Romance భార్య భర్తల కిల్లికజ్జాలు (సమాప్తం)

[k3vv3]

సడన్ గా మారిన నందు వేరియేషన్ కి గౌతమ్ షాక్ అయ్యి ఫెయింట్ అయ్యేలా ఉంటే వెంటనే నందు గౌతమ్ చెంప మీద చిన్నగా కొట్టి "ఓయ్ నన్ను ఇలా చూసి షాక్ అయ్యావా???? కానీ ఇదే నా ఒరిజినల్ క్యారెక్టర్..... కూర్చో నీతో చాలా మాట్లాడాలి...." అని చెప్పి గౌతమ్ ని బెడ్ మీద కూర్చోబెట్టి తను గౌతమ్ ఎదురుగా బాసిమఠం వేసుకొని కూర్చుంటుంది....
 
గౌతమ్ ఇంకా ఆ షాక్ నుంచి తేరుకోలేక గుడ్లప్పగించి మరి నందు వైపే చూస్తూ ఉంటే "ఓయ్ ఏంటి అలా చూస్తున్నావ్ తినేస్తావా ఏంటి???? నేను బయటికి వచ్చినప్పుడు కూడా ఇలాగే చూసావు???" అని సీరియస్ గా అడుగుతుంది
 
నందు అప్పుడు చేరుకొని "లేదండి మిమ్మల్ని బయట చూసినప్పుడు చాలా సాఫ్ట్ గా కనిపించారు.... ఇక్కడేమో ఇలా మాట్లాడుతున్నారు??? అందుకే కొంచెం షాక్ అయ్యాను...." అని నార్మల్ అవుతూ అంటాడు
 
నందు గౌతమ్ వైపు సూటిగా చూస్తూ "అమ్మాయిలు అన్నాక ఇలాగే ఉండాలి.... మెత్తగా ఉంటే ప్రతి ఒక్క వెధవ ఆడుకుంటాడు.....అందుకే నేను అలాంటి వాళ్ళకు ఛాన్స్ ఇవ్వడం లేదు.... ఇంతకీ నేను నీకు నచ్చానా????" అని సూటిగా అడుగుతుంది
 
గౌతమ్ అమ్మాయిల సిగ్గుపడుతూ బెడ్ షీట్ ని నలిపేస్తూ "చాలా నచ్చారండి మిమ్మల్ని చూడగానే పడిపోయాను...." అని అంటాడు
 
నందు గౌతమ్ వైపు వింతగా చూస్తూ "ఏంటండీ ఆ సిగ్గుపడటం నేను సిగ్గు పడాల్సింది పోయి మీరు సిగ్గు పడుతున్నారు.... ఇంతకీ నా గురించి మీకు తెలుసా???" అని అడుగుతుంది
 
"లేదండి నేను కనీసం మీ ఫోటో కూడా చూడలేదు..... డైరెక్టుగా పెళ్లిచూపులు కి వచ్చేసాను నచ్చితే ఓకే చెప్తాము లేకపోతే లేదు అనుకున్నాను...." అని గీత గోవిందం సినిమాలో విజయ్ దేవరకొండ ల సిన్సియర్ గా చెప్తాడు
 
గౌతమ్ మాటల్లోని సిన్సియారిటీ నచ్చి "ఓకే నేను డిగ్రీ చేశాను ఇంతవరకు ఎవరినీ ప్రేమించలేదు.... కాలేజ్ లో అబ్బాయిలకి నన్ను చూస్తే హడల్ అందుకే త్వరగా నాకు ఎవరూ ప్రపోజ్ చేయరు.... నేను చాలా స్ట్రైట్ ఫార్వర్డ్.... ఏదున్నా మొహం మీద చెప్పేస్తాను మనసులో ఏదీ దాచుకోను.... మా నాన్నగారు నన్ను పై చదువులు చదివించలేక డిగ్రీ తర్వాత చదువు మాన్పించేశారు.... నాకు కూడా చదువు మీద పెద్దగా ఇంట్రెస్ట్ లేక నేను మానేశాను..... పైగా నా డిగ్రీ అయిపోయి జస్ట్ టూ మంత్స్ అవుతుంది... ఇక పెళ్లి చేయాలనుకున్నారు.... మొదటి సంబంధం మీదే మీరు నాకు బాగా నచ్చారు.... మీకు ఓకే అయితే మనం ఇద్దరం పెళ్లి చేసుకుందాం..... ఇంతకీ మీకు ఏమైనా లవ్ ఎఫైర్స్ ఉన్నాయా??? ఉంటే నిరభ్యంతరంగా చెప్పండి నేను చాలా బ్రాడ్ మైండెడ్ ఇలాంటివన్నీ పట్టించుకోను...‌." అని డైరెక్టుగా అడుగుతుంది
 
నందు అంత డైరెక్ట్ గా అడుగుతుంది అని ఎక్స్పెక్ట్ చేయని గౌతమ్ ఫస్ట్ షాక్ అయిన వెంటనే చిరునవ్వు నవ్వుతూ "అయ్యో నాకు అలాంటివి ఏమీ లేవండి.... నేను కూడా పెద్దలు కుదిర్చిన సంబంధమే చేసుకోవాలి అనుకున్నాను పైగా అమ్మాయిలు మీ లాగ ఉంటేనే నాకు చాలా ఇష్టం నందు.... అవును నీ పేరు నందికనే కదా!!!నేను మిమ్మల్ని నందు అని పిలవచ్చా???" అని అడుగుతాడు
 
"మీరు నన్ను పెళ్లి చేసుకునే పని అయితే మీరు ఎలా పిలిచినా నేనే పలుకుతాను.... నాకేమీ అభ్యంతరం లేదు...." అని నవ్వుతూ అంటుంది
 
"అయితే నేను నిన్ను నందు అనే పిలుస్తాను నాకు నువ్వు బాగా నచ్చావు.... నీ మాటలు నీ క్యారెక్టర్ ఇంకా నచ్చింది...." అని మీరు నుంచి నువ్వు లోకి వచ్చి అంటాడు
 
నందు వెంటనే గౌతమ్ బుగ్గలు పట్టుకుని లాగుతూ "మీరు ఎంత క్యూట్ గా ఉన్నారో తెలుసా ఈ డ్రెస్ లో???? వచ్చినప్పట్నుంచి ఇలా మీ బుగ్గలు లాగుదామని మనసు పీకుతోంది ఇప్పటికి కుదిరింది.... ఒకవేళ మీకు నేను నచ్చలేదని చెప్పి అంటే ఇంత అడ్వాంటేజ్ తీసుకుని దాన్ని కాదు.... మీరు నా గురించి తప్పుగా అనుకోవద్దు...." అని సిగ్గుపడుతూ ఉంటుంది
 
గౌతమ్ నవ్వుతూ "నాకు కూడా నిన్ను చూసినప్పటినుంచి ఒకటి చేయాలని ఉంది.... నీకు నేను ఇష్టమో లేదో తెలియక సైలెంట్ గా ఉన్నాను.... కానీ ఇప్పుడు నీకు ఇష్టం అని తెలిశాక ఆ అవసరం లేదు...." అంటూ వెంటనే తన బుగ్గ మీద ముద్దు పెడతాడు
 
గౌతమ్ నుంచి అలాంటి రియాక్షన్ ఎక్స్పెక్ట్ చెయ్యని నందు షాక్ అయిపోయి ఆశ్చర్యంగా కళ్ళు పెద్దవి చేసి గౌతమ్ వైపే చూస్తూ ఉంటుంది.....
 
"ఐ లవ్ యు నందు నువ్వు నాకు చాలా నచ్చావు.... మీ వాళ్లకి కూడా నేనే చెప్తాను.... నువ్వు ఈ షాక్ నుంచి తేరుకొని నిదానంగా బయటికి రా...." అని మళ్ళీ మరొక బుగ్గ మీద ముద్దు పెట్టి మరి బయటికి వెళ్ళిపోతాడు....
 
గౌతమ్ చేసిన పనికి ఒక్క నిమిషం కోపం వచ్చిన వెంటనే అతని మనసులో తను తన భార్య గా ఫిక్స్ అయ్యాడని అర్థమై నవ్వుకుంటూ బయటికి వచ్చేసరికి గౌతమ్ అందరితో "నందుకి నాకు ఈ పెళ్లి ఇష్టమే..." అని చెప్తాడు
 
ఆ మాటకి అందరూ సంతోషంగా నవ్వుతూ చూస్తూ "సంతోషం బావగారు పంతులు గారిని పిలిపించి త్వరగా ముహూర్తాలు పెట్టించేద్దాం...." అని నవ్వుతూ గౌతమ్ నాన్నగారు అంటారు
 
బయటికి వచ్చిన నందుని ఓరగా గౌతమ్ చూస్తే నందు గౌతమ్ వైపు చిరు కోపం గా చూస్తూ తన పక్కకు వచ్చి నిలబడి గౌతమ్ కాలిని గట్టిగా తన కాలితో తొక్కేస్తుంది....(గౌతమి కండలు తిరిగిన శరీరం ఏమీ కాదండీ కొంచెం సన్నగా చాక్లెట్ బాయ్ లా ఉంటాడు.... నందు కూడా సన్నగా పర్ఫెక్ట్ ఫిగర్ తో గౌతమ్ కి సరిపోయేలా ఉంటుంది)
 
గౌతమ్ వెంటనే "చచ్చాను రా బాబోయ్...." అని గట్టిగా కేకలు వేస్తూ కాలు పట్టుకొని దాని వైపు చూసే సరికి అప్పటికే నందు నవ్వుకుంటూ తన నాన్నగారి పక్కకి వెళ్ళి కూర్చుంటుంది....
 
గౌతమ్ అమ్మగారు కంగారుగా గౌతమ్ దగ్గరికి వచ్చి "ఏమైంది రా ఎందుకు అలా అరిసావు???" అని అడుగుతారు
 
గౌతమ్ నందు వైపు కోపంగా చూస్తూ "ఏమీ లేదు మమ్మీ ఏదో కాళ్ళ మీద పడి నట్టు ఉంది కొంచెం నొప్పిగా అనిపించి అరిచాను.... అంతే టెన్షన్ పడకు...." అని నవ్వుతూ అంటాడు
 
నందు ముసిముసిగా నవ్వుకుంటూ గౌతమ్ వైపు చూస్తూ ఉంటుంది.... అదంతా అందరు గమనించి ఇద్దరి మధ్య చిలిపిగా ఏదో జరిగిందని అర్థమై వాళ్ళల్లో వాళ్ళే నవ్వుకుంటారు... ఇంతలో నందు నాన్న గారు పంతులు గారిని పిలిపించి నిశ్చితార్థానికి వారం రోజుల్లో పెళ్లి కి నెల రోజుల్లో ముహూర్తం ఫిక్స్ చేస్తారు....
 
అలా అందరూ మాట్లాడుకున్నాక నిశ్చితార్థం నందు నాన్నగారు చేస్తానని చెప్పి గౌతమ్ వాళ్లందర్నీ పంపించేసాక నందుతో "చాలా సంతోషంగా ఉంది నందు.... వాళ్ళు కనీసం రూపాయి కట్నం కూడా వద్దన్నారు.... పైగా అబ్బాయి చాలా మంచివాడు నేను ఎంక్వయిరీ కూడా చేశాను ఏ చెడు అలవాట్లు లేవు పైగా చాలా అమాయకుడిలా కూడా ఉన్నాడు నీ నోట్లో పడ్డాడు.... ఇక అతని పరిస్థితి ఏంటో???" అని గౌతమ్ మీద జాలి చూపిస్తూ అంటారు
 
నందు కోపంగా వాళ్ళ నాన్న వైపు చూస్తూ "అంటే ఏంటి నాన్న నేను నీకు రాక్షసి లా కనిపిస్తున్నానా???" అని అడుగుతుంది
 
"అది నేను ప్రత్యేకంగా చెప్పనవసరం లేదు నువ్వు ఆల్రెడీ రాక్షసివే...." అని నవ్వుతూ చెప్పి "జస్ట్ జోకింగ్ నందు కానీ అబ్బాయి చాలా మంచివాడు.... అతనిని నొప్పించకుండా చూసుకో...." అని అంటారు
 
సరే అని చెప్పి నందు డ్రెస్ చేంజ్ చేసుకోవడానికి రూమ్ లోకి వెళ్ళేసరికి గౌతమ్ నుంచి మెసేజ్ వస్తుంది "ఎందుకు నా కాలు అలా తొక్కే సావు నందు????" అని కార్ లో డ్రైవర్ పక్కన కూర్చుని నందు కి మెసేజ్ చేస్తూ ఉంటాడు
 
నందు షాకింగ్ "నా నెంబర్ గౌతమ్ కి ఎలా తెలిసింది???"అని అనుకుంటూ ఉండగానే గౌతమ్ నుంచి మరో మెసేజ్ "నీతో మాట్లాడి బయటికి రాగానే నీ చెల్లి దగ్గర నుంచి నీ ఫోన్ నెంబర్ తీసుకున్నాను.... నీ చిన్ని బుర్రని చించేస్తూ అంతలా కష్టపడకు బంగారం...." అని నవ్వుతున్న ఏమోజీ పెడతాడు
 
నందు నవ్వుకుంటూ "మరి నువ్వు నా పర్మిషన్ లేకుండా నాకు ముద్దు పెడితే ఏం చేయాలి??? నాకు కోపం వచ్చింది అది తీర్చుకున్నాను.... నాకు కోపం వస్తే అది తీర్చుకునే దాకా నేను ప్రశాంతంగా ఉండలేను...." అని అంటుంది
 
గౌతమ్ వెంటనే గుండెల మీద చెయ్యి వేసుకుని "అమ్మో అయితే నీతో కష్టమే నే బాబు!!! ఏదైనా కానీ ఆ కష్టాన్ని కూడా ఇష్టంగా భరిస్తాను నువ్వు నా లైఫ్ లోకి వస్తే చాలు బంగారం...." అని మెసేజ్ పెడతాడు
 
అలా నందు డ్రెస్ చేంజ్ చేసుకుంటేనే గౌతమ్ కి మెసేజ్ చేస్తూ ఉంటుంది....
 
అలా కాలం ఎవరికోసం ఆగకుండా నిశ్చితార్ధం అయిన వాళ్ళ మధ్యలో జరిగితే పెళ్లి గ్రాండ్ గా చేస్తారు....
 
నిశ్చితార్థానికి పెళ్లి కి మధ్యలో ఇద్దరు ఫోన్లో మాట్లాడుకుంటూ కలవాలి అనుకుంటే ఇద్దరి తల్లిదండ్రులు కలవకూడదు అని స్ట్రిక్ట్ గా చెప్పేసరికి ఇద్దరు ఫోన్లోనే మాట్లాడుకుంటూ బాగా క్లోజ్ అయిపోతారు....(ఇది మాత్రం పెళ్లి కుదిరిన అమ్మాయి అబ్బాయి మధ్య కామన్ గా నే జరుగుతుంది....)
 
పెళ్లి అయినా తర్వాత రోజు గౌతమ్ ఇంట్లో వ్రతం చేసి ఆ రోజే ఫస్ట్ నైట్ కూడా చేసుకుంటారు....
 
అక్కడే ఒక వారం రోజులు ఉండి నందు అమ్మ నాన్న వాళ్ళ ఇంట్లో ఒక వారం రోజులు ఉండి వెంటనే నందు ని తీసుకొని హైదరాబాద్ వెళ్లిపోతాడు.... అప్పటికే గౌతమ్ మంచి అపార్ట్మెంట్ లో ఒక డబల్ బెడ్ రూమ్ ఫ్లాట్ అద్దెకు తీసుకొని ఉంటాడు....
 
నందు తో పాటు నందు అమ్మగారు వస్తే గౌతమ్ నాన్నగారు గౌతమ్ అమ్మగారు వచ్చి నందు గౌతమ్ ల చేత గృహప్రవేశం చేయించి వాళ్లతో పాటు ఒక నాలుగు రోజులు ఉండి వెళ్ళిపోతారు....
 
అలా గౌతమ్ నందు హ్యాపీగా టైం స్పెండ్ చేస్తూ ఉంటారు.... గౌతమ్ ఆఫీస్ కి వెళ్ళాక నందు ఒక్కతే ఇంట్లో ఉంటూ రోజు మొత్తం బోర్ కొడుతుంది అని టీవీ కొని టీవీ పెట్టిస్తాడు....(అపార్ట్మెంట్లో అంతే ఉంటుంది..... ఒకరితో మరొకరికి సంబంధం లేకుండా ఇంట్లోనే కూర్చుంటారు)
 
నందు హ్యాపీగా గౌతమ్ ని కౌగిలించుకొని "గౌతమ్ నువ్వు ది బెస్ట్ హస్బెండ్..." అని అంటుంది
 
"మరి నీకు చదువుకోవాలని ఉంటే చెప్పు నేను ఎంబీఏ సీట్ తీసుకుంటాను..." అని అడుగుతాడు
 
"లేదు గౌతమ్ నాకు చదువంటే ఇష్టం లేదు..... డిగ్రీ నే ఏదో అరకొర మార్కులతో పాసయ్యాను.... నావల్ల కాదు బాబు ఈ చదువులు.... ప్రస్తుతానికి నీతో హ్యాపీగా లైఫ్ లీడ్ చెయ్యాలని ఉంది.... తర్వాత మనకి పిల్లలు పుడితే ఆ పిల్లలతోనే నాకు రోజంతా సరిపోతుంది..... అప్పటివరకు ఇద్దరం కలిసి ఈ సిటీ అంతా చక్కర్లు కొడుతూ ఫుల్ గా ఎంజాయ్ చేయాలి కదా!!!! అందుకే ఈ చదువు గిదువు నా వల్ల కాదు..... నువ్వు సంపాదించు నేను ఇంట్లో కూర్చుని తింటాను..." అని నవ్వుతూ అంటుంది
 
నందు మాటలకి గౌతమ్ నవ్వుకుంటూ "సరే మరి పిల్లల్ని కనే వరకూ ఎంజాయ్ చేయాలి కదా మరి ఎంజాయ్ చేద్దాం పదా!!!!" అని చెప్పి నందుని ఎత్తుకుని బెడ్ రూం లోకి తీసుకు వెళ్తాడు
 
"ఇప్పుడేంటి గౌతమ్ అది మధ్యాహ్నం పూట!!!" అని కంగారుగా అడుగుతుంది
 
నాకు దొరికేదే రెండు రోజుల హాలిడేస్.... అందులో ఒక రోజు ఆఫ్టర్నూన్ వరకు వర్క్ ఉంటుంది.... ఆఫ్టర్ నూన్ నుంచి రెస్ట్ తీసుకుంటాను.... ఇక ఈ రోజే కదా నాకు మిగిలింది కనీసం ఈ రోజైనా హ్యాపీగా ఎంజాయ్ చేయాలి కదా!!! అందుకే ఇలా!!!" అని చెప్పి నందుని ఆక్రమించుకుంటాడు
 
గౌతమ్ టీవీ కొన్నాక పెళ్లయిన కొత్తలో గౌతమ్ ఆఫీస్ నుంచి రాగానే అలసటగా సోఫాలో నందు పక్కనే కూర్చుని "నందు కొంచెం కాఫీ ఇవ్వవా...." అని అడుగుతాడు
 
టీవీ లో మునిగి పోయిన నందు గౌతమ్ చెప్పింది వినిపించుకోదు.... గౌతమ్ "నందు"అని అంటూ నందు భుజాలు కదిపి "ప్లీజ్ కొంచెం కాఫీ ఇవ్వవా చాలా చిరాకుగా ఉంది...." అని అంటాడు
 
"అలాగే గౌతమ్ ఇప్పుడే తెస్తాను...." అని చెప్పి హడావిడిగా పాలు కాచి ఉండటం వలన వెంటనే కాఫీ కలుపుకొని తీసుకువచ్చి గౌతమ్కి ఇచ్చి వెంటనే తన పక్కన కూర్చుని టీవీ సీరియల్ లో మునిగి పోతుంది.....
 
గౌతమ్ కాఫీ ఒక్క సిప్ చేసి వెంటనే షింక్ దగ్గరికి వెళ్లి నోట్లో ఉన్న కాఫీ ఊసేస్తాడు....
 
"ఏంటి నందు ఇది కాఫీ ఇవ్వమంటే కషాయం ఇచ్చావు??? అయినా ఇదేంటి ఇంత ఉప్పగా ఉంది???" అని కోపంగా అడుగుతాడు
 
"ఏంటి గౌతమ్ ఇది నేను టీవీ సీరియల్ చూస్తూ ఉంటే డిస్టర్బ్ చేస్తున్నావు??? ప్లీజ్ నన్ను కొంచెం సేపు డిస్టర్బ్ చేయకు..... సీరియల్ మధ్యలో బ్రేక్ వచ్చినప్పుడు మీకు కావాల్సినట్టుగా కలిపిస్తాను...." అని విసుగ్గా అంటుంది
 
గౌతమ్ షాక్ గా "అంటే టీవీ సీరియల్ చూస్తూ కాఫీ ఇలా కలిపి ఇచ్చావా తల్లి???? ఇంకెప్పుడు నువ్వు ఇలా సీరియల్ చూస్తూ నాకు కాఫీ ఇవ్వకు..... ఇంకొకసారి ఉప్పు బదులు ఏదైనా గమీషన్ వేసావు అంటే ఏకంగా పైకే పోతాను...." అని భయంగా అంటాడు
 
నందు టీవీ సీరియల్ లో మునిగిపోయి "ఆ సరే సరేలే నీకు కావాల్సినట్టుగానే చేసి పెడతాను ప్రస్తుతానికి ఫ్రెష్ అయి రా పో అంతలోపు వంట రెడీ చేస్తాను..." అని అంటుంది
 
గౌతమ్ నందు ని ఒకసారి చూసి సైలెంట్ గా తన రూమ్ లోకి వెళుతూ మనసులో "అనవసరంగా టీవీ కొన్నాను ఇది టీవీ చూస్తూ పని కూడా చేయడం లేదు.... ఏంటో ఈ జీవితం???" అనుకుంటూ వెళ్ళిపోతాడు
 
అలా ఇద్దరు చిన్న చిన్న చిలిపి గొడవలతో హ్యాపీగా నడిపిస్తూ రెండు నెలలు టైం తెలియకుండానే గడిచి పోతుంది.....