[Sandy2009]

நந்தினி MBA படித்திருக்கும் விபரத்தைக் கேட்டதும் மீராவுக்குள் பொறாமை அணை உடைந்து பொங்கி எழுந்து வந்தது.
"கல்யாணமாகி வெறும் 15 நாள் தான் ஆகுது... அதுக்குள்ள இப்படி ஒரு அந்தஸ்து, இப்படி ஒரு பதவி, சொகுசான வாழ்க்கை... இதெல்லாம் சிலருக்கு எவ்வளவு சுலபமா கிடைச்சிடுது!" என்று அவளது உள்மனம் கோபத்திலும் எரிச்சலிலும் வெந்து கொண்டிருந்தது

. இத்தனை வருடங்கள் தான் கஷ்டப்பட்டு வழக்கறிஞர் தொழிலில் உழைத்தும் கிடைக்காத ஒரு பிரம்மாண்ட வாழ்க்கை, நந்தினிக்குத் திருமணம் மூலமாக மிக எளிதாகக் கிடைத்துவிட்டதை அவளது அகந்தையால் ஏற்றுக்கொள்ளவே முடியவில்லை.

இருந்தாலும், ஒரு தேர்ந்த தொழில்முறைப் பெண்ணாகத் தன் முகத்தில் அந்தப் பொறாமையைச் சற்றும் காட்டிக் கொள்ளவில்லை.

அவள் தன் உணர்ச்சிகளைக் கட்டுப்படுத்திக் கொண்டு, ஒரு போலியான புன்னகையைத் தன் உதடுகளில் தேக்கி, "அப்படியா நந்தினி! நீ எம்பிஏ படிச்சிருக்கற விஷயம் எனக்கு இப்பதான் தெரியும். ரொம்ப சந்தோஷம். உன்னோட படிப்புக்கும் திறமைக்கும் ஏத்த பதவிதான். கண்டிப்பா நீ நல்லா பண்ணுவ," என்று வார்த்தைகளால் மிகவும் நயமாகக் கூறினாள்


நந்தினி தன் கையில் இருந்த ராஜினாமா கடிதத்தை மீராவின் மேஜை மீது வைத்தாள். "மீரா, இது என்னோட அபிஷியல் ரெசிக்னேஷன் லெட்டர். இதுவரைக்கும் எனக்கு சீனியரா இருந்து கத்துக்கொடுத்த எல்லாத்துக்கும் ரொம்ப தேங்க்ஸ்," என்று கம்பீரமாகவும் நன்றியுடனும் கூறினாள்.

மீரா தன் முகத்தில் துளிர்த்த பொறாமையை மறைத்துக் கொண்டு, "பரவாயில்லை நந்தினி, உன்னோட இந்த புது வாழ்க்கைக்கு என் வாழ்த்துகள்," என்று போலிப் புன்னகையுடன் விடை கொடுத்தாள். நந்தினி அவளிடம் கைகுலுக்கிவிட்டு, தன் லேப்டாப் பேக்கை எடுத்துக் கொண்டு அங்கிருந்து நிதானமாக வெளியேறினாள்.

நந்தினி அறைக்கதவை மூடிவிட்டுச் சென்ற அடுத்த விநாடி, மீராவின் முகத்தில் இருந்த போலிப் புன்னகை மறைந்து, வன்மம் அப்பட்டமாக வெளிப்பட்டது. தன் கைகளை இறுக்கமாக மூடிக்கொண்டு, மேஜையின் மேல் பலமாகக் குத்தினாள்.
"கல்யாணமாகி வெறும் பதினைந்தே நாள்ல ஜேஎம்டி பதவியா? எம்பிஏ படிச்சிருந்தா மட்டும் போதுமா? இத்தனை வருஷம் நான் கோர்ட், கேஸ்னு அலைஞ்சு சம்பாதிச்ச பேரை விட, இவளுக்கு எல்லாமே தட்டில வச்சு கிடைச்சிருக்கு! சஞ்சய் மாதிரியான ஒரு கோடீஸ்வரன் கிடைச்ச உடனே இவ ரேஞ்சே மாறிடுச்சா?" என்று மீராவின் உள்மனம் வன்மத்தில் வெடித்தது. நந்தினியின் இந்த அசுர வளர்ச்சியை அவளால் சற்றும் ஜீரணிக்க முடியவில்லை. எப்படியாவது அவளது இந்த பெருமையையும் அந்தஸ்தையும் குலைக்க வேண்டும் என்ற எதிர்மறையான எண்ணங்கள் அவளது மனதில் ஓடத் தொடங்கினன.


வன்மத்தோடு யோசித்துக் கொண்டிருந்த அதே நேரத்தில், அவளது அறையின் கதவு தட்டப்பட்டது. அவளது ஜூனியர் லாயர் ஒருவர் உள்ளே வந்து, நாளை நீதிமன்றத்திற்கு வரவிருக்கும் ஒரு முக்கியமான வழக்குக் கோப்பை (Case File) மீராவின் மேஜை மீது வைத்தார்.

அந்த வழக்கின் விவரம்: ஒரு பிரபல நிறுவனத்தின் சொத்துரிமை மற்றும் பங்குதாரர்களுக்கு இடையேயான பணமோசடி தொடர்பான சிவில் வழக்கு அது.
மீரா தன் கோபத்தை சற்றே தள்ளிவைத்துவிட்டு, அந்த கோப்பைத் திறந்து பக்கங்களை வேகமாகப் புரட்டினாள். ஆனால், கோப்பை ஆராய ஆராய அவளது கண்கள் அதிர்ச்சியில் விரிந்தன. அந்த வழக்குப் படிவங்களில் பல மிகப்பெரிய தவறுகள் இருந்தன.

முக்கியமான சாட்சிகளின் வாக்குமூலங்கள் முறையாக இணைக்கப்படவில்லை. மேலும், எதிர்மனுதாரரின் சொத்து மதிப்பு மற்றும் நிறுவனத்தின் சட்டப்பூர்வ ஆவணங்களின் தேதிகள் முற்றிலும் தவறாகக் குறிப்பிடப்பட்டிருந்தன. இந்தத் தவறுகளோடு நாளை நீதிமன்றத்தில் நின்றால், வழக்கில் தோல்வி அடைவது நிச்சயம் என்பதை மீரா உணர்ந்தாள்.
ஏற்கனவே நந்தினியின் மீது இருந்த பொறாமையால் கோபத்தில் இருந்த மீராவுக்கு, தன் ஜூனியரின் இந்த அலட்சியமான வேலை மேலும் எரிச்சலை உண்டாக்கியது



ஏற்கனவே நந்தினியின் மீது இருந்த பொறாமையாலும் வன்மத்தாலும் ஒரு எரிமலையாக வெடிக்கக் காத்திருந்தாள் அந்தச் சமயத்தில் ஜூனியர் லாயர் கொண்டு வந்த கோப்பில் இருந்த தவறுகளைப் பார்த்ததும், அவளது நிதானம் முற்றிலும் தப்பியது