Login

johnypowas · 04-10-2019, 09:41 AM

கீழடி: 2,600 ஆண்டுகால வரலாற்றின் ஆய்வறிக்கை வெளியாகக் காரணமான பெண்

[Image: _108973986_whatsappimage2019-09-26at10.37.35am.jpg]

Image captionவழக்கறிஞர் கனிமொழி மதி
இன்று கீழடி நாகரிகம் பற்றி உலகமே பேச ஆரம்பித்துள்ளது. ஆனால், இந்திய அரசின் தொல்லியல் துறையால் முதலில் செய்யப்பட்ட ஆய்வுகளின் அறிக்கை வெளியிடப்படாமல் இருந்தது விமர்சனத்துக்கு உள்ளானது.
கீழடி ஆய்வு அறிக்கையை வெளியிடவும், அங்கு தொடர்ந்து ஆய்வுகள் நடத்தப்படவும், அங்குள்ள தொல்பொருட்களை அங்கேயே வைத்து பாதுாக்கவும் நீதிமன்ற வழிகாட்டுதல்கள் கிடைக்க வழி செய்தவர் திண்டுக்கல்லைச் சேர்ந்த வழக்கறிஞர் கனிமொழி மதி.
இந்தியத் தொல்லியல் துறை நடத்தி வந்த கீழடி அகழ்வாய்வை, தமிழக அரசே நடத்தவும், அங்கு கிடைத்த பொருட்களை அங்கேயே அருங்காட்சியகம் அமைத்து பாதுகாக்க இடம் ஒதுக்கப்படவும் வழக்கறிஞர் கனிமொழி மதி, சென்னை உயர் நீதிமன்றத்தின் மதுரை கிளையில் தொடுத்த பொதுநல வழக்கும் முக்கிய பங்காற்றியது.
கீழடி ஆய்வு முடிவுகள் வெளியாவதில் முக்கியமான பங்காற்றியுள்ள வழக்கறிஞர் கனிமொழி மதியை தொடர்பு கொண்டு பிபிசி தமிழ் பேசியது.
[Image: _108974273_7276b2e0-f856-409e-9b19-74e5ef110d00.jpg]

[Image: _108974273_7276b2e0-f856-409e-9b19-74e5ef110d00.jpg]

படத்தின் காப்புரிமைTAMIL NADU STATE ARCHEOLOGY DEP
கீழடியில் இரண்டாவது கட்ட ஆய்வுகள் நடைபெற்று கொண்டிருந்தபோதுதான், அது பற்றிய செய்திகள் வெளிவந்ததை பார்த்து வியப்படைந்துள்ளார் வரலாற்று மாணவியான கனிமொழி மதி.
திண்டுக்கல் பக்கத்திலுள்ள கிராமம் ஒன்றுதான் சொந்த ஊர் என்பதால் மதுரை பக்கத்திலுள்ள கீழடியில் தொல்பொருள் ஆராய்ச்சி என்றவுடன் இவருக்கு ஆர்வம் மேலிட்டுள்ளது.
கீழடியில் கட்டட சுவர்கள் கண்டுபிடிக்கப்பட்டுள்ளன என்று கேள்விப்பட்டபோது இவரது ஆர்வம் இன்னும் அதிகமானது" என்கிறார் கனிமொழி.

johnypowas · 04-10-2019, 09:42 AM

கீழடி அகழாய்வில் கிடைத்தது என்ன?

புகைப்பட காப்புரிமை BBC News TamilBBC NEWS TAMIL

கிணறு அமைப்பு, குழாய் மூலம் தண்ணீர் எடுத்து வருவது, கொண்டு செல்வது போன்றவை எல்லாம் கண்டுபிடிக்கப்பட்டுள்ளதை அங்கு சென்று பார்த்துள்ளார்.
இதற்குப் பிறகு நடக்கும் தொல்லியல் ஆய்வுகளில் இன்னும் அதிகமானவை கண்டுபிடிக்கப்படும் என்று அவர் எதிர்பார்த்திருந்த நிலையில், அகழ்வாய்வு தொடராமல் இருந்ததும், கீழடியில் கிடைத்த பொருட்களை அங்கேயே காட்சிக்கு வைக்காமல் எடுத்து செல்ல முற்பட்டதையும் பார்த்து தாம் ஆதங்கப்பட்டதாக பிபிசி தமிழிடம் தெரிவித்தார் கனிமொழி.
[Image: _108973988_0923504b-5ad3-43af-b3a2-3f03cd2f712b.jpg]

[Image: _108973988_0923504b-5ad3-43af-b3a2-3f03cd2f712b.jpg]

பின்னர் இது தொடர்பாக பொதுநல வழக்கு தொடர முடிவு செய்திருக்கிறார் அவர்.
கல்லூரி நாட்களில் அருட்காட்சியகங்கள் மற்றும் தொல்பொருட்களை பற்றி அறிந்து வைத்திருப்பதால், இந்த பொருட்களை இன்னொரு இடத்திற்கு கொண்டு சென்று விட்டால், அவற்றை திருப்பி கொண்டுவர மிகவும் கடினம் என அவருக்கு புரிந்தது.
எனவே, பொருட்களை எடுத்து செல்வதை தடுத்து, உள்ளூரில் வைத்து காக்க ஏற்பாடு செய்யும் நோக்கத்தோடு இந்த பொதுநல வழக்கை தொடுத்ததாக அவர் தெரிவித்தார்.
[Image: _108973989_52176915-e37b-4183-ab57-0aa28e3f57b6.jpg]

[Image: _108973989_52176915-e37b-4183-ab57-0aa28e3f57b6.jpg]

கீழடி நாகரிகம் 2,600 ஆண்டுகள் பழமை வாய்ந்தது. அப்போதைய மக்கள் படிப்பறிவோடு வாழ்ந்து வந்துள்ளனர் என்கிற முக்கிய தகவல்கள் வெளிவந்துள்ளதை பார்த்து பெருமகிழ்ச்சியடைவதாக கனிமொழி தெரிவித்தார்.
அக்கால மக்கள் எதார்த்தமாக, சாதாரணமாக வாழ்ந்திருக்கிறார்கள் என்பது நமக்கு தெரிய வந்துள்ளது. ஆனால், நாம் கடைபிடிக்கும் சில மூடநம்பிக்கைகளால் எதார்த்தமான வாழ்க்கையை தொலைத்துவிட்டோமோ எண்ண தோன்றுகிறது என்கிறார் அவர்.

johnypowas · 04-10-2019, 09:42 AM

யாதும் ஊரே யாவரும் கேளிர்" என்ற புறநானூற்றுப் பாடலின் வரிகள் எனக்கு மிகவும் பிடித்தமானவை. மனிதரை மதிக்கக்கூடிய அக்கால மக்களின் வாழ்வை இந்த பாடல் உணர்த்துவதாகவும் தெரிவித்தார்.
[Image: _108973990_2c68d079-bb75-4605-a184-ab5096a59663.jpg]

[Image: _108973990_2c68d079-bb75-4605-a184-ab5096a59663.jpg]

அறிவியல் கருத்துகளை எதார்த்தமாக உள்வாங்கி கொண்டு வாழ்ந்த சமூகமாக 2,600 ஆண்டுகளுக்கு முன்பு வாழ்ந்த இந்த சமூகத்தின் அடிப்படை இருந்திருக்கிறது என்றால், இந்த காலத்திற்கு பின்னர் வாழ்ந்தவர்கள் எவ்வாறு வாழ்ந்தார்கள் என்பதை அறிய, இந்த கீழடி கண்டுபிடிப்பு ஒரு தூண்டுதலாக இருக்கும் என்று கனிமொழி தெரிவித்தார்.
இந்த பொதுநல வழக்கில் பெரிய தடைகளை எல்லாம் சந்திக்கவில்லை என்று தெரிவித்த அவர், இந்த வழக்கை மதுரையில் தொடர வேண்டியிருந்தது என்பதால், கடைசி நேரத்தில் அடுத்த நாள் வழக்கு விசாரணைக்கு வருவது தெரியவந்தபோது, அன்றைய நாளில் சரியாக ஆஜராவதில் சில சிரமங்களை எதிர்கொண்டதாகத் தெரிவித்தார் கனிமொழி.

புகைப்பட காப்புரிமை BBC News TamilBBC NEWS TAMIL

ஆனால், இந்த பொதுநல வழக்கு ஒரு நாள் கூட பாதிப்பு இல்லாமல் நடைபெற வேண்டும். தனிப்பட்ட வழக்குகள் பாதிக்கப்பட்டாலும் பரவாயில்லை, ஒருநாள் கூட ஆஜராகாமல் இந்துவிட கூடாது என்பதில் தான் மிகவும் கவனமாக இருந்ததாக அவர் தெரிவித்தார்.

இந்த வழக்கில் ஏதாவது சிக்கல் என்றால், அது தனக்கு மட்டுமல்ல, ஒட்டுமொத்த சமுதாயத்துக்கே பாதிப்பு என்பதால் ஒவ்வொரு நாளும் சரியாக இந்த வழக்கில் ஆஜரானதாக கூறினார் கனிமொழி.
மதுரையில் தனக்கு முத்துமணி என்ற வழக்கறிஞர் உதவியதாகவும் அவர் கூறினார்.
[Image: _108973991_eb2c7bf1-4555-4c2d-8f3c-d86b7813ed8d.jpg]

[Image: _108973991_eb2c7bf1-4555-4c2d-8f3c-d86b7813ed8d.jpg]

"மத்திய தொல்லியல் துறை எங்கு அகழ்வாராய்ச்சி செய்தாலும், அறிக்கை வெளியிடுவதில்லை. ஆதிச்சநல்லூரில் இந்த நிலைதான் ஏற்பட்டது. மாநில அரசு தமிழகத்திலுள்ள பல இடங்களில் தொல்பொருள் ஆராய்ச்சிகளை தொடர்ந்து நடத்தி, வரலாற்று புதையல்களை வெளிக்கொணர செய்வதே தனது நோக்கம்," என்கிறார் வழக்கறிஞர் கனிமொழி மதி.
யார் இந்த கனிமொழி மதி?
திண்டுக்கல்லுக்கு அருகிலுள்ள தேவத்தூர் கிரமத்தை சேர்ந்தவர் கனிமொழி மதி. எட்டாம் வகுப்பு வரை அதே கிராமத்தில் பயின்றுவிட்டு, 12ம் வகுப்பு வரை திண்டுக்கல்லில் கல்வி கற்றுள்ளார்.

[url=https://www.youtube.com/watch?v=y7du4Vqzd_o][/url]

johnypowas · 04-10-2019, 09:43 AM

திருச்சியில் ஹோலி கிராஸ் கல்லூரியில் வரலாறு படித்து விட்டு, சென்னை டாக்டர் அம்பேத்கர் அரசு சட்டக் கல்லூரியில் சட்டம் பயின்றுள்ளார்.

மூத்த வழக்கறிஞர்களோடு எட்டு ஆண்டு காலம் பணிபுரிந்துவிட்டு, 2009ம் ஆண்டு தனியாக வழக்குகளை எடுத்து வாதிட தொடங்கியுள்ளார்.
"எனது தந்தை, பெரியார் கொள்கைகளில் ஈடுபாடு உடையவர் என்பதால், அதிக புத்தகங்கள் வீட்டில் இருந்தன. அவற்றைப் படிக்கும் வாய்ப்பு எனக்குக் கிடைத்தது," எனத் தெரிவித்தார் கனிமொழி.
[Image: _108973992_0905421b-15f6-462e-8dcd-cda4d322f8bb.jpg]

[Image: _108973992_0905421b-15f6-462e-8dcd-cda4d322f8bb.jpg]

மேலும், பெண்களுக்கு பல்வேறு உரிமைகளை பெற்று கொடுப்பதிலும் இவர் தன்னை ஈடுபடுத்திக்கொண்டுள்ளார்.

johnypowas · 04-10-2019, 09:44 AM

நரேந்திர மோதி - ஷி ஜின்-பிங் சந்திப்பு: மாமல்லபுரத்தில் நடப்பதற்கு காரணம் என்ன?

[Image: _109089064_mamallapuram.jpg]

படத்தின் காப்புரிமைGETTY IMAGES
இந்திய பிரதமர் நரேந்திரமோதியும், சீன அதிபர் ஷி ஜின் பிங்கும் அக்டோபர் 11-13ஆம் தேதிகளில் தமிழ்நாட்டில் உள்ள மாமல்லபுரத்தில் சந்தித்துப் பேச்சுவார்த்தை நடத்தவிருக்கின்றனர். இந்தச் சந்திப்பிற்கு மாமல்லபுரம் ஏன் தேர்வுசெய்யப்பட்டது?
சென்னையிலிருந்து கிழக்குக் கடற்கரைச் சாலை வழியாகச் சென்றால் 62 கி.மீ. தூரத்தில் அமைந்திருக்கிறது மாமல்லபுரம். பல்லவர் காலத்தைச் சேர்ந்த யுனெஸ்கோ பாரம்பரியச் சின்னங்களான குடைவரைக் கோவில்கள், ஒற்றைக் கல் ரதம், அற்புதமான புடைப்புச் சிற்பங்களுக்குப் பெயர்போன மாமல்லபுரம், தமிழ்நாட்டின் மிக முக்கியமான சுற்றுலாத் தளங்களில் ஒன்று.
மாமல்லபுரத்தில் எங்கே இருதரப்புப் பேச்சுவார்த்தைகள் நடைபெறும், எந்தெந்த இடத்தை முக்கியப் பிரமுகர்கள் பார்வையிடுவார்கள் என்ற விவரங்கள் இதுவரை வெளியாகவில்லை. இருந்தபோதும் கடற்கரைக் கோவில்கள், அர்சுனன் தபசுச் சிற்பம், கிருஷ்ணரின் வெண்ணை உருண்டை ஆகியவற்றை அவர்கள் பார்வையிடக்கூடும் எனத் தெரிகிறது. இதற்கேற்றபடி, அர்ஜுனன் தபசு சிற்பத்தை ஒட்டி நடந்துவந்த பராமரிப்புப் பணிகள் முடிவுக்கு வந்துள்ளன.
இந்த நிலையில் மாமல்லபுரத்தில் பாதுகாப்பு ஏற்பாடுகள் கொஞ்சம் கொஞ்சமாக வலுப்படுத்தப்பட்டுவருகின்றன. 16.5 சதுர கி.மீ. பரப்புள்ள அந்த ஊர் முழுவதும் சாலைகள் சீரமைக்கப்பட்டுவருகின்றன. அந்த ஊரில் ஒரு முறை பயன்படுத்தும் பிளாஸ்டிக் முழுவதும் தடைசெய்யப்பட்டுள்ளது.
[Image: _109093301_gettyimages-970696042-1.jpg]

[Image: _109093301_gettyimages-970696042-1.jpg]

படத்தின் காப்புரிமைGETTY IMAGES
மாமல்லபுரத்தின் முக்கிய சாலைகள் அனைத்தும் சிசிடிவி கண்காணிப்பின் கீழ் கொண்டுவரப்பட்டுள்ளன. ஹோட்டல்கள், தங்கும் விடுதிகள், ரிசார்ட்டுகளில் தங்குபவர்களின் விவரங்கள் சேகரிக்கப்பட்டுவருகின்றன. கடலில் அலைச்சறுக்கு விளையாட்டிற்குக் கட்டுப்பாடுகள் விதிக்கப்பட்டுள்ளன. மீனவர்கள் 4ஆம் தேதியிலிருந்தே கடலுக்குச் செல்ல வேண்டாமெனக் கூறப்பட்டுள்ளனர். 500க்கும் மேற்பட்ட காவலர்கள் தீவிர பாதுகாப்புப் பணியில் ஈடுபட்டுவருகின்றனர்.
கடந்த செப்டம்பர் 20ஆம் தேதியே சீனத் தூதரக அதிகாரிகள் மகாபலிபுரத்தை பார்வையிட்டுச் சென்றுள்ளனர்.
தமிழக முதலமைச்சர் எடப்பாடி கே. பழனிச்சாமி, துணை முதல்வர் ஓ. பன்னீர்செல்வம் ஆகியோர் புதன்கிழமையன்று மாமல்லபுரம் சென்று அங்கு செய்யப்பட்டிருக்கும் பாதுகாப்பு ஏற்பாடுகளை ஆய்வுசெய்துள்ளன. இது தொடர்பான விரிவான ஆய்வுக்கூட்டம் வெள்ளிக்கிழமையன்று சென்னையில் நடக்கவிருக்கிறது.
மாமல்லபுரம்
ஒரு சுற்றுலாப் பயணியாகவும் வரலாற்றில் ஆர்வமுடையவராகவும் செல்வோருக்கு மாமல்லபுரத்தில் பார்ப்பதற்கு நிறையவே உண்டு.

johnypowas · 04-10-2019, 09:45 AM

வராக மண்டப குடைவரை:
இங்குள்ள வராக மண்டப குடைவரைக் கோவில், அற்புதமான சிற்பங்களைக் கொண்டது. இங்கு வராக மூர்த்தியின் சிற்பம் உள்ளதால் இது வராக மண்டபக் குடைவரை என்று அழைக்கப்பட்டாலும் நரசிம்மருக்காக அமைக்கப்பட்டது என்ற கருத்தும் உண்டு.
[Image: _109089067_mamalapuram.jpg]

படத்தின் காப்புரிமைGETTY IMAGES
இரண்டு முழுமையான தூண்களும் சுவற்றோடு ஒட்டிய இரண்டு அரைத் தூண்களும் இங்கே உண்டு. இங்குள்ள கருவறை உள்நோக்கி இருக்காமல், துருத்திக்கொண்டிருக்கும் வகையில் அமைக்கப்பட்டிருக்கிறது. மண்டபத்தின் வடக்குச் சுவரில் பூமா தேவியைத் தாங்கி நிற்கும் வராகமூர்த்தியின் சிற்பம் காணப்படுகிறது.
அர்ச்சுனன் தபசு புறவழி புடைப்புச் சிற்பம்:
அருச்சுனன் தபசு எனப் பொதுவாக அழைக்கப்படும் மிகப் பெரிய புடைப்புச் சிற்பத் தொகுதி இங்குள்ள தலசயனப் பெருமாள் கோயிலுக்கு பின்புறத்தில் அமைந்துள்ள பெரிய பாறையில் செதுக்கப்பட்டுள்ளது. சுமார் முப்பது மீட்டர் வரை உயரமும் சுமார் 60 மீட்டர் அகலமும் கொண்ட இந்த சிற்பத் தொகுதி அர்ச்சுனன் தபசு என்று பாகீரதன் தவம் என்றும் இருவேறு பெயர்களால் குறிப்பிடப்படுகிறது.
ரதக் கோவில்கள்:
பொதுவாக பஞ்ச பாண்டவர் ரதக் கோவில்கள் என்று அழைக்கப்படும் இந்தக் கோவில்கள், நிலத்தில் துருத்திக்கொண்டிருந்த பாறைகளைச் செதுக்கி ஒரே வரிசையில் அமைக்கப்பட்ட கோவில்களாகும். மகாபாரதத்தின் முதன்மைப் பாத்திரங்களுக்காக அமைக்கப்பட்ட கோவில்கள் என பலர் கூறினாலும், அவர்களது உருவங்கள் இல்லாததால், சிவன், திருமால், கொற்றவை ஆகியோருக்காக அமைக்கப்பட்ட கோவில்கள் என்றும் இவற்றைக் கூறுவதுண்டு. ஒவ்வொரு கோவிலும் வெவ்வேறுவிதமான பாணியில் அமைக்கப்பட்டிருப்பது இந்தக் கோவில் தொகுதியின் சிறப்பு.

johnypowas · 04-10-2019, 09:47 AM

இந்தச் சந்திப்பு மாமல்லபுரத்தில் நடத்தப்படுவது ஏன்?
தமிழ்நாட்டில் இதுபோல இரு பெரும் தலைவர்கள் சந்தித்துப் பேச்சுவார்த்தை நடத்துவது இதுவே முதல்முறை. இந்தியாவின் வெளியுறவுத் துறை வரைபடத்தில் தமிழ்நாட்டிற்கு தற்போது முக்கியத்துவம் கொடுப்பதற்கு என்ன காரணம்? இந்திய வெளியுறவுத் துறை இது தொடர்பாக வெளிப்படையாக எதையும் அறிவிக்கவில்லை.
[Image: _109096606_6367505c-72a2-4af7-8f36-fb2a9693cf6c.jpg]

[Image: _109096606_6367505c-72a2-4af7-8f36-fb2a9693cf6c.jpg]

படத்தின் காப்புரிமைGETTY IMAGESImage captionகோப்புப்படம்
இதற்கு முன்பாக கடந்த 2018 ஏப்ரல் மாதம் 27-28ஆம் தேதிகளில் ஹுபெயில் பிரதமர் நரேந்திர மோதியும் ஜீ ஜிங்பிங்கும் சந்தித்துப் பேசினர். 2017ல் டோக்லாமில் ஏற்பட்ட மோதல் நிலைக்குப் பிறகு, இந்தச் சந்திப்பின்போதுதான் இரு தரப்பு உறவுகள் சீரடைந்தன. ஹுபெய் சந்திப்பிற்குப் பிறகு, இந்தியப் பிரதமரும் சீன அதிபரும் சந்தித்து இருதரப்புப் பேச்சுவார்த்தைகளை நடத்தப்போவது இப்போதுதான்.
தற்போது இந்தியாவைப் பொறுத்தவரை சார்க் நாடுகளைவிட வங்காள விரிகுடா கடலை ஒட்டியுள்ள நாடுகளில் கவனம் செலுத்த விரும்புகிறது. மேலும் வங்காள விரிகுடாக் கடலில் தன் ஆதிக்கத்தைக் காண்பிக்கவும் விரும்புகிறது. அதன் ஒரு பகுதியாகவே வங்கக் கடலை ஒட்டிய பகுதியை பேச்சுவார்த்தைக்குத் தேர்வுசெய்திருக்கிறது. இதற்கு முன்பாக இங்கு நடந்த டிஃபன்ஸ் எக்ஸ்போ, தமிழகத்தில் அமைக்கத் திட்டமிட்டிருந்த டிஃபன்ஸ் காரிடார் ஆகியவை இதனையே சுட்டிக்காட்டுகின்றன" என்கிறார் தன்னாட்சித் தமிழகத்தின் ஒருங்கிணைப்பாளரும் புதிய வல்லரசு சீனா நூலின் ஆசிரியருமான ஆழி. செந்தில்நாதன்.
ஆனால், இந்தக் கருத்திலிருந்து முற்றிலும் மாறுபடுகிறார் மூத்த பத்திரிகையாளரான ஆர்.கே. ராதாகிருஷ்ணன். "இது முழுக்க முழுக்க அரசியல். தமிழகத்தை எப்படியாவது கவர நினைக்கிறது பா.ஜ.க. அதன் ஒரு பகுதிதான் இது. செல்லும் இடங்களில் எல்லாம் பிரதமர் தமிழில் பேசவதும், தமிழைப் புகழ்வதும் அதற்காகத்தான். மற்றபடி ராஜதந்திர ரீதியாக இந்தச் சந்திப்பை தமிழ்நாட்டில் நடத்த எந்த முக்கியத்துவமும் இல்லை" என்கிறார் ராதாகிருஷ்ணன்.
இந்தியா வங்கக் கடலில் தன் ஆதிக்கத்தை காட்ட நினைத்தால் கடற்படைத் தலைமையகம் உள்ள விசாகப்பட்டினத்தில் இதை நடத்தியிருக்கலாம். பாகிஸ்தானுடன் இந்தியா பேச்சு வார்த்தை நடத்துவதற்கே வட மாநிலங்களில் எதிர்ப்பு இருக்கும் என்பதால், தென்னிந்தியாவில் நடத்தலாம். இதுபோன்ற காரணங்கள் ஏதுமே இல்லாமல் இங்கு நடத்தப்படுவது, தமிழகத்திற்கு மத்திய அரசு முக்கியத்துவம் அளிக்கிறது என்று காட்டவே என்கிறார் ராதாகிருஷ்ணன்.

johnypowas · 04-10-2019, 09:50 AM

தென் ஆப்ரிக்காவுக்கு மரண பயத்தை காட்டிய மாயங்க், ரோஹித்....: பல சாதனை தகர்த்து மிரட்டல்!

விசாகப்பட்டினம்: தென் ஆப்ரிக்க அணிக்கு எதிரான முதல் டெஸ்டில் முதல் விக்கெட்டுக்கு 317 ரன்கள் சேர்த்த இந்திய துவக்க வீரர்களான ரோஹித் ஷர்மா, மாயங்க் அகர்வால் பல சாதனைகளை உடைத்தனர்.

[Image: rohit-sharma-mayank-agarwal-1.jpg]

johnypowas · 04-10-2019, 04:45 PM

[img=1219x0]https://images.assettype.com/vikatan%2F2019-10%2F9d8d6ed9-a68a-4d07-a23e-6b9c0025b7d3%2FAA_1.jpg?auto=format&q=60&w=1200&h=750&rect=0,90,478,269[/img]
India
`திருடப்பட்ட அஸ்தி; தேசத் துரோகி வாசகம்’ - காந்தி பிறந்த நாளில் நடந்த அதிர்ச்சி சம்பவம்

இந்தியாவின் தேசத் தந்தை எனப் போற்றப்படும் மகாத்மா காந்தி, கடந்த 1948-ம் ஆண்டு ஜனவரி மாதம் 30-ம் தேதி, நாதுராம் கோட்சேவால் துப்பாக்கியால் சுட்டுப் படுகொலை செய்யப்பட்டார். காந்தி இறந்த பிறகு அவரது உடல் எரியூட்டப்பட்டு அவரின் அஸ்தி இந்தியா முழுவதும் உள்ள பல்வேறு காந்தி நினைவிடங்களுக்கு அனுப்பப்பட்டது.
Mahatma Gandhi [Image: vikatan%2F2019-10%2Fb65996b7-26fa-4282-b...1200&h=749]

[Image: vikatan%2F2019-10%2Fb65996b7-26fa-4282-b...1200&h=749]

அப்படி, மத்தியப்பிரதேசத்தின் ரேவா மாவட்டத்தில் உள்ள `பாபு பவன்’ என்ற காந்தி அருங்காட்சியகத்திலும் அவரின் அஸ்தி வைக்கப்பட்டுள்ளது. கடந்த 2-ம் தேதி காந்தியின் 151-வது பிறந்தநாள் விழா இந்தியா முழுவதும் வெகு சிறப்பாகக் கொண்டாடப்பட்டது. அதே நாளில் ரேவா அருங்காட்சியகத்தில் உள்ள காந்தியின் அஸ்தி திருடுபோயுள்ளது அதிர்ச்சியை ஏற்படுத்தியுள்ளது.
அங்கிருந்த அஸ்தியைத் திருடிய சில மர்ம நபர்கள், காந்தியின் புகைப்படத்துக்குக் கீழே `தேசத் துரோகி’ எனப் பச்சை மையால் எழுதிவிட்டுச் சென்றுள்ளனர். ரேவா மாவட்டத்தின் காங்கிரஸ் தலைவர் குர்மீத் சிங் நேற்று முன் தினம் தன் தொண்டர்களுடன் காந்தி அருங்காட்சியகத்துக்குச் சென்றுள்ளார். அப்போது அங்கிருந்த காந்தியின் அஸ்தி திருடு போயுள்ளதைப் பார்த்து அதிர்ந்துள்ளார்.
rewa museum [Image: vikatan%2F2019-10%2F163c66d1-8437-409e-9...200&h=1600]

[Image: vikatan%2F2019-10%2F163c66d1-8437-409e-9...200&h=1600]

பின்னர் இது தொடர்பாக குர்மீத் சிங் காவல் நிலையத்தில் புகார் அளித்துள்ளார். அவரது புகாரை ஏற்ற காவல்துறையினர், சட்டப் பிரிவு 295-ன் (புனித தளத்தை அவமதித்தல்) கீழ் வழக்கு பதிவு செய்துள்ளனர்.

இந்தச் சம்பவம் பற்றி பேசிய ரேவா மாவட்டத்தின் காவல்துறை துணைக் கண்காணிப்பாளர் சிவ்குமார் வர்மா, ``பாபு பவனில் உள்ள காந்தியின் அஸ்தி திருடப்பட்டுள்ளதாக ரேவா மாவட்ட காங்கிரஸ் தலைவர் புகார் அளித்தார். அதன் பேரில் நாங்கள் வழக்கு பதிவு செய்துள்ளோம். அருங்காட்சியகத்தில் இருக்கும் சிசிடிவி கேமராக்களின் உதவியுடன் அஸ்தியைத் திருடியவர்களைக் கண்டுபிடிக்கும் பணிகள் நடைபெற்று வருகின்றன. இந்த விவகாரம் தொடர்பாக விசாரிக்க தனிப்படை அமைக்கப்பட்டுள்ளது” எனத் தெரிவித்துள்ளார்.
திருட்டு தொடர்பாகப் புகார் அளித்த குர்மீத் சிங் பேசும்போது, `` காந்தியின் சித்தாந்தம் மீண்டும் இழிவுபடுத்தப்பட்டுள்ளது. இந்த சட்டவிரோதச் செயலை, காந்தியைக் கொலை செய்த கோட்சேவின் ஆதரவாளர்களே செய்திருக்க வேண்டும். இது போன்ற செயல்கள் முற்றிலும் நிறுத்தப்படவேண்டும்” எனக் கூறியுள்ளார்.
rewa museum [Image: vikatan%2F2019-10%2Fa2e44ceb-a2a7-43bb-b...1200&h=703]

[Image: vikatan%2F2019-10%2Fa2e44ceb-a2a7-43bb-b...1200&h=703]

johnypowas · 04-10-2019, 04:49 PM

[color=var(--title-color)]பிரதமருக்கு எழுதப்பட்ட கடிதம்! - மணிரத்னம் உட்பட 49 பேர் மீது பாய்ந்த தேசத்துரோக வழக்கு[/color]

[color=var(--title-color)]சினிமா, கலை, இலக்கியம், அறிவியல், மருத்துவம் உட்பட பல்வேறு துறையைச் சேர்ந்த இந்தியாவின் முக்கிய ஆளுமைகள் ஒன்றிணைந்து இந்தக் கடிதத்தை எழுதியுள்ளனர்.[/color]
[Image: vikatan%2F2019-07%2F5f4478a6-7c68-46e9-9...2Ccompress]

[Image: vikatan%2F2019-07%2F5f4478a6-7c68-46e9-9...2Ccompress]

[color=var(--meta-color)]மோடி[/color]
[color=var(--content-color)]இந்தியாவில் தொடர்ந்து நடைபெறும் கூட்டு வன்முறை தாக்குதலுக்கு எதிர்ப்பு தெரிவித்து இயக்குநர் மணிரத்னம் உட்பட 49 பிரபலங்கள் கடந்த ஜூலை மாதம் பிரதமர் மோடிக்குக் கடிதம் எழுதினர். சினிமா, கலை, இலக்கியம், அறிவியல், மருத்துவம் உட்பட பல்வேறு துறையைச் சேர்ந்த இந்தியாவின் முக்கிய ஆளுமைகள் ஒன்றிணைந்து இந்தக் கடிதத்தை எழுதினர். இது மிகப் பரவலாக இந்தியா முழுவதும் பேசப்பட்டது
. இந்த நிலையில், கடந்த ஆகஸ்ட் மாதம், பீகாரைச் சேர்ந்த வழக்கறிஞர் சுதிர்குமார் ஓஜா என்பவர், பிரதமருக்கு கடிதம் எழுதிய பிரபலங்கள், நாட்டினுடைய நற்பெயரை கெடுப்பதாகவும், சிறப்பாக செயல்படும் பிரதமர் நரேந்திர மோடியின் பணிகளை குறைத்து மதிப்பிடுவதாகவும், பிரிவினைவாதத்தை ஊக்குவிப்பதாகவும் கூறி, அவர்கள் மீது வழக்குப்பதிவு செய்ய வேண்டும் எனக் குறிப்பிட்டு பீகார் நீதிமன்றத்தில் வழக்கு தொடுத்தார்.
[color=var(--content-color)]இதைத்தொடர்ந்து, கடந்த ஆகஸ்ட் 20-ம் தேதி நீதிபதி சூர்யகாந்த் திவாரி, இந்த மனுவை ஏற்றுக்கொண்டு இதுதொடர்பாக நடவடிக்கை எடுக்குமாறு காவல் துறையினருக்கு உத்தரவு பிறப்பித்தார்.[/color]
[color=var(--content-color)] [Image: vikatan%2F2019-07%2Fdab97a9a-f0ed-44d2-8...2Ccompress]

[/color]
[/color]
[color=var(--content-color)]நீதிபதியின் உத்தரவை அடுத்து, பிரதமருக்கு கடிதம் எழுதிய பிரபலங்கள் மீது தேசத்துரோக வழக்கு பதிவு செய்யப்பட்டுள்ளது என்கிறார் வழக்கறிஞர் சுதிர் குமார் ஓஜா. பீகாரிலுள்ள சதார் காவல் நிலையத்தில் இதுதொடர்பாக முதல் தகவல் அறிக்கை பதிவு செய்யப்பட்டுள்ளதாகவும் தெரிவித்துள்ளார்.
``எதிர்ப்புக் குரல் இல்லாமல் ஜனநாயகம் செயல்பட முடியாது, எதிர்ப்பு தெரிவிக்கும் மக்களை, `ஆன்டி நேஷனல்' (anti-national) என்றும், `அர்பன் நக்சல்' (urban naxal) என்றும் முத்திரை குத்துவது நியாயமற்றது. இந்திய அரசியலமைப்பு கருத்து சுதந்திரத்தை மக்களுக்கு வழங்குகிறது. அதைச் செயல்படுத்தும் குரல்களில் அரசுக்கு எதிரான எதிர்ப்புக் குரலும் அடக்கம்.
ஆட்சியில் இருக்கும் கட்சியை விமர்சிப்பது அல்லது எதிர்ப்பது என்பது நாட்டை எதிர்ப்பது ஆகாது. எந்த ஆளும் கட்சியும் இந்திய அரசாகாது. எனவே, ஆட்சிக்கு எதிராகப் பேசுவது, நாட்டை எதிர்ப்பதாகாது. இத்தகைய விமர்சனங்களை, எதிர்ப்புகளை பொதுவெளியில் அனுமதிக்கும் நாடு மட்டுமே ஒரு வலுவான நாடாக இருக்க முடியும்" - பிரபலங்கள் எழுதிய கடிதத்தில் இடம்பெற்றிருந்த வரிகள் இவை.[/color]

johnypowas · 05-10-2019, 09:09 AM

அசோக் லேலண்ட் 15 நாள் உற்பத்தி நிறுத்தம்

[Image: Dkn_Tamil_News_2019_Oct_03__392864406108857.jpg]

மும்பை: அசோக் லேலண்ட் நிறுவனம் இந்த மாதம் 2 முதல் 15 நாட்களுக்கு உற்பத்தியை நிறுத்த முடிவு செய்துள்ளது. ஆட்டோமொபைல் துறை தொடர்ந்து சரிவை சந்தித்து வருகிறது. கடந்த செப்டம்பர் மாதத்திலும் வாகன விற்பனை சரிந்துள்ளது. இதனால் நிறுவனங்கள் உற்பத்தியை நிறுத்தி, தொழிற்சாலைகளுக்கு விடுமுறை அறிவித்துள்ளன. கனரக வாகன உற்பத்தியில் முன்னணியில் உள்ள நிறுவனமான அசோக் லேலண்ட் நிறுவனம், கடந்த மாதம் உற்பத்தி நிறுத்தம் அறிவித்தது. இதை மேலும் 5 நாட்கள் நீட்டித்து, கடந்த மாதம் 28ம் தேதி, 30ம் தேதி, அக்டோபர் 1, 8 மற்றும் 9 ஆகிய 5 நாட்கள் உற்பத்தி நிறுத்தம் அறிவித்தது.

இந்நிலையில், இந்த நிறுவனம் மும்பை பங்குச்சந்தையில் நேற்று சமர்ப்பித்துள்ள அறிக்கையில், பல்வேறு இடங்களில் உள்ள அசோக் லேலண்ட் தொழிற்சாலையில், அக்டோபர் மாதம் 2 நாள் முதல் 15 நாள் வரை உற்பத்தி நிறுத்தம் செய்வதாக அறிவித்துள்ளது. இந்த நிறுவனத்தின் எண்ணூர் தொழிற்சாலையில் மட்டும் 1800க்கும் மேற்பட்ட தொழிலாளர்கள் பணிபுரிந்து வருகின்றனர். தொடர்ந்து உற்பத்தியை நிறுத்துவதால் இவர்கள் கலக்கம் அடைந்துள்ளனர்.

johnypowas · 05-10-2019, 09:11 AM

ஆயுதபூஜையை ஒட்டி தொடர் விடுமுறை ‘ஆம்னி’ பஸ்களில் கட்டணம் கடும் உயர்வு; போக்குவரத்துத்துறை சார்பில் சிறப்பு குழு

[Image: Dkn_Tamil_News_2019_Oct_03__604396998882294.jpg]

[Image: Dkn_Tamil_News_2019_Oct_03__604396998882294.jpg]

சென்னை: ஆயுதபூஜை தொடர் விடுமுறையொட்டி ‘ஆம்னி’ பஸ்களில் கட்டணம் கடுமையாக உயர்த்தப்பட்டுள்ளது. இதைக்கட்டுப்படுத்த போக்குவரத்துத்துறை சார்பில் சிறப்பு குழு அமைக்கப்பட்டுள்ளது. தமிழகத்தில் வரும், 7ம் தேதி ஆயுதபூஜை கொண்டாடப்படுகிறது. இதற்கு முந்தை நாட்கள் சனி, ஞாயிறாக உள்ளன. இதனால் இன்று இரவே பலரும் சொந்த ஊருக்கு புறப்பட்டுச்செல்வார்கள். பிறகு 8ம் தேதி திரும்புவார்கள். அவ்வாறு செல்வோரில் பெரும்பாலானோர் பாதுகாப்பு, சவுகர்யம் காரணமாக ரயில்களை தேர்வு செய்வார்கள். ஆனால் ரயிலில் இடம் கிடைக்காததால் பஸ் பயணத்தையே மக்கள் நாட வேண்டியிருக்கிறது.

இதற்காக தமிழக அரசு போக்குவரத்துக்கழகம் சார்பில் இன்று முதல் 6ம் தேதி வரை தினசரி இயக்கக்கூடிய 2,225 பேருந்துகளுடன் 1,695 சிறப்பு பேருந்துகள் என மொத்தம் மூன்று நாட்களுக்கு சென்னையிலிருந்து 6,145 பேருந்துகள் இயக்கப்படுகின்றன. இதேபோல் பிற ஊர்களில் இருந்து சென்னை வருவதற்கு, மற்ற முக்கிய இடங்களுக்கு செல்வதற்கும் சிறப்பு பஸ்கள் இயக்கப்படுகின்றன. கூட்ட நெரிசலை கட்டுப்படுத்தும் வகையில் மாதவரம், கே.கே.நகர், தாம்பரம் ரயில் நிலையம், பூந்தமல்லி, கோயம்பேடு ஆகிய 5 இடங்களில் சிறப்பு பஸ்ஸ்டாண்டுகள் அமைக்கப்பட்டுள்ளது
இதில் ஏராளமானோர் முன்பதிவு செய்தும், நேரடியாகவும் பயணம் செய்வார்கள். மேலும் பலர் ஆம்னி பஸ்களில் செல்கின்றனர். இதை தங்களுக்கு சாதகமாக பயன்படுத்திக்கொண்டு, அம்னி பஸ்களில் கூடுதல் கட்டணம் வசூலிக்கப்படுகிறது. இதனால் பொதுமக்கள் கடுமையாக பாதிக்கப்பட்டு வருகின்றனர். இதைத்தடுக்க போக்குவரத்துத்துறை சார்பில் சிறப்பு குழுக்கள் அமைக்கப்பட்டு, ஆங்காங்கு திடீர் சோதனை நடத்த திட்டமிடப்பட்டுள்ளது.

குறிப்பாக சென்னையில் இருந்து மதுரைக்கு இயக்கப்படும், ஆம்னி பஸ்களில் சனி, ஞாயிறு தினங்களில் கட்டணமாக, ரூ.600 - 1500 வரையிலும், சென்னை - கோவைக்கு ரூ.700 - 1,700 வரையில் கட்டணம் வசூலிக்கப்படுகிறது. தற்போது ஆயுத பூஜையை காரணம் காட்டி கட்டணமானது அதிகப்படியாக உயர்த்தப்பட்டுள்ளது. சென்னையிலிருந்து மதுரைக்கு தற்போது ரூ.1,700-ரூ.2,500, சென்னை-கோவைக்கு ரூ.1-700-2,000 வரை கட்டணம் வசூலிக்கப்படுகிறது. இதேபோல் ஒவ்வொரு முக்கிய ஊர்களுக்கும் கட்டணம் அதிகமாகவுள்ளதாக பாதிக்கப்பட்டவர்கள் தரப்பில் கூறப்படுகிறது. இதேபோல் தீபாவளி பண்டிகைக்கும் குறைவான நாட்களே இருப்பதால் அப்போதும் கட்டண உயர்வு இருக்கும் எனவும் அவர்கள் குற்றஞ்சாட்டுகின்றனர்.

johnypowas · 05-10-2019, 09:16 AM

தமிழகம் முழுவதும் மண்டல அலுவலகங்களில் புதிய குடும்ப அட்டை வழங்கப்படுவதில்லை: அதிகாரிகள் அலைக்கழிப்பு ,.. பொதுமக்கள் குற்றச்சாட்டு

[Image: Dkn_Tamil_News_2019_Oct_03__983516871929169.jpg]

[Image: Dkn_Tamil_News_2019_Oct_03__983516871929169.jpg]

சென்னை: தமிழகம் முழுவதும் மண்டல அலுவலகங்களில் புதிய குடும்ப அட்டை வழங்கப்படாமல் பொதுமக்கள் அலைக்கழிக்கப்படுவதாகவும், அதிகாரிகள் விசாரணை நடத்தாமலே தள்ளுபடி செய்வதாகவும் புகார் எழுந்துள்ளது. தமிழகம் முழுவதும் சுமார் 1 கோடியே 99 லட்சத்து 53 ஆயிரத்து 681 மின்னணு ரேஷன் கார்டுகள் உள்ளன. இதில் அரிசி பெறும் கார்டுகள் மட்டும் சுமார் 1 கோடியே 85 லட்சம். 10 லட்சம் சர்க்கரை கார்டுகள் உள்ளன. இந்த ரேஷன் கார்டுகளுக்கு பொருட்கள் வழங்க தமிழகத்தில் மட்டும் 34 ஆயிரம் ரேஷன் கடைகள் செயல்படுகின்றன.சமீபகாலமாக தமிழகம் முழுவதும் புதிய ரேஷன் கார்டுகள் கிடைக்காமல் அலைக்கழிக்கப்படுவதாக பாதிக்கப்பட்டவர்கள் புலம்புகிறார்கள். குறிப்பாக, திருமணம் ஆனவர்கள் அல்லது கூட்டு குடும்பத்தில் இருந்து பிரிந்தவர், தற்போது எந்த இடத்தில் பெயர் இருக்கிறதோ அங்கிருந்து நீக்கம் செய்யப்பட்டதாக சான்றிதழ் வாங்கி கொடுத்தால் எளிய முறையில் ரேஷன் கார்டு வழங்கும் முறை இருந்தது.

ஆனால், தற்போது, கூட்டு குடும்பத்தில் இருந்து திருமணம் ஆகி புதிய கார்டு கேட்டு அந்தந்த மண்டல அலுவலகம், தாலுகா மையத்தில் விண்ணப்பித்துள்ள நிலையிலும் பலருக்கு எந்தவித தகவலும் கூறாமல் நிராகரிக்கப்படுவதாக குற்றச்சாட்டு எழுந்துள்ள து.
ஒருவரிடம் ஆதார் கார்டு இருந்தால் இந்தியா முழுவதும் எந்த ரேஷன் கடைகளில் வேண்டுமானாலும் பொருட்கள் வாங்கிக் கொள்ளலாம் என்ற அடிப்படையில் ஒரே நாடு ஒரே ரேஷன் கார்டு என்று மத்திய அரசு புதிய திட்டம் கொண்டு வந்துள்ளது. ஆனால் சென்னை மற்றும் புறநகர் மண்டல அலுவலகங்களில் ரேஷன் கார்டு கேட்டு பல ஆண்டுகளாக கிடைக்காமல் பொதுமக்கள் அலைக்கழிக்கப்படுகிறார்கள். தற்சமயம் பள்ளிகளில் ஸ்மார்ட் கார்டு தரப்படுவதால் அதற்கு ஆதாரமாக குடும்ப அட்டை வேண்டும் என கேட்கிறார்கள். ஆனால் ரேஷன் கார்டு இல்லாமல் பெற்றோர்கள் பள்ளிகளில் ஸ்மார்ட் கார்டு பெற முடியாத நிலை உள்ளது.

பரங்கிமலை, தாம்பரம், சைதாப்பேட்டை, தி.நகர், சோழிங்கநல்லூர், தி.நகர், மயிலாப்பூர் போன்ற மண்டலங்களில் பணி செய்யும் குடும்ப அட்டை பிரிவு (கவுன்டர் கண்காணிப்பாளர்) பொதுமக்களை வாய்க்கு வந்தபடி திட்டி அனுப்புவதுடன், மரியாதை இல்லாமல் பேசி வருவதாகவும் பொதுமக்கள் குற்றம் சாட்டுகிறார்கள். புதிய குடும்ப அட்டை, பெயர் நீக்கம் போன்றவைக்காக கணினி மூலம் மனு செய்தால் விசாரணை செய்யாமலேயே மனு செய்த 4 மணி நேரத்தில் அந்த விண்ணப்பத்தை தள்ளுபடி செய்து விடுகின்றனர். அரசு அதிகாரிகள் அலட்சியமான பதிலையே தெரிவிக்கிறார்கள். இதற்கு சம்பந்தப்பட்ட அரசு அதிகாரிகள் நடவடிக்கை எடுக்கும்படி பொதுமக்கள் சார்பில் கோரிக்கை வைக்கப்பட்டுள்ளது.

ஒரே இடத்தில் ஆண்டுக்கணக்கில் பணி
சென்னை மற்றும் புறநகர் பகுதி மண்டல அலுவலகத்தில் கார்டு பிரிவு கண்காணிப்பாளர் ஒரே இடத்தில் 5 வருடங்களுக்கும் மேல் பணிபுரிந்து வருவதும் இதற்கு ஒரு காரணம் என்று கூறப்படுகிறது. அரசு ஊழியர்கள் 3 ஆண்டுகளுக்கு மேல் ஒரு இடத்தில் பணியில் இருக்கக்கூடாது என்பது விதி. ஆனால் இந்த விதிமுறைகளை இந்த துறையில் பின்பற்றுவது இல்லை. அதனால் கட்டாயம் 3 வருடங்களுக்கு ஒருமுறை கண்காணிப்பாளர்களை மாற்றம் செய்ய வேண்டும். இதை புதிய உணவு ஆணையாளர் கவனித்து நடவடிக்கை எடுக்க வேண்டும் என்ற கோரிக்கையும் விடுக்கப்பட்டுள்ளது.

johnypowas · 05-10-2019, 09:18 AM

இந்தியாவுக்கு எதிரான முதல் டெஸ்ட் போட்டியின் 2ம் நாள் ஆட்டநேர முடிவில் தென் ஆப்பிரிக்கா 39/3

[Image: Dkn_Tamil_News_2019_Oct_03__696605861186982.jpg]

விஷாகப்பட்டினம்: இந்தியாவுக்கு எதிரான முதல் டெஸ்ட் போட்டியின் 2ம் நாள் ஆட்டநேர முடிவில் தென் ஆப்பிரிக்கா 3 விக்கெட் இழப்புக்கு 39 ரன்கள் எடுத்துள்ளது. தென் ஆப்பிரிக்க வீரர்கள் எல்கர் 27, பவுமா 2 ரன்னுடன் களத்தில் உள்ளனர். முதல் இன்னிங்சில் இந்தியாவை விட தென் ஆப்பிரிக்கா 436 ரன்கள் பின்தங்கியுளள்து குறிப்பிடத்தக்கது.

johnypowas · 07-10-2019, 09:24 AM

[color=var(--title-color)]‘பெண் அதிகாரியை மிரட்டிய எம்.எல்.ஏ; கைது செய்ய உத்தரவிட்ட ஜெகன்’- 5 மணி நேரத்தில் கிடைத்த பெயில்![/color]
[color=var(--content-color)]நேற்று ஜெகனின் ஓய்.எஸ்.ஆர் கட்சியை சேர்ந்த ஸ்ரீதர் ரெட்டி எம்.எல்.ஏ, பெண் அதிகாரியை தொலைபேசியில் மிரட்டிய விவகாரம் பூதாகரமானது. அந்த எம்.எல்.ஏவுக்கு எதிராக காவல்நிலையத்தில் வழக்குப்பதிவு செய்யக்கோரி பெண் அதிகாரி தர்ணாவில் ஈடுபட்டது ஆந்திரா தொலைக்காட்சிகளில் ஒளிபரப்பானது. இதனையடுத்து மாவட்ட கலெக்டரை தொடர்பு கொண்ட ஜெகன் யார் மீது தவறு உள்ளதோ அவர்கள் மீது நடவடிக்கை எடுங்கள் எனக் கூறியுள்ளார்.[/color]
[color=var(--content-color)] [Image: vikatan%2F2019-10%2F0bfdaf33-5f89-4c9a-8...2Ccompress]

[Image: vikatan%2F2019-10%2F0bfdaf33-5f89-4c9a-8...2Ccompress]

ஜெகன்மோகன் ரெட்டி
[/color]
[color=var(--content-color)]ஸ்ரீதர் ரெட்டி, நெல்லூர் ரூரல் தொகுதியின் சட்டமன்ற உறுப்பினர். குடிநீர் இணைப்பு வழங்குவதில் தாமதம் ஆனதாக கூறி மண்டல வளர்ச்சி அதிகாரியான சரளாவை போனில் தொடர்புக்கொண்டு மிரட்டியுள்ளார். அவரது தாயை தாக்கியதாகவும் கூறப்படுகிறது. அவரது வீட்டிற்கு வழங்கப்பட்ட மின் இணைப்பு மற்றும் குடிநீர் போன்றவற்றையும் ஸ்ரீதர் ரெட்டி துண்டித்ததாக புகாரில் கூறப்பட்டுள்ளது. இதுதொடர்பாக காவல்நிலையத்தில் புகார் கொடுக்க சென்றுள்ளார். அங்கு இன்ஸ்பெக்டர் இல்லாததால் புகாரை வாங்க காவலர்கள் மறுத்துவிட்டனர். இன்ஸ்பெக்டர் வரும் வரை காவல்நிலைய வளாகத்திலே அமர்ந்திருந்தார். இந்த செய்தி டி.வியில் ஒளிபரப்பானது. முதல்வரின் கவனத்துக்கு சென்றுள்ளது.[/color]
[color=var(--content-color)]இதனையடுத்து உடனடியாக மாவட்ட ஆட்சியர் மற்றும் காவல்துறை உயர் அதிகாரிகளை தொடர்புக்கொண்டு யார் மீது தவறு உள்ளதோ நடவடிக்கை எடுங்கள் எனக் கூறியுள்ளார். சம்பவ இடத்துக்கு அதிகாரிகள் விரைந்தனர். அந்தப்பெண்ணிடம் புகாரை பெற்றுகொண்டு எம்.எல்.ஏ மீது நடவடிக்கை எடுத்தனர். எம்.எல்.ஏ ஸ்ரீதர் ரெட்டி போலீஸாரால் கைது செய்யப்பட்டார். மருத்துவ பரிசோதனைகள் முடிந்து எம்.எல்.ஏ.வை மாவட்ட நீதிமன்றத்தில் ஆஜர்ப்படுத்தினர். இதில் வேடிக்கையான விஷயம் என்னவென்றால் கைதான 5 மணிநேரத்தில் எம்.எல்.ஏ ஜாமீன் பெற்று வெளியே வந்துவிட்டார்.[/color]
[color=var(--content-color)] [Image: vikatan%2F2019-08%2Fe32a86dc-73a7-45e5-9...2Ccompress]

கைது
[/color]
[color=var(--content-color)]இச்சம்பவம் குறித்து பேசிய ஸ்ரீதர் ரெட்டி, “அந்தப்பெண் அதிகாரியிடம் திட்டத்திற்கான அனுமதியை விரைவுப்படுத்த உதவுமாறு கேட்டுக்கொண்டேன். அவர் என் மீது ஒரு பொய்யான வழக்கை தாக்கல் செய்துள்ளார். என்னுடைய அரசியல் எதிரிகளால் அவர் தூண்டப்படுகிறார் என்ற சந்தேகம் உள்ளது. நான் எப்படி குடிநீர் இணைப்பு, மின் இணைப்பை துண்டிப்பேன்” என கேள்வியெழுப்பியுள்ளார். ஆந்திர மாநில முன்னாள் முதலமைச்சர் சந்திரபாபு நாயுடுவை சட்டசபையில் மிரட்டியது. தனக்கு எதிராக செய்தியை வெளியிட்ட நிருபரை போனில் மிரட்டியது என ஸ்ரீதர் ரெட்டி மீது பல குற்றச்சாட்டுகள் உள்ளது குறிப்பிடத்தக்கது.[/color]

johnypowas · 07-10-2019, 09:26 AM

[color=var(--title-color)]இளைஞர்களைப் போதைக்கு அடிமையாக்கிய கும்பல்! அதிரடியாகக் கைது செய்த அறந்தாங்கி போலீஸ்[/color]

[color=var(--title-color)]புதுக்கோட்டை மாவட்டம் அறந்தாங்கியில் இளைஞர்களுக்கு வலி நிவாரண மாத்திரைகளைப் போதை மாத்திரைகளாக விற்பனை செய்து அடிமைப்படுத்தி வந்த கும்பலை அறந்தாங்கி போலீஸார் கைது செய்து அவர்களிடமிருந்த மாத்திரைகளைப் பறிமுதல் செய்தனர்.[/color]
[Image: vikatan%2F2019-10%2Fb69b9b3d-7c40-4cc6-a...2Ccompress]

[color=var(--meta-color)]போதை மாத்திரைகள்[/color]
[color=var(--content-color)]புதுக்கோட்டை மாவட்டம், அறந்தாங்கி பகுதியில் இளைஞர்கள் பலரும் சமீப காலங்களாகப் போதைப் பழக்கத்துக்கு அடிமையாகி வருவதாகவும் அவர்களை மீட்க வேண்டும் என இளைஞர்களின் பெற்றோர்கள் காவல் நிலையத்தில் புகார் அளித்துள்ளனர். இதுபற்றி விசாரிக்க அறந்தாங்கி டி.எஸ்.பி கோகிலா தலைமையில் தனிப்படை அமைக்கப்பட்டது. தனிப்படை போலீஸார் தீவிரமாக விசாரித்து வந்தனர்.[/color]
[color=var(--content-color)] [Image: vikatan%2F2019-10%2F21b8c6df-7e4c-4f55-8...2Ccompress]

[Image: vikatan%2F2019-10%2F21b8c6df-7e4c-4f55-8...2Ccompress]

போதை மாத்திரை விற்பனை செய்தவர்களை கைது செய்த போலீஸார்
[/color]
[color=var(--content-color)]இந்த நிலையில்தான், அறந்தாங்கி அருகே அரசர்குளம் பகுதியில் சந்தேகப்படும்படியாகச் சுற்றித்திரிந்த இளைஞர் ஒருவரைப் பிடித்து விசாரணை நடத்தினர். கஞ்சா வைத்திருந்த அவரிடம் நடத்திய தொடர் விசாரணையில், போதை ஊசி பயன்படுத்துவதும் போலீஸாருக்குத் தெரியவந்தது. இதையடுத்து, எங்கு அந்தப் போதை மாத்திரைகளை வாங்குகிறார் என்பதைத் தெரிந்துகொண்டனர்.[/color]
[color=var(--content-color)]தொடர்ந்து மாறு வேடத்தில் சென்ற போலீஸார், புதுக்கோட்டையில் போதை மருந்து விற்பனையில் ஈடுபட்ட ரியாஸ் கான், ஜெகன் மற்றும் அவரின் மனைவி பானுமதி ஆகியோரை கையும் களவுமாகப் பிடித்தனர். கேன்சர் நோய்க்கான வலி நிவாரணிகளைப் போதை ஊசியாகக் கொடுத்துள்ளது தெரியவந்தது.[/color]
[color=var(--content-color)] [Image: vikatan%2F2019-10%2F5f3bbb74-396d-491f-b...2Ccompress]

[Image: vikatan%2F2019-10%2F5f3bbb74-396d-491f-b...2Ccompress]

போதை மாத்திரை விற்பனை செய்தவர்களை கைது செய்த போலீஸார்
[/color]
[color=var(--content-color)]அவர்களைக் கைது செய்த போலீஸார் நடத்திய விசாரணையில், திருப்பூர் அருகே அவினாசியைச் சேர்ந்த கெளதம் ராஜாதான் மாத்திரைகளை இவர்களுக்கு விநியோகித்து மூளையாகச் செயல்பட்டார் என்று தெரியவந்ததால், திருப்பூர் சென்று அவரைக் கைது செய்தனர். மேலும், இது தொடர்பாக, வாசு, வினோத் என மொத்தமாக 6 பேரை போலீஸார் கைது செய்து, அவர்களிடமிருந்த சுமார் ரூ.3 லட்சம் மதிப்பிலான 2,100 மாத்திரைகளைக் கைப்பற்றினர். அனைவரையும் அறந்தாங்கி ஒருங்கிணைந்த நீதிமன்றத்தில் ஆஜர்படுத்தி சிறையில் அடைத்தனர்.[/color]

johnypowas · 07-10-2019, 09:28 AM

[color=var(--title-color)]மரங்களை அழித்து மெட்ரோ; நீதிமன்றம் கிரீன் சிக்னல்! - விஸ்வரூபம் எடுத்த ஆரே வனப் பிரச்னை[/color]

[color=var(--title-color)]மும்பை ஆரே வனப்பகுதியில் மெட்ரோ திட்டப் பணிகளுக்கு எதிர்ப்புத் தெரிவித்து அப்பகுதி மக்கள் போராட்டத்தில் குதித்துள்ளனர்.[/color]
[Image: vikatan%2F2019-10%2F951bc095-7692-4e65-8...2Ccompress]

[Image: vikatan%2F2019-10%2F951bc095-7692-4e65-8...2Ccompress]

[color=var(--meta-color)]ஆரே போராட்டம் ( Twitter )[/color]
[color=var(--content-color)]மகாராஷ்டிராவின் மும்பை முதல் குஜராத்தின் அகமதாபாத் வரையிலான இந்தியாவின் முதல் புல்லட் ரயில் சேவைக்கான பணிகள் விரைவில் தொடங்கப்படவுள்ளன. இந்த `புல்லட் ரயில் திட்டத்துக்காக 32 ஏக்கரில் உள்ள 54,000 சதுப்புநில மரங்கள் அழிக்கப்படும் அபாயம் இருக்கிறது. இதனால் பல்வேறு பாதிப்புகள் ஏற்படும்' என மும்பை மக்கள் மற்றும் எதிர்க்கட்சி தலைவர்கள் தொடர்ந்து குற்றம் சாட்டி வருகின்றனர்.[/color]
[color=var(--content-color)] [Image: vikatan%2F2019-10%2Fdf6696e3-532e-434e-a...2Ccompress]

[Image: vikatan%2F2019-10%2Fdf6696e3-532e-434e-a...2Ccompress]

Aarey Forest[color=var(--meta-color)]Twitter[/color]
[/color]
[color=var(--content-color)]பிரதமர் மோடியின் இந்தக் கனவுத் திட்டத்தினால் பல விவசாயிகள் மற்றும் பொதுமக்கள் பாதிக்கப்படுவார்கள் எனக் கடந்த சில மாதங்களுக்கு முன்பு மும்பையின் பல்வேறு இடங்களில் போராட்டம் நடந்தது. பின்னர், `சில ஏக்கர் நிலங்கள் மட்டுமே விவசாயிகளின் ஒப்புதலுடன் வாங்கப்படவுள்ளது, வெட்டப்படும் ஒரு மரத்துக்கு ஐந்து புதிய மரங்கள் நடப்படும்’ என மகாராஷ்டிரா அரசு அறிவித்ததால் இந்தப் பிரச்னை சற்று ஓய்ந்தது.[/color]

johnypowas · 07-10-2019, 09:29 AM

[color=var(--content-color)]தற்போது மரங்களை வெட்டுவதற்கு மீண்டும் எதிர்ப்பு தெரிவித்து போராட்டத்தில் குதித்துள்ளனர் மும்பை மக்கள். ஆனால் இந்த முறை எதிர்ப்பு புல்லட் ரயில் திட்டத்துக்கு இல்லை, மெட்ரோ ரயில் திட்டத்துக்கு. மும்பையின் ஆரே வனப்பகுதிக்கு அருகில் பணிமனைகள் அமைக்கும் பணிகளில் தீவிர காட்டி வருகிறது மும்பை மெட்ரோ நிர்வாகம். ஆனால், இந்தப் பணிமனைகளுக்காக ஆரே வனப்பகுதியில் உள்ள 2,702 மரங்களை வெட்டவேண்டிய நிலை உள்ளது.[/color]
[color=var(--content-color)] [Image: vikatan%2F2019-10%2F4553308e-130e-4b85-9...2Ccompress]

[Image: vikatan%2F2019-10%2F4553308e-130e-4b85-9...2Ccompress]

Aarey Forest[color=var(--meta-color)]ANI[/color]
[/color]
[color=var(--content-color)]இதைக் கடந்த சில மாதங்களுக்கு முன்னரே மெட்ரோ நிர்வாகம் தெரிவித்திருந்தது. சுற்றுச்சூழலுக்குப் பாதிப்பை ஏற்படுத்தும் முடிவுகளை எடுப்பதற்கு முன்பாக அந்தப் பகுதியில் வசிக்கும் பொதுமக்களின் கருத்துகளையும் கேட்க வேண்டும் என ஆரே காலனி மக்கள் கோரிக்கை வைத்தனர். அதன்படி கடந்த ஜூலை மாதம், ஆரே காலனிப் பகுதியில் வசிக்கும் சுமார் 500 பேரிடம் கருத்துக் கேட்கப்பட்டது. அவர்கள் அனைவரும் தங்கள் பகுதியில் வரவுள்ள மெட்ரோவுக்கு எதிர்ப்பு தெரிவித்து, அதற்கான வலுவான காரணங்களையும் முன்வைத்தனர்.[/color]

[color=var(--content-color)]வெறும் பெயருக்கு மட்டும் கருத்துக் கேட்புக் கூட்டம் நடத்திவிட்டு தங்கள் திட்டப்படி மரங்கள் வெட்டும் பணிகளைச் செய்துள்ளது நிர்வாகம் என்ற குற்றச்சாட்டு முன்வைக்கப்படுகிறது. 2,000 மரங்களுக்கு மாற்றாக வேறு இடத்தில் 400 மரங்களைப் புதிதாக நடுவதற்கு அரசு ஒப்புக்கொண்டது. ஆனால், இதற்குக் கடுமையான எதிர்ப்பு தெரிவித்த ஆரே மக்கள், இந்த விவகாரம் தொடர்பாக மும்பை உயர்நீதிமன்றத்தில் பொதுநல வழக்கு ஒன்றைத் தாக்கல் செய்தனர். இந்த வழக்கு நேற்று விசாரணைக்கு வந்தது.[/color]
[color=var(--content-color)] [Image: vikatan%2F2019-10%2F92eaeceb-faaf-430e-8...2Ccompress]

[Image: vikatan%2F2019-10%2F92eaeceb-faaf-430e-8...2Ccompress]

Aarey Forest[color=var(--meta-color)]Twitter[/color]
[/color]
[color=var(--content-color)]அதில், `மெட்ரோ ரயில் கட்டுமானத்துக்கு மும்பை மாநகராட்சி நிர்வாகத்திடம் உரிய அனுமதி பெற்றுத்தான் திட்டம் செயல்படுத்தப்பட்டு வருகிறது. எனவே, மரங்கள் வெட்டத் தடைவிதிக்க முடியாது. மேலும் ஆரே பகுதியை வனப் பகுதியாக அறிவிக்கும் உரிமை இந்த நீதிமன்றத்துக்கு இல்லை. அதில் பசுமை தீர்ப்பாயம்தான் முடிவெடுக்க வேண்டும்’ எனத் தீர்ப்பு வழங்கியது நீதிமன்றம்.[/color]

[color=var(--content-color)]தீர்ப்பு வெளியான அடுத்த சில மணி நேரங்களில் ஆரேவில் மரம் வெட்டும் பணிகளில் தீவிரம் காட்டினர் அதிகாரிகள். இதை அப்பகுதி மக்கள் வீடியோவாக எடுத்து சமூக வலைதளங்களில் வெளியிட்டனர். தற்போது ஆரோ வனப்பகுதி விவகாரம் விஸ்வரூபம் எடுத்துள்ளது. மரம் வெட்டுவதற்கு எதிர்ப்பு தெரிவித்து சமூக ஆர்வலர்கள் மற்றும் பொதுமக்கள் என நூற்றுக்கணக்கான மக்கள் அந்தப் பகுதியில் அமர்ந்து இரவு முழுவதும் தர்ணா போராட்டத்தில் ஈடுபட்டனர். போராட்டக்காரர்களைக் காவலர்கள் அப்புறப்படுத்தினாலும் அங்குப் பதற்றம் நிலவி வருகிறது.[/color]
[color=var(--content-color)] [Image: vikatan%2F2019-10%2F66d440d1-be9f-477d-9...2Ccompress]

[Image: vikatan%2F2019-10%2F66d440d1-be9f-477d-9...2Ccompress]

Aarey Forest Protest[color=var(--meta-color)]Twitter[/color]
[/color]
[color=var(--content-color)]அரசியல் தலைவர்கள், பிரபலங்கள் எனப் பலரும் ஆரே பகுதி மக்களின் போராட்டத்துக்கு ஆதரவு தெரிவித்துள்ளனர். #AareyForest, #SaveAareyForest போன்ற ஹேஷ்டேக்குகள் இந்திய அளவில் ட்ரெண்ட் செய்யப்பட்டு வருகிறது. மரங்களை வெட்ட வேண்டாம் எனக் கெஞ்சிய மக்களை, காவலர்கள் வலுக்கட்டாயமாக வெளியேற்றும் வீடியோ மற்றும் இரவில் அவசரமாக மரங்கள் வெட்டும் வீடியோ போன்றவை வைரலாகி சமூகவலைதளத்தை ஆக்கிரமித்துள்ளன.[/color]

johnypowas · 07-10-2019, 09:33 AM

ஷமி, ஜடேஜா அபார பந்துவீச்சு - 203 ரன்கள் வித்தியாசத்தில் தென் ஆப்பிரிக்காவை வீழ்த்தியது இந்தியா
[Image: 201910061353396524_india-won-by-first-te...SECVPF.gif]

5 விக்கெட் வீழ்த்திய ஷமி

விசாகப்பட்டினம்:

இந்தியா - தென்ஆப்பிரிக்கா அணிகளுக்கு இடையிலான முதல் டெஸ்ட் விசாகப்பட்டினத்தில் நடைபெற்று வருகிறது. டாஸ் வென்று முதலில் பேட்டிங் செய்த இந்தியா, முதல் இன்னிங்சில் 7 விக்கெட் இழப்பிற்கு 502 ரன்கள் குவித்து டிக்ளேர் செய்தது.

அதன்பின்னர் முதல் இன்னிங்சை தொடங்கிய தென்ஆப்பிரிக்கா 431 ரன்னில் ஆல் அவுட் ஆனது. அந்த அணியின் எல்கர் 160 ரன்களும் டி காக் 111 ரன்களும் கேப்டன் டுபிலிசிஸ் 55 ரன்களும் எடுத்திருந்தனர். இந்தியா தரப்பில் அஸ்வின் 7 விக்கெட் எடுத்தார்.

இதையடுத்து, 71 ரன்கள் முன்னிலை பெற்ற இந்திய அணி 2-வது இன்னிங்சை தொடங்கியது. தொடக்க ஆட்டக்காரர்களாக ரோகித் சர்மா, அகர்வால் களமிறங்கினர்.
இதனையடுத்து ரோகித் சர்மாவுடன் புஜாரா ஜோடி சேர்ந்து ஆடினார். அரை சதமடித்த புஜாரா 81 ரன்னில் வெளியேறினார். இரண்டாவது இன்னிங்சிலும் ரோகித் சர்மா சதமடித்து அசத்தினார். அவர் 127 ரன்னில் ஆட்டமிழந்தார். அடுத்து இறங்கிய ரவீந்திர ஜடேஜா 40 ரன்னில் அவுட்டானார். தொடர்ந்து இறங்கிய விராட் கோலியும், அஜிங்கியா ரகானேவும் விக்கெட் விழாமல் நின்றனர்.

இறுதியில், 67 ஓவர்கள் முடிவில் இந்தியா 4 விக்கெட் இழப்புக்கு 323 ரன்கள் எடுத்திருந்த நிலையில் இரண்டாவது இன்னிங்சை டிக்ளேர் செய்வதாக அறிவித்தது. விராட் கோலி 31 ரன்னுடனும், ரகானே 27 ரன்னுடனும் களத்தில் உள்ளனர்.

இதைத்தொடர்ந்து, 395 ரன்களை இலக்காக கொண்டு தென் ஆப்பிரிக்கா அணி இரண்டாவது இன்னிங்சை விளையாடி வருகிறது. நான்காம் நாள் ஆட்ட நேர முடிவில் தென் ஆப்பிரிக்கா அணி ஒரு விக்கெட் இழப்புக்கு 11 ரன்கள் எடுத்துள்ளது.

[Image: 201910061353396524_1_jadeja1._L_styvpf.jpg]

[Image: 201910061353396524_1_jadeja1._L_styvpf.jpg]

இந்நிலையில், ஐந்தாம் நாள் ஆட்டம் இன்று தொடங்கியது. அஷ்வின் மற்றும் ஜடேஜா விரைவில் விக்கெட் எடுத்தனர். தொடர்ந்து இறங்கிய முன்னணி வீரர்களை மொகமது ஷமியும், ஜடேஜாவும் விரைவில் அவுட்டாக்கினர். ரவீந்திர ஜடேஜா ஒரே ஓவரில் 3 விக்கெட் வீழ்த்தி அசத்தினார்.

இதனால் நிலைகுலைந்த தென் ஆப்பிரிக்கா அணி 70 ரன்களை எடுப்பதற்குள் 8 விக்கெட்டுகளை இழந்தது.

கடைசி கட்டத்தில் முத்துசாமியும், டேன் பீட்டும் இணைந்து நிதானமாக ஆடினர். பீட் பொறுப்புடன் ஆடி அரை சதமடித்தார். அவர் 56 ரன்னில் அவுட்டானார். அப்போது தென் ஆப்பிரிக்கா 161 ரன்கள் எடுத்திருந்தது. இருவரும் இணைந்து 91 ரன்கள் சேர்த்தது குறிப்பிடத்தக்கது.

இறுதியில், தென் ஆப்பிரிக்கா அணி 191 ரன்களுக்கு அனைத்து விக்கெட்டுகளையும் இழந்தது. இதனால் இந்தியா 203 ரன்கள் வித்தியாசத்தில் வெற்றி பெற்றதுடன், தொடரில் 1-0 என முன்னிலை வகிக்கிறது.

இந்தியா சார்பில் மொகமது ஷமி 5 விக்கெட்டும், ரவீந்திர ஜடேஜா 4 விக்கெட்டும், அஷ்வின் ஒரு விக்கெட்டும் வீழ்த்தினர்.

johnypowas · 08-10-2019, 05:17 PM

[color=var(--title-color)]`ஓட ஓட விரட்டிய கொள்ளையர்கள்!'- பீச்சில் செல்போனுக்காகப் போராடிய இன்ஜினீயர்களுக்கு நேர்ந்த சோகம்[/color]
[color=var(--title-color)]சென்னை பாலவாக்கம் கடற்கரையில், இன்ஜினீயர்கள் இருவரை வழிமறித்து செல்போன்களைப் பறித்த கும்பலின் தலைவனை போலீஸார் கைதுசெய்து சிறையில் அடைத்துள்ளனர்.[/color]
[Image: vikatan%2F2019-10%2F2a638b7c-4bff-490c-b...2Ccompress]

[Image: vikatan%2F2019-10%2F2a638b7c-4bff-490c-b...2Ccompress]

[color=var(--meta-color)]கைதான கோபி[/color]
[color=var(--content-color)]சென்னை நீலாங்கரை காவல் நிலையத்துக்குக் கடந்த 3-ம் தேதி, கையில் கட்டுடன் வந்துள்ளார் இளைஞர் ஒருவர். அவருடன் வந்த நபர், பதற்றத்துடன், ``நாங்கள் இருவரும் சென்னை பாலவாக்கம் கடற்கரையிலிருந்து பள்ளிக்கரனைக்குச் செல்லும்போது, 4 பேர் வழிமறித்தனர். பிறகு, அவர்கள் எங்களிடமிருந்த 2 செல்போன்கள் மற்றும் பணத்தைப் பறிக்க முயன்றனர். கொள்ளையர்களுடன் நாங்கள் இருவரும் போராடினோம். அப்போது அரிவாளால் வெட்டினர். அதைத் தடுத்தபோது உள்ளங்கையில் வெட்டு விழுந்தது. அதற்காக 7 தையல்களைப் போட்டுள்ளோம். எங்களிடம் செல்போன்கள், பணத்தைப் பறித்தவர்கள்மீது நடவடிக்கை எடுக்க வேண்டும்" என்று தெரிவித்துள்ளார்.[/color]
[color=var(--content-color)] [Image: vikatan%2F2019-10%2F4ac04209-3b94-4eb3-a...2Ccompress]

[Image: vikatan%2F2019-10%2F4ac04209-3b94-4eb3-a...2Ccompress]

cell phone
[/color]
[color=var(--content-color)]இதையடுத்து, நீலாங்கரை போலீஸ் இன்ஸ்பெக்டர் ஜோகின்ஜெர்ரி தலைமையில் சப்-இன்ஸ்பெக்டர் வேலு, சிறப்பு சப்-இன்ஸ்பெக்டர் துரைராஜ், தலைமைக் காவலர்கள் சையத் அப்சர், சிவகுமார் ஆகியோர் கொண்ட தனிப்படை அமைக்கப்பட்டது. போலீஸார் நடத்திய விசாரணையில், கொள்ளைச் சம்பவத்தில் ஈடுபட்டது பாலவாக்கத்தைச் சேர்ந்த கோபி மற்றும் அவரின் கூட்டாளிகள் என்று தெரியவந்தது. அவர்களை போலீஸார் தேடிவந்த நிலையில், அக்கரை செக் போஸ்ட் அருகில் கோபி பைக்கில் செல்லும் தகவல் போலீஸாருக்குக் கிடைத்தது. அதன்பேரில் அங்கு சென்ற போலீஸார், கோபியை மடக்கினர். அப்போது, அந்தப் பகுதியில் உள்ள பாலத்திலிருந்து கோபி குதித்துத் தப்பி ஓடினார். இதில் அவரின் இடது கையில் முறிவு ஏற்பட்டது. சிகிச்சைக்குப் பிறகு கோபியை போலீஸார் கைதுசெய்து, அவரிடமிருந்த 2 கத்திகள், 2 பைக்குகள் ஆகியவற்றை போலீஸார் பறிமுதல் செய்துள்ளனர்.[/color]

[color=var(--content-color)]கோபியின் பின்னணி குறித்து போலீஸார் கூறுகையில், ``சிவகங்கையைச் சேர்ந்தவர் கணேஷ்குமார். அவரின் நண்பர் புதுக்கோட்டையைச் சேர்ந்த முத்துச்செல்வன். இவர்கள் இருவரும் டிப்ளமோ இன்ஜினீயரிங் படித்துவிட்டு பள்ளிக்கரணையில் நடைபெறும் மேல்நிலை நீர்தேக்கத் தொட்டி கட்டுமானப் பணியில் ஈடுபட்டுவருகின்றனர். இருவரும் கடந்த 3-ம் தேதி, பாலவாக்கம் கடற்கரைக்கு வந்துள்ளனர். பிறகு, இருவரும் வீட்டுக்குச் சென்றபோதுதான் கோபி என்கிற கோபாலகிருஷ்ணன் (24) மற்றும் அவரின் கூட்டாளிகளான விஜய், ராகவா, ஜெய்கணேஷ் ஆகியோர் வழிமறித்துள்ளனர். கணேஷ்குமார், முத்துச்செல்வனிடம் செல்போன்கள், பணத்தைப் பறிக்க கோபி டீம் முயன்றுள்ளனர். இதில் நடந்த தகராறில் முத்துச்செல்வனின் உள்ளங்கையில் அரிவாள் வெட்டு விழுந்தது. அரிவாளால் வெட்டிவிட்டு இருவரின் செல்போன்கள் மற்றும் பணத்தைப் பறித்துவிட்டு தப்பியோடிவிட்டது.
கணேஷ்குமார் கொடுத்த புகாரின் பேரில், கோபியைக் கைது செய்துள்ளோம். அவரின் கூட்டாளிகளைத் தேடிவருகிறோம். கோபி மீது 2016-ல் துரைப்பாக்கம் காவல் நிலையத்தில் கொலை வழக்கும், 2017-ல் நீலாங்கரை காவல் நிலையத்தில் கொலை முயற்சி வழக்கும் நிலுவையில் உள்ளன. இதுதவிர, அடிதடி என நீலாங்கரையில் மட்டும் 5 வழக்குகள் கோபி மீது உள்ளன. இதனால் கோபியைக் குண்டர் தடுப்பு காவல் சட்டத்தின் கீழ் கைதுசெய்து சிறையில் அடைத்துள்ளோம். கடந்த ஏப்ரல் மாதத்தில்தான் சிறையிலிருந்து வெளியில் வந்த கோபி, மீண்டும் குற்றச் செயல்களில் ஈடுபட்டுவந்துள்ளார். கணேஷ்குமார், முத்துச்செல்வனிடம் வழிப்பறி செய்த கோபி டீம், பைக் ஒன்றைத் திருடியுள்ளது. அதன்பிறகு, 7 -ம் தேதி காலையில் ஒருவரை வழிமறித்து பணத்தைப் பறித்துள்ளது. அந்தப் பணத்தில் மது வாங்க அக்கரை வழியாக வந்தபோதுதான், எங்களிடம் சிக்கிக் கொண்டார். கணேஷ்குமார், முத்துச்செல்வன் ஆகியோரின் செல்போன்கள் கோபியின் கூட்டாளிகளிடம் இருப்பதும் தெரியவந்துள்ளது" என்றனர்.[/color]

Login
Username:
Password:	Lost Password?
	Remember me