Fantasy RAJ - RAMAT : PART 1 "AARAMBH"

[Rajveer119]

Aag ugalte vishalkaay GARUDO ke aage koi na tik saka . Sab bhasmibhut ho gaye, Kya insaan kya janwar . Maheloe ke patthar tak pighala diye un vehsi darindo ne .
Lekin sulahti maut ke samne bhi aaryo ne har nahi mani . Aur dat ke samna kiya un darindo ka . Kuntal naresh unse khub prabhavit hue .. unhone  bhi aaryo ko dushman ki bajaay dost banana behtar samjha , ek shaktishali dushman agar dost banjaye to 100 samnto pe bhari tha . Tab Aakhar me ek samjhota hua . Aur aaryo ko sirf Uttar Ka raj de diya gaya . Natija aarya uttar tak simat ke reh gaye . Aur Apne waqt Ka intazaar Karne lage . 

Woh waqt Bhi aaya jab unko mahadweep ki satta haasil Karne Ka suvarn avsar Mila lekin wo kehte hai na ki Kabhi Kabhi mitrata Sare samikarano ko badal ke Rakh deti hai , Sare laalach pe bhari padti hai , aisa hi aarya Raj yuddhajit ke sath hua . Mitrata nibhane ke chakkar me usne jeeti  hui satta ki bagdor Apne Mitra aur dwarsamundram ke SAMANT  VIRBHADRA ko de . Dhanya hai Aisi mitrata . Dhanya hai aise mitra. Khair ye ek lambi kahani hai jis ki charcha hum aage karenge . Philhaal kahani par aate hai .

[i]Aarya raja yuddhajeet Apne parivar ke sadashyo aur salahkaro ke sath apne kuldevta ke mandir me tha . Aaj unka vishesh parva tha , shardiyon ki shuruwaat ho chuki thi .. aaj suryadevta ko mahaprasadi arpan ki Jani thi jis se ki woh prasan ho aur jald se jald shardiyon ki rutu jald hi khatm ho aur ushnata Sare aaryavrat me faile.

Yuddhajeet ke pariwaar me unki patni SUNAYNA aur 5 santane thi Jin me 3 ladke aur 2 ladkiyan thi . yuddhajeet ne 2 shadiyan ki thi . pehli patni SUNAYNA se unko 4 santane thi jabki dusri patni SONPRIYA se sirf ek putra tha . 
[/i]

[i]Sonpriya ek putra ko janm dekar  chal basi thi. To uska laalan-palan sunaina ne hi Kiya tha. Aur putra ko ma ki kami kabhi mehsus hone na di thi.[/i]

[i][i]suryadevta ke mandir me mah-aarti ho rahi thi . Pura watawaran  sankh nagade manjire aur dundubhi naad me dub ke bhakti may ho Gaya tha .  Yuddhajit Ka bada beta yudhvir ,Jo 18 basant par Kar ke jawaniki dehlij pe aa chuka tha , suryadevta ko prasan Karne ke liye shankh Baja raha tha jaha Dusra Sab se chhota beta Abhijit Jo abhi Mayra 14 Saal Ka tha , Surya dev ki Murthy ko ek tak nihare ja Raha tha . dono betiya 16 saal ki NIHARIKA aur 12 Saal ki  ANAMIKA apni ma Ka anusaran Karti hath Jode khadi thi jabki 17 Saal Ka SHORYA Kahi nazar Nahi aa Raha tha. q ki use devta o me koi Ras Nahi tha . Uski MAA Ka akaal dehant use devta o se nafrat Karne par majboor karta tha . SHORYA apni badi ma ko mana Nahi Kar sakta tha is liye mandir tak aata jarur tha lekin us chardiwari me na pravesh Kar ke Woh bahar hi apna samay pasar karta .[/i][/i]