సెక్స్ శరీరానికి ఎంత అవసరం

[sach167]

అతని/ ఆమె జీవితంలో నిౙమైన ప్రేమకి తీవ్రమైన కఱువు కాటకాలు ఏర్పడ్డాయన్న విచారకర వాస్తవాన్నీ - అందుమూలాన అతను/ ఆమె చచ్చేంత బోర్ డమ్ తో బాధపడుతున్నారనే రహస్యాన్నీ సూచిస్తుంది. ఎందుకంటే ప్రేమ మాలిన కామానుభవం ఏనాటికీ తనివి నివ్వదు. ఉప్పునీళ్ళు త్రాఁగితే దప్పిక తీఱనట్లే ! ప్రేమను పొందలేకపోయిన మనుషులు అతి-కామానుభవాలనే కాదు, విపరీతమైన డబ్బునీ, సంపదనీ, అధికారాన్నీ కూడా కోరుకుంటారు. ప్రేమ గుండా తప్ప పొందను వీలు కాని అనుభవాలన్నీ డబ్బుతో సాధించాలనుకుంటారు. కసిగా ఒడిసి పట్టాలనుకుంటారు. ఇదంతా ఉప్పునీళ్ళ వ్యవహారమే. వాస్తవమేమంటే - మీరు ఎంతగా ఉన్నత స్థితికెళితే అంతగా మిమ్మల్ని ప్రేమించేవారు తగ్గిపోతారు. లౌకిక/ భౌతిక ఉన్నతి అనేది ఒక ఒంటరి సింహాసనం. ఇఁక దిగడానికి వీల్లేని కొండకొమ్ము. అది ఎక్కినవారు ఒక రకంగా దురదృష్టవంతులు.

దానా దీనా చివరికి నే చెప్పేది ఏమంటే - మీరు కామానికి దూరంగా ఉండాలా? వద్దా? అనేదీ, ఇంకా మిగితా వివరాలూ మీరు నిర్ణయించుకోలేరు. కామమే నిర్ణయిస్తుంది. కామమే శాసిస్తుంది. మీరు దాన్ని శాసింౘలేరు. మీకా శక్తి లేదు. ప్రకృతి ఇవ్వలేదు.‘