Fantasy నా ఆటోగ్రాఫ్.....స్వీట్ మొమరీస్ - completed

[prasad_rao16]

రాజన్న తనను అలా పొగుడుతాడని ఊహించని జరీనా తన మొహం మీద బలవంతంగా నవ్వును తెచ్చుకుని రాజన్న వైపు చూసి, ఫ్రాన్సిస్ వైపు ఆశ్చర్యంగా చూసింది.

ఆమె చూపులో భావాలు అర్ధం చేసుకున్నవాడిలా, “రమ్యా….నీకు ముందే చెప్పాను కదా….రాజన్న కొంచెం ఎక్కువగా మాట్లాడుతాడని చెప్పాను  కదా….వాడికి ఎవరితో ఎలా మాట్లాడాలో తెలియదు….నువ్వు పట్టించుకోకు,” అని ఫ్రాన్సిస్ రాజన్న వైపు తిరిగి, “మాట్లాడింది చాలు….నేను చెప్పింది చెయ్యి,” అన్నాడు.
జరీనా తాను కూర్చున్న చైర్ లో నుండి పైకి లేచి ఫ్రాన్సిస్ కి విష్ చేసి రాజన్న వెనకాలే బయటకు వచ్చింది.
రాజన్న : నాతో రండి మేడమ్….నేను మిమ్మల్ని మిగతా స్టాఫ్ కి పరిచయం చేస్తాను…ఇటు వైపు రండి.
ఇద్దరు ప్రిన్స్ పాల్ రూం నుండి బయటకు వచ్చి స్టాఫ్ రూం వైపు నడవటం మొదలుపెట్టారు.
ఈలోపు రాజన్న తన గురించి చెబుతూ జరీనా గురించి కూడా తెలుసుకున్నాడు.
అంతలో స్టాఫ్ రూం వచ్చేసరికి రాజన్న అక్కడ ఉన్న వాళ్ళందరిని జరీనాని పరిచయం చేసాడు.
అప్పుడే ఐదు నిముషాలు తరువాత క్లాసులు మొదలవుతాయన్నట్టుగా బెల్ మోగింది.
*******
అలా బెల్ మోగగానే ఇక్కడ క్లాసులో ఉన్న రాము, మహేష్, రవి ముగ్గురూ వెంటనే క్లాసులో నుండి బయటకు వచ్చారు.
రవి దాదాపుగా పరిగెత్తుతున్నట్టుగా ఆఫీస్ లోకి వచ్చి జరీనా కోసం చూసాడు.
మహేష్ ఆనంద చొక్కా కాలర్ పట్టుకుని, “ఇంతసేపు ఆమె గురించి ఊరించావు కదరా….ఎక్కడ ఉన్నదో చెప్పు,” అన్నాడు.
“ఓయ్…ఎందుకలా ఆవేశపడతావు…ఇంతసేపు నాకు తెలిసి ఆమె ఉండకపోవచ్చు….నేను నిజం చెబుతున్నా…ఇందాక ఇక్కడే ఆమెను చూసాను….ఆమె వెళ్ళిపోతే నన్నేం చేయమంటావు?” అన్నాడు రవి.
“లేదు రవి….నువ్వు మమ్మల్ని రెండు గంటల నుండి ఆమె గురించి చెప్పిందే చెప్పి టార్చర్ పెట్టావు…..ఇప్పుడు కనుక మాకు ఆమెను చూపించకపోతే నీకు మామూలుగా ఉండదు,” అన్నాడు రాము.
దాంతో ఇక ముగ్గురు టైం వేస్ట్ చేయకుండా ఆమె గురించి వెతకడం మొదలుపెట్టారు….కాని ఆమె మాత్రం వీళ్ళకు కనిపించలేదు.
ఒకవేళ జరీనా ప్రిన్స్ పాల్ రూంలో ఉన్నదేమో అని అటు వైపుగా వెళ్తున్నట్టు వెళ్ళి లోపలికి తొంగి చూసారు.
కాని అక్కడ కూడా ఆమె కనిపించలేదు.
దాంతో మహేష్, “ఎక్కడరా….నువ్వు చెప్పిన అందగత్తె….అసలు కనపించడం లేదు….” అన్నాడు అసహనంగా.
“నేను ఇంతకు ముందే చెప్పా కదా….ఇప్పటికి వెళ్ళిపోయి ఉంటుంది,” అన్నాడు రవి.
“నీకు ఆమెను మళ్ళా చూస్తానన్న నమ్మకం లేనప్పుడు నువ్వు మాతో చెప్పకుండా ఉండాల్సింది…..” అన్నాడు రాము.
మహేష్ : ఇప్పుడు చూడు….మమ్మల్ని ఊరించి ఊరించి చంపావు….ఇప్పుడు ఆమె కనిపించడం లేదు.