Thriller RAKSHAK - THE PROTECTOR

[The Desi Lover]

Istanbul mein ek band padi steel factory mein “Al-muhammad-jihad” naam ki ek terrorist organisation ki meeting ho rahi thi. “Abrahim-Muhammad-Qadri” is meeting ko lead kar raha tha. Uske haath mein ek file thi aur wo apne sathiyon ko kuchh samajha raha tha. Bharat ka ek “RAW” Agent Kabir samne ki building ke ek kamre se doorbeen se un par nazar rakh raha tha. Tabhi achanak Kabir ki nazar File par likhe serial number par padi. Us serial number ko dekhkar Kabir ke hosh ud gaye. Usne turant apni 9mm ki pistals nikali aur daud kar factory mein pahunch gaya. Factory mein dakhil hote hi usne danadan goliyan barsani shuru kardi. Terrorists ko sambhalne ka mauka hi nahi mila aur mehez ek minute mein Kabir ne sabhi terrorists ko dher kar diya. Usne Abrahim Muhammad Qadri ki laash ke paas se wo file uthai aur chupchap wahaan se nikal gaya. 

2 din baad Bharat mein,

Kabir RAW ke head Cheif “Vijay Choudhary” ke cabin mein dakhil hua aur File uske table par fenkte hue gusse se bola,

Kabir - Aapne Kaha Tha Project M band ho gaya hai toh Ye file Istanbul mein kya kar rahi thi?

Vijay - Cool down Kabir, koi Dharti nahi fati hai jo aasman sar par utha rahe ho.

Kabir - Fati nahi hai toh fat jayegi. Aapne mujhe bataya kyun nahi ke us detonator ka ek trigger hai.

Vijay - Toh trigger toh hoga hi, har detonator ka hota hai.

Kabir - Kya koi Mazak chal raha hai? Desh par bahut bada khatra hai Sir. 

Vijay - Haan par ye tumhara mission nahi hai. Aur jiska hai woh apni jagah par pahunch gaya hai. Ghabrao mat trigger bilkul safe hai.

Kabir - Seriously! Wo zinda kyun hai? Aapko usey kharam kar dena chahiye tha.

Vijay - Zarurat padi toh wo bhi karenge. 

Kabir - Mission kaun operate kar raha hai?

Vijay - Ab pucha tumne sahi sawaal. Uska naam hai Agent Amar Singh.

Kabir - Tab toh mujhe chhutti le leni chahiye. He is the best.

Vijay - Haan aur cold drink bhi pi lena tumhara dimag thanda ho jayega. You may leave now.

Kabir wahaan se chala jata hai aur Vijay apne drawer se phone nikalkar number dial karne lagta hai.

[The Desi Lover]

RAW Head Cheif Vijay Chaudhary 

[The Desi Lover]

RAW Agent Kabir 

[The Desi Lover]

Dosto Mujhe Is Kahani Ke Main Hero Amar Singh Keliye Ek Chehra Chahiye Kripya mujhe bataya ki Aap Konse Bollywood actor ko Amar Singh ke roop mein dekhna chahenge