Romance திமிருக்கு மறுபெயர் நீதானே...!

[feelmystory]

"அப்புறம் என்ன! எனக்குதான் ஆப்ரேஷன்! நெத்தியில ரெண்டு தையல் போட்டாங்க! இன்னும் அந்த தழும்பு கூட அப்படியே இருக்கு!" எனக்கூறி என்னிடம் கட்டினான்.

எனக்கு அதை பார்த்ததும் உடலெங்கும் நடுக்கம் ஏற்பட்டது. ஆனாலும் அதை வெளியில் காட்டிக்கொள்ளாமல் மேலும் தொடர்ந்து பேசினேன்.
 
"வெங்கி! உங்க வீட்ல இவள கண்டிக்க மாட்டாங்களா?"
 
"ஹ்ம்ம்... அம்மாவும் அப்பாவும் திட்டுவாங்க! ஆனாலும் இவ மேல எங்களுக்கு ரொம்ப பாசம் இருக்குறதுனால எதுவும் சொல்ல மாட்டோம்! அதோட இவ கோபத்தை கட்டுப்படுத்துறதுக்காக யோகா கிளாஸ்ல சேர்த்து விட்டுருக்கோம்!"
 
"அதுக்கப்புறம் கோபம் போச்சா?"
 
“அதெல்லாம் போன மாதிரி தெரியல! ஆரம்பத்துல நான் ஏதாச்சும் அவள வம்பு இழுத்தா கன்னத்துல அடிப்பா! அதெல்லாம் பாசத்துலதான் அப்படி அடிக்குறான்னு நினைச்சு விட்ருவேன்! ஆனா அவ என்னோட நெத்தில அடிச்சு தையல் போட வச்சதுல இருந்து இப்ப வரைக்கும் நான் பேசுறதே இல்ல! அவளும் என்னைய கண்டுக்கிறது இல்ல!"
 
வெங்கட் சோகத்துடன் கூறியதும் எனக்கு அவனுடைய முகத்தை பார்ப்பதற்கே மிகுந்த வருத்தமாக இருந்தது.
 
"வெங்கி! எதுவும் கவலைப்படாத எல்லாம் சரி ஆகிடும்!" என்று ஆறுதல் சொன்னேன்.