Fantasy నా ఆటోగ్రాఫ్.....స్వీట్ మొమరీస్ - completed

[prasad_rao16]

ఆ మాట అంటూ మహేష్ రవి ని గట్టిగా వెనక్కు తోసాడు.

రాము కూడా రవి చేతుల్ని గట్టిగా వెనక్కు పట్టుకుని మహేష్తో కొట్టమని నవ్వుతూ చెబుతున్నాడు.
మహేష్ కూడా కోపాన్ని నటిస్తూ రవి పిర్ర మీద గట్టిగా తన చేత్తో చరిచాడు….దాంతో ముగ్గురు ఒక్కసారిగా నవ్వుకున్నారు.
“మనం మళ్ళీ ఒకసారి మొత్తం చూద్దాం….ఒకవేళ మన లక్ బాగుంటే ఆమె మనకు కనిపించొచ్చు…..” అన్నాడు రాము.
“నువ్వుంకా ఈ రవి మాటలు నమ్ముతున్నావా….వీడు ఎప్పుడూ అబధ్ధాలు చెబుతూ ఉంటాడు….అసలు వీడు చెప్పిన ఆమె లేనే లేదు….మనకు ఊరికే కధలు వినిపిస్తున్నాడు,” అన్నాడు మహేష్.
“లేదు….లేదు మహేష్…నేను నిజంగా చూసాను,” అన్నాడు రవి.
“ఇక నువ్వు నోరు ముయ్యరా…మళ్ళీ నువ్వు నోరెత్తావంటే పగిలిపోయిద్ది…ఇక చేసింది చాలు…పదండి వెళ్దాం,” అన్నాడు మహేష్.
ముగ్గురూ అక్కడ నుండి క్లాసుకు వెళ్ళిపోవడానికి రెడీ అయారు.
ఆలా ముగ్గురూ అక్కడనుండి వెళ్తుండగా వాళ్ళకు రాజన్న కనిపించాడు.
రాజన్నని చూడగానే రవి మొహం సంతోషంతో వెలిగిపోయింది, “రేయ్….వెళ్ళీ రాజన్నని అడుగుదాం….ఒకవేళ ఆమెను రాజన్న చూసి ఉండొచ్చు….మీరు నన్ను నమ్మడం లేదుకదా….వాడిని అడుగుదాం పదండి,” అంటూ రాజన్న దగ్గరకు పరిగెత్తాడు.
రవి వెనకాలే మిగతా ఇద్దరు కూడా పరిగెత్తారు.
రవి : రాజన్న…..రాజన్న….ఆగు….ఆగు….
అక్కడనుండి వెళ్ళబోయిన వాడు కూడా తనను ఎవరో పిలిచినట్టు అనిపించేసరికి రాజన్న వెనక్కు తిరిగి చూసాడు.
వీళ్ళు ముగ్గురూ పరిగెత్తుకుంటూ రావడం చూసి, “వీళ్ళేంటి నావైపు పరిగెత్తుకుంటూ వస్తున్నారు….వీళ్లకేమయింది…వీళ్ళు నన్ను కొట్టడానికి వస్తున్నట్టుంది,” అని మనసులో అనుకుంటూ తన స్కూటర్ స్టాండ్ తీసి స్టార్ట్ చేసి అక్కడ నుండి వెళ్ళాలని ట్రై చేస్తున్నాడు.
అది చూసి రాజన్న తమను చూసి భయపడుతున్నాడని వాళ్లకు అర్ధం అయింది.
“గణపతీ…..ఆగు….మేం నిన్ను కొట్టడానికి రావడం లేదు….ఆగు….” అని అరుస్తున్నారు.
రాజన్న స్కూటర్ మీద కూర్చుని స్టార్ట్ చేసి వెనక్కు తిరిగి, “ఏం కావాలి…..ఎందుకలా పరిగెత్తుకొస్తున్నారు,” అని అడిగాడు.
మహేష్ : వీడికేమయ్యింది….ఎందుకలా పారిపోతున్నాడు…..
రాము : వాడు ఎక్కడికో వెళ్తున్నాడు….తొందరగా వాడిని ఆపు….
రాజన్న తన స్కూటర్ గేర్ లోకి వేసి పోనిచ్చేలోపు వీళ్ళు ముగ్గురు రాజన్నని వెనక నుండి పట్టుకుని ఆపారు.
రవి : రాజన్న అన్నా….ఎందుకు పరిగెత్తుతున్నావు?