Fantasy క్రిష్ :: రష్ అవర్ (అయిపోయింది)

[3sivaram]

40. నా జీవితం సందీప్ చేతుల్లో...

క్రిష్ "రష్....  రష్....  రష్....  " అని రష్-సందీప్ ఇంటి ముందు నిలబడి అరిచాడు, రష్ తలుపు తెరిచి అతని ముందుకు వచ్చాక కూడా అలానే అరిచాడు.

రష్ చీదరింపుగా చూస్తూ ఉన్నా కూడా క్రిష్ మాత్రం ప్రేమగా చూస్తూ ఉన్నాడు.

రష్ నిర్దయగా "ఏం కావాలి?" అని అడిగింది.

మూడు నెలలుగా విసిగించని మనిషి వచ్చి అలా అడిగే సరికి ఆమె కూడా కొంత కంగారు పడింది. ఈ మూడు నెలలుగా తనకు కూడా అడపా దడపా తల నొప్పి వస్తూ అన్ని హాస్పిటల్స్ కి తిరుగుతూ ఉంది. కాని ఎవరికీ కూడా ఇలా క్రిష్ కళ్ళలోకి చూస్తే అతని మైండ్ చదవగలను అని మాత్రం ఏ డాక్టర్ కి చెప్పలేదు.

క్రిష్ ఆమె ముందు మోకాళ్ళ మీద పడి "నాకు ఎవరూ లేరు.... రష్... ఇప్పుడు ఎవరూ లేరు.... భయ్యా కూడా నా వల్ల చనిపోయాడు" అని అన్నాడు.

రష్ అతని కళ్ళలోకి చూస్తూ కట్లు కట్టుకొని నూతన్ నీళ్ళలోకి దూకే ముందు "ఐ హెట్ యు" అని చెప్పడం చూసింది. మనసులో గతంలో నూతన్ కి పవర్స్ ఉండడం గుర్తుకు తెచ్చుకుంది అలానే పూజ ముందుకు వచ్చి చెబుతున్న మాటలను పేర్చుకుంటూ నూతన్, క్రిష్ ని ద్వేషించాడని అందుకే ఇలా ఇద్దరినీ విడగోట్టాడని అర్ధం చేసుకుంది. ముందుగా ఇదంతా అర్ధం చేసుకోడానికి సమయం పట్టినా ఒక్కొక్క ఇటుక పేర్చుకుంటూ ఒక ఆకారాన్ని చూసింది. 

నూతన్ ఎప్పటి నుండి క్రిష్ ని టార్గెట్ చేస్తూ తమ జీవితాలతో ఆడుకుంటూ ఉన్నాడని అర్ధం చేసుకొని ఒక్క క్షణం ఒళ్లంతా చలి పుట్టినట్టు, వెన్నులో ఒణుకు వచ్చినట్టు అయింది. అలాగే క్రిష్ మీద జాలి, ప్రేమ పెరిగింది. క్రిష్ కి ఇబ్బంది అనగానే కళ్ళవెంట నీళ్ళు వచ్చేశాయి.

ఒక్క సారిగా క్రిష్ కళ్ళలోకి చూస్తూ ఉండగా "ఈ మూడు నెలలు పూజతో కలిసి ఉన్నాడు" అనే విషయం కూడా చదివింది. 

క్రిష్ ఎదురుగా ఎక్కువ మాట్లాడక పోయినా తనకు సరిపోయే విషయాలు తెలిసి పోవడంతో క్రిష్ మీద ద్వేషం, కోపం పెరిగింది. ఒళ్లంతా తేళ్ళు జెర్రులు పారినట్టు అనిపించింది.

రష్ మనసులో "అందులోనూ ఈ టక్కులాడి పూజ కోసం సొంత కొడుకు నాని యాక్సిడెంట్ ని పట్టించుకోని వాడికి ఏం జరిగినా నాకు అనవసరం" అని అనుకుంది.

రష్ కోపంగా క్రిష్ ని చూస్తూ అతనికి భయంకరమైన పనిష్మెంట్ ఇవ్వాలని అని నిర్దారించుకుంది. 

క్రిష్ నోరు తెరిచి ఎదో మాట్లాడేంతలో రష్ చాలా విసుగ్గా "ఎందుకు ఇక్కడకు వచ్చావ్..." అంది.

క్రిష్ "ఒక్క సారి నానిని చూస్తాను" అంది.

రష్ "కుదరదు...."

క్రిష్ "వాడు నా కొడుకు...." అని అధికార దర్పంతో అడిగాడు.

రష్, క్రిష్ కళ్ళలోకి చూస్తూ, అతని పొగరును చదువుతూ "నాకు మాత్రమే కొడుకు" అంది.

క్రిష్ "రష్... ప్లీజ్.... ఒక్క సారి నేను చెప్పేది వినూ" అంటూ జరిగింది అంతా చెప్పాడు.

రష్ అదేమీ పట్టించుకోకుండా "చెప్పావ్ కదా... ఇక వెళ్ళు..." అంది.

క్రిష్ "నాకు తెలుసు... నీకు డబ్బు కావాలి... ఎప్పుడూ కూడా డబ్బు కోసం చూసేదానివి... విచ్చలవిడి షాపింగ్ చేయాలనేది నీ కోరిక... అందుకే ఇక్కడకు వచ్చావ్..." అని అంటూ ఉండగానే రష్ అతని చెంప మీద కొట్టింది.

ఆమె కళ్ళు ఎర్రగా నిప్పులు కక్కుతున్నాయి. "ఇన్నాళ్ళు నా గురించి ఇదా అనుకున్నావ్.. నేను షాపింగ్ చేసి నీకు నీ కొడుక్కు కదా కొన్నది" అనుకుంటూ "వెళ్ళిపో.... ఇక్కడ ఉండొద్దు" అని అరిచింది.

క్రిష్ "ప్లీజ్.... ఒక్క సారి చూసి వెళ్తాను" అని అంటూ అడుగులు ముందుకు వేసి ఇంట్లోకి అడుగుపెట్టాడు

రష్ "నా గొంతులో ప్రాణం ఉండగా... నిన్ను చూడనివ్వను" అంటూ క్రిష్ కి అడ్డం నిలబడింది.

క్రిష్ ఆమెను తోసుకొని ఇంట్లోకి వస్తూ "నాని.... నాని... నాన్నని వచ్చాను రా... నాని" అంటూ కేకేశాడు. పూజ కూడా క్రిష్ తో పాటే లోపలకు వచ్చింది.

రష్ కోపంగా కిచెన్ లోకి వెళ్లి కత్తి తీసుకొని తన మణికట్టు దగ్గర కోసుకుంది. క్రిష్, నాని దగ్గరకు వెళ్లి ఎత్తుకునే లోపే, కిచెన్ వైపు తొంగి చూసిన పూజ కేక వేయడంతో పరిగెత్తుకుంటూ అటూ వైపు వెళ్లి అక్కడ దృశ్యం చూసి కిచెన్ లోకి అడుగు పెట్టబోయాడు.

రష్ కత్తిని గొంతుకు పెట్టుకొని "నువ్వు ఇంకొక్క అడుగువేస్తే నా గొంతు కోసేసుకొని చచ్చిపోతాను" అని అరిచింది.

క్రిష్ "రష్...  రష్...  రష్...  ఐ యామ్ సారీ.....  ఐ యామ్ సారీ.....  నువ్వు ఇలా చేయొద్దు....." అని అంటూనే రష్ పిచ్చి చేష్టలు చూస్తూ "కాని ఎందుకు?" అని అరిచాడు.

రష్ "ఐ హెట్ యు టూ" అని పెద్దగా అరిచింది. ఆమె చేతి నుండి రక్తం కారడంతో క్రిష్ ఆమె వైపు అడుగు వేయడానికి కూడా భయపడ్డాడు.

అంతలో అక్కడకు వచ్చిన సందీప్... వేగంగా కిచెన్ లోకి వెళ్లి రష్ చేతిని పట్టుకొని రక్తం ఆపి, కాటన్ తీసుకొని వచ్చి అడ్డు పెట్టి హాస్పిటల్ కి వెళ్దాం అన్నాడు.

అప్పటి వరకు తనతో అంత కోపంగా మాట్లాడిన రష్, సందీప్ తో మాములుగా ఉండడం చూస్తూ ఉన్నాడు.

క్రిష్ జరిగేది మొత్తం చూస్తూ నవ్వాడు "డబ్బు కదా....  డబ్బే కదా....  నా దగ్గరకు కూడా ఉంది.... రష్, ఇప్పుడు నా దగ్గర కూడా ఉంది  " అన్నాడు.

రష్ మాత్రం క్రిష్ వైపు అసహ్యంగా చూస్తుంది.

క్రిష్ దృష్టిలో "రష్.... డబ్బు మనిషి, తనని బ్యాక్ అప్ అఫైర్ కింద పెట్టుకొని ఎప్పుడైతే అవకాశం వచ్చిందో.... తనని వదిలేసి సందీప్ దగ్గరకు వెళ్ళిపోయింది. తమ గురించి తమ పెళ్లి గురించి చుట్టాల్లో ఎవరికీ తెలియనివ్వలేదు... కాని నేను మాత్రం నా ఫ్యామిలీ వాళ్ళ ఫ్యామిలీకి దూరం అయ్యి నానా సంక నాకి డబ్బు మొత్తం ఖర్చుపెట్టుకొని అప్పులు చేసి మోసాలు చేసి ఉన్నాను" అనుకుంటున్నాడు.

రష్ దృష్టిలో "క్రిష్..... ఎప్పుడూ నన్ను,నానిని బరువుగానే భావించాడు. పూజ లాంటి అమ్మాయి రాగానే మనసు పీకింది. నాని మెట్ల మీద నుండి పడిపోతే... అక్కడే ఉండి కూడా చెప్పలేదు.. తన గురించి ఏమయినా అనుకోవచ్చు తిట్టోచ్చు కొట్టోచ్చు కాని ముక్కు పచ్చలారాని తమ బిడ్డని చనిపోవాలి అని అనుకున్నాడు. మేం వెళ్ళిపోయినా మరుక్షణం పూజతో కలిసి పోయాడు... ఛీ.... నీ కోసం ఎండలో ఎండి, నీ కోసం రేయంతా ఎదురు చూసి సేవలు చేశాను..." అని అనుకుంది.

సందీప్... రష్ ని బయటకు తీసుకొని వెళ్తూ ఉంటే, రష్ వెనక్కి తిరిగి "ఇంకో సారి నా దగ్గరలో అడుగు బెడితే.... నేను నాని చనిపోతాం" అంది. క్రిష్ ఆటోమేటిక్ గా అడుగులు వెనక్కి వేశాడు. అక్కడ నుండి వెళ్ళిపోయాడు.

లేదు... ఈ ప్రపంచంలో ఏ ఆడది సరయినది కాదు. ప్రేమ అనేది అసలు లేదు. కేవలం కామం మాత్రమే ఉంది. దాన్నే అందరూ ప్రేమ అనుకుంటున్నారు. ఒకరి అవసరాలు మరొకరు తీర్చుకోవడమే సృష్టి ధర్మం, ఈ ప్రపంచంలో ఎవరినైనా ప్రేమించాలంటే ముందుకు నిన్ను నువ్వు ప్రేమించుకోవాలి. సెల్ఫ్ లవ్.... సెల్ఫ్ రెస్పెక్ట్.... అన్నింటి మించి ట్రస్ట్.. నమ్మకం... అనుకుంటూ వెళ్ళాడు.

ఈ పాపపు ఊళ్ళో ఇక ఉండను... అనుకుంటూ బ్యాగ్ సర్దుకొని వెళ్తూ ఉండగా.... తను డబ్బు కోసం మోసం చేసిన అమ్మాయి (కాజల్) గుర్తుకు వస్తుంది.

ఆఖరి సారిగా ఆమె ఇంటికి వెళ్లి తలుపు కోడతాడు... 

ఆమె చెల్లెలు నిషా తలుపు తెరుస్తుంది... "ఎవరూ?"

క్రిష్ "నా పేరు క్రిష్... " అని తనను తానూ పరిచయం చేసుకున్నాడు.

నిషా తన అక్కకి ఫోన్ చేసింది.

నిషా "హలో అక్కా... అతనొచ్చాడు" అంది.

కాల్ బాయ్ క్రిష్

---