[అన్నెపు]

"ప్రేమ ఎంత మధురం ప్రియురాలు అంత కఠినం...."అని పాడుకునే అబ్బాయి ఒక పక్క

"వద్దు రా సోదరా ప్రేమంటె నూరేళ్ల మంటరా..."అని కవిత్వం చెప్పే అమ్మాయి మరోపక్క

ఇష్టాలు-అయిష్టాలు,రుచులు-అభిరుచులు కలవని ఈ జంట కథేంటి....?!

మధ్యలో ఇంకొకరి పాత్రేంటి...?

***
కథ  రచయితను నేను కాదు..... రచయిత కలం పేరు అవనిక

[అన్నెపు]

1.పరిచయం
ట్రైన్ నెంబర్ 2456 తిరుపతి నుంచి విజయవాడ వెళ్ళు ఎక్స్ ప్రెస్ ఒకటవ నెంబర్ ప్లాట్ ఫారం పై ఆగి వున్నది....అని రైల్వేస్టేషన్ లో అనౌంస్ మెంట్ అలా వినిపించి ట్రైన్ ఇలా వచ్చి ఆగిందో లేదో....ఇలా ట్రైన్ దిగింది రియా....తన బుజాలకి వున్న బ్యాగ్ ని సరి చేసుకుని కళ్ళకి వున్న కళ్ళద్దాలు కూడా సరి చేస్కుని ముందుకు నడిచింది .....

ట్రైన్ కదలడానికి సిద్ధం గా వుందని ఈ సారి ఇంకొ ఎనౌంస్ మెంట్ వచ్చేసరికి రియా ఎంట్రంస్ దగ్గరవుంది.....

అన్నట్టు గానే ట్రైన్ కదిలింది

రియా వెనుదిరిగి మళ్ళీ చూసింది ట్రైన్ వంక...... కంట్లోంచి కన్నీరు జాలు వారి చెక్కిలి పై పడింది......

అదేమీ పట్టించుకోని రియా ముందుకు కదిలి రైల్వేస్టేషన్ బయటకి వచ్చి అటూ ఇటూ చూసింది ....ఆ తర్వాత వాచ్ చూసింది టైం ఒంటి గంట దాటి పది నిమిషాలయ్యింది.....

బయటకి నడిచి ఆటో స్టాండ్ ని సమీపించింది.....

"మ్యాడం ఆటో కావాలా...?"అడిగాడు ఆటో అతను....

"ఆటొ వద్దు లిఫ్ట్ కావాలి..."అంది రియా

"మీకు కావాలన్నా నేను అమ్మను లేండి....అయినా దాన్ని లిఫ్ట్ అనరు మ్యాడం.....సరే గానీ మీరు ఎక్కడికి పోవాల్న....?"అడిగాడతను

"బస్ లన్నీ ఆగుతాయి సూడు అక్కడ..."అంది రియా

"ఒ బస్టాండ్ ఆ...పోదాం పోదాం 30 రూపాయాలు అవుతుంది పర్లేదా...?"అడిగాడతను

"వాయమ్మొ 30 రూపాయలే......20 రూపాయలు చేస్కో...."అని ఆటో ఎక్కేసింది రియా

ఆటో అతని ముఖం లో వే వేల కాంతులు 10 రూపాయల కిరాయికి 20 రూపాయలు వస్తున్నాయి మరి.....అద్దం లో అతని ముఖం చూసిన రియా ఛా....10 రూపాయలు కి అడిగి వుండాల్సింది అని చింతించ సాగింది.......ఆ బాధ ని రెట్టింపు చేస్తూ తన ఫోన్ రింగ్ అయ్యింది....

స్క్రీన్ పై.....టార్చర్ అని స్క్రోల్ అయ్యింది.....

ఆ పేరు చూడడం తోనే తల పట్టుకుంది రియా.....

"ఏమైంది మ్యాడం తల నొప్పా....మెడికల్ షాప్ దగ్గర ఆపమంటారా...?"అడిగాడు అతను

"అబ్బా..బ్బా..నువ్వు ముందు బస్టాండ్ కి పోనివ్వవయ్యా..."అంది చిరకుగా రియా

ఆగకుండా ఫోన్ మోగుతూనే వుంది......ఏం చేయాలో రియా కి పాలు పోవట్లేదు......ఇంతలో బస్టాండ్ రానే వచ్చింది......ఆటొ అతనికి డబ్బులిచ్చేసి బస్టాండ్ లోపలికి అలా అడుగుపెట్టిందో లేదో తను ఎక్కాల్సిన బస్ అలా ముందుకు కదిలింది......

"ఆపండి........అపండి......."అంటూ బస్ వెంట పి.టి.ఉష లా పరుగు తీసి అలసి సొలిసి ఇక తన వల్ల కాక ఆగిపోయిన 2 సెకన్ల కి అల్లంత దూరం లో బస్ ఆగింది.......

"దేవుడా యూ ఆర్ దేర్....నువ్వున్నావ్....."అని కాలు కాలు కొట్టుకుని అక్కడికి నెమ్మదిగా వెళ్లసాగింది..... తను బస్ కి దగ్గరయ్యే కొద్ది ...."ఏమ్మా.....ఎంతసేపు..? నీ వల్ల బస్ ఆపాము...త్వరగా రా...."అని ఊరంతా వినపడేలా అరుస్తున్నాడు కండెక్టర్......కం డ్రైవర్.......

అతని వైపు ఒక క్రూరమైన లుక్ ఇచ్చి బస్ ఎక్కిన రియా కి ఏ.సి గాలి చల్లగా తాకింది.....ప్రాణం లేచొచ్చినట్టు అనిపించి....తన టికెట్ తీసి తన సీట్ నెంభర్ చూడ సాగింది.......
"అక్కడ ఉంది ఒక్క సీటే....వెళ్ళక్కడ అగోరించు...."అని కండెక్టర్ అనడం తో ఆయన వైపు కోపంగా చూసింది....తన సీట్ పక్కన ఒక అబ్బాయి కిటికి వైపు తిరిగి కూర్చుని వున్నాడు....చెవుల్లో ఇయర్ ఫోంస్ పెట్టుకుని ప్రపంచాన్ని మర్చిపోయాడు....

"కలికాలం...."అని మనసులొ అనుకోబోయి బయటకే అనేసింది రియా.....

"ఇది చలికాలం అండి"అన్నాడాబ్బాయి......

"వామ్మొ....వీడి సెకలూ..."అని మనసులో అనుకుంది రియా

అలానే బొమ్మలా నిల్చున్న ఆమె ని చూసిన ఆ అబ్బాయి...."ఏంటండి కూర్చోకుండా తెగ ఆలోచిస్తున్నారు...?"అడిగాడు

"మీరు చెప్పలేదని..."వెటకారంగా అని కూర్చుంది రియా....

"మీరు పెళ్ళి నుంచి పారిపోయారా...?"కంగారుగా అడిగాడాబ్బాయి....

"వీడికెలా తెల్సిపోయిందబ్బా..."అని కంగారు పడి....ఆ కంగారు బయట పెట్టకుండా..."లేదే....అలా అడిగారేంటి....?"అనుమానంగా అడిగింది రియా

"మీ బుగ్గ పై బుగ్గ చుక్క చేతికి ఇన్ని గాజులు.....చూసి"అనుకున్నాలేండి అన్నాడు ఆ అబ్బాయి......

"ఏమో నేను డ్రామా ఆర్టిస్ట్ ని అయ్యుండొచ్చు కదా?"అంది రియా

"వామ్మొ నేనలా అలోచించనేలేదండి....మీ పేరు ...?"అని అడిగి....మళ్ళీ తను ఏమి అనుకుంటుందో అని సందేహం వచ్చి...."మీకు ఇబ్బంది ఏమీ లేకుంటేనే చెప్పండి "అన్నాడాబ్బాయి.....

"అయ్యొ రామా...పేరు చెబితే ఆస్తులేమైనా కరుగుతాయా ఏంటి...అదేం లేదు మై నేం ఈస్ రియా ....మేరా నాం రియా....నా పేరు రియా....ఎన్ పేర్ రియా....గుక్కుతిప్పుకోకుండా చెప్పింది రియా

నా పేరు విజయ్....వెరీ నైస్ టూ మీట్ యూ అని చెయ్యి ముందుకు చాపాడు విజయ్....షేక్ హ్యాండ్ ఇచ్చింది రియా

"ఇంతకీ.....మీరు నిజం గా డ్రామా బ్యాచ్ ఏ నా...?"అడిగాడు విజయ్ కుతూహలంగా

"ఇప్పుడు ఇతనికి చెప్పాలా వద్దా...?అయినా ఇతను మనకేమి తర్వాత తారాసపడడు గా చెబుదాం లే అసలే ఎన్నో ఏళ్ళుగా తీరని వ్యధలా ఈ బాధని మోస్తున్నాను.......ఇక నా వల్ల కాదు చెప్పేద్దాం...."అనుకుని సిద్ధపడిపోయింది రియా

రియా అంత సేపు ఆలోచిస్తుండడం తో విజయ్ కలగ చేసుకుని..."మీకు ఇబ్బంది ఐతే చెప్పొద్దు లేండి...."అని అన్నాడు

"అయ్య బాబోయ్ మీరు మరీ మొహమాటొస్తుల్లా వున్నారే.....చెబుతాను గానీ దాని కన్నా ముందు ఈ బుగ్గ చుక్క పోవడానికి నాకు సహాయం చేయండి...."అడిగింది రియా

"సహాయమా...?ఎలా?"అడిగాడు విజయ్

"మీకే తెలుస్తుంది లే...."అని బ్యాగ్ వెతకసాగింది...తనకేమి కనిపించక పోవడం తో ఒక్కొక్కటిగా బ్యాగ్ లో వున్న వస్తువలన్నీ తీసి విజయ్ చేతికి అందిస్తుంది...విజయ్ అన్నీ పట్టుకోలేక కుస్తీ లు పడుతున్నాడు......అయినా కూడా రియా కి తనకి కావాల్సిన వస్తువు దొరకలేదు....

"ఏమి చూస్తున్నారండీ..."ఆతృతగా అడిగాడు విజయ్

"అద్దం...అద్దం....మిర్రర్..."అంది రియా తన బ్యాగ్ లో తల పెడుతూ

"అయ్యొ రామా...అద్దం ఎందుకండి...?"అయొమయంగా అడిగాడు విజయ్

"చూడండి విజయ్ గారు బుగ్గ చుక్క ని తుడవాలంటే బుగ్గ చుక్క లొకేషన్ తెలియాలి కదా....?"అందుకే అద్దం కావాలా వద్దా...?"అడిగింది రియా

"వామ్మొ లొకేషన్ ఆ అదేమన్నా సెక్యూరిటీ అధికారి స్టేషన్ ఆ లేక రైల్వే స్టేషన్ ఆ లొకేషన్లు వుండడానికి...?ఇంతోటి దానికి అద్దం ఎందుకండి...?నేను చెబుతాను గా ఎక్కడుందో...."అన్నాడు విజయ్....

"గుడ్ ఐడియా ఎక్కడ...?"అడిగింది రియా

"ఇంకెక్కడ బుగ్గ మీద....."చెప్పాడు విజయ్

"అబ్బా...కరెక్ట్ గా చెప్పండి లేకపోతే నా ముఖం మొత్తం కాజల్ తో మేక్ అప్ చేసినట్టు వుంటుంది....."అనేసరికి డైరక్షంస్ చెప్పసాగాడు......

ఇంతలో రియా కి ట్రింగ్ మని ఙన బల్బ్ వెలిగి తన ఫోన్లో సెల్ఫీ మోడ్ అన్ చేసి ....తన బుగ్గ చుక్క ని తుడిచేసింది....గాజులు అన్నీ బ్యాగ్ లో వేసింది......కొంచెం స్థిమిత పడి ఊపిరి పీల్చుకుంది......

"ఇప్పటికైనా చెప్తుందా లేదా...?"అని ఆలోచిస్తున్న విజయ్ ఈ లోకం లోకి వచ్చాడు రియా చేయి స్పర్శ తో......

రియా వైపు ఆశ్చర్యంగా చూశాడు.........!

[అన్నెపు]

2.భయం...?
విజయ్ రియా వైపు చూసేసరికి రియా నుదురు చెమట తో తడిసిపోయింది....ముఖం లో టెంషన్ స్పష్టంగా కనిపిస్తుంది .....ఇంతలో ఆమె భయపడే విషయం ఏమి జరిగిందో విజయ్ కి అర్థం కాలేదు

"రియా గారు....ఏమైందండి....?"భయపడుతూ అడిగాడు విజయ్......

భయం నిండిన కళ్ళతో అతని వైపు చూసి ఫోన్ వైపు చూపించింది.....ఆమె చూపించిన వైపు చూసిన విజయ్ కి ఫోన్ లో "టార్చర్" అనే పేరు స్క్రోల్ అవుతూ కనిపించింది.........

"ఎవరండి....?"అర్థం కానట్టు అడిగాడు విజయ్

ఇంతలో ఫోన్ రింగ్ అవ్వడం ఆగిపోవడం తో భారంగా గాలి వదిలింది రియా....ఆమె పరిస్థితి విజయ్ కి వింతగా తోచింది....అడగాలో వద్దో సంశయం లో వుండగానే....మరో సారీ ఫోన్ మోగుతుండడంతో కళ్ళు తేలేసింది రియా

"రియా గారు....ఆ ఫోన్ ఇటు ఇవ్వండి....నేను మాట్లాడతాను...."అన్నాడు విజయ్

"ఏం మాట్లాడతారు....?"భయంగా అడిగింది రియా

"ఇంకోసారి అర్థరాత్రి ఫోన్ చేస్తే ఈవ్ టీసింగ్ కేస్ పెట్టి లోపలికి తోయిస్తానని చెబుతాను..."తడుముకోకుండా చెప్పాడు....విజయ్

"అప్పుడు తను నువ్వెవరివి రా అంటాడు...అప్పుడేమి సమాధానమిస్తారు....?"అడిగింది రియా

"నేను మీకు కావాల్సిన వాడ్ని కాబోయే వాడ్ని అని చెబుతాను...."అనుమానంగా చూస్తూ చెప్పాడు విజయ్

ఒక్క నిమిషం అతని చెప్పిన మాటకి ఆశ్చర్యపోయి అతని కళ్ళలోకి చూస్తుండి పోయింది రియా....ఆ కళ్లలో ఎటువంటి కల్మషం లేదు తనని కాపాడాలనే ప్రయత్నం తప్ప.........

ఏమీ మాట్లాడకుండా తనవైపే రియా అలా చూస్తుండటంతో అనుమానమొచ్చిన విజయ్ ఏ అందుకుని...."పోని మీ బంధువని చెబుతాను ఇటు ఇవ్వండి...."అన్నాడు

"అమ్మా-నాన్న ఏ అతనితో మాట్లాడమని ఒత్తిడి చేస్తుంటే.....మీరు బంధువు నాతో మాట్లాడొద్దు అని చెబితే తను వింటాడా.....?"అంది నిర్జీవంగా నవ్వేస్తూ రియా

విజయ్ కి ఏమీ అర్థం కాలేదు..."ఏంటండి ఏదేదో మాట్లాడుతున్నారు...ఏమైందో చెప్పండి.......?నాకస్సలు ఎమీ అర్థం కావట్లేదు...."అన్నాడు విజయ్

"ఇది ఇప్పుడు మొదలైన కధ కాదు 13 ఏళ్ళ క్రితం ది....."అంది రియా డల్ గా

"మీరు చెబుతారా లేదా....?"అడిగాడు విజయ్

చెబుతాను అన్నట్టు తలాడించింది రియా

"చెప్పండి కానీ నాదో షరతు.........మీరు మామూలుగా ముందు లా అయిపోవాలి...ఎందుకంటే ఫోన్ రావడం కూడా ఆగిపోయింది........అదీ కాక..."అని నాంచాడు విజయ్

"హా అదీ కాక?"అదోలా ముఖం పెట్టి అతని వంక చూసింది రియా

"అదీ కాక మీరు మీలా వుంటే చాలా బావుంది........ఇలా అస్సలు బాలేదు........"చెప్పాడు విజయ్ నవ్వేసింది రియా

"అది సరే మనం ఈ మీరు - గీరు వదిలేద్దామా.....?"అడిగింది రియా

విజయ్ సరేనంటూ తలూపి..."ముందు నువ్వు స్టోరీ మొదలెట్టు....అసలే 13 ఇయర్స్ బ్యాక్ అంటే మళ్ళీ రావడానికి టైం పట్టింది..... అసలే తెల్లవారే లోగా తిరిగొచ్చాయాలి......"అని విజయ్ అనడం తో...........

రియా:అవి నేను 4 వ తరగతి చదివే రోజులు..........ఒక రోజు పొద్దున్నే ఏవో సౌండ్లు.....వస్తున్నాయి.....బద్ధకంగా లేచిన నేను బాల్కని లోకి తొంగి చూశాను....అప్పుడు నేను చిన్నదాన్ని కదా హైట్ కొంచెం తక్కువ వుండెదాన్ని....

విజయ్:ఓ పెద్ద ఇప్పుడు 6 ఫీట్ వున్నట్టు మరి

రియా(కోపంగా):ఏంటి....?

విజయ్:అబ్బే ఏం లేదండి చిన్న పిల్ల కదా జనరల్లీ అలా పొట్టిగానే వుంటారు అంటున్నా
రియా:పొట్టిగా కాదు హైట్ తక్కువగా....సరే ఇక విషయాని కి వస్తే సో ఆ బాల్కని లోంచి ఎగిరెగిరి మరీ ఆ సౌండ్లు పక్కన ఇంట్లోంచి వస్తుంటే చూస్తున్నా......ఇంతలో ఒక అబ్బాయి ఇంచు మించు నా ఏజ్ ఏ వుంటుంది చాలా ఫెయిర్ గా వున్నాడు.....చేతిలో ఒక డజన్ పుస్తకాలతో నిల్చుని కనిపించాడు......నల్లని జుట్టు అల అలలు గా తన ముఖం పై పడుతూ అతన్ని చికాకు పెడుతుండగా సరి చెయ్యలేక తను అవస్త పడుతున్నాడు........ఇంతలో ఆ అబ్బాయి...ఒక పక్కగా వెళ్ళి నిల్చున్నాడు........అతని ముఖం నాకు సరిగ్గా కనిపించక పోవడం తో నేను ఇంకొంచెం ఎగిరి మరీ చూస్తున్నా.....అప్పుడే మా అమ్మ వచ్చి నా వీపు పై ఒక్కటి ఇచ్చింది........ అంది సాడ్ గా

విజయ్:మరి ఇవ్వరా ...?4 క్లాస్ కే అబ్బాయి లకి సైట్లు కొట్టె వాళ్ళని అలాగే కొట్టాలి.....

రియా:వామ్మొ...అమ్మ కొట్టింది అందుకు కాదుగా అలా ఎగిరి ఎగిరి చూస్తూ కాళ్ళు పైకి లేపేసాను నేనెక్కడ కింద పడతానో అని అమ్మ కొట్టింది ....ఇక ఆ రోజు నేను కాలేజ్ కి రెడీ అయ్యి అలా సోఫాలో కూర్చుని ఫలహారం కానిస్తుండగా తను వచ్చాడు........

విజయ్:ఎవరు పేపర్ బాయ్ ఆ....?

రియా:కాదు

విజయ్:ఓహ్ పాలవాడా....?

రియా:చా కాదు కాదు...వుదయం లేవగానే నేను సైట్ కొట్టిన అబ్బాయి...మా పక్కింటి కి కొత్తగా వచ్చిన మా నైబర్......తనతో పాటు ఉష అత్త.....కూడా

విజయ్:మధ్యలో ఈవిడ్ ఎవరు.....?

రియా:అదే ఆ అబ్బాయి వాళ్ళమ్మ.....పేరు ఉష... ఆవిడని అలా పిల్చి పిల్చి ఇప్పుడు కూడా అలానే వచ్చేసింది లే......

విజయ్:ఇంతకీ మీ బావ పేరేంటొ....?వెటకారంగా అన్నాడు

రియా:ఏ బావ...?నాకెవ్వరు బావలు లేరే........ఓహ్ అర్థమయ్యింది ఆ సైట్ కొట్టిన అబ్బాయి పేరే గా..? చెప్తా చెప్తా ఇప్పుడే కాదు....

ఉష అత్త వచ్చి అమ్మతో ఏదో మాట్లాడారు.....నేను నా పాటికి ఉప్మా మేస్తూ వున్నాను......తను మాత్రం మా ఇంట్లో వున్న షెల్ఫ్ లో వున్న మా నాన్న పుస్తకాలు చదవసాగాడు........

నేను మాత్రం తనని చూసి వీడికి చాలా ఎక్స్ ట్రాలు వున్నాయి అని వెంటనే పసిగట్టెశాను.....

విజయ్:అబ్బబ్బ వాట్ ఏ తెలివి వాట్ ఏ తెలివి....సరే ఆ తర్వాత

రియా:ఆ తర్వాత ఏముంది నేను ఉప్మా తినేశాను...ప్లేట్ సింక్ లో వేసాను.....

తల కొట్టుకున్నాడు విజయ్....నువ్వు ప్లేట్ సింక్ లో వేశావా....లేక కడిగి పేట్టేశావా అని నేనడగలేదు.....కధలో తర్వాత ఏమైంది అంటున్నా......

రియా:నేను చెప్పే లోపు నువ్వే తొందర పడ్డావ్....అలా కిచెన్ లోంచి ఇలా బయటకి వచ్చాను

విజయ్:లాభం లేదు కానీ...సింపుల్ గా కట్టె కొట్టే తెచ్చే లా చెప్పు రియా

రియా(కోపంగా):అభి.....నన్ను ముద్దు పెట్టుకున్నాడు....ఇంట్లో వాళ్ళని పెళ్ళికి ఒప్పించాడు......ఐ లవ్ యూ చెప్పాడు......స్టోరి అయిపోయింది గుడ్ నైట్ అని చెప్పి అటు తిరిగి కళ్ళు మూసుకుంది

మైండ్ బ్లాక్ అయ్యింది విజయ్ కి...........

విజయ్:రియా...మరీ ఇలానా చెప్పేది....అసలు ఏమైంది చెప్పు......

రియా:నేను చెప్పను..........

విజయ్:సారి......చెప్పు చెప్పు....నువ్వెలా చెబితే అలా వింటాను...కావాలంటే నీ స్టోరీ అయిపోయే దాకా నీ తో పాటు బస్టాండ్ లో వుండయినా సరే వినే వెళ్తాను......సరే నా.....?చెప్పు.......ప్లీస్..........

అని విజయ్ బతిమాలుడుతుండగా సడన్ గా బస్ ఆగింది...........!!!!!!!!

[అన్నెపు]

3.ఫ్లాష్ బ్యాక్
బస్ ఒక్కసారిగా అగడం తో విజయ్ - రియా ఒక్కసారిగా ముందుకు చూసి చూసి తిరిగి ఒకరి ముఖాలు ఒకరు చూసుకున్నారు.....

ఇద్దరి ముఖాల్లో ఒకే ఎక్స్ ప్రెషన్....."ఏమైందా....?"అని ఇన్ ఫాక్ట్ వాళ్ళిద్దరి ముఖాల మీదే కాదు బస్ లో వున్న అందరి ముఖాల్లోనూ అదే ప్రశ్న.....ఆ ప్రశ్న కి సమాధానమిస్తూ డ్రైవర్ కం కండెక్ట ర్ బదులిచ్చాడిలా

"అమ్మా.....బస్ టైర్ పంక్చర్ అయ్యింది...అందరూ కిందికి దిగితే మారుస్తాను...హా అన్నట్టు బలంగా వున్న ఇద్దరు నాకు సాయం పడితే పని త్వరగా పూర్తవుతుంది...."అని చెప్పాడు ఆయన

చేసే దేమి లేక అందరూ కిందకి దిగారు.....ఒక ఇద్దరు సాయం చేయడానికి వెళ్ళారు....వాళ్ళతో పాటు విజయ్ కూడా వెళ్లబోతుంటే....ఆపేసింది రియా.....

"నీ అవతారం ఎప్పుడైన అద్దం లో చూసుకున్నావా...?పుల్ల కి ఫ్యాంటూ చొక్కా తొడిగినట్టు వున్నావు....నీకు ఈ ధీర సాహసాలన్నీ అవసరమా....?"అంది ముఖం మీదే రియా

"మన వంతు సహాయం చేయడం లో తప్పు లేదుగా పైగా మన అవసరం కూడానూ...."అని ముందుకు కదిలాడు విజయ్....

అతను వెళ్ళిన వైపే చూస్తూ మనసులో అనుకుంది రియా..."ఏమో అనుకున్నా మంచోడే...."

టైర్ బిగించేశారు.....తన పని అయిపోవడం తో....షర్ట్ దులుపుకుంటూ వచ్చాడు విజయ్.....షర్ట్ అంతా మట్టి అయ్యి...తెల్ల చొక్కా కాస్తా నల్ల చొక్కా అయ్యింది......తన వైపు వచ్చిన విజయ్ కి తన దగ్గరున్న నీళ్ళు అందించి అతని నుదిటి కి అంటిన చెమట ని తన చీర కొంగు తో తుడిచింది రియా

అలా ఆమె తుడుస్తుంటే అలానే ఆమె కళ్ళలోకి చూస్తుండి పోయాడు విజయ్.....

ఆమె కూడా అలానే అతని కళ్ళలోకి చూస్తుండిపోయింది......

ఫ్లాష్ బ్యాక్.........

సెకండ్ షో ముగించుకొని....ఇంటి దాకా వచ్చిన రియా గోడ దూకుదామని అలా గోడ ఎక్కి కిందకి చూస్తూ......ఇవాళ పక్కా నా ఎముకలన్నీ విరిగి పోతాయి దేవుడా నువ్వే దిక్కు అని క్యాలిక్యులేషన్లు కూడా వేసుకుందో లేదో...ఇలా ఎవరో తన నడుము దగ్గర పట్టుకున్నట్టు అనిపించి అలా కళ్ళు తెరచిందో లేదో ఇలా తన నడుమును పట్టుకుని తనని కిందకి దించాడు అభి......

ఆ తర్వాత కూడా తనని భుజాల పై మోసుకోని ఇంటి లోపలికి ఆ తర్వాత పైన వున్న తన గదికి అలానే మోసుకెళ్ళాడు......అతని కళ్లలో తన పై ప్రేమ ,బాధ్యత.....చిరు కోపం అన్నీ కనిపించాయి....ఆ అయిదు నిమిషాల్లో.....అలా గదిలోకి తీసుకు రాగానే తనని బెడ్ పై పడుకోబెట్టాడు.......

అయినా కూడా రియా చూపులు అతని కళ్ళ నుంచి మరవలేదు.......

"రియా...రియా..."అని చిటెక వేసి మరీ విజయ్ పిలుస్తుండడం తో ఈ లోకం లోకి వచ్చింది రియా

ప్రయాణం మరలా మొదలయ్యింది........టైం 2:30

"మ్యాడం గారు.....కొంచెం మీ స్టోరి ని రామాయణం లా వర్ణించగలరా...?"గోముగా అడిగాడు విజయ్

"నీ సేవకు మెచ్చితిని....మన ప్రయాణమునకు కారణమైన నీ కోరిక మన్నించకపోతే ఎలా....?చెప్పేదను...జాగ్రత్తగా వినుము...."అని చెప్పడం మొదలుపెట్టింది.........

"అలా నేను కిచెన్ లోంచి బయటకి వచ్చాను"....ఇలా ఉష అత్త ఆ అబ్బాయిని తీసుకొచ్చి...."నాన్నా! మా వాడు కూడా మీ కాలేజ్ ఏ వాడ్ని కూడా నీతో పాటు తీసుకెళ్ళరా....?"అని బతిమాలుతూ అడిగింది.....

రియా:నాదసలే జాలి గుండె కదా...నేను కూడా ఒప్పేసుకున్నాను...అలా మేమిద్దరం నడుస్తూ కాలేజ్ కెళుతున్నాం.....తను చాలా సైలంట్ గా నడుస్తున్నాడు.....నాకేమొ నోరు కుదురుగా వుండాదాయే....అందుకే తనని అడిగాను

"ఓయ్ నీ పేరేంటి...?"అని దానికి తను సమాధానం చెప్పలేదు....మళ్ళీ ఇంకోసారి అడిగాను...ఈ సారీ చెప్పలేదు.....ఇంకోసారి అడుగుదామని ఆగాను.....

విజయ్:ఎందుకు ఆగావ్....అడగాల్సింది కదా....?కొంపదీసి చెవుడా ఏంటి?

రియా:నాకూ అదే డౌట్ వచ్చింది....అందుకే ఈసారి అడగకుండా అరిచాను."నీ పేరు ఏంటి?"అని....దానికి తను సైగ లు చేశాడు........

విజయ్:అయ్యొ పాపం మాటలు కూడా రావా.........?మరీ ఫోన్ ఎందుకు చేస్తున్నాడు ఎలా మాట్లాడతాడంట...?కొంపదీసి నీకు ఫోన్ చేస్తుంది నువ్వు చెప్పేది ఒకరి గురించి కాదా....?

ఈ సారి రియా తల కొట్టుకుంది........

రియా:ఎందుకంత స్పీడ్ వెనక ఏమైనా కుక్కలు పరిగెడుతున్నాయా....కాస్త తట్టుకోవమ్మా.....ఇక్కడి తో కట్ నాకిప్పుడు ఆకలేస్తుంది...తినేసి తిరిగి విల్ కంటిన్యూ

విజయ్:ఇలా బ్రేక్ లు ఇచ్చుకుంటూ పోతే ఎప్పటికి అవుతుంది నీ 13 ఏళ్ళ లాంగ్ జర్ని.....ఆ ముద్దెప్పుడు వస్తుందో

రియా:ఏంటి....(అంది బిస్కెట్ నములుతూ)

విజయ్:ఏమీ లేదూ నువ్వు ముందు తినమ్మా.......

బిస్కెట్ ప్యాకెట్ అయిపోయిన తర్వాత......

విజయ్:చెప్పు....తనకి మాటలు రావు కదా

రియా:ఏదో సైగలు చేశాడు నాకర్థం కాలేదు........ఆ తర్వాత ఇద్దరం కలిసి క్లాస్ లోకి అడుగుపెట్టాం ........ఫస్ట్ క్లాస్ మ్యాథ్స్ మ్యాడం క్వస్చింస్ అడుగుతుంది.........అన్నటికి క్లాస్ లో ఒక్కరే ఆంసర్ చెబుతున్నారు ఆ ఒక్కరూ ఎవరో కాదు నేను సైట్ కొట్టిన దుర్మార్గుడు........వాడికి చెవుడూ లేదూ మూగా కాదు.......

మ్యాడం వచ్చి వాడ్ని చాలా మెచ్చుకుని పేరడిగింది.........అప్పుడు తెల్సింది ఆయన గారి పేరు.......అభిమన్యు అని......నేను అడిగినప్పుడు సమాధానం చెప్పకపోయేసరికి నాకు చాలా కోపమొచ్చింది....మధ్యహ్నం మా అమ్మ తో పాటు ఉష అత్త క్యారేజ్ పట్టుకుని వస్తే అడిగేశాను....ఎందుకు అభిమన్యు నాతో మాట్లాడలేదని.......దానికి అత్త చెప్పిన సమాధానం వాడెవరితోనూ మాట్లాడంట వాడి ప్రపంచం వాడిదంట........

ఇక అప్పుడే నేను డిసైడ్ అయ్యాను.....ఆరు నూరైనా నూరు నూట ఆరైనా వాడ్ని మార్చాలి అని కంకణం కంటుకున్నాను.......

విజయ్:అబ్బా వచ్చిందమ్మా పేద్ద సంఘసంస్కర్త.........వీరనారి.......సరే ఆ తర్వాత

రియా:అదే నా కొంప ముంచింది.........అవసరం లేకపోయినా వాళ్ళింట్లోనే వుండేదాన్నీ మాట్లాడుతూనే వుండేదాన్ని.....నిద్రపోవడానికి తప్ప ఇంటికి కూడా పోయేదాన్ని కాదు........ఇంతా చేస్తే వాడు నాతో మాట్లాడిన మొదటి మాట..........!

విజయ్:హా చెప్పు....చెప్పు

రియా:వాడు నార్మల్ గా మాట్లాడకపోయినా టీచర్స్ కి ఆంసర్స్ ఇచ్చేవాడు.......ఒకసారి ఐతే స్నేహితుడు మూవీ లో విజయ్ లాగా 7 వ తరగతి లెక్కలు చేస్తూ మా టీచర్ కి దొరికి పోయాడు......వాళ్ళెమొ అత్తయ్య ని మావయ్య ని పిలిపించి 7 క్లాస్ లో వేయమని చెప్పారు........

వీళ్ళు కూడా సరే అనుకునే సరికి మా వాడు అడ్డం తిరిగాడు........నేను వెళ్ళనంటే వెళ్ళనని మారాం చేశాడు.......

ఎందుకు రా అంటే రీసన్ చెప్పడు.........అందరూ అడిగి అడిగి విసుగొచ్చి చివరికి వదిలేసారు.......నేను ఒక పెద్ద మనిషి లా వాడి భవిష్యత్తు నా బాధ్యత గా తీసుకుని వాడితో మాట్లాడ సాగాను.......

"అభి ఎందుకు నువ్వు 7 క్లాస్ కి వెళ్లట్ట్లేదు......త్వరగా చదివితే త్వరగా జాబ్ వస్తుంది....ఎంచక్కా నువ్వు 2 ఇయర్స్ కూడా చదవక్కర్లేదు హ్యాపి గా వెళ్ళొచ్చు కదా......?"అడిగాను నేను

తను తల అడ్డంగా వూపాడు..........."పోనీ రీసన్ చెప్పు..."అని అడిగాను నేను......

"ఐ లవ్ యూ ......"అన్నాడు తను.......

విజయ్:ఇలా ఇవ్వు అనుంటాడు.......నీకు పొరపాటున అలా వినిపించి వుంటుంది లే......

రియా:అప్పటికి ' మనం' సినిమా రాలేదు........అయినా నీకొచ్చినట్టె నాక్కూడా డౌట్ వచ్చింది...."ఏంటి...?"అడిగాను మళ్ళీ...."ఐ లవ్ యూ "అని ఇంకోసారి చెప్పాడు.........

విజయ్:ఒకవేళ అప్పుడే వచ్చిన సిన్మాల ప్రభావేమొ....

రియా:నేను అలానే అనుకున్నాను........అందుకే లైట్ తీసుకొని....ఇంటికి వచ్చేశా...ఆ రోజు నుంచి వాళ్ళింటి వైపు పోలేదు.......కానీ.....!

అంటూ ఆగింది రియా

విజయ్:హా కానీ.......?!........

[అన్నెపు]

"హా కానీ చెప్పు ఏమైంది...."ఆత్రంగా అడిగాడు విజయ్....

ఒక రెండు రోజుల తర్వాత.....రాత్రి 10:20 ఆ సమయం లో అనుకుంటా...ఏదొ చప్పుడవ్వడం తో లేచాను నేను......ఎదురుగా అభి.....ఒక్క నిమిషం నాకేమీ అర్థం కాలేదు.......

"అభి....నువ్వేంటిక్కడ.....ఆల్మోస్ట్ అరిచినంత పని చేశాను......."నేను

ఇంతలో తనమొ ష్........ఏమీ మాట్లాడకు అనేశాడు......నాకేం అర్థం కాలేదు......."ఎందుకొచ్చావ్ "అని అడిగాను.......అలా అడిగానో లేదో తన మోచేతి కి తగిలిన దెబ్బ నా కంట్లో పడింది....ఒ పక్క రక్తం పోతున్నా తన కళ్లలో ఇంత కూడా బాధ నొప్పి కనిపించలేదు.....పైగా నవ్వుతున్నాడు అతను.........

నా ప్రశ్న అభి చెప్పాడు...."2 డేస్ నుంచి రావట్లేదు కదా....చూద్దామని వచ్చాను..."అని అన్నాడు....అదేమీ నేను పట్టించుకోకుండా బ్యాండేజ్ తీసి నాకొచ్చిన విధంగా ఫస్ట్ ఎయిడ్ చేశాను....దానికి తను నా కళ్ళలోకి చూస్తూ నవ్వాడు......

"ఏంటి...అలా నవ్వుతున్నావ్...నీకు నొప్పి గా లేదా...?"అడిగాను నేను...

"నిన్ను చూశాగా నొప్పి పోయింది..."అని తను చెప్పాడు.....నాకు చాలా కోపమొచ్చి...తనని వెళ్ళమని చెప్పేసరికి తను కొంచెం నొచ్చుకున్నట్టు ముఖం పెట్టి వెళ్ళిపోయాడు........

ఆ తర్వాత కూడా నేను వాళ్ళింటి కి వెళ్లలేదు.....ఒక 4 రోజుల తర్వాత అనుకుంటా ఉష అత్త మా ఇంటి కి వచ్చి నన్ను వాళ్ళింటికి లాక్కెళ్ళింది.....ఆవిడ అలా ఫోర్స్ ఫుల్ గా నన్ను తీసుకెళ్ళడం తో నాకేమీ అర్థం కాలేదు....కొంపదీసి వీడేమీ చెయ్యలేదు గా అని ముక్కోటి దేవుళ్ళకి దండం పెట్టుకున్నాను.....

వాళ్ళింటిలోకి అడుగుపెట్టడం తోనే నాకు షాక్ తగిలింది.....అభి....సోఫాలో కూర్చుని వాళ్ళ నాన్న తో నవ్వుతూ మాట్లాడుతున్నాడు.......ఇంతలో ఉషత్త నన్ను గట్టిగా హత్తుకుని......నీవల్లే రియా వాడు మాట్లాడుతున్నాడు....

"నావల్లా....?"అర్థం కానట్టు అడిగాను నేను

"వాడే చెప్పాడు నువ్వలా గల గలా మాట్లాడుతుంటే వాడికి కూడా మాట్లాడాలి అనిపించింది అంట...."అంది అత్త

"ఓహ్...సరే నేను వెళ్తాను..."అని బయల్దేరుతున్న నన్ను ఆపేసిందో చెయ్యి....ఆ చెయ్యి అత్తమ్మ ది అనుకున్నా కానీ కాదు ఆ చెయ్యి అభి ది....తను నన్ను చెయ్యి పట్టుకుని తన రూం లోకి లాక్కొని వెళ్ళాడు...
"వామ్మొ.....ఏం చేస్తాడా ఏమొ...."అని భయపడుతున్న నా దగ్గరికి వచ్చాడు అభి.......

వెనకగా దాచి పెట్టుకున్న తన చేతులని ముందుకు చాపాడు....తన చేతిలో ఏదో వుంది...."అని ఆగింది రియా

విజయ్:లవ్ లెటర్ ఆ....

రియా:కాదు.....నోట్ బుక్.....ఆ నోట్ బుక్ చేతికి అందించి....నువ్వు అస్సలు చదవవు అంట కదా అత్తయ్య చెప్పింది అన్నాడు....అభి

"అత్తయ్యా...?అత్తయ్య ఎవరు...?"అడిగాను నేను

"మీ అమ్మ లే గానీ....ఇవాళ్టి నుంచి నువ్వు చదవకపోతే నేనస్సలు ఊరుకోను...రేపు టెస్ట్ వుంది 10 మార్క్స్ కి ఒక్క మార్క్ తగ్గినా నేనస్సలు ఒప్పుకోను...."అన్నాడు సీరియస్ గా

దానికి నేను.......అని మళ్ళీ ఆగింది రియా

విజయ్:హా నువ్వు....?చెప్పు.....

రియా:అబ్బా....ఇలా నువ్వు నేను చెప్పడం కష్టం గా వుంది.......మాములుగా కధ చెప్పినట్టు చెప్పేస్తా విను...సరేనా...?

విజయ్:ఏదోటి తగలడు లే గానీ త్వరగా చెప్పు

ఇంక రియా చెప్పడం స్టార్ట్ చేసింది.......

"నీకు రేపు ఒక్క మార్క్ తగ్గినా నేనూర్కోనూ...."అన్నాడు అభి

"కానీ రేపు టెస్ట్ 10 మార్క్స్ కే.....మరీ ఒక 5 మార్క్స్ అన్నా జాలి చూపించొచ్చు గా...."అంది రియా బిక్క ముఖం వేసుకుని

"నోర్మూస్కుని చదువు.....హాఫ్ ఎన్ అవర్ లో అడుగుతాను........"అని చెప్పి స్నానానికి వెళ్లాడు అభి......

చిక్కిందే సందు అని భావించిన రియా మెల్లాగా అభి రూం నుంచి బయటకి వచ్చి ఆ తర్వాత వాళ్ళింటి కి వెళ్ళిపోయింది.......

15 నిమిషాలు గడిచాక.......

స్నానం చేసి వచ్చిన రియా తన రూం లో వున్న అభి ని చూసి కెవ్వు మని అరిచింది........"నువ్వు ఎందుకు వచ్చావ్.........?"అరిచింది రియా

"నీకు మా ఇంట్లో చదవడం ఇష్టం లేదు గా అందుకే....నేనే మీ ఇంటికి వచ్చాను...త్వరగా వచ్చి చదువు...."అని ఆర్డర్ జారీ చేశాడు........

చేసేదేమీ లేక చదివింది........9 మార్కులు కూడా తెచ్చుకుంది.......ఆ రోజు నుంచి అభి రియా కి ట్యూటర్ అయిపోయాడు........పని లో పనిగా అమ్మ వాళ్లు చెప్పడం తో ఒక క్లాస్ కూడా జంప్ చేశాడు.......

ఇలా కాలం భారంగా సాగుతుండగా.........

రియా ఇంటర్ ఫస్ట్ ఇయర్ లో వుంది....అభి 2 ఇయర్.....

అభి కి మెయింస్ ఎగ్జాం వుండటంతో వాళ్ళ నాన్న కార్ లో తీసుకుని వెళ్దామని అనుకుంటారు...అదే విషయం అభి కి చెబితే....రియా కూడా రావాలి అప్పుడే నేనూ వస్తాను కార్ లో అనే సరికి తప్పక రియా కూడా బయల్దేరుతుంది........

కార్ ముందు సీట్ లో అభి వాళ్ళ నాన్న వెనక్ సీట్ లో రియా ఇంకా అభి కూర్చున్నారు.........

అభి రియా నే చూస్తున్నాడు.......రియా కి అన్ ఈసీ గా వుంది......

"ఏంటి వీడు అప్పుడెప్పుడో 4 వ క్లాస్ లో ప్రపోస్ చేశాకా మళ్లీ ఆ వూసె ఎత్తలేదూ ఇన్నేళ్ళలో ఒక్కసారి కూడా ప్రేమగా చూడలేదు...ఈ రోజేంటి ఇలా....?"అని తెగ ఆలోచించ సాగింది........

2 గంటల జర్ని తర్వాత ఎగ్జాం హాల్ కి చేరాక......అభి వాళ్ళ నాన్న కార్ పార్కింగ్ చేయడానికి వెళ్ళగా రియా ని ఒక పక్కగా తీసుకెళ్ళిన అభి ఆమె కళ్ళలోకి చూస్తూ.....

"ఇంక కొన్ని రోజులే బంగారం నీకు నాకూ ఈ ఎడబాటు.....అతి త్వరలో మనకి కావల్సింది జరుగుతుంది.....భయపడకు"అని చెప్పి ఎగ్జాం రాయడానికి వెల్లిపోయాడు అభి

"వీడికి చదివి చదివి బ్రైన్ పోయినట్టు వుంది........ఏం వాగుతున్నాడొ అస్సలు అర్థం కావట్లేదు......."అని అయొమయం లో వుండిపోయింది........

ఎగ్జాం ముగించుకుని రానే వచ్చాడు అభి......

"ఏరా ఎలా రాశావ్.......?"అడిగారు వాళ్ల నాన్న

"లేదు నాన్న.....బాగా రాయలేదు......."చెప్పాడు అభి...

"ఏం పర్లేదు లే రా "అని ఆయన ధైర్యం చెబుతుండగా ఇంతలో ఫోన్ వచ్చింది......ఫోన్ మాట్లాడిన ఆయన

"అభి...నాకర్జెంట్ పని పడింది రా ఇటు నుంచి ఇటు హైదరాబాద్ వెళ్ళాలి......ఇప్పుడేలా...?'అన్నాడు ఆయన

"ఏం పర్లెదు నాన్నా...నేను రియా బస్ ఎక్కి వెళ్ళిపోతాము మీరు వెళ్ళండి.....మా గురించి టెంషన్ పడొద్దు నేనున్నా కదా...."అని చెప్పడం తో వారిద్దరిని బస్ ఎక్కించి ఆయన వెళ్ళిపోయారు......

కిటికి లోంచి చూస్తూ మౌనంగా వుండి పోయింది రియా

"రియా నీతో కొంచెం మాట్లాడాలి"అన్నాడు అభి..........

"వామ్మొ...ఏం చెబుతాడొ" అనుకుంటూ అతని వైపు తిరిగి "ఏంటి...?"అంది రియా

"ఊహు ఇప్పుడు కాదు....లే మళ్ళీ చెబుతా టైం వచ్చినప్పుడు..."అని ఆగిపోయాడు అభి....

"హమ్మయ్య" అనుకుంది రియా

ఒ పది నిమిషాలకే నిద్ర పోయిన అభి....రియా భుజం పై వాలిపోయాడు......రియా గుండె వేగం పెరిగింది అతని స్పర్శ తో.......ఇంకో పది నిమిషాలకి రియా చేతిలో తన చెయ్యేసి గట్టిగా తనని పట్టుకుని నిద్రపోయాడు అభి......!!!!!!

2 గంటల తర్వాత....స్టాప్ రావడం తో......మేల్కున్న అభి....రియా తో కలిసి బస్టాండ్ లో దిగాడు......

రా అని తన చెయ్యి పట్టుకుని బైక్ పార్కింగ్ ఏరియా కి తీసుకువెళుతుండగా అతన్నే అనుసరిచిన రియా కి మనసులో ఏదో అలజడి..........!!!

బైక్ స్టార్ట్ చేసిన అభి...."రా ఎక్కు ..."అనేసరికి...."ఈ బైక్ ఎక్కడిది......?"అనుమానంగా అడిగింది రియా

"నా ఫ్రెండ్ ది....మెసేజ్ చేస్తే తెచ్చి ఇక్కడ వుంచాడు రా ఎక్కు లేట్ అవుతుంది......"అని తన చెయ్యి పట్టుకుని చెప్పాడు

అతడు పట్టుకున్న తన చేతినే అలా చూస్తూ వుండిపోయింది రియా.......అలా ఎక్కి తన భుజాన్ని పట్టుకుంది........

"మన విషయం ఇంట్లో చెప్పేదాం అనుకుంటున్నా....రియా"అన్నాడు అభి.....

ఆ మాట తో ఉలిక్కి పడింది రియా........!!!

[అన్నెపు]

4.ఫ్లాష్ బ్యాక్ లో...?
"మన విషయమేంటి....?అభి....?నాకేమి అర్థం కాలేదు....."టెన్షన్ పడుతూ అడిగింది రియా

"ఏం లేదులే ఇల్లు వచ్చింది దిగు....."అనేసరికి దిగేసి వెనక్కి తిరిగి కూడా చూడకుండా ఇంట్లోకి వెళ్ళిపోయింది రియా

ఆ మరుసటి రోజు పేపర్ లో మెయింస్ కీ పడటంతో తన దగ్గరున్న అభి క్వశ్చిన్ పేపర్ లోని ఆంసర్స్ పేపర్ లో పడిన వాటితో పోల్చి చూసింది......300 మార్క్స్ వస్తున్నాయి 360 కి.......ఆ మార్కులు చూసిన రియా ఆనందానికి అవధులు లేకుండా పోయాయి.......

అభి కి పక్కాగా ఐ ఐ టి లో సీట్ వస్తుంది అంటే తను ఏ డిల్లీ కో ముంబయ్ కో వెళ్ళిపోతాడు....యాహూ అని ఆనందపడిపోయింది......

రియా వాళ్ళమ్మమ్మ హాలిడేస్ కి రమ్మని ఒత్తిడి చేయడం తో అభి నుంచి అభి టార్చర్ నుంచి దూరంగా వుండొచ్చు అని అక్కడికి వెళ్ళడానికి సిద్ధపడి అభి కి మాత్రం తెలియకూడదని తెలిస్తే తను ఎక్కడ వచ్చేస్తాడో అని ఉదయం 4:00 గంటల కే బస్ ఎక్కుదామని నిర్ణయించుకుంది.....

"ఇంత పొద్దున్నే ఎందుకే...?"అంది వాళ్లమ్మ

"లేదమ్మా వెళ్లాలి..........అమ్మమ్మ ని ఎప్పుడెప్పుడు చూస్తానా అని ఆశగా వుంది..."అని చెప్పింది రియా

"ఏంటో నే నువ్వు ఒక్కోసారి ఒక్కోలా వుంటావ్...!సరే పద బయటకి "అని ఇద్దరూ బయటకి నడిచారు.....

వాళ్లిద్దరు బయటకి వచ్చేసరికి అభి గుమ్మం లో బైక్ తో సిద్ధంగా వున్నాడు......షాక్ అయ్యి అలానే చూస్తుండిపోయింది రియా

"మీ నాన్న కి చెబితె ఇంత పొద్దున్నే నా వల్ల కాదన్నారు...అందుకే అభి ని పంపించింది మీ ఉష ఆంటి...."అని చెప్పింది వాళ్లమ్మ

"ఐతే సరే నన్ను బస్టాండ్ లో దింపమను అభి ని...."అభి వైపు చూడకుండా వాళ్ళమ్మ తో చెప్పింది రియా

"అమ్మొ ఇంకేమైనా వుందా పేపర్లో చదవట్లేదా ఏంటి...ఎందుకు తల్లీ రోజులస్సలే బాలేవు......అయినా 2 గంటల ప్రయాణం ఏ కదా...?ఇద్దరూ వెళ్ళి వచ్చేయండి..."అంది వాళ్ళమ్మ

"వెళ్ళి వచ్చేయాలా...అంటే ఏంటి అభి కూడా నాతో పాటు అక్కడ వుంటాడా...?"అనుమానంగా అడిగింది రియా

"హా అవును....అభి కి కూడా రిఫ్రెష్ అయినట్టు వుంటుంది అసలే ఎగ్జాం బాగా రాయలేదని బాధ లో వున్నాడు తను....."అంది సర్ది చెబుతూ వాళ్ళమ్మ

"అలా ఐతే నేనక్కడికీ వెళ్లను...."అని విసురుగా లోపలికి వెళ్ళి తన గది లోకి అడుగుపెట్టి తలుపేసుకుంది రియా

2 రోజుల తర్వాత.....

ఫ్రెండ్ ఇంటికి వెళ్ళొస్తా అని చెప్పిన రియా అటు నించి అటు వాళ్ళమ్మమ్మ వాళ్ళింటికి వెళ్ళి అక్కడ నుంచి ఫోన్ చేసి చెప్పించింది.........రియా ఎందుకిలా ప్రవర్తిస్తుందో వాళ్ళమ్మ కి అర్థం కాలేదు.....

కొన్ని రోజుల తర్వాత ఇంటి నుంచి ఫోన్ రావడం తో తప్పక ఇంటికి బయల్దేరింది రియా.......

ఇంటికి వెళ్ళడం తోనే ఉష అత్త మళ్ళీ వాళ్ళింటి లోకి లాకెళ్లింది రియా ని.......

"బాబోయ్ మళ్ళీ ఏం చేశాడో..."అని అనుకుంటూ లోపలికి వెళ్ళింది రియా

"ఏమయ్యింది ఆంటి....?"టెంషన్ తట్టుకోలేక అడేగేసింది ఆకరికి

"ఇవాళ మెయింస్ రిసల్ట్స్ వచ్చాయి.....అభి క్వాలిఫై కాలేదు......అది తెల్సి రూం కెళ్ళి తలుపేసుకున్నవాడు 5 గంటలవుతున్నా బయటకి రాలేదు......పిల్చినా పలకట్లేదు....మీ ఇంట్లో నుంచి వాడి రూం లోకి చూస్తే ఏడుస్తూ కనిపించాడు ఏం చెయ్యాలో అర్థం కాక నిన్ను రమ్మాన్నాము....నువ్వంటే వాడికి చాలా ఇష్టం కదా కనీసం అలా అయినా బయటకి వస్తాడేమొ అని......"గుక్క తిప్పుకోకుండా చెప్పింది ఆవిడ

తను వింటుంది నిజమేనా అనిపించింది రియా కి 300 మార్క్స్ వచ్చే తను క్వాలిఫై కాకపోవడం ఏంటి...?ఎక్కడో ఏదో అయ్యింది......అని అనుకుంటూ తలూపి......అభి రూం కి వెళ్ళి తలుపు తట్టి....."అభి..."అని పిలవడం ఆలశ్యం రూం తలుపు తెరుచుకుంది.........
లోపల వున్న అభి...ఎవరూ రావొద్దు...రియా తప్ప అనేసరికి ఎవ్వరూ లోపలికి వెళ్ళె సాహసం చేయలేదు......

లోపలికి వెళ్ళిన రియా కి అభి కనిపించలేదు.....ఎక్కడున్నాడా అని వెతుకుతుండగా...వెనకి నుంచి రెండు చేతులు రియా ని చుట్టెశాయి ....ఒక్క నిమిషం ఊపిరి ఆగినంత పనయ్యింది రియా కి

విసురుగా అభి నుంచి దూరం జరిగింది.......

"అభి....ఏం చేస్తున్నావ్...?"అంది కోపంగా........

అభి రియా కి దగ్గరగా రా సాగాడు...రియా వెనక్కి అడుగులు వేయసాగింది.......అభి ముందుకి రియా వెనక్కి జరుగుతూ చివరికి రియా వెనక్కి వెళ్ళే ఆస్కారం లేకుండా గోడ అడ్డం వచ్చేసరికి ఆగిపోయింది......తనకి దగ్గరగా జరిగిన అభి.......తన జుట్టు ని సరి చేయసాగాడు......తన బుగ్గ ని తన చేత్తో తాకుతూ......."ఐ మిస్ యూ......"అని చెప్పి దూరం జరిగాడు......

అప్పటి దాకా భారంగా తీసుకున్న శ్వాస తేలికపడటం తో ధైర్యం తెచ్చుకుని....."నువ్వెందుకు క్వాలిఫై అవ్వలేదు.....?"అడిగింది రియా

"బాగా రాయలేదు సొ అవ్వలేదు..."లైట్ గా చెప్పాడు అభి

"అబద్ధం చెప్పకు అభి.....నువ్వు బాగా రాశావ్ నీకు 300 మార్క్స్ వస్తాయ్...నీ పేపర్ నా దగ్గర వుంది....నేను కాలిక్యులేట్ కూడా చేశాను..."అంది రియా

"ఆ కీ తప్పేమొ....!"అన్నాడు అభి...

"నిజం చెప్పు...అభి..."అడిగింది రియా

"హిం.....బాగా రాద్దాము అనే నేనూ అనుకున్నాను...కానీ ఎగ్జాం రాసేటప్పుడు నాకోటి అనిపించింది...అందుకే ఆంసర్స్ వచ్చినా తప్పు గా పెట్టాను..."అన్నాడు బెడ్ మీద కూర్చుంటూ అభి

"ఏమి అనిపించింది.......?"అర్థం కాక అడిగింది రియా

"ఒకవేళ నేను క్వాలిఫై అయితే అడ్వాంస్ లో క్వాలీఫై కాకపోయినా నాకు నిట్ లో సీట్ వస్తుంది.......ఇక్కడెక్కడా ఐఐటి కానీ నిట్ కానీ లేవు......నీకు దూరం గా వుండాలి......సో ఇవన్నీ ఆలోచించి......ఐఐటి లైట్ తీసుకున్నా.."అన్నాడు అభి

"నీకేమైనా పిచ్చా....ఐఐటి లైట్ తీసుకోవడం ఏంటి.......?ఐ డోంట్ ఎక్స్ పెక్ట్ దిస్ ఫ్రం యూ అభి..."అని విసురుగా బయటకి వచ్చేసింది రియా

రియా బయటకి రావడం తోనే....

"ఏమ్మా ఎలా వున్నాడు వాడు..."అడిగింది వాళ్ళమ్మ టెంషన్ గా

"బానే వున్నాడు....ఎంసెట్ వుంది కదా,....లైట్ తీసుకుంటాడు లే ఆంటి.....మీరు వర్రీ అవ్వకండి...."అని చెప్పి ఇంటికి కదిలింది రియా

అనుకున్నట్టు గానే ఎంసెట్ లో మంచి ర్యాంక్ వచ్చింది అభి కి......"హమ్మయ్య "అనుకుంది రియా

కానీ అభి కి వచ్చిన కాలేజ్ చూసి నీరస పడిపోయింది......అభి కి మంచి కాలేజ్ ఏ వచ్చింది కానీ ఆ కాలేజ్ వాళ్ళ వూరికి చాలా దగ్గరలో వుంది......అభి హాస్టల్ లో వుండి చదువుకుంటాడు అని ఆశలు పెట్టుకున్న రియా కి నిరాసే మిగిలింది.......

ఇక ఇలా కాదని తనే దూరంగా వెళ్ళిపోవాలని నిర్ణయించుకుంది.........

అనుకున్నట్టుగానే చాలా కష్టపడి చదివింది.....కాదు కాదు అభి చదివించాడు.........తనకి కూడా ఎంసెట్ లో మంచి ర్యాంక్ వచ్చింది.....అభి వాళ్ల కాలేజ్ తప్ప అన్నీ కాలేజ్ లూ ఆప్షంస్ పెట్టుకుంది...కానీ తనకి చిత్రంగా అభి వాళ్ల కాలేజ్ లో సీట్ వచ్చింది........

తనకి సేం కాలేజ్ లో సీట్ రావడం తో ఇద్దరి పేరేంట్స్ ఆనందానికి అవధులు లేకుండా పోయాయి........

కానీ రియా కి మాత్రం చాలా కోపం వచ్చింది.....ఆవేశం తో వూగిపోతూ తాడో పేడొ తేల్చుకుందాం అని అభి వాళ్ళింటికి వెళ్ళి...అతని రూం లోకి అడుగుపెట్టింది..........

రూం లో ఎవరూ లేరు..........

రూం అంతా కలియ తిరుగుతూ వుండగా....????

[అన్నెపు]

5.అలక
స్నానం చేసి టవల్ తో బయటకి వచ్చాడు అభి...అతన్ని అలా చూడగానే బయటకి పరిగెత్తబోయిన రియా చెయ్యి పట్టుకుని తన వైపు కి లాక్కున్నాడు......రియా వెళ్ళి అభి ని గుద్దింది....తన రెండు చేతులతో తనని బంధి చేస్తూ.....ఏంటోయ్ పారిపోతున్నావ్...ఏదో తెల్చుకుందామని వచ్చినట్టున్నావ్...తేల్చుకుని పో......అన్నాడు.....

"నేను ఏమీ తేల్చుకోడానికి రాలేదు....నన్నొదిలేస్తే నేనెళ్ళిపోతాను........."అంది రియా

"అవునా సరే వెళ్ళిపో..."అని వెంటనే వదిలేసాడు అభి......అతను అలా వదిలేస్తాడని ఊహించని రియా అలానే అతన్ని చూస్తూ నిల్చుండిపోయింది...

"ఓయ్ మొద్దు వదిలేసాను....ఇక పో..."అన్నాడు అభి

ఈ లోకం లోకి వచ్చిన రియ వెంటనే బయటకి పరిగెత్తింది.........

"దేవుడా ఇంతలో ఎంత ప్రమాదం తప్పింది......."అనుకుంటూ ఇంట్లోకి నడిచింది...కానీ అభి మీద కోపం మాత్రం పోలేదు.......

సమయం దొరికినప్పుడు అడగాలి అనుకుని సమయం కోసం ఎదురు చూడసాగింది........అనుకున్నట్టు గానే సమయం రానే వచ్చింది.......

ఒకరోజు రియా అభి రూం లోకి వెళ్ళగానే ఏదో రాస్కుంటూ కనిపించాడు అభి....

ఇదే కరెక్ట్ టైం అని భావించిన రియా లోపలికి అడుగుపెడుతూనే......లోపలికి వస్తున్న రియా ని చూసిన అభి బుక్ మూసేశాడు....

రియా కి అనుమానం వచ్చినా తను వచ్చిన మ్యాటర్ అది కాదని గ్రహించి........

"అభి నీతో కొంచెం మాట్లాడాలి..."అంది

"హా చెప్పు రియా...."అన్నాడు అభి తన వైపు చూస్తూ

"అది...నేను మీ కాలేజ్ అస్సలు పెట్టుకోలేదు......కానీ నాకు మీ కాలేజ్ ఏ వచ్చింది......దీనికి కారణం నువ్వని నాకు తెల్సు కానీ........ఎందుకిలా చేశావ్ అభి......?నువ్విలా చేయడం నాకస్సలు నచ్చలేదు....నాకంటూ సొంతం గా ఇష్టాలు ఆలోచనలు వుండవా...?అసలు నువ్వు అవి ఎందుకు అర్థం చేసుకోలేకపోతున్నావ్......ఎందుకిలా టార్చార్ చేస్తున్నావ్.....అసలు ఏమనుకుంటున్నావ్.....?నువ్వు మీ కాలేజ్ పెట్టడం వల్ల నాకేదొ ఉపకారం చేస్తున్నావనుకుంటున్నావేమో....అస్సలు కాదు....ఇప్పుడు చెబుతున్నా విను నాకస్సలు చదువు అంటే ఇష్టం లేదూ...కానీ చదివాను ఎందుకో తెల్సా కేవలం కేవలం నీకు దూరంగా వుండాలి అనే...నా కష్టానికి ప్రతిఫలం దక్కకుండా చేసావ్...నీ ఉపకారం ఎప్పటికి మర్చిపోను......ఇప్పటి నుంచు నువ్వు నాకు అభి వి కాదు అభిమన్యు వి.......నీకు నాకు ఎలాంటి పరిచయం లేదు........కాలేజ్ లో ఇలానే వుండాలి....నీతో బైక్ పై కాలేజ్ కి వెళ్లమంటారు అమ్మ వాళ్ళు....నువ్వు నన్ను బైక్ పై తీసుకెళ్ళి బస్టాండ్ లో దింపాలి..మళ్ళీ బస్టాండ్ లో ఎక్కించుకుని తీసుకురావాలి....నాతో కాలేజ్ లో అస్సలు మాట్లాడానికి ట్రై చేయకూడదు......నా క్లాస్ ల బయట తిరిగకూడదు......ఇవన్నీ నువ్వు చేస్తేనే నేను నీతో ఒకటి అరా అయినా మాట్లాడతా లేకపొతే అది కూడా మాట్లాడను ఇక నీ ఇష్టం..."అని లేచి వెళ్ళిపోయింది రియా

తను చెప్పింది విన్న అబీ మనసు విరిగిపోయింది

కాలేజ్ మొదటి రోజు....

చెప్పినట్టుగానే బస్టాండ్ లో రియా ని దించేసి అభి వెళ్ళిపోయాడు కాలేజ్ కి.....ఒక అరగంట గడిచాక రియా కూడా కాలేజ్ చేరింది.......ఫస్ట్ డే కావడం తో సీనియర్స్ అంతా జూనియర్స్ కోసం వెయిట్ చేస్తూ వున్నారు.......

రియా కాలేజ్ లోకి అడుగుపెట్టడం తోనే అభి వాళ్ల బ్యాచ్ లో వాళ్ళు రియా ని పిల్చారు......

రియా వినిపించుకోకుండా వెళుతుండగా....ఈ లోపు అభి మాటలు వినిపించాయి తనకి

"రేయ్...తనని పిలవొద్దు.....పిలిస్తే బాగోదు చెబుతున్నా తనని అలా వెళ్ళనివ్వండి..."అని అభి అంటున్నాడు....ఆ మాటలు వినడం తోనే రియా ముందుకు వెళ్ళేది కాస్త వాళ్ళ దగ్గరికి వచ్చింది....

వాళ్లలొ ఒకడు..."నిన్ను కాదులే చెల్లమ్మా నువ్వెళ్ళు..."అని అన్నాడు....

"ఎందుకు సార్ మీరు నన్ను ర్యాగింగ్ చేయరా...?"అడిగింది రియా

అందరూ ఒకరి ముఖాలు ఒకరు చూసుకున్నారు..."ఏంటీ అమ్మాయి...ర్యాగింగ్ చేయరా అని అడుగుతుందేంటి...?"అని ఆశ్చర్యం లో వుండగా

ఒకడు తేరుకుని..."లేదు నువ్వెళ్ళమ్మా.."అన్నాడు
"పర్లేదు సార్ చెయ్యండి"అంది రియా......ఒక వైపు అభి ముఖం లో మారుతున్న రంగులు చూస్తూ

ఇంకో అతను చేతులు జోడిస్తూ..."తల్లీ నీ వరస చూస్తుంటే నువ్వే ర్యాగింగ్ చేయించుకోని వెళ్ళి మా మీద కంప్లెయింట్ ఇచ్చేటట్టున్నావ్....మాకంత బంపర్ ఆఫర్ వద్దులేమ్మా...నీకు దండం పెడతాం వెళ్ళమ్మా..."అని వేడుకునేసరికి...."మీ బ్యాడ్ లక్..."అని ముందుకు కదిలిందో లేదో......

ఒక అబ్బాయి వచ్చి రియా ఎదురుగా మోకాలి మీద కూర్చుని.......చేతిలోని గులాబి రియా కి అందిస్తూ

"నిన్ను చూసిన క్షణం .....నా మనసు నన్నొ మాట అడిగింది....ఇన్నాళ్ళు నువ్వు లేని నేను ఎలా బతికి వున్నాను అని....అప్పుడు నేను చెప్పాను దానికి... ఇన్నాళ్ళ నా వెతుకులాటకి ,వేదనకి దొరికిన ప్రతిఫలం నీవు....ఇప్పటి దాకా ఎలా బతికానో తెలియని నేను....ఇక మీదట నువ్వు లేక ఎలా బతుకుతానో తెలియట్లేదు...చిత్రంగా వున్నా నేను నిన్ను ప్రేమిస్తున్నా...నువ్వు లేపోతే బతకను అని నేను చెప్పను...కానీ ఆ బతుకు లో ఆనందం వుండదు....బాధ తప్ప.....

ప్రేమ వుండదు వేదన తప్ప.......ఐ లవ్ యూ....."

అతని మాటలు వింటున్న రియా అలానే చూస్తుండిపోయింది........!!!!!

అదే మాటలు విన్న అభి.....అతని వైపు కోపంగా వస్తున్నాడు...అతన్ని చూసిన రియా......ఎదురుగా వున్న అబ్బాయి చేతిలోని రోజా పువ్వు తన చేతిలోకి తీస్కుని అతని కళ్ళ లోకి చూస్తూ నవ్వింది.........ఆ నవ్వు చూసిన అభి....నిల్చున్న చోటే స్థానువై పోయాడు.........

అక్కడి నుంచి విసురుగా వచ్చేసి తన క్లాస్ వైపు నడిచాడు........కంట్లోంచి నీళ్ళు వస్తుండగా ఎదురుగా వున్న దారి మసక బారింది...........

అలానే ఏడుస్తూ తన ప్లేస్ కి వెళ్ళి కూర్చున్నాడు అభి.....

చెప్పలేనంత బాధ తీరని మనోవేధన మనసును తొలుస్తుండగా .....జరిగిన క్లాస్లేవీ బుర్ర లోకి ఎక్కట్లేదు.......మనసులో ఒక్కటే ఆలోచన......"రియా..."

అలా ఉదయం కాస్తా మధ్యాహ్నం అయ్యింది..........బెంచ్ పై తల వాల్చి పడుకొని వున్నాడు అభి....అప్పుడు తన దగ్గరికి వచ్చింది షాలిని.........అభి వాళ్ళ క్లాస్ మేట్

"ఏంటి...అభి....ఎమైంది ఎందుకలా వున్నావ్...?"అన్న మాట కి లేచి....షాలిని వైపు చూసిన అభి....ఏం లేదు అని క్లాస్ బయటకి వచ్చేశాడు.......ఏం చెయ్యాలి...?ఎక్కడికి వెళ్ళాలో తెలియక కారిడార్ లో తిరుగుతూ రియా వాళ్ల క్లాస్ వైపు గా వెళ్ళాడు అన్యమనస్కంగా.......

వాళ్ల క్లాస్ లోంచి నవ్వులు వినిపిస్తున్నాయి.........ఆ నవ్వు ఎవరిదా అని చూసిన అభి మనసు వికలమైపోయింది...

ఉదయం రియా కి ప్రపోస్ చేసిన అబ్బాయి తో రియా మాట్లాడుతూ నవ్వుతోంది......

అలా రియా ని చూసిన అభి కి అక్కడ ఒక్క నిమిషం కూడా వుండాలనిపించక వచ్చేశాడు.........

ఆ సాయంత్రం.....రియా ని బస్టాప్లో ఎక్కించుకోవడానికి వెళ్తున్నాడు అభి.......బస్టాప్ లో ఒంటరిగా వెయిట్ చేస్తుంది రియా......ఎందుకో రియా ముఖం చూడగానే అప్పటిదాకా మనసులో వున్న బాధ,వేదన ఒక్కసారిగా పోయాయి........వెంటనే తన వైపు వెళ్ళడానికి స్పీడ్ పెంచిన అభి.....రియా వద్దకి ఆ అబ్బాయి రావడం తో........అదే స్పీడ్ తో రియా చూస్తుండగానే ముందుకు వెళ్ళిపోయాడు......

ఇంటికి చేరిన అభి....బాధలో....తన రూం కెళ్ళి నిద్రపోయాడు.......టైం 7 అవుతుండగా....ఎవరో తన తలుపు తడుతున్నారు.........ఆ శబ్దం వినపడినా వినిపించనట్టు దిండు అడ్డం పెట్టుకుని నిద్రపోసాగాడు.......అయినా తలుపు తడుతున్నవారు తడుతూనే వుండటంతో........ఇక తప్పక......వెళ్ళి తలుపు తీశాడు...ఎదురుగా వాళ్ళమ్మ తో పాటు రియా వాళ్లమ్మ....కూడా కనిపించింది......

"ఏమైంది.....?"కళ్ళు నులుముకుంటూ ప్రశ్నించాడు అభి.....

"రియా ఏది........?"అడిగింది వాళ్ళమ్మ.......

అంతే...రియా రాలేదు అని అర్థమయి పోయిన అభి...బైక్ కీస్ తీసుకుని మారు మాట్లాడకుండా బయటకి పరుగు తీసి బైక్ స్టార్ట్ చేసి 10 నిమిషాల్లో బస్టాప్ కి పోనిచ్చాడు.......ఒంటరిగా కూర్చోని కనిపించింది రియా.......

అభి ని చూడడం తోనే తన ముఖం లో రిలీఫ్ వచ్చిన మరుక్షణం కోపం కూడా రీప్లేస్ అయ్యింది.........
"రియా...రా వెళ్దాం..."అని అభి అనేసరికి........లేచి వచ్చి బైక్ పై కూర్చుంది.....ఇద్దరి మధ్యా మౌనం.....రియా ఏమైనా అడిగితే సమాధానం చెపుదామని అభి...

అభి ఏమైనా మాట్లాడితే తిట్టెయాలి అని రియా ఎవరికి వాళ్ళు మౌనంగా ప్రయాణం ముగించారు.......

అలా వారం రోజులు గడిచాయి......ఇద్దరి మధ్య మాటలు లేవు........ఈ మౌనం అభి ని కుంగదీస్తుంది.....

వారం కాస్తా 4 వారాలు అయిపోయాయి.......ఎగ్జాంస్ మొదలయ్యాయి.......ఇంతకు ముందు లా అభి దగ్గరకి వచ్చి చదువుకొవట్లేదు రియా.....

అభి-రియా ఒకే హాల్లో పడ్డారు......రియా ఏమి రాయకపోవడం అభి గమనించాడు...2 పరీక్షలకి అదే తంతు....రియా హాల్లో కి కి రావడం...పేపర్ తీసుకోవడం బెంచ్ పై పడుకుని నిద్రపోవడం........

తన వైఖరి చూసి విసుగెత్తిపోయిన అభి......ఆ రోజు సాయంత్రం రియా వాళ్లింటి కి వెళ్ళాడు......

అభి ని చూసిన రియా కూడా పెద్ద ఆశ్చర్యపోలేదు.........

అభి ఇంపార్టెంట్ క్వశ్చింస్ చెప్పి...చదవమని తన ల్యాప్ టాప్ లో ఏదో చూస్కోసాగాడు........మధ్య మధ్యలో నవ్వుతున్నాడు.....అదంతా రియా ఒక కంట గమనిస్తూనే వుంది.......సరిగ్గా అభి ఏమైనా తినటానికి తీసుకువద్దామని కిందకి వెళ్ళేసరికి చిక్కిందే సంధు అని భావించిన రియా అభి ల్యాప్ టాప్ లోకి చూసి,...........షాక్ అయ్యింది!!!!!!!!

[అన్నెపు]

6.మాట్లాడొద్దు
వెంటనే అభి ల్యాప్ టాప్ చూసిన రియా ఆశ్చర్యపోయింది......అభి వాళ్ల క్లాస్ మేట్ షాలిని తో ఫేస్ బుక్ లో చాట్ చేస్తున్నాడు.......ఆ అమ్మాయి చాటింగ్ చూసి ఒళ్లు మండిపోయీంది రియా కి..........

ఇంతలో అభి అడుగుల శబ్దం వినపడటం తో అలర్ట్ అయిన రియా పక్కకి వచ్చేసింది....లోపలికి వస్తూనే రియా టేబు ల్ పై ఫ్రూట్స్ పెట్టి మెరుపు వేగంతో ల్యాప్ టాప్ వైపు కదిలాడు అభి......

షాలిని నుంచి వచ్చిన మెసేజ్ చూసి నవ్వుకున్నాడు.........

రియా కి అభి వ్యవహారం చూస్తుంటే ముళ్ల మీద కూర్చున్నట్టు అనిపిస్తుంది.....ఆ మరుసటి రోజే షాలిని గురించి ఎంక్వయిరి మొదలుపెట్టింది రియా........

ఈ లోపు అభి వల్ల ఎగ్జాంస్ కూడా బానే రాస్తుంది.......చివరి ఎగ్జాం కి అభి వాళ్లింటి కి రాకపోవడం తో.... రియా నే బుక్స్ తీసుకుని తన రూం కి వెళ్ళింది.....రియా లోపలికి అడుగుపెట్టెసరికి అభి రూం లో లేడు..బెడ్ పై ల్యాప్ టాప్ చూసిన రియా పరుగున దాని దగ్గరికి వెళ్ళింది........

అప్పుడే షాలిని నించి అభి కి మెసేజ్ వచ్చింది......

అది చూసిన రియా కి కోపం పీక్స్ లో వెళ్ళిపోయింది......షాలిని అభి కి ఐ లవ్ యూ చెప్పింది.......

"లాభం లేదు అభి తో మాట్లాడాలి........షాలిని తో మాట్లాడొద్దు అని నేను చెబితే అభి వింటాడా......?నీకేమి సంబంధం అని అంటె....?"అని ఆలోచిస్తూండగా ఇంకో మెసేజ్ వచ్చింది అది చూసిన రియా అభి తో మాట్లాడకపోవడమే బెస్ట్ అనుకుంది.........

అప్పుడే అభి వాష్ రూం లో నుంచి బయటకి వచ్చాడు......రియా కి క్వశ్చింస్ చెప్పి ల్యాప్ టాప్ చూస్కో సాగాడు.....మధ్య లో రియా ని చూడసాగాడు.........రియా ముఖం చాలా ప్రశాంతంగా వుంది......మధ్య మధ్య లో నవ్వుకుంటుంది కూడా గత 4 రోజుల్లో ఎన్నడు తన ముఖం లో కనిపించని సంతోషం చూసిన అభి కి అనుమానమొచ్చింది,............

ఎగ్జాంస్ అయిపోయిన తర్వాత పరిస్థితి మాములు అయిపోయింది...........

అలా ఒక సెం ముగిసి రెండవ సెం మెదలయ్యిందో లేదో యాన్యువల్ డే సెలబ్రేషంస్ కోసం కాలేజ్ మొత్తం హాడావిడిగా మారిపోయింది..........

డ్యాంస్ లూ డ్రామా లూ....అంటూ అన్నీ బ్రాంచ్ ల వాళ్ళు బిసీ అయిపోయారు.........అభి వాళ్ల బ్రాంచ్ ఈవెంట్స్ కి ఆర్గనైజర్......

వర్క్ మొత్తం తనదే అయ్యేసరికి చాలా బిసీ బిసీగా గడిపేస్తున్నాడు అభి......ఈ సమయం లో రియా ని పికప్ చేస్కొవడం డ్రాప్ చెయ్యడం చేయట్లేదు.....ఉదయం 7:30 కల్లా వెళ్తున్నవాడు రాత్రి 10:30 అయితే గానీ రావట్లేదు......

రియా ని చూసి ఒక 2 వారలు అవుతుందేమొ....

ఆరోజు కూడా అలసిపోయి ఇంటికి వచ్చిన అభి....పడుకున్నాడు అనే గానీ కళ్ల ముందు రియా నే మెదులుతుంది..........

చాలా కంట్రొల్ చేసుకున్నాడు కానీ అభి వల్ల కాక...వాళ్ళింటి టెర్రస్ పైకి వెళ్ళి.....పక్కనున్న రియా వాళ్ల ఇంటి టెర్రస్ పైకి దూకి.....మెట్లు దిగి.....అక్కడున్న తలుపుని తన దగ్గర వున్న కీ తో ఓపెన్ చేశాడు.......రియా వున్న రూం వైపు అడుగులో అడుగేసుకుంటు వెళ్లసాగాడు....

రియా రూం కి చేరుకోగానే దగ్గరగా వేసి వున్న తలుపు ని మెల్లగా తీశాడు.......ఎదురుగా బెడ్ పై ఆదమరచి నిద్రపోతుంది రియా.......అలా తనని చూడగానే తన కున్న బడలిక మొత్తం పోయింది......ఆమె వద్దకు వెళ్ళి ఆమె చేతిలో చెయ్యేసి...........తనకి దగ్గరగా జరుగుతూ ఆమె మోము కి అతని ముఖాన్ని దగ్గరగా తీసుకెళ్ళి ఆమె బుగ్గ పై తన పెదవులతో ముద్దాడాడు.....ఆ వెంటనే తను చేసింది అర్థమై తను లేస్తుందేమోని భయఫడి వెనక్కి తగ్గాడు.....అభి బయపడినట్టు గా రియా నిద్ర లేవలేదు........"హమ్మయ్య..."అనుకున్న అభి.....లేచి తను వచ్చిన దారిలోనే ఇంటికి వెళ్ళి నిద్రపోయాడు........
ఆ రోజు మొదలు రోజు తన రూం కి వెళ్ళి రియా ని తనివి తీరా చూసుకునేవాడు.........

అలా ఒక రోజు వెళ్ళిన అభి......రియా రూం లోకి ఎంటర్ అయ్యి తన చేతిలో చెయ్యేసి......మనసులో మాత్రం...."ఇంకొన్ని రోజులు రియా.....మన విషయం అమ్మ వాళ్లకి చెప్పేస్తాను........నీకు దూరంగా వుండడం ఎంత కష్టమొ ఈ కొన్ని రోజుల్లో నాకు తెల్సి వచ్చింది.......ఇంకొక్క క్షణం కూడా నిన్ను వదిలి నేను వుండలేను....."అని ఆమె కళ్లలొకి చూస్తూ తను ఎక్కడున్నాడన్న విషయం మరచిపోయి ఆదమరచి నిద్రపోయాడు....

ఉదయం 6:00 గంటలు.....

ఎవరో తన షర్ట్ పట్టి లాగుతున్నారు......"అభిమన్యు...అభిమన్యు.."అని పిలుస్తున్నారు......సడన్ గా మెలుకువ వచ్చి చూస్తే ఎదురుగా రియా......కోపంగా తన వైపు చూస్తుంది......

"అభిమన్యు.........నువ్వేంటిక్కడ...?"5 నెలల తర్వాత తను మాట్లాడుతున్న మొదటి మాట....నిజమా కలా అని ఆలోచించే లోపే తను ఎక్కడున్న సంగతి గుర్తొచ్చింది అభి.....

"గాడ్ ..."అని తలపట్టుకున్నాడు అభి

"నువ్వేంటిక్కడ...?"మళ్లీ అడిగింది రియా......

"రోజులాగే నిన్ను చూద్దామని వచ్చి....ఇక్కడే నిద్రపోయాను....ఐ యాం సారీ..."అని వెళ్లడానికి అన్నట్టు లేచాడు అభి.......ఆల్రెడీ నిల్చొని వున్న రియా అతని మాట తో......అభి ని గట్టిగా హగ్ చేస్కుంది.......అభి కి ఏమి జరుగుతుందో అర్థం కాలేదు....కానీ రియా తనని అలా హత్తుకుంది అన్న కలే తనెప్పుడు కనలేదు....అలాంటిది నిజమయ్యే సరికి మనసు ఉక్కిరి బిక్కిరి అవుతోంది.....అలా ఎంత సేపు ఆమె కౌగిలోలో బంధి అయ్యాడో తెలీదు కానీ...ఒక్కసారిగా తనని వదిలేసి......."ఇక పో" అమ్మ వాళ్లు వచ్చేస్తారు అని రియా అనడంతో ఈ లోకం లోకి వచ్చిన వాడల్లే వాళ్ళింటికి పరుగు తీశాడు.......!

ఆ రోజు అభి దేని మీదా కాంసట్రేట్ చేయలేక పోతున్నాడు.......ఏ పని చేస్తున్నా రియా నే కళ్ళ ముందు మెదులుతుంది.....ఒక్కసారి రియా ని చూద్దామని లంచ్ బ్రేక్ లో తన క్లాస్ కి వెళ్ళాడొ లేదో....తను తనకి ప్రపోస్ చేసిన అబ్బాయ్ తో మాట్లాడుతూ కనిపించింది.......మనసు విరిగిపోయి వెనుదిరిగాడు.......

"ఎట్టి పరిస్థితుల్లో...నేనివాళ రియా తో మాట్లాడతాను...ఆ అబ్బాయి తో మాట్లాడొద్దని చెప్పేస్తాను...."అని నిశ్చయించుకున్న అభి......కాలేజ్ అయిపోయాక బస్టాప్ కి వెళ్లాడు......రియా ఆటో కోసం వెయిట్ చేస్తూ కనిపించింది..ఆలస్యం చేయకుండా తన దగ్గరికి వెళ్లి.....

"రియా నీతో ఒక విషయం మాట్లాడాలి..."అన్నాడు అభి

"చెప్పండి అభిమన్యు గారు.."అంది చేతులు ముడుచుకుంటూ

తన పిలుపుకి బాధపడినా తనని తాను తమాయించుకుని......"నువ్వు ఆ వినయ్ తో మాట్లాడకు....."అన్నాడు అభి

"ఏ...?ఎందుకు మాట్లాడకూడదు......."అడిగింది రియా

"తను నీకు ప్రపోస్ చేశాడు....నువ్వు నోచెప్పి ఇప్పుడు మాట్లాడుతుంటే.....తను అడ్వాటేజ్ తీసుకోడా...?అడిగాడు అభి

"నో చెప్పానని నీకు చెప్పానా......?"ఎదురు ప్రశ్నించింది రియా

అలానే తన్ వైపు చూస్తుండిపోయాడు అభి తను వింటుంది నిజమొ కాదో తేల్చుకోలేక.......!!!!!

[అన్నెపు]

7 & 8.డ్రామా+డ్యాంస్

తను చెప్పింది విని షాక్ లో వుండగానే.....తనే అందుకుని మళ్ళీ చెప్పింది రియా

"అయినా నువ్వు షాలిని తో మాట్లాడినప్పుడు లేనిది నేను వినయ్ తో మాట్లాడినప్పుడు వచ్చిందా....?"అడిగింది రియా

"షాలిని ని మధ్యలో తీసుకు రాకు...."అన్నాడు అభి సీరియస్ గా

"అహా...కోపమే.....ఆ అమ్మాయి ని అంటె నీకెందుకు అంత కోపమొస్తుంది.......?"అంది రియా

"రియా.....ఆ షాలిని మా క్లాస్ షాలిని ఒక్కరు కాదు...అసలు చెప్పాలంటే తను నేనే....నీకు కోపమొచ్చి తనతో మాట్లాడద్దు అని నువ్వు చెబితే నువ్వు వినయ్ తో మాట్లాడొద్దు అని చెబుదామని ఆ ఎకౌంట్ క్రియేట్ చేసి ఒక పక్క షాలిని లా ఫోన్ లో మరో పక్క ల్యాప్ టాప్ లో నాలా చాట్ చేస్తున్నాను...లాస్ట్ ఎగ్జాం రోజు నువ్వు నా రూం కొచ్చినప్పుడు నేను వాష్ రూం లో వుండి ఆ "ఐ లవ్ యూ" మెసేజ్ పెట్టాను....ఇదంతా కనీసం నువ్వు నాతో మాట్లాడతావనే హోప్ తో చేశాను...కానీ వినయ్ విషయం అలా కాదు....."అన్నాడు అభి

"సో......అబ్బద్దాలు కూడా ఆడుతున్నారన్నమాట తమరు మా దగ్గర......ఇప్పుడు చెబుతున్నా విను.....నేను వినయ్ తో మాట్లాడడం ఆపను.....ఎందుకంటే...నేను తన ప్రపోసల్ ని ..."అని ఏదో చెబుతుండగా అక్కడికి వచ్చిన వినయ్ "హాయ్ రియా అక్కా..."అన్నాడు వినయ్

"వచ్చెశాడు ఎదవ....కరక్ట్ టైం కి వూడిపడ్తాడు........."అని తల కొట్టుకుంది రియా

వినయ్ నోట్లోంచి "అక్కా " అన్న మాట వినపడటం తో వినయ్ ముఖం లో ఒక వెలుగొచ్చి చేరింది.......వినయ్ ని పట్టుకుని "ఏమన్నావ్...?"అన్నాడు అభి

"అక్కా...అన్నాను...ఏమయ్యింది సార్..."అన్నాడు వినయ్

"మరి ఆరోజు రియా కి నువ్వు ప్రపోస్ చేశావ్.......?"అడిగాడు అభి

"అదా....ఆరోజు సీనియర్స్ ర్యాగింగ్ లో భాగంగా చెయ్యమన్నారు....అక్క అది గ్రహించి....వాళ్ళ ముందు నవ్వింది...అంతే అప్పటి నుంచి అందరు మమ్మల్ని లవర్స్ అనుకుంటున్నారు........మేము కూడా ఎందుకు లే..అని ఎవరికి చెప్పలేదు....."అని సింపుల్ గా తేల్చేశాడు వినయ్.......

వినయ్ చెబుతున్నంత సేపు వినయ్ వైపు కొరా కొరా చూసింది రియా

"ఏంటక్కా అలా చూస్తున్నావ్......అభి సార్ ఎవరికి చెప్పరు లే...ఏ సార్ చెప్పరు గా...?"అడిగాడు వినయ్

ఒక నవ్వు నవ్వాడు అభి..."రా రియా..."అని లాకెళ్ళాడు.......వినయ్ మాత్రం వాళ్ళిద్దరి వైపు చూస్తుండిపోయాడు....

***

"హలో ప్రియా ఎక్కడున్నావ్....రిహార్సల్ కి టైం అవుతుంది......"ఫోన్ లో అడిగాడు అభి

"సారీ అభి..నిన్న స్కూటి పై ఇంటికి వెళ్తుండగా యాక్సిడెంట్ అయ్యింది.....3 వీక్స్ బెడ్ రెస్ట్ తీసుకోమన్నారు...నాకు రావడానికి కుదరదు...ఐ యాం సారి..."అని చెప్పింది ప్రియ

ఫోన్ పెట్టెసాక.."రేయ్ ఏమంటుంది...ఎక్కడ దాకా వచ్చిందంట...?"అడిగాడు అభి ఫ్రెండ్ ఆకాష్

"తనకి యాక్సిడెంట్ అయ్యిందంట రా.....3 వారాల వరకు రాదంట..."చిరాకుగా చెప్పాడు అభి

"ఇప్పుడెలా 2 వీక్స్ లో యానువల్ డే వుంది....ఇప్పటికిప్పూడు ఎవరు చేస్తారు...."అని అంటుండగా అటు వైపు నుంచి వెళ్ళిన రియా ని చూసిన ఆకాష్....."రియా.."అని పిల్చాడు.....

రియా-వినయ్ ఇద్దరు వాళ్ళ దగ్గరికి వెళ్ళాడు....

"ఏంటి సార్ పిల్చారు" అడిగాడు వినయ్

ఆకాష్ ఏం చెబుతాడా అని వినయ్-రియా ల తో పాటు అభి కూడా చూస్తున్నాడు........

"డ్రామా ఇంకా డ్యాంస్ లో మెయిన్ లీడ్ కి యాక్సిడెంత్ అయ్యింది ఆ ప్లేస్ లో రియా నువ్వే చేయాలి...ఈ రోజు నుంచే రిహార్సల్స్.....గెట్ రెడీ..."అన్నాడు ఆకాష్...

ఒక్కసారిగా ముగ్గురూ షాక్

"అది సార్...నా వల్ల కాదు.."అని రియా చెప్పబోయేంత లో....ఆమె మాటకి అడ్డం వస్తూ "చూడు రియా ఇది బ్రాంచ్ పరువుకి సంబందించింది.....కాదు కాడదు అని చెప్పకు....పద..."అనేసరికి ఇక చేసెడేమి లేక ఒప్పుకుంది........రియా కూడా....

డ్రామా రిహార్సల్స్ జరుగుతున్నాయి..........రియా తన డైలాగ్ చెప్పేసి ఎదురుగా వున్న హీరో డైలాగ్ కోసం ఆగింది.....
హీరో:ప్రియా(క్యారెక్టర్ నేం) నువ్వంటే ప్రాణం నాకు...నువ్వు లేకు లేను నేను.........నువ్వు...నువ్వు........

అభి:రేయ్ ఏం పోయే కాలం రా నీకు నిన్నటి దాకా బానే చేశావ్ గా....ఈ రోజే మైంది.....అరిచాడు అభి

ఆకాష్:నిన్నటి దాకా వాడి క్రష్ ఏ హీరోయిన్ డైలాగ్ లు పొంగుకొచ్చాయి ఇవాళ రియా అయ్యేసరికి బాబు కి మాట రావట్లేదు......

చూసి చూసి అభి కి విసుగొచ్చి......వెళ్ళి........రియా మఖాన్ని తన చేతుల్లోకి తీసుకొని

"వెతకని వరమై దొరికావు కానీ నీ మౌనం తో బాధ పెడుతున్నావ్...నీ పై నా ప్రేమ తెలపడానికి మాట లు రాని నిస్సహాయత లో వున్న నాకు కొంచెమైనా జాలి చూపించవా ప్రియా....నిన్ను చూసినప్పుడు ఎన్నో భావాలు.....నువ్వు మదిలో మదిలితే ఎన్నో స్మృతులు.....నువ్వు నా కళ్ళ ముందుకొస్తే రెట్టింపయ్యే నా హృదయ స్పందన......నీ పై వున్నది ప్రేమ కాదు ప్రియా పిచ్చి.......ఈ పిచ్చి లో ఏమైపోతాను అనే దిగులు లేదు....ఎవరూ నాతో వుండరేమో అనే భయం లేదు....నా గమనం ఎటు వైపో అనే చింత లేదు......ఎందుకంటె నా గమ్యం నువ్వైనప్పుడు......నాకెందు భయం....నేను నువ్వైనఫ్ఫుడు నాకెందుకు బాధ...?"అని అంటూ అభి అక్కడిక్కడే కుప్పకూలిపోతాడు......ఎదురుగా వున్న ప్రియా(అలియాస్ రియా) కంగారుగా అతన్ని పట్టుకుని..."అద్వయ్(హీరొ పేరు) ఏమయింది నీకు...?"అంటుంది........

"నా గమ్యం నీవని తెల్సుకున్న నేను...నీ గమ్యం నేను కాదని తెలియడానికి ఇంత కాలం పట్టింది...ప్రియా......అందుకే జీవితం లొ ఒక ప్రేమ మాత్రమే వుండాలి అది నువ్వే అవ్వాలి...అందుకు నువ్వొప్పుకోవు.......నిన్ను మర్చిపోయి నేనుండలేను......నిన్ను ఒప్పించలేని నేను నిన్ను నొప్పించలేక విషం తాగాను.......ఇక సెలవు..."అని అలా పడిపోతాడు.......అతని గుండెల పై రోదిస్తూ ప్రియా కూడా కన్నుమూస్తుంది.........

ఆడిటోరియం అంతా కరతాళ ద్వనులతో మారు మోగిపోయింది.......

(రిహార్సల్స్ లో అబి పర్ఫామెంస్ నచ్చి.....లాస్ట్ కి కూడా తనే కంటిన్యూ చెయ్యమనే సరికి........ఇలా రిహార్సల్ కాస్తా లైవ్ ఫర్మామెంస్ అయ్యింది)

ఆ తర్వాత...డ్యాంస్.....

ఎలాగో అందులో మెయిన్ అభి-రియా నే కాబట్టి.....ఆ సాంగ్ కూడా వాళ్ళిద్దరూ దుమ్ము దులిపేశారు.......

పెర్ఫామెంస్ ముగుంచుకుని కిందకి దిగుతుండగా రియా కాలు స్లిప్ అయ్యి కిందపడింది...వెంటనే వెనక వున్న అభి......తన కాలు పట్టుకున్నాడు....

నొప్పి తో విల విల్లాడింది రియా......తన నొప్పి ని చూడలేని అభి కళ్లలో నీళ్ళు తిరిగాయి......తను లేచే స్థితిలో లేకపోవడం తో అభి ఎ తనని మోసుకుని ఒక రూం లోకి తీసుకెళ్ళాడు.....ఆయిట్మెంట్ రాస్తూ ఏడుస్తున్న అభి ముఖాన్ని...తన చేత్తో పైకి లేపి....

"అభిమన్యు గారు కూడా ఏడుస్తారా....?"అంది రియా

తన మాటాలేమి పట్టించుకోకుండా ఏడుస్తూనే ఆయిట్మెంట్ రాయసాగాడు అభి.....

"ఛీ ఛీ అబ్బాయిలు ఏడుస్తారా....?వెరీ చీప్ వెరీ చీప్.."అని ఆట పట్టించసాగింది రియా

ఆ మాటకి తన కళ్లలోకి చూశాడు అభి..."ఏ...మేము మనుషలం కాదా?మాకు ఫీలింగ్స్ వుండవా...?"అన్నాడు అభి...

"వామ్మొ.....అబ్బాయిలని అనేసరికి పౌరుషం బానే పొడుచుకొచ్చిందే......"అని అంటుండగా తిరిగి ఆయింట్ మెంట్ రాయసాగాడు అభి......

"అమ్మా........"అరిచింది రియా........"ఓ...సారి..."మెల్లగా చెప్పాడు అభి...

"సారీ చెబితే నొప్పి పోతుందా....?"అడిగింది రియా

"మరి ఏం చేస్తే పోతుంది...?"అర్థం కాక అడిగాడు అభి....ఆ ప్రశ్న కోసమే ఎదురు చూస్తున్నట్టు గా వెంటనే ముందుకి వంగి అభి ని గట్టిగా చుట్టేసింది రియా.....

షాక్ లో వుండిపోయాడు అభి.....?!

[అన్నెపు]

9.ఊపిరాపకే....

షాక్ లో వుండిపోయిన అభి.....ముందు చిటెకేస్తూ...."ఓయ్...ఏమైందండి అభిమన్యు గారు...ఊహల్లో కి వెళ్ళారు...?"అడిగింది రియా

తనది ఊహ అని తెలిసిన మరుక్షణమే....ఒకింత నిరుత్సాహానికి గురయ్యాడు అభి.....

సరే పద....అని తను లేవడానికి సహాయం చేసి...తనని పట్టుకుని తనతో పాటు నడవసాగాడు....అలా తనతో పాటు అడుగులేస్తూ మనసులో మాత్రం ఈ అడుగులు తనతో పాటు జీవితాంతం కలసి నడవాలి అని ఆ దేవుడ్ని కోరుకున్నాడు.....

"ఏంటండి మళ్ళీ మీ ఆలోచనలు మన ఊరి దాటి పక్క ఊరి వెళ్ళినట్టున్నాయి ఏం థింక్ చేస్తున్నారేంటి.....?"అని రియా అడగడం తో.....ఏం లేదు అన్నట్టు తలూపాడు అభి.......

కొంచెం దూరం నడిచాక....."అభిమన్యు గారు......మిమ్మల్నొకటి అడగొచ్చా....?"అంది రియా

"దేవుడా.......రియా నన్ను అభి అని పిలిచేలా చెయ్యి..."అని మనసులో అనుకోసాగాడు అభి....

"అలానే పిలుస్తాను లేండి...ప్రస్తుతానికి నేనడిగిన దానికి సమాధానం ఐతే చెప్పండి...."అంది రియా

"ఏం పిలవడం...?"అర్థం కానట్టు ముఖం పెట్టి అడిగాడు అభి....

"మీరు చెప్పకపోయినా మీ ముఖం చూస్తే నే అర్థం అవుతుంది...మీరు నేను అభిమన్యు అన్నప్పుడల్లా ఎంత ఇబ్బంది గా ఫీల్ అవుతున్నారో....."అంది రియా

"హా మరి అర్థమయినప్పుడు.......పిలవకుండా వుండొచ్చు కదా....రియా....ఇంతకు ముందులా వుండొచ్చు కదా రియా...?"అడిగాడు అభి

"అది మాత్రం అడగకండి...."అంది రియా ముందుకు చూస్తూ ....

"అది స్సరే గానీ...ఏదొ అడగాలన్నావ్...?అడుగు...."అన్నాడు అభి......

"ఇప్పుడు కాదు లే రాత్రికి వస్తావ్ గా అప్పుడు అడుగుతాను..."ఆంది రియా

"రాత్రికా...నేనొస్తానా...ఎక్కడికి...?"అర్థమయ్యినా అర్థం కానట్టు అడిగాడు అభి....

"ఆహా....నీకేమి అర్థం కాలేదా....?నిజం చెప్పు...?"అడిగింది రియా

"లేదు...నిజంగా..."తన పిలుపు మీరు నుంచి నువ్వు కి మారింది అన్న ఆనందం లో ఉషారుగా చెప్పాడు అభి....

"సరే సరే.....నువ్వు వస్తే నీకుంటది అప్పుడు చెబుతా నీ పని..."వెక్కిరిస్తూ అంది రియా

"ఓహ్....అర్థమయ్యింది...నిన్ను చూడ్డానికి వస్తాను అనే గా నువ్వు అంది....?సారీ నేను నిజంగా మర్చిపోయాను....ఇప్పుడు గుర్తొచ్చింది..."అన్నాడు అభి

"చా....నువ్వు నీ కవరింగ్ లూ...చాలు చాల్లే నువ్వేమి రానక్కర్లేదు........పొద్దున్నే నిన్ను నేను లేపనక్కర్లేదు.....ఎక్స్ ట్రా గా నీకు నేను హగ్ లూ ఇవ్వనక్కర్లేదు...."అంది రియా

"అవును అడగడమే మర్చిపోయాను....ఆ రోజు నువ్వు నాకు హగ్ ఎందుకిచ్చావ్...?"దొరికిందే ఛాంస్ అన్నట్టు అడిగాడు అభి......

"అది....అది...హా....నీ బైక్ వచ్చేసింది...పద..."అని టాపిక్ డైవర్ట్ చేసింది రియా.....

ఆ రోజు రాత్రి.......ఎప్పటి లాగా అభి రియా కోసం వచ్చాడు.......ఎప్పుడు నిద్రపోయే రియా ఈ సారి మేల్కొని అభి కోసం వెయిట్ చేయసాగింది.......

"ఏంటి రియా....సాయంత్రం ఏదో అడుగుతానన్నావు....అడుగు..."అడిగాడు అభి

జండు బాం చూపిస్తూ......నా కాలు బాలేదు కదా...ఇది రాస్తేవేమో అడుగుదామని పిలిచా లే...అంది రియా

"ఇటివ్వు..."అని తన చేతిలోని బాం తీసుకోబోతుంటె....చెయ్యి వెనక్కి లాగేస్తూ.."ఏయ్ మెంటల్...నీకేమైనా పిచ్చా...నిజంగానే రాస్తావా...?ఏం అక్కర్లేదు.......నీకో విషయం చెబుదామని పిలిచాను అంతే...."అంది రియా

ఏంటన్నట్టు చూసాడు....అభి...

"సారీ ఫర్ బీయింగ్ రాష్ విత్ యూ నాకు ఇష్టం లేకుండా నువ్వా కాలేజ్ పెట్టెసరికి చాలా కోపం వచ్చేసింది...అందుకే తిట్టెసాను.....ఇంక థ్యాంక్యూ సో మచ్ నన్ను దగ్గరుండి చదివిచ్చినందుకు......నువ్వు లేపొతే....ఇట్ వుడ్ హావ్ బీన్ ఏ డిఫెరెంట్ స్టోరి......ఐ యాం సారి వంస్ ఎగైన్.....సరే ఇక నువ్వెళ్లు...నాకన్నా నువ్వెక్కువ అలసి పోయుంటావ్ కదా...?"అంది రియా

తనకి వెళ్ళాలని లేకున్నా రియా చెప్పడంతో ఇక తప్పక లేచి బయటకి నడస్తున్న అభి ని వెనక నుంచి గట్టిగా చుట్టెసింది రియా....ఒక్క నిమిషం అభి కి ఏమీ అర్థం కాలేదు......ఇంతలో రియా కన్నీళ్లు అతని షర్ట్ నీ తాకడంతో.....మరుక్షణం వెనక్కి తిరిగి వున్న అభి కాస్తా ముందుకి తిరిగి.....తన చేతులతో రియా ముఖాన్ని పట్టుకున్నాడు.....

"ఏయ్ రియా....ఏమైంది నీకు...ఎందుకేడుస్తున్నావ్....?"అడిగాడు అభి కంగారుగా
ఆ మాట తో ఇంకా తన ఏడుపు ఎక్కువయ్యింది.....ఇక వెంటనే అభి రియా తన గుండెలకి హత్తుకుని...తన తల మీద చెయ్యి వేసి "రియా...ఏడ్వకు....ఐ యాం దేర్ ఫర్ యూ......"అని తన తల ప్రేమగా నిమిరాడు.....ఆ మాటతో రియా ఇంకా గట్టిగా అభి ని చుట్టెసింది...ఇక లాభం లేదని....రియా కి కొంచెం దూరం జరగబోయాడు...కానీ రియా వినే పరిస్థితి లో లేదు...అంతకంతకూ తన దుఖం పరిగిపోతూనే వుంది.....

తన నడుము చుట్టూ చేతులు వేస్తూ...."రియా ఏమైందో చెబితేనే కదా నాక్కూడా తెలిసేది.....చెప్ప్...ప్లీస్"అన్నాడు అభి అభ్యర్థనగా.....

అంత ఏడుపు ఆపేసిన రియా తల ఎత్తి అభి కళ్లలోకి చూస్తూ అతని పెదవులపై తన పెదాలతో యుద్ధం మొదలెట్టింది......

ఏం చేస్తుందో అర్థం చేస్కునే సరికి అభి కి ఊపిరి ఆడట్లేదు......అప్పటికే తను ముద్దు మొదలుపెట్టి 2 నిమిషాలు కావొస్తుంది.......

ఇంతలో చిన్న బ్రేక్ లాంటిది ఇచ్చిన రియా....మళ్ళీ అభి ని ముద్దుపెట్టుకోవడం స్టార్ట్ చేసింది....తన బాధనంతా ఒక్క ముద్దు లో చెప్పేసి........ఒ 5 నిమిషాల తర్వాత...అభి ని వదిలేసింది........

తన వైపే చూస్తున్న అభి ని చూసి..."ఐ యాం సారి..."అని ఇంకో మాటకి తావివ్వకుండా వెళ్ళి పడుకుంది రియా.....రూం బయటకి నడుస్తూ.....జరిగింది నిజమా ...కలా....అర్థం చేస్కోలేక........ఒక ట్రాంస్ లో ఇంటికి చేరి నిద్రపోయాడు అభి...

ఆ మరుసటి రోజు నుంచి......కధ మళ్ళి మొదటికి వచ్చింది...కాదు కాదు....చాలా భయంకరంగా తయారయ్యింది....అభి కి కంటి మీద కునుకు లేకుండా చేసింది........!!!!

[అన్నెపు]

10.వ్యధ+వేదన=?

రియా ఆ ముందు రాత్రి ఇచ్చిన తీపి గుర్తును తలచకుంటూ తనెందుకు అంత బాధ పడుతుందో ఆలోచిస్తూ తన రాక కోసం వాళ్లింటికి ఎదురుగా నిల్చున్న అభి ని చూసిన రియా వాళ్లమ్మ....

"అభి నువ్వింకా కాలేజ్ కి వెళ్ళలేదా...?"అడిగింది ఆవిడ

"అంటె రియా వెళ్ళిపోయిందా ఆంటి...?"అడిగాడు అభి...

"హా ఏదో ఇంపార్టెంట్ క్లాస్ అంట...వుదయాన్నే వెళ్ళిపోయింది.....నీకు చెప్పలేదా...?"అడిగిందావిడ

"హా...చెప్పింది నేనే మర్చిపోయాను...బై ఆంటి...!"అని అక్కడ నుంచి వచ్చేశాడు అభి...

అభి కాలేజ్ కి వెళ్ళెసరికి రియా ఎవరో అబ్బాయి తో మాట్లాడుతూ కనిపించింది......ఫస్ట్ బాధపడ్డా...వినయ్ విషయం గుర్తొచ్చి సమాధానపడ్డాడు అభి....ఆ రోజు సాయంత్రం తను చూస్తుండగానే ఫ్రెండ్ స్కూటి పై ఇంటికి వెళ్ళిపోయింది రియా.....

ఇలా వారం పాటు జరిగింది...ఏదో వర్క్ టెంషన్ లో వుందిలే అనుకుని అభి కూడా పెద్దగా పట్టించుకోలేదు......ఇంతలో ఎగ్జాంస్ .....సెమిస్టర్ అయిపోయింది...కానీ రియా వరస మారలేదు.........

ఈ మధ్యలో అభి ఎంత ట్రై చేసినా రియా అస్సలు ఛాంస్ ఇవ్వకపోయేసరికి ఎగ్జాంస్ అయిపోయాక అడుగుదాం అని ఆగిపోయాడు అభి....

ఎగ్జాంస్ అయిపోయిమ సాయంత్రం అభి రియా వాళ్లింటికి వెళ్ళాడు.........

"రా అభి...ఎగ్జాంస్ ఎలా రాశావ్...?"అడిగింది రియా వాళ్లమ్మ

"హా పర్లెదాంటి...రియా ఎక్కడ....?"అడిగాడు అభి....

"రియా....వాళ్ళ మావయ్య వాళ్లింటికెళ్ళింది...నీకు చెప్పమంది నేనే మర్చిపోయాను......"చెప్పిందావిడ

"ఆంటీ.....మీకు-వాళ్ళకి పడదు కదా....మరి కొత్తగా ఇదేంటి...?"అనుమానాన్ని వ్యక్తపరిచాడు అభి....

"ఈ మధ్యే మళ్ళీ రాకపోకలు మొదలయ్యాయి లే అభి...."అని ఆవిడ చెప్పెసరికి..."సరే ఆంటి....ఇక వుంటాను..."అని లేచాడు అభి.....

"ఆంటీ వాళ్లది ఏ వూరు....."అడిగాడు అభి...

"వైజాగ్ "చెప్పిందావిడ....

తన ఫోన్ లో వైజాగ్ కి నెక్స్ట్ ట్రైన్ ఎప్పుడా అని సర్చ్ చేస్తున్న అభి కి ఇంతలో కాల్ వచ్చింది........

********

వెళ్ళిన 2 రోజులకే వచ్చేసింది రియా ఇంటికి.....ఇంటికి రావడం తోనే...."అమ్మా.....!అని వాళ్ళమ్మని గట్టిగా కౌగిలించుకుంది......"

"ఏంటే...ఎప్పుడూ లేనిది ఇంత పేమ పొంగుకొచ్చింది నా పైన...?"అడిగింది వాళ్ళమ్మ

"ఏం లేదు లే నేను వెళ్లి ఫ్రెష్ అప్ అయ్యి వస్తాను...."అని వెళ్ళిపోయింది...రియా

రియా కిందకి వచ్చాక...వాళ్ళమ్మ రియా తో...."నువ్వు ఆ రోజు వైజాగ్ వెళ్ళిన అరగంట కి అభి వచ్చాడే....."అంది వాళ్ళమ్మ

"అవునా.....నేనక్కడికి వేళ్ళానో కనుకున్నాడా...?"అడిగింది రియా ఆత్రంగా....

"హా అడిగాడు...చెప్పాను కూడా...."అంది వాళ్ళమ్మ

"అవునా....సరే నేను ఉష ఆంటీ వాళ్ళింటికి వెళ్ళొస్తాను..."అని లేచింది రియా

"అభి లేడే....2 డేస్ నుంచి కనిపించట్లేదు...."అని వాళ్ళమ్మ చెప్పేలోపే.....గేటు దాటేసింది రియా

అభి వాళ్ళింట్లోకి వెళ్తూనే "ఆంటీ..." అని అభి వాళ్లమ్మని చుట్టెసింది రియా

"పోవే....వైజాగ్ పోవడం తెల్సుగానీ మాట మాత్రమైనా చెప్పాలని కూడా లేదు......"అంది ఉష

"అయ్యొ ఆంటీ....ఏంటి మిస్ అయ్యారా ఏంటి...?"అంది రియా

"మరి అవ్వరా....?"అంది ఆవిడ

"అవునా...పోనీ ఒక పని చెయ్యండి........మీ అబ్బాయి కి నన్నిచ్చి పెళ్ళి చెయ్యండి...అప్పుడు ఎంచక్కా అత్తయ్య గారూ అత్తయ గారూ అంటూ మీ వెనకాలే తిరుగుతాను...."అని అనేసి అభి రూం వైపు వెళ్ళబోతుండగా.....

"నీ మొగుడు లేడమ్మా....."అనేసింది ఆవిడ....

"అవునా....మా ఆయన్ని ఎక్కడికి పంపించావ్...?"అంది రియా

"నేనక్కడికి పంపించలేదు తల్లీ వాడే...ఇల్లు దాతి బయటకి కదలని వాడు ఫ్రెండ్స్ తో ట్రిప్ కి వెళ్ళాడు ఇంకో వారం దాకా రాడు...."అని చెప్పింది ఉష

"అవునా...సర్లే అందాకా...వాడి రూం లో ల్యాపీ వుందిగా దానితో కాలక్షేపం చేస్తా..."అని అభి రూం కి వెళ్ళింది రియా

లోపలికి అడుగుపెట్టి...తన బెడ్ పై వున్న ల్యాపి ని తీసింది.......ఓపెన్ చేసి.....చూస్తే అభి ఐడి కి పాస్ వర్డ్ అడుగుతుంది.......పాస్ వర్డ్ ఏం పెట్టుంటబ్బా...అని ఆలోచిస్తూ...టైప్ చేయసాగింది...సరిగ్గా ఫస్ట్ ఎట్మంట్ లోనే ఓపెన్ అయ్యి వాల్ పేపర్ గా రియా ఫోటో ప్రత్యక్షమయ్యింది......కళ్లలోంచి నీళ్ళు....తనకి తెలియకుండానే వచ్చేసాయి......ఇంతకి ఆ పాస్ వర్డ్ ఏంటో తెలియదు కదా.....????? I LOVE YOU RIYA........

తన ఫైల్స్ సర్చ్ చేస్తుండగా....డైరి అనే ఫోల్డర్ లో ఏవో వాయిస్ ఫైల్స్ కనిపించాయి.......

వెంటనే అభి లాస్ట్ రికార్డ్ చేసిన ఫైల్ ఓపెన్ చేసి వినసాగింది రియా

"మోసం...కుట్ర....ఇన్నాళ్ళు...ఫ్రెండ్ అయినా .....లవర్ అయినా...భార్య అయినా ....నువ్వే అనుకుని బతికాను కదే.......కానీ ఇంత మోసం ఎలా చెయ్యాలని పించింది.......ఒక్కసారి వేరే వాడి ప్రపోసల్ కి ఒకే చెప్పేటప్పుడైనా ఇన్నేళ్ళ నా పిచ్చి ప్రేమ గుర్తుకు రాలేదా......?ఎందుకే ఇంతలా మోసం చేశావ్.....నువ్వే ప్రాణం లా బతికిన నాకు ఇదేనా నువ్వు నాకిచ్చే బహుమతి......?ఐ హేట్ యూ రియా.......ఐ రియల్లీ హేట్ యూ........"

అంతకు మించి ఒక్క పదం కూడా వినలేకపోయింది రియా.......ఏడుస్తూ......బయటకి వచ్చేసింది.....

తనకి ఎదురయ్యాడు అభి.......రియా ని చూడగానే ఆనందం తన కళ్ళలో కన్నీళ్ళు ఎందుకో అర్థం కాలేదు........

వెంటనే తన వెంట పరిగెత్తాడు అభి.......

"రియా...రియా...ఏమైంది ఎందుకేడుస్తున్నావ్.......?"అడిగాడు అభి.....

కోపంగా ఒక్క చూపు చూసి వెళ్ళిపోయీంది రియా

అభి కి ఏమీ అర్థం కాలేదు........తన రూం కెళ్ళి చూసిన అభి కి విషయం అర్థమయి పోయింది.........

6 నెలల తర్వాత.......

ఒంటరిగా కూర్చుని ఆలోచిస్తుంది రియా........"అభి తో మాట్లాడాలి......."అని నిశ్చయించుకుని అలా లేచింది....ఇంతలో తనకి తన ఫ్రెండ్ రాజి నుంచి కాల్ వచ్చింది.....

"డార్లింగ్ ఇవాళ నైట్ సెకండ్ షోకి మూవి కి వెళ్దాం......సరేనా...?"అడిగింది రాజి

"ఇవాళ నైట్ అదీ 2 షో...లేదే...నువ్విచ్చని ఙనోపదేశం క్లాస్ లతో ఇవాళ అభి తో మాట్లాడాలి అని అనుకుంటున్నా అది కూడా చిన్న ఎడ్వెంచర్ చేసి....ఇవాళ వద్దే రేపు చూద్దాం..."అంది రియా

"ఏంటి...నిజంగానా...?నిజంగా అభి తో మాట్లాడుతున్నావా...వెరీ గుడ్ కానీ..."అని ఆగింది రాజి

"కానీ ఏంటె....?"అనుమానంగా అడిగింది రియా

"చాలా మంచి పని చెయ్యబోతున్నావ్....కానీ అమావాస్య పూట చెయ్యడం అవసరమా....?పైగా నువ్వు అభి తో మాట్లాడెస్తే రేపటి నుంచి ఎలాగో మాతో మాట్లాడరు తమరు...సొ ఇవాళ మాతో పాటు రావే మళ్ళీ ఎప్పుడొస్తావో ఏమొ..."అంది అభ్యర్దనగా రాజి

"పెట్టావ్ గా ఫిట్టింగూ రాక చస్తనా.....వస్తాను లే...."అని అభయమిచ్చేసింది రియా

ఆ రోజు రాత్రి.....సినిమా ముగించుకుని.....అందరూ అటోలో బయల్దేరారు.....చివరగా రియా-రాజి మాత్రమే మిగిలారు...రాజీ వాళ్ళింటి దగ్గర దిగేస్తూ "డార్లింగ్ జాగ్రత్త...ఒకే నా నన్ను రమ్మంటావా కూడా...?"అడిగింది

"వద్దులేవే టైం 2:20 అవుతుంది...నాకేమి పర్లేదు...నువ్వెళ్ళు..."అని అక్కడి నుంచి బయల్దేరింది రియా

ఇంకో రెండు మలుపులు దాటితే వాళ్ళిళ్ళు వస్తుందనగా......వేరే రూట్ వైపు ఆటో ని మరల్చాడు డ్రైవర్......

"ఏయ్....మా ఇల్లు అటు....ఇటు తీసుకొస్తున్నావేంటి....?"అడిగింది రియా

"నాకు తెల్సు మ్యాడం...."అని వెనక్కి తిరిగి అదో రకంగా నవ్వడతను........అతని నవ్వు చూసిన రియా కి పై ప్రాణాలు పైనే పోయాయి........!!!!!!!!

[అన్నెపు]

11.ప్రేమ చిగురించెనా....?

ఆటో డ్రైవర్ నవ్వు చూసిన రియా పై ప్రాణాలు పైనే పోయాయి....

ఇక లాభం లేదని...అటో కదులుతుండగానే అటో లో నుంచి దూకేసింది.......వెంటనే ఆటో కొంచెం దూరం లో వెళ్ళి ఆగింది....వెను వెంటనే ఆటో డ్రైవర్ ఆటో లో నుంచి దూకి వడి వడి గా రియా వైపు రాసాగాడు.....

కిందపడిన రియా ....లేచి పరుగు అందుకుంది.....ముందు రియా వెనక అతను....అలా పరిగెడుతూ పరిగెడుతూ ఎదురుగా అడ్డొచ్చిన వ్యక్తి ని గుద్దేసి....అలా కిందపడిందో లేదో అక్కడికి వచ్చేశాడు ఆటో అతను.......

రియా దగ్గరికి వస్తూ..."మా అమ్మాయే సార్....."అని రియా ని పైకి లేపబోతుండగా అతని చేతిని పట్టుకున్నాడు ఎదురుగా వున్న వ్యక్తి.....అర్థం కానట్తు ఆశ్చర్యపోయి చూశాడు ఆటో డ్రైవర్...

ఆ వ్యక్తి ఆటో డ్రైవర్ ని చితక బాది...చివరగా రియా కి తన చేతిని అందించాడు........అతని చెయ్యి అందుకుని పైకి లేచిన రియా చంద్రుని వెలుగులో అతని ముఖం చూసి......ఏడుస్తూ అభి ని చుట్టేసింది...అభి కూడా అంతే గట్టిగా తనని అల్లుకుపోయాడు.......

ఒక పది నిమిషాల వరకు ఒకర్ని విడవాలని మరొకరికి ఆలోచనే రాలేదు........

"ఐ యాం సారి రియా.....నువ్వు వైజాగ్ వెళ్ళిన రోజు నేను కూడా నీ వెనకాలే వైజాగ్ వద్దామనుకున్నాను కానీ అప్పుడే నువ్వు ఒక అబ్బాయి కలిసి వున్న పిక్స్ నా ఫ్రెండ్ నాకు వాట్స్ అప్ చేశాడు....అందులో అతను నీ చెయ్యి పట్టుకుని ఏదో అభ్యర్థిస్తున్నట్టు వుంది.....నేనూ ఆ పిక్స్ నమ్మకూడదు అనే అనుకున్నాను కానీ అంతకు ముందు నిన్ను తనతో చూడడం నువ్వు నన్ను ఎవౌడ్ చేయడంతో ఏదో ఫ్రస్టెషన్ లో నిజమని నమ్మేసి....ఫ్రెండ్స్ తో ట్రిప్ కెళ్ళాను అలా అయినా నా నుంచి నీ ఆలోచనలోంచి దూరంగా వుండొచ్చు అని...కానీ 2 రోజులు కూడా వుండలేక తిరిగి వచ్చేశాను...ఈ మధ్య లోనే తెల్సింది ఆ అబ్బాయి నీ ఫ్రెండ్ రాజీ లవర్ అని.....వాళ్లిద్దరికి ఏదో ప్రాబలం వస్తే నిన్ను సహాయం అడిగాడు అని.......అది తెల్సి నా మీద నాకే చాలా కోపం వచ్చింది.......నిన్ను క్షమించమని అడగడానికి కూడ ముఖం చెల్లలేదు.....అందుకే నువ్వు నన్ను అవాయిడ్ చేస్తున్నా లో లోపల బాధపడ్డానే కానీ నీ ముందుకొచ్చే ధైర్యం చేయలేదు....ప్లీస్ నన్ను క్షమించు....."అని చెప్పాడు అభి.

"అభి....ఐ యాం సారీ నేను కూడా నీతో చాలా రాష్ గా వున్నాను...."అని చెప్పింది రియా

అలా వాళ్లిద్దరూ మళ్లీ కలిసిపోయారు........అంటే మామూలుగా మాట్లాడుకోవడం వరకే....రియా కి ఎప్పుడూ అభి పై ఎలాంటి ఫీలింగ్ కలగలేదు.......అలా ఇంకో సంవత్సన్నర గడిచింది.....రియా ఇప్పుడు 3 ఇయర్...అభి ఫైనల్ ఇయర్ చదువుతున్నారు......

ఒకరోజు.......తలుపు బళ్ళున తెరుచుకోవడం తో తల ఎత్తి చూశాడు అభి....ఎదురుగా రియా.....కోపంతో ఊగిపోతుంది....

"హే రియా....ఏమయ్యింది?అలా వున్నావ్?"అడిగాడు అభి

"నువ్వు అమెరికా కి ఎందుకు వెళ్ళట్లేదు....?"అడిగింది రియా

"నాకు ఇంట్రెస్ట్ లేదు....."జవాబిచ్చాడు అభి

"ఇంట్రెస్ట్ లేదా....అబద్ధం చెప్పకు అభి...నువ్వెందుకు వెళ్లనంటున్నావో నాకు రీసన్ తెల్సు.....స్టాప్ బిహేవింగ్ లైక్ ఏ చైల్డ్.....!సరేనా నాకు తెల్సు నీకు ఎం.ఎస్ చెయ్యడం అంటే చాలా ఇష్టం అని.....సో నువ్వు అమెరికా కి వెళ్తున్నావ్ ఎండ్ దట్స్ ఫైనల్..."చెప్పింది రియా

"నీకు రీసన్ తెల్సున్నావ్ కాబట్టి చెబుతున్నా రియా....నేను నిన్ను వదిలి ఎక్కడికి వెళ్లను...యండ్ దిస్ ఈస్ ఫైనల్..."చెప్పాడు అభి......

అభి చెయ్యి లాక్కొని.....తన తల మీద ఒట్టు వెయ్యించుకుంటూ..."నువ్వెళ్లకపోతే నా మీద ఒట్టె ఇంకేమి మాట్లాడకు......"అని అంది రియా

"సరే.....నా కండీషన్ కి నువ్వు ఒప్పుకుంటానంటే...నేను వెళ్తాను....సరేనా...?"అన్నాడు అభి

"హా సరే ఒప్పుకుంటున్నా......."అంది రియా

సరే రా...అని తన చెయ్యి పట్టుకుని హాల్లో కి తీసుకెళ్తుండగా....."ఇంతకీ కండీషన్ ఏంటి...?"అంది రియా.....హల్లొకి రాగానే....రియా వాళ్ల అమ్మా నాన్నలని కూడా పిలిపించి......అందర్నీ కూర్చోబెట్టి......

"నేను-రియా పెళ్ళి చేసుకోవాలనుకుంటున్నాం.........నేను ముందు ఎగేజ్మెంట్ చేసుకొని అమెరికా వెళ్తాను.....తిరిగి వచ్చాక మా పెళ్ళి చెయ్యండి......."అని చెప్పి వాళ్ళ అంగీకారం కోసం ఆగాడు అభి.......

అందరూ హ్యాపీ గా ఫీలయ్యారు ఒక్క రియా తప్ప........కండీషన్ అంటే ఏంటొ అనుకుంది కానీ ఇలా లాక్ చేస్తాడనుకోలేదు..........

ఆ రోజు నుంచి మళ్లీ రియా అభి తో ముందులా వుండలేకపోయింది.........

అలా రెండేళ్ళు గడిచాయి......అభి అమెరికా నుంచి తిరిగి వస్తుండడం తో రియా ఇలా మధ్యలోనే పారిపోయి వచ్చేసింది........

******

"అది అండి విజయ్ గారు.,....నా అతి ప్రేమ స్టోరి........"అని చెప్పడం ముగించి మంచినీళ్ళు గటగటా తాగింది రియా

"వావ్ గ్రేట్ లవ్ స్టోరి "అన్నాడు విజయ్

"ఓహో అవునా...సర్లేండి..."అంది రియా

"అవునూ మీకు అభి అంటే ఎందుకు ఇష్టం లేదండి........?"అడిగాడు విజయ్

"ఇష్టమే ప్రేమ లేదంతే..."అంది రియా

"అదే ఎందుకు........?"అన్నాడు విజయ్

టైం........4:30 అవుతుండగా....రియా ఏదో చెప్పే లోపల.......అభి(టార్చర్) నుంచి కాల్ వచ్చింది.........ఈ సారి రియా కట్ చెయ్యలేదు......ఒక్క రింగ్ కే ఫోన్ ఎత్తింది.......

"నేనంటే ప్రేమ అనుకున్నాను రియా కానీ అది లేదని ఈ రోజే తెల్సింది......నీ మనసులో నా పై నింపుకున్న ద్వేషాన్ని చూస్తుంటే...నా పై నాకే జాలి వేస్తుంది.......కాదు కాదు కోపం వస్తుంది......నీ వల్లే నన్ను నేను ప్రేమించాను రియా కానీ నీ వల్లే ఈ రోజు నన్ను నేను అస్యహించుకుంటున్నా....నా ప్రేమకు బానే వెలకట్టావ్ రియా......థ్యాంక్యూ సో మచ్......థ్యాంక్యూ సో మచ్ ఫర్ యువర్ కన్ సర్న్..........ఐ హేట్ యూ రియా.......బట్ ఐ లవ్ యూ.......!"అని ఫోన్ కట్ చేశాడు అభి.......

"ఏంటి...ఏం చేశావ్ రియా అభి అలా మాట్లాడుతున్నాడు...?"అడిగాడు విజయ్.......

"బహుశా తనకి నా డైరి దొరికి వుండొచ్చు........."అంది రియా

"సరే రియా తనంతలా ప్రేమిస్తుంటే ఒక్కసారి కూడా నీకు ప్రేమించాలనిపించలేదా...?"అడిగాడు విజయ్

"లేదు....అని చెప్పను కానీ కరెక్ట్ గా అనిపించేసరికి నా సోల్ మేట్ నాకు ఎదురయ్యాడు"అంది రియా

"వాట్ ?"షాక్ లో వుండిపోయాడు విజయ్

"హా చూస్తావా నా సోల్ మేట్ ని.........?"అని సెల్ ఓపెన్ చేసింది......తన గ్యాలరీ లో వున్న పిక్ ని చూపించింది........!!!!!!!

[అన్నెపు]

12.ఇది నిజమేనా?!

గ్యాలరీ లోని ఫోటోని చూస్తూనే షాక్ గురయ్యాడు విజయ్.......

మరి షాక్ అవ్వడా...ఆ పిక్ ఎవరిదో కాదు...విజయ్ దే........."రియా.......?ఏంటిది....తమాషా గా వుందా...?"అడిగాడు విజయ్

"లేదు......విజయ్ ఇది నిజమే.....నేను మీ ఆఫీస్ కి ఇంటర్వూ కి వచ్చినప్పుడే నిన్ను చూసి లవ్ చేశాను.........ఆ తర్వాత నిన్ను ఫాలో కూడా అయ్యాను....నా ప్రేమ జస్ట్ అట్రాక్షన్ కాదని నాకప్పుడే తెల్సింది....ఐ రియల్లీ లవ్ యూ...."అని రియా అలా విజయ్ కి ప్రపోస్ చేసింది...ఇలా బస్ బస్టాండ్ లో ఆగింది........

రియా కి ఏమి సమాధానం చెప్పాలో తెలియక లేచి తన బ్యాగ్ తీసుకుని బస్ దిగేశాడు విజయ్.....విజయ్ వెళ్ళిన వైపే చూస్తుండిపోయింది రియా......

*****

ఫ్లాష్ బ్యాక్ లోకి వెళ్తే........

విజయ్ బీటెక్ లో వుండగానే ఒక బిజినెస్ స్టార్ట్ చేశాడు......అది ఒక 3 మంథ్స్ లోనే బాగా పాపులర్ అయ్యింది.....ఈ లోపల తనకి అమెరికా లో ఎం.ఎస్ చదివే ఛాంస్ రావడం తో బిజినెస్ వాళ్ళ నాన్నగారికి అప్పగించి తను అమెరికా వెళ్ళిపోయాడు.......ఆ తర్వాత వచ్చాక.....తన బిజినెస్ కాక వాళ్ల నాన్న బిజినెస్ చూస్కుంటుండగా......వాళ్ల నాన్న చెప్పారు....తన బిజినెస్ ఏ కంటిన్యూ చేయమని...కానీ విజయ్ కి ఇంట్రెస్ట్ లేక వాళ్ళ నాన్న గారి బిజినెస్ లో ఒక బ్రాంచ్ ని చూసుకుంటున్నాడు.......

ఇలా ఒక సంవత్సరం గడిచింది........

ఎప్పటి లాగే ఆరోజు కూడా......ఆఫీస్ కి వచ్చాడు విజయ్......మనసంతా ఏదోలా వుంది......సో వర్క్ ని ఇంస్పెక్షన్ చేస్తూ అలా తిరుగుతుండగా.......ఎవరివో మాటలు వినిపించి అటు వైపు తిరిగి చూశాడు.....

5 ఫీట్ 4 ఇంచెస్ వున్న అమ్మాయి.......కాటుక దిద్దిన కళ్ల తో......ముక్కు కు చిన్న ముక్కెర తో.....ముఖం మీద చిరునవ్వు తో రిసెప్షనిస్ట్ ని తిడుతుంది........ఏదొ పేపర్ చూపిస్తూ..........

ముఖం మీద చిరునవ్వుతో కూడా కోప్పడొచ్చు అని విజయ్ కి అప్పుడే అర్థమయ్యింది......ఆమెని అలానే చూస్తుండిపోయిన విజయ్.......ఆమె బయటకి నడిచిన మరుక్షణం రిసెప్షనిస్ట్ దగ్గరికి వెళ్లి...ఏంటి సంగతి అని అడిగారు......

వాళ్ల కంపెని లో వేరే బ్రాంచ్ కి ఎంప్లాయిస్ కావాలి అని వచ్చిన అడ్వర్టైజ్ మెంట్ చూసి తను ఇక్కడికి వచ్చిందని...అడ్రెస్ ఇది కాదని చెప్పి పంపించానని చెప్పింది రిసెప్షనిస్ట్........

"ఇంతకి తను.....ఏ బ్రాంచ్ కి వచ్చింది......?"అడిగాడు విజయ్.......రిసెప్షనిస్ట్ చెప్పిన సమాధానం తో తను మళ్ళీ తన బిజినెస్ కి వెళ్ళిపోవాలని నిశ్చయించుకుని......హడావిడిగా తన పాత ఆఫీస్ కి వెళ్లాడు......విజయ్ వెళ్ళెసరికి తను రిసల్ట్ కోసం వెయిట్ చేస్తుంది........

వడివడిగా మ్యానేజర్ రూం కి వెళ్ళిన విజయ్....

"మేనజర్ గారు ఆ అమ్మాయి సెలక్ట్ అయ్యిందా...?"అని అడిగాడు విజయ్ ఆ అమ్మాయి ని చూపిస్తూ

"హా అయ్యింది సార్...."చెప్పాడాయన....

ఇక విజయ్ ఆనందానికి అవధులు లేకుండా పోయాయి........

అలా తను ఇంకో నెల రోజుల్లో జాయిన అవుతుంది అని తెల్సుకుని.....ఆ కంపెని కి మారిపోయాడు విజయ్....

కానీ ఆ అమ్మాయి రెండు రోజుల్లో జాయిన్ అవుతుంది అనగా విజయ్ కి అర్జెంట్ మీటింగ్ వుండి వేరే వూరు రావడం తిరుగు ప్రయాణం లో కార్త పాడవ్వడం తో తను బస్ ఎక్కడం అక్కడ్ తను మొదటి చూపులోనే ప్రేమించిన రియా తన పక్కనే కూర్చోవడం....తన పాస్ట్ చెప్పడం........చివరికి విజయ్ ఏ తన సోల్ మేట్ అనడం అన్నీ జరిగిపోయాయి.........

*******

తన కార్ లో వెళ్తున్న విజయ్ కి ఏమీ అర్థం కాలేదు.....రియా తనని ప్రేమించడం ఏంటి......?రియా ని అంతగా ప్రేమించిన ఆ అభి ఎవరు......?అసలు తనెలా వున్నాడొ.....!!!!!అని ఆలోచిస్తూ ఇంటికి చేరాడు విజయ్*****

ఇంటికి చేరిన అభి తన రూం లోకి వెళ్ళి తలుపేసుకున్నాడు........తన రూం లోనే వున్న ఒక సీక్రెట్ రూం లోకి వెళ్ళాడు......ఎటు చూసినా గోడల నిండా రియా ఫోటోలే........వాటినే చూస్తూ........అలానే కూలబడిపోయాడు అభి.........

ఎంత ఏడ్చినా మనసులోని బాధ తగ్గట్లేదు......

"నే చేసిన తప్పేంటి......ప్రాణం కన్నా ఎక్కువగా నిన్ను ప్రేమించడమా...?అసలు నా నేరమేంటి....నువ్వు లేని నన్ను ఊహించుకోలేకపోవడమా....?ఉరిశిక్ష పడ్ద ఖైది ని కూడా ఆఖరి కోరిక తీర్చే ఉరితీస్తారే........అలాంటిది నిన్ను ప్రేమించిన నాకు నువ్విచ్చిన బహుమానం ఇదేనా?????నీతో కలిసి బతకాలి అని ఎన్నేళ్ళ నుంచి కలలు కన్నాను......?ఆ కలల్లొనే ఇన్నేళ్ళు బతికాను......ఏ నువ్వంటే నాకు పిచ్చి అని నీక్కూడా తెల్సు గా...ఒక్క మాట నువ్వంటే నాకిష్టం లేదని చెప్పాల్సింది,....వినకపోతే కొట్టాల్సింది......అలా కాకుండా....ఇలా నానుంచి దూరం గా ఎందుకు వెళ్ళిపోయావ్.........కనీసం నీ ముఖం చూసే అర్హత కూడా నాకు లేదా రియా.........?ఎందుకు రియా....?బతకడానికి ఆశ వి నువ్వై నిలిచి చివరికి నాకు బతుకే లేకుండా చేసావ్.........నేనింక ఎవరి కోసం బతకాలి.....?ఎందుకోసం బతకాలి అని అక్కడున్న కత్తి ని చేతిలోకి తీసుకున్నాడు..........చివరి సారిగా రియా ఫోటో వైపు చూశాడు...........!!!!!!

****

"ఈ విక్రాంత్ ఏంటి ఫోన్ ఎత్తడు.......?"అప్పటికే పది సార్లు కాల్ చేసి విసుగొచ్చిన విజయ్ మనసులో అనుకోసాగాడు........

ఇలా కాదని వాళ్ల అమ్మ కి కాల్ చేసాడు విజయ్

"హలో ఆంటీ...విక్కి కి కాల్ చేస్తుంటే ఎత్తట్లేదు కాస్త ఇస్తారా....?"అని విజయ్ అడగడం తో....."హా సరే ..."అని విక్కి రూం కి వెళ్ళిన ఆవిడ గావు కేక తో విజయ్ కంగారు పడ్డాడు......

"హలో ఆంటీ ఏమయ్యింది....?"అని అరిచాడు

ఇంతలో విక్కి ఫోన్ తీసుకుని......."ఏం కాలేదు లే రా....అమ్మ నా అవతారం చూసి అరిచింది..."అన్నాడు విక్కి

"ఓహ్ అబ్బాయ్ ఎప్పుడొస్తున్నావ్...నీ రాక కై నా కంపెనీ భర్త కోసం ఎదురు చూస్తున్న భార్య లా కళ్ళు కాయలు కాచేలా ఎదురుచూస్తుంది........"అన్నాడు విజయ్

"వచ్చేస్తున్నా.......నాక్కూడా ఇక్కడ ఏమీ బాలేదులే......"అన్నాడు విక్కి

**********

తన ఫోన్ లోని పిక్ చూస్తూ "ఐ లవ్ యూ సో మచ్......."అంది రియా!!!!!!

[అన్నెపు]

13.వెల్ కం

ఆఫీసులో కూర్చుని దీర్ఘంగా ఆలోచిస్తున్నాడు విజయ్......."రియా...కి ఇది ఫస్ట్ రోజు...చక చకా చెప్పిన పనులన్నీ చేస్కుపోతుంది...అఫీసులో సీనియర్స్ కాక తన ఏజ్ వాళ్లంతా అప్పుడే తనకి ఫ్రెండ్స్ అయిపోయారు......ఎందుకవ్వరు...?తన ప్రవర్తన అలాంటిది........

ఆ రోజు కి పని ముగించుకుని......విక్రాంత్ వస్తుండటం తో రైల్వే స్టేషన్ కి బయల్దేరాడు విజయ్......కార్ పంపిస్తాను అన్నా కూడా విక్రాంత్ ట్రైన్ లోనే వస్తానడడం తో ఇలా తనని పిక్ చేస్కోడానికి రైల్వేస్టేషన్ కి వెళ్తున్నాడు.....దారిలో రియా నడుస్తూ కనిపించింది....తన పక్కగా కార్ ఆపి....

"రియా...ఏంటి నడుస్తున్నావ్...?"అడిగాడు విజయ్

"అది....ఆటో దొరకలేదు సార్..."అంది రియా

"సార్ ఆ....నిన్న మామూలు గానే మాట్లాడావ్ గా ఇవాళ ఏమయ్యింది...?"అనుమానంగా అడిగాడు విజయ్

"సారీ సార్...మీరు బాస్ అని తెలియక ఏదేదో వాగేశాను...క్షమించండి..."అంది రియా

"క్షమాపనలు తర్వాత...ముందు కార్ ఎక్కు నేను డ్రాప్ చేస్తాను...."అని అనడం తో..."పర్లేదు సార్..."అంది రియా

"చాలు చాల్లే...నీ మొహమాటం....ఎక్కు..."అనేసరికి ఇక తప్పక కార్ ఎక్కింది రియా

"అవును నువ్వెక్కడికి వెళ్లాలి..."డ్రైవ్ చేస్తూ అడిగాడు విజయ్...చెప్పింది రియా

"ఓహ్ అవునా...నా ఫ్రెండ్ వూరి నుంచి వస్తున్నాడు దారిలో రైల్వే స్టేషన్ లో పిక్ చేసుకుని...ఆ తర్వాత నిన్ను డ్రాప్ చేస్తాను నీకేం పర్లేదు గా ?"అడిగాడు విజయ్

"హా పర్లేదు..."అంది రియా

రైల్వే స్టేషన్ లో........

ట్రైన్ రావడం తోనే విక్రాంత్ వున్న బోగి వైపు పరిగెత్తాడు విజయ్.......విక్కి కూడా విజయ్ కోసం చూస్తూ ట్రైన్ కొంచెం స్లో అవ్వగానే విజయ్ ని చూసి అమితానందం తో కౌగిలించుకున్నాడు........

అక్కడున్న వాళ్లంతా వీళ్ళను వింతంగా చూశారు.......

విజయ్ విక్కి లగేజ్ తీసుకుని మాట్లాడుతూ ఎంట్రంస్ దాకా వచ్చేశాక గుర్తొచ్చింది అతనికి రియా విషయం....

"ఇంతకి తనేది?"అన్నాడు ఒక్కసారిగా విజయ్

"తనెవరు....?"అడిగాడు విక్కి

ఇంతలో రియా ని చూసిన విజయ్..."దేర్ షీ ఈస్ "అని అనడంతో విజయ్ చూసిన వైపు చూసిన విక్కి రియా ని చూసి షాక్ అయ్యాడు........

విక్కి ని చూసిన రియా కళ్ల లోంచి నీళ్లు....అది విక్రాంత్ ఇంకా విజయ్ ఇద్దరూ చూశారు...కానీ విజయ్ మాత్రం ఒక అడుగు ముందుకేసి......"ఏమయ్యింది రియా...?"అడిగాడు తనని

"కంట్లో ఏదో పడింది విజయ్..."ఒక్కసారిగా సార్ నుంచి విజయ్ కి పిలుపు మార్చింది రియా

విక్కి-విజయ్ ముందు కూర్చున్నారు.....రియా వెనక కూర్చుంది.....

"విజయ్ ఇక్కడే అపేయ్యి..."అనేస్రైకి కార్ ఆపాడు విజయ్...

"ఓహో ఇదే నా మీ హాస్టలా....ఒకే టేక్ కేర్ రియా....బై..."అని చెప్పేసి కార్ ముందుకు పోనిచ్చాడు విజయ్.....

"విక్కి రేపటి నుంచి ఆఫీస్ కి వస్తున్నావ్ గా...?"అడిగాడు విజయ్

ఏదో ఆలోచిస్తూ సమాధానం చెప్పలేదు విక్కి..."రేయ్ నిన్నేరా...?ఎక్కడున్నావ్...?'అని విజయ్ మరొక్కసారి అడిగేసరికి..."హా వస్తా లే రా...టైర్డ్ గా వుంది నోర్మూస్కుని ఇంటికి పోనివ్వు ముందు..."అనేసరికి 10 నిమిషాల్లో ఇంటి ముందు వున్నాడు విజయ్

విక్కి కి రూం చూపించి తను కూడా ఫ్రెష్ అప్ అయ్యి డిన్నర్ చేసి నిద్రపోయాడు........

మధ్య రాత్రి లో ఎందుకో మెలకువ వచ్చి......తన రూం లో వాటర్ అయిపోవడం తో కిచెన్ లోకి వెళ్తూ తెరచి వున్న విక్కి రూం వైపు చూశాడు విజయ్....

రూం లో విక్కి లేడు వాష్ రూం కి ఏమైనా వెళ్ళాడెమో అని చెక్ చేస్తే అక్కడ కూడా లేడు....ఇల్లంతా వెతికినా కూడా విక్కి కనిపించకపోయేసరికి తన రూం లో వున్న మొబైల్ కోసం వెళ్ళాడు......

ఫోన్ చేస్తే విక్కి ఎత్తట్లేదు......"ఏమయిపోయాడు వీడు...."అని బయటకి వచ్చి వాచ్ మెన్ ని అడిగేసరికి ...అతను ఇంట్లోంచి ఎవరూ వెళ్లలేదు అని చెప్పాడు........
ఇంతలో విజయ్ ఫోన్ రింగ్ అయ్యింది...

ఫోన్ ఎత్తుతూనే...."రేయ్ ఎదవ ఎక్కిడికి వెళ్ళావ్....?"అన్నాడు విజయ్

"అది నిద్రపట్టకపోతేనూ....బయటకి వచ్చాను...వచ్చేస్తాను లే నువ్వు మరీ సి ఐ డి లా ఎంక్వయిరీ లు చెయ్యకు....అన్నట్టు ఆ వాచ్ మెన్ నేను బయటకి వెళ్లడం చూడలేదు......సో నువ్వు అనవసరంగా అనుమానాలు పెట్టుకోకు...నేను వచ్చేస్తాను...నువ్వేల్లి బొజ్జొ..."అని రెండొ మాట కి తావివ్వకుండా ఫోన్ పెట్టేశాడు విక్కి

"సర్లే..."అని మనసులో అనుకుని తన రూం కెళ్ళి పడుకున్నాడు విజయ్....

మరుసటి వుదయం.....సమయం 6:00 గంటలు....

జాగింగ్ కోసం హాస్టల్ నుంచి బయటకి వచ్చింది రియా....

అలా పక్కనున్న పార్క్ లోకి వెళ్ళి....ఒక 5 రౌండ్లు వేసిన పిమ్మట......అలసిపోయి రొప్పుతుంది....

ఎదురుగా ఒక చెయ్యి బాటిల్ తో ప్రత్యక్షమయ్యింది.....

ఎవరా అది అన్నట్టు చూసింది రియా....ఎదురుగా బాటిల్ పట్టుకుని నిల్చున్నాడు విక్రాంత్....

తన ముఖం చూడ్డం తోనే పక్కకి వెళ్తున్న రియా చెయ్యి పట్టుకుని ఆపాడు విక్రాంత్.....జాగింగ్ చేసి అలసి పోయినట్టున్నారు రియా గారు....నీళ్ళు తాగండి...అన్నాడు విక్రాంత్

తల అడ్దంగా వూపి...చెయ్యి విదిలించికోబుతుండగా రియా చేతి పై పట్టు బిగించాడు విక్రాంత్

[అన్నెపు]

14.టార్చర్

"చెయ్యి వదులూ....."అంది కోపంగా రియా....

ఇంకా గట్టిగా పట్టుకున్నాడు విక్రాంత్....."చెయ్యి వదులు అభి...."అని గట్టిగా అరిచేసరికి...."ఓహ్ నా పేరు కూడా గుర్తుందా నీకు...నా పేరు తో పాటు....నా వల్ల కష్టంగా అలవాటైన జాగింగ్ గుర్తుంది.....నన్ను రాత్రంతా నీ హాస్టల్ బాల్కని లోంచి చూడాలని గుర్తుంది...నేను ఇన్ని రోజుల తర్వాత కనిపించిన వెంటనే ఏడ్వాలనీ గుర్తుంది........నేను నీ ముందుకొస్తే అరవాలని నా నుంచి పారిపోవాలని కూడా గుర్తుంది కానీ నా ప్రేమ మాత్రం నీకు గుర్తులేదు కదా...?బాగుంది రియా....చాలా బాగుంది.....బై...."అని మరో మాట కి తావివ్వకుండా అక్కడ నుంచి వచ్చేశాడు అభి అలియాస్ విక్రాంత్ అభిమన్యు....

అభి వెళ్ళిన వైపే చూస్తుండిపోయింది రియా.....

ఆ రోజు ఆఫీసులో......

వర్క్ చేసి కొన్ని సిగ్నేచర్స్ కోసం విజయ్ దగ్గరికి వెళ్ళింది రియా.....

"హో మిస్ రియా....సిగ్నేచర్ డిపార్ట్మెంట్ నాది కాదు మన ఆఫీస్ కి కొత్తగా వచ్చారు కదా విక్రాంత్...తనది...."అని విజయ్ చెప్పేసరికి ఇబ్బంది గా విక్రాంత్ అభిమన్యు క్యాబిన్ వైపు కదిలింది రియా

"మే ఐ కం ఇన్ సార్..."అంది రియా

"హా..."అని అన్నాడు విక్కి

(నోట్:ఇక నుంచి అభి కి బదులు విక్కి అని రాస్తాను.....ఎందుకంటే అతని పేరు విక్రాంత్ అభిమన్యు కనుక పూర్తి పేరు రాయడం కష్టం కాబట్టి...దయచేసి గుర్తించగలరు)

లోపలికి వచ్చిన రియా ని చూస్తూ...."ఏంటి...?"అన్నాడు సీరియస్ గా....

"అది సార్......ఈ పేపర్స్ మీద మీ సిగ్నేచర్స్ కావాలి..."అంది రియా పేపర్స్ ఇస్తూ...వాటిని చూడనైనా చూడకుండా......రియా ముఖాన విసిరి కొట్టాడు విక్కి....

"మాడిఫికెషంస్ చేసుకుని రా...."అన్నాడు విక్కి...

కిందపడిన పేపర్ లు ఏరుకోని చెదరని చిరునవ్వు తో క్యాబిన్ లోంచి బయటకి వచ్చింది రియా.....ఒక గంట గదిచాక మళ్ళీ విక్కి రూం కి వెళ్ళింది......"సార్....మీ సైన్ "అంది రియా

"ఏంటి ఈ గంట బాగా టైం పాస్ చేశావా...?"అడిగాడు విక్కి

మౌనంగా వుంది రియా......ఆ పేపర్ లు చేతులోకి తీసుకుని....ఈ సెకండ్ పేపర్ లో వున్న కంటెంట్ మార్చు..........నేను నీకో మెయిల్ చేస్తాను...దాన్ని చదివి ఇంకో రిపోర్ట్ చేసుకుని రా......మెయిల్ లో వున్న కంటెంట్ ఎగ్జాట్ గా దింపావనుకో నాకు తెల్సిపోతుంది...మళ్ళీ నీకు వర్క్ పడుతుంది కాబట్టి జాగ్రత్తగా చేసి....మొత్తం అయిపోయాక నా దగ్గరికి తీసుకురా సరేనా...?అని పేపర్స్ తిరిగిచ్చాడు విక్కి

"సరే...సార్..."అని తలూపి వెళ్ళిపోయింది రియా....

ఆ రాత్రి విక్కి తన రూం లోంచి బయటకి వస్తు రియా క్యూబికల్ వైపు చూశాడు తను కనిపించలేదు.......మైండ్ లో తనని ఎలా ఇబ్బంది పెట్టాలో ఆలోచించి పెట్టుకున్నాడు ఆల్రెడీ

మరుసటి వుదయం.......

ట్రాఫిక్ లో ఇరుక్కోవడం వల్ల గంట ఆలశ్యం గా వెళ్ళింది రియా....తను ఆఫీస్ కి వెళ్ళేసరికి ఎవరో తన సీట్ లో కూర్చుని వర్క్ చేస్కుంటూ కనిపించారు........

వెంటనే అతని వద్దకు వెళ్ళింది రియా

"హే....దిస్ ఈస్ మై సీట్..."అంది రియా

"gm ordered me to do my work from here n he asked u to come to his cabin once"అని అతను చెప్పేసరికి ఉడుకుతున్న రక్తం తో విక్కి రూం తలుపు గట్టిగా తోసి.......

"అసలే ఏమనుకుంటున్నారు మీరు...నా ప్లెస్ అతనికి ఎందుకు ఇచ్చారు..."అని అరిచింది రియా

"యూ ఆర్ డిస్ మిస్డ్ మిస్ రియా కృష్ణ" అన్నాడు విక్కి

"బట్ వై....?"అంది రియా

"you have been late to office so obviously u r dismissed"జవాబిచ్చాడు విక్కి

"this is ridiculous"అంది రియా"This is unethical"అంది రియా

"so you r teaching wht is ethical....ho gud....am not in that now you may leave"అని ధీటుగా సమాధానమిచ్చాడు విక్కి

"నువ్వు కావాలనే నా పై పగ తీర్చుకుంటున్నావ్ కదా...?"అడిగింది రియా

"హా అవును....ఏంటి...?"అన్నాడు విక్కి

ఆ మాట జీర్ణించుకోలేని రియా......."నేను నీ నుంచి దూరమవ్వడానికి రీసన్...."అని అనబోయి ఆగిపోయి....ఊహ నుంచి బయటకి వచ్చింది....తనిప్పుడు విక్కి క్యాబిన్ బయట వుంది........

"ఓ మై గాడ్ ...అస్సలు ఇలా మాట్లాడకూడదు రా నాయనోయ్...."అనుకుని "మే ఐ కమిన్ సార్"అని లేని గౌరవం గొంతులో పలుకుతూ అడిగింది రియా

"హా యూ మే..."అన్నాడు విక్కి....అప్పటికే 5 నిమిషాల నుంచి తన క్యాబిన్ బయటే నిల్చున్న తన రాక కోసం ఎదురు చూస్తూ

"సార్..నా సీట్లో వేరే వాళ్ళు కూర్చున్నారు...రీసన్ అడిగితే మిమ్మల్ని కలవమన్నారు....ఎందుకో తెల్సుకోవచ్చా...?"అడిగింది రియా వినయంగా

"హా....మీరు మీకిచ్చిన వర్క్ కంప్లీట్ చెయ్యలేదు......యండ్ ఇవాళ వన్ అవర్ 10 మినిట్స్ లేట్ గా వచ్చారు...సో అందుకే....."అన్నాడు విక్కి

"సార్ మరి నేనక్కడ కూర్చోవాలో చెబుతారా...?"అంది రియా

"హా ....మీ ఇరెగ్యులారిటీ కి పనిష్మెంట్ గా రూం నెంబర్ 6 లో కూర్చోండి.....నో యూ మే లీవ్..."అన్నాడు విక్కి....

"వామ్మొ ఏం ఫిట్టింగ్ పెడతాడో "అనుకుని....ఆ రూం లోకి వెళ్ళింది రియా

అదో బూత్ బంగళ లా వుంది.......చచ్చాను రా భగవంతుడా అనుకుంది రియా....!

"సరే చేసేదేముంది....ఇక తప్పదు లే" అని అక్కడే కూర్చుని తన వర్క్ చేస్కోసాగింది రియా....ఇంతలో అక్కడికి వచ్చిన విజయ్ తనని చూశాడు....

ఏవో ఫైల్స్ తో కుస్తీ పడుతుంది తను......ఎంత ముద్దుగా వుందో.....తనని అలా చూస్తుండగానే....ర్యాక్ లో నుంచి ఫైల్స్ తియ్యబోయ్ అన్నిటినీ హ్యాండిల్ చెయ్యలేక వాటి తో సహా కింద పడింది రియా...

సహాయం చేద్దామని వెళ్ళబోయ్ కూడా రియా ని చూసి ఆగిపోయాడు విజయ్.....

కిందపడిన రియా......ముందు చేసిన పని తనని ఎవరూ చూడలేదు కదా అని అటూ ఇటూ చూడడం...ఎవరూ చూడలేదనుకుని..."హమ్మయ్య...."అనుకుంది...అతి కష్టం మీద లేచిన రియా....తిరిగి తన పని చేస్కోసాగింది....

మధ్యాహ్నం.....

క్యాంటీన్ లో...

"ఏంటి రియా మార్నింగ్ నుంచి కనిపించనే లేదు....?"అడిగాడు వంశి....

"అది నాకోసం స్పెషల్ గా క్యాబిన్ వేసారు లే....."అని నాలుక కరుచుకుంది రియా ఎదురుగా వచ్చిన విజయ్-విక్కి ని చూసి

"విజయ్ సార్ మీరేంటిక్కడ....?"అందరూ ఒక్కసారిగా ఆశ్చర్యపోయారు......రియా మాత్రం "చచ్చాను రా భగవంతుడా...."అనుకుంది.....విక్కి మాత్రం రియా వైపే కోపంగా చూస్తున్నాడు.......

"ఏం లేదు...విక్రాంత్ క్యాంటిన్ లో తిందాము అంటె ఇలా వచ్చాము..యూ గాయ్స్ క్యారీ ఆన్...."అని విజయ్ చెప్పి విక్కి తో పాటు ముందుకి నడిచాడు,.....

వరుణ్:రియా...నీ మోచేతి కి ఏమయ్యింది...?

"ఏమయ్యింది...?"అని అటూ ఇటూ చూస్కుంది రియా....మోచేతికి చిన్న గాయమై లైట్ గా రక్తం వస్తుంది....

"ఇట్స్ బ్లీడింగ్"అంది వినయ

ఆ మాట వినడం తోనే వెనక్కి తిరిగాడు విజయ్....ఈ లోపు రియా దగ్గరకొచ్చిన విక్కి తన చెయ్యి పట్టుకుని "ఫస్ట్ ఎయిడ్..."అని అరవడంతో అలర్టయిన విద్య...వెంటనే ఫస్ట్ ఎయిడ్ కిట్ తీసుకొచ్చి విక్కి కి అందించింది......అది తీసుకున్న విక్కి కట్టు కట్టి....ఏ ఎక్స్ ప్రెషనూ లేకుండా మళ్ళీ విజయ్ వద్దకు వచ్చి..."పదరా...వెళ్దాం..."అని వెళ్ళిపోయాడు.......

"వావ్...ఎంత కేరింగో..........హీ ఈస్ సో కూల్..."అంది వినయ

"చాలాపు..."అన్నాడు వంశి

"నీకు కుళ్ళురా....కుళ్ళు...."అంది వినయ

"నాకు కుళ్ళెంటమ్మా....?అయినా అందులో కేరింగ్ ఏముంది.....మనమైనా చేసే వాళ్ళమే కదా ఫస్ట్ ఎయిడ్.....ఇందులో ఏమంత వింత వుందని...."అడిగాడు వరుణ్

"నీకు అర్థం కాదులే...."అని తేల్చేసింది విద్య
అందరూ ఎవరి పాటికి వాళ్ళు వాళ్ళ ఒపీనియన్ చెప్పారే గానీ రియా కట్టు కడుతున్నప్పుడు విక్కి కళ్ళలో నీళ్ళు తిరగడం....విక్కి వెళ్ళాక వాళ్ళు మాట్లాడుతున్నప్పుడు రియా కళ్ళలోని నీటి చెమ్మ ఎవరూ గుర్తించలేదు.........!!?

***

[అన్నెపు]

15.అదేంటో...!

"విక్కి నీకో విషయం చెప్పాలిరా....ఏమనుకోవుగా?"అడిగాడు విజయ్

"బాబోయ్....మీరు మీకు సీనియర్ అండి మీరేమైనా చెప్పొచ్చు మేమేం అనుకుంటాం..."అన్నాడు నవ్వుతూ విక్కి

"అది...రియా ని తన క్యూబికల్ లోనే వుండనివ్వురా....పాపం అక్కడ చాలా అవస్థ పడుతుంది చూశావ్ గా తన్ చేతికి దెబ్బ కూడా తగిలింది..."అన్నాడు విజయ్

"ఈ విషయం ఐతే నాతో మాట్లాడొద్దు...."అని అక్కడ నుంచి లేచి వెళ్ళిపోయాడు విక్కి.....

మధ్యాహ్నం రౌండ్ స్టార్ట్ అయ్యింది......

"ఏదో తీక్షణంగా ఆలోచిస్తుంది రియా....."అలా ఆలోచిస్తున్న రియా ని అటు వైపు గా వెళ్తున్న విక్కి చూసి...."ఈ సారి.....ఎవర్ని బాధ పెట్టడానికి స్కెచ్ వేస్తున్నారు మేడం...?"అడిగాడు తన దగ్గరికి వచ్చిన విక్కి

గాయపడ్డట్టు ఒక లుక్కించ్చింది రియా.....

"ఓహో చేసేదీ మీరే.,.....చూసేదీ మీరేనా....?అన్నీ మీరే చేసేస్తే....ఇక నేనేం చేయాలి...?"చేతులు కట్టుకుంటూ అడిగాడు విక్కి

"చెయ్యాల్సింది చేసారు గా...?ఇక్కడి కి నన్ను షిఫ్ట్ చేసి...."సీట్లోంచి లేస్తూ చెప్పింది రియా

"మీరు చేసిన దానితో పోలిస్తే ఇది చాలా తక్కువ మేడం....అప్పుడే మర్చిపోయారా...?"అడిగాడు విక్కి

"సార్.,...మీ పర్సనల్ విషయాలు ఆఫీస్ లో మాట్లాడొద్దు.....మీకు నాకు ఏమైనా వుంటె....బయట చూస్కోవాలి కానీ ఇలా చెయ్యడం ఏమీ బాలేదు......మనుషులుంటారా ఇక్కడ అస్సలు...."అంది రియా

"డోంట్ యూ డేర్ టూ స్పీక్ ఎబౌట్ మై డెసిషంస్...నువ్వు తప్పు చేశావ్....దానికి నేను శిక్ష వేశాను......నీ మీద గ్రడ్జ్ తో చేయ్యడానికి నాదేమి నీలా చీప్ మెంటాలిటి కాదు......"అన్నాడు కోపంగా

"సార్...యూ ఆర్ క్రాసింగ్ యువర్ లిమిట్స్..."అంది రియా అతని మాటకి....

"ఐ విల్ సీ యూ ఇన్ ద ఈవినింగ్...."అని అక్కడ నుంచి కదిలాడు విక్కి

సాయంత్రం....7:30

తన పని ముగించుకుని...ఆఫీస్ బయటకి వచ్చిన రియా ని పక్కకి లాగాడు విక్కి

"ఇందాకా ఏదో వాగావ్ కదా ఏది ఇప్పుడు వాగు "అన్నాడు విక్కి రియా చెయ్యి మీద పట్టు బిగిస్తూ

"నాకు మీతో మాట్లాడాల్సిన అవసరం లేదు..."అంది వెళ్ళబోతూ....కానీ విక్కి గట్టిగా లాగేసరికి.....గోడకి అతుక్కుంది రియా...తను ఎటూ పోకుండా....తన చేతులని అడ్డుపెట్టి..."యూ హావ్ టూ టాక్ డ్యామిట్..."ఆల్మోస్ట్ అరిచాడు విక్కి

"నా బిహేవియర్ ని చీప్ అన్నవాళ్ళంతా మాట్లేడేంత స్థాయికి నేను ఇంకా దిగజారలేదు..."అతని ముఖం చూడకుండా జవాబిచ్చింది రియా

"అబ్బో స్థాయి.....నువ్వు మాట్లాడుతున్నావా దాని గురించి....?"హేళనగా నవ్వాడు విక్కి

ఒక సీరియస్ లుక్కించింది రియా

"తప్పు చేసి ఆ చూపేంటే...?"కోపంగా అన్నాడు విక్కి

"మర్యాద ఇచ్చి మాట్లాడు అభిమన్యు..."అంది రియా

"నేను మాట్లాడాను....నేను నా పెళ్లంతో ఇలానే మాట్లాడతాను "అన్నాడు విక్కి

"ఎవరు నీకు పెళ్ళాం....నువ్వు వదిలించుకోవాలనే కదా ఇంత దూరం వచ్చాను...మళ్ళి దాపరించావ్ శని లాగా..."అంది రియా

"నువ్వు అవునన్నా-కాదన్నా నువ్వే నా పెళ్ళాం......దానికి సాక్ష్యం నీ చేతికి వున్న ఆ వుంగరం.....నిశ్చితార్థం అయితే సగం పెళ్ళి అయిపోయినట్టె....."అన్నాడు విక్కి

"ఏ కాలం లో వున్నావ్....నిశ్చితార్థం జరిగిన అన్ని జంటలకి పెళ్ళిళ్ళు అవుతున్నాయా....?"అంది వెటకారంగా రియా

"అవ్వాల్సిన అవసరం లేదు....కానీ నీకు నేను అంతగా ఇష్టం లేకపోతే....నేను తొడిగిన వుంగరం నువ్వెందుకు వుంచుకున్నావ్ తీసి పడయొచ్చు గా...."అన్నాడు విక్కి

వెంటనే తన చేతికి వున్న వుంగరం తీసి విక్కి చేతిలో పెట్టి...ముందుకు నడిచిన రియా....చెయ్యి పట్టుకుని దగ్గరికి లాక్కున్న విక్కి...."ఇది తీసిచ్చావ్ సరే....మరి ఆరోజు నీకు-నాకు మధ్య జరిగింది నీ మనసులోంచి ఇంత తేలికగా తీసేస్తావా....?నా మీద ఏ ఫీలింగ్ లేకుండా.....నాతో అలా...?"అని చెబుతుండగా.....

"విక్కి..."అన్న విజయ్ గొంతుకి ఇద్దరూ ఎలర్ట్ అయ్యారు.......!!!

***

[అన్నెపు]

16.మాట రాని మౌనమిది....

"విక్కి...విక్కి..."అని పిలుస్తూ వస్తున్నాడు విజయ్ ...

వెంటనే రియా ని వదిలేసి ముందుకు కదిలాడు విక్కి.....ఎదురుగా వస్తున్న విక్కి ని చూసిన విజయ్...."ఇక్కడేం చేస్తున్నావ్ రా....?"అని అడగడం తో ..."ఏం లేదు....పద "అని విజయ్ తో పాటు ముందుకి నడిచాడు....

కాని విజయ్ కళ్ళు ఎవరి కోసమో వెతకడం చూసిన విక్కి..."ఎవరి కోసం వెతుకుతున్నావ్....?"

"అది.....తను.....అదే రియా....పాపం సిటీ కి కొత్త కదా.....అందుకే తన కోసం చూస్తున్నాను..."అని విజయ్ చెప్పడం తోనే మారు మాట్లాడకుండా ముందుకు నడిచి కార్ డొర్ ఓపెన్ చేసి......విజయ్ కోసం చూడకుండా ముందుకు పోనిచ్చాడు కార్ ని....

విజయ్ చేష్టలుడిగి చూస్తుండిపోయాడు....

ఇంతలో అక్కడికి వచ్చిన రియా...."గుడ్ ఈవినింగ్ సార్..."అంది

షాక్ లో వున్న విజయ్ ఏం మాట్లాడలేదు...."సార్...ఎనీథింగ్ రాంగ్...?"అని అడగడం తో ఈ లోకం లోకి వచ్చిన విజయ్...."నథింగ్ రియా....నువ్వింకా వెళ్లలేదా...?"అడిగాడు...

"వెళ్తే మీ ముందెలా వుంటాను సార్..."అంది రియా

"అబ్బా నువ్వా సార్ అనడం ఆపు రియా...."అన్నాడు విజయ్....

"వామ్మొ ఇంకేమైనా వుందా విక్రాంత్ సార్ విన్నారంటే నాకు మళ్ళీ పనిష్మంట్ ఇస్తారు.....వూప్స్....మీరు ఆయన ఫ్రెండ్ కదా...?ప్లీస్ ఆయనకి చెప్పకండి...మీకు పుణ్యం వుంటుంది...."అంది వేడుకోలుగా రియా

"పుణ్యాలు పాపాలు నాకెందుకు లేమ్మా....కొన్ని క్వశ్చింస్ అడుగుతాను సూటిగా చెప్పు సుత్తి లేకుండా....సరేనా...?"అడిగాడు విజయ్

"అయ్యొ నేను స్ప్రైట్ తాగనండి...."అంది రియా

"ఇదే ఇదే వద్దు అనేది.....ఐ రియల్లీ వాంట్ సం థింగ్స్ టు బి సార్ట్ ఇట్ అవుట్....."అని ముందుకి నడిచాడు....విజయ్....అతని వెంటె నడిచింది రియా....అలా ఇద్దరూ నడుచుకుంటూ ఇద్దరూ వెళ్తున్నారు.....కోపం తగ్గిన విక్కి విజయ్ కోసం వీధి చివర వెయిట్ చేస్తూ వున్నాడు.....ఎంత సేపటికి విజయ్ రాకపోవడం తో అతనెప్పుడు వస్తాడా అని రేర్ వ్యూ మిర్రర్ లో చూస్తున్న విక్కి రోడ్డు పై మాట్లాడుకుంటూ వస్తున్న వాళ్ళిద్దరినీ చూసి...కోపాన్ని అనుచుకోలేక అక్కడ నుంచి బయట పడ్డాడు....

"విజయ్ చెప్పు.....ఏం మాట్లాడవేంటి...?"అడిగింది రియా

"ఏంటి ఏమన్నావ్...?"అడిగాడు విజయ్

"అదే ఏదో మాట్లాడాలి అన్నావ్ గా మాట్లాడు అంటున్నా..."అంది రియా

"అది కాదు దానికి ముందు..."అడిగాడు విజయ్

"అది....నీ పేరు పిల్చాను...విజయ్ అని...నువ్వె గా పేరు పెట్టి పిలవమన్నావ్...?"అంది అర్థం కాని రియా

"లేదు....సడన్ గా నువ్వలా పిలిచేసరికి కొత్తగా అనిపించింది లే...కాని అడగేస్తున్నా..."అన్నాడు విజయ్

"అడగండి మహాప్రభు" అంది రియా

"ఆ రోజు నువ్వు బస్ లో చెప్పిందంతా నిజమేనా?"అడిగాడు విజయ్

"హా నిజమే...అభి నన్ను లవ్ చేయడం...నాకు అలాంటి వుద్దేశం లేకపోవడం..."అంది రియా

"అది కాదు...."అన్నాడు ఒక్కసారిగా

"మరి ఏంటి...?"అంది రియా నవ్వు దాచుకుంటూ

"రియా...ఎలా చెప్పాలి నీకు....?యూ సెడ్ దట్ యూ లవ్ మి....ఈస్ ఇట్ ట్రూ...?"అన్నాడు విజయ్ ఐస్ ని బ్రేక్ చేస్తూ

"హిం....."అంది రియా

"అంటె ఎంటి...?"అన్నాడు టెంషన్ తట్టుకోలేక

"ఆ రోజు మిమ్మల్ని ఆఫీస్ లో చూసి లవ్ చేశాను...కాని నాకప్పుడు తెలీదు మీరు ఈ కంపెని ఓనర్ అని....ఐ థాట్ యు వర్ ఏ ఎంప్లాయ్.....బట్ ఐ వాస్ రాంగ్...సో "అంది రియా

ఆమె మాటలు తట్టుకోలేని విజయ్...కొంచెం సీరియస్ గా"ఆ రోజు నువ్వు చెప్పింది నిజమా కాదా...?"అడిగాడు విజయ్

"విజయ్ చెయ్యి పట్టుకున్న రియా....."వాట్ ఐ హ్యావ్ సెడ్ యూ ఈస్ ట్రూ ఐ లవ్ యూ....యండ్ ఐ స్టిల్ డూ....కాపోతే.....ఐ యాం నాట్ రైట్ ఫర్ యూ అని అనిపించింది....ఎందుకంటే ఆ రోజు నేను నీకు ప్రపోస్ చేశాక నువ్వు నాకు కనిపించకుండా వెళ్ళిపోయావ్...సొ ఐ హ్యావ్ డిసైడెడ్....సొ ఈ మ్యాటర్ ఇక్కడితో వదిలేస్తే బెటర్ విజయ్...ఐ విల్ బి యూ యువర్ ఎంప్లాయి....యండ్ యూ ఆర్ మై బాస్....నా హాస్టల్ వచ్చేసింది...సీ యూ గుడ్ నైట్"అని అక్కడ నుంచి వెళ్ళిపోయింది రియా.....ఆ రాత్రి.......

విజయ్ ఆలోచనలన్ని రియా మాటల్లోనే ఆగిపోయాయి.....ఆ రోజు నేను వచ్చేసి తప్పు చేశానా...?అని....అక్కడ రియా ఏమొ విక్కి అన్న మాటనే గుర్తుతెచ్చుకోని కుమిలి పోసాగింది....ఇక్కడ విక్కి తన రూం లో కూర్చుని అంత క్రితం వాళ్ళిద్దరు చనువుగా మెలిగిన సంఘటననే గుర్తు తెచ్చుకోగా.......అక్కడున్న గ్లాస్ ని కోపంగా చేత్తోనే పగలగొట్టాడు....ముగ్గిరిలోనూ అలజడి....!!!!!

[అన్నెపు]

17.నీకెందుకు...?

గ్లాస్ పగిలిన శబ్దం తో పక్క రూం లో వున్న విజయ్ పరిగెత్తుకుంటూ వచ్చేసరికి....విక్కి చెయ్యి రక్తమోడుతుంది...

"ఏంటి రా ఇది....?"అని అక్కడికి వచ్చిన విజయ్....వెంటనే తన రూం కి వెళ్ళి ఫస్ట్ ఎయిడ్ తీసుకురావడానికి వెళ్ళాడు...ఇంతలో......"నువ్వంటే ప్రాణమని నీతోనే లోకమని నువు లేని బ్రతుకంటే బ్రతికేది ఎందుకని..."అంటూ ఫోన్ మోగడం తో.....వెంటనే చూసిన విక్కి కి స్క్రీన్ పై రియా ఫోటొ కనిపిస్తూ వైఫీ(wify(wife)) అని వచ్చింది....

అంతే ఇంటి నుంచి బయటకి నడుస్తూ రోడ్డు మీద నడుస్తూ వెళ్తూ ....ఫోన్ లిఫ్ట్ చేశాడు.....

"ఆభి...ఆర్ యూ ఆల్రైట్...?"అంది రియా

"హూ ఈస్ దిస్...?"అన్నాడు విక్కి

"దిస్ ఈస్ రియా.....నీకు ఎలా వుంది...?"అడిగింది రియా

"నువ్వు చేసిన ఫేవర్ కి ఆనందం తో వుబ్బి తబ్బిబ్బు అవుతున్నా...నీకు కూడా అదే కావాలిగా"అడిగాడు విక్కి

"అది కాదు అభి.....నువ్వు బానే వున్నావ్ గా ఫిజికల్లి.....నీకేమి కాలేదు గా...?"అడిగింది రియా

"మనసుని ఎలానో చంపేసావ్...ఇక శరీరం గురించి నీకెందుకు చెప్పు...?"అడిగాడు విక్కి

"ష్......అభి....ప్లీస్ డోంట్ టాక్ లైక్ దట్...ఒక్కసారి ఇంటి నుంచి బయటకి రాగలవా..నీతో మాట్లాడాలి..."అని అడిగింది రియా

"మీ హాస్టల్ బయటే వున్నాను...రా వచ్చి మాట్లాడు..."అని విక్కి చెప్పేసరికి పరుగున బయటకొచ్చిన రియా కి విక్కి చేతినుంచి రక్తం కారుతూ కనిపించింది.....

రావడం తోనే...."అభి..."అని అతని చేతిని తన చేతిలోకి తీసుకోబోతుండగా చేతిని వెనక్కి విదిలించాడు విక్కి

"అభి....పిచ్చా నీకు..చిన్నపిల్లాడిలా చెయ్యకు...."అని తన చున్ని చింపి కట్టు కట్టింది రియా.....

"లిసన్ అభి...నువ్వంటే నాకిష్టమే....కానీ ప్రేమ కాదు...చిన్నప్పటి నుంచి చూస్తున్న నీపై నాకు అలాంటి ఫీలింగ్ ఎప్పుడు కలగలేదు.....అదీ కాక నీ కేరింగ్ అభి....ఐ రియల్లి కాంట్ బేర్ ఇట్......చాలా ఇబ్బందిగా ఫీల్ అయ్యేలా చేస్తుంది.,....అందుకే నేను నీ నుంచి దూరం అయ్యాను...ఇదంతా నువ్వు నన్ను తప్పుగా అనుకుంటున్నావని చెప్పట్లేదు....నా వల్ల నీకేమి ప్రాబలం కాకూడదని చెబుతున్నా....నీకిది వినడానికి కష్టం గా వున్నా....నేను నా పార్ట్ నర్ ఎలా వుండాలి అని కోరుకున్నాను అచ్చం అలానే నాకు కనిపించారు...యండ్ ఐ రియల్లీ లవ్ హిం.....యండ్ ఇంకో విషయం తను ఎవరో కాదు హీ ఈస్ విజయ్...."అని ముగించింది రియా

ఒక్కసారిగా షాక్ ,బాధ ఒకేసారి విక్కి పై విక్కి మనసు పై దాడి చేసి....అప్పటి దాకా ఎక్కడొ దాగి వున్న హోప్ ని పటాపంచలు చేశాయి.....ఈ క్షణమే చనిపోతే ఎంత బాగుటుందో అని అనిపించేలా చేశాయి.......

ఏ ప్రళయమో వచ్చి తన ప్రాణాన్ని హరించివేస్తే ఎంత బాగుంటుందో అనిపించింది......

అంత ఇంక రియా చెప్పే మాటలేవి చెవులకి వినపడలేదు.......అలానే రోడ్డు పై తిరుగుతూ వుదయాన్నే ఇల్లు చేరాడు...అతను ఇంటికి చేరేసరికి.....విక్కి వాళ్ళ అమ్మా-నాన్న వచ్చి వున్నారు.....విక్కి కూడా వారిని చూసి కూడా చూడనట్టు....ముందుకు కదిలి....స్పృహ తప్పి కిందపడ్డాడు......

ఒక వారం తర్వాత.....

ఎన్నడూ లేని ఉత్సాహం తో అఫీస్ లోనికి అడుగుపెట్టాడు విక్రాంత్ అభిమన్యు....అందరూ అతన్ని విష్ చేస్తున్నారు.........అందరికి చిరునవ్వు తో సమాధానమిచ్చి.....చివరగా మిగిలి వున్న క్యూబికల్ దగ్గరికి వచ్చేసరికి అక్కడ ఖాళీ చెయిర్ అతన్ని వెక్కిరించింది.......

అయినా అదేమి పట్టించుకోకుండా....తన పనిలో తాను మునిగిపోయిన విక్కి దగ్గరికి లంచ్ బ్రేక్ లొ వచ్చాడు విజయ్

"హౌ ఆర్ యూ ఫీలింగ్ నౌ రా...?"అడిగాడు విజయ్

"బెటర్..."అని చిరునవ్వు తో సమాధానమిచ్చిన విక్కి ని చూసిన విజయ్...గొంతు సవరించుకుంటూ..."నీకో విషయం చెప్పాలి....."అని మొదలుపెట్టి.....విక్కి ఎటెంషన్ కోసం వెయిట్ చేయసాగాడు....

"హా చెప్పు...."అన్నాడు విక్కి విజయ్ ముఖం చూస్తూ

"ఐ యాం ఇన్ లవ్ విత్ సం వన్.....తనకి ఇవాళ ప్రపోస్ చేద్దామనుకుంటున్నాను...."అని ఆగాడు విజయ్
"కంటిన్యూ..."అన్నాడు విక్కి ఎక్స్ ప్రెషన్ మార్చకుండా

"ఎవరని అడగవా...?"అడిగాడు విజయ్

"చెప్పు...లేటెందుకు..."అన్నడు విక్కి

"షి ఈస్ రియా....తనని చూడగానే నేను లవ్ చేశాను...ఈ కంపెని కి మారింది కూడా తను ఇక్కడ జాయిన్ అయ్యింది అనే.,....ఒకరోజు ఒక పని మీద వాళ్ల వూరు వెళ్ళి వస్తుంటె....తనది నా పక్క సీటే..అప్పుడే తను తన పాస్ట్ గురించి చెప్పింది...ఒక అబ్బాయి తనని సింసియర్ గా లవ్ చేశాడు....కాని తనకి ఆ అబ్బాయి మీద ఎటువంటి ఫీలింగ్స్ లేవు....కాని నేను ఒక అబ్బాయి ని కదా ఆ అబ్బాయి లవ్ కి కనెక్ట్ అయ్యాను...ఇం తలో తను నాకు ప్రపోస్ చేసేసరికి ఏం చెప్పాలో అర్థం కాక ఆ టైం లో తప్పించుకున్నాను...కానీ ఇప్పిడిప్పుడె అర్థం అవుతుంది...ఇందులో తన తప్పేముంది....అని....తనంటే నాకెలాగో ఇష్టం....సో ఇవాళ చెప్పేస్తాను..."అని చెప్పి విక్కి రెస్పాంస్ కోసం చూశాడు విజయ్

"చెప్పు...రా దానిలో ఏముంది...?"సింపుల్ గా ఆ మ్యాటర్ ని తేల్చేశాడు విక్కి....

"నువ్వు నాతో పాటు వస్తావ్ గా...?సపోర్ట్ కి...?"అడిగాడు విజయ్

"ఒకే...వస్తాను.."అని చెప్పాడు విక్కి

ఆ సాయంత్రం......

విజయ్ ఏదో మాట్లాడాలి రా అనడం తో......ఆ ప్లేస్ కి వచ్చి వెయిట్ చేస్తుంది రియా....ఇంతలో విజయ్ కార్ రానే వచ్చింది....విజయ్ కార్ దిగి రియా వైపు రాసాగాడు.....విక్కి కార్ లోనే వుండిపోయాడు

"రియా.....నిన్ను చూసిన మొదటి క్షణం లోనే నేను నీతో ప్రేమ లో పడిపోయాను.....నువ్వంటే నాకు చాలా ఇష్టం...మరి అంత ఇష్టం పెట్టుకుని నువ్వు ప్రపోస్ చేసినప్పుడు నేనేందుకు యాక్సెప్ట్ చెయ్యలేదు అనే డౌట్ నీకు రావొచ్చు...ఆ రోజు నువ్వు నాకు అభి గురించి చెప్పినప్పుడు.....నువ్వు చేసింది రాంగ్ అనిపించిండీ...ఎంతైనా నేనూ ఒక అబ్బాయినే కదా అలానే ఆలోచించాను....కాని మొన్న నీతో మాట్లాడినప్పుడే నా తప్పేంటొ నాకు తెల్సి వచ్చింది.,.....ఐ డోంట్ వాంట్ యూ మిస్ యూ రియా....ఐ లవ్ యూ..."అని చెప్పి ఆమె సమాధానం కోసం చూశాడు.....

ఏదో చెబుదామనుకుని కార్ వైపు చూసిన రియా..."మీతో పాటు ఎవరైనా వచ్చారా...?"అని అడిగింది

"హా విక్కి...."అన్నాడు విజయ్

"విజయ్...."అని స్టార్ట్ చేస్తుండగా ఇంతలో కార్ దిగి తమ వైపు వస్తున్న విక్కి కనిపించాడు.....

విజయ్ చేయి పట్టుకున్న రియా....తన మనసులో మాట చెప్పెసింది...."ఐ లవ్ యూ టూ..."అని...ఆ మాట వినడంతోనే ముందుకు వెయ్యాల్సిన అడుగుని వెనక్కి వేశాడు విక్రాంత్ అభిమన్యు

[అన్నెపు]

Mee visleshanatmaaka vivarana baagundi vicky master garru

[అన్నెపు]

18.ఎవాయిడ్

వెంటనే కార్ లోకి వెళ్ళి కూర్చున్నాడు విక్కి....ఆనందం పట్టలేని విజయ్...రియా ని గట్టిగా హత్తుకోని......ఆ శుభవార్త ని విక్కి కి చెప్పడానికి పరుగుతీశాడు....

"రియా మనం రేపు కలుద్దాం..."అని పనిలో పనిగా చెప్పేశాడు,..

కార్ ఎక్కుతూనే.....విక్కి.......అని విక్కి ని గట్టిగా చుట్టేశాడు......."ఐ యాం సో హ్యాపి రా......ఫైనల్లీ తను ఒప్పుకుంది....."అని చిన్నపిల్లాడిలా ఆనంద పడిపోయడు.....విక్కి కూడా విజయ్ ఆనందం తో శృతి కలిపాడు......

మరుసటి రోజు

సాయంత్రం 5:00

ప్లేస్ ఎయిర్ పోర్ట్

"ఐ యాం సారీ రియా...నాక్కూడా నీతో టైం స్పెండ్ చెయ్యాలనే వుంది...కాని ఇలా ఎమర్జంసీ వస్తుంది అనుకోలేదు.......ఐ విల్ మిస్ యూ వెరీ బ్యాడ్లీ..."అని చెప్పి వీడ్కోలు పలికాడు విజయ్....

విజయ్ ఏదో ప్రాజక్ట్ పని మీద ఆస్ట్రేలియా వెళ్ళాల్సి వచ్చింది......

ఆ మరుసటి రోజు

"మిష్టర్ వరుణ్...కెన్ యూ బ్రింగ్ ద ప్రాజెక్ట్ ఫైల్...."అని అడగడం తో ఫైల్ తీసుకెళ్తున్న వరుణ్ కి అర్జెంట్ గా రమ్మని ఫోన్ రావడం తో.....అక్కడె వున్న రియా కి ఆ ఫైల్ అప్పగించి......తను వెళ్ళిపోయాడు వరుణ్

"మే ఐ కం ఇన్ సార్...?"ఫైల్ పట్టుకుని వచ్చిన రియా అడగడం తో...."కం ఇన్..."అని విక్కి చెప్పేసరికి ఒక్కో అడుగు వేస్తూ వెళ్ళింది రియా

తనెందుకాలా నడుస్తుందో అర్థం కాని విక్కి తన కాలి వైపు చూశాడు...ఫ్రాక్చర్ అయ్యి కనిపించింది....ఒక్కసారిగా మనసులో ఏదో తెలియని అలజడి....రెండు రోజుల నుంచి గమనించలేదు తనని...అంటె....వారం తర్వాత తను ఆఫీస్ కి వచ్చినప్పుడు రియా ఆఫీస్ కి ఎందుకు రాలేదు విక్కి కి వెంటనే అర్థమయ్యీంది......మనసంతా ఏదొ గిల్టి ఫీలింగ్ తో నిండిపోయిన మరుక్షణం...తను మరొకరి సొంతం అనే ఆలోచన మనసును గునపంతో గుచ్చినంత గట్టిగా ఙపకం వచ్చేసరికి....కన్ సర్న్ ప్లేస్ లో కోపమొచ్చి యాడ్ అయ్యింది.....

"వరుణ్ అంటే మీరా...?"అడిగాడు విక్కి సీరియస్ గా ముఖం పెడుతూ

"అంటే...అభి అది...."అని నాలుక కరుచుకుంది రియా

"ఇట్స్ సార్ ఫర్ యూ మిస్ రియా...."ఆల్మోస్ట్ అరిచాడు విక్కి

"ఐ యాం సారీ సార్.....అతనికి ఏదో అర్జెంట్ పని పడి నన్ను ఈ ఫైల్ ఇవ్వమన్నారు......."అంది రియా

"వాట్ ఎవర్.......జస్ట్ గెట్ ద హెల్ అవుట్ ఆఫ్ హియర్..."అని విక్కి అరిచేసరికి రియా అక్కడ నుంచి కదిలి వెళ్ళబోతుండగా....."మరి ఫైల్ ఎవరిస్తారు...మీ బదులు ఇంకొకరు తీసుకు వస్తారా....?"అని అరిచేసరికి వెనుదిరిగి ఫైల్ టేబుల్ మీద పెట్టి క్యాబిన్ బయటకి వచ్చింది....

ఆ సాయంత్రం...

"అభి నా మీద చాలా కోపంగా వున్నాడు....ఇది ఒకందుకు మంచిదే లే ఇలా అయినా తన బాధ నాకు తప్పుతుంది..."అని అనుకుంటుండగా....తన ఫోన్ మోగింది.....విజయ్ నుంచి కావడం తో క్షణం ఆలోచించకుండా....ఎత్తిన రియా...."హలో...సార్ "అంది...అవతల రెస్పాంస్ వచ్చేలోపు...ఎలర్ట్ అయ్యి....ఓ సారీ విజయ్...అలవాటు లో పొరపాటు అని సరిచేసింది......

"రియా.....ఐ రియల్లి మిస్ యూ..."విజయ్ చెప్పాడు....

"ఐ మిస్డ్ యూ టూ...."అంది రియా.....అలా వాళ్లిద్దరూ మాట్లాడుతుండగా వినకూడదని తెల్సినా వినకుండా వుండలేకపోయాడు విక్కి.....రియా చాలా హ్యాపీ గా వుంది.....తను నేను లేకుండా నిజం గా హ్యాపీ గా వుండగలదా...?నా ప్రేమ తనని అంతలా సఫొకేట్ చేసిందా....?నా కేరింగ్ కరెక్ట్ కాదా...?అయినా కరెక్ట్ అయితే.....ఇప్పుడు నా ప్లేస్ లో విజయ్ ఎందుకు వుంటాడు లే....?తను నన్ను ఎప్పటికి ప్రేమించదు అనే నిజం ఆల్రేడి జీర్ణించుకోగలిగాను కానీ.....తను వేరొకరి సొంతం అంటే ఎందుకు నా వల్ల అవ్వటం లేదు....?"అని ఆలోచిస్తూ.....రియా ఫోన్ పెట్టేసిన వెంటనే.....తనకి కాల్ చేసి డాక్యుమెంట్ మెయిల్ చెయ్యమన్నాడు.....
అది విన్న రియా...."సహజంగా ఐతే ఫైల్ తీసుకు రమ్మని చెప్పాలి కాని మెయిల్ చెయ్యమన్నాడు అంటే నా ముఖం చూడడం కూడా తనకి ఇష్టం లేదన్నమాట....ఒక్కసారిగా ఎంత మారిపోయాడు......నా కోసం ఐ.ఐ.టి లో సీట్ వదులుకున్న అభి ఏనా.....?నన్ను చూడకుండా వుండలేడని అమెరికా ప్రయాణం మానుకోవాలనుకున్న అభి ఏనా తను....?ఒక్కోసారి మనం ఎంత వద్దనుకున్నా ఒకరు మనల్ని ఎవాయిడ్ చేస్తే ఆ బాధ వర్ణాతీతం....నాక్కుడా ఇదే గా కావాల్సింది...అనుకుని మెయిల్ ఫార్వాడ్ చేసింది.....ఒక పది నిమిషాలకి తన ఫోన్ రింగ్ అయ్యింది....విక్కి తనని తన క్యాబిన్ కి పిలిచాడు "ఏమైవుంటుంది ?"అనుకుంటూ భయం భయం గా లోపలికి అడుగు పెట్టింది రియా

"so this the way you are working well done.....మిమ్మల్ని నమ్ముకుంటే కంపెనీ ని అమ్ముకోవాల్సిందే అని ఈ రోజు బాగా అర్థమయ్యింది నాకు...పొద్దున్న నుంచి దీని మీదే కూర్చున్నారు....cant you just make it perfect?forget it...you are good for nothing...మిమ్మల్ని హైర్ చేసిన వాళ్లని అనాలి....వర్క్ చేయడం రాకపోతే ఇంట్లో కూర్చుని అంట్లు తోముకోవాలి.....అంతే గానీ మా ప్రాణాలు ఎందుకు తీస్తారమ్మా....?పైగా తమరిని ఒక్కమాట అనడానికి వీల్లేదు.....మీకు మళ్ళీ సిఫార్సులు....."అని అరిచేశాడు విక్కి

కళ్లలో నుంచి కన్నీళ్లు ఏరులై ప్రవహిస్తుండగా....అలానే నిల్చుండిపోయింది రియా

"ఇంకా నా ముఖం ఏం చూస్తావ్....జస్ట్ గెట్ లాస్ట్...."అని గట్టిగా అరిచేసరికి ఏడుస్తూ తన క్యూబికల్ కి వచ్చి కూర్చున్న రియా అసలు తను ఏం తప్పు చేశానా అని చూసింది రాంగ్ మెయిల్ సెంట్ చేయడం వల్ల తనకీ పరిస్థితి వచ్చిందని అర్థమయ్యి.....అప్పుడే ఒక నిర్ణయానికి వచ్చింది......

ఆ నైట్ తన క్యాబిన్ నుంచి బయటకి వచ్చిన విక్కి...ఆఫీసులో ఇంకా ఎవరో వర్క్ చేస్తున్నారనిపించి చూడ్డానికి వెళ్ళాడు......రియా వర్క్ చేస్కుంటూ కనిపించింది.......తన కళ్ళు ఏడ్చి ఎర్రగా వున్నాయి......తనని చూస్తేనే తెలుస్తుంది తను చాలా నీరసంగా వుందని.....వెళ్ళిపొమ్మని చెబుదామని ముందడుగు వేసి మళ్ళి నాకెందుకు అని తన దారిన తను వెళ్ళిపోయాడు....

10 గంటల సమయం....

వర్షం మొదలైంది అప్పుడే.....వాచ్ మెన్ కి కాల్ చేసిన విక్కి

"ఆఫీస్ లో అందరూ వెళ్ళిపోయారా?"

అతనిచ్చిన సమాధానానికి విక్రాంత్ భృకుటి ముడి పడింది.....