Thread Rating:
  • 3 Vote(s) - 2.33 Average
  • 1
  • 2
  • 3
  • 4
  • 5
Thriller Baat Ek Raat Ki(COMPLETED)
#1
Hello everyone, mera name Sahil Spider hai jaisa ki aap mujhe jaante hi honge ki "XOSSIPY" par meri 3-4 stories chal rahi hai aur aap sab ne meri stories ko pasand bhi kiya hai to aaj main aap sab logo ke liye new story le kar aaya hu....vaise iss story ko new to nahi keh sakte kyoki yeh story already "EXBII" par kisi ne post ki thi but jab se "EXBII" update ho kar "XOSSIPY" hua hai to bahut saari stories iss website se delete ho chuki but fikar not dosto main hu na...

main uss purani story ko firse aap sabke saamne pesh karna chahunga but usse pehle main chahta hu mere iss story ke start karne se pehle agar uss writer ko koi problem hai to aap mujhe pehle hu bata dena kyoki main nahi chahta ki mujh par copyright issue aaye. Aap sabhi ne story ka title to dekh hi liya hai par fir bhi main likh deta hu "Baat Ek Raat Ki" iss story ke jo bhi writer hai main unki respect karta hu isliye main unki permission ke bina start nahi karunga.

Writer bhai agar aap meri yeh post padh rahe hai to please mujhe message kijiyega aur agar koi unn writer ko jaanta hai to please unko inform kar dijiyega.

Thank You
[+] 1 user Likes Sahil Spider's post
Like Reply
Do not mention / post any under age /rape content. If found Please use REPORT button.
#2
                      Baat Ek Raat Ki


EPISODE -1


Rajkumar :- memsaab, raat bahut ho chuki hai aap kab tak rahengi yahan????
Padmini :- bas kaka ja rahi hoon
 
Padmini ne table par bikhre papers ko ek file cover mein rakhte hue kaka(Rajkumar) se kaha. Rajkumar office ki building ka chaukidar hai aur Padmini office ke chaukidar ko kaka keh kar bulati thi. Jaise hi Padmini aone cabin se bahar nikli to office ke sannate ko dekh kar uska dar ke maare gala hi sookh gaya.
 
Padmini :- ohh kitni der ho gayi. Par kya karun ye assignment bhi to pura karna zaruri tha varna vo kamina Saxena meri jaan le leta kal. Bhagwan aisa boss kisi ko na de.
 
Padmini parking ki taraf tezi se badhti hui apne aap se hi badbada rahi thi. Car mein baithte hi usne apna papa ko call kiya.
 
Padmini :- papa sorry sorry aaj zyada late ho gayi, main bas aa rahi hoon 20min mein ghar pahuch jaungi.
 
Padmini shadi shuda hote hue bhi 5 months se apne maayke mein thi. Kaaran bahut dukhad tha, uska pati Suresh use dahej ke liye taane deta tha. Har roz uski nayi maang hoti thi aur maange puri karte karte Padmini ke pariwar wale thak chuke the. Jab pani sar se upar ho gaya to Padmini apne sasural(Delhi) se mayke(Dehradun) chali aayi.
 
Padmini :- uuhhh aaj bahut thand hai. sadke bhi sunsan hai, mujhe itni der tak office mein nahi rukna chahiye tha.
 
Raat ke 10:30PM baj rahe the, January ke mahine mein is vaqt sabhi log apne-apne gharo mein rajai ke ander dubak jaate hain. Pehli baar Padmini itni der tak ghar se bahar thi. Car chalate vaqt uska dil zor-zor se dhak dhak kar raha tha. Jo raaste din mein jaane pehchane lagte the vahi raaste raat ko kisi khaufnak khandar se kam nahi lag rahe the.
 
Padmini ke hath stearing wheel par kaanp rahe the ‘all is well…. all is well…. all is well….’ Vo baar baar dohra rahi thi.
 
Achanak use sadak par ek saaya dikhai diya. Padmini ne pehle to raahat ki saans li ki chalo sunsan sadak par use koi to dikhai diya, par achanak uski raahat ghabraahat mein badal gayi. Vo saaya sadak ke bilkul bich aa gaya tha aur hath hila kar gadi rokne ka ishara kar raha tha.
 
Padmini ko samajh nahi aa raha tha ki kya kare kya na kare, par vo shaks bilkul uski car kea age aa gaya tha. Na chahte hue bhi Padmini ko break lagaane pade.
 
Jaise hi car ruki vo aadmi Padmini ki car ke sheeshe ko zor-zor se thap-thapaane laga, vo  aadmi bahut ghabraya hua lag raha tha. Padmini ko bhi uske chehre par dar ki shikan dikhai de rahi thi.padmini ne apni window ka shisha thoda niche sarkaya aur puchha
 
Padmini :- kya baat hai??? pagal ho kya tum???
Aadmi :- madam please mujhe lift de dijiye, meri jaan ko khatra hai. koi mujhe maarna chahta hai
Padmini :- mere pass ye faltu bakwas sunne ka waqt nahi hai
 
Padmini ke muh se ye shabd nikle hi the ki uss aadmi ki cheenkh charo taraf gunjne lagi. Ek naqaab posh saaya uss aadmi ko pichhe se lagataar chaku ghonpe ja raha tha
 
Padmini :- (ghabrate hue)ohh god
 
Padmini ka pura sharer ye drishya dekh kar thar thar kaanpne laga. Vo itna dar gayi ki car ko race dene ki bajaye break ko dabati rahi. Use laga ki car start nahi hogi to vo car se nikal kar foran uss saaye se dusri disha(opposite direction) mein bhagi
 
Jo saaya uss aadmi ko maar raha tha vo furti se aage badha aur usne Padmini ko daboch liya
 
Padmini :- (cheenkhte hue)aaahhhhh……chhh…..chhooddooo mujhe….mene tumhara kya bigada hia????
Naqaab posh :- bigada to uss aadmi ne bhi mera kuch nahi tha
Padmini :- fir…fir…tumne us kyo mara????
Naqaab posh :- I just like killing people
Padmini :- (chaukte hue)ohh god kya tumhi ho vo serial killer???
Naqaab posh :- (khush hote hue)bilkul main hi hoon vo…aao tumhe jungle mein le ja kar aram se kaat-ta hoon. Tere jaisi sunder pari ko maarne mein aur maza aayega
Padmini :- (chillate hue) bbaacchhhaaaoooo
 
Isse se zyada Padmini chilla nahi saki, kyoki uss saaye ne Padmini ka muh daboch liya tha.
 
Padmini :- (mann mein) hey bhagwan main kis musibat mein fass gayi. Iss psycho killer ka agla shikar main banungi ye mene socha bhi nahi tha. Kaash iss darinde ka chehra dekh paati….
 
 
 



To be continue……
Like Reply




Users browsing this thread: 2 Guest(s)