AB HUM BACCHE BHI TOH NAHI RAHE - COMPLETED

[Nasheeliaankhein]

UPDATE 112

Agle din, Deepesh mama aur Apu ke beech unke ghar ke baraamde mein baat ho rahi thhi, Mami baahar aayi Janak ke saath.

Mami: Arre khaana waana nahin khaana kya..Kab se tum dono yahaan baatein kar rahe hain..Hum bhi hain ghar mein..

Mama: Tu jaa, hum aatein hain..

Janak: Koi serious baat hai papa..

Mama aur Apu ne ek dusre ka chehra dekha. 

Mama: Bata de..

Apu: Maa..Office ne mujhe promotion diya hai..

Janak: Wow..Aur tum ne bataaya nahin..

Mami: Itni acchhi khabar hai aur tum dono akele hi..

Apu: Maa..Poori baat toh sunn..Delhi ki office sambhaalne bhej rahein hain mujhe..Transfer ho raha hai Delhi..

Mami aur Janak Apu ka chehra ghoorne lage.

Apu: Maine kaha do din do, jawaab deta hoon..

Mami: Apu par..Aap kya kehtein hain..

Mama: Main kya kahoon, mere bhi transfer order aayein hain..Lucknow ke training academy mein promote karke..

Mami: Kya..Aap ke bhi..

Mama: Haan..Yeh Delhi aur main Lucknow..

Janak aur Mami chup reh gaye, chaaron ki samajh mein kuch nahin aa raha thha.

Arjun chacha ki ghadi mein raat ke dus bajj rahe thhe, aur darwaaze pe dastak hui. Unhone darwaaza khola aur Komal, unke saamne khadi thhi. Uska chehra aisa thha jaise woh rote huey yahaan aayi ho, chachi aayi bhaag ke aur teeno aangan mein baitthe. Komal se baat bhi nahin ho rahi thhi, ek chhota sa bag saath laayi thhi usne.

Komal: Maa..Main pregnant hoon..

Chachi: Arre, toh itna ro kyun rahi hai, Acchhi khabar hai yeh toh..

Komal: Puneet mera test karwaana chaahtein hain..

Chacha aur chachi dang reh gaye.

Chacha: Naalaayak saala..Samajhta kya hai apne aap ko..

Chachi: Aap zara andar jaayenge, main bahu se akele mein baat karna chaahti hoon..

Chacha chup chaap andar chale gaye, chachi Komal ke kareeb aayi.

Chachi: Ab bata..Tujhe koi darr hai kya..

Komal ne chachi ka chehra ghoor ke dekha, chachi uski aankhein padh rahi thhi.

Chachi: Kiska hai?

Komal: Maa..Un dino hum Prem ki shaadi ke liye aaye huey thhe..

Chachi: Bakwaas mat kar Komal..Prem ki shaadi ko pandrah bees din se zyaada nahin huey hain..Aur koi hai toh bata..

Komal: Maa yeh Apu ka ho sakta hai..Mere un dino hi period khatam huey thhe..Shaayad.. 

Chachi: Kya..Apu ka..Gayatri ke Apu ka..Uske saath tu..?

Komal: Maa yeh bhi thhe..Janak ke saath..

Chachi: Baap re..Yeh sab kab hua..

Komal: Maa..Darr lag raha hai..Agar yeh bacchha Apu ka..

Chachi: Bakwaas mat kar Bahu..Dekhne de..Sochne de..

Itne mein chacha phone haath mein liye aangan mein aaye.

Chacha: Radhika..Bhaiyya ko hospital mein admit kar diye hain..Pulkit ka phone thha..Mujhe jaana hoga..

Chachi ek dum se khadi ho gayi.

Chachi: Kya hua Jethji ko..Bataaiyye na, theek toh hain woh..

Chacha: Shaam ko unke anaaj ke godaam mein aag lagi, saari fasal jal gayi, Pulkit, Prem aur bhaiyya ke pahunchne tak sab barbaad ho gaya thha, bhaiyya ko seene mein dard shuru ho gaya, Pulkit aur Prem ne hospital mein admit kara diya..

Chachi: Mujhe phone laga ke dijiye, meri baat karaaiyye Pulkit se..

Chacha: Meri abhi abhi baat hui hai, dil ka daura nahin thha, ab theek hain bhaiyya..Par ICU mein rakkhein hain unhein..Main jaa raha hoon..

Chachi: Main bhi chalti hoon..Mujhe milna hai unse..

Chacha: Kal subah aa jaana..Ab Bahu bhi aayi hai, aur raat ka safar tum dono ke liye theek nahin hai..Main wahaan pahunchke khabar deta hoon unki..

Chachi: Aap ka bag bharti hoon..

Chacha: Rehne de..Late ho jaayega..Tu ruk Bahu ke saath..Main phone karoonga wahaan pahunchke..

Chacha nikal gaye, Komal ka problem bhi ghar aaya thha, wahaan Apu aur Mama ke transfer ko leke tension thha, aur yahaan papa hospital pahunch gaye thhe, ek hi hafte mein zindagi rang laa rahi thhi, farmhouse pe kitne khush thhe hum, ghar laut te hi pareshaaniyon ne gher liya thha sabko. 

Hospital mein main aur mera saara sasural pahunch gaya thha, papa ko ICU se baahar laaya gaya aur room mein sulaaya gaya, doctor ne bataaya ke unhe samay pe laaya thha, agar thodi bhi der hui hoti toh papa ko dil ka daura lag sakta thha, woh hosh mein nahin thhe par theek thhe. Bhabhi aur unke gharwaale bhi aa chuke thhe, Purab aur Neha, mama mami, Apu aur Janak, maasi aur Pratima sab hospital ke lobby mein thhe. Sab ke chehron pe fikar thhi. Ek hafta pehle yeh sab muskuraate chehre thhe, farmhouse pe, ab sab badal gaya thha. Maa papa ke saath hi thhi, baaki hum sab neeche thhe. Chacha bhi teen baje hospital pahunche, hum sab wahin thhe.

Sasur: Veena..Ab sab ka yahaan rukna theek nahin hai..Doctor ne kaha hai ke Deepak ko hosh subah hi aayega, dawaaiyyon ka asar rahega..Aise mein ruk ke kya faayda..

Pulkit: Babuji..Aap sab jaaiyye, main rukta hoon, kabhi kisi cheez ki zaroorat padi toh..

Prem: Bhaiyya, main bhi rukunga..Main nahi jaaunga..

Shekhar: Main bhi..

Sasur: Theek hai, teeno ruk jaao, agar kisi cheez ki zaroorat pade toh bata dena, hum bhej denge, aap sab bhi ghar jaake aaraam kijiye, kal aa jaana..

Chacha: Main bhi ruk raha hoon Pulkit..Main ghar jaake kya karoonga..

Prem: Chacha..Aapki zaroorat kal padh sakti hai..Agar hum sab yahaan ruke toh kal ruk nahin paayenge..Thakk jaayenge..Acchha hoga ke aap aaraam kar lein aur kal subah jaldi aa jaayein..

Mama: Theek keh raha hai Prem, Arjun..Main bhi subah jaldi aa jaaunga..Chaahiye toh tujhe pick kar loonga..

Bhabhi bhi apne maa babuji ko ghar bhej di, sab jaane lage, Prem, Pulkit aur Shekhar wahaan baitthe rahe. Raat ko shaayad hi kisiko neend aayi hogi, subah chhe baje Raunak aur Rohit bhi pahunch gaye.

Raunak: Arjun bhaiyya ne raat ko hi bataaya Pulkit, par ladke ki tabiyat bhi kharaab thhi, use wahaan hospital mein admit kiya, aur hum nikal aaye, ab kaise hain bhaiyya..

Pulkit: Saat baje humein upar jaane denge Raunak bhaiyya..Par maa ne bataaya ke papa theek hain, hosh aa gaya hai aur baat kar rahein hain woh..Hum bhi unse milne ke liye bechain hain bhaiyya..

Rohit: Tum teeno ne kuch khaaya raat se..

Prem: Khaa lenge Bhaiyya..Pehle papa se baat kar lein..

Raunak: Godaam ka bhi suna..Bahut dukh laga..

Pulkit: Papa ne usi ka sadma le liya bhaiyya..Ab dhanda phir se jamaana hoga..Par kar lenge hum..Bas papa theek ho jaayein..

Mama aur mami ne humein subah pickup kiya, bhabhi, main aur chacha unke saath hospital aaye naashta leke, Apu aur Janak apni gaadi se aaye, sab ke chehre utre thhe, main aur Shekhar doctor se mile.

Doctor: Fikar ki baat nahin hai beta..Do din aur rehne do yahin pe, stable ho gaye, toh main chhutti de dunga..He is out of danger..

Unki baat sunke jaan mein jaan aayi, maasi aur Pratima subah phir aa gaye, papa ki fikar sabko thhi, unhonein sabki zindagi ko chhua thha. Papa se ek ek karke sab milne gaye, do minute hi diya thha sabko, zyaada baat karne se mana kiya thha doctor ne, kaha thha dekho aur jaao. Sabne wahi kiya, dekhe aur gaye, Pulkit, Prem aur Shekhar papa se milke ghar gaye, teeno ko kaam thha. Pulkit security officer ke chakkar sambhaalne waala thha godaam ke jalne ke silsile mein, mama ne apni pehchaan ka inspector saath diya thha uske, Prem aur Shekhar unke office ke kaam se jaane waale thhe, maa ko maine bhabhi ke saath ghar bhej diya aaraam karne aur khud ruk gayi, babuji aur meri saas neeche baitthe rahe, baaki sab ke saath. 

Zindagi ko badalte der nahin lagti, khushi ko jaate bhi samay nahin lagta, dukh bhi bas kuch samay ka hi mehmaan hota hai, dekho toh ek mausam hamesha nahin rehta...