[Pallaki]

NICE UPDATE

Thankyou

[Pallaki]

Nice update

Thankyou

[Pallaki]

Superb story ji, keka

Thankyou ❤️

[Pallaki]

Nice update bro

Thankyou

[Pallaki]

4

రాత్రి అయ్యింది అందరూ పడుకున్నాక నేను లేచి ఇంటి నుంచి బైటికి వచ్చి చుట్టూ చూసాను ఎవ్వరు లేరు.

నవ్య : ఏంటి చూస్తున్నావ్

అర్జున్ : భయపడి చచ్చాను కదే, నువ్వు పడుకోలేదా 

నవ్య : బండి కీస్ నా దెగ్గరే ఉన్నాయి అన్నయ్యా.. ఇక ఇదా బ్యాగ్ కొన్ని అవసరం అయ్యేవి తెచ్చాను

అర్జున్ : నువ్వే నాకు లగ్గేజీ మళ్ళీ నీకొక లగేజ్ సరిపోయింది.

నవ్య : వెవ్వేవే..

అర్జున్ : వీటికేం తక్కువ లేదు పదా అని వెళ్లి చప్పుడు రాకుండా బండి తీసి ఎక్కాను.. చూస్తావేంటి నెట్టు 

నవ్య : నేనా ???

అర్జున్ : మరి వస్తా అన్నావ్ గా, వచ్చినందుకు ఏదో ఒక పని చెయ్యి 

నవ్య : నీ సంగతి తరవాత చెప్తా.. అని బండి ముందుకు తోసింది. కొంత దూరం వెళ్ళాక బండి స్టార్ట్ చేసాను నవ్య ఎక్కి కూర్చుంది.

అర్జున్ : ఇదిగో ఈ రింగ్ తీసుకో నువ్వు నాకు డైరెక్షన్ ఇస్తూ ఉండు స్పీడ్ గా వెళ్ళొచ్చేద్దాం.

నవ్య : చలో.. రైట్ రైట్..

ఇప్పటివరకు ఇలాంటి ఒక అడ్వెంచర్ చేసిందే లేదు అందులోనూ నా చెల్లితో, చుట్టూ చీకటి పేరుకే హైవే కానీ రవ్వంత వెలుగు కూడా లేదు. నాకే భయంగా ఉంది ఇక నా చెల్లెలి పరిస్థితి ఏంటో.. అది నాకోసమే వస్తుంది నాకేమైనా అవుతుందేమో అని భయపడుతుంది.. ఇన్ని రోజులు దీన్ని ఎంత ఏడిపించాను నాకే కొంచెం సిగ్గుగా అనిపించింది. నా చెల్లెలు కూడా నన్ను అంతే ఏడిపించేది అనుకోండి కానీ అవసరం వచ్చినప్పుడు నా వెంటే ఉంది కదా.. అయినా నాక్కూడా ఇదంతా రిస్క్ అనిపించింది, ఇప్పటికిప్పుడు ఎవరైనా మా బండి ఆపితే చేసేది ఏమి లేదు.. బండి వెనక్కి తిప్పుదాం అని ఆలోచిస్తుండగా

నవ్య : అన్నయ్యా ఇక్కడే హైవే దిగి చెట్ల మధ్యలోకి వెళ్లు ఇప్పుడే 

బండి చెట్ల మధ్యలోకి దింపాను, కొంత దూరం వెళ్ళాక దట్టమైన అడవి ప్రాంతం వచ్చింది. బండి అక్కడే ఆపేసి ఇద్దరం దిగి నడుచుకుంటూ వెళుతుంటే నవ్య తన బాగ్ లోనుంచి టార్చ్ లైట్ తీసింది.

అర్జున్ : ఇంటెలిజెంట్ ఫెల్లో

నవ్య : మరి నీ చెల్లిని కాబట్టి నీలానే ఉంటాననుకున్నావా అని ఎడమ చేతిలో ఉన్న రింగ్ డైరెక్షన్ బట్టి నడుస్తుంటే తన వెనకే నడుస్తున్నాను. 

కొంత సేపటికి రింగ్ లైట్ పెరుగుతుంది అంటే దెగ్గరికి వచ్చేసామన్నమాట. నవ్య నన్ను పిలిచి అటు చూడు అనగానే పక్కకి చూసాను ఎవరో ఆఫీసర్స్ ట్రైన్ క్రాష్ గురించి ఇన్స్పెక్షన్ చేస్తున్నారనుకుంటా మా వైపు తిరిగేలోపే నవ్వని పక్కకి లాగేసి టార్చ్ ఆపేసాను.

అర్జున్ : నవ్యా.. ఇక్కడే ఉండు, నాకు ఆ రింగ్ ఇవ్వు నేనెళ్ళి చూసొస్తాను 

నవ్య : జాగ్రత్త అంటూనే నా చేతికి రింగ్ ఇచ్చింది 

రింగ్ డైరెక్షన్ చూస్తూ చెట్ల వెనకాల దాక్కుంటూ ఎవ్వరి కంటా పడకుండా వెళుతుంటే చివరికి ఒక పొద దెగ్గరికి వచ్చేసరికి రింగ్ ఆగకుండా వెలుగుతూనే ఉంది అంటే దెగ్గరికి వచ్చేసాను. నాకు పన్నెండు అడుగుల దూరంలో ట్రైన్ పట్టాలు క్రాష్ ఐన ట్రైన్ ఇంజిన్ ఉన్నాయి.. ఈ వెలుగు ఎవరికైనా కనిపిస్తే ఇక అంతే కానీ దీన్ని ఎలా ఆపాలో అర్ధం కాలేదు అప్పుడే నా కాలికి ఏదో తగిలి కిందకి చూసాను మట్టిలో చిన్న లైట్ వెలుగుతుంటే.. అటు ఇటు చూసి ఎవ్వరికి కనిపించకుండా కిందకి వంగి మట్టి కొంచెం తవ్వితే అప్పుడు బైట పడింది... అదొక వాచ్.. ఏదో సింథటిక్ రబ్బర్ లాంటి బెల్ట్ మధ్యలో అర్ధం కానీ వెలుగులతో గడియారం మెషిన్ రింగ్ లైట్ పసుపు రంగులో అందరికి కనిపించేంత వెలుగుతుండేసరికి ఏం చెయ్యాలో తెలియక గబగబా రింగ్ ని వాచ్ మీద పెట్టి నొక్కాను అంతే పెద్ద వెలుగు ఒకటి వచ్చింది ఆ తరువాత ఎం జరుగుతుందో నాకు అర్ధం కాలేదు ఎవరో నా చెయ్యిని గట్టిగా పట్టేసినట్టు అనిపించింది.

ఒక్కసారిగా నా పుట్టుక నుంచి అమ్మ దెగ్గర మొదటిసారి తాగిన పాల రుచి, నా బారసాల, నాన్నకి ఇచ్చిన ముద్దులు, చెల్లి పుట్టడం తనని ఏడిపించడం, మొదటి సారి కాలేజ్ కి వెళ్లడం, మొదటిసారి ఒక అమ్మాయిని చూడటం నుంచి కాలేజీ ఎగ్జామ్స్ లో చీటీ పెట్టి సర్ కి దొరికిపోవడం వరకు ప్రతీ ఒక్కటి నా కళ్ళ ముందు తిరిగుతున్నాయి,  కళ్ళు తిరిగుతున్నాయి.. పడిపోయాను.

±    ±    ±

±  ±  ±

± ± ±

±

ఎవరో మొహం మీద నీళ్లు కొడితే లేచాను. చూస్తే ఇక్కడే ఆఫీసర్స్ కోసం ఏర్పాటు చేసిన ఆఫీస్ రూంలో ఉన్నానని అర్ధం అయ్యింది. లేచి నిల్చున్నాను. సర్ ఈ అబ్బాయికి స్పృహ వచ్చింది అని ఒకతను కేక వెయ్యగానే ఎవరో ఒకతను లోపలి వచ్చి నన్ను చూసి ఇందాక పిలిచినాయనని బైటికి వెళ్ళమన్నాడు.

ఎవరు నువ్వు ఇక్కడ ఏం చేస్తున్నావ్ 

అర్జున్ : సర్ అది నేను మా అన్నయ్య ట్రైన్ ఆక్సిడెంట్ అయిన తరువాత ట్రైన్ ఆగకముందే మా అన్నయ్య బైటికి దూకేసాడు నేను కూడా దూకాను కానీ అన్నయ్య కనిపించలేదు నేను వెతుకుతూ ఉండేసరికి అడవిలో దారి తప్పిపోయాను తిరుగుతూ తిరుగుతూ మళ్ళీ ఇక్కడికే వచ్చి ఈ లైట్స్ వెలగడం గమనించి వెతుక్కుంటూ వచ్చాను అని కొంచెం భయంగా చెప్పింది నమ్ముతాడా లేదా అన్న అనుమానంతోనే వణుకుతూ చెప్పాను ఎందుకంటే వీళ్ళ ద్వారా మ్యాటర్ ఇంట్లో వాళ్ళకి తెలిసిందంటే నా చాప్టర్ క్లోజ్.. అస్సలుకే చెల్లిని కూడా తీసుకొచ్చాను.

రేయి ఇంత ఎత్తున్నావ్ నువ్వెలా తప్పిపోయావ్ రా అని నవ్వాడు, నేనేం మాట్లాడలేదు మౌనంగా ఉన్నాను. సరే సరే మీ పేరెంట్స్ నెంబర్ చెప్పు వాళ్ళకి ఫోన్ చేస్తాను అన్నాడు. ఆమ్మో ఇంకేమైనా ఉందా.. వెంటనే పని చెయ్యని మా తాత పాత నెంబర్ చెప్పాను.

నీ చేతికున్న వాచ్ బాగుంది ఎక్కడ కొన్నావ్ ??

అర్జున్ : చెయ్యి చూసుకున్నాను ఆ వాచి నా చేతికి ఉంది. ఇదెలా నా చేతికి వచ్చిందబ్బా అని ఆలోచిస్తూనే, ఇది మా అమ్మమ్మ గారింటి దెగ్గర జాతరలో కొన్నాను అని ఏదో నోటికి వచ్చింది చెప్పాను.

టైం చూపించట్లేదే 

అర్జున్ : ఉత్తిదే ఆట బొమ్మ ఊరికే కొన్నాను 

ఆయన నన్ను చూసి నవ్వుతూ నా పేరెంట్స్ కి ఫోన్ చెయ్యడానికి లోపలికి వెళ్ళగానే లేచి అటు ఇటు చూసాను ఎవ్వరు లేరు అందరూ పనిలో ఉన్నారు ఇదే రైట్ టైం అని ఒక్క అడుగులో బైటికి పరిగెత్తి ఎవరో పిలుస్తున్నా వినకుండా పట్టాలు దాటి చెట్టు వెనక దాక్కున్నాను

అర్జున్ : నవ్యా.. నువ్వెందుకు వచ్చావ్ ఇక్కడికి 

నవ్య : ఎంత భయం వేసిందో తెలుసా.. నీకేమైనా అయితే అని ఏడ్చేసింది 

అర్జున్ : వాళ్ళు చూడకముందే ఇక్కడ నుంచి వెళ్ళిపోవాలి అని నవ్య చెయ్యి పట్టుకుని బండి దెగ్గరికి పరిగెత్తాను, ఇద్దరం బండి ఎక్కి కిక్ కొట్టి గట్టిగా లాగితే గంటన్నరలో మళ్ళి ఇంటి దెగ్గర బండి ఆపి నెట్టుకుంటూ లోపల పెట్టేసి ఇంట్లోకెళ్ళి ఇద్దరం మంచం మీద పడుకుని దుప్పటి కప్పుకునేవరకు మా ఇద్దరి గుండె చప్పుడి వేగం తగ్గలేదు. గోడకున్న గడియారం చూస్తే నాలుగున్నర అవుతుంది, ఇంకో అరగంటలో నానమ్మ లేచి కళ్ళాప జల్లుతుంది. నా టైం బాగుంది అని ఊపిరి పీల్చుకుని పక్కనే ఉన్న నవ్య చెయ్యి పట్టుకున్నాను.. నన్ను చూసింది 

అర్జున్ : పడుకో ఎలాగో ఇంకో గంటలో లేపుతారు అని మాట్లాడేసరికి, నన్ను చూసి అటు తిరిగి పడుకుంది, నేనూ కళ్ళు మూసుకున్నాను

[Pallaki]

50 days tharuvatha oka update ichharu...

thankyou tammu garu 
ee saari thakkuva vyavadhi lone update isthaanu

[Pallaki]

Nice update bro

thanks bro

[Pallaki]

Nice update

thank you 

[Pallaki]

Nice super

thanks kishore garu

[Pallaki]

Takulsajal garu! Sorry. I don't think this story is up to your level. Story is just a generic rescue act with sex..without background..For example the next story has sensitivity/concept to it...

its a series of stories captain
like.... yeah, short films 

thankyou

[Pallaki]

Takulsajal garu! I thought in Sankellu story, hero Chinna is also from IIT...Did you study at IIT? (I started reading this story now only).

yes

Takulsajal garu! Nice Story and concept..(like a movie).. clp); clp); clp);

Very good story, Takulsajal garu!!!.
clp); clp); clp);

thankyou very much captain...

[Pallaki]

5

అమ్మ కేకలకి మెలుకువ వచ్చింది, పక్కన చూస్తే నవ్య కూడా ఇంకా పడుకునే ఉంది. చిన్నప్పుడెప్పుడో చెల్లి నా పక్కన పడుకున్నట్టు గుర్తు మళ్ళీ ఈరోజే.. అన్నింటిలో నాకంటే ముందు ఉండాలని ప్రయత్నిస్తుంది ముందే ఉంటుంది కూడా.. పిలిచాను పలకలేదు వెంటనే నుదిటి మీద ముద్దు పెట్టుకున్నాను.

నవ్య లేచే ఉన్నాన్రా అని నవ్వింది, లేవబోతే నా కాలర్ పట్టుకుంది, ఇంకా కళ్ళు తెరవలేదు. నవ్వుతూ నిజంగా ప్రేమేనా అంది.. నేనేం మాట్లాడలేదు.. నవ్వి నా కాలర్ వదిలేసింది.. ఈ సారి బుగ్గ మీద ముద్దు పెట్టి లవ్ యు అని చెప్పాను. నవ్వింది. లేచి బైటికి వచ్చాను అమ్మ ఇంకా అరుస్తూనే ఉంది.

అర్జున్ : ఎందుకే అరుస్తున్నావ్ అలాగా

సుభద్ర : మరీ నువ్వు లేవట్లేదు, నీ చెల్లి లేవట్లేదు.. ఇక్కడికి వచ్చాక పద్ధతులు మారుతున్నాయి ఏదో సెలవులు కదా అని వదిలేస్తున్నా.. ఇంటికెళ్ళాక చెపుతా మీ సంగతి.

రవి : ఆ.. అమ్మా కొడుకులిద్దరు మొదలుపెట్టారా సుప్రభాతం, ఒరేయి చెల్లిని లేపు అందరం మన పొలాలని చూడ్డానికి వెళుతున్నాం.

అర్జున్ : పొలాల్లో ఏముంది నాన్నా చూడ్డానికి.. కాలు పెడితే బురద, అంటుకుంటే దురద

సుభద్ర : సరిపోయింది.. అంతే అవ్వాలి మీకు.. నాది సుప్రభాతం అన్నారుగా.. మీరే వేగండి వాడితో

రవి : ఇదొకటి నా ప్రాణానికి.. రేయి నువ్వు నా బుర్ర తినకుండా చెప్పింది చెయ్యి చాలు.. ముందు చెల్లిని లేపి, ఆ తరవాత క్యాన్ లో నీళ్లు నింపు.

అర్జున్ : సరే..

రవి : రేయి చేతికి ఆ వాచి ఏంటి ?

అర్జున్ : లైట్ వాచ్ నాన్నా.. ట్రైన్ లో కనిపిస్తే కొన్నాలే

రవి : ఎప్పుడు వెలుగుతూనే ఉంటుందా అది

అర్జున్ : అందుకే లైట్ వాచ్ అని పేరేట్టారు దానికి

రవి : ఎవరినిడిగి కొన్నావ్

అర్జున్ : అమ్మేవాడిని అడిగీ..

రవి : ఈ సెటైర్లకేం తక్కువ లేదు, బాటరీలకి డబ్బులడుగుతే బెల్ట్ తెగిపోద్ది

అందరూ రెడీ అయ్యి బైటికి వచ్చి ఇంటి తాళం వేశారు

నవ్య : ఎక్కడికిరా నాకు నిద్రొస్తుంది అని చెయ్యి గోక్కుంది

అర్జున్ : అక్కడికి వెళ్ళాక పడుకుందులేవే కొంచెం ఓర్చుకో

రవి : ఆ.. ఇంక పదండి

అర్జున్ : పదండి అంటే ఆటోనొ ఎడ్లబండినొ దేన్నో ఒకదాన్ని పిలుచుకురండి

రవి : దిగోచ్చాడండి దేవుడు.. అయ్యగారికి ఫ్లైట్ బుక్ చెయ్యండి.. ఎదవన్నర ఎదవ

తాతయ్య : పోనీలేరా

రవి : నీకు తెలీదు నాన్నా.. రేయి క్యాన్ లో నీళ్లు నింపన్నా నింపావా

అర్జున్ : ఆ నింపాను

సుభద్ర : ఏ నీళ్లు

నానమ్మ నవ్వుకుంటుంది..

అర్జున్ : టాప్ నీళ్లు.. నాన్న చెప్పింది మాత్రమే చెయ్యమన్నారు అదే చేసాను.. ఆయన ఏ నీళ్ళని క్లారిటీగా చెప్పలేదు.

రవి : ఆ బెల్ట్ అందుకో జానకి.. ఈరోజు వీడికుందీ

సుభద్ర : ఏమండి నా పేరు సుభద్ర.. ఎవరినో తలుచుకుంటున్నారు మీరు

రవి : అమ్మ బాబోయ్.. నేను కృష్ణం రాజు డైలాగ్ అన్నానే

సుభద్ర : ఏమో ఎవరికి తెలుసు

రవి : రేయి ఇదంతా నీ వల్లే

అర్జున్ : మీ ప్రేమానుబంధాలు సీరియల్ ఎపిసోడ్ అయిపోతే పోదాం ఇంక.. మరీ అంత ఎదవని కాదు.. మంచినీళ్ళే నింపాను.

అందరూ ముచ్చట్లు పెట్టుకుంటూ వెళ్లి చుట్టూ పక్కల పొలాలు చూస్తూ అవి ఎవరివో.. ఏ కాలంలో ఏ పంటలు వేస్తారో చెపుతుంటే నేను నవ్య ఊ కొడుతున్నాం.

అర్జున్ : తాతయ్య డౌటు

తాతయ్య : అడుగు

రవి : నాన్నా వాడి డౌట్లు నువ్వు తీర్చలేవు

అర్జున్ : కరీనా సీజన్లో వేసే పంటలు ఏంటి

నవ్య, సుభద్ర, నానమ్మ పగలబడి నవ్వుతుంటే రవి కోపంగా చూసాడు

అర్జున్ : ఏంటి.. ఇప్పుడు నేను తప్పుగా ఏమన్నాను

రవి : దరిద్రుడా అది కరీనా, కత్రినా కాదు.. ఖరీఫ్ సీజన్.. కనీసం మన పుస్తకాలైనా చదివితే తెలుస్తాయి..

తాతయ్య : ఖరీఫ్ లో పత్తి, వరి, పల్లీలు మొదలయినవి వేస్తారు అర్జున్.. ఇక రబీలో గోధుమ, బార్లె, చెరుకు అలాంటివి వేస్తారు

అర్జున్ : తాతయ్య గంజాయి ఎప్పుడు పండిస్తారు

రవి : చెత్తనా కొడకా

తాతయ్య : నవ్వుతూ ఫిబ్రవరి మార్చిలో మొదలు పెడతారు.. కాకపోతే దొంగతనంగానే కదా పుల్లయ్యలకి దొరకకపోతే పండగే

ఇంతలో అందరం మా పొలం దెగ్గరికి వచ్చేసాం అంతా తిరుగుతూ తెలిసిన వాళ్ళతో ముచ్చట్లు పెడుతుంటే అమ్మ బావి పక్కన చెట్టు కింద సాప వేసింది.. నవ్య వెంటనే నిద్ర పోయింది నేను ఈ వాచ్ సంగతేంటో చూద్దామని చిన్నగా పొలంలోకీ దూరి దిష్టి బొమ్మ కింద కూర్చుని చేతికున్న వాచ్ చూసాను

[Pallaki]

6

వాచ్ కింద చిన్న బటన్ ఒకటి ఉంది అది నొక్కగానే నేను ఫిట్ చేసిన రింగ్ పైకి వచ్చింది, పెద్దగా ఏమి రాసిలేదు రింగుని తిప్పాను ఏదో మోడ్స్ అనుకుంటా చూస్తుంటే అలానే ఉన్నాయి. మొత్తం మూడు ఉన్నాయి సరదాగా ఎలా ఉంటుందో అని మొదటి దాని మీద పెట్టి రింగ్ కిందకి ఒత్తాను.. ఏమైంది.. ఏం కాలేదు. లైట్ వచ్చి ఆగిపోయింది.

చిరాకు పుట్టి లేచి అమ్మ వాళ్ళ దెగ్గరికి వెళ్లాను. అమ్మని చూడగానే బుర్ర తిరిగిపోయింది.. నోట్లో స్పూన్ పెట్టుకుని తింటూ ఆగిపోయింది.. పక్కనే చెల్లి పడుకుని ఉంది. పక్కకి తిరిగి చూస్తే నాన్న తాతయ్య భుజం మీద చెయ్యి వేసి అలానే ఉన్నాడు, తాతయ్య నవ్వు అన్ని ఆగిపోయాయి ఒక్కసారి అస్సలు ఏమి అర్ధం కాలేదు, వాచ్ వంక చూసాను అందులో ఏదో బ్లింక్ అవుతుంది, చూస్తుంటే టైమర్ నడుస్తున్నట్టుంది. ఆ టైమర్ ఎంతసేపు ఉంటుందో అర్ధంకాలేదు, దీన్ని మాములుగా ఎలా చెయ్యాలో తెలీదు, వాచ్ రింగ్ అటు ఇటు తిప్పుతూ ఇష్టం వచ్చినట్టు గుద్దుతున్నాను, టెన్షన్ కి నా నుదిటి మీద నుంచి కారుతున్న చెమట నా చెవుల్లోకి దూరుతుంది. భయపడిపోయాను వాచ్ తీసి పారేయ్యాలనిపించింది గట్టిగా లాగి చూస్తే రాలేదు.. కింద గడ్డిలో దొల్లుతూనే తల పట్టుకుని కళ్ళు మూసుకున్నాను. ఇలా ఎంతసేపో తెలీదు ఒక్కో సెకను ఒక్కో గంటలా తోచింది.. ఏదేదో ఆలోచనలు.. ఏడుపు వస్తుంది.. ఇంతలో అరుపు

రవి : రేయి.. ఎక్కడ చచ్చావ్

నాన్న గొంతు వినగానే నా గుండె కొట్టుకోవడం నాకు వినిపించింది.. పరిగెత్తుకుంటూ ఆయన ముందుకు వెళ్లాను.

రవి : అందరకి పెడుతుంటే నువ్వు తినకుండా ఎక్కడికి వెళ్ళావ్.. ఏబ్రాసి

నాన్న తిట్లు వినగానే నా టెన్షన్ తగ్గి నా మోహంలోకి నవ్వొచ్చింది.. వెంటనే ఉచ్చోసుకోవడానికి వెళ్ళాను నాన్నా.. ఈ సారి చెప్పి వెళతాలే అని కూర్చుని సైలెంట్ గా మెక్కడం మొదలెట్టాను.. హమ్మయ్య అనుకున్నాను మనసులో

సుభద్ర : ఇంకొంచెం వెయ్యనా

రవి : ఎందుకు క్యాన్ మొత్తం వాడికే ఇచ్చేయి, ఇప్పటికే దున్నపోతులా మేపుతున్నావ్.. ఇక వాడిని ఆంబోతులా తయారుచేసే పనిలో పడ్డావ్

తాతయ్య : పోనీ లేరా

సుభద్ర : ఎందుకండీ నా కొడుకుని చూసి ఎప్పుడూ ఏడుస్తారు.. సగం మీ దిష్టి తగిలే బక్కగా అయిపోతున్నాడు నా బిడ్డ

రవి : ఆ.. ఆ.. మహాతల్లి.. నిన్ను నీ కొడుకుని నేనేం అనలేదు.. నన్ను వదిలేయ్యమ్మా అన్నపూర్ణమ్మా..

దానికి సుభద్ర మూతిని అష్టవంకర్లు తిప్పి మొగుడిని కోపంగా చూసింది.. రవి వదిలేయ్యవే అని దణ్ణం పెట్టగా నవ్వుకుంది.. ఇద్దరు నవ్వుకున్నారు.. అక్కడున్న ఎవ్వరు గమనించలేదు వీళ్ళ నవ్వులు.

నాకు మాత్రం అమ్మా నాన్న మాటలు వినిపించడం లేదు వాచ్ మొదటి ఆప్షన్ సెలెక్ట్ చెయ్యగానే కొంతసేపు అంతా స్థంభించిపోయింది.. నాకు మళ్ళీ చూడాలని ఉంది.. వెంటనే తింటున్న ప్లేట్ పక్కన పెట్టేసి నాన్న చేతిలో ఫోన్ అందుకున్నాను..

రవి : ఎప్పుడు ఫోనేనా.. అని అరుస్తుండగానే వాచ్ మీద నొక్కడం, నాన్న ఫోన్లో టైమర్ మీద నొక్కడం ఒకేసారి జరిగాయి. మళ్ళీ అంతా ఆగిపోయింది.. నాన్న తన ఫోన్ లాక్కోవడానికి చెయ్యి ముందుకు చాపాడు.. అమ్మ అన్నం తింటూ నోరు తెరుచుకుని ఉంది.. నానమ్మ పల్లీలు నోట్లో వేసుకుంటుంటే రెండు గాల్లోనే ఆగిపోయి ఉన్నాయి.. సరిగ్గా టైమర్ చూస్తూ కూర్చున్నాను.. ఐదున్నర నిమిషాలకి మళ్ళీ మామూలు అయిపోయింది.. నాన్న ఎప్పుడు ఫోనేనా అన్న తరవాత నుంచి నా చేతిలో ఫోన్ లాక్కుంటూ ఫోన్ మీద చెయ్యి పడితే చేతులు విరిచేస్తా ఏమనుకున్నావో అంటూ విసురుగా లాక్కున్నాడు.

ఒకటి అయితే తెలిసింది ఆనుకుని ప్లేట్లో ఉన్న పులిహోర చకచకా తినేసాను.. అందరూ ఎప్పటివో ఊరి పాత ముచ్చట్లు మాట్లాడుకుంటున్నారు.. ఇక రెండో ఆప్షన్ చూడాలి.. ఆత్రుత ఆగలేదు వెంటనే బటన్ మీద నొక్కి రింగుని రెండు సార్లు తిప్పి నొక్కాను. ఈ సారి ఉచ్చ పడింది నాకు.. నా ప్లేట్లో నేను తిన్న పులిహార అలానే ఉంది.

రవి : అందరకి పెడుతుంటే నువ్వు తినకుండా ఎక్కడికి వెళ్ళావ్.. ఏబ్రాసి

నాన్న అదే తిట్టు మళ్ళీ తిట్టేసరికి ఆశ్చర్యం వేసి మౌనంగా ఉన్నాను, ప్లేట్లో పెట్టింది తింటుంటే అమ్మ అడిగిందే మళ్ళీ అడిగింది..

సుభద్ర : ఇంకొంచెం వెయ్యనా

రవి : ఎందుకు క్యాన్ మొత్తం వాడికే ఇచ్చేయి, ఇప్పటికే దున్నపోతులా మేపుతున్నావ్.. ఇక వాడిని ఆంబోతులా తయారుచేసే పనిలో పడ్డావ్

తాతయ్య : పోనీ లేరా

సుభద్ర : ఎందుకండీ నా కొడుకుని చూసి ఎప్పుడూ ఏడుస్తారు.. సగం మీ దిష్టి తగిలే బక్కగా అయిపోతున్నాడు నా బిడ్డ

రవి : ఆ.. ఆ.. మహాతల్లి.. నిన్ను నీ కొడుకుని నేనేం అనలేదు.. నన్ను వదిలేయ్యమ్మా అన్నపూర్ణమ్మా..

అమ్మా నాన్న సైగ చేసుకుని ముసిముసి నవ్వులు నవ్వుతుంటే సిగ్గేసింది.. ఇంతలో నాన్న నా వంక కోపంగా చూసేసరికి మొత్తం తిని చూసాను నాన్న ఫోన్ నా చేతిలో లేదు.. తీసుకుంటుంటే.. ఎప్పుడు ఫోనేనా.. ఫోన్ మీద చెయ్యి పడితే చేతులు విరిచేస్తా ఏమనుకున్నావో అంటూ విసురుగా మళ్ళీ లాక్కున్నాడు. ఇప్పుడు పూర్తిగా అర్ధం అయ్యింది, రెండో ఆప్షన్ కాలాన్ని వెనక్కి తీసుకెళుతుంది.. ఈ సారి తాతయ్య గడియారం తీసుకున్నాను.. ఇందాక ఊరి గురించి మాట్లాడిందే మళ్ళీ మాట్లాడుకుంటున్నారు.. మళ్ళీ రెండో ఆప్షన్ మీద నొక్కాను.. మళ్ళీ సేమ్.. ప్లేట్లో పులిహార అలానే ఉంది.

రవి : అందరకి పెడుతుంటే నువ్వు తినకుండా ఎక్కడికి వెళ్ళావ్.. ఏబ్రాసి
.
.
.
.


రెండో ఆప్షన్ కి ఎంత టైం పడుతుందో తెల్చడానికి నాకు చాలా గంటలు పట్టింది.. ఆ ఆప్షన్ నన్ను ఇరవై రెండు నిమిషాలు వెనక్కి తీసుకెళుతుంది.. ఇవ్వాల్టికి చాలనిపించింది.. మళ్ళీ వాచ్ ని ముట్టుకోలేదు.. జరిగిందంతా మర్చిపోవడానికి ఏం జరగలేదు అన్నట్టు నటించడానికి మొదటి ఆప్షన్ వాడుకుని కొంతసేపు నాకు నేనే సర్దిచెప్పుకుని ఆపై అందరితో సరదాగా గడిపి ఇంటికి వచ్చేసాను.

[Pallaki]

Nice update bro

Thankyou very much bro

Nice update bro

Thankyou very much bro

Please continue without breaks

Thankyou very much
i will try

Good update

Thankyou very much ghost garu

అప్డేట్ చాల బాగుంది మిత్రమా

Thankyou mitrama...

[Pallaki]

Superb ji

Thankyou ji

[Pallaki]

Vikramaditya eppudu update istav takul bro

ఇస్తాను

[Pallaki]

7

ఇంటికెళ్లి ఏం మాట్లాడకుండా పడుకున్నాను, నా చెల్లి నవ్య నన్ను గమనిస్తూనే ఉంది చూస్తున్నాను, రాత్రి పడుకోబోయేముందు ఏదో అడగబోయింది మళ్ళీ ఏమనుకుందో ఏమో మెలకుండా అటు తిరిగి పడుకుంది, నేనూ కళ్ళు మూసుకుని పడుకున్నాను.

పొద్దున లేచేసరికి చెల్లి నన్నే చూస్తుంటే లేచి మొహం కడుక్కుని కిచెన్ లోకి వెళ్లి అమ్మని వాటేసుకున్నాను. అమ్మతో మాట్లాడుతుంటే వచ్చి మా ఇద్దరికీ ఎదురుగా నిలుచుని మా మాటలు వింటుంది. ఒకసారి దాన్ని చూసి అమ్మ చేతిలో ఉన్న దోశ ప్లేట్ తీసుకుని హాల్లో సోఫా మీద కూర్చుని టీవీ పెట్టాను. నవ్య కూడా ప్లేట్ తో వచ్చి నా పక్కన కూర్చుంది, నన్నే చూస్తుంది.

అర్జున్ : ఏంటే నీ బాధా.. రాత్రి నుంచి భయపెడుతున్నావ్

నవ్య : కదా.. నీకు తెలుస్తుంది కదా.. మరి ఏం చెప్పట్లేదు నువ్వు

అర్జున్ : ఏం చెప్పాలి

నవ్య : చెప్పడానికి ఏం లేదా.. సరే అయితే అని లేచింది

అర్జున్ : నవ్యా..

నవ్య : నాకు భయంగా ఉంది, ఆ వాచ్ నీ చేతికి ఉండటం నాకు నచ్చలేదు. నీకెదైనా జరిగితే మేము భరించలేము.. నీకెందుకు అర్ధంకావట్లేదు నా బాధ.

అర్జున్ : నేను ట్రై చేసాను.. అది రావట్లేదు. ఏం చెయ్యాలో నువ్వే చెప్పు.. నిన్న నువ్వు కూడా లాగి చూసావ్.. వచ్చిందా

నవ్య : ఏమోరా.. ఏం జరిగినా నాకు చెప్పు, నాకు తెలుసు నువ్వు హ్యాండిల్ చేసుకోగలవని కానీ..

అర్జున్ : ఏం జరిగినా చెప్తాను, సరేనా.. ముందు తిను నీకొకటి చూపించాలి అనగానే నవ్య వేగంగా తింటుంటే నేనూ తినేసాను. ప్లేట్స్ సింక్ లో పడేసి వచ్చి కూర్చుంది.

వాచ్ తిప్పుతుంటే వంగి చూస్తుంది, తన చెయ్యి పట్టుకుని వాచ్ గురించి చెపుతూ మొదటి దాని మీద నొక్కాను.

నవ్య : ఏమైంది.. ఏం కాలేదుగా

అర్జున్ : ఎస్ ఎస్.. అనుకున్నాను

నవ్య : ఏమనుకున్నావ్

అర్జున్ : వాచ్ మీద నొక్కెటప్పుడు నీ చెయ్యి పట్టుకున్నాను, అనుకున్నట్టే ఇప్పుడు నువ్వు కూడా నాతో పాటు టైం స్టాప్ లో ఉన్నావ్.

నవ్య : అంటే..

అర్జున్ : చూపిస్తా పదా అని చెల్లి చెయ్యి పట్టుకుని వంటింట్లోకి తీసుకెళ్ళాను. అమ్మ చెపాతీ తిప్పుతూ అలానే అయిపోయింది.. నవ్యా.. అటు చూడు

నవ్య : ఆ.. అమ్మ.. అందులో ఏముంది

అర్జున్ : అమ్మ కదలట్లేదు చూడు..

నవ్య తన అమ్మను చూస్తూ దెగ్గరికి వెళ్లి కదిలించి చూసింది ఆశ్చర్యంగా, చపాతీ ఎంత సేపు పెనం మీద ఉన్నా మాడట్లేదు.. వెంటనే లోపలికి వెళ్లి నాన్నని నానమ్మ వాళ్ళని చూసి నా దెగ్గరికి పరిగెత్తుకుంటూ వచ్చింది.

అర్జున్ : ఇప్పుడు నమ్ముతావా

నవ్య : ఏం వాచ్ రా అదీ..

అర్జున్ : ఇది వాచ్ కాదు, టైం స్టాప్పర్.. ఉండు మాములుగా చేస్తాను అని వాచ్ బటన్ మీద నొక్కాను.. టైం స్టాప్ ఆగిపోయింది. లోపల నుంచి అమ్మ అరుపు విని నవ్య నా వైపు నవ్వి లోపలికి వెళ్ళిపోయి కొంచెంసేపు ఆగి వచ్చింది.

నవ్య : ఇంకా ఏమేమి ఉన్నాయి దాంట్లో

అర్జున్ : రెండో ఆప్షన్ గురించి చెప్పాను, వాచ్ లో ఏమేమి చూసానో ఏమేమి తెలుసో అన్ని తనకి నేర్పించాను.

నవ్య : ఆ మూడోది ఏంటి మరి

అర్జున్ : ఏమోనే.. అదే అర్ధం కావట్లేదు, దాని మీద నొక్కితే అందులో మళ్ళీ చాలా ఆప్షన్స్ వస్తున్నాయి.. అది ఏ లాంగ్వేజో కూడా అర్ధం కావట్లేదు. ఇదే మూడో ఆప్షన్

నవ్య నా చెయ్యి తీసుకుని మూడో ఆప్షన్ కి వెళ్లి రింగుని ఎడమ వైపుకి తిప్పి తిప్పి అటు ఇటు చూసి విసుగెత్తిపోయి చూసుకోకుండా ఒక్కసారిగా రింగు మీద నొక్కేసింది.. ఒక్క క్షణంలో అంతా మారిపోయింది. మేము ఎక్కడున్నామో కూడా మాకు తెలీదు.. మా ఎదురుగా ఆపరేషన్ జరుగుతుంది. డాక్టర్స్ ఆపరేషన్ చేస్తున్నారు. చుట్టూ చూస్తే అర్ధమయ్యింది ఇది హాస్పిటల్ అని.

నవ్య : అన్నయ్యా అది అమ్మ అని ముందుకు వెళ్ళబోయింది.. వాళ్ళు చూస్తారేమో అని చెల్లిని ఆపేసాను. ఇద్దరం చూస్తున్నాం వాళ్ల మాటలు బట్టి తెలుస్తుంది కవలలు అని, అమ్మ స్పృహలో లేదు. ముందు ఆడ పిల్లని బైటికి తీశారు తను ఏడవట్లేదు ఇవన్నీ చూస్తుండగానే మాకు అర్ధమయ్యింది మేము ఏ కాలంలో ఉన్నామో వార్డ్ చివర గోడకున్న క్యాలెండర్ చూసాను తేదీ కనిపిస్తుంది అది మా పుట్టినరోజు.

నేను నా చెల్లి ఇద్దరం ఒకరి చేతిని ఒకరం పట్టుకుని నవ్వుకుంటూ చూస్తున్నాం. మా పుట్టుక మేమే చూస్తున్నాం. కొంచెంసేపటికి ఆడపిల్లని బైటికి తీశారు.. చెల్లి నా వంక చెప్పానా నేనే పెద్దదాన్ని అని నవ్వుతూ చూసింది. ఇంతలో అక్కడున్న డాక్టర్స్ కంగారుపడుతుంటే అటు చూసాం. పుట్టిన పిల్లలో చలనం లేదు డాక్టర్ నోట్లో నోరు పెట్టి ఊదుతూ గుండె మీద వేలితో నొక్కుతూ ప్రయత్నిస్తుంటే చెల్లి చెయ్యి గట్టిగా పట్టుకున్నాను.

నవ్య : నేను బతక్కపోతే ఇప్పుడు ఇలా నీతో ఎందుకు ఉంటానురా.. భయపడకు

ఎంతసేపు చూస్తున్నా ఆ పసిబిడ్డలో చలనం లేదు, ఇంతలో మానిటర్ వేగంగా మొగుతుంటే డాక్టర్ ఆ బిడ్డని వేరే నర్స్ కి ఇచ్చేసి ఇంకో బిడ్డని బైటికి తీసింది అది మగ బిడ్డ అంటే నేను.. డాక్టర్ పక్కనే ఉన్న ఆడబిడ్డని బాధగా చూస్తూ మగ బిడ్డను నర్స్ కి ఇచ్చి ఇంకో బిడ్డ చనిపోయిందని కన్ఫర్మ్ చేస్తుంటే నా వల్ల కాలేదు, చెల్లి వంక చూసాను అయోమయంగా చూస్తుంది.. వెంటనే చెల్లి చెయ్యి వదిలేసి ఒక్క ఉదుటున వెళ్లి నర్స్ చేతిలోనుంచి రక్తపు ముద్దలా ఉన్న నా చెల్లిని తీసుకుని తన గుండె మీద చెయ్యి వేశాను.

ఓ వైపు మగబిడ్డ ఏడుపు వినిపిస్తుంది.. అందరూ నన్ను చూసి అరుస్తున్నారు.. సెక్యూరిటీ సెక్యూరిటీ అని అరుస్తున్నా నాకవేమి వినిపించడంలేదు.. నా గుండె చప్పుడు నాకు వినిపిస్తుంది, నా గుండె కొట్టుకుంటుంటే దానికి తగ్గట్టే బిడ్డ గుండె మీద బొటన వేలితో నొక్కుతూ నా గాలిని బిడ్డ నోట్లో వదిలాను ప్రశాంతంగా.. ప్రేమగా.. ఒక్కసారి చిన్న దగ్గు వినిపించింది.. తల ఎత్తి చూసాను ఆపకుండా ఏడుస్తుంది నా చెల్లి..

బిడ్డ ఏడుపు వినగానే అక్కడున్నవాళ్ళు అరవడం ఆపేసారు.. డాక్టర్ నా చేతుల్లోనుంచి బిడ్డని తీసుకుంది. ఇవ్వటానికి నా మనసు ఒప్పుకోవట్లేదు.. వెంటనే పక్కనే నా ఎత్తు ఉన్న చెల్లిని చూడగానే అంతా గుర్తొచ్చి వెంటనే బిడ్డని డాక్టర్ కి ఇచ్చేసి చెల్లి దెగ్గరికి వెళ్లి తన చెయ్యి పట్టుకుని వాచ్ చూసాను. బటన్ నొక్కగానే ఒక్క క్షణంలో మళ్ళీ మా ఇంట్లో సోఫాలో ఉన్నాం.

చెల్లి వంక చూసాను, వెంటనే నన్ను వాటేసుకుని ఆపకుండా ముద్దులు పెడుతుంటే ఆపి తన మొహాన్ని చూసాను, ఇందాక నా చేతుల్లో ఉన్న పసిబిడ్డే కనిపించింది. నుదిటి మీద ముద్దు పెట్టి గట్టిగా వాటేసుకున్నాను. చెల్లి కూడా..

ఇంతలో ఏవో కింద పడ్డ శబ్దాలు, ఇద్దరం తల తిప్పి చూసాం.. అమ్మ మమ్మల్నే ఆశ్చర్యంగా చూస్తుంది. తన చేతిలో ఉన్న చపాతీల ప్లేట్ కింద పడింది.

[Pallaki]

8

సుభద్ర : అర్జున్.. నవ్యా.. ఏమైంది నాన్న.. అంటూ వెళ్లి ఇద్దరి తలలు పట్టుకుని తన నడుముకి అటుఇటు ఆనించి భయపడుతూ అడిగింది.


అర్జున్ : ఏం లేదు మా.. ఎందుకంత కంగారు

సుభద్ర : మరి.. ఎప్పుడు చిర్రుబుర్రులాడే మీరిద్దరూ అలా ముద్దులు పెట్టుకుంటుంటే ఏమైందోనని కంగారుపడ్డాను. ఇంతకీ ఏం జరిగింది.

నవ్య : అన్నయ్యకి నా మీద ప్రేమోచ్చిందే.. ఇద్దరం కలిసిపోయాం.. ఇక నువ్వు చీటికిమాటికీ మా మీద అరవనవసరం లేదు.

సుభద్ర : నా కొడుకు బంగారం అని నాకు తెలీదా ఏంటి.. అని కొడుకుని వాటేసుకుని ముద్దు పెట్టుకుంది.

అర్జున్ : నువ్వు మా అసలైన బంగారానివి.. అని తిరిగి ముద్దు పెడితే నవ్య కూడా తన అమ్మకి ఇటువైపున వచ్చి అవునంటూ అమ్మని వాటేసుకుని ముద్దు పెట్టింది.

సుభద్ర : నవ్యా.. అర్జున్.. ఏమైనా జరిగిందా

అర్జున్ : ఏంటి మా.. ఎందుకు అలా అడుగుతున్నావ్

సుభద్ర : మీరు కొత్తగా ఉన్నారు.. పెద్దైపోయినట్టు అనిపిస్తుంది.. ఎందుకో కొత్తగా కనిపిస్తున్నారు. ఎప్పుడు ఇలానే ఒకరికి ఒకరు తోడుగా ఉండండి.. ప్రేమగా ఉండండి.. అదొక్కటే నేను కోరుకునేది.

నవ్య : అలానే.. ముందు తిందువు దా అని లేచి కింద పడేసిన ప్లేట్ తీసుకుని లోపలికి వెళ్ళగా.. సుభద్ర కొడుకుని చూసి నవ్వింది.

రాత్రికి అన్నా చెల్లెళ్ళు ఇద్దరు మంచం ఎక్కారు.

నవ్య : అన్నయ్యా.. నాకు అర్ధం కానిది ఏంటంటే టైంలో వెనక్కి వెళ్ళినప్పుడు నువ్వు నన్ను కాపాడుకున్నావ్, మరి అప్పుడు ఎవరు కాపాడారు నన్ను

అర్జున్ : ఏమోనే.. ఆ డౌట్ నాకు కూడా ఉంది.. ఆలోచిస్తుంటే బుర్ర హీట్ ఎక్కిపోతుంది.. పడుకో తరవాత ఆలోచిద్దాం.. ఎల్లుండి ఇంటికి వెళుతున్నాం అని అమ్మ చెప్పింది.

నవ్య : అవును అప్పుడే హాలిడేస్ అయిపోయాయి, కాలేజీ మొదలు

అర్జున్ : కాలేజీ అంటే గుర్తొచ్చింది.. నాకొక అమ్మాయి నచ్చింది.

నవ్య : ఓహ్.. కాలేజీలో ఇవి కూడా వెలగబెడుతున్నావా

అర్జున్ : మంచిది, బాగుంటుంది

నవ్య : ప్రొపోజ్ చేసావా

అర్జున్ : లేదు.. చేస్తాను

నవ్య : ఎవరు

అర్జున్ : పూజ

నవ్య : ఎవరా బక్కదా.. అదేం బాగుంటది రా

అర్జున్ : అవును అంత అందంగా ఉండదు, కానీ తన ఆలోచనలు, పనులు ఎవ్వరిని నొప్పించకుండా ఎవ్వరిని బాధ పెట్టకుండా నడుచుకుంటుంది.. చాలా మంచి క్యారెక్టర్ ఉన్న అమ్మాయి

నవ్య : నేనెప్పుడూ దానితో అంతసేపు మాట్లాడలేదు.. ఇంతకీ నువ్వు చెపితే ఒప్పుకుంటుందా

అర్జున్ : ఏమో తెలీదు

నవ్య : ప్రేమంటే ఏంటి.. ఎలా పుట్టింది నీకు తన మీదా..?

అర్జున్ : అవన్నీ నాకు తెలీదు, రికార్డు విషయంలో నాకు ఒకసారి హెల్ప్ చేసింది, అప్పుడు గమనించాను.. దారిన పోతూ ఎవరో కూరగాయలు అమ్మే ఒకామెకి అడక్కపోయినా సాయం చేసింది. అప్పుడు నాకు తను నచ్చింది అప్పటి నుంచి చూస్తున్నాను తను చేసే ప్రతి పని నాకు నచ్చేది, అవతలి వాళ్ళతో చాలా మర్యాదగా మాట్లాడుతుంది. నీకంటే నాకంటే మంచిది.

నవ్య : హ్మ్మ్.. చూద్దాం.. సరే గుడ్ నైట్.. ఆ వాచ్ తో జాగ్రత్త, కాల్క్యూలేషన్ మిస్ అయ్యిందంటే ఏమేమి ప్రాబ్లెమ్స్ వస్తాయో ఏమో

అర్జున్ : ఉమ్మ్.. ఉమ్.. గుర్తున్నాయి.. నీకు చెప్పకుండా వాడను సరేనా

నవ్య : గుడ్ నైట్

అర్జున్ : గుడ్ నైట్

మరుసటి రోజంతా నానమ్మ తాతయ్యలతో గడిపి ఆ తెల్లారి ఇంటికి వచ్చేసాం. సెలవలు అయిపోయాయి, ఇద్దరం కాలేజీకి రెడీ అయ్యి వెళ్ళాం. ఇద్దరం క్లాస్ లోకి వెళుతుంటే మా ముందే పూజ వెళుతుంది, నవ్య నన్ను చూసి నవ్వుతూ వెళ్లి తన ప్లేస్ లో కూర్చుంది. రోజంతా తనతో మాట్లాడాలని ట్రై చేసాను కానీ కుదరలేదు.. బస్సు దిగి ఇంటికి నడుచుకుంటూ వస్తున్నాం.

నవ్య : నన్ను మాట్లాడమంటావా

అర్జున్ : వద్దే ప్లీజ్ అలాంటి ఆలోచనలు కూడా చెయ్యకు, నేనేదో ఒకటి చేస్తా అని ఇంటి గేట్ తీసాను.

నవ్య : సరే సరే.. నువ్వే చుస్కో.. అని తలుపు తీసి లోపలికి వెళ్ళిపోయింది

సుభద్ర : ఏంటి చూసుకునేది

నవ్య : నీ కొడుక్కి ఒక అమ్మాయి నచ్చిందే.. ప్రొపోజ్ చేద్దాం అనుకుంటున్నాడు

అర్జున్ : నీయమ్మ

సుభద్ర : నేనిక్కడే ఉన్నారా

అర్జున్ : హీ.. అని నవ్వాను

సుభద్ర : ఎవరా అమ్మాయి

అర్జున్ : అది ఏది పడితే అది వాగిద్ది, అన్ని నమ్ముతావా.. అడ్డు తప్పుకో బైటికి వెళ్ళాలి

సుభద్ర : ఎక్కడికి..

అర్జున్ : పనుంది.. అని చెప్పి రెడీ అయ్యి డ్రెస్ మార్చుకుని ఇంటి నుంచి బైట పడ్డాను.. పెరట్లో గులాబి పువ్వు తెంపుతుంటే నవ్య చూసింది.

నవ్య : అల్ ద బెస్ట్

థాంక్ యు అని నవ్వుతూ పూజ వాళ్ల ఇంటికి బైలుదేరాను.

[Pallaki]

9

పూజ ఇంటి గేట్ ముందు నిలుచున్నాను, లోపల ఎవరున్నారో ఏంటో.. ఏమోలే ఎవరుంటే నాకేంటి మన దెగ్గర టైం స్టాప్పర్ ఉందిగా అని వెంటనే వాచ్ మీద నొక్కాను, ఐదు నిమిషాలు టైం ఉంది.. వెంటనే లోపలికి వెళ్లి తలుపు తెరిచాను పూజ వాళ్ల అమ్మ అనుకుంటా మల్లెపూలు కడుతుంది, పూజ వాళ్ల ఇల్లు చూస్తూ లోపలికి వెళ్లాను, రూం కనిపించింది డోర్ తెరిచే ఉంది మంచం మీద పూజ బ్యాగ్ ఉంది అంటే అది తన రూమే.. లోపలికి వెళ్లాను పూజ కనిపించలేదు కింద మంచం దెగ్గర తన బట్టలు పడేసి ఉన్నాయి బాత్రూం డోర్ పెట్టి ఉంది.. స్నానం చేస్తుందేమో అని కంప్యూటర్ టేబుల్ పక్కన చైర్లో కూర్చుని టైం స్టాప్పర్ ఆపేసాను. టేబుల్ మీద డైరీ ఉంటే తీసి చదువుతూ కూర్చున్నాను.

బాత్రూం డోర్ తెరిచిన సౌండ్ విని తల ఎత్తి చూసాను.. మైండ్ బ్లాక్ అయ్యింది పూజని చూసి.. నీళ్లు కారుతున్న నగ్న శరీరంతో గెంతుతూ వచ్చి మంచం మీదున్న టవల్ అందుకుంది.. ఒక అమ్మాయిని పూర్తి నగ్నంగా చూస్తున్నాను.. టవల్ అందుకుని వీపు చుట్టూ కప్పుకుని ఒళ్ళు తుడుచుకుంటూ ఇంకో టవల్ తీసి తల మీద వేసుకుంది తల తుడుచుకోవడానికి. నాకు చెమటలు పడుతున్నాయి.. ఇంక నా వల్ల కాదు.. పూజా.. ప్లీజ్ బట్టలేసుకోవా అన్నాను వణుకుతూనే..

ఒక్కసారి వెనక్కి తిరిగి నా వైపు చూసి కెవ్వుమంది అంతే వాళ్ల అమ్మ లోపలికి వచ్చేసింది.. ఆంటీ ఆంటీ అంటున్నా భయంతో.. వాళ్ల అమ్మ వెంటనే పూజ నాకు కనిపించకుండా అడ్డం నిలబడింది వెంటనే వాచ్ మీద రెండో ఆప్షన్ పెట్టి నొక్కాను.. మళ్ళీ రివైండ్.. ఈ సారి పూజ వెనక్కి తిరుగుతుంటే వెంటనే లేచి ముందు తన నోటి మీద చెయ్యి పెట్టి తన కళ్ళలోకి చూసాను. అరవబోయి ఆగిపోయింది.. నన్ను ఒక్క నెట్టు నెట్టి ముందు బైట తొంగి చూసి తలుపు పెట్టి లాక్ చేసింది.. ఆ తరువాత నా వైపు తిరిగి కళ్ళ ముందు కనపడుతున్న తన నగ్న అందాన్ని ఇంత దెగ్గరగా నోరు తెరిచి సొంగ కార్చుతూ చూస్తున్న నన్ను చూసి తనని చూసుకుని జారిపోయిన టవల్ తీసి ఒళ్ళు కప్పుకుంది.. వెంటనే తల తిప్పాను..

పూజ : అర్జున్.. నువ్వెంటిక్కడా..

అర్జున్ : అది.. అది.. ఐ లవ్ యు అని గట్టిగా కళ్ళు మూసుకుని మోకాళ్ళ మీద కూర్చుని పువ్వు తన ముందు పెట్టాను. కళ్ళు తెరవాలంటే భయం వేసింది.. ఏదో అనుకున్నాను ఏదేదో జరుగుతుంది. ఒక కన్ను తెరిచి చూసాను.. అయోమయంగా నన్నే చూస్తుంది.. వెంటనే లేచి నిలబడ్డాను.. తనకి ఇష్టం లేదేమో అనిపించింది.. పూజా సారీ అని చెయ్యి వెనక్కి తీసుకున్నాను.. చెయ్యి వెనక్కి తీసుకుంటుంటే పూజ నా చెయ్యి పట్టుకుని నా చేతిలో ఉన్న పువ్వు తీసుకుంది..

అర్జున్ : పూజా.. నీకు ఇష్టమేనా

పూజ : ఇష్టమే.. కానీ ఎవరైనా ఇలా ప్రొపోజ్ చేస్తారా.. రేపెప్పుడైనా ఎవరైనా కానీసం ఎలా ప్రొపోజ్ చేశాడు అని అడిగితే చెప్పుకునేలా ఉందా ఇది.. అని నవ్వింది..

అర్జున్ : పూజా.. అంటే.. నీకు.. ఎస్ ఎస్ ఎస్.. వావ్.. ఏదైనా ఫెయిల్ అవ్వకుండా ఫస్ట్ అట్టెంప్ట్ లో పాస్ అయ్యాను అంటే అది ఇదే.. థాంక్స్.. థాంక్స్.. పూజా అని తన చెయ్యి పట్టుకున్నాను.. ఇంతలో తనకి గుర్తుకువచ్చిందేమో తాను ఉన్న అవతారం చూసుకుని సిగ్గు పడిపోయి.. వెంటనే నా నుంచి తప్పించుకుని బాత్రూంలోకి పరిగెత్తి డోర్ పెట్టుకుని తొంగి చూసింది.

పూజ : అర్జున్.. ముందు ఆ బట్టలు ఇవ్వు

బట్టలు ఇస్తూ తల వేరే వైపుకి తిప్పాను ఏదో బుద్ధిమంతుడిలా.. అది చూసి పూజ నవ్వింది.. ఛ ఆనుకుని కూర్చున్నా.. రెండు నిమిషాల్లో బట్టలు వేసుకుని బైటికి వచ్చింది నాకు మాత్రం ఇందాక చూసిన నగ్న రూపమే గుర్తొస్తుంది. ఇద్దరం మంచం మీద కూర్చున్నాం.. మౌనం రాజ్యమేలుతుందా అనిపించింది.. మొన్నేక్కడో చదివా ఈ పదం అందుకే ఇప్పుడు వాడుకలోకి వచ్చింది.. ఇలానే ఏదేదో ఆలోచిస్తున్నా.. మధ్యలో అప్పుడప్పుడు పూజని చూస్తున్నా.. ఏం మాట్లాడాలో ఎలా మాట్లాడాలో అర్ధం కాలేదు.. ఇంతలో

పూజా : అర్జున్ ఒక్కసారి అటు తిరుగు

తను చెప్పినటల్ వెంటనే అటు వైపు తిరిగా.. వీపు మీద చెళ్ళుమని పీకింది.. అబ్బా అని తిరిగాను వీపు పట్టుకుని అయోమయంగా

పూజ : నన్ను అలా చూసినందుకు.. ఎలా ఉంటుంది తెలుసా.. సిగ్గుతో చచ్చిపోయాను.. తప్పు కదా

అర్జున్ : సారీ.. నాకేం మాట్లాడాలో కూడా అర్ధం కావట్లేదు పూజా.. నేను వెళతాను.. రేపు కాలేజీలో కలుద్దాం

పూజ : బైట మా అమ్మ ఉంది.. అస్సలు నువ్వు లోపలికి ఎలా వచ్చావ్

అర్జున్ : కళ్ళు మూసుకో వెళతాను..

పూజ : కళ్ళు మూసుకోవాలా.. సరే.. అంది నవ్వు మొహంతో

అర్జున్ : ఇలా కాదు అటు తిరుగు.. అని అటువైపు తిప్పి వెంటనే టైం స్టాప్పర్ ఆన్ చేసి.. బైటికి వెళ్ళిపోతూ ఎందుకో మళ్ళీ వెనక్కి వచ్చి పూజ బుగ్గ మీద ఒక ముద్దు పెట్టి ఇంటికి వచ్చేసాను.

ఇంటికొచ్చి మంచం మీద పడేవరకు అస్సలు ఏమి అర్ధం కాలేదు.. అంతా కలలా ఉంది.. చెల్లి నన్ను చూసి వచ్చి పక్కన పడుకుంది.. దాన్ని పట్టుకుని నలిపేసాను ఆనందంలో

నవ్య : ఎహె.. ముందు ఏమైందో చెప్పు

అర్జున్ : అంతా చెప్పలేను కానీ.. తను ఒప్పుకుంది

నవ్య : అమ్మనీ.. ఒప్పుకుందా అని లేచి కూర్చుంది

అర్జున్ : అంటే ఏంటే నీ ఉద్దేశం.. హా..

నవ్య : అరేయి నువ్వే చెప్పు.. పూజ లాంటి ఫిగర్ అందులోనూ బాగా చదువుతుంది.. అలాంటిది నువ్వు ప్రొపోజ్ చెయ్యగానే ఒప్పుకుందంటే.. నిజంగానే తను చాలా మంచిది.. బుద్ధిగా లవ్ చేస్కో.. అస్సలు పోగొట్టుకోకు

అర్జున్ : నీయమ్మ.. ఇంకా మొదలేపెట్టలేదు అప్పుడే పోగొట్టుకోవద్దు అంటావ్

సుభద్ర : ఒరేయి.. నిన్ను అని వీపు మీద ఒక్కటి చరిచింది వెనక నుంచి

అర్జున్ అబ్బా అనడం.. ఇద్దరు తల తిప్పి చూసారు.. నవ్య గట్టిగా నవ్వింది.

అర్జున్ : అమ్మా.. ఇందాక ఇప్పుడేనే తిట్టింది.. ఆ రెండు సార్లు నువ్వు విన్నావ్.. నా టైం బాలేదు

సుభద్ర : నవ్యా.. అంతేనా

నవ్య : అవునే.. వదిలేయి.. అన్న ప్రతీసారి నీకే దొరుకుతున్నాడు

సుభద్ర : అయితే ఒప్పుకుందా తను

నవ్య : మొత్తం విన్నావా

సుభద్ర : హా.. ఏంటి నేను వినకూడదా.. నేనేమైన వద్దన్నానా

అర్జున్ : లవ్ యు మా

సుభద్ర : సరే పాయసం చేస్తాను.. తిందురు.. రేయి ముందు ఫ్రెష్ అవ్వుపో..

End

1

[Pallaki]

Thankyou all
For the support and welcoming these kind of stories
Thankyou very much