(4) వారసుడు

[Raagaa]

అర్ధరాత్రి ఒంటి గంట 

ఫోన్ మొగుతుంటే కళ్ళు తెరిచాడు గోపీ.. తన ఒళ్ళో ప్రశాంతంగా నిద్రపోతున్న స్వర్ణని లేపడం ఇష్టం లేక చెయ్యి చాపి ఫోన్ అందుకుని ఎత్తి హలో అన్నాడు. అంతా విన్నాక ఫోన్ పెట్టేస్తే జఫర్ నుంచి రెండు మిస్డ్ కాల్స్ ఉన్నాయి. మెసెజ్ పెట్టాడు.. నీతో మాట్లాడాలి గోపీ ఫోన్ చెయ్యి అని. ఫోన్ పక్కన పెట్టేసి చూస్తే ఇద్దరి ఒంటి మీదా నూలు పోగు కూడా లేదు. ఎప్పుడు లేనిది స్వర్ణ ఇలాంటి కోరిక కోరింది. కాదనలేక ఒప్పుకున్నాడు. స్వర్ణని పక్కన పడుకోబెట్టి సిలింగ్ ఫ్యాన్ వైపు చూస్తుంటే అనిపించింది. ఎవరున్నా లేకపోయినా తన పక్కన స్వర్ణ ఉంటుంది. జీవితాంతం ఉంటుంది. అందులో సందేహమే లేదు. అలా తనకి ఇంకెవరున్నారా అని ఆలోచిస్తే ఎవ్వరూ కనిపించలేదు. జఫర్ దగ్గర ఆలోచన ఆగిపోయింది. కాసేపు తనకి నమ్మకంగా ఉంటాడు అనిపించింది, అంతలోనే జఫర్‌ని నమ్మలేం అని కూడా అనిపించింది. 

ఎప్పుడు ఏదో దాస్తున్నట్టు, ఎవరి దగ్గర నుంచో దాక్కుంటుంన్నట్టు ఉంటుంది వాడి ప్రవర్తన. ఏది సరిగ్గా చెప్పడు. పనిలో కూడా ఎవ్వరికి సరిగ్గా కమిట్మెంట్ ఇవ్వలేడు. ఒంటరిగా పని చెయ్యడానికి ఇష్టపడతాడు. ఆడవాళ్ళని చూస్తే భయపడి దూరంగా వెళ్ళిపోతాడు. కానీ అమృతతో , గీతా హిమజ ఆంటీలతో బానే ఉంటాడు మళ్ళీ..  చెప్పుకోలేని గతం ఏమైనా ఉందా వాడికి ?

ఒక్క మాట మీద నిలబడలేని వాడు. నలుగురులో దొంగ చాటుగా ఉండేవాడు నమ్మకంగా ఉంటాడని ఎలా అనుకోవాలి ?

స్వర్ణ చెయ్యి తన ఛాతి మీద పడి కౌగిలించుకుంటుంటే తిరిగి వాటేసుకుని పడుకున్నాడు. జఫర్‌ని దుబాయ్ తీసుకెళ్లలేను. ముందు వాడు రాడు వచ్చినా ఒకరిని ఒకరం నమ్మకుండా పని చెయ్యలేను. ఇక స్వర్ణ కూడా ఒక్కదాన్నే తీసుకెళ్లి ఇబ్బంది పెట్టడం వద్దు అని ఆలోచిస్తూ పడుకున్నాడు.

xxxx

తెల్లారి జఫర్ లేచి ఆఫీసుకి రెడీ అయినా గోపీ జాడ లేదు. ఫోన్ చేస్తే ఎత్తలేదు. సరే అనుకుని ఆఫీసుకి వెళ్ళిపోయింది. రాజారావు పిలిస్తే వెళ్ళింది. ప్రాజెక్ట్ గురించి మాట్లాడుకున్నారు.

తాతయ్య ఇక ఈ వేషం తీసేస్తాను. 

రాజారావు నవ్వాడు. మరి గోపీ అని నవ్వితే జఫర్ సిగ్గు పడటం చూసి ఆశ్చర్యపోయినా మళ్ళీ నవ్వేసాడు. 

తాతయ్యా నేను ఇంటికి వెళతాను. గోపీకి నిజం చెప్పాలి అని లేస్తుంటే సరే అని కారులో డ్రాప్ చెయ్యమని డ్రైవర్‌కి చెప్పాడు. 

పర్లేదు తాతయ్యా నేను వెళతాను.

నువ్వు నా మనవడివి అయితే అలానే చేసేవాడిని. కాదుగా అని దగ్గరికి తీసుకుని బుగ్గ మీద ముద్దు పెట్టి వెళ్ళమంటే వాటేసుకుని ఇంటికి బైలుదేరింది.

 ఇంట్లో గోపీ కనిపించలేదు. ఫోన్ చేస్తే స్విచ్ ఆఫ్ వచ్చింది. టేబుల్ మీద కాగితం  చూసి తెరిచింది. పని మీద దుబాయ్ వెళ్తున్నాను. త్వరలో నీకు ఫోన్ చేస్తాను. థాంక్స్ ఫర్ ఎవరీథింగ్ మై ఫ్రెండ్ అని రాసి ఉంది. 

జఫర్ కంగారుగా రాజారావుకి ఫోన్ చేసి విషయం చెప్పింది. నేను చూస్తానన్నాడు తాతయ్య. ఎందుకో గోపీ మీద విపరీతమైన కోపంతో పాటు ఏడుపు కూడా వచ్చేసింది. రాజారావు, జఫర్ ఇద్దరు స్వర్ణ దగ్గరికి వెళితే స్వర్ణ రాత్రి ఫోన్ రావడం, తెల్లారే వెళ్లాలని గోపీ హడావిడిగా  వెళ్లాడని చెప్పింది స్వర్ణ. చేసేది లేక ఇద్దరు తిరిగి ఆఫీసుకి వచ్చేసారు. జఫర్ కంగారుగా ఏడుపు మొహం పెట్టడం చూసి ఏం కాదులే అని చెయ్యి పట్టుకున్నాడు. 

నాకొక్క ఫోన్ చెయ్యచ్చుగా అంది ఏడుపు గొంతుతో వెంటనే కళ్ళు తుడుచుకుని తాతయ్యా.. గోపీ వచ్చేసరికి ప్రాజెక్టు రెడీ చేద్దాం. 

EC సాఫ్ట్వేర్ చేయించడానికి మూడు నెలలు పడుతుంది, నేను మాట్లాడతాను అన్నాడు రాజారావు. 

వద్దు తాతయ్యా.. నాకు కావాల్సిన వాళ్ళని నేనే ఎంచుకుంటాను. జఫర్ మనసులో స్వర్ణ మొహమే తిరుగుతుంది. షాపింగ్‌కి వెళ్ళాలి అని నవ్వితే నేనూ వస్తాను అన్నాడు రాజారావు. జఫర్ కంగారుపడినా తాతయ్య మొహంలో నవ్వు చూసి అలాగే అంది. 

ఇప్పటి వరకు సొంత మనవళ్ళకి మనవరాళ్ళకి కూడా ఎప్పుడు పక్కన నిలుచుంది లేదు. గోపీ.. జఫర్.. ఈ ఇద్దరు తనలో చాలా మార్పులు తీసుకొచ్చారని నవ్వుకున్నాడు. 

ఇంటికి వచ్చి ఒక్కటే పడుకుంది. గోపీతో నగ్నంగా పడుకున్న సంఘటన పదే పదే గుర్తు చేసుకుంది. అలానే ఊహల్లో విహారిస్తూ తినకుండానే పడుకుంది. 

పొద్దున్నే తాతయ్య ఫోన్ చేసాడు. కింద ఆంటీ వాళ్ళు కూడా పలకరించారు. అమృత కూడా ఫోన్ చేసింది. అందరూ జఫర్ జఫర్ అని పిలుస్తుంటే నవ్వుకుంది. 

నిన్న చేసిన షాపింగ్ లోనుంచి బట్టలు తీసింది. లైట్ పింకు రంగు గౌను మీద కాషాయం రంగుతో ఉన్న పూలు. దాని కిందే పచ్చని ఆకులు. అన్ని రంగులు ఆ గౌనులోనే ఉన్నాయా అనిపించింది. ఇన్నాళ్లు వేసిన టైట్ బ్రా కాకుండా మాములుది వేసుకుని బట్టలు వేసుకుని కిందకి వచ్చింది. గీతా హిమజ అసలు నమ్మలేకపోయారు. హిమజ అయితే నువ్వు ఇంత అందంగా ఉంటావనుకోలేదు జఫర్, నువ్వు వేషం వెయ్యడంలో తప్పే లేదు అనేసింది. గీత లోపలికి వెళ్లి పళ్లెం పట్టుకొచ్చి దిష్టి తీసింది. చెయ్యి తిప్పి మెటికలు విరిస్తే ప్రేమగా వాటేసుకుంది గీతని. ఇంటి ముందు కారు ఆగితే చూసారు. ఎవరు అని అడిగింది గీత. 

రావు సర్ మేడం కోసం పంపించారు మేడం. ఈ కారు తన కోసమే అన్నాడు డ్రైవర్. వావ్ అంది హిమజ. జఫర్ మమ్మల్ని కూడా ఎప్పుడైనా తిప్పు అంటే అందరూ నవ్వారు. పైకి వెళ్లి రెడీ అయ్యి కారులో కూర్చుంది. డ్రైవర్ పోనించాడు. ఆయనకి యాభై పైనే ఉంటాయి. తెల్ల గడ్డం ఉంది. 

మీ పేరు ?

నా పేరు బషీర్ మేడం. పాతికెళ్ళుగా రావు సార్ దగ్గర పని చేస్తున్నాను. ఆరోగ్యం బాలేక ఇన్ని రోజులు రాలేదు. పోయిన వారం నవాసి షాది ఉంటే అది చూసుకుని తిరిగి వచ్చేసాను. ఇన్నేళ్లలో రావు సార్‌కి కాకుండా మొదటిసారి మీకే నేను బండి నడపడం అని ఆశ్చర్యంగా చెప్పడు బషీర్. ఆయన మాటలు వింటూ స్వర్ణ ఇల్లు చేరుకుంది. 


ఆఫీస్‌కి వెళ్ళడానికి ఇంటి తాళం వేసి వెనక్కి తిరిగింది స్వర్ణ. ఎదురుగా నల్లని బ్రాండెడ్ కారులో అమ్మాయి కాలు దిగుతున్నట్టు కనిపించి తల ఎత్తి చూసింది. నేరేడు రంగు శాండిల్స్ చాలా అందంగా చూపిస్తున్నాయి తెల్లని కాళ్ళని. తల ఎత్తి చూసి ముందు గుర్తు పట్టక పోయినా దగ్గరికి రాగానే చూసి ఆశ్చర్యపోయి నువ్వు.. నువ్వు.. జఫర్ కదా అంది స్వర్ణ. 



ముగ్గురికి కాఫీ పెట్టింది. బషీర్ కాఫీ తాగేసి బైట ఉంటానని వెళ్ళిపోయాడు. చాలా మాట్లాడింది జఫర్. చాలా విషయాలు చెప్పింది.

ఇదంతా గోపీకి తెలిస్తే !

నవ్వింది జఫర్.

గోపీ గురించి నీకు తెలీదు జఫర్. చాలా బాధ పడతాడు అంది స్వర్ణ.

ఒక్క నిమిషం ఉంటుంది. తరువాత ఉండదు అని మళ్ళీ నవ్వింది. 

స్వర్ణకి ఏమి అర్ధం కాలేదు. 

నీకు పుట్టుమచ్చ ఉందని అడిగాడా అంది జఫర్ 

స్వర్ణ అవును అంది లేచి నిలబడి.

జఫర్ నవ్వుతూ గౌను కిందకి దించి బ్రా తప్పించి తన సళ్ళ మధ్యనున్న పుట్టుమచ్చని చూపించింది.

అంటే గోపీ వెతుకుతుంది నిన్నేనా అంటే అవునని నవ్వింది మళ్ళీ 

స్వర్ణ దగ్గరికి వచ్చి జఫర్ నడుము మీద చెయ్యి వేసింది. శ్రద్ధగా చూసింది. తెల్లని చర్మం. గుచ్చుకునేంత గడ్డం. బూబ్స్ నార్మల్‌గా. పొట్ట మీద చెయ్యి పెట్టి చూస్తే గట్టిగా తగిలింది. మెత్తని నడుము. చేతులు పట్టుకుంది. బలంగా ఉన్నాయి. సన్నని కాళ్ళు. ఇంకా దగ్గరికి వెళ్లి కళ్ళు మూసుకుని వాసన పీల్చింది. 

మంచి సువాసన వెదజల్లే ఒళ్ళు.. నువ్వే.. అది నువ్వే జఫర్ అని కౌగిలించుకుంది ఆఖరిగా. గోపీ చెప్పినట్టే వెచ్చగా అనిపించింది. అదొక మంచి కౌగిలి. గోపీ తనకి సొంతం అన్న ఆలోచన వచ్చేసరికి చిన్నబోయినా ఈమె నా గోపీ ప్రేమించిన అమ్మాయి అని సంతోష పడింది.  తన వంక ఆరాధనగా చూస్తుంటే గోపీకి స్వర్ణకి మధ్య ఉన్న సంబంధం ఎలా చూడాలో తనకి అర్ధం కాలేదు. ఒక్కటి మాత్రం తెలిసింది. స్వర్ణది స్వచ్ఛమైన మనసు.

నీ అసలు పేరేంటి ?
నవ్వింది జఫర్. మొత్తానికి ఒకరు నా అసలు పేరు అడిగారు అని సంతోషపడింది.

జోయా..