Romance Girls' college — by Shakespeare002

[Vikatakavi02]

63


Prachi ko shivani se humdardi hone lagi thi. Aakhir thi to wah bhi ek ladki hi.. Kya pata uski kuchh majbooriyan rahi hon ya uski ooncha udne ki hasrat jo usne chand jyada rupaiyon ki khatir shiv ko apna sab kuchh de diya thha... Par ladki ka dil aakhir ladki ka hi hota hai.. Shiv ke farm house se jate hi wo apni dress nikal laayi aur sooni aankhon se bedroom ki chhat nihar rahi shivani ko de di," jab tak boss nahi aate, aap ye pehan sakti hain..."

Shivani ne usko kritagya najron se dekha aur uske haath se kapde le liye...," aap ko kuchh pata hai... Mere bare mein!"
"nahi... Aur jaan'na jaroori bhi nahi hai.. Itna to jaan hi gayi hoo ki aap apni marzi se yahan nahi aayi!" prachi ne uske kandhe par haath rakh aur uske paas baith gayi..
"Ab mera kya hoga!" shivani ne kapdon se apne aapko dhakte huye kaha...
"Pata nahi... Par main ismein kuchh nahi kar sakti.. Meri noukari ka sawaal hai.. Aakhir mujhe bhi jeene ke liye paisa chahiye!"
"Par isko mere baare mein kaise pata chala..!" shivani jaanti thhi ki ye omprakaah ka dost hai aur usko ghar se hi pata chala hoga...!"
"ab wah ghar wapas nahi jana chahti thi... Par yahan se bhi jaldi se jaldi bahar nikalna tha... Kisi bhi tarah?"
"Kya tum mujhe yahan se nikal sakti ho?"
"Nahi! maine tumko saaf saaf bata diya hai... Main ye noukari nahi chhod sakti, kisi bhi haalat mein... Warna tum khud hi socho agar kisi ki koi majboori na ho to kya wo yahan kaam karega?"

Tough seedha gaanv mein anjali ke ghar pahuncha... Wahan par omprakash ko dekhkar hairan rah gaya...," arey! Aap wapas bhi aa gaye! aap to 3-4 din ke liye gaye thhe na!" sunil aur anjali bhi wahin thhe... Gouri living room mein baithhi thi... Sab udaas thhe...
"Haan... Wo .. Mera kaam jaldi ho gaya.. Isiliye wapas aa gaya!" om ne hadbada kar tough ko safaayi di..
"Par aap to kah rahe thhe ki kaam nahi bana.." anjali ne tough ke dimaag mein shaq ka keeda paida kar diya... Om ne kuchh der pahle hi anjali ko safaayi di thhi ki beech raaste mein hi uske dost ka fone aa gaya ki abhi 3-4 din mat aana.
"Haan .. Wahi to hai.. Ab kya main sab sabkuchh bataaunga!.." sach to ye thha ki om ko anjali ko diya hua excuse hadbadahat mein yaad hi nahi raha thha.. Uski aawaj hakla rahi thhi.. Aur security officer walon ko itna ishara kaafi hota hai..

Tough ne ciggerette nikali aur usko sulga liya... Uska dimag tezi se kaam kar raha thha.. Wah kal raat huyi ek ek baat ko yaad karne ki koshish kar raha thha..

Tabhi achanak usne ciggerette om ki aur badha di.. " lijiye sir! Gussa chhodiye aur kash lagaayiye!"
"Nahi mein ciggerette nahi pita!" om ne munh fer kar kaha," anjali chay bana lao!"
Tough ka shak majboot hota ja raha thha.. Usne kal raat ko aate hi navy cut ka totka table ke paas pada dekha thha... Iska matlab koi aur bhi aaya thha om ke saath raat ko.. Par om to kah raha thha ki wo 10 baje ke baad aaya hai..
"Kya naam bataya thha aapne apne dost ka jo kal aapke saathh aaye thhe!" tough ne baton hi baaton mein poochha..!
"Wo... Shiv... aaa kal raat ko koi bhi to nahi! Main to uski baat kar raha thha jiska fone aaya tha.." om ka gala sookh gaya. Tough ke yakeen ho chala tha ki locha yahin hai.. Par wah aur pakka karna chahta thha... Usne sunil ko ishare se bahar le jakar kuchh time ke baad call karne ko kaha; uake fone par...

Wo chay pee hi rahe thhe ki tough ke mobile par sunil ki call aa gayi.. 
Tough ne fone kaat diya aur akela hi bolne lag gaya, fone ko kaan se laga kar..
"Hello!"
-------
"Haan durga bolo!"

"Kya? Shivani ka pata chal gaya!" kahan hai?" tough ki baat sunkar anjali aur gouri bhag kar kamre mein aaye...," oh thank God!"
Om ke chehre ka rang safed hota gaya... Tough ki najar uske chehre par hi thhi...

""Kya? Kya bak rahe ho...?" tough ka natak jaari thha...
Om baithha baithha kaanp raha thha.. Tough ka idea kaam kar gaya... Usne fone kata aur om ki aur mukhatib hokar kaha..," haan to mr. Om pra...!"
"Maine kuchh nahi kiya janaab... Wo maine to mana bh kiya thha.. Shiv ko..!" Aagey togh ne usko bolne hi na diya... Uske chehre par aisa jor ka thhappad mara ki wo bed se munh ke bal farsh par ja gira.. Usne dono haath jod liye aur gidgidane laga," inspector sahab! Meri baat sun lo pls.. Maine kuchh nahi kiya.." Anjali aur gouri dono ko usse ghrina ho rahi thhi...
Tough ne om ki collar pakdi aur uthha kar bed par daal diya," saaley! Jaldi bak ke bakna hai.. Na te teri...!" ladkiyon ko dekhkar usne apne aapko kaaboo mein kiya," chal jaldi bak!"
Om ne pahli line se aakhri line tak rate huye tote ki tarah bolta chala gaya... 

Tough ne usko jeep mein daala aur sunil ko sathh lekar farmhouse ki aur gadi doda di........

(To be continued...)