్పి ఎ. సి. అడ్జస్ట్ చేసి తలుపు దగ్గరికి వేసి వచ్చేస్తారు.

గదిలోకి వచ్చిన కౌసల్య ముభావంగానే ఉంటుంది. అది చూసి జితేంద్ర ఏమైంది.. ఎలా ఉన్నావు. శాంభవితో జరిగిందంతా చెబుతుంది.

ఎందుకండి వాళ్ళకి ఇంత బాధ. సొంత మనవరాలని దగ్గరికి తీసుకోలేకపోతున్నారు. మన కుటుంబానికి ఇంకా ఎన్ని రోజులండి ఈ పరీక్ష అంటే అన్ని సద్దుమణుగుతాయి. నువ్వు ఎక్కువ ఆలోచించకు. పడుకో అని లైట్ ఆపేస్తారు.

ఉదయం అందరికన్నా ముందే లేచి శాంభవి గబగబా రెడీ అయిపోతుంది. హాల్ లోకి వచ్చి రుద్రా కోసం ఎదురు చూస్తూ ఉంటుంది.

అప్పుడే లేచి బయటికి వచ్చిన కౌసల్య, చారు శాంభవిని చూసి ఏంటి అప్పుడే రెడీ అయిపోయావా.. ఎప్పుడో ఆంటీ. రుద్ర సార్ వస్తే బయలుదేరడమే.

రుద్ర అప్పుడే లేచి బయటకు వచ్చి గుడ్ మార్నింగ్ అమ్మ అని చెబుతాడు. రుద్రాన్ని అలా చూడగానే శాంభవికోపం పిక్స్ లోకి వెళ్ళిపోతుంది.


ఏంటి సార్ మీరు ఇంకా రెడీ అవ్వలేదు అంటే... అప్పుడు శాంభవిని చూసి ఏంటి ఎప్పుడు రెడీ అయ్యావు
అని అడుగుతాడు.

మీకు నిన్ననే చెప్పాను కదా ఎర్లీ మార్నింగ్ బయలుదేరాదామని . అవును ఇంకా తెల్లారలేదు కదా.. బయట చూడు సన్ ఇంక రాలేదు.

మనం ఇప్పుడు బయలుదేరితే ట్రాఫిక్ లో ఇరుక్కోకుండా ముందుకు వెళ్ళిపోవచ్చు. మీరు ఇప్పుడు వెళ్లి ఎప్పుడు ఫ్రెష్ అవుతారు. ఎప్పుడు రెడీ అయ్యి వస్తారు అని కంగారు పడుతూ ఉంటుంది.

కూల్... కూల్... శాంభవి నిన్ను జాగ్రత్తగా సాయంత్రం లోపు మా అత్తారింటి దగ్గర దింపే బాధ్యత నాది. సరేనా అని చెప్పి వాళ్ళ అమ్మకి ఒక కిస్ ఇచ్చి రూమ్ లోకి వెళ్ళిపోతాడు.

రుద్ర తో పాటు విహాన్, అద్వైత్ కూడా రెడీ అయ్యి వస్తారు. ధీరజ్ కూడా రెడీ అయ్యి వచ్చేస్తాడు. కారు మొత్తం రకరకాల స్వీట్స్ తో నింపేస్తారు.

ఆంటీ ఏంటి ఇవన్నీ... ఇక్కడి నుండి మొదటిసారి ఇంటికి వెళుతున్నావు కదా.. ఉత్తి చేతులతో ఎలా పంపిస్తాము. అందుకే ఏవో కొన్ని చేసి పెట్టాను అంతే అంటారు.

ఇవి కొన్నినా ఆంటీ. కారు మొత్తం స్వీట్స్ స్మెల్ వచ్చేస్తుంది. దేవేంద్ర గారి రుద్ర దగ్గరికి వచ్చి నా కూతురు జాగ్రత్త.


ఎక్కువ ఏడిపించకు అని చెప్తే.. మామ అని గారాలు పోతాడు. చేసిన ఓవరాక్షన్ చాలు. ఎక్కువ ఏడిపించకు రా..
అమ్మాయికి ఇప్పుడు దాకా ఇలాంటివి తెలియదు కదా.. చిన్నబుచ్చుకుంటుంది. అంత లేదు ఎంజాయ్ చేస్తుంది. పైకి అలా బిల్డప్ ఇస్తుంది.

నేను చూసుకుంటాను కదా.. టెన్షన్ పడకండి అని హగ్ చేసుకుంటాడు. రాఘవేంద్ర గారు కూడా మనవరాలు దగ్గరికి వచ్చి చాలా జాగ్రత్తలు చెబుతూ ఉంటారు.

వెనుక సీట్లో పడుకుని దుప్పటి కప్పుకో. కూలింగ్ ఎక్కువైతే తగ్గించమను. నీకు ఏదైనా అవసరం అయితే రుద్రాకి చెప్పు గాని కారు దిగకు అమ్మా ఎండ పెరిగిపోతుంది.

కోడల్ని చూస్తూ టిఫిను, లంచ్ అన్ని ప్యాక్ చేసావా అమ్మ అని అడుగుతారు. అన్ని పెట్టేసాను మావయ్య గారు. జ్యూసెస్ కూడా కారులో పెట్టాను అని చెబుతుంది.

ఆ మాటలకు రుద్రా నోరు వదిలేసి... అదేమైనా నాలుగైదు రోజులు ట్రిప్ వెళుతుందా ఏంటి. గట్టిగా ఇక్కడ కారు తొక్కితే 6:00 గంటల్లో అక్కడికి చేరుకుంటాము.

దానికి ఇన్ని ప్రిపరేషన్స్ అవసరమా అని అడుగుతాడు. నీకు ఏమి తెలీదు. నువ్వు కామ్ గా ఉండు అసలే శాంభవి చిన్న పిల్ల.నిన్ను అడగడానికి మొహమాట పడవచ్చు. అందుకే అన్ని సర్దాము అని చారులత గారు కూడా వెనకేసుకొస్తారు.


సరిపోయింది ఇలాగైతే మా జర్నీ సాగినట్టే అని వెళదామా అని అడుగుతాడు. సరే అని కార్ ఎక్కి అందరికీ బాయ్ చెబుతుంది.

జాగ్రత్త తల్లి. జాగ్రత్త రుద్ర.. స్పీడ్ గా వెళ్లకు. మళ్ళీ అమ్మాయికి కళ్ళు తిరుగుతాయి అని 100 జాగ్రత్తలు చెప్పి పంపిస్తారు.

అన్నగార్లు ముగ్గురు కూడా కంగారుగా వచ్చి శాంభవి చేతికి చాక్లెట్స్ ఇస్తారు. మధ్యలో ఏమైనా తినాలి అనిపిస్తే ఉంటాయి ఉంచుకో తల్లి.

రుద్ర కోపంగా వాళ్ళని చూస్తూ ఇంకా ఏమైనా ఉంటే ఒక ట్రక్కులో నింపి కార్ కి కట్టండి రా అని అరుస్తాడు. ఎందుకు బావ అంత కోపం.

దారి మధ్యలో శాంభవి ఇబ్బంది పడకూడదు అనే మా తాపత్రయం అంతా అని చెబుతారు. నేను ఉన్నది ఎందుకు..

మా ఏదైనా అవసరం అయితే నేను చూసుకోనా... నాకు ఇంకా ఛాన్స్ ఇవ్వరా మీరు అని అడిగితే.. నువ్వు డ్రైవింగ్ చేస్తావు కదా బావ.డిస్టర్బ్ అవ్వడం ఎందుకు అని మేము అన్ని సర్దాము అని వచ్చె నవ్వును ఆపుకుంటూ చెబుతారు.

చేసిన ఓవర్ యాక్షన్ చాలు కానీ మూసుకుని దొబ్బేయండి అని చెప్పి కార్ ని ముందుకు పోనిస్తాడు.

వెళుతున్న రుద్ర కొంచెం సీరియస్ గానే ఉంటాడు. ఎందుకు సార్ మీరు అంత కోపం. ఆ సార్ వాళ్ళు ఏం చేశారు అని అడుగుతుంది.

నా కోపం వాళ్ల మీద కాదు నీ మీద అంటాడు. మధ్యలో నేనేం చేశాను. వాళ్ళు అన్ని చాక్లెట్స్ ఇస్తుంటే.. అయ్యో అన్నయ్యలు వద్దు.

మా వారు ఉన్నారు కదా.. ఆయన నాకేం కావాలన్నా చూసుకుంటారు అని చెప్పడం మానేసి... థాంక్యూ.. థాంక్యూ అనుకుంటు అవన్నీ పుచ్చుకుంటావా అని వెటకారంగా అంటాడు.

ఇది మరీ బాగుంది ప్రేమతో ఇస్తే వద్దు అనాలా అంటే.. మరి నా ప్రేమను అంత ఎప్పుడు చూపించాలి. పోనీ ఒక పని చేయనా అంటాడు.

ఏంటి అని అడిగితే వాళ్లందరూ నీకే ఇబ్బంది లేకుండా ఉండాలని ఈ విధంగా ప్రేమను చూపించారు కదా.. నేను ఇంకొక విధంగా చూపించనా అని అడుగుతాడు.

ఎలా చూపిస్తారు అని క్యూరియాసిటీతో అడుగుతుంది. చాలా ఆత్రంగా ఉన్నట్టుంది పాపకి అంటే.. ఇదిగో మళ్లీ పాప అంటున్నారు.

నేనొక్కడినేమీ అనడం లేదు. ఇంటి దగ్గర కూడా అందరూ ఏమన్నారో ఒకసారి గుర్తు చేసుకో అని అంటాడు. ఏమన్నారబ్బా అని బుగ్గ మీద వేలు పెట్టుకుని ఆలోచించి చిన్నపిల్ల అన్నారు.


అంటే మీ అందరి దృష్టిలో నేను అంత చిన్న పిల్లనా అని అడుగుతుంది. చెప్పాను కదా మనకి పిల్లలు పుట్టిన... ఆ పిల్లలకు మళ్ళీ పిల్లలు పుట్టిన నువ్వు ఎప్పటికీ అందరూ దృష్టిలో పాపవే అని నవ్వుతాడు.

రుద్ర నవ్వుని చూసి ఉడుక్కుంటూ ఉంటుంది. ఇంతకీ నా ప్రేమని ఎలా చూపిస్తానో నువ్వు తెలుసుకోలేదు అని టాపిక్ మళ్ళీ మార్చుతాడు.

చెప్పు... చెప్పు.. అని రుద్ర వైపుకి తిరుగుతుంది. నిన్ను ఈజీగా డైవర్ట్ చేసేయొచ్చు పాప అని మనసులో
అనుకొని...

చెప్పనా అని శాంభవి ముందుకి వంగుతాడు. మీరు సరిగ్గా డ్రైవింగ్ చేస్తూ కూడా చెప్పవచ్చు. ఇలా మరి
నా మీదకు వచ్చి చెప్పక్కర్లేదు అని వెనక్కి బెండ్ అవుతుంది.

అయ్యో నీకు అర్థం కావడం లేదు పాప. ఇంత దగ్గరికి వస్తేనే చెప్పడం కుదురుతుంది అని అంటాడు. అలాగైతే ఏమీ అవసరం లేదు. నాకు మీరు ఏమి చెప్పక్కర్లేదు డ్రైవింగ్ చేయండి అని మూతితిప్పుతుంది.

అయితే అవసరం లేదు అంటావు అంటాడు. అవును అవసరం లేదు. సరే అయితే తర్వాత నువ్వు బ్రతిమాలిన నేను చెప్పను అంటాడు.ఏమి చెప్పనవసరం లేదు. మీరేం చెబుతారో నాకు తెలుసు అంటుంది. ఓ అవునా ఏం చెబుతాను. కొంచెం చెప్పవా..


నేను చెప్పను అంటుంది. ఒక బెట్టు వేసుకుందామా.. ఏమిటి అంటే... నేను అనుకున్నది నువ్వు అనుకున్నది ఒకటే అయితే నువ్వు విన్ అయినట్టు.

కాకపోతే అని ఉత్సాహంగా అడుగుతుంది. నేను విన్ అయినట్టు అంటాడు. నాకు తెలుసు... నేనే విన్ అవుతాను అంటుంది.

అయితే ఏమనుకున్నానో చెప్పు అంటాడు. అమ్మ అలా ఎలా చెబుతాను. నేనేమనుకున్నానో చెప్పించేద్దామనే. అంత సీన్ లేదు.

అప్పుడు నేను విన్ అయినట్టు. నేను విన్ అయితే నేను చెప్పింది నువ్వు చేయాలి అంటాడు. లేదు లేదు అని దెబ్బలాటకి దిగుతుంది.

అడ్డంగ ఇల దెబ్బలాడకూడదు. ఏదైనా స్ట్రెట్ గా ఉండాలి అంటాడు. నేనేమి దెబ్బలాడడం లేదు. మీరు అనుకున్నది చెబితే నీ మనసులో ఇది ఉందా అని మొదలు పెడతారు.

నాకు తెలుసు అంటుంది.

శాంభవి మనసులో ఏముందో చెబుతుందా...

కథ కొనసాగుతుంది...

[SivaSai]

No update today Sivagaru?
Weekend party aa?

Regular ga updates peduthu.. alavatu aipoyindi

Laptop Problem Undi So Update Late Avthundi...

రేపటి నుంచి ఎర్లీ మార్నింగ్ ఏ వస్తాయి......

[SivaSai]

Part - 58

నువ్వు ఓడిపోయినట్టు కాదా అని అడుగుతాడు. కాదు కాదు నేనే విన్ అయాను.  అదే చెప్పు ఎలా విన్ అయ్యావు అంటే...

మీరు అనుకునేది ఏంటో నాకు తెలుసు అంటున్నాను కదా ఇంక అంతే ఇంక అడగద్దు అని మూతి బిగించేస్తుంది.
చిన్నపిల్లల ప్రవర్తిస్తున్న శాంభవిని చూస్తూ  కారు ముందుకు దూకిస్తాడు.

కొంచెం దూరం వెళ్ళేటప్పటికి శాంభవి ఫేస్ లో కనపడుతున్న ఎక్స్ప్రెషన్స్ అర్థమయ్యి దగ్గర్లో ఉన్న రెస్టారెంట్ దగ్గర ఆపి వెళ్లి ఫ్రెష్ అయ్యి రా అని పంపిస్తాడు.

చెప్పకుండానే తన ఫీలింగ్స్ బట్టి అర్థం చేసుకున్న రుద్రని చూస్తూ  ఫ్రెష్ అయ్యి వస్తుంది. శాంభవి కారు ఎక్కిన తర్వాత కొంచెం ముందుకు వెళ్ళి ఖాళీ ప్లేస్ దగ్గర కార్ ఆపి బ్రేక్ ఫాస్ట్ ఓపెన్ చేస్తాడు.

రుద్ర తినిపిస్తుంటే నేను తింటాను కదా అంటే పరవాలేదు తిను అని చెప్పి తినిపిస్తూ ఉంటాడు. మీకు లేట్ అవుతుంది కదా...

మీరు తినండి.  నేను తింటాను అని ఇబ్బందిగా చెబుతుంది. ఇప్పుడు నేను తినడం లేదు అని నువ్వు బెంగ పెట్టుకున్నావా...

సరే అయితే ఉండు అని శాంభవికి తినిపిస్తూనే రుద్ర కూడా తింటూ ఉంటాడు. అయ్యో నా ఎంగిలి అని కంగారుపడుతుంది.

అయితే ఏమైంది తినిపించేది నా చేతి వేళ్ళే కదా పరవాలేదు.. మీరు అలా నా ఎంగిలి తినకూడదు అని చెబుతుంది. అని ఎవరు చెప్పారు నీకు.

ఇది కూడా తెలియదా.. పెళ్లి అవ్వకుండా  ఒకరిఎంగిలి ఒకళ్ళు తినకూడదు. పెళ్లి అయిన తర్వాత ఇద్దరికీ కలిపి ఒకే ఆకులో వడ్డిస్తారు. అప్పుడు తినాలి అని చెబుతోంది.

అబ్బో మా పాపకి చాలా విషయాలు తెలుసే.. మరి శాంభవి అంటే ఏమనుకుంటున్నారు.. నేనేమనుకుంటాను ఒక చిన్న పాపా అనుకుంటాను అంతే అని టీస్ చేస్తూ మాటల్లో పెట్టి ఎప్పుడు తినేదాన్ని కన్న ఎక్కువ తినిపించేస్తాడు.

అమ్మో మీరు చాలా ఎక్కువ తినిపించేశారు. ఇలా తింటే నా పని అంతే.  ఏమవుతుంది అంటాడు.  చాలా లావు అయిపోతాను తెలుసా అంటుంది.

ఎంత లావైనా భరించేది నేనే కదా...  నాకు లేని ఇబ్బంది నీకు ఎందుకు పాప నువ్వు ఫుల్లుగా తిను అని ఇంకా కుక్కుతాడు.

తినిపించి మూతి కూడా కడిగి నీట్ గా నాప్కిన్ తో తుడిచి కాసేపు రెస్ట్ తీసుకుంటావా అంటాడు.  మీరు పెట్టిన ఫుడ్ కి కళ్ళు మూతలు పడిపోతున్నాయి.

ఒక్క నిమిషం అని సీట్  అడ్జస్ట్ చేసి పడుకో అని చెప్పి కార్ స్టార్ట్ చేస్తాడు . పడుకుంటూ రుద్రనే చూస్తూ ఉంటుంది.

ఏంటి పాప.. మరీ ఓపెన్  సైట్ కొడుతున్నావు. వెంటనే చూపు తిప్పి..  ఎందుకు నా మీద మీరు ఇంత కేర్ చూపిస్తున్నారు అని అడుగుతుంది.

అదేం ప్రశ్న తింగరి.  నువ్వు నాకు కాబోయే భార్యవి.  పైగా నా మనసు దోచిన చిన్నదానివి అంటే.. అబ్బ మీ కవిత్వం ఆపి నిజం చెప్పండి.

మీ ఇంట్లో కూడా అందరూ నన్ను చాలా అపురూపంగా చూస్తున్నారు.  నేను ఏదంటే అదే కరెక్ట్ అంటున్నారు. మా ఇంట్లో అంటే ఒక అర్థం ఉంది. కానీ ఇక్కడ కూడా ఎందుకలా ఉంటున్నారు.  నాకు నిజం మాత్రమే చెప్పండి ప్లీజ్ అని అడుగుతుంది.

రుద్రా శాంభవి వైపు చూస్తూ ఫస్ట్ అఫ్ ఆల్ మీ, మా.. కాదు. అది మన ఇల్లు అర్థమైందా అంటాడు. ఇంకొక ముఖ్యమైన విషయం నీకు అన్నయ్యలు లలిత్,  చరణ్, స్వరూప్ తో పాటు విహాన్,  అద్వైత్ ధీరజ్ కూడ.

వాళ్లందరూ ఎప్పుడు నువ్వు అన్నయ్య అని పిలుస్తావా అని ఎదురుచూస్తున్నారు. అదే ఎందుకు అని అడుగుతున్నాను.

ఏదేదో చెబుతున్నారు కానీ నేను అడిగిన దానికి మాత్రం సరైన సమాధానం చెప్పడం లేదు. చెప్పాము కదా మా చిన్న మామ కూతురు అచ్చు నీలాగానే ఉంటుంది.

దూరమై చాలా సంవత్సరాలు అయింది.  నిన్ను చూస్తుంటే తనే మాకు అందరికీ కనిపిస్తుంది.  అందుకే నువ్వంటే మా అందరికీ అపురూపం అంటాడు.

అంటే మీ చిన్న మామ కూతురు నా వయసు ఉంటుంది కాబట్టి మీరు నన్ను ఇష్టపడ్డారా అని అడుగుతుంది. ఆ మాటకి రుద్ర వస్తున్న నవ్వుని ఆపుకుంటూ అలాగే అనుకో అంటాడు.

అంటే నాలో మీ చిన్న మామ కూతురిని చూసుకుని తినిపించారా అని కొంచెం కోపంగానే అడుగుతుంది . శాంభవి కోపాన్ని పట్టించుకోకుండా ఒకసారి బావ అని పిలవవా అని అడుగుతాడు.

శాంభవి కి వస్తున్న నిద్ర మొత్తం ఎగిరిపోయి.. ఇప్పుడు మిమ్మల్ని నేను బావ అని పిలవాలా... పిలిస్తే నాలో పూర్తిగా మీ మరదల్ని చూసుకుంటారా...

  అంతేగా... అంతేగా... అంటాడు. అలా ఎలా కుదురుతుంది. నాకు నచ్చదు.   నేను...  నేనే.  తను...  తనే అంటుంది.

నేను చెప్పేది అదే కదా అంటాడు.  కాదు మీరు నాలో తనని చూసుకుని  ఇష్టపడ్డారు  అలాంటి ప్రేమ నాకు వద్దు. నన్ను నన్నుగా చూసి ఇష్టపడాలి అని ఈసారి టాప్ విప్పేస్తుంది.

శాంభవి కన్నీళ్లు చూసి కారు ఓ పక్కకి ఆపి. పిచ్చి ఎందుకే ఏడుస్తున్నావ్ అని కన్నీళ్లు తుడిచి... నిన్ను ఏదో సరదాగా ఆటపట్టిస్తున్నాను.

నువ్వు బంగారం. యూనిక్ పీస్ వి. నిన్ను ఎవరితోను కంపేర్ చేయడం లేదు. నిజంగానా అని వేలు పెట్టి చూపిస్తూ అడుగుతుంది.

నిజంగా బంగారం ఇంత అమూల్యమైన బంగారం ఎవరితో పోల్చిన అది తక్కువే అవుతుంది కదా ... మరి ఎందుకు నా పైన అంత ప్రేమ చూపిస్తున్నారు అని మళ్లీ మొదటికే వస్తుంది.

చెబితేనేమో ఫీలవుతున్నావు..  చెప్పకపోతే నేమో ఎందుకు అంటున్నావ్... ఎలాగమ్మాయి నీతో అని కార్ స్టార్ట్ చేస్తాడు.

ఇద్దరు గిల్లికజ్జాలు ఆడుకుంటూ మెల్లిగా రేపల్లెకు చేరుకుంటారు.  మధ్యలోనే లంచ్ కూడా ఫినిష్ చేసి సాయంత్రానికి ఇంటికివస్తారు.

రేపల్లె ను చూడగానే శాంభవికి ఎక్కడలేని ఉత్సాహం వస్తుంది.  రుద్రవైపు తిరిగి ఇదే మా ఊరు అని ఉత్సాహంగా చెబుతుంది.

ఓ...అవునా ఇంకా నేను మా అత్తగారి ఊరు  అనుకున్నానులే అంటాడు.  ఈ వెటకారాలే మీకు వద్దనేది అంటూ...

అదిగో అటు వెళితే మా కాలేజ్ అని చెబుతుంది. పర్వాలేదు పాప.. నీకు దారి బానే గుర్తుంది అంటాడు. అదేంటి మా కాలేజ్ నాకెందుకు తెలవదు...

నువ్వు కాలేజీలో తక్కువ.  రోడ్లమీద ఎక్కువ కదా.. అందుకే అన్నానులే అంటాడు. ఇదిగో మిమ్మల్ని...  మీరు గనక నన్ను ఇలాగే ఏడిపించారనుకో మాములుగా ఉండదు.

అసలే మా ఊరు వచ్చారు అని కుర్త హాండ్స్ ని కొంచెం పైకి మడత పడుతుంది. మీ ఊరి చూసేటప్పటికి నీలో లేని బలం వచ్చిందా...

మాలో ఎప్పుడూ ఉంది. కాకపోతే అవసరం లేనప్పుడు ఎందుకులే అని వదిలేసాను. అవునవును... మీ ఊరు చూసేటప్పటికి బలం కనిపించిందా అంటే...

అంత లేదమ్మా శాంభవి సింగిల్ గా వెళ్లిన సరే వేటాడిరాగలదు అంటుంది. అ.. బ్బో...  అంటాడు.

మరీ ఎక్కువ సాగదీయకండి అని మూతితిప్పుతుంది. శాంభవి అలకలు... రాగాలు అన్నీ చూస్తూ ఇంటి ముందుకు వచ్చి కారు ఆపుతాడు.

హై... మా ఇల్లు వచ్చేసింది.  ఎన్ని రోజులైందో మా ఇల్లు ని చూసి అంటూ కారు దిగుతుంది. శాంభవి వెనకాలే రుద్ర కూడా కారు దిగుతాడు.  అప్పటికే ఇంటిల్లిపాది శాంభవి రాక కోసం ఎదురు చూస్తూ ఉంటారు.

అన్నలు ముగ్గురు వచ్చి శాంభవిని గట్టిగా కౌగిలించుకొని ఎన్ని రోజులైపోయింది రా బంగారం.. నేను కూడా మిమ్మల్ని అందరిని చాలా మిస్ అయ్యాను అన్నయ్య అని ఏడుపందుకుంటుంది. 

సరే ఏడవకు.  బావగారితో కలిసి వచ్చావు కదా ఇలా ఏడుస్తే బాగోదు అని కన్నీళ్లు తుడిచి.. రండి బావగారు అని రుద్ర  చేయిపట్టుకుని లోపలికి తీసుకువస్తూ ఉంటే...

గుమ్మం దగ్గరకి రాగానే ఆగండి అన్న పిలుపు వినిపిస్తుంది.  అయ్యో మా శక్కు బేబీ అంటుంది. 

ఆ పిలుపుకి రుద్ర ఒక్కసారిగా శాంభవి వైపు చూస్తాడు. వెంటనే శాంభవి ఒక చిన్న నవ్వు నవ్వి...  మా జేజి.. ఇప్పుడు మొదలు పెడుతుంది చూడు అనగానే...

వెంటనే పనమ్మాయి ఒక గుమ్మడికాయ తెచ్చి దిష్టి తీసి వెళుతుంది. రుద్ర ఒక అడుగు ముందుకు వేయగానే మళ్ళీ ఆగండి అని ఆపుతారు.  ఈసారి ఎర్రనీళ్ళతో దిష్టి తీసి పడేస్తారు.

ఇప్పుడు లోపలికి రావచ్చా అన్నట్టుగా రుద్ర  చూస్తే...జేజి నా కాళ్లు లాగుతున్నాయి అని శాంభవి బిక్క మొహం వేస్తుంది.

వెంటనే శకుంతలాగారు కంగారు పడిపోతూ అయ్యో నా మనవరాలు కాళ్లు లాగుతున్నాయంట. కోడళ్లు ఏం చేస్తున్నారని కంగారుపెట్టేస్తారు.


అది చూసి రుద్ర నవ్వుకుంటూ..  నీ పనే బాగుంది కదా.. ఎక్కడ చూసినా రాజ భోగమే అని మెల్లిగా అంటాడు.  మరి శాంభవి అంటే ఏమనుకుంటున్నారు అని లేని కాలర్ ఎగరేస్తుంది.

రేపల్లెలో రుద్ర అనుభవాలు...

[SivaSai]

Part - 59

లోపలకి వెళ్ళగానే రుద్ర శకుంతల కాళ్ళకి నమస్కారం చేస్తాడు. ఆయుష్మాన్ భవ అని రుద్రని దీవించి ఆ పద్ధతికి మురిసిపోతూ ఉంటారు.

అత్తగారులు ఇద్దరూ అయితే కాబోయే అల్లుడు వచ్చాడని మర్యాదలు ఆపకుండా చేస్తూ ఉంటే.. రుద్ర ప్లీజ్ అత్తయ్య మీ ఇద్దరు నా దగ్గర ఇలా కూర్చుండి.

ఇప్పుడు దాకా కారులో ఏదో ఒకటి తింటూనే ఉన్నాము. అత్తగారులను  విడిచిపెట్టకుండా కబుర్లు చెబుతూనే ఉంటాడు.

సులోచనకి కూడా రుద్రాన్ని చూడగానే చాలా సంతోషంగా అనిపిస్తుంది.  మన పిల్లలతో పాటే సమానంగా కలిసి పోతున్నాడు.  శాంభవిని చాలా బాగా చూసుకుంటాడు అన్న నమ్మకం సులోచనకి బాగా కలుగుతుంది.

రామచంద్రయ్య గారు కూడా రుద్రాన్ని చూసి మురిసిపోతూ ఉంటారు. తండ్రులు ఇద్దరు కూతురు తో మాట్లాడుతూ.. కార్లో కూర్చుని కూర్చుని అలిసిపోయావేమో  తల్లి.

కాళ్లు నొప్పి పుట్టి ఉంటాయి కదా అని కాళ్ళు నొక్కుతూ ఉంటారు.  అది చూసినా ధరణి, జయంతి తల కొట్టుకుంటూ..  అక్కడ అల్లుడుగారు వస్తే ఇక్కడ మీ కూతురు సేవలో ఉన్నారా అని కోప్పడతారు.

అందరూ అబ్బాయితోనే ఉన్నారు కదా..  అమ్మాయిని ఎవరూ పట్టించుకోలేదు అని మేము చూసుకుంటున్నాము. ఇందులో కూడా మీకు తప్పులు వెతుకుతున్నారా..

గయ్యమంటారు. అది చూసి రుద్ర నవ్వుకుంటూ పరవాలేదు అత్తయ్య. వాళ్ళిద్దరికీ కూతురు మీద మనకన్నా ఒక పర్సంటేజ్ ఎక్కువ ప్రేమలే.


వదిలేయండి అంటే..  సులోచన మా బాబే ఎంత బాగా అర్థం చేసుకున్నావో.  మీ మామగారులని . మా భయం అంతా బెంగ అంతా నీ గురించే నమ్మ.

ఆ మాటకి శాంభవి నానమ్మ అని అరుస్తుంది. రుద్ర మాత్రం నవ్వుకుంటూ లలిత్ వాళ్ళతో మాట్లాడుతూ ఉంటాడు.

కాసేపు కబుర్లు చెప్పుకున్న తరువాత  ఫ్రెష్ అవ్వమని రుద్రకి గది చూపిస్తారు. బావమరుదులు ముగ్గురు వదలకుండా బావగారిని అంటిపెట్టుకొని మరీ మర్యాదలు చేస్తూ ఉంటే.  ప్లీజ్ మీరు నన్ను ఇలా ఇబ్బంది పెట్టొద్దు.

అక్కడ కూడా ముగ్గురు బావలు ఉన్నారు.  వాళ్ళు ఎలాగో మీరు అంతే. అయితే మీకు మొత్తం మేము ఆరుగురం బావ మరదలము..  బావగారు అని స్వరూప్ నవ్వుతాడు.

ఆరుగురు బావమరిదులను నేనే కదా జాగ్రత్తగా చూసుకోవాల్సింది అంటే...  మమ్మల్ని ఎలా చూసుకున్న పర్వాలేదు కానీ..  మా చెల్లిని మాత్రం జాగ్రత్తగా చూసుకోండి.

అది అసలే చిన్నపిల్ల. ప్రపంచం అంటే ఏమిటో తెలియదు అని అన్నగారులు ముగ్గురు ఎమోషనల్ అవుతూ ఉంటే..  ఎందుకు మీరు ఇంత ఎమోషన్లు అవుతారు.

శాంభవిని నేను చాలా జాగ్రత్తగా చూసుకుంటాను. తన విషయంలో మీరు భయపడాల్సిన అవసరం లేదు.  అందుకే కదా ఎవరితోనో పంపించకుండా నేనే దగ్గర ఉండి తీసుకోవచ్చాను అని చెబితే.. 

థాంక్స్ బావగారు... ఈ మాట అన్నారు మాకు అదే చాలు అని హగ్ చేసుకుంటారు.. సులోచన..  ఒరేయ్ మనవళ్లు తొందరగా బావగారిని తీసుకుని రండిరా.

లేట్ అవుతుంది అని అరుస్తారు. రండి బావగారు అని డైనింగ్ టేబుల్ దగ్గరికి తీసుకువెళ్తారు. టేబుల్ నిండా నిండిపోయిన ఫుడ్ ఐటమ్స్ చూసి గెస్ట్ ఎవరైనా వస్తున్నారా బామ్మ గారు అని అడిగితే...

అయ్యో గెస్ట్లు ఎవరూ లేరమ్మా. ఎందుకు అంటే..  నైట్ టైమ్ ఇన్ని వెరైటీస్ చేశారు కదా .. భలేవాడివి బాబు. కాబోయే అల్లుడువి.

ఈ మాత్రం చేయలేమా..  ఇంకా మీ అత్తగారికి టైం దొరకలేదు కానీ అసలు నీకు తినడానికి కూడా గ్యాప్ ఉండదు.

ఓ మై గాడ్ నేనెంత హెవీగా తినలేను. రామచంద్రయ్య గారు రుద్ర ని చూస్తూ ఊరుకో మనవడా..  నిన్ను చూస్తే గట్టిగా నాలుగు మేకపోతులను వేసేవాడు లాగా ఉన్నావు.

  ఆ మాటకి నవ్వుతూ నేను జిమ్ చేస్తాను.  అందుకే నా బాడీ అంత ఫీట్ గా ఉంటుంది కానీ ఫుడ్ విషయంలో నేను చాలా స్ట్రిక్ట్ గా ఉంటాను తాతగారు అని చెప్తే...

ఓ అవునా నీ ఎత్తు,  శరీర దారుణ్యం చూసి అలా అనుకున్నాను  ఏమీ అనుకోకు బాబు అంటే... మీరు ప్రతిదానికి ఇలా మొహమాటపడి నన్ను దూరం పెట్టకండి అని చెబుతాడు.

అందరూ సరదాగా నవ్వుకుంటూ భోజనం చేస్తారు.  అత్తగారుల ప్రేమని కాదనలేక తన డైట్ ని పక్కన పెట్టి ఆ రోజు ఫుల్లుగా లాగించేస్తాడు.

శాంభవి కి  మాత్రం వాళ్ళ నాన్నలు ఇద్దరూ దగ్గర ఉండి మరీ కొసరి కొసరి  తినిపిస్తూ ఉంటే అది చూసి రుద్ర నవ్వుకుంటాడు.

ధరణి జయంతి భోజనాలు అయిన తర్వాత తాంబూలం సిద్ధం చేసి  అల్లుడు దగ్గరికి వస్తారు. అమ్మో అత్తయ్య ఇంకా నా అంటే...  ఇది తాంబూలం అల్లుడుగారు.ఇది వేసుకుంటే డైజెషన్ బాగుంటుంది అని చెబుతారు.

ఓ అవునా అని ఒక తాంబూలం తీసి నోట్లో వేసుకుంటాడు.  అత్తగారులు ఇద్దరు ఏదో మొహమాటపడుతున్నారని..  నాతో ఏమైనా చెప్పాలా అని అడుగుతాడు.

అది బాబు అంటుంటే..  ప్లీజ్ నన్ను రుద్ర అని పిలవండి చాలు అని ఇద్దరి చేతుల్ని చోరవగా పట్టుకొని తన పక్కన కూర్చోబెట్టుకుంటాడు.

ఇప్పుడు చెప్పండి అత్తయ్య ఏమిటి సంగతి... అది శాంభవి గురించి మాట్లాడదామని..  శాంభవి గురించి ఏం మాట్లాడాలి అత్తయ్య.

అది చిన్నపిల్ల బాబు. ఈ విషయం ఇందాకటి నుంచి అందరూ చెబుతూనే ఉన్నారు కదా అంటాడు. అది కాదు అని మీరు వచ్చినప్పుడు నుంచి అమ్మాయి అసలు మిమ్మల్ని పట్టించుకోలేదు.

వాళ్ళు నాన్నలు ఉంటే ఇంకా ప్రపంచమేమి అవసరం లేదు అని ఇబ్బందిగా చెబుతారు. ఆ విషయం నాకు తెలుసు అంటాడు.

అది తెలిసి తెలియక ఏదైనా తప్పులు చేస్తే మనసులో పెట్టుకోకు.  ఆ విషయం చెప్పడానికి మీరిద్దరూ ఇంత ఇబ్బంది పడాల అని ఇద్దరి చేతులు పట్టుకుని శాంభవి స్థానం ఇది అని తన హృదయం వైపు చూపిస్తాడు.

అక్కడ ఉన్న మనిషి గురించి నేను ఎందుకు తప్పుగా ఆలోచిస్తాను. పైగా మా మామలు ఇద్దరికీ అయితే ఇక్కడ ఎంత అపురూపమో అక్కడ వాళ్ళిద్దరూ అలాగే చూస్తున్నారు.

ఇక మా అమ్మా అయితే ఇంకా దారుణమని చెప్పి నవ్వుతాడు.  నిజంగా అలాంటి కుటుంబం దొరకడం మా అమ్మాయి అదృష్టం.

ఆ మాటకి ధరణి, జయంతి  ని చూస్తూ ఇలాంటి కుటుంబం దొరకడమే మా అదృష్టం అత్తయ్య. ఇంతమంది ప్రేమను పొందుతున్న శాంభవి నిజంగా చాలా అదృష్టవంతురాలు.

ఆ అదృష్టవంతురాలు నా జీవితంలోనికి వస్తుంది అంటే నేను ఇంకా ఎంత అదృష్టవంతుడిని. మీరు శాంభవి విషయంలో భయపడొద్దు.

తను ఎలా ఉన్నా.. ఎంత అల్లరి చేసిన.. నన్ను పట్టించుకున్న పట్టించుకోకపోయినా తనని ఎట్టి పరిస్థితుల్లోనూ కోప్పడును.

తెలియక చేసినవైతే ఓపిగ్గా కూర్చుని చెబుతాను సరేనా అని మాటిస్తాడు. ఆ మాటకి అత్తగారులు ఇద్దరు హమ్మయ్య అనుకుని స్థిమితపడతారు.

పొద్దున్నుంచి జర్నీ చేసి అలసిపోయి ఉంటారు కదా బాబు రెస్ట్ తీసుకోండి అని బయటకి వస్తారు. వెలిగిపోతున్న కోడళ్ల మొఖాలు చూసి సులోచన ఏమంటున్నాడు అల్లుడు బాబు... జరిగిందంతా చెబుతారు.

పోనీలే అల్లుడు బాబు అర్థం చేసుకున్నాడు.  అంతకన్నా ఏమి కావాలి అని ఆవిడ కూడా సంతోషపడతారు. శివ, భాను, శాంభవి ని వదిలేసి అందరూ రెస్ట్ తీసుకోవడానికి వెళ్ళిపోతారు.

కూతుర్ని పడుకోబెట్టి జోలపాడి మరీ ఇద్దరు బయటకు వస్తారు. వాళ్ళని చూసి  అయిపోయాయా కూతురితో ముచ్చట్లు అని కొడుకుల అడుగుతారు.

ఏంట్రా మీ గోల... వచ్చినప్పటినుంచి మీరు శాంభవిని వదలకుండా ఉంటే...  మేము ఎప్పుడు శాంభవి తో టైం స్పెండ్ చేయాలి అని అడుగుతారు.

దీనికి కూడా ఇంత అలక..  పడుకుంది.  రేపొద్దున మాట్లాడండి అని చెప్పి ఇద్దరూ వెళ్లిపోతారు. వెళుతున్న తండ్రులు ఇద్దరినీ చూసి వీళ్ళు ఇలాగ ఉంటే..  రేపు మన బావ పరిస్థితి ఏమిటంటావు అని బావ గది వైపు చూస్తారు.

ఆగది ప్రశాంతంగా కనిపిస్తుంది. ఒకసారి ముగ్గురు ఒకరి మొఖాలు ఒకరు చూసుకుని నవ్వుకొని పడుకోవడానికి వెళ్ళిపోతారు.

పడుకున్నా రుద్ర మాత్రం శాంభవి గురించి ఆలోచిస్తూ రాక్షసి కారు దిగిన తర్వాత ఒక్కసారి కూడా నా మొఖం చూడలేదు.

ఇంత నాన్నల పిచ్చి ఏమిటి..  రేపు పెళ్లి అయ్యాక అసలు నన్ను చేయ్యి వేయనిస్తుందా అంటావా ? ఒక్కసారి శోభనం రాత్రి ఊహించుకుంటాడు.

ఊహించుకున్నదంతా కలలా కనపడుతుఉంటే ఉలిక్కిపడి లేస్తాడు. బాబోయ్ ఇంత భయంకరంగా కలవచ్చిందేంటి.

పెళ్ళికి ముందు అనవసరంగా ఊరు తీసుకోవచ్చానా..  ఈ టైంలో నా పైన డైవర్ట్ చేసుకోవడం మానేసి... పోనీలే వాళ్ళ పేరెంట్స్ తో ఉంటుంది కదా అని తెచ్చి తప్పు చేశానా అని ఆలోచిస్తూ ఆ రాత్రి గడిపేస్తాడు.

ఆలోచిస్తూ ఎప్పటికో పడుకుంటాడు.  పొద్దుటే తలుపు శబ్దానికి  లేచి తలుపు తీస్తాడు. ఎదురుకుండా బావ మరదలు ముగ్గురు కనిపిస్తారు.

గుడ్ మార్నింగ్ బావ అనగానే గుడ్ మార్నింగ్ బావమరుదులు అని విష్ చేస్తాడు. ఏంటి బావ నీ కళ్ళు ఎర్రగా ఉన్నాయి.

రాత్రంతా నిద్ర లేదా అంటే..  కొత్త ప్లేస్ కదా పడుకునేటప్పటికి లేట్ అయింది అని కవర్ చేస్తాడు. అవునా.. ఫ్రెష్ అయ్యి రండి.

కాఫీ టీ ఏమన్నా పంపించమంటారా..  లేదు..  నేను అలాంటివి తాగను అని చెప్పి ఫ్రెష్ అవ్వడానికి వెళ్తాడు. 
ఫ్రెష్ అయ్యి బయటకి వచ్చేటప్పటికి  శ్రావ్యమైన సంగీతంతో అమ్మవారికి కీర్తన వినపడుతూ ఉంటుంది.

అది వింటూ రుద్ర  కూడా వచ్చి పూజ గది ముందు నిలబడతాడు. పాట అయిన తర్వాత సులోచన హారతి ఇస్తుంది.

అది తీసుకున్నాక రామచంద్రయ్య గారు రుద్రని అడుగుతారు.  మా మనవరాలు పాట ఎలా ఉంది. మా చిన్నత్త పాడినట్టుగా ఉంది అని టంగ్ స్లిప్ అవుతాడు.

అందరూ ఏమిటి అని చూస్తే..  అదే మా చిన్న మామ వైఫ్. తను కూడా ఇలాగే పాడేది.  అప్పుడు మేము చాలా చిన్న పిల్లలము.

అత్తతోనే ఎక్కువగా ఉండే వాళ్ళము. అందుకే శాంభవి గొంతులో పాట వినిపించినప్పుడల్లా నాకు మా చిన్న అత్తయ్య గుర్తుకు వస్తుంది అని కవర్ చేస్తాడు.

[SivaSai]

Part - 60

రుద్ర చెప్పినదానికి అందరూ కన్విన్స్ అవుతారు. పూజ అన్ని పూర్తయిన తర్వాత రండి బావగారు అని బావమరిదిలు ముగ్గురు తీసుకెళ్లి కొసరి కొసరి వడ్డిస్తారు.

ప్లీజ్ నన్ను ఇబ్బంది పెట్టి మీరు ఇబ్బంది పడకండి అని చెప్పి లైట్ గా బ్రేక్ ఫాస్ట్ చేస్తాడు. మీరు మరీ తక్కువ తింటున్నారు అంటే.. మీరు ఎక్కువ పెడుతున్నారు.

అది మీకు అర్థం కావడం లేదు అని చెబుతాడు.  మీకు మొహమాటం ఎక్కువ బాబు అని సులోచన అంటే.. మీరు ఇంత ఇదిగా పెట్టి ఇబ్బంది పెడుతుంటే మొహమాటం పడకుండా ఏం చేయగలమండి.

మీ మనవడితో పాటు సమానంగా చూడండి. మొహమాటం అటక ఎక్కేస్తుంది అని సరదాగా మాట్లాడుతుంటాడు.

రుద్ర మాట్లాడే విధానానికి అందరూ నవ్వుతూ మాటలు కలుపుతూ ఉంటే శాంభవి మాత్రం కళ్ళు నోరు వదిలేసి చూస్తుంది.

ఏమయింది అని ధరిణి అడిగితే.. అమ్మ రుద్ర గారు ఇంత సరదాగా మాట్లాడుతున్నారు ఏంటి అని అడుగుతుంది. నీకెందుకు వచ్చింది ఆ అనుమానం అంటే...

ఆఫీస్ లో ఎంత సీరియస్ గా ఉంటారో తెలుసా..  ఆయన షూ సౌండ్ వినేటప్పటికి అందరూ పిన్ డ్రాప్ సైలెంట్ అయిపోతారు.

తల అస్సలు పైకి ఎత్తరు.  అందరికీ అంత భయం కానీ ఇక్కడ చూస్తే రివర్స్ లో ఉంది. తల మీద మొట్టి.. ఇది ఇల్లు.  అది ఆఫీసు రెండింటికి తేడా లేదా అని అంటారు.

అమ్మ అని తల మీద చెయ్యి పెట్టి రుద్దుకుంటుంది. నీ తెలివి ఇలాగే ఉంటే అల్లుడు గారు ఎంత ఇబ్బంది పడతారో తెలుసా అని అంటుంది.

పో అమ్మ.. ఎప్పుడు నువ్వు నా వైపు మాట్లాడవు. ఎగురుకుంటూ వాళ్ళ నాన్నల దగ్గరికి  వెళ్ళిపోతుంది. కర్మ రా బాబు దీనికి ఎంత చెప్పినా బుర్ర ఎలగదు.

బావ మరదలు ముగ్గురు రుద్రను తీసుకుని పొలం వెళతారు.  అక్కడ అన్నీ చూస్తు అగ్రికల్చర్ లో ఇంకేమైనా మార్పులు చేయవచ్చుమో అని చుట్టూ చూస్తూ మధ్యాహ్నం దాకా అందరితో సరదాగా గడిపి లంచ్ చేసిన తర్వాత హైదరాబాద్ బయలుదేరుతాడు.

వెళ్లే ముందు శాంభవి నీ గదిలోకి పిలుస్తాడు. జయంతి వెళ్ళవే.. అల్లుడు బాబు ఎందుకు పిలుస్తున్నాడో ఏంటో.  కొన్ని కొన్ని చూసుకోవలసినది నువ్వే అని బలవంతంగా పంపిస్తుంది.

ఎందుకు పిలిచారు అని లోపలకి వెళ్ళి అడుగుతుంది. బ్యాగ్ సర్దుకుంటున్నా రుద్ర ఒక్కసారిగా వెనక్కి తిరుగుతాడు.

లంగా వోణిలో ముద్దగా కనిపిస్తున్న మరదల్ని చూసి ఇంకా ఆగలేక నడుం పట్టుకుని దగ్గరికి లాక్కుంటాడు. ఆ చర్యకి బిగుసుకుపోయి రుద్రవైపే చూస్తోంది.

ఏమిటే మరదలు పిల్ల అని అడుగుతాడు.  నేనెప్పుడూ మీకు మ.. ర.. ద.. ల..ని అయ్యాను అని ఒక్కొక్క అక్షరం కూడబలుక్కుంటూ అడుగుతుంది.

ఎప్పుడో అయ్యావులే గాని.. మొగుణ్ణి పట్టించుకోకుండా బొంగరం లాగ అటు ఇటు తిరుగుతావు ఏంటి.  నిన్నటి నుంచి అసలు నీ మొగుడు ఏం చేస్తున్నాడు..ఏం తింటున్నాడు అని ఏమైనా చూస్తున్నావా.

ఒక చేత్తో నడుము పైన మీటూతు మరొక చేతి వేలుతో బుగ్గ పైన రాస్తూ ఉంటాడు. పాప ఎప్పుడో మ్యూట్లోకి వెళ్లిపోయి ఏం మాట్లాడాలో తెలియక కళ్ళు వదిలేసి చూస్తోంది.

ఏమైంది పాపకి ఏమీ మాట్లాడడం లేదు అని ఇంకా దగ్గరికి లాక్కుంటాడు. గొంతు తడారిపోయి పెదాలు అదురుతూ ఉంటాయి.

నేను అడిగినదానికి సమాధానం చెప్పవే.కారు దిగిన వెంటనే జింక పిల్లలాగా ఎగురుకుంటూ నాన్న నాన్న అని వెళ్ళిపోయావు.

ఈ వయసులో ఎవరైనా మొగుడా..  మొగుడా..  అని మొగుడు చుట్టూ తిరగాలి. నువ్వేంటి అంటే నాన్న నాన్న అని తిరుగుతున్నావు అని అడుగుతూ ఉంటాడు.

కానీ దేనికి సమాధానం చెప్పలేని పరిస్థితులో  శాంభవి ఉంటుంది.  అయినా సరే ఇప్పుడు వదిలితే చస్తే దొరకదు అని చెప్పి ఇంకా దగ్గరికి లాక్కుంటాడు.

ఇద్దరి పెదాలు మధ్యన ఇంచు గ్యాప్ మాత్రమే ఉంటుంది. ఒకరి ఉచ్ఛ్వాస నిశ్వాసాలు మరొకరికి వెచ్చగా తగులుతూ ఉంటాయి.

శాంభవి కనురెప్పలు బిడియంగా అల్లల్లాడుతూ ఉంటాయి. ఆ ముద్దు మొహన్ని చూసినా తర్వాత రుద్ర ఆగలేక నన్ను క్షమించు అని వెంటనే పెదవులు అందుకుంటాడు.

శాంభవి కళ్ళు మూసుకుని ఆ ముద్దు మైకంలో పడిపోతుంది. ఇద్దరికీ అదే తొలిమొద్దు. ఒక్క నిమిషం ఇద్దరి ప్రపంచం స్తంభించిపోయి ఆ ముద్దులోనే మునిగిపోతారు.

మెల్లిగా శాంభవి పెదవులను వదిలి టెంప్ట్ చేస్తున్నావే పాప ఇప్పుడు నుంచైనా నా గురించి ఆలోచించు అని మళ్ళీ బుగ్గ పైన గట్టిగా ముద్దు పెట్టి గబగబా బ్యాగ్ తీసుకొని బయటికి వస్తాడు.

శాంభవి మాత్రం అక్కడే నిలబడిపోయి అసలు ఏం జరిగింది అన్నది అర్థం కాక బిత్తరచూపులు చూస్తూ ఉంటుంది.

అందరికీ బాయ్ చెప్పే రుద్ర స్టార్ట్ అవుతాడు. ఎక్కడా కనపడిన శాంభవిని చూస్తూ పాపకి ఇప్పుడైనా బ్రెయిన్ పెరుగుతుందిలే అని నవ్వుకుంటూ కార్ ని స్పీడ్ గా ముందుకు దూకిస్తాడు.

శాంభవిఅక్కడే మంచం మీద కూర్చుండిపోయి పెదవులను చేతితో తడుముతూ ఉంటుంది.ఎంత తడిమినా ఆ పెదాల మీద చెయ్యి తీయబుద్ధి అవ్వదు.

తొలిముద్దు రుచి చూసిన తరువాత  తనలోనే ఆడపిల్ల బయటకు వచ్చి సిగ్గుల మొగ్గ అవుతుంది. వెంటనే తేరుకుని ఎంత ధైర్యం ఉంటే నాకు ముద్దు పెడతాడు.

మళ్ళీ కనపడనప్పుడు గట్టిగా భయం చెప్పాలి  అని పళ్ళునూరుకుంటూ తన గదిలోనికి వెళ్ళిపోతుంది. ఉబ్బిన పెదవులను అద్దంలో చూసుకుంటూ అయ్యో నాన్నల ముందుకి ఎలా వెళ్లగలను.

అమ్మలు అయితే ఏడిపించడం మొదలుపెడతారు. ఏదో ఒక వంక చెప్పి గదిలోనే ఉండిపోవాలి అని ఆ పెదవులకి కూల్ జెల్ రాస్తూ ఉంటుంది.

డ్రైవ్ చేస్తున్న రుద్రకి కూడా పెదవుల పైన ఆ రుచి పోను అంటుంది.  పెదవులను నాలికతో తడి చేసుకోంటు.. అయ్యో నా ముద్దుల పాప..

ముద్దు ఇంత బాగుంటుంది అని తెలిసి ఉంటే రోజు ఎన్ని ముద్దులు లాక్కునే వాడినో.. ఆఖరి నిమిషంలో ముద్దు టేస్టు చూసాను.

మళ్ళీ వెనక్కి రాలేను..  అలాగని  ముందుకు వెళ్ళలేను. వెంటనే పెళ్లి చేసుకోవాల్సిందే. అనవసరంగా నిన్ను తీసుకువచ్చి మీ ఇంటిలో వదిలాను.

నీ ఒక్క పిలుపుకి టెంప్ట్ అయిపోయాను కదా పాప అనుకుంటూ డ్రైవ్ చేస్తూ ఉంటాడు.

నైట్ కి ఇంటికి చేరుకుంటాడు. చారు ఎదురు వచ్చి ఏరా ప్రయాణం బాగా జరిగిందా అంటే..  సూపర్ అంటాడు.

కొడుకు మొఖంలో కనపడుతున్న కొత్త కళను చూసి  ఏరా ఏమైంది.. మొఖం వెలిగిపోతుంది. నా కోడలు ఏమైనా గిఫ్ట్ ఇచ్చిందా  అని అడుగుతారు.

మామ్ నువ్వు ఏమి టీనేజ్లో లేవు. ఆ విషయం మాకు తెలుసుగాని చెప్పొచ్చు కదరా అని గడ్డం పట్టుకుని అడిగితే..  అక్కడికి వచ్చిన సంతోష్..

ఏంటి నీ ఆత్రం ప్రతిదీ నీకు చెబుతారా నువ్వు అన్ని మీ అమ్మకి మీ నాన్నగారికి చెప్పేదానివా ఏంటి అంటే..ఆ ఛాన్స్ నాకు ఎక్కడికి ఇచ్చారు.

మీతో పెళ్లి కుదుర్చుకుని  వచ్చి నీకు పెళ్లి అమ్మ.  ఫలానా రోజు అని చెప్పారు.  పెళ్లి పీటల మీదే కదా నేను మిమ్మల్ని చూసింది.

అందుకని ఇప్పుడు నీ కొడుకు విషయంలో నీ డ్రీమ్స్ అన్ని తీర్చుకోవాలి అనుకుంటున్నావా అంటే.. కూతురు పుట్టి ఉంటే కచ్చితంగా తీర్చుకునేదాన్ని..

కొడుకు పుట్టాడు వీడు ఒక మొద్దు అని తల మీద కొట్టి వెళ్ళిపోతుంది. వెళుతున్న తల్లి వైపు బిత్తర చూపులు చూస్తూ అసలు అమ్మ ఏమి మాట్లాడుతుంది అడుగుతాడు.

వెళ్లిన దగ్గర నుంచి ఫోన్ చేయలేదు.  అక్కడ ఏం జరుగుతుందో మీ అమ్మకి తెలియదు. కోడల్ని మిస్ అయిపోతోంది.

అందుకే ఆ ఫ్రస్ట్రేషన్ అంత నీ మీద ఇలా చూపిస్తుంది అని చెబుతారు.  

చారు వెనకాలే రుద్ర వెళ్లి అమ్మ అని వెనకనుంచి పట్టుకుంటాడు. పోరా అమ్మ ఇప్పుడు గుర్తొచ్చిందా..  చెప్పేది వినమ్మా అని మంచం మీద కూర్చోబెట్టి నీ కోడలు ఇప్పుడప్పుడే నీకు ఫోన్ చేయదు.

అక్కడికి వెళ్ళాక నన్నే పట్టించుకోలేదు ఇంకా మీకు ఫోన్ ఏమి చేస్తుంది అంటాడు. అదేంట్రా అంటే.. అది అంతేలే. అసలు ఆడపిల్లలకి ఇంత నాన్నల పిచ్చి ఏమిటమ్మా.. నువ్వు కూడా నాన్నగారు నాన్నగారు అని కలవరిస్తావు.

ఓకే నీది ఒక స్టేజ్ అనుకోవచ్చు కానీ నీ కోడలు ఉంది చూసావా? ఇందులో పీహెచ్డీ కాదు..  డాక్టరేట్ అన్ని దాటేసింది.

వెళ్లిన దగ్గర నుంచి ఒకటే నాన్నల జపం. భాను అంకుల్, శివ అంకుల్ కూడా కూతురి జపమే.  ప్రపంచంతో సంబంధం లేదు.

రేపు ఈ నిజం తెలిస్తే వాళ్ళు ఏమైపోతారో అని ఒక పక్కన భయం చేస్తుంది కానీ శాంభవికి ఏదో ఒక రోజు మన ద్వారా మాత్రమే నిజం తెలుయాలి.


లేదు అంటే ఆ మయూరి శాంభవిని మనకి దూరం చేసిన ఆశ్చర్య పడక్కర్లేదు అని చెబుతాడు.  ఆ మాటలకి కంగారుగా రుద్ర చెయ్యి పట్టుకుంటే అంత దూరం నేను రానివ్వను. నువ్వు టెన్షన్ పడకు అమ్మ.

శాంభవిది చిన్నపిల్లల మనస్తత్వం.  ఎవరు ఏది చెప్పినా నమ్మేస్తుంది. అందుకే 24 గంటలు మనలో ఎవరో ఒకరు శాంభవితోనే ఉండాలి. బయట వాళ్ళని ఎవరిని దగ్గరికి రానివ్వద్దు అని చెబుతాడు.

ఎన్ని రోజులు రా ఇలాగ అడిగితే.. తప్పదు శాంభవికి నిజం తెలిసి అందరిని యాక్సెప్ట్ చేసేదాకా జాగ్రత్తగా ఉండాలి అని చెబుతాడు.
.
తులసి కూడా వీళ్ళ మాటలు వింటూ రుద్ర చెప్పేది నిజమే చారు.  శాంభవిపెళ్లి అయ్యే వరకు అక్కడ ఉంటేనే సేఫ్ గా ఉంటుంది. 

ఇంతకీ మయూరి ఏం చేస్తుందో ఒక కన్నేసావ మనవడా అంటే..  ఇప్పుడిప్పుడే తన జుట్టు నా చేతిలోకి వస్తుంది. రేపు అసలు డ్రామా ఉంటుంది అని చెబుతాడు.

ఏం చేస్తున్నావురా అంటే సస్పెన్స్.  బాగా అలసిపోయాను.  వెళ్లి రెస్ట్ తీసుకుంటానని గదిలోకి వెళ్ళిపోతాడు.

వెళుతున్న కొడుకుని చారు అలాగే చూస్తూ ఉంటే.. ఏమయింది అని తులసి కదుపుతారు. ఏమో అత్తయ్య వీడు ఏం చేస్తున్నాడో అర్థం కావడం లేదు.

అది అసలే త్రాచు పాము లాంటిది. దాని కోరలు తీసే క్యాపబిలిటీ ఉన్నవాడు నా మనవడు.  నువ్వేమీ ఆలోచించకు పడుకో అని చెప్పి ఆవిడ కూడా బయటికి వెళ్లిపోతారు.

కథ కొనసాగుతుంది...

[SivaSai]

Part - 61

నిద్రపోతున్న మయూరి ఫోను రింగ్ అవుతూ ఉంటుంది. ఇంత పొద్దుట ఎవరు చేశారా అని కళ్ళు తెరవకుండానే ఫోను చేతితో వెతుకుతూ ఉంటుంది.

దొరికిన ఫోన్ ని చెవి దగ్గర పెట్టుకుని మత్తుగా హలో అంటుంది. ఏంటి మయూరి ఇంకా నిద్రపోతున్నావా అన్న వాయిస్ వినపడగానే..

నిద్రమత్తు అంతా ఎగిరిపోయి రుద్ర అని అంటుంది. పరవాలేదు ఎంత నిద్దట్లో ఉన్నా నా వాయిస్ ని బానే గుర్తు పడుతున్నావు.  ఆ మాత్రం భయం ఉండాలి కదా అని వెటకారంగా అంటాడు.

అది భయం కాదు శత్రువు ఎక్కడున్నా సరే గుర్తుపట్టే కాపబిలిటీ అంటుంది.  నీకు నువ్వే డబ్బా కొట్టుకుంటున్నావా..

సరే కానీ ఇంత జరిగినా నువ్వు అంత ప్రశాంతంగా ఎలా నిద్రపోతున్నావు మయూరి అని అడుగుతాడు. ఏం జరిగింది అని కనుబొమ్మలు  ముడి వేస్తుంది.

అయ్యో ఇది కూడా నీకు తెలియదా.. నీ ఇంట్లో జరిగిందే నీకు తెలియకపోతే ఇంకా శత్రువుల గురించి ఏం ఆలోచించగలవు.

ఒకసారి నీ ఇంట్లో ఏం జరిగిందో అన్నది చెక్ చేసుకో.. తెలియకపోతే మళ్లీ నాకు కాల్ చెయ్.  వివరంగా నీకు సినిమా చూపించినట్టుగా చూపిస్తాను.  సరేనా ఉండనా మరి అని ఫోన్ పెట్టేస్తాడు.

ఫోన్ వైపు చూస్తూ ఉంటుంది. ఏం జరిగి ఉంటుందా అని ఆలోచిస్తూ ఉంటుంది. టైం చూస్తే ఇంకా ఐదున్నర చూపిస్తుంది.

ఇంత పొద్దున్నే వీడు ఫోన్ చేసి మరి ఏం చెబుతున్నాడు నాకు. అసలు ఇంట్లో ఏం జరుగుతుంది అని ఒక్కొక్కళ్ల గురించి ఆలోచిస్తూ ఉంటుంది.

అమ్మ, వదిన అంటే వీళ్ళకి పూజలు,మమ్మల్ని మార్చడం అన్న కాన్సెప్ట్ తప్ప ఏమీ లేదు.  ఇక నాన్న ఎప్పుడూ వాళ్ళ పతనం ఎలాగా అని మాత్రమే ఆలోచిస్తారు.

ఇంక అన్నయ్య అంటే వీడికి అంత సీన్ లేదు. ఇంకా ఏమై ఉంటుందా అని ఆలోచిస్తూ ఉంటుంది. ఆశ, నిషా గుర్తుకు వస్తారు.

అవును మొన్న నాలుగు రోజులు వీళ్ళు బయటికి ఎక్కడికో వెళ్లారు.  ఏం జరిగి ఉంటుంది అని గబగబా లేచి బయటకు అలాగే వస్తుంది.

కూతుర్ని అలా చూసిన లక్ష్మీ గారు ఏమిటే అవతారం అంటే..  అమ్మ అవన్నీ తర్వాత.. మొన్న ఆశ  బయటికి వెళ్లారు కదా... ఎక్కడికి వెళ్లారు.

పైనుంచి కిందకి చూస్తూ నువ్వు మమ్మల్ని అడుగుతున్నావా..  వాళ్లు మాకు ఏమైనా చెప్పి చేస్తున్నారా...

ఏది చెప్పిన నీకు,  మీ నాన్నకే కదా అని మూతి తిప్పుతారు.  అమ్మ ఇప్పుడు జోక్ చేసే టైం కాదు. అసలు వాళ్ళిద్దరూ ఎక్కడికి వెళ్లారు.

మాకు తెలీదు అని చెబుతారు.  ఇంట్లో ఇద్దరు ఆడవాళ్లు ఖాళీగా కూర్చుని ఆడపిల్లలు ఇద్దరు ఎక్కడికి వెళ్లారో కూడా తెలుసుకోకుండా ఉన్నారా అని అరుస్తుంది.

పొద్దు పొద్దున్నే అరుస్తున్న కూతుర్ని చూసి నాగేంద్ర దగ్గరకు వచ్చి ఏమయింది తల్లి అంటే...  నాలుగు రోజులు ఆశ నిషా ఇంట్లో లేరు.

ఎక్కడికి వెళ్లారు అంటే వీళ్ళు తెలియదు అంటున్నారు. భార్య వైపు కోపంగా చూస్తూ మనవరాళ్ళు ఎక్కడికెళ్లారో కూడా తెలుసుకోకుండా ఉన్నారా...

బయటికి వెళుతుంటే ఎక్కడకి వెళ్లారో అని అడగొద్దా... ఒకసారి మేము అలా అడిగితేనే కదా వాళ్ళని వెనకేసుకొచ్చి మమ్మల్ని తిట్టారు.

అప్పటినుండి వాళ్ళు మాకు సమాధానం చెప్పడమే మానేశారు. ఇంకా ఇప్పుడు మాత్రం మాకు చెబుతారా..  మీరు మీరు తేల్చుకోండి అని చెప్పి లక్ష్మి కోపంగా వెళ్ళిపోతుంది.

ఆశ నిషా అని గట్టిగా అరుస్తుంది.  నిద్రమత్తులో ఉన్న వాళ్ళిద్దరికీ ఏమీ వినిపించదు. ఇక కోపంగా వాళ్ళ గది దగ్గరికి వెళ్లి తలుపులు బాధేస్తుంది.

మత్తుగా కళ్ళు తెరిచిన నిషా లేచి తలుపు తీసి ఏమిట అత్తయ్య ఇంత పొద్దుటే తలుపు కొడుతున్నావు. ఆశ ఏది... ఇంకా పడుకునే ఉంది అని చెప్తే..

ఇద్దరూ కిందకి రండి అని కోపంగా వెళ్ళిపోతుంది.  ఏమైందో అత్తయ్యకి.. ఇంత కోపంగా ఉంది అని ఆశను కూడా లేపి కిందకి తీసుకు వెళుతుంది. అక్కడ సోఫాలో కాళ్ళ మీద కాలేసుకుని కూర్చుని కోపంగా చూస్తూ ఉంటుంది.

ఆశ, నిషా ఇద్దరూ కళ్ళు నలుపుకుంటు కిందకి వచ్చి మయూరి ముందు నిలబడతారు. ఏమైంది తాతయ్య ఇద్దరూ అంత కోపంగా ఉన్నారు  ఒకళ్లు చేతిలో ఒకళ్ళు పట్టుకొని అడుగుతారు.

మిమ్మల్ని ఒక విషయం అడుగుతాను సూటిగా ఆన్సర్ చేయండి. అడుగు అత్త అని ఒకళ్ళు..  అలాగే పిన్ని అని ఇంకొకళ్లు ఒకేసారి చెబుతారు.

మొన్న నాలుగు రోజులు మీరిద్దరూ ఎక్కడ ఉన్నారు అని అడుగుతుంది.  అంతే ఆ మాటకి ఇద్దరికీ టెన్షన్ తో చెమటలు పట్టేస్తాయి. ఏం చెప్పాలో అర్థం కాక చూస్తూ ఉంటే మిమ్మల్ని అడిగేది జవాబు చెప్పరే...

అది అది అత్తయ్య అని నాంచుతూ ఉంటే శేషాద్రి కూడా అక్కడికి వచ్చి నిలబడతారు.  వీళ్లిద్దరూ ఏమి చెబుతారా అని ఫ్యామిలీ మొత్తం చుట్టూ నిలబడి చూస్తూ ఉంటే ఇద్దరూ ఒకరి మొఖాలు ఒకళ్ళు చూసుకుంటారు.

మీరిద్దరూ నా సహనాన్ని పరీక్షించకుండా నిజం చెప్పండి అని ఈసారి సోఫాలో నుంచి లేచి నిలబడుతుంది. మయూరి కోపానికి జడిచి అత్త మేము చెప్పేది కొంచెం కూల్ గా విను అని నిషా వణుకుతూ ఉంటే ఆశ కూడా సేమ్ ఎక్స్ప్రెషన్ పెడుతుంది.

సరే జరిగిందేమిటో చెప్పండి అని మళ్లీ కూర్చుంటుంది. అది అది అని తడబడుతూ ఉంటే ఇప్పటికే నా సహనాన్ని మీరిద్దరూ చాలా పరీక్ష పెడుతున్నారు.  చాలా ఓపికగా మిమ్మల్ని అడుగుతున్నాను.

మెల్లిగా ఇద్దరూ మెడలో నుంచి తాళి తీసి చూపిస్తారు. అంతే ఆ తాళిని చూడగానే ఒక్కొక్కళ్ళకి ఫ్యూస్ లు ఎగిరిపోతాయి.

ఏం మాట్లాడాలో అర్థం కాక చూస్తూ ఉంటే మయూరి ఆవేశం గా ఇద్దరి దగ్గరికి వచ్చి ఇది మీ మెడలోకి ఎలా వచ్చాయి.  ఎవరు కట్టారు అని అడుగుతుంది.

ప్లీజ్ అత్త ఏమి చెప్పేది కొంచెం కూల్ గా విను అని చేయి పట్టుకుని అడుగుతుంది కానీ..  లక్ష్మి కోపంగా వచ్చి ఇద్దరు చెంపలు వాయించేసి..

అసలు ఏమనుకుంటున్నారు మీరు.  ఇంత పెద్ద విషయాన్ని మా దగ్గర దాచారా.. ఎవరిని అడిగి ఎవరిని పెళ్లి చేసుకున్నారు అని ఇద్దర్నీ గ్యాప్ లేకుండా కొడుతుంది.

అబ్బా గ్రాని కొట్టింది చాలు అని ఆవిడ చేతులు విసిరుగా తోసి...  మేము అల్లాటప్ప వాళ్ళని పెళ్లి చేసుకోలేదు. ఆ బృందావనం ఫ్యామిలీకి శత్రువులైన వాళ్ళనే పెళ్లి చేసుకున్నాము అని అరుస్తారు.

ఆ మాటకి నాగేంద్ర అనుమానంగా చూస్తూ ఎవరిని చేసుకున్నారు అని అడుగుతాడు. మేము చేసుకుంది ఆనంద్, విహారి లను అని గొప్పగా చెబుతారు.

ఎవరు వాళ్ళు అని మయూరి అడుగుతుంది. మీకు వీళ్ళు తెలియదా అని వాళ్ల తాతగారి పేరు అని ఆలోచిస్తూ ఉంటారు.

ఎవరు వాళ్ళ తాతగారు అని అడిగితే..ఒక నిమిషం పిన్ని ఆలోచిస్తున్నాము కదా.. ఆ రోజు వాళ్లతో పాటు వాళ్ళ ప్యాలెస్ కి కూడా వెళ్ళాము.చాలా పెద్దగా ఉంది.

ఎంతమంది నౌకర్లు ఉన్నారో తెలుసా.. మన ఇల్లు వాళ్ళ ప్యాలెస్ లో ఒక మూలకి కూడా రాదు . వాళ్ల తాత గారిని చూస్తే మాకు ఎంత భయమేసిందో చాలా గంభీరంగా ఉన్నారు.

బృందావనం ఫ్యామిలీ గురించి మాట్లాడుతూ ఉంటే ఆయన చాలా కోపంగా ఊగిపోయారు.  అబ్బా అవన్నీ తర్వాత ముందు ఆ పెద్దాయన పేరు ఏంటో చెప్పండి అని నాగేంద్ర విసుక్కుంటాడు. 

తెలియదు తాతయ్య. ఎంత సేపు వాళ్లు మా తాతగారు తాతగారు అని చెబుతూ ఉంటే మేము అదే ఫాలో అయిపోయాము అని చెప్తే..

పోనీ వాళ్ళ పేరెంట్స్ అంటే..  అవును కదా వాళ్ళ పేరెంట్స్ అయితే మాకు అసలు ఎక్కడా కనపడలేదు అని చెబుతారు.

ఇంతకీ మీరు ఏ ఊరు వెళ్లారు అని అడిగితే బెంగళూరు తీసుకువెళ్లారు .  మీరు వెళుతున్నప్పుడు రూట్ సరిగ్గా చూసారా అని మళ్లీ అనుమానంగా మయూరి అడుగుతుంది.

లేదు అత్త దారిలో వెళుతూ ఉంటే ఒకచోట ఫుడ్ కి ఆగాము. ఫుడ్ తిన్న తర్వాత బాగా నిద్ర ముంచుకొచ్చేసింది. మళ్ళీ మేము ప్యాలెస్ లో అడుగు పెట్టిన తర్వాతే మేలుకువ వచ్చింది.

ఆ మాటకి మయూరి గట్టిగా గాలి తీసుకుని వదిలి పోనీ వచ్చేటప్పుడైనా చూశారా అంటే.. ఇద్దరు ఒకళ్ళ మోకాళ్ళు ఒకళ్ళు చూసుకొని అప్పుడు చూడలేదు.

కారు ఎక్కిన వెంటనే మత్తుగా నిద్రపోయాము మళ్ళీ వాళ్ళ గెస్ట్ హౌస్ కి వచ్చిన తర్వాతే లేచాము.  ఆ... అని అరుస్తూ చేతికి అందిన ఫ్లవర్ వాసు నేలకేసి కొడుతుంది.

ఆశ నిషా భయంతో ఒకరినొకళ్ళు గట్టిగా పట్టుకుంటారు. ఏమైంది అని నాగేంద్ర అడిగితే.. ఇదంతా రుద్ర ప్లాన్ నాన్న. మనకు తెలియకుండానే మనల్ని ఇరికించేసాడు.   మీ పెళ్లయినట్టు సాక్షాలు ఏమైనా ఉన్నాయా అని ఈసారి కొంచెం భయంగానే అడుగుతుంది.

జ్యోతి కి ఏడుపు ఆగడం లేదు. హా...మా పెళ్లి అప్పుడే రిజిస్టర్ చేశారు అని చెబుతుంది.  అంతే ఆ మాటకి మయూరి సోఫాలో కూలబడిపోతుంది.


జ్యోతి ఏడుస్తూ లక్ష్మీ గారిని పట్టుకొని వీళ్ళ పంతాలకి పగలకి నా కూతురు జీవితాన్ని నాశనం చేశారు.  ఇప్పుడు నిషా తో పాటు ఆశా జీవితాన్ని కూడా నాశనం చేశారు. ఆశ పేరెంట్స్ కి ఏమైనా చెబుతారు అత్తయ్య.

ఏడ్చింది చాలు ఆపు వదినా అని విసుగ్గా అంటుంది. నీకే పెళ్లి పిల్లలు అన్న పాసం లేదు. పగ పగ అంటూ బతికావు. కానీ మాకు పిల్లలు అన్న బంధం ఉంది.

ఇక్కడ మీ అన్నయ్య వెన్నుముక లేని వాడు కాబట్టి.. మీరు ఎలా ఆడిన పడుతున్నాడు కానీ..అక్కడ మీ అక్క మొగుడికి నువ్వు ఏమని సమాధానం చెబుతావు.

ఆ మాటకు శేషాద్రి కోపంగా జ్యోతి అని అరుస్తాడు. నా మీద ఎందుకు అరుస్తారు. ఎప్పటికప్పుడు చెబుతూనే ఉన్నాను.

పిల్లల్ని మీ పగల్లోకి లాగొద్దు అంటే నా మాట వినలేదు. ఇప్పుడు కట్టకలిసి అందరూ కూర్చొని ఏడవండి.  ఇంతకీ మిమ్మల్ని చేసుకున్న వాళ్ళు ఎవరో మీకు తెలుసా.. వాళ్ళు ఫోన్లు చేసి పిలవండి అని జ్యోతి ఏడుస్తుంది.

ఫోన్ కి రెస్పాండ్ అవుతారా??

[SivaSai]

Part  -  62

ఆశ, నిషా ఇప్పుడే ఫోన్ చేస్తామని రూమ్ లోకి పరిగెత్తుకు వెళ్లి ఫోన్ తీసుకుని వచ్చి ఇద్దరికీ కాల్ చేస్తూఉంటారు. ఎంతసేపైనా ఫోన్ రింగ్ అవుతుంది కానీ వాళ్ళు లిఫ్ట్ చేయరు.

భయంగా మయూరి వైపు చూస్తూ ఉంటే ఏమైంది లిఫ్ట్ చేయడం లేదా.. ఇంత ఎర్లీ గా లెగరు కదా అత్త. అంత రాచకార్యాలు ఏం పొడి చేస్తున్నారు. వాళ్ళు ఫోన్ లిఫ్ట్ చేసేదాకా చేస్తూనే ఉండండి అని టెన్షన్ పడుతూ ఉంటుంది.

జ్యోతి ఏడుస్తూ ఉంటే లక్ష్మీ ఊరుకోబెడుతూ ఉంటుంది. శేషాద్రికి కూడా మొదటిసారి భయం వేస్తుంది.  తండ్రి చెల్లి వెంట తిరుగుతూ నాకు ఒరిగింది ఏమీ లేదు.

ఇప్పుడు నా కూతురు జీవితం కూడా ఎటు కాకుండా అయిపోయిందా ఏమిటి అని టెన్షన్ గా అటు ఇటు తిరుగుతూ ఉంటాడు.

ఒక పది సార్లు చేసిన తర్వాత ఫోన్ లిఫ్ట్ చేసి హలో అని మత్తుగా ఆనంద్ అంటాడు.  నేను ఆశాని మాట్లాడుతున్నాను ఆనంద్..

ఏంటి బేబీ ఇంత ఎర్లీగా కాల్ చేసావు. అంత బాగా గుర్తొచ్చానా అని అడుగుతాడు. ప్లీజ్ ఆనంద్ మీరు ఎక్కడ ఉన్నా సరే అర్జెంటుగా మా ఇంటికి రండి అని చెబుతుంది.

ఏమైంది అని ఏమీ తెలియనట్టుగానే అడుగుతాడు. ముందు మీరు ఇక్కడికి రండి. తర్వాత మాట్లాడుకుందాం.. అయ్యో సోరి బేబీ..

నేను విహారి ఇద్దరము బిజినెస్ ట్రిప్ కి వెళ్ళాము ఇప్పుడు అప్పుడే రావడం కుదరదు. ప్లీజ్ ఆనంద్ మీరు ఎక్కడికి వెళ్లలేదని నాకు తెలుసు.

ఓ ఎలా తెలుసు.  అవన్నీ తర్వాత..  మన పెళ్లి అయిన విషయం ఇంట్లో అందరికీ తెలిసింది. నేను, నిషా కంగారు పడుతున్నాము.

ఇద్దరిని పరిచయం చేయాలి. తొందరగా రండి. చెప్పాను కదా బేబీ..  ఒక వన్ వీక్ టైం పడుతుంది. వెయిట్ చేయండి అని కూల్ గా చెబుతాడు.

మయూరి ఆశ చేతిలో నుంచి ఫోన్ లాక్కొని ఏంట్రా నకరాలు పడుతున్నారా అంటే.. ఎవరిది కొత్త వాయిస్ అని అడుగుతాడు.

నేను ఆశ నిషా ల ఆంటీ ని మాట్లాడుతున్నాను. మీకు పేరు లేదా అని కొంచెం ఎగతాళిగా మాట్లాడుతాడు.  రేయ్ నువ్వు నా ముందుకు వచ్చిన రోజున అంటే..

వచ్చిన నువ్వేమీ పీకలేవు గాని.. ఇంతకీ మీ పేరేంటి అంటే.. మయూరి అంటుంది.  ఓ మయూరి అంటే నువ్వేనా...

నీ గురించి వాళ్ళిద్దరూ చాలా గొప్పగా  చెప్పారు. అంత గొప్ప పనులు ఏం చేశారేంటి... ఆ మాటకి మయూరి పొగరుగా నవ్వుతూ నేను చేసిన పనులు తెలుసుకునే అంత వయసు నీకు లేదు లేరా అంటుంది.

అబ్బో ఇంటి అల్లుళ్లకి ఎలా మర్యాద ఇవ్వాలో కూడా మీకు తెలియదా... అసలు మిమ్మల్ని అల్లుడిగా నేను ఒప్పుకోవాలి కదా అంటుంది.

మరి ఒప్పుకోనప్పుడు మేమెందుకు అక్కడికి రావడం. మీరు ఒప్పుకున్నా రోజునే మేమిద్దరం వస్తాము అంతేనా విహారి అంటే..  అంతే అని పక్కనుంచి విహారి మాట కూడా వినిపిస్తుంది.

తోడుదొంగలు ఇద్దరు ఒకేచోట ఉన్నారా... ఎంత తోడుదొంగలమైన మీ అంత కాదులే మయూరి. రేయ్ చాలా ఎక్కువ మాట్లాడుతున్నావు అంటే...మేము చాలా తక్కువ మాట్లాడుతున్నాము.

నాకు కోపం తెప్పిస్తున్నారు అంటే అంతకు మించి నువ్వేమీ పీకలేవులే గాని ఇంతకీ మా బేబీస్ ఇద్దరు ఏం చేస్తున్నారు..

ఒక్కసారి ఫోన్ స్పీకర్ లో పెట్టు అని అంటారు.  ఎందుకు అంటే పెట్టు నీకే తెలుస్తుంది అంటే డౌట్ గా స్పీకర్ ఆన్ చేస్తుంది.

ఆనంద్ విహారి ఒకేసారి హాయ్ బేబీస్ అనగానే ఆశ నిషా ప్లీజ్ ఎక్కడున్నారండి మాకు ఇక్కడ చాలా టెన్షన్ గా ఉంది అని భయంగా అంటారు.

ఎందుకు టెన్షన్ బేబీస్.  మేం వద్దామనుకున్నా మీ ఆంటీ ప్రవర్తన మాకు నచ్చలేదు.  వాళ్ళు ఎప్పుడు మమ్మల్ని అల్లుళ్ళుగా ఒప్పుకుంటే అప్పుడే వస్తాము.

మీ హెల్త్ జాగ్రత్త.  అసలే బాగా అలసిపోయారు కదా బాయ్ అని చెప్పి ఫోన్ పెట్టేస్తారు.  ఆ మాటకి ఇద్దరూ భయంగా మయూరి వైపు చూస్తారు.

జ్యోతి కోపంగా వాళ్ళు ముందుకు వచ్చి  అలసిపోవడం ఏమిటి..  తాళికాకుండా ఇంకా ముందుకు వెళ్లారా అంటే..  అమ్మ అది అది అని ఫస్ట్ టైం నిషా తల్లి కోపాన్ని చూస్తూ భయపడుతుంది.

చెప్పండి అని ఈసారి జ్యోతి కూడా కొడుతుంది. ప్లీజ్ అమ్మ నువ్వు కొట్టకు. మాకు ఏమీ తెలియదు అని ఇద్దరు ఏడుస్తూ ఉంటారు.

ఇద్దరు ఇలా ఏడుస్తూ బ్రతకండి. అత్తయ్య మీరు మీ పెద్దమ్మాయికి ఫోన్ చేసి రమ్మని చెప్పండి. కాస్త ఆశ జీవితమైన బాగుపడుతుందేమో..

నా మొగుడి కంటే ఎవరు సమాధానం చెప్పక్కర్లేదు కానీ మీ పెద్దల్లుడికి సమాధానం చెప్పాలి కదా..వీళ్ళు ఏం చెబుతారో నేను చూస్తాను అని గదిలోకి వెళ్లి తలుపేసుకుంటుంది.

పెద్దల్లుడు గుర్తుకు రాగానే నాగేంద్రకి కూడా కొంచెం భయంగానే అనిపిస్తుంది.  పరువుకి ప్రాణం ఇస్తాడు. కూతురు విషయంలో జరిగింది తెలిస్తే తన తాటతీస్తాడు. ఇప్పుడు ఎలా అని తల పట్టుకుంటారు.

శేషాద్రి కూడా వాళ్ల నాన్న వైపు చూస్తూ నా కూతురి జీవితాన్ని పణంగా పెట్టి ఏం సాధించారు అని ఫస్ట్ టైం నోరు విప్పుతాడు.  ఆ మాటకి మయూరి కోపంగా నీకు కూడా నోరు లెగుస్తుందా అని అడుగుతుంది.

ఇన్ని రోజులు నా నోరు లేగకపోవడమే నా కూతురు పాలిట శాపం అయింది. మీరు పగ అని తిరిగితే నాకు ఆస్తి కలిసి వస్తుంది అని ఊహల్లో బతికాను.  అదే నేను చేసిన పెద్ద తప్పు.

ఆ రుద్ర కాళ్లు పట్టుకుని అయినా బ్రతిమాలి నా కూతురి జీవితాన్ని చక్కబెడతాను అని మొదటిసారిగా తండ్రి బాధ్యత తీసుకుంటాడు.

ఆ మాటకి మయూరి ఇప్పుడు నువ్వు వెళ్లి అడగగానే రుద్రా నీకు చెబుతాడు అనుకుంటున్నావా..  అయినా ఇదొక పెళ్లి..  మోసం చేసి చేసిన పెళ్లి చెల్లదు.

దీని మీద నేను కేసు పెడతాను.  అప్పుడు వాళ్లే దారిలోకి వస్తారు. ఇంక ముయ్యి అని లక్ష్మి గారు కోపంగా అరుస్తారు.

ఎప్పుడూ నోరు ఎత్తని తల్లి అంత కోపంగా అనేటప్పటికి ఆశ్చర్యంగా తల్లి వైపు చూస్తూ నువ్వు నా మీద అరుస్తున్నావా అని అడుగుతుంది.

అరవడం కాదు.  నిన్ను నాలుగు పీకాలి.. పెళ్లంటే ఆట అనుకుంటున్నావా.. కేసు పెడితే ఎవరి పరువు పోతుంది .
మీ బావ గారికి తెలిస్తే ముందు మీ నాన్న ప్రాణం తీసేస్తారు.

కేసు పెట్టడానికైనా వాళ్ళు ఎవరో పూర్తిగా తెలియాలి కదా ఏమీ తెలియకుండా కేసు పెడితే పలాన నాగేంద్ర మనవరాళ్ళు ఇద్దరు ఎవరో తెలియని వాళ్ళని పెళ్లి చేసుకున్నారు అని లోకం కోడై కూస్తోంది.

ఆ మాటకి తండ్రి కూతుర్లు ముఖాలు చూసుకుంటారు. నాగేంద్ర కూడా టెన్షన్ గా కనిపిస్తాడు. ఇంకా మయూరి ఏమీ మాట్లాడకుండా మౌనంగా ఉండిపోతుంది.

మయూరి ఫోన్ రింగ్ అవుతుంటే  గట్టిగా కళ్ళు మూసుకుంటుంది. నాగేంద్ర అనుమానంగా కూతురు వైపు చూస్తాడు.

లాస్ట్ రింగకి లిఫ్ట్ చేసి హలోఅంటుంది. ఏంటి మయూరి ఇందాక వాయిస్ చాలా పొగరుగా వచ్చింది.ఇప్పుడేంటి మన్ను తిన్న పాములాగా నెమ్మదిగా వస్తుంది అంటే.. రుద్రా అని అరుస్తుంది.

ఎందుకు ఎప్పుడు చూసినా అరుస్తూనే ఉంటావు. ఒకసారి హాస్పిటల్ కి వెళ్లి హెల్త్ చెకప్ చేయించుకో...    ఇంతకీ ఆ ముసలి నక్క ఏం చేస్తున్నాడు.  సమ్మగా ఉందా విషయం అని నవ్వుతూ అడుగుతాడు.

ఆడపిల్లల్ని అడ్డుపెట్టుకుని ఏం సాధించాలనుకుంటున్నావ్ రుద్ర... నేను నీలాగా అనుకుంటున్నావా ... వాళ్లని నేనేమీ ట్రాప్ చేయలేదే అంటాడు.  కానీ నీ మనుషులు ట్రాప్ చేశారు కదా... అది నా తప్పు కాదు కదా...

నీలాగానే పగ పగ అని ఎటు వెళుతున్నారో తెలియక అడుగులు అటు వేశారు. దానికి నేనేం చేయగలను.
వెంటనే శేషాద్రి ఫోన్ లాక్కుని ప్లీజ్ రుద్ర..

మయూరి వాళ్ళ మీద కోపంతో నా కూతురు జీవితాన్ని అన్యాయం చెయ్యొద్దు. అరే ఎవరిది శేషాద్రినా...
ఒకప్పుడు నిన్ను కూడా ఒకళ్ళు ఇలాగే వేడుకున్నట్టు ఉన్నారు.  అప్పుడు ఏమైంది నీ బాధ అని కోపంగా అడుగుతాడు.

నేను చేసింది తప్పే.  మా నాన్న చెల్లి కోసం ఆలోచించి ఆరోజు చాలా పెద్ద పాపమే చేశాను. దానికి శిక్ష నాకు వెయ్యి కానీ ఆడపిల్లలకి వద్దు అంటే..ఆరోజు మాత్రం నిన్ను బ్రతిమాలింది ఒక ఆడబిడ్డ కాదా..

ఆరోజు అహంకారంతో డబ్బు మీద ఉన్న మోజుతో కళ్ళు మూసుకుపోయి చేయకూడని తప్పులు చేశారు. ఈరోజు నీ దాకా వచ్చేటప్పటికి బ్రతిమాలడం మొదలు పెట్టావా...

వెంటనే మయూరి మాకు ఎవరిని బ్రతిమాలాల్సిన అవసరం లేదు. ఏమి చేయాలో నాకు బాగా తెలుసు. ఓకే ఆల్ ద బెస్ట్ అని చెప్పి ఫోన్ పెట్టేస్తాడు.

శేషాద్రి కోపంగా నువ్వేం చేస్తున్నావో నీకు తెలుస్తుందా మయూరి అని అరుస్తాడు.  ఏంటి నువ్వు అరుస్తున్నావు నామీద. ఎప్పుడు నా వెనకాల తిరిగే వాడివి. అలాంటిది నా మీద అరిచే అంతటి వాడివయ్యా.. 

జ్యోతి అన్నట్టుగా పెళ్లి, పిల్లలు అన్న పాసం లేని దానివి. నీకేం తెలుస్తుంది పిల్లల బాధ. నీ వెనకాల తిరిగాను అంటే ఆస్తి మీద మోజుతో..  నువ్వేదో తెలివైన దానివి అన్న నమ్మకంతో కానీ.. నువ్వు ఇంత మూర్ఖురాలు అని నాకు ఈ రోజే అర్థమైంది.

ఈరోజు నుంచి నేను మీకు ఏ విధంగా సహాయం చేయను. నిషా దగ్గరికి వచ్చి మీకు వాళ్ళు ఎక్కడ కలిశారు. వాళ్ళ ఇల్లు ఎక్కడో తెలుసా అని అడుగుతాడు.

ఇద్దరూ భయంగా మాకు పబ్లో కలిశారు అని చెబుతారు. అక్కడికి మీరెందుకు వెళ్లారు. మయూరి వైపు భయంగా చూస్తూ వీకెండ్స్ రుద్రా బ్యాచ్ అక్కడికి వస్తారు.

అత్త అక్కడికి మమ్మల్ని రెగ్యులర్గా వెళ్ళమని చెప్పింది అని చెప్పి తలదించుకుంటారు. మొదటిసారి శేషాద్రి చెల్లెల వైపు అసహ్యంగా చూస్తాడు.

శేషాద్రి నిర్ణయం...

[SivaSai]

Part - 63

మీ అత్త వెళ్ళమంటే వెళ్లడమేనా... నాకుగాని.. మీ అమ్మకిగాని చెప్పడం తెలీదా అని కోపంగా అడుగుతాడు. మీరు ముందే చెప్పారు కదా నాన్న.

ఏది అయినా సరే అత్తయ్య చెప్పినట్టే చేయమని. అందుకే అలా చేసాము అని నిషా చెబుతుంది. ఆ మాటకి చాచిపెట్టి చంప మీద కొట్టినట్టుగా అనిపించి గట్టిగా కళ్ళ మూసుకుని తర్వాత ఏం జరిగింది అని అడుగుతాడు.

అప్పుడే ఆనంద్, విహారి మాకు పరిచయమయ్యారు
వాళ్లు కూడా బృందావనం ఫ్యామిలీ అంటే కోపం పగ అని చెప్పారు.

పగ అంటే ఎలాంటి పగ అన్నారు. అది చెప్పలేదు..పోనీ మిమ్మల్ని అడిగారా... అడిగారు అని బుర్ర ఊపుతారు. మీరేం చెప్పారు అంటే...  షార్ట్కట్లో చెప్పాము అంతే అంటారు.

తర్వాత రెండు మూడు సార్లు వాళ్ళ గెస్ట్ హౌస్ కి తీసుకువెళ్లారు. గెస్ట్ హౌస్ కి ఎందుకు వెళ్లారు అని కంగారుగా అడుగుతాడు.

వాళ్లతో పరిచయం పెంచుకుందామని అంతే... చేతులు కలిపితే బృందావనం ఫ్యామిలీని ఈజీగా నాశనం చేయవచ్చు అని చెప్పారు.

ఎలా ప్లాన్ చేసుకోవాలో అని మాట్లాడుకోవడానికి మాత్రమే గెస్ట్ హౌస్ కి వెళ్లే వాళ్ళము.  అలా మాటలు మధ్యన మ్యారేజ్ ప్రపోజల్ తీసుకువచ్చారు.

అప్పుడు కూడా మేము ఓకే అని చెప్పలేదు. వాళ్ళ ఫ్యామిలీ బ్యాక్ గ్రౌండ్ చూసిన తర్వాతే ఓకే అందాము. వాళ్లు మనతో చేతులు కలిపితే మన బలం పెరుగుతుంది. అత్తయ్య పగ తొందరగా తీరుతుంది అని అనుకున్నాను నాన్న అని నిషా అమాయకంగా చెబుతుంది.

ఆ మాటకి శేషాద్రి చెల్లెలు వైపు కోపంగా చూస్తాడు.  మయూరి మాత్రం నిషా,  ఆశ వైపు ఏ భావం లేకుండా చూస్తుంది.

ఒకరోజు మాట్లాడుతుంటే సడన్గా వాళ్ళ తాతగారు ఫోన్ చేసి మాట్లాడారు. కంగారుగా మా దగ్గరికి వచ్చి తాతగారికి చెప్పాము. మిమ్మల్ని తీసుకురమ్మన్నారు.

ఇంట్లో చెప్తాము అంటే..ముందే చెబితే మీరు ఒప్పుకోరు. వెళ్ళొచ్చాక చెబుదాం అని మమ్మల్ని కన్విన్స్ చేసి వాళ్ళ ఊరు తీసుకువెళ్లారు.

దారి మధ్యలో అంతా పడుకునేఉన్నాము. మెలకువ వచ్చేటప్పటికి  వాళ్ళ ప్యాలెస్ లో ఉన్నాము. అది చాలా పెద్ద ప్యాలస్ నాన్న.

ఇప్పటిదాకా మేము అలాంటి ప్యాలెస్ చూడలేదు. వాళ్ళ తాతగారు కూడా చాలా గంభీరంగా ఉన్నారు.  ఆయన మాట్లాడుతుంటే మాకు చాలా భయమేసింది.

ఆనంద్, విహారి కూడా నాలుగడుగుల దూరంలో చేతులు కట్టుకునే మాట్లాడారు. ఎందుకు మీరు అంత భయపడుతున్నారు అంటే.. తాత గారికి కోపం ఎక్కువ.

ఆ బృందావనం ఫ్యామిలీ పతనం అయ్యేదాకా ఆయన అలాగే ఉంటారు అని మాకు చెప్పారు. అదంతా మేము నిజమే అనుకున్నాము.

సడన్గా ఆయన పిలిచి మీ నలుగురికి పెళ్లి అని చెప్పారు.  ఏం మాట్లాడాలో కూడా మాకు అర్థం కాలేదు.  మేము తేరుకునేలోపే.. సర్వెంట్స్ మమ్మల్ని రెడీ చేసి పెళ్లి పీటల మీద కూర్చోబెట్టి పెళ్లిళ్లు చేసేసి రిజిస్ట్రేషన్ చేయించేశారు అని భయంగా చెబుతారు.

అదంతా విన్న మయూరికి అయితే మొత్తం సినిమా అర్థం అవుతుంది.  ఇదంతా రుద్రా ప్లాన్. చాలా పకడ్బందీగా ప్లాన్ చేసి ఇరికించేసాడు.  దీనివల్ల ఇప్పుడు రుద్రకు వచ్చే ఉపయోగం ఏమిటి అని ఆలోచిస్తూ ఉంటుంది.

శేషాద్రి మాత్రం కూతురుతో ఆ గెస్ట్ హౌస్ ఎక్కడో మీకు తెలుసా.. నాకు చూపిస్తారా అంటే హా నాన్న అంటుంది. ముందు మీరిద్దరూ వెళ్లి ఫ్రెష్ అయ్యిరండి.

గదిలోనికి పంపించి తండ్రి, చెల్లి వైపు చూసి.. దయచేసి మీరిద్దరూ ఇంకా పిల్లలు ఇద్దరు జీవితంలోకి రాకండి. బావ గారికి ఏం చెప్పుకుంటారో చెప్పుకోండి మీరు. విసురుగా లోపలికి వెళ్ళిపోతాడు.

గదిలో ఏడుస్తున్న జ్యోతిని చూసి బాధగా పక్కకు వెళ్లి కూర్చుని జ్యోతి అని పిలుస్తాడు. ఆ పిలుపుకి జ్యోతి చాలా కోపంగా చూస్తుంది. తలదించుకుంటాడు.

ఇప్పుడు తలదించుకుని ఏమి ఉపయోగం. ముందు నుంచి చెబుతూనే ఉన్నాను.  మీ పగల మధ్యలోకి పిల్లలని లాగకండి.  వాళ్ళకి ఏమీ తెలియదు.

నా మాట ఎప్పుడూ వినలేదు.  నా చెల్లి చెప్పింది రైట్ అన్నారు. ఇప్పుడు ఏం జరిగింది.  నేను ఇంటిలో ఇంకొక నిమిషం కూడా ఉండను.

నా కూతుర్ని తీసుకుని నేను వెళ్ళిపోతాను అని ఏడుస్తుంది. ప్లీజ్ జ్యోతి ఇప్పుడు దాకా నావల్ల జరిగిన తప్పులు చాలు. ఇప్పుడైనా నా కూతురి జీవితాన్ని నేను చెక్కబెడతాను.

నువ్వు కంగారు పడకు. మీరు ఇప్పటినుంచి మీ చెల్లి, నాన్న చెప్పింది వినడం మానేస్తాను అంటేనే ఇక్కడ ఉంటాను. లేకపోతే నేను వెళ్ళిపోతాను అని కరాకండిగా చెప్పేస్తుంది.

లేదు..  లేదు...  నీకు మాటిస్తున్నాను.  వాళ్ళిద్దరి మాట ఇంక నేను వినను అని చేతులు పట్టుకుంటాడు. హాల్లో కూర్చున్న నాగేంద్ర తల పట్టుకుంటాడు.

ఏంటి మయూరి ఇలా జరిగింది. పిల్లలను అడ్డుపెట్టుకుని అయినా వాడిని సాధించాలి అనుకున్నాము కానీ.ఇలా రివర్స్ అవుతుందనుకోలేదు.

ఇప్పుడు ఏం చేయాలి అని అడుగుతాడు. మయూరి ఏమీ మాట్లాడకుండా మౌనంగా ఉండిపోతుంది. వాళ్ళ అన్నయ్య, వదిన అన్నమాటలు గుర్తుకు వస్తూఉంటాయి.

పెళ్లి, పిల్లలు ఏ పాసం లేని దానివి అని అన్న మాటలే తిరుగుతూ ఉంటే గట్టిగా కళ్ళు మూసుకుంటుంది. వీళ్ళిద్దరూ డిస్కషన్ విన్న  లక్ష్మీ గారు ఇంత జరిగినా మీకు ఇంకా సిగ్గు రాలేదా...

ఇంకా వాళ్ళ పతనం చూస్తున్నారు కానీ..  మన ఇంటిలో పతనం మొదలైంది. ముందు దాన్ని ఎలా సరిదిద్దాలో ఆలోచించండి సిగ్గులేని జన్మ అని తిట్టి వెళ్ళిపోతారు.

ఎప్పుడు నోరు ఎత్తని పెళ్ళాం అలా మాట్లాడేటప్పుటికీ నాగేంద్రకి  బుర్ర గిర్రుని తిరుగుతుంది. వామ్మో నా పెళ్ళామే ఇంత ఎత్తును లెగిస్తే... ఇప్పుడు అల్లుడుగారు వచ్చారు అంటే ఇక నా పని ఏమిటో అని టెన్షన్ తో చెమటలు తుడుచుకుంటాడు.

వీటితో ఏ సంబంధం లేకుండా మయూరి మౌనంగా ఉండి పోతుంది.   ఆశ, నిషా ఇద్దరూ రెడీ అయ్యి వస్తారు. వాళ్ళిద్దర్నీ తీసుకుని శేషాద్రి బయటకి వెళ్ళిపోతాడు.

అక్కడే కూర్చున్న తండ్రి కూతుర్లని మాత్రం పట్టించుకోడు. అది నాగేంద్రకి చాలా కోపం వస్తుంది.కానీ ఏమీ చేయలేక చూస్తూ ఉంటాడు.

కొడుకు చేయి జారిపోతున్నాడా అని మొదటిసారి కొడుకు వైపు నుంచి ఆలోచిస్తాడు.

ఎప్పుడూ కలిసే గెస్ట్ హౌస్ కి తీసుకువెళతారు. ఇదేనా అని అడిగితే అవును మావయ్య అని ఆశ చెబుతుంది. ఇద్దరు వైపు చూసి గేటు దగ్గరకు వెళ్లి వాచ్మెన్ ని పిలుస్తాడు.

అతను బయటికి వచ్చి ఏం కావాలి సార్ అంటే.. ఆనంద్, విహారి లను కలవాలి. అలాంటి వాళ్ళు ఇక్కడ ఎవరూ లేరు అని చెబుతాడు.

ఆశ, నిషా స్పీడ్ గా వచ్చి అదేంటి మేము ఇక్కడ చాలా  సార్లు కలిసాము కదా.. అయినా నువ్వు వున్నావ్ ఏంటి.. ఇక్కడ వేరే వాచ్మెన్ కదా ఉండాల్సింది..

మేడమ్ మీరు ఎవర్ని చూసి ఎవరు అనుకుంటున్నారు. ఎప్పుడు నుంచో నేను ఇక్కడే పని చేస్తున్నాను.  మిమ్మల్ని నేను ఎప్పుడూ చూడలేదు వెళ్ళండి వెళ్ళండి అని కసురుకుంటాడు.

శేషాద్రి కి పూర్తిగా సినిమా అర్థం అయిపోతుంది.వాళ్ళని పట్టుకోవాలి అంటే రుద్ర చెప్పినట్టు వినాలి.రుద్ర ఏదో ఆలోచన చేసే ఇరికించాడు.

అదేంటో తెలుసుకోవాలి అని వెంటనే నేను రుద్రుని కలవాలి అనే అంటాడు. రుద్రను కలవడం అంటే మనకు అపాయింట్మెంట్ ఇస్తాడా అని ఇద్దరు అనుమానంగా చూసుకుంటారు.

ఆశ నిషా ఏమనుకుంటున్నారో అర్థమయ్యి.. పర్వాలేదు.. వాళ్ళ ఆఫీస్ దగ్గరికి వెళ్లి నేను ట్రై చేస్తాను. మీరిద్దరూ ఇంటికి వెళ్ళిపోండి అని పిల్లలు ఇద్దరినీ పంపించి శేషాద్రి జి. బి. సొల్యూషన్స్ దగ్గరికి వెళతాడు.

ఈ ఇన్ఫర్మేషన్ అంతా ఎప్పటికప్పుడు రుద్రాకీ చేరిపోతూనే ఉంటుంది.  రా... శేషాద్రి.. నీకు ఇప్పుడు చుక్కలు చూపించకపోతే నేను రుద్ర దేవాన్ష్ గజపతినే కాదు...
మా అత్త కార్చిన కన్నీటి బొట్టుకు నీ కుటుంబం మొత్తంతో రక్త కన్నీరు కార్పించకపోతే... మా చిన్న మామ కన్నీటికి అర్థమే ఉండదు అని కోపంగా అనుకుంటాడు.

శేషాద్రి మెయిన్ గేటు దగ్గరికి రాగానే సెక్యూరిటీ ఆపేస్తారు. నేనెవరో తెలుసా అని శేషాద్రి కోపంగా అంటే... మీరు ఎవరైనా సరే పర్మిషన్ లేకుండా లోపలికి వెళ్లడానికి లేదు.

మీరు ఇందులో స్టాఫ్ అయినా ఉండాలి లేదు అంటే పర్మిషన్ అయినా ఉండాలి అని క్లియర్ గా చెప్పి లోపలికి వెళ్ళనివ్వరు.  ఎలా వెళ్లాలో అర్థం కాక అక్కడే వెయిట్ చేస్తూ ఉంటాడు.

రుద్ర ఎప్పుడు బయటకు వస్తాడో అప్పుడే క్యాచ్ చేయాలి అని గేటు దగ్గరే పడిగాపులు కాస్తూ ఉంటాడు. ఈ పెళ్లితో మాకు ఎటువంటి సంబంధం లేదు అని చెబుదామా అంటే.. వాళ్ల దగ్గర పక్కా సాక్షాదారాలు ఉన్నాయి.

అవి పట్టుకుని వాళ్ళు ఎక్కడైనా కేసు ఫైల్ చేసిన.. లేకపోతే సోషల్ చానల్స్ లో రిలీజ్ చేసిన పరువుపోతుంది.

పిల్లలు ఇంకా ముందుకు వెళ్లారా అంటే అది తెలియడం లేదు.  ఎలా అని బుర్ర బద్దలుకొట్టుకుంటూ ఉంటాడు.
ఇదంతా లైవ్ చూస్తున్న రుద్రకి మాత్రం మహదానందంగా ఉంటుంది.

వెలిగిపోతున్న రుద్ర ముఖాన్ని చూసి బావ మరదలు ముగ్గురు ఏమైంది బావ అంత ఉత్సాహంగా ఉన్నావు...
మెయిన్ గేట్ కనిపిస్తున్న సిసివైపు చూపిస్తాడు.

అక్కడ శేషాద్రిని చూసి వీడేంటి ఇక్కడ ఉన్నాడు అని అనుమానంగా అడుగుతారు.  ఏదో చాలా టెన్షన్ పడుతున్నాడు.

నన్ను కలవడానికి అని కూల్ గా చెబుతాడు. నిన్ను కలవాల్సిన అవసరం ఏముంది. కూతురు,మేనకోడలు భవిష్యత్తు ఏమిటో అర్థం కాక అని చైర్ లో తిరుగుతూ చెబుతాడు.

నువ్వు ముక్కలు ముక్కలుగా చెబితే మాకు ఒక్క ముక్క కూడా అర్థం కావడం లేదు.  అసలు ఏం జరిగిందో చెప్పు బావా అని ధీరజ్ ఒళ్లో కూర్చుని అడుగుతాడు.

ఒక తోపు తోస్తాడు. కింద పడి బావ నువ్వు నన్ను తోసావు. తోయక ముద్దు పెట్టుకోవాలా.. లవర్ లాగా వచ్చి ఓళ్లో కూర్చుంటున్నావు.

మా చెల్లి లేక నీకు అలకలు ఎక్కువైనాయి... అబ్బో తీర్చడానికి ఆరుగురు బావమరుదులు ఉన్నారుగా అందుకే అలుగుతున్నాను అంటాడు.

ఇంతకీ వాడు గేటు దగ్గర  కాపలా ఎందుకు కాస్తున్నాడు అది చెప్పలేదు అంటాడు.

రుద్ర సమాధానం ఏమిటి..

కథ కొనసాగుతుంది..

[SivaSai]

Part - 64

ఆ శేషాద్రి బయట ఎందుకు వెయిట్ చేస్తున్నాడో నువ్వు చెప్పలేదు బావ. తెలుసుకొని ఏం చేస్తారు రా. అయ్యో నీ ఆనందంలో మేము పాలుపంచుకుంటాము చెప్పు బావ అని ముగ్గురు గోకుతూ ఉంటారు.

ఛీ వదలండి రా అని విసుక్కుని అప్పుడు దాకా జరిగిందంతా చెబుతాడు.  ఏంటి బావ మాకు తెలియకుండా నువ్వు ఇంత చేసావా.  ఒక్క ముక్క కూడా చెప్పలేదు.

చెప్పి చేస్తే.. మీ ఫేసుల్లో షాకింగ్ ఎక్స్ప్రెషన్ మిస్ అయిపోతానని అంటాడు. పో బావ మాకు తెలిస్తే బాగుండేది కదా. మేము ఎంజాయ్ చేసే వాళ్ళము. మంచి ఛాన్స్ మిస్ అయిపోయింది.

ఏమి మిస్ అవ్వలేదు.  ఇప్పుడు చూడు మొత్తం మయూరి ఫ్యామిలీ మొత్తం మందు తిన్న పాముల్లాగా బజ్జోవాల్సిందే అంటాడు.

ఎప్పటిదాకా.. మా పెళ్లి అయ్యేదాకా అంటాడు.  అప్పుడు దాకా మయూరి ఆగుతుందా.. అందుకే కదా వాడిని ఇలా కుక్కలాగా తిప్పిస్తున్నాను.

నాలుగు రోజులు వెయిట్ చేపించి అప్పుడు నా అపాయింట్మెంట్ ఇస్తాను. బావ అప్పుడు మాత్రం మమ్మల్ని మిస్ చేయకే.  నీతోనే ఉంటాము.

ఒరేయ్ ఇలా మీ చెల్లి అడిగి ఉంటే ఎంత బాగుండేదో..  ఆ తింగరదానికి ఎంతసేపు నాన్న నాన్న అనడమే సరిపోతుంది.  మీరేమో బావ అని నా వెనకాల తిరుగుతున్నారు ఇడియట్స్ అంటాడు.

శేషాద్రి సాయంత్రం దాకా మెయిన్ గేటు దగ్గరే పడిగాపులు కాస్తాడు.  ఆకలి కేకలు వేస్తున్నా సరే పక్కకి వెళితే ఎక్కడ రుద్ర మిస్ అయిపోతాడో  అని వాచ్మెన్ డ్యూటీ కన్నా దారుణంగా కూర్చుంటాడు.

శాంభవి ఏం చేస్తుందో చూడాలి అని రుద్ర వీడియో కాల్ చేస్తాడు.   ఆ ఫోన్ కి పాప ఎక్కడ స్పందించకపోతే ఇక్కడ బావగారికి కోపం వచ్చి నా ఫోను కూడా తీయనంత బిజీగా ఉన్నావా?  అనవసరంగా ఊరు పంపించి తప్పు చేశాను.

వెంటనే బావమరిది కి ఫోన్ చేస్తాడు. లలిత్ ఫోన్ లిఫ్ట్ చేసి చెప్పండి బావగారు. ఏం చెప్పాలి బామ్మర్ది..  మీ చెల్లి ఎక్కడ...నాన్నతో కలిసి పొలం వెళ్ళినట్టు ఉంది అంటాడు.

ఎప్పుడు వస్తుంది. ఏదైనా ఇంపార్టెంట్ ఆ.. బావగారు..  నేను ఫోన్ చేయిపించిన.. ముందు ఆ పని చెయ్. అరే కాబోయే మొగుడు ఎలా ఉన్నాడో..  ఏమిటో ఒక ఫోన్ చేద్దామా అన్నది కూడా లేకుండా ఊర్లో కూర్చుంది.

ఆ మాటకి లలిత్ నవ్వుతూ బావగారు అలిగారా అంటాడు. మేము అలిగిన మీ చెల్లికి ఫరక్ పడదలే అంటాడు.

నేను ఇంటికి వెళుతున్నాను.  వెళ్ళగానే ఫోన్ చేయిపిస్తాను అని లలిత్..  స్వరూప్ చెప్పి ఇంటికి బయలుదేరతాడు.  

లలిత్ ఇంటికి వచ్చేటప్పటికి శివగారు, భానుగారు మధ్యలో కూర్చుని వాళ్ళు తినిపిస్తూ ఉంటే తింటూ కబుర్లు చెబుతూ ఉంటుంది.

లలిత్ తల కొట్టుకుంటూ అక్కడికి వచ్చి కూర్చుని నాన్న అని పిలుస్తాడు.  ఏంట్రా కాలేజీ నుంచి వచ్చేసారు.  అప్పుడే మీ వర్క్ అయిపోయిందా..

ఒక్కరోజు మన కాలేజ్ నుంచి మేము పక్కకు వచ్చిన ఇబ్బంది ఏమీ లేదు కానీ..  నువ్వేంటి శాంభవి ఇంకా చిన్నపిల్లలాగా నాన్నలు తినిపిస్తుంటే తింటున్నావు అంటాడు.

పో అన్నయ్య నీకు నన్ను చూస్తుంటే జలస్ కదా అంటుంది.  అదే అనుకుంటున్నాము.. ఏరా ఈ టైం లో వచ్చావు. శాంభవి గురించి అంటాడు.

నా గురించా.. ఎందుకు అన్నయ్య. బావగారు నీకు ఫోన్ చేస్తున్నారు అంట. నువ్వు లిఫ్ట్ చేయట్లేదని కంగారు వచ్చి నాకు ఫోన్ చేశారు.

నువ్వు బాగానే ఉన్నావు అని చెప్పాను కానీ నిన్నే ఫోన్ చేయమన్నారు అంటాడు.  అవునా.. ఇంత సడన్గా ఎందుకు అబ్బా అంటుంది.

ఆ మాటకి ధరణి తల మీద కొట్టి కాబోయే మొగుడు ఫోన్ చేస్తే ఎందుకు చేశారో అని అడుగుతావేంటి.  వెళ్లి చూడు. తల మీద కొట్టిందని భాను గారు కోపంగా భార్యని చూస్తారు.

ఏంటా చూపు అని అడుగుతుంది.  చూడడం కూడా తప్పేనా.. మీరు ఇలా గారభం చేయబట్టే అది ఫోన్ ఎందుకు చేశారా అని ఆలోచిస్తుంది.

మన టైం లోనే బెటర్ కదా అంటే అది నిజమేలే అని ఆలోచిస్తూఉంటాడు. శాంభవి గదిలోకి వెళ్లి ఫోన్ చూస్తుంది.

అప్పటికే రుద్ర నుంచి చాలా మిస్డ్ కాల్స్ ఉంటాయి.. ఎందుకు ఇంత కంగారు పడుతున్నారని వీడియో కాల్ చేస్తుంది.

లిఫ్ట్ చేసి మాట్లాడకుండా మౌనంగా చూస్తూ ఉంటాడు. ఏమైంది. ఎందుకు అన్ని సార్లు ఫోన్ చేశారు అని అడుగుతుంది.అయినా ఏమీ మాట్లాడడు.

అలాగే కోపంగా చూస్తూ ఉంటే మీ చూపు ఎందుకు తేడాగా ఉంది.  మీ కళ్ళు ఎందుకు అంత ఎర్రగా ఉన్నాయి. నిద్ర లేదా అని అడుగుతుంది.

ఉఫ్.. అనుకుని నా చూపు తేడాగా ఉంది అంటే దాని అర్థం ఏమిటి అంటాడు.  నాకెలా తెలుస్తుంది మీ చూపు గురించి.

నాకు ఒక డౌట్ పాప అంటాడు.  ఇదిగో మళ్ళీ పాప అంటే.. నిన్ను పాప అనకుండా అమ్మాయి అని కూడా అనలేకపోతున్నాను.

అంత చిన్న పాపని అయితే పెళ్ళెందుకు చేసుకుంటున్నారు అని అలకగా అంటుంది.  కదా.. నాకు అదే అనుమానం వస్తుంది.

ఇప్పుడు అంత అనుమానం ఎందుకు వచ్చింది అని కోపంగా అడుగుతుంది.  అరే ఇప్పుడు నీ చూపు ఎందుకు తేడాగా ఉంది అని అడుగుతాడు.

నాకు కోపం వచ్చింది అంటుంది. మరి ఇక్కడ మాకు అంతే అంటాడు.  అవునా మీకెందుకు కోపం వచ్చింది. ఎవరేమన్నారు అని అడుగుతుంది.

పాప నీ బుర్ర ఎక్కడ పెట్టుకుని మాట్లాడతావు చెప్పు అని నీరసంగా అంటాడు.  భలేవారే ఎవరి బుర్రైనా వాళ్ళ తలలోనే ఉంటుంది కదా..

నీ బుర్ర తలలో కాదే అరిపాదం కింద ఏదైనా ఉంటే అక్కడ ఉండి ఉంటుంది. మీరు నన్ను తిడుతున్నారు అని అలకగా అంటుంది.

తిట్టడం కాదు ఎదురుగుండా ఉంటే.. ఉంటే అంటే.. వద్దులే చిన్నపిల్లవి ఇంకా వినలేవు అని అంటాడు.  ఆ మాటకి గుర్రు గా చూస్తూ ఉంటే..

ఏంటే ఆ చూపు ఊరెళ్ళిపోయావు. అరే కాబోయే మొగుడు ఏం చేస్తున్నాడు..  తిన్నాడా లేదా.. పడుకుంటున్నాడా అన్న ఆలోచన లేదా..  నేను ఫోన్ చేసేదాకా ఫోన్ కూడా లేదు అంటాడు. 

ఆ మాటకి గారంగా అంటే మీ గురించి ఆ అత్తయ్య చూసుకుంటారు కదా.. అందుకని నేను అడిగితే బాగోదు అని మెలికలు తిరుగుతుంది.

అబ్బో ఈ గారాలకు ఏమీ తక్కువ లేదు.  ఏం చేస్తున్నావ్ అని ఫోన్ మీద వేలు పెట్టి శాంభవి ఫేస్ ని చూస్తూ అడుగుతాడు.

రోజు చేసేవి అన్నీ చెబుతూ ఉంటుంది.  ఇందులో నాకు ఒక్క ఐదు నిమిషాలు టైం ఇవ్వే బంగారం అంటాడు.  వై అంటుంది.

ప్రేమ పాఠాలు నేర్పిద్దామని. ఆల్రెడీ మనం ప్రేమించుకుంటున్నాం కదా అంటుంది.  ప్రేమంటే ఏమిటో చెప్పు బంగారం అంటాడు.

ప్రేమంటే అని బుగ్గన వేలు పెట్టుకుని ఆలోచిస్తూ ఒకరికి ఒకరు అంటే ఇష్టం అంటుంది.  ఇంకా అని అడుగుతాడు.
ఒకరిపై ఒకరికి పూర్తిగా నమ్మకం ఉండాలి.  ఎవరు ఏమీ చెప్పినా నమ్మకూడదు.

ఒకవేళ అనుమానించవలసిన పరిస్థితి వస్తే ఎందుకు జరిగిందా అని ఆలోచించాలి అంటుంది.  ఆ మాటకి శాంభవి వైపు చూస్తూ బానే తెలుసుకున్నావు.

ఇదే మాట మీద నిలబడు అంటాడు.  తప్పకుండా నేనెవరు అనుకుంటున్నారు శాంభవిని అంటుంది.  ఆ తెలుస్తుందిలే..

రోజు నాకు పొద్దున్నే లెగ్గానే గుడ్ మార్నింగ్ అని నువ్వు ఫోన్ చేసి చెప్పాలి.  అలాగే నైట్ పడుకునేటప్పుడు కూడా గుడ్ నైట్ చెప్పాలి అర్థమయిందా అంటాడు. అలాగే బా.. అంటుంది.

ఫోన్ పెట్టే వాడల్ల ఆగి ఏమన్నావు అంటాడు.  నేనేమీ అనలేదు బాయ్ అని పెట్టేసి గుండెల మీద చెయ్యి వేసుకుని అమ్మో బావ అని పిలవాలి అంటే చాలా ధైర్యం కావాలి అనుకుని రుద్రతో మాట్లాడిందంతా తలుచుకుని నవ్వుకుంటుంది.

రుద్ర కూడా నవ్వుకుంటూ పిలవాలని ట్రై చేస్తున్నావు కదా..ఎలాగైనా నీతో పిలిపించుకుంటాను అనుకొని ఫోన్ వైఫై చూస్తూ ఉంటాడు.

ధీరజ్ మెల్లిగా పక్కన కూర్చుని ఏంటి బావ మా చెల్లి తో మాట్లాడేవా అని అడుగుతాడు.  మీరు ఎప్పుడు వచ్చారు రా.. ఇప్పుడే వచ్చాము గాని.

ఆ శేషాద్రి గొడవేమిటి.. వెయిట్ అని చెప్పి కింద సెక్యూరిటీకి ఫోన్ చేసి రుద్రాసార్ వెళ్లిపోయారు అని చెప్పు అని పెట్టేస్తాడు.

సెక్యూరిటీ శేషాద్రి కి అలా చెప్పగానే అదేంటి నేను ఇక్కడే ఉన్నాను కదా ఎలా వెళ్లాడు. సార్ వెళ్లడానికి చాలా గేట్స్ ఉన్నాయి.

మీరు ఒక గేటు దగ్గర వెయిట్ చేస్తే ఎలా తెలుస్తుంది వెళ్ళండి అని చెబుతాడు. శేషాద్రి చేసేది ఏమీ లేక నీరసంగా ఇంటికి వెళతాడు.

జ్యోతి ఎదురు వచ్చి కంగారుగా రుద్రా కలిశాడా..  ఏమైనా చెప్పాడా.. ముందు  మంచినీళ్లు ఇవ్వు జ్యోతి అని అక్కడ సోఫాలో కూలబడతాడు.

మంచినీళ్లు తెచ్చి ఇచ్చి ఆత్రంగా ఎదురు చూస్తూ ఉంటుంది.  తాగిన తర్వాత ఆకలేస్తుంది అంటాడు.  ఆ మాటకి జ్యోతి కి కళ్ళల్లోంచి నీళ్లు కారుతాయి..

ఒక్క నిమిషం అండి అని వేడివేడిగా టిఫిన్ రెడీ చేసి చేతికి ఇస్తుంది.  అది తిన్న తర్వాత కాస్త కుదుటపడతాడు.

జ్యోతి చేతిని తన చేతిలోకి తీసుకుని నన్ను క్షమించు జ్యోతి అంటాడు.  ఇప్పుడు ఈ క్షమాపణ దేనికండి.. ఎప్పుడైనా నువ్వు తిని వెళ్ళమంటే విసుక్కునే వాడిని.

బయట ఎక్కడైనా తినొచ్చు ఏంటి ఇంటిదగ్గర తినేది. ఇది ఎప్పుడు ఇలాగే వెంటపడుతుంది అని చిరాకు పడేవాడిని.

ఈరోజు ఆకలి విలువ తెలిసింది.  నీ విలువ తెలిసింది అంటాడు.  ఇప్పుడు నా విలువ తెలిసిన తెలియకపోయినా నష్టమేమీ లేదు.

రుద్రా కలిశాడా ఏమైనా చెప్పాడా అని అడుగుతుంది. లేదు కలవలేదు అని తల ఊపుతాడు.  మరి ఇప్పుడు ఎలా అండి.

నువ్వు టెన్షన్ పడకు నేను ఎలా అయినా రుద్రని కలుస్తాను.  రుద్ర మన  నుంచి ఏదో కోరుకుంటున్నాడు. అది చేస్తాను అంటాడు. ఆ మాటకి నాగేంద్ర కోపంగా శేషాద్రి అని అరుస్తాడు.

శేషాద్రి??

[SivaSai]

Part - 65

శేషాద్రి అని నాగేంద్ర గట్టిగా అరుస్తాడు. ఎందుకు నాన్న అరుస్తున్నారు ఇప్పుడు మీరు. లేకపోతే నువ్వు చేస్తున్నది ఏమిటి.

మన శత్రువు అయినా రుద్ర దగ్గరికి వెళతావా..  ఆ గజపతి, భూపతులు మనకు ఎంత శత్రువులో తెలుసు కదా...

మరి వాళ్ళ శత్రువులని తెలిసే భూపతిల ఇంటికి నీ కూతుర్ని పంపించాలనుకున్నారా..  శేషాద్రి అంటే.. ఎందుకు మాట్లాడితే అరుస్తున్నారు.

నేను అడిగిన దాంట్లో తప్పేముంది.  ఆరోజు మయూరిని ఎలా చేయాలి అనుకున్నారు. కోపంతో కళ్ళు ఎర్ర చేస్తూ చేతులు రెండు బిగిస్తాడు.

మీరు ఎంత కోపంగా చూసిన అదే నిజం కదా..  ఇప్పుడు చేయడం లేదు కదా.. మీ కూతురి జీవితం ఏమైనా మీకు పరవాలేదు ఏమో గాని నా కూతురు జీవితం నాకు చాలా ముఖ్యం.

అది సంతోషంగా ఉంటే నాకు చాలు.  పగ పగ అని మీరు మీ కూతురు జీవితాన్ని నాశనం చేసినట్టు నేను నా కూతురు జీవితాన్ని నాశనం చేయలేను.  చెయ్యను.

త్వరలోనే అక్క బావ వస్తున్నారు.  ఏం చెప్పకుంటారో చెప్పుకోండి అనే సీరియస్గా గదిలోకి వెళ్ళిపోతాడు. భర్తలో వచ్చిన మార్పు కి జ్యోతి ఆశ్చర్యపోతూ..భర్త వెనకాలే వెళుతుంది.

లక్ష్మి భర్త దగ్గరకు వచ్చి ఇప్పుడు మీకు సంతోషంగా ఉందా అని అడుగుతుంది.  లక్ష్మీ అంటే.. ఎందుకు ఈ కోపం.  పగ పగ అంటున్నారు.

దేనికోసం... దీనివల్ల మీకేం వచ్చింది. అయినవాళ్ళందరూ దూరమై మీరు మీ కూతురు పగ..  పగ అని తిరిగి ఏం సాధించారు.

మయూరి జీవితం మోడుభారీపోయింది.  దాని వయసు వాళ్లందరూ పిల్లాపాపలతో కళకళలాడుతూ ఉంటే ఒంటరిగా ఆ గదిలో ఆ ఫోటోలు చూస్తూ కాలం గడుపుతుంది.

ఇంత వయసు వచ్చిన మీకే భార్య  అవసరం కనపడుతుంది.  అలాంటిది అది అలా బతుకుతున్నా సరే మీకు ఏమీ బాధ లేదు. ఏం మనిషి అండి మీరు.

ఇదేనా మీకు మీ కూతురు మీద ఉన్న ప్రేమ అని అడుగుతుంది.  కోపం తట్టుకోలేక..  ఎదురు ప్రశ్నిస్తున్న భార్యకు సమాధానం చెప్పలేక గట్టిగా కొడతాడు.

చంప మీద చెయ్యి వేసుకుని ఇంతకు మించి మీరు ఏమి చేయగలరు లెండి అని అక్కడ నుండి వెళ్ళిపోతుంది.  అందరూ నాకు సలహాలు చెప్పేవాళ్లే అయిపోతున్నారు.

రుద్ర నిన్ను వదలను నా అనుభవం అంత లేదు నీ వయసు. నాకే సవాలు విసురుతున్నావా..  ఏం చేయాలి అని నా మనవరాళ్ళ ఇద్దరు జీవితంతో ఆడుకుంటున్నావు అని ఆలోచిస్తూ ఉంటారు.

అల్లుడు గుర్తుకు రాగానే ఒళ్లంతా చెమటలు పడతాయి.  మయూరి ఇదంతా విని మౌనంగా తన గదిలోకి వెళ్లి తలుపులు వేసుకుంటుంది.

దేవేంద్ర ఫోటో చూస్తూ.. నా ప్రేమ నీకు కనపడలేదా...  ఎప్పుడో చనిపోయిన నీ భార్యని ప్రేమిస్తూ ఎదురుగుండా ఉన్న నన్ను వదిలేస్తున్నావు.

నేను నీకోసం పరుగులు పెడుతూ ఉంటే నీ మేనల్లుడు నా మీద పగ సాధిస్తున్నాడు.  ఎందుకు దేవ్ ఇలా చేయడం. మనిద్దరం హ్యాపీగా పెళ్లి చేసుకుంటే ఈ పగలు పూర్తిగా తగ్గిపోతాయి కదా లేదు లేదు అసలు ఉండనే ఉండవు కదా..

అందరం సంతోషంగా ఉండొచ్చు. ఒప్పుకో దేవ్.. మైనపు బొమ్మని కౌగిలించుకొని కబుర్లు చెబుతూ ఉంటుంది.

రెండు రోజులు బాగా తిప్పించుకున్న తర్వాత రుద్ర అపాయింట్మెంట్ ఇస్తాడు. రుద్రా క్యాబిన్లో రుద్రాలతో పాటు మిగిలిన ముగ్గురు బావమరుదులు కూర్చుని ఉంటే శేషాద్రి మాత్రం నిలబడి ఉంటాడు.

రుద్ర చైర్ లో కూర్చుని తిరుగుతూ చెప్పు శేషాద్రి నా అపాయింట్మెంట్ కోసం ఎందుకో తెగ పరుగులు పెడుతున్నావు.

ఏమైనా అవసరం ఉందా.. ప్లీజ్ రుద్ర నీకు అన్నీ తెలుసు.  తెలిసే నాతో చెప్పేస్తున్నావా.. అయ్యో మిస్టర్ శేషాద్రి... మీలాంటి గొప్పవాళ్ళ గురించి నాకేం తెలుస్తుంది చెప్పు.

ఏంటి విషయం నేను ఏమైనా సహాయం చేయలా.. మోకాళ్ళ మీద కూర్చుని నిషా, ఆశా జీవితాన్ని నిలబెట్టు అంటాడు.

మీ ఇంటి  ఆడపిల్లల జీవితం నేను నిలబెట్టడం ఏమిటి.. నాకేమిటి సంబంధం. ప్లీజ్ రుద్ర వాళ్ళిద్దర్నీ నువ్వే అరేంజ్ చేసావని నాకు తెలుసు.

ఆ పెళ్లి చేసుకున్నది ఎవరో మాకు ఎవరూ తెలియదు.  దయచేసి వాళ్ళ గురించి ఇన్ఫర్మేషన్ ఇవ్వు.  ఇస్తే ఏమి చేస్తావ్.

వాళ్ళని చంపి మీ పిల్లలు ఇద్దరికీ మళ్లీ పెళ్లి చేస్తావా.. లేదు లేదు కాపురానికి పంపిస్తాను అంటే..  గట్టిగా నవ్వుతూ నువ్వు పంపిస్తే మాత్రం వాళ్ళు ఏలుకుంటారా..

మరి అలాంటప్పుడు ఎందుకు ఈ పెళ్లి చేశావు. మా నుంచి నువ్వు ఏం ఆశిస్తున్నావు రుద్ర . ఇప్పుడు కరెక్ట్ లైన్ కు వచ్చావు మిస్టర్ శేషాద్రి అంటాడు.

నువ్వు నాకు ఒక పని చేసి పెడితే వాళ్ళ మొగుళ్ళు ఎక్కడ ఉన్నారో చెబుతాను.  చెప్పు చేస్తాను అంటే.. త్వరలో నా పెళ్లి అంటాడు.

తెలుసు అంటే.. పర్వాలేదే అని మా పెళ్లి అయ్యేవరకు మీ ఇంట్లో ఎవ్వరూ కూడా పిచ్చపిచ్చ వేషాలు వేయకూడదు. పెళ్లి చెడగొట్టాలి.  పెళ్లిలో ఎవరినైనా నాశనం చేయాలి అన్న ఆలోచన రానివ్వకూడదు.

ఎవరైనా ఆ పని చేయాలి అనుకుంటే ముందుండి ఆపాల్సింది నువ్వే అంటాడు.. ఆ మాటకి శేషాద్రి ఏమీ మాట్లాడకుండా నీళ్లు నములుతూ ఉంటాడు.

ఏమిటి అల సైలెంట్ అయిపోయావు చెయ్యవా.
  చెయ్యకపోతే నేనేమీ చేయలేను..  అసలే ఆశ వాళ్ళ నాన్నగారు వస్తున్నారు అనుకుంటా అన్ని వెటకారంగా అంటాడు.

ఈ విషయం నీకు ఎలా తెలుసు. శత్రువు నీడని నిద్రలో కూడా పసగడతాను. అలాంటిది మీ గురించి నేను తెలుసుకోకుండా ఉంటాను మిస్టర్.

బావగారికి ఈ విషయం తెలిస్తే మమ్మల్ని అందరినీ చంపేస్తారు అంటాడు.  అది మరీ మంచిది కదా.. నాకు శత్రుశేషం ఉండదు అంటాడు.

ప్లీజ్ రుద్ర మేము చేసిన దానికి ఆడపిల్లలు ఇద్దరిని బలి చేయొద్దు. అలాంటి నీచపు పనులు చేసేది మీరు..
నీకు ఆప్షన్ ఇచ్చాను. వాడుకోమంటున్నాను నీ ఇష్టం అంటాడు.

శేషాద్రి ఇంకా అలాగే మోకాళ్ళ మీద ఉంటే నువ్వు బయటికి వెళ్తే మేము వర్క్ చేసుకోవాలి. నీలాగా పనీపాటా లేని వాళ్ళము కాదు.

శేషాద్రి మౌనంగా లేచి నీ పెళ్ళికి మా కుటుంబం నుంచి ఎటువంటి ఇబ్బంది రాకుండా ఉంటే నిజంగా వాళ్ల జాడ చెబుతావా అని అడుగుతాడు.

ఆ మాటకి రుద్ర నవ్వుతూ నేను మాటంటే మాటే.  ఏ రోజైనా మా కుటుంబాలు మాట తప్పాయ అని అడుగుతాడు. లేదు అని తల ఊపుతాడు.

ఇంకేం నీ పనిలో నువ్వు ఉండు మా పనిలో మేము ఉంటాము. సరే అన్ని ఇంటికి వెళతాడు.  వెళ్ళగానే మయూరి అని పిలుస్తాడు.

బయటికి వచ్చి ఏంటన్నయ్య అంటే.. ఇలా వచ్చి కూర్చో అని సోఫాలో కూర్చోబెట్టి కింద కూర్చుంటాడు. అన్నయ్య ఏమిటిది అని కంగారుగా అంటే.. ప్లీజ్ మయూరి నేను చెప్పేది విను.

జ్యోతి, లక్ష్మీ కూడా అక్కడే ఉంటారు.. చెప్పు అన్నట్టుగా మయూరి చూస్తే.. ఈరోజు రుద్రని కలిశాను. రుద్రా చెప్పిందంతా చెబుతాడు.

మయూరి మౌనంగా వింటూ ఉంటుంది.  ప్లీజ్ మయూరి... నీ జీవితం ఎలాగో ఎటు కాకుండా అయిపోయింది. వాళ్ళిద్దరూ నీ కళ్ళముందే పెరిగారు కదా..

వాళ్ల జీవితం బాగుండాలని నీకు లేదా..  ఆలోచించు.  రుద్ర పెళ్ళికి అడ్డుపడకుండా ఉండు.  నీ కాళ్లు పట్టుకుంటాను అని పాదాలు టచ్ చేస్తాడు. 

అన్నయ్య  అంటూ కాళ్ళు వెనక్కి లాక్కుంటుంది.  కన్నీళ్ళతో చూస్తున్న అన్నయ్యని నువ్వు రుద్ర మాటలు నమ్ముతున్నావా..

లక్ష్మి వెంటనే వాళ్ళు ఏమి మనలాంటి వాళ్ళు కాదు. ఆ కుటుంబాలు మాటిచ్చారంటే మాటే అంటుంది. దానికి విరక్తిగా నవ్వుతూ మరి నాకు ఇచ్చిన మాట అంటే..

ఆ మాటకి లక్ష్మీ నీకు మాట ఎవరూ ఇవ్వలేదు మయూరి. ఆరోజు అక్కడ దేవేంద్ర లేడు. అనసూయ కూడా దేవేంద్ర ఒప్పుకుంటే అని మాట్లాడింది..తర్వాత మీరిద్దరే కదా అనసూయ మనసుని పాడు చేశారు అంటుంది.

మయూరి మౌనంగా ఉంటే జ్యోతి ముందుకు వచ్చి చూడు మయూరి.  నిన్ను ఏరోజు ఏ విషయంలో కూడా నేను బ్రతిమాలింది లేదు.

ఇది నా కూతురు జీవితానికి సంబంధించింది. అలాగే మన ఇంటి పరువుకు సంబంధించినది.  వాళ్ళు ఇంకా ముందుకు వెళ్లారో లేదో కూడా తెలియదు.

ఒకవేళ వెళ్లి ఉంటే అప్పుడు పరిస్థితి ఏమిటి. నీ కాళ్లు పట్టుకుంటాను అని పట్టుకోపోతుంది.  వదిన నువ్వు చేసేది ఏమిటి..

ఏ రోజు నువ్వు నన్ను వదినగా గుర్తించలేదు. మీ ఇంటి పనిమనిషి నిన్ను బ్రతిమాలుతుంది అనుకో మయూరి అంటుంది.

లక్ష్మీ వెంటనే అమ్మ జ్యోతి ఏమిటా మాటలు..మరి ఏమి చేయమంటారు అత్తయ్య. ఎంత బ్రతిమాలుతున్న సరే ఆ మనిషి కరుగుతుందా..

పిల్లలు భవిష్యత్తు పాడైపోయినా పరవాలేదు పగ సాధించాలి అనుకుంటుంది. చచ్చిన తర్వాత ఆ పగను తీసుకుని పైకి వెళుతుందా..  ఏం మనుషులు అత్తయ్య వీళ్ళు అని మొదటిసారి తన బాధని ఆవేశాన్ని బయటకి కక్కుతుంది.

ఏనాడు మాట్లాడని వదిన కూడా అలా మాట్లాడేటప్పటికి మయూరి గట్టిగా కళ్ళు మూసుకుని తెరిచి సరే అన్నయ్య వాళ్ళ పెళ్లి వరకు నేను ఎటువంటి ప్రయత్నాలు చెయ్యను.

వాళ్ల పెళ్లి ఆపను సరేనా అంటుంది. ఈ మాట అన్నావు అదే చాలు. నువ్వు మాటిచ్చావు అంటే నాన్నగారు కూడా ఆ మాట దాటరు.

  థాంక్యూ మయూరి.. వెంటనే రుద్రా కి కాల్ చేస్తాడు. చెప్పు అని రుద్రా అనగానే.... మయూరి ఒప్పుకుంది అంటే మంచిది.

మయూరి మాత్రం మౌనంగా జరిగేది చూస్తూ ఉంటుంది. రుద్ర,  శాంభవిల పెళ్లి పనులు మొదలవుతాయి. అందరూ భూపతుల స్వగ్రామానికి చేరుకుంటారు.

శాంభవి కుటుంబానికి అందరూ రాచ మర్యాదలు చేస్తూ ఉంటారు.  అది చూసిన శాంభవి ఫ్యామిలీ చాలా హ్యాపీగా ఫీల్ అవుతారు.

కుటుంబ సభ్యుల సమక్షంలో నిశ్చితార్థం చేస్తారు. నిశ్చితార్థం అయిన వారం రోజుల్లోనే పెళ్లి ముహూర్తం కూడా పెట్టేస్తారు.

కౌసల్య ధరణి దగ్గరికి ఒక బ్యాగ్ తీసుకుని వస్తుంది.  ఏమిటి కౌసల్య అని ధరణి అడిగితే ఇవి మా తోటికోడలి చీర నగలు అని చెబుతుంది.  దేనికోసం అంటే శాంభవి కోసం.

శాంభవి ఫ్యామిలీ రియాక్షన్...

[SivaSai]

Part - 66

శాంభవి కోసం ఏమిటి అని ధరణి అంటే.. తప్పుగా అనుకోవద్దు మా తోటి కోడలు అంటే మా అందరికీ చాలా ఇష్టం. చాలా సున్నితమైన మనస్తత్వం ఉన్న అమ్మాయి.

ఏ రోజు కూడా మేము తోటికోడళ్ళు లాగ లేము. సొంత అక్కచెల్లిల్లాగా కలిసిపోయాము. అలాంటిది తన దూరమైన తర్వాత ఏదో వెలితి.

చారు, నేను ఉన్న.. ఏదో మిస్ అయ్యిన ఫీలింగ్. శాంభవి అచ్చు మా తోడికోడలులాగ అనిపిస్తుంది. అందుకే తెచ్చాను.

మీకు ఇబ్బంది అయ్యితే పెట్టదు కాని ఇవి శాంభవి దగ్గర ఉంటే మా అందరికి చాలా సంతోషం. అయ్యే కౌసల్య... నువ్వు మరి ఇంత ఇదిగా చెప్పాలా...

ఈ నగలు చాలా విలువ ఉంటాయి అనుకుంటా..అవి శాంభవికే అని ఇబ్బంది పడుతూ ఉంటే.. శాంభవి కన్నా నగలు మాకు ఎక్కువ కాదు.

అమ్మాయే మా ఇంటి పిల్ల అవుతున్నప్పుడు.. ఈ నగలు తనవి అవ్వవా అంటే..  ఇబ్బందిగానే తీసుకుంటుంది.
పెళ్లికి వారం రోజులే ఉండడం వలన అన్ని పనులు హడావుడిగా మొదలవుతాయి.

శాంభవి పూర్తిగా ఆడవాళ్ళ మధ్యన ఇరుక్కుపోతుంది. ఒక పని అయ్యేటప్పటికి ఇంకొకటి అని అలంకరణ అని ఏదో ఒకటి ముస్తాబు చేస్తూనే ఉంటారు.

తనకి ఏదో మిస్ అవుతున్న ఫీలింగ్.  బెంగగా చూస్తూ ఉంటుంది. ధరణి వచ్చి ఏమయింది శాంభవి ఎందుకలా ఉన్నావు.

అమ్మ నాన్నని చూడాలి అంటుంది.  ఆ మాటకి కోపంగా చూస్తూ మీ నాన్న ఏమన్నా చంటి పిల్లోడా ఎక్కడికైనా పారిపోతారా..

ప్లీజ్ అమ్మ అసలు నాన్నలతో మాట్లాడి ఎన్నో రోజులైనట్టుంది అంటే.. ఎన్నో రోజులు ఎక్కడ.. పొద్దున్నే కదా మాట్లాడావు.

అబ్బా అలా మాట్లాడింది కూడా ఒక మాట్లాడడమేనా..  మరి ఇంకా ఎలా మాట్లాడాలి.. ఒళ్ళో కూర్చోబెట్టుకుని గోరుముద్దలు తినిపించాలా..  ఇప్పుడు నువ్వు పెళ్లి కూతురివి అని కోపంగా అంటుంది .

నువ్వు అలాగంటే నేను అలుగుతాను. ఇక్కడి నుండి వెళ్ళిపోతాను అంటుంది.  అమ్మ తల్లి నువ్వు అలాంటి పిచ్చి పనులు చేయకు. ఉండు ఎక్కడున్నా పిలుచుకు వస్తాను అని చెప్పి బయటకు వెళుతుంది.

రసరసలాడుతూ  వస్తున్న ధరణిని చూసి ఏమైంది పిన్ని అని లలిత్ అడుగుతాడు. ఏమవుడమేంటి..  నీ ముద్దుల చెల్లెలు చేస్తున్న తింగర పనులు.

తింగరి పనుల ఏం చేసింది .. అర్జెంటుగా మీ నాన్నలు ఇద్దరినీ చూడాలంట..  బెంగ వచ్చేసిందంట..  రేపు పెళ్లయి అత్తారింటికి వెళ్ళాక ఏం చేస్తుందో ఏమిటో నన్ను మాత్రం టెన్షన్ పెడుతుంది.

మరీ అంత టెన్షన్ పడకు పిన్ని. అందరం ఉన్నాము కదా.. మనం ఎంత మంది ఉన్నా సరే మీ చెల్లికి లెక్కలోకి రాము. అది నిజమేలే అని జయంతి వస్తుంది.

చూసావా అక్క అది చేస్తున్న తింగర పనులు. నువ్వు టెన్షన్ పడకు.  ఇప్పుడు అలాగే ఉంటుంది. రేపు పెళ్లి అయ్యాక తనే మారుతుంది.

మనం మారలేదా... మన దారి వేరు అక్క. మనల్ని గారాబంగా చూశారుగాని మరీ ఇంత నెత్తినపెట్టుకోలేదు. ఈ టైంలో ఎవరైనా కాబోయే మొగుడు గురించి ఆలోచిస్తారు.

మన అమ్మాయి గారు మాత్రం నాన్నల గురించి ఆలోచిస్తుంది.  ఐదేళ్ల చంటి బిడ్డ దగ్గరే ఆగిపోయింది. రేపు రుద్ర ఎలా రిసీవ్ చేసుకుంటాడు.

వదినగారు మన గురించి ఏమనుకుంటారు అని కంగారుపడుతుంది.  వీళ్ళ మాటలు విన్న చారులత నేను ఏమి అనుకోను.

నాకు ఎలాగు  కూతుళ్లు లేరు కోడలు రూపంలో కూతురే వస్తుంది అనుకుని మీరు ఎంత జాగ్రత్తగా చూశారో అంతే ఆపురూపంగా మేము చూసుకుంటాము సరేన..

మీరు ఇలాగే గారాభం చేస్తే అల్లుడు గారు చాలా ఇబ్బంది పడిపోతారు వదినా.. అయ్యో మీ అల్లుడు గురించి చెబుతున్నావా..

పైకి కోపంగా ఉన్నట్టు బిల్డప్ ఇస్తున్నాడు గాని అందరికన్నా ఎక్కువ గారం చేస్తున్నాడు అంటే ఇది నిజం పిన్ని అని ధీరజ్ వస్తాడు. 

చెల్లెమ్మతో మాట్లాడకుండా అసలు ఉండలేడు. ఎలా దారిలోకి పెట్టుకోవాలో రుద్రకి బాగా తెలుసు. మీరు అనవసరంగా టెన్షన్ పడకుండా అన్ని ఎంజాయ్ చేయండి. మేము చూసుకుంటాం కదా అంటాడు.

ఆ మాటకి ధరణి,  జయంతి కొద్దిగా ఊపిరి తీసుకుంటారు.  సరే సరే  అని లలిత్ వెళ్లి తీసుకు వస్తాడు..

ఇద్దరు కూతురు దగ్గరికి వెళ్లి ఏమైందిరా అంటే.. నాన్న అని ఇద్దర్నీ పట్టుకుంటుంది.  ఏమైంది మా బంగారు తల్లికి  బెంగగా ఉంది నాన్న.

బెంగ ఎందుకురా  తల్లి. మేము ఇక్కడే ఉన్నాము కదా అని బుజ్జగిస్తూ ఉంటారు. ఇదంతా లైవ్ లో చూస్తున్న రుద్ర మాత్రం తల దేనికేసి కొట్టుకోవాలా అర్థం కాక చూస్తూ ఉంటాడు.

ఈ టైంలో నా గురించి ఆలోచించాలి. ఎవరైనా అప్పగింతలప్పుడు ఏడుస్తారు.  నువ్వు ఇప్పుడు నుంచి బెంగగా ఉంది బెంగగా ఉంది అంటూ ఉంటే చూసే వాళ్ళు మొగుడు మీద ఏ మాత్రం ప్రేమ లేదు అనుకుంటారు. నిన్ను మార్చేటప్పటికి నాకు గెలాక్సీ కనపడేటట్టు ఉంది.

విహాన్ రుద్ర పక్కన కూర్చుని ఏంటి బావ మా చెల్లిని చూస్తూ ఉన్నావు.  సెక్యూరిటీ అంటాడు. సెక్యూరిటీ నా లేకపోతే చూడలేకుండా ఉండలేకపోవడమా..

అంత లేదు. రేపటి నుండి నా ముందేనే ఉంటుంది కదా.. ఏమో బెంగా బెంగా అని రేపల్లె పరిగెడుతుందేమో అని నవ్వుతాడు.

ఒరేయ్ మీ చెల్లి రేపల్లె పరిగెడితే తీసుకువచ్చి అప్పజెప్పడం మీ బాధ్యత.. నాదేం పోయింది అంటాడు.  మా చెల్లి కోసం నువ్వు వెళ్ళావా..  ఆరుగురు బామ్మర్దులు ఉన్నారు. నాకేం అవసరం చెప్పరా...

ఆయన ఇంతమంది బామ్మర్దిలు ఉండడం కూడా లక్కే అంటాడు.  ఎందుకో అంటే..  ఎందుకు ఏమిటి.. మీ చెల్లి అలిగి వెళ్లిందే అనుకో..

రోజుకో ఒక బామ్మర్ది తీసుకొచ్చి దింపుతూ ఉంటారు. ఆస్తమాను ఒకళ్ళు మొఖమే చూసిన బోర్ కొడుతుంది కదా.....

అందుకే ముఖాలు మారుతూ ఉంటే పోనీలే పోనీలే అని మీ చెల్లిని ఎక్స్క్యూజ్ చేయడానికి ఉంటుంది.  అబ్బో మా బావగారికి చాలా కోరికలున్నాయే.. ఇవి కోరికలు కాదురా...  నిజాలు. మీ చెల్లి సంగతి బాగా తెలుసు కదా...

చదివేసినట్టు ఉన్నావు.. హ్మ్..  చాలా జాగ్రత్తగా కూడా ఉండాలి.  ఆ మయూరి ఏ విధంగా అయినా హాని తలపెట్టడానికి ప్రయత్నించవచ్చు లేదా మనసు విరిచేలాగా ప్రవర్తించవచ్చు.

అది నిజమేలే బావ.  అందుకే సెక్యూరిటీని టైట్ చేశాను. ప్రతి ఒక్కడిని బాగా చెక్ చేసి పంపించమన్నాను. రుద్ర నవ్వుతూ నువ్వు మయూరిని చాలా తక్కువ అంచనా వేస్తున్నావు.

ఏమీ చెయ్యను అని మాట ఇచ్చిన సరే తను కదపాల్సిన పావులు కదుపుతూనే ఉంటుంది. మనకి తెలిసిన వాళ్ళతోనే ప్రయోగాలు చేయించిన ఆశ్చర్యపడక్కర్లేదు.

మరి ఏం చేయాలి బావ..  అందుకే కదా ఎవరీ మినిట్ మీ చెల్లిని వాచ్ చేస్తూ ఉన్నాను.  ప్రతిదీ నా కంట్రోల్లో ఉంచుకున్నాను.

బట్ ఎందుకైనా మంచిది ఎవరి జాగ్రత్తలో వాళ్ళు ఉండండి.  శాంభవి ఫ్యామిలీని మొత్తాన్ని కూడా వాచ్ చేస్తూ ఉండండి.

కొత్త వాళ్ళు ఎవరైనా కలుస్తున్నారా.. మాట్లాడుతున్నారా.. ఏం మాట్లాడుతున్నారో అన్నది ఈచ్ అండ్ ఎవరీ మినిట్ తెలుసుకోండి.

ముఖ్యంగా వాళ్ళ చుట్టూ ఉండే సర్వెంట్స్ అందరూ మనకు పూర్తిగా నమ్మకమైన వాళ్ళనే ఉంచండి అంటే.. అలాగే బావ అంటాడు.

పెళ్లి ఇంకా మూడు రోజులు ఉందనగా ఇద్దరికి మంగళ స్నానాలు చేయించి వధూవరులను చేస్తారు. పెళ్లికూతురుగా ముస్తాబయిన శాంభవిని చూసి భాను ప్రసాద్, శివప్రసాద్ ఎమోషనల్ అవుతారు.

ఇద్దరు కూతుర్ని హత్తుకుని ఎంత పెద్ద దానివైపోయావు. మాకు ఇంకా నువ్వు పుట్టినప్పుడు చేతుల్లో తీసుకున్నట్టుగానే ఉంది.

అప్పుడే నీకు పెళ్లి అంటే చంటిబిడ్డకి పెళ్లి చేస్తున్నట్టు ఉంది అని ఎమోషనల్ అవుతారు. దేవేంద్ర కి కూడా కూతుర్ని దగ్గరికి తీసుకుని గట్టిగా హత్తుకోవాలని ఉంటుంది.

కానీ పరిస్థితులు అనుకోలించక మౌనంగా కూతురిని కన్నీళ్ళతో చూస్తూ ఉంటాడు. అది అర్థమైన జితేంద్ర భుజం పైన తడుతూ కంట్రోల్ చేస్తూ ఉంటాడు.

చూసావా అన్నయ్య నా కూతురు బంగారపు బొమ్మలాగా ఉంది కానీ నా దురదృష్టం దగ్గరికి తీసుకుని ముద్దు చేయలేకపోతున్నాను.

అచ్చు నా భార్యని చూసినట్టే ఉంది. అవును రా నువ్వు అన్నది ప్రతిదీ నిజమే.  ఇంకెంత పెళ్లయిన తర్వాత అమ్మాయి మన దగ్గరే ఉంటుంది కదా..

అప్పుడు నీ ప్రేమని అంతా చూపించు. ఆ మాటకి విరక్తిగా నవ్వుతూ ఎంత చూపించినా నేను రుద్ర మేనమామనే కానీ శాంభవి కన్న తండ్రి కాదు కదా అంటాడు.

దేవేంద్ర అని బాధగా అంటే.. నా కర్మకి నువ్వెందుకు అన్నయ్య బాధపడుతున్నావు.  విధిరాతని ఎవరు మార్చగలరు.

ఆ మాటలు విన్న అనసూయ కొడుకు బాధకి నేనే కారణం కదా.. నా మూర్ఖత్వం వలెనే వాడి జీవితం ఇలా అయిపోయింది అని బాధపడుతుంది.

రాఘవేంద్ర కొడుకులిద్దరి దగ్గరికి వచ్చి ఇప్పుడు బాధపడవలసిన సమయం కాదు సంతోషపడవలసిన సమయం రండి అని తీసుకువెళతాడు.

శివ భాను లను  తేలికపరచడానికి ధరణి కన్నీళ్లు తుడుచుకొని ఇంకానయం బాల్య వివాహం చేస్తున్నాం అనలేదు.

భాను చిరుకోపంగా ధరణి అంటాడు. ఇప్పుడు నేను ఏమన్నానండి.. చంటి బిడ్డకి పెళ్లి అంటే బాల్య వివాహమే అనుకుంటారు కదా..

ఆ మాటే చెప్పాను అంతే కదా అక్క.. అవునవును ఆ విషయం మనకు తెలుస్తుంది గానీ మగవాళ్ళిద్దరికీ తెలియడం లేదు. 

ధరణి, జయంతి చమత్కారానికి అందరూ నవ్వుతారు. వాతావరణం తేలికయింది అనుకున్నాక అమ్మయ్య అని గుండెల మీద చేయి వేసుకుంటారు.

విహాన్,  అద్వైత్ ధరణి వాళ్ళ దగ్గరకు వచ్చి మీరు చాలా తెలివైన వాళ్ళు పిన్ని అంటారు.  దేనికి.. శాంభవి గురించి బాబాయిలు ఇద్దరు టెన్షన్ పడుతుంటే మీరు వాతావరణాన్ని తేలిక చేశారు కదా..

ఆ మాటకి నవ్వుతూ కూతురు మీద మాకు ప్రేమ ఉంది. అది అంటే మా అందరికీ పంచప్రాణాలు. కాకపోతే వీళ్ళిద్దరూ మరీ సెన్సిటివ్. ఇలాగ బాధపడుతూ ఉంటే శాంభవి పెళ్లిని ఎంజాయ్ చేయలేదు.

జీవితంలో ఒకే ఒకసారి వచ్చేదే పెళ్లి. అందరూ కలిసి ఎంజాయ్ చేస్తేనే మధురానుభూతిగా గుర్తుండిపోతుంది.

పిన్ని మీకు ఒక ముఖ్యమైన విషయం చెప్పాలి అంటారు.

ఏం చెబుతారు..

కథ కొనసాగుతుంది...

[SivaSai]

Sooper update.
When will the past be revealed?

No Past Story ki Konchem Time Undi 

Past Story Gurenchi Oke Roju Post Chestanu

[SivaSai]

Part - 67

విహాన్,అద్వైత్ ఒకరినొకరు చూసుకుని మీతో ఒక ముఖ్యమైన విషయం చెప్పాలి పిన్ని. చెప్పండి విహాన్ అంటే.. ఇక్కడ కాదు కొంచెం లోపలికి వెళదామని గదిలోకి తీసుకువెళ్ళి తలుపులు వేస్తారు.

ఏదైనా సీరియస్ మేటరా.. కొంచెం అలాంటిదే. చెప్పండి బిజినెస్ పరంగా మనకి చాలా మంది రైవల్స్ ఉన్నారు.  ఏవిధంగా అయినా ఈ పెళ్లి ఆపాలి అని కుట్రలు పన్నుతున్నారు.

బయట నుంచి వచ్చే ప్రతి శత్రువులని మేము ఆపగలం కానీ... మనవాళ్లే అని ముసుగేసుకోనే వాళ్ళని ఆపలేము కదా..

ఎవరైనా వచ్చి ఏదైనా చెప్పినా సరే నమ్మకండి
శాంభవి జాగ్రత్త. ఆ మాటకి ధరణి, జయంతి ఒకరినొకరు చూసుకుని సరే బాబు మేము జాగ్రత్తగానే ఉంటాము.

శాంభవి చుట్టుపక్కల కూడా ఎవరిని రానివ్వము. థాంక్యూ పిన్ని. ఇందులో థాంక్స్ చెప్పడానికి ఏముంది.  ఇది మన కుటుంబం. ఆ మాటకి ఇద్దరూ చాలా హ్యాపీగా ఫీల్ అవుతారు.

పెళ్లి టైం దగ్గరికి వచ్చేస్తుంది. పెళ్లి కూతురు, పెళ్ళికొడుకుని ఇద్దరినీ మండపం పైన కూర్చోబెడతారు. పెళ్లి అంతా చాలా ఆర్భాటంగా జరుగుతూ ఉంటుంది.

విందుకి,  మర్యాదలకు ఎటువంటి లోటు రానివ్వకుండా అంగరంగ వైభవంగా చేస్తూ ఉంటారు.  ఆ ఏర్పాట్లు చూసి శివప్రసాద్,  భానుప్రసాద్ కూడా ఆశ్చర్యపోతారు .

అందరి సమక్షంలో శాంభవి సమ్మతంతో రుద్ర, శాంభవి మెడలో మూడు ముళ్ళు వేస్తాడు. అది చూసిన దేవేంద్ర కంటతడి పెడతాడు.

జితేంద్ర తమ్ముడిని పట్టుకునే ఊరుకో  అంటే.
నా కూతురుని ఇప్పుడు దాకా ఎత్తుకొని ముద్దు చేసింది లేదు.

అలాంటిది ఒక్కసారిగా కనబడి పెళ్లి పీటల మీద కూర్చుంటే తట్టుకోలేకపోతున్నాను అన్నయ్య. ఏయ్ మరి ఎమోషనల్ అవ్వకురా..

రేపటినుండి మనకి చాలా సరదాలు ఉంటాయి.  శాంభవి పిల్లల్ని నువ్వే పెంచు. ఆ మాటకి నవ్వుతూ పెంచడం ఏమిటి..  వాళ్లకి నేనే పెద్ద పనివాడిని అవుతాను.

తమ్ముడు ప్రేమకి మురిసిపోతూ నీకు ఎలా నచ్చితే అలా చేద్దాం సరేనా అంటాడు. శివప్రసాద్, భాను ప్రసాద్ కూడా ఎమోషనల్ అవుతారు.

జయంతి, ధరణి పక్కనే నిలబడి కంట్రోల్ అంటూ ఉంటారు. ఏంటి కంట్రోల్.. నా చిట్టి తల్లి చూడు అప్పుడే పెళ్లి అయిపోయింది.

మేము కూడా ఇలాగే పెళ్లి చేసుకుని వచ్చాము కదా.. ఆ.. మీరు నా బంగారం ఒకటే నా అని రుసురసలాడతారు. ఓరి దేవుడో... వీళ్ళ కూతురు ప్రేమ ఏమో గాని చంపేస్తున్నారు అక్క అంటుంది.

కూతురు అత్తారింటికి వెళితే ఎవరైనా అమ్మలు ఏడుస్తారు.  మనం ధైర్యంగా ఉన్నాము వీళ్ళిద్దరూ బేర్ మంటున్నారు.

రేపటి నుంచి మనం ఎన్ని బిందులు పట్టుకోవాలో ఏమిటో..  భాను వెంటనే మీ ఉద్దేశం ఏమిటి.. మేము ఏడుస్తూ ఉంటాం అనా..

అయ్యో మీలాంటి గొప్ప వాళ్ళని మేము ఎందుకు అంటాం.  కూతురు మీద ప్రేమ ఉండాలి అది ఎలా..  ఏ విషయంలో అయినా సరే మేమున్నాము అని ధైర్యం ఇచ్చే విధంగా..

మీరే ఏడుస్తూఉంటే ధైర్యం చెప్పే వాళ్ళు ఎవరు.. మేము ఎంత మంది ఎలా చెప్పినా సరే శాంభవి చూపు ఎప్పుడూ మీ ఇద్దరి పైనే ఉంటుంది.

ఆ మాటకి అన్నదమ్ములు ఒకరి మొఖం ఒకరు చూసుకుని అది నిజమేలే.. మేము ధైర్యంగానే ఉంటాము అంటారు. నమ్మొచ్చా అంటే... నమ్మొచ్చు.

కావలిస్తే చూడండి. అప్పగింతలప్పుడు నవ్వుతూ పంపిస్తాము. అబ్బో అంటారు తోటికోడళ్ళు ఇద్దరు.

అందరి నవ్వులు సరదాల మధ్యన పెళ్లి వేడుక ముగుస్తుంది. అరుంధతి నక్షత్రం చూపించమని రుద్రతో చెబితే..  శాంభవి భుజం మీద చెయ్యి వేసి దగ్గరకు లాక్కుని చెయ్యి పట్టుకుని చూపిస్తాడు.

అప్పగింతలు లేకుండానే శాంభవి తో కుడికాలు లోపల పెట్టించి అత్తరింటికి స్వాగతం చెబుతారు. సులోచన ఆ విషయమే అడిగితే...

చారు నా కోడలు కంటతడి పెడితే మేము చూడలేము పెద్దమ్మ.  అందుకనే అప్పగింతలు లేకుండా గృహప్రవేశం చేపించాను.

శాంభవి పైన చారులత చూపిస్తున్న ప్రేమకి పెద్ద ఆవిడ మనసు నిండిపోతుంది. చారులత చేతులు పట్టుకొని ఎప్పుడూ ఇదే ప్రేమ నా మనవరాలు పైన చూపించమ్మా..

అది ఉత్తి అమాయకురాలు.  మా ఇంట్లో మగవాళ్ళు అందరూ అతి ప్రేమతో ప్రపంచం తెలియకుండా చేశారు. అసలు లోకజ్ఞానమే లేదు.

తెల్లనివన్నీ పాలు.. నల్లనివన్నీ నీళ్లు అనుకుంటుంది. ఆ మాటకి సులోచనకి ధైర్యం చెబుతూ..  మీరు కంగారు పడకండి.

అమ్మాయిని మేము కంటికి రెప్పలాగా చూసుకుంటాము. అన్నింటికి మించి నా కొడుకు ఉన్నాడు.  తన భార్యని ఎలా చూసుకోవాలో అన్నది వాడికి బాగా తెలుసు.

రెస్ట్ తీసుకోండి పెద్దమ్మ అని అందరికీ గదులు చూపిస్తుంది.  పెళ్లి అలసటతో అందరూ పడుకుంటారు. శాంభవితో ధరణి జయంతి ఉంటారు.

శాంభవికి ఇద్దరు జాగ్రత్తగా చెబుతూ ఉంటే సరే అమ్మ సరే అమ్మ అని తలుపుతూనే నిద్రపోతుంది. ధరణి జయంతి కూడా పడుకుంటారు.

అందరూ ప్రశాంతంగా పడుకున్న రుద్ర మాత్రం ఆలోచిస్తూ ఉంటాడు. ధీరజ్ వచ్చి ఏంటి బావ.. పెళ్లయిపోయింది మరి ట్రీట్ ఏది.. ఒరేయ్ అని విసుగ్గా అంటాడు.

ఏమైంది బావ అంత చిరాకుగా ఉన్నావు. మయూరి స్టెప్ ఏంటా అని ఆలోచిస్తున్నాను. నువ్వంత గట్టిగా వార్నింగ్ ఇచ్చిన తర్వాత ఎందుకు పిచ్చి పనులు చేస్తుంది.

నీ వార్నింగ్ కి భయపడే కదా పెళ్లిలో ఎటువంటి డిస్టర్బెన్స్ చేయలేదు. నువ్వు మయూరిని చాలా తక్కువ అంచనా వేస్తున్నావు.  కచ్చితంగా ఏదో ప్లాన్లో ఉండే ఉంటుంది. 

సరే ఏం ప్లాన్ వేసినా పెళ్లయితే ఆగలేదు కదా..  శాంభవి నీ దగ్గరే ఉంటుంది కాబట్టి భయం లేదు.  ముందు ఆలోచనలు ఆపి రెస్ట్ తీసుకో బావ.

రేపు మళ్లీ నోములు ఉన్నాయి తర్వాత అంతా నీకు జింగిలాల జింగిలాలే అంటాడు. ఆ మాటికి రుద్ర బ్లష్ అవుతూఉంటాడు.

అబ్బో మా బావ కూడా సిగ్గుపడుతున్నాడే..  నీకు పెళ్లి అవుతే అప్పుడు తెలుస్తుంది లేరా.. బయటకు పో. లేదు.. లేదు..  ఈరోజు నీతోనే పడుకుంటాను బావ అని మంచం ఎక్కుతాడు.

రుద్ర నవ్వుకుంటూ వచ్చి పడుకొని శాంభవితో ఫస్ట్ మీటింగ్ నుంచి ఇప్పుడు దాకా జరిగిందంతా తలుచుకుంటూ పడుకుంటాడు.

ఉదయమే నోముల హడావిడి మొదలవుతుంది. నోములకి శాంభవి.. కౌసల్య ఇచ్చిన నగలు పెట్టుకుంటుంది.

అందంగా ముస్తాబు అయిన శాంభవి గది బయటకు రాగానే అందరూ అలా చూస్తూ ఉండిపోతారు. దేవేంద్ర కి కన్నీళ్లు ఆగనంటూ వస్తూ ఉంటాయి.

తుడుచుకుని చూస్తూ ఉంటాడు. జితేంద్ర వైపు చూసి అచ్చు నా భార్య లాగానే ఉంది కదా అన్నయ్య. అవును రా తనని చూసినట్టే అనిపిస్తుంది .

నీ భార్య ఎక్కడికి వెళ్ళలేదు రా.. నీ మీద ప్రేమతో మళ్ళీ తన రూపంలోనే నీ దగ్గరికి వచ్చింది. అవును అన్నట్టుగా తలుపుతాడు.

చారులత, కౌసల్య దగ్గరకు వచ్చి ఎంత బాగున్నావే బంగారు తల్లి. మాదిష్టే తగిలేటట్టు ఉంది అని కాటుక తీసి అరిపాదంలో పెడతారు.

అయ్యో మీరు కాలు పట్టుకోవడం ఏమిటి.. కూతురు పాదం పట్టుకుంటే తప్పేమీ లేదులే.. రా అని తీసుకువెళ్తారు.

ఇదంతా చూస్తున్నా అనసూయ మనవరాలిని దగ్గరికి తీసుకుని ముద్దాడాలి అనిపిస్తుంది. తన చేసిన తప్పుకి ఆ సాహసం చేయలేక వచ్చే బాధని ఆపుకుంటూ మౌనంగా చూస్తూ ఉంటుంది.

నోములు పూర్తయిన తర్వాత అందరూ భోజనాలు చేస్తారు.  కొత్త దంపతులకు ఒకే ఆకులో వడ్డీంచి ఒకరినొకరు తినిపించుకోమని చెబుతారు.

శాంభవి ఇబ్బందిపడుతూ ఉంటే.. నువ్వు ఇబ్బంది పడవలసింది ఏమీ లేదు. ఆరుగురు అన్నయ్యలు ఉన్నాము.

నువ్వు ధైర్యంగా బావ నోట్లో కుక్కేయ్ అని ధీరజ్ అంటాడు. ఆ మాటకి రుద్ర ఒక ఐబ్రో పైకి లేపి చూస్తాడు. ఇప్పుడు నువ్వు ఎలా చూసినా మేము భయపడం బావ. మా చెల్లి మాతో ఉంది  అని విహాన్, అద్వైత్ కూడా వస్తారు.
బావమరుదుల ఆనందాన్ని చూసి రుద్ర నవ్వుకుంటూ మీ చెల్లికి ధైర్యం ఉంటే కుక్కమనండిరా... ఎంతమాటన్నావు బావ.

చెల్లెమ్మ నువ్వు అసలు ఎక్కడ తగ్గడానికి వీలు లేదు అని శాంభవిని ఎంకరేజ్ చేస్తూ ఉంటారు.  శాంభవి కూడా ఉక్రోషంగా నాకు ధైర్యం ఎందుకు లేదు అని రుద్ర తింటానికి గ్యాప్ ఇవ్వకుండా ఒకదాని వెనకాల ఒకటి పెడుతూఉంటుంది.

ధరణి, జయంతి తల కొట్టుకుంటూ ఉంటే మిగిలిన వాళ్ళు మాత్రమే ఎంజాయ్ చేస్తూ ఉంటారు.  చిన్నప్పటి నుంచి శాంభవి అల్లరి మిస్ అయిన ఫ్యామిలీ..  ఏది చేసినా మురుపంగానే చూస్తూ ఉంటారు.

రుద్రకి మొత్తం తినిపించి ఇప్పుడేమంటారు.. నాకు ధైర్యం ఉంది కదా.. అదేంటి లాస్ట్ లో కి కిళ్లి ఎవరు తినిపిస్తారు బంగారం అంటాడు.

ఆ మాటకి.. మీరు కావాలని నాతో తినిపించుకున్నారా.. అంతే కదా అని భుజాలు ఎగరేస్తాడు.  వెంటనే కోపంగా ధీరజ్ వాళ్ళ వైపు చూస్తుంది.

చెల్లెమ్మ నువ్వు అంత కోపంగా చూడకు. బావ అన్ని ఇలాంటి ఫిట్టింగ్లె పెడతాడు. ఒరేయ్ నువ్వు మా చెల్లికి తినిపించలేదు.

మీ చెల్లి నాకు ఎక్కడ గ్యాప్ ఇచ్చిందిరా.. ఇప్పుడు తినిపిస్తాను ఉండు అని పప్పులో ఫుల్లుగా నెయ్యి వేసి కలిపి ముద్దలు చేసి తినిపిస్తాడు.

రుద్రా కేరింగ్ కి అందరికీ చాలా సంతోషంగా అనిపిస్తుంది. శాంభవి పొట్ట పట్టుకుని నాకు చాలు అంటుంది.లాస్ట్ ముద్ద అని పెరుగు తినిపించి ఆ చేత్తోనే దిష్టి తీసి చెయ్యి కడుక్కుంటాడు.

అది చూసి సులోచన  నోటి మీద చెయ్యి వేసుకుంటూ కొడుకుల వైపు చూస్తుంది.  కొడుకుల మాత్రం సంతోషంగా ఒకరిని ఒకరు పట్టుకుంటారు.

సరిపోయింది సంబరం. ఇప్పుడు దాకా తండ్రులు, అన్నలే గారాబం చేసారు అనుకున్నాను. ఇప్పుడు రుద్ర కూడా తోడయ్యాడు.

ఇక మా శాంభవిని ఎవరూ పట్టుకోలేరు అంటుంది. ఆ మాటకు అందరూ నవ్వుతూ ఉంటే.. నానమ్మ అని గారంగా పిలుస్తుంది.

అంత గారం అవసరం లేదు కొంచెం తగ్గించు. మా మనవరాలు ఇలా గారంగా ఉంటేనే బాగుంటుంది అని తులసి హత్తుకుంటుంది.

అందరు సరదాలు, నవ్వుల మధ్యన ఆరోజు సందడి సందడిగా జరిగిపోతుంది.

శోభనం????

[SivaSai]

Part - 68

శాంభవి రెస్ట్ తీసుకుంటుంది అని గదిలోకి తీసుకుని వెళ్తారు.  రుద్ర గదిలో వర్క్ చూసుకుంటూ ఉంటే ధీరజ్ వచ్చి.. ఏంటి బావ ఇప్పుడు కూడా వర్క్ ఎనా.. మరి ఏం చేయమంటావో చెప్పు అంటాడు.

బావ నేను ఒక విషయం అడుగుతాను నిజం చెప్పు.
అడుగు అంటాడు. నువ్వు కావాలనే శాంభవికి తినిపించలేదు కదా.. నీ భోజనం అయిన తర్వాత తినిపించాలి అనుకున్నావు. ఎందుకు.

ఫుడ్ లో ఏమన్నా కలిసిందేమో అన్న అనుమానం. అందుకే నేను టేస్ట్ చూసిన తర్వాత శాంభవికి పెట్టాను. ధీరజ్ కంగారుగా నువ్వెందుకు టేస్ట్ చూసావు. నీకు ఏదైనా జరిగితే...

నాకేమీ అవ్వదు.  నేను స్ట్రాంగ్. వెంటనే హాస్పిటల్ కి వెళ్తాను.  ట్రీట్మెంట్ తీసుకుంటా.. శాంభవి విషయంలో అలా కాదు. ముందు శాంభవి నే పానిక్ అవుతుంది..

మావయ్య వాళ్ళు కూడా కంగారుపడతారు. ఎంతమంది హెల్త్ మీద తెచ్చుకుంటారో తెలియదు. శాంభవి విషయంలో ఏదైనా సరే  నెగ్లెట్ చేయను అంటాడు.

నువ్వు పైకి కోపంగా ఉన్నట్టు ఉంటావు కానీ ఎంత ప్రేమ బావ అంటాడు.  కొంచెం ఎక్కువ చేసావు గాని తగ్గించు. రేపు నీకు పెళ్లి అయితే నువ్వు ఇదే పని చేస్తావు.

మనకు అంత శత్రువులు ఎవరూ లేరులే.. నీకు శత్రువుని అని చెప్పి రారు.  మనకు మనమే జాగ్రత్తగా ఉండాలి. బావ  నీకేమీ ప్రిపరేషన్ లేదా... దేనికి రా..

రేపు శోభనం కదా.. ఆ మాటకి రుద్రా లైట్ గా బ్లష్ అవుతూఉంటాడు. వెంటనే తమాయించుకుని అయితే అంటాడు. ఏంటి బావ అన్నీ తెలుసా ఆ..  ఆ... అంటాడు.

నీకు అన్నీ తెలిసినట్టు ఉన్నాయి.  నేను ఇంకా బ్యాచిలర్ ని బావ అంటాడు.  మరి ఒక బ్యాచిలర్..  పెళ్లి అయిన వాడి దగ్గరకు వచ్చి మరీ అడుగుతున్నాడు అంటే ఒకటి ఆత్రం ఆగడం లేదు అయి ఉండాలి లేదా అన్నీ తెలుసైనా ఉండాలి అంటాడు.

బావ ఇది అన్యాయం. నిన్ను ఏదో విడిపిద్దాము కాసేపు టీస్ చేద్దామనుకుంటే రివర్స్లో నాకే ఫిట్టింగ్ పెడుతున్నావు. ఇక్కడ ఉన్నది రుద్ర. రుద్ర తో ఆటంటే అంతా ఈజీ నా అంటాడు.

శోభనం టైం దగ్గరికి వచ్చేసింది.  మగవాళ్ళు అందరూ రుద్రని సరదాగా ఏడిపిస్తూ ఉంటే... శాంభవికి ధరణి జయంతి జాగ్రత్తలు చెబుతూ ఉంటారు.

అబ్బాయితో ఎలా నడుచుకోవాలో ఏమిటో చెబుతూ ఉంటే అబ్బా నాకు తెలుసులే అని విసుక్కుంటుంది
  తల మీద ఒకటి కొట్టి ఏం తెలుసు నీకు.. ఒకటి చెప్పవే. ఏం చెప్పాలి అంటుంది.

అదే ఏదో తెలుసన్నావు కదా.. అమ్మ అది ఏమైనా స్టోరీ నా చెప్పడానికి... కదా..  ఇది ఎవరు పుస్తకాల్లో రాయరు. పెద్దవాళ్ళు చెబుతారు తెలుసుకో.  అలాగే తెలుసుకుంటాను సరేనా..

తులసి వచ్చి అమ్మాయి రెడీ అయిందా.. కంగారు పెడుతున్నారంటే అయిపోయింది.  వస్తుందండి అని తీసుకువెళ్తారు.

వదిలిపెట్టి తలుపులు వేసి ధరణి పైకి చూస్తూ ఒక నమస్కారం పెడుతుంది. తులసి అది చూసి ఏమైందమ్మా అలా దండం పెట్టావు. అల్లుడుగారు గురించి.

రుద్రకే..  రుద్ర బానే ఉన్నాడు కదా.. ఈరోజు నుంచి నా కూతురుతో తిప్పలు పడాలి కదా.. అందుకే రుద్ర బాగుండాలి అని ఆ భగవంతున్ని కోరుకుంటున్నాను.

కూతురి మీద చాలా నమ్మకం అనుకుంటా.. మా మొగుళ్ళ మీద మాకు నమ్మకం ఎక్కువ లేండి అని జయంతి అంటుంది. 

గదిలోకి వచ్చిన శాంభవి తలదించుకునిఉంటుంది. రుద్ర శాంభవినే చూస్తూ ఉంటాడు. పాలమీగడలాంటి తెల్లటి చీరలో దేవకన్య లాగా మెరిసిపోతూ ఉంటుంది.

మెడలో పచ్చడి పసుపుతాడు,  నల్లపూసలు చేతినిండా మట్టి గాజులు తలనిండ మల్లి పువ్వులతో అపరంజి బొమ్మ లాగా ఉంటుంది.

రుద్ర మెల్లిగా శాంభవి దగ్గరికి వచ్చి అక్కడే ఆగిపోయావు రా అని చెయ్యి పట్టుకోపోతాడు. వెంటనే చేతిని వెనక్కి తీసుకుంటుంది.

ఏమిటి ఇదంతా సిగ్గే.. నిన్న నాకు భోజనం మాత్రం కుక్కి కుక్కి తినిపించావ్. అప్పుడు మీ అన్నయ్యలు పక్కన ఉన్నారనా ఏమిటి అని అల్లరిగా అడుగుతాడు.

శాంభవి సూటిగా రుద్రనే చూస్తుంది.  చూపు తేడాగా ఉండేటప్పటికీ రుద్ర అనుమానంతో.. ఏమైంది  పాప ఎలా ఉన్నావు..

ఎవరు నువ్వు అని అడుగుతుంది ఆ ప్రశ్నకి ఆశ్చర్యంగా చూస్తూ నేను రుద్రని అంటాడు.  నేను అడుగుతుంది నీ పేరు కాదు.. ఎవరు నువ్వు..  నన్ను ఎందుకు పెళ్లి చేసుకోవాలనుకున్నావు...  ఏం సాధించాలని...

శాంభవి అడిగే విధానానికి ఆశ్చర్యపోతాడు. ఏం మాట్లాడుతున్నావ్ నువ్వు. నేను అడిగిన దానికి సమాధానాలు చెప్పు. ఏం చేయాలి అనుకుని పెళ్లి చేసుకున్నావు.

రుద్రకి మెల్లిమెల్లిగా అర్థమవుతూ ఉంటుంది. మయూరి కి సంబంధించిన వాళ్ళు ఎవరో శాంభవి మనసులో విషాన్ని నింపారు అని..

వెంటనే నవ్వుతూ నిన్ను ప్రేమించాను కాబట్టి పెళ్లి చేసుకున్నాను. కాదు అది అబద్ధం అంటుంది. అవునా మరి నీకు తెలిసిన నిజం ఏమిటి..

నువ్వు నన్ను ప్రేమించలేదు.  మీ చినమామ కోసమే నన్ను పెళ్లి చేసుకున్న అంటుంది. అలా అని ఎవరు చెప్పారు. ఎవరో చెప్పారు లే..

ఎంతసేపని నిలబడతావు.  ముందు వచ్చి కూర్చో అని చెయ్యి పట్టుకోబోతాడు. వెంటనే చేతిని మళ్లీ వెనక్కి తీసుకుంటుంది.

ఇక లాభం లేదు అనుకుని శాంభవి చేతిని ఒక గుంజు  గుంజి బలవంతంగా తీసుకువెళ్లి కూర్చోబెడతాడు. ఈ హడావిడిలో చేతిలో ఉన్న పాలగ్లాసులో పాలు తుణికిసాలాడుతూ ఉంటాయి.

రుద్ర ఆ పాలు కిందపడనివ్వకుండా పట్టుకుని పక్కన పెట్టి ఇప్పుడు చెప్పు ఏమిటి నీ బాధ అంటాడు. బాధ కాదు కోపం అంటుంది.

అదే ఎందుకు.. నన్ను ప్రేమించకుండా ప్రేమించానని అబద్ధం ఎందుకు చెప్పావు? ఎందుకు నన్ను చీట్ చేసావు అంటుంది.

నా కళ్ళల్లోకి చూడు..  నేను నీకు అబద్ధం చెప్పానా..  నిన్ను చీట్ చేశానా. నీ కళ్ళు నన్ను మోసం చేస్తున్నాయి అంటుంది.

ఆ మాటకి చిన్నగా నవ్వుతూ అందుకే నిన్ను పాప అనేది. చిన్నపిల్లలాగా బిహేవ్ చేస్తున్నావు అంటాడు.  నేనేమీ చిన్నపిల్లను కాదు నాకు అన్ని నిజాలు తెలుసు అంటుంది.

ఓ అవునా ఎవరు చెప్పారు ఆ నిజాలు... ఎవరు చెబితే ఏమిటి. అది నిజం కదా.. పోనీ అలాగే అనుకుందాం. మా చిన్న మామ కోసం ఎందుకు చేసుకుంటాను.

మా చినమామకి నీకు ఏమిటి సంబంధం.. ఆ మాటకి ఆలోచిస్తూ మీ చిన్న మామ వైఫ్కి కొంచెం నా పోలికలే ఉన్నాయి కదా..

కాదు మా చిన్నత్త పోలికలే నీకున్నాయి.  నేను ఎవరిలాగా ఉండను. నేను నాలాగానే ఉంటాను అంటుంది. సరే సరే నీ లాగానే ఉంటావు.

నీ పోలికలే మా చిన్నఅత్తలో ఉన్నాయి అయితే.. మీ చినమామ కి పుట్టిన పాప మిస్ అయింది కదా.. ఆ పాప వచ్చే వరకు నన్ను ఆ ప్లేస్లో ఉంచుతున్నారు కదా..

ఏం మాట్లాడుతున్నాను నువ్వు.. ఎప్పుడూ అదే విషయం చెప్పేవారు కదా అది నిజం చేస్తున్నారా.. మా నాన్నకి నన్ను దూరం చేయడానికి ఇంత ప్లాన్ చేశారా అంటుంది.

తల పట్టుకుని కూర్చుని శాంభవి అసలు నువ్వు ఏం మాట్లాడుతున్నావో నీకైనా అర్థమవుతుందా..  ఎవరు నీకు ఈ సోది అంతా చెప్పారు..

అది మాత్రం చెప్పను అంటుంది. సరే  నీకు ఒకరి గురించి చెబుతాను క్లియర్గా విను. మయూరి.. మనకి బద్ధ శత్రువు. విడదీయడానికి చాలా ప్లాన్లు వేస్తూ ఉంటుంది.

విషాన్ని నింపడానికి చూస్తుంది. ఈ విషయం కూడా చెప్పారు. ఏమని అంటే.. మీరు ఇప్పుడు ఏదైతే చెప్పారో సేమ్ అలాగే చెబుతారు అని...

నీ అమాయకత్వాన్ని మయూరి బాగా క్యాష్ చేసుకుంది అనుకొని... పెళ్లయిన తర్వాత ఆడపిల్ల అత్తారింట్లోనే కదా ఉంటుంది.

ఆ లాజిక్ లో ఆలోచిస్తే మీ నాన్నకి దూరంగానే ఉంటావు కదా.. ఈ దూరంగా ఉండడం వేరు.. మీరు చెప్పే దూరం వేరు అంటుంది..

ఏ దూరమైనా ఒకటేగాని నా బుర్ర వేడెక్కిపోతుంది. వెళ్లి పడుకో అంటాడు. చూశారా వాళ్ళు చెప్పిందే నిజం అని ఏడుపు ముఖం పెడుతుంది.

ఇప్పుడు నేనేమన్నాను పాప.. మీకు నా మీద ప్రేమ లేదు. అందుకనే నన్ను విసుక్కుంటున్నారు. వెళ్లి పడుకోమంటున్నారు.

నిజంగా మీరు నన్ను ప్రేమించి ఉండి ఉంటే నా బాధ అర్థం చేసుకునేవారు. నన్ను బుజ్జగించి.. మా నాన్నలాగా లాలించి నా బాధ తీర్చేవారు.

మీరు అలా చేయడం లేదు అంటే వాళ్ళు చెప్పిందంతా నిజమే నాకు మా నాన్న కావాలి అని ఏడవడం మొదలు పెడుతుంది.

రుద్ర గది సౌండ్ ప్రూఫ్ అవడం మీద శాంభవి రాగాలు బయటకి వినిపించవు.  రుద్ర ఆరామంగా కూర్చుని కాళ్లు చాపుకుని నీకు ఎంతసేపు ఏడవాలనిపిస్తే అంతసేపు ఏడువు.

నేనేమీ ఆపను. నా ఏడుపు బయటకి వినిపిస్తుంది కదా.. మా నాన్న వస్తారు కదా.. ఆ మాటకి గట్టిగా నవ్వుతూ మన గది సౌండ్ ప్రూఫ్.

గదిలో ఏం జరిగినా బయటికి వినిపించవు. నువ్వు బయటికి వెళ్లలేవు వాళ్ళు లోపలికి రాలేరు. కాబట్టి నీకు ఎనర్జీ ఉన్నంత సేపు ఏడ్చి ఎనర్జీ అయిపోయిన తర్వాత ఇదిగో ఈ గ్లాసులో ఉన్న పాలు తాగి హాయిగా బొజ్జో. పొద్దున్నే మాట్లాడుకుందాం అంటాడు.

ఆ మాటకు ఉక్రోషంగా నేను ఎందుకు ఏడుస్తాను.  ఏడవలసిన అవసరం నాకేంటి అని కళ్ళు తుడుచుకుని.. ఇదిగో పాలు కూడా నేను తాగుతున్నాను.

ఇది ఎనర్జీ కోసం కాదు నేను బాగానే ఉన్నాను అని చెప్పడం కోసం అని పాలు ఒక్క చుక్క కూడా ఉంచకుండా మొత్తం తాగేసి మంచం ఎక్కి పడుకుంటుంది.

మీరు మాత్రం నా పక్కన పడుకుంటే అస్సలు బాగోదు అంటుంది.  మరి పెళ్ళాం పక్కన పడుకోకుండా ఎక్కడో పడుకోవడానికి నాలో మేటర్ లేదు అనుకుంటున్నావా ఏమిటి..

కావాలనే మంచం మీద కూర్చుంటాడు. నువ్వు ఇక్కడ కూర్చుంటే నేను అరుస్తాను అంటుంది. నువ్వు అరిచిన ఎవరికి వినపడదని చెప్పాను కదా పాప.. మూసుకొని పడుకో అని రుద్ర  పడుకుని శాంభవిని ఒక లాగు లాగుతాడు. శాంభవి వచ్చి రుద్ర మీద పడుతుంది.

శాంభవి అలక...  రుద్ర రొమాన్స్...

[SivaSai]

Part - 69

శాంభవిని  లాగి గుండెలపైన పడుకోపెట్టుకుంటాడు. నేను ఇక్కడ పడుకోను నాకు దూరం జరుగు అని అరుస్తూ ఉంటే...  నువ్వు గప్చుప్ గా కళ్లు మూసుకొని పడుకో.

లేదనుకో నువ్వు కింద నేను పైన ఉంటాను.  రాత్రంతా నన్ను మోయాల్సి వస్తుంది. అది  ఇష్టమైతే నీకు ఇష్టం వచ్చిన అంతసేపు అరువు అంటాడు.

దెబ్బకి కామ్ అయిపోయి గట్టిగా కళ్ళు మూసుకుంటుంది. నిన్ను ఇలా భయపెడితేనే దారిలోకి వస్తావు.  అమ్మ... పాప...  బుజ్జి అంటే చిందులు తొక్కుతున్నావు.

నిన్ను కాదు అనాల్సింది. ముందు మా మామల ఇద్దరినీ అనాలిని.  రెండు పీకితే నువ్వు లైన్ లోకి వస్తావు అని మనసులో అనుకుని శాంభవిని చూస్తాడు.

అప్పటికే నిద్రలోకి జారిపోతుంది. కుయ్యో కుయ్యో అని అరుస్తావు.  చిటికెలో నిద్ర పోతావు. నీలో  చిన్నపిల్లల లక్షణం ఎప్పుడూ పోవాలి..  ఎప్పుడూ సంసారం మొదలు పెడతామో.. మా అత్త ఎప్పుడు నీ ఒడిలో పడుతుందో అంటూ పైకి చూస్తాడు.

పొద్దుటే లేటుగా లేచిన శాంభవి మత్తుగా చేతులతో తడుతూ పిల్లో ఇంత గట్టిగా ఉంది. మెత్తగా లేదేమిటి అనుకుంటూ మెల్లిగా కళ్ళు తెరుస్తోంది.

రుద్ర మీద పడుకుని ఉండడం చూసి గబుక్కున లేచి ఏమిటి నేను ఇలా నిద్రపోయాను. ఇతను భయపెడితే మాత్రం నేను అలా పడుకోవడమేనా..

ఛి ఛి అనుకుంటూ లేస్తుంది. పైట  రుద్రా వీపు కింద ఇరుక్కుని మళ్ళీ ఎంత స్పీడుగా లేచిందో అంత స్పీడ్ గా వెనక్కి వచ్చి పడుతుంది.

మీద పడిన శాంభవి చుట్టూ చేతులు వేసి నన్ను వదిలి వెళ్ళలేక పోతే ఉండిపోవచ్చు కదా పాపా. నిన్ను వెళ్ళమని నేను అనలేదు కదా.. ఎందుకు ఈ ఫీట్లు.

నేనేమీ కావాలని వచ్చి పడలేదు.  నువ్వు ఎలా పడ్డావు అని నేను అడగలేదు.   నీ మాటలు అర్థం నాకు తెలుసులే..  నా చీర.

చీర నా తీసుకో.  నా చీర నీ కింద ఉంది. చిలిపి..
నీ చీర నేను విప్పకుండానే నా కింద ఎలా ఉంటుంది పాప. తల కొట్టుకుంటూ నాచీర నీకింత ఉంది.  సరిగ్గా చూడు.

ఓ అవునా అని చూసి ఆ ఉంది అయితే... నేను వెళ్ళాలి.  ఇలాగే బయటికి వెళతావా... వెళితే ఏమవుతుంది. అందుకే నిన్ను చిన్నపిల్ల అనేది..

ఇలా బయటికి వెళితే అందరూ నవ్వుతారు.  ముందు వెళ్లి స్నానం చేసి రెడీ అవ్వు. అప్పుడు వెళ్ళు. నా బట్టలు ఇక్కడ లేవు.

అన్నీ ఇక్కడే ఉన్నాయి.  డ్రెస్సింగ్ ఏరియాలోకి వెళితే నీ క్లోసెట్స్ లో అన్ని సర్దిపెట్టి ఉన్నాయి . ఎప్పుడొచ్చాయి ఇక్కడికి..  నీకోసం నేనెప్పుడో కొన్నానులే.

నాకోసం కాదు. నీకోసం కాకపోతే ఇంకెవరి కోసం కొంటానే తింగరి. మీ అత్త కూతురు కోసం కొన్నావు. అవును మా అత్త కూతురు కోసమే కొన్నాను అయితే ఇప్పుడు ఏమిటి అని ఉడికిస్తాడు.

ఆ మాటకు ఉక్రోషంగా నేను ఒకళ్ళ బట్టలు వేసుకోను. అవునా ఈ చీరలు ఎలా కట్టుకోవో నేను చూస్తాను కదా అని ఎత్తుకొని తీసుకువెళ్లి టబ్లో దించి వాటర్ వదులుతాడు.


ఇదిగో రుద్ర అంటుంది.  అబ్బా మొగుడిని  పేరు పెట్టి పిలవకూడదు.  లేదు నేను అలాగే పిలుస్తాను. నా చీర తడిపేసావు. నేను ఎలా వెళ్లాలి.

చెప్పాను కదా చీరలు అక్కడ ఉన్నాయి. కట్టుకో.  నేను కట్టుకోను అంటున్నాను కదా..   ఇప్పుడా చీరలు కట్టుకోకుండా ఎలా వెళ్తావో నేను చూస్తాను.

నేను ఇలాగే ఉంటాను అని దెబ్బలాడుతుంది.  బంగారం నీకు ఇలాంటి కోరిక ఉందని చెప్పలేదే అని కన్ను కొడతాడు.

ఎలాంటి కోరిక అని భయంగా వెనక్కి బెండ్ అవుతుంది.  అదే నా చేతులతోనే చీర విప్పించాలని. నువ్వు పైకి కనపడవు గాని పెద్ద నాటివి.

నీ కోరిక నేను మాత్రం ఎందుకు కాదంటాను అని భుజం మీద చేయి వేస్తాడు . మర్యాదగా అక్కడే ఆగు అని వెంటనే పట్టుకుంటుంది.

ఏమైంది బంగారం పగలు అని ఆలోచిస్తున్నావా.. పరవాలేదు మొగుడు పెళ్ళాలకి పగలేంటి రాత్రి ఏంటి.. ఆ మాటకి కళ్ళుతేలేసి చూస్తూ ఏం మాట్లాడుతున్నావ్ నువ్వు.

అదే రాత్రి జరిగంది ఇప్పుడు ఇలా వాటర్ టబ్ లో జరగాలనే కదా.. నేను అలా అనలేదు. నాకు అలాగే అర్థమైంది.  నాకు వద్దు అంటుంది.

ఏమి వద్దు.. నువ్వు అన్నదే... నేనేమన్నాను.. ఏవండీ అని ఏడుపు గొంతుతో అంటుంది. చెప్పు పాప అని ఇంక ముందుకు వస్తూ ఉంటే నేను స్నానం చేసి నువ్వు ఇచ్చిన చీర కట్టుకుంటాను అంటుంది.

నిజంగా అంటే నిజంగా ప్రామిస్. సరే అయితే.   నీకు బొజ్జగించి చెబుతుంటే నచ్చడం లేదు.. ఇలా రివర్స్లో వెళితేనే దారిలోకి వస్తావు అని అనుకుంటాడు.

ఏడుపు ముఖంతో ఉన్న శాంభవిని చూసి..ఏడవకుండా కట్టుకో అని దగ్గరికి వచ్చి..  అవి కొన్నది మొత్తం నీకే. ఎవరికో కాదు.

ఎవరో ఏదో చెబితే అది బుర్రలో పెట్టుకుని మన సంతోషటైం అంతా పాడు చేయకు . చెప్పి స్పీడ్ గా బయటికి వెళ్లిపోతాడు. వెళుతున్న రుద్రనే చూస్తూ ఉంటుంది.

రుద్ర బాల్కనీలో నిలబడి ఆలోచిస్తూఉంటే ఫోన్ రింగ్ అవుతుంది.  లిఫ్ట్ చేసి హలో అంటే ఏమిటి రుద్ర.. రాత్రి బాగా జరిగిందా అన్న వాయిస్ వినపడి మయూరి అంటాడు.

పరవాలేదే... నిద్రమత్తు వదిలి నా గొంతు బానే గుర్తుపట్టావు అని గట్టిగా నవ్వుతుంది. మయూరి మాటకి కన్నింగా నవ్వుతూ రాత్రి ఎక్కడ నిద్ర మయూరి...

ఒళ్ళంతా ఒకటే నొప్పులు. నీ దగ్గర ఏమైనా రెమిడి ఉందా అని అడుగుతూ.. ఓ.. సోరి నీకు పెళ్లి అవ్వలేదు కదా..పెళ్లి అయిన వాళ్లకైతే ఈ నొప్పులు సంగతి తెలుస్తుంది.

పెళ్లి కాని వాళ్లని అడిగితే ఎలాలే పాపం.  నీకు ఎలా తెలుస్తుంది అంటాడు.  రుద్ర అని కోపంగా అంటే..  అరే ఏమైంది మయూరి అంత కోపంగా అరుస్తున్నావు.

నేను అన్నం దాంట్లో తప్పేమైనా ఉందా. నన్ను అనవసరంగా రెచ్చగొడుతున్నావు. బురదపాముని ఎంత రెచ్చగొట్టిన ఉపయోగమేమీ లేదు కానీ ఏమిటి ఇంత పొద్దున్నే చేశావు.

స్వీట్ మెమోరీస్ బయటికి చెప్పకూడదు కదా నువ్వు తెలుసుకోవాలనుకున్న... ఒక పని చెయ్ మయూరి.  పెళ్లి చేసుకో..

అప్పుడు నీకు స్వీట్ మెమోరీస్ వస్తాయి. లేటు వయసులో ఘాటు రొమాన్స్ అనుకుని ఎంజాయ్ చెయ్. అప్పుడు పక్కన వాళ్ళ విషయాలు తెలుసుకోవాలి అన్న ఆరాటం తగ్గుతుంది.

ఏమంటావు... రుద్ర..  నేను పెళ్ళంటూ చేసుకుంటే అది దేవేంద్ర ని మాత్రమే. నువ్వు అన్న ఆ ఘాటు రొమాన్స్ కూడా దేవేంద్ర తోనే అని పొగరుగా అంటుంది.

చింత చచ్చిన పులుపు చావలేదు అంటే ఇదేనేమో.. రిటైర్మెంట్ వయసులో నీకు పెళ్లి కావాలా.. అది కూడా మళ్ళీ మా చినమామతో. అసలు మా చిన్న మామ పక్కన ఏ విధంగా సూట్ అవుతావని నీ కోరిక.

నాకేం తక్కువ..  వినయం తక్కువ. ఏ మగాడికైనా అందం పొగరు ఉన్న అమ్మాయిలు కన్నా వినయంగా పద్ధతిగా ఉన్న అమ్మాయిలు అంటేనే నచ్చుతారు.

అందుకే మా చిన్న మామ కి మా చిన్నత్తంటే ప్రాణం అర్థమైంది అనుకుంటా... చూస్తూ ఉండు మీ చినమామే వచ్చి పెళ్లి చేసుకుంటానని చెబుతాడు.

నువ్వు ఇలా పగటి కలలు కంటూనే డైరెక్ట్ గా నరకానికి వెళ్ళేటట్టు ఉన్నావు ఆల్ ద బెస్ట్ అని చెప్పి ఫోన్ పెట్టేస్తాడు.

శాంభవి రెడీ అయ్యి తలుపు తీయడానికి ట్రై చేస్తుంది. ఎంత ట్రై చేస్తున్నా రాకపోతే కోపంగా రుద్ర దగ్గరికి వెళ్లి తలుపు రావడం లేదు అంటుంది. వెనక్కి తిరిగి ఫ్రీజ్ అయిపోతాడు .

లేత కనకాంబరం రంగు షిఫాన్ చీరలో మెరిసిపోతూ ఉంటుంది.  తలస్నానం చేసింది అనడానికి  గుర్తుగా నీటి తుంపరులు ముఖంపైన అక్కడక్కడ ఉంటాయి.

హలో అని చేయి ఊపోతుంది.  ఏమిటి అంటే తలుపు రావడం లేదు. బ్యూటిఫుల్ అంటాడు.  హ.. ఏమన్నావు.. చాలా అందంగా ఉన్నావు అని చెబుతున్నాను.

నీ కాంప్లిమెంట్ నాకు అవసరం లేదు. తలుపు తీస్తే నేను మా నాన్న దగ్గరికి వెళతాను. పైనుంచి కిందకి చూసి అలంకరణ అయిపోయిందా. ఆ అంటుంది.

ఏదో తేడా కొడుతుంది పాప. లేదు నేను బాగానే రెడీ అయ్యాను అని ముఖం పైన చేయి వేసుకుంటుంది. ఒకసారి ఇలా రా అని అద్దం ముందు నుంచో పెట్టి పాపిట్లో కుంకుమ పెట్టి ఇప్పుడు పర్ఫెక్ట్ అంటాడు.

శాంభవి అద్దంలో చూసుకుంటుంది. నిజంగానే తన ముఖంలో కొత్త మెరుపు కనపడుతుంది.  ఇంకా దగ్గరికి వెళ్లి చూసుకుంటూ పాపిట్లో ఉన్న కుంకాన్ని టచ్ చేస్తుంది.

మైమరుపుగా చూసుకుంటూ ఉంటే నచ్చిందా అంటే.. హా అంటుంది. ముందు అలంకరణ బాగుందా...  ఇప్పటి అలంకరణ బాగుందా..

ఇప్పుడే అంటుంది. చూసావా పెళ్లి ఎంత అందాన్ని తెచ్చిందో. నిజమే.. అయినా సరే నువ్వు నాకు దూరంగా ఉండు.

నాకు క్లారిటీ వచ్చేదాకా డిస్టెన్స్ మెయింటైన్ చెయ్ అంటుంది.  నడుం జుట్టు చెయ్యివేసి దగ్గరికి లాక్కుని నీకు ఎం క్లారిటీ కావాలి పాప.

నువ్వు నన్ను ప్రేమించలేదు నాకు తెలుసు అని మళ్ళీ ఏడుపు అందుకోపోతుంది. ష్.. పెదాలు మీద వేలు ఉంచుతాడు.

ఆస్పర్సకే శాంభవి బిగిసుకుపోయి కళ్ళు పెద్దవి చేసి చూస్తూ ఉండిపోతుంది. చూడు పాప..  చెప్పేది బుర్ర పెట్టి విను.

ప్రేమించకుండానే ఒక ఆడపిల్లని పెళ్లి చేసుకునే.. టైపు కాదు.  ఎవరు ప్లేసులోనూ నేను ఉంచాల్సిన అవసరం నాకు లేదు.

నువ్వు ఉండే ప్లేస్ ఇది అని శాంభవి చేతిని  గుండెలపైన పెట్టుకుని చూపిస్తాడు.  ఎప్పటికీ నువ్వు మాత్రమే ఉంటావు అర్థమవుతుందా...

ముఖ్యంగా మీ నాన్న నుంచి నిన్ను దూరం చేసే ఆలోచన ఎప్పటికీ లేదు.  రాదు కూడా..  ఎందుకో తెలుసా మనిషిగా ఎక్కడున్నా నీ ఊపిరి మీ నాన్న.

నువ్వు నా ప్రాణం.  నీ ఊపిరికేదైనా అవితే నా ప్రాణం ఎలా నిలబడుతుంది.

శాంభవి సమాధానం..

కథ కొనసాగుతుంది...

[SivaSai]

Part - 70

రుద్ర చెప్పిన దానికి శాంభవి చూస్తూ ఉండిపోతుంది. ఏంటి పాప అలా చూస్తున్నావు. మరి ఎందుకు వాళ్ళు అలా చెప్పారు. ఎవరు చెప్పారు.

శోభనం గదిలోనికి రావడానికి ముందు జరిగింది గుర్తు చేసుకుని చెబుతూ ఉంటుంది. శోభనపు పెళ్లికూతురు లాగా రెడీ చేసిన తర్వాత  మా దిష్టి తగిలేటట్టు ఉంది అని ధరణి మెటికలు విరుస్తుంది.

మిత్ర వచ్చి ఆంటీ మీరు బయట వెయిట్ చేయండి.  కొన్ని సీక్రెట్స్ చెప్తాను. పెళ్లి అవ్వకుండానే మీ ఫ్రెండ్ కి చెప్పే అన్ని విషయాలు నీకు తెలుసా అని పరాచకాలు ఆడతారు.

అయ్యో ఆంటీ.. ఇప్పుడు ఉన్న టెక్నాలజీతో అన్నీ తెలుస్తున్నాయి. శాంభవి అంటే ఏమీ చూడదు కదా.. అందుకే తెలియదు.

నేను కొన్ని ఫ్రెండ్ గా చెబుతాను. సరే సరే అని వాళ్ళు బయటికి వెళ్లిపోతారు. అందరూ వెళ్ళగానే మిత్ర తలుపులు వేస్తుంది.

ఎందుకు మిత్ర తలుపులు వేస్తున్నావు. నీకు ఒక ముఖ్యమైన విషయం చెప్పాలి. ముఖ్యమైన విషయమా..  ఏమిటి...

నీ పెళ్లి ఒక పెద్ద మోసం. ఏం మాట్లాడుతున్నావు... అవును నేను చెప్పేదంతా నిజమే. నిన్ను ఇష్టపడి పెళ్లి చేసుకోలేదు.

లేదు రుద్ర గారికి నేనంటే చాలా ఇష్టమంటుంది.  అయ్యో పిచ్చిమొద్దు..  నువ్వు ఎవరు ఏది చెబితే అదే నమ్ముతావు.  నీతో వీళ్ళందరూ గేమ్ ఆడుతున్నారు.

అంత అవసరం ఏముంది. ఇదిగో నాకు ఒక ఫోను వచ్చింది. నేను నీలాగే మాట్లాడితే.. నీతోనే మాట్లాడతాను అన్నారు.

ఫోన్ కలిపి ఇస్తుంది. శాంభవి చెవి దగ్గర పెట్టుకొని హలో అంటుంది. అటు నుంచి హలో అని గంభీరంగా ఒక లేడీ వాయిస్ వినిపిస్తుంది.

ఎవరు.... నీ మేలుకోరేదాన్ని.. మీరు ఎవరో నాకు తెలియదు కదా ఎలా నమ్మేది.. తెలివైనదానివే...
నేను దేవేంద్ర కి బాగా కావలసినదాన్ని..

మా పెళ్ళికి వచ్చారా..  రాలేదు. మరి బాగా కావలసిన వాళ్లు అన్నారు. అవును..నేను ఎక్కడ నీకు నిజాలు చెబుతానో అని నన్ను పెళ్లికి రానివ్వలేదు.

ఏమిటా నిజాలు... నిన్ను దేవేంద్ర కూతురు వచ్చేదాకా ఆ ప్లేస్ లో ఉంచుతున్నారు. ఏం మాట్లాడుతున్నారు మీరు. నాకు ఏమీ అర్థం కావడం లేదు.

నీ మీద చూపిస్తున్నదంతా కపట ప్రేమ. అంత అవసరం ఏముంది. ఆ అమ్మాయి వచ్చిన తర్వాతే రుద్ర గారికి పెళ్లి చేస్తే సరిపోతుంది కదా.. నా మీద ప్రేమ చూపించి నన్ను ఆ ప్లేస్ లో ఎందుకు ఉంచుతారు.

రుద్రాకీ ప్రాణగండం ఉంది.  ఈ సంవత్సరంలో పెళ్లి అవ్వకపోతే ప్రమాదం. దేవేంద్ర కూతురు ఇంకా దొరకలేదు. నువ్వంటే ఒట్టి వెర్రిబాగులుదానివి.

అందుకే నిన్ను ఇచ్చి పెళ్లి చేస్తున్నారు. మీరు చెప్పేదంతా అబద్ధం. అలా జరిగితే మా నాన్నలు ఎందుకు ఊరుకుంటారు.

మీరు వచ్చింది ఒక పల్లెటూరి నుంచి. వీళ్ళది జమీందారులు ఫ్యామిలీ. పైగా కంటి చూపుతోనే ఏదైనా శాసించగలరు.

అందుకే మెల్లిగా నిన్ను మీ నాన్న దగ్గర నుంచి దూరం చేసి ఆ అమ్మాయి రాగానే నిన్ను పైలోకానికి పంపించేయాలని వాళ్ళని ఆలోచన.

పై లోకాలు అంటే..  పై లోకాలంటే ఏముంది.. నీ ప్రాణాలు తీసేయడమే... ఇది అబద్ధం. ఇదే నిజం. కావాలి అంటే దేవేంద్ర ని అడుగు.

నువ్వు నా కూతురు లాంటి దానివి అని చెబుతాడు. ఎవరైనా అదే మాట అంటారు.  అవును మొదటినుంచి అలాగే చెబుతున్నారు.

అది అబద్ధం. మోసపూరితమైన ప్రేమ.  నన్ను కూడా ప్రేమించి పెళ్లి చేసుకుంటాను అని మోసం చేసి వేరే అమ్మాయిని పెళ్లి చేసుకున్నాడు.

అప్పటినుండి నేను అలాగే ఉండిపోయాను.  ఆస్తి మొత్తం దేవేంద్ర కూతురి పేరు మీద ఉంది అని తనకోసం చూస్తూ ఉన్నారు అంతేగాని నీ మీద ప్రేమ ఏమి కాదు. 

జాగ్రత్తగా ఉండు.  నా కూతురులాంటి దానివని నిన్ను హెచ్చరిస్తున్నాను. ఉంటాను అని ఫోన్ పెట్టేస్తుంది. శాంభవి బొమ్మలాగా నిలబడిపోతుంది.

మిత్ర కదుపుతూ.. ఏమైంది అలా అయిపోయావు. నాకు ఏమీ అర్థం కావడం లేదు. రుద్రా సార్ నే గట్టిగా అడుగు. అప్పుడే నీకు నిజాలు తెలుస్తాయి.

అడిగితే చెబుతారా అని భయంగా అంటుంది. ఎందుకు చెప్పరు..  చెప్పకపోతే ఊరుకుంటామా.. రేపొద్దున్న అంకుల్ వాళ్ళ ముందు పంచాయతీ పెడదాము.

ఇది మన ఊరు కాదు కదా... ఎక్కడైనా పంచాయితీ...  పంచాయితి. టెన్షన్ పడకు. ధరణి తలుపు కొడుతూ ఉంటుంది.

వస్తున్నా అంటీ అని తలుపు తీస్తుంది.  అయినయా మీ ఫ్రెండ్ కి చెప్పే జాగ్రత్తలు.. హా అంటుంది. శాంభవిని చూస్తే ఫేస్ అంతా భయంగా కనబడుతుంది.

ఏమైందిరా ముఖమంతా అలాగా ఉంది. అమ్మ అది అని చెప్పబోతు ఉంటే మిత్ర చేయ పట్టుకుంటుంది. చెప్పురా.. ఏమీ లేదు ఆంటీ...

ఫస్ట్ నైట్ కదా భయపడుతుంది అంతే.. పిచ్చిమొహం భయమెందుకే.. రుద్ర బాబు నీకు ఇష్టం లేనిది ఏది చేయడు. టెన్షన్ పడకు అని గదిలోకి పంపిస్తారు.

ఇది జరిగింది అంటుంది. ఆ మాటకి తల మీద పొడుస్తూ రాత్రి అడిగి ఉంటే క్లారిటీ ఇచ్చేవాడిని కదా.. అనవసరంగా ఫస్ట్ నైట్ పాడు చేశావు.

లేదు లేదు నాకు ఇంకా క్లారిటీ రాలేదు. మీకు చెప్పింది అంతా... మీ నుంచి సమాధానం కోసం... ఏం సమాధానం కావాలి పాప.

ఆవిడ ఎవరు..  ఎందుకు చెప్పారు.. మీ చిన్న మామ కి ఆవిడకి అంటే ఇంకా ఆపుతావా... ధైర్యంగా ఎదురుగా వచ్చి మాట్లాడలేని వాళ్లు ఏదో చెబితే అది నమ్ముతావా...

నిజంగా వాళ్లకి ధైర్యం ఉంటే నీ ఎదురుగుండా వచ్చి నా ముందు చెప్పమను.  అప్పుడు నువ్వు ఎవరినైనా అనుమానించు అర్థమైందా..

అర్థమయింది. సరే సరే క్లారిటీ వచ్చింది కదా.. నడుం చుట్టూ చెయ్యి వేసి దగ్గరకి లాక్కుంటాడు. ఇద్దరి మధ్యన చేతిలో పెట్టి ఇంకా నాకు రాలేదు.

ఇంక ఏం కావాలి పాప... క్లారిటీ... ఉఫ్... ఒక్కసారి నా కళ్ళల్లోకి చూడు. శాంభవి రుద్ర చెప్పగానే కళ్ళల్లోకి చూస్తుంది.

నా కళ్ళు ఏం చెబుతున్నాయి.. నిన్ను మోసం చేస్తున్నాను అని చెబుతున్నాయా.. లేదు అని తల ఊపుతుంది. మరి ఏం చెబుతున్నాయి..  ఆ కళ్ళమైకంలో పడిపోయి అంతులేని ప్రేమ నీ మీద ఉంది అని చెబుతున్నాయి.

మరి నా ప్రేమ నీ చూడకుండా నీ కళ్ళకి కనపడని మనిషి చెప్పిన మాటలు ఎలా నమ్ముతున్నావు.. నమ్మాలని నాకు లేదు. నాన్న నుంచి దూరం చేస్తున్నారు అంటే భయమేసింది.

నీ భయాన్ని వాళ్లు క్యాష్ చేసుకుంటున్నారు.
ఒకటి గుర్తుపెట్టుకో పాప...  ఎప్పుడైనా మన భయాన్ని ఎదుట మనిషికి చూపించకూడదు.  ముఖ్యంగా మన శత్రువులకి.

పద అని తీసుకువెళతాడు. వెళుతూనే ఆలోచిస్తూ ఉంటాడు. శాంభవికి ఎంత తొందరగా వీలైతే అంత తొందరగా నిజాన్ని చెప్పాలి. లేదు అంటే ఆ మయూరి మరొక మెలిక వేస్తుంది.

శాంభవిని చూసిన ధరణి జయంతి దగ్గరికి వచ్చి పక్కకి తీసుకువెళ్తారు. ఎక్కడికమ్మా.. ఇలా రా అని గదిలోకి తీసుకువెళ్లి తలుపులు వేస్తారు.

దేనికి తలుపులు వేశారు. రాత్రంతా సవ్యంగా జరిగిందా... ఏంటి జరిగేది... అయ్యో పిచ్చి నా కూతురా.. రాత్రి భయపడ్డావు కదా...

రుద్ర అని ఇంక నేను అడగలేను అక్క.  నువ్వు అడుగు. నేను మాత్రము ఏం అడగనే దీన్ని... అదే రాత్రి బానే పడుకున్నావా? ఒళ్ళు నొప్పులు ఏమైనా ఉన్నాయా...

ఎందుకు పడుకోలేదు.  శుభ్రంగా పడుకున్నాను. నాకేమీ ఒళ్ళు నొప్పులు ఏమీ లేవు. అది కాదే...  సరే ఎక్కడ పడుకున్నావు..

రాత్రి అనిఒక నిమిషం ఆలోచించి అది... పరవాలేదు. మేమే కదా చెప్పు అంటారు. రాత్రి నేను రుద్ర గుండెల మీద పడుకున్నాను.

ఆ మాటకి అమ్మలిద్దరూ ముఖాలు వెలిగిపోతూ నిజమా... సరే.. సరే.. నిద్రొస్తే వెళ్లి పడుకో. నాకేమీ నిద్ర రావడం లేదు. సరే పద.. అని తీసుకువెళతారు.

నేనేం చెప్పానని వీళ్లిద్దరూ ఇంత హ్యాపీగా ఉన్నారు. పడుకున్నానని చెప్పిన దాంట్లో కూడా  సంతోషంగా ఉంటుందా.. ఏమిటో వీళ్ళిద్దరూ అనుకుని భుజాలు ఎగరేసి వాళ్ల వెనకాలే వెళుతుంది.

ముగ్గురిని చూసినా రుద్రాకి మేటర్ అర్థమై నవ్వుకుంటాడు.  ధీరజ్ పక్కకి చేరి బావ అంటాడు. చెప్పు..

రాత్రి అంతా ఓకేనా... ఏంట్రా నీ బాధ... అదే నీలో నువ్వు నవ్వుకుంటున్నావు కదా... రాత్రి మెమోరీస్ ఏమైనా గుర్తొచ్చినాయా...  చెప్పు బావా అని గోకుతూఉంటాడు.

నువ్వు చిన్నపిల్లాడివి.  బావ నేను చిన్నపిల్లోడిని ఏంటి..
  నీకు నాకు నెలలే డిఫరెన్స్.  అయినా నాకు పెళ్లి అయిపోయింది.

అంటే నేను పెద్దవాడిని. పెళ్లి కాని వాళ్ళకి పెళ్లయిన వాళ్ల విషయాలు చెప్పకూడదు. ఇది తొండి... తూచ్.. నేను ఒప్పుకోను.  ఒప్పుకోకపోతే మానేయ్.. ఒప్పుకోమని నేనేమీ బ్రతిమాలడం లేదే...

రుద్ర ఫోన్ రింగ్ అవుతుంటే ఎవరా అని చూస్తాడు. శేషాద్రి నుంచి వస్తున్న కాల్ ని నవ్వుకుంటూ లిఫ్ట్ చేసి చెప్పు అంటాడు.

నువ్వే చెప్పాలి రుద్ర.  పెళ్లి అయ్యేదాకా డిస్టర్బ్ చెయ్యొద్దు. ఎవరు మీ పెళ్లి ఆపకుండా  చూడమన్నావు.  అన్నీ చేశాను ఇప్పుడైనా వాళ్ళ డీటెయిల్స్ చెప్పు.

ఎక్కడ నీకు ఇచ్చిన డ్యూటీని సక్రమంగా చేశావు. ఎవరు మీ పెళ్లిని ఆపలేదు కదా.. మరి మయూరిని ఎందుకు కంట్రోల్ చేయలేదు.

నా పెళ్ళాంతో చాలా తింగరి వాగుడువాగింది. ఏమంటున్నావ్ రుద్రా... భయంగా అడుగుతాడు.  నేను నిజమే చెబుతున్నాను.

రాత్రి ఫోన్ చేసి మరీ పిచ్చిపిచ్చి వాగుడంతా వాగింది. నా పెళ్ళాం తెలివైంది కాబట్టి ఈ చెవితో విని ఆ చెవితో వదిలేసింది.

ఇంకొకసారి ఇలాంటివి చేస్తే వాళ్ళిద్దర్నీ నీకంటికి కనపడకుండా మాయం చేస్తాను అర్థమైందా అని ఫోన్ పెట్టేస్తాడు.

రుద్ర ఫోన్ పెట్టేసిన తరువాత ధీరజ్.. ఏమైంది బావ..ఏమీ లేదు వదిలేయ్. చెప్పు బావ నువ్వు అంత టెన్షన్ తీసుకోకు.

టెన్షన్ ఏమీ లేదు లేరా అని శాంభవి చెప్పింది అంతా చెబుతాడు. ఆ మయూరి ఇంతకీ తెగించిందా అసలు ఏమనుకుంటుంది. ఒక ఆడదేనా.. అలాంటి ఎథిక్స్ ఉంటే అది మయూరి ఎందుకు అవుతుంది.  

శేషాద్రి కోపంగా మయూరి మయూరి అని అరుస్తూ ఉంటాడు..

మయూరి...

కథ కొనసాగుతుంది...

[SivaSai]

Part - 71

మయూరి అని కోపంగా అరుస్తూ వెళతాడు. ఎందుకు అన్నయ్య.. ఇక్కడే ఉన్నాను కదా..  నువ్వు రుద్ర భార్యతో ఏం మాట్లాడావు.
అప్పుడే నీ దాకా వచ్చిందా..  రుద్ర చెప్పింది నిజమేనా..  రాత్రి ఏమీ జరగలేదు అని చెప్పాడా... ఆ మాటకి నవ్వుతూ రుద్ర గురించి తక్కువ  అంచనా వేస్తున్నావు చూడు. అందుకు నిజంగా నువ్వు పిచ్చిదానివే..

అన్నయ్య అని కోపంగా అంటే..  ఏ కోపం పొడుచుకొచ్చిందా...  చిలక్కి చెప్పినట్టు చెప్పాను. ఇది ఇద్దరు ఆడపిల్లల జీవితానికి సంబంధించినది.

నువ్వు కల్పించుకోకు. నీ పంతం తప్ప ఇక్కడ ఏమీ కనిపించడం లేదా... ఆపుతావా అని చెయ్యి చూపిస్తుంది. నువ్వు ఏం చెప్పావు పెళ్ళి వరకు మాట్లాడద్దు అన్నావు.

పెళ్లి అయ్యేంతవరకు నేనేమీ మాట్లాడలేదు కదా..
ఏదో కార్యం ఆపడానికి నాకు తోచింది చెప్పాను.  దాన్ని కూడా ఆపాడు కదా రుద్ర అని గోళ్లు చూసుకుంటూ చెబుతుంది.

కానీ నువ్వు చెప్పడం వల్ల రుద్రకి మన మీద కోపం వచ్చింది. అల్లుళ్లు ఇద్దరినీ కనపడనివ్వను అని వార్నింగ్ ఇచ్చాడు.

రేపు అక్క బావగారు వస్తున్నారు. నువ్వే సమాధానం చెప్పుకో. జ్యోతి అని పిలుస్తాడు.  ఏమిటండి.. మన లగేజ్ సర్దు.

మన అమ్మాయిని తీసుకుని మనం బయటికి వెళ్లిపోదాము. ఏం మాట్లాడుతున్నావ్ అన్నయ్య..  నీలాంటి దాని నీడలో ఉంటే పాము పడగలో కాపురం చేసినట్టే..

ఎలాగో నా జీవితాన్ని పగ పంతాల మధ్యన నలిపేసావు. ఇక నా కూతురు జీవితం అలా నలగడం నాకు ఇష్టం లేదు.  జ్యోతి పదా అని కోపంగా చెబుతాడు.

వస్తున్నాను అండి. నిష గదికి వెళ్లి . సర్దుకో మనం వెళ్ళిపోతున్నాము.  ఎక్కడికి అమ్మ. తెలియదు నాన్నగారు బయలుదేరమన్నారు.

ఆశ వచ్చి అత్తయ్య నన్ను వదిలేసి వెళ్ళిపోతారా.. నా పెళ్లి జరిగినప్పటి నుంచి ఇప్పటివరకు నాకంటూ ఒక ఆలోచన అభిప్రాయము ఏదీ లేదు.

ఏదైనా మీ పిన్ని చెప్పినట్టుగానే నడుచుకోవలసి వచ్చింది. ఇప్పుడు నా భర్త చెబుతున్నాడు.  నా జీవితంలో సొంత నిర్ణయం తీసుకునే అధికారం, హక్కు లేదు.

ఒకవేళ ఉండి ఉంటే నిన్ను కూడా నాతోపాటే తీసుకువెళ్లేదాన్ని. జాగ్రత్తగా ఉండు.  మీ పిన్ని ఏది చెబితే అది గుడ్డిగా ఫాలో అవ్వకు.  నిషా తొందరగా సర్దుకో అని  బయటికి వచ్చేస్తుంది.

ఆశ నిషా చేయి పట్టుకుని నన్ను వదిలేసి వెళ్ళిపోతావా... నిషా వెంటనే ఆశాని కౌగిలించుకొని నాకు నిన్ను వదిలి వెళ్ళడం అసలు ఇష్టం లేదు.

పరిస్థితులన్నీ మన చేయి జారిపోయాయి.  ఇప్పుడు నాన్న చెప్పినట్టు వింటేనే మన జీవితాలు మళ్ళీ చక్కబడతాయి.

ఆనంద్ విహారి ఎక్కడ ఉన్నారో మనకి తెలుస్తుంది. జాగ్రత్తగా ఉండు అని బ్యాగ్ తీసుకుని బయటికి వస్తుంది. ఆశ కూడా వెనకాలే వస్తుంది.


లక్ష్మి కోడలి దగ్గరికి వెళ్లి జాగ్రత్త జ్యోతి. ఇప్పుడు నుంచి అయినా నీ జీవితం బాగుండాలని కోరుకుంటున్నాను. మయూరి అమ్మ అని ఆరుస్తుంది.

ఎందుకే అరుస్తున్నావు. ఇక్కడ ఉంటే వదిన జీవితానికి వచ్చిన నష్టమేముంది. పెళ్లయి ఉంటే ఆ నష్టం ఏమిటో అర్థం అయ్యేది.

ఏమి లేని దానివి. నీకెలా తెలుస్తుంది ఒక ఇల్లాలి బాధ. నువ్వు  అసలా నాకన్న తల్లివేనా. ఆ అనుమానం నీకెందుకు వచ్చింది. వెళ్లి మీ నాన్నని అడుగు కరెక్ట్ గా చెబుతారు.

నువ్వు మాకన్న బిడ్డవో..  కాదో.. నాగేంద్ర కోపంగా లక్ష్మీ అంటే..  నేను అన్నది ఏమైనా తప్పుందా? ఎవరైనా పిల్లలు జీవితం బాగుండాలి అని కోరుకుంటారు.

మన పెద్దమ్మాయికి,  శేషాద్రి కి పెళ్లి చేశారు. వాళ్లకి పిల్లలు ఉన్నారు. ఇప్పుడు శేషాద్రి కూతురు జీవితం కోసం ఆరాటపడుతున్నాడు.

నిజంగా మయూరి మీకన్న కూతురే అయితే మీరు కూడా అలాగే ఆరాటపడేవారు కదా..  మీ పగ కోసం దాని జీవితాన్ని నాశనం చేసేవారు కాదు కదా..

అడుగు మయూరి . మీ నాన్నని గట్టిగా అడుగు నువ్వు ఎవరికి పుట్టావో...  నాన్న అని కన్నీళ్ళతో  చూస్తే..
మీ అమ్మ ఏదో పిచ్చివాగుడు వాగుతుంది. నా కన్నా బిడ్డ వేరా...

నిషా మయూరి దగ్గరికి వచ్చే అత్తయ్య అని పిలుస్తుంది. మయూరి నిషా వైపు చూస్తే..  నీకోసం నేను చాలా చేశాను. నాకోసం ఒకే ఒక చిన్న పని చేసే పెడతావా..

ఏమిటది..  దయచేసి నా సరౌండింగ్లోకి ఎప్పుడో రావద్దు . నీ పగ కోసం ఇప్పటికే మా జీవితాల్ని  ప్రశ్నర్ధకంగా మార్చావు. ఇంకా నువ్వు మా చుట్టూ తిరిగితే ఈ ప్రశ్న కూడా సమాధానం లేకుండా శూన్యంలో కలిసిపోతుంది.

మీరు కూడా రావద్దు తాతయ్య అని చెప్పి వెళ్ళిపోతుంది. మనవరాలు చెప్పిన విధానానికి నాగేంద్ర సోఫాలో కూలబడిపోతాడు.  వెళుతున్న ముగ్గురికి లక్ష్మి, ఆశ బాయ్ చెప్పే లోపలికి వస్తారు.

ధరణి జయంతి ముసి ముసిగా నవ్వుకుంటూ ఉంటే.. చారులత వచ్చి ఏమైంది.  ఆ విషయం మాకు చెబితే నేను నవ్వుతాను కదా..

ఏమీ లేదు వదినగారు శాంభవి చెప్పింది విని మాకు సంతోషంగా అనిపించింది. ఏం చెప్పింది రాత్రంతా సవ్యంగానే జరిగిందా..

హ.. అంతా సవ్యంగానే ఉంది. అందుకే మాకు ఆనందం. పోనిలే.. మంచి విషయం చెప్పారు. వెంటనే మా వారిని ఏడుకొండలు నడిపించి గుండు కొట్టిస్తాను.

ఆ మాటకి సంతోష్ మండిపడుతూ ఇది మరీ బాగుంది. నీ కొడుకు సుఖంగా ఉంటే నాకు గుండు కొట్టించడం ఏమిటి.. మగవాళ్ళు జుట్టూ ఎంతలో వస్తుందిఅండి.

మా జుట్టు తీయడం అంటే కష్టంగాని.  నీ కొడుకు జుట్టు తీయించుకో. నా కొడుకు అందం పాడవదు. నీ కొడుకు అందం పాడవ్వకూడదు కానీ నేను ఎలా ఉన్నా నీకు పర్వాలేదా. మీరు ఎలాగున్నా చుక్కల్లో చంద్రుడు అండి .

నా పెళ్లయినప్పటి నుంచి ఇలా పొగిడే..  నన్ను ఇలా నుంచోబెట్టావు.
శాంభవి గదిలోకి వెళ్లి నోట్లో వేలు పెట్టుకుని ఆలోచిస్తూ ఉంటుంది.  రుద్ర అది చూసి ఏమైంది పాపా..  నీ చిట్టి బుర్రని అరగతీస్తున్నావు.

ఏమీ లేదు రుద్రా సార్..  అమ్మ వాళ్ళు రాత్రంతా సవ్యంగానే జరిగిందా..  బాగ పడుకున్నావా అని అడిగారు.

అంతా సవ్యంగానే ఉంది నేను రుద్ర గుండెల మీద పడుకున్నాను అని చెప్పాను.  అప్పటినుంచి ముసి ముసగా నవ్వుకుంటున్నారు. ఇందాక అత్తయ్య కూడా దగ్గరకు వచ్చి ముద్దు పెట్టుకుంది.  ఎందుకంటావు...

శాంభవి చెప్పిన దానికి రుద్ర తల కొట్టుకుంటూ నవ్వుకుంటాడు.  మీరు ఎందుకు నవ్వుకుంటున్నారు. నా పెళ్ళాం మరి ఇంత తెలివయిందా అన్న ఆనందంతో...

ఓ.. అవునా..  ఏంటి అవును అని తల మీద ఒక్కటి వేస్తాడు ఎందుకు కొట్టారు నన్ను అని తల మీద చేయి వేసుకుని అడుగుతుంది.

లేకపోతే ఎవరైనా అలా సమాధానం చెబుతారా.  ఏం చెప్పాను.  రాత్రి బాగా పడుకున్నాను. ఎక్కడ పడుకున్నాను.  మీ గుండెల మీదే కదా..

దాని అర్థం ఏమిటో తెలుసా... పడుకోవడానికి కూడా అర్థం ఉందా..  భార్యాభర్తల పడుకునే దాంట్లో చాలా అర్థాలు ఉంటాయి పాప.

అవునా ఏమిటి అంటుంది. అది చెప్పేది కాదు చూపించేది. ప్లీజ్ రుద్రాగారు నాకు చూపించరా..  అని గారాలు పోతుంది.

అబ్బా నీ గారాలతో చంపేస్తున్నవే..  రుద్రా అని కాకుండా బావ అని పిలువు.  వెంటనే చూపిస్తాను. నేను పిలవను నాకు సిగ్గు.

నీ సిగ్గు పోయిన రోజునే చూపిస్తాను. అయితే నేను వెళ్ళి అమ్మని అడుగుతాను. ఓయ్ ఇలాంటివి అమ్మని, నాన్నల్ని అడగకూడదు.

ఇది మనిద్దరమే తేల్చుకోవాల్సిన విషయం. అర్థమైందా....
ఏదో కొంచెం కొంచెం అర్థమవుతుంది లే.. పోనీలే ఇది ఇలా చెప్పడం వల్ల మా ఇద్దరి మధ్యన అంతా బాగానే ఉంది అనుకుంటున్నారు.

అలాగే అనుకోని అని మనసులో అనుకుంటూ శాంభవిని చూస్తాడు.  ఏంటి రుద్ర గారు అలా చూస్తున్నారు. దగ్గరికి రా అంటే.. పక్కనే కూర్చున్నాను కదండీ.  కొంచెం దగ్గరికి రా ...

సరే అని జరుగుతుంది.  ఇంకా అంటాడు.  ఇంకా జరుగుతుంది.  ఇంకా అంటే... మనిద్దరి మధ్యన ఇక్కడ గ్యాప్ లేదు.

అవునా లేదా అని చుట్టుకున్న  నడుం పట్టుకుని ఒడిలో కూర్చోబెట్టుకుంటాడు. ఏం చేస్తున్నారు మీరు అని భయంగా చూస్తుంది.

నువ్వే కదా భార్యాభర్తలు పడుకోవడం ఏమిటో చూపించమన్నావు.  చూపిస్తున్నాను పాప.  ఇదేం చూపించడం.

మరి ఇంకా ఎలా చూపించాలి అని ముక్కుతో బుగ్గ మీద రాస్తూ ఉంటాడు. అయ్యో మీరు ఇలా చేయకండి నాకు చెక్కిలిగింతలు వస్తున్నాయి అని మెలికలు తిరుగుతుంది.

ఇలా చేస్తే రావాల్సింది రొమాన్స్ ఫీలింగ్ పాపా... చెక్కిలగింతలు కాదు. ఉహూ.. నాకు భయం.  భయం అంటే ఇక రేపు మనకి పిల్లలు పుట్టినట్టే.

అయ్యో ఎందుకు పుట్టరండి.  రోజు  దేవుడికి పూజ చేస్తే పుట్టేస్తారు.  నువ్వు ఏం చదువుకున్నావ్.. మీకు తెలియదా...

పర్లేదు నీ నోటితో చెప్పు..  ఇంజనీరింగ్ అంటుంది.  అసలు ఎక్కడైనా ఇంజనీరింగ్ చదువుకున్న లక్షణాలు ఉన్నాయా..

చదువుకొని మొద్దులు చెప్పినట్టు చెబుతున్నాను.  పూజలు చేస్తే పిల్లలు ఎలా పుడతారు. లాప్టాప్ లో పిల్లలు ఎలా పుడతారు అన్న ఆర్టికల్ ఓపెన్ చేసి శాంభవి ముందు పెడతాడు.

అది అంతా చదివి... నోటి మీద చెయ్యి వేసుకుని రుద్రవైపు చూస్తోంది. ఇప్పుడు అర్థమైందా పాప అని కన్ను కొడతాడు.

మరి మా శక్కు జేజి అలా చెప్పింది ఎందుకు. ఎలా చెప్పారు. ఒకసారి పిల్లలు ఎలా పుడతారు జేజి.. పూజలు చేస్తే దేవుడు ఇస్తాడు అని చెప్పింది.

అప్పుడు నీ వయసెంత.. ఆలోచిస్తూ ఏమో గుర్తులేదు.. చిన్నపిల్లలకి అలా చెప్పక ఇలా జరిగితే పుడతారు అని చెబుతారా...

అయినా ఇంజనీరింగ్ చదువుకున్నావు కదా..  ఫ్రెండ్స్ మధ్యన రొమాన్స్, కిస్ టాపిక్స్ వస్తాయి కదా... మా కాలేజీలో అలాంటివి మాట్లాడుకోకూడదు.

ఓన్లీ స్టడీస్ గురించి మాత్రమే.  అది నీలాంటి వాళ్ళకి. మూవీస్ లో అయినా చూపిస్తారు కదా...  నాకు మూవీస్ చూసే అంత టైం ఉండదు.

  రోడ్ల మీద పడి తిరిగేడంలో ఉన్న టైం ఇలాంటివి తెలుసుకోవడంలో ఉండవులే...

శాంభవి??

[SivaSai]

Part - 72

రోడ్లు మీద పడి తిరగమంటే టైం ఉంటుంది కానీ ఇలాంటి విషయాలు తెలుసుకోవడంలో నీకు బుర్ర ఉండదు కదా.
మీరు నన్ను అవమానిస్తున్నారు. నాకు కోపం వస్తుంది.

అది తప్ప నీకు ఇంకొక ఎమోషన్ ఏమీవచ్చు పాప.
నాకు చాలా ఎమోషన్స్ తెలుసు.. అవునా చెప్పు. ఆలోచిస్తూ సంతోషం తెలుసు.  బాధ తెలుసు. ఇంకా.. చెప్పు వింటున్నాను కదా..ఫ్రెండ్షిప్ ఎమోషన్ తెలుసు.

అసలు తెలియాల్సింది తెలియదు కదా పాప నీకు..ఇంకేం తెలియాలి. ప్రేమ అనే ఎమోషన్. ఆల్రెడీ మనిద్దరం ప్రేమించుకునే కదా పెళ్లి చేసుకున్నాము.

ప్రేమించుకుంటే ఎన్ని చేసుకుంటారు తెలుసా... మనం ఒక్కటైనా చేసుకున్నామా..  ఏం చేసుకుంటారు రుద్ర గారు. ఏం చేసుకుంటారా పెళ్లికి ముందే ఇలా ముద్దులు పెట్టుకుంటారు అని బుగ్గ పైన ముద్దు పెడతాడు.

అవ్వ తప్పు కదా... నీకు పెళ్లి అయ్యాక పెట్టిన తప్పే కదా..
నడుం పైన చేయి వేసి మీటుతు ఇలా చక్కెలగింతలు పెడతారు. ఇంకా అని ఆ నడుముని గట్టిగా ప్రెస్ చేస్తాడు.

అబ్బా అని ఒక రకమైన సౌండ్ తో రుద్రా కాలర్ పట్టుకుంటుంది. శాంభవిలో వచ్చిన డిఫరెన్స్ కి రుద్ర చిన్నగా నవ్వుతూ ఇవన్నీ ప్రేమకు సంబంధించినవే.

అది ఓన్లీ వైఫ్ అండ్ హస్బెండ్ మధ్య మాత్రమే ఉంటుంది పాప. ఇలాంటివి కొన్ని కొన్ని తెలుసుకోవాలి. అప్పుడే జీవితంలో రొమాన్స్ అన్న ఒక చాప్టర్ ఓపెన్ అవుతుంది. లేకపోతే భక్తి  సన్యాసంతోనే జీవితం వెళ్ళిపోతుంది.

అయ్యో మీరు అప్పుడే సన్యాసం తీసుకోవద్దండి.నాకు పిల్లల కావాలి.  మా అమ్మె పిల్లల కోసం సన్యాసం తీసుకోవద్దు అంటున్నావా..

సరే ఎంతమంది పిల్లలు కావాలి. నాకు ఆలోచిస్తూ ముగ్గురు అంటుంది. అందులో ఒక అమ్మాయి కచ్చితంగా ఉండాలి.

పాపని మా నాన్నకి ఇస్తాను.  తర్వాత ఇద్దరు బాబులు ఒక బాబుని అమ్మకి ఇస్తాను. ఇంకో బాబు మన దగ్గర ఉంటాడు.

ఇది నేను ఒప్పుకోను.  నాకు పాపే కావాలి.  ఇక్కడే పెరగాలి  అమ్మో ఇంతమందా... నో ప్రాబ్లం... ట్విన్స్ ట్రై చేద్దాం. ముందు ఇద్దరు అబ్బాయిలు. తర్వాత ఇద్దరమ్మాయిలు.  ఏమంటావు.

ఖచ్చితంగా అలా ఎలా పుడతారండి.  మనం కోరుకోవాలే గాని ఏదైనా జరుగుతుంది.  అది జరగాలి అంటే ముందు నీకోపరేషన్ ఉండాలి పాప...

రుద్ర మనసులో మాత్రం పూర్తి నిజం చెప్పిన తరువాత శాంభవి అంగీకారంతో దాంపత్య జీవితం మొదలు పెట్టాలి.

రోజులు ముందుకు పరిగెడుతూఉంటాయి.  రేపల్లె వాస్తవ్యులు రేపల్లెకి చేరుకుంటారు. శాంభవి నీ అందరూ అపురూపంగా చూసుకుంటూ ఉంటారు.

దేవేంద్ర తో  అనుబంధం ఇంకా పెరుగుతుంది. ఒకరోజు చూడకపోయినా ఫోన్ చేసి దెబ్బలాడే స్థితికి వస్తుంది. శాంభవి అలా గొడవ పడుతూ ఉంటే దేవేంద్రకి  మనసు ఉప్పొంగిపోతూ ఉంటుంది.

సీరియస్ గా ఆలోచిస్తున్నా రుద్ర దగ్గరికి ధీరజ్  వస్తాడు. ఏంటి బావ తెగచించుతున్నావు.. శాంభవికి నిజం చెప్పేద్దామనుకుంటున్నాను.

ఆ మాటకి గట్టిగా పొలమారుతుంది. ఏమంటున్నావు బావ. అందరూ ప్రశాంతంగా ఉన్నాము. బాబాయ్ శాంభవి తో మంచి రిలేషన్ లో ఉన్నారు.

చెబితే తారుమారైపోతుందేమో... అవ్వకుండా చూసుకోవడానికి నేను ఉన్నాను కదా... ఏ నిజమైన నా ద్వారా తెలిస్తేనే మంచిది. అందుకే వీకెండ్ అత్తయ్య దగ్గరికి తీసుకు వెళుతున్నాను.

మేము వస్తాము బావ.  కాకపోతే బయట ఉంటాము. ఏదైనా అవసరమైతే ఒక కాల్ చెయ్.

రుద్రా పి ఎ ఫోన్ చేసి మిమ్మల్ని శేషాద్రి కలవాలి అని వెయిట్ చేస్తున్నారు. ఏం చెప్పమంటారు.  అబ్బా వీడి గొడవ  ఉంది కదా అని రమ్మని చెప్పు.

శేషాద్రి లోపలికి వస్తాడు. చెప్పు శేషాద్రి ఏంటి ఇలా వచ్చావు.  రుద్ర నీకు అన్నీ తెలిసి అడిగితే.. నేనేమీ చెప్పను.

ప్లీజ్ వాళ్ళిద్దరూ జాడ చెప్పు.  ఇది నిజంగా మార్పా లేకపోతే వచ్చిన తర్వాత వాళ్ళని వేసయ్యడానికా..  లేదు లేదు నిజమైన మార్పే.

నేను ఆ ఇంట్లో ఉండడం లేదు . నా భార్య కూతురిని తీసుకుని బయటికి వచ్చేసాను. ఆశ... అమ్మ, నాన్న కూడా వచ్చారు.  మా బావగారు కోపంతో ఊగిపోతున్నారు.

పరువు పోయింది అని గొడవ గొడవ చేస్తున్నారు. పరువు పోయిందని బాధపడుతున్నారు గాని కూతురు జీవితం ఏమిటి అన్న బాధ లేదా...

నువ్వు కాలికేస్తే మెడకేస్తావు.  మెడకేస్తే కాలికేస్తావు. ఎలా మాట్లాడినా నీతో కష్టం.  కూతురు జీవితం బాగుంటేనే కదా పరువు..

నాన్న మయూరి పరిస్థితి బావగారు చేతిలో ఉంది. ఇప్పుడు నువ్వు ఇక్కడికి వచ్చింది మీ నాన్న మయూరి గురించా...

లేక మీ ఇంటి అమ్మాయిలను కాపురానికి  పంపించడానికా... 

మా ఇంటి అమ్మాయిలు గురించే వచ్చాను..సరే అయితే వాళ్లని పిలిపిస్తాను. కాకపోతే ఒక కండిషన్.  చెప్పు. నువ్వు ఏది చెప్పినా ఒప్పుకుంటాను.

అబ్బో ఇదంతా నిజమేనా మార్పే అని ధీరజ్ వెటకారంగా అంటే... నీకు ఒక కూతురు ఉంటే అప్పుడు తెలుస్తుంది బాధ. ఇంకా పెళ్లి కాలేదు కదా అయిన తర్వాత అప్పుడు అర్థమవుతుంది.

నువ్వు చెప్పు రుద్ర కండిషన్ ఏమిటో... వాళ్లని పిలిపిస్తాను. పిలిపించిన వెంటనే రిసెప్షన్ అరేంజ్ చేసి మా అమ్మాయిలు ప్రేమ వివాహం చేసుకున్నారు.

ఆ ప్రేమను మేము గౌరవించి అంగీకరించాము అని అనౌన్స్ చేయాలి.  అలాగే వాళ్ళిద్దరికీ కూడా ఎటువంటి హాని  ఎవరి నుంచి  రానివ్వను అని అగ్రిమెంట్ మీద సంతకం చేసి ఇవ్వాలి.

సరే ఇప్పుడే చేస్తాను.  హలో నువ్వు ఒక్కడివే కాదు.  మీ ఇంటిలో వాళ్లందరూ  ఇంక్లూడింగ్ మీ బావగారు తో సహా.... అందరి సంతకాలు అయ్యి ఆ పేపర్లు నా చేతికి వస్తే... అప్పుడు వాళ్ళిద్దర్నీ తీసుకువస్తాను.

లేకపోతే మీ అమ్మాయిలకి వేరే పెళ్లి చేసుకోండి.  నేనేమీ అడ్డుపడను.  ఏంటి రుద్ర నువ్వు మాట్లాడేది.  పెళ్లయిన ఎవరికైనా  ఆ మనిషి బ్రతికుండగా మరొక పెళ్లా..

అరే అలా అంటావేంటి శేషాద్రి. మరి మా అత్త ఉండగానే మా చిన్నమామ కి మీ ముద్దుల చెల్లిని ఇచ్చి పెళ్లి చేయాలని  ముచ్చటపడ్డారు.

ఇప్పుడు అదే విషయం చెబుతుంటే ఎందుకు నచ్చడం లేదు. మేము చేసింది తప్పే.  ప్రాయశ్చిత్తం చేసుకోవడానికి కూడా దారిలేదు అని నాకు తెలుసు.

జరిగిన వాటి గురించి మాట్లాడుతూ కూర్చుంటే ఇప్పుడు ఉపయోగం లేదు కదా... ఉపయోగం లేదా...  మరి అయిపోయిన కాలాన్ని తిరిగి తీసుకురాగలవా..

మా చిన్నమామ జీవితంలోని సంతోషాన్ని తీసుకుపోయారు.  అది తీసుకుని వచ్చి మీరు ఇవ్వగలరా...

మీ వరకు వస్తే మాత్రం న్యాయం ధర్మం మాట్లాడాలా.. ఎదుటివాళ్ల జీవితాలతో మాత్రం ఏమైనా ఆడుకుంటారా ..

శేషాద్రి మోకాళ్లపై కూర్చుని ఆరోజుల్లో అహంకారంతో ఉన్నాను.  మా నాన్న ఏది చెబితే అదే చేశాను కానీ ఇప్పుడు ఒక తండ్రిగా ఆలోచిస్తున్నాను.

అందుకే కూతురు భవిష్యత్తు బాగుండాలి అని వాళ్ళ నీడ కూడా పడకూడదు అని బయటికి వచ్చేసాను. నీ కోపం తీరాలి అంటే మీ అత్తయ్య సమాధి అంటే...  సమాధి కాదు దేవాలయం అని కోపంగా అంటాడు.

అదే ఆ దేవాలయం లో మీ అత్తయ్య పాదాలకి నా రక్తంతో అభిషేకం చేస్తాను. ఛీ.. ఛీ.. మీలాంటి నీచులు రక్తం మా అత్తయ్య మీద పడితే మా అత్తయ్య అపవిత్రం అయిపోతుంది.

పోనీ నువ్వే చెప్పు రుద్ర ఏం చేస్తే మీ కోపం తీరుతుంది.  నువ్వు ఏమి చేసినా మా కోపం,  బాధ తీరదు. ఏదో మారాను అంటున్నావు కదా...

నేను చెప్పిన పని చేసుకుని రా...  అప్పుడు ఆనంద్ విహారీలని మీ ముందుకు తీసుకువస్తాను.
ఇప్పుడే సంతకాలు చేయిపిస్తాను. ధీరజ్ అని పిలవగానే  డాక్యుమెంట్స్ తీసుకువచ్చి ఇస్తాడు.  ఈ డాక్యుమెంట్స్ లో  మీ కొంపలో ఉన్న వాళ్ళందరితో సంతకాలు చేయించు.

అన్ని ఒరిజినల్ ఉండాలి.  నా దగ్గర నాటకాలు ఆడాలి అనుకున్నారు అనుకో...  లేదు లేదు నీ గురించి తెలిసి కూడా నాటకాలు ఆడతానా...  వెళ్ళు అని పంపిస్తాడు.

శేషాద్రి అ డాక్యుమెంట్స్ తీసుకుని ఇంటికి వెళతాడు. కొడుకుని చూసిన లక్ష్మీ రారా ఎలా ఉన్నారు. ఒకసారి మీవారిని పిలువమ్మా అని కోపంగా అంటాడు.

మీ వారు ఏంట్రా..  ప్లీజ్ అమ్మ ఇప్పుడు మీ అందరితో కూర్చుని బుజ్జగించి మాట్లాడే అంత టైం నాకు లేదు.  దయచేసి పిలుస్తావా.

ఒక్క నిమిషం కూర్చోరా.. ఈ ఇంటి గాలి కూడా నాకు నచ్చడం లేదు.. అవునా... నచ్చకుండానే ఈ ఇంటిలో ఇన్ని రోజులు ఉన్నావా అని నాగేంద్ర కోపంగా అడుగుతాడు.

అదే నా దౌర్భాగ్యం... శేషాద్రి అని కోపంగా అరుస్తాడు. ప్లీజ్ నాన్న ఇప్పుడు మీరు అరిచి... బి పి తెచ్చుకుని మీరు హాస్పటల్లో ఎడ్మిట్  అయితే నా పిల్లల భవిష్యత్తుకు ఇబ్బంది అవుతుంది.

ఆ మాటకి నాగేంద్ర కొడుకు ముందుకు వచ్చి నాకు ఏమైనా పరవాలేదు కానీ ఆశా నిషా కి ఏమీ కాకూడదు అంతేనా..
  మాది పేగు బంధం కదా అలాగే అనిపిస్తుంది. సరే వచ్చిన విషయమేమిటో చెప్పు.  బావగారిని అక్కను కూడా పిలవండి.

శేషాద్రి అక్క సునంద వచ్చి ఏరా ఎలా ఉన్నావు..మేము వచ్చామని తెలిసినా రాలేదు. బావగారు ఏరి అక్క.. వస్తున్నారు అని భయంగా చెబుతుంది.

ప్రభాకర్ వస్తూ ఉంటే సునంద మాత్రం భయంతో వణుకుతూ ఉంటుంది. శేషాద్రి గౌరవంగా ఎలా ఉన్నారు బావగారు. మీ ఇంట్లో వాళ్ళు చేసిన దానికి ఎలా ఉంటాము.  పరువు రోడ్డు మీదకు వచ్చింది.

ఆ పరువు మళ్లీ ఇంట్లోకి తీసుకురావడానికి వచ్చాను.  ఏం చేబుతున్నావు  రుద్ర పెట్టిన కండిషన్ మొత్తం చెప్పి డాక్యుమెంట్స్ చూపిస్తాడు.

ప్రభాకర్  డాక్యుమెంట్స్ తీసుకుని మొత్తం చదువుతాడు. మన మాట మీద నమ్మకం లేదా... అది మన కుటుంబంలోనే లేదు కదా...

మీ కుటుంబం ఇలాంటిదని తెలిసి ఉంటే మీ అక్క మెళ్ళలో తాళి కట్టేవాడినే కాదు. మీ అత్తింటి వారు ఎవరు అని నన్ను అడుగుతుంటేనే సిగ్గుతో చచ్చిపోతున్నాను.

ప్లీజ్ బావ జరిగిపోయిన విషయాలు గురించి ఎందుకు... అందరూ ఇందులో సంతకాలు చేస్తే మన పిల్లల భవిష్యత్తు బాగుంటుంది...

కథ కొనసాగుతుంది...

[SivaSai]

Part - 73

ప్లీజ్ బావ. పంతాలకి వెళ్లొద్దు. సంతకం చేయండి.  మనకి మన పిల్లల భవిష్యత్తు ముఖ్యం.  సునంద కూడా ఒప్పుకోండి.

అల్లుడుగారు రాగానే అమ్మాయిని అల్లుడిని తీసుకుని మనం వెళ్ళిపోదాము.  నేను ఇంకా పుట్టింటి వైపు కూడా చూడను.

లక్ష్మీ బాధగా సునంద అంటే... అవునమ్మా పుట్టిల్లు అంటే ఆడపిల్ల మంచి కోరుకుంటుంది..కానీ మీరేం చేస్తున్నారు. మీ పగలు కోసం నా కూతురి జీవితాన్ని పణంగా పెట్టారు.

ఏం మయూరి.. నిన్ను చెల్లి కన్నా..  కూతురులాగా చూసుకున్నాను కదా..  దేవేంద్ర ని ఇష్టపడుతున్న అన్నప్పుడు కూడా నీ వైపే మాట్లాడాను.

నా కూతురికి బిజినెస్ లో టిప్స్ నేర్పిస్తాను. నెంబర్ వన్ పొజిషన్ లో నిలబెడతానని చెప్పి తీసుకువచ్చి ఇలా చేస్తావా..

నువ్వు అసలు ఆడదానివేనా..  బావగారు ముందు నా పరువు ఏమవుతుందని ఆలోచించావా..  నా కూతురిని ఎవరికో తార్చాలని చూస్తావా..

అసలు ఇలా తయారయ్యవే..  దేవేంద్రని దక్కించుకోవడం కోసం ఎవరినైనా ఫణంగా పెడతావా... ఇలా తయారైంది ఏంటమ్మా...

ఏమి చెబుతాను సునంద..  పగ పగ అని మీ నాన్న దాన్ని ఒక పాములాగా తయారు చేశారు.  అమ్మ అని కోపంగా మయూరి అరిస్తే..

నేను అన్నది తప్పా..  పాము తన పిల్లల్ని తానే చంపుకుని తింటుంది అంట.. అలాగా నీ నాన్న పగ కోసం నీ జీవితాన్ని నాశనం చేస్తే..

నువ్వు పగ కోసమే అన్న అక్క కూతుళ్లు జీవితాన్ని నాశనం చేశావు. ఇంకా ఏం మాట్లాడుతున్నావు అని.. కొడుకు వైపు తిరిగి..

ఏరా నన్ను కూడా నీతో పాటు తీసుకు వెళ్లిపో.  ఈ రాక్షసుల మధ్య నేను ఉండలేను.

అందరూ సంతకాలు చేస్తారు మీరు కూడా చేయండి నాన్న అల్లుడు మొహం చూసి నాగేంద్ర...  మయూరి మౌనంగా సంతకం చేస్తోంది.

మీరిద్దరూ ఈ స్మశానం లాంటి ఇంటిని ఏలుకుంటూ పగ పగ అని తిరగండి. బావగారు మీరు మా ఇంటికి వస్తారా లేక ఇక్కడే ఉంటారా...

ఇలాంటి నీచులను చూడలేను పదండి అని అక్కడ నుండి ప్రభాకర్ సునందా కూడా వెళ్ళిపోతారు.

వెళుతున్న లక్ష్మీని నాగేంద్ర కోపంగా పిలుస్తాడు.  ఎందుకు అరుస్తున్నారు. నువ్వు వెళ్ళిపోతే నాకు ఎలా కుదురుతుంది.


ప్రతి పనికి నీ మీద ఆధారపడడం అలవాటు అయిపోయింది.  ఈ వయసు వచ్చిన భార్య పక్కనఉండాలి.

కూతురు మాత్రం మోడిచెట్టులాగా ఉండాలి. చూసావా మీ నాన్నగారు స్వార్థం.  ఇప్పటికైనా తేరుకో...

పదరా అని కొడుకుతో వెళ్ళిపోతుంది. వెళుతున్న భార్యని చూస్తూ కోపంగా పిడికిలి బిగిస్తాడు.  మీ అమ్మ లేకపోతే నాకు ఏమీ జరగదు అనుకుంటూ.. పొగరు చూపిస్తుంది.

వెళ్ళని.. మొగుడు దగ్గర ఉంటే ఎంత గౌరవమో...  కొడుకు దగ్గర ఉంటే ఎంత గౌరవమో తెలుస్తుంది.  నువ్వేం బాధపడకు మయూరి.

ఎప్పటికైనా దేవేంద్ర నీకు దక్కుతాడు. నా మాట నమ్ము. తండ్రి వైపు చూసి మౌనంగా గదిలోకి వెళ్లి తలుపు వేసుకుంటుంది.

అందరినీ ఇంటి దగ్గర దింపి.. రుద్ర దగ్గరికి వెళతాను అని కారు వెనక్కి తిప్పితే...  ప్రభాకర్ నేను వస్తాను అని శేషాద్రితో వెళతాడు. 

శేషాద్రి వచ్చాడు అని తెలిసి రుద్ర రమ్మంటాడు. శేషాద్రి తో పాటు ఉన్న ప్రభాకర్ ని కేర్లెస్ గా చూస్తాడు. ఆ చూపుకి ప్రభాకర్ కి చాలా కోపం వస్తుంది కానీ ...

తమ ఇంటి పరువు రుద్రా చేతిలో ఉంది అని కష్టంగా కోపాన్ని కంట్రోల్ చేసుకుంటాడు.  ఏంటి శేషాద్రి నీకు తోడుగా ఎవరో పెద్ద మనిషిని తీసుకొచ్చినట్టు ఉన్నావు.

ఎవరు అంటే..  మా బావగారు. అంటే...  మా బావగారు.. ఆశా నాన్నగారు. అవునా ఎందుకొచ్చినట్టు. అన్నీ తెలిసే ఎందుకు అలా అడుగుతావు అని ప్రభాకర్ కోపంగా అంటే....

నా ముందు వాయిస్ రేస్ చేస్తే నాకు అస్సలు నచ్చదు.  ఏం శేషాద్రి మీ బావకి చెప్పలేదా నా గురించి. బావగారికి  ఇక్కడ వాతావరణం కొత్త కదా..  కోపం తెచ్చుకోకు..

బావగారు మీరు కొంచెం శాంతంగా ఉండండి. రుద్ర నువ్వు అడిగినట్టుగా అందరితో సంతకాలు చేయించాను.. గుడ్.. ధీరజ్ ని పిలిచి ఈ పేపర్స్ ఒకసారి మనం లీగల్ అడ్వైజర్ తో చెక్ చేయిపించు.

మా మీద నమ్మకం లేదా అని ప్రభాకర్ అడిగితే... ఎవరు నువ్వు అని నీ మీద నేను నమ్మకం చూపించాలి. నా గురించి పూర్తిగా తెలియక మాట్లాడుతున్నావు రుద్ర.. నాతో శత్రుత్వం అంత మంచిది కాదు.

బురద పాము కూడా బస కొడుతుంది. అంతమాత్రాన అది తాచుపాము అవుతుందా..  అవదు కదా మీరు   కూడ అంతే..

వచ్చిన వాళ్ళని కూర్చోమనడం సంస్కారం. అందులో నీకన్నా పెద్ద వాళ్ళము..  ఆ మాత్రం తెలియదా.. వయసులో పెద్దవాళ్ళు అయితే సరిపోదు. సంస్కారంలో కూడా ఉండాలి.

నాకు సంస్కారం లేదు అనుకుంటున్నావా.. ఉంది అని మీరు అనుకుంటున్నారా మిస్టర్..

ఉంది కాబట్టే పెళ్లి ని గౌరవించాను. రుద్ర గట్టిగా నవ్వుతూ..  సంస్కారం ఉండి కాదు..  ఆ ఫోటోలు లీక్ అవుతే మీ ఇంటి పరువు ఏమవుతుందో అన్న భయం.

ప్రభాకర్ ఏమి మాట్లాడలేక పోతాడు. ధీరజ్ వచ్చి అవి ఒరిజినల్ సంతకాలే  అని చెబుతాడు.

ఓకే మంచి రోజు చూసి అల్లుడ్ని తీసుకువచ్చి నీకు అప్పచెబుతాను.  ఇప్పుడు తీసుకువస్తే ఏమైంది..  అయ్యో... మంచి రోజు చూసి  కదా...  అల్లుడిని ఇంట్లోకి తీసుకు వెళ్ళాలి ఆమాత్రం కూడా తెలియదా..

సరే అని వెళుతున్న ప్రభాకర్ ని  చిటిక వేసి పిలుస్తాడు. ఏమిటి అంటే.. మీకు మర్యాద ఇవ్వలేదు అని అగ్గి మీద గుగ్గిలం అవుతున్నావే...

ఆరోజు మా అత్తయ్య జీవితాన్ని ఈ కుటుంబం మొత్తం నాశనం చేస్తూ  ఉంటే మీ సంస్కారం ఏమైపోయింది.. నాకేమీ సంబంధం లేదు అని కళ్ళు మూసుకుని ఉన్నావు కదా... మరి ఇప్పుడెందుకు తెగచించుకుంటున్నావు.

శేషాద్రి ప్రభాకర్ చెయ్యి పట్టుకుని నువ్వు రా బావ అని తీసుకువెళ్లిపోతాడు.  ప్రభాకర్ మాత్రం మౌనంగా బావమరిది వెనకాల వెళతాడు.
 
ధీరజ్ రుద్రా వైపు అనుమానంగా చూస్తూ..  వాళ్ళిద్దరిని నిజంగా వీళ్ళతో పంపిస్తావా... ప్రాణాలతో ఉండనిస్తారా... మనకోసం ఇంత చేసిన వాళ్ళ జీవితాన్ని ఎందుకు పణంగా పెడతాను.

ఆ ఆశ, నిషా బేసిగ్గా పరవాలేదు.  వాళ్ళ బుర్రని మయూరి పొల్యూట్ చేసింది.  ఎందుకు ఆనంద్ విహారి నే సెలెక్ట్ చేసుకున్నావు.

లక్ష్మీ జ్యోతి గారు కోసం.  వాళ్ళిద్దరూ మంచివాళ్లు రా.. పిల్లలు భవిష్యత్తు బాగుండాలి.. మన కుటుంబం బాగుండాలి అని రోజు ఆ దేవుడుకి పూజ చేస్తూనే ఉన్నారు.

నా దగ్గరికి వచ్చి బ్రతిమాలారు పిల్లలు ఇద్దరి జీవితాన్ని సరి చేయమని. వాళ్ళ పంతాలకి నాశనం అవ్వనివ్వద్దు అని.. అందుకే ఆనంద్ విహారిని సెలెక్ట్ చేసుకున్నాను.

సరే నేను ఇంటికి వెళ్తాను. మీ చెల్లి నాకోసం ఎదురు చూస్తూ ఉంటుంది. ఏమో బావా నువ్వు ఇచ్చే ట్విస్ట్ లకి తల పగిలిపోతుంది.

పబ్ కి వెళదాము అంటే మా చెల్లికి ఆ వాసనే పడదు.  మా చెల్లి కోసం మేము ఎన్ని త్యాగాలు చేస్తున్నామో.. ఎప్పటికీ మమ్మల్ని దగ్గరికి తీసుకుంటుందో అర్థం కావడం లేదు . నా ప్రయత్నం కూడా అదే కదా..

ఈ వీకెండ్ అందరూ వెయిట్ చేయండి బాయ్ అని నవ్వుతూ వెళ్ళిపోతాడు.  నీకే కూల్ గా ఉంటావు.  బాంబు మాత్రం మా ఒళ్లో పెట్టావు.

శాంభవి ఎలా రియాక్ట్ అవుతుందో..  తర్వాత రేపల్లెలో పరిస్థితి ఏమిటో..  ఇక్కడ బృందావనం సిచువేషన్ ఏమిటో ఆలోచిస్తూ ఉంటే పెళ్లికి ముందే నా జుట్టు మొత్తం ఊడిపోయేటట్టు ఉంది.

రుద్ర ఇంటికి వెళ్లేటప్పటికీ చారు, శాంభవి,  కౌసల్య, తులసి కబుర్లు చెప్పకుంటూ ఉంటారు. హాయ్ అత్తయ్య అని కౌసల్య పక్కన కూర్చుంటాడు.

హాయ్ రా ఎంతసేపు అయింది.. ఇప్పుడే.. ఏమిటి లేడీస్ అందరూ ఉప్పర్ మీటింగ్ పెట్టారు. శాంభవి కోపంగా చూస్తోంది.

ఏమీ లేదురా ఈ వీకెండ్ అందరం కలిసి బయటికి ఎక్కడికైనా వెళదాం అనుకుంటున్నాము. శాంభవి రేపల్లె వెళదాం అంటుంది.

దాని గురించి డిస్కస్ చేస్తున్నాము. లేదు నెక్స్ట్ వీక్ ఎండ్ ప్లాన్ చేసుకోండి. ఈ వీకెండ్ కాదు. ఏరా.. నాకు శాంభవితో పని ఉంది.

ఏం పని.. అబ్బా అన్ని మీకు చెప్పాలా..  ఓల్డ్ ఫెలోస్... రేయ్ మమ్మల్ని ఓల్డ్ ఫెలోస్ అంటావా... రేయ్ శాంభవి ఈ వీకెండ్ ఫిక్స్ మనం వెళదాము..

నో వే.. నా పెళ్ళాం నాతోనే వస్తుంది. దేవేంద్ర వచ్చి ఏమిటి నా కూతురు మీద మీరందరూ బెట్టు వేసుకుంటున్నారు. శాంభవి  నవ్వుతూ దేవేంద్ర దగ్గరికి వెళ్లి టైం కి వచ్చారు.

మీరు చెప్పండి ఈ వీకెండ్ రేపల్లె వెళదాము అంటున్నాను. మీ మేనల్లుడు మాత్రం ఎక్కడికో అంటున్నారు. ఎక్కడికి అంటే చెప్పడం లేదు.  మీరు గట్టిగా అడగండి.

ఎక్కడికి రా అంటే అమ్మవారి గుడికి అంటాడు. ఆ మాటకి దేవేంద్ర రుద్రవైపు సూటిగా చూస్తాడు.  రుద్రా చూపులో భావం అర్థమయ్యి..

ఈసారి కి రుద్ర చెప్పినట్టుగా వెళ్ళు రా.. నెక్స్ట్ టైం వారం రోజులు నువ్వు రేపల్లె వెళ్ళి ఉండచ్చు.  నిజంగానా అని సంతోషంగా అడుగుతుంది.

నీకెప్పుడైనా మాటిచ్చి తప్పానా..  లేదు అంకుల్.  థాంక్యూ అని సైడ్ హాగ్ చేసుకుంటుంది. 

సరే అల్లుడికి ఏం కావాలో చూసుకో అమ్మ.. రుద్ర రా అని తీసుకువెళ్తాడు. ఏంటి మేడం పుట్టిల్లు అనేటప్పటికీ మొఖం వెలిగిపోతుంది.

మరి వెలగదా వెళ్లి ఎన్ని రోజులు అయిందో.. మా నాన్నలని చూసి చాలా రోజులైపోయింది. రోజు వీడియో కాల్ లో చూస్తున్నావు కదా..

అబ్బా అలా చూస్తే మాత్రం బెంగ తీరుతుందా ఏమిటి? ఎప్పుడు నెక్స్ట్ వీక్ ఎండ్ వచ్చేస్తుందా అని వెయిట్ చేస్తున్నా..
ఇలా రా అని పక్కన కూర్చోబెట్టుకుని శాంభవి చేతిని ముద్దు పెట్టుకుంటాడు. నేను ఒక ప్లేస్ కి తీసుకువెళతాను అన్నాను కదా అది ఏమిటో తెలుసుకోవా..

చెప్పారు కదా ఏదో అమ్మవారి దేవాలయం అని..
రుద్రా సమాధానం...

[SivaSai]

Part - 74

ఆ దేవాలయం గురించి తెలుసుకోవా... అక్కడికి వెళ్ళాక చెప్పండి. మీరు చెబుతూ ఉంటే ప్రతీది చూస్తూ తెలుసుకుంటాను.

సరే ఈరోజు ఏం చేశారు అని  అడుగుతాడు.  పొద్దున్న నుంచి అందరితో గడిపిన విషయాలు చెబుతుంది. తాతగారు వచ్చి వెళ్లారు.

తాతగారితో టైం స్పెండ్ చేస్తూ ఉంటే భలే ఉంది తెలుసా... నాకు మా తాతయ్య తో ఉన్నట్టే ఉంది.  మా తాతయ్యతో చిన్నప్పుడు నుంచి ఎలా ఆడుకునేదాన్నో..

ఇక్కడ ఈ తాతగారితో కూడా అలాగే ఉన్నాను. అసలు నేనేమి చేస్తున్న... ఎంత అల్లరి చేస్తున్న ఒక్క మాట కూడా అనడం లేదు. పైగా నన్నే వెనకేసుకొస్తున్నారు.

ఇక్కడ అందరూ మంచి వాళ్ళే... చెప్పాను కదా.. నువ్వు ఏం చేసినా అందరికీ మురుపమే.

నీతో ఇలా మాట్లాడుతూ ఉంటే టైమే తెలియదు నేను ఫ్రెష్ అయి వస్తాను అని వెళతాడు.  వెళుతున్న రుద్రాని చూస్తూ మీరు పైకి కనిపించే అంతా రఫ్ కాదు.

లోపల మీరు చాలా స్మూత్.  నన్ను చిన్నపిల్ల లాగా ట్రీట్ చేస్తున్నారు. ఛీ.. ఛీ...  ఇలా ఆలోచిస్తున్నాను ఏంటి.  నేను చాలా పెద్దదాన్ని.  ఇప్పుడు పెళ్లి అయిపోయింది. అమ్మ లాగా ఉండాలి.

రుద్రా ఫ్రెష్ అయ్యి వచ్చి ఏంటి పాప బుర్రని ఏదో అరగదీస్తున్నట్టున్నావు. అమ్మలాగా ఉండాలి అంటే ఏం చేయాలా అని ఆలోచిస్తున్నాను.

ఇప్పుడు ఇంత సడన్ గా అంత పెద్ద డెసిషన్ ఎందుకు తీసుకున్నావు. అరే పెళ్లయిన తర్వాత ఎవరైనా అలాగే ఉండాలి.  నేను ఏమైనా చిన్నపిల్లనా..

కాదు బంగారం. నీ బుర్ర మరీ ఇంత పాదరసంగా పరిగెడుతుంది అని ఊహించలేదు.  సరే పదఅని తీసుకువెళ్తాడు.

ఇద్దరు కిందకి వెళ్ళేటప్పటికి కుటుంబం మొత్తం అక్కడే ఉంటుంది.  అరే అన్నయ్యలు కూడా వచ్చారే. అవును రా నీకోసమే అని చాక్లెట్స్ ఇస్తారు.

థాంక్యూ అన్నయ్య. ఇంకా ఏమైనా కావాలి అంటే అడగరా తీసుకొస్తాము. కుటుంబం మొత్తం అక్కడే ఉండి కళకళాడుతూ ఉంటే..  తులసి మురుపెంగా శాంభవి చుట్టూ మెటికలు విరిచి..  మనవరాలు వచ్చిన వేళా విశేషం.  ఇల్లంతా సందడిగానే ఉంటుంది.

నా కూతురు ఎక్కడ ఉంటే అక్కడే సందడి అత్తయ్య గారు అని జితేంద్ర అంటాడు. అది నిజమేలే.. అందుకే అంటారు ఇంటికి ఒక ఆడపిల్ల అయినా ఉండాలి.

అప్పుడే ఆ ఇల్లు కళకళలాడుతూ ఉంటుంది అని... చిన్నప్పటి నుంచి ఈ లాగు చొక్కాలని చూడలేక విసుగువచ్చేది.

పండగ వచ్చినా అయ్యే బట్టలు... రోజు అవే బట్టలు. ఒక పని చెయ్యి గ్రానీ అని రుద్రా అంటే.. ఏంట్రా.. ఆడపిల్లలకి చిన్నప్పటి నుంచి వెయ్యాలనుకున్నవన్ని నీ మనవరాలు వేసి మురిసిపో...  ఏమంటారు మావయ్య..

నా కూతురికి ఎందుకులే గాని.. నువ్వు ఒక కూతురుని ఇవ్వు. ఆ కూతురికి వేసి మురిసిపోతాము.  అవున్రా ఇంట్లో పిల్లల సందడి ఉంటే ఆ ఆనందమే వేరు.

అన్నయ్య ఒక పని చేదాం.. అందరం ఒకే చోట ఉండేటట్టుగా ఒకే కాంపౌండ్ వాల్ లో రెండు ఇళ్లు  ఉండేలాగా చూడండి.

మరి మేము ఎక్కడ ఉండాలి అత్తయ్య అని ధీరజ్ వస్తే.. అవును కదా మూడిళ్లు వచ్చేలాగా ప్లాన్ చేయండి. అప్పుడు మనకి ఇల్లంతా సందడే సందడి.

ఏమంటారు అత్తయ్య. మంచి ఆలోచన. ఒరేయ్ ఆ ప్లాన్ లో ఉండండి. ఇంకొక తరం వచ్చేటప్పటికి ఇంటి పని పూర్తి చేయండి.

శివగామి గారి ఆర్డర్ కదా అలాగే పూర్తి చేద్దాం అని రుద్రా అంటాడు.  నా మనవడు మాటిచ్చాడు అంటే ఆ పని అయిపోతుంది. ఇంకా శాంభవి తీపి వార్త చెప్పడమే మిగిలింది.

అందరి నవ్వుల మధ్యన వారం రోజులు ముందుకు వెళ్లిపోతాయి. ఆదివారం రానే వస్తుంది. శాంభవి చాలు అంటున్న సరే పీకల దాకా తినిపిస్తారు.

అత్తయ్య ఇలా తింటే నా పొట్ట పట్టదు.  ఏమీ అవ్వదు రా.. ఒక రోజుకి. మీరు వెళ్ళేది చాలా దూరం.  ఎప్పటికి వస్తారో.. ఏమిటో తిను అని తినిపిస్తుంది.

గుడికి వెళ్లే ముందు  తినకూడదు అత్తయ్య. అలా రూలేమీ లేదు. తిను అని తినిపించి కొడుకువైపు చూస్తుంది.  పరవాలేదు అని కళ్ళతోనే ధైర్యం చెప్పి వెళదామా.. హా నేను రెడీ అంటుంది.

దేవేంద్ర వచ్చి నేను వస్తాను అంటే.. మావయ్య అని చూస్తాడు. పరవాలేదు నా కథ నేనే చెప్పుకుంటాను అని బయలుదేరుతాడు.

ముగ్గురు ఒకే కారులో వెళతారు.  ఇంకొక కారులో  విహాన్, అద్వైత్, ధీరజ్ వెళ్లి బయట ఆగిపోతారు. రుద్ర కార్ లోపలకి వెళ్లగానే చుట్టూ చూస్తూ ఉంటుంది.

ఇక్కడికి ఒకసారి వచ్చాము కదా..  అవును..
కారు ఒకచోట ఆపి దిగు అంటాడు.  ముగ్గురు కలిసి నడుస్తూ ఉంటారు.  దేవేంద్ర కి  ఆ ప్లేస్ చూడగానే భార్య గుర్తుకు వస్తుంది.

భార్య సమాధి దగ్గరికి వెళ్లి పువ్వులు అలంకరిస్తాడు. ఎప్పుడు చూసినా ఆ ప్రదేశం అంతా శుభ్రంగానే ఉంటుంది. శాంభవి దేవేంద్ర పక్కన కూర్చుంటే... రుద్ర నాలుగడుగుల దూరంలో స్తంభానికి ఆనుకుని  కూర్చుంటాడు. 

భార్య సమాధిని తడుముతూ నా భార్య చాలా సున్నితమైనది.  తన నవ్వు చూస్తే వెన్నెల కురిసినట్టుగా ఉంటుంది. నేను తన నవ్వుకే పడిపోయాను.

భార్య చిరునవ్వు గుర్తుచేసుకుని మురిసిపోతూ ఉంటాడు. మొదటిసారి ఎక్కడ చూశారు అని శాంభవి అడిగితే... అమ్మతో కలిసి.. నిన్ను రుద్రాని ఒకసారి గుడికి తీసుకువెళ్లేనే..  ఆ గుడికి మొదటిసారి వెళ్లాను.

సెక్యూరిటీ ఇబ్బంది ఉంటుంది అని ఉదయమే నాలుగు గంటలకే వెళ్ళాము. నేను ఒక నమస్కారం చేస్తాను కానీ పూజలు హోమాలు అంటే నా వల్ల అయ్యేది కాదు ఆ టైం ని వర్క్ లో పెడితే భగవంతుడే చూస్తాడు అన్నది నా పాలసీ.

మా అమ్మ గోల పడలేక మొదటిసారి ఆ గుడికి వెళ్లాను అప్పుడే చూశాను. లంగా వోని వేసుకుని గుడి ముందు ముగ్గు పెడుతుంది.

తల స్నానం చేసింది కాబోలు... జడనీ లూసుగా అల్లి తలలో మందార పువ్వు పెట్టింది.  జడ కూడా చాలా పొడుగు తెలుసా... అచ్చు నీ జడ లాగానే ఉండేది.

చేతికి మట్టి గాజులు ఉన్నాయి ఆ గాజులు శబ్దం నా చెవులకి వినసంపుగా వినిపించి నా కాళ్లు అక్కడే ఆగిపోయాయి. మొఖం చూద్దామని ప్రయత్నిస్తున్న ఆ జడ ముందుకుపడి  కనిపించలేదు.

నా కష్టాన్ని చూసి ఆ దేవుడికి కూడా జాలిసిందేమో... అమ్మ లహరీ అని వాళ్ళ నాన్నగారు పిలిచారు. వస్తున్నాను నాన్నగారు అంటూ జడ వెనక్కి వేసింది.

తని రూపం చూడగానే నా హృదయం అని గుండె పైన చెయ్యి వేసుకుని అక్కడే ఆగిపోయింది. లేడిపిల్ల లాగా చెంగుచెంగున పరిగెడుతూ ఉంటే...

ఆ కాలికి పెట్టిన పట్టీలు ఘల్లు ఘల్లున మోగుతూ ఉంటే... నా అడుగులు తెలియకుండానే ఆ పాదాల వెనకాలే వెళ్లాయి.

గుడిలో వాళ్ళ నాన్నగారు ప్రధానార్చకులు. అవసరమైనవి అన్నీ అందిస్తూ ఉంది.  తన ధ్యాస అంతా అమ్మవారి పైనే.. చిన్నప్పటినుంచి అక్కడే పెరిగింది అనుకుంటా...

నరనరాలలో అమ్మవారి పైన భక్తే.  నుదుటన కూడా కుంకుమతోనే బొట్టు పెట్టుకునేది . అమ్మ అభిషేకం చేయిపించి...

నా పెళ్లి ఎప్పుడు జరుగుతుందో చూడమని అడిగింది. ఒక్క అరగంట కూర్చోండి.  ఖాళీ అయిన తర్వాత చూసి చెబుతాను అని చాలా మర్యాదగా చెప్పారు.

అమ్మ నేను మండపంలోనే కూర్చుని ఉన్నాము లహరి గుడి మొత్తం తిరుగుతూనే ఉంది.  ఎవరికి ఏమీ అవసరం ఉన్నా చూస్తూ...  తనకి తోచిన విధంగా సహాయం చేస్తూనే ఉంది.

నాకు చాలా ఆశ్చర్యంగా అనిపించింది.  ఈ అమ్మాయికి కాళ్లు నొప్పులు రావా..  చూస్తే ఎప్పుడో లేచినట్టు ఉంది. అప్పటినుండి అలాగే తిరుగుతూ ఉంది.

ముఖంలో అలసట కనపడటం లేదు. చిరునవ్వు మాత్రమే దర్శనమిస్తుంది. ఆ చిరునవ్వు చూడడానికైనా నిత్యం గుడికి రావాలి అని అనిపించింది.

లహరి నాన్నగారు వచ్చి అమ్మ ముందు కూర్చుని జాతకం ఇమ్మని అడిగారు. నా జాతకం అంతా చూసి అబ్బాయికి కళ్యాణ ఘడియలు దగ్గరకి వచ్చేసాయి. త్వరలోనే మీ ఇంట ఆ కళ్యాణ వైభోగం జరుగుతుంది.

చాలా సంతోషం పూజారి గారు. మా అన్న కూతురినే అనుకుంటున్నాము. త్వరలోనే ముహూర్తం పెట్టుకోవడానికి వస్తాము.

మంచిది తల్లి.. అమ్మ లహరి..  అమ్మ వారి కుంకుమ, నైవేద్యం తీసుకుని రా తల్లి . అలాగే నాన్నగారు అంటూ వచ్చింది.

మా అమ్మ అడిగినది... ఆ పెద్దాయన చెప్పినది ఏది నా చెవులకి చేరలేదు.  నా కళ్ళు మొత్తం లహరి ఎటు వెళితే అటే ఉన్నాయి.  నా చెవులకి తన అందేల శబ్దం, గాజుల శబ్దం తప్ప మరి ఏమీ వినిపించను అని మారం చేశాయి.

ప్రసాదం తీసుకుని..  పూజారి గారికి వీడ్కోలు చెప్పి బయలుదేరాము. నా మనసు రాను రాను అని మారం చేస్తూ ఉన్న.. మళ్లీ వద్దాము అని నచ్చచెప్పి కష్టంగా కారులో కూర్చున్నాను.

అమ్మ సంతోషంగా ఏదేదో చెబుతోంది కానీ నాకు ఏమీ వినపడడం లేదు.  నా మనసు మొత్తం లహరి నిండిపోయింది. ఆశ్చర్యంగా అనిపించింది.

అప్పుడే చూసి వెంటనే ప్రేమలో పడిపోయానా.  నా ప్రేమను చెబితే ఒప్పుకుంటుందా.. వాళ్ళు బ్రాహ్మణులు మనం నాన్ బ్రాహ్మణులం. ఎలా...

దేవేంద్ర? లహరి ప్రయాణం...

కథ కొనసాగుతుంది..