Fantasy Ron~the dragon holder (Sgp2009) - ( Completed)

[sarit11]

Balladonna ke deck par khade hokar sabhi us bawandar ko jate hue dekhte rahe...ab unhe us vishal bawandar me Ron kahi bhi dikhayi nahi de raha tha...
"Riya-wo chala gaya...."
"Raaj- ye to hona hee tha ,samundar ke shikari ko aakhirkar samundar ne nigal hee liya..."
"mujhe ummid hain uski shakal hum dubara nahi dekhenge..."
"Seth-ek minut ruko...hum itne swarthi kaise ho sakte hain...hume Ron ko dhoondana chahiye...kya pata wo shayad bwandar se nikal gaya ho..."
"bilandar-wo nahi bachega...."
"tujhe kaise maloom ki wo nahi bachega..."
"ek baar bola na nahi bachega bas baat wahi khatam ho jati hain..."
"sala jungali kahi ka..."
"kya bola tune..."bilandar,seth ki taraf gusse se badhne laga,mahol ko bhanpkar Aditya ne bilandar ko pakad liya...
"chhod Aditya ,isne mujhe jungali kaha ...abhi isko dikhata hoon ki main kya chiz hoon..."
"tu mujhe dikhayega...to aana rook kyun gaya phhat gayi kya.."
"sale tu aaj gaya kaam se..."
"Raaj-chup raho dono wana dono ko samundar me phenk dunga..."
"seth-mujhe mat bol Raaj,main balladonna ka captain hoon...is sale jungali ko neeche phenk..."
"tune mujhe phhir jungali kaha..."bilandar ne khud ko Aditya se chhudaya aur Seth ki taraf badha...
"aaja jungali..."
seth bhi apni taraf aate hue bilandar ki taraf badha...lekin dono ke beech ladayi shuru hoti usse pahle hee Raaj ne un dono ki gardan pakad ka hawa me utha diya...
"tum dono ab shant rahoge ya nahi..."
bilandar aur seth ka dam ghut raha tha dono ne ghuti hui aawaj me jawab diya ki dono ab ladayi nahi karenge...Raaj ne dono ko neeche patak diya aur hath jhadte hue bola...
"meri shaktiya din b din badh rahi hain..."
*****************************
Ron bawandar ke andar ghusta hee ja raha tha...Ron ko chakkar aane lage the aur sath me uske ateet ke kuch pahalu uske ankho ke samne khul rahe the...
Jab Ron chhota tha aur Gabriel apni jawani ke dahleej par kadam rakh chuka tha... tab dono apne parivar ke sath kisi iceland par rahte the...unhi dino Ron aur Gabriel iceland me ghumne akele chale gaye...
"Gabriel-Martin dekh kar chalna ho sakta hain yaha ko janwar chhupa ho..."
"main nahi darta in dragons se..."
"sach me nahi darta ya phhir mujhe apni himmat dikhane ki koshish kar raha hain..."
"bhaiya aap wo sab chhodiye aur ye bataiye ki mere kandhe pe bane is nishan ka kya matlab hain...."
Gabriel ,aage chal raha tha lekin usne jaise hee nishan wali baat suni wo wahi rook gaya..
"tune abhi kya bola..."
"mere kandhe par bane is nishan ka kya matlab hain...kya main bhi aapki tarah dragon holder hoon..."
"ye nahi ho sakta..."Gabriel daudkar Martin ke pass aaya aur uske kapde phad diye...."ye bilkul bhi nahi sakta..."
"kya nahi ho sakta bhaiya..."
"tune ma se puchha ki is nishan ka matlab kya hain..."
"ma ne bataya ki main ek din bahut bada yoddha banunga aur ek din mere pass aapse bhi jyada shaktiya aa jayengi...lekin maa ne ye bhi kaha tha ki main ye baat aapko na batau...."
"mere sath dhoka..."Gabriel chillane laga...aur Martin ko uthakar door patak diya...
"Martin,tune abhi kaha tha ki tu dragons se nahi darta"Gabriel ke aisa kahte hee kayi dragon waha pahunch gaye....
"khatam kar do,is sapole ko,warna aaj tumhari khair nahi..."Gabriel kahte hue waha se ghar ki taraf lautne laga...usne apni talwar apne hatho me le li aur ghar aate hee sabse pahale apni pita ka sar kat diya....aur teji se ghar ke andar ghus gaya....
"ma kaha ho tum ......"
Gabriel ki ma andar kamre me bimar padi so rahi thi...Gabriel ki aawaj sunkar usne Gabriel ko andar aane ke liye kaha....Gabriel apne pita ke khoon se sani talwar ko lekar seedhe apne ma ke kamre me ghus gaya....
Dusari taraf Martin dragons se apni jaan bachane ke liye ke liye teji se iceland ke aabadi wale kshetra ki taraf bhag raha tha..lekin uska pair ek pattharse ja takraya aur wo gir pada...Martin ne uthane ki bahut koshish ki lekin wo uth nahi pa raha tha...dar ke karan usne apni aankhe band kar li...usi samay uski ankho me kuch chamka...usne dheere dheere apni ankhe kholi...aur usne dekha ki uske kandhe par bane nishan se bahut tej roshani nikal rahi thi....aur kuch der baad nishan wala hissa jalne laga...sabhi dragon jo Martin ko marne ke liye uske peechhe aaye the unki ankho me khauf ki lahar chha gayi aur sabhi dragon waha se bhag gaye sivay ek ko chhodkar...wo dragon dheere dheere Martin ki taraf badhta chala gaya...jaise jaise dragon Martin ki taraf badhta Martin ki saanse tej hoti chali gayi..ab wo dragon Martin ke bilkul karib aa chuka tha aur wo kabhi Martin ko to kabhi Martin ke kandhe par bane nishan ko ghoorta...Martin ne dragon ki ankh me apne kandhe par jalte hue nishan ki lapte dekhi aur uske baad Martin ne jo dekha uspar use yakin hee nahi hua...wo dragon dheere dheere apna rang badal raha tha...wo dragon puri tarah se ek safed dragon me badal chuka tha...aur uske agle hee pal Martin ko aisa laga ki jaise wo us safed dragon ko samajh sakta hain..Martin ne dragon ki ankho me darte hue dekha aur bola..."mujhe apne Maa aur Pitaji ki jaan bachani hain...."
_