Romance Girls' college — by Shakespeare002

[Vikatakavi02]

64

Shivani ne prachi ko ek ijjatdaar kaam aur itni hi salary ki noukari dilwane ka lalach diya... ," dekh prachi! Iss tarah ki noukari karne se kahi achchha ladki ke liye suicide kar lena hai.. Mere khyal se tu bhi iss baat ko samajhti hai... Main tujhe ek bahut hi achchha kaam aur isse jyada tankhwah dilwa sakti hoon.. Agar tu meri yahan se nikalne mein madad kare to!"

"par agar aisa nahi huaa to main na ghar ki rahungi, na ghat ki..!" prachi ne apna shak jahir kar diya!"
"dekh prachi! Yahan baithhe baithhe to main kuchh kar nahi sakti. Visvas karna ya na karna tum par nirbhar hai... Par soch le.. Kya tujhe kabhi bhi apna pariwar nahi chahiye... Humesha iss kutte ki rakhailrah sakti hai" ab ki baar shivani ne prachi ki dukhti rag par haath rakh dia... 
"thheek hai shivani! Tum taiyaar ho jao! Bahar meri scooty khadi hai... Main noukaron ko idhat udhar karti hoon..." kahkar wo kamre se bahar nikal gayi.....

Kuchh der baad shivani aur prachi farmhouse ke gate par pahunche hi thhe ki tough ki zeep ne unke saamne break maare..
Tough ne shivani ko ek shabd bhi nahi bola aur prachi ko haath se kaskar pakad liya aur seedha andar chala gaya...

Sunil ki najrein shivani se mili......

Sunil shivani ko dekhte hi usko baahon mein bhar lene ko douda.. Usko pata chal chuka thha ki kal raat se lekar abhi tak uske saath kya kya hua hai.. Shivani ne bhi usko apne paas aata dekh apni baahein faila di.. Par do kadam chalte hi sunil ke kadam thhithhak gaye... Uske saamne khadi naari seeta nahi thhi jo maaf kar diya jaye... Aur fir maafi to seeta mata ko bhi nahi mili thhi.. Sunil ko usse jaane kitne sawaalon ke jawaab lene thhe... Sunil wahi ruk gaya.. Shivani uske rukne ka matlab jaanti thhi... Wah uski apraadhi thhi... Usne sunil ko dhokha diya thha... Uski baahein wapas simat gayi. Ab sunil ko bahut kuchh batana thha... Bahut kuchh.. Shivani ne najrein jhuka li. Sunil ki aankhon mein kadwahat bharne lagi...


Kuchh der baad tough andar se ek noukar aur 2 
noukaraaniyon ko prachi ke sath bahar laya... ," 
uss saley ka ghar kidhar hai...?" tough ne om ka
gala pakda aur poochha.
"Rahne do ajeet! Koi jarurat nahi hai.. Main F.I.R. Nahi karana chahta... !"
"Kya kah rahe ho bhai?" tough ne achraj se poochha..

"Jo aurat mujhe chhod kar kisi dusre ke paas ja 
sakti hai, usko agar koi teesra uthha le jaaye to 
kya farq padta hai.. Kya pata kal ko ye adalat 
mein kuchh aur hi bayan de! Main apni aur be-
ijjati nahi karana chahta!"
tough uski haalat ko samajh raha thha.. Usne usko thhande dimaag se sochne ki salah di.. Par sunil apni baat se nahi diga," I AM NOT GOING 
TO COMPLAIN IN security officer ANYWAY..."
Tough ne sabko chhod diya.. Prachi kisi ummeed se shivani ko dekh rahi thhi; par jisko apna hi bharosa na ho, wo kisi ka sahara kya banegi. 
Prachi ne ye soch kar tasalli kar li ki usko to ab 
jana hi thha.. Wahan se chhoot kar.. Usne apne 
armaano par mitti daali aur wapas andar chali 
gayi, apne maathaton ko saathh lekar.

Tough ne om ko wahin chhod diya aur sunil aur 
shivani ko bithha kar ghar le aaya...
Ghar jaane par sabhi shivani ko ajeeb si najron se dekhte rahe.. Anjali aur gouri tak uske paas nahi gaye.. Uske saath shiv ne jo kuchh bhi kiya uske liye wah sahanubhooti ki patra nahi thhi.. Balki sunil ke sath usne jo kuchh kiya; usse wah kulta saabit ho gayi thhi.. Achhoot!
Tough ne sunil ko akele le jaakar baat karne ki koshish ki," yaar hum aadmi hamesha aisa hi kyun sochte hain.. Fir to tumhe bhi tumhare aur anjali ke relation bata dene chahiye.."
"Bus yaar! Main iss topic par baat hi nahi karna chahta!" lagbhag har aadmi apne kutsit karmon ko uthhaye jane par waisa hi jawaab deta... Jaisa sunil ne diya.. Haan aurat har-ek ko sirf 'uski hi chahiye!
Tough ko aage baat karne ka koi fayada nahi dikhayi diya.. Usne apni zeep start ki aur chala gaya... Miyan biwi ko unke haal par chhod kar...

Shivani ko anjali khana dene aayi par usne mana kar diya... Anjali ne uss 'kulta' ko dobara poochhne ki jarurat nahi samajhi.. Usko bhi sunil se hi humdardi thhi.. Apne sunil se...
Sirf ek bhool se shivani apno mein begaani ho gayi... Sirf ek bhool se wah 'akeli' ho gayi... Sunil ne usse na humdardi dikhayi aur na hi gussa.. Wah munh fer kar late gaya.. Shivaani apne aapko pavitra kar lena chahti thhi.. Sunil ke pasine se nahakar, uski baahon mein doob kar... Wah dusri taraf munh kiye huye sunil ki chhati ko upar neeche hota dekhti rahi.. Shayad gusse ki prakastha mein... Par uski himmat na huyi sunil ko chhoone ki, wah saza bhugat rahi thi; usse jhhoothh bolkar jane ki... Apne vicky ke paas...

(To be continued....)