Fantasy Ron~the dragon holder (Sgp2009) - ( Completed)

[sarit11]

Update-52

Ron ke dwara phenke gaye farse ne kayi dragons ko ek hee pal me maut ke ghat uar diya tha..Ron ne apna hath farse ki taraf kiya jisse farsa wapas Ron ke hath me aa gaya...
"Ron-Gabriel ,ab bhi vaqt hain...apni dragons ki sena ko lekar chale jao..."
Gabril...lisa aur Morgan ki taraf dekhta hua bola..."dekho to ye hume yaha se bhagne ke liye kah raha hain ,jo khud jung me bhag gaya tha..."
"Gabriel yadi tera yuddh karne ka hee irada hain to mujhe manjoor hain...ab intejar kiska hain..."
"apni shaktiya to tune dikha di Ron...ab kya meri nahi dekhega..."kahte hue Gabriel ne apne dono hath neeche kiye aur apni hatheli ko kaskar bandh liya...samundar ki lahre upar uthani lagi...aur dekhte hee dekhte Gabriel ka aadha sharir aag me tabdil ho gaya...Gabriel ne Ron ko ghoor kar dekha aur hawa me uddkar agale hee pal uske pass pahunch gaya...yuddh ki shuruat ho chuki thi..seth,Aditya,bilandar aur Riya dragons ki sena se ladne ke liye bilkul taiyar the...Gabriel ne apne mu se aag ki tej lapte Ron ke taraf phenki...Ron ne aag ki lapto ke aage apne farse ko kar diya..jisse aag ki lapte Ron ko koyi nuksan nahi pahuncha payi...Gabriel apni shaktiyo ko nakam hota dekh baukhala gaya aur teji se Ron pe jhapat pada aur Ron ko jakad kar aasman me chala gaya...
"Riya-ye dono kya kar rahe hain..."
"seth-are un dono ko chhodo peechhe se aa rahe dragon ko sambhalo.."
seth ke kahne par Riya turant peechhe mudi..aur apne taraf aa rahe dragon ke upar se dusari taraf ke liye nikal gayi..."
Aditya aur bilandar ne ek dusare se shart rakhi thi ki wo jyada dragon ko marenge...
"Aditya-tu dekh lena...tujhse jyada dragon main marunga..."
"to bas bolta rah maine to do ko nipta bhi diya hain..."
"aisi baat hain phhir ye dekh..."kahte hue Aditya jakar seedhe ek dragon par kud gaya aur us dragon ka sar pakad kar modne laga...
"bilandar dekh be main iska sar mod raha hoon..."
Aditya ka itna kahna tha ki us dragon ne apne sar ko itani jor se jhatka diya ki Aditya door pheka gaya...dragons ki sankhya badhti ja rahi thi..upar se lisa aur Morgan ke rahte bahut kam dragon hee mar rahe the...Dragons ne seth,bilandar,Aditya aur Riya ko gherna shuru kar diya tha...wahi dusari taraf Gabriel aur Ron ladte ladte death iceland ki taraf badh rahe the...Ron ne apne farse ko puri taat ke sath Gabriel ki taraf phenk diya jisse pure aasman me bijali kadak uthi... gahre andhere ne pure aasman ko thak liya...Gabriel teji se udta hua Ron ko pakad kar death iceland ke andar phenk diya..aur khud bhi death iceland ke andar pahunch gaya...
"kaha chhup kar baith gaya tu Ron..."
"peechhe bhi dekh lena chahiye kabhi kabhi aur tab ye karna aur bhi jaroori ho jata hain jab tumhare samane mere jaisa koyi ho..."
Gabriel peechhe muda,Ron hath me farsa liye khada tha...
"Gabriel-Ron teri vajah se maa is duniya me nahi hain...tu humari maa ka katil hain..."
Ye sunkar Ron ka gussa bhadak utha auryahi Gabriel chahta tha...gabriel yahi chahta tha ki Ron gusse me apna aapa kho baithe...
"main sach kah raha hoon mere bhai...tu maa ke marne ka jimmedar hain...teri vajah se hee maine unhe mara..."Ron ka gusa badhta ja raha tha aur uski ankhe laal hoti ja rahi thi...aur ek samay aisa aaya jab Ron ka pura safed sharir safed rang se laal me badal gaya...uski shaktiya kam hoti ja rahi thi lekin kaise ye use khud nahi pata tha...
"Ron tujhe yaad hain ,jab maine humhare pita ka sar dhad se alag kiya tha tab maine unki ankho me tere prati nafrat dekhi thi...teri main unhe marna nahi chahta tha lekin phhir bi mujhe unhe marna pada sirf aur sirf teri vajah se ...."
"chup ho ja Gabriel...."Ron chillate hue bola...uska farsa uske hath se chhutkar zameen me aa gira...Ron ki sari shaktiya eka ek khatam ho rahi thi..uske pair uke sharir ko sambhal nahi pa rahe the...Ron ke ankho se laal ansu nikalne lage the wo apne ghutano ke bal baith gaya....
"Morgan-lisa ab hume chalkar in namuno ka kaam tamam karna chahiye..."
"ye to dragons se hee nahi lad pa rahe hain Morgan...hume Malik ki madad karna chahiye..."
"Malik ki fikar mat karo tum lisa...unke pass aisi shakti hain jiska jawab The Ron ke pass bhi nahi hain...wo malik ke samne khud ko kamjor mahsoos karega aur ghutno ke bal baith kar malik se bheek mangega..."
"aisi kaun si shakti hain malik ke pass..."
"malik kisi ko bhi apne vash me kar sakte hain...wo Ron ke dimak me ghuskar use ye yakin dila denge ki unke maa baap ka katil humare malik nahi balki Ron hain aur Phhir Ron ka kaam tamam..."
Ron apne sar ko pakad kar joro se chilla raha tha...Gabriel Ron ne Ron ke dimak me ye bhar diya tha ki wo hee apne maa baap ka katil hain...
"to batao mere bhai ,kya us shaks ka jeena sahi hain jisne apne hee maa baap ka khoon kiya ho wo bhi badi berahami se..."
Ron ab Gabriel ke vash me aa chuka tha..Ron ab bilkul shant hokar ghutno ke bal baitha tha...Gabriel Ron ki taraf badha aur seedha ek laat Ron ke chehare pe de mara..
"tu sala ye sochta hain ki tu meri badshahat ko khatam kar dega...samundar sirf mera hain sirf mera...."