[Sandy2009]

மீரா வெறும் ஒரு சாதாரணப் பெண் அல்ல; அவள் ஒரு திறமையான வழக்கறிஞர், நந்தினியின் அலுவலகத் தோழி மற்றும் சீனியர் லாயர். சட்டம், வாதம், மனிதர்களின் பலவீனங்கள் என அனைத்தையும் விரல் நுனியில் வைத்திருப்பவள். நீதிமன்றத்தில் சாதுரியமாக வாதாடிப் பழகிய அவளுக்கு, நிஜ வாழ்க்கையிலும் காய்களை எப்படி நகர்த்த வேண்டும் என்பது நன்றாகவே தெரியும்.

அவளது அழகிற்குப் பின்னால் ஒரு அசாத்தியமான பிடிவாதமும், ஆக்ரோஷமும் மறைந்திருந்தன. அவள் ஒன்று அடைய வேண்டும் என்று நினைத்தால், அதை அடைவதற்காக எந்த எல்லைக்கும் செல்வாள். சட்டம், தர்மம், உறவுமுறை என எதைப் பற்றியும் கவலைப்படாமல், தன் இலக்கை நோக்கிக் குறிவைத்து நகர்வதில் அவள் கைதேர்ந்தவள்.

அன்று காலையில் நந்தினி அந்த வீட்டு மருமகளாக, கழுத்து நிறைய நகைகளுடனும் நெற்றிக் குங்குமத்துடனும் கோடீஸ்வர வீட்டு மகாலட்சுமியாக நிற்பதைக் கண்டபோது, மீராவின் வர்ணனைக்கு பின்னால் ஒரு மெல்லிய பொறாமையும், உருவாவதை அவளது கண்கள் காட்டிக் கொடுத்தன.

நந்தினியைப் பாராட்டுவது போலப் பேசினாலும், அவளது கூர்மையான வழக்கறிஞர் மூளை வேலை செய்தது.

நந்தினி. உங்க அதிர்ஷ்டத்தை நினைச்சா எனக்கே பொறாமையா இருக்கு," என்று மீரா சிரித்துக்கொண்டே சொன்ன வார்த்தைகளுக்குள், அவள் செல்லவிருக்கும் அந்த ஆபத்தான எல்லையின் தொடக்கம் மறைந்திருந்தது.

கமலம் அம்மா அனைவரையும் அவசரப்படுத்த, மீரா தன் புடவை முந்தானையைச் சரிசெய்தபடி, மனதில் யோசனையோடு சாப்பிட நந்தினிக்கு பின்னால் கம்பீரமாக நடந்து சென்றாள்.