Romance திமிருக்கு மறுபெயர் நீதானே...!

[feelmystory]

பிறகு வேகமாக யாரையும் கண்டுகொள்ளாமல் என்னை கடந்து சென்று! பெண்கள் வரிசையில் இருக்கும் முதல் பெஞ்சில் அமர்ந்துகொண்டாள்.

எனது கண்கள் மட்டும் அவளைவிட்டு விலக மனமில்லாமல் ஒரு வித குதூகலத்துடன் பார்த்துக்கொண்டிருந்தது.
 
அதை கெடுக்கும் விதமாக பக்கத்தில் இருந்த ஒரு குரல் என் காதில் மட்டும் விழுவது போல் கேட்டது.
 
"வந்துட்டாயா வந்துட்டா! கழுகுக்கு மூக்கு வேர்த்த மாதிரி கரெக்டா வந்துட்டா!"
 
கொஞ்சம் பயத்துடன் தினேஷ் கத்தினான்.
 
"ஏன்டா இப்படி கத்துற!"
 
நான் எரிச்சலுடன் கேட்டேன்.
 
"வந்த முதல் நாளே அவள சைட் அடிக்கிறியா!"
 
பெண்களை பார்த்தாளே கூச்சம் ஏற்படும் எனக்கு அவளை பார்க்கும்போது மட்டும் அப்படி தோன்றவில்லை!
 
ஏன் அப்படி என்று குழப்பமாக இருந்தது.
 
ஆனாலும் அதைப்பற்றி தினேஷுக்கு தெரியப்படுத்த கூடாது என்று தைரியமாக பேசினேன்.
 
"ஹ்ம்ம்... சைட் அடிச்சா என்னடா தப்பு?"
 
"நீ சைட் அடிச்சா தப்பில்ல! ஆனா அவ அடிச்சா நீ தாங்கமாட்ட!" என கூறிவிட்டு சிரித்தான்.
 
"என்னடா சொல்லுற அடிப்பாளா? எதுக்குடா?"
 
"ஹ்ம்ம்... உனக்கு சும்மா சொன்னா புரியாது! கொஞ்சம் விவரமா சொல்றேன் கேட்டுக்கோ! இவகிட்ட பசங்க யாராச்சும் பேச போனா திரும்ப வரும்போது கன்னத்துல கைய வச்சுகிட்டுதான் வருவாங்க!"
 
"ஏன்டா! அவ சோகமாதான் பேசுவாளா?"
 
"விக்ரம்! நீ சரியான தத்திடா! அவளுக்கு பசங்கள பாத்தாளே பிடிக்காது! அவகிட்ட எதாச்சும் போயி பேசுனா முதல்ல அறைதான்! அப்பறமாதான் என்னனு கேப்பா!"
 
"டேய்! நீ சொல்றதெல்லாம் நம்புற மாதிரியே இல்லடா! எவ்வளவு அழகா இருக்கா! இவள போயி இப்படி சொல்றியே!"
 
"ஹ்ம்ம்... அழகு இருக்குற இடத்துலதான் ஆபத்தும் இருக்கும்! இன்னொரு விஷயத்தை சொன்னாதான் நீ கொஞ்சம் நம்புவே”
 
"சரி அது என்னடா விஷயம் ?"
 
"போன வருஷம் கெமிஸ்ட்ரி லேப்ல எல்லாரும் டெஸ்ட்டுயூப் வச்சு எக்ஸ்பெரிமெண்ட் பண்ணிட்டு இருந்தோம்!”
 
“அப்போ சால்ட் எடுக்க போறதுக்காக ஒருத்தன் அவள கிராஸ் பண்ணி போனான்!”
 
“திரும்ப வரும்போது தெரியாம அவளோட முதுகுல அவனோட முழங்கை நல்லா உரசிரிச்சு!”
 
“உடனே கோபத்துல இவ கையில இருந்த பெரிய டெஸ்ட்டுயூப எடுத்து அவன் தலையிலேயே போட்டு மண்டைய உடைச்சுவிட்டுட்டா!”
 
“அதுல இருந்து எந்த பசங்களும் இவ கிட்ட பேசுறதே இல்ல! இவ வர்றான்னு தெரிஞ்சாலே அங்க இருந்து விலகி போயிடுவாங்க!"