தற்போதைய செய்திகள்

[johnypowas]

வெஸ்ட் இண்டீஸ் கிரிக்கெட் தொடரில் இருந்து டோனி விலகல்: இந்திய அணி இன்று தேர்வு


மும்பை, 

இந்திய கிரிக்கெட் அணி வெஸ்ட் இண்டீசில் சுற்றுப்பயணம் மேற்கொண்டு மூன்று 20 ஓவர், மூன்று ஒரு நாள் மற்றும் 2 போட்டிகள் கொண்ட டெஸ்ட் தொடரில் விளையாடுகிறது. இதில் முதல் இரண்டு 20 ஓவர் ஆட்டங்கள் அமெரிக்காவின் புளோரிடாவில் உள்ள லாடெர்ஹில்லில் ஆகஸ்டு, 3, 4-ந்தேதிகளில் நடக்கிறது. கடைசி 20 ஓவர் போட்டியில் இருந்து எஞ்சிய ஆட்டங்கள் வெஸ்ட் இண்டீசில் அரங்கேறும்.



இந்த தொடருக்கான இந்திய அணி மும்பையில் இன்று (ஞாயிற்றுக்கிழமை) அறிவிக்கப்படுகிறது. எம்.எஸ்.கே.பிரசாத் தலைமையிலான தேர்வு குழுவினர் கலந்து ஆலோசித்து அணியை தேர்வு செய்கிறார்கள்.

உலக கோப்பை கிரிக்கெட்டில் இந்திய அணி அரைஇறுதியுடன் வெளியேறி ஏமாற்றம் அளித்ததால் அணியில் அதிரடி மாற்றங்கள் இருக்கலாம் என்று எதிர்பார்க்கப்படுகிறது.

இந்திய முன்னாள் கேப்டனும், விக்கெட் கீப்பருமான 38 வயதான டோனி இளம் வீரர்களுக்கு வழிவிடும் வகையில் ஓய்வு பெற வேண்டும் என்று ஷேவாக், கவுதம் கம்பீர் உள்ளிட்ட முன்னாள் வீரர்கள் தொடர்ந்து வலியுறுத்தி வருகிறார்கள். இதனால் டோனி வெஸ்ட் இண்டீஸ் தொடரில் இடம் பெறுவாரா? அல்லது கழற்றி விடப்படுவாரா? என்ற கேள்வி எழுந்தது. அது தொடர்பான யூகங்களுக்கு இப்போது டோனியே விடையளித்து விட்டார்.

வெஸ்ட் இண்டீஸ் தொடரில் இருந்து தானாக முன்வந்து விலகுவதாக கூறியுள்ள டோனி, அடுத்த 2 மாதங்கள் ராணுவத்தினருடன் இணைந்து தனது நேரத்தை செலவிட இருப்பதாக இந்திய கிரிக்கெட் வாரியத்திற்கு தகவல் அனுப்பி உள்ளார். ராணுவத்தில் அதிக பற்று கொண்ட டோனி இந்திய ராணுவத்தில் கவுரவ லெப்டினன்ட் கர்னலாக இருப்பது நினைவு கூரத்தக்கது.

வெஸ்ட் இண்டீஸ் தொடரில் இருந்து விலகும் டோனியின் முடிவு இந்திய கேப்டன் விராட் கோலி மற்றும் தேர்வு குழு தலைவர் எம்.எஸ்.கே.பிரசாத் ஆகியோரிடம் தெரிவிக்கப்பட்டு இருப்பதாக கூறிய கிரிக்கெட் வாரிய நிர்வாகி ஒருவர், டோனி இப்போதைக்கு கிரிக்கெட்டில் இருந்து ஓய்வு பெறப்போவதில்லை என்றும் குறிப்பிட்டார்.

டோனிக்கு பதிலாக இளம் விக்கெட் கீப்பர் ரிஷாப் பண்ட் இந்திய அணியில் இடம் பிடிப்பார் என்று தெரிகிறது. டெஸ்ட் கிரிக்கெட்டுக்கு மாற்று விக்கெட் கீப்பர் இடத்திற்கு விருத்திமான் சஹா தேர்வு செய்யப்படலாம்.

20 ஓவர் உலக கோப்பை கிரிக்கெட் போட்டி அடுத்த ஆண்டு ஆஸ்திரேலியாவில் நடக்கிறது. அதை மனதில் கொண்டே அணியின் தேர்வு இருக்கும். அந்த வகையில் முதல்தர போட்டிகளில் சிறப்பாக விளையாடி வரும் மயங்க் அகர்வால், மனிஷ் பாண்டே, ஸ்ரேயாஸ் அய்யர், சுப்மான் கில் மற்றும் பிரித்வி ஷா உள்ளிட்டோரில் ஒரு சிலருக்கு அதிர்ஷ்டம் அடிக்கலாம். இதே போல் சுழற்பந்து வீச்சாளர் ராகுல் சாஹர், டெல்லி வேகப்பந்து வீச்சாளர் நவ்தீப் சைனி ஆகியோரின் பெயர்களும் பரிசீலிக்கப்பட வாய்ப்பு உள்ளது. விரலில் ஏற்பட்ட காயத்தால் உலக கோப்பை போட்டியில் இருந்து பாதியில் வெளியேறிய ஷிகர் தவான், உடல்தகுதியை எட்டினால் அவர் அணியில் தொடருவார்.

20 ஓவர் உலக கோப்பை வரை டோனி விளையாட திட்டமா?

சமீபத்தில் நிறைவடைந்த உலக கோப்பை கிரிக்கெட் போட்டியுடன் (50 ஓவர்) இந்திய கிரிக்கெட் அணியின் மூத்த வீரர் டோனி ஓய்வு பெறலாம் என்று தகவல்கள் வெளியானது. ஆனால் ஓய்வு குறித்து டோனி இதுவரை வாய் திறக்கவில்லை. இந்த நிலையில் அவரது முகநூல் பக்கத்தில் வெளியான ஒரு பதிவில், ‘உலக கோப்பை கிரிக்கெட்டில் அரைஇறுதியில் தோற்றதால் நீங்கள் (ரசிகர்கள்) மிகுந்த ஏமாற்றம் அடைந்திருப்பீர்கள் என்பதை அறிவேன். எனது ஓய்வு குறித்து அதிகமாக பேசப்படுகிறது. இத்தகைய சூழலில் எனது அணியை விட்டு விலகுவதற்கு இது சரியான நேரம் அல்ல. ரசிகர்கள் கவலைப்பட தேவையில்லை. ஆஸ்திரேலியாவில் அடுத்த ஆண்டு (2020) நடக்கும் 20 ஓவர் உலக கோப்பை கிரிக்கெட்டில் நான் விளையாடுவேன். ஆதரவு தாருங்கள்’ என்று அதில் கூறப்பட்டுள்ளது.

[johnypowas]

[color=var(--title-color)]`நல்ல கருத்துகளைச் சொன்னாலே இப்படித்தான்..!’ - சூர்யா பேச்சுக்கு ஆதரவுக்கரம் நீட்டும் திரையுலகம்[/color]

[color=var(--title-color)]நடிகர் சூர்யாவின் புதிய கல்விக் கொள்கை தொடர்பான பேச்சுக்கு ஒருபுறம் ஆதரவும், மறுபுறம் எதிர்ப்பும் கிளம்பியுள்ளது.[/color]
[color=var(--meta-color)]சூர்யா[/color]
[color=var(--content-color)]மத்திய அரசுகொண்டுவரவிருக்கும் `புதிய கல்விக் கொள்கை’ தொடர்பான விவாதங்கள் மேலோங்கியுள்ளன. புதிய கல்விக் கொள்கையில் உள்ள பல்வேறு பாதகங்கள் குறித்து நடிகர் சூர்யா தனது கருத்தை தெரிவித்தார். இதற்கு பா.ஜ.க சார்பில் கண்டனங்கள் எழுந்தன. தமிழக அமைச்சர் கடம்பூர் ராஜு, ``புதிய கல்விக் கொள்கை குறித்து சூர்யாவுக்கு என்ன தெரியும்? சூர்யா அரைவேக்காட்டுத்தனமாகப் பேசுகிறார். நன்கு தெரிந்துகொண்டு பேசுபவர்களுக்கு பதில் கூறலாம்” என்று விமர்சித்தார்.
மறுபுறம், மக்கள் நீதி மய்யம் கட்சித் தலைவர் கமல்ஹாசன், `சூர்யாவின் கருத்துக்கு ஆதரவு’ தெரிவித்தார். நாம் தமிழர் கட்சியின் ஒருங்கிணைப்பாளர் சீமானும், சூர்யாவின் கருத்துக்கு ஆதரவு தெரிவித்திருந்தார். சூர்யாவின் இந்தப் பேச்சுக்கு ஒருபுறம் ஆதரவும், மற்றொரு புறம் எதிர்ப்பும் கிளம்பியுள்ளது. இந்நிலையில், சென்னையில் இயக்குநர் சங்கத்தேர்தலின்போது, சூர்யாவின் பேச்சுகுறித்து இயக்குநர்கள் தங்கள் கருத்துகளை தெரிவித்துள்ளனர்.[/color]

ஐஏஎஸ் அதிகாரிகள் போன்றவர்கள் இருக்கிறார்கள், அவர்களுக்கெல்லாம் நிறையவே தெரியும். அவர்கள் சொல்வதற்கு பயப்படுவார்கள். ஆனால், சூர்யா தைரியமாகச் சொன்னார்.

[color=var(--white)]
கே.எஸ்.ரவிக்குமார்[/color]
[color=var(--content-color)]
சூர்யா
[/color]
[color=var(--content-color)]இயக்குநர் கே.எஸ்.ரவிக்குமார் பேசுகையில், ``சூர்யா பேச்சை நான் கேட்டேன்; நல்லது பேசியிருக்கிறார். சரியாகப் பேசியிருக்கிறார். ரொம்ப கரெக்டா பேசியிருக்கிறார். நிறைய பேர் இது மாதிரி குரல்கொடுக்க வேண்டும். அது, இவர்களுடைய கொள்கை அவர்களுடைய கொள்கை என்பதெல்லாம் இல்லை. சொல்லப்போனால், இந்தக் கொள்கைகளை யாரெல்லாம் உருவாக்கினார்களோ அவர்களுக்கே தெரியாத விஷயமெல்லாம் சூர்யாவின் பேச்சு மூலமாகத், தெரியவரும். அப்போ அவங்க இதையெல்லாம் போய் விசாரிப்பாங்க.
`என்னங்க, கிராமத்துல படிக்கிற மாணவர்களுக்கு வாய்ப்பே இல்லை. ஆசிரியர்கள் இல்லையா, ஆசிர்யர்களை நியமிக்கணும்’. இதுபோன்ற விஷயங்கள் சூர்யா சொன்னது மூலமாகத் தெரிய வரலாம். ஐஏஎஸ் அதிகாரிகள் போன்றவர்கள் இருக்கிறார்கள், அவர்களுக்கெல்லாம் நிறையவே தெரியும். அவர்கள் சொல்வதற்கு பயப்படுவார்கள். ஆனால், சூர்யா தைரியமாகச் சொன்னார். இதுபோன்ற விஷயங்களெல்லாம் சூர்யா மூலமாக வெளியே வந்துள்ளதே என்று நான் சந்தோஷப்படுகிறேன். எங்களுக்கும் உள்ளுக்குள்ளே இருக்கு, எங்களுக்கு வாய்ப்பு வரும்போதுதான் சொல்லமுடியும். அவருக்கு வாய்ப்பு வந்துள்ளது அவர் பேசினார். அவர் அகரம் நடத்துவதால், இது தொடர்பாக நிறைய விஷயங்கள் தெரிந்துள்ளது; சொல்கிறார். அவர் சொல்லித்தான் நிறைய விஷயங்கள் எனக்கே தெரியும்” என்றார்.[/color]
[color=var(--content-color)]இயக்குநரும், நடிகர் விஜய்யின் தந்தையுமான எஸ்.ஏ.சந்திரசேகர் கூறுகையில், ``நம் நாட்டில் நல்ல கருத்துகளை பேசமுடியவில்லை. அவற்றைப் பேசுவதற்கே சுதந்திரம் இல்லாத நிலைதான் இருக்கிறது. அந்த வகையில், நடிகர் சூர்யாவுக்கும் அது நடந்திருப்பதில் எந்தவித ஆச்சர்யமுமில்லை” என்று கூறியுள்ளார்.[/color]
[color=var(--content-color)]
சங்கர்
[/color]
[color=var(--content-color)]இயக்குநர் சங்கரிடம் கேட்டபோது, ``நடிகர் சூர்யா, தேசிய கல்விக் கொள்கை பற்றிப் பேசியது எனக்குத் தெரியாது; நான் அதைப் படிக்கவில்லை” என்று கூறிவிட்டுச் சென்றுவிட்டார்.

[color=var(--content-color)]நாம் தமிழர் கட்சியின் ஒருங்கிணைப்பாளரும் இயக்குநருமான சீமான் பேசுகையில், ``மீண்டும் மீண்டும் தேர்வு, தகுதித் தேர்வு, நுழைவுத் தேர்வு போன்றவற்றில் உள்ள கவனம், சமமான தரமான கல்வியைக் கொடுக்காமல் தகுதியான மாணவனை எப்படி எதிர்பார்க்கிறீர்கள்? ஏன் மாணவர்களோ ஆசிரியர்களோ புதிய கல்விக் கொள்கை குறித்து கவனம் செலுத்தவில்லை என்பது கேள்வியாக உள்ளது.[/color]
[color=var(--content-color)]
சீமான்
[/color]
[color=var(--content-color)]நடிகர் சூர்யா பேசியது பாராட்டுதலுக்குரியது. அந்த துணிச்சல் மற்றவர்களுக்கு இல்லை என்றால் வெட்கப்பட வேண்டும். பஞ்ச் டயலாக் படத்தில் பேசினால் போதாது; வெளியில் வந்து பேச வேண்டும்” என்றார்.[/color]
[/color]

[johnypowas]

சூர்யா பேசியது பிரதமர் மோடிக்கு கேட்டுள்ளது - காப்பான் இசை வெளியீடு விழாவில் நடிகர் ரஜினிகாந்த் பேச்சு


சென்னை, 

இயக்குநர் கே.வி. ஆனந்த் இயக்கத்தில் நடிகர் சூர்யாவின் “காப்பான்” பட இசை வெளியிட்டு விழா சென்னை திருவான்மியூரில் நடைபெற்றது. 

இதில் நடிகர் ரஜினிகாந்த், இயக்குனர் ஷங்கர், கவிஞர் வைரமுத்து உள்பட பலர் கலந்து கொண்டனர். அந்த விழாவில் பேசிய வைரமுத்து, “ இந்த விழாவில் பங்கேற்றுள்ள ரஜினி பொருளை மட்டும் பகிர்ந்து கொடுப்பவர் அல்ல, தன் புகழையும் பெருந்தன்மையையும் பகிர்ந்து கொடுப்பவர். சினிமாத் துறையில் உள்ளவர்கள் தங்கள் பணிக்கு சம்பளம் வாங்குகிறோம். அதோடு சமூகத்திற்கும் அவர்களுக்குமான உறவு முடிந்துவிட்டதாக நினைக்காது, எனக்கு ஒரு சமூக அக்கறை உண்டு என்று செயல்பட்ட சூர்யாவிற்கு வாழ்த்து தெரிவித்துகொள்கிறேன்” என்று கூறினார்.
பாடலாசிரியர் கபிலன் பேசுகையில், “புதிய கல்விக்கொள்கை தொடர்பாக நடிகர் சூர்யா பேசியதை, நடிகர் ரஜினிகாந்த் பேசியிருந்தால், அதை பிரதமர் மோடி கேட்டிருப்பார்” என்று கூறினார். 

அதைத்தொடர்ந்து பேசிய நடிகர் ரஜினிகாந்த், “தமிழாற்றுப்படை புத்தக்கதை படித்தவுடன் வைரமுத்து மீது இன்னும் மதிப்பு அதிகமானது. தமிழாற்றுப்படையில் தமிழ் பற்றிய தகவல்கள் அனைத்தும் உள்ளது. நானும் கே.வி.ஆனந்த்துடன் படம் செய்திருக்கவேண்டியது. ஆனால் அதை நான் தான் தவறவிட்டுவிட்டேன். மோகன்லால் இயற்கையான நடிகர். கமலின் இந்தியன் 2 நிச்சயம் வெற்றி பெறும். பொன்னியின் செல்வன் படத்தை மணிரத்தினம் இயக்க உள்ளார். இப்படம் எப்படி வரும் என ஆவலாக காத்திருக்கிறேன். தர்பார் படம் நல்லபடியாக வந்துகொண்டு இருக்கிறது. புதிய கல்விக் கொள்கை குறித்து ரஜினி பேசினால் மோடிக்கு கேட்டிருக்கும் என்று சொன்னார்கள். ஆனால் சூர்யா பேசியதே மோடிக்கு கேட்டுள்ளது. சூர்யாவின் கருத்தை நான் ஆமோதிக்கிறேன். சூர்யாவின் இன்னொரு முகம் சில நாட்களுக்கு முன் தெரிந்தது” என்று தெரிவித்தார்.

[johnypowas]

“சேற்றில் புதைக்கப் போகிறாயா? அழுதார் அத்திவரதர்!” -ஸ்ரீவில்லிபுத்தூர் ஜீயர் உருக்கம்!

“இதே அத்திவரத பெருமாள் ஸ்ரீகிருஷ்ணபிரேமி அன்னா சுவாமிகளிடம் உற்சவம் ஆரம்பித்த புதிதில் மறுபடியும் என்னைச் சேற்றில் புதைக்கப் போகிறாயா? என்னைப் புதைக்க வேண்டாம் என்று அவருடைய கனவில் தோன்றி அழுததாக கிருஷ்ணபிரேமி அன்னா கண்ணீருடன் கூறினார் என்னிடம். இதை நாங்கள் தமிழக முதல்வரிடமும் துணை முதல்வரிடமும் அறநிலையத்துறை அமைச்சரிடமும் மற்றும் அனைத்து அமைச்சர்களிடமும் நமது நாடு நன்றாக இருக்கவேண்டும் என்பதற்காக ஸ்ரீகிருஷ்ணபிரேமி அன்னா அவர்களின் முடிவைக் கூறியுள்ளோம்.

 

 

சேற்றிலும் தண்ணியிலும் பகவான் ஏன் கஷ்டப்பட வேண்டும்? இத்தனை ஆண்டுகளாக பூஜை செய்யாவிட்டாலும் பரவாயில்லை. அவரை அதே இடத்தில் வைத்து சேவிப்பதற்கு..  பொதுமக்கள்.. லட்சோபலட்சம் மக்கள் இப்போது வந்து கொண்டிருக்கிறார்கள். காஞ்சிபுரம்கூட மறுபடியும் திருப்பதி ஆகிவிடும். அதனால், தயவுசெய்து இந்த விக்கிரகத்தை புதைக்க வேண்டாம். இப்போதைக்கு அப்படியேகூட வச்சிக்கலாம். ஏன்னா.. இத்தனை வருஷமா பூஜை பண்ணல. ஆனா.. ஒரு பவர் உண்டு. அந்தப் பவர் இருக்கிறதுனாலதான்.. ஆகர்ஷ சக்தி இருக்கிறதுனாலதான் இத்தனை மக்கள் அவரைத் தேடி வந்துக்கிட்டிருக்காங்க. ஏதோ ஒரு ஈர்ப்பு சக்தி இருக்கிறதுனால.. வரம் தரக்கூடிய அத்திவரதரை தேடி வருகிறார்கள். அத்திவரதரை வெளியே எடுத்ததுனாலதான்.. அங்கங்கே மழை பெய்யுது. இன்னும் நிறைய மழை பெய்ய வாய்ப்பு இருக்குது. 

அத்திவரதர் 48 வருடங்களுக்குப் பிறகு மறுபடியும் மேலே எழுந்திருக்கிறார். இது ஆகமத்திலோ, சாஸ்திரங்களிலோ கிடையாது. இந்த அத்திவரதர்தான், ஆதிகாலத்தில் ஆதிசங்கரருடன் பேசியிருக்கிறார். இதே மூர்த்திதான் ராமானுஜருடன் பேசியிருக்கிறார். தேசிகரிடமும் பேசியிருக்கிறார். அந்தக் காலக்கட்டத்தில், திருட்டு பயம் இருந்தது. விக்கிரகங்களை ஆங்காங்கே ஒளித்து வைக்க வேண்டிய நிலைமை ஏற்பட்டது. அதனால், இந்த அத்திவரதரைக்கூட கீழே பூமியில் புதைத்து மறைத்து வைத்துள்ளார்கள். இப்போது நமக்கு அந்த பயம் இல்லை.  

இந்த மூர்த்தி.. மிகவும் பேசும் மூர்த்தி. அதனால், கோடிக்கணக்கான மக்கள் பார்ப்பதற்கு வந்துகொண்டே இருப்பார்கள். அதனால், அவரைப் பாதுகாக்க வேண்டுமென்று அடியேனும் கேட்டுக்கொள்கிறேன்.” என்று உருக்கமாக வேண்டுகோள் விடுத்தார். 

[johnypowas]

அமெரிக்காவில் அவமதிக்கப்பட்ட இம்ரான் கான்... கொதித்தெழுந்த பாகிஸ்தான் மக்கள்...

பாகிஸ்தான் அதிபராக இம்ரான் கான் பதவியேற்ற பிறகு, முதன்முறையாக நேற்று அரசுமுறை பயணமாக அமெரிக்கா சென்றார்.

 

 

 

3 நாள் பயணமாக அமெரிக்கா சென்றுள்ள அவர், அங்கு அரசு ரீதியிலான பல சந்திப்புகளை மேற்கொள்ள உள்ளார். இந்த பயணத்தில் வெள்ளை மாளிகை சென்று அமெரிக்க அதிபர் டிரம்ப்பை சந்திக்க உள்ளார். இம்ரான் கான் நேற்று அமேரிக்கா செல்லும் போது தனி விமானம் மூலமாக பயணம் செய்யாமல், வர்த்தக விமானத்தில் பயணிகளுடன் பயணம் செய்து வாஷிங்டன் சென்றடைந்தார். ஆனால் வாஷிங்டன் விமான நிலையத்தில் அவரை வரவேற்க அமெரிக்காவின் சார்பில் அதிகாரிகள் யாரும் வரவில்லை.

பொதுவாக ஒரு நாட்டின் பிரதிநிதி அரசு முறை பயணமாக மற்றொரு நாட்டிற்கு செல்லும் போது அந்நாட்டு முக்கிய அதிகாரிகள் அல்லது தலைவர்கள் விமான நிலையத்தில் வந்து வரவேற்பது வழக்கம். ஆனால் இம்ரான் கானை வரவேற்க யாரும் வராதது அந்நாட்டு மக்களிடையே பெரும் கோபத்தை ஏற்படுத்தியுள்ளது. இம்ரான் கான் வேண்டுமென்றே அவமானப்படுத்தப்பட்டதாக அந்நாட்டு மக்கள் சமூகவலைத்தளங்களில் அமெரிக்காவை குற்றம் சாட்டி வருகின்றனர். 

[johnypowas]

யார் மிருகம்? உலகை உலுக்கிய ஒற்றை போட்டோ

கேப்டவுன்: போட்சுவானா நாட்டில், தந்தத்துக்காக யானையை கொடூரமாக கொன்ற போட்டோவை, ட்ரோன் ஒன்று படம்பிடிக்க, அது உலகையே உலுக்கியதுடன், சமூக வலைதளங்களிலும் வைரலாக பரவி வருகிறது.








தென்னாப்பிரிக்காவில் உள்ள போட்சுவானாவில் வேட்டை தடைச் சட்டம் சமீபத்தில் நீக்கப்பட்டது. இதனையடுத்து அங்கு தந்தங்களுக்காக யானைகள் கொல்லப்படுவது அதிகரித்துள்ளது. இதுகுறித்து தனியார் நிறுவனத்துக்காக ஆவணப்படம் எடுக்க, ஐஸ்டின் சுலிவான் என்பவர், போட்சுவானா காட்டுபகுதியில் தனது ட்ரோனை பறக்க விட்டார்.












அப்போது இறந்து கிடந்த யானையின் சடலம் அவரது கண்ணில் பட்டது. யானையின் முகம் கொடூரமாக சிதைக்கப்பட்டு, ரம்பம் மூலம் துதிக்கை தனியாக துண்டிக்கப்பட்டு, தந்தம் வெட்டப்பட்டுள்ளது. எதிர்பாராத விதமாக அவரது ட்ரோன் கேமராவில் பதிவான இந்த காட்சிகள், தற்போது உலகையே உலுக்கி உள்ளது.

[johnypowas]

'சமஸ்கிருதத்தை கட்டாயமாக்க வேண்டும்': ஆர்.எஸ்.எஸ். வலியுறுத்தல்

சமஸ்கிருத மொழியை அதிகமானோர் கற்கும் வகையில், அதை பள்ளிகளில் கட்டாயமாக்க வேண்டும்' என, ஆர்.எஸ்.எஸ்., துணை அமைப்புகள் வலியுறுத்தி உள்ளன.








'பள்ளிக் கல்வியில், மும்மொழி கல்வி திட்டம் அறிமுகம் செய்யப்படும்' என, சமீபத்தில் வெளியிடப்பட்ட, மத்திய அரசின், வரைவு கல்விக் கொள்கையில் தெரிவிக்கப்பட்டுள்ளது. இதற்கு, தமிழகம் உள்ளிட்ட சில மாநிலங்கள் எதிர்ப்பு தெரிவித்து வருகின்றன.இந்நிலையில், 'சமஸ்கிருத மொழியை கட்டாயமாக்க வேண்டும்' என, ஆர்.எஸ்.எஸ்., எனப்படும், ராஷ்ட்ரீய ஸ்வம் சேவக் அமைப்பின் துணை அமைப்புகள் வலியுறுத்தியுள்ளன.ஆர்.எஸ்.எஸ்., துணை அமைப்பான, பாரதிய சிக் ஷன் மண்டல், சமீபத்தில், வெளியிட்ட அறிக்கை: மும்மொழி கொள்கையால், சமஸ்கிருதம் அதிகம் பாதிக்கப்படுகிறது.









கட்டாயம்
பள்ளிகளில், ஆங்கிலம் மற்றும் பிராந்திய மொழி கட்டாயமாக உள்ளது. அத்துடன் ஹிந்தி பேசாத மாநிலங்களில், மூன்றாவது மொழியாக பெரும்பாலானோர், ஹிந்தியை தேர்வு செய்கின்றனர். வெகு சிலரே, சமஸ்கிருதத்தை தேர்வு செய்கின்றனர். அதனால், மும்மொழி திட்டத்துடன், சமஸ்கிருதத்தை கட்டாயமாக்க வேண்டும்.இவ்வாறு அதில் கூறப்பட்டுள்ளது.மற்றொரு துணை அமைப்பான, சமஸ்கிருத மொழியை பரப்பும், சமஸ்கிருத பாரதி அமைப்பின் தலைவர், தினேஷ் காமத் கூறியதாவது:மும்மொழி கல்வி திட்டத்தில், ஹிந்தி மற்றும் தாய்மொழியுடன், மூன்றாவது மொழியாக, சமஸ்கிருதத்தை கட்டாயமாக்க வேண்டும்.இவ்வாறு அவர் கூறினார்.

தற்போது, நாட்டின் பல்வேறு மாநிலங்களில், 1 முதல் பிளஸ் 2 வகுப்பு வரை சமஸ்கிருதம் கற்றுத் தரப்படுகிறது. கேரளாவில், 1ம் வகுப்பில் இருந்தே கற்றுத் தரப்படுகிறது. அதே நேரத்தில் உத்தரகண்டில், 3ம் வகுப்பில் இருந்து கற்றுத் தரப்படுகிறது.பல்வேறு மாநிலங்களில், 6 முதல், 10ம் வகுப்பு வரை, மூன்றாவது மொழியாக சமஸ்கிருதம் கற்றுத் தரப்படுகிறது; பிளஸ் 1 மற்றும் பிளஸ் 2 வகுப்பில், இரண்டாவது மாற்று மொழியாக கற்றுத் தரப்படுகிறது. பல்வேறு கல்லுாரி மற்றும் பல்கலைகளில், இளநிலை மற்றும் முதுநிலை பட்டப் படிப்பிலும், சமஸ்கிருதம் கற்றுத் தரப்படுகிறது. இவ்வாறு, 120 பல்கலைகளில் சமஸ்கிருதம் கற்பிக்கப்படுகிறது.






இதைத் தவிர, மத்திய அரசு நடத்தும் மூன்று பல்கலைகள் உட்பட, 15 சமஸ்கிருத பல்கலைகளும் உள்ளன. இதற்கிடையே, சமஸ்கிருதத்தை பேசும் மொழியாக உள்ள கிராமங்களை உருவாக்கவும், மத்திய மனிதவள மேம்பாட்டு அமைச்சகம் திட்டமிட்டுள்ளது. இதற்கான கிராமங்களை தேர்வு செய்யும் முயற்சி நடந்து வருகிறது.மத்திய மனிதவள மேம்பாட்டு துறை அமைச்சராக உள்ள, பா.ஜ.,வைச் சேர்ந்த ரமேஷ் போக்ரியால், உத்தரகண்ட் முதல்வராக இருந்தபோது, இந்த திட்டத்தை அங்கு செயல்படுத்தியுள்ளார். பந்தோலா கிராமத்தில் உள்ள மக்கள், ஹிந்தி அல்லது சமஸ்கிருதத்திலேயே பேசுகின்றனர்.

[johnypowas]

Suzlon துளசி தாந்தியின் கடன் கம்மிதான்..ரூ.11,141 கோடி கடன்.. அடுத்தடுத்து தலைதூக்கும் கடன்பிரச்சனை

[johnypowas]

மும்பை : வாராக்கடன் பிரச்சனையில் சிக்கித் தவித்து வரும் வங்கிகள், அடுத்தடுத்து என்ன செய்வதென்று தெரியாமல் தவித்து வரும் இந்த நிலையில், நாளுக்கு நாள் கடன் கட்ட முடியாமல் உள்ள நிறுவனங்களின் எண்ணிக்கையும் பெருகிக் கொண்டே போகிறது.
அதிலும் விஜய் மல்லையா, நிரவ் மோடி சஞ்சய் சிங்கால் இந்த லிஸ்டில் தற்போது துளசி தாந்தியும் இணைய போகிறாரா என்ற கேள்வியும் இணைந்திருக்கிறது.
ஆமாங்க.. கடந்த மார்ச் 31வுடன் முடிவடைந்த ஆண்டில் மட்டும், சுஸ்லான் நிறுவனத்தின் மொத்த கடன் சுமார் ரூ.11,141 கோடி உள்ளதாக தகவல்கள் வெளியாகியுள்ளன.


[/url][url=denied:javascript:void(0);]
அதிரடியான மீட்பு பணிகள்
கடந்த ஜூன் 30வுடன் முடிவடைந்த காலாண்டில் யூனியன் வங்கி தனது வாராக்கடன் களின் பட்டியியலில் சேர்த்துள்ளதாம். ஆமாங்க யூனியன் வங்கிக்கு செலுத்த வேண்டிய தொகையில் 90 நாட்களுக்கு பிறகும் செலுத்ததால் தற்போது வாராக்கடன் பட்டியலில் சேர்க்கப்பட்டுள்ளதாம். கடந்த வாரம், சுஸ்லானின் கடன் வழங்குனர்களின் தீர்மான திட்டங்கள் தொடங்கியது. இந்த நிலையில் கடன் பிரச்சனைக்கு தீர்வு காணவும், மீட்பு திட்டங்கள் தொடர்பான பணிகளும் அதிரடியாக தொடங்கப்பட்டுள்ளதாம். இதில் முதல் கட்ட நடவடிக்கையாக கனேடியன் சொத்து மேலாளர் புரூக்ஃபீல்டு, ஜூலை 11 அன்று காற்றாலை உற்பத்தியாளரின் பெரும்பாலான பங்குகளை வாங்க உள்ளதாகவும் செய்திகள் வெளியாகின.


[/url][url=denied:javascript:void(0);]
கடனை உடனடியாக செலுத்தும் படி மற்ற வங்கிகளும் கூறலாம்?
இந்த நிலையில் யூனியன் வங்கி சுஸ்லான் நிறுவனத்தை வாராக்கடன் பட்டியியலில் சேர்க்க முற்படுவதால், மற்ற வங்கி கடன் வழங்குனர்களும் கடனுக்கான பணத்தை ஒதுக்க கட்டாயபடுத்தும் என்றும் கூறப்படுகிறது. இந்த நிலையில் இந்த நிறுவனம் கட்ட வேண்டிய நிலுவை தொகையான 1,182 கோடி ரூபாயை செலுத்த முடியாமல் தவித்து வரும் நிலையில், கடந்த மார்ச் 31வுடன் முடிவடைந்த காலாண்டில் 6,494, கோடி ரூபாய் கடன் உள்ளதாகவும் இந்த நிறுவனம் அறிவித்துள்ளது.


[/url][url=denied:javascript:void(0);]
யூனியன் பேங்கிற்கு ரூ.70 கோடி மட்டும் தான்
மோசமான கடன் பிரச்சனையில் சிக்கித் தவிக்கும் இந்த நிறுவனம், இதே ஜூன் 31 முடிவடைந்த காலாண்டில் மொத்தக் கடன் 7,761 கோடி ரூபாய் இருக்கலாம் என்றும், செயல்பாட்டு மூலதனக் கடன் 3,380 கோடி ரூபாய் எனவும் இந்த நிறுவனம் அறிவித்துள்ளது. யூனியன் பேங்கிற்கு 70 கோடி ரூபாய் மட்டுமே கொடுக்க வேண்டியுள்ள நிலையில், இந்த கூட்டமைப்பின் நிர்வாகிகள் வாராக்கடன் பட்டியியலில் அறிவிக்க வேண்டும் என்றும் கூறியுள்ளனராம்.


[/url][url=denied:javascript:void(0);]
ஸ்டேட் பேங்கிற்கு ரூ.2,340 கோடி கடன்?
எனினும் இந்த நிறுவனத்திற்கு கடன் வழங்குனர்களான ஸ்டேட் பேங்க் ஆப் இந்தியா 2,340 கோடி ரூபாய் எனவும், இதுவே ஐ.டி.பி.ஐ பேங்க் 1,400 கோடி ரூபாயும், பேங்க் ஆப் பரோடா 634 கோடி ரூபாயாகவும், இந்தியன் ஓவர்சீஸ் வங்கிக்கு 520 கோடி ரூபாயும், பஞ்சாப் நேஷனல் வங்கிக்கு 500 கோடியும் சென்ட்ரல் பேங்க் ஆப் இந்தியாவுக்கு 330 கோடி ரூபாயும், பேங்க் ஆப் இந்தியாவுக்கு 7 கோடியும், யூனியன் பேங்க் ஆப் இந்தியாவுக்கு 70 கோடி ரூபாயும், கார்ப்பரேஷன் பேங்கிற்கு 52 கோடி ரூபாயும் செலுத்த வேண்டும் எனவும் கூறப்படுகிறது.


[/url][url=denied:javascript:void(0);]
சுஸ்லான் எதிர்கால வணிகம் பற்றி அறிய வில்லை
கடந்த 2008 – 2009ம் ஆண்டில் இந்த நிறுவனத்தின் வருவாய், உலகின் ஐந்தாவது பெரிய காற்றலை தாயாரிப்பாளராக வளர்ந்த, சுஸ்லானின் வீழ்ச்சி எதிர்கால வணிக வாய்ப்புகளைப் பற்றி படிக்காமல், உலகளாவிய விரிவாக்கத்தின் எதிரொலிதான் இந்த நஷ்டம் என்றும் கருதப்படுகிறது.


[/url][url=denied:javascript:void(0);]
மூலப்பொருட்கள் விலை அதிகரிப்பால் தள்ளி வைக்கப்பட்ட வாங்குதல்கள்?
இதன் பின்னர் கடந்த 2008ல் உலகளாவிய பொருளாதார வீழ்ச்சி, இந்த நிறுவனத்தின் இந்த பல அதிர்ஷ்டங்களை உறிஞ்சியது. அது பின்னர் மீண்டும் ஒரு வலுவான ஒழுங்கு புத்தகத்தை நிர்வகிக்க முடிந்தது, எனினும் பின்னர் 2018ல் மீண்டும் உலகளாவிய மந்த நிலையால் மீண்டும் பிரச்சனை துளிர் விட ஆரம்பித்துள்ளது. அதோடு எஃகு உள்ளிட்ட மூலப் பொருட்களின் விலையும் அதிகரித்தது. இதனால் பல வாங்குதல்கள் தள்ளி வைக்கப்பட்டன. இதனால் தற்போது நஷ்டம் மேற்கொண்டு அதிகரிக்க ஆரம்பித்துள்ளன.


[/url][url=denied:javascript:void(0);]
இந்தியாவில் காற்றின் திறனும் குறைந்துள்ளது?
இந்த நிலையில் தான் இந்தியாவின் காற்றின் திறன் குறைந்தது. குறிப்பாக கடந்த நிதியாண்டில் காற்றின் திறன் 1,523 மெகா வாட்டாக குறைந்தது. ஆனால் இது கடந்த 2017ம் நிதியாண்டில் 5,500 மெகா வாட்டாக இருந்தது குறிப்பிடத்தக்கது. இது கிட்டதட்ட 72 சதவிகிதம் குறைவாகும்.


[/url][url=denied:javascript:void(0);]
அடுத்தடுத்த கட்ட வேண்டிய கடன் தொகை?
இது ஒரு புறம் இருக்க இந்த நிறுவனத்தின் கடன் அட்டவணைப் பற்றி கவலைப் பட வேண்டியிருக்கிறது. 2020ம் நிதியாண்டில் சுஸ்லான் நிறுவனம் 1,928 கோடி ரூபாயும், இதே 2021ம் நிதியாண்டில் 835 கோடி ரூபாயும், இதே 2022ம் நிதியாண்டில் 926 கோடி ரூபாயும், 2023ல் 4,483 கோடி ரூபாயும் திரும்ப செலுத்த வேண்டியுள்ளதாம். தற்போதுள்ள குறைந்த அளவு கடனையே கட்ட முடியாமல் தவிக்கும் இந்த நிறுவனம் இந்தக் கடன்களை எப்படி கட்டப்போகிறதோ தெரியவில்லை என்றும் கருதப்படுகிறது.

[johnypowas]

Bajaj அதிரடி..! 38,000 ரூபாய்க்கு சிடி 110 பைக்..! பங்கு விலையில் எதிரொலி!

டெல்லி: Bajaj ஆட்டோ இன்று (ஜூலை 22, 2019) தன் புதிய எண்ட்ரி மாடல் பைக்கான சிடி 110 ரக பைக்குகளை வெளியிட்டிருக்கிறார்கள். இந்த அறிமுக பைக்கின் விலை, எக்ஸ் ஷோரூம் விலைப் படி வெறும் 38,000 முதல் 44,500 ரூபாயாம்.
தரையில் இருந்து கொஞ்சம் அதிகமாக மேல் எழும்பி இருப்பது, முந்தைய சிடி ரக வாகனங்களை விட இன்றைய மாடல் வாகனங்கள் உறுதியாக இருப்பது, விபத்துக்கள் ஏற்பட்டாலும் பெரிய அடி படாமல் இருக்க க்ராஷ் கார்டை பெரிதாக வைத்திருப்பது, நல்ல தரமான சஷ்பென்ஷன் என தன் புதிய சிடி 110-ஐக் களம் இறக்கி இருக்கிறது Bajaj.

 

இந்த Bajaj சிடி 110 இரண்டு ரகத்தில் வெளியிட்டிருக்கிறார்களாம். ஒன்று கிக் ஸ்டார்ட் ரகம். டெல்லியில் கிக் ஸ்டார்ட் ரகத்தின் விலை 38,000 ரூபாய். இரண்டாவது எலெக்ட்ரிக் ஸ்டார்ட் ரகம். டெல்லியில் எலெக்ட்ரிக் ஸ்டார்ட் ரக வாகனங்களின் விலை 44,500 ரூபாயாம்.
இந்த வாகனத்தின் இன்ஜின் 115 சிசி திறன் கொண்ட டிடிஎஸ்-ஐ இன்ஜினாம். இந்த இன்ஜினால் 8.6 பிஎஸ் பவரும், 9.81 என் எம் டார்க் சக்தியும் வெளிப்படுத்துமாம். இந்த புதிய Bajaj சிடி 110-ல் நான்கு கியர்களைக் கொண்ட கியர் பாக்ஸ் இருக்கிறதாம். இரண்டு சக்கரங்களுக்கும் ட்ரம் பிரேக் பொருத்தப்பட்டிருக்கிறதாம்.
Bajaj சிடி 110 ரகா பைக்குகளை வெளியிடும் போது, Bajaj ஆட்டோ நிறுவனத்தின் தலைவர் சரங் கனடே (Sarang Kanade) "குறைந்த விலையில் ஒரு தரமான பைக் வேண்டும் என்கிற வாடிக்கையாளர்களுக்காக இந்த புதிய சிடி 110-ஐப் வடிவமைத்திருக்கிறோம். புதிய சிடி 110 வாகனம், கவர்ச்சிகரமான விலையில் நல்ல மைலேஜ், சக்தி மற்றும் சிறந்த செயல்பாடுகளைக் கொடுக்கும் என நம்புகிறோம்" எனச் சொல்லி இருக்கிறார்.

அதோடு இது வரை சுமார் 50 லட்சம் சிடி ரக பைக்குகளை விற்று இருப்பதாகவும் சொல்லி இருக்கிறார். இப்போது புதிதாக களம் இறக்கப்பட்டிருக்கும் சிடி 110 ரக வாகனங்கள் ஹீரோ குழுமத்தின் ஹெச் எஃப் (Hero HF), டிவிஎஸ் குழுமத்தின் ஸ்போர்ட் (TVS Sport) போன்ற பைக்குகளோடு மோத இருக்கிறது.
இதனால் இன்று Bajaj ஆட்டோஸ் பங்கின் விலை 0.42% அதிகரித்து 2,569-க்கு வர்த்தகம் நிறைவு அடைந்திருக்கிறது. கடந்த 4 வர்த்தக நாட்களாக இறக்கம் கண்டு வந்த பங்கு இன்று இந்த செய்தியால் தான் கொஞ்சம் ஏற்றம் கண்டிருக்கிறது என்பதும் கவனிக்கத்தக்கது.

[johnypowas]

சூரிய தகடு மேற்கூரையோடு தயாராகிறது டொயோடா பிரியுஸ் பேட்டரி கார்

டொயோட்டா நிறுவனத்தின் புதிய பிரியுஸ் கார் ஓடும் போதே சார்ஜ் ஏற்றிக் கொள்ளும் வகையில் சூரிய தகடுகளை கொண்டிருக்கிறது.

[johnypowas]

கர்நாடக வரலாற்றில் 25 முதல்வர்கள்.. ஆனால் முழுமையாக ஆட்சி செய்ததோ வெறும் 3 முதல்வர்கள்:

கர்நாடக மாநிலம் இதுவரை 25 முதல்வர்களைக் கண்டபோதிலும், வெறும் மூன்று முதல்வர்கள் மட்டுமே முழுமையாக 5 ஆண்டுகள் ஆட்சியில் அமர்ந்துள்ளனர். 

கர்நாடகாவில் குமாரசாமி தலைமையிலான கூட்டணி அரசு நம்பிக்கை வாக்கெடுப்பில் தோல்வியடைந்ததையடுத்து, குமாரசாமி தனது முதல்வர் பதவியை ராஜிநாமா செய்தார். வெறும் 14 மாதங்கள் மட்டுமே ஆட்சியில் இருந்த குமாரசாமியால் 5 ஆண்டுகள் முழுமையாக ஆட்சி புரியமுடியவில்லை. ஆனால், கர்நாடக அரசியல் வரலாற்றில் இது முதன்முறையல்ல. 

[img=0x0]https://wtf2.forkcdn.com/www/delivery/lg.php?bannerid=0&campaignid=0&zoneid=5834&loc=https%3A%2F%2Fwww.dinamani.com%2Findia%2F2019%2Fjul%2F23%2Fonly-3-cms-completed-full-term-in-history-of-karnataka-3198559.html&referer=https%3A%2F%2Fnews.google.com%2F&cb=5d39019bb3[/img]

கர்நாடக மாநிலம் 1956-இல் உதயமானதில் இருந்து, இதுவரை 25 முதல்வர்களைக் கண்டுள்ளது. அதில் பெரும்பாலானோர் காங்கிரஸ் கட்சியைச் சேர்ந்தவர்கள். ஆனால், இவர்களுள் இதுவரை மூன்று முதல்வர்கள் மட்டுமே 5 ஆண்டுகள் முழுமையாக ஆட்சி செய்துள்ளனர். அந்த மூன்று முதல்வர்களும் காங்கிரஸ் கட்சியைச் சேர்ந்தவர்கள் என்பது கூடுதல் சுவாரஸ்யமாகும். 

முதல்வராக 5 ஆண்டுகள் முழுமையாக ஆட்சி செய்த மூவர்:

1. எஸ். நிஜலிங்கப்பா (1962-68)
   
2. டி. தேவராஜா (1972-77)
   
3. சித்தராமையா (2013-18)
   

இவர்களைத் தவிர பாஜகவில் இருந்தோ, குமாரசாமியின் மதச்சார்பற்ற ஜனதா தளத்தில் இருந்தோ யாரும் முழுமையாக 5 ஆண்டுகள் முதல்வராக இருந்ததில்லை. 

குமாரசாமி:

குமாரசாமி முதன்முறையாக 2006-இல் பாஜகவுடன் கூட்டணி அமைத்து முதல்வரானார். ஆனால், இது வெறும் இரண்டு ஆண்டுகள் மட்டுமே நீடித்தது. பாஜகவுடனான அதிகாரப் பகிர்வில் குமாரசாமி உடன்படாததையடுத்து, பாஜக தலைமையிலான ஆட்சிக்கு அளித்த ஆதரவை திரும்பப் பெற்றார். குமாரசாமி, பிப்ரவரி 2006 முதல் அக்டோபர் 2007 வரை முதல்வராக இருந்தார். 

அதன்பிறகு, 2018-இல் தொங்கு சட்டப்பேரவை அமைந்தது. அப்போது, மீண்டும் காங்கிரஸ் உதவியுடன் முதல்வரானார் குமாரசாமி. அது வெறும் 14 மாதங்கள் மட்டுமே நீடித்த நிலையில் இன்று கலைந்தது. 

எடியூரப்பா:

பாஜகவைப் பொறுத்தவரை, 2007-இல் பி.எஸ். எடியூரப்பா முதல்வரானார். ஆனால், மதச்சார்பற்ற ஜனதா தளம் தனது ஆதரவை திரும்பப் பெற்றதையடுத்து, அவர் வெறும் 7 நாட்கள் மட்டுமே முதல்வராக இருந்தார். அதன்பிறகு, குடியரசுத் தலைவர் ஆட்சி அமலுக்கு வந்தது. 

இதையடுத்து, மே 2008-இல் பாஜகவை வெற்றி பெறச் செய்த எடியூரப்பா, 2-வது முறையாக முதல்வரானார். ஆனால், ஊழல் குற்றச்சாட்டுகள் காரணமாக 2011-இல் அவர் முதல்வர் பதவியில் இருந்து விலகினார். எனினும், 2018-இல் தொங்கு சட்டப்பேரவை அமைந்தவுடன் அவர் மீண்டும் முதல்வரானார். 2018, மே 17-ஆம் தேதி முதல்வராகப் பொறுப்பேற்ற எடியூரப்பா, பெரும்பான்மையை நிரூபிக்க முடியாததால் மே 23-ஆம் தேதி முதல்வர் பதவியை ராஜிநாமா செய்தா

[johnypowas]

பொறியியல் கலந்தாய்வில் மூன்று சுற்றுகள் சேர்க்கை முடிந்து நான்காம் சுற்று மட்டுமே எஞ்சியுள்ள நிலையில், 215 பொறியியல் கல்லூரிகளில் 10 சதவீத இடங்கள் கூட நிரம்பவில்லை என்பது தெரிய வந்துள்ளது.
தமிழகம் முழுவதும் 479 பொறியியல் கல்லூரிகளில் இடம்பெற்றிருக்கும் 1,67,652 பி.இ. இடங்களில் இதுவரை 46,213 இடங்கள் மட்டுமே நிரம்பியுள்ளன. 1,21,439 இடங்களில் சேர்க்கை நடைபெறவில்லை.
முந்தைய ஆண்டுகளைப் போலவே, 2019-20 ஆம் கல்வியாண்டிலும் பொறியியல் படிப்புகளில் மாணவர் சேர்க்கை வெகுவாகக் குறைந்திருக்கிறது.
இதுவரை மூன்று சுற்றுகள் மாணவர் சேர்க்கை முடிந்துவிட்ட நிலையில், கடைசிக் கட்டமான நான்காம் சுற்று கலந்தாய்வு வரும் 28-ஆம் தேதியுடன் முடிவடைய உள்ளது.
அதன் பின்னர், பிளஸ் 2 பொதுத் தேர்வில் தோல்வியடைந்து சிறப்புத் தேர்வில் தேர்ச்சி பெற்ற மாணவர்களுக்கான துணைக் கலந்தாய்வும், இறுதியாக விடுபட்டவர்களுக்கான சேர்க்கையும் நடைபெற உள்ளது. 
அவற்றில், அதிகபட்சம் 25,000 முதல் 30,000 இடங்கள் நிரம்ப வாய்ப்புள்ளது. அதன்படி 2019-20 கல்வியாண்டில் அரசு ஒதுக்கீட்டு இடங்களில் 70 ஆயிரம் முதல் 75 ஆயிரம் இடங்கள் வரை நிரம்பும். எனவே, கடந்த ஆண்டைப் போலவே 90 ஆயிரம் அரசு ஒதுக்கீட்டு பி.இ. இடங்கள் சேர்க்கையின்றி காலியாக விடப்படும்.
ஒட்டுமொத்தமாக சுயநிதி பொறியியல் கல்லூரிகளின் நிர்வாக ஒதுக்கீட்டு பொறியியல் இடங்களையும் சேர்த்தால் 1 லட்சம் இடங்கள் நிரம்பாமல் இருக்க வாய்ப்புள்ளது என்கின்றனர் அண்ணா பல்கலைக்கழகப் பேராசிரியர்கள்.
இதுகுறித்து கல்வியாளர் ஜெயப்பிரகாஷ் காந்தி கூறியது:
மூன்று சுற்று கலந்தாய்வு முடிந்துள்ள நிலையில் 3 கல்லூரிகளில் மட்டுமே 100 சதவீத இடங்கள் நிரம்பியிருக்கின்றன.
29 கல்லூரிகளில் 85 சதவீத இடங்களும், 36 பொறியியல் கல்லூரிகளில் 80 சதவீத இடங்களும் நிரம்பியிருக்கின்றன.
குறிப்பாக 69 கல்லூரிகளில் மட்டுமே 50 சதவீதத்துக்கு மேல் இடங்கள் நிரம்பியிருக்கின்றன. 
215 சுயநிதி பொறியியல் கல்லூரிகளில் 10 சதவீதத்துக்கும் குறைவான இடங்களே நிரம்பியிருக்கின்றன. 
இன்னும் ஒரு சுற்று கலந்தாய்வு மட்டுமே இருப்பதால், இந்தக் கல்லூரிகளில் சேர்க்கை பெரிய அளவில் உயர்வதற்கு வாய்ப்பு இல்லை. எனவே, இந்தக் கல்லூரிகள் தொடர்ந்து இயங்குவது மிகவும் கடினம்.
அண்ணா பல்கலைக்கழக உறுப்புக் கல்லூரிகளில்...: அதேபோல, அண்ணா பல்கலைக்கழக உறுப்புக் கல்லூரிகளிலும் இம்முறை சேர்க்கை மிகவும் குறைந்திருக்கிறது.
பண்ருட்டி, ராமநாதபுரம், அரியலூர் பகுதிகளில் அமைந்துள்ள அண்ணா பல்கலைக்கழக உறுப்புக் கல்லூரிகளில் 5 சதவீதத்துக்கும் குறைவான இடங்களை நிரம்பியிருக்கின்றன.
இயந்திரவியல் பிரிவில் சேர்க்கை சரிவு: பொறியியல் பிரிவுகளைப் பொருத்தவரை, கடந்த ஆண்டுடன் ஒப்பிடும்போது பி.இ. இயந்திரவியல் பிரிவில் மாணவர் சேர்க்கை கடும் சரிவைச் சந்தித்துள்ளது.
பி.இ. கட்டுமானப் பொறியியல், மின்னியல் மின்னணுவியல் பொறியியல், மின்னணுவியல் உபகரணவியல் பொறியியல், விமானப் பொறியியல் (ஏரோனாடிகல்) ஆகிய படிப்புகளின் சேர்க்கையும் சரிந்திருக்கிறது.
அதே நேரம், பி.இ. கணினி அறிவியல், மின்னணுவியல் தொடர்பியல் பொறியியல் மற்றும் பி.இ. தகவல் தொழில்நுட்பம் (ஐடி) ஆகிய மூன்று பிரிவுகளிலும் மாணவர் சேர்க்கை அதிகரித்திருக்கிறது என்றார் ஜெயப்பிரகாஷ் காந்தி.
35 பொறியியல் கல்லூரிகளில் ஒரு மாணவர்கூட சேரவில்லை
மூன்றாம் கட்ட பி.இ. கலந்தாய்வு முடிவில் தமிழகத்தில் உள்ள 35 பொறியியல் கல்லூரிகளில் ஒரு இடத்தில் கூட மாணவர் சேர்க்கை நடைபெறவில்லை என்பது தெரியவந்திருக்கிறது.
கடைசி சுற்றான 4-ஆம் சுற்றுடன் பி.இ. பொதுப் பிரிவு கலந்தாய்வு நிறைவடைய உள்ளது. இறுதிச் சுற்றுப் பிரிவினர் இடங்களைத் தேர்வு செய்யத் தொடங்கியிருக்கின்றனர். இவர்களுக்கு வரும் 28-ஆம் தேதி இறுதி ஒதுக்கீடு வழங்கப்பட உள்ளது.
இந்தச் சூழலில், மூன்றாம் சுற்று முடிவில் 35 பொறியியல் கல்லூரிகளில் அரசு ஒதுக்கீட்டு இடங்களில் ஒரு மாணவர்கூட சேரவில்லை என்பதும், பல பொறியியல் கல்லூரிகளில் ஒற்றை இலக்கத்தில் சேர்க்கை நடைபெற்றிருப்பதும் தொழில்நுட்ப கல்வி இயக்குநரக புள்ளிவிவரங்களின் அடிப்படையில் தெரியவந்திருக்கிறது.
அதன்படி, 150 பொறியியல் கல்லூரிகளில் 5 சதவீதத்துக்கும் குறைவான மாணவர் சேர்க்கை நடைபெற்றுள்ளது. அதில் 23 கல்லூரிகளில் 1 சதவீதத்துக்கும் குறைவான சேர்க்கை நடைபெற்றுள்ளது.
வரிசை எண் 445 முதல் 479 வரையுடைய பொறியியல் கல்லூரிகளில், அதாவது 35 பொறியியல் கல்லூரிகளில் மாணவர் சேர்க்கை பூஜ்யம் சதவீதமாக உள்ளது

[johnypowas]

மாணவிக்கு போலீசார் அபராதம் விதித்தது இதற்குதான்... சிரித்து வயிறு புண் ஆனால் நிர்வாகம் பொறுப்பல்ல!!

தவறான காரணத்திற்காக கல்லூரி மாணவிக்கு அபராதம் விதித்து போலீசார் மீண்டும் ஒரு முறை காமெடி செய்துள்ளனர். இதுகுறித்த விரிவான தகவல்களை இந்த செய்தியில் பார்க்கலாம்.

இந்தியாவில் சாலை விபத்துக்களால் உயிரிழப்பவர்களின் எண்ணிக்கை மிகவும் அதிகமாக உள்ளது. எனவே விபத்துக்களில் சிக்கி உயிரிழப்பவர்களின் எண்ணிக்கையை குறைப்பதற்காக, போக்குவரத்து விதிகளை மீறும் வாகன ஓட்டிகள் மீது போலீசார் தற்போது கடும் நடவடிக்கை எடுக்க தொடங்கியுள்ளனர். இதன் ஒரு பகுதியாக முக்கியமான இடங்களில் சிசிடிவி கேமராக்கள் நிறுவப்பட்டு, விதிமீறும் வாகன ஓட்டிகள் கண்காணிக்கப்படுகின்றனர்.

 

[color][font]
இதன்பின் சம்பந்தப்பட்ட வாகனத்தின் பதிவு எண்ணை அடிப்படையாக வைத்து, அதன் உரிமையாளருக்கு ஆன்லைன் முறையில் இ-சலான் அனுப்பி வைக்கப்படுகிறது. பெரும்பாலும் வாகனத்தை ஓட்டியவர்களுக்கு இ-சலான் அனுப்பி வைக்கப்படுவதில்லை. வாகனம் யார் பெயரில் பதிவு செய்யப்பட்டுள்ளதோ, அவர்களுக்கே இ-சலான் அனுப்பி வைக்கப்படுகிறது.
[/font][/color]

 

[color][font]
எனவே விதி மீறலில் ஈடுபட்ட வாகனத்தை யார் இயக்கியிருந்தாலும், அதன் உரிமையாளர்தான் அபராத தொகையை செலுத்த வேண்டும். இதுதவிர இ-சலான் முறையில் பல்வேறு குளறுபடிகளும் அரங்கேறி வருகின்றன. இந்த வரிசையில், ஹெல்மெட் அணியாத வாகன ஓட்டி ஒருவருக்கு தற்போது இ-சலான் அனுப்பப்பட்டுள்ளது.
[/font][/color]

 

[color][font]

ஹெல்மெட் அணியாதது தவறுதானே? இதில் என்ன குளறுபடி இருக்கிறது என கேட்கிறீர்களா? போலீசார் இ-சலான் அனுப்பியிருப்பது இரு சக்கர வாகன ஓட்டிக்கு அல்ல. கார் ஓட்டி வந்தவருக்கு. ஆம், கார் ஓட்டி வந்தவருக்குதான் ஹெல்மெட் அணியவில்லை எனக்கூறி தற்போது இ-சலான் வந்துள்ளது. ஷ்ரதா தாஸ் எனும் இளம்பெண்தான் இதனால் பாதிக்கப்பட்டிருக்கிறார்.[/font][/color]

[johnypowas]

இவர் தேசிய சட்ட பல்கலைகழகம் ஒடிசாவின் (National Law University Odisha - NLUO) மாணவி. ஷ்ரதா தாஸ் தனது காரை ஓட்டிக்கொண்டிருந்தபோது, ஹெல்மெட் அணியவில்லை எனக்கூறி, கட்டாக் போக்குவரத்து போலீசார் ஆன்லைன் சலான் அனுப்பியுள்ளனர். சம்பவத்தன்று ஷ்ரதா தாஸ் தனது மாருதி சுஸுகி வேகன் ஆர் காரை ஓட்டி கொண்டிருந்தார். காரின் பதிவு எண்ணை அடிப்படையாக வைத்து இ-சலான் அனுப்பி வைக்கப்பட்டுள்ளது.

 

இந்த சூழலில் இ-சலானின் படத்தை டிவிட்டரில் வெளியிட்ட ஷ்ரதா தாஸ், இதுகுறித்து விளக்கம் அளிக்கும் படி கட்டாக் வட்டார போக்குவரத்து அலுவலரிடம் கேட்டு கொண்டுள்ளார். ஹெல்மெட் அணியாமல் எனது காரை இயக்கியதற்காக என் மீது குற்றம் சாட்டப்பட்டுள்ளது ஏன்? என்பதை தயவு கூர்ந்து விளக்குங்கள் என்று ஷ்ரதா தாஸ் கேட்டுள்ளார்.

இ-சலான் படத்துடன் சேர்த்து தான் ஓட்டிய மாருதி சுஸுகி வேகன் ஆர் காரின் புகைப்படத்தையும் ஷ்ரதா தாஸ் டிவிட்டரில் வெளியிட்டுள்ளார். எனவே ஷ்ரதா தாசுக்கு ஆர்டிஓ பதில் அளித்துள்ளார். இந்த தவறு வேண்டுமென்றே செய்யப்படவில்லை எனவும், வாகன ஓட்டிகளுக்கு எலெக்ட்ரானிக் சலான்களை வழங்கும்போது போலீசார் கூடுதல் கவனத்துடன் இருக்க வேண்டும் எனவும் ஆர்டிஓ கூறியுள்ளார்.

 

[color][font]

பொதுவாக சீட் பெல்ட் அணியாதது மற்றும் சிகப்பு விளக்கு எரியும்போது சிக்னலை மீறி செல்வது உள்ளிட்ட பல்வேறு விதிமுறை மீறல்களுக்காக இ-சலான்கள் வழங்கப்படுகின்றன. எனவே ஷ்ரதா தாஸ் வேறு ஏதேனும் போக்குவரத்து விதிமீறலில் ஈடுபட்டதற்காக, தவறான காரணத்தை குறிப்பிட்டு அவருக்கு இ-சலான் வழங்கப்பட்டு விட்டதா? என்பது உறுதியாக தெரியவில்லை.

[/font][/color]

 

[color][font]


ஆனால் ஹெல்மெட் அணியவில்லை என்பதற்காக கார் டிரைவர் ஒருவருக்கு அபராதம் விதிப்பது இது முதல் முறையல்ல என்பது குறிப்பிடத்தக்கது. கடந்த காலங்களில் டாடா நெக்ஸான் உள்ளிட்ட பல கார்களின் டிரைவர்களுக்கு இது போன்று அபராதங்கள் விதிக்கப்பட்டுள்ளன. அதிலும் குறிப்பாக டாடா நெக்ஸான் டிரைவருக்கு அபராதம் விதிக்கப்பட்ட சம்பவத்தில், ரசீது போலீசாரின் கையால் எழுதி கொடுக்கப்பட்டது என்பது கவனிக்கத்தக்கது.

[/font][/color]

 

[color][font]

தவறான காரணத்தை குறிப்பிட்டு இ-சலான்கள் வழங்கப்படுவதை கூட தவறுதலாக நடந்திருக்கும் என புரிந்து கொள்ள முடிகிறது. எனினும் ஸ்பாட்டில் போலீசாரால் கையால் எழுதி கொடுக்கப்படும் அபராத ரசீதுகளில் கூட காரணத்தை தவறாக குறிப்பிடுவதை ஜீரணித்து கொள்ள முடியவில்லை.

[/font][/color]

 

[color][font]

ஆனால் நிறைய வாகனங்களுக்கு ஒரு சேர அபராதம் விதிப்பதால், காரணத்தை மாற்றி குறிப்பிடும் குழப்பம் நடந்து விடுவதாக போலீசார் கூறுகின்றனர். கடந்த காலங்களில் ராயல் என்பீல்டு பைக்கை ஓட்டி வந்த ஒருவருக்கு, சீட் பெல்ட் அணியவில்லை எனக்கூறி போலீசார் ஸ்பாட்டிலேயே அபராதம் விதித்தனர் என்பதும் குறிப்பிடத்தக்கது.


[/font][/color]

[johnypowas]

சரி, ஹெல்மெட் அணியவில்லை எனக்கூறி நெக்ஸான் டிரைவர் ஒருவருக்கு போலீசார் அபராதம் விதித்தனர் என குறிப்பிட்டிருந்தோம் அல்லவா? அந்த சம்பவம் எங்கே நடந்தது? எப்படி நடந்தது? என்பது குறித்த விரிவான தகவல்களை இனி பார்க்கலாம்.

 

ஹெல்மெட் அணியவில்லை என்பதற்காக நெக்ஸான் டிரைவருக்கு போலீசார் அபராதம் விதித்த சம்பவம் கேரளாவில் கடந்த சில மாதங்களுக்கு முன் நடைபெற்றது. சர்ச்சையை கிளப்பிய இந்த விவகாரம், கேரள மாநிலத்தில் உள்ள சாஸ்தம்கோட்டா - சவாரா சாலையில்தான் நிகழ்ந்தது.

 

அப்போது அவ்வழியாக வந்த நெக்ஸான் டிரைவர் ஒருவருக்கு 100 ரூபாய் அபராதம் விதித்து, அதற்கான ரசீதையும் போக்குவரத்து போலீசார் வழங்கினர். ஹெல்மெட் அணியாததால்தான் அபராதம் என அந்த ரசீதில் காரணமும் குறிப்பிடப்பட்டுள்ளது.

 

கோபா குமார் என்பவர் இது குறித்து பேஸ்புக்கில் எழுதியிருந்தார். அவர்தான் இந்த சம்பவத்தால் பாதிக்கப்பட்டவர்.கோபா குமாரின் பேஸ்புக் பதிவு மூலமாக, அபராதம் விதித்து போலீசார் வழங்கிய ரசீது வெளிச்சத்திற்கு வந்தது. சாஸ்தம்கோட்டா - சவாரா சாலையில், தனது டாடா நெக்ஸான் காரில் பயணித்து கொண்டிருந்தபோதுதான், போலீசாரால் கோபா குமார் நிறுத்தப்பட்டுள்ளார்.

 

அந்த காரின் படத்தையும் கோபா குமார் பேஸ்புக்கில் வெளியிட்டிருந்தார். ஆனால் அவரை போலீசார் நிறுத்தியது ஏன்? என்பதற்கான காரணம் தெரியவில்லை. காரணம் குறித்த தகவல் எதுவும் அவரது பேஸ்புக் பதிவில் குறிப்பிடப்படவில்லை. ஆனால் அவருக்கு போலீசார் 100 ரூபாய் அபராதம் விதித்துள்ளனர்.

 

அத்துடன் அதற்கான ரசீதையும் வழங்கினர். ரசீதில் ஹெல்மெட் அணியவில்லை என குறிப்பிடப்பட்டுள்ளது. கார் உள்பட அனைத்து வாகன ஓட்டிகளும் ஹெல்மெட் அணிய வேண்டும் என புதிதாக சட்டம் ஏதேனும் பிறப்பிக்கப்பட்டுள்ளதா? என பயப்பட வேண்டாம்.

[johnypowas]

நெல்லை முன்னாள் மேயர் உமா மகேஸ்வரி, கணவர் உள்பட 3 பேர் கொலை: பதற வைக்கும் கொடூரக் காட்சிகள்
DMK Mayor Uma Maheshwari Murdered : வீட்டில் இருந்த உமா மகேஸ்வரி, அவரது கணவர், பணிப்பெண் ஆகிய 3 பேர் அடையாளம் தெரியாத நபர்களால் வெட்டிக்கொலை செய்யப்பட்டுள்ளனர்

DMK Former Mayor Uma Maheshwari Murdered
Uma Maheshwari Murdered : நெல்லை ரெட்டியார்பட்டியில் திமுக முன்னாள் மேயர் உமா மகேஸ்வரி உட்பட 3 பேர் வெட்டிக்கொலை. வீட்டில் இருந்த உமா மகேஸ்வரி, அவரது கணவர், பணிப்பெண் ஆகிய 3 பேர் அடையாளம் தெரியாத நபர்களால் வெட்டிக்கொலை செய்யப்பட்டுள்ளனர்.
கொலைக்கான காரணம் தொழில் ரீதியான போட்டியா ? அல்லது அரசியல் பின்புலத்தில் கொலை செய்யப்பட்டாரா என்பது குறித்து போலீசார் தீவிர விசாரணை மேற்கொண்டு வருகின்றனர். திமுக முன்னாள் மேயரான உமா மகேஸ்வரி மக்கள் மத்தியில் நன் மதிப்பை பெற்றவர். இந்த நிலையில் யாரும் எதிர்பாராத விதமாக தற்போது நடந்துள்ள இந்த கொலை சம்பவம் அப்பகுதியில் பெரும் பரபரப்பை ஏற்படுத்தி உள்ளது.
முன்னாள் மேயரான உமாமகேஸ்வரியின் பெயரில் அதிக சொத்துக்கள் இருப்பதால் கொலை செய்யப்பட்டாரா என்ற பாணியிலும் போலீசார் தீவிர விசாரணை மேற்கொண்டு வருகின்றனர்

[johnypowas]

எனது முடிவு தவறு தான்- உலகக்கோப்பை இறுதிப்போட்டியின் சூப்பர் ஓவர் குறித்து மன்னிப்பு கேட்ட தர்மசேனா..

கடந்த வாரம் இங்கிலாந்து, நியூசிலாந்து அணிகளுக்கு இடையேயான உலகக் கோப்பை இறுதிப்போட்டி ''டை'' ஆனதை அடுத்து சூப்பர் ஓவர் முறையில் போட்டி நடத்தப்பட்டது. இதிலும் இரு அணிகளும் சம ரன்கள் எடுத்த நிலையில் அதிகமான பவுண்டரிகள் அடித்த அணி என்ற ரீதியில் இங்கிலாந்து அணி கோப்பையை கைப்பற்றியது.

 

[color][font]

இதில் சூப்பர் ஓவரின் போது இங்கிலாந்து அணி பேட்டிங் செய்தது. அப்போது பவுல்ட் வீசிய ஓவரின் நான்காவது பந்தினை பென் ஸ்டோக்ஸ் அடித்துவிட்டு இரண்டு ரன்கள் ஓட முயன்றார். பீல்டிங் செய்த குப்தில் பந்தை பிடித்து விக்கெட் கீப்பரிடம் வீசினார். ஆனால், ஸ்டம்பை நோக்கி வந்த பந்து ஸ்டோக்ஸ் பேட்டில் பட்டு, அங்கிருந்து பவுண்டரியை எல்லைக் கோட்டை சென்றடைந்தது. இதனையடுத்து அம்பயர் தர்மசேனா அதற்கு 6 ரன்கள் கொடுப்பதாக அறிவித்தார். இந்த ஓவர் த்ரோ முடிவு பெரும் சர்ச்சையை ஏற்படுத்தியது.

இந்நிலையில் இதுகுறித்து தற்போது பேசியுள்ள தர்மசேனா, "நான் டிவியில் இந்தப் போட்டியை திரும்பி பார்க்கும் போது தான் நான் செய்த தவறை அறிந்துகொண்டேன். அந்த சூழலில் எங்களால் டிவி ரீப்ளே பார்க்கமுடியாது. எனவே நான் களத்திலிருந்த மற்றொரு நடுவரிடம் ஆலோசனை நடத்தி, அதன்பின் 6 ரன்கள் வழங்கினேன். நாங்கள் எடுத்த முடிவு குறித்து நான் வருத்தப்படவில்லை" என கூறியுள்ளார்.

ஆனால் அவரின் தவறான தீர்ப்பால் தான் உலகக்கோப்பை இங்கிலாந்து அணிக்கு சென்றது எனவும், அந்த ரன் கொடுக்கப்படாமல் இருந்தால் நியூஸிலாந்து அணி வென்றிருக்கும் எனவும் அவர் மீது தொடர்ந்து விமர்சனம் எழுந்து வருகிறது. 

[/font][/color]

[johnypowas]

பட்டாகத்தியுடன் கல்லூரி மாணவர்கள் மோதிக்கொண்ட சம்பவம்;மேலும் இருவர் கைது!

சென்னை அரும்பாக்கத்தில் பட்டாக்கத்திகளுடன் மோதலில் ஈடுபட்ட மேலும் 2 கல்லூரி மாணவர்களை போலீசார் தற்போது கைது செய்துள்ளனர்.

சென்னை அரும்பாக்கத்தில் நேற்று பச்சையப்பன் கல்லூரி மாணவர்கள் பேருந்தில் செல்லும் பொழுது பட்டாக்கத்தியால் மற்ற மாணவர்களை தாக்கிய சம்பவம் நடைபெற்றது. ரூட்டு தலை பிரச்சனை காரணமாக அந்த தாக்குதல் சம்பவம் நடந்ததாக போலீசார் விசாரணையில் தெரியவந்திருக்கிறது. அந்த சம்பவம் தொடர்பாக ஏற்கனவே நேற்று அரும்பாக்கம் போலீசார் மதன், சுருதி என்ற அந்த இரண்டு மாணவர்களை கைது செய்திருந்த நிலையில் தற்போது அந்த சம்பவத்தில் மேலும் இரண்டு மாணவர்களை போலீசார் கைது செய்துள்ளனர்.

செங்குன்றம் பகுதியைச் சேர்ந்த ரவிவர்மன் அதேபோல் வியாசர்பாடி பகுதியை சேர்ந்த ராஜேஷ் குமார் ஆகிய 2 பேரையும் போலீசார் கைது செய்துள்ளனர். நேற்று நடத்தப்பட்ட இந்த தாக்குதல் சம்பவத்தில் இவர்களுக்கும் தொடர்பு இருப்பதாக காவல்துறை தரப்பில் தெரிவிக்கப்பட்டிருக்கிறது. 2 பேரிடமும் தற்போது விசாரணை நடைபெற்று கொண்டிருக்கிறது. இந்த சம்பவத்தில் ஈடுபட்ட இன்னும் சில மாணவர்களை போலீசார் தேடி வருகின்றனர்.

நேற்று கைது செய்யப்பட்ட 2 மாணவர்கள் மீதும் வழக்கு பதிவு செய்யப்பட்டு அவர்கள் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டுள்ளனர். தற்போது 2 மாணவர்கள் கைது செய்யப்பட்டிருக்கிறார்கள் அவர்களிடமும் விசாரணை நடைபெற்று வருகிறது. தலைமறைவாக இருக்க கூடிய மாணவர்கள் யார் யார் என்பது தொடர்பாக தற்போது கைது செய்யப்பட்டவர்களிடம் விசாரணை நடைபெற்று வருவதாக கூறப்படுகிறது. 

குறிப்பாக இதுபோன்ற ரவுடிச செயல்களில் ஈடுபடும் மாணவர்கள் மீது குண்டர் சட்டத்தின் கீழ் நடவடிக்கை எடுக்க சென்னை காவல்துறையினர் முடிவு செய்திருக்கிறார்கள். அது தொடர்பாக இன்று செய்தியாளர்களை சந்தித்த இணை ஆணையர் சுதாகரன் இதனை தெரிவித்திருந்தார். அதேபோல் பொதுமக்கள் கூட கூடிய இடங்களில் கத்திகளுடன் அவர்களுக்கு இடையூறு ஏற்படுத்தும் வகையில் செயல்பட்ட மாணவர்கள் மீது குண்டர் சட்டத்தின் கீழ் நடவடிக்கை மட்டுமல்லாமல் சரித்திர பதிவேடு குற்றவாளிகள், அதாவது ரவுடிகள் பட்டியலில் இணைப்பதற்கான நடவடிக்கை எடுக்கப்படும் என காவல்துறை எச்சரித்துள்ளது.

 

தற்போது 2 பேர் கைது செய்யப்பட்ட இவர்கள் மீதும் கல்லூரி நிர்வாகம் நடவடிக்கை எடுப்பதற்கான வாய்ப்புகள் இருக்கிறது என்று தெரிகிறது. நேற்று நடந்த இந்த சம்பவத்தில் படுகாயமடைந்த வசந்தகுமார் என்பவர் ஸ்டான்லி அரசு மருத்துவமனையில் சிகிச்சைக்காக அனுமதிக்கப்பட்டிருக்கிறார். இந்த நிலையில் வீடியோ ஒன்று சமூக வலைதளத்தில் பரவி வருகிறது. அதில் நேற்று நடந்த பிரச்சனையில் இரண்டு ரூட்டுகளை சேர்ந்த மாணவர்கள் இடையே நடந்த பிரச்சனையின் காரணமாக அதே ரூட்டில் செல்லக்கூடிய ஒரு மாணவனை சிறை பிடித்துச் சென்ற சில மாணவர்கள் அந்த மாணவனை அரை நிர்வாணமாக்கி அந்த மாணவனிடம் தங்களுடைய ரூட் தான் கெத்து என்று சொல்ல வேண்டும் எனவும், அவர் செல்ல வேண்டிய ரூட்டை இழிவுபடுத்தியும் அவர் கையில் வைத்திருக்க கூடிய நோட்டில் எழுதச் சொல்லியும் அடித்து துன்புறுத்தி அதை வீடியோவாக பதிவு செய்து வெளியிட்டுள்ளனர். இதுகுறித்தும் போலீசார் விசாரித்து வருகின்றனர்.

[johnypowas]

நிமிடத்தில் ஆட்சியைக் கவிழ்த்துவிடுவோம்’! மத்தியப் பிரதேசத்தில் ஆட்டத்தைத் தொடங்கிய பா.ஜ.க
எங்கள் கட்சியின் மூத்த தலைவர்கள் உத்தரவிட்டால், 24 மணி நேரத்தில் கமல்நாத் ஆட்சியை கவிழ்த்துவிடுவோம,கமல்நாத் ஆட்சி குறித்து பேசிய மத்தியப் பிரதேச எதிர்கட்சித் தலைவரும் பா.ஜ.க மூத்த தலைவருமான கோபால் பார்கவி, ‘எங்கள் கட்சியின் மூத்த தலைவர்கள் உத்தரவிட்டால், 24 மணி நேரத்தில் கமல்நாத் ஆட்சியை கவிழ்த்துவிடுவோம். விரைவில் காங்கிரஸ் அரசுக்கு இறுதிச் சடங்கு செய்வோம்’என்று தெரிவித்தார்.

இதுகுறித்து பா.ஜ.க பொதுச்செயலாளர் கைலாஷ் விஜய்வார்கியா ட்விட்டர் பதிவில், ‘நொண்டி அரசுக்கு நீண்ட எதிர்காலம் கிடையாது. கர்நாடகா அரசு அதனுடைய விதியைச் சந்தித்தது. உயர்மட்டத் தலைவர்கள் கண்ணசைத்தால் மத்தியப் பிரதேச அரசை நொடியில் கவிழ்த்துவிடுவோம்’ என்று குறிப்பிட்டிருந்தார். இது மத்தியப் பிரதேச அரசியலில் பரபரப்பை ஏற்படுத்தியது.

மத்தியப் பிரதேசத்தில் மொத்தமுள்ள 230 உறுப்பினர்களில் காங்கிரஸுக்கு 114 எம்.எல்.ஏக்களும், பா.ஜ.வுக்கு 109 எம்.எல்.ஏக்களும் உள்ளனர். நான்கு சுயேட்சைகள், இரண்டு பகுஜன் சமாஜ் எம்.எல்.ஏக்கள், ஒரு சமாஜ்வாடி எம்.எல்.ஏவின் ஆதரவுடன் காங்கிரஸ் மத்தியப் பிரதேசத்தில் ஆட்சியமைத்துள்ளது.