Fantasy నా ఆటోగ్రాఫ్.....స్వీట్ మొమరీస్ - completed

[prasad_rao16]

అలా కళ్ళు తెరిచిన రాము తన కళ్ళ ముందు కనిపించిన దృశ్యం చూసి తాను చూస్తున్నది కలా నిజమా అని అర్ధంకాక బిత్తరపోయి చూస్తున్నాడు.
ఎదురుగా పియానో మీద క్యాండిల్ స్టాండ్ లో క్యాండిల్స్ పెట్టి ఎవరో వెలిగించినట్టు వెలుగుతున్నాయి.
ఆ గదిలో నుండి బయటకు చూసిన రాముకి తాను వచ్చినప్పడు ఉన్న విల్లాకు ఇప్పుడు తాను చూస్తున్న విల్లాకు చాలా తేడా కనిపించింది.
రాము చిన్నగా కుర్చీలో నుండి లేచి చుట్టూ చూసాడు.
ఆ గదిలో ఇంకో రెండు క్యాండిల్ స్టాండ్స్ లో క్యాండిల్స్ వెలగడం చూసాడు.
అలా అయోమయంగా చూస్తున్న రాముకి బయట హాల్లో ఎవరో మాట్లాడుతూ ఎవరినో పిలుస్తున్నట్టు వినిపించడంతో బెడ్ రూమ్ లోనుండి బయటకు వచ్చి కారిడార్ లోకి వచ్చిన రాముకి హాల్లో ఒకామె, “కిషన్…..తొందరగా రా….టైం అవుతున్నది,” అంటూ ఒకతన్ని పిలవడం చూసి వెంటనే రాము అక్కడ ఉన్న తలుపు వెనకాల నిల్చుని వాళ్ళు ఎవరా అని చూస్తున్నాడు.
ఆమె పిలుస్తున్న కిషన్ అనే అతను చేతిలో సూట్ కేస్ పట్టుకుని మెట్ల మీద నుండి కిందకు దిగుతూ, “వస్తున్నాను మేడమ్. అంత తొందర పెడుతున్నారెందుకు,” అంటూ బయటకు వెళ్ళి కారులో తన చేతిలో ఉన్న సూట్ కేస్ పెడుతున్నాడు.
అక్కడ తలుపు వెనకాల అద్దంలో నుండి చూస్తున్న రాముకి తన కళ్ళెదురుగా కనిపిస్తున్న వాళ్లు ఎవరా అని అయోమయంగా చూస్తున్నాడు.
తాను వచ్చినప్పుడు లేని వాళ్ళు తెల్లారేసరికి ఎలా వచ్చారా అని ఆలోచిస్తున్నాడు….ఎదురుగా కనిపిస్తున్న సన్నివేశాన్ని చూస్తుంటే రాముకి అంతా తెలిసినట్టు అనిపిస్తున్నది.
విల్లా బయట ఉన్న కారులో ఇద్దరు దంపతులు ఊరికి వెళ్లడానికి బయలుదేరిన వాళ్లను డ్రైవర్ కారులో రైల్వే స్టేషన్ లో దింపడానికి వెళ్తున్నాడు.
వాళ్లు వెళ్తుంటే ఒక అమ్మాయి, ఇందాక కిషన్ అంటూ పిలిచిన ఆమె వాళ్ళకు చేతులు ఊపుతూ బై చెబుతున్నారు.
అదంతా చూసిన రాము ఏదో అర్ధమయిన వాడిలా వెనక్కు పరిగెత్తుకుంటూ వచ్చి ఇంతకు ముందు తాను పడుకునే బెడ్ రూమ్ లోకి వచ్చాడు.
బెడ్ రూమ్ లోకి వచ్చిన రాము చుట్టూ చూసి అక్కడ టీపాయ్ మీద ఉన్న న్యూస్ పేపర్ తీసుకుని దాని మీద ఉన్న 12-3-1960 అని డేట్ చూసాడు.
న్యూస్ పేపర్ మీద ఉన్న డేట్ చూసినా రాముకి తల గిర్రున తిరిగినట్టు అయింది.
తన చేతిలో ఉన్న న్యూస్ పేపర్ ఆ రోజుది…దాని మీద డేట్ మాత్రం యాభై ఏళ్ళ కిందటి సంవత్సరం వేసి ఉన్నది.
ఆ డేట్ చూసిన రాముకి తన కళ్ల ముందు జరుగుతున్నది, తాను చూస్తున్నది కలా నిజమా అర్ధం కావడం లేదు.
ఇప్పుడు విల్లాలో తానున్న పరిస్థితి చూస్తే తాను కాలంలో యాభై ఏళ్ళు వెనక్కు వచ్చినట్టు క్లియర్ గా చాలా బాగా అర్ధమవుతున్నది.
ఇందాక తాను చూసిన మనుషులు రేణుక రాసిన లెటర్ లోని వ్యక్తులు సునీత, కిషన్, తన అమ్మా, నాన్నకు చేయి ఊపి బై చెబుతున్న అమ్మాయి రేణుక అని అర్ధమయింది.
అంటే తాను తనున్న కాలంలో నుండి రేణుక ఉన్న కాలంలోకి వచ్చానని అనుకుంటూ గబగబ అక్కడనుండి పరిగెత్తి విల్లాలో వెనకనుండి తలుపు తీసి బయటకు వచ్చి చూసాడు.
బయట అంతా తాను 2010 వ సంవత్సరం వాడిని అయితే అక్కడ తన ఎదురుగా కనిపిస్తున్నదంతా మాయమై దాని స్థానంలో యాభై ఏళ్ళు అంటే 1960 వ సంవత్సరంలో ఉన్నట్టు ఉన్నది.