Fantasy Ron~the dragon holder (Sgp2009) - ( Completed)

[sarit11]

UPDATE-41

Ron ke peeth se khoon lagatar bah raha tha...Ron ke khoon ko Gabriel ne apne ungaliyo me mahsoos kiya...
"meri shaktiya iske khoon se jaroor wapas aa jayengi..."
"malik kya yahi wo jagah hain ,jaha par dragon ke nishan wala chakra maujood hain...lekin mujhe to yaha sirf ret hee nazar aa rahi hain...."
Gabriel ne apne farse ko neeche rakhkar Morgan ke bataye hue jagah ko hath se saaf karne laga...jaise jaise Gabriel us jagah ki ret ko saaf karta jata waha ek nishan teji se ubhar raha tha...
"lita do Ron ko is nishan par..."
Morgan aur dewan ne Ron ko dragon ke nishan wale vishal chakra ke andar lita diya ,Ron ko neeche utarne ke baad dewan apna hath jhadte hue bola....
"lisa ab main tumhare sawalo ka jawab deta hoon...Ron ko malik ne jab se apne thikane par laye the ,usse pahle hee malik ne apni yojana taiyar kar li thi...jiske mutabik tumhe kisi bhi baat ki jaankari maloom na ho ,ye tay hua tha...."
"lekin tum dono to Malik se sath do din baad aane wale the...."
"lisa,ye to Ron ko bewkoof banane ka ek jariya tha...Malik apni purani dushmani bhulakar ek ho jayenge ,ye baat jaroor Ron ke dimak me khatki hogi,aur wohum par shaq karega ,ye humne pahle hi soh liya tha...ab ye Ron yani Martin apni behuda aadat ke anusar humari jasoosi karega ye bhi bhi hum jante the aur yadi Ron chhup ke humari baate sun bhi leta to use yahi maloom hota ki hum log is tapu par do din baad aane wale hain..."
dewan kya bol raha hain aur wo lisa ko kya samjhana chahta tha...sab lisa ke sar ke upar se ja raha tha....lisa apne sar par hath rakhkar boli..."dewan meri samajh me kuch nahi aa raha hain ,tum akhir kahna kya chahte ho..."
"Gabriel-lisa,tum kuch aur samjho usse pahle tumhe yah janna hain ki Ron mera bhai hain aur wo khud ek dragon holder hain..."
"Ron bhi dragon holder hain"
"yahi halat Morgan aur dewan ka bhi hua tha jab un dono ko ye maloom hala tha..puri baat ye hain ki meri shaktiya apne antim samay par pahunch chuki hain...aur yadi mujhe meri shaktiya mujhe wapas chahiye to kisi dusare dragon holder ko maarkar uska khoon peena padega...isi liye maine Ron ko abhi tak zinda rakha tha...maine use abhi tak zinda kyun rakha hain ye jaroor Ron ke shatir dimak me ghoomegi...ye maine andaja laga liya tha aur yadi mera andaja sahi nikla to mujhe ye bhi pata tha ki Ron humari jasoosi karega...isiliye dewan ya Morgan ne tumse jab bhi baat ki to un dono ne tumse yahi kaha ki hum sab is tapu par do din ke baad aayenge...."
"Malik ,aap to Ron se bhi shatir dimak wale nikle...lekin mujhe apni yojna bata bhi dete to kya farak padta..."
"lisa isme khatra tha...yadi tumhe sab maloom hota to tapu me hoti har ek aahat me tum yahi samjhati ki hum aa gaye hain...lekin ab is baat ka koyi fayda nahi ,ek baat to kahni padegilisa,tumne kamal ka abhinay kiya Ron ke samne...."
"Malik aapko shayad maloom nahi ,ye abhinay karte hue mujhe Ron ki kitni bakwas sunni padi aur use dilasa dene ke liye ansu bhi bahane pade..."
"tumhareansu ki keemat ka pura harjana tumhe milega ...Ron aaj apni aakhiri saans is tapu par lega ,lekin abhi us kaam me kuch kaam baki hain...chand kuch samay baad aasman ke beecho beech aa jayega tab hum apne nek kaam ki shuruat karenge...."
Morgan ne aasman ki taraf dekhte hue bola..."Malik ab intezar khatam hua ,hand apne sahi jagah par pahunch chuka hain..."
sabhi aasman ki taraf dekhne lage,sabke chehre par khusi jhalak rahi thi...Gabriel ne apne hath me khanjar liya aur Ron ke hath par chala diya....Ron ke hath se khoon ki tej dhara bahne lage,jise Gabriel ne apne hath me bhar liya aur dragon ke nishan wale chakra ke charo taraf khoon chhidkane laga ...chakra ke charo taraf Ron ke khoon ko dalne ke baad Gabriel Ron ke pass aaya...
"alwida mere bhai,tu ek bahut bahadur insan tha ...lekin tujhe is baat ka garv jaroor hoga ki teri maut mere hatho hui aur tu marte vaqt apne bhai ke kaam aaya..."
Gabrielne khanjar ko Ron ke seene par nishana banate hue apne hath ko hath ko aage badhaya,Gabriel aage kuch karta usse pahle hee Ron ne Gabriel ke ke hath ko pakad liya aur Gabriel ko apne pairo ki taraf dhakka de diya,apne pairo me Gabriel ko buri tarah jakad liya...Ron ne Gabriel ke hath se gira hua khanjar uthaya aur teji se dewan ki taraf phenk diya...khanjar seedhe jakar dewan ke seene ko chirta huauske dil ke aar paar ho gaya....
"ek to gaya kaam se ,ab ise to uparwala bhi nahi bacha payega..."
dewan par Ron ke dwara phenke gaye khanjar ka itna buraprabhav pada ki dewan me itni bhi shakti nahi bachi thi ki wo khanjar ko wapas nikal sake dewan wahi neeche gir pada...lisa jor se chillati hue Morgan se boli...
"Morgan ...khatam kar do ide ,main dewan ko sambhalti hoon..."
Morgan ko apni taraf badhta dekh Ron neGabriel ko chhoda aur jaldi se uth khada hua...
"aaja kallu ,abki baar tu nahi bachega..."
Morgan ne apne farse ko Ron ki taraf chalaya lekin Ron ne Morgan ka hath pakad liya aur uske sar par apne sar se thokar maar di...jisse Morgan ki pakad kamjor pad gayi aur Ron ne Morgan ke hath se uska farsa chheen liya....tabhi Gabriel ne peechhe se Ron ki gardan ko taboch liya aur Ron uthakar buri tarah zameen par patak diya...
"aaj tu bachega Ron...meri yojana kabhi bhi asafal nahi ho sakti..."
Ron ki kamar me bahut dard ho raha tha...tabhi use pass me pada ek patthar dikhayi diya,Ron ne patthar ke tukde ko uthakar Gabriel ke sar par de mara...
"isse achchhi yojana to billu aur Aditya bana sakte hain..."
dewan ki saanse band ho huki thi...lisa ki aankhe gusse se laal ho chuki thi,usne dewan ke seene se khanjar nikala aur jor se hillati hui boli...
"dewan ki maut ke badle me tujhe apni jaan deni hogi..."
"maaf karna janeman ,par mujhe abhi yaha se bhagna padega..."
Ron waha se ulte kadam marte hue bhag nikla ...Ron abhi kinare me bhi nahi pahuncha tha ki Gabriel uske saamne khada ho gaya...
"maine kaha na ,aaj tu yaha se nahi ja payega..."
Gabriel ne kuch bola aur usi samay Gabriel ka dragon dahadte hue waha aa pahuncha...aur agle hee pal Gabriel dragon holder ke roop me badal gaya aur dragon holder bante hee Gabriel ne Ron ko ek tej jhatka diya ,Ron tapu ke peo ,chattano se takrate takrate seedha kinare par aa gira...
"sale ne aaj kamar tod di..."
waha do dragon aur bhi the,Ron ne kuch der un dragons ki taraf dekha aur phhir teji se lapak kar ek dragon par baith gaya..."
"chal be abhi in logo ko sabak sikhata hoon...."