தற்போதைய செய்திகள்

[johnypowas]

கடனை செலுத்தாததால் வீடு ஜப்தி நடவடிக்கை : அனைவரையும் நெகிழ்ச்சியடைய வைத்த தாசில்தாரின் மனிதாபிமானம்
பதிவு : ஜூலை 10, 2019, 08:05 AM

கன்னியாகுமரி மாவட்டம் திருப்பதிசாரத்தில் தாசில்தாரின் மனிதாபிமான செயல் அனைவரையும் நெகிழ்ச்சியடைய வைத்துள்ளது.
திருப்பதிசாரம் பூங்கா நகரை சேர்ந்தவர் கண்ணன், தொழில் முன்னேற்றத்திற்காக வங்கியில் கடந்த 2014 ஆம் ஆண்டு 17 லட்ச ரூபாய் கடன் வாங்கியிருந்தார். இந்நிலையில், சில மாதங்களுக்கு முன் கண்ணன் விபத்தில் சிக்கி கொண்டதால் கடன் தொகையை சரிவர செலுத்தவில்லை என்று கூறப்படுகிறது. இதனால் அவரது வீட்டை ஜப்தி செய்ய வங்கி அதிகாரிகள் வருவாய்துறை அதிகாரிகளுடன் வருகை தந்திருந்தனர். அப்போது வீட்டில் இருந்த கண்ணனின் மனைவி மற்றும் குழந்தைகள் தூக்குப் போட்டு தற்கொலைக்கு முயன்றுள்ளனர். இதனை பார்த்ததும் ஜப்தி நடவடிக்கையை கைவிடும் படி தாசில்தார் தடுத்து நிறுத்தியுள்ளார்.  ஜப்தி செய்யவிடும்படி வங்கி அதிகாரி ஒருவர் தாசில்தாரின் கையை பிடித்து இழுத்துள்ளார், இன்னொருவர் தாசில்தாரின் காலில் விழுந்து அழுததால் அங்கு பரபரப்பு ஏற்பட்டது. ஆனால் உயிர்களே முக்கியம் என்று கூறி  ஜப்தி நடவடிக்கையை தாசில்தார் கைவிட்டார்.

[johnypowas]

காவிரியில் இருந்து தமிழகத்திற்கு தண்ணீர் திறக்க முதல்வர் குமாரசாமி ஒப்புதல்!

காவிரி நீர்பிடிப்பு பகுதிகளில் கனமழை பெய்துவருவதால் கர்நாடகா அணைகளின் நீர்மட்டம் வெகுவாக உயர்ந்து வருகிறது. இதையடுத்து காவிரியில் இருந்து தண்ணீரை திறக்கும் முடிவுக்கு கர்நாடக அரசு முன்வந்துள்ளது

காவிரியில் இருந்து தமிழகத்திற்கு தண்ணீர் திறக்க முதல்வர் குமாரசாமி ஒப்புதல்!
ஹைலைட்ஸ்

• காவிரியில் இருந்து 9.19 டி.எம்.சி தண்ணீரை தமிழகத்துக்கு திறக்குமாறு காவிரி மேலாண்மை ஆணையம் உத்தரவு
  
• காவிரி நீர்பிடிப்பு பகுதிகளில் மழை பெய்வதால்காவிரியில் இருந்து தண்ணீரை திறக்கும் முடிவுக்கு கர்நாடக அரசு முன்வந்துள்ளது.
  

கர்நாடக மற்றும் தமிழக விவசாயிகள் பயன்பெறும் வகையில் காவிரியில் நீர் திறக்க கர்நாடக முதல்வர் குமாரசாமி ஒப்புதல் அளித்துள்ளார்
தமிழ்நாட்டில் கடும் வறட்சி நிலவுவதால் பெரும்பாலான மாவட்டங்களில் குடிநீர் தட்டுப்பாடு நிலவி வருகிறது. குடிநீர் பற்றாக்குறையால் தலைநகர் சென்னை கடும் நெருக்கடிக்குத் தள்ளப்பட்டுள்ளது. காவிரி டெல்டா மாவட்டங்களில் பாசனத்திற்கும், குடிநீருக்கும் ஆதாரமான மேட்டூர் அணையின் நீர்மட்டம் குறைந்துவிட்டது. 

இந்நிலையில், குடிநீர் பிரச்சனையை சமாளிக்க காவிரியில் ஜூன் மாதம் தமிழகத்திற்கு திறக்க வேண்டிய 9.19 டி.எம்.சி தண்ணீரை உடனடியாக திறக்குமாறு கர்நாடகா அரசுக்கு காவிரி மேலாண்மை ஆணையம் உத்தரவிட்டது. இருப்பினும் கா்நாடக அரசு தண்ணீா் திறந்துவிட தொடர்ந்து மறுப்பு தெரிவித்தது. 

தற்போது காவிரி நீர்பிடிப்பு பகுதிகளில் கனமழை பெய்துவருவதால் கர்நாடகா அணைகளின் நீர்மட்டம் வெகுவாக உயர்ந்து வருகிறது. இதையடுத்து காவிரியில் இருந்து தண்ணீரை திறக்கும் முடிவுக்கு கர்நாடக அரசு முன்வந்துள்ளது. 

இதுதொடர்பாக முதல்வர் குமாரசாமி இன்று செய்தியாளர்களிடம் கூறுகையில், காவிரி மேலாண்மை ஆணையத்தின் உத்தரவுப்படி, காவிரியில் இருந்து தமிழகத்திற்கு தண்ணீர் திறக்க வேண்டிய நிலை ஏற்பட்டுள்ளது. எனவே, தமிழகம் மற்றும் கர்நாடக மாநிலத்தின் மாண்டியா மாவட்ட விவசாயிகள் பயன்பெறும் வகையில், விரைவில் தண்ணீர் திறக்கப்படும் என்று கூறினார். 

மேலும் இதுதொடர்பாக, காவிரி மேலாண்மை ஆணையத்தை அணுகுமாறு, பொதுப்பணித்துறை அதிகாரிகளுக்கு குமாரசாமி உத்தரவிட்டுள்ளதாகவும் கூறப்படுகிறது. இதனால் காவிரியில் இருந்து கூடிய விரைவில் தமிழகத்துக்கு தண்ணீர் கிடைக்கும் என்று எதிர்பார்க்கப்படுகிறது. 

[johnypowas]

ஹாங்காங்: பிரிட்டனுக்கும், சீனாவுக்கும் இடையே சர்ச்சை ஏன்?

படத்தின் காப்புரிமைAFP/GETTY IMAGES
பிரிட்டனுக்கும், சீனாவுக்கும் இடையே ராஜீய சர்ச்சையாக ஹாங்காங் இருந்து வருகிறது.
ஹாங்காங்கில் நடைபெற்று வரும் ஜனநாயகத்திற்கு ஆதரவான போராட்டக்காரர்களுக்கு அதனை காலனியாக வைத்திருந்த பிரிட்டன் ஆதரவளித்து வருகிறது.
"ஒரே நாடு, இரண்டு அமைப்புகள்" என்ற கொள்கையின் மூலம், சீனப் பெருநிலப்பகுதியிலுள்ள மக்களை விட ஹாங்காங் மக்களுக்கு வேறுபட்ட உரிமைகள் மற்றும் சட்டங்கள் தொடர வேண்டும் என்று பிரிட்டன் கூறகிறது.
ஆனால், இதற்கு மறுமொழியாக, சீனாவின் உள்நாட்டு விவகாரங்களில் பிரிட்டன் தலையிடுவதாக சீனா குற்றஞ்சாட்டியுள்ளது.
என்ன நடக்கிறது?
படத்தின் காப்புரிமைGETTY IMAGES
குற்றவாளிகளை சீனாவிடமும், மக்கௌவிமும் ஒப்படைக்கும் மசோதாவுக்கு எதிர்ப்பு தெரிவித்து மக்கள் பெருங்கூட்டமாக ஒன்றாக போராட்டம் நடத்தி வருகிறார்கள்.
இந்த மசோதா சீனாவுக்கு ஆதரவான ஹாங்காங் தலைமை நிர்வாகியாக செயல்பட்டு வரும் கேரி லெமால் அறிமுகப்படுத்தப்பட்ட சட்ட வரைவாகும். சீனாவில் சட்ட நடவடிக்கையை எதிர்கொள்ள மக்களை சீனாவிடம் ஒப்படைப்பதை இது எளிதாக்கிவிடும்.
இந்த மசோதா ஹாங்காங்கின் சுயாட்சிக்கு அச்சுறுத்தல் விடுக்கிறது என்றும், சுயாதீனமான சட்ட அமைப்பை புறக்கணிக்கிறது என்றும் ஆர்ப்பாட்டக்காரர்கள் வாதிடுகின்றனர். அரசியல் காரணங்களுக்காக இந்த சட்டத்தை சீனா பயன்படுத்தலாம் என்று அவர்கள் அஞ்சுகின்றனர்.
மக்கள் பெருந்திரளாக போராடியதை தொடர்ந்து, இந்த மசோதா நிறுத்தி வைக்கப்பட்டது. ஆனால் கைவிடப்படவில்லை.
போராட்டக்காரர்களின் வன்முறையை கண்டித்த பிரிட்டனின் வெளியுறவு அமைச்சர் ஜெர்மி ஹண்ட், அவர்களை ஒடுக்க சீனா வன்முறையை பயன்படுத்துமானால், அது கடுமையான விளைவுகளை எதிர்கொள்ள வேண்டியிருக்கும் என்று கூறினார்

[johnypowas]

குடிபோதையில் வாகனத்தை ஓட்டி விபத்தை ஏற்படுத்திய போலீஸ்காரர் சஸ்பெண்ட்!

சேலத்தில், குடிபோதையில் வாகனத்தை ஓட்டிச்சென்று விபத்தை ஏற்படுத்திய காவலர் பணியிடை நீக்கம் செய்யப்பட்டார். 

சேலம் மாவட்டம் ஓமலூர் மகளிர் காவல்நிலைய ஆய்வாளராக பணியாற்றி வருபவர் அம்சவள்ளி. காவலர் பாலாஜி என்பவர் இவருடைய ஜீப்பின் ஓட்டுநராக பணியாற்றி வந்தார். கடந்த 7ம் தேதி (ஞாயிற்றுக்கிழமை) இரவு, ஆய்வாளர் அம்சவள்ளி பணி முடிந்து ராசிபுரத்தில் உள்ள அவருடைய வீட்டிற்குச் செல்ல ஜீப்பில் புதிய பேருந்து நிலையத்திற்கு வந்தார். அங்கிருந்து அவர் சொந்த ஊருக்கு பேருந்தில் சென்று விட்டார்.

ஆய்வாளரை பேருந்து நிலையத்தில் இறக்கிவிட்டுவிட்டு, அந்த ஜீப்பை காவலர் பாலாஜி ஓட்டிச்சென்றார். செல்லும் வ-ழியில் அவர் மதுபானம் குடித்துள்ளார். சிறிது நேரத்தில் அவருக்கு போதை தலைக்கேறியது. போதை ஏறிய நிலையிலேயே ஜீப்பை ஓட்டிச்சென்ற அவர், சேலம் முள்ளுவாடி கேட் தொங்கும் பூங்கா அருகே வந்தபோது வாகனம் அவருடைய கட்டுப்பாட்டை இழந்தது. சாலையோரத்தில் இருந்த ஒரு கட்டடத்தின் மீது வாகனம் மோதி நின்றது. 

போதை மயக்கத்தில் இருந்த பாலாஜியால் ஜீப்பை பின்னோக்கி எடுக்க முடியாமல் மயங்கிக் கிடந்தார். இதுகுறித்து தகவல் அறிந்த மாநகர காவல்துறையினர், வாகனத்தை அப்புறப்படுத்தியதோடு, பாலாஜியோ உடனடியாக சேலம் அரசு மருத்துவமனையில் சேர்த்தனர். இதுகுறித்து அஸ்தம்பட்டி காவல்துறையினர் வழக்குப்பதிவு செய்தனர். 

இதையடுத்து பணி நேரத்தில் மது குடித்துவிட்டு அலட்சியமாக இருந்ததாக அவரை உடனடியாக பணியிடைநீக்கம் செய்து மாவட்ட எஸ்பி தீபா கணிகர் உத்தரவிட்டார். காவலர் பாலாஜிபோல் மது அருந்திவிட்டு வாகனங்களை இயக்கவோ, பணி நேரத்தில் விதிகளை மீறி அலட்சியமாக செயல்பட்டாலோ அவர்கள் மீது கடும் நடவடிக்கை எடுக்கப்படும் என்றும் அவர் எச்சரித்துள்ளார். 

[johnypowas]

இந்திய அணியின் தோல்வி குறித்து விராட் கோலி விளக்கம்!

மான்செஸ்டரில் நேற்று நடந்த உலகக்கோப்பை கிரிக்கெட் அரையிறுத்திப் போட்டி மழை காரணமாக பாதியிலேயே நிறுத்தப்பட்டது. பின்பு அதே நிலையில் இருந்து போட்டி இன்று மீண்டும் நடைபெற்றது. முதலில் பேட் செய்த நியூசிலாந்து அணி 50 ஓவரில் 6 விக்கெட் இழப்புக்கு 239 ரன்கள் எடுத்தது.  இந்நிலையில் உலககோப்பை கிரிக்கெட் இறுதிப்போட்டிக்குள் நுழைய 240 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி 49.3 ஓவர்களில் 221 ரன்களுக்கு அனைத்து விக்கெட்டுகளையும் இழந்தது.

 

 

 

இந்நிலையில் நியூசிலாந்து அணி 18 ரன்கள் வித்தியாசத்தில் வெற்றி பெற்றது. இது குறித்து பேசிய இந்திய அணியின் கேப்டன் விராட் கோலி நியூசிலாந்து அணியின் இலக்கை நாங்கள் எட்டுவோம் என்று நினைத்தோம். ஆனால் முதல் அரைமணி நேரம் ஆட்டத்தின் போக்கையே மாற்றி விட்டது. நியூசிலாந்து அணியின் பந்துவீச்சாளர்கள் சிறப்பாக பந்து வீசினார்கள், நியூசிலாந்து அணியின் வெற்றிக்கு முக்கிய காரணங்கள் அவர்கள் தான்.

 

 

தோனியும், ஜடேஜாவும் சிறந்த பார்ட்னர்ஷிப் அமைத்து விளையாடினார்கள். போட்டி மீண்டும் எங்கள் கைக்கு வந்ததாகவே உணர்ந்தோம். சில தவறான ஷாட்களை நாங்கள் தேர்ந்தெடுத்து விட்டோம். அது தவிர நாங்களும் தரமான பங்களிப்பை கொடுத்துள்ளோம். மேலும் டோனி தன்னுடைய ஓய்வு குறித்து எங்களிடம் எதுவும் கூறவில்லை என தெரிவித்தார்.

[johnypowas]

மது போதைப் பொருளா? உணவுப்பொருளா? மருந்துப்பொருளா? நீதிமன்றத்தில் கேள்வி எழுப்பிய நந்தினி

மதுரை சட்டக்கல்லூரி மாணவி நந்தினி ஒரு மது ஒழிப்புப்போராளி. 2014ம் ஆண்டு மனிதனின் உயிரைக்கொல்லும் மதுவை தடைசெய்யக் கோரி திருப்பத்தூர் பேருந்து நிலையத்தில் நந்தினியும் அவர் தந்தை ஆனந்தனும் துண்டு பிரசுரங்கள் கொடுத்ததாக கூரி திருப்பத்தூர் காவல் நிலையத்தில் வழக்கு பதிந்திருந்தனர். 
 

அந்த வழக்கு திருப்பத்தூர் நீதிமன்றத்தில் கடந்த ஜூன் 27ம் தேதி விசாரணைக்கு வந்தது. அப்போது சாட்சியம் அளித்த காவல்துறையினரிடம் “மக்களுக்கு வினியோகிக்கப்படும் மது போதைப்பொருளா? மருந்துப்பொருளா? உணவுப்பொருளா? என கேள்வி எழுப்பினார் நந்தினி. மேலும் இந்திய தண்டனைச் சட்டம் 328 ன் படி டாஸ்மார்க் மூலம் போதைப்பொருள் விற்பது குற்றமில்லையா? எனவும் கேட்டுள்ளார். அப்போது குறுக்கிட்ட நீதிபதி “நீதிமன்றத்தை அவமதிக்கும் வகையில் பேசக்கூடாது” என்றார். 

 

உடனே குறுக்கிட்ட நந்தினியின் தந்தை ஆனந்தன் “என் மகள் வாதிட்டதில் நீதிமன்றத்தை அவமதிக்கும் வகையில் என்ன கருத்து உள்ளது” என கேட்டிருக்கிறார். இதனால், நந்தினிக்கும், அவர் தந்தை ஆனந்தனுக்கும் நீதிமன்ற அவமதிப்பு வழக்கு பதிவுசெய்யப்படு உடனடியாக மதுரை மத்திய சிறையில் அடைக்கப்பட்டனர். 
 

நந்தினியின் திருமணம் ஜூலை 5ம் தேதி நடக்க இருந்த நிலையில் அவர் சிறைசென்றதால் திருமணம் தள்ளிப்போனது. 
 

நந்தினியின் சகோதரி சட்டக் கல்லூரி மாணவி நிரஞ்சனா தமிழக அரசின் இந்த வன்செயலை கண்டித்து கடந்த ஜூலை 8ம் தேதி மதுரை சட்டக்கல்லூரி முன்பு உண்ணாவிரதப்போராட்டம் நடத்தி இருக்கிறார். அவரையும் கைது செய்துள்ளது காவல்துறை. 
 

நந்தினியை திருமணம் செய்துகொள்ள இருந்த குணாஜோதிபாசு என்ற இளைஞர்  “திருமணத்திருக்கு பிறகும் நந்தினி மக்களுக்காக போராட வேண்டும் என்று நினைத்திருந்தோம். ஆனால், திருமணமே போராடித்தான் நடக்கும் என்ற நிர்பந்தத்தை அரசு உருவாக்கியுள்ளது. பூரண மதுவிலக்கை வலியுறுத்தி நந்தினி சிறை சென்றது எங்களுக்குப் பெறுமைதான். அவர் விடுதலையாகி வரும்வரை காத்திருப்பேன் என்றார். 

குற்றம் சுமத்தப்பட்டவரே நீதிமன்றத்தில் தனது தரப்பு நியாயத்தை எடுத்துச் சொல்லலாம் எனச் சட்டம் இருக்கும்போது, வழக்கறிஞர் படிப்பு முடித்துள்ள நந்தினி தன் சார்பில் வாதாட உரிமையில்லையா? என்ற கேள்வி எழுகிறது. 

 

 

இந்த நிலையில், நீதிமன்றத்தை அவமதித்தாக கைதுசெய்யப்பட்ட வழக்கறிஞர் நந்தினி மற்றும் அவரின் தந்தை ஆனந்தன் ஆகியோர், சிவகங்கை மாவட்டம் திருப்பத்தூர் நீதிமன்றத்தில் நேற்று ஆஜர்படுத்தப்பட்டனர். அப்போது இருவருக்கும் சொந்த ஜாமீன் வழங்கப்பட்டது. ஜாமீன் கிடைத்த நிலையில், மதுரை மத்திய சிறையிலிருந்து இருவரும் விடுதலை செய்யப்பட்டனர்.
 

இந்த நிலையில் 9ம் தேதி சிறையிலிருந்து வெளியே வந்த நந்தினிக்கும் குணாவுக்கும் இன்று (10.07.19-புதன்கிழமை) மதுரை மாவட்டம் தென்னமநல்லூர் கிராமத்தில் உள்ள குலதெய்வம் கோவிலில் திருமணம் நடைபெற்றது.

[johnypowas]

காலைப் பிடித்து கெஞ்சிய மகளை அடித்துக் கொன்ற தந்தை

நெல்லை மாவட்டம் வி.கே.புரத்தில் மது குடிப்பதை மனைவி கண்டித்ததால் ஏற்பட்ட சண்டையில் ‘அம்மாவை அடிக்காதீங்கப்பா’ என தந்தையின் காலை பிடித்து கதறிய சிறுமியை அடித்துக் கொன்ற தந்தை கைது செய்யப்பட்டார். குற்றத்தை மறைத்ததாக தாயும் கைதானார். நடந்த இச்சம்பவம் பெரும் சோகத்தை ஏற்படுத்தியது.

 

 

வி.கே.புரம் ராமலிங்கபுரம் தெருவைச் சேர்ந்தவர் கைலாஷ் (37). அப்பகுதியில் பெட்டிக் கடை நடத்தி வருகிறார். இவருக்கு லீலாவதி (34) என்ற மனைவியும் ஐஸ்வர்யா (13), சுகிர்தா (7) என்ற இரு மகள்களும் உள்ளனர். சுகிர்தா உள்ளூர் பள்ளியில் 2ம் வகுப்பும், ஐஸ்வர்யா ஆழ்வார்குறிச்சி பள்ளியிலும் படித்து வந்தனர்.

 

கைலாஷ்க்கு குடிப்பழக்கம் இருந்ததால் கணவன், மனைவியிடையே அடிக்கடி தகராறு ஏற்பட்டது. நேற்று முன்தினம் இரவும் தகராறு ஏற்பட்டது. இரு பெண் குழந்தைகள் உள்ளனர். அவர்களது எதிர்காலம் கருதியாவது மது குடிக்காதீர்கள் என லீலாதி கண்டித்தார். இதையடுத்து ஏற்பட்ட வாக்குவாதம் முற்றியதில் லீலாவதியை கைலாஷ் தாக்கினார். இதைப்பார்த்த சிறுமி சுகிதர்தா ‘அம்மாவை அடிக்காதீங்கப்பா’ என தந்தையின் காலை பிடித்து கெஞ்சியுள்ளனார்.

ஆத்திரமடைந்த கைலாஷ் சிறுமியை அடித்து உதைத்து தள்ளியுள்ளார். அடியை தாங்கிக் கொண்டு எழுந்து வந்த சிறுமி, மீண்டும் ’அம்மாவை அடிக்காதீங்கப்பா…. ப்ளீஸ்ப்பா’ என கெஞ்சியது. இதனால் கடும் ஆத்திரமடைந்த கைலாஷ், சிறுமியை அடித்து தூக்கி வீசியதில் சுவரில் தலை மோதியது. இதில் சிறுமி சுகிர்தா தலையிலும், நெற்றியிலும் காயமடைந்து மயங்கி சாய்ந்தாள். இதைக்கண்டு பதறிய இருவரும் உடனே அவளை மீட்டு அம்பை அரசு மருத்துவமனைக்கு கொண்டு சென்றனர். அங்கு சிறுமியை பரிசோதித்த டாக்டர், அவள் ஏற்கனவே இறந்து விட்டதாக தெரிவித்துள்ளார்.

 

இது குறித்து பெற்றோரிடம் டாக்டர் விசாரித்த போது, மாடிக்கு விளையாடச் சென்ற சிறுமி கீழே இறங்கி வரும் போது கால் இடறி விழுந்து விட்டதாக தெரிவித்துள்ளனர். இதையடுத்து அவர் வி.கே.புரம் போலீசுக்கு தகவல் தெரிவித்துள்ளார். இதற்கிடையே சிறுமியின் உடலை பெற்றோர் வாங்கிக் கொண்டு வீட்டிற்கு சென்று விட்டனர்.

 

தகவலறிந்த அம்பை டி.எஸ்.பி. ஜாகீர் உசேன், வி.கே.புரம் இன்ஸ்பெக்டர் ராஜகுமாரி மற்றும் போலீசார் சிறுமியின் வீட்டிற்கு சென்று உடலை கைப்பற்றி போலீஸ் நிலையம் கொண்டு வந்தனர். இது தொடர்பாக கணவன், மனைவியிடம் விசாரித்தனர். அப்போது அவர்கள் சிறுமி மாடியில் இருந்து இறந்து வரும் போது தான் தவறி விழுந்து விட்டாள், உடனே நாங்கள் மருத்துவமனைக்கு கொண்டு சென்றோம். அதற்குள் இறந்து விட்டாள் என கூறினர்.

 

போலீசாருக்கு அவர்கள் மீது சந்தேகதம் ஏற்பட்டது. டி.எஸ்.பி.யின் கிடுக்கிப்பிடி விசாரணையில் இருவரும் உண்மையை ஒப்பக் கொண்டனர். இதைத் தொடர்ந்து கணவன் மீது கொலை வழக்கும், அதற்கு உடந்தையாக இருந்து குற்றத்தை மறைத்ததாக மனைவி மீதும் வழக்கும் பதிவு செய்து இருவரையும் கைது செய்தனர். 

 

பெற்றோர் சண்டையில் மகள் அடித்துக் கொல்லப்பட்ட சம்பவம் அப்பகுதியில் பெரும் பரபரப்பு ஏற்படுத்தியது.

[johnypowas]

ராஜினாமாவை ஏற்க சபாநாயகருக்கு கெடு இல்லை.. உச்சநீதிமன்ற உத்தரவால் நீடிக்கும் கர்நாடக அரசு

டெல்லி: கர்நாடக சபாநாயகர் ரமேஷ் குமாரிடம் அதிருப்தி எம்எல்ஏக்கள் இன்று மாலை 6 மணிக்குள் சந்தித்து, தேவைப்பட்டால் ராஜினாமா கடிதம் கொடுக்கலாம் என உச்சநீதிமன்றம் உத்தரவிட்டுள்ளது.
எனவே, கர்நாடக அரசியல் கலாட்டா இன்றே முடிவுக்கு வருமா என்ற கேள்வி இயல்பாகவே மக்களிடம் எழுவதுதான். ஆனால் அங்குதான் ஒரு ட்விஸ்ட் உள்ளது. இன்றைய தினம் மாலை 6 மணிக்குள் சபாநாயகரை சந்தித்து ராஜினாமா கடிதம் கொடுக்கலாம் என்றுதான் உச்ச நீதிமன்றமே கூறியுள்ளதே தவிர, இன்றே அந்த ராஜினாமா கடிதம் மீது ஏதாவது ஒரு முடிவை எடுக்க வேண்டும் என்று, உச்சநீதிமன்றம், சபாநாயகருக்கு உத்தரவிடவில்லை.

எனவே சபாநாயகர் தனது முடிவை எடுக்க கால வரைமுறை இல்லை. பொதுவாக சபாநாயகருக்கு அப்படியான உத்தரவிடுவது மரபு இல்லை என்பதும் குறிப்பிடத்தக்கது.
சபாநாயகருக்கு சட்டசபை மீது முழு அதிகாரம் உள்ளது. எனவே பொதுவாக சபாநாயகரின் பணிகளில் நீதிமன்றம் தலையிடுவது கிடையாது. சபாநாயகரின் முடிவுகள் சரியா, தவறா என்பது தொடர்பான வழக்குகளில் மட்டுமே நீதிமன்றம் தீர்ப்பு வழங்கும். சபாநாயகர் எப்படி செயல்பட வேண்டும் என நீதிமன்றம் வழிகாட்டுவது கிடையாது.

எனவே, அரசின் ஆயுட்காலம் நீள்வது தற்போது சபாநாயகர் கையில் உள்ளது. இன்று மாலைக்குள் தன்னை சந்திக்க உள்ள 10 அதிருப்தி எம்எல்ஏக்களிடம் விசாரணை நடத்தும்போது அதை வீடியோவாக பதிவு செய்யவும் சபாநாயகர் முடிவு செய்துள்ளார்.

தனது அலுவலகத்திற்கு அவர் மாலை வந்தபோது, வீடியோகிராபரையும் அழைத்து வந்துள்ளார் சபாநாயகர். தான் எடுக்கப்போகும் முடிவு, வரலாறாக மாறும் என இரு தினங்கள் முன்பே சபாநாயகர் கூறினார். அதற்கு ஏற்ப ரமேஷ் குமார் முடிவெடுப்பார் என்ற எதிர்பார்ப்பு கர்நாடக அரசியலில் உள்ளது.

[johnypowas]

பால் பாக்கெட்டுகளுக்கு தடை.. ஆயில், பிஸ்கட், நொறுக்கு தீனிகளை பிளாஸ்டிக்கில் விற்க ஐகோர்ட் தடை

சென்னை: பிளாஸ்டிக் பயன்படுத்தக்கூடாது என்ற உத்தரவு செல்லும் என உத்தரவிட்ட சென்னை உயர்நீதிமன்றம் பாலை பாக்கெட்டுகளில் அடைத்து விற்பனை செய்வதற்கு பதில் அவற்றை பாட்டிலில் விற்பனை செய்யவது உள்ளிட்ட ஏற்பாடுகளை செய்ய வேண்டும் என உத்தரவிட்டுள்ளது.
மறு சூழற்சி செய்யும் செய்ய முடியாத 14 வகையான பிளாஸ்டிக் பொருட்களுக்கு தமிழக அரசு கடந்த ஜனவரி 1ம்தேதி முதல் தடை விதித்து உத்தரவிட்டுள்ளது. இதன்படி கடந்த ஜனவரி 1ம்தேதியில் இருந்து பிளாஸ்டிக் பயன்படுத்தினால் அபராதம் விதிக்கப்படும் என எச்சரிக்கை விடுக்கப்பட்டுள்ளது. இதனால் தற்போது ஓரளவு பிளாஸ்டிக் பயன்பாடு குறைந்துள்ளது.

இந்நிலையில் பிளாஸ்டிக்கை பயன்படுத்தக்கூடாது என்ற தமிழக அரசின் அரசாணையை எதிர்த்து பிளாஸ்டிக் பொருட்கள் விற்பனையாளர்கள், தயாரிப்பாளர்கள் உயர்நிதிமன்றத்தில் வழக்கு தொடர்ந்தனர். பிளாஸ்டிக் பொருட்களுக்கு தடை விதிக்க சுற்றுச்சூழல் பாதுகாப்பு சட்டத்தின் படி மத்திய அரசுக்கு மட்டுமே அதிகாரம் இருப்பதாக பிளாஸ்டிக் உற்பத்தியாளர்கள் நீதிமன்றத்தில் தெரிவித்தனர். மேலும் தாங்கள் தயாரிக்கும் பிளாஸ்டிக்குகள் 100 சதவீதம் மறு சூழற்சி செய்யக்கூடியவை என்றும் வாதிட்டனர்.
எனினும் நீதிமன்றம் பிளாஸ்டிக்குக்கு விதிக்கப்பட்ட தடையை விலக்க மறுத்துவிட்டடது. பிளாஸ்டிக் பொருட்களுக்கான தடையை கண்டிப்பான முறையில் அமல்படுத்த உத்தரவிட்ட நீதிமன்றம், இது தொடர்பான அனைத்து மனுக்களையும் தள்ளுபடி செய்து உத்தரவிட்டது.
அத்துடன் ஆவின் பாலை பாக்கெட்டுகளில் அடைத்து விற்பனை செய்வதற்கு பதிலாக அவற்றை பாட்டில்களில் அடைத்து விற்பனை செய்ய வேண்டும் என்றும் நீதிபதிகள் அரசுக்கு உத்தரவிட்டனர். மேலும் பால் மட்டுமில்லாமல் ஆயில், பிஸ்கட், நொறுக்கு தீனிகள், சாக்லேட்டுகள், மெனிசன்கள் உள்பட பலவற்றுக்கும் பிளாஸ்டிக்கை பயன்படுத்தக்கூடாது என்றும் தடைவிதித்தனர்.

மறு சுழற்சி செய்ய முடியாத அனைத்து பிளாஸ்டிக் பொருட்களுக்கும் தடை விதித்தால் தான் தடையின் நோக்கம் நிறைவேறும் என்றும் நீதிபதிகள் தங்கள் உத்தரவில் தெரிவித்தனர். ஒரு முறை மட்டுமே பயன்படுத்தக்கூடிய அனைத்து பிளாஸ்டிக்குகளுக்கும் தடை விதிக்கவில்லை என்றால் இந்த உத்தரவு வெறும் காதிக உத்தரவாகத்ததான் இருக்க முடியும் என்றும் நீதிபதிகள் தங்கள் தீர்ப்பில் தெரிவித்தனர்.

[johnypowas]

'இந்தியக் குடியுரிமையை தோனி விட்டுவிட்டு வருவாரா?, செய்தால் நாங்கள் தயார்': வில்லியம்ஸன் பதில்

கோலியை கட்டித்தழுவிய வில்லியம்ஸன்: படம்ஐசிசி

இந்தியக் குடியுரிமையை வி்ட்டுவிட்டு வந்தால் தோனிக்கு வாய்ப்பளிக்க நாங்கள் தயார் என்று நியூஸிலாந்து அணியின் கேப்டன் வில்லியம்ஸன் சுவாரஸ்யமாக பதில் அளித்தார்.
மான்செஸ்டரில் நேற்று நடந்த உலகக்கோப்பை அரையிறுதி ஆட்டத்தில் இந்திய அணியை 18 ரன்கள் வித்தியாசத்தில் தோற்கடித்தது நியூஸிலாந்து அணி. தொடக்கத்தில் விக்கெட்டுகளை இழந்து 24 ரன்களுக்கு விக்கெட்டுகளை இழந்து தடுமாறியநிலையி்ல் தோனியும், ரவிந்திர ஜடேஜாவும் ஆடிய இன்னிங்ஸ் சிறப்புக்குறியது. தோனி 72 பந்துகளில் 50 ரன்கள் சேர்த்தும், ஜடேஜா 59 பந்துகளில் 77 ரன்களிலும் ஆட்டமிழந்தனர். நியூஸிலாந்து அணி 2-வது முறையாக  இறுதிப்போட்டிக்குள் நுழைந்த
இந்த வெற்றி குறித்து நியூஸிலாந்து அணியின் கேப்டன் கேன் வில்லியம்ஸன் கூறியதாவது:
இந்த போட்டி அனைத்து வகையிலும் சிறப்பாகச் சென்றது என்பது நமக்குத் தெரியும். ஆனால் ஆட்டத்தின் திருப்புமுனையாக தோனியின் ரன்அவுட்தான் அமைந்தது. இதுபோன்ற தருணங்களில் ஆட்டத்தை பலமுறை சிறப்பாக தோனி முடித்துக்கொடுத்து இருப்பதை நாங்கள் பார்த்திருக்கிறோம். தோனி களத்தில் இருக்கும்போது பதற்றம் இருந்தது.
ஆனால், கப்திலின் டைரக்ட் ஹிட் ரன்அவுட்தான் அனைத்தையும் மாற்றிவிட்டது. நிச்சயம் இந்த ஆடுகளம் பேட்ஸ்மேன்களுக்கு கடினமாகத்தான் இருந்தது. இந்த ஆடுகளத்திலும் தோனி நிலைத்து விளையாடுவதால், அவரின் விக்கெட்டை வீழ்த்தத்தான் அதிகமான முக்கியத்துவம் அளித்தோம்.
படம் உதவி ஐசிசி
 
அடுத்தாற்போல் ஜடேஜாவின் விக்கெட்டும் மிக முக்கியமானது. இந்திய அணியில் உள்ள மற்ற அனைத்து வீரர்களைக் காட்டிலும் ஜடேஜாவின் பேட்டிங் சிறப்பாக இருந்தது. அவர் கையாண்ட ஷாட்கள், கையாண்டவிதம், இந்திய அணிக்கு வெற்றியை பெற்றுக்கொடுக்கும் வகையில் இருந்தது.
தோனி மிக அனுபவமான வீரர். இதுபோன்ற தருணங்களில் அவரின் அனுபவம் மிகவும் முக்கியமானது, அவரின் பங்களிப்பு இந்த போட்டியில் மட்டுமல்ல இதற்கு முந்தைய பல போட்டிகளிலும் அவர் பங்களிப்பை சிறப்பாகச்செய்துள்ளார் " எனத் தெரிவித்தார்.
அப்போது வில்லியம்ஸனிடம் நிருபர்கள், நியூஸிலாந்து அணிக்கு தோனியைத் தேர்வு செய்வீர்களா எனக் கேட்டனர். இந்த கேள்வியைக் கேட்டதும் சற்று வியப்புடன் பார்த்த வில்லியம்ஸன் சிரித்துக்கொண்டே பேசுகையில், " நியூஸிலாந்து அணிக்கு சட்டரீதியாக தோனியால் இப்போது விளையாட முடியாது. ஒருவேளை தோனி, இந்தியாவின் குடியுரிமையை விட்டுவிட்டு, நியூஸிலாந்து குடிமகனாக மாறத் தயாராக இருக்கிறாரா. அவ்வாறு தோனி மாறினால், நாங்கள் தோனியை நிச்சயம் அணிக்குள் எடுப்போம்" எனத் தெரிவித்தார்.

[johnypowas]

நிர்ணயிக்கப்பட்ட கல்வி தகுதியைவிட கூடுதல் தகுதியுடையவர் பணி உரிமை கோர முடியாது - சென்னை உயர்நீதிமன்றம்
நிர்ணயிக்கப்பட்ட கல்வி தகுதியைவிட கூடுதல் தகுதியுடையவர் தமக்கு பணிவழங்கும்படி உரிமை கோர முடியாது என சென்னை உயர் நீதிமன்றம் தெரிவித்துள்ளது.
கடந்த 2013ஆம் ஆண்டில் சென்னை மெட்ரோ ரயில் நிறுவனத்தின் ரயில் ஓட்டுனர் பணிக்கு விண்ணப்பித்து தேர்வான லட்சுமி பிரபா என்பவர், நிர்ணயிக்கப்பட்ட கல்வித் தகுதியை விட அதிக தகுதியாக பி.இ. படிப்பை முடித்திருந்ததால் தேர்வு நடைமுறையிலிருந்து விலக்கப்பட்டதாக கூறப்படுகிறது. இதனை எதிர்த்து லட்சுமி பிரபா தொடர்ந்த வழக்கு  நீதிபதி வைத்தியநாதன் முன்பு விசாரணைக்கு வந்தது. அப்போது, கூடுதல் கல்வித்தகுதி உடையவர் பணி நியமிக்கப்பட்டாலும் நீக்கப்படுவார் என தேர்வு அறிவிப்பிலேயே தெரிவிக்கப்பட்டுள்ளதாக மெட்ரோ ரயில் தரப்பில் தெரிவிக்கப்பட்டது. இதை ஏற்றுக் கொண்டு மனுவை தள்ளுபடி செய்த நீதிபதி, வேலையில்லா திண்டாட்டம் அதிகரித்துள்ளதை மறுப்பதற்கில்லை என்றாலும், கூடுதல் தகுதியுடையவர் பணி நியமனம்  கோர உரிமையில்லை என்று உத்தரவிட்டார்.

[johnypowas]

மாட்டிறைச்சி சாப்பிட்ட இளைஞருக்கு அரிவாள் வெட்டு...

நாகப்பட்டினம் அருகே மாட்டிறைச்சி சாப்பிட்டதை சமூக வலைதளத்தில் பதிவிட்ட இளைஞரின் கை வெட்டப்பட்ட சம்பவம் பரபரப்பை ஏற்படுத்தியுள்ளது.



நாகப்பட்டினம் அருகே மாட்டிறைச்சி சாப்பிட்டதை சமூக வலைதளத்தில் பதிவிட்ட இளைஞரின் கை வெட்டப்பட்ட சம்பவம் பரபரப்பை ஏற்படுத்தியுள்ளது. பொரவச்சேரியை சேர்ந்த முகம்மது பைசான் என்பவர், கல்பாக்கம் வந்தபோது, மாட்டிறைச்சி சூப் சாப்பிட்டுள்ளார். இதை, மிகச் சிறந்த உணவாக தமது முகநூல் பக்கத்தில் பதிவிட்டுள்ளார். பின்னர், சொந்த ஊர் சென்ற அவரை, அப்பகுதியைச் சேர்ந்த 20க்கும் மேற்பட்டோர் சுற்றி வளைத்து தாக்கியதாக கூறப்படுகிறது. கையில் வெட்டு, முதுகில் அடிபட்ட தழும்பு, தோள் பட்டையில் காயம் ஆகியவற்றுடன் மருத்துவமனையில் சிகிச்சையில் உள்ளார். தப்பியோடிய 7 பேரை போலீசார் தேடி வருகின்றனர். அவர்கள் அனைவரும் இந்து முன்னணியினர் என்று கூறப்படுகிறது.

[johnypowas]

சிறந்த தாசில்தார் விருதுப் பெற்ற பெண் அதிகாரி கைது -ரூ.93.5 லட்சம் பறிமுதல்

தெலுங்கானாவின் சிறந்த தாசில்தார் எனும் விருதுப் பெற்ற பெண் அதிகாரியின் வீட்டில் இருந்து ரூ.93.5 லட்சம் பறிமுதல் செய்யப்பட்டுள்ளது. மேலும் அவர் கைது செய்யப்பட்டுள்ளார்.

லாவண்யா

முன்னதாக அனந்தையா, பாஸ்கர் எனும் விவசாயியிடம் ரூ.8 லட்சம் லஞ்சம் கேட்டு,  அதில் ரூ.5 லட்சம் தாசில்தாருக்கும், ரூ.3 லட்சம் தனக்கும் கொடுக்க வேண்டும் என கூறியுள்ளார். 

இதனையடுத்து அந்த விவசாயி அனந்தையாவுக்கு ரூ.4 லட்சம் வழங்கியுள்ளார்.  பணம் தன் கைக்கு வந்துவிட்டதாக அனந்தையா  லாவண்யாவுக்கு தெரிவித்துள்ளார்.

பாஸ்கர், சில நாட்களுக்கு முன்னர், தனது பிரச்னையைத் தீர்க்கக் கோரி தாசில்தார் லாவண்யா காலில் விழுந்துள்ளார். இந்த வீடியோ சமூக வலைத்தளங்களில் வைரலானது. விவசாயி பாஸ்கர், தனக்கு வழங்கப்பட்ட ஆவணங்களில் பிழை இருப்பதை பார்த்துள்ளார்.


இந்த பிழையை திருத்தி புதிய ஆவணங்கள் பெறுவதற்காக முறையிட்ட போதுதான், லஞ்சம் கேட்கப்பட்டுள்ளது. பாதிப் பணம் கொடுத்த நிலையில், ஊழல் தடுப்புப் பிரிவினரிடம் பாஸ்கர் புகார் தெரிவித்துள்ளார். இதையடுத்து தாசில்தார், லாவண்யாவிடம் ஊழல் தடுப்புப் பிரிவு அதிகாரிகள் விசாரணை நடத்தியுள்ளனர். 

இந்த குற்றச்சாட்டை லாவண்யா மறுத்து வந்துள்ளார். இதையடுத்து  அதிகாரிகள் லாவண்யா வீட்டில் சோதனையில் ஈடுபட்டனர். இதில் ரூ.93.5 லட்சம் ரொக்கமாகவும், 400 கிராம் தங்கமும் பறிமுதல் செய்யப்பட்டுள்ளது. இதனையடுத்து லாவண்யா கைது செய்யப்பட்டார். 



இரண்டு ஆண்டுகளுக்கு முன்னர், தெலுங்கானாவின் சிறந்த தாசில்தார் என்ற விருதை, அம்மாநில அரசிடமிருந்து லாவண்யா பெற்றவர் என்பது குறிப்பிடத்தக்கது. 

[color][size][font]


ஐதராபாத்:

தெலுங்கானா மாநிலத்தின் ரங்கா ரெட்டி மாவட்டத்தில் தாசில்தாராக பணிபுரிபவர் லாவண்யா. இவர் ஐதராபாத்தின் ஹயாத்நகரில் வசித்து வருகிறார். லாவண்யா வேலை செய்யும் அலுவலகத்தில் அனந்தையா என்பவர் வி.ஆர்.ஓவாக  பணிபுரிகிறார். இவர் விவசாயி ஒருவரிடம் ரூ.4 லட்சம் லஞ்சம் பெற்றபோது சிக்கினார்[/font][/size][/color]

[johnypowas]

Gurkha Review: ஜாலியா பொழுது போக்கலாம்! - கூர்கா விமர்சனம்
Gurkha Movie Review: நடிகர் சிவக்குமார் செல்ஃபி எடுத்தவர் ஃபோனை தட்டி விட்டது, நித்யானந்தா, டி.வி சேனல்கள் ஆகியவற்றின் மீதான தனது பார்வையை ‘கூர்கா’ படம்.

[johnypowas]

 ஜி.வி.பிரகாஷ் நடித்த ‘டார்லிங்’ திரைப்படத்தை இயக்கிய சாம் ஆண்டன் இயக்கத்தில் இன்று வெளியாகியிருக்கும் படம் ‘கூர்கா’. யோகி பாபு முன்னணி கதாபாத்திரத்தில் நடித்திருக்கும் இதில், மனோபாபு, சார்லி, ஆனந்தராஜ், லிவிங்ஸ்டன், ராஜ்பரத், எலிசா எர்கார்ட் உள்ளிட்டோரும் நடித்துள்ளார்கள். ராஜ் ஆர்யன் இசையமைத்திருக்கும் இப்படத்திற்கு கிருஷ்ணன் வசந்த் ஒளிப்பதிவு செய்துள்ளார்.
சமகால அரசியலையும், சினிமா பிரபலங்களையும் பகடி செய்யும் வகையில் உருவாகியுள்ள இப்படம் தமிழ்நாட்டில் மட்டும் 300 திரையரங்குகளில் வெளியாகியுள்ளது. கூர்கா சமூகத்தில் பிறந்த யோகிபாபு போலீஸாக விரும்புகிறார். பலமுறை முயற்சி செய்தும், அவரால் தகுதி பெற முடியவில்லை. கடைசி முயற்சியில் (ரவி மரியா) இன்ஸ்பெக்டரால் ஏமாற்றவும் படுகிறார். பின்னர் ஒரு செக்யூரிட்டி ஏஜென்ஸியில் பகதூர் எனப்படும் யோகிபாபுவிற்கு வேலை கிடைக்கிறது. அதோடு அமெரிக்க அம்பாஸிடரான எலிசா மீது காதலும் பிறக்கிறது.
இதற்கிடையே ஆயுதமேந்திய ஓர் கும்பல் ஒரு ஷாப்பிங் மாலை தனது கட்டுக்குள் கொண்டு வந்து எலிசா உள்ளிட்ட சிலரை சிறை பிடிக்கிறது. ஆனால், யோகிபாபு, சார்லி மற்றும் நாய் அங்கிருப்பது அந்த கும்பலுக்கு தெரியாமல் போகிறது. சிறைப்பிடிக்கப்பட்டிருப்பவர்கள் அனைவரும் காவல்துறையினரின் குடும்பத்தினர் என்பதால், அந்த கும்பல் மீது நடவடிக்கை எடுக்க மறுக்கிறது போலீஸ். இதில் இருந்து அவர்கள் எப்படி வெளியில் வந்தார்கள், யோகிபாபுவும், சார்லியும் செய்தது என்ன என்பதே மீதிக் கதை.
நடிகர் சிவக்குமார் செல்ஃபி எடுத்தவர் ஃபோனை தட்டி விட்டது, நித்யானந்தா, டி.வி சேனல்கள் ஆகியவற்றின் மீதான தனது பார்வையை ‘கூர்கா’ படம் மூலம் வெளிப்படுத்தியிருக்கிறார் சாம் ஆண்டன். அதற்கு தியேட்டரில் சிரிப்பலையும் ஏற்படுகிறது. முதல்பாதி ஜவ்வாக இழுக்கிறது, இரண்டாவது பாதி கச்சிதம்.
பின்னணி இசை ஓகே ரகம், பாடல்கள் சொல்லிக் கொள்ளுமளவுக்கு இல்லை. தன் கேமரா கை வண்ணத்தில் கண்களுக்கு விருந்து படைத்துள்ளார் கிருஷ்ணன் வசந்த். மொத்தத்தில் கவலைகளை மறந்து வாய்விட்டு சிரிக்க விரும்புவோர், தாராளமாக ‘கூர்கா’வைப் பார்க்கலாம்!

[johnypowas]

ரகசிய தகவல்கள் திருட்டு -பேஸ்புக்கிற்கு ரூ.3 லட்சம் கோடி அபராதம்

சமுக வலைத்தளங்களுக்கான விதிகளை மீறி, பயனாளர்களின் ரகசிய தகவல்களை திருடியதற்காக பேஸ்புக் நிறுவனத்துக்கு ரூ.3 லட்சம் கோடி அபராதம் விதிக்கப்படுள்ளது.

பேஸ்புக் நிறுவனர் - மார்க் ஜூக்கர்பெர்க்

[color][size][font]

வாஷிங்டன்:

சமூக வலைத்தளங்களில் பயனாளர்கள் இன்றளவும் அதிகம் விரும்புவது பேஸ்புக்தான். இந்த பேஸ்புக் மூலம் புதிய நண்பர்களை உருவாக்கவும், தங்கள் வர்த்தக தேவைகளை விரிவுப்படுத்தவும் உலகில் பலரும் வெகுவாக பயன்படுத்தி வருகின்றனர். 

இந்நிலையில் கேம்பிரிட்ஜ் அனலெட்டிகா எனும் அரசியல் ஆலோசனை நிறுவனத்துக்கு பேஸ்புக் பயனாளர்களின் ரகசிய தகவல்களை திருடிக் கொடுத்ததாக பேஸ்புக் நிறுவனம் மீது புகார் எழுந்தது. 

இதற்கு பதிலளித்த பேஸ்புக் நிறுவனம், ‘பயனாளர்களின் தகவல்களை கேம்பிரிட்ஜ் நிறுவனம் திருடியது உண்மைதான். இதற்காக மன்னிப்பு கேட்டுக் கொள்கிறோம்’ என கூறியது.



இந்த புகாரின் முழு விவரம் அறிய அமெரிக்க வர்த்தக ஆணையம் கடந்த மார்ச் மாதம் விசாரணையை தொடங்கியது. இந்த விசாரணையில், கடந்த 2011ம் ஆண்டு மேற்கொண்ட, தனிப்பட்ட நபர்களின் தகவல்களை கசிய விடுவதில்லை எனும் உடன்பாட்டுக்கு எதிராக பேஸ்புக் நிறுவனம் செயல்பட்டிருப்பது தெரிய வந்துள்ளது. 

இதனையடுத்து அந்நிறுவனத்துக்கு சுமார் 3 லட்சத்து 42 ஆயிரம் கோடி அபராத தொகையாக விதிக்கப்பட்டுள்ளது. இந்த தொகை, பேஸ்புக் நிறுவனத்தின் கடந்த ஆண்டு வருமானத்தில் 9% ஆகும். 

மேலும் ஒரு தொழில்நுட்ப நிறுவனம் இவ்வளவு பெரிய அபராத தொகையை செலுத்த இருப்பது இதுவே முதன்முறையாகும் என்பது குறிப்பிடத்தக்கது. [/font][/size][/color]

[johnypowas]

[color=var(--title-color)]சுங்கச்சாவடியில் 3 நிமிடங்களுக்குமேல் வாகனத்தை நிறுத்தினால் கட்டணம் செலுத்தத் தேவையில்லையா? #DoubtOfCommonMan[/color]

[color=var(--content-color)]2017-18-ம் நிதியாண்டில் மட்டும் இந்தியாவில் உள்ள சுங்கச்சாவடிகளில் வசூலான தொகை ரூ.22,820.58 கோடி. தமிழகத்தில் ரூ.2,378.69 கோடி வசூலிக்கப்பட்டுள்ளதாக நாடாளுமன்றத்தில் தெரிவிக்கப்பட்டுள்ளது. இந்தியாவில் எந்தத் தேசிய நெடுஞ்சாலையில் பயணிக்க வேண்டுமென்றாலும், நெடுந்தூரப் பயணங்களில் சுங்கச்சாவடிக் கட்டணத்துக்காகவே பெரும் தொகையைச் செலுத்த வேண்டியிருக்கிறது.[/color]
[color=var(--content-color)]
சுங்கச்சாவடி
[/color]
[color=var(--content-color)]எல்லாச் சுங்கச்சாவடிகளிலும் போக்குவரத்து நெருக்கடி வேறு. சிலசமயங்களில் அரைமணி நேரமெல்லாம் காத்திருக்க வேண்டியிருக்கிறது. சமீபத்தில், ‘டோல்கேட்’டில் மூன்று நிமிடங்களாகிவிட்டால் கட்டணம் செலுத்தத் தேவையில்லை' என்றொரு செய்தி வாட்ஸ்அப் உள்ளிட்ட சமூக ஊடகங்களில் பரவி வருகிறது. விகடனின் #DoubtOfCommonMan பக்கத்திலும் இதுதொடர்பாக ஒருகேள்வியை எழுப்பியிருக்கிறார் சீனிவாசன் என்ற வாசகர்.[/color]

"சுங்கச்சாவடியில் மூன்று நிமிடங்களுக்கு மேல் வாகனம் நிறுத்திவைக்கப்பட்டால் கட்டணம் செலுத்தத் தேவையில்லை என்பது உண்மையா? எனில், எந்தச் சட்டப்பிரிவின்கீழ் நாம் அதைச் செய்ய முடியும்? வாகனத்தைப் பதிவுசெய்யும்போது ஆயுள் வரி 15 ஆண்டுகளுக்கு வசூல் செய்கிறார்கள். தனியாக, சுங்கச் சாலைவரி வசூல் செய்ய எந்தச் சட்டப் பிரிவு அனுமதியளிக்கிறது?" என்பதுதான் சீனிவாசன் எழுப்பியுள்ள கேள்வி.

[color=var(--content-color)]
சுங்கச்சாவடி
[/color]
[color=var(--content-color)]உண்மையில், `மூன்று நிமிடங்களுக்கு மேல் வாகனம் நிறுத்திவைக்கப்பட்டால், கட்டணம் செலுத்தத் தேவையில்லை' என்பது தவறான தகவல். இப்படியோர் உத்தரவு பிறப்பிக்கப்பட்டுள்ளதாக போலியான ஆவணம் தயாரிக்கப்பட்டு, வாட்ஸ்அப்களில் திட்டமிட்டுப் பரப்பப்படுகிறது. 'இந்த உத்தரவு உண்மையா' என்று மத்திய தரைவழிப் போக்குவரத்து அமைச்சகத்திடம், கோயம்புத்துார் கன்ஸ்யூமர் காஸ் அமைப்பின் செயலர் கதிர்மதியோன், தகவல் அறியும் உரிமைச் சட்டத்தின்கீழ் சில விவரங்களைக் கேட்டு வாங்கியுள்ளார்.[/color]

[color=var(--content-color)]அதில், 'இது பொய்யான தகவல்' என்பது உறுதி செய்யப்பட்டுள்ளது. ஜனாதிபதி வாகனம், குறிப்பிட்ட சில மக்கள் பிரதிநிதிகளின் வாகனங்கள், சில அரசு வாகனங்கள் என ஒரு பட்டியலை அரசு வெளியிட்டுள்ளது. அதிலிருப்பவற்றுக்கு மட்டுமே சுங்கச்சாவடிக் கட்டணம் செலுத்துவதிலிருந்து விலக்கு அளிக்கப்பட்டிருக்கிறது. இதுபோன்ற ஓர் உத்தரவு போடப்பட்டால், ஒரே நேரத்தில் 50 கார்கள் நிற்கும். ஒரு சுங்கச்சாவடியில் 10 கார்களுக்குக்கூடச் சுங்கக் கட்டணத்தை வசூலிக்க இயலாது. ஒரு குழுவைச் சேர்ந்தவர்கள் வேண்டுமென்றே பத்துக்கும் மேற்பட்ட வாகனங்களில் வந்து தாமதத்தை ஏற்படுத்திக் கட்டணம் செலுத்துவதிலிருந்து விலக்குப் பெறவும் வாய்ப்புள்ளதால் இத்தகைய உத்தரவைப் பிறப்பிக்க வாய்ப்பேயில்லை.[/color]
[color=var(--content-color)]
சுங்கச்சாவடி
[/color]
[color=var(--content-color)]கட்டமைப்பு வசதிகளை ஏற்படுத்துவதற்கு, பெருமளவு நிதி தேவைப்படுகிறது. அரசே ஆண்டுக்கு பல ஆயிரம் கோடி ரூபாயை இதற்காகச் செலவிடும்பட்சத்தில் மற்ற துறைகளுக்கான நிதி ஒதுக்கீடு குறைந்துபோக வாய்ப்புண்டு. எனவே பொதுமக்கள்–தனியார் பங்களிப்புத் திட்டத்தில் (PPP–Public Private Partnership) சாலைகள், பாலங்கள் உள்ளிட்ட கட்டமைப்பு வசதிகளை தனியார்மூலமாக உருவாக்கி, அதைப் பயன்படுத்தும் மக்களிடம் ஒரு குறிப்பிட்ட கட்டணத்தைக் குறிப்பிட்ட ஆண்டுகள் வரையிலும் வாங்கிக்கொள்ள அனுமதிக்கலாம் என்று மத்திய அரசு கொள்கைரீதியாக முடிவுசெய்தது[/color]

[johnypowas]

[color=var(--content-color)]அதற்காகவே சிறப்புச் சட்டத்தை இயற்றியுள்ளது. மோட்டார் வாகனச் சட்டத்தில் இதற்காக எந்தத் திருத்தமும் மேற்கொள்ளப்படவில்லை. நாடு முழுவதும் தேசிய நெடுஞ்சாலைகளில் உள்ள சுங்கச்சாவடிகள் அனைத்தும் இந்தியத் தேசிய நெடுஞ்சாலை ஆணையத்தின் கட்டுப்பாட்டில்தான் இயங்குகின்றன. ஒரு சாலையை அமைப்பதற்கு அல்லது விரிவாக்கம் செய்வதற்கான திட்ட மதிப்பீடு, அதற்கான முதலீடு, வட்டி, லாபம் ஆகியவற்றைக் கணக்கில் எடுத்துக்கொண்டு அதன் அடிப்படையில்தான் ஒவ்வொரு சுங்கச்சாவடிக்கும் எத்தனை ஆண்டுகள் சுங்கம் வசூலிக்கலாம் என்பதை அனுமதித்து ஒப்பந்தம் போடப்படுகிறது.[/color]
[color=var(--content-color)]
சுங்கச்சாவடி
[/color]
[color=var(--content-color)]குறிப்பிட்ட ஆண்டுகளுக்கு ஒருமுறை கட்டணத்தை உயர்த்திக்கொள்ளவும், இந்த ஒப்பந்தங்கள் வழிவகை செய்துள்ளன. இதனால்தான் சுங்கச்சாவடிகளுக்கு எதிராகப் போடப்பட்ட எந்தப் பொதுநல மனுவும் நீதிமன்றங்களால் ஏற்கப்படுவதில்லை அல்லது ஏதாவது ஒரு காரணத்தால் தோல்வியைச் சந்திக்கின்றன.

[color=var(--content-color)]அடிப்படையில், 'ஏற்கெனவே இருக்கும் சாலைகளை விட்டுவிட்டு, புதிதாகச் சாலைகளை அமைத்து அவற்றைப் பயன்படுத்துவோருக்குச் சுங்கக்கட்டணம் வாங்கலாம்' என்பதுதான் முதலில் எடுக்கப்பட்ட முடிவாகும். மேலைநாடுகள் பலவற்றிலும் இதுபோன்றே இரண்டு விதமான சாலைப் போக்குவரத்து அனுமதிக்கப்படுகிறது.[/color]
[color=var(--content-color)]
சுங்கச்சாவடி
[/color]
[color=var(--content-color)]வேகமாகச் செல்ல வேண்டுமென்று நினைப்பவர்கள், சுங்கக்கட்டணம் செலுத்தி அந்தச் சாலையில் போய்க்கொள்ளலாம். மற்றவர்கள் வழக்கமான சாலையைப் பயன்படுத்தலாம். ஆனால், நம் நாட்டில் ஏற்கெனவே இருக்கிற சாலைகளை விரிவாக்கம் செய்து, சுங்கக்கட்டணம் செலுத்தாமல் போவதற்கு ‘வேறு வழியே இல்லை’ என்ற நிலையை ஏற்படுத்தியிருக்கிறது மத்திய அரசு.[/color]
[color=var(--content-color)]இருப்பினும் ஒரு சில நகரங்களில் புறவழிச் சாலைகள் மட்டுமே சுங்கக்கட்டணம் செலுத்த வேண்டிய சாலைகளாக நிர்வகிக்கப்படுகின்றன. அதைச் செலுத்த விரும்பாதவர்கள் நகருக்குள் செல்லும் சாலைகளைப் பயன்படுத்திக்கொள்ளலாம். உதாரணமாக, கோவை மாநகருக்கு வெளியே 27 கி.மீ. தூரத்துக்கு ‘எல் அண்ட் டி’ நிறுவனத்தால் நிர்வகிக்கப்படும் புறவழிச்சாலை இருக்கிறது. அதில் சென்றால் சுங்கக்கட்டணம் செலுத்தவேண்டும். அதைச் செலுத்தாமல் நகருக்குள்ளும் போகலாம். ஆனால் போக்குவரத்து நெரிசல் காரணமாக நேரவிரயம், எரிபொருள் விரயம் ஏற்படும்.[/color]
[color=var(--content-color)]
சுங்கச்சாவடி
[/color]
[color=var(--content-color)]சுங்கச்சாவடி விவகாரத்தில் மத்திய அரசு இன்னும் தெளிவான முடிவுகளை எடுக்க வேண்டியது காலத்தின் கட்டாயம்..!

[/color]
[/color]

[johnypowas]

கடலில் மிதக்கும் '1 ட்ரில்லியன் டன்' எடை கொண்ட உலகின் மிகப்பெரிய பனிப்பாறை மற்றும் பிற செய்திகள்





ஜனவரி 2018ல் இருந்து ஜூலை 2019 வரை A68 பனிப்பாறை எப்படி பயணித்தது என்பதை விளக்கும் காணொளி.
அண்டார்டிகா பகுதியில் இருந்து A68 என்று அழைக்கப்படும் பனிப்பாறை உடைந்து பிரிந்து இரண்டு ஆண்டுகள் ஆகிறது.
தற்போது இந்த உலகின் மிகப்பெரிய பனிப்பாறை வெட்டெல் கடல் பகுதியில் மிதப்பதாக செயற்க்கைக்கோள் படங்கள் காட்டுகின்றன.
160 கிலோ மீட்டர் நீளம் கொண்ட இப்பாறை சில காலமாகவே ஆழமற்ற கடல் பகுதியில் சிக்கிக் கொண்டிருந்ததாக தெரிந்தது. இந்நிலையில், தற்போது இது நகர ஆரம்பித்துள்ளது.
படத்தின் காப்புரிமைBAS/P.BUCKTROUT
சுமார் ஒரு ட்ரில்லியன் டன்கள் எடை கொண்ட இப்பனிப்பாறை, நல்ல வேகத்தில் பயணிப்பது போலவே தெரிகிறதாக பேராசிரியர் ஏட்ரியன் லக்மேன் தெரிவித்தார்

[johnypowas]

ஆஸ்திரேலியாவை பந்தாடியது இங்கிலாந்து - எப்படிச் சாத்தியமானது?

படத்தின் காப்புரிமைPAUL ELLIS
உலகக்கோப்பையின் இறுதிப்போட்டியில் விளையாட இங்கிலாந்து மற்றும் நியூசிலாந்து அணிகள் தகுதி பெற்றுள்ளன.
இன்று நடைபெற்ற இரண்டாவது அரை இறுதி போட்டியில் ஆஸ்திரேலியாவை எளிதாக வென்றது இங்கிலாந்து.
1975லிருந்து உலகக்கோப்பை அரை இறுதிப் போட்டியில் தோல்வியே அடையாத அணி எனும் பெருமையோடு வளைய வந்த ஆஸ்திரேலியாவை இங்கிலாந்து தோற்கடித்துள்ளது.
1975-ல் நடந்த முதல் உலகக்கோப்பையில் ஆஸ்திரேலியாவிடம் இங்கிலாந்து தோற்றது. அதற்கு பிறகு 44 ஆண்டுகளுக்கு பிறகு இவ்விரு அணிகளும் அரை இறுதியில் மோதின. இம்முறை ஆஸ்திரேலியாவை இங்கிலாந்து வெளியேற்றியது.
பேட்டிங்,பௌலிங், ஃபீல்டிங் என அனைத்துத் துறையிலும் ஆஸ்திரேலியாவை வீழ்த்தினர் இங்கிலாந்து வீரர்கள்.
2வது அரை இறுதியில் என்ன நடந்தது?
ரவுண்ட்ராபின் சுற்று முடிவில் புள்ளிப்பட்டியலில் இரண்டாமிடம் பிடித்த ஆஸ்திரேலியாவும் மூன்றாமிடம் பிடித்த இங்கிலாந்தும் இப்போட்டியில் மோதின.
224 ரன்கள் எடுத்தால் கேன் வில்லியம்சன் அணியுடன் லார்ட்ஸ் மைதானத்தில் உலகக்கோப்பைக்காக மல்லுக்கட்டலாம் என்ற இலக்குடன் இங்கிலாந்து களமிறங்கியது.
அரை இறுதியில் நியூசிலாந்து, இந்தியா, ஆஸ்திரேலியா ஆகிய மூன்று அணிகளும் பேட்டிங் பவர்பிளேவில் தடுமாறியிருந்தன.
அடுத்தடுத்த நாள்களில் மூன்று அணிகள் பவர்பிளேவில் சரிவை சந்தித்தாலும் இங்கிலாந்து முதல் பத்து ஓவர்களை திறம்பட எதிர்கொண்டது.
ஆஸ்திரேலியாவின் நட்சத்திர பந்துவீச்சாளர் ஸ்டார்க்கை அநாயாசமாக கையாண்டது இங்கிலாந்து.
படத்தின் காப்புரிமைSTU FORSTER-IDI
தொடக்க வீரர்கள் ஜேசன் ராய் - ஜானி பேர்ஸ்டோ இணை பதற்றமடையாமல் ஒவ்வொரு பந்தையும் எதிர்கொண்டது. முதல் பத்து ஓவர்களில் 50 ரன்கள் குவித்தது இந்த இணை. அதன் பின்னர் ரன் ரேட்டை உயர்த்தும் பணியில் ஈடுபட்டது.
இந்தியாவுக்கு எதிரான லீக் போட்டியை போலவே இரண்டாவது பத்து ஓவர்களில் இங்கிலாந்து அதிரடி ஆட்டம் ஆடியது.
குறிப்பாக ஜேசன் ராய் மிகச்சிறப்பாக விளையாடினார். ஸ்மித் வீசிய ஒரு ஓவரில் ஹாட்ரிக் சிக்ஸர்களை விளாசினார். அந்த ஓவரில் மட்டும் 21 ரன்களை குவித்தது இங்கிலாந்து