Fantasy Ron~the dragon holder (Sgp2009) - ( Completed)

[sarit11]

UPDATE-42

"Ron dragon ko lekar dheere dheere upar ki taraf utha aur agle hee pal dragon tej gati se tapu ke andar ghus gaya ,jaha lisa ,Morgan aur Gabriel khade the...Ron ko dragon ke upar baitha teeno hee achambhit the....
"lisa-Ron ,Morgan ke dragon ko kaise sambhal raha hain,ye to namumkin hain...
"Ron-janeman itni jaldi bhool gayi...jab hum teeno Morgan ke sath yaha aa rahe the to maine Morgan se kaha tha ki dragon ko main lekar jaunga...usi samay maine Morgan ke dragon ko kaise vash me karna hain seekh liya tha...kyunki mujhe maloom tha ki yaha se yadi mujhe bhagna hain to dragon ki madad leni hee padegi..."
"sala kameena kahi ka..."Gabrielbhi assman ki taraf uda aur Morgan kinare ki taraf jane ke liya dauda taki wo kinare me jakar ek dragon par baithkar Ron par humlka kar sake...Morgan abhi kuch hee doori par pahuncha tha ki Ron ne dragon ko Morgan ki taraf mod diya aur jab wo Morgan ke karib aa gaye to Ron ne dragon ko thoda neeche kiya jisse Morgan ko asani se pakda ja sake...Ron ne bahut majbooti se Morgan ki gardan pakad liya aur use upar utha liya...Morgan ne khud ko Ron ke changul se chhudane ki bahut koshish ki lekin wo asafal raha...Ron dragon ko bahut uchayi par le gaya....
"kaisa lag raha hain Morgan...maaf karna thodi ijjat de di mujhe bolna chahiye tha ki kaisa lag raha hain kallu..."
"chhod mujhe..."Morgan ne ghuti hui aawaj me kaha...
"le chhod diya..."
Ron ke chhodte hee Morgan teji se zameen par aa gira aur behosh ho gaya...
"lisa-Malik ,Morgan abhi bhi zinda hain kya...
"wo keval behosh hua hain..."
ab Ron ne dragon ko tapu par utar diya ...Gabriel bhi neeche tha.
"Gabriel-to mere bhai ab ladayi shuru ki jaye..."
"ladayi kaisi ladayi,mujhe khoon kharaba bilkul bhi pasand nahi,kyun na hum is masle ko baat karke suljha le..."
"tujhe kya lagta hain main tujhe yaha se aise hee zinda jane dunga..."
"hum dono sauda kar sakte hain ..."
"Ron apni talwar nikal le ,main kisi nihatthe par war nahi karna chahta..."
Ron dragon se neeche utar gaya aur dragon ke taraf dekhkar bola"Gabriel tujhe maloom hain ki nahi ye main nahi janta par dragon apna aapa kho dete hain jab ...."
"jab..."
"jab unke kano ke pass jakar seeti baja di jaye.."
ek taraf Ron ne ye kaha aur tdusari taraf usne turant ye karnama kar dala..jiosse dragon teji se Gabriel ki taraf jhapta...Gabriel dragon se mukabala karne laga ...
idhar Ron ,lisa ke pass aaya aur apna hath uski taraf badhaya..
"chalo lisa mere sath..."
"Martin ab mere dil me tere liye nafrat aur bhi badh gayi hain..."
Ron kuch der tak lisa ki taraf dekhta raha ,aur waha se jane laga ,kuch door jane ke baad Ron ke kadam apne aap hee rook gaye wo peechhe muda aur lisa ki taraf dekhte hue bola...
"lisa yadi yahi tumhara faisala hain to mujhe us din bahut dukh hoga jis din main tumhe jaan se marunga..."
"wo din kabhi nahi aayega..."
"dewan bhi yahi kahta tha...khair alwida lisa phhir milenge..."
lisa ko alvida kahne ke baad Ron kinare ki taraf chala gaya...waha abhi bhi ek dragon tha jo apne tang pasare gahri neend me tha...Ron ahiste -ahiste us dragon ke pass gaya aur dheere se us so rahe dragon ko hilaya,par us dragon par koyi asar nahi hua wo pahle ki tarah hee sota raha...
"sala mar gaya kya...uth kyun nahi raha ..."
Ron kuch der tak dragon ko uthane ki tarqeeb sochta raha aur jab use kuch nahi soojha to usne kaskar ek laat dragon par jama di ,lekin dragon tab bhi nahi utha...
"kitne alsi ho gaye hain dragons..."
Ron dheere se dragon ke aur pass gaya aur seeti maar di,dragon baukhla kar uth gaya aur Ron ne bina samay gawaye dragon par kudkar baith gaya...
"chal mere ghode..."
Ron ka itna kahna tha ki dragon ne Ron ko jhatak diya jisse Ron neeche gir gaya..
"thik hain ab se ghoda nahi kahunga ,ab chale..."
-------------------------------------------------------------------------------

Raaj ko hosh aa chuka tha ,lekin uski halat ab bhi nazuk thi...Gabriel ke dwara diye gaye zakham ab bhi nahi bhare the...balladonna ab bhi khada tha ...Riya,Aditya ,bilandar aur seth balladonna ke deck par aa gaye the aur aapas me discussion kar rahe the ki aage kya kiya jaye...sabse pahle Riya ne pahal ki...
"Riya-Ron to gaya aur Raaj behosh hain,ship bhi ruka hua hain...main tum teeno se puchhna chahti hoon ki hum aage badhe ya phhir wapas laut chale..."
"seth-Ron ke bina aage nahi badh sakte ,Gabriel aur Morgan hum sabko ek minut me masal ke rakh denge..."
"seth,Ron koyi mashiha nahi hain jo wo hume bachayega ...bina Ron ki sahayta ke hum death iceland tak pahunch gaye the tumhe yaad nahi..."
"mujhe yaad hain,lekin mujhe ye bhi yaad hain ki death iceland se bahar Ron ne hee hum sabko nikala tha na ki Raaj ne aur rahi baat Ron ko mashiha kahne ki to ek baat main tumhe bata doon jab Gabriel ne mujhe aur Aditya ko balladonna ke neeche phenk diya tha to hume Ron ne bachaya tha na ki Aditya ne..."
"seth khud ko shant rakho...lagta hain tum par gahara asar hua hain us ghatna ka..."
seth ye sunte hee baukhlakar uth khada hua aur gusse se Riya ki taraf dekhte hue bola...
"dekhiye mam,ab vaqt aa gaya hain ki aap Ron ke khilaf sazish karena band kar de...Raaj ,Ron ki tarah nahi ban sakta bhale hee uske pass supernatural power kyun na ho aur mujhpar us ghatna ka koyi bura asar nahi hua hain...main ab wahi kar vraha hoon jo mujhe bahut pahle karna chahiy tha..."
Aditya aur bilandar ne beech me na bolne me hee bhalayi samjhi lekin seth ne aisi palti mari thi ki Riya ke samajh me kuch nahi aa raha tha...
"seth ek baar Ron ne tumhari jaan kya bacha di ,tum Ron ko sar par chadhane lage...ye mat bhoolo ki Ron wahi shaksh hain jisne tumhare dost captain Nair ko balladonna se neeche phenk diya tha..."
"captain Nair ab is duniya me nahi hain aur wo nek bahut hee achchhe captain the isme koyi shaq nahi hain...lekin wo Nair aur Ron ke beech ki aapsi ladayi ko balladonna ki ladayi bana di...ab aapko manna padega ki Ron hum sab me behtar hain aur wahi akela jo Morgan aur Gabriel se hum sabko bacha sakta hain..."
"chalo tumhari baat main maan bhi loon ki Ron hum sab me behtar hain lekin masla ye nahi hain masla ye hain ki Ron ab yaha nahi hain aur jaha tak mera manna hain wo ab zinda bhi nahi hoga...."
Riya ki baat khatam hoti usse pahle hee pure mahol me dreagon ki dahad gunj uthi....