தற்போதைய செய்திகள்

[johnypowas]

இதுவரை ஏழு முறை ஆஸ்திரேலியாவில் பாக்சிங் டே டெஸ்ட் போட்டியில் இந்தியா விளையாடியுள்ளது. இதில் இரண்டு போட்டிகள் டிரா ஆனது. ஆனால் மற்ற ஐந்து போட்டிகளிலும் ஆஸ்திரேலியாவே வெற்றியைச் சுவைத்தது.

1985
இந்தியா ஆஸ்திரேலியாவில் 1985 இறுதியில் சுற்றுப்பயணம் மேற்கொண்டிருந்தது. அப்போதுதான் முதல்முறையாக ஆஸ்திரேலியாவில் பாக்சிங் டே டெஸ்ட் போட்டியில் விளையாடியது.
அடிலெய்டில் நடந்த முதல் டெஸ்ட் போட்டியை ஆஸ்திரேலியா டிரா செய்தது. இரண்டாவது டெஸ்ட் போட்டியில் கவாஸ்கர், வெங்கர்சர்க்கார், கபில்தேவ் ஆகியோர் அரைசதம் அடித்தனர். அப்போட்டியில் ஆஸ்திரேலியாவின் இரண்டாவது இன்னிங்சில் அதன் அணித்தலைவர் ஆலன் பார்டர் 163 ரன்கள் குவித்திருந்தார்.
126 ரன்கள் எடுத்தால் வெற்றி என்ற நிலையில் களமிறங்கிய இந்திய அணியால் 25 ஓவர்களில் இரண்டு விக்கெட் இழப்புக்கு 59 ரன்கள் மட்டுமே எடுக்க முடிந்தது. கபில் தேவ் தலைமையிலான இந்திய அணி டிரா செய்தது




1991
ஆறு ஆண்டுகள் கழித்து 1991-ல் மீண்டும் ஆஸ்திரேலியாவில் பாக்சிங் டே டெஸ்ட் விளையாடியது இந்தியா. பிரிஸ்பேனில் நடந்த முதல் டெஸ்ட் போட்டியில் ஆஸ்திரேலியா 10 விக்கெட்டுகள் வித்தியாசத்தில் வென்றிருந்ததால் நெருக்கடியுடன் விளையாடியது இந்திய அணி.
முதல் இன்னிங்சில் இந்தியா 263 ரன்களும், ஆஸி 349 ரன்களும் எடுத்திருந்தன. இரண்டாவது இன்னிங்சில் வெங்கர்சர்க்காரின் 54 ரன்கள், டெண்டுல்கரின் 40 ரன்கள் உதவியுடன் 213 ரன்கள் குவித்தது இந்தியா. ஆஸ்திரேலியா 128 எனும் இலக்கை 40 ஓவர்களில் கடந்தது. எட்டு விக்கெட் வித்தியாசத்தில் முதன் முறையாக ஆஸ்திரேலியாவில் பாக்சிங் டே டெஸ்ட் போட்டியில் தோற்றது இந்திய அணி.

[johnypowas]

1999
இம்முறை அடிலெய்டு டெஸ்டில் 285 ரன்கள் வித்தியாசத்தில் தோற்ற கையோடு மெல்பர்ன் மைதானத்தில் பாக்சிங் டே டெஸ்டை எதிர்கொண்டது இந்திய அணி.
பாண்டிங், கில்கிறிஸ்ட், டேமியன் ஃபிளெமிங், பிரெட் லீ ஆகியோர் சிறப்பாக விளையாட முதல் இன்னிங்சில் 405 ரன்கள் எடுத்திருந்தது ஆஸி. இந்திய அணி தரப்பில் டெண்டுல்கர் மட்டும் சதமடித்தார்(116).
238 ரன்களுக்கு முதல் இன்னிங்சை இழந்தது இந்தியா. கில்கிறிஸ்ட், மார்க் வாஹ் அதிரடி அரை சதத்துடன் 208/5 எனும் நிலையில் டிக்ளேர் செய்தது. இரண்டாவது இன்னிங்சிலும் டெண்டுல்கர் மட்டும் போராடி அரை சதம்(52) அடித்தார். ஆஸ்திரேலியா 180 ரன்கள் வித்தியாசத்தில் வென்றது.

[johnypowas]

2003
கங்குலி தலைமையில் களமிறங்கிய இந்திய அணி அடிலெய்டில் நடந்த முதல் டெஸ்ட் போட்டியில் நான்கு விக்கெட் வித்தியாசத்தில் வென்ற தெம்புடன் மெல்பர்னில் காலடி வைத்தது.
மெல்பர்னில் முதலில் இந்திய அணி பேட்டிங் செய்தது. பாக்சிங் டே அன்று ஆஸ்திரேலிய ரசிகர்களை கலங்கடித்தார் சேவாக். முதல் இன்னிங்சில் சேவாக் அடித்த ரன்கள் 195. ஆனால் இந்தியா 366 ரன்களே எடுத்தது.
பதிலடியாக முதல் இன்னிங்சில் ஆஸ்திரேலிய அணி வீரர்கள் ஹெய்டன் சதம்(136), ரிக்கி பாண்டிங் இரட்டை சதம் (257) கண்டனர். இரண்டாவது இன்னிங்சில் டிராவிடின் 92 ரன்கள் லக்ஷ்மணின் 73 ரன்கள் உதவியுடன் இந்தியா 286 ரன்கள் எடுத்தது. ஆனால் ஒன்பது விக்கெட் வித்தியாசத்தில் கங்குலி அணியை தோற்கடித்தது ஸ்டீவ் வாக் அணி.

[johnypowas]

2007
கும்ப்ளே தலைமையிலான இந்திய அணிக்கு இம்முறை ஆஸ்திரேலியச் சுற்றுப்பயணத்தின் முதல் டெஸ்ட் போட்டியே பாக்சிங் டே டெஸ்டாக அமைந்தது
முதல் இன்னிங்சில் ஆஸ்திரேலிய பேட்ஸ்மேன் ஹெய்டன் சதமடித்தார். கும்ப்ளே ஐந்து விக்கெட்டுகளை வீழ்த்தினார்.
இந்திய அணி தரப்பில் டெண்டுல்கர் மட்டும் அரை சதமடித்தார்.
இரண்டு இன்னிங்ஸ்களிலும் இந்தியா இருநூறு ரன்கள் கூட அடிக்கவில்லை. ஆஸ்திரேலியா 337 ரன்கள் வித்தியாசத்தில் மெகா வெற்றி பெற்றது

[johnypowas]

2011
முதல் இன்னிங்சில் 333 ரன்கள் எடுத்தது ஆஸி. இந்திய அணி தரப்பில் முதல் இன்னிங்சில் சச்சின் டெண்டுல்கர் அதிகபட்சமாக 73 ரன்கள் அடித்தார். டிராவிட் 68, சேவாக் 67 ரன்கள் எடுத்தனர்.
ஆஸ்திரேலிய மண்ணில் தான் விளையாடிய முதல் டெஸ்ட் போட்டியில் விராட் கோலி 11 ரன்கள் எடுத்தார்.
இரண்டாவது இன்னிங்சில் உமேஷ் யாதவின் அனல் பறக்கும் பந்துவீச்சில் 27 ரன்களுக்கு 4 விக்கெட்டுகள் இழந்தது ஆஸி. ஆனால் பாண்டிங்கின் 60 ரன்கள் மற்றும் மைக் ஹஸ்ஸியின் 89 ரன்கள் உதவியுடன் ஆஸி 240 ரன்கள் குவித்தது.
இரண்டாவது இன்னிங்சில் சச்சின் தான் அதிகபட்சமாக 32 ரன்கள் குவித்தார். அவருக்கு அடுத்தபடியாக அஷ்வின் 30 ரன்கள் எடுத்தார். விராட் கோலி டக் அவுட் ஆனார். இந்தியா 169 ரன்களுக்கு ஆல் அவுட் ஆனது.
தோனியின் அணி 122 ரன்கள் வித்தியாசத்தில் தோற்றது.

[johnypowas]

2014
அடிலெய்டில் 48 ரன்கள் வித்தியாசத்தில் தோல்வி, பிரிஸ்பேனில் 4 விக்கெட்டுகள் வித்தியாசத்தில் தோல்வி. மெல்பர்னில் வென்றே ஆக வேண்டிய கட்டாயத்தில் பாக்சிங் டே டெஸ்டில் களமிறங்கியது தோனி தலைமையிலான இந்திய அணி.
ஆஸ்திரேலிய அணி வீரர்கள் இந்திய பந்துவீச்சை எளிதாக எதிர்கொண்டனர். ஐந்து வீரர்கள் அரை சதம் கடந்தார்கள். அதில் ஆஸ்திரேலிய அணியின் பந்துவீச்சாளர் ர்யான் ஹாரிஸும் ஒருவர்.
ஸ்டீவ் ஸ்மித் 192 ரன்கள் குவித்தார்.
இந்திய அணித் தரப்பில் விராட் கோலி (169) மற்றும் அஜின்கிய ரஹானே (147) ரன்கள் விளாசினர். இதனால் இந்தியாவும் முதல் இன்னிங்சில் 465 ரன்கள் குவித்தது.
ஆஸ்திரேலியாவின் இரண்டாவது இன்னிங்சில் ஷான் மார்ஷ் 99 ரன்கள் எடுத்திருந்தபோது ரன் அவுட் ஆக்கினார் கோலி. ஆஸி 318 ரன்கள் எடுத்து டிக்ளேர் செய்தது. இந்தியா 66 ஓவர்களில் ஆறு விக்கெட் இழப்புக்கு 174 ரன்கள் எடுத்திருந்த நிலையில் போட்டி டிரா ஆனது.
தோனி இந்த டெஸ்ட் போட்டியின் முடிவில்தான் ஓய்வு பெற்றார்

[johnypowas]

பாக்சிங் டே டெஸ்ட் கிரிக்கெட்டில் ஆஸ்திரேலிய அணியின் கையே ஓங்கியிருப்பது இப்புள்ளிவிவரங்களின்படி தெளிவு.
1990களில் இருந்து கடைசி 28 வருடங்களில் ஆஸ்திரேலியா 4 முறை மட்டுமே பாக்சிங் டே டெஸ்டில் தோல்வியைச் சந்தித்திருக்கிறது. இங்கிலாந்து அணியிடம் இரண்டு முறையும், 96-ல் வெஸ்ட் இண்டீஸ் அணியிடமும், 2008-ல் தென்னாப்ரிக்காவிடமும் தோற்றுள்ளது.
கடைசி 20 வருடங்களில் இரண்டு பாக்சிங் டே டெஸ்ட் போட்டிகளை மட்டுமே ஆஸ்திரேலியா டிரா செய்திருக்கிறது.
1982-ல் இங்கிலாந்து மூன்று ரன்கள் வித்தியாசத்தில் ஆஸ்திரேலியாவை பாக்சிங் டே டெஸ்டில் தோற்கடித்தது. மற்றொரு முறை 1998-ல் 12 ரன்கள் வித்தியாசத்தில் ஆஸ்திரேலியாவை வென்றது.

[johnypowas]

ஆஸ்திரேலியா பொதுவாக 100 அல்லது அதற்கு மேற்பட்ட ரன்கள் வித்தியாசத்தில் அல்லது இன்னிங்ஸ் வெற்றி அல்லது ஐந்துக்கும் அதிகமான விக்கெட்டுகள் வித்தியாசத்தில் மெல்பர்னில் நடக்கும் பாக்சிங் டே டெஸ்ட் போட்டிகளை வென்றுள்ளது.
ஆக, ஆஸ்திரேலிய அணியை மெல்பர்ன் மண்ணில் வெல்வது இந்தியாவுக்கு எளிதான காரியமாக இருக்கப்போவதில்லை.
ஆனால் இந்தியா வெற்றி பெறுவதற்கான வாய்ப்புகளும் இல்லாமலில்லை என்கிறார் முன்னாள் இந்திய கிரிக்கெட் வீரர் சடகோபன் ரமேஷ்.
இந்தியாவின் வெற்றி வாய்ப்புகள் குறித்து பிபிசி தமிழின் விவேக் ஆனந்திடம் சடகோபன் ரமேஷ் உரையாடினார்.
''முன்பு ஆஸ்திரேலிய மண்ணில் இந்திய பௌலர்கள் விக்கெட்டுகள் எடுக்க சிரமப்படுவார்கள். இப்போது அத்தகைய நிலை இல்லை. இந்திய பௌலர்களை எதிர்கொண்டு நானூறு ரன்களுக்கு மேல் குவிப்பது தற்போது மிக எளிதான காரியமல்ல. பௌலர்கள் சிறப்பாகச் செய்லபடும்போது பேட்டிங்கும் இந்தியாவுக்கு கை கொடுத்தால் மெல்பர்னிலும் கோலியால் வெற்றிக்கொடி நாட்ட முடியும்'' என்கிறா

[johnypowas]

மெல்பர்ன் மைதானம் குறித்து பேசிய சடகோபன் '' மெல்பர்ன் மைதானத்தில் பந்து நன்றாக எழும்பும். அதே சமயம் பெரிய மைதானமும் கூட. விக்கெட்டுக்கு வலதுபுறம் மற்றும் இடதுபுறம் பௌண்டரி எல்லைகள் மற்ற மைதானங்களை ஒப்பிடும்போது சற்று தொலைவாக இருக்கும். ஆனால் பேட்ஸ்மேனுக்கு நேர் எதிர்புற பௌண்டரி எல்லை மிகவும் தொலைவு என சொல்ல முடியாது. பேட்ஸ்மேன்கள் களத்தில் நிலைத்து நின்று ஆடினால் நிறைய ரன்கள் குவிக்க முடியும். அதே சமயம் அடிலெய்டு அளவுக்கு பேட்டிங்கிற்கு சாதகமான மைதானம் என நான் சொல்லமாட்டேன்'' என்றார்.
பெர்த்தில் நடந்த இரண்டாவது டெஸ்ட் போட்டியில் ஆஸ்திரேலிய பந்துவீச்சாளர் நாதன் லயன் எட்டு விக்கெட்டுகளை கைப்பற்றி ஆஸ்திரேலியாவின் வெற்றிக்கு காரணமாக இருந்தார். ஆனால் இந்திய அணி சுழற்பந்து வீச்சாளர்கள் இல்லாமல் களமிறங்கியது.
போட்டி முடிந்த பிறகு பேசிய விராட் கோலி, பெர்த் ஆடுகளத்தை பார்த்தபோது ஜடேஜா பற்றியே யோசிக்கவில்லை என்றார். தனது முடிவை சரி என்ற கோணத்தில் விராட் வாதிட்டாலும் சுழற்பந்து வீச்சாளரை அணியில் சேர்க்காதது சர்ச்சைக்குரிய ஒன்றாக பார்க்கப்பட்டது.

[johnypowas]

எப்பேர்ப்பட்ட ஆடுகளமாக இருந்தாலும் இந்தியா ஒரு சுழற்பந்து வீச்சாளருடனாவது களமிறங்க வேண்டும் என்பது சடகோபனின் வாதம்.

''ஒரு தரமான சுழற்பந்து வீச்சாளர் அணியில் இருப்பது அவசியம். அஸ்வின் போன்ற பந்து வீச்சாளர்கள் மிகவும் தரமான பந்துவீச்சாளர்கள், சூழ்நிலைக்கேறார் போல பந்துவீசவும், நன்றாக பந்தை திருப்பும் திறனும் பெற்றவர்கள். ஆஸ்திரேலியா காலம் காலமாக சுழற்பந்து வீச்சை எதிர்கொள்வதில் தடுமாற்றத்தைச் சந்திக்கும் ஓர் அணி. அவர்களது பலவீனத்தை பயன்படுத்திக்கொள்ளாமல் இருப்பது நல்லதல்ல'' எனக்கூறும் ரமேஷ், சுழற்பந்துக்கு ஒரு ஆடுகளம் ஏற்றது என்பதால் இந்திய அணி வேகப்பந்து வீச்சாளர்களே இல்லாமல் நான்கைந்து சுழற்பந்து வீச்சாளர்களுடன் சொந்த மண்ணில் விளையாடுமா? எனக் கேள்வி எழுப்புகிறார்.
அஷ்வின் காயத்தால் பாதிக்கப்பட்டிருக்கும் சூழலில் இந்த டெஸ்ட் போட்டியில் உமேஷ் யாதவுக்கு பதிலாக ஜடேஜா சேர்த்துக்கொள்ளப்பட்டிருக்கிறார்.

இந்தியா தொடர்ச்சியாக டெஸ்ட் கிரிக்கெட்டில் சிறந்த தொடக்க வீரர்கள் கிடைக்காமல் அவதிப்படுகிறது. துவக்க ஆட்டக்காரராக களமிறங்க சிறப்பான இரண்டு பேட்ஸ்மேன்களை அடையாளம் காண முடியாமல் தவித்து வந்த நிலையில் தொடர்ந்து சொதப்பி வந்த முரளி விஜய், லோகேஷ் ராகுல் நீக்கப்பட்டு இளம் வீரர்கள் சேர்க்கப்பட்டிருக்கின்றனர்.

[johnypowas]

ஆஸ்திரேலியாவில் பாக்சிங் டே டெஸ்ட் கிரிக்கெட் போட்டியின்போது பெருமளவு ரசிகர்கள் மைதானத்துக்கு வருகை தருவார்கள். 2013-ம் ஆண்டு இங்கிலாந்து - ஆஸ்திரேலியா இடையேயான டெஸ்ட் போட்டியில் சுமார் 90 ஆயிரத்துக்கும் அதிகமான ரசிகர்கள் வருகை தந்தனர்.

கடந்த முறை இந்திய பாக்சிங் டே டெஸ்ட் போட்டியில் விளையாடியபோது சுமார் 69 ஆயிரம் ரசிகர்கள் மைதானத்துக்கு வந்தனர். கடந்த ஆண்டு இங்கிலாந்துக்கு எதிரான ஆஷஸ் தொடரில் பாக்சிங் டே டெஸ்ட் போட்டியில் சுமார் 88 ஆயிரம் ரசிகர்கள் மெல்பர்ன் மைதானத்தில் குவிந்தனர்.கடந்த வருடம் நடந்த இங்கிலாந்துக்கு எதிரான பாக்சிங் டே டெஸ்ட் போட்டி டிராவில் முடிந்தது.

இந்தியா மெல்பர்னில் சிறப்பாக விளையாடலாம். ஆனால் ஆடுகள சாதக பாதகங்கள், வானிலை அம்சங்கள் ஆகியவற்றோடு மெல்பர்னில் இந்தியாவுக்கு இன்னொரு சவாலும் உண்டு.
மெல்பர்னில் ரசிகர்களின் பலத்த ஆதரவோடு களமிறங்குவதால் ஆஸ்திரேலிய அணியினருக்கு கிடைக்கும் உற்சாகத்தால் ஏற்படும் உத்வேகத்தையும் இந்தியா சமாளிக்க வேண்டியதிருக்கும்.

[johnypowas]

13 வயது தங்கையை கர்ப்பமாக்கிய 17 வயது அண்ணனுக்கு வலைவீச்சு


கோவை செல்வபுரம் பகுதியை சேர்ந்த 13 வயது சிறுமி அரசு பள்ளியில் 9-ம் வகுப்பு படித்து வருகிறார். கடந்த சில நாட்களாக சிறுமியின் வயிறு பெரிதாக காணப்பட்டதோடு அடிக்கடி உடல்நலக்குறைவும் ஏற்பட்டதாக கூறப்படுகிறது.
இதனால் சிறுமியை அரசு ஆஸ்பத்திரியில் சேர்த்தனர். பரிசோதனையில் சிறுமி கர்ப்பமாக இருப்பது தெரியவந்தது. இதையறிந்த சிறுமியின் பெற்றோர் அதிர்ச்சியடைந்தனர். 



இதுகுறித்த தகவலின் பேரில் செல்வபுரம் மற்றும் மாநகர மேற்கு பிரிவு அனைத்து மகளிர் போலீசார் விசாரணை நடத்தி வந்தனர். விசாரணையில் வீட்டில் சிறுமி தனியாக இருந்தபோது, ஆசைவார்த்தை கூறி, அவரது  அண்ணன் பாலியல் வன்கொடுமை செய்ததால், தங்கை கர்ப்பமானதாக தெரிய வந்து உள்ளது .


அவரது பெற்றோர் போலீஸில் புகார் அளித்ததை அடுத்து, தலைமறைவான சிறுவனை போலீஸார் தேடி வருகின்றனர்

[johnypowas]

மெல்போர்ன் டெஸ்ட்: முதல் நாளில்

 இந்தியா- ஆஸ்திரேலியா இடையிலான 3-வது டெஸ்ட் போட்டி உலகின் மிகப்பெரிய கிரிக்கெட் ஸ்டேடியமான மெல்போர்னில் இன்று துவங்கியது. இந்தப்போட்டியில் டாஸ் வென்ற இந்திய அணியின் கேப்டன் விராட் கோலி முதலில் பேட்டிங்கை  தேர்வு செய்தார். 



இதன்படி முதலில், பேட்டிங்கை துவக்கிய இந்திய அணியின் துவக்க வீரர்களாக ஹனுமா விஹாரியும், மயங்க் அகர்வாலும் களம் இறங்கினார். 8 ரன்கள் மட்டுமே எடுத்த ஹனுமா விஹாரி பட் கம்மின்ஸ் பந்தில் ஆட்டம் இழந்தார். மற்றொரு துவக்க வீரர் மயங்க் அகர்வால் சிறப்பான ஆட்டத்தை வெளிப்படுத்தினார். 3-வது வீரராக களம் இறங்கிய புஜாரா, துவக்க வீரர் மயங்க் அகர்வாலுடன் இணைந்து நிதானமாகவும் அதேசமயம் பொறுப்புடனும் விளையாடினார். இதற்கு மத்தியில் சிறப்பாக விளையாடி வந்த மயங்க் அகர்வால் 76 ரன்களில் பட் கம்மின்ஸ் பந்தில் ஆட்டம் இழந்து  வெளியேறினார். 


இதையடுத்து, கேப்டன் விராட் கோலி களம் இறங்கினார். புஜாரா- விராட் கோலி ஜோடி கவனமாக விளையாண்டு மேற்கொண்டு விக்கெட்டுகள் விழாமல் பார்த்துக்கொண்டனர். முதல் நாளில் சிறப்பாக விளையாடிய இந்திய அணி ஆட்டநேர முடிவில், 89 ஓவர்கள் முடிவில் 2 விக்கெட் இழப்புக்கு 215 ரன்கள் சேர்த்துள்ளது. புஜாரா 68 ரன்களுடனும் விராட் கோலி 47 ரன்களுடனும் களத்தில் உள்ளனர். 

[johnypowas]

India vs Australia: புஜாரா அசத்தல் சதம்: வலுவான நிலையை நோக்கி இந்திய அணி!


மெல்போர்ன்: ஆஸ்திரேலிய அணிக்கு எதிரான மெல்போர்ன் டெஸ்டில், புஜாரா சதம் அடித்து அசத்த, இந்திய அணி வலுவான நிலையை நோக்கி முன்னேறி வருகிறது. 

[johnypowas]

புஜாரா சதம்: 

இன்றைய இரண்டாவது நாள் ஆட்டத்தில் முதல் இன்னிங்சை தொடர்ந்த இந்திய அணிக்கு, புஜாரா, டெஸ்ட் அரங்கில் தனது 17வது சதத்தை பூர்த்த் செய்தார். மறுமுனையில் இவருக்கு நல்ல கம்பெனி கொடுத்த கேப்டன் விராட் கோலி (82) ஸ்டார்க் வேகத்தில் வெளியேறினார்.தொடர்ந்து கம்மின்ஸ் வேகத்தில் புஜாராவும் (106) அவுட்டானார். அடுத்துவந்த ரகானே, ரோகித் சர்மா ஆகியோர் நிதானமான ஆட்டத்தை வெளிப்படுத்தினர். இதையடுத்து இரண்டாவது நாள் தேநீர் இடைவேளையின் போது, இந்திய அணி, முதல் இன்னிங்சில் 4 விக்கெட்டுக்கு 346 ரன்கள் எடுத்துள்ளது. ரோகித் (13) , ரகானே (30) அவுட்டாகாமல் உள்ளனர். 
Peter Handscomb: ஆஸ்திரேலியா வீரருக்கு எதிராக அந்நாட்டு ரசிகர்கள் கோஷம் 
இந்த போட்டியில், ஆஸ்திரேலியாவின் எதிரனியாக இருக்கும் விராட் கோலிபேட்டிங் செய்ய வரும் போது கூட ஆஸ்திரேலியா கிரிக்கெட் ரசிகர்கள் விராட் கோலிக்கு ஆதரவு தெரிவித்தனர். 


 விக்டோரியாவை சேர்ந்த ஹெண்ட்ஸ்காம்பிற்குப் பதிலாக மிட்செல் மார்ஷ் இடம்பிடித்ததை விரும்பாத பல ஆஸ்திரேலியா ரசிகர்கள், ஒவ்வொரு முறை மிட்செல் மார்ஷ் பந்து வீச வரும் போதெல்லாம், ரசிகர்கள் கோஷம் எழுப்பி எதிர்ப்பை தெரிவித்தனர். 

[johnypowas]

கொட்டில்பாடு சுனாமி நினைவிடத்தில் மலர்தூவி அஞ்சலி இறந்தவர்களின் உறவினர்கள் கண்ணீர் விட்டு கதறல்


குளச்சல்,


கடந்த 2004-ம் ஆண்டு டிசம்பர் மாதம் 26-ந் தேதி இந்தோனேசியா கடற்பகுதியில் பூமிக்கு அடியில் ஏற்பட்ட நிலநடுக்கத்தால் சுனாமி என்னும் ஆழிப்பேரலை உருவானது. இந்த ஆழிப்பேரலை தமிழகத்தின் கடற்கரை பகுதிகளை பயங்கரமாக தாக்கியது. ஆயிரக்கணக்கான மீனவர்கள் உயிரிழந்தனர்.

குமரி மாவட்ட கடற்கரை கிராமங்களை சேர்ந்தவர்களும் பேரலையின் ஆவேச பசிக்கு இரையானார்கள். இதில் கொட்டில்பாடு மீனவ கிராமத்தில் மட்டும் 199 பேர் பலியானார்கள். இவர்கள் அனைவரும் ஒரே இடத்தில் அடக்கம் செய்யப்பட்டனர். அதன் நினைவாக கொட்டில்பாடு புனித அலெக்ஸ் ஆலயம் முன் சுனாமி நினைவு ஸ்தூபி அமைக்கப்பட்டுள்ளது.

சுனாமி தாக்கிய 14-ம் ஆண்டு நினைவு தினம் நேற்று அனுசரிக்கப்பட்டது. இதையொட்டி இறந்தவர்கள் நினைவாக நேற்று காலை 8.30 மணிக்கு கொட்டில்பாடில் உள்ள சுனாமி காலனியில் இருந்து பங்குதந்தை சகாய செல்வன் தலைமையில் ஆண்கள், பெண்கள், சிறுவர், சிறுமிகள் என அனைவரும் மவுன ஊர்வலம் புறப்பட்டது.

ஊர்வலத்தின் போது அனைவரும் கைகளில் மெழுகுவர்த்தி ஏந்தியபடி சென்றனர். சுனாமியில் பலியான 199 பேரும் அடக்கம் செய்யப்பட்ட இடத்துக்கு ஊர்வலம் சென்று நிறைவடைந்தது. அங்கு அனைவரும் பிரார்த்தனையில் ஈடுபட்டனர்.

அதைத் தொடர்ந்து அங்கிருந்து மீண்டும் புறப்பட்டு கொட்டில்பாடில் உள்ள சுனாமி நினைவு ஸ்தூபிக்கு வந்து மலர்தூவி அஞ்சலி செலுத்தினர்.

அப்போது, அங்கு கூடியிருந்த இறந்தவர்களின் உறவினர்கள் மெழுகுவர்த்தியை ஏற்றி கண்ணீர் விட்டு கதறி அழுதனர். பின்னர் ஆலயத்தில் இறந்தவர்கள் நினைவாக சிறப்பு திருப்பலி நடந்தது. இதில் கொட்டில்பாடு மீனவ கிராமத்தை சேர்ந்த இறந்தவர்களின் உறவினர்கள், மீனவர்கள் என ஏராளமானோர் கலந்து கொண்டனர்.

414 பேர் நினைவாக காணிக்கை மாதா ஆலயம் முன் அமைக்கப்பட்டுள்ள ஸ்தூபியில் நேற்று மதியம் த.மா.கா. மாவட்ட தலைவர் பினுலால்சிங் தலைமையில் கட்சியினர் மெழுகுவர்த்தி ஏற்றி அஞ்சலி செலுத்தினர்.

இதில் மாவட்ட பொதுச்செயலாளர் தனீஷ்தன், செயலாளர் அருள்தாஸ், ஜார்ஜ், சகாய பேபி, கனகராஜ், ஆரோக்கிய தாஸ், பரமானந்ததாஸ், ஆன்டணி அலெக்ஸ் உள்பட பலர் கலந்து கொண்டனர்.

[johnypowas]

மெல்போர்ன் டெஸ்ட்: 2 ஆம் நாள் ஆட்டம் முடிந்தது, ஆஸ்திரேலியா விக்கெட் இழப்பின்றி 8 ரன்கள் சேர்ப்பு


மெல்போர்ன் , 


ஆஸ்திரேலியாவுக்கு எதிரான 3-வது டெஸ்ட் கிரிக்கெட் போட்டி மெல்போர்ன் மைதானத்தில் நேற்று துவங்கியது. இப்போட்டியில் டாஸ் வென்ற இந்திய அணி முதலில் பேட்டிங்கை தேர்வு செய்தது.  புஜாராவின் சதம் (106 ரன்கள்) விராட் கோலியின் அரைசதம் (82 ரன்கள்), அறிமுக வீரர் மயங்க் அகர்வாலின் சிறப்பான துவக்கம் (76 ரன்கள்) ஆகியவற்றால் இந்திய அணி முதல் இன்னிங்சில் வலுவான நிலையை எட்டியது. 169.4 ஓவர்கள் விளையாடிய இந்திய அணி 7 விக்கெட் இழப்புக்கு 443 ரன்கள் சேர்த்து இருந்த போது டிக்ளேர் செய்தது. ரோகித் சர்மா 63 ரன்களுடன் ஆட்டமிழக்காமல் களத்தில் இருந்தார். 


இதையடுத்து, தனது முதல் இன்னிங்சை துவங்கிய ஆஸ்திரேலிய அணி, 2-ஆம் நாள் ஆட்டநேர முடிவில் விக்கெட் இழப்பின்றி 8 ரன்கள் சேர்த்துள்ளது. இந்திய அணியை விட ஆஸ்திரேலிய அணி முதல் இன்னிங்சில் இன்னும் 435 ரன்கள் பின் தங்கியுள்ளது. ஆட்டத்தின் தற்போதைய சூழலில் இந்திய அணி வலுவான நிலையில் உள்ளது

[johnypowas]

“இந்த பிட்ச் ரொம்ப மோசம்” - 319 பந்துகளை சந்தித்த புஜாரா பளீச்

[johnypowas]

அமேசான், பிளிப்கார்ட்டிற்கு மத்திய அரசு செக்: இனி தள்ளுபடியே கிடைக்காதா?



அமேசான், பிளிப்கார்ட் போன்ற இணையதள வணிக நிறுவனங்களின் கவர்ந்தெழுக்கும் வணிக முறையை தடை செய்யும் வகையில் பல கட்டுப்பாடுகளை விதித்து இந்திய அரசு உத்தரவிட்டுள்ளது.

மத்திய வர்த்தகத்துறை அமைச்சகம் நேற்று (புதன்கிழமை) வெளியிட்டுள்ள அறிக்கையின்படி, இணையதள வர்த்தக நிறுவனங்கள், அதாவது அமேசான், பிளிப்கார்ட் போன்ற நிறுவனங்கள் தாங்களோ அல்லது தங்களது துணை நிறுவனங்களோ பங்கு வைத்துள்ள விற்பனையாளர்களிடமிருந்து பொருட்களை விற்பனை செய்ய முடியாத நிலை ஏற்படும்.

அதுமட்டுமின்றி, அமேசான், பிளிப்கார்ட் போன்ற இணையதள வணிக நிறுவனங்கள் குறிப்பிட்ட விற்பனையாளர்களிடம் வாங்கும் பொருட்களுக்கு மட்டும் பாரபட்சத்துடன் கேஷ்-பேக் அளிக்க முடியாது.

ஒன் பிளஸ், எம்ஐ, ஹானர் உள்ளிட்ட பல்வேறு நிறுவனங்களுடன் இணையதள வணிக நிறுவனங்கள் ஒப்பந்தம் செய்துகொண்டு பிரத்யேகமாக நடத்தும் விற்பனைகளை மேற்கொள்வதையும் இந்த உத்தரவு தடை செய்கிறது. மேற்குறிப்பிட்டுள்ள அனைத்து கட்டுப்பாடுகளும் வரும் 2019ஆம் ஆண்டு பிப்ரவரி மாதம் 1ஆம் தேதியிலிருந்து நடைமுறைக்கு வரும் என்று மத்திய வர்த்தக அமைச்சகத்தின் திருத்தப்பட்ட அந்நிய நேரடி முதலீட்டு விதிமுறையில் குறிப்பிடப்பட்டுள்ளது.
மத்திய அரசின் இந்த அறிவிப்பு ஆன்லைனில் பொருட்களை வாங்குவதில் மக்களுக்கு சிரமத்தை ஏற்படுத்துமா? இந்த உத்தரவுக்கு முக்கிய காரணமாக கருதப்படும் சில்லறை வர்த்தகர்களின் வாழ்க்கை தரத்தை உயர்த்துமா? என்று அலசுகிறது இந்த கட்டுரை.

[johnypowas]

எப்படி செயல்படுகிறது இணையதள வர்த்தக நிறுவனங்கள்?

உலகளவில் பார்க்கும்போது இணையதள வணிக நிறுவனங்கள் இரண்டு வகைகளாக பிரிக்கப்படுகின்றன. முதலாவது வகையை பொறுத்தவரை, குறிப்பிட்ட இணையதளத்தை நடத்தும் நிறுவனம் தான் உற்பத்தி செய்யும் பொருளை வாடிக்கையாளர்களுக்கு நேரடியாக விற்பனை செய்யும். உதாரணமாக, சீனாவை தலைமையிடமாக கொண்டு செயல்படும் அலிபாபா நிறுவனம், தான் உற்பத்தி செய்யும் பொருட்களை தனது பெயரில், தனது இணையதளத்தில் விற்பனை செய்கிறது. இந்தியாவில் இந்த முறையில் அந்நிய நேரடி முதலீடு செய்வதற்கு அனுமதியில்லை.
இரண்டாவது வகையில், பொருட்களை உற்பத்தி செய்யும் ஒரு குறிப்பிட்ட நிறுவனத்தின் தயாரிப்பை, வாடிக்கையாளர்களிடம் கொண்டுசேர்க்கும் பணியை மட்டும் இணையதள வர்த்தக நிறுவனங்கள் செய்கின்றன. இந்த வகை வர்த்தகத்தில் 100 சதவீதம் அந்நிய நேரடி முதலீட்டுக்கு இந்தியாவில் அனுமதி உள்ளது குறிப்பிடத்தக்கது.