[Geneliarasigan]

Episode 1

வருடம் 2016


பெங்களூர் சிட்டி இரயில்வே ஸ்டேஷன்.
காலை 7 மணி

பல ஊர்களுக்கு செல்ல வேண்டிய ரயில்கள் புறப்பட தயாராக இருந்தன.

அப்பொழுது ஒலி பெருக்கியில் மைசூரில் இருந்து காட்பாடி அரக்கோணம் வழியாக சென்னை செல்லும் வண்டி எண் 12610 சென்னை சூப்பர் பாஸ்ட் எக்ஸ்பிரஸ் இன்னும் சிறிது நேரத்தில் பிளாட்பார்ம் நம்பர் 4 ஐ வந்தடையும் என்று அறிவிப்பு பல மொழிகளில் திரும்ப திரும்ப சொல்லி கொண்டு இருந்தது.

 4 வது பிளாட்பாரம் அப்பா ,வாப்பா மெதுவாக படிக்கட்டு வழியா ஏறி இறங்கிடலாம் என்று அந்த பதினைந்து வயது மங்கை அழைக்க இருவரும் படிக்கட்டு ஏற தொடங்கினர்.தீடீரென அவருக்கு கண் இருட்டி கொண்டு வந்தது.மூச்சு விட சிரமப்பட்டு உடல் முழுக்க வியர்த்தது.கையை தூக்க முடியாமல் நெஞ்சை  பிடித்து கொண்டு அப்படியே உட்கார 

அப்பா என்னப்பா ஆச்சு அந்த இள நங்கை கதற 

தெரியலம்மா ,நெஞ்சு ஒருபக்கமா வலிக்குது என்று தந்தை கூற ,அந்த பெண் யாராவது உதவிக்கு வருமாறு அழைத்தாலும் யாரும் கிட்ட கூட வரவில்லை.ஏதும் அறியா ஊரில்
வெளியே ஓடி சென்று ஆட்டோவை அழைத்து வர அந்த பேதை பெண் ஓடினாள்.
அப்பொழுது ஊருக்கு செல்ல வந்த இரு வாலிபர்கள் கும்பலாக கூட்டம் கூடி இருந்ததை பார்த்து என்னவென்று எட்டி பார்க்க ஒரு வயதான மனிதர் நெஞ்சு வலியில் துடித்து கொண்டு இருப்பதை பார்த்து பதறினர்.

முதலில் எல்லோரும் அவர் மூச்சு விட கொஞ்சம் வழி விடுங்க என்று கத்தினர்.முதல் உதவி செய்தும்  அவர் வலி இன்னும் குறையாமல் இருக்க உடனே அவரை போர்டர் லக்கேஜ் தூக்கும் டிராலியில் வைத்து தள்ளி கொண்டு வெளியே பறந்தனர்.பார்க் செய்யப்பட்டு இருந்த இரு சக்கர வாகனத்தில் அவரை அமர்த்தி பக்கத்தில் உள்ள மருத்துவமனைக்கு triples அடித்து ,கை காட்டி தடுக்க முயன்ற ட்ராஃபிக் போலீஸுக்கு தண்ணி காட்டி விட்டு மின்னலேன பறந்தனர்.

பக்கத்தில் உள்ள MR ஹாஸ்பிடல் CASUALITY கொண்டு சென்று டாக்டரிடம் காண்பித்தனர். HEART ATTACK வந்ததை டாக்டரும் உறுதி செய்து உடனடியாக 15000 ரூபாயை கட்டினால் மேற்கொண்டு ட்ரீட்மென்ட் ஆரம்பிக்க முடியும் என்று கூறினார்.

உடனே அதில் 25 வயது உள்ள ஒரு வாலிபன் கேஷ் COUNTER ஓடி சென்று தன் தங்கையின் கல்யாணத்திற்கு வாங்கி வைத்து இருந்த மோதிரத்தை கொடுத்து 
"மேடம்  இந்த மோதிரத்தை வைத்து கொண்டு கொஞ்சம் RECEIPT போட்டு கொடுங்க,Emergency patient க்கு ட்ரீட்மென்ட் ஆரம்பிக்கனும்.கொஞ்ச நேரத்தில் நான் பணம் எடுத்து கொண்டு வந்து இந்த மோதிரத்தை திருப்பி வாங்கி கொள்கிறேன்."

ஆனால் cash counter இல் இருந்த பெண் "சார் அதெல்லாம் முடியாது.போய் பணம் எடுத்திட்டு வாங்க அப்போ தான் நான் RECEIPT போட முடியும்."என முரண்டு பிடித்தாள்.

மேடம் பிளீஸ் புரிஞ்சிக்கோங்க ,அவர் உயிருக்கு போராடி கொண்டு இருக்கார்.இங்க பாருங்க நேற்று தான் இந்த மோதிரம் வாங்கினேன் அதனோட receipt இது .அரை சவரன் மோதிரம் இது.சரியா ஒரு மணி நேரம் கழித்து நான் பணம் கட்டி விட்டு இந்த மோதிரம் வாங்கி கொள்கிறேன்.

கேஷ் கவுண்டரில் இருந்த பெண்ணும் சற்று மனம் இளக "சரியா ஒரு மணி நேரம் கழித்து வந்து பணம் கட்டிடனும் சார்"

கண்டிப்பாக மேடம்

மீண்டும் casualty ஓடி வந்து,

"டாக்டர் பணம் கட்டி விட்டேன் ,சீக்கிரம் ட்ரீட்மென்ட் ஆரம்பிங்க இந்தாங்க பணம் கட்டிய ரசீது,"

டாக்டர் அவனிடம் "இந்தாங்க அவரோட ஃபோன் தொடர்ந்து அடிச்சிகிட்டே இருக்கு எடுத்து பேசுங்க அப்புறம் நீங்க சரியான நேரத்தில் அவரை கொண்டு வந்ததால் உயிருக்கு ஒன்னும் ஆபத்து இல்ல.தேவையான ட்ரீட்மென்ட் கொடுத்து ஆச்சு"

ரொம்ப நன்றி டாக்டர்.

போனை அழுத்தி "ஹலோ" என்று அந்த வாலிபன் பேச 

மறுமுனையில் அந்த பெண் குரல் அப்பா அப்பா என்று தேம்பி தேம்பி அழுதது.

இந்தம்மா பொண்ணு அழாதே,உங்க அப்பா நல்லா இருக்கார்.இங்க பக்கத்தில் உள்ள MR ஹாஸ்பிடலில் தான் அட்மிட் பண்ணி இருக்கோம்.நீ பதட்டப்படாமல் இங்கே CASUALITY வா.

ரொம்ப நன்றி சார்.நான் உடனே வரேன்.

அந்த வாலிபன் அங்கு இருந்த நர்சிடம் சென்று அந்த போனை கொடுத்து "சிஸ்டர் இன்னும் கொஞ்ச நேரத்தில் இவரோட பொண்ணு வந்து விடுவார்கள்.நான் கொஞ்சம் அவசரமாக கிளம்ப வேண்டி இருக்கு.அவர்களிடம் இந்த போனை மட்டும் கொடுத்து விடுங்கள்."

சரிங்க சார்.அந்த நர்ஸ் வாங்கி கொண்டார்.

அவனிடம் கூட வந்தவன்"டேய் மச்சான் காலையில் வெறும் வயிற்றில் உன்னை ரயில் ஏற்ற வந்தது.ஒரு டீ யாவது வாங்கி கொடுடா."என்று கேட்க

அதுக்கென்ன மாமா, வா கேன்டீன் போவோம்.

கேன்டீனில் டீ அருந்தியவாறே,"டேய் உன் தங்கச்சிக்கு நாளைக்கு கல்யாணம் ஆசையா வாங்கி வைத்து இருந்த மோதிரத்தை இங்கே கொடுத்துட்டு அப்படியே போறே.அந்த பொண்ணு வருகிற வரை இருந்து வாங்கிட்டு போகலாம்டா."

ஆனால் அவனோ பதிலுக்கு "இல்ல மாமா,அவரை பார்க்கும் போதே தெரியுது.அவங்க கிட்ட காசு இல்லை என்று.ஏதோ நம்மால் முடிந்த சின்ன உதவி விடு."

உனக்கு எப்படி தெரியும்,அவங்க கிட்ட காசு இல்லையென்று,அதுவும் நீயே உன் தங்கச்சி கல்யாணத்திற்கு வேறு கடன் வாங்கி வைத்து இருக்கிறாய்.

டேய் மாமா,அவர் வைச்சிக்கிட்டு இருக்கிற போனை பாரு,பட்டன் மேல் நம்பர் எல்லாம் அழிந்து ரெண்டு பட்டன் உடைந்து 50 ரூபா key pad கூட மாற்றாமல் வைச்சு இருக்கார்.அதில் இருந்தே தெரியுது அவர் கிட்ட காசு இல்லையென்று.

சரி உன் தங்கச்சி கல்யாணத்திற்கு இப்போ என்ன பிரசெண்ட் பண்ணுவ,

அதுவா மாமா,இருக்கவே இருக்கான் நம்ம ஐந்து வட்டி அழகேசன்.ஏற்கனவே தங்கச்சி கல்யாணத்திற்கு ரெண்டு லட்சம் அவன் கிட்ட கடன் வாங்கி இருக்கேன்.இதுக்கும் சேர்த்து வாங்கிட்டா போச்சு.

என்னவோ பண்ணி தொலை 

சரி மாமா,ட்ரெயின் miss ஆயிடுச்சு.வேற ட்ரெயின் என் ஊருக்கு இப்போ உடனே கிடையாது.என்னை கொஞ்சம் மைசூர் சர்க்கிளில் ட்ராப் பண்ணிடு.

ஏண்டா,சொந்த தங்கச்சி கல்யாணத்திற்கு கூட ஒரு நாள் முன்னாடி போகாமல் இப்படி லேட்டாவா போவே.ஒரு வாரம் லீவு எடுத்து போய் தொலைய வேண்டியது தானே

டேய் நான் என்னடா பண்ணட்டும்,அந்த கொம்பெரி மூக்கன் லீவே கொடுக்கல.என் பெரியம்மா ,பெரியம்மா பசங்க கூட நேற்றே கிளம்பிட்டாங்க.நான் இப்போ ஊருக்கு போய் இறங்கிய உடனே என் தங்கச்சி என்னை துரத்தி துரத்தி அடிக்க போறா

வாங்கு மச்சான் நல்லா வாங்கு .உனக்கு நல்லா வேணும்.அவ்வளவு கஷ்டமா இருந்தால் பேசாம இந்த வேலையை விட்டு வேற வேலை தேட வேண்டியது தானே.

அது தான் மச்சான்,சென்னையில் ஒரு இன்டர்வியூ அட்டென்ட் பண்ணி இருக்கேன்.maximum கிடைக்கும் என்று நினைக்கிறேன்.அப்புறம் எனக்கு ரொம்ப பிடிச்ச ஊர் சென்னை சென்று விடுவேன்.

சரி வாடா போலாம் நேரமாச்சு.

அந்த யுவதி வந்து,

சிஸ்டர் என் அப்பா எப்படி இருக்கார்.

எந்த பேஷண்ட்மா,

அப்பொழுது மேசையில் இருந்த செல்போனை பார்த்து " இது எங்க அப்பாவோட செல்ஃபோன் "என்று அந்த பெண் கூற

"ஓ இவரா,இவர் நல்லா இருக்கார்."

சிஸ்டர் எங்க அப்பாவை பார்க்கலாமா ?

ஒரு பத்து நிமிஷம் கழித்து பார்க்கலாம்.

அப்புறம் சிஸ்டர் எங்க அப்பாவை இங்கே அட்மிட் பண்ண நபர் யாரு,

"அவர் அப்பவே கிளம்பிட்டாரு" என்று சிஸ்டர் சொல்லும் போதே,அந்த இருவர் படிக்கட்டில் இறங்கியதை பார்த்து அதோ சிகப்பு கலர் பேக் மாட்டி  கொண்டு போறாரு பாரு அவர் தான் என்று சிஸ்டர் கை காட்டிய திசையில் அந்த யுவதி ஓடினாள்.

சார் ஒரு நிமிசம் நில்லுங்க என்று கத்தி கொண்டு அந்த பெண் ஓடி வர,அந்த இருவரும் கவனிக்காமல் பைக்கில் அமர்ந்து சிட்டாய் பறந்தனர்.இருந்தும் அவன் முகம் அந்த யுவதியின் மனதில் கல்வெட்டு போல ஆழமாக பதிந்தது.

வார்டுக்கு திரும்பிய அந்த யுவதியை பார்த்து சிஸ்டர் ,"உன்னை உடனே கேஷ் கவுண்டர் வர சொன்னாங்க"என்று சொல்ல அவள் கேஷ் கவுண்டர் சென்றாள்.

மேடம் நீங்க என்னை வர சொன்னீங்க..!!

நீ யாரும்மா?

நான் ஆறுமுகம் பேஷன்ட்டோட பொண்ணு.

என்னது ஆறுமுகமா? இங்கே அட்மிட் பண்ணவர் முருகேசன் என்று தானே சொன்னார்.

மேடம் எங்க அப்பா நினைவு இல்லாமல் இருந்தார்.அதனால் அட்மிட் பண்ண வேண்டும் என்று ஏதோ ஒரு பேரை சொல்லி இருப்பார்.

சரி சரி ஏதோ ஒன்னு,பணத்திற்கு பதிலாக இந்த மோதிரத்தை கொடுத்துட்டு போய் இருக்கார்.நீ பணத்தை கட்டிட்டு இந்த மோதிரத்தை வாங்கிட்டு போ.

ஒரு பத்து நிமிஷம் டைம் கொடுங்க மேடம்.

விறுவிறுவென வெளியே போன போது அவள் பளிங்கு கழுத்தில் மின்னி கொண்டு இருந்த தங்க செயின் வரும் பொழுது காணாமல் போய் இருந்தது.

மேடம் இந்தாங்க என்று பணத்தை கட்டி விட்டு மோதிரத்தை பெற்று கொண்டு,அந்த மோதிரத்தை பார்த்து "யாருடா நீ ,மின்னல் போல வந்தே,எனக்கென்று இந்த உலகில் ஒரே ஒரு உறவாய் இருந்த என் அப்பாவை மீட்டு கொடுத்து விட்டு மின்னல் போல் மறைந்து விட்டாயே"என்று தனக்குள்ளேயே கேட்டு கொண்டு அந்த மோதிரத்தை பத்திரப்படுத்தி கொண்டாள்.

அவனோ தன் ஊருக்கு செல்ல வேலூர் பஸ் ஏறி தன் தங்கையின் கல்யாணம் காணும் ஆவலில் சென்று கொண்டு இருந்தான்.

இவர்கள் இருவர் எப்பொழுது மீண்டும் சந்திப்பார்கள்?அவன் பேர் ,அவன் எந்த ஊர் ,அவன் எங்கு வேலை செய்கிறான்?எதுவும் இவளுக்கு தெரியாது.

[Geneliarasigan]

Disclaimer

இதுவும் ஒரு short ஸ்டோரி.ஒரு காதல் கதை.முடிவு சுபமாகவே இருக்கும்.நீங்கள் அன்றாட வாழ்வில் சந்திக்கும் ஒரு சராசரி மனிதனின் ஏன் அது உங்கள் கதையாக கூட இருக்கலாம்.துளியும் காமம் வராது.ஆதலால் காமத்தை தேடி வரும் நண்பர்களிடம் மன்னிப்பு கேட்டு கொள்கிறேன்.பிடித்து இருந்தால் படியுங்கள்.இல்லை என்றால் கடந்து விடுங்கள்.என்னோட இரண்டாவது கதை "சென்னையில் ஒரு நாள் இரவில் ஜெனி" நாளை கடைசி update வந்து முடிவுறும்.இந்த கதை தொடர வேண்டும் என்று நினைப்பவர்கள் ஒரு கமென்ட் செய்யுங்கள்

[Geneliarasigan]

ஆரம்பம் நன்றாக உள்ளது நண்பா ஏதேனும் ஒரு சில இடங்களில் இருவருக்கும் இடையில் ரொமான்ஸ் காட்சிகள் வைத்தாள் நன்றாக இருக்கும்

காதல் வரும் நண்பா,ஆனால் காமம் வராது.இது ஒரு முக்கோண காதல் கதை.காதலில் தோல்வி அடைந்து இருப்பவர்களுக்கு இந்த கதை நிச்சயம் நெருக்கமாக உணருவர்

[Geneliarasigan]

Episode -2

வருடம் 2023
ஏழு வருடங்களுக்கு பிறகு

"வினோத் ஒரு நிமிஷம் என்னோட கேபின் உடனே வாங்க" HR மிருதுளா அழைத்தாள்.

மிருதுளா வினோத்தை பார்த்து "ஹே வினோத்,இவங்க உங்க டீம்ல இன்னிக்கு ஜாயின் பண்ணி இருக்காங்க,இவங்களுக்கு  வேலை பற்றிய விவரம் எல்லாம் சொல்லி கொடுங்க."

Bye the bye சஞ்சனா. இவர் வினோத் உங்க TL,உங்க ROUTINE JOB பற்றி எல்லாம் சொல்லி கொடுப்பார்.BEST OF LUCK FOR YOUR JOB.மிருதுளா சஞ்சனாவுக்கு வாழ்த்து தெரிவித்தாள்.

YAA THANK YOU VERY MUCH மிருதுளா,என்று சஞ்சனா புன்னகைக்க அவள் முத்து பற்கள் பளீரென மின்னியது.

வினோத் சஞ்சனாவை அழைத்து சென்று,

சஞ்சனா உங்க சீட் இது.நம்ம கம்பெனி பல்வேறு வழிகளில் விளம்பரம் செய்யும்.அதை பார்த்து கஸ்டமர் ஃபோன் மூலமாகவும் நம் கம்பெனி website மூலமாகவும்  ENQUIRY செய்வார்கள். அவர்களின் DETAILS இந்த LEAD BASKET இல் வந்து பதிவு ஆகி கொண்டே இருக்கும்.நீங்கள் இதில் வந்து விழும் மொபைல் நம்பரை பார்த்து அவரிடம் நம்ம PRODUCT DETAILS சொல்லி அந்த ஆர்டர் எடுக்க வேண்டும்.உங்களுக்கான MONTHLY TARGET details நான் email பண்றேன்.அதை நீங்கள் முடிக்கும் பொழுது உங்களுக்கு ADDITIONAL INCENTIVE கிடைக்கும்.உங்களுக்கு சந்தேகம் ஏதாவது இருந்தால் நான் பக்கத்து கேபினில் தான் இருப்பேன்.என்னை அழையுங்கள்.BEST OF LUCK TO DO YOUR TARGET. என்று வினோத் கை நீட்ட

THANK YOU VINOTH என்று சஞ்சனாவும் கை குலுக்க ,அவள் பஞ்சு போன்ற உள்ளங்கையின் மென்மையை உணர்த்தியது.

உடனே அதை பார்த்து கொண்டு இருந்த இருவர்
"வினோத் உங்க பையனுக்கு வரும் பொழுது DIAPER வாங்கிட்டு வரணுமாம் என்று உங்க பொண்டாட்டி சொல்ல சொன்னாங்க என்று பக்கத்தில் உள்ள டீம் மெம்பர் கலாய்க்க

அடப்பாவிங்களா,கையை தான்டா குடுத்தேன்.அதுக்கேவா !சரி சஞ்சனா நீங்க உங்க வேலையை பாருங்க என்று விடை பெற்றான்.

பாலாஜி அரக்க பறக்க ஓடிவந்து"டேய் ஜார்ஜ்,நம்ம டீமில் ஒரு சூப்பர் ஃபிகர் வந்து இன்னக்கி ஜாயின் பண்ணி இருக்கு, "
தங்க நிற தேகம்,சுண்டி விட்டா சிவந்து போகும் கலர்,ஆரஞ்சு சுளை உதடுகள்,சிக்கென்ற இடுப்பு,செதுக்கி வைக்கப்பட்ட அவள் கனிகள்.ஆப்பிள் போல கன்னம்,கழுத்து,மூக்கு இன்னும் சொல்லி கிட்டே போகலாம்.எடுப்பான நாசியில் இருக்கும் சின்ன மூக்குத்தி, சிவந்த நெற்றியில் இரு புருவங்களுக்கு இடையே சின்ன சந்தன கீற்று.சாமுத்திரிகா லட்சணம் படி எது எது எப்படி இருக்கனுமோ அப்படி இருக்கா,சுருக்கமாக சொல்ல வேண்டும் என்றால் தேவலோகத்தில் இருந்து வந்த தேவதை மாறி இருக்கா,என்று அவள் அழகை பாலாஜி வர்ணித்தான்.

"அப்படியா ,அப்ப உடனே  போய்  பார்க்கலாம் வாடா",ஜார்ஜ் தன் இருக்கையில் இருந்து எழுந்து அவளை பார்க்க பாலாஜியை துணைக்கு அழைத்தான்.

ஜார்ஜ் சென்று சஞ்சனா அழகை பார்த்து மயங்கி,"டேய் பாலாஜி நீ வர்ணிச்சதே ரொம்ப ரொம்ப கம்மிடா,அதை விட பல மடங்கு அழகா இருக்கா இவ. இவ்வளவு அழகான பொண்ணை நான் என் வாழ்கையில் பார்த்தததே இல்லடா

ஆமாடா ஜார்ஜ் ,இந்த பொண்ணை கட்டிக்க யாருக்கு குடுத்து வச்சு இருக்கோ

ஜார்ஜ் அவனை கோபமாக பார்த்து,"டேய் அந்த லக்கி person நான் தான்டா"

"டேய் அப்போ நீ இப்ப லவ் பண்ற காயத்ரி"

இதற்கு மேல் காயத்ரி என்னோட பத்தாவது exlover.இவ தான் இனிமே என்னோட புது லவ்வர்.

டேய் ஜார்ஜ் , இங்க இருக்கிற பொண்ணுங்க வேணா உன் பின்னாடி சுற்றலாம்.ஆனா இவ உன்கிட்ட அவ்வளவு சீக்கிரம் மடிய மாட்டா.

"டேய் கடலில் எந்த மீனுக்கு எப்படி வலை வீசனும் என்று எனக்கு தெரியும் போடா.",ஜார்ஜ் கூறினான்.

டேய் ஜார்ஜ் இது சாதாரண மீன் மாதிரி தெரியல,சுறாடா உன் வலையையே கிழிச்சி போட்டுடும்.

சுறா மீனுக்கு என்ன வலை விரிக்கணுமோ அந்த வலையை நான் விரிச்சி பிடிச்சுக்கிறேன்.நீ உன் வேலையை பாரு என்று ஜார்ஜ் ,பாலாஜியை விரட்டினான்.

ஜார்ஜ் ,இங்கு வேலை செய்யும் பல பெண்களின் கனவு நாயகன். தன் உடலை தினமும் ஜிம் சென்று கட்டு கோப்பாக வைத்து இருப்பவன்.இவனிடம் மடியாத பெண்களே கிடையாது.எந்த பெண்ணை எப்படி வளைக்க வேண்டும் என்ற ரகசியம் அறிந்தவன்.

Hi சஞ்சனா ,Have a coffee என்று அவளிடம் ஜார்ஜ்  ஒரு கோப்பையில் காபி அருந்தி கொண்டே இன்னொரு  காஃபி கோப்பையை அவளிடம் நீட்டினான்.

நீங்க.... ?சஞ்சனா புருவத்தை வளைத்து கேட்க

Meeee...ஜார்ஜ் சிரித்து கமான் சஞ்சனா என்னை பற்றி நானே சொல்ல கூடாது இருந்தாலும் சொல்றேன்.என்னை தெரியாதவங்க இந்த ஆபீஸ்ல யாருமே கிடையாது.டாப் performer in our team.என்ன ரேகா என்னை பற்றி எல்லாம் ஒன்னும் சொல்லவில்லையா?

Hey சஞ்சனா,இவர் தான் ஜார்ஜ் .இங்க இருக்கிற எல்லா பெண்களோட ஹீரோ இவன் தான்.நம்ம டீம்மேட் .and star
performer .

ஓ ,nice to see you george.and thanks for your coffee.

அப்புறம் சஞ்சனா,ஒரு முக்கியமான விசயம்  இங்க நம்மளோட முதல் எதிரி sales டீம் தான்.நம்ம telesales டீமுக்கும் அந்த bloody sales டீமுக்கும் ஒரே கஸ்டமருக்காக அடிக்கடி clash வரும்.அப்படி பிரச்சினை வரும் பொழுது என்னை கூப்பிடுங்க.நான் உங்க பிரச்சினையை solve பண்ணி தரேன்.

Thanks for your concern ஜார்ஜ், அந்த மாதிரி பிரச்சினை வந்தால் நானே handle பண்ணிக்கிறேன்.இந்த தடவை மட்டும் நீங்க கொண்டு வந்த காஃபியை எடுத்து கொள்கிறேன்.அடுத்த தடவை எனக்கு தேவை என்றால் நானே போய் குடிக்கிறேன்.நீங்கள் எடுத்து வர வேண்டாம் நன்றி.என்று சொல்லிவிட்டு அமைதியாக சஞ்சனா வேலை பார்க்க தொடங்கினாள்.

ஜார்ஜ் முதல் முறை தான் மூக்கறுப்பட்டது போல் உணர்ந்தான்.

ச்சே ! எந்த பெண் ஆனாலும் முதல் முறை என்னை பார்க்கும் பொழுதே  என் அழகு மற்றும் ஸ்டைலை பார்த்து விழுந்து விடுவார்கள்.ஆணழகன் ஆன என்னையே அசிங்கப்படுத்தி விட்டாளே என்ற கோபம் வந்தது.

வா மச்சான் போன காரியம் என்ன ஆச்சு?பாலாஜி ஆர்வத்துடன் கேட்க

ஜார்ஜ் அவனை பார்த்து "நீ சொன்னது சரி தான் பாலாஜி,சுறா மீனாச்சே,நேரம் பார்த்து தான் வலை வீச வேண்டும்.பேரழகி என்ற திமிர் வேற நிறைய இருக்கு.இரு அடக்கி காட்டறேன்"

சஞ்சனா தன் ஹேன்ட் பேகில் இருந்து மோதிரத்தை வெளியே எடுத்தாள்.அதை பார்த்து "டேய் ஏழு வருஷம் எப்படி போனது என்றே தெரியவில்லை.ஆனா ஒருநாள் கூட நான் நினைக்காமல் இருந்ததே இல்லை.தினமும் என் கனவில் நீ வருகிறாய்.கனவில் வந்த நீ கூடிய விரைவில்  மீண்டும் நேரில் வருவாய் என்று மட்டும் நல்லா தெரியும்" மனதில் சொல்லி கொண்டு மீண்டும் அந்த மோதிரத்தை எடுத்து உள்ளே வைத்தாள்.

யார் அவன்? எங்கு வேலை செய்கிறான்?சஞ்சனாவால் மீண்டும் அவனை பார்க்க முடியுமா?.

அடுத்த எபிசோடில் கதையின் நாயகன் அறிமுகம்

[Geneliarasigan]

Bro Genelia eppo varuva

இன்று இரவு நண்பா,வேலை முடித்து மழையில் நனைந்து வீட்டுக்கு வர மிகவும் லேட் ஆகி விட்டது.இந்த கதையின் கதாபாத்திரம் introduction மட்டும் தேவைப்பட்டதால் வெறும் 15 நிமிடத்தில் எழுதி விட்டேன்.ஆனால் ஜெனிலியா கதை எழுத வேண்டும் என்றால் கண்டிப்பாக 2 மணி நேரம் மேல் தேவைப்படும்.அதனால் கண்டிப்பாக இன்று இரவு update வரும்

[Geneliarasigan]

Episode -3

நெஞ்சம் உண்டு நேர்மை உண்டு ஓடு ராஜா,
நேரம் வரும் பார்த்து இருந்து பாடு ராஜா ,
அஞ்சி அஞ்சி வாழ்ந்தது போதும் ராஜா,
நீ ஆற்று வெள்ளம் போல் எழுந்து ஓடு ராஜா
என்ற பாடல் தன் ear phone இல் ஒலிக்க,அதை ஹம்மிங் பண்ணி கொண்டு ஜாலியாக வண்டி ஓட்டி கொண்டு இருந்தான் இந்த கதையின் நாயகன்.மாநிறம், அகன்ற நெற்றி,சற்றே கூரான நாசி, சதுர முகம்,விரிந்த மார்பு,உயரம் 6 அடிக்கு 1" குறைவு.மீசை ஒன்றிரண்டு நரைத்து அவன் வயது 31 முடிந்து 32 என கட்டியம் கூறியது.பெயரும் ராஜா தான்.

தன் வண்டியை ஒரு டீக்கடையின் முன்பு நிறுத்தினான்.அங்கு ஏற்கனவே அவனின் நண்பர்கள் வாசு,ராஜேஷ்,சீனிவாசன், முத்து இருந்தனர்.

என்ன ராஜா இன்னிக்கி லேட்,ராஜேஷ் கேட்க

இல்ல மச்சான்,ஊருக்கு போய்ட்டு அப்படியே direct field வரேன்.அதான் லேட்.

டேய் அப்போ எனக்கு ஷூ வாங்கிட்டு வந்தீயா?ராஜேஷ் ஆர்வத்துடன் கேட்க

மறப்பேனா மச்சான்.ஆம்பூரில் இருந்து ஒரிஜினல் லெதர் ஷூ வாங்கி வந்து இருக்கேன்.சரியா இருக்கா என்று போட்டு பாரு?

ராஜேஷ் போட்டு பார்த்து விட்டு,சூப்பர்டா சரியா இருக்கு.எவ்வளவு விலை இது?

800 ரூபா மச்சான்.

ஓகே நான் gpay பண்ணி விடறேன்.

சீனிவாசன் அதை வாங்கி பார்த்து விட்டு "டேய் இதே பிராண்ட் husk puppies ஷூ தான் போன வாரம்  வாங்கினேன்டா.என்கிட்ட 1400 ரூபா ஷோரூம்காரன் புடுங்கிட்டான்."

மச்சான் ஆம்பூரில் எனக்கு தெரிந்த ப்ரெண்ட் கடை இருக்கு .அங்கே வாங்கினா நமக்கு விலை கம்மியா கிடைக்கும்.நெக்ஸ்ட் டைம் வேணும்னா சொல்லு,நான் என்னோட சொந்த ஊருக்கு போகும் போது வாங்கிட்டு வரென்.

ராஜா வாசுவை பார்த்து"அப்புறம் வாசு,காலையில் உன் பொண்டாட்டி துணியை எல்லாம் துவைச்சிட்டு வந்துட்டியா"

அதற்கு சீனிவாசன் "நீ வேற ராஜா பொண்டாட்டி துணி மட்டும் இல்ல,வீட்டை கழுவி தெருபெருக்கி கோலம் போடறது முதற்கொண்டு அய்யா தான்."

வாசு உடனே "டேய் சீனி நானாவது பொண்டாட்டி துணியை மட்டும் தான் துவைக்கிறேன்.ஆனா மாமியாரோட உள்பாவாடை,ஜாக்கெட் முதற்கொண்டு துவைக்கிற நீ என்னை பற்றி பேசலாமா? என்று சொல்ல அங்கு பலத்த சிரிப்பு அலை எழுந்தது.

"அவர்களாவது பரவாயில்லை,நம்ம முத்து நிலைமை இன்னும் மோசம்.காலையில் அவன் பொண்டாட்டிக்கு bed காஃபி கொடுப்பது முதற்கொண்டு சமையல் செய்வது வரை எல்லாமே    வீட்டில் தலைவர் தான் என்று ராஜேஷ் சொல்ல அந்த இடமே கலகலப்பானது.

அப்ப எல்லோர் வீட்டில் நடப்பது மதுரை ராஜ்ஜியம் என்று சொல்லுங்க .நல்லவேளை எனக்கு கல்யாணம் ஆகல.நான் தப்பிச்சேன் என்று ராஜா சிரிக்க

அதற்கு வாசு"டேய் performer ராஜா,ஜாலியா இருக்கிறேன் என்ற நக்கலா உனக்கு.கூடிய சீக்கிரம் உனக்கும் கல்யாணம் ஆகும்.அப்ப இருக்குடா உனக்கு"

அதெல்லாம் நடக்கும் போது பார்த்துக்கலாம் வாசு,சரி இன்னிக்கு மாசத்தோட கடைசி நாள்.நம்ம டீமில் எல்லோரும் incentive target achieve பண்ணி ஆச்சா?

இல்ல ராஜா,உன்னோட சேர்த்து நம்ம டீமில் ரெண்டு பேர் மட்டும் தான் target achieve பண்ணி இருக்கோம்.ஆமா இந்த மாசமும் நீ star award வாங்கிடுவே இல்ல.

பத்து மாசம் தொடர்ந்து வாங்கிட்டேன் வாசு.இந்த மாசமும் நேற்று வரை கரெக்ட்டா ontrack இல் தான் இருந்தது.ஆனா நேற்று நான் லீவ்.south zone பையன் ஒரே நாளில் நாலு நம்பர் போட்டு என்னை விட ஒரு நம்பர் முந்தி விட்டான்.இன்னிக்கு அவன் பண்ற நம்பரை விட நான் ரெண்டு நம்பர் ஜாஸ்தி பண்ணா மட்டும் தான் நான் star அவார்ட் வாங்க முடியும்.

சரி ஓகே ராஜா.என்னால் முடிந்த அளவு இன்னிக்கு உனக்கு நம்பர் நான் support பண்றேன்.

ரொம்ப தாங்க்ஸ்டா வாசு.

சேட்டா 5 டீ 3 வடை காசு எடுத்துக்கோங்க ,ராஜா காசு கொடுக்க

அப்போ ஒரு முதிய பெண்மணி வந்து அவனிடம் "அய்யா ரொம்ப பசிக்குது சாப்பிட ஏதாவது வாங்கி கொடுங்க"என்று கேட்டாள்.

சேட்டா அப்படியே நாலு இட்லி ஒரு வடைக்கும் சேர்த்து காசு எடுத்துக்கோங்க.அம்மா நீங்க வாங்கிக்கங்க

நீ நல்லா இருக்கணும் ராசா என்று அந்த பெண்மணி வாழ்த்த

அவன் பேரே ராஜா தாம்மா என்று ராஜேஷ் கூவினான்.

அப்படியே நான் அடிச்ச சிகரெட்டுக்கும் சேர்த்து காசு கொடுக்கலாம் இல்ல என்று சீனிவாசன் அங்கலாய்த்தான்.

சாரி சீனு, ஒரு சில விசயங்களுக்கு கண்டிப்பா நான் காசு செலவு பண்ண மாட்டேன்.அது உனக்கே தெரியும்.

ராஜேஷ் சீனுவிடம்"டேய் சீனு அவனும் சிகரெட்,தண்ணி எதுவும் அடிக்க  மாட்டான்.மற்றவருக்கு வாங்கியும் கொடுக்க மாட்டான் என்று உனக்கு தெரியும் தானே.சும்மா திரும்ப திரும்ப அதையே அவன் கிட்ட கேக்குற.அவன் நமக்கு டீ வாங்கி கொடுக்கறதே போதும் விடு"

சரி ஓகே ஃப்ரெண்ட்ஸ் எனக்கு appointment உடனே இருக்கு . சாயங்காலம் பார்க்கலாம் என்று  சொல்லி விட்டு ராஜா பறந்தான்.

மதிய வேளைக்குள் மூன்று ஆர்டர் எடுத்து விட்டான்.அடுத்து ஒரு appointment சென்று கொண்டு இருக்க அவனது ஃபோன் ஒலித்தது.

வண்டி ஓட்டி கொண்டே Ear phonai அழுத்தி "ஹலோ யார் பேசறது?"

மறுமுனையில் ஒரு அழகிய பெண்ணின் குரல் கேட்டது.

"ஹலோ ராஜாவா,ஒரு நிமிஷம் நான் உங்ககிட்ட பேசணும்.கொஞ்சம் வண்டியை நிறுத்த முடியுமா"

நான் ear phone இல் தான் பேசுகிறேன்.என்ன விசயம் சீக்கிரம் சொல்லுங்க.நான் அவசரமாக appointment போய் கொண்டு இருக்கிறேன்.

"அதை பற்றி தான் நான் உங்களிடம் பேச வேண்டும் மிஸ்டர்" என்று அந்த பெண் சொன்னாள்.

முதல் முறை இந்த கதையின் நாயகியும்,நாயகனும் போனில் பேசுகிறார்கள்.யார் என்று அறியாமலேயே இருவருக்கும் இடையே மோதல் ஆரம்பிக்கறது.

[Geneliarasigan]

Very Nice Update Nanba

நன்றி ப்ரோ

[Geneliarasigan]

நான் வைத்த வேண்டுகோளை ஏற்று என் பெயரையே கதாநாயகனுக்கு வைத்ததிற்கு நன்றி ப்ரோ.கதையும் அருமையாக துவங்கி உள்ளது.

நீங்கள் pvt message இல் கேட்டு கொண்ட படி இந்த கதையில் கதாநாயகனாக உங்கள் பெயரையே வைத்து விட்டேன்.இந்த கதையின் நாயகனே நீங்கள் தான்

[Geneliarasigan]

Awesome update

நன்றி ப்ரோ

[Geneliarasigan]

Episode - 4

"ம் சீக்கிரம் சொல்லுங்க என்ன விசயம்?"ராஜா அவசரமாக கேட்க

அந்த பெண்"நான் telesales டீம்ல இருந்து பேசறேன்.நீங்க ஒரு appointment போறீங்க இல்ல,அவர் என்னோட கஸ்டமர்."

என்னது அவர் உன்னோட கஸ்டமரா?அந்த கஸ்டமரை நான் ஒரு மாசமா ஃபாலோ பண்ணிக்கிட்டு இருக்கேன்.தெரிஞ்சு பேசுங்க

இங்க பாருங்க,வீண் தகராறு வேண்டாம்.அவர் கஸ்டமர் கேர் மூலமா enquiry கொடுத்து இருக்கார்.அதனால் நாங்க தான் இந்த லீடை எடுக்க முடியும்.

ஹலோ ஹலோ அவர் இப்ப வேணுமின்னா enquiry கொடுத்து இருக்கலாம்.நான் அவரை ஒரு மாசம் முன்னாடியே பார்த்து பிளான் details எல்லாம் கொடுத்து ஆச்சு.ஒரு மாசமா ஃபாலோ பண்ணி இன்னிக்கு தான் பேமென்ட் பண்ண வர சொல்லி இருக்கார்.

இங்க பாருங்க,அவர் என்னிடம் docs எல்லாம் whatsapp இல் அனுப்பிட்டார்.நீங்க போய் சும்மா திரும்ப கூடாது என்ற அக்கறையில் தான் நான் ஃபோன் பண்ணினேன் என்று சொல்லிவிட்டு படாரென்று போனை வைத்து விட்டாள்.

ராஜா சோர்ந்து போய் வண்டியை ஓரம் கட்டினான்.

ச்சே இந்த கஸ்டமரே இப்படி தான்.பொண்ணு குரலை கேட்டா போதும் உடனே தூக்கி ஆர்டரை அவங்க கையில் கொடுத்து விடுவாங்க.சரி எதுக்கும் கஸ்டமருக்கு ஃபோன் பண்ணி பார்ப்போம்

சார் நான் ராஜா,என்னை வர சொல்லி இருந்தீங்களே

ஆமா நீ வாப்பா,உனக்காக தான் நான் வெயிட் பண்ணி கொண்டு இருக்கிறேன்.ஒரு பொண்ணு கூட உங்க ஆபீஸில் இருந்து ஃபோன் பண்ணிச்சு.அந்த பொண்ணு கூட என்னோட அசிஸ்டன்ட் தான் ராஜா,நீங்க என்கிட்டேயே docs கொடுக்கலாம் என்று சொன்னதால் தான் நான் whatsapp இல் அனுப்பினேன்.

சார் ஒரு ஐந்து நிமிஷம் ,நான் இங்கே போரூர் சிக்னலில் தான் இருக்கேன்.இதோ உடனே வந்து விடுகிறேன்.

வண்டி எடுக்க முயற்சி செய்யும் பொழுது,மீண்டும் ஃபோன் அழைத்தது.பார்த்தவுடன் தெரிந்து விட்டது அதே பெண் தான் மீண்டும் அழைக்கிறாள் என்று

ராஜா கோபத்துடன் "அடியே களவாணி சிறுக்கி,என்னை உன் அசிஸ்டன்ட் என்று கஸ்டமர் கிட்ட பொய் சொல்லி இருக்கீயா."

அய்யோ சாரி சார்,நான் இப்ப தான் இந்த மாசம் தான் ஜாயின் பண்ணி இருக்கேன்.என்னோட target முடிப்பதற்கு இன்னும் ஒரு நம்பர் தேவை.அதனால் தான் பொய் சொல்ல வேண்டியதாகி விட்டது. நீங்க விட்டு கொடுத்தால் நான் achieve பண்ணி விடுவேன்.

ராஜாவுக்கு என்ன செய்வதென புரியவில்லை."சரி போ எடுத்து தொலை"

சார் அப்புறம் இன்னொரு உதவி

என்ன இன்னொரு ஆர்டர் வேணுமா?ராஜா வெறுப்பாக கேட்க

இல்ல சார்,கஸ்டமர் வந்து சீனியர் சிட்டிசன்

ஆமா வயசானவரு ,எழுபது வயதுக்கு மேல் இருக்கும்.நானே நேரில் பார்த்து இருக்கேன்.

அது தான் சார் பிரச்சினை.அவரால் ஆன்லைன் பேமென்ட் பண்ண முடியல.நீங்க கொஞ்சம் நேரில் போய் அவருக்கு  ஆன்லைன் பேமென்ட் எப்படி பண்ணுவது என்று சொல்லி கொடுத்தால் கொஞ்சம் நல்லா இருக்கும்.நான் அவர் மொபைலுக்கு லிங்க் send பண்ணிட்டேன்.

இது வேறயா?ஒரு பத்து நிமிஷம் கழிச்சு செக் பண்ணி பாருங்க பேமென்ட் receive ஆகி இருக்கும்.

பத்து நிமிடம் கழித்து check பண்ணி பார்க்கும் பொழுது payment வந்து இருந்தது.

மீண்டும் ஃபோன் செய்து"சார் நீங்க செய்த உதவிக்கு ரொம்ப நன்றி"

It's ஓகே நோ பிராப்ளம்

சார் என்னோட பேர் வந்து,

ஏற்கனவே ஆர்டர் மிஸ் ஆன வெறுப்பில் இருந்த ராஜா "எனக்கு உங்க பேர் தெரிஞ்சுக்க அவசியம் இல்லை"என்று போனை வைத்து விட்டான்.

என்ன இவன் என்னோட பெயர்  என்று கூட தெரிந்து கொள்ள விருப்பம் இல்லாமல் போனை கட் செய்து விட்டான் என்று சஞ்சனா ஆச்சரியமும் கோபமும் பட்டாள்.இவனுக்கு பொண்ணுங்ககிட்ட எப்படி பேச வேண்டும் என்று கூட தெரியவில்லை.

ஆனால் இன்னும் ஒரு வாரத்தில் அவனை நேரில் சந்திக்க கூடும் என்றும், தான் அவனை பற்றி நினைத்தது தவறு என்றும் அவள் உணர போகிறாள்.மேலும் அவனை பார்த்தவுடன் தன் அப்பாவின் உயிரை காப்பாற்றியது அவன் தான் என்றும் அறிந்து கொள்ள போகிறாள்.ஏழு வருடங்களுக்கு முன் சிகப்பு கலர் பேக் மாட்டி கொண்டு அவன் படிக்கட்டில் இறங்கிய காட்சி அவள் மனதில் பசுமரத்தாணி போல் அல்லவா பதிந்து உள்ளது.

ஜார்ஜ் சஞ்சனாவிடம் "என்ன சஞ்சனா ஏதோ sales டீம் கூட பிரச்சினை என்று கேள்விப்பட்டேன்.யார் அந்த sales person சொல்லு நான் பார்த்துக்கொள்கிறேன்."

No problem ஜார்ஜ் the issue got resolved.

Atleast யார் அந்த sales person என்று சொல்லு,நம்ம மேனேஜர் பிரியா மேடம் கிட்ட ஒரு வார்த்தை சொன்னா போதும்.immediately he will get a warning letter.

Stop it george,தப்பு என்னோடது.இருந்தும் எனக்கு அவன் விட்டு கொடுத்தான்.don't over react என்று சொல்லி எழுந்து சென்று விட்டாள் சஞ்சனா.

ஜார்ஜ்ஜின் மூக்கை மீண்டும் உடைத்து விட்டாள் சஞ்சனா.

ச்சே இங்க இருக்கிற பொண்ணுங்க எல்லாம் என்னை சுற்றி சுற்றி வராங்க.ஆனா இவ மட்டும் என்கிட்ட சிக்காம தண்ணி காட்டுகிறாளே.இருக்கட்டும் நேரம் பார்த்து தான் அடிக்கணும்.

இந்த மாத performers award ceremony நடந்து கொண்டு இருந்தது.

ஐடி டீம் இக்பால் வந்து "என்ன ராஜா இந்த மாதமும் ஸ்டார் அவார்ட் வாங்கீட்டீயா"

இல்ல இக்பால் ஜஸ்ட் ஒரு 0.5 புள்ளியில் ரேங்க் மிஸ் ஆகி விட்டது

இந்த முறை மட்டும் நீ வாங்கி இருந்தால் தொடர்ந்து பதினொரு முறை வாங்கி ரெக்கார்ட் பண்ணி இருக்கலாம்.

எல்லாம் விதிப்படி தான் நடக்கும் இக்பால்.அடுத்த மாதம் பார்த்துக்கலாம் விடு

இந்த award வழங்கும் விழாவிற்கு அனைத்து கம்பனி நபர்களும் ஒன்றாக கூடுவது வழக்கம்.ஏறக்குறைய 300 நபர்களுக்கு மேல் அவரவர் டீம் நபர்களோடு குழுவாக நின்று கொண்டு இருந்தனர்.

சஞ்சனா எதேச்சையாக திரும்பி பார்க்க அந்த கூட்டத்தில் தன் நண்பர்களோடு அரட்டை அடித்து கொண்டு இருந்தவனை பார்த்தவுடன் அவள் முகம் சூரியனை கண்ட தாமரை போல் மலர்ந்தது.அந்த கூட்டத்திலும் எளிதாக அவனை அடையாளம் கண்டு கொண்டு விட்டாள்.இது கனவா இல்லை நிஜமா என்று தன்னை தானே கிள்ளி கொண்டாள்.இது கனவல்ல நிஜம் தான்.கனவில் வந்தவன் இன்று நேரில் வந்து இருக்கிறான்.

"முதல் கனவே முதல் கனவே
மறுபடி ஏன் வந்தாய்
நீ மறுபடி ஏன் வந்தாய்
விழி திறந்ததும் மறுபடி கனவுகள் வருமா வருமா
விழி திறக்கையில் கனவென்னை துரத்துது நிஜமா நிஜமா

முதல் கனவு முதல் கனவு
மூச்சுள்ள வரையில் வருமல்லவா கனவுகள் தீர்ந்து போனால் வாழ்வில்லை அல்லவா கனவல்லவே கனவல்லவே கண்மணி நான் உன் நிஜம் அல்லவா சத்தியத்தில் முளைத்த காதல் சாகாது அல்லவா"

பக்கத்தில் இருந்த சீனியர் துர்காவிடம்  அவனை நோக்கி கை காட்டி எந்த டீம் என்று சஞ்சனா கேட்க

அதற்கு துர்கா,நீ போன மாசம் sales team பையனோட சண்டை போட்டியே அவனே தான்.sales team performer ராஜா

அவனை கொஞ்சம் எனக்கு indroduce பண்ணி வைக்க முடியுமா துர்கா பிளீஸ்

முடியாது சஞ்சனா,எங்க ஹீரோ ஜார்ஜிற்கும் அவனுக்கும் ஆகவே ஆகாது.அதுவும் அவன் சரியான தலைக்கனம் பிடித்தவன் என்று கேள்விபட்டு இருக்கிறேன்.நீயும் அவன்கிட்ட போகாதே

சஞ்சனாவிற்கு எப்படி யார் மூலம் அவனிடம் அறிமுகம் ஆவது என்று புரியாமல் தவிக்க,அப்பொழுது sales team lead coordinator பல்லவி எதிரில் வர மான் போல் துள்ளி கொண்டு அவளிடம் சென்றாள்.

[Geneliarasigan]

கருத்து தெரிவித்த அனைவருக்கும் மிக்க நன்றி.இந்த கதை முற்றிலும் கற்பனையே.ஆனால் நம் அன்றாட வாழ்வில் நிகழும் சில சம்பவங்களை வைத்து எழுதி கொண்டு இருக்கிறேன்.நன்றி

[Geneliarasigan]

good writing style. Please continue.

நன்றி நண்பா,உங்கள் கதையையும் அருமை.உங்கள் கதையை முதலில் படித்தேன்.incest பாணிக்கு மாறிய பின்பு தவிர்த்து விட்டேன்..incest கதைகளை நான் படிப்பது இல்லை.மன்னித்து கொள்ளவும்.நீங்கள் எழுதும் நடை அருமை.ஒரு adultry அல்லது ஓர் romance story எழுத முடியுமா?இது எனது தனிப்பட்ட விருப்பம் மட்டுமே.

[Geneliarasigan]

Episode -5

ஹாய் பல்லவி ,எனக்கு ஒரு உதவி செய்ய முடியுமா,?

ம் ,நீ new joinee சஞ்சனா தானே,என்ன உங்க leads எதாவது,எங்க டீம் பசங்க யாராவது எடுத்துட்டுங்களா?

இல்ல பல்லவி,நான் ஒருத்தருக்கு நன்றி சொல்லணும்,அதுக்கு கொஞ்சம் என்னை அவர்கிட்ட introduce பண்ணி வைக்க முடியுமா?

யாரு?

North zone டீம்  ராஜா தான்.

ராஜாவா ! சரி வா ,நான் உன்னை அறிமுகம் பண்ணி வைக்கிறேன்.

பல்லவி ராஜாவிடம் செல்ல,சஞ்சனா பின் தொடர்ந்து சென்றாள்.என்ன பேசுவது என்று தெரியாமல் அவள் உடல் தந்தி அடிக்க தொடங்கியது.அதுவும் இத்தனை பேர் நடுவில் எப்படி என்ன பேசுவது?வார்த்தைகள் வராமல் தடுமாறினாள்.

ஹலோ ராஜா எப்படி இருக்கீங்க ,

ஹாய் பல்லவி,நானே பங்ஷன் முடிஞ்சதும் உங்களை வந்து பார்க்கலாம் என்று நினைச்சேன்.நீங்களே வந்துட்டீங்க

என்ன ராஜா,ஸ்டார் அவார்ட் ஜஸ்ட் மிஸ் ஆயிடுச்சு போல,

ஆமா பல்லவி,கடைசி நிமிடத்தில் ஒரு ஆர்டர் மிஸ் ஆயிடுச்சு.விடுங்க அடுத்த மாதம் பார்த்துக்கலாம்.

சரி,இவங்க பேரு சஞ்சனா,telesales டீம் உங்களை பார்க்கணும் என்று சொன்னாங்க

அப்பொழுது தான் பக்கத்தில் நின்று கொண்டு இருந்த சஞ்சனாவை பார்த்தான்.

முதல் பார்வையிலேயே என்னை, நீ கொள்ளை அடித்தாயே..!
என் உள்ளம் முழுவதிலும் புது வெள்ளை அடித்தாயே..!
நீ மலரில் பிறந்தவளா..!
இல்லை நிலவில் வளர்ந்தவளா..!
அந்த காமன் வீட்டுக்கு புது ஜன்னல் திறந்தவளா..!


அவளின் பொன்னனிற மாசுமருவற்ற நிலவு முகத்தை பார்த்தவுடன் ஒரு நிமிடம் நிலைதடுமாறி தான் போனான்.அழகு என்றால் நிச்சயம் ஆண் கிடையாது,பெண் தான்.பெண்ணின் மொத்த அழகையும் அல்லவா இவள் குத்தகைக்கு எடுத்து கொண்டு வந்து இருக்கிறாள்.மூச்சு விடும் ரோஜா பூவை இன்று தான் முதன்முதலில் பார்க்கிறான்.யுகம் யுகமாய் தொடர்ந்து வந்த உறவு மீண்டும் சந்திப்பது போல இருவரும் ஒருவரையொருவர் மெய்மறந்து பார்த்து கொண்டே  இருக்க, பல்லவி தான் இருவரையும் நனவுலகுக்கு கொண்டு வந்தாள்.

ஹலோ ராஜா,ஹலோ சஞ்சனா என்ன ரெண்டு பேரும் சும்மா பார்த்துட்டே இருக்கீங்க

ராஜா தடுமாறி"சாரி பல்லவி இவங்க பேர் என்ன சொன்னீங்க"

ம் சஞ்சனா என்று சொன்னேன்.உடம்பு மட்டும் தான் இங்கே இருக்கு போல.ஞாபகம் எல்லாம் வேறு எங்கேயோ இருக்கு.

"அது ஒண்ணுமில்ல பல்லவி"பேச்சை திசைமாற்ற விரும்பி ராஜா சஞ்சனாவை பார்த்து "ஹாய் சஞ்சனா,உங்க டீமில் ஏதோ ஒரு நியூ ஜாயினி. பேர் தெரியல,போன மாசம் கால் பண்ணிச்சு எனக்கு.ஏன் அந்த பொண்ணுக்கு தமிழ் பேச தெரியாதா?அப்படியே கொஞ்சி கொஞ்சி பேசுது.ஒழுங்கா தமிழ் பேச தெரியாதா,யார் அது?

சஞ்சனா இடுப்பில் கை வைத்து முறைக்க,

பல்லவி உடனே "டேய் லூசு,அது இவதான்டா ,உன்கிட்ட thanks சொல்ல தான் வந்தா"

அய்யயோ இவதானா இது, அழகான பொண்ணுங்ககிட்ட மொக்கை வாங்குவதே நம்ம பொழைப்பா போச்சு என்று ராஜா மனதில் முணுமுணுத்து "அது வந்து சஞ்சனா நீ பேசும் போது நெட்வொர்க் பிராப்ளம் என்று நினைக்கிறேன் அதனால் தான் அந்த மாதிரி கேட்டது" என்று அசடு வழிந்தான்.

மச்சான் ரொம்ப அசடு வழியது,தயவு செய்து துடைச்சிக்கோ என்று ராஜேஷ்,ராஜா காதில் கிசுகிசுத்தான்.

அப்பொழுது வாசு,பல்லவி கண்ணில் அகப்பட,டேய் வாசு நில்லுடா,ஒரு வாரமா லீட் feedback கொடுக்காமா ஏமாத்திட்டு இருக்க,நீங்க ரெண்டு பேரும் பேசிட்டு இருங்க,நான் அவனை கொஞ்சம் கவனிக்கனும் என்று பல்லவி அவனை நோக்கி ஓடினாள்.

ம், ராஜா நான் உங்ககிட்ட கொஞ்சம் பேசணும்.கொஞ்சம் pantry வர முடியுமா?

ம் வரலாமே,award பங்ஷன் முடியட்டும்,pantry போகலாம்.

"ம் ஓகே" சஞ்சனா அவன் பக்கத்தில் நின்று கொண்டாள்.

அப்போது மேடையில் telesales பிரிவில் performer award ஜார்ஜ் பெயரை அறிவிக்க ஜார்ஜ் மிடுக்குடன் மேடை ஏறினான்.

பரிசு வாங்கும் போது பெருமையுடன் அவன் கண்கள் சஞ்சனாவை தேட அப்பொழுது அவள் ராஜாவுடன் சிரித்து பேசி கொண்டு இருப்பதை பார்த்ததும் அவன் முகத்தில் எள்ளும் கொள்ளும் வெடித்தது.

சார் கொஞ்சம் சிரிங்க போட்டோகிராபர் கேட்க கடமைக்கு ஜார்ஜ் சிரித்து வைத்தான்.

அவார்ட் பங்ஷன் முடிய ,ராஜாவும், சஞ்சனாவும் pantry செல்ல, ஜார்ஜ்ஜும் பின்தொடர்ந்து சென்றான்.

அப்போ அவன் டீம்மேட் சாதனா அருகில் வந்து"ஜார்ஜ் உன்னை அவசரமா பிரியா மேடம் கூப்பிட்டாங்க"என்று கூற ஜார்ஜ் வேண்டா வெறுப்புடன் பிரியா மேடம் கேபின் சென்றான்.ஒரு கைகலப்பு நிகழ இருந்தது தற்காலிகமாக தவிர்க்கப்பட்டது.

ஏற்கனவே ராஜாவுக்கும்,ஜார்ஜுக்கும் இரண்டு முறை வார்த்தை போர் வெடித்துள்ளது.இருவருக்கும் ஒருவரையொருவர் கண்டாலே ஆகாது.முறைத்து கொண்டு தான் கடந்து போவர்.இன்னும் கொஞ்ச நாளில் சஞ்சனாவிற்காக இருவரும் அடித்து கொள்ள போகிறார்கள்.

உங்களுக்கு காப்பியா இல்லை டீயா சொல்லுங்க ராஜா,

எது இருந்தாலும் ஓகே,இல்லை ரெண்டு கலந்து கொடுத்தாலும் ஓகே

சஞ்சனா சிரித்து கொண்டே,"லக்ஷ்மி அக்கா ரெண்டு காஃபி கொடுங்க"

லக்ஷ்மி அக்கா காஃபி எடுத்து கொண்டு வந்து கொடுக்க ,சஞ்சனா லக்ஷ்மி அக்காவை பார்த்து"என்ன அக்கா உங்க பொண்ணோட ஸ்கூல் ஃபீஸ் கட்டி ஆச்சா?.

ஆச்சு சஞ்சுகுட்டி நீ மட்டும் சரியான நேரத்தில் உதவி பண்ண வில்லை என்றால் எனக்கு ரொம்ப கஷ்டமா போய் இருக்கும்.சம்பளம் வந்தவுடன் உனக்கு நான் திருப்பி கொடுத்துடறேன் கண்ணு,

பரவாயில்லைக்கா,நீங்க பொறுமையா கொடுத்தா போதும்.

ராஜா அவளை பார்த்து "சஞ்சனா,நீங்க உருவத்தில் மட்டும் அழகு இல்ல,உள்ளத்திலும் ரொம்ப அழகு தான்."

ரொம்ப புகழாதீங்க ராஜா,நான் அவங்களுக்கு கடனா தான் கொடுத்து இருக்கேன்.

அதற்கும் ஒரு மனசு வேணும் சஞ்சனா.

அவள் காஃபி அருந்தும் அழகை கண் கொட்டாமல் ராஜா பார்த்து கொண்டே இருக்க,சஞ்சனா அவன் முகத்தின் முன் கையை ஆட்டி என்ன என்று கேட்க,

ராஜா அவளை பார்த்து"இல்லை சஞ்சனா உங்களை பார்த்துக்கிட்டே இருக்கலாம் போல் இருக்கு"என்று சொல்ல அவள் வெட்கத்தில் சிரித்து தலை குனிந்தாள்.அவள் புன்னகைக்கும் போது அவள் கண்களும் சேர்ந்து புன்னகைக்க அதை பார்த்து ராஜா முற்றிலும் மயங்கி போனான்.சில பேருக்கு மட்டுமே அந்த கொடுப்பினை இருக்கும்.அவர்கள் புன்னகைக்கும் போது கண்களும் சேர்ந்து புன்னகைக்கும்.அது அவர்களுக்கு பல மடங்கு அழகை கூட்டும்.இயற்கையாகவே சஞ்சனாவிற்கு அப்படி ஒரு அழகு கிட்டி இருந்தது.

சஞ்சனா அவனிடம் "ராஜா உங்களுக்கு கல்யாணம் ஆகிடுச்சா?".

எங்கங்க sales executive என்றாலே பொண்ணுங்க reject பண்ணி விடுறாங்க.அதுவும் நாங்க 90's கிட்ஸ் வேறயா,பொண்ணே கிடைக்க மாட்டேங்குது.

சஞ்சனா உள்ளூர மகிழ்ச்சி அடைந்து ,"பொண்ணு கிடைச்சாச்சு"என்று கூற

என்னது?

"இல்லை கூடிய சீக்கிரம் பொண்ணு கிடைச்சிடும் என்று சொன்னேன் என சஞ்சனா"சமாளித்தாள்.

ஆமா ஆபீஸில் வேலை பார்ப்பது சாதகம் தானே,எப்ப வேணாலும் வந்து ஃப்ரீயா வந்து டீ,காஃபி குடிக்கலாம் இல்ல.

இங்க வந்து வேலை செய்ஞ்சு பாருங்க அப்ப தெரியும் எங்க கஷ்டம்.அப்புறம் நான் உங்களுக்கு thanks சொல்ல தான் கூப்பிட்டேன்.
நாளைக்கு என்னோட week off,நீங்க ஃப்ரீயா? எங்கேயாவது வெளியே போகலாமா?

உங்களுக்கு நாளை week off ஆக இருக்கலாம்.ஆனா என்னோட week off புதன்கிழமை தான்.so நான் free கிடையாது.

அப்போ ஒன்னு பண்ணலாம்.நான் நாளை உங்களோட வண்டியில் ஒண்ணா வர்றேன்.அப்படி என்ன தான் நீங்க பீல்டில் வெட்டி கிழிக்கீறிங்க  என்று பார்க்கலாம்.

"ரியலி"ராஜா ஆச்சரியமாக கேட்டான்.

"நிஜமா தான் இது என்னோட ஃபோன் நம்பர் ,நான் எங்கே வர வேண்டும் என்று லொகேஷன் அனுப்புங்க.அங்கே சரியா 9 மணிக்கு வரேன்."

அதற்குள் ராஜாவின் நண்பர்கள் உள்ளே நுழைய சஞ்சனா அவனிடம் "நாளை பார்க்கலாம்"என்று ஓடி விட்டாள்.

ராஜேஷ் வந்து"என்ன ராஜா,ஏதோ நாளை பார்க்கலாம் என்று காதில் விழுந்துச்சு"

ஒண்ணுமில்ல ராஜேஷ் அந்த பொண்ணுக்கு direct field பற்றி தெரியனுமாம்.அதுக்கு நாளை கூட வரேன் என்று சொல்லிச்சு.

என்னது  அந்த பொண்ணோட நாளை ஊர் சுற்ற போறீயா

டேய் டேய் ஊர் எல்லாம் சுற்ற போல,ஜஸ்ட் appointment மட்டும் தான் கூட்டி போக போறேன்.

எங்களுக்கு ரெண்டும் ஒன்னு தான்.என்ன மச்சான் லவ்வா?

டேய் மாமா சும்மா உளராத,அவ சிரிச்சு பேசறது அவள் இயல்பா கூட இருக்கலாம்.அதை எல்லாம் லவ்வா எடுத்துக்க கூடாது.

இல்ல மச்சான் இது கண்டிப்பாக லவ் தான்.ஒரு பொண்ணு நம்பிக்கை வைச்சு தனியா  உன் கூட வரேன் என்று சொன்னா அது கண்டிப்பா லவ் தான்.

இல்ல மாமா இது தப்பு,அவளுக்கும்  எனக்கும் கண்டிப்பாக 10 வயசு வித்தியாசம் இருக்கும்.அழகு,படிப்பு,வயது எதிலுமே நான் அவளுக்கு ஈடு கிடையாது.அதுவும் இல்லாம மீண்டும் ஒருமுறை காதலில் சிக்க நான் தயாராக இல்லை.

டேய் ராஜா இன்னும் நீ அந்த பொண்ணு சுஜிதாவை நீ மறக்கவில்லையா?

எப்படிடா மறக்க முடியும்,அவ ஏற்படுத்திய  ரணம் வேண்டுமானால் ஆறி போய் இருக்கலாம்.ஆனா அந்த வடு இப்பவும் என் மனதில் அப்படியே தான் இருக்குது.

சரிடா,சுஜிதா போனதிற்கு அப்புறம் எந்த பொண்ணுங்ககிட்ட ஒழுங்காவே பேச மாட்டே,இந்த பொண்ணு கிட்ட மட்டும் எப்படி சிரிச்சு சிரிச்சி பேசினே !

அது தான் எனக்கும் புரியல மச்சான்.ராஜாவின் நினைவுகள் பின்னோக்கி பறந்தது.

சஞ்சனா தன் இருக்கைக்கு சென்றவுடன் துர்கா அவளை பார்த்து " என்ன சஞ்சனா சந்தோஷத்தில் முகம் பூரிச்சு போய் இருக்கு".

துர்கா நான் சொன்னேன் இல்ல,"ஏழு வருடத்திற்கு முன் எங்க அப்பாவின் உயிரை காப்பாற்றியது  ஒருத்தர் என்று.அது வேறு யாருமில்லை இந்த ராஜா தான்."

அப்போ அந்த விசயத்தை ராஜாகிட்ட சொல்லிட்டு மோதிரத்தை கொடுத்து விட்டாயா?

இல்லை என்று சஞ்சனா தலையாட்டி விட்டு மோதிரத்தை பேகில் இருந்து வெளியே எடுத்து "இதற்கு மேல் இந்த மோதிரத்திற்கு சொந்தக்காரி நான் தான் " என்று விரலில் போட்டு கொண்டாள்.

ஏய் என்னடி விரலில் போட்டுகிட்ட,லவ் ஏதாச்சும் அவனை பண்றீயா என்ன?

இது லவ்வா என்று சொல்ல தெரியல துர்கா,முதலில் அவரை பார்த்து இந்த மோதிரத்தை மட்டும் கொடுத்து விட்டு thanks சொல்லலாம் என்று  காத்துகிட்டு இருந்தேன்.ஆனா இவ்வளவு வருடம் அவருக்காக காத்து அந்த நினைவே காதலா மாறிடுச்சு என்று நினைக்கிறேன்.அவரை நேரில் பார்த்த பிறகு மோதிரத்தை திருப்பி கொடுக்க மனசே வரல.

சரி லவ்வையாவது சொல்லி தொலைய வேண்டியது தானே

இல்ல துர்கா,அப்புறம் என் அப்பாவை காப்பாற்றியதால் தான் நான் அவரை லவ் பண்ணுகிறேன் என்று நினைத்து கொள்வார்.கொஞ்ச கொஞ்சமாக அவரை என்பக்கம் ஈர்த்து அவர் வாயாலேயே என்னை காதலிப்பதாக சொல்ல வைக்க போகிறேன்.

நினைவுகள் சிறகடித்து பறக்க தொடங்கும்.

[Geneliarasigan]

supe and awesome update

நன்றி நண்பா

[Geneliarasigan]

மிக மிக மிக அருமையான பதிவுக்கு நன்றி நண்பா நன்றி

Thanks bro

[Geneliarasigan]

Wonderful bro

நன்றி நண்பா

[Geneliarasigan]

Episode -6

ராஜா உன்கிட்ட நான் ஒரு முக்கியமான விசயம் பேசணும்

சொல்லு சுஜி,என்ன விசயம்.

நம்ம லவ்வ நாம் break up பண்ணிக்கலாம்.

ராஜா அவள் சொல்வதை கேட்டு அதிர்ச்சி அடைந்தான்.

ஹே சுஜி எப்ப பார்த்தாலும் உனக்கு விளையாட்டு தானா?

இல்ல ராஜா நான் நிஜமா தான் சொல்றேன்.எனக்கு வீட்டில் மாப்பிளை பார்த்துட்டாங்க,மாப்பிளை ஐடி கம்பனியில் வேலை.மாசம் 1.5 லட்சம் சம்பளம்.நீ வெறும் 25000 ரூபா சம்பளம் வாங்குற.அதுவும் ஒரு தங்கை கல்யாணத்துக்கு வாங்கிய கடன் இன்னும் நீ முடிக்கல,இன்னொரு தங்கை  கல்யாணம் வேறு நீ பண்ண வேண்டி இருக்கு.நீ வாங்கும் சொற்ப சம்பளத்தில் உன் வீட்டுக்கும் செலவு செய்து கொண்டு என்னை எப்படி வைத்து உன்னால் வாழ முடியும்?

இதை எல்லாம் தெரிஞ்சு தானே சுஜி நீ என்னை லவ் பண்ணே,

ஆமாம் லவ் பண்ணும் போது எதுவும் தெரியல.ஆனால் கல்யாணம் என்று வரும் போது தான் பயமாக இருக்கு.எனக்கு இப்போ கிடைக்க போகும் லைஃப் ஸ்டைல் கண்டிப்பாக உன்னால தர முடியாது.சரி உனக்காக வேணா நான் இறங்கி வரேன்.
நீ உங்க அப்பா,அம்மா,தங்கைகளை அப்படியே விட்டு விட்டு என்னுடன் வருவீயா சொல்லு.நான் என் அப்பாகிட்ட உன்னை பற்றி பேசறேன்.

ராஜா மௌனமாக இருந்தான்.

பின் அவளிடம் "இல்லை சுஜிதா யாருக்காகவும் என் தங்கைகளை நான் விட்டு விட்டு வர முடியாது"

"அப்ப நீ என்னை மறந்துடு"

"நீ சொல்வது சரி தான் சுஜி,கண்டிப்பாக உனக்கு கிடைக்க போகும் சொகுசு வாழ்கையை என்னால் தர முடியாது தான்.நீ எடுத்த முடிவு சரி தான்.Advance congratulations to your marriage.உனக்கு விருப்பம் இருந்தால் கல்யாண பத்திரிக்கை அனுப்பு.

"சுஜி என்னை விட்டு போகாதே"என்று அவன் மனம் மட்டும் கத்தி கொண்டே இருந்தது. அவள் போகும் திசையை மட்டும் கண்களில் கண்ணீரோடு நீண்ட நேரம் வெறித்து பார்த்து கொண்டு நின்று இருந்தான்.

அவன் மொபைல் ஃபோன் ரிங் ஒலித்து கொண்டே இருக்க அதன் சப்தத்தில் கண் விழிக்க கனவு கலைந்தது.ச்சே என்ன இது கனவிலா இவ்வளவு நேரம் கத்தி கொண்டு இருந்திருக்கிறேன்?

நான்கு வருடம் முன்பு நடந்த நிகழ்ச்சி நீண்ட நாட்கள் கழித்து இன்று ஏன் கனவாக வந்தது?புரியாமல் குழம்பினான்.ஒருவேளை நேரில் இது போல் கத்தி கூப்பிட்டு இருந்தால் சுஜி என்னை விட்டு விலகி இருக்க மாட்டாளோ?.அப்பொழுது அவளுக்கு வாழ்த்து மட்டும் கூறி விலகி வந்தது தப்போ?

மொபைல் மீண்டும் மீண்டும் ஒலிக்க தூக்கம் கலைந்து " ஹலோ யார் பேசறது" என்று கொட்டாவி விட்டு கொண்டே கேட்டான்.

சுஜிதா கனவின் வழியே வெளியே அவன் மனதில் இருந்து வெளியே செல்ல,இப்பொழுது அந்த இடத்தை பிடிக்க சஞ்சனா வந்து விட்டாள்.

ஹலோ நான் சஞ்சனா பேசறேன்.என்ன இப்ப தான் தூங்கி எந்திரிச்சிங்களா?

ஆமாம் சொல்லு சஞ்சனா,என்ன விசயம்?

என்ன விஷயமா?நான் தான் உங்ககிட்ட சொன்னேனே இன்னக்கி உங்க கூட வரேன் என்று.லொகேஷன் நீங்க அனுப்பவே இல்ல

சஞ்சனா நீங்க விளையாட்டா கேட்டீங்க என்று நினைச்சேன்.சீரியஸா ஃபோன் பண்றீங்க.அதுவும் காலங்காத்தால.

என்னது காலங்காத்தாலயா சோம்பேறி,மணி ஏழு ஆச்சு.உனக்கு  இன்னிக்கி மீட்டிங் 8.30 மணிக்கு.அதாவது ஞாபகம் இருக்கா,

என்னது மணி ஏழா !,அய்யயோ நீ போனை வை நான் குளிச்சிட்டு கிளம்பனும்.

சரி நான் எங்கே வர வேண்டும் என்று லொகேஷன் அனுப்பு.

சஞ்சனா,உனக்கே வாரம் ஒருமுறை தான் லீவ் கிடைக்கும்.ஜஸ்ட் என்ஜாய் பண்ணுங்க.எதுக்கு பாவம் என்கூட வெயிலில் சுற்றனும் என்று ஆசைப்படறீங்க.

இங்க பாருங்க,நீங்க எனக்கு லொகேஷன் அனுப்ப வில்லை என்றால் அப்புறம் நான் மீட்டிங் நடக்கும் இடத்திற்கே வந்து விடுவேன்.

வேற வினையே வேண்டாம் தாயே ,நீங்க நம்ம ஆபீஸ் பக்கத்தில் உள்ள தெருவில் ஒரு டீ கடை இருக்கும்.அங்க 9.30 மணிக்கு வாங்க.நான் உங்களை மீட்டிங் முடித்து விட்டு வந்து பிக்கப் பண்ணிக்கிறேன்.போதுமா?

"ஓகே அப்படி வாங்க வழிக்கு"

வெயிட் சஞ்சனா எனக்கு மீட்டிங் இருப்பது உனக்கு எப்படி தெரியும்?இந்த மீட்டிங் நடப்பது எங்க டீமை தவிர வேறு யாருக்கும் தெரியாதே!

"அது சஸ்பென்ஸ் நான் சொல்ல மாட்டேன் "என்று சஞ்சனா போனை வைத்தாள்.

என்ன இது இவளை பார்த்தாலே என் மனம் அலைபாயுதே,இவளிடம் பேசும் போது மனதில் இனம் புரியாத மகிழ்ச்சி உருவாகிறதே!வேண்டாம் ராஜா,ஏற்கனவே ஒரு தடவை காதலித்து பட்ட அவஸ்தை போதாதா?நல்ல மாட்டுக்கு ஒரு சூடு.
எப்படியாவது இன்று ஒருநாள் மட்டும் கூட்டி போய் வந்துவிட்டு ,அவளை தவிர்க்க பார்.அது தான் உனக்கு நல்லது.இன்னக்கி எனக்கு மீட்டிங் இருப்பது எங்க north சேல்ஸ் டீம் தவிர வேற மற்ற sales டீமுக்கும் கூட தெரியாதே.இவளுக்கு எப்படி தெரிந்தது.?எவனோ ஒருத்தன் உளவாளி நம்ம டீமில் இருந்து அவளுக்கு துப்பு கொடுக்கிறான்.அவன் யார் என்று முதலில் கண்டுபிடிக்கனும்.என்று மனதில் எண்ணினான்.

ஹலோ சஞ்சனா,என்ன நான் சொன்ன மாதிரி செய்ஞ்சியா,அவன் ஓத்துகிட்டானா?

ராஜேஷ் அண்ணா,நீங்க சொன்ன மாதிரியே தான் என்னென்னவோ சொல்லி என்னை கழட்டி விட பார்த்தார்.அப்புறம் மீட்டிங் நடக்கிற இடத்திற்கு வருவேன் என்று மிரட்டினதும் தான் ஒத்துக்கிட்டார்.

சஞ்சனா,இந்த ஏழு வருஷமா அவன் கூட நான் நெருக்கமாக பழகி கொண்டு இருக்கிறேன்.அவனின் ஒவ்வொரு அங்க அசைவுகளிலேயே அவன் என்ன நினைக்கிறான் அடுத்து என்ன செய்வான் என்று கண்டுபிடித்து விடுவேன்.நான் உறுதியாக சொல்றேன்,முதல் பார்வையிலேயே நீ அவனை சாய்ச்சுட்ட.என்கிட்ட எந்த ஒரு விசயத்தையும் அவன் மறைச்சது இல்ல ,முதல் காதல் உட்பட.அவன் எனக்கு சிறந்த நண்பன்.அவன் முதல் காதல் ரணத்தில் இருந்து இப்போ தான் கொஞ்ச கொஞ்சமா மீண்டு வந்து இருக்கான்.மீண்டும் அந்த ரணத்தை கீறி காயத்தை பெரிசாக்கி விடாதே.

என்ன அண்ணா இப்படி சொல்லிட்டீங்க,உங்களுக்கு அவரை சென்னை வந்த பிறகு தான் தெரியும் என்றால் ,எனக்கு அவரை சென்னை வரும் முன்பே தெரியும்.கடந்த ஏழு வருடத்தில் ஒரு நாள் கூட அவரை நினைக்காமல் இருந்தது கிடையாது.அந்த நினைவு தான் இப்போ காதலா வளர்ந்து இருக்கு.நான் கண்டிப்பா அவர் காயத்தை ஆற்றும் மருந்தாக தான் இருப்பேன்.நீங்க கவலைபடாதீங்க.

"சரி சஞ்சனா,அவனை பற்றி ஒவ்வொரு தகவலும் அப்பப்ப தரேன்.உன் காதல் வெற்றி பெற எல்லாவகையிலும் உதவி செய்ய நானாச்சு.என் கண்ணையே நான் உன்கிட்ட ஒப்படைக்கிறேன் சஞ்சனா,அதில் எப்பவும் நான் ஆனந்த கண்ணீரை தான் பார்க்கணும்" என்று ராஜேஷ் கிண்டல் பண்ண

"ச்சீ போங்கண்ணா" என வெட்கத்துடன் போனை வைத்தாள்.

சஞ்சனா தன் அப்பாவிடம் "அப்பா நான் வெளியே போய்ட்டு வரேன்."

என்ன சஞ்சனா இன்னிக்கு லீவ் என்று சொன்னே

ஆமாப்பா இன்னிக்கு லீவு தான்.நான் முக்கியமான ஒருத்தரை பார்க்க போறேன்.

ஒரு நிமிஷம் சஞ்சனா,என்ன இன்னிக்கு உன் தோற்றத்தில் மாற்றம் தெரியுது.

அப்படி எல்லாம் ஒன்னும் இல்லையே அப்பா

இல்ல என் பொண்ணை பற்றி எனக்கு தெரியாதா?உன் உள்ளத்தில் பொங்கி வரும் மகிழ்ச்சி தான் உன் முகம் நன்றாக காட்டி கொடுக்குதே

சஞ்சனா அவள் அப்பா அருகில் வந்து அமர்ந்து"நீங்க சொன்னது உண்மை தான்ப்பா,உங்களுக்கே நல்லா தெரியும்,எந்த ஒரு விஷயமும் உங்களுக்கு சொல்லாமல் நான் செய்ய மாட்டேன்.கூடிய விரைவில் நான் உங்களுக்கு ஒரு நல்ல விசயம் சொல்ல போறேன்.அது வரை கொஞ்சம் பொறுமையா இருங்க"என்று சொல்லிவிட்டு சிட்டாய் பறந்து விட்டாள்.

அவருக்கா விசயம் தெரியாமல் போகும்.அவரும் பருவ வயதை கடந்து வந்தவர் தானே. தன்னோட பெண் ஒருவனிடம் காதல்வயப்பட்டு இருக்கிறாள் என்று உணர்ந்து விட்டார்.கண்டிப்பாக ஒரு நல்லவனை தான் தேர்ந்தெடுப்பாள் என்ற நம்பிக்கை அவருக்கு இருந்தது.அவள் வாயாலேயே வந்து சொல்லட்டும் என்று சிரித்து கொண்டார்.

ராஜா சொன்ன இடத்தில் சஞ்சனா காத்து இருக்க,ராஜாவும் கொஞ்ச நேரத்தில் தூரத்தில் வருவது தெரிந்தது.

"ஹே சஞ்சனா இங்க என்ன பண்ணிகிட்டு இருக்க"என்ற குரல் கேட்டு ஒரு நிமிடம்  திரும்பினாள்.Royal enfield bike இல் ஒயிலாக அமர்ந்து இருந்தவனை பார்த்து ஒரு நிமிடம் திடுக்கிட்டாள்.

சஞ்சனா முன் முதல் மோதல் ஆரம்பிக்குமா ?

[Geneliarasigan]

Wonderful bro. Is he still earning 25k?

That salary is 4 years back bro,and he is earning 70 % more now.And he have one problem to go to next level.Now sanjana will enter his life and rectify the issue he will get much more salary.that one by one in this story will happen.Sanjana will do much more wonders in his life.interestingly sujitha also will enter in the climax of the story .

[Geneliarasigan]

Episode -7

ஜார்ஜ் சஞ்சனாவிடம்"ஹே சஞ்சனா இங்க என்ன பண்ணிட்டு இருக்கே,இன்னிக்கு உனக்கு லீவு தானே?

சஞ்சனா ஜார்ஜ்ஜை பார்த்து திடுக்கிட்டாலும் உடனே சுதாரித்து "நான் இன்னிக்கு சேல்ஸ் டீமுடன் ஃபீல்டுக்கு போறேன் ."

ஓகே கமான் சஞ்சனா,நானே உனக்கு சவுத் டீமில் best guy arrange பண்ணி தரேன்.

வேண்டாம் ஜார்ஜ் , நான் ஏற்கனவே arrange பண்ணி ஆச்சு.யூ carry on

அதற்குள் ராஜா மற்றும் அவனது நண்பன் ராஜேஷ் அந்த இடத்திற்கு வந்து சேர்ந்து விட்டனர்.

ஜார்ஜ்க்கு அவர்களை பார்த்தவுடனே முகமே இருண்டு விட்டது.

இந்த low class பசங்க கூடவா போக போறே, பார்க்கவே அருவருப்பா இருக்கு என்று ஜார்ஜ் கூறியவுடன்.

ராஜா உடனே வண்டியை விட்டு கீழே இறங்கி,ஏய் யாரை பார்த்துடா low class என்று கூறின?என்று சட்டையை மடித்து கொண்டு சண்டைக்கு வந்து விட்டான்.

சஞ்சனா உடனே குறுக்கில் புகுந்து"ஜார்ஜ் Mind your words.நீ பேசறது சுத்தமா சரி இல்ல.As a new joinee நான் ஒரு நாள் field visit போய் ஆகனும்.அது யார் என்று decide பண்ண வேண்டியது நீ கிடையாது,TL மற்றும் Hr மட்டுமே.நான் ஏற்கனவே இரண்டு பேருக்கும் கிட்ட யார் கூட போக போறேன் என்று சொல்லி ஆச்சு.நீ என்னோட வேலை பார்க்கும் சக ஊழியர் மட்டுமே.அந்த எல்லையோட நில்லு.தயவு செய்து இவங்ககிட்ட இப்போ மன்னிப்பு கேள்"

ஆனால் ஜார்ஜ் மன்னிப்பு எதுவும் கேட்காமல் அவர்களை முறைத்து கொண்டே வண்டியை முறுக்கி கொண்டு போய் விட்டான்.

"சாரி ஃப்ரெண்ட்ஸ் அவன் பேசிய பேச்சுக்கு நான் உங்களிடம் மன்னிப்பு கேட்டு கொள்கிறேன்",சஞ்சனா சொல்ல

அட விடுங்க சிஸ்டர்,இதுக்கு போய் நீங்க மன்னிப்பு கேட்டுட்டு.இது எங்களுக்கு ஜூஜுபி மேட்டர்.இதெல்லாம் எங்க அரசியல் வாழ்வில் சாதாரணம்.என்ன மச்சான் நான் சொல்றது என்று ராஜேஷ் சிரித்து கொண்டே ஸ்டைலாக,ராஜா தோளில் கை போட

ராஜா உடனே தோளில் போட்ட அவன் கையை எடுத்து முறுக்கி முதுகில் ஒரு செல்ல குத்து குத்தி"நம்ம டீமில் இருந்து இவளுக்கு துப்பு கொடுக்கும் களவாணி நீ தானா"

அய்யயோ எப்படி கண்டுபிடித்தான் என்றே தெரியலையே,என்ன பண்றது ஒரு ஆக்டிங் குடுப்போம் "அய்யயோ விடுடா வலிக்குது"ராஜேஷ் நடிக்க

"அய்யோ பாவம் அவரை விடுங்க நான் தான் உங்களை பற்றி அவரிடம் கேட்டேன்"சஞ்சனா சொல்ல ராஜா கையை விட்டு விட்டான்.

"பரவாயில்லயே,சிஸ்டர் பேச்சுக்கு மரியாதை இருக்குது "ராஜேஷ் கலாய்க்க

டேய் என்று மீண்டும் அடிக்க ராஜா கையை ஓங்க ராஜேஷ் உடனே  "சிஸ்டர் என்னை காப்பாற்றுங்க"என்று சஞ்சனா பின் ஒளிந்து கொண்டான்.

அப்பொழுது மேலும் ராஜாவின் இரு நண்பர்கள் வாசு மற்றும் சீனிவாசன் வந்து சேர்ந்தனர்.ராஜா அவன் நண்பர்களை அவளிடம் அறிமுகப்படுத்தி வைத்தான்.ராஜேஷிடம் மட்டும் உங்க ரெண்டு பேருக்கு அறிமுகமே தேவை இல்லை என்று சிரித்தான்.

ராஜா அவளை பார்த்து "சஞ்சனா உனக்கு என்ன வேணும் டீயா இல்லை காப்பியா"

நீங்க என்ன சாப்பிடுவீங்க ?

இங்க நம்ம முருகேஷ் அண்ணன் ஸ்பெஷல் எப்பவுமே லெமன் டீ தான்.அதை தான் எப்பவுமே சாப்பிடுவேன்.

அப்ப எனக்கும் அதையே சொல்லுங்க

ராஜா உடனே முருகேஷ் அண்ணனை பார்த்து " அண்ணா 3 டீ ,2 லெமன் டீ போடுங்க

டீக்கடை அண்ணன் சுடுதண்ணீரில் டீ டிகாஷன்,லெமன்,புதினா மற்றும் இஞ்சியை தட்டி போட்டு கொடுக்க ,ராஜா சொன்னது போல் அமிர்தமாக இருந்தது.

"என்ன ரெண்டு பேரும் இன்னிக்கு மீட்டிங் வரவே இல்ல" ராஜா வாசுவை பார்த்து கேட்டான்

உடனே சீனிவாசன் "அந்த கொடுமையை ஏன் கேட்கிற ராஜா,நேற்று நானும் இவனும் சரக்கடிக்க வியாசர்பாடி பாருக்கு போனோம்.செமயா குடிச்சோம்.தலைவர் ஃபுல் மப்பு.நான் எப்படியோ தட்டு தடுமாறி வீட்டுக்கு போய்ட்டேன்.ஆனா இவரு மப்பாகி இவர் ஒட்டி வந்த வண்டியிலேயே படுத்துட்டார்.அப்போ தீடீர் என்று கண்ணில் லைட் வெளிச்சம் பட்டு என்னவென்று முழிச்சு பார்த்து இருக்கார்.அது இவர் ஏரியா போற பஸ்.உடனே தலைவர் வண்டியை எடுத்து வந்ததை மறந்து விட்டு பஸ்ஸில் தாவி ஏறி விட்டார்."என்று சீனிவாசன் கூறும் பொழுதே டீ குடித்து கொண்டு இருந்த சஞ்சனா குபுக்கென்று சிரித்து விட்டாள்.அதில் அவள் குடித்த லெமன் டீ துளிகள் அவன் மேல் பட்டு விட்டது.

அதற்கு உடனே சஞ்சனா சாரி சாரி என்று சொல்ல

ராஜேஷ் உடனே "என்ன சஞ்சனா எங்க மேல வாந்தி எடுத்தாலே நாங்க துடைச்சிட்டு ஜஸ்ட் லைக் தட் போவோம்.நீ என்னடான்னா தம்மாத்துண்டு டீ பட்டதுக்கு சும்மா சாரி சாரி என்று கேட்கிற"

ராஜாவும் "ஆமா சஞ்சனா எங்களுக்குள் என்ன நடந்தாலும் நாங்க சாரி கேட்கவே மாட்டோம்.நீயும் எங்க பிரெண்டா இருக்க விருப்பப்பட்டால் சாரி கேட்காதே"

"சரி இதுக்கு மேல் நான் சாரி கேட்க மாட்டேன் "

"நீ மேலே சொல்லு சீனி"ராஜா கேட்க.

தலைவர் காலையில் எழுந்து எனக்கு ஃபோன் பண்ணார்.டேய் சீனி  என் வண்டிய  எவனோ வீடு புகுந்து ஆட்டைய போட்டு விட்டான் என்று சொன்னான்.என்னடா சொல்ற உன் வண்டியை காய்லாங் கடை எடைக்கு கூட போட முடியாதே, அதை போய் எவன் எடுக்க போறான் என்று நான் கேட்டேன்.இல்லடா சீனி நேற்று wine ஷாப்பில் இருந்து நேரா பைக்கில் நான் வீட்டுக்கு தான் வந்தேன்.bike key கூட காணல என்று இவன் பேசும் போது இவன் பொண்டாட்டி பிடரியில் படாரென்று ஒரு அடி கொடுத்து டேய் லூசு வீட்டுக்கு பஸ்ஸில் தான் வந்தே என்று கூற ரெண்டு பேரும் அலறி அடித்து கொண்டு wine ஷாப் போய் பார்த்தா வண்டி விட்ட இடத்திலேயே சாவியோடு நிக்குது.
ஒரு ஈ,காக்கா கூட வந்து வண்டியில் உட்காரல.தலைவர் வண்டி கண்டிஷன் அப்படி என்று சீனு சொல்ல சொல்ல அங்கு இருந்த எல்லோரும் குலுங்கி குலுங்கி சிரித்தனர்.

அப்புறம் என்ன ஆச்சு,ராஜா சிரித்து கொண்டே கேட்க

"அப்புறம் நடந்த கொடுமைய கேளு ராஜா,சாவியோடு வண்டி தனியா  இருப்பதை பார்த்து எவனோ ஒரு திருடன் ஸ்டார்ட் பண்ண பார்த்து இருக்கான்.அவனும் ரொம்ப சந்தோசமாக இன்னிக்கு சரியான வேட்டை தான் என்று ஸ்டார்ட் பண்ண பார்த்து இருக்கான்.எவ்வளவோ முயற்சி பண்ணியும் வண்டி ஸ்டார்ட் ஆகவே இல்ல.அய்யா வண்டி தான் லேட்டஸ்ட் edition ஆச்சே.வண்டி கிக்கர் அடிச்சா கூட ஸ்டார்ட் ஆகாது.தள்ளிட்டு 50 மீட்டர் தூரம் ஓடினா தான் ஸ்டார்ட் ஆகும் என்ற விவரம் அவனுக்கு தெரியல.கடைசியில் நொந்து கொண்டு வண்டியில் சாவி மட்டும் வைத்தா மட்டும் பத்தாது.பெட்ரோலும் போட்டு வைடா வெண்ணெய் என்று லெட்டர் எழுதி வைத்து விட்டு போய் இருக்கான் என்று கூற அங்கு பலத்த சிரிப்பொலி எழுந்தது.

ம்ம் ,அடுத்து என்ன ஆச்சு?

அப்புறம் என்ன வண்டி எடுத்து வருவதற்குள் மீட்டிங்கே முடிஞ்சு போச்சு என்று சொல்ல மீண்டும் அனைவரும் சிரித்தனர்..

"அப்படி என்ன வண்டி "சஞ்சனா கேட்க,.

உடனே சீனி,இந்த வண்டி தான் என்று காண்பித்தான்.இந்த வண்டி இந்தியா சுதந்திரம் அடைஞ்ச அப்போ வாங்கின வண்டி.

இந்த வண்டி எல்லாம் இன்னும் ஒடுதா?சஞ்சனா கேட்க

"நம்ம கரகாட்டக்காரன் படம் வண்டி மாதிரி தான்,எப்ப வேணா, எங்க வேணா நிக்கும்.யார் யார் கிட்ட இருந்தோ கைமாறி இப்போ நம்ம வாசுகிட்ட வந்து இருக்கு." ராஜேஷ் கிண்டல் பண்ண அங்கும் மீண்டும் சிரிப்பு எழுந்தது.

வாசு "டேய் ரொம்ப ஒட்டாதீங்கடா,இன்னும் கொஞ்ச நாளில் நானும் புது வண்டி வாங்கிடுவேன்."

ராஜா வாசுவிடம் "புது வண்டி வாங்குவது பெருசு இல்ல மச்சான்,அதை குடிச்சிட்டு இதே மாதிரி எங்கேயாவது விட்டுட்டு போன அவ்வளவு தான்.இப்போ கிடைச்ச மாதிரி அப்புறம் மீண்டும் கிடைக்காது"

ஓகே மச்சான்,இதுக்கு மேல அளவா குடிக்கிறேன் போதுமா?

அப்ப கூட குடியை விட மாட்டே இல்ல வாசு ?

அது எப்படி ராஜா விட முடியும்.கொஞ்ச கொஞ்சமாக கம்மி வேணா பண்ணிக்கிறேன்?

என்னவோ பண்ணி தொலை.

சஞ்சனா அவர்களை பார்த்து"நீங்க எப்பவுமே இப்படி தான் ஜாலியா பேசிட்டு இருப்பீங்களா"

ராஜா"ஆமா சஞ்சனா,என்ன கஷ்டம் இருந்தாலும் சரி இவங்க கூட கொஞ்ச நேரம் இருந்தா போதும் உடனே மனசு லேசாகி விடும்.
சரி சஞ்சனா நாம கிளம்பலாமா?"

சஞ்சனா ராஜா வண்டியில் ஏறி உட்கார,
ராஜேஷ் ராஜாவிடம் ஓடிவந்து"டேய் மச்சான் நீ எப்படிடா நான் சஞ்சனாவுக்கு தகவல் கொடுத்தேன் என்று கண்டு பிடிச்சே"

"நான் எங்கே கண்டு பிடிச்சேன் நீயே தான் உளறி கொட்டின "

நானா..! எப்ப மச்சான் உளறினேன்.?

"சஞ்சனா மன்னிப்பு கேட்டப்ப,நீயா வந்து ரொம்ப தெரிஞ்சவன் மாதிரி பேச ஆரம்பிச்ச பாரு,அப்போ உன்கிட்ட சந்தேகமாக தான் கேட்டேன், நீ தானே என்னை சஞ்சனா கிட்ட மாட்டிவிட்டது என்று ! நீயும் உடனே ஒத்துகிட்ட. சிம்பிள்"

"அப்போ நீயா கண்டுபிடிக்க வில்லையா,நானா தான் உளறி கொட்டிடேனா!!

"இதுக்கு பேர் போட்டு வாங்கறது.வரட்டா"

சஞ்சனாவும் தன் பங்குக்கு"நீ ரொம்ப வேஸ்ட் அண்ணா போங்க,இப்படியா மாட்டிகிறது."

ராஜேஷ் பெருமூச்சுவிட்டு"அப்போ நான் தான் ஜோக்கரா,ரெண்டு பேரும் நல்லா இருங்கடா" என்று வாழ்த்தி விட்டு ராஜேஷும் கிளம்பினான்.

சஞ்சனா அருகில் அமர்ந்து வர, மே மாத வாடை காற்று கூட இதமான குளிர் தென்றலாய் தோன்றியது.நீண்ட நாட்கள் கழித்து மனம் முழுக்க உற்சாகத்தோடு வண்டியை ஓட்ட அது இறக்கை கட்டி பறந்தது.வறண்ட நிலமாய் மாறி இருந்த மனதில் மழை சாரல் போல் அவள் பெய்ய காதல் விதை மீண்டும் விழுந்தது.

அவ்வளவு சீக்கிரம் காலம் தான் இவர்களை ஒன்று இணைத்து விடுமா என்ன? இதற்கு மேல் தான் காலம் தன் விளையாட்டுக்களை நிகழ்த்த விருக்கிறது.காலம் இவ்விருவரையும் பிரித்து,சேர்த்து என்ற கண்ணாம்பூச்சி விளையாட்டு விளையாடி கடைசியில் காமத்தில் ஒன்று சேர்க்க போகிறது.வரும் பதிவுகளில்


Hi friends இந்த கதை ஒரே ஒரு வாசகரின் விருப்பத்திற்காக அவர் கொடுத்த oneline ஸ்டோரியை என் கற்பனை கலந்து எழுத தொடங்கிய கதை.நான் எதிர்பார்த்ததை விட நல்ல வரவேற்பு கிடைக்கிறது.உங்களுக்கும்பிடித்து இருந்தால் கமெண்டில் சொல்லுங்கள்.என்னால் முடிந்த அளவு தினமும் update தர முயற்சி செய்கிறேன்.

[Geneliarasigan]

super and nice update

Thanks brother