Romance திமிருக்கு மறுபெயர் நீதானே...!

[feelmystory]

"தினேஷ்! என்னடா சொல்லுற இப்படிபட்டவள எப்படி ஸ்கூல்ல வச்சுருக்காங்க! யாரும் கம்ப்ளைன்ட் எதுவும் பண்ணலையா?"

"இதுவரைக்கும் அறை வாங்குனவன் எவனும் கம்ப்ளைன்ட் பண்ணல! ஆனா கெமிஸ்ட்ரி லேப்ல மண்டை உடஞ்சு போன பையன் மேல ஏற்கனவே நிறையா பொண்ணுங்க எங்ககிட்டே வந்து அசிங்கமா பேசுறான்னு கம்ப்ளைன்ட் பண்ணிருக்காங்க! அதனால அவன் நிறையா தடவ ஸ்கூல்ல இருந்து சஸ்பென்ட் வாங்கிருக்கான்!”
 
“பாவம் கடைசியா அவன் செய்யாத தப்புக்கு மண்டைய உடச்சு ஸ்கூல விட்டே அவன பயந்து ஓட வச்சுட்டா!”
 
“அதோட இந்த விஷயத்துல டீச்சர்ஸ் எல்லாரும் இவளுக்கு தான் ரொம்ப சப்போர்ட்!”
 
“அதுக்கு காரணம் ரொம்ப நல்லா படிக்கிற பொண்ணு!”
 
“டென்த் எக்ஸாம்ல நம்ம ஸ்கூல்லயே இவதான் முதல் மார்க் வாங்குனா!”
 
“அதுல இருந்து இவமேல இருந்த மதிப்பு இன்னும் நல்லா கூடிப்போச்சு!"
 
நான் இதையெல்லாம் கேட்டு வாயடைத்துபோய் தினேஷின் முகத்தை வெறித்து பார்த்துக்கொண்டிருந்தான்.
 
"டேய் விக்ரம்! நீ எதையும் இன்னும் நம்பாம இருக்கேனுதான் நினைக்குறேன்! கடைசியா ஒரே ஒரு மேட்டர் இருக்கு! அத கண்டிப்பா நீ நம்புவே!"
 
"என்ன மேட்டர் சீக்கிரம் சொல்லுடா!” பதற்றத்துடன் பேசினேன்.
 
"இதோ பக்கத்துல இருக்கானே! வெங்கட்! அவளோட அண்ணன்தான்!"
 
"என்னடா தினேஷ்! இவன போயி அண்ணன்னு சொல்லுற! எப்படி ஒரே கிளாஸ்ல படிக்க முடியும்? எதுக்கு நீ இப்படியெல்லாம் உளறிகிட்டு இருக்கே?"
 
"விக்ரம்! நான் ஒன்னும் உளறல! என்னைய முதல்ல பேச விடுடா” என்று கொஞ்சம் கோபமடைந்தான்.
 
"நான் எதுவும் பேசல! யூ கண்டினுயூ!" என்று சிரித்தேன்.
 
"வெங்கட்டும் அவளும் ட்வின்ஸ்டா! ஒரே சமயத்துல அடுத்தடுத்து பிறந்தவங்க! அவளுக்கு பத்து நிமிஷம் முன்னாடி பிறந்ததால வெங்கட் அண்ணன் ஆகிட்டான்! இப்ப புரியுதா?"
 
அதை கேட்டு ஆச்சர்யத்துடன் ஓவென்று வாயை திறந்து அவனை பார்த்தேன்.