A wedding ceremony in village

[Logan555]

SURYA PUJA STHAL



Ashram me ek baar phir ek dulhan ka paridhan vineeta ke saamne tha. Yu to wo pehle bhi lakhan se shaadi kar chuki thi par is baar use pure man se lakhan ko apne pati ke roop me sweekar karna tha. Jab kuchh din pehle lakhan singh ke sath uski shaadi hui tab uske man me aneko sawal the ki pata nahi ek anjaan aadmi ke sath ek ekant jagah par wo surakshit rahegi ki nahi kahi itne saalo se apne pati ke bina reh rahe lakhan singh use dekhkar behek to nahi jaenge. Par pichhle kuchh dino me usne lakhan singh ko jitna jana jitna samjha ab uske man me aise koi sawal nahi the balki in kuchh dino me wo jitna kareeb apni is 7 din ke pati ke aa gai thi utna to apne asli pati ke bhi nahi aai thi. Par kareeb ana ek alag baat hai aur pati ke roop sweekar kar lena alag. Kareeb hum kai logo ke hote hai par sabko apna sab kuchh nahi maan lete.

Par pichhle kuchh din me uske aur lakhan singh ke beech jo hua wo kareeb se kuchh jada tha. Usne lakhan singh ki godd me baith kar apne nitamb par unke ling ko mehsoos kara puri raat unke alingan me guzari unke saamne tarah tarah ke akarshak aur uttejak vastra pehne aur kal raat kal raat to usne unka ling apne muh me liya unka veerya piya unke mootra se snan kara. In sab baato ne lakhan singh ke prati vineeta ke man ke vicharo me bahut bada badlaav la diya tha aur lakhan singh vineeta ke liye sirf uski saheli ke sasur nahi reh gae the balki usse kahi aage bad gae the. Pehli baar lakhan singh ke baare me sochte hue vineeta ko apni jaangho ke beech geela geela mehsoos ho raha tha jo is baat ka saboot tha ki kahi na kahi wo bhi is shaadi ko asli jama pehnana chahti hai par samaj maryada aur umar ka antar use aisa karne se rok raha hai par aaj philhaal us par koi rok nahi hai aaj wo pure man se lakhan singh ko apna pati maan sakti hai aur bache hue do din ke liye hi sahi use ek sachhe aur achhe pati ka saath to milega jisse wo pure man se apna pati manti hai.



Yahi sochte hue vineeta ke haath us shaadi ke jode par pahuch gae aur usne ek baar phir khud ko lakhan singh ki dulhan ke roop me tayaar karna shuru kar diya. Par pichhli baar tayar hote waqt vineeta ke man me duvidha thi par is baar khushi is baat ki use ek sachha pati kaisa hota hai wo anubhav karne ka mauka mila par sath hi ye gum bhi tha ki anubhav sirf do din ka hi aur hai. Vineeta ne ek baar phir khud ko ek dulhan ke baar me tayaar kar liya aur is baar vineeta pehle se bhi jada sundar lag rahi thi kyuki is baar ke shringaar me majboori nahi balki prem tha sachha prem.



Doosri taraf lakhan singh ka man ab bhi duvidha me tha ki kya vineeta jee aaj ki shaadi ko pure man se kar paegi. Bhala mai unse aisi umeed kar bhi kaise sakta hu ki wo mujhe sachhe man se apna pati maan le wo meri beti se bhi umar me chhoti hai. Wo itna kuchh kar rahi hai mere pariwaar ke liye yahi bahut isse jada na mai deserve karta hu na mujhe umeed karni chahiye. Beshak unki apni shaadishuda zindagi me aneko pareshaniya hai unki shaadi tootne ki kagaar par hai par iska ye matlab nahi ki mai unse umeed karu ki wo mujhe apna pati maan le. Abhi unki umar hi kya hai unki shaadi toot bhi jae tab bhi unhe apna humumra humsafar mil hi jaega. Mai unse ye umeed nahi kar sakta ki wo apne se umar me dugne insaan ko apna pati maan kar uske saath apni zindagi guzaar de apni jawani ek buddhe par qurbaan karde.

Nahi mai aisa soch bhi nahi sakta par yaha sawal is baat ka hai ki kya mai unhe sachhe man se apni patni maan sakta hu. Sach me apne dil se poochu to mai to unhe apni patni usi din maan baitha tha jis din humne jungle me khule aakash ke neeche wo raat bitai thi aur unhone mujhe apni shaadi ki sachhai se rubaru karwaya tha. Usi din mere dil me unke liye ek soft corner ban gaya tha jise mai chahu bhi to bhi nahi nakaar sakta isliye agar mai apne side se dekhu to mai sachhe man se unhe apni patni maan kar hi aaj ki shaadi me baithunga. Par mai unke saamne apne man ke bhav zahir nahi kar sakta warna wo mere baare me kya sochegi wo to insaniyat aur dosti ka farz nibhate hue ye sari rasme puri kar rahi hai agar mai unse ye kehdu ki mujhe unse pyar ho gaya hai to shayad unhe mujhse nazre milane me jhijhak mehsoos hone lage. Wo mujhe tharki buddha samajhne lage jo mauke ka fayda uthate hue apne se umar me aadhi apni hi bahu ki saheli par chance maar raha hai. Wo ye sochengi ki unki shaadishuda zindagi ki sachhai jaan kar unki zindagi me ek mard ki kumi ka sach jaan kar mai unhe haasil karne ki koshish kar raha hu, unki majboori ka fayda utha raha hu.

Nahi mai aisa katai nahi karunga mai is shaadi me baithunga zaroor par unse yahi kahunga ki mere man me aisa kuchh nahi hai aur unhe bhi zabardsti aisa kuchh sochne ki zarurat nahi hai. Jaise humne pehle majboori me shaadi ki rasme puri karli thi waise hi aaj bhi kar lenge. Wo nishchit hi is baat par guilt mehsoos karengi ki unke man me mere liye kuchh nahi hai par phir bhi unhe aisa sochne ke liye vivash kara ja raha hai jab unhe pata chalega ki mere man me bhi unke liye aisa kuchh nahi hai to unke andar ka guilt kum ho jaega. Dono ke man me ek doosre ke liye same feelings thi par dono hi ek doosre ki bhavnao ko hurt na karne ke liye apni apni feelings chhupane ka dhong kar rahe the.



Dono dulha dulhan ke roop me tayaar ho gae jab vineeta dulhan ke libaas me tayaar hokar lakhan singh ke saamne aai to is baar vineeta ke roop ki sundarta se lakhan singh ki nazre nahi hat rahi thi. Dulhan to wo pehle bhi bani thi par lakhan ki aankho me uske liye jo pyar tha usne use aur bhi sundar bana diya tha surya si damakti sunhari saadi aur uspar behad halka makeup jis wajah se waha maujood sabhi dulhano me vineeta sabse alag aur sundar lag rahi thi.



Vineeta ka ye anupam saundarya dekh lakhan ka man kar raha tha ki waqt ki raftar dheemi ho jae aur do din behad dheeme beete taki wo vineeta ke saath jada se jada samay bita sake par waqt to apni gati se hi chalta hai. Kuch yahi sthiti vineeta ki thi par wo dono apne apne man ke bhavo ko ek doosre se chhupakar aise dikha rahe the jaise unke man me ek doosre ke liye koi prembhav nahi hai.

Lakhan singh vineeta ke kareeb akar unhe dubara shaadi ke bare me vichlit na hone ke liye samjhane lage.
Lakhan: Aap chintit na ho pujari jee ne jo kaha uske bare me jada mat sochiye mai janta hu apke man me aise koi vichaar nahi hai aur lae bhi nahi ja sakte kyuki vichhar par kisika zor nahi chalta. Aur yakeen maniye mere man me bhi apke liya aisa koi bhav nahi hai. Jaise humne us din shaadi ki rasmo ko pura kara waise hi aaj bhi kar denge. Kisi ko koi safai dene ki zarurat nahi hai.
Lakhan singh ki baate sun kar vineeta ko thodi mayusi hui kyuki use thodi umeed thi ki shayad lakhan singh ke man me bhi uske liye thoda bahut prem bhav utapann ho gaya ho par lakhan singh ki baato ne uski galatfehmi ko door kar diya. Wo andar se to mayus thi par usne is mayusi ko apne chehre par nahi aane diya.
Vineeta: Apki baato ne to meri sari chinta door kardi mai bhi yahi soch rahi ki ye dil se shaadi wali rasm kaise poori karungi.
Vineeta kj baato ne lakhan singh ka dik tod diya aur yakeen dila diya ki vineeta ke man me unke liye na kabhi kuchh tha na kabhi kuchh ho sakta hai usne achha kara jo vineeta ko is zabardasti ki shart se azaad kar diya.

Pujari: Aap dono tayaar ho to vivaah ki rasmo ko pura kara jae.
Lakhan Vineeta- Jee
Pujari: Pehle aap dono ka vivaah aarya reeti se hua poore reeti rivaazo se par yaha apka aur baki sabhi jodo ka gandhrva reeti se vivaah karaya jaega jise hum prem vivaah bhi keh sakte isliye is vivaah se pehle pati patni me prem hona zaroori hai. Gandharva vivaah me apke liye shareerik sambandh banane ki badhyata nahi hai par rishte me prem hai to aap gandharva vivaah ke liye patra hai. Agar itne dino me aap dono ke man me ek doosre ke liye thoda prem bhi utpann hua hai to aap gandharva vivaah ke patra hai. To boliye kya aap dono khud ko is vivaah ka patra samajhte hai.
Vineeta ne lakhan singh ki taraf dekha aur lakhan singh ne unhe aankh se haami bhar dene ka ishara kara aur dono ne sammilit roop se hami bhar di. Halaki satya to yahi tha ki prem un dono ke man me tha isliye ek doosre se chhupate hue bhi wo is vivaah ke puri tarah patra the.

Pujari: Uttam to ab is vivaah ki rasme bata du iski rasme arya vivaah ki tarah lumbi aur jatil nahi hai. Isme aap ko agni ke saat nahi kewal teen phere lene hai wo bhi bus ek doosre ka hath thaam kar. Ek doosre ko ye vachan dete hue ki aap sada ek doosre ke liye aise hi prem banae rakhenge, har sukh dukh ka saamna mil kar karenge, aur kabhi bhi bhautik vastuo sukh suvidhao ko apne prem par haavi nahi hone denge. Bus iske baad apko ek doosre ko mala pehnakar ek doosre ko pati patni ke roop me sweekar karna hai. Aur purush ko stri ki maang me sindoor bhar dena hai bus ye vivaah sampann ho jaega.
Vineeta: Is vivaah ki rasme to bahut chhoti hai.
Pujari: Isiliye ise prem vivaah kaha jata hai aur aajkal to ye bahut prachalan me hai purane samay me bhi is vivaah ke aneko udahran dekhne ko mil jate hai Bheeshma ke pita Shantanu aur Satyavati ka vivaah, Raja Dushyant aur Shakuntala ka vivaah, Bheem aur Hidamba ka vivaah, Arjun aur Naagkanya Ulupi ka vivaah aur bhi na jane kitni baar is tarah ka vivaah kiya gaya hai. To ab sabhi 101 jodo se anurodh hai ki wo apne apne hawan kund ke saamne khade ho jae.

Vineeta aur baaki 100 jode hawan kundo ke paas khade ho gae aur pujari ke kehne par sabne apne apne jodo ka haath tham liya vineeta aur lakhan ne bhi. Aur agni ke phere lena arambh kar diya. Vineeta aur lakhan sachhe man se ek doosre se chhupate hue ye rasme puri kar rahe the aur man hi man ek doosre ko vachan de rahe the.



Lakhan man me: Aapne mere dil me jo prem ka beej bo diya hai wo apke jaane ke baad bhi mere dil se kabhi khatam nahi hoga.
Vineeta man me: Mai janti hu humare beech umar aur rishto ki jo deewar hai wo kabhi nahi tootegi par mera prem umar ki seema se pare hai.
Lakhan man me: Aap bhale hi yaha se chali jao par aapke jeewan ki har pareshaani ab meri pareshaani hai jise mai har keemat par door karke rahunga. Apko zindagi me kabhi bhi meri zaroorat padi to mai har modd par apka sath dunga.
Vineeta man me: Ab is puja ki rasm kuchh bhi ho vada karti hu har rasm pure dil se puri karungi khud ko nyochhavar bhi karna pada to peeche nahi hatungi ye waada karti hu.
Lakhan man me: Koi bhautik suvidha mere dil me apke liye prem ko khatam nahi kar sakti.
Vineeta man me: Aapki umar bhi mujhe apko pyar karne se nahi rok sakti.



Teen phero ke baad sabhi jodo ne ek doosre ko mala pehnakar ek doosre ke prati apne prem par mohar laga di. Aur lakhan sahit sabhi purusho apni apni patniyo ki maang me sindoor bhar diya. Aur bhagwaan surya ko sakshi maan kar ek doosre ko pati patni ke roop me sweekar kara. Phir sabhi shaadishuda jodo ne surya ki pratima ka aashirwaad liya. 



Aur dhol nagade walo ne dhol bajana shuru kar diya sabhi shaadi shuda jodo ne bhagwaan surya ki pratima ke charo or naachna gana shuru kar diya. Vineeta ne bhi nritya ki ek sundar prastuti di. Par lakhan jaroor nritya me thode kachhe the par unke is kachhe nritya par bhi vineeta ko pyar hi aa raha tha. Suryast hone ko tha aur suryast ke saath hi ye utsav ayr Surya puja ke saato charan pure ho gae the aur is tarah vineeta lakhan ki grah puja me ek aur grah ki puja sampann ho chuki thi.



Pujari: Andar ashram me sabke bhojan ka prabandh kara gaya hai aap dono bhi andar chalkar bhojan karle uske baad aghori baba apko chandra puja ki sabhi vidhiyo ke baare me suchit kar denge jiske baad aap rath dwara apni chandra puja wali jagah ke liye prasthan kar lijiyega.

Surya puja puri ho chuki thi yu to is puja me vineeta lakhan ke beech aisi koi intimate cheez nahi hui na vineeta ko badan dikhau kapde pehenne pade par kuchh maene me ye puja kaafi vishesh thi kyuki is puja ne unke man me ek doosre ke liye jo prem tha usse khud ko parichit kara diya tha. Ab tak puja ki jo rasme unki majboori bani hui thi jinhe jald se jald pura hone ke baare me wo sochte the ab wo unhi rasmo ke dheeme dheeme beetne ki prarthana kar rahe the. Ye prem unki aane wali puja ko asaan banane wala tha ya mushkil ye to samay hi janta tha. Suraj laal abha ke sath door chhitij me doob raha tha aur aasman me chhand ka halka halka aksa ubhar kar aa raha tha ye sanket tha ki tapish ke saudagar Surya ka samay khatam ho gaya aur ab samay tha sheetalta ke vahak Chandra ka.