[Geneliarasigan]

Super comedy,friends portions are awesome

நன்றி நண்பா

[Geneliarasigan]

Super update

Thank you

[Geneliarasigan]

very nice

Thank you

[Geneliarasigan]

Good one

Thank you

[Geneliarasigan]

Episode -8

சீனியும்,வாசுவும் சேர்ந்து ராஜேஷிடம் "ராஜேஷ் ,ராஜா கூட அந்த பொண்ணு  போகுதே,என்ன விசயம்? நாம பேசும் போது கூட அந்த பொண்ணு  அடிக்கடி ராஜாவையே ஓரக் கண்ணால் பார்த்துகிட்டே இருக்கு.ஏதோ something இருக்கு போல"

அதெல்லாம் ஒன்னும் இல்லைடா சீனி,just இன்னிக்கு ஒருநாள் field training மட்டும் தான்.

"இல்லையே, நீ ஏதோ மாமா வேலை பார்க்கிற மாதிரி இருக்கு",சீனி மீண்டும் உறுதியாய் கேட்க

டேய் நான் உண்மையை சொல்லி விடுகிறேன்.ஸ்டார் அவார்ட் function முடிஞ்சதுக்கு அப்புறம் இவங்க ரெண்டு பேரும் பேசும் போது அந்த பொண்ணோட கண்ணில் ஒரு ஒளி தெரிஞ்சுது. நான் ராஜா போனதுக்கு அப்புறம் போய் அந்த பொண்ணை பார்த்தேன்.அந்த பொண்ணும் தான் அவனை காதலிப்பதை ஒத்துக்கிடுச்சு.நம்ம கேங்கில் ராஜாவை தவிர எல்லோருக்கும் கல்யாணம் ஆகிடுச்சு.அதனாலே அந்த பொண்ணு லவ்வுக்கு நான் ஹெல்ப் பண்றேன்னு சொல்லி இருக்கேன்.

அந்த பொண்ணு தான் அவனை லவ் பண்ணுது என்று உன்கிட்ட சொல்லி ஆச்சு இல்ல .அதை அப்படியே ராஜாகிட்ட சொல்ல வேண்டியது தானே.

இல்ல வாசு,கொஞ்ச நாள் போகட்டும் .அவங்க ரெண்டு பேர் ஒருத்தரை ஒருத்தர் பழகி புரிஞ்சிக்கட்டும்.அதுவும் அந்த பொண்ணு ,நான் அவரை லவ் பண்றேன்னு என்று நீங்க அவர்கிட்ட சொல்ல வேண்டாம்,என் காதலை அவரா புரிந்து கொண்டு வந்து சொல்லட்டும் என்று சத்தியம் வாங்கிடுச்சு.எனக்கும் அது தான் சரியாகபட்டது. ஏனெனில் அவனோட முதல் காதலுக்கும் அந்த பொண்ணு சுஜிதா தான் என்னிடம் நேரில் வந்து ,நான் ராஜாவை காதலிக்கிறேன் எனக்காக தூது போங்க  என்று  சொல்லுச்சு.நான் தான் ராஜாவை கொஞ்ச கொஞ்சமா பேசி சம்மதிக்க வைச்சேன்.தீடீரென்று பார்த்தா அவள் இவனை விட்டுட்டு போய்ட்டா.அதனால் தான் ராஜா பழைய கம்பனியில் இருந்து வெளியே வந்தான்.நானும் அவனை பிரிய முடியாமல் கூடவே வந்துட்டேன்.சஞ்சனா கிட்ட ராஜாவை பற்றி சில தகவல்கள் கொடுத்து இருக்கேன்.அவ்வளவு தான் என்னால முடிந்த உதவி.மற்றபடி காதல் அவர்களாகவே சொல்லிக்கட்டும்.

வாசு ராஜேஷிடம் ,"ஏண்டா ராஜேஷ்,நீயும் லவ் மேரேஜ் தான் பண்ணே,நானும் லவ் மேரேஜ் தான் பண்ணேன்.ஏன் இப்படி சிக்கல் வரும் என்று பயப்படறே"

உனக்கு ராஜாவை பற்றி ரெண்டு வருஷமா தான் தெரியும் வாசு.ஆனா எனக்கு ஏழு வருஷமா தெரியும்.அவன் வாழ்வில் நடந்த எல்லா விசயங்களையும் ஒன்று விடாமல் என்கிட்ட தான் பேசுவான்.அவனோட சின்ன வயசில் இருந்தே அவன் ஆசைப்பட்டது எதுவுமே அவனுக்கு எளிதில் கிடைச்சது கிடையாது.அதிலேயேயும் நிறைய விசயம் கிடைக்காமலே போய் இருக்கு.அவனோட அப்பா கெடுபிடி அப்படி.நாலு வருஷம் முன்னாடி இந்த பொண்ணு சுஜிதா இவனை விட்டு போய்டுச்சு.ரெண்டு வருஷம் முன்னாடி அவனோட முதல் தங்கச்சி மூளையில் கட்டி வந்து ஹாஸ்பிடலில் அவன் மடியிலேயே உசிரை விட்டது .போன வருஷம் அவனோட அப்பா தவறி விட்டார்.இப்படி அடுத்தடுத்து இந்த நாலு வருஷத்தில் அவனுக்கு அடி மேல் அடி.இப்போ நாம எதுனா செய்ஞ்சி இந்த பொண்ணும் அவனை விட்டு போய்டுச்சினா அவன் ரொம்ப நொந்து போய் விடுவான்.

சரி ஓகே ராஜேஷ் .அவர்களாகவே காதலை சொல்லிக்கட்டும்.நாம இன்னிக்கு பொழப்ப பார்ப்போம்.இன்னிக்கு மட்டும் ஆர்டர் எடுக்கலன்னா அப்புறம் மேனேஜர் நம்மை கடித்து குதறி விடுவார்.கிளம்பலாம்.

சஞ்சனாவும்,ராஜாவும் சேர்ந்து ஏழு appointment முடிக்கும் போது மதியம் ஆகி விட்டது.

ராஜா சஞ்சனாவிடம் ,"சஞ்சனா சாப்பிட உனக்கு என்ன வேண்டும் என்று சொல்லு.ஓட்டலில் பார்சல் வாங்கி கொண்டு போகலாம்."

ஹோட்டலா எதுக்கு,நான் தான் உங்களுக்கும் சேர்த்து வீட்டில் இருந்து கட்டி கொண்டு வந்து விட்டேனே

என்னது எனக்குமா ?

ஆமா,நீ தான் தினமும் ஓட்டலில் சாப்பிடுவது எனக்கு தெரியுமே,அதனால் தான் உனக்கும் சேர்த்து எடுத்து வந்து விட்டேன்.

இவன் ராஜேஷ் என்னை பற்றி என்னென்ன விசயம் சொல்லி இருக்கானே என்று தெரியலையே என்று ராஜா மனதில் முணுமுணுத்தான்.

ராஜா சஞ்சனாவை ஒரு பார்க் கூட்டி கொண்டு வர "இந்த ஏரியாவில் இந்த ஒரு பார்க் மட்டும் தான் மதிய வேளையில் திறந்து இருக்கும் சஞ்சனா.மற்ற பார்க் எல்லாம் சாயங்காலம் தான் திறப்பாங்க.இங்க தான் நாங்க எப்பவுமே சாப்பிடுவது.

ஹை மாமரம்,ராஜா எனக்கு மாங்காய் மட்டும் பறிச்சு தர்றீயா,

முடியவே முடியாது சஞ்சனா,இங்க யாராவது பார்த்தா அப்புறம் அடுத்த தடவ இங்கே உள்ளேயே விட மாட்டாங்க.

ச்சீ போ பயந்தாங்கொள்ளி,நானே பறிச்சுக்கிறேன்.

சஞ்சனா ஒவ்வொரு தடவை மாங்காயை குறி பார்த்து அடிக்கும் போது அவள் கனிய காத்து இருக்கும் மாம்பழமும் சேர்ந்து குலுங்கியது.கல்லை கீழே குனிந்து எடுக்கும் பொழுது அவள் வெள்ளை வெளேர் என்று செழித்த மேற்புற மாங்கனிகளின் தரிசனமும் அவள் இரு முலைகளுக்கு நடுவே உள்ள கோடும் ராஜா கண்ணில் பட ஒரு நிமிடம் முற்றிலும் நிலை குலைந்து போனான்.

சஞ்சனா போதும் நிறுத்து,நானே பறிச்சு தரேன்.
விறுவிறுவென மரத்தின் மீது ஏறி மாங்காயை பறித்து போட்டான்.

நிழலான இடத்தில் உட்கார்ந்த பிறகு"ஆமா இப்போ யாருக்காக வெயிட் பண்றோம்."

ராஜேஷ் வருகைக்காக தான் சஞ்சனா,எப்பவுமே நான் அவனோடு தான் சாப்பிடுவேன்.

அப்போ மற்ற ஃப்ரெண்ட்ஸ்

அவங்க எல்லாம் சாப்பிட வீட்டுக்கே போய் விடுவாங்க.மறுபடி நாளை தான் மீட் பண்ணுவோம்.

அப்பொழுது வீசிய காற்றில் அவள் துப்பட்டா பறந்து ராஜாவின் முகத்தில் பட்டதும் ,அவள் மேனியின் வாசம் துப்பட்டா வழியே அவனுக்குள் சில இரசாயன மாற்றங்களை உண்டு பண்ணியது.

"என்ன என் வருகைக்காக தான் காத்து கொண்டு இருக்கீங்க போல் இருக்கு" ராஜேஷ் உள்ளே வர,

வா மாமா,இன்னிக்கு என்ன ஸ்பெஷல்.

என்னோட பொண்டாட்டி நேற்று மீன் குழம்பு செய்ஞ்சு இருந்தா,அதையே தான் சாதத்தில் பிசைந்து எடுத்துட்டு வந்து இருக்கேன்.ஆமா நீ சாப்பாடு எதுவும் வாங்கலீயா

எங்கே நான் வாங்கறது..?,சஞ்சனாவே எனக்கும் சேர்த்து சாப்பாடு எடுத்துட்டு வந்து இருக்கா பாரு

அப்போ இன்னிக்கு சஞ்சனா சாப்பாட்டையும் ருசி பார்த்து விட வேண்டியது தான்.

ராஜா அவள் சாப்பாட்டை எடுத்து வாயில் வைக்க அதன் ருசியில் மெய்மறந்தான்.சஞ்சனாவிடம்"ஹே சஞ்சனா ,உங்க வீட்டு சாப்பாடு சூப்பரா இருக்கு.உங்க அம்மாகிட்ட சொல்லு,"

சாரி ராஜா,எங்க அம்மா சின்ன வயசிலேயே தவறிட்டாங்க.இதை நான் தான் செய்தேன்.எங்க அப்பா கொஞ்சம் ஹெல்ப் பண்ணுவார் அவ்வளவு தான்.

சாரி சஞ்சனா உங்க அம்மாவை பற்றி பேசி ஞாபகப்படுத்தி விட்டேன்.

பரவாயில்லை விடு ராஜா,

அப்புறம் சஞ்சனா,கண்டிப்பாக உன்னை கட்டிக்க போறவன் குடுத்து வச்சவன் தான்.

"டேய் அது நீதான்டா,சீக்கிரம் என்கிட்ட காதலை சொல்லி விடுடா"என்று சஞ்சனா மனதில் முணுமுணுத்து கொண்டாள்.

"எங்கே சாப்பாடு சூப்பரா இருக்கா,இரு நான் கொஞ்சம் டேஸ்ட் பண்றேன்",ராஜேஷ் எடுத்து ருசி பார்க்க,"ஆமா நல்லா தான் இருக்கு,ஆனா என் பொண்டாட்டி கைபக்குவம் எல்லாம் யாருக்கும் வராது"

அப்போ சார் நேற்று உங்க பொண்டாட்டி சாப்பாட்டை பற்றி ஏதோ சொன்னீங்க

டேய் இப்போ அது தேவையா ,அது ஏதோ ஒருநாள் கொஞ்சம் முன்ன பின்ன அப்படி தான் ஆகும்.

சஞ்சனா தன் கண்களால் ராஜேஷிடம் ஜாடை காட்ட,ராஜேஷ் ராஜாவிடம்"ராஜா கொஞ்சம் பின்னாடி பாரு" என்று சொல்ல ராஜாவும் திரும்பி பார்க்க,சஞ்சனா மின்னலாக அவள் சாப்பிட்ட மாங்காய் துண்டை அவனிடம் வைத்து விட்டு அவன் கடித்து வைத்த மாங்காய் துண்டை கணப்பொழுதில் களவாடி விட்டாள்.

என்னடா பின்ன ஒன்னும் இல்லையே

"அது ஒன்னும் இல்ல மச்சான்,மரத்தில் தொங்கியது பாம்பு மாதிரி இருந்துச்சு,அது தான் பார்க்க சொன்னேன்.சரி நீங்க சாப்பிட்டு கொண்டே இருங்க,நான் கை கழுவி விட்டு வரேன்" என்று ராஜேஷ் எழுந்து செல்ல சஞ்சனாவும்,ராஜாவும் தனிமையில் விடப்பட்டனர் .

சஞ்சனா நெற்றியில் வந்து விழுந்த முடியை ஒரு விரலால் நளினமாக கோதி சாப்பிடும் அழகை வைத்த கண் வாங்காமல் பார்த்து கொண்டு இருந்தான்.

ராஜா தன்னையே பார்த்து கொண்டு இருப்பதை சஞ்சனா உள்ளூர உணர்ந்தாலும் அதை வெளியே காட்டி கொள்ளவில்லை.பின் புருவத்தை உயர்த்தி கண்களால் என்னவென்று கேட்க,
ராஜா அசடு வழிந்து ஒன்றும் இல்லை என்று கூற சஞ்சனா புன்னகை சிந்தினாள்.இருவரும் பார்வையாலே வார்த்தை பரிமாறி பேசி கொண்டு இருந்தனர்.

ரெண்டு பேரும் பார்த்து சுடசுட ரசிச்சது போதும்.இன்னிக்கு எத்தனை ஆர்டர் எடுத்து இருக்கே என்று ராஜேஷ் குரல் கேட்ட பிறகு தான் இருவரும் நனவுலகுக்கே வந்தனர்.

ஆ ,ராஜேஷ் என்ன கேட்டே,

என்னடா இந்த உலகத்தில் தான் இருக்கீயா,எத்தனை ஆர்டர் இதுவரை எடுத்து இருக்கே என்று கேட்டேன்.

அதுவந்து 7 ஆர்டர் இன்னிக்கு முடிஞ்சு இருக்கு,

என்னது 7 ஆர்டரா ! அய்யோ அம்மா மயக்கமாக வருதே,சஞ்சனா ஒரு நிமிஷம் தண்ணி கொடும்மா.அடப்பாவி நான் இதுவரை ஒரு ஆர்டர் தான்டா எடுத்து இருக்கேன்.

டேய் போன appointment எல்லாம் இன்னிக்கு close ஆயிடுச்சு.அதுவும் ஒரே இடத்தில் வேறு மூணு ஆர்டர் எடுத்தாங்க.எப்படி நடந்துச்சு என்றே தெரியவில்லை.சஞ்சனா ராசியா கூட இருக்கும்.

எனக்கு புரிஞ்சுடுச்சு.சஞ்சனா கூட வந்ததை பார்த்து கஸ்டமர்ஸ் ஜொள்ளு விட்டுகிட்டே ஆர்டர் கொடுத்து இருப்பானுங்க.நானும் நாளைக்கு ஒரு பொண்ணை கூட கூட்டி போறேன்.அப்புறம் பாரு அய்யா தான் நாளைக்கு டீம்ல டாப்பு.

உன் பொண்டாட்டி செருப்பால அடிப்பா பரவாயில்லையா

அதை நினைச்சா தான்டா எனக்கு பயமாக இருக்கு.இன்னிக்கு சாயங்காலம் என் பொண்டாட்டி வேற உனக்கு கால் பண்ணுவா.தயவு செய்து போட்டு கிட்டு கொடுத்து விடாதே.

நான் ஏண்டா போட்டு கொடுக்க போறேன்.அதெல்லாம் நீயே மாட்டுவே பாரு.

எப்படி ?

உன் ஃபோன் பாக்கெட்டில் கால் வந்து on ஆகி இருக்கு பாரு.உன் நேரம் கெட்டதா இருந்தால்  அது உன் பொண்டாட்டி கால் ஆக கூட இருக்கலாம்.

ராஜேஷ் எடுத்து பார்த்தான்."அய்யயோ என் பொண்டாட்டி கால் தான்டா "என்று போனை எடுத்து கொண்டு ஓரமாக ஓடினான் ராஜேஷ்.

இருவரும் சிரிக்க,"ராஜேஷ் அண்ணா பாவம்,அவன் பொண்டாட்டி கிட்ட மாட்டிக்கிச்சு"

அவனா பாவம் எப்படினா அவன் பொண்டாட்டியை சமாளித்து விடுவான் பாரு.அதுவும் என்ன தான் அவன் பொண்டாட்டி அவனை திட்டினாலும் அவ்வளவு சீக்கிரம் விட்டு கொடுக்காது.இந்த கல்யாண வாழ்க்கையில் சின்ன சின்ன சண்டைகள் நடந்தால் தான் வாழக்கை சுவாரசியமாக இருக்கும்.

ம்,உண்மை தான் வெட்கத்தில் தலைகுனிந்தாள் சஞ்சனா.

என்னடா ஒரு வழியா சமாளிச்சிட்டீயா!

எப்படியோ பாதி சமாளிச்சிட்டேன். மீதி நைட் வீட்டுக்கு போய் தான் சமாளிக்கனும்.

சரிடா ராஜேஷ்,நானும் சஞ்சனாவும்  கிளம்பறோம்.சாயங்காலம் அவளை நான் வீட்டில் விட்டு நாம் வழக்கமாக சந்திக்கும் இடத்தில் பார்க்கலாம்.

சாயங்காலம் அவள் வீட்டில் விடும் பொழுது "ரொம்ப தேங்க்ஸ் சஞ்சனா ,இன்னிக்கு நீண்ட நாள் கழித்து ரொம்ப சந்தோசமாக இருந்தேன்.என்ன காரணம் என்று தெரியல.இந்த நாளை என்னால மறக்க முடியாது வரட்டுமா !!

"என்னாலேயும் இந்த நாளை கண்டிப்பாக மறக்க முடியாது ராஜா.நானும் இன்னிக்கி உன்கிட்ட நிறைய விசயம் கத்துகிட்டேன்.உன்னோட பிளஸ் and மைனஸ் சொல்லலாமா ?

என்ன சஞ்சனா இப்படி கேட்கிற,தாராளமா சொல்லு

முதலில் உன்னோட பிளஸ்,நீ கஸ்டமர் கிட்ட பேசும் விதம்,பிளான் விவரிக்கும் விதம்,அதுவும் கணக்கு போடும் போது என்ன வேகம்.உனக்கு கணக்கு பிடித்த சப்ஜெக்ட்டா

ஆமாம்.

அதுவும் general knowledge வைச்சு புகுந்து விளையாடறீங்க,குறை என்னவென்றால் இங்கிலீஷ் தான்.பேசும் போது கொஞ்சம் தடுமாறீங்க.தமிழ் தெரிந்த கஸ்டமர்களிடம் உங்கள் பேச்சு எடுபடும்.ஆனால் தமிழ் தெரியாத கஸ்டமர்கள் இன்று போல் வந்தால் அந்த ஆர்டர் எடுப்பது கஷ்டம் ஆகி விடும்.

வாவ் சூப்பர் சஞ்சனா,வந்த ஒரே நாளில் என்னை பற்றி இவ்வளவு புரிந்து கொண்டாயே, செம.என்ன பண்ணுவது நான் படித்தது தமிழ் மீடியம்.இங்கிலீஷ் சரியாய் பேச தெரியாத காரணத்தினால் தான் இரண்டு முறை நான் steps attend பண்ணியும் தோல்வி அடைந்தேன்.அடுத்த லெவல் போக முடியல.நான் கொஞ்ச கொஞ்சமாக நேரம் கிடைக்கும் போது இங்கிலீஷ் கத்துக்கிறேன்.மீண்டும் சந்தர்ப்பம் அமைந்தால் சந்திப்போம்.

என்னது சந்தர்ப்பம் அமைந்தாலா?நாளை முதல் வேலை முடிந்தவுடன் கண்டிப்பாக இங்கே வந்து விட வேண்டும்.இங்கே பக்கத்தில் பார்க் இருக்கு.இதற்கு மேல் நான் தான் உன் இங்கிலீஷ் டீச்சர்.தினமும் ஒரு மணி நேரம் கிளாஸ்

சஞ்சனா கஷ்டம் பிளீஸ்,என்னை விட்டு விடு.

முடியவே முடியாது.நாளையில் இருந்து நீங்க கண்டிப்பாக வரணும்.இன்னொரு முக்கியமான விசயம்,நீ பொண்ணுங்களை பிக்கப் பண்ணுவதில் ரொம்ப வேஸ்ட்

ஏன்?எப்படி?

"பின்ன காலையில் இருந்து உன் கூட நான் சுத்தறேன், மொத்தம் 22 ஸ்பீட் பிரேக்கர் வந்துச்சு,ஆனா ஒரு தடவ கூட என் உடம்பு உன் உடம்பு மேல படவே இல்ல‌ ,சரியான அம்மான்ஜி நீ"என்று சொல்லிவிட்டு வீட்டின் உள்ளே ஓடி விட்டாள்

"உடம்பு மேல படுவதுக்கும் பொண்ணை பிக்கப் பண்ணுவதற்கும் என்ன சம்பந்தம் இருக்கு.என்ன சஞ்சனா உளறுகிறாள்".ராஜா முழித்து கொண்டு இருக்க

உனக்கெல்லாம் லவ் வருவதே பெரிய விசயம்.இதில் டவுட் வேற வருதா ? பின்னாடி ராஜேஷ் குரல் கேட்டது.

டேய் மாமா நீ எப்போ வந்தே?.

நான் வந்து பத்து நிமிசம் ஆச்சு.நான் வந்தது கூட தெரியாம ரெண்டு பேரும் பேசிக்கிட்டு இருக்கீங்க.

இருவரில் யார் தன் காதலை முதலில் சொல்ல போகிறார்கள்.சஞ்சனா,ராஜாவாக வந்து சொல்லட்டும் என்று எதிர்பார்க்கிறாள்.ஆனால் ராஜாவோ முதல் காதல் தோல்வி பயத்தில் அவள் விரும்புகிறாள் என்று தெரிந்தும் இந்த காதலை ஏற்பதில் தயக்கம் காட்டுகிறான்.அடுத்து கிரிக்கெட்,சண்டை என தொடர்ந்து இருவரில் ஒருவர் காதல் தெரிவிக்க வரும் போது,எதிர்பாராத சம்பவம் நடந்து விதி இருவரையும் பிரிக்க போகிறது.என்ன நடக்க போகிறது?காத்து இருங்கள் அடுத்தடுத்த பதிவுகளில்

[Geneliarasigan]

As usual reality without lust
Fantastic visualised narration
Keep rocking dude
Love story la konjam tragedy varum so adhaeium pakanum
So looking for this story moves eagerly

தங்கள் தங்கமான கருத்துக்கு மிக்க நன்றி நண்பா,நீங்கள் எதிர்பார்க்கும் காதல்,நட்பு,சண்டை,பிரிவு,சோகம்,கூடல்,காமம் என்று அடுத்தடுத்து வரும் நண்பா.கண்டிப்பாக விரசமாக இருக்காது.

[Geneliarasigan]

நண்பன் கடவுளுக்கே கிடைக்காத வரம்.உண்மையில் ராஜேஷ் கேரக்டர் படிக்கும் போது எனக்கு அது தான் நினைவுக்கு வருகிறது. தன் நண்பன் காதலுக்கு தூது போவது ஆகட்டும்,அவன் கூடவே வேலையை விட்டு வந்தது ஆகட்டும் ,என்றும் அவன் வாழ்வில் கூடவே இருப்பது ஆகட்டும் அவனின் பங்களிப்பு அதிகம்.அவன் இல்லை என்றால் ராஜாவின் வாழ்க்கை சூனியம் தான்.சூப்பர் continue பண்ணுங்க

நண்பன் கடவுளுக்கே கிடைக்காத வரம்.அருமையான வரிகள் இதை எனது அடுத்த பகுதியில் உங்கள் அனுமதியுடன் உபயோகித்து கொள்கிறேன்

[Geneliarasigan]

கருத்து தெரிவித்த
Magesht75
Omprakash_71
Ananthkutty அனைவருக்கும் நன்றி

[Geneliarasigan]

Episode -9

சரி ராஜேஷ் ,காளான் சாப்பிட்டு கொண்டே பேசலாமா ?

சரி வா பேசலாம். ராஜேஷூம் சம்மதிக்க

ராஜேஷ் ராஜாவிடம் "உண்மையை சொல்லு நீ அந்த பொண்ணை விரும்பற தானே.அப்புறம் ஏன் உன் லவ்வை சொல்ல மறுக்கிற"

"சொல்ல மறுக்கிறதா,சந்திப்பதையே தவிர்க்கலாம் என்று பார்க்கிறேன்.அவ கண்ணை பார்த்தாலே என்ன என்னமோ உள்ளுக்குள்ளே பண்ணுது.அப்படியே இழுத்து ஐஸ்கிரீம் உதட்டில் இச் இச்னு முத்தம் கொடுத்து விடுவேனோ என்று பயமா இருக்கு"

"டேய் அப்புறம் என்னடா பிரச்சினை,நீயும் லவ் பண்ற ,அவளும்  உன்னை லவ் பண்றா,சொல்லி கிஸ் அடிக்க வேண்டியது தானே.அவ உன்னை லவ் பண்றா அதாவது உனக்கு புரியுதா?

ராஜா அமைதியாக ஒரு நிமிடம் அமைதியாக காளான் சாப்பிட்டு கொண்டே இருந்தான்.

"டேய் இப்போ முதலில் சாப்பிடுவதை நிறுத்து.நான் கேட்டுட்டே இருக்கேன்,நீ பாட்டுக்கு சாப்பிட்டு கொண்டே இருக்கே,என் கேள்விக்கு முதலில் பதில் சொல்லு,"

ஆனால் ராஜா தொடர்ந்து சாப்பிட்டு கொண்டே இருக்க,ராஜேஷ் தட்டை தட்டி விட அது கீழே விழுந்து சிதறியது.

ராஜா மௌனத்தை கலைத்து ராஜேஷை பார்த்து

"அவ லவ் பண்றத கூட புரிஞ்சிக்க முடியாத முட்டாளா ராஜேஷ் நானு.என் வாழ்க்கையில் காதல் என்ற ஒன்று வந்து, இருந்து,அது ஒரு தீராத ரணத்தை ஏற்படுத்தி போய்டுச்சு.அது உனக்கு நல்லா தெரியும்.
அழகு,படிப்பு,வயசு இது எதிலுமே நான் அவளுக்கு சரியானவன் கிடையாது.அதுவும் இந்த காதல் அவளுக்கு வந்து இருப்பது ஜஸ்ட் ஒரே நாளில் பார்த்தவுடன் வந்து இருக்கிறது.எப்பவுமே வேறு ஒரு option வரும் வரை மட்டுமே நான் பெட்டராக தெரிவேன்.ஒருவேளை என்னை விட பெட்டராக ஒரு ஆள் நல்ல வசதியோடு வாட்டசாட்டமாக அவளுக்கு வரும் பொழுது கண்டிப்பாக நான் நிராகரிக்கபடுவேன்.இன்னொரு முறை நான் நிராகரிக்க படுவதை என்னால் தாங்கி கொள்ள முடியாது."

"போடா முட்டாள்,அவ என்ன உன்னை ஒருநாளில் பார்த்த உடனே லவ் பண்றா என்று நினைச்சியா.பார்த்த உடனே உன் மேல காதல் வருவதற்கு நீ ஒன்னும் மன்மதன் குஞ்சு கிடையாது.அப்படியே உடனே காதலில் விழுவதற்கும் அவ ஒன்னும் சப்பை ஃபிகர் கிடையாது.உன் அழகு,அந்தஸ்து,படிப்பு,சம்பளம் இதை எதை பார்த்தும் அவ உன்னை விரும்பல.வேற ஏதோ ஒன்னு இருக்கு.அவளுக்கு உன்னை ஏழு வருடத்திற்கு முன்பே தெரியும் என்று சொல்றா.இந்த ஏழு வருஷமா அவ உன்னை நினைக்காத நாளே கிடையாது என்று சொல்றா.அதை முதலில் தெரிஞ்சுக்க

என்னடா சொல்ற நீ, நான் சென்னை வந்தே ஏழு வருஷம் தான் ஆச்சு.அதுக்கு முன்னாடி அவ என்னை எப்படி எங்கே பார்த்து இருக்க முடியும்?

இல்ல மச்சான் உன்னை கண்டிப்பாக எங்கோ பார்த்தேன் என்று உறுதியாக சொல்றா,அன்று இருந்து உன்னை தான் மனதில் நினைச்சிட்டு இருக்கா.ஏதோ ஒரு விசயத்தில் நீ அவளுடன் சம்பந்தப்பட்டு இருக்கே.அது எங்கே எப்படி என்று நீயே உன் காதலை தெரிவிக்கும் போது சொல்லுவா பாரு.அதனால் நீ உடனடியாக அவகிட்ட காதலை சொல்ற வழியை பாரு.இன்னொன்னு இவ உன் வாழ்வில் வர வேண்டும் என்று தான் சுஜிதா உன்னை விட்டு விலகி போய் இருக்கா.அதுவும் நல்லது தான்.

"ஏழு வருஷம் முன்னாடி என்றால் என்னை எங்கே பார்த்து இருப்பா என்று தெரியலையே,ஒன்னு என்னை என் சொந்த ஊரில் பார்த்து இருக்கணும்.இல்லை நான் வேலை செய்த பெங்களூரில் பார்த்து இருக்கணும்.அப்படியும் இல்லை என்றால் நான் எங்கேயாவது வெளியூர் போகும் போது பார்த்து இருக்கணும்.இதில் எங்கே என்று தெரியலையே."

"அதை நானும் கேட்டேன் மச்சான்,ஆனா அவ என்கிட்டே  சொல்ல மாட்டேன் என்று தீர்மானமா சொல்லிட்டா. அதை உன்கிட்ட  மட்டும் தான் நேரடியாக சொல்ல முடியும் என்று சொல்றா"

அதற்குள் ராஜா மொபைலில் வாட்ஸ்அப் நோடிபிகேஷன் சஞ்சனாவிடம் இருந்து வந்தது.

அதற்கு ராஜா reply செய்தான்."No,i am with Rajesh now.it will take sometime to reach home"

பதில் மெசேஜ் சஞ்சனாவிடம் இருந்து உடனே வந்தது."ok,reach home safely,then send the message "

"யாருடா அது போனில்"

"சஞ்சனா தான் மச்சான்."

அதுக்குள்ள என்னவாம் அவளுக்கு ?

வீட்டுக்கு போய் சேர்ந்தாச்சா என்று கேக்குறா,நான் இல்லை ராஜேஷ் கூட இருக்கிறேன் என்று சொல்லிட்டேன்.

அவ இப்பவே உனக்கு பொண்டாட்டியா சார்ஜ் எடுத்துக்கிட்டா மச்சான்,உன் காதலையே இன்னும் நீ சொல்லாம இருக்க, ரொம்ப ரொம்ப நீ ஸ்லோ மச்சான்.

டேய் சும்மா இருடா,நான் ரிப்ளை பண்ணவில்லை என்றால்  தொடர்ந்து மெஸேஜ் அனுப்புவா,இல்லை ஃபோன் பண்ணுவா.

அதை தான்டா நானும் சொன்னேன்.கல்யாணம் ஆச்சு என்றால் இந்த மாதிரி தான் நடக்கும்.உனக்கு முன்னாடியே நடக்குது.அப்புறம் பொண்டாட்டிக்கு பயந்து சீக்கிரம் வீட்டுக்கு போக தோணும்.இன்னும் கொஞ்ச நேரத்தில் என் பொண்டாட்டி கிட்ட இருந்து ஒலை வந்து விடும் பாரு.

சரிசரி ,இப்போ இந்த விசயத்தை அப்படியே ஆறப்போடலாம்,நான் கொஞ்ச நாள் அவ கூட பழகி பார்க்கிறேன்.அவ காதல் உண்மையானதாக இருந்தால் நானே கண்டிப்பாக என் காதலை சொல்றேன்.

எப்போ?

ஓணம் அன்னிக்கு

டேய் அதுக்கு இன்னும் ஒரு மாசம் இருக்குடா.

ஒருத்தரை பற்றி தெரிந்து கொள்ள அந்த காலமே பத்தாது மச்சான்.சரி நாளை சந்திப்போம்.வரேன்.

அதற்குள் ராஜேஷ் மொபைலுக்கு சஞ்சனாவிடம் இருந்து குறுஞ்செய்தி வந்தது.

சீக்கிரம் நீங்கள் என்னோட புருஷனை விட்டுட்டு வீடு போய் சேரவும் என்ற தகவலை பார்த்து"அடிப்பாவி ஒரு நாள் தான் ஆச்சு காதலிக்க ஆரம்பித்து,அதுக்குள்ள நண்பனை பிரிக்க பார்க்கறீயா.இரு முதலில் இவளுக்கு போனை போடலாம்."

"ஏய் சஞ்சனா,அதுக்குள்ள என் நண்பனை புருஷன் என்றே முடிவு பண்ணிட்டீயா"

"ஆமாம். எங்கே அவரு"

"அவன் உன் மெசேஜ்ஜை பார்த்த உடனே கிளம்பிட்டான்‌.ஆனாலும் நீ ரொம்ப மோசம் சஞ்சனா,வந்த உடனே உயிர்நண்பனை பிரிப்பது கொஞ்சம் கூட சரியில்லை.எனக்கு அப்புறம் தான் அவன் உனக்கு தெரிஞ்சுக்க."

"ஹா ஹா ஹா .....அது எல்லாம் அவன் வாழ்வில் நான் வருகிற வரைக்கும் தான். அப்புறம் எனக்கு பிறகு தான் நீங்க."

அடிப்பாவி ,அவனை வைச்சிக்கிட்டு நீயே நல்லா இரு தாயே இந்த அண்ணனுக்கு அதுவே போதும்,ஒருவேளை அவன் உன்கிட்ட காதலே வந்து சொல்லவில்லை என்றால் அப்ப என்ன பண்ணுவே நீ

"நானே போய் என் காதலை சொல்லி விடுவேன்."

"எப்போ ?"

"ஓணம் பண்டிகை அன்னிக்கு "

"என்ன இவளும் ஓணம் என்று சொல்றா" என்று ராஜேஷ் ஒரு நிமிடம் திடுக்கிட்டான்.

"அது என்ன குறிப்பாக ஓணம் பண்டிகை ?"

"ஏனெனில் நான் அன்னிக்கு தான் முதல் முதலாக அவரை பார்த்தேன்.அதனாலே தான்"

"மணமாலையும் மஞ்சளும் சூடி,
புது கோலத்தில் நீ வரும் நேரம்,
அண்ணன் விழிகள் கண்ணீர் மழையில் "என்று ராஜேஷ் பாட

"கேவலமா பாடற வைடா போனை,"

"என்னது டா வா "

"ஆமாண்டா டால்டா என்று சஞ்சனா போனை வைக்க,"

"என்ன இது பொண்டாட்டி கிட்ட தான் திட்டு வாங்கறோம் என்று பார்த்தா,தங்கச்சி கிட்டேயும் திட்டு வாங்க வேண்டியதா இருக்கு.நம்ம பொழப்பு பிச்சைகாரனை விட கேவலமா போச்சே
சரி,இவங்க ரெண்டு பேருக்குள் நிச்சயமாக ஏதோ ஒன்னு இருக்கு. அதுவே இவர்களை கண்டிப்பாக ஒன்னு சேர்த்து வைக்கும்.நாம என்ன நடக்கிறது என்று மட்டும் வேடிக்கை பார்ப்போம்"என ராஜேஷ் எண்ணி கொண்டு கிளம்பினான்.

ராஜா வீட்டுக்கு சென்றவுடன் சஞ்சனாவிற்கு மெஸேஜ் அனுப்ப,பதிலுக்கு அவளும் sweet dreams என மெஸேஜ் அனுப்பினாள்.இவளை எங்கே எப்போ நாம பார்த்தோம் என்று மூளையை கசக்கி பிழிய ஒன்றும் நினைவுக்கும் வராமல் உறக்கம் வர,கனவிலும் அவளே வந்தாள்.(பெங்களூரில் அவள் தந்தையை காப்பாற்றும் போது இவள் தானே அவனை பார்த்தது.அவன் இவளை பார்க்கவே இல்லையே).

மறுநாள் காலை பொழுது டீக்கடையில்,
என்ன இன்னிக்கும் சீனி,வாசு வர லேட் ஆகுது, ராஜா ராஜேஷிடம் கேட்டு கொண்டு இருக்கும் பொழுதே இருவரும் வந்து சேர்ந்தனர்.

"என்ன வாசு,கண்ணு ரெண்டும் சிவந்து போய் இருக்கு.இரவு தூக்கம் இல்லையா"ராஜா கேட்க

வாசு அதற்கு"ராஜா அந்த மேனேஜர் என்னை நைட்டு 2 மணி வரை கதற கதற கற்பழிச்சிட்டாரு மச்சான்."

"என்னடா சொல்ற ஒன்னும் புரியல."

சீனி உடனே "அதை நான் சொல்றேன் ராஜா,என்ன நடந்தது என்றால் நம்ம வாசுவும்,பொன்வண்ணனும் ஞாயிற்றுகிழமை வேலையை கட் அடிச்சிட்டு தடா நீர்வீழ்ச்சி போய் இருக்கானுங்க.போய்ட்டு திரும்பி வருகிற வழியில் நம்ம மேனேஜரும்  காரில் அங்கு வந்து செல்ஃபி எடுத்து கொண்டு இருந்து இருக்கிறார்.இவனுங்க அவரை பார்த்த உடனே எப்படியோ அவர் கண்ணில் படாமல் அங்கே இருந்து தப்பி ஓடி வந்து இருக்கானுங்க.

சரி அது தான் தப்பி வந்துட்டானுங்க இல்ல,அப்புறம் என்ன பிரச்சினை.?

நீ வேற ராஜா,ஓடி வந்து ரெண்டு நாளில் எந்த பிரச்சினையும் வரவில்லை, அவரும் இவங்க ரெண்டு பேரை பார்க்கல என்று ஐயா ரொம்ப தெனாவெட்டா இருந்து இருக்கார்.அப்புறம் நேற்று மேனேஜர் இவனுக்கு ஃபோன் பண்ணி,தம்பி நீ போன மாசம் ஒரு slab ஒன்னு achieve பண்ணி இருக்க,அதுக்கான கிஃப்ட் ஒன்னு பாக்கி இருக்கு.கொஞ்சம் ஆபீஸ் வந்து வாங்கிட்டு போறீயா என்று கேட்டு இருக்கார்.உடனே இவனும் நாக்கை தொங்க போட்டு கொண்டு போய் இருக்கான்.போன உடனே ஞாயிற்றுக்கிழமை எங்கடா இருந்த என்ற ஒரே ஒரு கேள்வி தான் கேட்டதும் பையன் வெலவெலத்து போய்ட்டான்.

"அவர் எப்படிடா கண்டு பிடிச்சார்,அதுவும் ரெண்டு நாள் கழிச்சு."

"அது தான் முதலில் இவனுக்கும் புரியல"

"அப்புறம் அவரே அவர் மொபைலை எடுத்து காண்பிக்க,அதில் அவர் செல்ஃபி எடுக்கும் போது தலைவர் பின்னாடி இருந்து இருக்கார். அய்யா தான் புன்னகை பூ முகம் ஆச்சே,தொலைவில் அவுட் ஆப் போகசில் இருந்தும் கூட அய்யா முகம் பளிச்சென்று தெரிஞ்சு இருக்கு.அது தான் வலை வீசி அப்படியே அமுக்கிட்டார்.

அப்புறம் என்ன ஆச்சு?

"அப்புறம் என்ன ,அந்த report எடு,இந்த report எடு என்று கடந்த ஆறு மாச data வை ஒட்டுமொத்தமாக update பண்ண வைச்சு நைட் 2 மணிக்கு தான் அனுப்பி இருக்கார் "என்று சீனி கூற எல்லோரும் சிரித்தனர்.

அது எப்படி மச்சான்,அவனவன் என்னென்னவோ பெரிய தப்பு பண்ணினாலும் தப்பிச்சிக்குறான்.ஆனா நீ மட்டும் சின்ன தப்பு பண்ணினா கூட மாட்டிகிற..

அது தான் ராஜா எனக்கும் புரியல.என் கூடவே சனி பகவான் சுத்திட்டே இருக்காரு என்று நினைக்கிறேன்.கூடவே இருந்து என்னை வச்சி வச்சி செய்யறாரு.

அப்பொழுது டீக்கடைக்காரர் முருகேஷ் அண்ணா வந்து"ராஜா உன்கிட்ட நேற்று வந்த பொண்ணு இந்த டிஃபன் பாக்ஸை கொடுக்க சொல்லுச்சு"என்று கொடுத்து விட்டு போனார்.அதில் ஒரு சீட்டும் ஒட்ட வைக்கப்பட்டு இருந்தது.சாயங்காலம் சந்திப்போம் என்று.

"என்னடா ராஜா தினமும் பார்சல் வரும் போல இருக்கே"ராஜேஷ் சிரிக்க

உடனே சஞ்சனாவிடம் இருந்து மெஸேஜ்"லஞ்ச் வாங்கி விட்டீர்களா" என்று

"தாங்க்ஸ்"என்று ராஜா ரிப்ளை செய்தவுடன்

பதில் ரிப்ளை "Angry emoji"வந்தது.

அதைப்பார்த்து அவனுக்கு சிரிப்பு வந்தது.

இன்று நேற்று நாளை
என்றும் நீ என் தேவதை
காதல் செய்யும் மாயை
என் வானம் எங்கும் பூமழை

[Geneliarasigan]

கருத்து தெரிவித்த
Mahesht75
Omprakash_71
Rockey Rakesh
Sakshi priyan
M Raja
Joseph Rayman
Vicky Vignesh
அனைவருக்கும் நன்றி.

அடுத்த update almost முடித்து விட்டேன்.இன்னும் கொஞ்ச நேரத்தில் பதிவு இடுகிறேன்.

[Geneliarasigan]

Episode -10

என்ன மச்சான்,சாயங்காலம் இங்கிலீஷ் பாடமா இல்லை காதல் பாடமா?ராஜேஷ் கேட்டான்.

டேய் ராஜேஷ் ரொம்ப கிண்டல் பண்ணாதே,இவ தினமும் டிபன் கட்டி கொடுப்பதை பார்த்தால் என்னை ரொம்பவே விரும்பறா போல் இருக்கு,

நான் தான் நேற்றே சொன்னேனே மச்சான்,அவ உன் பொண்டாட்டியா ஏற்கனவே சார்ஜ் எடுத்தாச்சு.இதற்கு மேல் டெய்லி sms வரும்,சாப்பாடு வரும்.என்ஜாய்

எனக்கு தான் ராஜேஷ்,இதை ஏற்று கொள்வதில் கொஞ்சம் சங்கடமாக இருக்கு.இப்ப மதியம் என்ன sms அனுப்பி இருக்கா தெரியுமா?நாளைக்கு என்ன சமைச்சு எடுத்து வரட்டும் என்று கேட்கிறா ! நான் என்ன ரிப்ளை பண்ணுவது?

ஏன் மச்சான் சாப்பாடு சரி இல்லையா என்ன?

சாப்பாடு எல்லாம் சூப்பரா தான் இருக்கு,ஆனா எனக்கு தான் இதை ஏற்று கொள்வதில் தயக்கமா இருக்கு.

இங்க பாரு,நீ இப்படி இருந்தா வேலைக்கு ஆகாது.எப்படியும் தாலி கட்டிக்கட்டு பின்னாடி செய்ய போறதை இப்போவே அட்வான்ஸா அவ செய்யறா அவ்வளவு தான்.இதை எல்லாம் கண்டுக்காதே,அவகிட்ட காதலை சொல்லி சீக்கிரம் வாழ்க்கையில் செட்டில் ஆகிற வழியை பாரு.அவ பாடம் சொல்லி கொடுக்கும் போது இப்பவே அங்கே இங்கே என்று தொட்டு பழகு.பள்ளி பாடத்தோடு கொஞ்சம் பள்ளியறை பாடத்துக்கும் இப்பவே ட்ரைனிங் எடுத்துக்கோ.எதிர்காலத்தில் உனக்கு வசதியாக இருக்கும்.

டேய், நீ சொல்ற மாதிரி எல்லாம் பண்ண முடியாது.கல்யாணம் ஆகிற வரை அவளை நான் தொட கூட மாட்டேன்.

ம்ஹீம் நீ வேலைக்கு ஆக மாட்டே,நானே அவகிட்ட பேசிக்கிறேன்.

நீ என்ன அவகிட்ட பேசுவே,

அதை ஏன் நீ கேட்கிற,அண்ணன் தங்கச்சிக்குள்ள ஆயிரம் விசயம் இருக்கும்.

யாரு நீ அண்ணனா,மாமா வேலை பார்த்துக்கிட்டு இருக்கிற இப்போ நீ.

சரி சரி விடு,எல்லாம் என் நண்பனுக்காக தானே.அப்புறம் நாளைக்கு மீன் குழம்பு செய்ஞ்சு கொடுத்து அனுப்ப சொல்லு.

டேய் அல்ரெடி நான் ரிப்ளை பண்ணிட்டேன்.உன் விருப்பம் எதுவாக இருந்தாலும் ஓகே என்று.என்னை பற்றி உனக்கே தெரியும்,என்ன கிடைக்குதோ அதை அப்படியே ஏற்று கொள்வேன்.பிடிச்சது,பிடிக்காதது என்று எனக்கு எதுவும் இல்லை.

நீ வேலைக்கு ஆக மாட்டே,அவனவன் பாரு சின்ன gap கிடைச்சாலும் விமானமே ஒட்டறான்.நீ என்னடான்னா அவ பை பாஸ் ரோடே போட்டு கொடுக்கிறா,ஆனா நீ சைக்கிள் கூட ஒட்ட மாட்டேங்கிற.இன்னிக்கு ஒரு நாள் போகட்டும்,அப்புறம் நானே கோதாவுலே இறங்கறேன்.

ராஜேஷ்,ராஜா இருவரும் பார்க்கில் காத்து கொண்டு இருக்க,ராஜேஷ்  சஞ்சனா நடந்து வருவதை பார்த்து விட்டான்.

மச்சான்,சஞ்சனா வருவதற்கு கொஞ்சம் லேட் ஆகும் போல இருக்கு,அதுக்குள்ள சஞ்சனா பற்றி ஒரு கவிதை சொல்லேன்.

இப்ப எதுக்குடா அது,

சொல்லு மச்சான்,உன் மனதில் அவளை பற்றி என்ன நினைச்சு இருக்கே என்று பார்க்கலாம்.

ராஜா அவள் பின்னாடி வந்து நிற்பதை கவனிக்காமல், அவளை பற்றி வர்ணிக்க
"அவள் முகம் தாமரையா
இல்லை தாமரைதான் அவள் முகமோ
அவள் விழிகள் கயலா
இல்லை கயல்தான் அவள் விழியா
பிறை அவள் நுதலா
இல்லை நுதல் பிறையா
பவளம் அவள் இதழா
இல்லை அவள் இதழ்கள் பவளமோ
பவளக்கொடி அவள் இடையா
இல்லை அவள் சிற்றிடை
பவளக்கொடியா
எனை கொல்லும் இனிய கவிதையே!
எனை கெஞ்ச விடாமல் என் முன் வந்துவிடு!"

வந்து ரொம்ப நேரமாச்சு மச்சான்,முன்னாடி இல்ல உன் பின்னாடி தான் நின்னுட்டு இருக்கா,

அடப்பாவி இப்படி மாட்டி விட்டுட்டுட்டீயே,

சரி மச்சான் நீ கிளாஸ் முடிஞ்சதுக்கு அப்புறம் கூப்பிடு,நான் ஒரு ரவுண்ட் போய்ட்டு வரேன்.

டேய் ஒரு நிமிஷம் நில்லுடா,ராஜேஷ் போகாதே,

காதலர்களுக்குள் ஆயிரம் இருக்கும்,நடுவில் நான் எதுக்குப்பா?

ராஜா சஞ்சனாவிடம் "சாரி சஞ்சனா,அவன் ஏதோ உளறிட்டு போறான்."

"அவர் சரியாக தான் சொல்றார்.நீங்க தான் சரியான tube light.கவிதை எல்லாம் பலமா இருக்கே"

அதுவந்து அதுவந்து,

என்னை பற்றி தானே கவிதை சொன்னீங்க,

ராஜா தலை கவிழ்ந்து ஆமோதித்தான்.

"கவிதையில் வர்ணிப்பது,கனவில் கட்டி பிடிப்பது,எல்லாம் உள்ளுக்குள் ஆசைய வைச்சுக்கிட்டு நேராக பார்த்தா மட்டும் ஒன்னும் சொல்றது கிடையாது" என்று முணுமுணுத்தாள்.

"எனக்கு உன்னை ரொம்ப பிடிக்கும் சஞ்சனா,ஆனா அது காதலா என்று தெரியல.அது வெறும் ஈர்ப்பாக இருக்குமோ என்ற சந்தேகம் எனக்கு.அதுவும் நீயும் என்னை காதலிப்பதாக உணர்கிறேன்.

"அப்படியா,நான் உன்கிட்ட வந்து எப்பவாது காதலிக்கிறேன் என்று சொன்னேனா"

இல்லை தான்.ஆனா தினமும் என்னை விழுங்கிற மாதிரி பார்க்கிற பார்வைக்கு என்ன அர்த்தம்,எனக்கு உணவு கொடுப்பதற்கும்,எனக்கு மெஸேஜ் அனுப்புவதற்கும் என்ன அர்த்தம்?

அது பாவம் எப்பவுமே ஓட்டலில் சாப்பிடுகிறானே என்ற கவலை,அப்புறம் ஒரு சின்ன அக்கறையின் வெளிப்பாடு மட்டும் தான்.உங்களுக்கு உண்மையில் என் மேல் காதல் இருந்தால் நேராக என் கண்ணை பார்த்து சொல்லுங்க.நான் அதுக்கு அப்புறம் என் முடிவை சொல்றேன்.

சஞ்சனா மனதிற்குள்"ம்ம் சொல்லுடா சீக்கிரம்,நானும் உன்னை லவ் பண்றேனு சொல்ல தயாராக இருக்கிறேன்"அவனையே நினைத்து கொண்டு குறுகுறுவென்று உற்று பார்க்க

ராஜா அவளிடம்,"ஓகே சஞ்சனா நான் தான் தப்பா புரிஞ்சிக்கிட்டேன்.சாரி, நல்லவேளை நீயே சொல்லிட்டே.எனக்கும் உன் மேல இருப்பது வெறும் ஈர்ப்பு தான்.காதல் இல்ல.வந்தால் நானே சொல்றேன்.நீ பாடத்தை ஆரம்பி?"

சஞ்சனாவிற்கு சப்பென்று ஆகி விட்டது.என்மேல உள்ள காதலால் தான் இதை எல்லாம் நீ செய்கிறாய் என்று என்னுடன் சண்டை போடுவான் என சஞ்சனா எதிர்பார்த்தாள்.அதை வைத்தே அவன் வாயாலேயே அவன் காதலை சொல்ல வைக்கலாம் என நினைத்தால் டக்கென்று back அடித்து விட்டானே.மண்டு மண்டு என மனதில் அவனை திட்டி கொண்டாள்.அடுத்த அடி எடுத்து வைக்கும் போது மிகவும் கவனமாக வைக்க வேண்டும் என எண்ணி கொண்டாள்.ஆனால் அவன் அடுத்த உயரத்திற்கு செல்ல வேண்டும் என்று நினைப்பு மட்டும் அவளுக்கு உறுதியாக இருந்ததால் சொல்லி கொடுப்பதில் அவள் எந்த தவறும் செய்யவில்லை.ராஜாவும் அவள் சொல்ல சொல்ல எளிதில் புரிந்து கொண்டான்.

அவள் கூந்தலில் வைத்து இருந்த மல்லிகை வாசமும்,நெற்றியில் வைத்து இருந்த சந்தனத்தின் வாசமும்,உடலில் இருந்து கிளம்பிய வியர்வை நறுமணமும் அவள் பக்கம் அவனை காந்தம் போல ஈர்த்தாலும்,அவள் நமக்காக தான் மெனக்கெட்டு வந்து சொல்லி கொடுக்கிறாள் என்று புரிந்து கொண்டு பாடத்தில் கவனம் செலுத்தினான்.இருவர் விரல்கள் அவ்வப்போது உரசும் போது தடுமாறி போனான்.

சரி ஓகே ,இன்னிக்கு அவ்வளவு தான்.வீட்டுக்கு போய் நான் சொல்லி கொடுத்ததை பிராக்டீஸ் பண்ணி பாருங்க,நாளைக்கு நீ வரும் போது என்னிடம் ஆங்கிலத்தில் தான் உரையாடனும்‌.சரியா?

ஓகே சஞ்சனா.

ராஜேஷ் வந்து"என்னம்மா தங்கச்சிதாரகை இன்னிக்கு பாடம் ஒரு வழியாக முடிந்து விட்டதா?"

ராஜா அவனிடம்"டேய் நீ இன்னும் போகலையா?"

"நான் எங்கடா போனேன்.இங்கே தான் வெளியே உட்கார்ந்து கொண்டு இருந்தேன்.என்ன சஞ்சனா,பையன் எப்படி பாடம் எல்லாம் ஒழுங்கா கத்துக்கிறானா?

"பாடம் கற்று கொள்வதில் எல்லாம் செம sharp தான்,ஆனா மற்ற விசயத்தில் தான் ஜீரோ.உங்க ப்ரெண்ட் தேறுகிறா என்று போக போக பார்ப்போம்."

டேய் ராஜா, நம்ம sales டீம் கிரிக்கெட் லீக் ஆட்டத்தில் ஜெயிச்சு semifinal qualify ஆகி ஆச்சு.ஞாயிற்றுகிழமை semi final and final நடக்க போகுது.நீ கண்டிப்பாக வரணும்.

அய்யோ என்னால முடியாது.நீ பிளேயர் ,உனக்கு HR பெர்மிஷன் இருக்கு.நான் சும்மா பார்வையாளர் மட்டும் தான்.நான் வந்தேன் என்று தெரிந்தால் அந்த மேனேஜர் என்னை சும்மா கூட விட மாட்டார்.அதுவும் இல்லாம அந்த மேனேஜர் எனக்கு ரெண்டு முக்கியமான அப்பாயின்ட்மெண்ட் வேற என் தலையில் கட்டி இருக்கார்.அதனாலே கண்டிப்பாக வர முடியாது.

டேய் இந்த முறை sales டீம் vs telesales டீம் ஃபைனல் வரும் போல இருக்கு.உனக்கே தெரியும் நாமும்,அவங்களும் இந்தியா பாகிஸ்தான் மாதிரி.அவங்க பக்கம் support பண்ண எல்லோரும் வருவாங்க.கொஞ்சமாவது நம்ம டீமில் சப்போர்ட் யாருனா வாங்கடா.சஞ்சனா நீயே கொஞ்சம் எடுத்து சொல்லு.

ஆகா அருமையான சந்தர்ப்பம்.இந்த மர மண்டைக்கு நம்மோட காதலை புரிய வைக்க இன்னொரு சந்தர்ப்பம் வருகிறது.இதை தவற விடவே கூடாது."பொண்ணுங்க நாங்களே மைதானத்திற்கு வரோம்.உனக்கு என்ன?சும்மா வேலை வேலை என்று ஓடி கொண்டே இருக்க கூடாது.மூளை மழுங்கி விடும்.இந்த மாதிரி அப்பப்போ பொழுது போக்கிலும் பங்கெடுத்து கொள்ள வேண்டும்.அப்ப தான் மூளை sharp ஆக இருக்கும்"

சரி சஞ்சனா,அந்த ரெண்டு appointment முடிச்சிட்டு வரேன்.எப்படியும் வர மதியம் ஆகி விடும் என்று நினைக்கிறேன்.

அது போதும் மச்சான்,எப்படியும் ஃபைனல் தொடங்க மதியம் 3 மணி ஆகி விடும்.அது தான் நமக்கு முக்கியமான match.அப்போ நீ இருந்தா கூட போதும்.

YMCA ground தானே மச்சான்.

ஆமா அதே தான்.

மூன்று பேரும் பிரிந்தார்கள்.

இரவு சஞ்சனா,ராஜேஷ் மொபைலுக்கு அழைத்தாள்.

என்ன அண்ணா,உன் ப்ரெண்ட் இவ்வளவு தத்தியா இருக்கார்,ஒரு பொண்ணு லவ் பண்றத கூட புரிஞ்சுக்க மாட்டேங்கிறார்.

ஏன் ,அவனுக்கு தெரியுமே சஞ்சனா, நீ அவனை லவ் பண்ற விசயம்.

ம்ம் ,அதை அவரே சொன்னாரு,நான் சும்மா தான் அவரிடம் விளையாடினேன்,நான் அவரை லவ் பண்ணல என்று,உடனே அவரும் அப்படியே back அடித்து விட்டார்.அவருக்கு புரியாதா ,ஒரு பொண்ணு பழகும் போதே அதில் லவ் இருக்கா இல்லையா என்று.

அய்யோ சொதப்பிட்டீயே சஞ்சனா,

ஏன் என்ன ஆச்சு அண்ணா,

அவன் ஏழு வருஷம் முன்னாடி இங்கே எப்படி வந்தான் தெரியுமா?ஒரு லேடீஸ் கஸ்டமரை பார்த்தா கூட அவன் கை கால் நடுங்கும்.இப்போ தான் நான் அவனை ஓரளவு tune பண்ணி வைச்சு இருக்கேன்.

ஏன் அப்படி ?

எல்லாம் அவங்க அப்பா பண்ண வேலை சஞ்சனா,சின்ன வயசில் இருந்து கூட படிக்கிற பொண்ணு கூட பேசினா போதும் உடனே அவனை அடி பொளந்து கட்டி விடுவார்.போற இடத்தில் எல்லாம் எல்லோர் முன்னாடியும் அவனை அசிங்கப்படுத்தி கொண்டே இருப்பார்.அவன் தினமும் அடி வாங்காத நாளே கிடையாது.ஒரு போலீஸ் ,குற்றவாளியை நடத்துவது போல தான் நடத்துவார்.இப்போ அவன் அப்பா இறந்து விட்டால் கூட டேய் உன் அப்பாடா என்று சொன்னால் போதும் ஒரு நிமிஷம் பயந்து விடுவான்.சுருக்கமாக சொல்ல வேண்டும் என்றால் எம்டன் மகன் படம் பார்த்தீயா,அதில் வரும் நாசர் கேரக்டர் போல தான் அவன் அப்பா.அவன் வீட்டை விட்டு வெளியே வந்து 14 வருஷம் ஆச்சு.மாசம் ஒருமுறை தான் வீட்டுக்கு போவான்.அதுவும் ஒரு நாள் தான் அங்கு இருப்பான்.அவன் பெரிய தங்கச்சி ஆரம்பத்தில் இருந்தே அவ்வளவு ஓட்டுதலே கிடையாது.அவன் அம்மா அவங்க அப்பாவுக்கு பயந்து பொட்டி பாம்பா இருந்தாங்க.அவனோட வாழ்க்கையில் சந்தோஷமே எப்போ தெரியுமா முதன் முதலில் வந்தது?அவனோட சின்ன தங்கை பிறந்த பிறகு தான்.அதுவும் எப்போ இவனோட பதினைந்தாவது வயதில்.

அப்போ இவனுக்கும்,இவன் சின்ன தங்கைக்கும் 15 வயது வித்தியாசமா?

ஆமா சஞ்சனா,அந்த பொண்ணு தான் முதன் முதலாக இவனை அண்ணன் என்று கூப்பிட்டுச்சு.அவனோட சின்ன தங்கையை தவிர வேறு எந்த பொண்ணோட அவன் பழகியதே இல்ல.சுஜிதா கூட அவன் வாழ்கையில் வந்து மின்னல் போல் போய் விட்டாள்.இந்த சூழ்நிலையில் வளர்ந்த ஒருத்தன் எப்படி இருப்பான் என்று நினைச்சு பாரு.அவன் வாழ்க்கையில் சந்தோசம் கிடைப்பதே ரெண்டே பேர் மூலமாக தான்.ஒன்னு நான்,இன்னொன்னு அவன் சின்ன தங்கை.இப்போ புதுசா அவன் வாழ்வில் நீ வந்து இருக்கே,அவன் களிமண்ணு தான் கல் கிடையாது சஞ்சனா, அதை அன்பு என்னும் தண்ணீர் கலந்து அழகான பொம்மையாக எளிதில் செதுக்க முடியும்.என்ன தான் தங்கை மேல் பாசம் இருந்தாலும் கூட ஒரு குறிப்பிட்ட வயது வந்த பிறகு தள்ளி நின்று தான் அன்பு காட்ட முடியும்.ஆனா மனைவியாக வரும் பெண்ணிடம் மட்டும் தான் ஒரு ஆண் முழுமையாக அன்பை வெளிப்படுத்த முடியும்.ஒரு ஆண் முழுமை பெறுவது அவன் மனைவியுடன் மட்டும் தான்.அவன் வாழ்வில் வசந்தத்தை கொண்டு வர முடியும் என்றால் அது உன்னால் மட்டும் தான் முடியும்.

சாரி அண்ணா,இப்போ தான் புரியுது.நான் பண்ண தப்பு என்னவென்று.கொஞ்ச கொஞ்சமாக என் காதலை அவருக்கு புரிய வைத்து ஓணம் பண்டிகை அன்னிக்கு கண்டிப்பாக என் காதலை சொல்லி விடுகிறேன்.

ரொம்ப சந்தோசம் சஞ்சனா.சீக்கிரம் அவன் வாழ்வில் ஒளியேற்று.நீங்கள் இருவர் இணையும் நாளே எனக்கு தீபாவளி.

ஆனால் கிரிக்கெட் முடிந்த பிறகு அவள் வாழ்வில் எதிர்பாராத திருப்பங்கள் நிகழ போகின்றன.ஓணம் பண்டிகை அன்று எதிர்பாராத நிகழ்வு ஒன்று நடந்து இருவரையும் பிரிக்க போகிறது. 

[Geneliarasigan]

super bro. George already has an eye on her. will george bed her by some means. waiting to see.

Wow good guess, but not bed with her. அவன் அவளை கவர சின்ன சின்ன tricks செய்ய போகிறான்.அவன் பாஷையில் சொல்வது என்றால் சுறாவுக்கு வலை விரிக்க போகிறான்.அது ஒவ்வொரு பதிவிலும் வரும்.ராஜா,சஞ்சனாவிடம் ஓணம் பண்டிகை அன்று காதலை சொல்ல வரும் பொழுது மேலும் ஒரு tricks செய்ய அதன் காரணமாக இவர்கள் இருவரும் பிரிய நேரும்.இவர்கள் பிரிய காரணமாக இருக்க போவது ஜார்ஜ் என்பதை சரியாக கண்டுபிடித்து விட்டீர் நண்பா

[Geneliarasigan]

yr): clp);

Sirapana ezuthkal arumaiya pozuthu poku nagaichuvai oda kadhai nammai antha suyal kullàvae edhiril nadpathaium polavum nammum kadhai oden ondri pogum padium irukirathu... Ipdiyey sethuki magikivikavim nanba

வைரங்களை போல் மின்னும் தங்கள் கருத்துக்கு நன்றி நண்பா,கண்டிப்பாக உங்கள் எண்ணம் போல் கதை வரும்

[Geneliarasigan]

கருத்து தெரிவித்த
Mahesht75
omprakash_71
Vicky Viknesh
Krishkj 
M.Raja
prrichat85
vishuvanathan
அனைவருக்கும் நன்றி

அடுத்த update இன்னும் கொஞ்ச நேரத்தில் வரும்

[Geneliarasigan]

Episode - 11

ஹே good morning சீனி,நேற்று  promoter activity எப்படி போச்சு?promoter ஒழுங்கா வேலை செய்தானா?

எங்க வேலை செய்தான் ராஜா,அவன் சுத்த வேஸ்ட்.அவன் என்ன பண்ணான் தெரியுமா ?அவன் கிட்ட ஸ்டிக்கர்ஸ் கொடுத்துட்டு no parking போர்டில் பார்த்து ஒட்டு என்று சொல்லிட்டு போனேன்.ஒரே ஒரு appointment நான் போய் விட்டு வருவதற்குள் அவன் டீ கடையில் உட்கார்ந்து முட்டை போண்டா சாப்பிட்டுகிட்டு இருக்கான்.

"பசியா இருந்து இருக்கும்,சாப்பிட்டு கொண்டு இருந்து இருப்பான்."

"அப்படி தான் ராஜா நானும் நினைச்சேன்.என்னடா ஸ்டிக்கர்கள் எல்லாம் ஒட்டி ஆச்சா என்று கேட்டால் ஒட்டி ஆச்சு என்று சொல்றான்.வெறும் அரை மணி நேரத்தில் 500 ஸ்டிக்கர் எப்படி மச்சான் ஒட்ட முடியும்."

"கண்டிப்பாக ஒட்ட முடியாது.மிஞ்சி போனா நூறு ஸ்டிக்கர் ஒட்டலாம்."

ம் அது தான் ராஜா, எங்கடா ஒட்டிய ஸ்டிக்கர் காண்பி என்று கூட்டி போனால் நூறு ஸ்டிக்கர் கூட ஓட்டல.மிச்ச ஸ்டிக்கர் எங்கடா ஒட்டின என்று கேட்டால் பேந்த பேந்த முழிக்கிறான்.அப்புறம் முட்டை போண்டா எப்படிடா வந்துச்சி என்று கேட்ட பிறகு தான் உண்மையை சொல்றான். ஸ்டிக்கரை எடைக்கு போட்டு தான்,முட்டை போண்டா வாங்கினேன் என்று சொல்றான்.

"சும்மாவா விட்டே அவனை சீனி,complaint பண்ண வேண்டியது தானே"

அதற்கு வாசு,சீனி என்ன பண்ணான் என்று நான் சொல்றேன்.அவன்கிட்ட இருந்து முட்டை போண்டா பிடுங்கி இவன் தின்னு ஏப்பம் விட்டுட்டு,அது தான் உனக்கு தண்டனை என்று சொல்லி விரட்டி விட்டுட்டான்.

பதிலுக்கு சீனி"டேய் வாசு,என்னை நீ குறை சொல்றியா,போன வாரம் newspaper activity பண்ணப்போ, நியூஸ் பேப்பரை எடைக்கு போட்டு சரக்குக்கு காசு உஷார் பண்ணவன் தானே நீ!

ராஜா இருவரிடம் "உண்மையை சொல்றவங்க தெய்வத்திற்கு சமம் என்று பெரியவங்க சொல்லுவாங்க,ரெண்டு பேரும் இப்படியே மாறி மாறி போட்டு கொடுத்துக்கிறீங்களேடா .

என்ன பண்றது ராஜா,நீ target achieve பண்ணி incentive வாங்கிடுவே,ஆனா எங்க நிலைமை அப்படியா,நாங்க வாங்குற சம்பளம் அப்படியே பொண்டாட்டிகிட்ட கொடுக்க வேண்டியதா இருக்கு. கைச்செலவுக்கு இந்த மாதிரி தானே கை வைக்க வேண்டி இருக்கு.சரி ராஜா எங்கே இன்னிக்கு ராஜேஷ் வரலையா?

இல்ல சீனி,அவன் இன்னிக்கு வீக் ஆஃப்,

அப்ப என்ஜாய் பண்ணட்டும்.டிஸ்டர்ப் பண்ண வேணாம்.ராஜா swiggy வருது.

என்னது swiggy யா ?

Food டெலிவரி மச்சான்.என்ன ரொம்ப லவ் பண்றளோ!

இல்ல மச்சான் கேட்டுட்டேன்,லவ் எல்லாம் கிடையாது என்று சொல்லிட்டா.சும்மா ஒரு அக்கறை தானாம்.அவ கொடுக்கிற சாப்பாட்டிற்கு அவளுக்கு பிடித்த  கிஃப்ட்டா ஏதாவது வாங்கி கொடுத்து விடலாம் என்று இருக்கிறேன்.

முருகேஷ் அண்ணன் வழக்கம் போல் வந்து கொடுத்து விட்டு போக சாயங்காலம் சஞ்சனாவும்,ராஜாவும் மீண்டும் சந்தித்தனர்.

சஞ்சனா இன்னிக்கு சப்பாத்தி சூப்பர்.அதுக்கு தக்காளி சட்னி வித்தியாசமான சுவையாக இருந்தது.இது வரை நான் அந்த மாதிரி சாப்பிட்டதே கிடையாது.

அது தக்காளி சட்னியில் கொஞ்சம் கடலை மாவு சேர்த்தால் சுவை இன்னும் அதிகமாகும்.நான் எப்பவுமே அப்படி தான் செய்வேன்.

சூப்பர் சஞ்சனா,உன்னை கட்டிக்க போறவன் கண்டிப்பாக குடுத்து வைச்சவன் தான்.

ராஜா,எனக்கு பீச் ரொம்ப பிடிக்கும்.இன்னிக்கு கொஞ்சம் என்னை அங்கே கூட்டி போக முடியுமா?

அவ்வளவு தானே,நீ எந்த பீச் மட்டும் சொல்லு,பெசன்ட் நகரா,இல்லை மெரினாவா?

மெரினாவே போலாம்.

முதல் முறை அவள் அவனோடு கை கோர்த்து கொண்டு மணலில் நடக்க,அவனுக்கு பூட்டி வைத்த உணர்வுகள் மேல் புதிய சிறகு முளைத்தது.

கடல் அலையை பார்த்ததும் சின்ன குழந்தை போல் துள்ளி குதித்து ஓடினாள்.கடலும் ஓடி வந்த அவள் பாதத்தை ஆசையுடன் நனைத்து சென்றது.
அவள், அவன் விரல்களுடன் கை கோர்த்து தோளை உரசிக்கொண்டு கடலின் அலையை அவள் ரசிக்க,அவனுக்கு ஒரு பனிமலை,ஒரு எரிமலை சேர்ந்து உள்ளுக்குள் பொங்கி வெடித்தது.

அவளின் பாதத்தை தழுவியது போதும் இன்னும் மேலே சென்று நனைக்கலாம் என்ற ஆவலோடு கடல் அலைகள் உற்சாகத்தோடு,பெரிய பெரிய அலையாக ஓடி வர,பெரிய அலையில் இடுப்பளவு தண்ணிரில் சஞ்சனா நிலைதடுமாறி கீழே விழும் போது,ராஜா அவள் மெல்லிய இடுப்பில் கை வைத்து தாங்கி பிடித்தான்.அவன் விரல்கள் அவள் இடுப்பில் பட்டவுடன் அவள் மேனி சிலிர்த்தது.இருவரும் ஒருவரை ஒருவர் நேரம் போவதே தெரியாமல் இமைக்காமல் பார்த்து கொண்டு இருக்க,மற்றொரு அலை வந்து இருவரையும் கீழே தள்ளி முழுக்க நனைத்தது.

சஞ்சனா அணிந்து இருந்த மஞ்சள் சுடிதார் முழுக்க நனைந்து போனது.

ராஜா எழுந்து கை கொடுக்க,அவளும் வெட்கத்துடன் அவன் கைகளை பிடித்து எழுந்தாள்.

"என்னடா தண்ணிக்குள்ள ஜலபுலஜங்கா என்ற குரல் கேட்டு திரும்பி பார்க்க" ,ராஜேஷ் சிரித்து கொண்டு நின்று இருந்தான்.

"அடப்பாவி நாங்க ரெண்டு பேர் என்ன பண்றோம் என்பதை வேடிக்கை பார்த்து கொண்டு சிரித்து கொண்டு இருக்கியா நீ"

"டேய் நான் மட்டும் இல்ல, ஊரே வேடிக்கை பார்த்து சிரிச்சுச்சு.அப்படியே என்னவோ லைலா மஜ்னு மாதிரி ரெண்டு பேரும் போஸ் கொடுத்துட்டு நின்னுட்டு இருக்கீங்க."

"அது சரி நீ இங்கே எங்கடா வந்தே,"

"நான் என் பொண்டாட்டி,புள்ளையோடு லீவில் என்ஜாய் பண்ண வந்தேன்.சார் எதுக்கு வந்தீங்க என்று தெரிஞ்சுக்கலாமா"

நான் நான்....

நீ நீ நீ .... தான் சொல்லு

"சஞ்சனா ஆசைப்பட்டா அதனாலே கூப்பிட்டு வந்தேன்."

"டேய் சும்மா ரீல் உடாதே,நீ கூட்டிட்டு வந்துட்டு அவள் மேல் பழியை போடாதே.பச்ச மண்ணுடா அவ"

"டேய் நான் பொய் சொல்லல,நீ வேணுமின்னா சஞ்சனா கிட்டேயே கேளு."

"நீ சொல்லு தங்கச்சி,நீ தான் ஆசைப்பட்டீயா"

"இல்ல அண்ணா,இவர் தான் இன்னக்கி பாடம் போர் அடிக்குது,பீச்சுக்கு போலாமா என்று கேட்டார்.சரி என்று வந்தால் அங்கே இங்கே கை வைச்சு,தண்ணியில் இழுத்து போட்டு விளையாடி எப்படி என்னை நனைச்சுட்டார் பாருங்க",என்று சிணுங்க

டேய் ராஜா,இந்த பூனை பால் குடிக்கும் என்று பார்த்தால் பீரே அடிக்கும் போல இருக்கே.ரெண்டாவது நாளே பீச்சா,நீ தேறிடுவா மச்சான்.

"டேய் அவ பொய் சொல்றாட,நீ அவளை நம்பாதே."

"இந்த விசயத்தில் பொண்ணுங்க பொய் சொல்ல மாட்டாங்க மச்சான்,அதுவும் என் தங்கச்சி பொய் சொல்லவே மாட்டா"என்று ராஜேஷ் கூறியவுடன்

சஞ்சனா ராஜா பக்கம் திரும்பி,நாக்கை வெளியே நீட்டி பழிப்பு காட்டி கண்ணடித்தாள்.

என்னிக்குடா ஆம்பள பேச்சை நம்பி இருக்கீங்க,

அண்ணா அவர் கிடக்கறாரு விடுங்க,நீங்க உங்க பொண்டாட்டியை அறிமுகம் செய்து  வைங்க, சஞ்சனா கூறியவுடன்,

மூவரும் ராஜேஷ் மனைவி இருக்கும் இடத்திற்கு சென்றனர்.

ராஜேஷ் அவன் மனைவியிடம், சஞ்சனாவை அறிமுகப்படுத்தி அவன் மனைவியின் காதில் ஏதோ கிசுகிசுக்க,உடனே அவன் மனைவி சஞ்சனாவிடம் கை நீட்டி advance congratulations என்று வாழ்த்து கூறினார்.

எதுக்குடா congratulations?ராஜா கேட்டான்.

ராஜேஷ் அதற்கு,அது ரெண்டு பொம்பளைக்குள்ள இருக்கிற விசயம்.அதை எல்லாம் நீ கேட்க கூடாது.

சஞ்சனா ராஜேஷ் குழந்தையை வாங்கி கொண்டு,
அண்ணா குழந்தை பேர் என்ன?

"யாழினி"

சூப்பர் தமிழ் பேரு அண்ணா,அப்படியே குழந்தை உங்களை உரிச்சு வைச்சு இருக்கு.

நால்வரும் பேசி சிரித்து அரட்டை அடித்து கொண்டு இருக்கும் போது,சஞ்சனா ராஜாவை பார்த்து கொண்டே, அவன் பார்க்கும் போது குழந்தையின் கன்னத்தில் முத்தம் வைத்தாள்.

"சரி ராஜேஷ், டைம் ஆச்சு,கிளம்பலாமா?"

"சரி, நீ சஞ்சனாவை கூட்டிட்டு கிளம்பு"

ராஜா,சஞ்சனாவை நேராக நாகராஜ் kulfi கடைக்கு கூட்டி சென்றான்.ஒரு சின்ன tricycle தான்.அதை சுற்றி மக்கள் ஈ போல் அவரிடம் kulfi வாங்க மொய்த்து கொண்டு இருந்தனர்.

சஞ்சனா இங்கே kulfi ice நல்லா இருக்கும்.நானும்,ராஜேஷிம் இங்கே வந்தா கண்டிப்பாக சாப்பிடாமல் போக மாட்டோம்.

"அப்போ அவரையும் கூப்பிட்டு இருக்கலாமே"

அவன் குழந்தைக்கு ஐஸ் கிரீம் ஆகாது சஞ்சனா.கூட்டி வந்தால் குழந்தை அடம் புடிக்கும்.அதனால் தான் அவன கூப்பிடல.இரு நான் போய் வாங்கிட்டு வரேன்.

ஒரு இலை கப்பில் வைத்து kulfi ice கொண்டு வந்து கொடுத்தான்.சாப்பிடு சஞ்சனா,அருமையாக இருக்கும். பாதாம்,முந்திரி தூக்கலாக இருக்கும்.


சஞ்சனா வாயில் வைத்து சப்பி,"ம் செமையா இருக்கு."

பாதி ஐஸ்கிரீம் இருவரும் சாப்பிட்டு முடிக்க,சஞ்சனா அவன் கையில் இருந்த ஐஸ்க்ரீமை வாங்கினாள் இல்லை பிடுங்கினாள்.அவள் ஐஸ்க்ரீமை அவனிடம் கொடுத்து விட்டு அவன் எச்சில் ஐஸ்க்ரீமை சாப்பிட தொடங்க ,அவனும் சிரித்து கொண்டே அவள் எச்சில் பட்ட ஐஸ் க்ரீமை சுவைக்க தொடங்கினான்.

"ம்,நான் சாப்பிட்ட ஐஸ்க்ரீமை விட இது சுவையாக இருக்கே"என்று கூற சஞ்சனாவிற்கு வெட்கம் வந்தது.

"ம் இருக்கும்டா, இருக்கும்"என்ற குரல் கேட்டு திரும்பி பார்க்க,ராஜேஷ் மீண்டும் நின்று இருந்தான்.

டேய் என்னடா எங்களையே சுற்றி சுற்றி வந்துட்டு இருக்கே.

நான் உன்கிட்ட பேச மாட்டேன் மச்சான்.வர வர நீயும் பொய் பேச ஆரம்பிச்சுட்ட,அவளை வீட்டுக்கு கொண்டு போய் விடுகிறேன் என்று சொல்லிட்டு நேராக ஐஸ்கிரீம் கடைக்கு கூப்பிட்டு வந்து இருக்கே,ஏன் சஞ்சனா இங்க ராஜா என்ற ஒருத்தன் தான் ஒரு அரிச்சந்திரனா இருந்தான்.அவனையும் கெடுத்து விட்டுட்டேயே

நான் ஒண்ணுமே பண்ணல அண்ணா,எனக்கு ஒன்னும் தெரியாது என்று சஞ்சனா அப்பாவியாய் முகத்தை வைத்து கொள்ள,

ராஜா அவனிடம் "டேய் உன் கோபம் தீர நான் என்னடா பண்ணட்டும்"

ஒழுங்காக எனக்கு ஐஸ் கிரீம் வாங்கி கொடு.ஒன்னு இல்லை ரெண்டு வாங்கி கொடு.

ராஜா வாங்கிட்டு வந்து கொடுக்க,

டேய் நீ இங்கே தான் இருப்பே என்று ,நானே என் பொண்டாட்டியை எப்படியோ பொய் சொல்லி ஆட்டோவில் ஏற்றி விட்டு வந்தால் ,நான் நினைச்சபடியே இங்கே நின்னுட்டு இருக்கீங்க,இதுல romance வேற.

இது தான் எங்க ஏழு வருஷ friendship சஞ்சனா,அடுத்து நான் என்ன செய்வேன் என்று இவன்  சரியா சொல்லிடுவான்.மனைவி கடவுள் கொடுத்த வரம் என்பார்கள்.ஆனால் நண்பன் கடவுளுக்கே கிடைக்காத வரம்.எந்த பிரதிபலனும் எதிர்பாராமல் நான் ஒவ்வொரு நிமிஷமும் நல்லா இருக்க வேண்டும் என்று நினைப்பான்.

நானும் தான் என்று சஞ்சனா மனதில் சொல்லி கொண்டாள்.

டேய் அது தான் ஐஸ் வாங்கி கொடுத்தாச்சு இல்ல.அப்புறம் என்ன மேற்கொண்டு ஐஸ்.போதும் உடுடா. மழை வர மாதிரி இருக்கு,ரெண்டு பேரும் வீட்டுக்கு சீக்கிரம் கிளம்புங்க.

சரி ராஜேஷ் நான் நாளை appointment முடித்து விட்டு நேராக YMCA கிரவுண்ட் வரேன்.

நீ மட்டும் வராம போனே,அப்புறம் உன்னை சும்மா கூட விட மாட்டேன்.

கண்டிப்பாக வரேன் ராஜேஷ்.

ராஜா ,சஞ்சனாவை வீட்டில் விடும் பொழுது,
சஞ்சனா அவனிடம் ஒரு application கொடுத்தாள்.இதை fill பண்ணி monday கொடுங்க

என்ன இது,

Madras university application இது.இப்போ உனக்கு இருக்கிற qualification வச்சு TL மட்டும் தான் ஆக முடியும்.மேற்கொண்டு அடுத்த லெவல் போக வேண்டும் என்றால் கண்டிப்பாக டிகிரி அவசியம்.அதுதான் பகுதி நேரமாக டிகிரி சேருவதற்கான அப்பிளிக்கேஷன் இது.அடுத்த இரண்டு வருடத்தில் நீங்கள் கண்டிப்பாக AM ஆக வேண்டும்.

"சஞ்சனா ஒரு நிமிஷம்"

"என்ன சொல்லுங்க"

"உன்கிட்ட முக்கியமா ஒரு விசயம் சொல்லணும்"

"ம் சொல்லுங்க"

"இப்போ இல்ல,ஓணம் அன்னிக்கு நான் கண்டிப்பாக சொல்றேன்."

சஞ்சனா நெருங்கி வந்தாள்.அவன் நெற்றியில் தன் ஸ்ட்ராபெர்ரி உதடுகளை அழுத்தமாக சில்லென்று பதித்தாள்.சுற்றிலும் உள்ள உலகத்தை இருவருமே மறந்தார்கள்.இரண்டு நிமிடம் தொடர்ந்த அந்த ஒரு முத்தமே அவள் காதலை அவனுக்கு பறைசாற்றியது.

"நீங்க சொல்லும் அந்த வார்த்தைக்காக நான் அனுதினமும் காத்து இருக்கிறேன்"என்று சொல்லிவிட்டு உள்ளே சென்று விட்டாள்.

நடை உடைகள் பாவனை மாற்றி வைத்தாய்,
நான் பேசிட வார்த்தைகள் நீ குடுத்தாய்
நீ காதலா... இல்லை கடவுளா...
புரியாமல் திணறிப் போனேன்.

உனக்காக ஒரு பெண் இருந்து
விட்டால்
அவள் கூட உன்னையும் விரும்பி
விட்டால்
நீ பறக்கலாம் உன்னை மறக்கலாம் திறக்காத கனவுகள் திறக்கும்

[Geneliarasigan]

awesome update

Thanks bro

[Geneliarasigan]

மிக வித்தியாசமான மற்றும் கலக்கலான பதிவுக்கு நன்றி நண்பா நன்றி

நன்றி நண்பா 

[Geneliarasigan]

Excellent bro.அடுத்து என்ன ஆவலுடன்

இன்று update வரும் ப்ரோ

[Geneliarasigan]

இன்று அப்டேட் உண்டா நண்பா பிளீஸ் ???

Hi நண்பா,இந்த கதையை படித்து பார்த்து விட்டு,நான் எழுதும் பாணி சரியாக இருக்கிறதா,இல்லையா என்று கருத்து கூறினால் இன்று பதிவு இடுகிறேன்

[Geneliarasigan]

Episode -12

அடுத்த நாள் ராஜா வாசுவுக்கு ஃபோன் செய்தான்

டேய் வாசு என்ன பண்ணிட்டு இருக்க,

நான்  என் பொண்டாட்டி துணி துவைத்து கொண்டு இருக்கிறேன் ராஜா.

டேய் இன்னிக்கு மேட்ச்,நம்ம ராஜேஷ் கண்டிப்பாக வர சொல்லி இருக்கான்.சீனிவாசன் கூட விளையாடுறான்.நம்ம sales டீம் ஃபைனல் qualify ஆகி ஆச்சு.நாம போய் நம்ம டீமை support பண்ணலாம் வா.

No மச்சான்,வாய்ப்பே இல்ல,அவ்வளவு தூரம் எல்லாம் என்னால் பெட்ரோல் செலவு பண்ணி வர முடியாது.

அட அறிவு கெட்டவனே,நான் உன் ஏரியாவில் தான் இருக்கேன்.ஒரே வண்டியில் போய்ட்டு வந்து விடுவோம்.

அப்ப ஓகே ,உடனே கிளம்பலாம்.

சரி சீக்கிரம் வா,நான் கீழே வெயிட் பண்றேன்.

மைதானத்தில் telesales டீமுக்கும்,வேறு ஒரு அணிக்கும் போட்டி நடைபெற்று கொண்டு இருந்தது.

துர்கா சஞ்சனாவிடம்"ஏய் என்னடி மேட்சை பார்க்காம,வாசல் பக்கமே திரும்பி திரும்பி பார்த்துட்டே இருக்கே"

இல்ல அக்கா,ஒருத்தர் வரவை எதிர்பார்த்துட்டு இருக்கேன்.

யாரு அந்த ராஜாவா?

ஆமாக்கா,

இங்க பாரு,அவன் வந்தா,அவன் பின்னாடியே போய் விடாதே.எப்படியும் நம்ம டீம் இப்போ செமி பைனலில் வெற்றி பெறுகிற மாதிரி இருக்கு,அப்படி வெற்றி பெற்றால் sales அணியும்,நம்ம அணியும் பைனலில் விளையாட வேண்டி வரும்.அதுக்கு நீ இங்கே இருந்து நம்ம டீமை support பண்ணு.

சரிக்கா,உங்க பேச்சை போய் நான் மீறுவேனா?

Telesales அணியும் செமி பைனலில் வெற்றி பெற்றது.

Telesales அணியின் கேப்டன் ஜார்ஜ் ,sales அணியின் கேப்டன் சக்திவேலை ரகசியமாக சந்தித்தான்.

Hi ப்ரோ,எனக்கு நீங்க ஒரு favour செஞ்சீங்க என்றால் பதிலுக்கு நான் உங்களுக்கு நீங்க எதிர்பார்க்காத உதவியை செய்யறேன்.

சொல்லு ஜார்ஜ் நான் என்ன செய்யனும்.?

ரொம்ப சிம்பிள் சக்திவேல்,ஒவ்வொரு தடவையும் நீங்க தான் கப் அடிக்கறீங்க.இந்த முறை தான் நாங்க முதன் முதலாக ஃபைனல் வந்து இருக்கோம்.நீ இந்த மேட்ச் விளையாடவே கூடாது.உங்க அணியில் இன்னொரு ஆளும் விளையாட மாட்டான்.

அய்யோ அப்படி நடந்தால்,ஏற்கனவே 2 பேர் காலையில் நடந்த மேட்சில் தான் காயம் ஆனாங்க.மீதி இருப்பது மொத்தமே பதினொரு பேர் தான்.அதிலும் நானும் ,இன்னொரு பையனும் விளையாடவில்லை என்றால் 9 பேர் தான் இருப்பாங்க.அவர்களை வைத்து எப்படி விளையாட முடியும்.?

அது தான் எங்களுக்கு வேணும் சக்தி,ஆடாமலேயே நாங்க ஜெய்க்கனும்.அதுவும் அந்த டீமோட முக்கியமான தூணே நீங்க தான்.நீங்க விளையாடவில்லை என்றால் போதும் அவங்க மனதளவில் தளர்ந்து போய் விடுவாங்க.வேற யாரையும் அணியில் சேர்த்து கொள்ள தைரியம் வராது.

சரி,நீ சொன்னபடியே நான் செய்யறேன். ஆனா அதனால் எனக்கு என்ன பலன் நீ இன்னும் சொல்லவில்லையே.

ம். அடுத்தது அந்த விசயம் தான்.நான் உனக்கு மாசத்துக்கு 10 லீட் support பண்றேன்.அதுவும் லீட் clash எதுவும் வந்தால் என் டீம் கிட்ட பேசி உனக்கு விட்டு கொடுக்க சொல்றேன்.ஓகேவா

ம்.it sounds good deal ஜார்ஜ்.நானும் ஒவ்வொரு மாசமும் அந்த north team பையன் ராஜாகிட்ட வெறும் 5 நம்பர் வித்தியாசத்தில் தான் performer award கோட்டை விடறேன்.அந்த performer award கிடைக்காததால் என்னால steps கிட்ட கூட போக முடியல.நீ இந்த உதவி செய்தால் நான் கண்டிப்பாக TL ஆகி விட முடியும்.

நான் கண்டிப்பாக செய்யறேன் சக்தி.

ராஜா உள்ளே நுழைந்தது தான் தாமதம்.உடனே சஞ்சனா telesales கேம்ப்பில் இருந்து சிட்டாக பறந்து sales camp அருகே ஓடி வந்து விட்டாள்.அடியே போகாதே என்று துர்கா கத்தி கொண்டே இருந்தாலும் அவள் காதிலேயே வாங்கவில்லை.

ஆனால் sales கிரிக்கெட் அணியின்‌ கேம்ப் நிலைமை மோசமாக இருந்தது.

வெறும் 9 பேர் மட்டுமே இருக்க,சக்திவேல் கேப்டனும் இல்லாமல் ராஜேஷ் தவித்து கொண்டு இருந்தான்.

டேய் இப்போ ரெண்டு பேர் குறையுதேடா,எப்படி விளையாடுவது?ராஜேஷ் கேட்க

சீனி அதற்கு "டேய் ராஜேஷ் நேரம் இல்ல நீ போய் டாஸ் போடு.மற்றதை அப்புறம் பார்த்துக்கலாம்."

டேய் லூசா நீ,டாஸ் போடும் போது விளையாடும் வீரர்களின் விவரம் கேப்பானுங்களே?அப்ப நான் என்ன பண்ணட்டும்.

ராஜா உடனே,ஏண்டா நடக்காத போட்டிக்காடா என்னை வற்புறுத்தி கூப்பிட்டே,

வாசுவும் உடனே,"ஆமா ராஜா,வீட்டில் இந்நேரம் துணி துவைத்துவிட்டு அழகா ஒரு குட்டி தூக்கமே போட்டு இருப்பேன்.இப்ப கூட ஒன்னும் கெட்டு போல,என்னை கொண்டு போய் வீட்டில் விட்டு விடு ."

ராஜேஷ் அதற்கு"போட்டி கண்டிப்பாக நடக்கும்.".

ராஜா "எப்படி?அது தான் players 2 பேர் குறையுதே"

ராஜேஷ்"அது தான் நீங்க ரெண்டு பேர் இருக்கீங்களே,நீங்க வந்து விளையாடுங்க"

டேய் ராஜேஷ்,நானெல்லாம் கிரிக்கெட் மட்டையை பிடித்து 15 வருஷம் ஆச்சுடா.என்னால எல்லாம் முடியாது.

வாசுவும்,"ராஜா நீயாவது பரவாயில்லை.கிரிக்கெட் மட்டையை தொட்டு 15 வருஷம் ஆச்சு.ஆனால் நான் கிரிக்கெட் விளையாடும் போது எல்லாம் வாழை மட்டையில் தான் விளையாடி இருக்கேன்."

ராஜேஷ்"டேய் டேய் பிளீஸ் இந்த ஒரு தடவை எனக்காக விளையாடுங்க,போராடி தோத்தா கூட பரவாயில்லை.ஆனா விளையாடமால் விட்டு கொடுத்தா அதை விட கேவலம் எதுவும் இல்லை.

"சரி ராஜேஷ் உனக்காக நான் விளையாடறேன்"ராஜா ஒத்து கொண்டான்.

ஆனால் வாசுவோ "அவன் வேணும் என்றால் விளையாடட்டும்.ஆனால் நான் வரமாட்டேன்."

"டேய் வாசு ,நீ பந்து வரும் போது பிடித்து போட்டால் மட்டும் போதும்.அதுவும் உன்னை பந்தே வராத இடத்தில் தான் நிற்க வைப்பேன்.பேட்டிங் கூட நீ விளையாட வேண்டிய அவசியமே இருக்காது."

"முடியவே முடியாது ராஜேஷ்"வாசு கறாராக சொல்ல.

டேய் இன்னிக்கு இரவு ஒரு quarter வாங்கி தரேன்டா.

Quarter பத்தாது.HALF வாங்கி கொடுக்கறேன் சொல்லு.நான் விளையாடறேன்.

சரி நான் வாங்கி கொடுக்கிறேன்.

சஞ்சனா நடப்பது எதுவும் புரியாமல் ராஜாவின் அருகில் நின்று பார்த்து கொண்டு இருந்தாள்.ஆனால் ஒன்று மட்டும் புரிந்தது அவள் காதலன் விளையாட போகிறான் என.

சஞ்சனா " best of luck ராஜா"கை கொடுக்க

"எனக்கு எதுக்கு best of luck சஞ்சனா,நான் ஜஸ்ட் பீல்டிங் மட்டும் தான் பண்ண போறேன்.பேட்டிங்,பவுலிங் எல்லாம் அவர்களே பார்த்து கொள்வார்கள்."

ஜார்ஜ் நடுவரிடம் "சார் அவங்ககிட்ட பதினோரு வீரர்களே கிடையாது.எப்படி நீங்க அவங்க டீமை ஆட அனுமதிக்கலாம்?"

"அவங்க பதினோரு வீரர்கள் லிஸ்ட் கொடுத்து ஆச்சு.நீ வந்து டாஸ் போடு"

ராஜேஷ் டாசில் வெற்றி பெற்று,பேட்டிங்கை தேர்வு செய்தான்.

டீம்,அதிர்ஷ்டம் நம்ம பக்கம் தான் இருக்கு.நாம தான் பேட்டிங் பண்றோம்.ராஜாவும்,வாசுவும் பேட்டிங் விளையாட கூடாது.அதுக்கேற்ற மாதிரி விக்கெட் கொடுக்காம விளையாடுங்க.அது போதும்.

துர்காவின் தோழி வந்து துர்காவிடம் "சஞ்சனா எங்கே என்று கேட்க".

அங்க பாரு ,sales team கேம்பை காண்பித்து"அவ ஆளு வந்த உடனே சிட்டாய் பறந்து அங்கே ஓடி விட்டாள்."

இப்படி எதிர் அணியில் போய் உட்கார்ந்து கொண்டு அவர்களுக்கு support பண்ணா ஜார்ஜ் கோவிச்சுப்பானே.

நான் என்னடி பண்ணட்டும்.அவ என் பேச்சை கேட்கவே மாட்டேங்கிறா.

போட்டி ஆரம்பமாகியது.
எப்பொழுதுமே சக்திவேல் தான் துவக்க ஆட்டக்காரனாக இறங்கி சிறந்த தொடக்கத்தை கொடுப்பான்.ஆனால் இப்போ அவன் இல்லாததால் சேல்ஸ் அணியின் விக்கெட் சீட்டு கட்டு போல் சரிய தொடங்கியது.2 ஓவரில் 5 ரன்களுக்கு 3 விக்கெட்டை இழந்து விட்டது.நான்காவது ஓவரில் 5 விக்கெட் இழப்புக்கு 29 ரன்கள் மட்டுமே எடுக்க, ராஜேசும்,சீனியும் சேர்ந்து ஒரு சின்ன பார்ட்னர்ஷிப் அமைத்தனர்.இவர்கள் இருவரும் 7.5 ஓவர்களில் 44 ரன்கள் வரை விக்கெட் விழாமல் பார்த்து கொண்டனர்.அப்பொழுது சீனி ஒரு ரன் அடித்து ஓடி வர,telesales ஃபில்டர் வேண்டுமென்றே குறுக்கில் ஓடி வர சீனி தடுமாறி கீழே விழுந்தான்.மீண்டும் எழுந்து ஓடி கீரிசை தொடுவதற்குள் சீனி  ரன் அவுட் ஆகி விட்டான்.sales அணி 44 ரன்களுக்கு 6 விக்கெட் பரிதாபகரமான நிலையில் இருந்தது.
அப்பொழுது ட்ரிங்க்ஸ் ப்ரேக் வர, அனைவருக்கும் ஜுஸ் கொடுக்கப்பட்டது.பெவிலியனில் இருந்த வாசு ஒன்றுக்கு இரண்டாக ஜுஸ் எடுத்து குடித்து,

என்னடா,ஜூஸில் சர்க்கரையே கம்மியாக இருக்கு என்று சண்டை போட,அது போட்டி வர்ணனை செய்து கொண்டு இருந்த  நபர் காதில் விழுந்தது.

"பாருப்பா sales அணி விக்கெட்களை இழந்து பரிதாபகரமான நிலையில் இருப்பது வாசுக்கு வருத்தம் இல்லையாம்.ஜூசில் சக்கரை குறைவாக இருப்பது தான் வருத்தமாம் என்று தன் பங்குக்கு மைக்கில் கலாய்த்தவுடன் வாசு திருதிருவென முழித்தான்.

ஏண்டா ஜூசில் சக்கரை இல்லை என்று கேட்டதுக்கு மைக் போட்டு ஊர் முழுக்க சொல்லுவீங்களாடா என்று வாசு முணுமுணுத்தான்.

ட்ரிங்க்ஸ் ப்ரேக் முடிந்து ஜார்ஜ் பந்து வீச வர,அடுத்தடுத்து இரண்டு விக்கெட்களை எடுக்க சேல்ஸ் அணி நிலைமை இன்னும் மோசமானது.44 ரன்களுக்கு 8 விக்கெட்கள்.

வேறுவழியின்றி ராஜா களம் இறங்க ஜார்ஜ்ஜிற்கு பழிவாங்க சந்தர்ப்பம் வாய்த்தது.

ராஜேஷ் ,ராஜாவிடம் சென்று மச்சான் ரன் அடிக்க வில்லை என்றால் கூட பரவாயில்லை.ஜஸ்ட் இந்த ஓவரை மட்டும் கடத்தி விடு.இன்னும் அவனுக்கு ஒரு ஓவர் தான் இருக்கு.

ஜார்ஜ் ஓடி வந்து வெறியோடு ராஜாவின் முகத்தை நோக்கி பந்து வீச,அது பூமியில் படாமல் நேராக புல்டாசாக வந்து அவன் ஹெல்மெட்டை தாக்கியது.பந்து ஹெல்மெட்டையும் உடைத்து அவன் மூக்கை சென்று தாக்க,ராஜா அங்கேயே சுருண்டு விழுந்தான்.பந்து no ball ஆக அறிவிக்கப்பட , ஜார்ஜ்ஜிற்கு ஒருமுறை warning ம் கொடுக்கப்பட்டது.