Romance Girls' college — by Shakespeare002

[Vikatakavi02]

67


Disha shadi ke baad gulaab ke phool ki tarah khil si gayi thi.. Shamsher ke pyaar se uska ang ang jaise nikhar gaya tha.. Uski chhatiyon ka kasav aur badh gaya thha.. Uske nitambon mein thhirkan pahle se bhi kaamuk ho gayi thhi... Kal ki swarg ki raaajkumari ab maharani ban chuki thhi.. Shamsher ki maharani.. Haan, pahle jaisa uska gussa ab utna nahi raha thha.. Uske shareer ki dabi huyi kaamvaasna uske nakchadhi hone ke liye jimmedar thhi aur jab wo shamsher ne jaga di to ab wo khulkar maja leti thhi, sex ka; pyar ka... Isiliye ab wah bahut hi santust dikhne lagi thhi... Par usne graduation se pahle khud ko maa na banane ka faisla kiya thha aur shamsher ko bhi iss-se koi aitraaj na tha...

Vaani... Dino din jawaani ke kareeb aati ja rahi vani ab samajhdaar hoti ja rahi thhi aur ye samajhdari uske angon mein bhi saaf dekhi ja sakti thhi... Uske chehre aur baaton ki maasumiyat ka uske ang virodh karte dikhayi dete thhe.. Sahar mein rahne ke karan usko pahnave ka saleeka bhi jaldi hi aa gaya.. Ab disha uski wo tamaam hasratein poori kar dena chahti thi.. Jo wo shadi se pahle khud poori nahi kar payi.. Gareebi ke karan.. Usko ji bhar kar apni pasand ke kapde khareedwati... Saja sanwar kar rakhti... Vaani aksar usko tok deti," didi! Main kya bachchi hoon, aap mujhe 'aise rahna! Waise rahna!' samjhati rahti hain..."
"Tu chup kar! Aur jaise main kahti hoon, waise hi raha kar... Samjhi.. Kitni pyari hai tu.. Raajkumari jaisi" aur disha usko apne galey se laga leti.
Kal ki gaanv ki raajkumari... Aaj shahar ki raajkumari ko saare shahar ki dhadkan bana kar rakhti thhi.. Aur vani ban chuki thhi.. Dhadkan, yuva dilon ki... Jidhar se bhi wah nikalti thi.. Mano kayamat aa jati.. Mano samay ruk sa jata...

Par ladkon ke har ishare ko samajhne ke bawjood wo unki andekhi kar deti... Usko pata thha.. Samay aane par usko bhi uska raajkumaar mil jaayega...

Disha ne vani ko bata diya thha ki aajkal ajeet bhi pyar ke jaal mein uljha huaa hai..
Jab ajeet khana kha raha thha to vani rah rah kar uske munh ki aur dekhti aur disha ko hath lagakar khilkhila kar hans padti..
"Kya baat hai? Kya mil gaya hai tujhe vaani" tough ne vani ko apni taraf dekh kar iss tarah hansti pakar poochha.
"Bhaiya! Ye top secret hai..." vani ne usse chuhal baji ki...
"Dekh bhai, pahle to apni saali ko samjha de; mujhe bhaiya na bole.." tough ne vaani ki shikayat shamsher se ki..
"Vaani! Aise nahi bolte... Tu uncle bhi to kah sakti hai.."
Aur teeno khilkhila kar hans padey... Tough ka chehra dekhne layak tha," bhai! Yahan to aana hi paap hai.. Ek baar mera time aane de, dekhna 'usse' rakhi na bandhwaai to mera bhi naam nahi...
Kal hi jata hoon..
"usse kis-se bhaiya! Seema didi se, usko to maine pahle hi didi bana liya hai..."
Tough apni andar ki baat ka sabko pata lage dekh khij gaya," yaar, tu to bada ghamchakkar hai.. Tune to munadi hi kar di..."
Shamsher ne vaani ki aur dekhkar ishara kiya aur ek baar fir se thhahaka goonj uthha.. Ek sukhi paiwaar mein...

(To be continued...)