ఆరుద్ర రచనలు

[Vikatakavi02]

ఆరుద్ర రచనలు

ఆరుద్ర పూర్తిపేరు భాగవతుల సదాశివశంకర రావు (1925-98). శ్రీశ్రీ తర్వాత యువతరంపై ఎక్కువ ముద్ర పడిన కవిగా పేరు పొందిన ఆరుద్ర అభ్యుదయకవి, పండితుడు, పరిశోధకుడు, నాటక కర్త మరియు విమర్శకుడు.ఈయన భార్య కె.రామలక్ష్మి కూడా ప్రముఖ తెలుగు రచయిత్రి.

ఆరుద్రగారి పేరు తెలియని వాళ్ళు , వినని వాళ్ళు ఉంటారేమో కాని ఈతను వ్రాసిన సినిమా పాటలు ఎపుడు వినలేదు అని అనేవాళ్ళు మాత్రం ఉండరు......

1949లో బీదల పాట్లు అన్న చిత్రంలో .. " ఓ చిలుకరాజా నీ పెళ్లెప్పుడు" అనే గీతంతో మొదలుపెట్టి దాదాపు నాలుగువేల సినిమా పాటలు వ్రాసాడు. వీటి సంకలనాలు ఆరుద్ర సినీగీతాలు అన్న పేరుతో ప్రచురితమయ్యాయి.అందులో కొన్ని ......

* పెంకి పెళ్లాం చిత్రంలో - "పడచుదనం రైలుబండి పోతున్నది",

* ఉయ్యాల జంపాల చిత్రంలో - "కొండగాలి తిరిగింది", ఇదే చిత్రంలో "అందాల రాముడు ఇందీవర శ్యాముడు".

* మీనా చిత్రంలో - "శ్రీరామ నామాలు శతకోటి" .

* బందిపోటు చిత్రంలో - "ఊహలు గుసగుసలాడే"

* బాలరాజు కథలో - "మహాబలిపురం మహాబలిపురం"

* ఆంధ్ర కేసరి చిత్రంలో - "వేదంలా ప్రవహించే గోదావరి"

* అందాల రాముడు చిత్రంలో - "ఎదగడానికికెందుకురా తొందర "

* గోరంత దీపం చిత్రంలో - "రాయినైనా కాకపోతిని "

* ముత్యాల ముగ్గు చిత్రంలో - "ముత్యమంత పసుపు ముఖమెంతో చాయ"

* బాల భారతం చిత్రంలో - "మానవుడే మహనీయుడు"

* ఇద్దరు మిత్రులు చిత్రంలో - "హలో హలో అమ్మాయి"

* ఆత్మ గౌరవం చిత్రంలో - "రానని రాలేనని ఊరకె అంటావు."

* ఆత్మీయులు చిత్రంలో - "స్వాగతం ఓహో చిలిపి నవ్వుల శ్రీవారు"

మొదలగు సినిమా పాటలు వ్రాసి , ప్రతిపాటలో తన ముద్రను కనిపింప చేశారు.