``தனிநபர் வருமான வரி உச்சவரம்பு ரூ. 5 லட்சமாக அதிகரிப்பு”

[johnypowas]

BREAKING NEWS: ``தனிநபர் வருமான வரி உச்சவரம்பு ரூ. 5 லட்சமாக அதிகரிப்பு” # Budget2019 #LiveUpdates

Budget 2019 Live Updates:

பட்ஜெட் உரையின் முக்கிய அம்சங்கள்!

• ஒரு ஆண்டுக்கான தனிநபர் வருமான வரிவரம்பு 5 லட்சமாக அதிகரிக்கப்பட்டுள்ளதால், நடுத்தரக் குடும்பங்களின் வாழ்வாதாரம் உயரும். தவிர மத்திய நிதியமைச்சகம், அடுத்த 10 ஆண்டுகளுக்குள் இந்தியாவின் புகழ்வாய்ந்த நதிகளை ஒன்றிணைக்கும் முயற்சியில் இருக்கிறது. இது குறிப்பிட்ட காலக்கெடுக்குவுக்குள் நடைபெறும் என நம்புகிறேன் - நிதின் கட்கரி
  
  
   
  
• மத்திய அரசின் இடைக்கால பட்ஜெட் இன்று நாடாளுமன்றத்தில் அறிவிக்கப்பட்டதன் எதிரொலியாக, பங்குச்சந்தையில் சென்செக்ஸ் 450 புள்ளிகளும், நிஃப்டி 130 புள்ளிகளும் உயர்வு.
   
  
• ``மீனவர் நலனுக்காக மீன்வளத்துறை ஏற்படுத்தப்படும் என்கிற அறிவிப்பு வரவேற்கக்கூடியது. மத்திய அரசின் இந்த அறிவிப்பு, மீனவர்களின் வாழ்நாளில் பொன் எழுத்துகளால் பொறிக்கப்பட வேண்டிய நாள் இன்று. மத்திய பாஜக அரசுக்கு இது இறுதி பட்ஜெட்டா என்பதை மக்கள்தான் முடிவு செய்ய வேண்டும், எதிர் கட்சிகள் அல்ல” -தமிழக அமைச்சர் ஜெயக்குமார்.
  
  
  
   
  
• இடைக்கால பட்ஜெட் இன்று தாக்கல் செய்யப்பட்ட நிலையில், நாடாளுமன்றம் திங்கள்கிழமை வரை ஒத்தி வைக்கப்பட்டிருக்கிறது.
   
  
• தனிநபரின் ஆண்டு வருமானத்தில் நிரந்தர கழிவு, 40 ஆயிரத்தில் இருந்து 50 ஆயிரமாக அதிகரிப்பு. 6.25 லட்சம் வரை வருமானம் பெறுவோர் கூட, வரி செலுத்த வேண்டிய தேவை இருக்காது.
   
  
• தனிநபர் ஆண்டு வருமானம் 6.5 லட்சமாக இருந்தால், 1.5 லட்சம் ரூபாயை பிபிஎஃப் போன்ற சேமிப்புத் திட்டத்தில் முதலீடு செய்தால், வருமான வரியில் விலக்கு கிடைக்கும்.
   
  
• டெபாசிட்டில் கிடைக்கு 50 ஆயிரம் ரூபாய் வரையிலான வட்டிக்கு இனி வரிப்பிடித்தம் இல்லை.
   
  
• வீட்டுக்கடனுக்கான வட்டிச் சலுகை, இனி 2 வீடுகளுக்கு வழங்கப்படும்.
   
  
• வீட்டு வாடகைக்கான வரி விலக்கு வரம்பு, ரூ. 1.8 லட்சத்திலிருந்து ரூ. 2.4 லட்சமாக உயர்வு.
   
  
• வங்கி, அஞ்சலங்களில் டெபாசிட் செய்யப்படும் தொகைக்கான வரிக்கழிவு 40 ஆயிரம் ரூபாயாக உயர்வு.  2-வது வீடு வாங்குபவர்களுக்கும் வரிச்சலுகை அளிக்கப்படும்.
   
  
• நடுத்தர மக்களின் நலனைக் கருத்தில் கொண்டே, வருமானவரி விலக்கு உச்சவரம்பு உயர்த்தப்பட்டிருக்கிறது. ஏனெனில் இடைக்கால நிதிநிலை அறிக்கையில் வருமான வரிச்சலுகை அளிக்கப்படுவது மரபு இல்லை.
  

[johnypowas]

வருமான வரி உச்சவரம்பில் எந்த மாற்றமும் இல்லை; வரி தள்ளுபடி மட்டுமே!
வருமான வரி உச்ச வரம்பில் மாற்றம் கிடையாது என்றும் வரி தள்ளுபடி தான் என்றும் தெரியவந்துள்ளது. பட்ஜெட் தாக்கல் செய்யும் போது பியூஷ் கோயல் 2019-2020 நிதி ஆண்டு முதல் அடிப்படை வருமான வரி விலக்காக உள்ள 2 லட்சம் ரூபாயை 2.5 லட்சம் ரூபாயாக உயர்த்துகிறோம்.

பட்ஜெட் 2019 தாக்கல் செய்த போது வருமான வரி உச்சவரம்பு 2.5 லட்சம் ரூபாயிலிருந்து 5 லட்சம் ரூபாயாக உயர்த்தப்பட்டுள்ளதாக செய்திகள் வெளியாகியுள்ளது. ஆனால் அது வருமான வரி உச்ச வரம்பில் மாற்றம் கிடையாது என்றும் வரி தள்ளுபடி தான் என்றும் தெரியவந்துள்ளது. 

பட்ஜெட் தாக்கல் செய்யும் போது பியூஷ் கோயல், 2019-2020 நிதி ஆண்டு முதல் அடிப்படை வருமான வரி விலக்காக உள்ள 2 லட்சம் ரூபாயை 2.5 லட்சம் ரூபாயாக உயர்த்துகிறோம். ஆண்டு வருமானம் 2.5 லட்சம் முதல் 5 லட்சம் ரூபாய் வரை வருமானம் உள்ளவர்கள் செலுத்த வேண்டிய வருமான வரிச் சதவீதம் 10 சதவீதத்திலிருந்து 5 சதவீதமாகக் குறைத்துள்ளோம் என்று குறிப்பிட்டுள்ளார்.

எனவே ஆண்டு வருமானம் 3 லட்சம் ரூபாய் வரை உள்ளவர்களுக்கு மட்டும் வரி தள்ளுபடி கிடைக்கும். அதற்குக் கூடுதல் வருமானம் உள்ளவர்கள் வரி செலுத்த வேண்டும் என்ற நிலை இருந்தது.

ஆனால் கடைசியாக 5 லட்சம் ரூபாய் வரை வருமானம் உள்ளவர்களுக்கு முழுமையாக வரி தள்ளுபடியை அறிவித்து 5 பியூஷ் கோயல் கைதட்டல் பெற்றார்.

வருமான வரிச் சட்டப்பிரிவு 80சி கீழ் எப்போதும் போன்றே 1.50 லட்சம் ரூபாய் வரையில் வரி விலக்கு பெற முடியும். அதே நேரம் வீட்டுக் கடன் மீதான வட்டியில் ஆண்டுக்கு 2 லட்சம் ரூபாய் வரை வரி விலக்குப் பெறலாம். முன்பு இது 1.5 லட்சம் ரூபாயாக இருந்தது.

60 வயதுக்குட்பட்ட தனிநபரின் ஆண்டு வருமானம் 3 லட்சம் ரூபாய் முதல் 5 லட்சம் ரூபாய் வரை இருக்குமேயானால், 5 சதவீத வரி + 4% செஸ் வரியைச் செலுத்த வேண்டும் என்று இருந்தது. ஆனால் வரி தள்ளுபடி அளிக்கப்பட்டுள்ளதால் இவர்கள் இனி வரி செலுத்துவதில் வரி விலக்கு பெறலாம்.

இதுவே தனிநபர் (மூத்த குடிமக்கள் உட்பட) ஆண்டு வருமானம் 5,00,001 முதல் 10,00,000 ரூபாய் வரை என்றால் 20% வரி + 4% செஸ் வரி செலுத்த வேண்டும்.

மேலும் தனிநபர் (மூத்த குடிமக்கள் உட்பட) ஆண்டு வருமானம் 10,00,001 ரூபாய்க்கும் கூடுதலாக இருந்தால் 30% வரி + 4% செஸ் வரி செலுத்த வேண்டும்.