Fantasy నా ఆటోగ్రాఫ్.....స్వీట్ మొమరీస్ - completed

[prasad_rao16]

మానస : కాని నేను చెప్పిన దాన్ని బట్టి అలా అనుకోకండి…నేను కూడా రిలేటడ్ ఫీల్డ్ లో ఉన్నాను కాబట్టి…మీ గురించి తెలుసుకున్నాను….

సతీష్ : కరెక్ట్ చెబుతున్నారు….మరి నా క్లాసుకి ఒకసారి రావచ్చు కదా….
మానస : ఒకసారి వచ్చాను…కాని మీ క్లాసుల మీద నాకు నమ్మకం లేదు…స్పీచెస్ అనేవి బూస్ట్ లాగా పని చేస్తాయి…అంతే కాని లైఫ్ ని మార్చేయవని నా నమ్మకం….
సతీష్ : అవునా….సరె….మీ నమ్మకం మీద….నేను వస్తాను…(అంటూ అక్కడ నుండి బయలుదేరాడు.)
మానస : సార్….ఒక్క నిముషం….(అంటూ అతని దగ్గరకు వచ్చి) సారీ….అఫెండ్ అవకండి…నేను నా అభిప్రాయం చెప్పాను అంతే….అది తప్పు కూడా అయి ఉండొచ్చు….





సతీష్ ఒక్కసారి మానస వైపు కింద నుండి పైదాకా చూసి, “సరె….బై,” అని అక్కడ నుండి వెళ్ళిపోయాడు.
మానస చిన్నగా నవ్వుకుంటూ షాపింగ్ మాల్ లోనుండి బయటకు వచ్చింది.
అప్పుడే రాము ఒక క్రిమినల్ ని పట్టుకుని కొడుతూ కాలర్ పట్టుకుని తన కార్ దగ్గరకు తీసుకెళ్తున్నాడు.
రాము అతన్ని కార్లోకి తోసి డోర్ వేసాడు….ఆ క్రిమినల్ కి రెండు వైపులా ఇద్దరు కానిస్టేబుల్స్ కూర్చున్నారు.
కాని అప్పుడే షాపింగ్ మాల్ లోనుండి బయటకు వచ్చి తనను చూస్తున్న మానసను మాత్రం రాము చూడలేదు.
రాము కార్లో కూర్చోగానే డ్రైవర్ కార్ అక్కడ నుండి పోనిచ్చాడు.
రాము డ్యూటీలో జాయిన్ అవడం గమనించిన మానస తన కారు తీసుకుని రాము కారుని ఫాలో అవడం మొదలుపెట్టింది.
రాము కారు వెళ్తుంటే లోపల ఉన్న క్రిమినల్ రాముని బ్రతిమలాడుతూ….
క్రిమినల్ : సార్….ఆరోజు నా వెంటబడ్డారు…వేరే ఎవరో మిమ్మల్ని చంపాలని ట్రై చేసారు….
వాడు ఆ మాట అనగానే రాము నీకెలా తెలుసురా అన్నట్టు అతని వైపు చూసాడు.
క్రిమినల్ : సార్ తరువాత మీ వాళ్ళు నన్ను పట్టుకుని నాలుగు రోజులు కుమ్మేసారు…అప్పుడు తెలిసింది సార్…అది మనసులో పెట్టుకుని నన్ను ఎన్ కౌంటర్ చేయకండిసార్…..
ప్రసాద్ : అబ్బా….నిన్ను అంత ఈజిగా ఎలా వదిలేస్తాంరా….ఈ సారి నీ కోటింగ్ తగ్గిస్తాలే….సార్ కోటా సారే ఇస్తారు….
ప్రసాద్ అలా అనగానే రాము చిన్నగా నవ్వుతూ ఏదో చెప్పబోతుండగా తన ఫోన్ మోగడంతో లిఫ్ట్ చేసి….
రాము : సార్….చెప్పండి….(ఫోన్ లొ కమీషనర్ చెప్పింది వింటూ….) అలాగే సార్….నేను ఇప్పుడే వెళ్తాను….(అంటూ డ్రైవర్ వైపు తిరిగి వెళ్ళాల్సిన అడ్రస్ చెప్పాడు.)



వాళ్ళు అక్కడకు చేరుకునే సరికి పది నిముషాలు పట్టింది.
పెద్ద బంగళా ముందు సెక్యూరిటీ ఆఫీసర్లు తమ పని తాము చేసుకుంటున్నారు.
రాము, ప్రసాద్ ఇద్దరూ కారు దిగి బంగళా లోకి వెళ్ళారు.
అక్కడ ఉన్న SI వీళ్ళిద్దరూ రావడం చూసి దగ్గరకు వచ్చి సెల్యూట్ చేసాడు.
రాము : మర్డరే కదా….suiside లాంటి confuse ఏం లేదు కదా….
యస్సై : లేదు సార్….మర్డరే….మర్డర్ అయింది టీవి సీరియల్ ఆర్టిస్ట్….షూటింగ్ అయిపోయిన తరువాత బాగా లేట్ నైట్ వచ్చింది….ఆమెతో పాటు పర్సనల్ మేకప్ మేన్ మాత్రమే ఉన్నారు…ఫింగర్ ప్రింట్లని టెస్ట్ కోసం లేబ్ కి పంపించాము…కాని ఇప్పుడు అతని నెంబర్ నాట్ రీచబుల్ వస్తుంది….రేప్ చేసినట్టు ఎవిడెన్స్ లు ఉన్నాయి సార్….
రాము : ప్రెస్ కి న్యూస్ ఏమైనా లీక్ అయిందా….
యస్సై : లేదు సార్….ఎక్కడా లీక్ అవలేదు సార్….కాని D.I.G సార్ నుండి కాల్ వచ్చింది….
రాము : D.I.G నుండా….
యస్సై : అవును సార్….
రాము : అంత పెద్ద హీరోయినా….
యస్సై : ప్రస్తుతం లీడింగ్ లో ఉన్నది సార్….పేరు హంస….
అలా మాట్లాడుకుంటూ ముగ్గురూ లోపలికి వెళ్లారు.
రాము, ప్రసాద్ మర్డర్ స్పాట్ లోకి వెళ్లారు.
ఇద్దరూ చేతులకు గ్లౌస్ లు వేసుకుని అక్కడ అంతా క్లూస్ ఏమైన దొరుకుతాయేమో అని చూస్తున్నారు.
రాము మెట్లు ఎక్కుతూ అక్కడ ఒకతను మోర్ సిగిరెట్ పీకను తీసి కవర్ లో వేస్తుండటం చూడగానే రాముకి ఇంతకు ముందు జిమ్ ట్రైనర్ అశోక్ కూడా మోర్ సిగిరెట్ తాగడం గుర్తుకొచ్చింది.
దాంతో రాము ఆలోచిస్తూ చిన్నగా మెట్లు ఎక్కుతూ మర్డర్ జరిగిన రూమ్ లోకి వెళ్ళగానే అక్కడ గోడ మీద రక్తంతో చేతులు తుడిచినట్టు రక్తం మరకలు కనిపించాయి.
మళ్ళీ రాముకి ఇంతకు ముందు అశోక్ కూడా హత్య చేసి రక్తంతో తడిచిన తన చేతులను గోడకు తుడవడం గుర్తుకొచ్చింది.
ఆ హత్య కూడా దాదాపుగా అలాగే జరిగినట్టు అనిపించడంతో లోపలికి వచ్చిన రాముకి అక్కడ ఉన్న వస్తువులు చిందర వందరగా పడి ఉండటంతో ఏం జరిగిందో పూర్తిగా అర్ధమైపోయింది.



హంసని రేప్ చేసిన తరువాత అతను హత్య చేసి పారిపోవడంతో….ఆమె డెడ్ బాడీని చూసిన రాముకి కళ్ళు తిరగడం మొదలయింది.
ఇంతకు ముందు ఎన్నో కేసుల్లో ఇంతకంటే ఘోరమైన డెడ్ బాడీలను చూసినా చలించని రాము…తలకు దెబ్బ తగిలిన దగ్గర నుండీ డెడ్ బాడీని చూడగానే తల తిరుగుతున్నట్టు అనిపించి వెంటనే అక్కడ నుండి బయటకు వచ్చేసాడు.
దాంతో ప్రసాద్ అక్కడ ఉండి అన్ని ఫార్మాలిటీస్ పూర్తి చేయించాడు.
అక్కడ నుండి రాము తను అప్పుడప్పుడు రెస్ట్ తీసుకునే ఫ్లాట్ దగ్గరకు వచ్చి వాచ్‍మెన్ దగ్గర తన ఫ్లాట్ కీ తీసుకుని లోపలికి వెళ్ళి డ్రస్ మార్చుకుని కళ్ళు మూసుకుని పడుకున్నాడు.
అలా పడుకున్న కొద్దిసేపటికి కాలింగ్ బెల్ మోగిన సౌండ్ వినిపించడంతో రాము వెంటనే అలర్ట్ అయ్యి బెడ్ మీద నుండి కిందకు దిగి చిన్నగా మెయిన్ డోర్ దగ్గరకు వెళ్ళి తలుపు తీసి ఎవరా అని చూసాడు.
ఎదురుగా మానస నిల్చుని ఉండటంతో రాము నిజమా కాదా అన్నట్టు కళ్ళు నలుపుకుంటూ చూస్తున్నాడు.