Adultery BACK TO COLLEGE- HINGLISH

[Ved122]

UPDATE 1 
Car ka AC full tha, phir bhi meri haath-paon thande pad rahe the. Rohan gaadi chala raha tha, Gurgaon ki sadak pe traffic ek dum se khatam ho gaya tha jaise Delhi border cross karte hi saari duniya so gayi ho.
Aryan ko hostel chhod aaye the. Mera beta… mera ladka… ab uska naya chapter shuru.
Rohan ne side se meri taraf dekha. “Anu, tu theek hai na?”
Main bas haan mein sar hila di. Sach bolun toh dil mein ek khali-pan sa tha. Jaise ghar mein ab koi bhaag-daud nahi rahegi subah, koi “Mumma lunch mein kya hai?” nahi puchega, koi college ki PTM nahi.
“Sun na,” Rohan ne dheere se bola, “UK wala offer confirm ho gaya hai. Do saal ka contract hai.”
Main chaunk gayi. “Itni jaldi?”
“Haan. Next month join karna hai.” Usne mera haath pakda. “ tu aayegi na mere saath?”
Main chup rahi. UK? Ek dum naya desh, naya ghar, nayi zimmedariyan… aur waha pe main karungi kya? Ghar baith ke Netflix?
“Nahi Rohan,” maine dheere se kaha, “mujhe nahi jaana.”
Usne brake maara, side mein gaadi rok di. “Matlab?”
“Matlab… yaha pe kuch karna chahti hoon. Kuch apne liye.” Meri awaaz mein ek ajeeb si khanak thi. “Mujhe aage padhai krni h masters krna h karna hai.”
Rohan ki aankhein badi ho gayi. “Abhi? 35 saal ki umar mein?”
“Abhi kyun nahi?” Main hans padi. 
Usne lambi saans li, phir muskuraya. “Theek hai, Mrs. Malhotra. Tumhari marzi. But i will miss you baby”
Ek smile ke sath, “mai bhi..”
—------------------------------------------------------------------------------------------------------------------------------


Ek hafte mein sab fix ho gaya. Forms bhare, entrance diya, interview diya… aur selection ho gaya.
Ramjas College, North Campus. M.A. English Literature.
Admission ka din.
Main college ke main gate ke saamne khadi thi. Yellow-white kurti, black leggings, dupatta nahi liya tha aaj jaan-boojh ke. Baal khule the, thodi si lipstick laga li thi subah mirror ke saamne khud ko dekhte hue.
Log aa-ja rahe the. 19-20 saal ke ladke-ladkiyan, jeans-top mein, crop tops mein, kuch toh shorts mein. Main unko dekhti rahi aur apne aap ko ek dum alag sa lag raha tha.
Dil zor-zor se dhadak raha tha.
“Ye main kya kar rahi hoon?
35 saal ki umar mein… ek bacche ki maa… college?
Log kya bolenge??
Aur agar… agar main fail ho gayi toh?
Ya phir… agar main badal gayi toh?
Agar ye do saal mujhe bilkul alag insaan bana dein… toh?”
Hawa ke saath ek ajeeb si khushboo aayi – coffee aur freedom ki.
Maine ek lambi saans li, bag theek kiya, aur gate ke andar kadam rakha.
Pata nahi kya hone wala hai…
lekin pehli baar 15 saal mein dil mein ek chingaari si jali thi.
Darr lag raha tha.
Aur mazaa bhi aa raha tha.

[sarit11]

My dear writer

Pls don't mention under age

Thank you