[Celebrorn]

Chapter 34

Khanna, Rishabh aur Megha abhi bhi Shreya ke ghar mein hi baithe hue they. Shreya apna sar pakad kar baithi thi aur Rohit ne andar se apne kamre ka lock laga rakha tha. Shreya ko pata tha ki kitni mushkil se woh use upar lekar aayi thi. Khanna aur ek aur aadmi ko poora zor lagana pada tha. Shreya ko kisi se bhi nazrein milana bhi mushkil lag raha tha ab.

Khanna - Maine samjha diya hai neeche us haramzade ko... koi chinta ki baat nahi hai...

Shreya ne ghoor kar Khanna ko dekha, jaise pooch rahi ho ki woh uske saamne Tufani ko gaali kyu de raha tha.

Shreya ne uski baat ka koi jawab nahi diya. Woh bas chahti thi ki is waqt woh use akela chhod de. Par fir saath mein hi kisi ke sahare ki kami khal rahi thi.

Khanna - Jawan ladka hai hamara... koi badi baat nahi hui hai... aap itni tension kyun le rahi hain.

Khanna ne halke se Shreya ke kandhe par haath rakha.

Shreya - Thank you Khanna ji... aapne bohot help kari hai aaj. Main ab... main ab thoda sa aaram karna chahti hoon... please aap mind mat karna.

Khanna - Haan haan... aap aaram kariye. Kuch bhi ho... turant mujhe call kar dena. Main hoon yahan... aapke liye... 24 ghante.

Usne Megha ki taraf dekha - Chaliye beta ji... aapko bhi neeche tak chhod deta hoon.

Shreya ek dam se beech mein boli - Megha... Rishabh... tum log ruko... main khana toh laga du...

Megha turant khadi ho gayi - Nahi Aunty! Aap please rest kariye... koi formality ki baat nahi hai. Mummy aapko call kar dengi...

Shreya ne halke se sar hilaya - Unko bolna... aaj nahi...

Megha - Ji... Rishabh... chale?

Rishabh ko samajh nahi aa raha tha woh kya bole - Ma'am... kal office mein milte hain... Take care!

Woh teeno ghar se bahar nikal gaye aur Shreya ne door lock kar liya. Bahar se abhi bhi Holi ka thoda music aur shor aa raha tha, par usko woh sab usko ab chubh sa raha tha. Woh Rohit ke kamre ko ignore karti hui apne kamre mein aa gayi aur kapde change karke bed par let gayi.

Uska dimaag fate jaa raha tha, pichhle kuch mahino se use jo warning signs dikhayi de rahe they, aaj sach ho baithe they. Usne aaj se pehle kabhi Rohit ke muh se aisi gandi gandi gaaliyan nahi suni thi. Usne apni aankh band karke sone ki koshish kari, par uske aansu behne lage.



Usne apne bed ke side se ek goli ki sheeshi nikaali aur usme se ek goli apne muh mein daal li. Kuch hi der baad woh gehri neend mein jaa chuki thi, par uska dimaag abhi bhi pareshaan tha.

Jab uski neend khuli toh ghana andhera ho chuka tha. Uska chehra aansu se geela pada tha aur poora jism kaanp raha tha. Usne apna chehra pocha aur apne aap ko kambal se dhaka. Use kisi na kisi se toh abhi baat karni hi thi, nahi toh use darr tha kahin woh pagal na ho jaaye.

Usne bina soche Tarun ke number par call laga di.

Pehli hi ghanti par doosri side par phone uth gaya - Hello! Bhabhi!

Shreya ki rote hue aawaz nikli - Tarunnnn....

Tarun - Bhabhi? Aap theek ho na? Aapko kisse pata chala?

Shreya ko samajh nahi aaya ki woh kya keh raha tha - Kuch theek nahi hai... main.. main puri tarah fail ho gayi...

Shreya rote rote use sab kuch batane lagi, aur doosri taraf Tarun chup chaap Shreya ki baat sunta raha. Shreya sab kuch kehne ke baad halke halke subakne lagi.

Tarun ki aawaz kuch der baad nikli - Bhabhi... mujhe pata hai aap pareshaan ho... aur aap yeh sunna nahi chahoge par... itni badi baat bhi nahi hui hai.

Shreya ko turant gussa aa gaya - Itni badi baat nahi hui hai! Woh ladka maar peet par utar aaya hai... gandi gandi gaaliyan de raha hai... aur tum keh rahe ho ki badi baat nahi hai! Mujhe ab realize ho raha hai... shayad mujhse hi koi galti ho gayi thi... usko maa ke saath saath ek baap ki bhi zaroorat thi. Main ab yeh sab nahi sambhal sakti.

Tarun - Bhabhi... please... aap ro mat... main baat karta hoon Rohit se kal.

Shreya - Nahi! Koi baat karne ki zaroorat nahi hai. Karne do jo use karna hai, wohi uska anjaam bhugtega.

Tarun - Bhabhi... Shreya...

Shreya kuch der roti rahi. Tabhi use yaad aaya ki call ke shuru mein Tarun kuch keh raha tha.

Shreya - Tum kuch keh rahe they? Mujhe kya pata chala aur kisse?

Tarun - Kuch nahi... aap apna khayal rakho...

Shreya ne gusse mein kaha - Batayo bhi!

Tarun - Bhabhi... woh... papa ki tabiyat kafi kharab hai.

Shreya - Oh...

Tarun - Woh aapse aur Rohit se ek baar milna chahte they... agar aap dono yahan aa sako. Shayad yehi acha bhi rahega. Main Rohit ko face to face samjha bhi dunga.

Shreya soch mein pad gayi, woh saalon se wahan nahi gayi thi - Main Rohit se baat bhi karna chahti. Abhi shayad time theek nahi hai.

Tarun - Papa ke paas shayad jyada time nahi hai ab. Aapko ek baar aa jana chahiye. Unka bohot mann hai aapse milne ka. Main Rohit se baat karta hoon kal, use bolta hoon.

Shreya - Hmmm... tum baat kar lo usse...

Tarun - Aap tension mat lo... aap so jayo...

Shreya phone rakhte hue purane dino ke baare mein sochne lagi. Sab kuch badal gaya tha, kuch bhi ab uske haath mein nahi tha aisa lag raha tha.

Agle din subah subah, Shreya bina Rohit se baat kiye ghar se nikal gayi. Usne na use jagaya aur na usse kuch pucha ki woh college jaane wala tha ya nahi. Uska gussa aur tez ho gaya tha ki woh filhaal uski shakal bhi nahi dekhna chahti thi.

Rohit utha toh use ghar khaali mila. Apna phone check kiya toh usme na toh Naina ke message they aur na hi Aanya ke. Sab kuch kaafi khaali khaali sa lag raha tha. Uska kuch karne ka mann nahi kar raha tha. Bas mann tha toh apni bhadaas nikalne ka.

Laghbhag 10 baje ke aas paas uska phone baja aur woh turant us par lapka, yeh sochte hue ki kahin Naina toh use call nahi kar rahi thi. Par screen par Chachu ka naam flash ho raha tha.

Usne bina kisi excitement ke call uthayi aur kuch bola nahi. 

Doosri taraf se Tarun ki energy bhari aawaz aayi - Aur champion! Kya haal chaal!

Rohit dabi aawaz mein - Theek.

Tarun - Abhi so kar utha hai kya? College nahi gaya?

Rohit - Haan... woh tabiyat thodi kharab hai...

Tarun - Woh toh chalta rehta hai par tere bina teri college ki gopiyon ka kya hoga.

Rohit chidte hue - Chachu agar aapko Mom ne bola hai call karne ke liye toh please mujhe kuch nahi sunna!

Tarun - Kya ho gaya? Itna gussa kyun hai? Meri toh ek-do hafton se bhabhi se baat bhi nahi hui. Maine toh bas aise hi phone kiya tha. Sab theek hai na?

Rohit ko Tarun ki baat par pura yakeen nahi ho raha tha par usne baat ko kheencha nahi - Hmmm... nahi... kuch nahi hua...

Tarun - Bata toh... kya hua? Tu theek toh hai?

Rohit chillate hue bola - Nahi! Main theek nahi hu chachu! Main pagal ho raha hoon. 

Agle 10 minute Rohit ne poori baat batate hue apni jabaan par koi filter nahi rakha. Woh bas apne dil ki bhadaas nikalta gaya.

Rohit - Woh do kaudi ka watchman Mom ko chhoo raha tha... aur Mom ko koi farq hi nahi pad raha tha! Mujhe toh aisa lagta hai Mom yeh sab enjoy karti hai... unhe chahiye koi mard unhe chhue!

Tarun - Rohit! Kya bol raha hai... woh teri Mom hain!

Rohit - Aap yahan hote toh dekhte na woh kaise pesh aati hai logon ke saamne! 

Rohit ki saansein ukhad si rahi thi.

Tarun - Unhone bohot sacrifice kiya hai tere liye!

Rohit - Haan haan! Yehi sunta aa raha hoon main. Dad nahi rahe toh kya iska matlab Mom jiske marzi saath kuch bhi karengi ya karne dengi. Agar Dad hote toh... toh yeh sab kabhi nahi hota. Koi unki taraf aankh utha kar bhi nahi dekhta.

Tarun - Rohit...

Rohit gusse mein bina soche samjhe bole jaa raha tha - Aap kyun nahi hamari family ki shield ban gaye! Hame chhod diya yahan akele... Mom ko akele... harami mardon se deal karne ke liye.

Tarun ekdam se chhup ho gaya. Woh Shreya ki kal raat ki fiqr ab samajh paa raha tha, Rohit ke andar ek alag hi angaar sulag raha tha.

Rohit - I hate Mom! Unse bada dogla koi insaan nahi hai!

Tarun - Rohit tu over kar raha hai... tujhe nahi pata tu kya keh raha hai... saans le aur paani pee.

Rohit - Mujhe pata hai main kya keh raha hoon....

Kuch der aur Rohit vent karta raha, aur fir jaakar uski energy level thoda kam hua.

Tarun - Sun... main chahta hoon thode din ke liye yahan aa jaa. Mere paas.

Rohit sochte hue - Nahi chachu... mera college hai aur exams bhi bas aa hi rahe hain. Main nahi aa sakta.

Tarun - Tere Dadaji ki tabiyat kafi kharaab hai. Tujhse aur Bhabhi se milna chahte they woh.

Rohit ada raha - Nahi! Main nahi aa sakta... Mom ko jaana hai toh woh chali jaye. Actually mujhse Mom se kuch dino ka chhutkara chahiye. Woh mere peeche padi rehti hai. Unhe lagta hai main abhi bhi chhota bachha hoon. Unhe mujh par zara bhi trust nahi hai.

Tarun - Shreya... I mean Bhabhi tujhe akele chhod kar nahi aayegi... tujhe pata hai.

Rohit - Wohi toh main keh raha hoon... unhe mujh par zara bhi trust nahi hai.

Tarun kuch sochte hue - Hmmm.... accha meri baat sun... tu chahta hai na woh tujh par trust kare? Main unse baat karta hoon... but tujhe bilkul responsible ban kar dikhana hoga.

Rohit - Hmmm... mujhe pata hai woh nahi maanengi!

Tarun - Woh mujh par chhod de.

Kuch der baad jab Rohit aur Tarun ki baatcheet khatam hui, Rohit pehle se thoda halka mehsoos kar raha tha. Par saath hi thoda guilty bhi. Usne Mom ke baare mein chachu ko aisi aisi cheezen bol di thi jo woh bolna kya sochte hue bhi ghabrata tha.

Shreya office mein thi toh sahi par uska dimaag abhi bhi Rohit par hi ghoom raha tha. Sab kuch jaise bigadta jaa raha tha. Beech beech mein Rishabh Shreya ki taraf dekh raha tha par uski kuch puchne ki himmat nahi ho rahi thi.

Laghbhag 1 baje, Tarun ne Shreya ko call kiya aur Shreya ek meeting room mein ghus kar usse baat karne lagi.

Shreya ne ek gehri saans chhodi - Kya bola usne?

Tarun - Shreya... woh bas thoda frustrated hai...

Shreya - Kis baat ko lekar? Hua kya hai?

Tarun ko samajh nahi aa raha tha woh Shreya ko kaise samjhaye - Shreya... woh bas bada ho raha hai... is age par yeh sab emotions normal hai.

Shreya - Kis cheez ke emotions? Ladayi karne ke? Gaali galoch karne ke? 

Tarun - Shreya use thoda space do... I think aap dono ko hi ek reset ki zaroorat hai... use thoda time akele chhod do.

Shreya - Akele chhod du matlab? Akele hi jaata hai na college! Akele hi karta hai sab kuch. Main kaunsa uske saw par sawaar baithi hu.

Tarun - Aap dono ki side hi bohot jyada emotions hai abhi. Meri rai mein, aapko use kuch din wahan delhi mein akele chhod kar yahan aa jaana chahiye.

Shreya - Akele chhod kar! Woh kabhi akele raha bhi hai?

Tarun - Yehi toh problem hai. Aap uski life ka har solution dhoondti aayi ho ab tak. Par ab use khud yeh solutions dhoondne honge. Aap dono ko hi ek doosre ki importance samajhne ke liye yeh zaroori hai.

Shreya ka gussa badh raha tha - Nahi! Main aise use akele nahi chhod sakti. Kya woh yeh chahta hai?

Tarun - Shreya... aap samajhdaar ho... samajhdaari se kaam lo. Jo bhi ho aapko yahan aana hi padega.

Shreya gusse mein boli - Tum bas apne fayde ke liye keh rahe ho na!

Tarun - Shreya! Bhabhi! Aap kuch bhi bol rahe ho... khair mujhe pata hai abhi aap kya feel kar rahe ho... aap aaram se socho.

Shreya ko apni galti realize ho gayi thi - I am sorry... mujhe woh bolna nahi chahiye tha.

Tarun - Usne mujhe promise kiya hai woh poori responsibility se sab kuch karega. I think use ek kuch din yeh karne dete hai taaki woh bhi cool down ho sake aur apni galti realize kar sake.

Shreya - Hmmm.... main sochti hoon is baare mein... mere liye aasan nahi hoga.

Tarun - Mujhe pata hai... par thoda jaldi... 

Shreya Tarun se baat poori karke apne desk par wapas aayi par uske maathe par abhi bhi ek badi si shikan thi. Woh samajh rahi thi ki Tarun galat nahi keh raha tha, par Rohit ko akele chhodna... uske liye bohot hi mushkil decision tha.

[Celebrorn]

Bhai bahut accha likh rahe ho aur story ko speed pakadte dekh kar accha lag raha hai aise hei continue rakhna

U are writing amazing fabulous update happy to story are progressing further

Thank you! Like I said, trying to accelerate the story and complete it.

[Celebrorn]

Chapter 35

Shreya apna samaan ek suitcase mein pack kar rahi thi, aur Rohit uske kamre mein thodi door baitha apne phone par tha. Pichhle ek hafte mein unki beech sab theek toh nahi ho gaya tha aur bol chaal abhi bhi almost band thi. 

Bas jabse usne Devgarh akele jaane ka decide kiya tha, tabse unke beech ka tanav halka sa kam ho gaya tha. Woh dono ek doosre se bol toh nahi rahe they, par haan ek doosre ke aas paas baith jaate aur apna kaam karte rahte.

Rohit Shreya ke saamne apni college ki books le kar baitha rehta jaise use dikha raha ho ki woh apni studies ki taraf kitna dedicated tha. Aur shayad use iski zaroorat bhi thi, pichhle do-teen mahino se usne apni studies ko poori tarah ignore kar rakha tha.

Shreya ne apna phone uthate hue Tarun ko call lagayi aur jaan boojkar phone speaker par daal diya.

Shreya - Hello... Tarun...

Tarun - Ji Bhabhi...

Shreya - Main kal subah nikal rahi hoon yahan se. Saari packing ho gayi hai, subah cab lekar station pahuch jayungi. Aur fir 4-5 ghanto mein wahan.

Tarun ko toh yeh sab already pata tha, woh yeh sab jaan bujh kar Rohit ko yeh sab suna rahi thi.

Tarun - Theek hai Bhabhi. Main aa jayunga aapko lene.

Shreya - Baaki maine fridge mein 4-5 sabji bana kar rakh di hai aur rotiyaan bhi freezer mein hai. Bas kisi ko nikaal kar garam karni hogi. Itna toh aana hi chahiye.

Shreya ne taana maarte hue indirectly Rohit ko kaha.

Rohit ki nazrein apni kitaab se Shreya ki taraf uthi aur fir wapas jhuk gayi.

Tarun - Haan woh kar lega sab, aap pareshan mat ho.

Shreya - Nahi mera kaam batana tha, baaki koi khaye na khaye, mujhe kya farak padta hai.

Rohit se aakhir ruka nahi gaya - Aapko sach mein farak nahi padta?

Shreya ne apni nazrein phone par hi rakhi - Tarun... isse bol do ki mujhse directly baat na kare.

Tarun un dono ke beech kuch nahi bolna chahta tha, itni door baithe woh kar bhi kya sakta tha.

Rohit - Aur Chachu aap inko bol do ki cab se jaane se achha hai main drop kar dunga.

Shreya - Mujhe iski help nahi chahiye... jaise yeh akele rehna chahta hai, main bhi akele rehna chahti hoon.

Rohit - Chachu...

Aakhir Tarun se raha nahi gaya - Aree yaar aap log kyun mujhe beech mein rakh kar baat kar rahe ho. Aapas mein baat kar lo na.

Dono ne ek doosre ko dekha aur bilkul chup rahe. 

Tarun - Rohit yaar... tujhse sorry nahi bola jaata kya? Hug kar le apni mummy ko... woh pighal jayengi.

Rohit ke mann mein ekdam se aaya ki woh sorry kis baat ke liye bole par fir woh apna ego side rakhte hue khada hua aur Shreya ko peeche se hug kar liya.

Rohit - I am sorry Mom! Really sorry...

Shreya uska bhaar apne upar mehsoos kar paa rahi thi, aur uska yun use gale laga lena use bohot acha lag raha tha par woh iss baar aasani se pighalne wali nahi thi.

Shreya - Hmmm... it's ok... hato... mujhe kaafi kaam hai.

Rohit Shreya ko chhodta hua thoda peeche hua, use Mom ka thanda response acha nahi laga tha.

Rohit - Kuch chahiye aapko aur? Packing mein kuch help karu?

Shreya - Hmmm... balcony mein mera towel sookh raha, lekar aana zara.

Thodi hi sahi unke beech baat shuru ho rahi thi. Yeh dekhte hue Tarun ne phone khud hi disconnect kar liya. Shreya ne apni packing poori kari. Uska dil abhi bhi Rohit ko akele chhod kar jaane mein ghabra raha tha. Usne gehri saans li. Woh bhi toh lagbhag Rohit ki umar ki thi jab uski shaadi hui thi. Uske maa baap ne use ek anjaan mard ke saath bhej diya tha ek anjaan jagah rehne ke liye.

Rohit balcony se tauliya lekar aaya aur Shreya ne use suitcase mein rakh liya. Usne time dekha toh raat ke 11.30 baj chuke they.

Shreya ne rukhi aawaz mein kaha - Jao... ab so jao.

Rohit - Hmmm...

Shreya uske jaate dekh - Paanch baje uth jaana agar mujhe chhodne jaana hai toh.

Rohit ne mudte hue jaldi se reply kiya - Haan main uth jayunga! 

Woh apne kamre mein chala gaya aur Shreya suitcase final karne ke baad light off karke bed par let gayi. Woh Devgarh jaane se pehle Rohit ke saath sab theek kar lena chahti thi, par ab time bhi nahi bacha tha.

Agli subah dono jaldi uth gaye aur fir Rohit gaadi chalata hua Shreya ko station ki taraf le jaane laga. Sadak khaali si thi aur dono ke beech chhupi thi.

Station ke bahar pahunch kar Shreya aur Rohit car se utre aur uska suitcase bahar nikaala.

Shreya - Theek hai... tum chalo ab... ghar jaakar naashta karke college chale jaana... theek hai.

Rohit - Main andar train tak chhod deta hoon na.

Shreya - Main chali jayungi na... parking mein lagayoge fir nikaaloge. Late ho jayega tumhe bhi.

Rohit - Hmmm...

Shreya ne dheere se kaha - Ummm... apna khayal rakhna... aur kuch bhi ho mujhe call kar lena. Main aa jayungi...

Rohit ne ekdam se Shreya ko hug kar liya - Mom I love you!

Shreya ne bhi use dheere se wapas hug kar liya par poori tarah nahi - Theek hai... chalo... ab jayo...

Rohit ko Shreya ke reaction par thodi disappointment hui. Woh jaane ke liye gaadi mein baitha.

Shreya dheere se budbudayi - I love you too...

Par shayad Rohit ko sunayi nahi diya aur woh jaa chuka tha. Shreya apna suitcase lekar station mein andar ghus gayi aur apni train ke platform par pahunch gayi. Kaafi bheed thi aur woh logo ke beech mein se hoti hui apni train ki taraf jaa rahi thi. Beech mein use ek haath apni gaand par mehsoos hua aur fir doosri apni kamar par.

Usne palat kar dekha par shayad koi bas bheed mein jaate hue fayda uthate hue use chhoo kar chala gaya tha. Woh sab kuch ignore karte hue apne dabbe take pahunchi aur train ke andar chhadd gayi. Uski seat khidki wali thi aur woh wahan baith gayi.

Kuch der baad jab train chalne lagi toh uska mann abhi bhi ghabra sa raha tha, apne liye nahi Rohit ke liye. Usne apne hand bag mein se ek kitaab nikaali aur use padne lagi par kuch der baad uski aankh lag gayi.

Train ka safar kafi lamba tha, aur Shreya khidki ka sahara lekar aankhen band kiye baithi rahi.

Kareeb 3 ghante baad uska phone bajne laga aur usne dekha ki Rishabh ka call aa raha hai.

Shreya - Haan Rishabh... bolo...

Rishabh pareshaan hota hua - Ma'am woh... aap toh ek hafte ki chutti par gayi ho na

Shreya - Haan... kya hua?

Rishabh - Sir ko pata nahi tha kya? Woh mujhse pooch rahe they aur yeh bhi bol rahe they ki agar mujhe aapke account ka password pata hai toh.

Shreya - Kya??? Tumse kyun pooch rahe they woh. Aur tum mere account ka password unhe nahi dena... woh maine bas emergency ke liye tumhe diya tha.

Rishabh fusfusate hue bola - Haan Ma'am... main nahi dene wala... par woh baar baar pooch rahe they.

Shreya - Rishabh meri baat suno... mera password tumhe nahi pata hai... samajh gaye na... tumhe bilkul nahi pata hai.

Rishabh - Ji Ma'am.

Shreya - Kuch bhi gadbad lage mujhe call karna.

Shreya ko samajh nahi aa raha tha Manish wahan kya khichdi paka raha tha. Usne hi toh uski ek hafte ki leave approve kari thi. Aur ab woh Rishabh se uske baare mein pooch raha tha aur password maang raha tha. Jabse usne Manish ko mana kara tha, us din se woh usse kuch alag hi tareeke se pesh aane laga tha. Zaroor woh kuch na kuch toh soch raha tha.

Shreya ne office ki baaton ko bhulane ki koshish kari. Beech mein Rohit ka bhi message aaya uska haal chaal poochne ke liye.

Aakhirkar train jab Sawai Madhopur pahuchi toh Shreya apna samaan lekar neeche utar gayi. Devgarh wahan se bhi ek ghante ki doori par tha. Shreya ko laga Tarun bahar hi uska wait kar raha hoga par woh wahan nahi tha. Shreya station ke just bahar jaakar khadi ho gayi aur uski nazrein idhar udhar dekhti hui Tarun ko dhoondne lagi.



Finally 15-20 minute ke baad Tarun tezi se chalta hua wahan pahucha.

Tarun - Sorry Bhabhi... woh late ho gaya. Ghar par doctor aaya hua tha.

Shreya - Koi nahi... kaise hai papa ji?

Tarun - Bed par hi hain... par tumhe dekh kar acha mehsoos karenge. Safar kaisa raha?

Shreya - Theek tha

Tarun Shreya ko apni gaadi ki taraf le gaya aur fir uske saath apni ghar ki taraf. Bahar dekhte hue Shreya ko purani yaadein aane lagi, sab kuch kafi badal chuka tha, par fir bhi thodi bohot purani nishaani reh gayi thi.

Tarun ne kuch der baad Rohit ki aur idhar udhar ki baatein shuru kar di. Shreya kafi thaki hui mehsoos kar rahi thi aur usne jyada jawab nahi diya. Jaise jaise woh ghar ke paas pahuch rahe they uska dil aur bhi kamzor mehsoos kar raha tha. Woh yahan byah kar aayi thi, dulhan thi woh is ghar ki.

Un logon ka ghar ek bada sa makaan ya ek bahut chhoti si haveli keh lo. Kafi bada sa darwaza aur andar ek bada sa chauk. Shreya gaadi se utar kar idhar udhar dekhne lagi, yahan Delhi ke mukable kaafi shaanti thi.

Tarun Shreya ko apne papa ke paas le gaya jo bistar par lete hue they. Shreya ko dekhte hi unke chehre par halki si muskurahat aa gayi.

Papa - Aa gi tu beta... mhare marne se pehle...

Shreya ki aankhon mein aansu aa gaye - Papa ji aap kyun aisa bol rahe ho... sab theek ho jayega

Shreya kafi der Papa ji ke paas hi baithi rahi. Raat hote hi woh ek kamre mein sone chali gayi. Yeh uske pati ka hi kamra tha jo ab tak waise hi rakha hua tha jab woh log Delhi gaye they.

Raat hote hote Shreya ko laga ki Tarun uske kamre ka darwaza khatkhatayega, par aisa kuch nahi hua. Shreya ne Rohit se phone par baat ki aur wahan bhi sab theek sa hi lag raha tha.

Agla din bhi kuch der papa ke saath baithne aur kuch apna purana samaan dekhne mein chala gaya. Beech beech mein kuch rishtedaar bhi aa rahe they papa se milne aur woh bhi unse mil li.

Baad mein akele mein woh apni purani photos dekhne lagi, woh usme kitni patli si dikhti thi jab uski shaadi hui thi, par shayad tab bhi behad hi khoobsurat.



Ek aur raat hui aur Tarun kahin nahi dikh raha tha. Do dino mein mushkil se usse koi baat hui thi. Shreya khud hi himmat karti hui uske kamre tak pahunch gayi aur darwaza khatkhataya.

Shreya ne darwaza khulte hi kaha - Mujhe avoid kar rahe ho kya?

Tarun - Nahi toh Bhabhi! Main kyu...?

Shreya ne uske honthon par ungli rakhi aur uske saath kamre mein andar aate hue band kar liya - Aisa lag raha hai jaise tum jaanboojh kar mujhse nazrein chura rahe ho. Kahan they poora din?

Tarun - Bas kaam mein hi busy tha... aapko pata hi hai ab sab kuch maine hi sambhal rakha hai.

Shreya - Hmmm... akele kyun sambhalte ho sab... koi haath batane ke liye le kyun nahi aate?

Tarun - Bhabhi...

Shreya - Bhabhi kyun bula rahe ho mujhe... ab toh tumhari bhabhi nahi hoon main... Shreya keh sakte ho na.

Tarun - Aap toh hamesha meri bhabhi rahoge.

Shreya ne Tarun ki aankhon mein dekha aur behichak apne mann ki baat keh daali - Mujhe aaj yahan... is kamre mein sona hai... tumhare saath. Bhabhi ban kar nahi... Shreya ban kar.

Tarun apne aap ko control karne ki behad koshish kar raha tha par woh apne aap ko aur nahi rok paaya. Dono ek doosre ki baahon mein samate hue apne aap ko khone lage.



Kuch hi der mein Shreya aur Tarun ke kapde utarne lage they.



Aur fir dono ki angar ki aur bhadakte hue unhe pagal karne lagi. Unke nange jism ek doosre se takrate hue ek banne lage.







Shreya ko Shayad iski bohot zaroorat thi. Uska saara stress bahar nikal raha tha.

Dono ek doosre ki baahon mein nange hi so gaye. Shayad hi unhe kabhi bina rok tok ke aisa mauka mila tha. Aur woh bhi Tarun aur Ravi ke ghar ke andar. Shreya sochne lagi ki agar uski saas upar baithe yeh sab dekh rahi hogi toh shayad uski aatma bhi kilas rahi hogi.

Subah jab Shreya uthi toh Tarun kamre se jaa chuka tha. Woh tayyar ho kar bahar nikli. Uske, Tarun aur papa ji ke elawa ghar mein bas ek naukar hi tha, aur shayad hi kisi ko pata chala ho ki usne raat wahan uske kamre mein guzaari thi.

Shreya naha ke tayyar hokar fir se papa ji ke paas baith gayi.

Papa - Aaja beendhni... baith mahare paas

Shreya chup chup unke paas baith gayi.

Papa - Terse ek baat karni thi... main us basha mein bolu jo tujhe samajh aa jaye...

Shreya - Ji Papa ji... 

Papa - Mera paas ab jyada tym toh bacha na hai...

Shreya ne unhe rokna chaha par unhone Shreya ka haath pakad kar chup kara diya.

Papa - Sun le... main chahu ki mera jo kuch hai... tere aur Tarun ke beech mein aadha aadha ho jaye...

Shreya - Nahi Papa ji... main nahi le sakti... aap sab Tarun ko de dijiye...

Papa - Kyun? Kya dikkat se? Ravi jinda hota toh aadha uska hi hota na...

Shreya - Haan par... woh baat alag hoti... Tarun hi sab kuch sambhal raha hai itne saalon se. Yeh uska haq hai.

Papa - Woh khud yehi chahe... uska bhi toh koi aage peeche nahi hai. Tu khushi khushi le le, mujhe acha lagega.

Shreya - Abhi aapko kuch nahi ho raha... baad mein baat karenge iss sab ke baare mein.

Papa kuch sochte hue - Ek baat aur sun le fir... agar tu chahe ki sab Tarun ka ho jaye toh mere liye ek kaam kar de.

Shreya - Haan bataiye na.

Papa ne Shreya ka haath pakadte hue kaha - Tu... Tarun se byah kar le...

Shreya ka dil ekdam se dhak ho kar reh gaya, woh soch bhi nahi sakti thi woh aisa kuch keh sakte they. Use samajh nahi aa raha tha woh unhe kya bole.

Papa - Bistar par jaroor leta hoon... par dimaag abhi nahi sathiyaya hai... sab jaanta hoon... samajhta hoon.

Shreya - Papa ji... main... nahi... 

Papa ne pyaar se Shreya ke sar par haath fera - Kyun nahi? Abhi teri umar hi kya hai? Kam se kam 80 tak toh jiyegi na... toh abhi toh aadhi umar bhi nahi hui. Woh tujhe bohot chahta hai... use tera sahara mil jayega aur tujhe uska.

Shreya - Papa ji... Rohit bohot bada ho chuka hai... aur fir samaj aur duniya kya kahegi.

Papa - Samaj aur duniya ki soch soch kar hi toh aaj ye dono ka yeh haal hai. Aur fir Rohit toh apna ghar basa lega kuch saalon mein... tu kya karegi fir... dono akele reh jayoge.

Shreya ne gehri saans bhari. Aaj se 6-7 saal pehle yeh baat uthti toh shayad uska decision alag hota, par ab... ab toh bahut der ho chuki thi. 

Papa - Chal koi nahi... tu soch le... par filhaal main vakeel bula kar... sab kuch tere aur Tarun ke naam aadha aadha kar raha hoon.

Papa ji ne Shreya ke ek na suni aur unhone jo thaan liya woh use karke rehne wale they. Shreya ka mann jo pehle se ghar par akele Rohit ke liye pareshaan tha ab is naye topic se aur bhi pareshaan ho utha tha. Use samajh nahi aa raha tha ki life use kahan lekar jaa rahi thi.

[Celebrorn]

Maine pichhle 3-4 dino se kaafi non stop likha hai. And feel a bit tired. Next update mein thoda time lag sakta hai.

I am really proud and happy how a lot of the storylines and characters converged for the Holi update. It was my favourite so far.

But at the same time disappointed again with the readers for no commente.

[Celebrorn]

Chapter 36

Rohit apne liye kuch khane ke liye bana raha tha. Halanki Mom chaar din ka khana bana kar gayi thi, woh aaj raat ki video call mein Mom ko impress aur surprise karna chahta tha. Woh bhi toh jaane unka beta kitna responsible that ki sirf junk food par zinda nahi tha.

Pichhle do din usne apne dimaag ko bilkul shaant rakhne ki koshish kari thi. Na koi negative thoughts, na kisi par gussa. Bas ek list bana rakhi thi ki use kya kya karna tha.

1. Time par uthna
2. Time par college pahuchna
3. Studies mein dhyan dena
4. Kisi se ladayi nahi karna, uske baare mein sochna bhi nahi
5. Healthy Khana
6. Mom ko roz call karna aur I love you bolna

Pichhle do dino mein usne roz is list ko achieve kar liya tha. Par ek aur item bhi thi aakhir mein us list mein jo abhi adhoori thi.

7. Naina

Bas ek shabd, kya karna tha kaise karna tha use kuch samajh nahi aa raha tha. Woh kaise Naina ko samjhaye ki uski ab koi girlfriend sach mein nahi thi. Pichhle ded hafte mein agar Aanya agar use college mein dikh bhi gayi thi toh usne usse baat nahi ki thi. Aur na Aanya ne ab koi koshish kari thi.

Sab kuch theek chal raha tha par raat hote hi ek ajeeb sa khalipan sa lagta. Rohit ka dil use baar baar kehta ki woh Naina ko message kar de ya use call kar de. Par ab samajh nahi aa raha tha woh use kis tarah yeh sab samjhaye. Darr tha kahin woh kuch aisa na bol de jisse Naina usse aur door chali jaye.

Tabhi flat ki ghanti baji, aur Rohit ne kitchen se nikalte hue darwaze ki taraf badha. Woh is waqt kisi ko expect nahi kar raha tha. Darwaza kholte hi uske hosh udd gaye. Saamne Naina khadi thi.

Uske haath mein ek steel ka dabba tha, aur uska chehra dekh kar saaf pata chal raha tha ki woh yahan apni marzi se nahi aayi thi.

Rohit ne hairaan hote hue kaha - Naina?

Naina ne bina uski taraf dekha kaha - Mummy ne bheja hai. Tum akele ho toh Mummy ne socha ki...

Rohit ne uske haath se tiffin le liya aur thoda hesitate karte hue socha ki agar Mom hoti toh kya kehti - Andar aayo na... bahar kyun khadi ho?

Naina ne turant ek kadam peeche le liya - Nahi, mujhe jaana hai.

Rohit - Umm... paanch minute?

Naina - Nahi... mujhe darr lagta hai...

Rohit - Darr lagta hai? Mujhse?

Naina - Hmmm... aur waise bhi aunty bhi nahi hai...

Rohit - Mujhe tumhe woh Holi wali videos deni thi na, tumne maangi bhi nahi.

Naina ne muh banate hue kaha - Nahi... rehne do... main woh post karne bhi nahi wali...

Rohit - Kyun?

Naina - Bas... mera mann...

Rohit Naina ki taraf dekh raha tha, shayad uska ek aakhri mauka bhi haath se jaa raha tha. Tabhi kitchen se kuch jalne ki smell aur dhuaa bahar aane laga.

Rohit - SHIT!!!!

Rohit jaldi se andar bhaaga. Woh gas ko high flame par chhod gaya tha aur poori sabji jal chuki thi aur har taraf dhuaa ho raha tha. Usne jaldbazi mein gas par se bartan ko hatane ki koshish kari aur uska haath jal gaya.

Rohit - Ahhhh.... Shit!!!

Uski aawaz sunkar Naina bhi kitchen mein pahuch gayi thi - Yeh kya kar rahe they tum!

Naina dhue se khaasne lagi. Usne jaldi se gas ko band kiya aur exhaust fan on kar diya. Rohit apne jale hue haath ko pakde dard se aawazein nikaal raha tha. Uski ungliyaan aur hatheli poori laal padh chuki thi.

Naina - Pagal ho kya tum! Garam bartan ko bina kapde ke kaun pakadta hai?

Naina ne jaldi se fridge mein se barf nikaali aur ek bowl mein daalte hue Rohit ka haath usme daal diya.

Naina - Koi burnol type ki cream hai kya?

Rohit muh banata hua bola - Haan... woh andar... Mom ke kamre mein hogi... dressing table mein.

Naina jaldi se bhaagi hui andar gayi aur kuch der baad ek towel aur cream leti hui bahar aayi. Tab tak Rohit bhi barf ka bowl liye drawing room mein aa chuka tha.

Naina - Dikhayo... 

Naina ne uska haath pakadte hue bahar nikaala aur towel se halke se dab karte hue sukhaya. Aur fir us par cream lagane lagi. Uske chehre par Rohit ke liye fiqr saaf thi. Aur Rohit kuch pal ke liye apna dard bhool kar uski taraf dekh raha tha. Naina ke sparsh ne uska dard aadha kar diya tha.

Naina uski ungliyon ko apne muh ke paas laakar fook maar rahi thi. Tabhi uski nazrein Rohit se mili aur usne turant uska haath chhod diya.

Rohit ne haath chhodte hi dard mein awaaz nikali - Ahhh... Ouchhh...

Naina - Kyun kar rahe ho tum yeh sab Rohit!

Rohit - Kya kar raha hoon main?

Naina - Tumhe pata hai tum kya kar rahe ho... main jaa rahi hoon... bas padosi hone ke naate tumhari help kar di zara si...

Rohit - Sirf padosi hone ke naate? Matlab tum sabhi ki aise hi help karti... meri specially nahi.

Naina ki aawaz dagmaga rahi thi - Haan... aur kya...

Rohit ne uski aankhon mein dekha aur uski aankhon ke aage ek geeli si layer tairne lagi thi. Uske paas bas yehi ek mauka tha - I am sorry maine tumse jhooth bola. Aanya meri girlfriend thi. Par us din, Holi ke din hi maine usse break up kar liya tha. Main sirf tumse...

Naina ne use beech mein rok diya - Rohit nahi... please. Mujhe koi farak nahi padta ki tumne break up kiya ya nahi... Main us din bol chuki hoon ki hum bas society ke friends hain.

Rohit ne poori sincerity ke saath kaha - I am really sorry Naina... mujhe woh nahi kehna chahiye tha.

Naina ne apna sar naa mein hilate hue kaha - Main kya karu Rohit is sorry ka... it's fine...

Rohit - Theek hai... par please ek baar... main tumse sunna chahta hoon. Tumhe kaisa feel ho raha tha un do hafton mein jab hum log saath mein they. Bas itna bata do... 

Naina emotional hoti jaa rahi thi - Usse kuch change nahi hoga.

Rohit - Par kam se kam mujhe pata toh chal jayega ki maine kya kho diya.

Rohit jis filmy romantic tareeke se usse baat kar raha tha usse Naina apne aap ko aur nahi rok paa rahi thi - Pata nahi... ek ajeeb si feeling thi... jaise main itni khush pehle kabhi nahi hui hoon. Par Holi ke baad se... tumhe pata hai main sahi se so bhi nahi paa rahi hoon. Pata nahi kyun bas tumhare baare mein sochti rehti hoon.

Rohit ne kuch nahi kaha bas Naina ki taraf dekhta raha.

Naina - Tumne mujhe poori tarah mess up kar diya hai. I hate you... I hate you... kuch bologe bhi ya bas aise hi dekhte rahoge.

Rohit ne gehri saans lete hue kaha - Naina... I love you!

Naina ekdam se bauchakki si reh gayi, usne socha nahi tha ki Rohit usse yeh 3 shabd keh dega. Uske kaano mein abhi bhi Rohit ke shabd goonj rahe they.

Naina - Kya... kya kaha tumne?

Rohit - I love you! I really do.

Naina ne apne aap ko uski aankhon mein khone se roka - Nahi... tum bas aise hi bol rahe ho... Pata nahi kitni ladkiyon ko pehle bol chuke honge. Mere liye, woh words matter karte hai.

Rohit - Maine aaj tak yeh shabd kisi ko nahi bole hain.

Naina ka dil uska saath nahi de raha tha - Liar!

Rohit ne apne jale hue haath se Naina ka haath pakad liya - Sach!

Naina - Rohit please... tum nahi samajh sakte ki mere liye love ka matlab kya hai. Mere liye love koi casual cheez nahi hai.

Rohit - Pichle ded hafte se main roz tumhare baare mein sochta hua sota hoon aur jagta hoon. Maine kabhi pehle aisa mehsoos nahi kiya hai.

Naina - Sirf kisi ke baare mein sochna love nahi hota. Agar main kabhi kisi ko love karungi toh fir shayad kabhi kisi aur ko na kar sakungi. Tum toh pata nahi kitni baar love kar chuke honge.

Rohit - Sach... Aanya meri girlfriend thi, par mujhe kabhi uske saath waise nahi mehsoos hua jo tumhare saath hua hai.

Naina ki aawaz thodi dheemi ho gayi - Rohit... I want my love to be my first everything... my first crush... my first love... my first.... kiss...

Rohit - Main bhi... I know you love me! Please give me one more chance to prove how much I love you!

Naina aur Rohit ek doosre ko gehri saans lete hue dekh rahe they. Dono ko yakeen nahi aa raha tha ki unhone apna love ka confession kar diya tha. Un dono ke chehre ek doosre ke paas aa rahe they.

Tabhi ghar ki doorbell ek baar fir baji aur dono hadbadate hue khade ho gaye. 

Naina ne Rohit ki taraf dekha, uski aankhen pooch rahi thi ki kaun ho sakta hai. Rohit jaldi se darwaze ki taraf gaya, jo abhi bhi aadha khula hua tha.

Bahar jis insaan ko usne khada dekha woh use wahan dekh kar hairaan reh gaya - Rishabh!

Rohit ko uska naam bhi theek se yaad nahi aa raha tha - Tum?!

Rishabh - Ji... kya hua? Andar se kuch jalne ki smell aa rahi hai.

Naina tezi se andar se aati hui bina Rohit aur Rishabh ki taraf dekhe unke beech se hoti hui bahar nikal gayi.

Rishabh ne palat kar Naina ko jaate dekha - Yeh... aapki friend hain? Kafi acha dance kiya tha inhone us din.

Rohit ne muh banate hue uski taraf dekha - Tum yahan kya kar rahe ho?

Rishabh - Woh Ma'am ne bataya tha aap akele ho toh maine socha ek baar check kar lu.

Rohit - Mom ne tumhe bola mujhe check karne ke liye?

Rishabh - Nahi... unhone nahi kaha tha. Bas woh... us din... maine aise hi socha...

Rishabh ka ek haath kaanp sa raha tha. Woh kisi tarah apne aap ko yahan tak le toh aaya tha par ab realize ho raha tha ki shayad usne koi badi galti kar di thi.

Rohit ko samajh nahi aa raha the woh kya kare - Emmm... sab theek hai.

Rishabh ne ek dabba uske aage kar diya - Ye lijiye... kuch snacks hai. Maine yahin paas se khareede hain.

Rohit - Ohhkkk... andarrrr... aayoge kya? Ya?

Rishabh - Haan... main aa jaata hoon...

Rishabh hesitate karta hua ghar ke andar ghus gaya aur Rohit ne ek gehri saans lete hue darwaza band kiya. Rishabh kitchen mein jhaank kar dekh raha tha jahan se abhi bhi halka sa smoke bahar nikal raha tha.

Rishabh kitchen ki taraf badha - Kuch jal gaya shayad!

Par Rohit ne use rok liya - Haan... woh... thoda... cooking accident. Tum baitho andar... paani piyoge?

Rishabh - Haan... agar hai toh... matlab...

Rohit - Haan paani toh hai hi!

Rohit ne kitchen mein ghuste hue apna sar pakad liya. Uski life ka sabse amazing moment that abhi Naina ke saath, aur pata nahi kahan se yeh gadha yahan aa gaya tha. Matlab yeh yahan aaya bhi kyun tha? Itna awkward sa ajeeb sa ladka. Shit!

Rohit ne kisi tarah fridge se ek paani ki bottle nikaali. Thandi bottle pakadne mein achi lag rahi thi. Woh use lekar andar aa gaya. Rishabh idhar udhar dekh raha tha. Aur Rohit ne use paani ki bottle pakda di.

Rohit - Sorry woh glass... laata hoon.

Rishabh - Aree nahi... aise hi theek hai... upar se pee lunga. Glass kyun karna.

Rishabh bottle se paani peene laga.

Rohit sofe par baith gaya, use samajh nahi aa raha tha woh kya kare ya kya bole.

Rishabh ne baithte hue bola - Ma'am ke bina toh thoda ajeeb sa lagta hoga na.

Rohit - Ma'am matlab Mom na? Haan... I guess... pehli baar hi hai.

Rishabh - Haan exactly... office mein bhi kuch aisa hi hai.

Rohit - Mom ne tumhe sach mein nahi bheja?

Rishabh nervously bola - Nahi unhone nahi bola... actually bhaiya aap unhe nahi bolenge please ki main aaya tha.

Rohit ko ajeeb sa lag raha tha ki usse badi umar ka ladka use aap aap karke aur bhaiya bula raha tha.

Rohit - Ummm... theek hai... aap bhi... unhe yeh kitchen accident ka kuch mention nahi karna.

Rishabh - Haan! Nahi karunga. Main aaya hi nahi toh... mujhe kaisa pata hoga kisi bhi baare mein.

Rohit - Exactly! Kuch khayoge?

Rishabh - Woh patties thi us box mein... woh kha sakte hain.

Rohit jaldi se Rishabh ka laaya hua box le aaya aur 2 plates bhi. Dono aamne saamne baithe bohot hi awkwardly chup chaap patties kha rahe they. Beech beech mein unki nazar milti par woh idhar udhar dekhne lagte.

Rishabh patties khatam karte hi khada ho gaya - Toh main... chalta hoon... lagta hai sab theek hi hai.

Rohit - Haan... ummm... thanks for... the patties I guess.

Rishabh - Aap apna number de do, main miss call kar deta hoon. Agar koi emergency ho toh mujhe call kar lena.

Rohit sochne laga ki woh kaunsi emergency mein is ladke ko call karne ka kabhi sochega par woh use mana nahi kar paaya - Ummm.... haan likho...

Rishabh ne apne phone mein Rohit ka contact save kiya aur uske phone par ek missed call di - Theek hai bhaiya... main chalta hoon... aap apna dhyan rakhna.

Rohit - Haan... sure... bye!

Rishabh ke jaate hi Rohit ne ek badi si saans chhodi. Oh god! Aaj ki poori shaam itni crazy rahi thi. Rishabh ke aane se uska poori thought process hi jaise hil gayi thi. Uske aane se theek pehle woh... Naina ke paas tha. Woh dono shayad aur bhi paas aane wale they. Shit! 

Par shayad uske paas ek aur mauka tha abhi. Woh jaldi se apne kamre mein ghusa aur ek pen drive mein Holi ki saari videos daalne laga. Yehi sahi bahana tha Naina ke ghar jaane ka.

Kuch der baad woh pen drive liye Naina ke ghar ke bahar tha. Knock karne par Khanna ne darwaza khola aur muskurate hue use welcome kiya. Par Rohit ki nazar andar Naina par gayi, jiske chehre par ab ek behad shy si muskaan thi.

[Celebrorn]

Chapter 37

Shreya office mein baithi apne kaam mein kafi busy thi. Use ghar wapas aaye hue ek hafte ho chuka tha par abhi bhi kafi backlog bacha hua tha. Wapas aakar aisa laga jaise use fir se ek badla hua Rohit mil gaya ho. Pehle se kahin jyada responsible aur khush. Usne abhi tak Shreya ko sorry toh nahi bola tha, par uske actions sorry se kahin jyada they.

Tarun ki soch bilkul sahi kaam kar gayi thi. Us ek hafte ki doori ne un dono ko hi ek breathing space de diya tha ki woh log soch paaye apni jindagi ke baare mein. Par jahan Rohit ab thoda sorted sa lag raha tha, Shreya ke mann mein ek ajeeb si uljhan chale jaa rahi thi.

Papa ji ne jo usse kaha tha woh abhi bhi use bhula nahi saki thi. Shayad woh apne jaane se pehle yeh sunishchit karna chahte they ki Tarun aur Shreya dono ke paas koi na sahara ban kar khada rahe. Shayad unki soch galat nahi thi, par sab kuch itna aasan bhi toh nahi thi. 

Shreya ne Tarun se iss baare mein koi baat nahi chhedi. Pata nahi Papa ji ne usse yeh baat kari thi ya nahi, pata nahi uske mann mein kya tha. Bas uski baahon mein simte hue kab poora hafta beet gaya, use pata bhi nahi chala tha. Aur ab... ab woh use behad miss kar rahi thi.

Shreya ne ek claim par stamp lagate hue stamp kiya. Usse thodi door Rishabh bhi apne kaam mein kafi busy tha.

Achanak se ek soft sa haath aakar Shreya ke kandhe par pada aur ek chehakti hui si jaani pehchaani aawaz - Hello Aunty!

Shreya ne peeche mud kar dekha toh Megha uske peeche khadi thi - Megha!

Shreya turant khadi ho gayi - Kaisi ho! Yahan kaise aana hua.

Megha - Paas mein se guzar rahi thi... yaad aaya ki aapka office yahin hai... socha aapse mil lu... kafi sarkari office type feel hai yahan.

Shreya - Haan... par sach batayo... Aaj tak toh kabhi mujhse milne nahi aayi. Mujhe pata hai kisse milne aayi ho.

Megha - Nahi nahi aunty... (fir haste hue) acha theek hai... admit karti hoon. Kahan baithta hai woh waise?

Shreya - Yahin toh....

Shreya ne dekha toh Rishabh apni seat par nahi tha - Abhi toh yahin tha. Cafeteria gaya hoga. Aage se right.

Megha - Main dhoond lungi... aap baitho... Main aati hoon.

Megha cafeteria ki taraf badh gayi aur Rishabh ko wahan akele lunch karte dekha. Woh muskurati hui uski taraf jaane lagi. Use wahan dekh kar Rishabh ekdam se hairaan reh gaya.

Megha - Hello... kaise ho?

Rishabh - Main badiya... aap yahan kaise?

Doosri table par woh ladkiyon ka group bhi Megha aur Rishabh ki taraf dekhne lag gaya tha. Unhone pehle kabhi is ladki ko nahi dekha tha aur unhe samajh nahi aa raha tha woh Rishabh se baat kyun kar rahi thi.

Megha - Tumhari khabar lene... tum toh kabhi message ya call karte nahi.

Rishabh ke gaal thode laal ho gaye - Woh toh bas... main samajh gaya... aap Ma'am ko dikhana chahti hai na ki hum log mil rahe hain.

Megha thoda sochte hue - Ummm... haan... aisa hi kuch samajh lo.

Megha ne Rishabh ke bina bole uske lunch se ek gassa todte hue kha liya - Uhhh... itna acha nahi hai... tumne banaya hai? 

Rishabh - Nahi nahi... woh PG mein... aunty ne.

Megha ne shararat bhari aawaz mein kaha - Acha... waise tumhe toh acha khana banana aata hai na.

Rishabh - Nahi... bas theek thaak. Aap meri taang kheench rahi hai kya?

Megha bilkul serious hote hue - Nahi toh! Maine toh pakdi bhi nahi hai tumhari taang.

Megha yeh bolte hi hasne lagi aur Rishabh ke gaal aur bhi laal ho gaye. Doosre group ki ladkiyon ka bhi interest unki conversation mein kafi badh gaya tha.

Megha - Waise hum log aise hi kabhi bhi mil sakte hai... mujhe message kar diya karo.

Rishabh - Mujhe laga... aap busy hongi.

Megha - Haan toh baat karke figure out kar lenge na.

Rishabh - Hmmm... aapka office theek chal raha hai?

Megha - Haan Badiya! Aaj leave li hui hai.

Rishabh - Woh... Singapore wali baat... kuch aage badi?

Megha - Nahi... abhi toh nahi... par... dekhte hain. Nahi bhi hua toh theek hai. Kya pata... kuch aur acha ho jaye life mein.

Rishabh - Haan yeh bhi hai. Waise... hamare baare mein... koi kuch keh toh nahi raha tha na aapko?

Megha - Mummy pooch rahi thi... par maine abhi gol mol jawab de diya. Isse yaad aaya... ek baar Shreya aunty se bhi baat karni hai. Kahin woh kuch ulta pulta soch kar baithi hon. Us din itna sab kuch ho gaya unse baat hi nahi ho paayi.

Rishabh - Haan woh... ekdam se pata nahi kya hua... woh Rohit bhaiya itna gussa dikh rahe they!

Megha thoda hairaan hote hue - Rohit bhaiya kyun bula rahe ho use!! Tumse kafi chhota hai. Idiot hai ek number ka, faltu ki heropanti aa rahi hai use aajkal. Cool rahe... calm rahe... jaise tum ho.

Rishabh thoda sharmate hue - Mere jaise?! Nahi nahi... woh toh kafi cool hain waise hi... mere jaise nahi.

Megha thoda serious hote hue - Tum apne aap ko itna under estimate kyun karte ho?

Rishabh thoda nervous ho kar un ladkiyon ke group ko dekhne laga - Pata nahi... 

Megha ne palat kar unki taraf dekha aur fir Rishabh ki taraf - Kya hua? Un mein se... kisi ko... like karte ho?

Rishabh - Nahi nahi! Woh ladkiyan toh mujhe bilkul achi nahi lagti!

Megha ek shararat bhari muskaan ke saath - Toh kaun achi lagti hai?

Rishabh ne aankhen jhuka li - Ummm... pata nahi...

Dono hasne lage aur apas mein baatein karte rahe.

Shreya apne desk par abhi bhi baithi files clear kar rahi thi. Tabhi uske email box mein ek email aaya.

Please Send Education Documents

Shreya ne email khola toh usme likha tha ki HR ne uske education documents ki attested copy aur originals maange they.

Shreya email dekh kar thoda hadbada sa gayi. Kuch samajh nahi aa raha tha ki yeh email kyun bheja gaya tha. Uski nazar Manish ke cabin ki taraf gayi. Kya is sab mein Manish ka koi haath tha? Pata nahi, par filhaal uske paas jaane ke elawa koi option bhi nahi tha.

Shreya khadi hui aur uske cabin tak pahuch gayi.

Shreya knock karke halka sa darwaza khola - Sir...

Manish - Come in...

Shreya ne andar aate hue darwaza band kiya - Sir... ek urgent baat karni thi.

Manish - Haan haan... bolo na.

Shreya - Mere paas abhi ek email aaya hai HR se. Unhone mere original education documents maange hai.

Manish - Kyun? Education documents ka kya karenge woh?

Shreya - Mujhe nahi pata! 

Manish - Acha... toh de do unhe documents.

Shreya pareshaan hote hue - Manish... I mean Sir aapko pata hai na...

Manish - Kya pata hai? Oh... acha... haan... main toh bool hi gaya tha.

Shreya Manish ke expression padne ki koshish kar rahi thi. Kya woh koi natak kar raha tha ya sach mein bhool gaya tha - Ab? Itne saalon baad documents maangne ka tuk kya hai?

Manish apni seat se khada ho gaya - Ruko, pareshaan at ho. Main abhi pata lagata hoon.

Manish ne turant apna phone uthaya aur ek number dial kiya - Bishnoi ji... kaise hai aap... Ek kaam tha aapse...

Manish phone par HR mein kisi se baat kar raha tha aur Shreya apni purani memories mein kho gayi. Uske husband Ravi ki death ke baad woh uski job le sakti thi, par uske liye graduate hona zaroori tha. Par usne toh kabhi apni graduation poori nahi ki thi. Uski shaadi hi 2nd year ke beech mein ho gayi thi.

Halanki usne apni graduation poori nahi ki thi par Ravi ka poora kaam use aata tha. Har shaam Ravi use baith kar padata, apna kaam samjhata aur English ki books padwata. Itne saal Ravi ke saath rehte rehte woh kitna kuch seekh gayi thi. Par fir bhi uski job paane ke liye graduation ka thappa hona zaroori tha. Tab Manish ne hi uski madad ki thi, aur nakli certificates lagwa kar uski job lagwayi thi. Kitni shukr guzaar thi woh Manish ki.

Jaise hi Manish ne phone neeche rakha, Shreya wapas apne hosh mein aayi.

Manish kafi serious lag raha tha - Gadbad ho gayi hai Shreya!

Shreya - Kya hua?

Manish - Dwarka wali branch mein ek employee ki nakli marksheet ittefaq se pakdi gayi. Jab maamla thoda khula toh woh link ho gaya hamare purane HR wale babu se. Ab headoffice purani khulwa raha hai, aur kafi saare logon ko documents dene ke liye bola gaya hai. Tum akeli nahi ho.

Shreya - Par... Par Manish... mujhe toh yeh job karte hue 12 saal ho chuke hain! Mere documents kyun?

Manish - Ab woh main kaise keh sakta hoon? Par kuch gadbad hui toh baat mujh tak bhi pahuch sakti hai. Aakhir maine hi toh tumhari madad kari thi tab.

Shreya - Haan... ab kya kare hum aage?

Manish - Waise... tumhara woh Zaheer Khan... yaad hai na... central audit wala... wohi investigate kar raha hai. Kya pata list mein tumhara naam dekh kar usne... tumhe bhi lapete mein lene ka socha ho.

Shreya - Manish... aap kuch kariye na please... main originals kahan se laayungi HR ko dene ke liye?

Manish - Main dekhta hoon main kya kar sakta hoon Shreya. Jo mujh se ban sakega main woh karunga. Musibat ke time apne hi kaam aate hain.

Shreya bilkul pareshaan khadi thi, use samajh nahi aa raha tha ki aage kya hone wala tha. Job toh ek alag cheez thi, woh is chakkar mein jail tak jaa sakti thi. Na chahte hue bhi use is sab mein Manish ki madad leni padh rahi thi.

[Celebrorn]

Chapter 38

Agle ek mahine mein Rohit aur Naina ek doosre ke pyaar mein poori tarah doob chuke they. 

Der raat tak baatein:



Saath mein ghoomna, shopping:





Aur aakhir unki woh pehli shy si kiss:



Par Naina use aur badhne se rok leti, aur shayad Rohit bhi unke is pure se pyaar ki boundary cross nahi karna chahta tha.



Dono ke beech sab kuch itna acha chal raha tha. College ke exams sar par they aur Naina baar baar Rohit ko exams par focus karne ke liye bhi keh rahi thi. Pyaar karne ke liye toh poori umar padi thi abhi.

Unhone apna saath ghoomna publicly social media par bhi share karna shuru kar diya tha, jis par Shreya ki nazar bhi gayi thi aur use dekh kar Shreya ke chehre par ek badi si muskurahat aa jaati. Naina toh ab na use neeche kahin rokti na usse nazrein mila paati thi, bas sharma kar uske paas se guzar jaati thi.

Par Shreya ke dimaag mein abhi bhi office ki woh uljhan bani hui thi. Pichhle ek mahine se woh kisi na kisi bahane se apne documents dena taalti aayi thi. Par har roz darr laga rehta ki kab woh sach saamne aa jayega. 

Manish ne bhi is maamle mein haar si maan li thi, ki sab kuch uske haath se bahar tha. Bas uske paas ek hi solution tha ki Shreya yeh job chhod kar uske saale ki company join kar le, jahan woh use ek achi job dilwa dega. Par woh toh jaise kue se nikal kar khai mein girne jaisi baat hoti. Shreya ne Manish ko mana toh nahi kiya, par woh uska yeh offer kabhi nahi lene wali thi.

Is beech Tarun aur uski baatcheet bhi badh gayi thi. Papa ji ki tabiyat poochne ke liye woh har doosre teesre din use call kar hi leti thi aur woh use Rohit ki love story aur apne office ki baatein batati rehti.

Tarun - Papa bhi pooch rahe they Rohit ke baare mein, ek baar usse bhi milna chahte they.

Shreya - Haan bas uske exams hai 2-3 hafton mein, uske baad use lekar aati hoon.

Dono ke beech achanak se ek chuppi chhaa gayi jaise kuch bolne ko hi na bacha ho.

Shreya - Aaj bhi woh keh raha tha mere saale ki company join kar lo.

Tarun - Kaun? Manish? Aapne kya kaha?

Shreya - Main wahan kaam nahi kar sakti Tarun! 

Tarun - Toh aapne mana kar diya?

Shreya - Nahi... mana toh nahi kiya...

Tarun - Aap kya chahti hain?

Shreya - Pata nahi... itne saalon mein kabhi socha hi nahi ki main kya chahti hoon. Socha tha jawab khud hi mil jayega par ab tak toh mila nahi.

Tarun - Hmmm...

Shreya - Papa ne tumse koi baat kari kya?

Tarun - Kis baare mein?

Shreya - Kisi bhi baare mein... mere baare mein?

Tarun - Nahi, aisa kuch khaas toh nahi. Bas woh pareshaan lag rahe they aapke liye.

Shreya sochte hue boli - Tumhe yaad hai... humne baat ki... saalon pehle... ki woh kabhi nahi maanenge. Par ab agar woh khud yeh chahte ho toh?

Tarun - Kis baare mein baat kar rahi hai aap?

Shreya thoda sa irritate hote hue - Rehne do...

Tarun - Nahi... bataiye na? Kya nahi maanenge? Mujhe samajh nahi aaya.

Shreya ke muh se bahut hi halke se nikla - Hamare baare mein...

Tarun ki aawaz doosri taraf ekdam se gayab ho gayi. Uski chuppi Shreya ko akhar rahi thi.

Shreya ne apne phone ki taraf dekha, call abhi bhi jaari thi - Tarun... Tarun... meri aawaz aa rahi hai kya?

Tarun ki aawaz kafi dheemi ho gayi thi - Haan... aa rahi hai.

Shreya pareshaan hote hue boli - Toh bolte kyun nahi? Maine kuch galat kaha kya?

Tarun - Nahi... Bas, shayad main khud ko samjha chuka hoon ki yeh kabhi ho nahi sakta.

Shreya - Maine bhi yehi socha tha.

Tarun - Aur ab? Ab kya badal gaya?

Shreya bistar par apni ungli se halke se circles bana rahi thi - Kuch bhi nahi... par bohot kuch. Main bas shayad thak gayi hoon... aise hi muh se nikal gaya.

Tarun shayad apni umeed zahir nahi karna chahta tha, uski aawaz mein ek sanyam bana raha - Kya unhone aapse is baare mein koi baat ki thi? Mujhse toh kuch nahi kaha unhone.

Shreya - Shayad woh jaante hai ki faisla mera hai...

Tarun - Aur aap kya chahti hai?

Shreya has padi - Hum fir wohi gol gol baatein kar rahe hain. Iska jaise koi solution hi nahi hai.

Tarun - Aap jo bhi decision le, aap jaanti hai ki mera jawab badla nahi hai.

Shreya - Mujhe pata hai... so jayo ab... late ho gaya hai.

Tarun se yeh baat chhed kar uska dil aur bhi bechain sa ho gaya tha. Agar usne yeh decision le bhi liya toh kya Rohit kabhi samajh payega ki woh kya chahti hai, usne kya sacrifice kiya uske liye. Uske is ek nirnay se cheezein fir se bigad gayi toh? Kuch samajh nahi aa raha tha woh kya kare.

Ek aur hafta beet gaya sochte sochte aur fir bhi uska dimaag kisi nateeze par nahi pahuch paa raha tha. Uska dil keh raha tha ki woh sab kuch chhod kar Tarun ki baahon mein apne aapko poori tarah chhod de. Par doosri taraf Rohit ka chehra dekhte hi use yeh himmat nahi hoti.

Isi udhed bun ko woh apne dimaag ke kone mein liye office mein baithi thi ki kisi ki awaaz ne use jagaya. Usne palat kar dekha toh woh ekdam se surprised reh gayi, central audit se Zaheer Khan uske desk ke paas khada tha.

Zaheer muskurata hua bola - Ma'am... kaisi hai aap!

Shreya turant khadi ho gayi - Sir... badiya... aap bataiye!

Zaheer - Kafi busy rehti hain aap. 

Shreya - Haan... aajkal kafi claims aa rahe hain.

Zaheer - Claims toh aate hi rehte hai hamesha. Meri team ne kafi baar aapko contact kiya par aap unhe jawab hi nahi deti. Toh maine socha ki main hi directly aakar aapse baat kar lu, aakhir jaanta jo hoon aapko ache se.

Shreya - Aapki team ko? Woh documents ko lekar? Maine unko jawab bhej diya tha... actually mere documents lost ho gaye hain.

Zaheer - Ohhh! Toh university se dubara nikalwa lijiye.

Shreya - Actually maine yahan Delhi se padayi nahi ki thi... main Rajasthan se hoon.

Zaheer - Toh wahan se mangwa lijiye.

Zaheer ki questioning se Shreya ke paseene chhootne lage they 

Shreya - Woh ek chhoti university hai... kafi time le rahe hai woh... phone par baat ban nahi rahi hai... mujhe personally jakar pata karna hoga.

Zaheer - Aap mujhe bataiye, kaun si university hai? Main jakar karwa dunga. Is bahane Rajasthan bhi ghoom lunga.

Shreya ne idhar udhar dekha, log uski aur Zaheer ki conversation ko kafi gaur se sun rahe they, Rishabh bhi.

Shreya - Sir... 5 minute hai toh meeting room mein chal kar baat kar le?

Zaheer - Meeting room se acha neeche ek coffee shop hai. Wahan chale? Mere sar mein kafi dard ho raha hai.

Shreya ne use ghoor kar dekha, shayad Zaheer bhi baaki mardon ki tarah kuch soch kar uske paas aaya tha.

Shreya ne thoda serious hote hue kaha - Theek hai... chaliye!

Zaheer aur Shreya office ke neeche coffee shop mein aa gaye aur Zaheer ne do coffee order kar di. Shreya bas bahar sadak ki taraf dekh rahi jahan ek bada sa gaddha ho rakha tha, bilkul jaise uski jindagi mein ho gaya tha.

Zaheer - Kahan lost ho gayi aap Shreya ji?

Shreya - Hmmm... haan sorry. Woh bas aise hi...

Zaheer - Kuch pareshaan si lag rahi hain aap aaj?

Shreya ne muskurane ki koshish kari - Kafi saari cheezen chal rahi hai. Un mein se ek yeh bhi hai.

Zaheer - Toh aapki pareshaani thodi kam karne ke liye... main aapko batayu ki mujhe kya lagta hai?

Shreya halke se haste hue - Haan... sure...

Zaheer - Mujhe lagta hai... documents hai hi nahi. Jab aapki job lagi thi tab farzi document lagaye they, aur kisi ne internally aapki help kari thi.

Shreya - Hmmm... kafi smart hai aap. Aur kuch?

Zaheer - Jee... aur mujhe yeh lagta hai... ek bhaari keemat ada karni padi thi aapko is job aur un documents ke liye. Sahi keh raha hoon na?

Shreya ki aankhon mein halka sa gussa ubhar aaya - Kyun?? Aapko woh bhi wohi keemat chahiye kya ab?

Zaheer - Nahi! Aap mujhe galat samajh rahi hain.

Shreya dabi aawaz mein gusse mein boli - Bilkul sahi samaj rahi hoon main! Aapko woh documents chahiye na! Nahi hain woh, sahi soch rahe hai aap. Par yeh nahi soch rahe ki pichle 12 saalon se main yeh job poori imaandaari aur mehnat se kar rahi hoon. Ek bohot hi achi employee rahi hoon main. Aur mujhse pehle mere husband bhi. Main yeh job poori tarah deserve karti hoon... chahe mere paas degree ho ya na ho.

Shreya kafi kuch bolte hue gusse mein kaanp rahi thi.

Doosri taraf Zaheer chup chaap baitha raha aur bas ek coffee ka sip liya.

Shreya - Ab aapko jo karna hai kar lijiye! Par aap mujhe yun blackmail nahi kar sakte.

Zaheer - Aap mujh par bekar hi gussa ho rahi hain. Maine bataya tha na, yeh administrative type cases mein mera koi interest nahi rehta. Aap apna kaam bakhoobi kar rahi hai, aur degree ya na degree sab theek hi chal raha hai.

Shreya thodi hairaan ho gayi - Matlab? Aapko degree nahi chahiye?

Zaheer - Mujhe personally nahi chahiye, par company ko toh chahiye. Us list mein aapka bhi naam hai aur investigation to close karni hi padegi na.

Shreya - Par main bata chuki hoon na ki mere paas documents nahi hai.

Zaheer - Officially mujhe kuch nahi pata. Hum log yahan coffee shop mein baithe hain, upar jaate jaate mujhe kuch yaad bhi nahi rahega. Main office ki baatein office mein bhool jaata hoon aur bahar ki baatein bahar.

Shreya bohot hi frustrated sa feel kar rahi thi, use samajh nahi aa raha tha woh usse chahta kya tha - Aap saaf saaf boliye... aap mujhse kya chahte hain. Main kya karu ab?

Zaheer - Woh main kaise bata sakta hoon.

Shreya ne ek gehri saans bhari, woh is baare mein kayi dino se soch chuki thi, aakhir ek hi option tha uske paas - Main... main job se resign kar dungi.

Zaheer - Hmmm... are you sure? Fir kya karengi aap?

Shreya - Aur koi option nahi hai. Bas mujhe kuch mahino ka time chahiye, kuch sort out karne ke liye. Aap itna kar sakte hain mere liye?

Zaheer - Aapka matlab maamle ko 3-4 mahine kheechna?

Shreya - Jee Sir.

Zaheer ne Shreya ki taraf dekha aur fir ek halki si smile di - Done!

Shreya ko yakeen nahi hua ki Zaheer bas itni aasani se maan gaya - Sach mein? Aap... aap meri help kyun kar rahe hain?

Zaheer - Maine kaha tha us din bhi... acha kaptaan wohi hota hai jo apni team ki madad karta hai. Par kabhi kabhi kaptaan ko bhi toh help chahiye hoti hai.

Shreya ne chup chup Zaheer ki taraf dekha, uski aankhon mein Zaheer ke liye kritagyata thi.

Zaheer - Bas meri advice rahegi. Aap abhi kisi ko apne is decision ke baare mein na bataye toh behtar hoga.

Shreya - Haan... par aap aise kyun keh rahe hai?

Zaheer ne idhar udhar dekha aur thoda table par aage jhuka - Aapka naam originally us list mein tha nahi... dalwaya gaya tha.

Shreya ka dil ekdam se baith gaya - Kisne dalwaya?

Zaheer - Woh mujhe nahi pata. Par shayad aap guess kar paaye.

Shreya woh achi tarah se guess kar sakti thi ki yeh kiska kaam tha. Pichle ek mahine se jo uske help karne ke bahane fir se usse kareeb hone ki koshish kar raha tha.

Kuch der baad Zaheer cafe se jaa chuka tha aur Shreya apni office building ke neeche khadi apna phone ghuma rahi thi.

Shreya - Tarun... us din ki adhoori baat! Mujhe mera jawaab mil gaya hai!

Doosri taraf se Tarun ki khushi ki cheekh uske kaano mein goonj uthi. Shreya ne aakhir apna decision le toh liya tha par aage ka safar aasan nahi hone wala tha.

[Celebrorn]

Chapter 39

Shreya ke ghar par aaj kafi chehal pehal thi. Uska 37th birthday tha aur uske saare khaas log gathered they - Khanna aur uska pariwaar, Poonam aur Megha aur unka pariwaar, Rishabh, aur Tarun bhi aaya hua tha.

Shreya ko apna birthday celebrate karna kafi ajeeb sa lagta tha par is baar Rohit aur Naina ne mil kar use yeh surprise party throw kari thi. Shreya apne hi ghar mein aaj ajeeb sa feel kar rahi thi, itne saare mehmaan aur use na toh use khana banana pada tha. Par fir bhi woh sabko poochne mein lagi hui thi.

Megha - Aunty aap relax karo... sab ghar ke hi log hain.

Shreya - Haan... par... poochna toh padega na. Rishabh, tumne kuch liya? Megha... Rishabh ka tum dhyan rakho.

Megha muskurate hue - Theek hai aunty, aap uski fiqr mat karo.

Rohit aur Naina cake bahar le aaye aur Shreya ki photos lene lage. Woh aaj ek white golden saree mein bohot hi khoobsurat lag rahi thi. Aaj bahut dino baad uske chehre par thakaan ke bajaye ek sachchi muskaan thi.



Shreya ne cake cut karte hue Rohit ko apne paas bulaya aur us haath pakde hue saath mein cake cut kiya. Sab log Happy birthday sing kar rahe they aur fir zor se taaliyan bajane lage.

Shreya ne cake cut karke Rohit ko khilaya, aur fir Tarun ko, aur fir baari baari sabko khilane lagi. Naina aur Megha bhi use cake khilane lage.

Aakhir mein Rishabh aage aaya - Happy Birthday Ma'am!

Shreya - Thank you Rishabh. Ye lo cake lo.

Shreya ne apna haath aage karke uske muh ki taraf badaya. 

Rishabh ne hesitate karte hue Shreya ke haath se cake le liya - Ye lijiye... aap khaiye na.

Rishabh ka haath achanak se Shreya ki taraf badh gaya tha aur Shreya ne uski ungliyon mein laga cake khaa liya. Rishabh ke poore jism mein jaise bijli si daud gayi aur usne sharmate hue apni aankhen jhuka li.

Rishabh - Aap is hafte office nahi aayi toh thoda ajeeb sa lag raha tha.

Shreya - Acha... kya ajeeb lag raha tha?

Rishabh - Bas... aap wahan hoti thi... toh thoda... safe sa lagta hai.

Shreya - Hmmm... ab aadat daal lo mere bina office mein rehne ki.

Rishabh hairaan hote hue - Kyun? Aap kahin jaa rahi hai kya?

Shreya ko realize hua ki woh kuch jyada hi bol gayi thi - Nahi... aise hi bol rahi thi. 

Rishabh - Waise... aajkal woh... vendor payments ka kaam kafi jyada badh gaya hai... main dekh raha hoon... thoda ajeeb sa hai...

Shreya ne muh banate hue kaha - Rishabh please... aaj office ki baat nahi karte na... Tum jakar Megha se baat karo na? Waise tum log kab sab kuch final karke batayoge? Itni meetings ho gayi, itna sab kuch ho gaya.

Rishabh - Nahi nahi... aisa kuch nahi hua. Megha ji aur main bas achhe friends hai abhi... humne abhi shaadi ka nahi socha.

Shreya - Hmmm...

Tabhi Tarun ne Shreya ko side mein aane ka ishaara kiya.

Shreya - Haan... kuch chahiye kya?

Tarun dheere se fusfusate hue - Rohit aaj kafi ache mood mein lag raha hai. Agar aap chahe toh aaj usse baat kar sakte hain. Baaki jaisa aap theek samjhe.

Shreya yeh sochte hi ekdam se pareshaan ho gayi - Aaj? Aaj toh kitne saare log hain ghar par.

Tarun - Main logo ke jaane ke baad hi keh raha hoon. Mujhe lagta hai aaj ka din hi best hai.

Shreya - Par hum kya bolenge aur kaise bolenge. Kitna ajeeb sa laga hai.

Tarun- Shreya aapne sab decide kar hi liya toh aap use bolne se ghabra kyun rahi hain? Agar aaj nahi bataya toh baat kam se kam ek mahine aur ke liye tal jayegi. Fir pata nahi us din uska mood kaisa hoga.

Shreya - Hmmm... acha main sochti hoon... abhi aati hoon.

Shreya jaldi se Tarun ke paas se hatt gayi aur wapas logon ke paas pahuch gayi. Par Tarun ki baat uske dimaag par ek pressure sa bana rahi thi. Ek mahine pehle usne Tarun ko phone par apni haan keh di thi. Kitna excited sa feel kar rahi thi woh tab. Par uske baad har roz ek ajeeb sa darr laga rehta.

Usne kayi baar apne aapse yeh Rohit wali conversation ki thi, par har baar yeh lagta ki uske paas sahi shabd nahi they.

Raat ke 11 baj chuke they aur khana waigera ho chuka tha. Sab log ab dheere dheere jaane lage they. Kuch der baad ghar mein sirf Shreya, Tarun aur Rohit bach gaye.

Shreya ne Tarun ko akela dekh kar fusfusaya - Kafi raat ho gayi, abhi theek nahi rahega.

Tarun - Uski aankhon mein toh kahin neend nahi dikh rahi hai. Shreya... agar aap nahi chahti toh main aapko aur push nahi karunga.

Shreya - Tarun! Aisi baat nahi hai... bas mujhe darr sa lag raha hai.

Rohit - Aap log wahan kyun khade ho! Aayo gifts open karte hai na.

Shreya - Nahi mera mann nahi hai gifts open karne ka. Abhi rehne de.

Rohit - Kya pata kuch aisa mila ho jo mere kaam aa jaye.

Shreya - Tu hi saare gifts rakh le. Apni girlfriend ko de diyo.

Rohit thoda sa sharmate hue - Mom!!!

Tarun aur Shreya sofe par aa kar baith gaye. Rohit neeche carpet par baitha tha aur Shreya ne apna haath uske kandhe par rakh diya.

Shreya ne Tarun ki taraf dekha, uska dil zor se dhak dhak kar raha tha.

Shreya - Rohit... kisi ka saath hona... kafi beautiful hota hai na...

Rohit - Mom... mujhe nahi baat karni is sab ke baare mein... Naina aur main bas friends hain... aur kuch nahi.

Shreya - Acha! Sirf friends! Aur insta par jo posts aati rehti hai love emojis ke saath, unka kya?

Rohit ke gaal laal ho gaye - Naina bhi na bas! Maine mana kiya hai use yeh sab post karne ke liye.

Shreya - Woh tumhare hisaab se chale... woh na kare jo uska mann ho.

Rohit - Maine aisa kab kaha! Ok Ok... aap dono bilkul sahi ho! God... aap logo se koi nahi jeet sakta. Chachu dekh rahe ho na aap.

Tarun bas halke se muskuraya.

Shreya ko samajh nahi aa raha tha woh baat kaise shuru kare - Rohit... mujhe tumse kuch poochna tha.

Rohit ne palat kar Shreya ki taraf dekha - Maine ab kya kar diya?

Shreya - Tumne kuch nahi kiya. Main bas... umm... yeh batayo, Tum mujhse pyaar karte ho?

Rohit - Obviously! Yeh kaisa sawaal hai.

Shreya - And Chachu se bhi pyaar karte ho?

Rohit - Haan...

Shreya - Aur agar hame chachu ke saath hamesha rehna pade toh?

Rohit - Matlab?

Shreya - Matlab, hum teeno saath rahe toh?

Rohit ko Shreya ke questions ka maksad samajh nahi aa raha tha - Par woh kaise possible hoga... hum log yahan hai... chachu wahan hai? Yahan aapki job hai... mera college hai.

Shreya ne apna thook andar nigla - Kahan... woh matter nahi karta... bas... ummm... saath mein.

Tarun - Champion... tune hi kaha tha na ki... kaash aap hamare saath hote...

Rohit ko Tarun ki yeh baat achi nahi lagi, do-teen mahine pehle jab woh kafi pareshaan tha, tab yeh unki private conversation thi. Isko ab yahan laane ka kya point tha - Haan... par woh... aap log kehna kya chahte ho?

Shreya ne Tarun ki taraf ek nazar daali aur fir Rohit ki taraf - Tumhe pata hai na... ki main... tumhare papa ke jaane ke baad... kaise akeli rahi hoon. Sab kuch sambhala hai.

Rohit ki bauhein tanti jaa rahi thi - Haan...

Shreya -  Main ab kafi tired sa feel karti hoon... sab kuch akele sambhalte sambhalte... aise feel hota hai jaise... mujhe kisi ki help chahiye... kisi ka saath chahiye.

Rohit - Main hoon na... aapke saath...

Shreya ne ek gehri saans chhodi - Tum ho... par jaise main Naina ko replace nahi kar sakti... waise hi tum...

Rohit ki aankhen ekdam se badi ho gayi, use samajh aa gaya ki conversation kis baare mein thi. Woh soch bhi nahi sakta tha ki uski Mom is baare mein soch bhi sakti hain. Woh thoda sa peeche hua aur uski aawaz turant thodi uchi ho gayi - Matlab sexually!!!??

Shreya ko aise laga jaise Rohit ne use zor ka chaanta maar diya ho - Nahi!!! Kya bol rahe ho tum! Hosh bhi hai tumhe.

Rohit - I mean... romantically... ek hi baat hai... Aap aur Chachu...

Uski nazrein Shreya aur Tarun par baari baari gayi. Uska mahino ka shak bilkul theek tha, un dono ke beech saalon se kuch chal raha tha.

Rohit ekdam se uth khada hua aur uska chehra gusse mein laal ho gaya - Mujhe pata tha! Kuch chal raha hai!

Shreya bhi khadi ho gayi, use bilkul andaza nahi tha ki Rohit ne kabhi is baare mein kabhi socha bhi tha - Rohit! Nahi... meri baat suno... aisa kuch nahi hai.

Rohit - Kab se chal raha tha yeh sab aapke beech??? Aap toh Dad ke bhai hai na... fir aap kaise meri Mom ke saath...

Tarun - Rohit... aisa kuch nahi hai...

Rohit ke dimaag mein bohot saari cheezen chalne lagi thi - Aapne mujhe manipulate kiya! Mom ko akele wahan bhejne ke liye. Aap logo ne tabhi decide kar liya tha na iss sab ke baare mein? Aap mujhse sab chhipate aaye ho. Woh Jaipur wala trip...

Shreya - Rohit! Aaram se baitho... main sab samjhati hoon...

Rohit - Nahi... aap mujhe hamesha lecture deti aayi hain! Jabki aap yeh sab kar rahi thi.

Shreya ki aankhon se aansu nikalne shuru ho gaye they. Uske saare darr sach ho rahe they.

Tarun - Rohit... tum nahi samajh sakte ki ek akeli aurat ke liye samaj mein jeena kaisa hota hai.

Rohit - Main sab samajh sakta hoon! Ghar mein! Office mein! Bahar! Har jagah darinde baithe hai, jo Mom ka istemaal karna chahte hai! Aur aap bhi unme se ek ho!

Shreya ne aage badh kar Rohit ko ek kheench kar chaanta maara - Rohit! Tum apne chachu se aise kaise bol sakte ho!

Rohit ka chehra gusse se laal tha - Aur kya kya raaz chhupa rakhe hai aapne mujhse! Aur kis kis ke saath aapne apni sexual needs poori kari hai! Itni khoobsurat ho... mard toh aise hi patt jaate honge.

Ek aur thappad, aur fir ek aur. Shreya gusse mein bhadakti hui us par haath chalaye jaa rahi thi. Tarun ne use kheench kar Shreya ko peeche karna chaha par tab tak kafi der ho chuki thi.

Rohit apne kamre mein tezi se gaya aur apne ek bag mein kuch kapde samet-ta hua bahar ki taraf jaane laga. Shreya Tarun ke kandhe par sar rakh kar ro rahi thi.

Tarun - Rohit! Kahan jaa raha hai?

Rohit ka chehra kaanp raha tha - Mujhe yahan saans nahi aa rahi hai! Aapko koi haq nahi hai mujhe rokne ka.

Shreya bilkul sunn khadi thi, use samajh nahi aa raha tha woh kya kare. Rohit gusse se ghar se bahar nikal gaya tha aur Tarun uske peeche peeche. Rohit lift mein ghus gaya aur Tarun seediyon se jaldi se neeche pahuncha.

Rohit building ke bahar sadak par pahuch gaya tha. Tarun bhi tezi se uske peeche aaya.

Tarun - Rohitttt.... Rohitt....

Rohit ne koi jawab nahi diya, par sadak par idhar udhar dekhta raha jaise kisi ka intezaar kar raha ho.

Tarun - Rohit kya kar raha hai yaar! Tu pagal ho gaya hai kya? Kahan jaa raha hai?

Rohit ne koi jawab nahi diya par khada raha aur Tarun ne use pakadne ki koshish kari. Par Rohit ne use peeche dhakel diya aur gusse mein ghoora.

Rohit - Agar yahan sadak par koi tamasha nahi chahte toh ghar laut jayo... nahi toh acha nahi hoga.

Tarun - Rohit ye kya bachpana hai. Shreya aur main...

Shreya na naam Tarun ke muh se sunte hi usne Tarun ko ghoora. Uski mutthi kas chuki thi aur kuch bhi ho sakta tha.

Tabhi ek bike uske saamne ruki - Bhai... kya hua? Koi tension?

Rohit jaldi se bike par sawaar hua - Nahi... tu chal, main batata hoon baad mein.

Rohit bike par sawaar hote hue Tarun ki aankhon ke saamne wahan se nikal gaya tha. Tarun ko samajh nahi aa raha tha woh upar jaa kar Shreya se kya kahega ya uska saamna kaise karega. Sab kuch bilkul galat ho gaya tha.

[Celebrorn]

Chapter 40

Rohit hadbadate hue utha, fir wohi sapna jo baar baar use aa raha tha. Woh apni bike bohot hi tezi se chala raha tha aur ek tez roshni use gher leti hai, aur fir jaise woh kahin qaid ho gaya ho. Ek safed se kamre mein jahan koi deewaren nahi thi.

Woh gehri saansein lene laga. Pichle 3 hafte se woh yahan apne kuch doston ke kamre mein reh raha tha. Woh log bahar se padne aaye they aur unhone college ke paas hi rent par ek kamra le rakha tha. 

Jagte hi woh raat fir se uske dimaag mein chalne lagti. Uska gussa ab thoda sa kam hone laga tha par uski jagah ek gehri sharam ne le li thi. Ek aisi sharam jise woh chah kar bhi apne andar daba nahi paa raha tha. Kya kya nahi bol gaya tha woh us raat Mom ko. Par fir sab kuch sochte hi ek sharp sa gussa fir se jag uthta.

Sab kuch acha hi toh chal raha tha unki life mein. Woh tha... Mom thi... woh dono ek doosre ke liye kafi nahi they kya? Mom ko yeh sab karne ki kya zaroorat thi. Naina ne use samjhane ki kafi koshish kari thi, par uska mann fir bhi jaise samajhna nahi chah raha tha.

Mom ki jo bhi khabar thi use Naina se mil jaati, aur Naina hi unhe shayad uski bhi khabar de rahi thi. Unka gussa bhi abhi utra nahi tha. Woh aise kaise ghar chhod kar jaa sakta tha, par ab chala gaya tha toh dono mein se kisi ne pehal nahi kari thi ek doosre ko manane ki. 

Naina ne use kal hi bataya tha ki unhone Mom ko phone par kisi se office ke baare mein kuch kehte suna tha. Shayad kuch chal raha tha wahan jisse woh kafi pareshaan thi.

Rohit ne ek gehri saans bhari, aur apne phone par ek naam talashne laga. R... Rish... Rishabh...

Rohit ne call karne se pehle kuch pal socha aur fir aakhir number mila diya.

Doosri taraf se phone utha - Hello...

Rohit ki dabi hui udaas si aawaz nikli - Hello...

Rishabh - Rohit bhaiya?! Aap?!

Rohit - Hmmm...

Rishabh kafi hairaan tha ki Rohit ne use call kiya tha - Uhhh... aap theek toh hai na? Maine suna...

Rohit - Hmmm... ummm... maine bas aise hi call kiya...

Rishabh - Haan haan... bataiye... main kuch help kar sakta hoon?

Rohit - Ummm... Mom... Mom kaisi hain?

Rishabh - Ma'am! Woh toh... kafi pareshaan dikhayi deti hain... kabhi kabhi... rote bhi dekha hai maine unhe.

Rohit - Office mein kuch hua kya?

Rishabh - Nahi! Matlab... mujhe nahi pata... shayad aapko lekar hi. Aapki baat nahi hui unse?

Rohit - Nahi... abhi nahi. Mera ek kaam karoge Rishabh.

Rishabh - Haan Bhaiya! Boliye na.

Rohit - Agar kabhi lage kuch... Mom... jyada pareshaan ho... mujhe bata doge kya?

Rishabh - Haan... aap fiqr mat karo. Main aapko call kar dunga. 

Rohit - Chal theek hai. Main rakhta hoon.

Rohit ne call disconnect kiya. Mom office mein bhi ro rahi thi, yeh sun kar uska dil aur bhi baitha jaa raha tha. Agar woh itna pareshaan thi toh unhone usko call karne ki koshish kyun nahi ki thi.

Kuch der baad Rohit uth kar beman se tayyar hone laga. Use Naina se milne jaana tha aaj. Kayi din aise hi beet jaate they jab woh is kamre mein bas leta rehta tha, kuch nahi karta tha. Par Naina ne aaj kafi zor diya tha ki woh use college ke paas wale market mein mile. Fir woh dono college jakar Rohit ke liye kahin internship ki baat karenge.

Naina ek shop mein khadi kuch earrings apne kaan par laga kar dekh rahi thi. Woh thoda jaldi pahuch gayi thi, aur use pata tha ki Rohit thodi der mein aane wala tha.

Tabhi mirror mein peeche ek ladki ka chehra dikhayi diya. Usne us ladki ko pehle kahin dekha tha, aur jaise hi use yaad aaya uske maathe par tyoriyan chaddh gayi. Yeh Rohit ki purani girlfriend Aanya thi.

Naina turant earrings chhod kar bahar ki taraf nikalne lagi, par use aisa laga jaise woh ladki uske peeche peeche aa rahi ho. Usne apni speed badha di par tabhi us ladki ne uska naam pukarna shuru kar diya.

Aanya - Excuse me.... Naina... Excuse me... suno please...

Naina na chahte hue ruki aur palat kar Aanya ki taraf dekha, use samajh nahi aa raha tha ki woh uska naam kaise jaanti thi aur woh usse chahti kya thi.

Aanya ne ek kaala chasma aankhon par pehna hua tha - Naina right? 

Aanya ki aawaz thodi si bhari hui si, jaise uski tabiyat theek na ho ya fir woh ro rahi ho. 

Naina ne palat kar uski taraf dekha - Haan?

Aanya - Mujhe tumse kuch baat karni thi.

Naina - Mujhse?

Aanya - Haan... remember hum ek baar pehle mile bhi hain... tum Rohit ki society mein rehti ho?

Naina - Ok... ummm... 

Aanya - Main tumse paanch minute baat kar sakti hoon kya?

Naina - Par baat kya karni hai? 

Aanya ne apna chasma utaara - Please... main jyada time nahi lungi.

Naina uski koi baat nahi sunna chahti thi par Aanya ki aankhen laal ho rakhi thi, aur unhe dekh kar uske paas koi option nahi bacha tha. Kuch hi pal baad woh aur Aanya paas ki hi ek coffee shop ke andar baithe they.

Aanya aur woh dono aamne saamne baithe they aur dono hi chup they.

Naina ne apni ghadi ki taraf dekha, use is meeting ka matlab samajh nahi aa raha tha. Achanak se hi aise Aanya usse market mein kaise takra gayi thi. Naina ne Aanya ki taraf dekha, jaise usse bolne ko keh rahi ho.

Aanya ne ek halki si saans chhodi - So... tum Rohit ki kafi achi friend ho na?

Naina - Haan... par tumhe kaise pata?

Aanya - Maine tumhare photos aur videos dekhe hai insta par...

Naina uski baat sunkar samajh gayi ki yeh koi ittefaq ki meeting nahi thi. Aisa lag raha tha Aanya use kafi time se stalk kar rahi thi.

Naina - Toh? Usse tumhe kya matlab?

Aanya ke chehre par pareshaani saaf dikh rahi thi - I don't know usne kitna bataya hamare baare mein... 

Naina - Haan... he told me everything.

Aanya - Oh ok... everything... that's good. I just don't know what happened, us din Holi wale din, woh bas mujh par bohot jyada gussa ho gaya, aur fir main bhi bhadak gayi, aur fir hamari us din ke baad baat bhi nahi hui.

Naina - Par tum mujhe yeh sab kyun bata rahi ho?

Aanya - Ummm... I am sorry, main bas kafi pareshaan thi, thoda depressed bhi. I miss him a lot. I loved him so much. And we were so close together.

Aanya ke muh se love shabd sun kar Naina ko acha nahi laga. Rohit uska love tha na ki Aanya ka. Shayad yeh love sirf one sided Aanya ki taraf se tha, na ki Rohit ki taraf se.

Aanya - We used to spend so much time together, main uski mom se bhi mili thi. She liked me a lot too.

Naina ko woh din yaad tha jab Aanya Rohit ke ghar pehli baar aayi thi, par uski kabhi Shreya Aunty se Aanya ko lekar baat nahi hui thi.

Naina - Sorry... I don't know... tum usi se directly kyun nahi pooch leti?

Aanya - I tried messaging him, par usne shayad mera number block kar rakha hai. After everything between us... it felt like he just used me.

Naina ne thoda sa chaunkte hue poocha - Sorry how did he use you?

Aanya - I am sorry mujhe yeh nahi kehna chahiye tha. Everything was mutual between us. Are you guys just friends... or more than that?

Naina ki aawaz mein itni surety nahi thi - Ummm... pata nahi... we are still figuring it out.

Aanya - It was the same way with us! Hum log college ke first day se friends ban gaye they. Hum log ek doosri ki company mein kafi khush they and it was all going great, you know... raat bhar baatein karna, saath ghoomna, college mein masti karna. 

Naina ki aankhon ke saamne uske pichle teen mahine ghoom gaye. Aanya jo describe kar rahi thi, woh sab un dono ki roz ki aadat ban gayi thi. Aur jabse Rohit ghar chhod kar chala aaya tha, tabse toh woh har time uske liye available rehti thi.

Aanya - Par fir... he started... matlab... he wanted to take it to the next level.

Naina - Next level?

Aanya - Umm... you know... it started a bit harmless... woh photos aur videos maangta tha... aur main bhej deti thi.

Aanya ne apna phone Naina ke saamne kar diya, jisme Rohit ke texts they jahan woh Aanya se woh sab demands kar raha tha, aur unke theek neeche Aanya ki videos, aur us par uske bheje hue emojis. Naina ka dil baithne laga tha. Time stamp bhi holi ke theek aas paas ki thi. Usne jaldi se phone wapas Aanya ki taraf wapas sarka diya.

Aanya - And then... things got out of control... aur hum dono kafi... physically close aa gaye!

Yeh sun kar Naina ko ekdam se dhaska sa lag gaya aur woh khaasne lagi.

Khaasi rukte hi Naina ne apna doubt clear karne ke liye poocha - Physically close?

Aanya - Haan... you know... everything. Woh kaafi aggressive ho jaata tha. I won't lie, mujhe bhi acha lagta tha. Par kabhi kabhi thoda darr bhi.

Naina ke chehre par ek ajeeb sa expression aa chuka tha, disgust, gussa, avishwas, sab kuch ek saath.

Aanya - I guess usne tumhe nahi bataya ye sab?

Naina ne koi jawab nahi diya par jawab uski shakal par saaf tha.

Aanya - I did everything to make him happy. Sab kuch... kuch aisi cheezen bhi jo shayad nahi karni chahiye thi. But fir aisa laga jaise woh mujhse bore hota jaa raha tha.

Naina uski taraf ghoorti hui sab sun rahi thi.

Aanya - Sorry I think main kuch jyada bol gayi. I am really happy for you and him, but agar usse baat ho toh usse poochogi ki maine kya galat kiya tha?

Naina - Hmmm... Aanya...

Aanya - Thanks for listening to me. Take care. I should go now.

Aanya jaldi se khadi hui aur Naina ko wahan baitha chhod kar shop se bahar nikal gayi. Naina ke aisa lag raha tha jaise uske gale mein kuch atak gaya ho. Woh pichhle teen mahino ki saari baatein yaad karne lagi, Rohit ke har touch mein ab ek doosra hi matlab dikhayi dene laga tha.

Naina dheere se khadi hui aur shop se bahar nikli. Uska dil bohot hi bechain ho raha tha.

Naina gehri saansein lete hue market ki sadak par chalne lagi. Apni scooty ki taraf jaate hue. Scooty tak pahuchi toh Rohit wahin uski scooty ke paas khada tha, uska chehra abhi bhi latka hua tha.

Rohit - Kahan thi? Maine idhar udhar dekha, par tum kahin dikhi nahi.

Naina ne Rohit se nazrein nahi milayi - Bas... koi mil gaya tha.

Rohit - Kya hua? Thodi upset si lag rahi ho.

Naina - Kuch nahi... baitho. Main college le chalti hoon.

Rohit - Haan chalo...

Rohit Naina ke peeche baith gaya. Naina scooty chala toh rahi thi par uska dimaag abhi bhi Aanya ki baaton mein atka hua tha. Kya Rohit sach mein Aanya ke saath sab kuch kar chuka tha? Woh text messages toh jhooth nahi bol rahe they. Usne kabhi use iss sab ke baare mein kuch kyun nahi bataya?

Naina ne apni scooty, college ke bahar ki parking mein lagayi. Uska chehra negative thoughts mein sikud chuka tha.

Rohit ne uski taraf dekhte hue poocha - Naina... tum theek toh ho? Kuch hua kya?

Shayad sab kuch pooch kar clear kar lena hi better tha. Naina apne aap ko aur nahi rok paayi.

Naina - Rohit... kuch puchungi toh sach bologe na?

Rohit - Haan obviously, par kis baare mein?

Naina - Aanya aur tum... sirf boyfriend girlfriend they ya tumhare beech kuch aur bhi...?

Rohit ekdam buri tarah chaunk gaya - Yeh sawaal kaise aaya tumhare dimaag mein? Kisi ne kuch kaha kya?

Naina - Nahi meri baat ka jawaab do, tumhare aur Aanya ke beech exactly kya kuch tha.

Rohit - Naina... main tumhe bata chuka hoon ki Aanya meri girlfriend thi. Aur ab mera usse koi contact bhi nahi hai. Tum yeh sawaal kyun kar rahi ho?

Naina - Tum usse love karte they?

Rohit ka gussa thoda badh raha tha - Nahi! Maine tumhe pehle bhi bataya hai ki mujhe usse koi love nahi tha... 

Naina - Toh love ke bina bhi tum uski nude photos aur videos maangte they, aur fir uske saath... sab kuch kar liya?

Rohit - Naina! Waise nahi tha... usne mujhe push kiya tha us sab ke liye...

Naina - Aur tum badi aasani se push ho gaye? Tumne mujhse jhooth bola Rohit.

Naina gusse mein apna helmet fir se pehenne lagi.

Rohit ne Naina ka haath pakda, pehle halke se par jab Naina ne haath chhudane ki koshish kari tab uska haath apne aap hi uski kalai par kas gaya - Naina, maine tumse koi jhooth nahi bola! Main sirf tumse pyaar karta hoon. Woh sab... Aanya aur mere beech... khatam ho chuka tha.

Naina ne apni kalai ki taraf dekha aur fir Rohit ki taraf. Uski aakhon mein ab gussa nahi, ek ajeeb sa darr tha. Woh darr jo usne Holi wale din mehsoos kiya tha.

Naina - Rohit... chhodo mujhe... you are hurting me!

Rohit ko apni galti ka ehsaas hua aur uski pakad thodi si dheeli ho gayi - Sorry... sorry yaar... mera woh matlab nahi tha.

Par Naina ki aankhon mein abhi darr tair raha tha - Rohit... please mujhe jaane do... I know tumhe kaafi gussa aata hai... but you are breaking my heart right now.

Naina ke yeh shabd Rohit ko kisi gaali se kam nahi lag rahe they. Usne Naina ka haath chhod diya. Naina ki aankhon se aansu tapakne shuru ho gaye they, par woh turant apni scooty chalati hui wahan se nikal gayi. 

Rohit hairaan pareshaan use jaata dekh raha tha. Use samajh nahi aaya tha ki abhi abhi mein kya ho gaya tha. Naina aisa kyun soch rahi thi ki woh use hurt kar sakta tha, woh aisa kabhi nahi kar sakta tha.

Tabhi paas mein se ek ladke ki hasne ki aawaz aayi - Lagta hai chhod kar chali gayi Hero ko.

Rohit ka dimaag kuch process nahi kar paa raha tha. Uska dil bas baitha jaa raha tha, aisa lag raha tha uska aakhri support bhi usse chhin gaya tha. Kya Aanya ne Naina se kuch kaha tha? Achanak se kya ho gaya tha.

Sameer - Hero! Kya hua? Bandi khush nahi lag rahi thi... satisfy nahi kar paaya kya?

Rohit ki dimaag ki nas tanti jaa rahi thi par woh Sameer ke taano ko ignore kar raha tha. Woh usse door chalne laga, par aisa lag raha tha Sameer uske theek peeche aa raha tha.

Sameer - Aree bhaag kyun raha hai, mummy ke paas jaa raha hai kya? Par suna hai teri mummy ne tujhe ghar se bhi nikaal diya? Ab toh bilkul akela pad gaya, kuch help chahiye kya?

Uske muh se apni Mom ka jiqr sunte hi Rohit ki mutthi band ho gayi aur kadam ruk gaye par usne palat kar Sameer ki taraf nahi dekha.

Sameer - Par soch raha hoon ki teri jagah teri mummy ki madad karu jakar, bechaari akeli padh gayi hongi.

Rohit ne aakhir use mud kar ghoora, uski laal aankhen Rohit se keh rahi thi ki woh chup ho jaye. 

Sameer - Waise kafi hot dikhti hai teri mummy. Kabhi tune unke saath bhi...

Rohit ne Sameer ka woh aakhri sentence poora nahi hone diya aur woh tezi se us par jhapat pada tha. Isse pehle ki Sameer samajh paata kya hua tha woh ladkhata hua neeche zameen par gir gaya tha. Usne Rohit ko taang maar kar neeche girane ki koshish kari par Rohit uske upar chaddh gaya aur uske chehre par mukko se vaar karne laga. 

Rohit ke muh se har woh gandi gaali nikal rahi thi jo woh bol sakta tha - Behen ke laude... behenchod... saale meri Mom ke baare mein kaise bola tu! Bhosdike....

Sameer ke chehre se khoon nikalna shuru ho chuka tha par Rohit ruk nahi raha tha. Jab tak Sameer ke doston ne Rohit ko peeche kheencha tab tak uska chehra buri tarah sooj chuka tha. Aas paas khade students unki ladayi ki video bana rahe they, aur us mein se kisi ne paas ki ek PCR gaadi ko alert kar diya.

Kuch hi der mein ek siren ki aawaz bajne lagi, aur haanfte hue Rohit ko kuch logo ne kheech kar zameen par peeche gira diya aur haathon ko baandh liya. Par bandhe haathon mein bhi kisi khoonkhar jaanwar ki tarah Sameer ko maarne ke liye jhatpata raha tha.

[Celebrorn]

Chapter 41

Red light par khadi gaadi ke andar sirf indicator ki tik tik sunai de rahi thi. Shreya ne steering wheel ko itna kas ke pakda hua tha ki uski ungliyon se rang hi udd chuka tha. Woh saamne sadak ko ghoore jaa rahi thi. Agar uski aankh zara si bhi idhar udhar ho jaati toh use passenger seat par baitha Rohit dikhayi de jaata, aur use darr tha kahin woh apna aapa na kho baithe.

Thane se nikle hue aadha ghanta ho chuka tha. Is poore time un dono ne ek doosre se ek shabd bhi nahi kaha tha.

Shreya ko aaj subah ka wo pal abhi bhi yaad tha jab uske phone par ek unknown number se call aayi thi aur doosri taraf se ek sakht aawaz ne use yeh khabar di thi.

Aadmi - Aapka beta college ke bahar maar peet kar raha tha... aap aa jaiye zara.

Ek pal ke liye toh Shreya ko laga tha ki shayad yeh usne kisi wrong number par call kar diya hai, ya fir yeh koi fraud call hai. Par jab use ehsaas hua ki sach mein aisa kuch hai toh uske pairo tale zameen khisak gayi thi. Shreya ne aaj se pehle kabhi thane ka chakkar nahi lagaya tha, aur ab Rohit ne use woh din bhi dikha diya tha.


Wahan jab woh bilkul panicked ho kar pahuchi thi use samajh hi nahi aa raha tha woh kya kare. Kaise usne har kisi ke aage haath pair zode they. Us doosre ladke ki family se bhi itni minnate kari thi ki woh bas kisi tarah Rohit ko maaf kar de. Us waqt yeh karte hue aisa lag raha tha jaise uske andar ki sharam bhi poori tarah marr gayi ho.

Shreya se aur raha nahi gaya, aur usne Rohit par ek sarsari nazar daali. Kaun tha yeh ladka jo uski gaadi mein baitha hua tha. Yeh uska Rohit toh kahin se nahi ho sakta tha. Uska masoom sa beta... jo ab gundo ki tarah sadak par maar peet karne laga tha.

Rohit ki bigdi hui shakal par abhi bhi itna gussa tha baitha tha ki maano Shreya ne koi galti kar di ho use wahan se chudwa kar. Shayad use Rohit ko sabak sikhane ke liye wahin chhod dena chahiye tha, yehi toh kaha tha Thanedaar ne. Par woh apne dil ko kaise samjhaati, kaise use wahan chhod deti.

Use wahan se chhudane ke liye Shreya ko Tarun ko phone karna pada tha aur usne apne kisi lawyer friend ko bheja tha Shreya ki madad karne. Shayad Rohit Tarun ka naam sunta toh aur bhadak jaata. Par sach toh yehi tha ki Tarun ki madad ke bina aaj woh jail se bahar nahi hota.

Fir wohi sawaal Shreya ke dimaag mein kaundhne lage - Maine yeh kaise hone diya? Mujhse kahan galti ho gayi? Maine use us din ghar se kyun jaane diya? Maine apne baare mein socha hi kyun?

Agar woh gaadi mein akeli hoti toh shayad zor se chilla padti, par abhi kisi tarah Rohit ke saamne usne ek gehri chuppi ka mukhauta pehna hua tha. Green light hote hi usne tezi se accelerator par pair rakha aur gaadi ko daudaya.

Rohit bas chup chaap bahar dekh raha tha. Un aath ghanto mein jab woh wahan jail mein tha, use jaise apni poori zindagi khatam hoti hui dikhayi de rahi thi. Jail... usne filmo mein toh bohot dekhi thi, par asli mein kya hota hai use aaj pata chala tha. Us waqt yehi lag raha tha ki Mom aakar use wahan se bacha le, par jab unhe sach mein bahar khada dekha tha toh laga ki shayad woh andar hi behtar tha.

Pichle kuch hafton ki saari baatein uske dimaag mein daude jaa rahi thi, aur uske andar ka gussa shaant hone ka naam nahi le raha tha. Naina par gussa, Aanya par gussa, Mom par gussa, aur sabse jyada... apne aap par gussa. Woh bhi jaise bas fatt padna chahta tha, par bas bahar ki taraf dekhta raha. Gehri saansein leta hua, koshish karta hua ki Mom se nazrein na mile.

Usne apni aakhen aakhir band kar li. Aisa laga ki kuch hi palon mein woh ek gehri neend mein so gaya ho. Fir se wohi safed roshni aur bina deewaron wala kamra, jo use baar baar aa raha tha. Sapne mein bhi uski dil ki dhadkan behad tez ho rahi thi, jaise woh bohot hi tezi se aage badh raha ho. Fir achanak se jhatka laga aur woh poori tarah ruk gaya. Usni apni aankhen kholi toh woh kisi jaani pehchaani jagah pahuch chuka tha.

Shreya - Upar chalo...

Mom ki dheemi par behad sakht aawaz ne use neend se jagaya. Woh apni building pahuch chuke they. Rohit ne aankhen kholte hue idhar udhar dekha. Uska shareer jaise hil hi nahi raha tha, woh chah kar bhi khada nahi ho paa raha tha, chahe kitni koshish kar le.

Shreya ne fir se usi tone mein kaha - Mujhe yahan neeche koi drama nahi chahiye... upar chalo jaldi se!


Rohit ne kisi tarah apna haath uthaya aur gaadi ka darwaza khola, aur fir ladkhadate hue kadmon se neeche utra. Aisa lag raha tha jaise woh chalna hi bhool gaya ho. Gaadi ka darwaza band hote hue Shreya sar jhukaye aage aage chalne lagi aur Rohit dheere dheere uske peeche.

Upar ghar tak pahuchne mein jahan 5 minute lagte they, aisa lag raha tha jaise ghanto lag gaye ho. Rohit ke ladkhade hue kadam use ghar tak kisi tarah le gaye, aur fir darwaze ke andar, aur fir apne bistar ke paas. Wahan uske apne kamre mein jahan woh teen hafte se nahi aaya tha. 

Uski muscle memory ne use theek us spot par apne bistar par gira diya jahan uska sar apne soft pillow par jakar gira. Is pillow mein se seelan ki boo nahi aa rahi thi, jo woh pichle teen hafte se soongh raha tha. Uski aankhen turant band ho gayi aur use hosh bhi nahi raha ki doosre kamre mein Shreya subak subak kar ro rahi thi.

Band aankhon mein bhi koi chain nahi tha, sab kuch aankhon ke aage bas ghoomta jaa raha tha. Aisa laga jaise ek pal ke liye woh apne hi shareer mein nahi tha. Par tabhi ek dabi hui si ghanti bajne lagi, band hui aur fir dubara bajne lagi.

Rohit ne apni aankhen halki si kholi toh kamre mein itna andhera nahi tha, par poori roshni bhi nahi thi. Aisa lag raha tha jaise bahar aasman poora kaala ho rakha tha. Uske poore shareer mein buri tarah dard ho raha tha. Usne apni halki khuli aankhon se deewar par lagi ghadi ki taraf dekha, shayad 5 bajne wale they. Subah hui hogi shayad.

Kuch pal woh leta hua chhat ko dekhta raha, andar ki aawaz bhi bilkul nishabdh thi, bilkul blank. Sab kuch ek bure sapne ki tarah mehsoos ho raha tha, jaise woh yeh kamra aur ghar kabhi chhod kar hi nahi gaya ho.

Fir se wohi ghanti baji, is baar aisa ehsaas hua jaise bahar Mom ne gusse mein phone uthaya ho. Usne apne senses ko kaabu mein karte hue sunne ki koshish kari.

Shreya - Rishabh... aisa kya ho gaya ki tum kal tak nahi ruk sakte? Baar baar call kiye jaa rahe ho!

Doosri taraf se Rishabh ki aawaz saaf nahi aa rahi thi. Mom itni subah subah jagi hui thi aur Rishabh unhe call kar raha tha? Aisa kya ho gaya? Rohit kisi tarah khada hua aur apne kamre ke darwaze tak pahucha.

Shreya - Achaa... theek hai... saans lo aur batayo... kya hua hai?

Rishabh - Ma'am... aap bilkul sahi keh rahi thi. Yahan sab kuch galat hai. Maine saare documents ki copy bana li hai aur file bhi pen drive mein kar li hai. Par mujhe lagta hai Manish Sir ko pata chal gaya hai.

Shreya jhallate ho boli - Kya bol rahe ho tum! Mujhe kuch samajh nahi aa raha hai!

Rishabh - Ma'am woh saare vendor payments... woh fraud they! Aur woh sab maine kiye they!

Shreya ke muh se zor se nikla - Kya!!! 

Rishabh shayad ro sa pada tha - Ma'am... sab gadbad ho gaya hai... mera poora future...

Shreya ne fiqr ke saath poocha - Rishabh tum kahan ho abhi?

Rishabh - Main yahin office mein... abhi bas kisi tarah yahan stationery wale kamre mein chhupa hua hoon... 

Shreya - Rishabh tum office se jaldi se bahar niklo! Mere ghar aa jayo... yahin baat karte hain.

Rishabh - Nahi Ma'am! Main nahi nikal sakta, woh guard bahar mera intezaar kar raha hai. Maine Manish sir ko bolte suna tha. Woh mujhe pakad kar jail bhej denge! 

Shreya - Aisa kuch nahi hoga!

Rishabh buri tarah haanf raha tha - Nahi... main... pata nahi... Manish sir mujhe nahi chhodenge. Maine bohot badi galti kar di. Mujhe samajh nahi aa raha main kya karun... jail jaane se acha hai main marr jayunga. 

Shreya - Paaglo jaise baatein mat karo!

Shreya ka dimaag fatne ko ho raha tha. Kal hi toh itna kuch hua tha, aur aaj Rishabh! Ufff... yeh kya ho raha tha ye sab. Shayad Rishabh ko uski zaroorat thi, use wahan jaana hi hoga.

Shreya - Main aa rahi hoon abhi! Tum kuch nahi karoge tab tak! Samjhe! Wahin chhupe rehna.

Shreya phone cut karke jaldi se khadi hui, woh Rohit ke kamre ki taraf mudi hi thi ki usne use wahin khada paaya. 

Shreya ne bedhyani se kaha - Tum uth gaye! Abhi aur so jayo.

Shreya ki aawaz mein ek ajeeb sa panic tha.

Rohit - Kya hua Rishabh ko? Itni subah office mein?

Shreya - Subah!?? Shaam ke paanch baj rahe hain! Tum abhi leto, main aati hoon thodi der mein.

Rohit - Kuch gadbad lag rahi thi wahan. Main aata hoon aapke saath.

Shreya ek dam se us par chillayi - Nahi! Tumhe jo karna tha woh tum pehle ki kar chuke ho! Ab bilkul kahin nahi jayoge. Main bas thodi si der mein aayi.

Rohit ke andar fir se wohi gussa bhadakne laga tha. Mom apne aap ko samajhti kya thi! Ab kya zindagi bhar woh use kal waali baat ke liye taane deti rahengi. Kya woh uski baat kabhi nahi samjhengi. Woh bas unki dhaal banna chahta tha, aur unhone use kisi layak nahi samjha tha.

Isse pehle woh kuch keh paata Shreya gaadi ki chaabi lekar ghar se nikal chuki thi. Rohit ne gusse mein ufante hue darwaze ko thodi der ghoora aur fir achanak se uske dimaag ne ek faisla kar liya.

Bahal gehre kaale badal samay se pehle andhera kar rahe they aur road par kafi jam laga hua tha. Shreya frustration mein horn par horn maar rahi thi. Is waqt use ghar hona chahiye tha Rohit ke paas. Bas thodi der ki baat thi, fir woh jaakar Rohit se baat karegi. Par pata nahi baat shuru bhi kahan se karegi. Baar baar bas yehi soch rahi thi ki woh Rohit se kya kahegi. Gussa, ya maafi, ya sakhti...

Jab tak Shreya ne apne office ke neeche gaadi lagayi toh 6.30 baj chuke they. Shreya turant bhaagti hui apne office ke floor par pahuchi. 

Guard ne use dekhte hue salaam thoka - Madam... aap is waqt?

Shreya - Office mein kaun kaun hai abhi?

Guard - Jyada log nahi hai madam. Shayad Manish sir honge, aur ek do log?

Shreya - Aur Rishabh? Woh chashme wala ladka? Use bahar jaate dekha hai kya aapne?

Guard - Nahi madam, yaad nahi. Kuch hua kya madam? Manish sir bhi use dhoond rahe they. Bole ki agar dikhe toh use rok lena.

Shreya - Nahi kuch nahi! 

Shreya office ke andar ghusi, sab log almost jaa chuke they, shayad bahar aane wale toofan se bachne ke liye logon ne aaj overtime karne ka nahi socha tha. Shreya ke tez kadam use seedha stationery room ki taraf le gaye.

Usne darwaza dheere se khola toh Rishabh ek kone mein zameen par baitha tha, apne ghutno ko apne seene par lagaye. Shreya ko dekhte hi uski aankhon mein aansu aa gaye.

Shreya ko dekhte hi uske muh se nikla - Ma'ammmmm!!!

Shreya bhi use iss tarah baitha dekh poori tarah hairaan reh gayi thi - Rishabh!

Rishabh - Ma'am aap aa gaye... mujhe laga koi nahi aayega. Maine is file mein saare printout nikaal liye they.

Rishabh ne ek file Shreya ke aage bada di, par Shreya ne use nahi pakda.

Shreya - Kuch nahi hoga, tum khade ho.

Shreya ne haath aage karte hue Rishabh ko khada kiya. 

Rishabh - Woh guard abhi bhi bahar mujhe dhoond raha hai kya?

Shreya - Hmmm... ruko... main kuch karti hoon.

Shreya ne kisi ko phone milana chaha par yahan andar phone nahi lag raha tha - Tum yahin rukna, main aati hoon.

Rishabh - Maaa'aam please... aap...

Shreya - Rishabh... kuch nahi hoga.

Shreya bahar aakar signal dhoondne lagi, aur usne turant Zaheer ko call laga diya. Par Zaheer ne call nahi uthaya. Woh doosri baar call lagane hi wali thi ki Manish ki tez aawaz uske kaano mein padi.

Manish - Shreya! Tum kya kar rahi ho yahan?

Shreya ne palat kar uski taraf dekha aur apne emotions chhupane ki koshish kari par uske dimaag mein koi explanation hi nahi aa raha tha ki woh yahan office mein is time kyun thi - Sir... woh...

Manish - Kuch emergency ho gayi thi na Rohit ke saath? Sab theek hai?

Shreya - Haan theek hai... woh ghar par hai...

Manish - Par tumne toh aaj ki leave li thi na?

Shreya - Hmmm... par ek zaroori kaam aa gaya tha.

Manish ke chehre par bhi pareshaani saaf thi - Hmmm... tumhari Rishabh se baat hui kya aaj?

Shreya - Nahi toh. Kya hua?

Manish - Ek number ka gadha hai woh. Server se meri ek file gayab kar di usne. Tum aayo mere saath ek baar, kuch baat karni thi.

Manish Shreya ko lekar apne cabin ki taraf jaane laga. Shreya ne palat kar stationery room ki taraf dekha par Rishabh shayad abhi bhi andar tha.

Manish aur Shreya dono uske cabin mein pahuche, aur Manish ne cabin ka darwaza band kar diya.

Manish ne Shreya ki taraf dekha - Sab theek hai na? 

Shreya - Haan... bas woh... thoda stressed hoon.

Manish - Tum itna stress kyun leti ho aajkal? Main kuch help kar sakta hoon toh batayo?

Shreya - Nahi... sab theek hai... theek ho jayega.

Manish ne apne haath peeche se Shreya ke kandhe par rakh diya - Jab tak hum saath they, tumhe zara bhi stress lene ki zaroorat nahi padti thi. Main bohot khayal rakhta tha tumhara. Par tum faltu mein hi mujh par itna bhadak gayi.

Shreya ka dimaag nahi chal raha tha - Hmmm... Sir... 

Manish ka haath neeche sarakta hua Shreya ki kamar par pahucha - Itne saal maine tumhara saath diya, tumhe har tarah se khush rakha. Kya kabhi tumhe koi kami mehsoos hone di? Aur maine aisa kiya hi kya jo tumhe ekdam se bura lag gaya?

Manish ka haath sarakte sarakte aur neeche ho gaya tha aur usne Shreya ki gaand ko halke se dabaye. Shreya turant uchal kar Manish se door ho gayi - Sir please... mujhe touch mat kariye.

Manish - Abhi bhi dekho... itna natak... jaise maine pehle kabhi tumhe chhua hi na ho.

Shreya ne use ghoorte hue dekha - Hamare beech sab khatam ho chuka hai.

Manish Shreya ke paas aaya aur usko apni baahon mein pakad kar uske baalon mein apna muh ghusa liya - Fir wohi drama. Pata bhi hai main tumhe kitna miss karta hoon.

Shreya usse alag hone ki koshish kar rahi thi - Sir.... chhodiye mujhe...

Manish ne use kas ke pakda rakha - Shreya... Shreya... suno meri baat... Yeh tumhara pyaara sa chehra... tumhare honth... 

Uski ungliyaan Shreya ke honth ko pakad kar halke se nochne lagi.

Manish - Ek baar mera lund choos kar stress nikaal do bas... tumhare honthon ka koi jawaab nahi hai.

Shreya - Sir... please... mujhe yeh sab bakwaas nahi sunni. Peeche hatiye!

Shreya aakhir Manish ko thoda peeche dhakelne mein kamyaab ho gayi thi.

Manish bhadak utha - Bakwaas kar raha hoon main! Itne pyaar se baat kar raha hoon tujhse aur tu nakhre dikha rahi hai.

Shreya - Maine bohot saal aapki baat maanti rahi, aur uske badle bas aap mera istemaal karte rahe! Aap bas logon ka istemaal karna jaante ho. Rishabh ko bhi aapne... 

Manish - Rishabh?? Woh kahan se aa gaya is sab ke beech mein. Woh saala... ek number ka fraud... chor!

Shreya - Rishabh ne koi fraud nahi kiya hai! Aap use bechare ko fasa rahe ho... aapne fraud kiya hai.

Manish - Oh ho! Toh isliye tum yahan aayi ho. Us bechare ko bachane? Yeh bhi sahi hai, uske saath tujhe bhi andar pahuchwa dunga.

Shreya ne apni mutthi kas li - Aap aisa nahi kar paayoge!

Manish - Tujhe lagta hai teri baat maanega koi! Tu saali, do kaudi ki aurat, tujhe itna muh laga liya toh tu khud ko kya samajhne lagi hai. Teri naukri tak maine lagwayi thi.

Shreya - Aur fir mujhe fasane ki bhi koshish kari! Taaki meri naukri chali jaye.

Manish ne haste hue - Naukri toh teri jayegi hi, ab tu dekh tera kya hashr karta hoon main.

Manish ne Shreya ka haath pakadte hue use apni taraf kheencha, aur uske chehre par ek zor ka thappad lagaya. 

Shreya ekdam se buri tarah hil gayi. Manish ne use fir se pakad kar deewar ki taraf dhakel diya tha aur us par haawi hone ki koshish kar raha tha. Shreya ki ek cheek nikli par Manish ne apna haath uske muh par rakh diya. Usne apne doosre haath se uske baal pakad kar us par control rakhne ki koshish kari.

Manish - Saali mujhse jabaan ladayegi. Apni aukaat bhool gayi hai tu, kaise tujhe randiyon ki tarah chodta tha main. Acha lagta tha na tujhe!

Shreya - Ahhhhhh.... Manish... chhodo mujhe!

Manish - Itne ehsaan kiye tujh par, aur teri itni himmat ho gayi ki tu mujhe hi mana karne lagi! Aaj tujhe line par laana hi padega.

Manish ne dhakka dete hue Shreya ko zameen par niche gira diya tha aur uska haath apni zip ki taraf gaya.

Tabhi kamre ka darwaza ekdam se khula aur saamne Rishabh khada tha. Uska chehra safed tha aur haath kaanp rahe they.

Rishabh - Ma'am...

Manish ne palat kar uski taraf dekha aur usne Shreya ko ek pal ke liye chhod diya.

Manish - Dekh tera hero bhi aa gaya, yeh bachayega tujhe! 

Shreya - Rishabh! Ahhh... Tum yahan se jayo!

Rishabh ki kaanpti hui aawaz nikli, Shreya ko uski madad ki zaroorat thi par woh use bhaagne ke liye keh rahi thi - Ma'aaammmm.

Manish apne daant peesta hua Rishabh ki taraf badha - Chal ab saamne aa hi gaya hai toh pehle tujhe hi dekh lu.

Shreya ne peeche se Manish ko pakadte hue roka aur ek baar fir chillayi - Rishabh!!! Tum bahar niklo yahan se jaldi se!

Rishabh jaldi se darwaza band karke bahar ki taraf bhaaga, uske haath pair buri tarah kaanp rahe they. Guard darwaze par nahi dikh raha tha.

Usne kisi tarah se apne jeb se phone nikaal kar ek naam dhoonda aur us number par call lagaya - Rohit BHAIYA!!

Rohit ki aawaz ke peeche kaafi shor aa raha tha, jaise woh kahin bahar ho - Rishabh! Kahan ho tum aur Mom?

Rishabh - Office mein! Woh... Manish... Ma'am... please... aap aa jayo jaldi se!

Rohit - Rishabh tu wahin ruk... Mom ki help kar... main aa raha hoon... main yahin hu bas paas mein!

Rishabh - Bhaiya main...

Rishabh bhaagta hua building se bahar nikal chuka tha. Uska chashma uske bahar ho rahi tez baarish se bheeg chuka tha. Rohit abhi bhi phone par uske saath tha. Rishabh ne ne baaye dekha na daaye par seedha sadak cross ke liye bhaagta chala gaya.

Rohit apni bike par tha aur uske kaan par uska phone laga hua tha. Woh jitni tez ho sake utni tez bike ko chala raha tha, bas use apni Mom ke paas pahuchna tha jaldi se. 

Rohit ne apne ek haath mein phone liya - Rishabh... Rishabh!

Achanak se koi daudta hua uski bike ke saamne aaya aur woh apne bike ko na toh rok paaya aur na usse takrane se roke paaya. Bike tezi se skid hoti hui saamne ladke se buri tarah takrayi aur uske jism ko apne thapede mein lete hue geeli sadak par use ghisne lagi. Bike par sawaar Rohit bhi bike ne neeche aate hue sadak par gir chuka tha aur uska helmet peeche kahin utar chuka tha.

Log cheekhte hue un dono ki taraf jaldi se bade. Itna bhayanak accident... kisi ko pata nahi tha ki un dono ki saansein chal bhi rahi thi ya nahi.

[Celebrorn]

Chapter 42

"I am sorry, hum use bacha nahi sake!"

Shreya hospital ke bench par gadi hui baithi thi, uski aankhen kahin shoonye mein dekh rahi thi. Is ehsaas ka koi naam nahi tha, aur na hi andar koi aawaz bachi thi. Bas ek numbness, jo uske poore wajood ko jakadti jaa rahi thi. Saamne na toh kuch nazar aa raha tha aur na hi kuch kaano mein pad raha tha. Na koi bhavishay tha aur na koi ateet bacha tha. Sab kuch chaknachoor ho chuka tha.

Doctor uske saamne khada kuch bole jaa raha tha par Shreya ke kaan sunn ho chuke they. Uske liye toh uski duniya khatam ho chuki thi. Doctor ne kuch kagaz aage badha kar Shreya ke kaanpte haathon mein thama diye.

Doctor - Yahan sign kar dijiye. Sab kuch urgently karna padega.

Shreya ne bina dekhe bas ek halki si kaanpti hui lakeer kheench kar chhod di. Doctor ne Shreya ke bejaan haathon se woh kagaz le liye.

Kal raat hi toh yeh sab hua tha, par ab toh jaise samay ka bhi koi andaza nahi raha tha. Jaise hi Manish Rishabh ka peecha karte hue kamre se bahar nikla tha, Shreya use peeche ek taraf dhakelte hue wahan se khud bhaag padi thi. Par use andaza bhi nahi tha ki neeche kya khaufnaak manzar uska intezaar kar raha tha. Uski kurti par laga khoon sookh kar gehra laal ho chuka tha.

Log kisi dhundhle saaye ki tarah uske aas paas se guzarte rahe. Kitne ghante beete use hosh hi nahi raha tha. Kabhi koi nurse aakar uske kandhe par haar rakh deti, toh kabhi aas paas ke log taras bhari nighahon se uski taraf dekh lete. Par Shreya in sabse se koso door jaa chuki thi.

Tabhi hospital ke corridor mein kisi ki bhaagne ki aawaz aayi. Kadam tezi se Shreya ki taraf badhe aur ek aadmi uske aage ghutno ke bal zameen par gir pada. Usne Shreya ka chehra apne kaanpte hue haathon mein thama.

Tarun ki aawaz mein ek darr saaf tha - Rohit... Kaunse ward mein hai?

Shreya ke sookhe honth halke se khule par gale se koi aawaz nahi nikli. Uski palkon se ek boond aansu toot kar neeche gira, aur dheere se apni gardan naa mein hila di.

Tarun - Shreya??? Kahan hai Rohit... ruko main doctor se poochta hoon.

Tarun uthkar khada hua aur ward mein idhar udhar kisi ko dhoondne laga jo use kuch bata sake. Kuch hi minute baad jab woh lauta toh woh bhi andar se poori tarah toot chuka tha. Woh Shreya ke theek saamne farsh par dher ho gaya aur uske haath pakad kar foot foot kar rone laga.

Shreya ab bhi pathar ban kar baithi rahi. Kuch nahi tha kehne ke liye, sunne ke liye. Tarun ke thoda upar uthte hue Shreya ko apne seene se lagana chaha, par woh sirf ek statue ban kar baithi rahi. Tarun ke aansu behte hue uske kandhe ko geela kar rahe they, par use kisi sparsh ka ehsaas nahi tha.

Agle kuch ghanto woh dono chup chaap bas wahan baithe rahe. Tarun ne saari formality poori kari, aur Shreya ko apne kandhe ka sahara dete hue hospital se bahar le gaya. Wahan ek Ambulance unka intezaar kar rahi thi jisme woh log peeche baith gaye. Unke beech mein jo rakha tha use dekhne ki Shreya ke andar takat nahi tha, aur usne apni aankhen band kar li.

Shamshaan ghat pahuch kar Tarun ne Shreya ko sahara de kar neeche utaara. Unke kuch janne wale wahan pehle se pahuch chuke they. Par Shreya ko sabke chehre dhundhle se lag rahe they. Woh ab kisi ko nahi jaanti thi.

Ambulance mein se ek kapde mein band ek laash ko neeche utaara gaya aur use ek arthi par rakh diya gaya. Shreya ek kone mein khadi ho gayi thi, log usse sahanabhooti jatane ki koshish kar rahe they par uske liye un sab baaton ka koi maayne nahi tha.

Tarun ne chita ko aag di, aur laash ke chehre par se kapda zara sa hatt gaya. Us chehre ko dekhte hi Shreya apne aapko uski taraf bhaagne se nahi rok paayi. Uska beta, Rohit! Woh aag se jal jayega. Woh poori takat se uski taraf bhaagi, par beech mein hi Tarun ne haathon ne use kas ke pakadte hue rok liya.

Shreya cheekh rahi, chilla rahi thi, uski aawaz jaise is ek pal ke liye laut aayi thi. Uske dabe hue aansu zor zor se behne lage they. Woh buri tarah dahade maar kar rone lagi, apne aap ko usi aag mein bhasm karne ki koshish mein jis mein uska beta jaa raha tha. Shreya ne Tarun ke seene par mukko se vaar karna shuru kar diya ki woh use chhod de, par Tarun ne use nahi chhoda.

Jalti chita ki raakh uski naak aur gale mein bharti jaa rahi thi. Shreya apni buri halat mein kab Tarun ki chhati par behosh ho gayi thi use pata bhi nahi chala tha.

Ghanto baad jab woh hadbada kar uthi toh raakh ka kadvapan jaise abhi bhi uske gale mein atka hua tha. Woh apne ghar par apne bistar par thi. Uthte hi woh sab ek bhayank sapne jaisa laga aur woh ek jhatke se uth khadi hui.

Shreya - ROHIT!!! ROHITTTT! ROHITTTT!

Shreya paaglo ki tarah chillati hui apne kamre se Rohit ke kamre mein aayi jahan Tarun uske palang ke paas sar jhukaye khada tha.

Shreya - ROHIT KAHAN HAI!??

Tarun - Shreya....

Tarun ke paas koi shabd nahi they, usne par Shreya ko apni baahon mein pakadna chaha, par Shreya use side jhatak kar ghar ke har ek kone mein ROHIT ROHIT chillati hui ghoomti rahi aur fir ghar ka darwaza khol kar bahar dekhne lagi.

Bahar kuch padosi khade they jo sehme hue Shreya ki taraf dekh rahe they.

Shreya ne unki taraf dekhte hue poocha - ROHIT! Aapne Rohit ko dekha kya!

Tarun ne peeche se aakar Shreya ko pakda - Shreya... Shreya... meri baat suno...

Woh Shreya ko halke se pakad kar andar ki taraf laane laga.

Shreya bilkul aape se bahar thi - Kahan hai Rohit!? Woh gussa hokar ghar se chala gaya hai na! Ruko, uske dost ko phone lagati hoon. Usko bolo abhi ghar aayega. Tarun tumhe sunai nahi de raha kya... mera phone lekar aayo.

Tarun ki aawaz toot rahi thi - Shh... Shreya... aap baitho... Shreya... aap meri taraf dekho.

Shreya - Nahi nahi. Woh bahar kaise rahega. Woh kya khayega. Usko call karo na.

Jo sach Shreya jaante hue bhi accept nahi kar paa rahi thi, use bolte hue Tarun ka gala bhar aaya - Shreya... aap... samajhne ki koshish karo... Rohit ab.... ab nahi aane wala.

Shreya us par buri tarah cheekh padi - JOOTH! Bakwaas band karo apni! Tumhari himmat kaise hui yeh bolne ki!

Uske aansu fir se behne lage, aisa lag raha tha jaise use saans hi nahi aa raha tha. Tarun ne aage badh kar use sambhaala par kuch der baad woh fir se besudh hoti hui zameen par dher ho chuki thi.

Agle 24 ghante woh uthi rahi, Rohit ka naam pukaarti rahi, roti rahi, behosh hoti rahi. Dheere dheere uska avishwas gusse mein badal raha tha. Jab woh apni behoshi se jagti toh har baar aisa lagta jaise Rohit abhi uske saamne aa jayega aur yeh sab bas ek ganda sa mazaak niklega.

Tarun - Shreya aapne paani ki ek boond tak nahi pee hai... ye lo... thoda sa pee lo... please

Shreya ne glass ko uske haath se door jhatak diya. Aur fir aage badh kar Tarun ka collar pakad liya - Tum ab tak yahan kya kar rahe ho! Niklo yahan se!

Tarun - Shreya... meri baat...

Shreya - WOH BIKE! Woh Bike tumne hi dilayi thi na use! Sab tumhari wajah se hua hai!

Tarun ke aansu aur tezi se behne lage.

Shreya ki aankhen gusse se laal ho chuki thi- BAHAR NIKLO! Ye mera aur Rohit ka ghar hai! Tum... tum... jayo yahan se. Mujhe aur Rohit ko tumhari zaroorat nahi hai!

Shreya Tarun ko poori takat se kheenchti hui ghar ke darwaze ki taraf le gayi aur use bahar dhakel kar darwaza andar se lock kar liya. Bahar se Tarun Shreya ka naam pukaarta raha aur thodi thodi der mein darwaze par khatkhatata raha.

Shreya band darwaze ke sahare baithi hui bas subakti rahi. Uski aawaz bahar Tarun ko bhi aa rahi thi. Ghanto beet gaye, woh waise hi zameen par darwaze ke sahare baithi rahi.

Beech beech mein padosi aur dost bhi aaye aur darwaza khatkhataya, par Shreya ne kisi ko andar nahi aane diya. Uski kaanpti hui ungliyon mein uska phone tha jisme woh baar baar Rohit ko photo ko bas dekhe jaa rahi thi. 

Raat gehri ho chali thi, Shreya ne abhi bhi wohi kapde do din purane khoon ke dhabbe wale kapde pehne hue they. Uski aankhen ro ro kar sooj chuki thi, apni halat ka khud use koi andaza nahi thi. Sab kuch toh khatam ho gaya tha, pehle uska pati aur ab uska beta.


Achanak se Shreya khadi hui aur ghar ka darwaza kholte hue tezi se bahar nikli. Uske chehre ka gam pal bhar ke liye hatt gaya tha. Woh seediyan chaddthi hui apni building ki chhat par pahuchi. Woh apna faisla kar chuki thi. Sab kuch toh khatam ho chuka tha toh fir ab bacha kya tha is jindagi mein jeene ke liye.

Aaj fir baarish ho rahi thi, par ab use kisi cheez se darr nahi lagta tha. Woh apni building ki chhat ki munder tak pahuchi aur neeche dekha. Neeche zameen nahi bas ek gehri khai dikhayi de rahi thi. Usne apne aap ko tayyar kiya, woh ab aur nahi seh sakti thi.

Usne apna ek pair chhat ki boundary par rakha aur fir doosra, aur bheegti hue neeche ki taraf dekhne lagi, ek aakhri baar. 

Bas woh jaa rahi thi apne Rohit ke paas... apne pati ke paas. Usne apni aankhen band kar li aur apne aap ko aage ki taraf chhodne hi wali thi. Usi pal uske haath mein phone ki ghanti bajne lagi aur tabhi ek zor ki bijli theek uske paas kadki, jaise building par hi aakar giri ho. Ghabra kar Shreya ka pair fisla aur aage ki jagah peeche jaa kar chhat par giri.

Girte hue uske angootha phone ki screen par dab gaya aur call uth gayi. Doosri taraf se ek ghabrayi hui si aawaz goonji.

"Shreya jeee... Shreya jee? Hello... Hello... Main Apex Hospital se Doctor Saxena bol raha hoon. I am sorry aapko itni raat ko call karne ke liye, par ek kafi.... ummmm.... ajeeb si situation ho gayi hain yahan. Aap please fauran hospital aa sakti hain kya?"

[Celebrorn]

Chapter 43

Shareer nashwar hai, aatma amar hai

Shreya ki bujhi hui aankhon ke saamne baar baar room ke bahar laga ek patla sa board nazar aa raha tha jis par yeh likha tha. Uska chehra pichle teen dino mein itna dhal gaya tha maano woh barso jee li ho. Aankhen laal jalti hui si, unhe khuli rakhna bhi mushkil ho raha tha. Shareer aur aatma poori tarah thaki haari hui, use khud bhi nahi pata tha woh yahan kaise pahuchi thi.

Kuch pal baad andar se ek doctor nikla aur usne kafi softly kaha - Shreya ji, aaiye...

Shreya turant khadi ho gayi aur uske andar ki bachi kuchi jaan use kisi tarah kamre ke andar kheench ke le gayi.

Doctor ne Shreya par ek sarsari nazar daali aur fir bed par pade patient ki taraf dekhne laga - Sorry mujhe aapko is halat mein call karna pada. Abhi tak hum is ladke ke family ko contact nahi kar paaye hain.

Shreya ki nazar bistar par gayi jahan Rishabh kayi saare medical equipment, wires aur tubes se ghira bistar par bejan sa leta hua tha. Shreya uski taraf bas dekhe jaa rahi thi, jaise usme kuch dhoond rahi ho.

Doctor - Abhi sedatives diye hain... uski body ko thoda aaram karne ki zaroorat hai.

Shreya - Aap ek baar fir batayenge... jo aapne call par kaha tha?

Doctor kuch bhi bolte hue kafi hesitate kar raha tha - Ummm... dekhiye... mere khayal se jo hua woh bas... uski body thodi confused hai shayad abhi.

Shreya - Kya har case mein aise hi hota hai?

Doctor - Nahi actually... meri knowledge mein toh aisa mumkin nahi hai. Tabhi maine aapko call kiya.

Shreya - Aap ek baar shuru se batayenge? Jab woh sab hua... main... us halat mein nahi thi...

Shreya ke liye khada reh paana mushkil ho raha tha aur usne apna sar pakadte hue deewar ka sahara liya.

Doctor - Shreya ji! Aap baitheye please! Main imagine kar sakta hoon ki aap kis halat mein hai... aur mujhe shayad aapko call nahi karna chahiye tha. 

Shreya - Nahi nahi! Aapne theek kiya.

Shreya bed ke paas rakhi ek chair par baith gayi. Uski nazrein abhi bhi Rishabh par tiki hui thi - Aap please... boliye...

Doctor - Ummm... kafi tragic tha jo bhi hua. Dono ladke kafi young they... hain...

Shreya ki aankhen bhaari ho rahi thi, unke aage andhera sa chhaa raha tha. Doctor ki aawaz bas kisi tarah kaano mein jaa rahi thi. Usne apne aap ko focused karte hue Doctor ki taraf dekha.

Doctor - Uhhh... fir aapne kafi... himmat dikhayi.

Shreya ko kuch adhoora sa yaad aa raha tha. Doctor ne uske haath mein kuch kagaz pakdaye they aur usne un par ek lakeer kheench di thi, Rishabh ko bachane ke liye.

Doctor - Operation successful raha tha, body ne organs ko accept kar liya tha.

Shreya ne jhatke se palat kar Rishabh ki taraf dekha. Uske andar Rohit ke shareer ke hisse they.

Doctor - Usually aise cases mein patient ko 12-15 ghante tak hosh aa jaata hai. Is case mein thodi... external injuries jyada thi, toh hum log 24 hours tak expect kar rahe they. Ummm....

Shreya - Fir?

Doctor - Ummm... like I said... nurse ne mujhe notify ki uski heart rate ekdam se kafi elevate ho gayi aur fir bilkul flatline bhi aur fir ab normal. Beech mein use 2-3 baar hosh bhi aa chuka hai, par uska mind kafi scattered sa hai. Woh baar baar aapko bula raha tha.

Shreya - Mujhe? 

Doctor - Haan... thoda strange tha... woh aapko Mmmm... khair... like I said ki body shayad adjust ho rahi hai. 

Shreya - Par aapne kaha ki aisa normally nahi hota?

Doctor - Normally nahi, kabhi bhi nahi hota! I mean internationally kuch doctors ki theories hain... but... scientifically koi evidence nahi hai.

Doctor Shreya ko ek haath se umeed de raha tha aur doosre hi haath se use chheen raha tha. Shreya ko samajh nahi aa raha tha woh is waqt kya mehsoos kare.

Doctor - Mujhe baaki patients ko bhi dekhna hai. I think aap is ladke ko bhi jaanti hain, am I right? Aap yahan aaram se baith sakti hai. Agar kuch chahiye toh nurse yahin hai.

Shreya ne haan mein sar hilaya aur Doctor kuch pal baad kamre se bahar nikal gaya tha.

Shreya ne apni sikudi hui aankhon se Rishabh ki taraf dekha. Uska chehra aur shareer buri tarah zakhmi tha. Shayad koi miracle hi tha ki woh jinda tha. Par woh yahan Rishabh ke liye toh nahi aayi thi. Jab Doctor ne use call par woh bataya tha tab use yakeen nahi aaya tha. Fir bhi woh is waqt yahan thi.

Shreya ne apni kursi thodi aage sarkayi, itni ki woh Rishabh ke bed se poori tarah satt gayi thi. Woh bilkul paas se Rishabh ko dekhne lagi. Fir dheere se khadi hui aur apna chehra Rishabh ke theek upar la aayi, uski taraf gaur se dekhte hue.

Usne apna kaanpta hua haath dheere se aage badaya aur darte hue Rishabh ke baalon mein halke se fera. Rishabh ne turant ek halki si saans chhodi aur Shreya ne apna haath peeche kheench liya.

Shreya ne kuch pal baad fir apna haath badaya aur uske sar par rakha.

Rishabh ka muh halke se khula - Mmmmm..... Mmmmmm...

Shreya ke dil ki dhadkan tez hone lagi. Woh apna sar Rishabh ke thoda aur paas laayi, itna ki bas woh use chhoo nahi rahi thi par uski khushboo mehsoos kar sakti thi.

Rishabh - Mmmm.... Mmmmm.... Mmmmmooom

Aawaz itni halki jise shayad uske kaano ne bhi nahi suna bas usne un shabdon ki kampan mehsoos ki ho. Uski aankhen bhar aayi aur ek boond aansu Rishabh ke sar par tapak gaya. Jaane kyun Shreya ko mehsoos ho raha tha ki Rohit yahin tha, ho na ho yeh uski hi khushboo thi.

[Celebrorn]

Chapter 44

Shreya bina palke jhapke Rishabh ki taraf dekhe jaa rahi thi. Beech mein uski aankhen apne aap hi band ho gayi thi aur woh kuch der ke liye so gayi thi. Par jab woh jagi toh uska poora focus Rishabh ke chehre ki taraf dekha.

Kamre mein ek nurse ghusi - Madam... yeh lo... aap paani piyo thoda sa.

Nurse ne achanak se ek paani ka glass Shreya ke honthon par lagate hue use kuch ghoont pila diye aur fir glass uske haathon mein thama diya. Paani Shreya ke sookhe gale se utarta hua neeche gaya toh Shreya ko laga jaise use ek nayi energy mil gayi ho. Usne khud se ek ghoont aur piya aur Rishabh ki taraf dekhti rahi.

Nurse - Abhi thodi der mein hosh mein aa jayega. Bhai hai aapka?

Shreya - Nahi... umm...

Shreya Nurse ko samjha bhi nahi sakti thi ki Rishabh uska kaun tha, ya kaun ho sakta tha.

Nurse ne ek injection liya aur upar latki hui bottle mein ghusa diya - Aapko kuch aur laakar du? Chai? Biscuit?

Nurse ne Shreya ka view block kar diya tha aur woh tedi hoti hui Rishabh ki taraf jhaank rahi thi - Nahi... main theek hu.

Nurse - Theek hai... abhi aati hoon.

Shreya ne ek aur ghoont paani ka liya aur Rishabh ko dekhti rahi. Uski aankhen fir se band ho chali thi.

Par tabhi room mein lagi ek machine mein thodi si beep beep aawaz hone lagi aur Shreya ki aankhen jhat se khul gayi.

Rishabh apna muh khol raha tha aur aankhen kholne ki koshish kar raha tha - Ahhh... ahhh.... ohhh... ufff...

Shreya turant khadi hui aur glass ko side mein rakha - Ro... Beta...

Shreya ne halke se Rishabh ke baalon mein haath fera, uski saansein ukhad si rahi thi.

Rishabh ne halki si aankhen kholte hue Shreya ki taraf dekha - Mmmmm.... Mmmmm.... Maaa'aammm...

Rishabh ke muh se Ma'am sunte hi Shreya ka mann ekdam se baith gaya aur woh turant thoda sa peeche ho gayi. Uski saari umeede fir se chaknachoor ho rahi thi, shayad usne galat suna tha. Woh pehle Mom nahi Ma'am keh raha tha.

Shreya ki aankhen bhar aayi aur usne rote hue apne honth apne muh mein daboch liye taaki woh wahan zor se na ro pade.

Rishabh - Ma'am... ahhh. Ahhh... bohot dard ho raha hai... ahhh... Kya hua tha?

Shreya kuch boli nahi bas apna chehra doosri taraf palat liya aur apne muh par haath rakhte hue subkiyaan lene lagi, uska dil andar se dahade maar kar rone ka kar raha tha. Usne aisa betuka sapna dekhne ka socha bhi kaise. Rohit jaa chuka tha!

Rishabh - Ma'am.... ahhhh.... ahhh... UFFFFFFFF..... AAHHHHH.....

Rishabh ekdam zor se chillaya, yeh koi shareer ke dard ki cheekh nahi thi. Aisa lag raha tha jaise woh andar kahin se cheekh raha ho.

Room mein machines zor se beeep beeeeep booop karne lagi.

Rishabh - AHHHHH... FFFF.... FUCKKKKK.... UFFFFFF... Moooommmmm!

Yeh sunte hi Shreya ki siski beech mein hi atak gayi aur uska dil tezi se dhadakne laga. Woh palatne ki himmat hi nahi kar paa rahi thi.

Rishabh ke cheekhne ki aawaz aayi - Mooooommmmmm! Ahhhhhh.... Mommmm!

Woh Rishabh ki aawaz ho kar bhi Rishabh ki aawaz nahi lag rahi thi. Shreya buri tarah hairaan hote hue jhatke se palti aur Rishabh ki taraf dekha.

Nurse bhi tabhi kamre mein dandanati hui ghusi - Kya hua yahan! Madam aap peeche hato!

Nurse ne aage badte hue upar tang rahe liquid ki bottle ko check kiya. Itne mein Rishabh ne Shreya se nazrein milate hue apna sar pakad liya - Uhhhhh... Mommmm.... mera sarrrr... 

Par uske aisa karte hi uske haathon mein lagi naliyan khich gayi, sab kuch kafi messy hota jaa raha tha, aur Nurse use rokne mein nakamyaab ho rahi thi. Shreya jaise wahin jameen par jam gayi thi, na kuch keh paa rahi thi na kar paa rahi thi.

Nurse - Bhaiyaaa... aap hilo mat... tsskkkk.... oh ho!

Nurse ne turant ek injection bhara aur Rishabh ke arm mein laga diya. Rishabh dard mein tadapta hua kuch hi palon mein bistar par fir se dher ho gaya.

Shreya acharaj se Rishabh ki taraf dekh rahi thi, use kuch samajh nahi aa raha tha yahan kya ho raha tha. Uske saamne bistar par yeh Rishabh leta hua tha ya Rohit? 

[Celebrorn]

Chapter 45

Rohit ne disoriented hote hue apni aankhen kholi. Uska dimaag buri tarah chakra raha tha aur use samajh nahi aa raha tha woh kahan tha. Usne apne haathon ko alat palat kar dekha, abhi kuch pal pehle aisa lag raha tha jaise un par dher saari taare aur needles lagi hon. Aur ab uska haath bilkul saaf tha.


Usne khade hote hue idhar udhar dekha, chaaro taraf bas ek safed roshni si thi, jiski koi seema na ho, kahin koi deewar na ho. Usne is jagah ko pehle dekha tha, shayad kisi sapne mein. Sar mein jo bhayanak sa dard ho raha tha dheere dheere kam hone laga.

Woh ek baar aur palta toh thodi door par ek aur ladka uski tarah hi zameen par se khada ho raha tha. Usne gaur se dekha, yeh toh Rishabh tha. 

Rohit jaldi se uski taraf badha - Rishabh! Rishabh!

Rishabh apna sar pakadte hue khada hua - Ahhh... Rohit bhaiya...

Rohit - Ye kahan hai hum? Yahan kaise pahuche?

Rishabh - Ahhh... Nahi pata. Bas kafi ajeeb sa sapna dekha jaise main kisi hospital mein hoon.

Rohit - Haan! Exactly! Maine bhi... aur Mom bhi thi wahan!

Rishabh - Uhhh... yahan toh kuch nahi dikh raha.

Rohit upar ek taraf focus karte hue kaha - Woh aawaze sunai de rahi hai?

Rishabh - Kaunsi aawaze?

Rohit - Ruk! Ek minute!

Door se kahin aisa lag raha tha jaise koi halke se Rishabh ka naam pukaar raha ho. Rohit ne us taraf focus kiya hi tha, ki use ek tez ki beep beep beep sunayi dene lagi, aur usne jaise hi aankhen band karke kholi, woh haanfta hua ek hospital ke kamre mein jaga. Saamne ek doctor baitha usko check kar raha tha.

Rohit ne zor ki saans li - Huhhhh... huhhhh... kya ho raha ye?

Doctor - Rishabh... aaram se... tum thoda shock mein ho... aaram se.

Rohit - Kya bol rahe ho aap... main Rishabh nahi! Rohit hu!

Doctor ke peeche khadi use Shreya ka chehra nazar aaya aur woh Shreya ko wahan dekh kar chilla utha - Mom!!! Ye kya ho raha hai...

Uske sar ka dard fir se ekdam se badh raha tha aur usne apna sar pakadna chaha, par ek hi pal mein jaise woh wapas us safed jagah par wapas pahuch gaya tha aur ab Rishabh wahan nahi tha.

Rishabh - Ahhhh.... 

Doctor - Rish... Rohit...

Rishabh - Doctor aap kya bol rahe hain... main Rishabh hoon!

Doctor ne hairaan hote hue Shreya ki taraf dekha, jo khud bhi utni hi confused khadi thi.

Rishabh ne dard mein muh banate hue idhar udhar dekha - Kya hua hai mujhe? Kahan hoon main? Abhi mujhe Rohit dikhayi diya tha... woh kahan gaya?

Shreya ekdam se excited hokar - Tumhe Rohit dikhayi diya tha! Kahan?

Rishabh - Ahhhh.... nahi pata... ufff... mera sar...

Doctor ne nurse ko ishaara kiya aur Nurse ne use ek aur injection laga diya. Aur kuch palon mein woh fir se besudh ho gaya tha.

Shreya - Doctor ye kya ho raha hai?

Doctor - Mujhe bhi kuch samajh nahi aa raha! I think uski body kafi stressed out hai. Mere khayal se aap uske saamne abhi na aaye, kyunki aapko dekhte hi uska stress level aur badh raha hai.

Shreya - Par Doctor....

Doctor - Please Shreya Ji... aap samjhe... kafi nazuk situation hai yeh.

Shreya - Theek hai!

Andar us safed kamre mein Rishabh ki fir se aankh khuli aur usne Rohit ko apne paas khada paaya.

Rishabh - Rohit bhaiya... uhh... ye kya ho raha hai?

Rohit gehri soch mein tha - Woh mujhe Rishabh kyun bula rahe they!

Rishabh - Aur mujhe Rohit!

Rohit - Kya... kya tha tune?

Rishabh ghabrate hue - Kuch nahi... maine kya kiya?

Rohit - Nahi... jab woh aawaz aane lagi thi... tab maine apni aankhen band karke un par focus kiya aur aisa laga jaise main wahan pahuch gaya.

Rishabh - Haan! Mere saath bhi kuch aisa hi hua! Par aisa laga jaise wahan koi pehle se hai aur mujhe dhakelne ki koshish kar raha hai.

Dono ne ek doosre ki taraf dekha. Dono samajhne ki koshish kar rahe they yeh ho kya raha tha.

Rohit - Lagta hai... jaise... ummm... pata nahi kaise possible hai woh par!

Rishabh - Ummm... aapko last kya yaad hai?

Rohit - Mujhe... ummm... ghar par.... Mom ki birthday party chal rahi hai... sab badiya hai... fir... uske baad... kuch yaad nahi aa raha!

Rishabh - Kya?! Uske baad ka aapko kuch yaad nahi?

Rohit - Matlab? Kya yaad nahi aa raha?

Rishabh - Ummm... aap ghar chhod kar chale gaye they, aur fir....

Rohit - Main ghar chhod kar chala gaya tha! Kyun!?

Rishabh - Mujhe nahi pata... Ma'am ne bataya tha... woh kafi pareshaan thi aapke liye.

Rohit - Kya??! Main ghar chhod kar kyun jayunga, aur woh bhi Mom ko akela chhod kar? Mujhe kyun nahi yaad aa raha hai is baare mein? Tujhe kya yaad hai aakhri cheez?

Rishabh - Ehhhh... main... shayad... office mein tha... kuch dhoond raha tha... nahi... aisa lag raha hai kuch missing hai!

Rohit - Dono ke saath hi?

Rishabh - Aapko lagta hai hume aliens utha ke le gaye?

Rohit - Kya??? Kya bakwaas kar raha hai!

Rishabh - Nahi... woh... pata nahi... hum par experiment kar rahe ho aur...

Rohit ne use ignore karte hue upar ki taraf dekha - Hum dono ko woh aawaze sunayi di thi, aur tujhe woh doctor dikha tha?

Rishabh - Haan.... doctor aur... Shreya Ma'am.

Rohit - Ummm... hum dono hi us aawaz ki taraf gaye... aur apne aap ko wahan paaya. Hmmmm... kafi weird hai!

Rishabh - Uhhh... aisa karte hain... ek ek karke try kare? Matlab main jaata hoon par aap yahin rehna.

Rohit - Main thodi na kahin gaya tha! Bas aawaz ki taraf focus kiya aur apne aap ko wahan paaya!

Rishabh - Shayad hum kisi secret science experiment mein hai! Aisa karte hain ki main aawaz par focus karta hoon aur aap mat karna.

Rohit - Hmmm... try kar sakte hain...

Rishabh - Theek hai... ummm... main ready hoon!

Rohit - Theek hai...

Rishabh ne apni aankhen band karke us room mein ho rahi aawazon par focus kiya. Kuch pal baad usne aankh kholi toh usne apne aapko fir se hospital ke us bed mein paaya.

Rishabh ko dard ho raha tha par utna nahi jo pehle hua tha - Ahhhhh....

Doctor thoda hairaan hote hue - Nurse! Aapne dosage theek diya tha kya?

Nurse - Haan Doctor... main dekhti hoon...

Doctor - Nahi ab over dosage mat kar dena! Let me check. Ummm.... kaisa feel kar rahe ho tum?

Rishabh - Uhhh... main kahan ho doctor?

Doctor - Hospital mein...

Rishabh ne kamre mein idhar udhar dekha, yeh jaane ke liye ki yeh sab sach hi tha na. Sab kuch bilkul sach jaisa hi mehsoos ho raha tha. Us safed kamre se toh kahin jyada. Use ab kamre mein Shreya kahin nazar nahi aa rahi thi - Yahan kaise pahucha main?

Doctor - Relax thoda sa... aapka accident hua tha.

Rishabh - Accident! 

Doctor - Relax Relax!

Rishabh ko doctor ki baat par yakeen nahi ho raha tha, woh kisi aur ke muh se yeh sab sunna chahta tha - Ahhh... woh... Shreya Ma'am... woh kahan gayi?

Doctor - Woh abhi... medicines lene gayi hain. Aati hongi.

Rishabh - Kaisa accident tha?

Doctor ne paas mein rakha ek clipboard uthaya - Jo mujhe bataya gaya... aap sadak par bhaag rahe they... aur ek bike aapse takra gayi.

Rishabh - Kab... uhh... Kab hua yeh sab?

Doctor - Teen din pehle.

Rishabh - Teen din? Kya din tha woh?

Doctor - 26th July... aap jyada sawaal na kare... aap bas apne mind ko thoda rest de.

Rishabh - Ahhh...

Doctor - Aap apna naam bolenge ek baar...

Rishabh - Rishabh...

Doctor - Good... good...

Rishabh - Doctor... ek aur question poochu...

Doctor - Haan sure...

Rishabh - Ummm... abhi aapne kuch der pehle mujhe Rohit kyun bulaya tha?

Doctor - Sorry woh meri galti thi... main naam mein confuse ho gaya tha.

Rishabh ka dimaag jaise sambhalta jaa raha tha, ab aisa lag raha tha jaise woh Rohit wali conversation usne bas sapne mein dekhi ho. Par tabhi dimaag mein ek question kaundha.

Rishabh - Woh... aapne kaha... ki mera accident... kisi bike se ho gaya tha? Woh bike kaun chala raha tha?

Doctor - Aap rest kariye please.

Rishabh - Please doctor... woh bike kaun chala raha tha? Aur uske saath kya hua?

Doctor ne idhar udhar dekha - Woh bike rider... ab nahi raha... Rohit... Rohit naam tha uska.

Rishabh ka sar fir se buri tarah dard karne laga aur aisa laga jaise use koi andar kahin kheench raha ho. Machine par tez ki beep ki sound hui, aur uski aankhen ek jhatke mein band ho gayi.

[Celebrorn]

Chapter 46

Rishabh wapas us safed jagah par tha. Woh apna sar pakadte hue khada hua. Abhi toh wahan bahar tha, aur fir wapas yahan. Bahar jahan sab kuch asli sa lag raha tha, aur yahan jahan... yeh jagah thi bhi kya?

Rohit - Kya hua? Kya pata chala?

Rishabh - Aapne mujhe wapas andar kheech liya kya? Par Kaise?

Rohit - Pata nahi... bas ho gaya! Tum itna time laga rahe they, toh main bas thoda sa... impatient ho gaya tha I guess. Par kuch pata chala ki kya ho raha hai?

Rishabh - Mujhe sochne do!

Rishabh Doctor ki kahin baaton ko sochne laga. Hospital... Accident... Bike... Rohit... Oh god! Rohit!

Rohit - Main jaakar dekhta hoon is baar!

Rishabh - Nahi nahi! Aap nahi jayo!

Par Rohit tab tak bahar pahuch chuka tha.

Nurse - Doctor ise fir se hosh aa raha hai!

Doctor - Main dekh raha hoon... Rishabh... Rishabh... tum theek ho na.

Rohit - Doctor... main kahan hu... aur kya hua hai mujhe?

Nurse - Abhi toh aapko doctor ne sab bataya tha!

Doctor - Nurse... aap bahar jaayo! Zara woh Doctor Singh ko bulana.

Nurse kamre se bahar chali gayi.

Doctor - Relax relax... maine tumhe kaha na ki abhi tum apne dimaag par stress mat daalo... kafi bada accident tha.

Rohit - Accident!

Doctor - Haan... woh bike accident. Tum apne kisi family member ka number de sakte ho? Hum unhe contact kar lenge.

Rohit - Meri Mom... woh yahin thi abhi... kahan ho woh?

Doctor hairaan hote hue - Ms Shreya? Tumhari Mom? Rishabh... woh tumhari Mom nahi hain. Tum rest karo.

Rohit ne pehli baar apne haathon ki taraf dekha, yeh patle se haath uske toh nahi lag rahe they. Woh kafi confused sa lag raha tha.

Itne mein ek aur Doctor kamre mein daakhil hua - Yes... kya progress hai?

Doctor - Sir... organ transplant ke baad body adjust karne mein struggle kar rahi hai.

Doctor Singh - Aisa kariye filhaal inki dose bada dijiye... shaam ko dubara dekhte hai?

Rohit ko samajh nahi aa raha tha woh kya bol rahe they. Organ Transplant? Kya transplant hua tha? Uske haath? Kuch ajeeb sa lag raha tha is poori body mein. Use clearly kyun nahi dikh raha tha.

Doctor - Are you sure Doctor? Dosage already kafi high hai.

Doctor Singh - I think it will help him heal faster.

Parde ke peeche se Nurse kamre mein dubara ghusi, aur Rohit ko wahin darwaze ke bahar ek aurat andar jhaankti hui dikhi. Kya woh Mom thi?

Rohit zor se chillaya - Mom!!! Mom!!!

Dono doctors turant uske saamne aa gaye aur uska view block ho gaya, aur kuch hi pal baad woh fir se behosh hu chuka tha.

Jab aankh khuli toh usne apne aap ko firse usi safed jagah par paaya.

Rishabh ki ghabrayi hui aawaz aayi - Maine aapko wapas nahi kheencha... mujhe nahi pata kheenchte bhi kaise hain!

Rohit - Hmmm... haan woh... nurse ne shayad fir se injection de diya tha.

Rohit khada hua soch raha tha ki yeh sab kya ho raha tha.

Rishabh - Aapko kya pata chala?

Rohit - Uhhh... pata nahi... woh kuch... accident ki baat kar rahe they... organ transplant... meri body ajeeb si thi. Jab tum hosh mein aaye they toh kya tum apni hi body mein they?

Rishabh - Haan... shayad... aapko kaise laga ki aap apni body mein nahi ho?

Rohit - Nahi mere haath... kafi patle they... bilkul... tumhare haathon ki tarah... uhhh... weird...

Rishabh gehri soch mein padh gaya - Mere haathon ki tarah?

Rohit - Haan... matlab... kafi wires aur instruments lage hue they, par definitely mere haath toh nahi they.

Rishabh - Hmmm.... organ transplant? Ok... kya isiliye...?

Rohit - Haan... koi bike accident? Tumhe koi bike accident yaad hai kya? Mujhe toh kuch yaad nahi aa raha.

Rishabh apne dimaag mein ek theory bana chuka tha, par woh theory soch kar hi uske rongte khade ho gaye they. Agar yahan rongte ho bhi sakte they toh.

Rohit ne Rishabh ki taraf dekha - Kya soch rahe ho tum?

Rishabh - Ummm... mere paas ek theory hai... par aapko achi nahi lagegi.

Rohit - Aliens? Science Experiment? Ya ab kya - Bhoot?

Rishabh ke chehre par halka sa darr aa gaya - Emmm... actually... woh last wala shabd na hi bolo toh acha hoga. 

Rishabh mann hi mann ek jaap karne laga.

Rohit - Bologe bhi? Kya theory hai?

Rishabh - Ummm... toh.... Bike accident... Organ Transplant... Hospital... Bike Accident... Transplant... Doctor... get it?

Rohit - Kya bol raha hai? Mujhe kuch samajh nahi aa raha hai?

Rishabh - Ok Ok... toh... ummm... I think hum dono ka koi accident hua tha... teen din pehle... 26th July... emmm... fir... hum dono hospital pahuche... aur fir... aap... aur main... aur ab hum yahan hai.

Rohit ne jhunjhulate hue Rishabh ki taraf dekha - Accident... hospital... wahan tak samajh aaya... fir aage kya hua?

Rishabh ne Rohit ki taraf dekha, use samajh nahi aa raha tha yeh sab kaise possible tha aur woh use kaise bataye. Bas shayad jaldi se bol dena theek hoga. Usne ek gehri saans bhari aur ek saans mein poora bol gaya - Accident ke baad aapke organs mujh mein transplant kar diye gaye aur aapki death ho gayi aur ab aap kisi tarah se yahan meri body mein ho!

Rohit ne Rishabh ki taraf muh banate hue dekha, jaise woh pata nahi kya bakwaas kar raha ho, aur aakhir uske muh se zor se nikla - KYA NONSENSE BOL RAHE HO!

[Celebrorn]

Chapter 47

Rohit aur Rishabh apas mein behas kiye jaa rahe they. Time ka toh unhe yahan koi andaza nahi tha par behas kafi lambi khich chuki thi.

Rishabh poore josh mein bola - Nahi toh fir aapki kya explanation hai, aap batayo!?

Rohit - Mere paas koi explanation nahi hai filhaal! Par jo tumne explanation di hai woh koi sense hi nahi banati.

Rishabh - Nahi par aap soch kar toh dekho!

Rohit ne gusse mein ek gehri saans chhodi - Agar tumhari explanation sahi hai toh main soch kaise raha hoon!

Rishabh - Pata nahi... shayad aapke organs hai mere andar, isliye?

Rohit - Nahi! Ye bas ek nonsense sa sapna hai! Ek baar fir bahar jaakar dekhte hain.

Rishabh - Theek hai, main jaakar dekhta hoon!

Rohit - Nahi! Main jayunga.

Rishabh - Yeh body meri hai toh mind bhi mere control mein hona chahiye na.

Rohit ko gusse bhari hasi aa gayi - Abhi hume kuch nahi pata.

Rishabh - Hume pata hai! Aap marr chuke ho!

Rohit ne Rishabh ko ghoora aur Rishabh ko turant apni kahe shabdon ka ehsaas ho gaya.

Rishabh - I am sorry... mera woh matlab nahi tha. Main bas kehna chah raha tha ki agar meri theory sach hai toh.... toh... aapko yahan nahi hona chahiye. Yeh mera shareer hai.

Rohit - AGAR... AGAR... Agar... Agar tumhari theory sach bhi hai na... toh mere sacrifice ki wajah se hi tum aaj zinda ho. Aur is body mein mere bhi hisse hain!

Rishabh - Aise thodi na hota hai! Ek dimaag aur shareer mein do log kaise reh sakte hain!

Rohit - Yeh tumhara dimaag hai? Tabhi itna khaali hai? 

Rishabh ka muh ek dam se utar gaya.

Rohit - Joke... Joke! (Doctor ki tone mein) Relax Relax! Waise yeh jagah hai bhi kya?

Rishabh - Maine ek film dekhi thi jab main chhota tha... usme woh ladka hota hai... aur use woh kaala aadmi aise hi koi jagah lekar aata hai.

Rohit ko kuch samajh nahi aaya ki woh kya keh raha tha aur usne haath ke ishaare se pucha ki woh kya kehna chahta tha.

Rishabh - Areee woh wali movie... jisme woh... end mein... goliyaan chalti hai... aur hero aise... slow motion mein peeche jhuk kar goliyon se bachta hai... aur fir end mein goliyon ko haath se rok leta hai.

Rishabh acting karte karte peeche jhuk gaya tha.

Rohit - Matrix!

Rishabh - Haan haan! Wohi Wali! Ye mera dimaag bilkul us kamre jaisa hai jahan kuch bhi ho sakta hai.

Rohit ne apni hasi dabate hue apna sar na mein hilaya - Unbelievable ho tum! Khair... main jaa kar aur pata karta hoon.

Rishabh - Agar aapko jaana hi hai toh... meri advice rahegi... ki... aap bas aankhen band kiye lete raho... kuch react mat karna. Nahi toh woh nurse fir se mujhe injection de degi... Ouchhhhh... bohot dard hota hai.

Rohit - Bas leta rahu?

Rishabh - Haan... unhe lagega ki aap behosh ho... par aap sab kuch clearly sun payoge.

Rohit - Hmmm... idea bura nahi hai... par Mom? Mujhe Mom ko dekhna hai...

Rohit ki aawaz end mein thodi udaas si ho gayi.

Rishabh ne dheemi aawaz mein kaha - Main... main samajh sakta hoon... par abhi filhaal please... hame bas meri theory confirm karni hai.

Rohit ne haan mein sar hilaya - Theek hai... main ready hoon.

Rishabh - Aap... pareshan mat hona... sab theek ho jayega.

Rishabh ko yeh bolte hi laga ki kaise theek ho jayega. Agar Rohit sach mein marr chuka tha toh sab kaise theek ho sakta tha.

Rohit ne apni aankhen band kari aur ek-do pal ke baad apne aapko usi shareer ke control mein paaya. Usne apni aankhen band rakhi par apni ungliyaan halke se hilayi.

Saath mein rakhi machine ekdam se beep beeep beep bol padi, aur Nurse fir se harkat mein aa gayi. Par usne dekha ki Rishabh ki aankhen abhi bhi band thi.

Doctor Saxena jaldi se kamre mein daakhil hue - Kya hua? Woh sound? Patient jag gaya hai kya?

Nurse - Kuch nahi doctor... woh abhi bhi so raha hai.

Doctor - Ok... 

Doctor ne darwaze par khadi aurat ki taraf dekha - Shreya ji... aap ghar chali jaiye... aapko hospital aaye hue bhi bohot ghante ho chuke hain.

Shreya - Nahi... main yahin theek hu... hum ise kab tak aise... behosh rakhenge. Main baat nahi kar sakti kya usse?

Doctor - Hosh mein aate hi patient kafi unstable ho raha hai. Hume lagta hai abhi yehi better hai.

Shreya - Mujhe abhi bhi kuch samajh nahi aa raha... woh kabhi kehta hai ki woh Rishabh hai... aur kabhi mujhe Mom kehkar bula raha hota hai.

Doctor Saxena - Doctor Singh ko lagta hai bas temporary hai... body adjust kar rahi hai.

Shreya - Aapko kya lagta hai?

Doctor Saxena - Shreya ji... main aapki umeed samajh sakta hoon... aap ek mother ho. Par hume scientific facts toh manne hi padenge na. Rohit... I am sorry to say this... Rohit ab is duniya mein nahi hai. Par Rohit ki yaadein hamesha aapke aur uske loved ones ke saath rahengi.

Doctor sab bol toh raha tha par Shreya ki nazrein andar bed par pade Rishabh par tiki thi. Use andaza bhi nahi tha ki unki yeh conversation Rohit sun paa raha tha.

Rohit ne woh shabd sune par woh uske andar utre nahi. Woh bahar hi atke rahe, jaise woh kisi aur Rohit ki baat kar rahe hon.

Rohit ab is duniya mein nahi hai!

Woh toh yahin tha. Woh apni aankhen aur muh khol kar chilla kar kuch kehna chahta tha. Par pata nahi kyun aisa lag raha tha jaise sach mein yeh shareer uska na ho, aur woh is shareer par se apna control kho raha ho, bilkul bejaan padh raha ho. Kya jo woh sun raha tha woh sach tha? Kya woh sach mein marr chuka tha? Fir woh yahan kaise tha?

Uske seene mein jiska bhi dil tha woh tezi se dhadakne laga aur usne apni mutthi kas li. Shayad Rishabh ki theory bilkul theek thi, yeh uski body nahi Rishabh ki body thi. Uski aankhon se ek aansu ki boond nikal kar side mein tapka. Usne apni aankhen aur kas ke band kar li. Aisa laga jaise woh andhkaar mein jaa raha ho.

Tabhi aisa laga jaise use koi hila raha ho. Usne aakhen kholi toh saamne Rishabh tha, wahin us safed kamre mein.

Rohit ne aakhen kholi toh uska chehra poora safed pada tha. 

Rishabh - Rohit... Rohit bhaiya... aap theek ho?

Rohit poori tarah lost tha - Hhh... haan... nahi... pata nahi...

Rohit ki shakal dekh kar Rishabh ko realize ho gaya ki Rohit sach confirm kar chuka tha - I am sorry...

Rohit abhi bhi kahin shoonye ki taraf dekh raha tha, woh samajh nahi paa raha tha woh kaisa mehsoos kare. Marna toh sabko ek din hota hai, par use toh apni maut tak yaad nahi thi. Sab kuch unreal sa lag raha tha.

Woh bas chup chaap us safed zameen par baith gaya. Usne apne aakhri yaad ko pakadne ki koshish ki. Mom ka birthday. Ghar roshniyon se bhara hua. Mom white aur golden saree mein, cake kat raha tha, uska haath pakde. Naina ne jaane se pehle Mom ko gale lagaya tha, aur use ishaare se bye bola tha. Usne socha tha ki bas ab kuch galat nahi ho sakta tha. 

Fir kahan aur kaise yeh sab ho gaya tha. Usne kab ghar chhoda aur kab uski maut ho gayi.

Dimaag mein hazaro khayal chal rahe they. Mom... woh kaisi thi... uski death ne toh unhe buri tarah tod diya hoga. Kahin woh kuch... galat na kar baithe... nahi nahi... woh usse kafi jyada strong thi. Naina... kya woh use miss karegi?

Rishabh ne dheere se Rohit ke kandhe par haath rakha - Bhaiya... aap theek hai na.

Rohit ko realize hua ki Rishabh bhi wahin tha, ya shayad woh wahan tha Rishabh ke andar.

Rishabh - Main... main bhi pehle mara nahi... toh pata nahi kaisa feel hota hai... matlab... aapko kaisa feel ho raha hai.

Rohit ne Rishabh ki taraf ek tirchi nazar daali aur is ajeeb si jagah par is khaufnaak si news ke baad bhi use ek halki si hasi aa gayi - Pata nahi... mera bhi first time hi hai. Par haan... tumhari theory bilkul sahi thi.

Rishabh - Par abhi bhi samajh nahi paaya ki aap yahan kaise... shayad yeh mera dimaag hi hai... khaali sa...

Rohit ne kandhe uchkaye, uski aawaz mein abhi bhi ek khokhlapan tha - Pata nahi... shayad hum jo sochte hai life aur death ke baare mein, waisa real mein nahi hota... pata nahi...

Rishabh - Par ab kya? Ab kya karenge hum?

Rohit - Karenge kya? Yeh tumhari body hai... tum apni body par control le lo.

Rishabh - Aur aap?

Rohit - Pata nahi... aisa kuch heaven ya hell jaane ka raasta toh dikh nahi raha... main bas yahin baitha rahunga... chup chaap.

Rishabh - Hmmmm...

Rohit - Aur kahin jaa sakta toh chala jaata... par agar mujhe mare hue teen din se jyada ho chuke hain toh shayad unhone ab tak meri body bhi...

Rishabh - Hmmmm... shayad koi aur tareeka ho... kuch...

Rohit - Rishabh... please... mujhe thodi der akela chhod do... kabhi socha nahi tha ki apni hi death ki news ko process bhi karna padega.

Rishabh - Ji... main samajh sakta hoon... matlab nahi bhi... main jaata hoon.

Rishabh ne Rohit ki taraf dekha aur kuch palon baad woh use wahin akela baitha chhod kar apni body ka control le chuka tha. Usne ek gehri saans bhari aur apni aankhen nahi kholi. Use nahi pata tha ki bahar kaun tha. Par apne sar par ek behad soft sa haath mehsoos hua.

Usne apni aankhen dheere se kholi toh apne theek upar ek udaas sa dhundla sa chehra nazar aaya. Shreya Ma'am ka haath uske sar par tha.

Rishabh ki aankhen khulte dekh Shreya ne ekdam se apna haath peeche kheench liya par is baar machine ka zor zor ka shor nahi ho raha tha.

Shreya fusfusate hue mudi - Main Doctor ko bulati hoon.

Rishabh - Ma'am... nahi... rukiye...

Shreya ne palat kar Rishabh ki taraf dekha. Use shayad Ma'am ki jagah Mom sunna tha, aur uski aankhen bhar aayi thi.

Shreya - Rishabh... tum... tum theek ho...

Rishabh - Ma'am... ahh... main... aap theek hain?

Shreya ne na chahte hue bhi halke se haan mein sar hilaya.

Rishabh - Ma'am... Rohit...

Rohit ka naam sunte hi Shreya ke aansu uski aankhon se tapakne lage they.

Rishabh - Ma'am.... Rohit... yahin hai... mere andar...

Shreya ki aankhen fati ki fati reh gayi. Usne woh shabd toh Rishabh ke muh se sune they, par use unka matlab nahi samajh aa raha tha.

[Celebrorn]

For now pausing this story for a bit. Think of it as a climactic ending to Season 1, after which we pursue season 2.

Question left unanswered:

1. How will Shreya react to Rohit being inside Rishabh, will she believe him?
2. How will Rishabh and Rohit adjust inside the same body?
3. What happens to this arrangement long term?
4. Will Shreya be able to overcome her loss and find something meaningful in her life?
5. How will the memory loss come into play in the story?
6. How will Rishabh / Rohit react when he sees Naina? How will Naina react?
7. What happens with Megha and Rishabh?
8. What happens with Tarun and Shreya?
9. Will Rishabh and Rohit be able to help each other fix things and take 
10. Will we get to meet Rishabh’s family?

[Celebrorn]

Ignore

[Celebrorn]

Bhai ye konsa update aagya bich me shreya ki story me

Sorry, updated