Login

peter 197 · 28-02-2019, 09:31 AM

பாமகவுக்கு இணையாக 7 தொகுதிகளை பெறுவதில் தேமுதிக உறுதி- அதிமுக, பாஜக கடும் அதிருப்தி
[Image: vijayakanth1jpg]

விஜயகாந்த்: கோப்புப்படம்

அதிமுக தலைமையிலான கூட்டணியில் பாமகவுக்கு 7, பாஜகவுக்கு 5, என்.ஆர்.காங்கிரஸுக்கு1 என 13 தொகுதிகள் ஒதுக்கப்பட்டுள்ளன. அதிமுகவுடன் கூட்டணி பேசுவதற்கு முன்பே தேமுதிவுடன் பாஜக பேசி வந்தது. தேமுதிகவை கூட்டணியில் சேர்க்க வேண்டும் என முதல்வர் பழனிசாமி, துணை முதல்வர் ஓபிஎஸ்ஸுடம் பாஜக தலைவர்கள் வலியுறுத்தினர். இதனால் தேமுதிகவுக்கு 4 தொகுதிகள் வரை தர அதிமுக முன்வந்தது.
ஆனால், இதனை ஏற்க மறுத்த தேமுதிக, வடக்கு மற்றும் மேற்கு மாவட்டங்களில் மட்டும் உள்ள பாமகவுக்கு 7 தொகுதிகள், 1 மாநிலங்களவை இடம் தரும்போது தமிழகம் முழுவதும் அனைத்துத் தொகுதிகளிலும் வாக்கு வங்கி உள்ள தேமுதிகவுக்கும் 7 தொகுதிகள், 1 மாநிலங்களவை இடம் வேண்டும் என கேட்டுள்ளது. ஆனால், 4 தொகுதிகளுக்கு மேல் தர வாய்ப்பில்லை என அதிமுக மறுத்துவிட்டது.
இந்தச் சூழலில் திமுக தலைவர் மு.க.ஸ்டாலின், தமிழக காங்கிரஸ் முன்னாள் தலைவர் சு.திருநாவுக்கரசர் ஆகியோர் விஜயகாந்தை சந்தித்துப் பேசினர். இதனால் திமுக கூட்டணியில் தேமுதிக இணையும் எனக் கூறப்பட்டது. திமுக, காங்கிரஸ் தரப்பில் தேமுதிக பொருளாளர் பிரேமலதா விஜயகாந்த், துணைச் செயலாளர் எல்.கே.சுதீஷ் ஆகியோருடன் தொடர்ந்து பேசி வருகின்றனர். தேமுதிகவுக்காக ஒரு தொகுதியை விட்டுத்தர காங்கிரஸ் தயாராக இருந்தது. அதிக கூட்டணி கட்சிகள் இருப்பதால் தேமுதிகவுக்கு 4 தொகுதிகளுக்கு மேல் தர வாய்ப்பில்லை என திமுக தரப்பில் கூறப்பட்டுள்ளது.
அதிமுக தரப்பில் அமைச்சர்கள் பி.தங்கமணி, எஸ்.பி.வேலுமணி, பாஜக தரப்பில் மத்திய அமைச்சர் பியூஷ் கோயல், தமிழக பாஜக தலைவர் தமிழிசை சவுந்தரராஜன் ஆகியோர் பிரேமலதா, சுதீஷ் ஆகியோருடன் தொடர்ந்து பேசி வருவதாகக் கூறப்படுகிறது. பாஜகவின் வற்புறுத்தலால் தேமுதிகவுக்கு 5 தொகுதிகளை தர அதிமுகமுன்வந்துள்ளது. ஆனால், பாமகவுக்கு இணையாக 7 தொகுதிகள் வேண்டும் என்பதில் உறுதியாக இருப்பதால் அதிமுக, பாஜக தலைவர்கள் தேமுதிக மீது கடும் அதிருப்தி அடைந்துள்ளனர்.
தேமுதிகவுடன் கூட்டணி பேச்சு எந்த அளவில் உள்ளது என திமுக நிர்வாகி ஒருவரிடம் கேட்டபோது, ''அதிமுக கூட்டணியில் பாமக இணையும் வரை திமுகவின் கூட்டணி பட்டியலில் தேமுதிக இல்லை. பாமகவை கொண்டு வரும் முயற்சி தோற்றதால் திமுகவில் ஒரு தரப்பினரும் காங்கிரஸ் கட்சியும் தேமுதிகவை கொண்டுவர வேண்டும் என வலியுறுத்தின. காங்கிரஸ் ஒரு தொகுதியை விட்டுக் கொடுக்க முன்வந்ததால் தேமுதிகவுக்கு 4 தொகுதிகள் வரைதர முன்வந்தோம். ஆனால், தேமுதிக முதலில் 7 தொகுதிகளையும் பிறகு 6 தொகுதிகளையும் கேட்டதால் எந்த முடிவும் ஏற்படவில்லை'' என்றார்.
தேமுதிகவை கூட்டணியில் சேர்க்க வேண்டும் என்ற எண்ணம் அதிமுகவுக்கும் இல்லை. திமுகவுக்கும் இல்லை. எதிரணியில் தேமுதிக இணைந்தால் அந்த அணி பலம் பெற்று விடுமோ என்றகவலைதான் இரு கட்சிகளுக்கும். அதனால், இரு கட்சிகளும் தேமுதிகவிடம் விடாமல் பேசி வருகின்றன என்று அதிமுக, திமுகவில் பலர் வெளிப்படையாகவே பேசி வருகின்றனர். தேமுதிகவின் முடிவு தெரியாததால் கூட்டணி கட்சிகளுக்கு தொகுதிப் பங்கீட்டை முடிக்க முடியாமல் அதிமுக, திமுக இரு கட்சிகளும் தாமதித்து வருகின்றன

johnypowas · 28-02-2019, 05:43 PM

ஓபிஎஸ் - இபிஎஸ் தரப்புக்கு இரட்டை இலை: டெல்லி உயர்நீதிமன்றம் தீர்ப்பு
[Image: _105836683_gettyimages-885947112.jpg]

படத்தின் காப்புரிமைARUN SANKAR
அதிமுகவில் முதல்வர் எடப்பாடி பழனிசாமி-துணை முதல்வர் ஓ.பன்னீர்செல்வம் தரப்புக்கு இரட்டை இலை சின்னத்தை ஒதுக்கிய தேர்தல் ஆணையத்தின் முடிவை டெல்லி உயர்நீதிமன்றம் ஏற்றுக்கொண்டுள்ளது.
ஓபிஎஸ்-இபிஎஸ் அணிக்கு இரட்டை இலை சின்னத்தை ஒதுக்கியதை எதிர்த்து டி.டி.வி.தினகரன், மறைந்த முதல்வர் ஜெயலலிதாவின் தோழி வி.கே.சசிகலா ஆகியோர் தாக்கல் செய்த மனுவை டெல்லி உயர் நீதிமன்றம் நிராகரித்துள்ளது.
[Image: _105836687_gettyimages-635632302.jpg]

[Image: _105836687_gettyimages-635632302.jpg]

படத்தின் காப்புரிமைARUN SANKAR/AFP/GETTY IMAGES
டெல்லி உயர் நீதிமன்றத்தின் நீதிபதிகள் ஜிஎஸ் சிஸ்தானி மற்றும் சங்கீதா திந்த்ரா செகல் அடங்கிய அமர்வு இந்த தீர்ப்பை வழங்கியுள்ளது.
"உண்மையான அ.தி.மு.க. நாங்கள்தான் என்பது உறுதிப்படுத்தப்பட்டுள்ளது": முதலமைச்சர்
இந்தத் தீர்ப்பு குறித்து தமிழக முதலமைச்சரும் அ.தி.மு.கவின் இணை ஒருங்கிணைப்பாளருமான எடப்பாடி கே. பழனிச்சாமி மகிழ்ச்சி தெரிவித்திருக்கிறார்.
செய்தியாளர்களிடம் பேசிய அவர், "உண்மையான அண்ணா தி.மு.க. நாங்கள்தான் என்பது உறுதிசெய்யப்பட்டிருக்கிறது. பலர் இந்த இயக்கத்தை அழிக்கலாம் என்று நினைத்தார்கள். சிலர் அண்மையில் கட்சிக்கு வந்து இந்த இயக்கத்தைப் பிரித்துவிடலாமென்று கங்கணம் கட்டிக்கொண்டு, இடையூறு செய்தனர். அதற்கெல்லாம் நீதிமன்றத்தில் தீர்வு கிடைத்திருக்கிறது. இரட்டை இலை கிடைத்திருக்கிறது. இனி அ.தி.மு.க. வீறு நடை போடும்

johnypowas · 28-02-2019, 05:43 PM

[Image: _105837202_dcb0ff0e-5fe5-4f52-9651-24f79aa4db11.jpg]

படத்தின் காப்புரிமைAIADMK
சட்டரீதியாக அவர்களுக்கு இனி வாய்ப்பில்லையென கருதுகிறேன். எங்கு சென்றாலும் அவர்கள் அதே ஆதாரத்தை கொடுப்பார்கள், நாங்களும் அதே ஆதாரத்தை கொடுப்போம். இதே தீர்ப்புதான் கிடைக்கும்.
தி.மு.கவின் சதித் திட்டத்தால் டி.டி.வி. தினகரன் எங்களுக்கு இடையூறு கொடுக்க இந்த வழக்கு தொடரப்பட்டது. இப்போது நீதிமன்றத்தில் அனைத்து ஆதாரங்களும் எடுத்துவைக்கப்பட்டதால் உண்மையான அ.தி.மு.க. நாங்கள்தான் என இரட்டை இலையை வழங்கியிருக்கிறார்கள். " என்று கூறினார்.
டிடிவி தினகரன் இதுவரை கருத்து எதையும் வெளியிடவில்லை.
[Image: _105836685_gettyimages-653566614.jpg]

[Image: _105836685_gettyimages-653566614.jpg]

படத்தின் காப்புரிமைRAVI CHOUDHARY/HINDUSTAN TIMES VIA GETTY IMAGES
திராவிட முன்னேற்றக் கழகத்தின் சதித்திட்டத்தால், டி.டி.வி.தினகரன் இந்த வழக்கை தொடுத்தார். ஆனால், எதுவும் நடக்காமல் நாங்கள்தான் உண்மையாக அண்ணா திராவிட முன்னேற்ற கழகம் என்பதை இந்த தீர்ப்பு தெரிவிக்கிறது என்றும் அவர் கூறினார்.
இரட்டை இலை சின்னம் தொடர்பாக தொடுக்கப்பட்டிருந்த ஏழு வழக்குகளும் தள்ளுபடி செய்யப்பட்டுள்ளன

johnypowas · 01-03-2019, 09:30 AM

மதுரையில் இருந்து சென்னைக்கு அதிநவீன சொகுசு தேஜஸ் ரெயில் இன்று மதியம் இயக்கம்

மதுரையில் இருந்து சென்னைக்கு அதிநவீன சொகுசு தேஜஸ் ரெயில் இன்று மதியம் 2 மணிக்கு இயக்கப்பட உள்ளது. இதற்குரிய கட்டண விவரமும் அறிவிக்கப்பட்டுள்ளது. #TejasTrain

[Image: 201903010901248894_Tejas-special-train-C...SECVPF.gif]

[Image: 201903010901248894_Tejas-special-train-C...SECVPF.gif]

தேஜஸ் ரெயிலின் இருக்கைகளின் பின்புறம் எல்.இ.டி. திரை பொருத்தி இருப்பதையும் காணலாம்.

johnypowas · 01-03-2019, 09:31 AM

மதுரையில் இருந்து சென்னைக்கு முற்றிலும் குளிரூட்டப்பட்ட பெட்டிகளை கொண்ட அதிநவீன தேஜஸ் ரெயில் இன்று மதியம் இயக்கப்பட உள்ளது. இந்த ரெயிலை, அரசு நிகழ்ச்சியில் கலந்து கொள்ள கன்னியாகுமரி வருகை தரும் பிரதமர் நரேந்திரமோடி காணொலி காட்சி மூலம் மதியம் 2 மணிக்கு கொடியசைத்து தொடங்கி வைக்கிறார்.

இதற்காக மதுரை ரெயில் நிலையத்தின் 1-வது பிளாட்பாரத்தில் மேடை மற்றும் காணொலி திரை அமைக்கும் பணிகள் நடந்தன. இதற்கான பணிகளை மதுரை ரெயில் நிலையத்தின் இயக்குனர் வீரேந்திரகுமார் மற்றும் கோட்ட அதிகாரிகள் மேற்கொண்டு வருகின்றனர். பாதுகாப்பு ஏற்பாடுகளை ரெயில்வே பாதுகாப்பு படை கமிஷனர் முகைதீன் தலைமையிலான போலீசார் செய்து வருகின்றனர்.
[Image: 201903010901248894_1_tejas2._L_styvpf.jpg]

[Image: 201903010901248894_1_tejas2._L_styvpf.jpg]

தேஜஸ் ரெயிலுக்குள் பொருத்தப்பட்டுள்ள கண்காணிப்பு கேமரா.

தேஜஸ் ரெயிலின் ஒவ்வொரு பெட்டியிலும் கண்காணிப்பு கேமரா, தீயணைப்புக்கருவிகள், தீ தடுப்பு அலாரம், தானாக மூடித்திறக்கும் கதவுகள், சொகுசு இருக்கைகள், நவீன கழிப்பறைகள், இருக்கையில் எல்.இ.டி. திரை வசதி, காலை உணவு, இரவு உணவு, டீ, பிஸ்கெட் ஆகிய வசதிகள் உள்ளன.

இந்த ரெயில் மதுரையில் இருந்து சென்னை செல்லும் வழியில் கொடைரோடு மற்றும் திருச்சி ஆகிய ரெயில் நிலையங்களில் மட்டும் நின்று செல்லும். மதுரை கோட்ட டிக்கெட் பரிசோதகர்களுக்கு மதுரையில் இருந்து சென்னை வரை டிக்கெட் பரிசோதனை செய்யும் பணி ஒதுக்கப்பட்டுள்ளது. வழக்கமாக தினமும் மாலை 3 மணிக்கு தேஜஸ் ரெயில் இயக்கப்படும். ஆனால், இன்று ஒரு நாள் மட்டும் மதியம் 2 மணிக்கு புறப்படும். வியாழக்கிழமை தவிர பிறநாட்களில் தேஜஸ் ரெயில் இரு மார்க்கங்களிலும் இயக்கப்படுகிறது.

மதுரையில் இருந்து சென்னைக்கு ‘எக்சிகியூடிவ்’ வகுப்புக்கு ரூ.2,295, சேர்கார் இருக்கை வகுப்புக்கு ரூ.1,195 டிக்கெட் கட்டணமாக வசூலிக்கப்படும். மதுரையில் இருந்து திருச்சிக்கு முறையே ரூ.1,080 மற்றும் ரூ.535 கட்டணமாகவும், கொடைரோட்டுக்கு ரூ.650 மற்றும் ரூ.325 கட்டணமாகவும் வசூலிக்கப்படும்.

மறுமார்க்கத்தில் சென்னையில் இருந்து திருச்சிக்கு எக்சிகியூடிவ் வகுப்புக்கு ரூ.1,655 மற்றும் சேர்கார் இருக்கை வகுப்புக்கு ரூ.830 கட்டணமாகவும், கொடைரோட்டுக்கு ரூ.2 ஆயிரம் மற்றும் ரூ.980 கட்டணமாகவும், மதுரைக்கு ரூ.2,110 மற்றும் ரூ.1,035 கட்டணமாகவும் வசூலிக்கப்படும். இந்த கட்டணம் ஜி.எஸ்.டி. மற்றும் உணவுக்கும் சேர்த்து வசூலிக்கப்படுகிறது. உணவு வழங்க வேண்டாம் என்றால் மதுரையில் இருந்து புறப்படும் ரெயிலுக்கு ரூ.1,940 மற்றும் ரூ.895 கட்டணமாக வசூலிக்கப்படும் என அறிவிக்கப்பட்டுள்ளது. #TejasTrai

johnypowas · 01-03-2019, 05:19 PM

அபிநந்தன் ஒப்படைப்பு: எல்லா கண்களும் அட்டாரி எல்லையை நோக்கி - முழு விவரம் | LIVE
[Image: _105852780_gettyimages-1128217568.jpg]

படத்தின் காப்புரிமைNARINDER NANU
பாகிஸ்தான் வசமுள்ள இந்திய விமானி அபிநந்தன் இன்று இந்தியாவிடம் ஒப்படைக்கப்படுகிறார்.
5:00 PM: இந்திய எல்லையான அட்டாரியில் விங் கமாண்டர் அபிநந்தன் நுழைந்தவுடன் அவரது உடல்நிலையை பரிசோதிப்பதற்காக மருத்துவ வாகனங்கள் இந்தியாவின் எல்லைப்பகுதியை வந்தடைந்துள்ளதாக செய்திகள் தெரிவிக்கின்றன.
4:40 PM: பாகிஸ்தான் ராணுவ அதிகாரிகளின் வாகனங்கள் வாகா எல்லையை வந்தடைந்துள்ளன. இருப்பினும், அதில் இந்திய விமானப்படையின் விங் கமாண்டர் அபிநந்தன் உள்ளாரா என்று தெரியவில்லை.
[Image: _105852777_0181f6a1-c5ee-412e-9acd-3aee032faab3.jpg]

[Image: _105852777_0181f6a1-c5ee-412e-9acd-3aee032faab3.jpg]

4:20 PM: கராச்சி, இஸ்லாமாபாத் உள்ளிட்ட சில நகரங்களிலுள்ள விமான நிலையங்களை தவிர்த்து மற்றனைத்து பாகிஸ்தானின் வான் மார்கங்களிலும் வரும் மார்ச் 4ஆம் தேதி வரை விமானப் போக்குவரத்துக்கு தடை விதித்து அந்நாட்டு விமானப் போக்குவரத்து ஆணையம் உத்தரவிட்டுள்ளது.
[Image: _105851313_whatsappimage2019-03-01at10.57.07am.jpg]

[Image: _105851313_whatsappimage2019-03-01at10.57.07am.jpg]

4:15 PM: "இந்தியர்களை பெருமையடைய வைத்திருக்கும் துணிவுமிக்க இந்திய விமானப்படையின் விங் கமாண்டர் அபிநந்தனும், நாட்டின் முதல் பெண் பாதுகாப்புத்துறை அமைச்சரும் தமிழ்நாட்டை சேர்ந்தவர்கள் என்பதை எண்ணி பெருமையடைகிறேன்" என்று பிரதமர் நரேந்திர மோதி ட்விட்டரில் பதிவிட்டுள்ளார்

johnypowas · 01-03-2019, 05:19 PM

4:00 PM:இந்திய விமானப்படையின் விங் கமாண்டர் அபிநந்தனை வரவேற்க இந்தியாவின் எல்லைப்பகுதியான அட்டாரியில் காத்திருக்கும் மக்கள்.
[Image: _105852775_13d9983b-1521-40db-839c-a83fe7a512aa.jpg]

[Image: _105852775_13d9983b-1521-40db-839c-a83fe7a512aa.jpg]

[Image: _105852776_49d0d8bb-92d4-4bbf-b355-bb47807cdba0.jpg]

3.40 PM: இந்தியத் தரப்பில் வாகா-அட்டாரி எல்லையில் இருந்து அரை கி.மீ. முன்பாகவே நிறுத்தப்பட்டன ஊடகங்கள். தினமும் இந்த எல்லை வாயிலை மூடும் நிகழ்வையும் அணி வகுப்பையும் காண ஆயிரக்கணக்கான மக்கள் கூடுவர். இன்று அணி வகுப்பு ரத்து செய்யப்பட்டாலும் இந்திய விமானப்படையின் விங் கமாண்டர் அபிநந்தனை பாகிஸ்தான் விடுவிக்க உள்ள நிலையில் அங்கு மக்கள் ஆயிரக்கணக்கில் கூடியுள்ளனர்.
[Image: _105851935_24435800-3770-4501-952a-e0061a425f18.jpg]

[Image: _105851935_24435800-3770-4501-952a-e0061a425f18.jpg]

Image captionகொண்டாட்ட மன நிலையோடு அபிநந்தனை வரவேற்க காத்திருக்கும் ஓர் இந்தியர்.
3.25 PM:அட்டாரி - வாகா எல்லை வாயிலை மாலையில் மூடும்போது தினசரி இந்தியா - பாகிஸ்தான் இரு தரப்பிலும் அணிவகுப்பு நிகழ்ச்சி நடக்கும். இந்தியத் தரப்பில் எல்லைப் பாதுகாப்புப் படை நடத்தும் இந்த தினசரி நிகழ்வு இன்று ரத்து செய்யப்பட்டுள்ளது. அமிர்தசரஸ் துணை கமிஷனர் ஷிவ் கில்லார் சிங் இதனைத் தெரிவித்தார்.
[Image: _105851934_ae6e43f9-c8da-4572-951c-4170fe7f257e.jpg]

[Image: _105851934_ae6e43f9-c8da-4572-951c-4170fe7f257e.jpg]

3.10 PM: அபிநந்தனை விடுவிக்கக் கூடாது என்று கோரி தாக்கல் செய்த மனுவை பாகிஸ்தான் தலைநகர் இஸ்லாமாபாத்தில் உள்ள உயர் நீதிமன்றம் ரத்து செய்தது

johnypowas · 01-03-2019, 05:20 PM

1:08 PM - வாகா - அட்டாரி எல்லைக்குச் செல்லும் ஊடகவியலாளர்கள் தங்களது கேமராக்களை வாகனங்களிலேயே வைத்துவிட்டுச் செல்லுமாறு பாகிஸ்தான் அதிகாரிகள் அறிவுறுத்தியுள்ளனர்.
1:00 PM - இஸ்லாமிய நாடுகள் உடனான இந்தியாவின் பொருளாதார உறவு வளர்ச்சி அடைந்துள்ளது என இஸ்லாமிய நாடுகள் கூட்டமைப்பின் அமர்வில் இந்திய வெளியுறவு அமைச்சர் சுஷ்மா ஸ்வராஜ் பேசியுள்ளார். சுஷ்மா கலந்துகொள்வதால் பாகிஸ்தான் இந்தக் கூட்டத்தைப் புறக்கணித்துள்ளது.
[Image: _105849778_a8682961-f260-4fa1-990a-cfc621a756f3.jpg]

[Image: _105849778_a8682961-f260-4fa1-990a-cfc621a756f3.jpg]

Image captionஅபிநந்தனை வரவேற்க எல்லையில் கூடியிருக்கும் இந்தியர்கள்.அபிநந்தனை வரவேற்க எல்லையில் கூடியிருக்கும் இந்தியர்கள்.
12:44 PM: விமானி அபிநந்தனை இந்தியாவிடம் ஒப்படைக்கக் கூடாது என இஸ்லாமாபாத் நீதிமன்றத்தில் ஷோயப் ரஜாக் என்பவர் வழக்கு தொடுத்துள்ளார்.
12:30 PM - அபுதாபியில் இன்று தொடங்கவுள்ள இஸ்லாமிய நாடுகளின் கூட்டமைப்பின் கூட்டத்தைத் தாம் புறக்கணிக்கப்போவதாக பாகிஸ்தான் வெளியுறவு அமைச்சர் ஷேக் மெஹ்மூத் குரேஷி கூறியுள்ளார்.
இந்திய வெளியுறவு அமைச்சர் சுஷ்மா ஸ்வராஜ் சிறப்பு அழைப்பாளராக அந்தக் கூட்டத்தில் கலந்துகொள்ள அழைக்கப்பட்டுள்ளதால் இந்த முடிவை எடுத்துள்ளதாக பாகிஸ்தான் நாடாளுமன்றத்தில் அவர் கூறியுள்ளார்.
12:00 PM - அபிநந்தன் வாகா - அட்டாரி எல்லையில் உள்ள இந்தியத் தூதரக அதிகாரிகளிடம் ஒப்படைக்கப்படுவார் என பாகிஸ்தான் அதிகாரிகள் பிபிசி இடம் தெரிவித்துள்ளனர்.
இதையடுத்து வாகா - அட்டாரி எல்லை பரப்பரப்பாகியுள்ளது.
இந்தியத் தரப்பிலுள்ள கிராமத்தின் பெயர் அட்டாரி - பாகிஸ்தான் தரப்பிலுள்ள கிராமத்தின் பெயர் வாகா.
அட்டாரி இந்தியாவின் பஞ்சாப் மாநிலத்திலும், வாகா பாகிஸ்தானின் பஞ்சாப் மாநிலத்திலும் உள்ளன.
இந்நிலையில் கடந்த இரண்டு நாள்களாக அபிநந்தன் விவகாரத்தில் என்ன நடந்தது என்பதை இங்கே விளக்குகிறோம்.
பாகிஸ்தான் கட்டுப்பாட்டில் உள்ள வான்வெளியில் புகுந்து இந்திய விமானம் செவ்வாய்க்கிழமை குண்டு வீசியதை அடுத்து, பதிலடியாக மறு நாளே இந்திய எல்லையில் புகுந்து பாகிஸ்தான் விமானம் தாக்குதல் நடத்தியது. அப்போது நடந்த மோதலில் இரண்டு விமானங்களை சுட்டு வீழ்த்தியுள்ளதாக பாகிஸ்தான் கூறியது. ஆனால், ஒரு விமானத்தை தாங்கள் இழந்ததாகவும், ஆனால், பாகிஸ்தான் விமானம் ஒன்றை தாங்கள் வீழ்த்தியதாகவும் இந்தியா கூறியது.
[Image: _105849777_a06b97de-083d-4e44-bb36-be93d55006d6.jpg]

[Image: _105849777_a06b97de-083d-4e44-bb36-be93d55006d6.jpg]

இந்தியாவின் விமானி ஒருவரை சிறைப்படுத்தியுள்ளோம் என்றும் அவரிடம் இருந்து ஆவணங்கள் மற்றும் ஆயுதங்களை கைப்பற்றியதாக செய்தியாளர்களிடம் பாகிஸ்தான் படைகளின் செய்தித் தொடர்பாளர் மேஜர் ஜெனரல் ஆசிஃப் கஃபூர் தெரிவித்தார்.
இந்திய விமானியை சிறைப்பிடித்துள்ளதாக விவரிக்கும் ஒரு காணொளி காட்சியையும் பாகிஸ்தான் ராணுவம் வெளியிட்டது.
கண்கள் கட்டப்பட்ட நிலையில், முகத்தில் ரத்தத்தோடு அபிநந்தனைக் காட்டும் காணொளியை புதன்கிழமை பாகிஸ்தான் தகவல் தொடர்பு அமைச்சகம் வெளியிட்டது.
மோசமான முறையில் அவரைக் காட்சிப்படுத்திக் காட்டியதாக இந்தியா குற்றம்சாட்டியது.
இந்தியாவிலுள்ள சமூக ஊடகப் பதிவர்கள் அபிநந்தனை நாயகனாக சித்தரித்தனர்.
#SayNoToWar என்ற ஹேஷ்டேக்கை பயன்படுத்தி இரு நாடுகளும் கட்டுப்பாட்டுடன் இருக்க வேண்டும் என்று வலியுறுத்தி பலரும் பதிவிட்டன

johnypowas · 01-03-2019, 05:21 PM

[Image: _105824663_198aade2-4582-4b08-9f29-538e9027c322.jpg]

படத்தின் காப்புரிமைTWITTER.COM/OFFICIALDGISPR
இந்திய விமானிக்கு என்ன நடந்தது?
இந்திய விமானப்படையை சேர்ந்த விங் கமேண்டர் அபிநந்தன் என்று அடையாளம் காணப்பட்டுள்ளவரை இந்த நடவடிக்கைக்கு பின்னர் காணவில்லை என்று இந்திய அதிகாரிகள் தெரிவித்திருந்தனர்.
இந்த விமானி பாகிஸ்தான் கட்டுப்பாட்டிலுள்ள காஷ்மீரில், உள்ளூர்வாசிகளால் தாக்கப்படுவதாக தோன்றுகின்ற படங்கள் பகிரப்பட்டுள்ளதை இரு நாடுகளும் கண்டித்துள்ளன. அந்த தாக்குதலில் இருந்து விமானியை காப்பாற்றிய பாகிஸ்தான் சிப்பாய்கள் தலையிட்டது புகழப்பட்டுள்ளது.
கண்கள் கட்டப்பட்டநிலையில் தண்ணீர் கேட்கின்ற விமானியின் காணொளியை வெளியிட்ட பாகிஸ்தான் தகவல் தொடர்பு அமைச்சகம், பின்னர் அதனை நீக்கிவிட்டது.
பிந்தைய காணொளியில் குவளையில் இருந்து தேனீர் குடித்து கொண்டிருப்பது போலவும், கண்கள் கட்டப்படாமல், முகம் சுத்தப்படுத்தப்பட்ட நிலையில் இந்த விங் கமேண்டர் காட்டப்படுகிறார்.
அவரது பெயர், ராணுவ பதவி, இந்தியாவின் தெற்கு பகுதியை சேர்ந்தவர் என பல தகவல்களை அவர் தெரிவித்தார்.
கைது செய்யப்பட்ட அபிநந்தன் பாகிஸ்தான் ராணுவ அதிகாரிகளுடன் பேசுவது போல ஒரு காணொளியும் வெளியாகி உள்ளது.
[Image: _105835715_67a35709-4772-46cd-a3f8-9aefe65b8ce3.jpg]

[Image: _105835715_67a35709-4772-46cd-a3f8-9aefe65b8ce3.jpg]

படத்தின் காப்புரிமைPAKISTAN INFORMATION MINISTRY
அதில் அந்த நபர், ஒரு கும்பலிடமிருந்து பாகிஸ்தான் ராணுவம் தன்னை மீட்டதாகக் கூறுகிறார்.
இந்த காட்சியின் உண்மைதன்மை குறித்து பிபிசி பரிசீலித்து உறுதி செய்யவில்லை.அந்த காணொளியில் என்ன உள்ளது என்பதை மட்டும் இங்கே வழங்குகிறோம்.
அந்த காட்சியில் சாதாரண உடையில் தேநீர் கோப்பையுடன் அபிநந்தன் உள்ளார்.தன்னை பாகிஸ்தான் ராணுவம் மரியாதையாக நடத்துவதாக கூறுகிறார். அவரிடம் அவரது இருப்பிடம் குறித்தும், ராணுவ இலக்கு குறித்தும் கேட்கிறார்கள்.
இதற்கு பதிலளிக்கும் அவர், "என் இருப்பிடத்தைக் கூற எனக்கு அனுமதியில்லை. இந்தியாவின் தென் பகுதியை சேர்ந்தவன் தான் என்றும், இலக்கு குறித்து தாம் கூறமுடியாது" என்கிறார்.
ராணுவ அறநெறிகளுக்கு ஏற்றபடி இந்த விமானி நடத்தப்படுவதாக பாகிஸ்தான் ராணுவ செய்தி தொடர்பாளர் மேஜர் ஜெனரல் அசிஃப் கபூர் தெரிவித்திருக்கிறார்.
அபிநந்தன் யார்?
[Image: _105848677_abhinandan-sketch.png]

[Image: _105848677_abhinandan-sketch.png]

பாகிஸ்தான் பிடியில் இருக்கும் இந்திய விமானப்படையை சேர்ந்த விங் கமாண்டர் அபிநந்தன் வர்தமான் பத்திரமாக நாடு திரும்ப வேண்டும் என்று இந்தியா முழுக்க சமூக ஊடங்களில் மக்கள் தங்கள் ஆதங்கத்தை தெரிவித்து வருகிறார்கள்.
யார் இந்த அபிநந்தன்? விங் கமாண்டர் அபிநந்தன் குறித்த சில முக்கிய தகவல்களை இங்கே தொகுத்து வழங்கியுள்ளோம்.
திருவண்ணமலை மாவட்டம் செய்யாறு அருகே உள்ள திருப்பனமூர்தான், அபிநந்தன் குடும்பத்தின் பூர்வீக கிராமம். அபிநந்தனின் பெற்றோர் தற்போது சென்னை மாடம்பாக்கத்தில் உள்ள விமானப்படை அதிகாரிகளுக்கான குடியிருப்பில் வசித்து வருகின்றனர். அபிநந்தனின் சகோதரி ஒருவர் வெளிநாட்டில் குடும்பத்துடன் வசித்து வருகிறார். அபிநந்தனுக்கு திருமணம் முடிந்து இரண்டு குழந்தைகள் உள்ளன.
[Image: _105836216_06c55647-ca86-4c2d-8900-f46ae6b91519.jpg]

[Image: _105836216_06c55647-ca86-4c2d-8900-f46ae6b91519.jpg]

விங் கமாண்டர் அபிநந்தன் கோவையிலுள்ள சைனிக் பள்ளியில் தனது பள்ளிப் படிப்பை முடித்தார். இந்திய விமானப்படையில் சுமார் 16 ஆண்டுகளாக பணியாற்றி வரும் அபிநந்தன், 2004ஆம் ஆண்டு பணியில் சேர்ந்தார். தற்போது, விங் கமாண்டர் பதவியை வகிக்கிறார். இந்திய ராணுவத்தில் லெப்டினன்ட் கர்னல் பதவிக்கு இணையானது விங் கமாண்டர் பதவி. இவர் இயக்கியதாக சொல்லப்படும் மிக்21 பைசன் ரக விமானம் இந்திய விமானப்படையின் 3ஆம் அணியை சேர்ந்தது. இந்தப் பிரிவை கோப்ரா பிரிவு என்றும் அழைக்கிறார்கள்.

johnypowas · 01-03-2019, 05:23 PM

னைவியும் முன்னாள் விமான படை வீரர்
அபிநந்தனின் மனைவி தான்வி மர்வாவும் இந்திய விமானப்படையில் பணியாற்றிவர்தான். 2005 ஆம் ஆண்டு விமானப்படையில் பணியில் சேர்ந்தார். ஸ்குவாட்ரன் லீடராக இருந்து விமானப்படையிலிருந்து ஓய்வு பெற்றவர். தற்போது, பெங்களூருவிலுள்ள தனியார் நிறுவனம் ஒன்றில் உயர் பொறுப்பில் பணியாற்றி வருகிறார்.
[Image: _105836218_b7980e8b-dd23-4f9f-a07e-35c83724ab99.jpg]

[Image: _105836218_b7980e8b-dd23-4f9f-a07e-35c83724ab99.jpg]

மணி ரத்னம் படத்திற்கு உதவிய அபிநந்தனனின் தந்தை
இந்திய விமானப்படையில் மிக மூத்த அதிகாரியாக இருந்தவர் சிம்மகுட்டி வர்தமான். 1974ல் இந்தியா விமானப்படையில் பணியில் சேர்ந்த அவர், 2012ஆம் ஆண்டு நவம்பர் 30ஆம் தேதி பணியிலிருந்து ஓய்வு பெற்றார். தன்னுடைய பணிக் காலத்தில் மொத்தம் ஏழு பதவி உயர்வுகளைப் பெற்று ஏர் மார்ஷலாக ஓய்வு பெற்றார். 2017ல் வெளியான இயக்குநர் மணி ரத்னத்தின் காற்று வெளியிடை படத்திற்கு ஆலோசராக செயல்பட்டுள்ளார். அபிநந்தனின் தாய் ஷோபனா வர்தமான் சென்னையில் மருத்துவம் பயின்றவர். விங் கமாண்டர் அபிநந்தனின் தாத்தா இந்திய விமானப்படை விமானிகளுக்கு பயிற்சி அளிக்கும் ஆசிரியராக இருந்ததகாவும் கூறப்படுகிறது.
[Image: _105835714_c4711bbb-8fbb-439b-9827-7b97136cb122.jpg]

[Image: _105835714_c4711bbb-8fbb-439b-9827-7b97136cb122.jpg]

படத்தின் காப்புரிமைAFP
அபிநந்தன் பிடிபட்டது எப்படி? பாகிஸ்தானில் நேரில் பார்த்தவர் கூறுவது என்ன?
இலியாஸ் கான், பிபிசி
இந்திய விமானப்படை விமானி அபிநந்தன் பாகிஸ்தானில் கைது செய்யப்பட்டது இந்தியாவில் பெரும் பரபரப்பை ஏற்படுத்தியிருக்கிறது.
அவரை வெள்ளிக்கிழமை விடுதலை செய்வதாக பாகிஸ்தான் பிரதமர் இம்ரான்கான் அந்நாட்டு நாடாளுமன்றத்தில் தெரிவித்தார்.
இந்நிலையில் அவர் எவ்வாறு பாகிஸ்தானில் தரையிறங்கினார், எப்படி அவர் இந்தியர் என்று அவர்களுக்குத்தெரிய வந்தது, அதன் பிறகு என்ன நடந்தது என்பதை நம்மிடம் விவரிக்கிறார், பாகிஸ்தான் நிர்வகிக்கும் காஷ்மீரின் பிம்பர் மாவட்டத்தில் உள்ள ஹொரன் கிராமத்தை சேர்ந்த மொஹமத் ரசாக் சௌத்ரி. இவருக்கு வயது 58.
அவரது வார்த்தைகளில்…
"விமானி உயிருடன் மீட்கப்பட வேண்டும் என்றுதான் நான் தனிப்பட்ட முறையில் எண்ணினேன். அவரது பாராசூட்டில் இந்தியக் கொடி இருந்ததை வைத்து, அவர் இந்தியர் என்பது தெரிய வந்தது. அவரது விமானம் சுடப்பட்டதையடுத்து, அவர் பறந்து நிலத்தை அடைவதை நான் பார்த்தேன். அவரைப் பார்த்து அங்கு விரைந்த உள்ளூர் மக்கள், அவரைத் தாக்கி விடுவார்களோ என்று அஞ்சினேன்.
அவர் தரையிரங்கிய இடத்தில் ஏற்கனவே சில இளைஞர்கள் கூடியிருந்தனர். அவர்களிடம் தான் இந்தியாவில் இருக்கிறேனா என்று அபிநன்தன் கேட்டுள்ளார். அவர்கள் பதில் கூறியவுடன், பாராசூட்டில் இருந்து தன்னை விடுவித்துக் கொண்ட அவர், இந்திய தேசப்பற்றை வெளிப்படுத்தும் விதமாக முழக்கம் எழுப்பினார். அதற்கு எதிராக லாங் லிவ் பாகிஸ்தான் என்று அந்த இளைஞர்கள் கோஷம் எழுப்பினர்.
அப்போது அவர்களை பயமுறுத்த, தன் துப்பாக்கியை எடுத்து வானத்தை பார்த்து சுட்டார் அபிநந்தன். ஆனால், அந்த இளைஞர்கள் கோபமடைந்து கல்லைத் தூக்கி எறிய ஆரம்பித்தனர். அதனால், வானத்தை பார்த்து சுட்டுக் கொண்டே அவர் ஓடத் தொடங்கினார்.
அவர்களிடம் இருந்து தப்பிக்க அவர் ஓர் ஓடையில் குதித்தார். அப்போது எனது மைத்துனர்களில் ஒருவர், அவரது காலில் சுட்டார். அபிநந்தனை பார்த்து அவரது துப்பாக்கியை கீழே போடும்படி அவர் சொல்ல, அபிநந்தனும் அதை செய்தார்.
அப்போது ஓர் இளைஞர், அபிநந்தனை பிடித்தார். அப்போது தனது பாக்கெட்டில் இருந்த சில காகிதங்களை எடுத்து அபிநந்தன் கிழித்ததோடு, சிலவற்றை அவரது வாய்க்குள் அடைத்துக் கொண்டார். ஆனால், அந்த இளைஞர்கள், சில காகிதங்களை அவரிடம் இருந்து பறித்து, பின்பு அதனை ராணுவத்திடம் ஒப்படைத்தனர்.
எங்கள் இளைஞர்கள் கோபமாக இருந்தனர். அவரை அடித்தும், அறையவும் அவர் அருகில் சென்றனர். சிலர் அதனை தடுக்க முயன்றனர். நானும், அவரை தாக்க வேண்டாம் என்றும் ராணுவம் வரும்வரை அவரை தனியாக வைக்கவும் கூறினேன்" என்றார்.
[Image: _105832746_68d5fb97-44ae-42c4-b8e3-b185d2292bb8.jpg]

[Image: _105832746_68d5fb97-44ae-42c4-b8e3-b185d2292bb8.jpg]

படத்தின் காப்புரிமைGETTY IMAGESImage captionமுன்னாள் இந்திய பிரதமர் வாஜ்பேயுடன் கைகுலுக்கும் குரூப் கேப்டன் கம்பம்படி நசிகேதா. அருகில் அப்போதைய பாதுகாப்பு அமைச்சர் ஜார்ஜ் பெர்னாண்டஸ்.
அபிநந்தனுக்கு முன்பே கார்கில் போரின்போது பாகிஸ்தானிடம் சிக்கிய இந்திய விமானி
முன்னதாக, அபிநந்தன் கைது செய்யப்பட்டது போன்ற சம்பவம் கார்கில் போரின் போதும் நடந்துள்ளதாகவும், அவர் விடுவிக்கப்பட்டதுபோல அபிநந்தனும் விடுவிக்கப்படுவார் என்று இந்திய விமானப்படை முன்னாள் தளபதி ஏ. ஒய். டிப்னிஸ் நம்பிக்கை தெரிவித்திருந்தார்.
பிபிசியிடம் பேசிய அவர், "கார்கில் போரின் போதும் இதுபோன்ற சம்பவம் நடந்துள்ளது. ஆனால் அபோதும்கூட விமானி நசிகேதா, விமானத்திலிருந்து வெளியேறியதாக கூறப்பட்டது. எதிரியின் நடவடிக்கையால் அவர் வெளியேறவில்லை. அவரது விமான என்ஜினில் ஏற்பட்ட கோளாறால் அவர் வெளியேற நேர்ந்தது. பாகிஸ்தான்வசம் பிடிப்பட்ட அவர், சிறிது காலம் அங்கு வைக்கப்பட்டப் பிறகு திரும்ப ஒப்படைக்கப்பட்டார். எனவே அதே முன்மாதிரி அடிப்படையில் தற்போது பாகிஸ்தான் பிடித்துவைத்துள்ள இந்திய விமானியும், சம்பவம் உண்மையாக இருக்குமானால், விடுவிக்கப்படுவார் என்றே நம்புகிறேன்," என்றார்.

johnypowas · 01-03-2019, 05:23 PM

[Image: _105835795_gettyimages-1125510153.jpg]

படத்தின் காப்புரிமைANADOLU AGENCY
நிலைமை கைமீறினால் நானோ மோதியோ கூட கட்டுப்படுத்த முடியாது - இம்ரான் கான்
தப்புக் கணக்குப் போடுவதால் ஏற்படும் ஆபத்து அதிகம். குறிப்பாக, இந்தியா, பாகிஸ்தான் போன்ற ஆயுதங்கள் உள்ள நாடுகளில், பதற்ற நிலை அதிகரித்தால், நிலைமை கையை மீறிப் போகும். நானோ, மோதியோ கூட அந்த நிலையில் நிலைமையைக் கட்டுப்படுத்த முடியாது. எனவே, உட்கார்ந்து பேசுவதன் மூலம் இந்தியாவும் பாகிஸ்தானும் பிரச்சனையைத் தீர்த்துக்கொள்ளவேண்டும் என்று புதன்கிழமையன்று (பிப்ரவரி 27) தெரிவித்தார் இம்ரான்.
எனவே, இனிமேலாவது கொஞ்சம் நடைமுறை அறிவுடன், ஞானத்துடன் நடந்துகொள்வோம். நம்மிடம் இந்திய விமானிகள் உள்ளனர். ஆனால், இங்கிருந்து நாம் எங்கே செல்லப்போகிறோம் என்பதுதான் முக்கியமானது என்றார் இம்ரான் கான்
''அபிநந்தன் விடுதலை ஆவார்''
இந்திய விமானப்படையின் விங் கமாண்டர் அபிநந்தன் நாளை விடுவிக்கப்படுவார் என்று நேற்று (வியாழக்கிழமை) பாகிஸ்தான் நாடாளுமன்றத்தில் பிரதமர் இம்ரான் கான் கூறினார்.

கடந்து செல்க டுவிட்டர் பதிவு இவரது @PTVNewsOfficial

[url=https://twitter.com/PTVNewsOfficial/status/1101076495529885697/photo/1][/url]

johnypowas · 01-03-2019, 05:24 PM

அபிநந்தனை விடுதலை செய்வதன் மூலம் போர்ப் பதற்றம் தணியும் என்றால் அவரை விடுதலை செய்யத் தயார் என்று பாகிஸ்தான் வெளியுறவு அமைச்சர் ஷா மஹ்மூத் குரேஷி அறிவித்தார். இந்நிலையில்தான், பாகிஸ்தான் நாடாளுமன்றத்தில் அவரை விடுதலை செய்யும் முடிவை அறிவித்தார் அந்நாட்டுப் பிரதமர் இம்ரான்கான்.
அமைதியின் பேரில் இந்த நடவடிக்கை எடுக்கப்பட்டதாக பிரதமர் இம்ரான் கான் கூறியதையடுத்து, நாடாளுமன்ற உறுப்பினர்கள் மேஜையை தட்டி ஆர்ப்பரித்தனர்.
மகனை வரவேற்க சென்னையில் இருந்து வரவேற்க புறப்பட்டார் தந்தை
சென்னையில் அபிநந்தன் வீடு இருக்கும் பகுதியில் உற்சாகம் கரை புரண்டு ஓடுகிறது. அந்த பகுதி மக்கள் இனிப்பு வழங்கி அபிநந்தன் விடுதலையாவதை கொண்டாடினர்.
விடுதலை செய்தி மகிழ்ச்சி தருவதாக மக்கள் தெரிவித்தனர்.இந்த சூழலில் அபிநந்தனை வரவேறக் அவரது தந்தை சிம்மக்குட்டி வர்தமான் நேற்று டெல்லிக்கு புறப்பட்டார்.
செய்தியாளர்களை சந்திப்பதை அவர் தவிர்த்தார்.முன்னதாக பல அரசியல் கட்சி தலைவர்கள், காவல் படை அதிகாரிகள் அபிநந்தனின் தந்தயை அவரது வீட்டில் சந்தித்து உரையாடினர்.
[Image: _105838426_bbd28e57-8555-4ec9-b759-61357b2e17f4.jpg]

[Image: _105838426_bbd28e57-8555-4ec9-b759-61357b2e17f4.jpg]

படத்தின் காப்புரிமைDD
நேற்று மாலை பத்தரிகையாளர்களை இந்திய முப்படை தளபதிகள் சந்தித்தனர்
வீழ்த்தப்பட்ட இந்திய விமானத்தில் இருந்து பாகிஸ்தானில் தரையிறங்கிய விமானி அபிநந்தனை அமைதி நிமித்தம் விடுதலை செய்வதாக பாகிஸ்தான் பிரதமர் இம்ரான் கான் அறிவித்திருப்பதற்கு நன்றி தெரிவிப்பதை அவர்கள் தவிர்த்தனர்.
அபிநந்தன் திரும்புவது பற்றி கேட்டபோது, இந்திய விமானப்படையின் ஏர் வைஸ் மார்ஷல் ஆர்.ஜி.கே.கபூர் "மகிழ்ச்சி" அடைவதாக கூறினார். ஆனால், அமைதிக்கான நல்லெண்ண நடவடிக்கையாக அவரை விடுதலை செய்வதாக பாகிஸ்தான் கூறியுள்ளதுபற்றி கேட்டபோது, அவர், "ஜெனிவா ஒப்பந்தத்தின்படியே அவர் விடுதலை செய்யப்பட்டுள்ளதாகத் தெரிவித்தார்".
பாகிஸ்தான் தொடர்ந்து தவறான தகவல்களை வழங்கியது. முதலில் இரண்டு விமானங்களை சுட்டு வீழ்த்தினோம், மூன்று பேரை கைது செய்தோம் என்றது. பின் இரண்டு பேர் என்றது. இறுதியில் ஒரு விமானி மட்டுமே தங்களிடம் இருப்பதாகத் தெரிவித்தது என்றார் அவர்.

johnypowas · 01-03-2019, 05:25 PM

நரேந்திர மோதி கூறியது போல உண்மையாகவே கங்கையில் மாசு குறைந்துள்ளதா? #BBCRealityCheck

[Image: _105667998_gettyimages-1064554424.jpg]

படத்தின் காப்புரிமைGETTY IMAGES
இந்திய பிரதமராக 2014ஆம் ஆண்டு நரேந்திர மோதி பதிவியேற்ற போது ஒரு வாக்குறதியை அளித்தார். அதாவது இந்தியாவில் மிகவும் மாசுப்பட்ட நதியான கங்கை சுத்தம் செய்யப்படும் என்பதுதான் அது.
பாஜக அரசாங்கம் கங்கை நதியை சுத்தம் செய்ய ஐந்தாண்டு செயல்திட்டத்தை வடிவமைத்து, அதனை செயல்படுத்துவதற்காக மூன்று பில்லியன் அமெரிக்க டாலர்களுக்கு நிகரான பணத்தை ஒதுக்கியது.
கடந்த ஆண்டு டிசம்பர் மாதம், தனது சொந்த தொகுதியான வாரணாசியில் பேசிய நரேந்திர மோதி கங்கையில் மாசு அளவை குறைப்பதில் நல்ல முன்னேற்றம் ஏற்பட்டுள்ளது என்றார்.
எதிர்க்கட்சி தலைவர்கள் மோதி சிறப்பாக செயல்படவில்லை. எந்த விளைவுகளையும் அவர் ஏற்படுத்தவில்லை என்றனர்.
[Image: _105667538_gettyimages-452249190.jpg]

[Image: _105667538_gettyimages-452249190.jpg]

படத்தின் காப்புரிமைGETTY IMAGES
உண்மைதான் பெரிதாக எந்த முன்னேற்றமும் இல்லை.
அதற்காக அதிகளவிலான பணம் செலவு செய்யப்பட்டிருந்தாலும், 2020ஆம் ஆண்டுக்குள் 1568 மைல் நீளமுள்ள கங்கை நதி முழுமையாக சுத்தம் செய்வது சாத்தியம் இல்லை என்றே தெரிகிறது.
ஏன் கங்கை நதி அசுத்தமாக இருக்கிறது?
இந்துக்களின் புனித நதியாக கங்கை நதி கருதப்படுகிறது. இமயமலையில் உருவாகும் இந்த நதி வங்கக்கடலில் கலக்கிறது.
இந்த நதியின் இரு கரைகளிலும் நூற்றுக்கணக்கான நகரங்களும் ஆயிரகணக்கான கிராமங்களும் உள்ளன.
ஏறத்தாழ 450 மில்லியன் மக்கள் இந்த நதியில்தான் குப்பையைக் கொட்டுகிறார்கள்.

அது குறித்து வந்த பிபிசி செய்தி

இந்த நதியில் தொழிற்சாலை ராசாயன கழிவுகளை கலக்கிறார்கள்.
வீட்டு கழிவுகள் இங்கே கொட்டப்படுகின்றன.
பிளாஸ்டிக் கழிவுகள் கொட்டப்படுகின்றன.

தாமதமும், எட்டப்படாத இலக்கும்
முந்தைய இந்திய அரசுகளும் கங்கை நதியை சுத்தம் செய்யும் பணியை மேற்கொண்டிருக்கின்றன. ஆனால் வெற்றி கிட்டவில்லை.

johnypowas

இப்போதைய அரசு 2015ஆம் ஆண்டு முதல் கங்கையை சுத்தப்படுத்த அதிகளவில் நிதி ஒதுக்கத் தொடங்கியது.
ஆனால், ஏகப்பட்ட தாமங்களும், எட்டப்படாத இலக்குகளும் இருந்தன. 2017ஆம் ஆண்டு அரசுத் தணிக்கையிலேயே இவை சுட்டிக்காட்டப்பட்டுள்ளன.

அது குறித்து வந்த ராய்ட்டர்ஸ் செய்தி

அந்த தணிக்கையில் விஷயங்கள் சுட்டிக்காட்டப்பட்டன. திட்டங்களுக்கு அனுமதி அளிப்பதில் தாமதம், முறையாக செலவிடப்படாத நிதி, மக்கள் வளம் இல்லாமை, திட்டமிட்ட இலக்குகளை எட்டுவதில் தாமதம் ஆகியவை காரணங்களாக குறிப்பிடப்பட்டன.
நாடாளுமன்றத்தில் கடந்தாண்டு தாக்கல் செய்யப்பட்ட தரவுகளின் படி 236 சுத்திகரிப்பு திட்டங்களில் 63 மட்டுமே முழுமையாக முடிக்கப்பட்டுள்ளன.
மார்ச் மாதத்திற்குள் கங்கை நதி 70 முதல் 80 சதவீதம் வரை சுத்தமாகும் என்றும் அடுத்தாண்டுக்குள் முழுமையாக சுத்தமாகும் என்றும் அரசாங்கம் கூறுகிறது.

அது குறித்து வந்த இந்தியன் எக்ஸ்பிரஸ் செய்தி

சில விஷயத்தில் முன்னேற்றம் இருப்பதையும் மறுக்க முடியாது.
நீர் மிகவும் அசுத்தமாக உள்ள 6 இடங்களில் நீர் மாதிரி எடுக்கப்பட்டு சோதனை செய்யப்பட்டது. அதில் நீர்நிலையின் தரம் ஓரளவு முன்னேற்றம் இருப்பது கண்டறியப்பட்டது.
எது இன்னும் பிரச்சனையாக உள்ளது?
ஏராளமான பிரச்சனைகள் உள்ளன. குறிப்பாக சொல்ல வேண்டுமானால் மிகவும் மாசான பகுதியில் உள்ள நீரை சுத்தம் செய்வதுதான்.
இந்த சுத்தகரிப்பு பணியினை மேற்பார்வை செய்யும் அரசாங்க நிறுவனம், 97 நகரங்களிலிருந்து வெளியேறும் கழிவு நீரின் அளவு 2.9 பில்லியன் லிட்டர்.ஆனால் சுத்திகரிப்பு திறன் 1.6 பில்லியன் லிட்டர்தான், என்கிறது.

நமாமி கங்கை திட்டம்

அதாவது ஒரு நாளுக்கு பில்லியன் லிட்டர் நீர் சுத்திகரிக்காமல் ஆற்றில் விடப்படுகிறது.
2035ஆம் ஆண்டுக்குள் 3.6 பில்லியன் லிட்டர் கழிவு நீர் வெளியேறும் என அரசு தரவுகளே கூறுகின்றன.
46 நகரங்களில் உள்ள 84 சுத்திகரிப்பு நிலையங்களில் 34 முழுமையாக வேலை செய்யவில்லை. 14 முழுதிறனில் வேலை செய்யவில்லை என அரசு தரவுகளே கூறுகின்றன.

உண்மையில் கங்கை நதி சுத்தம் செய்யப்பட்டதா?

மாசை குறைக்கும் வேறு சில முயற்சிகளும் மேற்கொள்ளப்பட்டன. குறிப்பாக கான்பூர் தொழிற்சாலை பகுதியில் உள்ள தோல் தொழிற்சாலைகளிலிருந்து வெளியேறும் நீரினை தணிக்கை செய்து வெளியேற்றும் பணிகள் மேற்கொள்ளப்பட்டன. மத நிகழ்வுகளுக்காக பயன்படுத்தப்படும் சில பகுதிகள் சுத்தம்செய்யப்பட்டன
Ganges clean up spending
Millions of US dollars
Sewage treatment
503Toilet building in river area
134.2
Riverbank clean up
100
Forestry projects
16.2
Water quality monitoring
5.4
Research and education
2.8
Total spent as of 30th September 2018
Source: National Clean Ganges Mission

ஆனால், இந்திய மாசுகட்டுபாடு வாரியம் கடந்தாண்டு ஜூன் மாதம் அளித்த தகவலின் படி, அவர்கள் பரிசோதித்த 41 இடங்களில் 4 இடங்கள் மட்டுமே சுத்தம் செய்யப்பட்டிருக்கிறது அல்லது குறைவாக மாசுள்ளது என்கிறது.
அரசு தகவல்களின் படி மோதி தொகுதியான வாரணாசியில் மட்டும் தண்ணீர் சுத்திகரிக்கப்பட்டு அருந்தும் அளவுக்கு மேம்படுத்தப்பட்டுள்ளது.
மேற்கொள்ளப்பட்ட பணிகள் எதுவும் எதிர்பார்த்தது போல விளைவுகளை ஏற்படுத்தவில்லை. தண்ணீரின் தரம் மேம்படவில்லை என்கிறார் டெல்லியில் உள்ள அறிவியல் மற்றும் சூழலியல் மையத்தை சேர்ந்த சந்திர பூஷண்.
அவர் மார்ச் 2019க்குள் 80 சதவீதமும், மார்ச் 2020க்குள் முழுமையாகவும் கங்கையை சுத்திகரிக்க சாத்தியமில்லை என்கிறார்.
[Image: p05stcc3.jpg]

johnypowas · 02-03-2019, 09:37 AM

சென்னை - மதுரை இடையேயனா தேஜஸ் சொகுசு ரயிலின் பிரத்யேக சிறப்புகள்

சென்னை - மதுரை இடையேயனா தேஜஸ் சொகுசு ரயிலின் பிரத்யேக சிறப்புகள்
பிரதமா் நரேந்திர மோடி இன்று தொடங்கி வைக்கவுள்ள தேஜஸ் அதிவிரைவு சொகுசு ரயிலில் சா்வதேச தரத்திலான 22 சிறப்பு அம்சங்கள் இடம் பெற்றுள்ளன. குறிப்பாக இந்த ரயில் சென்னையில் இருந்து மதுரைக்கு ஆறரை மணி நேரத்தில் சென்றடையும் என்று தொிவிக்கப்பட்டுள்ளது.

இன்று தமிழகம் வரும் பிரதமா் நரேந்திர மோடி பல்வேறு திட்டங்களை தொடங்கி வைக்கிறாா். அதில் மதுரை – சென்னை இடையேயான அதிவிரைவு சொகுசு ரயில் சேவையையும் அவா் தொடங்கி வைக்கிறாா்.

சென்னை ஐசிஎப் தொழிற்சாலையில் தயாரிக்கப்பட்ட தேஜஸ் சொகுசு ரயில் முழுவதும் குளிசாதன வசதியுடன் வடிவமைக்கப்பட்டுள்ளது. மொத்தம் 15 பெட்டிகள் கொண்ட இந்த ரயிலில், ஒரு உயா் வகுப்புப் பெட்டியும், 2 டீசல் ஜெனரேட்டா் பெட்டிகளும் உள்ளன.

ஒவ்வொரு இருக்கையின் பிற்புறமும் சிறிய வீடியோ திரைகள், தானியங்கி டீ, காபி இயந்திரங்கள், ஜிபிஎஸ் வசதி, எல்இடி விளக்குகள், பெட்டியின் உட்புறமும், வெளிப்புறமும் தானியங்கி கதவுகள், பயணிகள் இருக்கைகளின் கைப்பிடியில் உள்புறம் மடக்கி அமைக்கப்பட்டுள்ள வெளியே தொியாத சிற்றுண்டி மேசைகள் உள்ளன

johnypowas · 02-03-2019, 09:38 AM

மேலும், செல்போன் சாா்ஜா் வசதி, கழிவறை கண்ணாடிகளில் தொடுதிறன் சுவிட்ச் கொண்ட எல்இடி விளக்கு உள்ளிட்ட 22 சிறப்பு அம்சங்கள் இந்த ரயிலில் இடம் பெற்றுள்ளன. உயா் வகுப்பு பெட்டியில் 56 பயணிகளும், இருக்கை வசதி கொண்ட பெட்டிகளில் தலா 78 பயணிகளும் பயணிக்கலாம்.

இந்த தேஜஸ் விரைவு ரயில் 2ம் தேதி முதல் பயணிகள் சேவைக்காக இயக்கப்பட உள்ளது. சென்னை எழும்பூரில் இரந்து காலை 6 மணிக்கு புறப்படும் இந்த சொகுசு ரயில் பகல் 12.30 மணிக்கு மதுரைக்கு செல்லும். அதே போன்று மதுரையில் இருந்து பிற்பகல் 3 மணிக்கு புறப்பட்டு இரவு 9.30 மணிக்கு எழும்பூா் வந்தடையும்.

இந்த ரயில் சென்னை, மதுரை இடையே திருச்சி, கொடைக்கானல் ரோடு ஆகிய ரயில் நிலையங்களில் மட்டுமே நின்று செல்லும். வியாழன் கிழமை தவிா்த்து மற்ற 6 நாட்களிலும் இந்த ரயில் இயக்கப்படுகின்றது. மணிக்கு 110 கி.மீ. வேகத்தில் செல்லும் இந்த ரயிலில் சென்னையில் இருந்து மதுரைக்கு ஆறரை மணி நேரத்தில் செல்ல முடியும்.

சென்னை – மதுரை இடையே இந்த ரயிலில் சோ் காா் பெட்டிகளுக்கான கட்டணம் ரூ.895 என்றும், முதல் வகுப்பு சொகுசுப் பெட்டிக்கு ரூ.1,940 எனவும் நிா்ணயிக்கப்பட்டுள்ளது.

johnypowas · 03-03-2019, 09:17 AM

இந்தியா vs ஆஸி. - முதல் ஒருநாள் போட்டி : 6 விக்கெட் வித்தியாசத்தில் இந்திய அணி வெற்றி

[Image: 201903022314381599_INDvsAUS-Oneday-Cricket_SECVPF.gif]

ஹைதரபாத்தில் நடைபெற்ற இந்த போட்டியில் முதலில் பேட்டிங் செய்த ஆஸ்திரேலிய அணி 50 ஓவர்கள் முடிவில் 7 விக்கெட்கள் இழப்புக்கு 236 ரன்கள் சேர்த்தது. 237 ரன்களை வெற்றி இலக்காக கொண்டு களமிறங்கிய இந்திய அணியின் பேட்ஸ்மேன்கள் நிதானமாக ஆடி 48 புள்ளி 2 ஓவர்களில் 240 ரன்கள் எடுத்து 6 விக்கெட் வித்தியாசத்தில் வெற்றி பெற்றது. அதிகபட்சமாக 81 ரன்கள் அடித்த கேதர் ஜாதவுக்கு ஆட்ட நாயகன் விருது வழங்கப்பட்டது.

johnypowas · 03-03-2019, 09:19 AM

இஸ்லாமாபாத் கோர்ட் தீர்ப்பு என்ன?

இஸ்லாமாபாத்: இந்திய விமானப் படை விமானி அபிநந்தனை விடுதலை செய்வதை எதிர்த்து தாக்கல் செய்யப்பட்ட மனுவை, பாகிஸ்தான் நீதிமன்றம் தள்ளுபடி செய்தது.

[Image: Tamil_News_large_2224926.jpg]

சமீபத்தில், இந்திய எல்லைக்குள் ஊடுருவ முயன்ற, பாக்., போர் விமானங்களை விரட்டிச் சென்ற இந்திய விமானப்படை விமானம், பாக்., எல்லைக்குள் விழுந்தது. விமானத்தில் இருந்த இந்திய விமானப் படையின் 'விங் கமாண்டர்' அபிநந்தனை, பாக்., ராணுவத்தினர் சிறைபிடித்தனர்.'அபிநந்தனை விடுவிக்க வேண்டும்' என, இந்தியாவும், பல்வேறு உலக நாடுகளும் பாகிஸ் தானுக்கு நெருக்கடி கொடுத்தன. இதையடுத்து, அமைதி மற்றும் நல்லெண்ண அடிப்படையில், அபிநந்தனை விடுதலை செய்வதாக, பாக்., பிரதமர் இம்ரான் கான் அறிவித்தார்.இதற்கிடையே, அபிநந்தனை விடுதலை செய்வதற்கு எதிர்ப்பு தெரிவித்து, இஸ்லாமாபாத் உயர் நீதிமன்றத்தில், பாகிஸ்தானை சேர்ந்த முகம்மது ஷோயிப் ரசாக் என்பவர் மனுதாக்கல் செய்தார். மனுவில் கூறப்பட்டதாவது:

[Image: gallerye_113614366_2224926.jpg]

இந்திய விமானி அபிநந்தன், நம் தேசத்திற்கு எதிராக குற்றம் செய்துள்ளார். பாக்., வான்வெளி பகுதிக்குள் அத்துமீறி நுழைந்துள்ளார். இதுதொடர்பாக விசாரணை நடத்தப்பட வேண்டும். எனவே, அபிநந்தனை விடுதலை செய்யும், இம்ரான் கான் அரசின் முடிவை ரத்து செய்து உத்தரவிட வேண்டும். இவ்வாறு, அதில் கூறப்பட்டிருந்தது.மனுவை விசாரித்த தலைமை நீதிபதி, அதர் மின்ஹல்லா, அதை தள்ளுபடி செய்தார்.

[Image: gallerye_113608438_2224926.jpg]

அத்துடன் இஸ்லாமாபாத் கோர்ட் வெளியிட்டுள்ள உத்தரவில், விமானப்படை விமானத்தை சுட்டதுடன் தவறுதலாக பாக்., எல்லைக்குள் நுழைந்த இந்திய விமானப்படை விங் கமாண்டர் அபிநந்தனை விடுதலை செய்வதாக பாக்., பார்லி.,யின் கூட்டுக் குழுவில் பிரதமர் இம்ரான் கான் அறிவித்துள்ளார். இது பாக்., மக்களின் விருப்பங்களை புறக்கணித்து எடுக்கப்பட்ட முடிவு அல்ல.

[Image: gallerye_113619948_2224926.jpg]

அமைதி மற்றும் நல்லிணக்க அடிப்படையில் எடுக்கப்பட்டது. இதனை பிரதமர் பார்லி.,யில் அறிவித்த போது ஒரு உறுப்பினர் கூட இதற்கு எதிர்ப்பு தெரிவிக்கவில்லை. எல்லையில் தற்போது நிலவும் பதற்றமான நிலையை சரி செய்யவே இந்த முடிவு எடுக்கப்பட்டது என தெரிவிக்கப்பட்டுள்ளது.

johnypowas · 04-03-2019, 08:14 PM

இந்திய விமானப்படை தாக்குதல்: அமித் ஷா சொல்வது உண்மையா? ராணுவம் சொல்வது உண்மையா?

[Image: _105879348_amitshah1.jpg]

படத்தின் காப்புரிமைHINDUSTAN TIMES
பாகிஸ்தானில் ஜெய்ஷ்-இ-முகமது முகாமை குறிவைத்து இந்திய விமானப்படைகள் நடத்திய தாக்குதலில் 250 பேர் கொல்லப்பட்டனர் என அகமதாபாத்தில் நேற்று பாஜக தலைவர் அமித் ஷா பேசியதாக செய்திகள் வெளியாகியுள்ளன.
என்டிடிவி நிறுவனம் வெளியிட்டுள்ள செய்தியில் அமித்ஷா பேசும் காணொளியும் இடம்பெற்றுள்ளது.
இந்தியாவின் தாக்குதலால் பாகிஸ்தானுக்கு ஏற்பட்ட சேதாரம் என்ன? எவ்வளவு பேர் கொல்லப்பட்டனர் என்ற கேள்விக்கு இந்திய அரசு இதுவரை அதிகாரபூர்வமாக பதிலளிக்கவில்லை.
பிபிசி சுயாதீனமாக எத்தனை பேர் இறந்தார்கள் என்பதை உறுதிப்படுத்தவில்லை.
இந்தியாவும், பாகிஸ்தானும் பரஸ்பர எல்லைத் தாண்டி விமானத் தாக்குதல் நடத்திய நிலையில், மார்ச் 1ஆம் தேதி அன்று செய்தியாளர்களை சந்தித்து பேசினர் இந்திய முப்படைகளின் பிரதிநிதிக

johnypowas · 04-03-2019, 08:14 PM

அப்போது, இந்திய விமானங்கள் பாகிஸ்தானின் பாலகோட்டில், ஜெய்ஷ்-இ-முகமது அமைப்பின் தளத்தின் மீது நடத்தியதாக கூறப்பட்ட தாக்குதலில் எத்தனை பேர் இறந்தார்கள் என்று செய்தியாளர் ஒருவர் கேட்ட கேள்விக்கு பதிலளித்த இந்திய விமானப்படையின் ஏர் வைஸ் மார்ஷல் ஆர்.ஜி.கே.கபூர், விரும்பிய இலக்கு தாக்கப்பட்டது. ஆனால், எத்தனை பேர் இறந்தார்கள் என்பது தெரியவில்லை என்றார்.
[Image: _105838426_bbd28e57-8555-4ec9-b759-61357b2e17f4.jpg]

படத்தின் காப்புரிமைDD
''தமது படைகள் மீது தொடுக்கப்பட்ட தாக்குதலுக்கு பதில் தாக்குதல் நடத்தி பழிவாங்கிய நாடுகள் வரிசையில் அமெரிக்கா, இஸ்ரேல் ஆகியவற்றுடன் இந்தியாவும் இணைந்துள்ளது என குஜராத்தில் பிரதமர் நரேந்திர மோதியின் சமூகத்தைச் சேர்ந்தவர்களுக்கான கூட்டத்தில் அமித் ஷா பெருமிதப்பட்டுள்ளார்.'' என்கிறது தினத்தந்தி நாளிதழின் செய்தி.
இந்திய ஆயுதப்படையின் துணிச்சலை எதிர்க்கட்சிகள் சந்தேகிக்கின்றன என்றும் அப்போது அமித் ஷா குற்றஞ்சாட்டியிருக்கிறார்.
''விமானப்படை தாக்குதல் தொடர்பான ஆதாரத்தை வெளியிட வேண்டும் என மம்தா கோருகிறார். இந்த தாக்குதல் அரசியலாக்கப்படுகிறது என்கிறார் ராகுல் காந்தி. தாக்குதல் விவகாரத்தில் விசாரணை தேவை என்கிறார் அகிலேஷ் யாதவ். எதிர்க்கட்சி தலைவர்களின் இக்கருத்துக்கள் பாகிஸ்தானை மகிழ்ச்ச்சியடைய வைத்துள்ளன. இதற்காக எதிர்க்கட்சி தலைவர்கள் வெட்கித் தலை குனிய வேண்டும். விமானப்படை தாக்குதல் விவகாரத்தில் பிரதமர் நரேந்திர மோதியை பாராட்டாமல் இருந்தாலும் பரவாயில்லை எதுவும் பேசாமல் அமைதியாக இருங்கள்'' என அமித் ஷா கூறியுள்ளார்.
மத்திய மின்னணு மற்றும் தகவல் தொழில்நுட்பத்துறை இணை அமைச்சர் அலுவாலியா கடந்த வாரம் பத்திரிகையாளர்களிடம் பேசும்போது, இந்திய விமானப்படை தாக்குதலில் எத்தனை பேர் இறந்தார்கள் என பாஜக செய்தி தொடர்பாளரோ அல்லது அமித் ஷாவோ கூறியிருகிறார்களா? அரசின் அறிக்கைதான் எனது நிலைப்பாடு என கூறியிருந்தார்.
''எத்தனை பேர் இறந்தார்கள் என்பது குறித்து விவரம் தெரியவில்லை என ராணுவம் கூறுகிறது ஆனால், அமித் ஷா 250 பேருக்கு மேல் இறந்ததாக சொல்கிறார். ராணுவம் பொய் சொல்லாது. ஒட்டுமொத்த நாடும் ராணுவத்துக்கு துணை நிற்கும். ஆனால், பாஜக ஆர்மிக்கு எதிராக நிற்கும்'' என டெல்லி முதல்வர் அரவிந்த் கெஜ்ரிவால் ட்விட்டரில் பதிவிட்டுள்ளார்.

Login
Username:
Password:	Lost Password?
	Remember me