Fantasy Ron~the dragon holder (Sgp2009) - ( Completed)

[sarit11]

Gabriel ke sar aur uska sharir jalne lage aur kuch hee der me rakh me tabdil ho gaye...Ron bahut der waha khada raha...aur dragon ko khud se alag kar diya...Raaj insani roop me nahi tha..
"tum ek bahadur insan the mere bhai...lekin galat.tumhara ant yahi hota alvida..."
Ron dragon ki taraf muda uske sharir me kayi zakham the...Ron dragon ka sar sahlata hua bola...
"tumne mujhe bacha liya shukriya mere bhai...ab jab shuruat ho hee chuki hain to ant bhi jald hee kar dete hain...Aaj ke din sare dragons ka vinash hoga..."
aur phhir Ron wapas dragon holder ke roop me aa gaya...
"ye kya ho raha hain dragon se meri pakad dheeli ho rahi hain..."Morgan ghabrata hua bola..."iska matlab ye ki Ron ne Malik ko...ye nahi ho sakta..."
Morgan,dragon se alag ho gaya...aur lisa bhi dono ke dragon unhe aasman me utha le gaye...Morgan ke dragon ne seedhe hee Morgan ko sharir ke do tukde kar diye...aur lisa ke dragon ne bhi lisa ka wahi haal karna chaha jo Morgan ka hua lekin Lisa kisi tarah bachkar spiritual ship me ja giri...Itani uchayi se girne karan lisa ka sar bahut teji se deck se takraya...lisa ko chakkar aane lage aur uske samne uske pichhali zindagiyo ke kaye sach samne lage....
"maharani ji hume bade afsoos ke sath kahna pad raha hain ki aapke bhai ab nahi rahe..."Dewan ne jhoota shok prakat karte hue kaha...
"aisa hargiz nahi ho sakta ,Martin aisa kabhi nahi hone denge...hume un par pura yakin hain..."
"maharani ji apko ye jaankar atyant dukh hoga ki aapke bhai ko kisi aur ne nahi humare maharaj ne hee mara hain...unhone unki berahami se hatya kar di..."
"ye sach nahi hain..."lisa bilakhte hue boli"Martin aisa kabhi nahi kar sakte..."
"ye sach hain maharaniji"aur phhir dewan ne apni yojana ke mutabik Martin par jhoota aarop lagane laga
"maharani ji Aapke bhai ko Gabriel aur Maharaj Martin ke gupt sandhi ke baare me pata chal gaya tha...aur isi vajah se Maharaj ne Aapke bhai ki hatya kar di..."
Lisa ne jaise ye suna uske dil ki dhadkane band ho gayi...uch pal ke liye use aisa laga ki jaise uski sari zindagi hee ujad gayi hain..
"hum Maharaj se swaym baat karenge tab tak ke liye hume akela chhod do..."
dewan waha se bahar aa gaya...dewan janta tha ki yadi Martin aur Lisa ne aapas me baat chit kar li to uski sari yojana vifal ho jayegi...is baat ki khabar dewan ne Gabriel ko di...Gabriel seedhe Martin ke mahal me ghusa aur lisa ko pakad kar bahar laya...jis bhi sainik ne Gabriel ko rokna chaha use Gabriel ne maut ki neend sula di...Gabriel ne lisa ko behosh kar diya aurdewan ko saup diya...
"dewan jab ye hosh me aayegi to ye tumhari hogi ...iske andar maine tumhare liye pyar aur Martin ke liye nafrat bhar di hain..."
...............
"abey bilandar idhar dekh ye to lisa hain..."
"to sale dekh kya raha hain maar daal usko,isse pahale ki wo tujhe mare..."
Aditya apni talwar lekar lisa ki taraf badha...
"dekho ,tum bhale hee Gabriel ki item rahi ho par mere se hoshyari nahi karne ka..."
"Martin kaha hain...mujhe usse abhi milna hain..."
"mujhme kya kharabi hain..."
"bakwas band karo..."aur lisa ne Aditya ko puri sachchayi bata di...jise sunkar Aditya ne apna sar pakad liya...
"sala kamal ki love story bani hain tum dono ki...Ron abhi aata hee hogaaaaaa yeeeeeeee"Aditya bol hee raha tha ki Ek dragon ne ue utha liya...
"abey bachaho mujhe sala ye kha jayega..."
"us sale ka mu fad de Aditya tu ye kar sakta hain..."seth chillaya..
"ghanta kar sakta hoon....abey mujhe bacha le..."
seth Aditya ki taraf badha lekin usi samay ek aur dragon ne seth ko bhi dhar dabocha...usi samay aasman me udta hua Ron waha aa pahuncha aur spiritual ship ke upar khada ho gaya...usne aasman ki taraf apne farse ko ghumaya...Ron ka wo farsa bahut tej chamakne laga aur agle hee pal waha maujood sabhi dragon ko khatam kar diya...seth aur Aditya samundar me ja gire...Ron ne Riya,Seth,bilandar aur Aditya ko hawa me uthaya aur bola..."ab us manta ko ulta padho ..."
"seth-abey kahi hamara bhi to wahi haal nahi hoga jo Morgan ka hua.."
jitna bolta hoon utna karo warna dragon se pahle main tumhara wo haal kar dunga..."
sabhi ne mantra ko ulta padha aur jaise hee un charo ke dragon un par hamla karne ke liye unki taraf badhe Ron ne apne farse se un charo dragons ko kat diya...charo wapas samundar me aa gire...
"Aditya-Ron tujhe ek bahut jaroori chiz batani hain..."
"abey teri aawaj saaf nahi aa rahi hain jahaj par aa pahle..."
"Aditya-jaldi chalo warna anarth ho jayega..."
Ron spiritual ship ke deck par aa gaya...uski nazar lisa par padi...
"jab shuruat ho hee chuki hain to iska bhi ant hona hee chahiye..."Ron ne khud se kaha...
Lisa ki ankh me ansu the..itane salo baad wo Martin ko dekh rahi thi apne hosh me...
"Martin mujhe Gabriel ne..."
lisa ki aawaj rook gayi uske mu se shabd hee nikal rahe the..uske pet me kuch chubha tha...Ron ne ek khanzar lisa ke pet me ghusa diya tha...lisa ne samne dekha,Ron ki ankho me ansu the uski aankhe laal ho chuki thi...
"maine kaha tha na lisa ki mujhe us din bahut dukh hoga jab main tumhe marunga"