Adultery Sarkaar ( Satta aur Aiyyashi ki Chabi)

[Shadowx]

Main abhi dinner karke apne room mein hi aaya tha, Saara din ki sakht aur thaka dene wali dincharya ne kamad tod di thi, par mujhe ab in sabki aadat ho chuki thi. Pichle 15 saal se yahi dincharya hi to follow karta aaya tha main halaki har beete din ke sath aur kathin hoti gayi par us kathnaiyo ka samna karte karte sareer bhi usi hisab se dhalta gya. Ap soch rahe honge ki ye kaisi dincharya h to main apko bta dun ki main eik 20 saal ka jawan hu jo ghar se dur rah kar apni padhai puri kar raha hu. Ye college padhai aur anushashan ke liye to mashur h hi pr ye india ke jane mane martial arts aur gurukul mein se no.1 h. 
Mera naam Varun Chaudhary h aur main 20 saal ka hu. Mere ghar mein mera bohot bada parivar h. Mere dada, dadi, papa, mummy, 3chacha, 3chachi, chacha-chachi ki ladkiya. Humara parivar sanyunkt parivar h sab eik chhat ke niche bade pyar se rahte h. Meri family UP ke eik bade gaon mein rahti h jiski abadi lagbhag 25000 ki h. Mere dada ji ka prabhav apne chhetra ke sath sath pure UP mein h kyunki mere  chhetra mein 80 Vidhansabha aur 15 loksabha seete h jiska faisla mere dadaji ke eik hukum se ho jata h kyu ki mere dadaji ka in ilako mein varchasva h bole to Godfather. Ab itni sare vidhayak aur MP ki seat jis vyakti ke pass ho to kaun si sarkar ya party hogi jo unse panga lena chahegi. Aisa nhi h ki mere dada ji koi gunde h, wo to samajsevi aur nek aadmi h jo har kisi ke dukh-sukh mein sath khade rahte h, unke faisle sabko dhyan mein rakh kr aur sabke bhale ke liye hote h, jab bhi kisi bhi vyakti ya samuday ko koi takleef hoti  h to wo us vyakti ya samuday ke liye sarkar tak se lad jate h, andolan krte h aur sarkar se apni bat manwa kr rahte h isliye kareeb 150 gaon unhe bhagwan ki tarah pujte h. 
Mere papa apne bhaiyo aur behno mein sabse bade h unhone sehar se apni padhai puri ki aur fir apne dum pr aaspass ke ilake mein bohot sari factory aur business start kiye aur sirf apne chhetra ke logo ko rojgar diya. Papa ya chachaon  ko shuru se hi is politics aur satta mein koi ruchi nhi thi isliye sab apna dhyan sirf apne business aur pariwar ke bharan poshan mein hi lagaya jiski wajah se dada ji chintit bhi rahte the ki unke bad in masoom logo ko kon sambhalega, unhone kayi bar papa aur chachao se baat karne ki koshish bhi ki par kahte h na ki neta ya mukhiya banaya nhi jata uska vyaktiva to apne ap nikal kr samne aata h jo ki papa aur chachao mein kahi nadarad tha fir mera janam hua, main pure parivar mein akela ladka hu baki sab ladkiya h. Mere janam se pura parivar khush tha aur mera vyaktitva bilkul dada ke saman tha, kahte h na ki put ke paon palne mein hi pahchan jate h wahi mere sath hua main shuru se hi apne dosto ka leader ban gya. Apne gaon ke bado ke dukh-sukh mein sath rahne laga, samajseva aur daya bhavna mere ander koot-koot kar bhari thi. Fir eik din dada ji ke purane dost dada ji se milne aaye tab main sirf 5 saal ka tha mera vyaktitva dekh kr dada aur unke dost (jo ki mere college ke owner h) mein mere bare mein batcheet hui aur Jaikaran ( dada ji ke dost) ne mujhe siksha-diksha ke liye dada ji se mang liya. Halanki dada ki nahi mane but bad mein mere future ka soch kar unhone ghar par salah ki, main sabka ladla tha to jahir se bat h koi mujhe bhejna nhi chahta tha but fir mere future ka sochke mujhe bhej diya yaha aur jabse aaj tak main yahi hu, mera man na bhatke isliye koi mujhse milne nahi aaya sirf dada ji ko chhor kar. Halaki mujhe in sab ke bare mein nhi pata tha bad mein pta chala isliye main gussa rahta hu apne parivar se ki koi mujse pyar nhi karta wagarah wagarah, mujhe to ye bhi nhi pta tha ki Jaikaran mere dada ji ke khas dost h mere prati unka vyahvar eik aam student ki tarah hi raha unki tarah hi mujhe dand milta tha galti karne par. Haan wo alag bat h ki main galti bohot Kam karta hu. Meri training baki sab bachon se jyada kathin h kyunki meine bohot Kam samay mein us dincharya aur kathin parishram ko apna liya aur khud ko us watavaran mein dhaal liya. Apne vyaktiva ke anusar main college mein bohot popular ho gya kyunki main all rounder hu. Padhai mein first, boxing, athletics, karate aur pehlwani mein first.
To aj dinner karke jab mein room mein aaya to mera roommate Tarun pahle hi so chuka tha main abhi change karke sone hi wala tha kyunki subha 3 bje uthna hota tha ki mere room pr knock hua, meine gate khola to humare warden Bhushan ji khade the, unhe is samay yaha dekh kr mujhe kuch anhoni ki ashanka hui waise hi mera mann aaj subha se hi kuch vyathit tha jaise kuch bura hone wala h meine Bhushan ji se itni rat ko aane ka karan pucha to unhone Jaikaran ji ne mujhe bulaya h aisa btaya, itna sunkar mera mann aur jyada vyathit ho gya kyunki in 15 saalon mein aaj pahli bar tha ki Jaikaran ji ne mujhe specially milne ke liye bulaya ho wo bhi itni rat ko. 
Mere mann vakai vyathit tha mere kadam bhi bhari ho chale the fir bhi jaise taise main Jaikaran ji ke niwas jo ki college mein hi eik cottege tha waha gya to Jaikaran ji gate pr hi khade the unke sath unki patni Geeta madam bhi thi jo college ki principle thi. Unhone mujhe andar aane ko bola aur jab hum ander aaye to mujhe sofe pr baithaya. Kuch der chuppi chhati rahi fir unhone bolna shuru kiya, 
Jaikaran: Tum soch rahe ho na ki meine tumhe kyu bulaya ?
Main kuch bol na saka kyunki Mera mann wakai vyathit tha kuch anhoni ki ashanka mujhe khaye ja rahi thi mere mooh se jaban nhi nikal rahi thi isliye meine sirf Haan mein gardan hilai to unhone fir bolna shuru kiya aur wo sab btaya jo ab tak main bta chuka hu ap logo ko. Ye sab sunkar mera mann kuch halka hua pr pta nhi kuch anhoni ki aashanka ab bhi mere mann ko khaye ja rahi thi. Koi kuch bolta usse pahle Dadi maa (Geeta Devi) chai le aai aur sabne chuppi sadhe hue chai pi.
Ye chuppi aur mera vyathit mann mujhse bardasht na hua to akhir meine puch hi liya ki mere gaon mein kuch hua h na ? Kyunki aj subha se mujhe apne parivar ki dada ji ki bohot yaad aa rahi thi, bar bar mera mann sab kuch chhor ke ghar jane ka kar raha tha. Mere hao bhav ko dekh kr Jaikaran Dada ji ke aansoo nikal aaye wo aur jyada khud ko sambhal na sake aur fut-fut kar rone lage. Mere Dada ji ab is duniya mein nhi the kisi ne unka katl kar diya tha, mere papa jinda to the par apne pair kho chuke the. Ye sab sunke main sofe se jameen pr gir gya aur main khud ko sambhal na paya aur rone laga. Akhir meine apne kisi apne ko khoya tha.

[Sangeeta Saha]

very nice start

[Hot Aunty]

chamatkar,lajawab aur mast shuruaat

[abcturbine]

Promising start.....
Excellent writing skills....
Brilliant.....

[Shadowx]

Tabhi mera matha thanka aur meine pucha kya kaha apne mere dada ji ka katl hua ? Par koi unko kyu marega log to unko bhagwan ki tarah pujte h meine dekha h waha ke logo ko, log unke liye jaan dene ko taiyyar rahte h to fir koi itna gussa kaise ho sakta h unse ki wo dada ji ki jaan lele.
Tab Jaikaran ji bole beta jab ap kisi eik paksh ke samarthan mein bat karte ho to dusre paksh ke logo ko to buri lagega hi na, bohot se log the jo unke faisle ke khilaf the, unke samsevi hone ke khilaf the kyunki in sab se unka nuksaan ho raha tha. Jaise eik vyapari tha jo tumhare ilake mein sharab ki factory lagana chahta tha sarkar ko paise khilakar usne noc bhi leli thi par jab ye bat dada ji ko pta chali to unhone us jameen pr dharna de diya kyunki unka maanna tha ki ye factory logo ko nashe ki taraf dhakel degi rojgaar milne ke aur bhi sadhan h par agar logo ne nashe ko chun liya to sab barbad ho jayega. Khair jab andolan ne itna bada roop le lia to sarkaar ko jhukna hi tha isliye turant noc rad kar di gyi jisse us vyapari ko bohot nuksaan hua tab usne khuleaam bola tha ki is nuksaan ki kimat apko hi chukani hogi main iska badla leke rahunga, aise bohot se udharan h jiske chalte unhone bohot se dushman bana liye the aur unmein sabse upar the tumhare dada ke tau ke bete Shambhu. Ye sunke mere kaan khade hue kyunki mujhe aaj hi pta chala ki mere dada ji ke koi bhai bhi the, meri manodasha ko samjh kr unhone bolna chalu rakha, tumhare pardada 2 bhai the dono nek insaan the tumhare dada ji ki tarah ye samajseva tumhare dada ji aur tumhare parivar ko virasat mein mili h. Tumhare parivar ki hi tarah tumhare pardada ka parivar bhi eik sath rahta tha, dono bhaiyo mein bohot pyar aur sneh tha tumhare dada ke tauji aur papa us jimmedari ko milkar sambhalte the tumhare pardada Hariram aur unke bade bhai Jagmohan, Jagmohan ji pramukh faisle lete the aur Hariram lakshman ki tarah un faislo pr amal karte the, fir tumhare dada Mahendra aur Jagmohan ji ke bete Surendra paida hue to sab khush the par jaise jaise time gujarta gaya aur Mahendra aur Surendra bade hote gaye to Surendra ko milne wale samman ka gumaan hone laga unko lagne laga ki wo to Rajkumar h wo kuch bhi kar sakte h aur aage chalkar ye satta unke hath mein hi aani h isliye unhone logo ko darana aur dhamkana shuru kar diya. Surendra ye kaam itni chalaki se karta ki Mahendra aur uske parivaar ko iska pta kabhi na chal saka pr logo ko anumaan hone laga ki Surendra ko satta ki chabi dena matlab apna bhavishya kharab karna. Jab Jagmohan ji ka dehant hua to Surendra ne unki jagah leni chahi jaisa aamtor par hota h ki pita ki virasat bete ko milti h par abhi to Hariram ji jinda the jinka samman aur tajurba Surendra se jyada tha isliye Surendra ko khoon ka ghoot pi kar sabar karna pada aur usne sharafat ka chaula odh kar samajseva mein lag gya jaise Hariram Jagmohan ji ke har faisle ko al mein laate the aise hi Surendra Hariram ji ke daye hath ki chhavi banane laga wo andolan aur samajseva mein badh chadkar hissa lene laga, log samjhne Lage ki Jagmohan ji ke bad Surendra ne jimmedari sambhal li h.
Surendra ne bade shatir tarike se karobariyo se meljol milana shuru kiya aur unke kaam karwane ke aivaj mein moti rakam leni shuru kardi jiski khabar dheere dheere Ramlal ko hone lagi to unko bohot peeda hui chacha hone ke naate unhone Surendra ko  samjhane ki bohot koshish ki par wo na maane to majburan unko is parivar se aur is area se alag hone ka faisla diya gya to Surendra ne apna asli roop dikhana shuru kiya usne vidhroh kiya, tumhare area mein kuch gao aise the jisme Surendra ne achi paith bana li thi unlogon se use sahanubhuti ke sath sath emotional sambhadh bana liye the un gaon walo ko lagne laga ki Ramlal ji ne satta ke lalach mei Surendra se wo satta cheen ne ki koshish ki h isliye un gaon walo ne sanyunkt roop se Surendra ko apne kuch gaon ka mukhiya ghoshit kar diya. Ye faisla gaon walo ki bhool sabit hui unhe pta chalne laga ki wo Surendra ke jaal mein fas gye h. Aaye din Unki kuwari ladkiya gayab hone lagi, aaye din naye naye niyam aur pratha banne lagi. Wo log guhaar leke Hariram ji ke pass aaye par Hariram ji majbur the kyunki faisla ho chuka tha aur wo us faisle mei dhakal nhi de sakte the. 
Jaise hi area ke do faad hue to rajnitik partiyo ne bhi rajneeti khelni shuru ki kuch Hariram ji ke sath the to kuch Surendra ke sath. Halaki Hariram ka dabdaba jyada tha to pratyaksh roop se unki hi chalti thi to Surendra ne tab se hi tumhare parivar ko kamjor karne ke aur khatam karne ke naye naye shadyantra chalte aaye h.

[abcturbine]

Brilliant.....
Amazing....