Romance Safeed libaas

[Chillpum]

"Shhhhhh" Kehte hue usne apni anguli mere honthon par rakh di "Yun kahiye ke ye main sirf isliye kar rahi hoon kyunki aap pasand hain mujhe"


Bahar halka halka andhera ho chala tha. Kamre ke andar bhi koi light nahi thi. Us halke andhere mein maine ek nazar us par daali toh mujhe ehsaas hua ke vo gandi si dikhne wali ladki asal mein kitni sundar thi.

Vo duniya ki sabse sundar ladki thi.

Maine bekarak hokar apne honth aage kiye aur uske honthon par rakh diye. Un honthon ki narmahat jaise mere honthon se hoti mere jism ke rom rom mein utar gayi. Ham dono deewana-saar ek doosre ko choom rahe the. Vo kabhi mere
chehre ko sehlati toh kabhi mere baalon mein ungliyan phirati. Kad mein mujhse kaafi chhoti hone ke karan usko shayad mujhe choomne ke liye apne panjon par uthna pad raha tha aur mujhko kaafi neech jhukna pad raha tha. Apne
haathon se maine uski kamar ko pakad rakha tha aur usko uper ki taraf utha raha tha.

Aur tab mujhe ehsaas hua ke usko choomte choomte ab main poori tarah sidha khada tha. Uska chehra ab bilkul mere chehre ke saamne tha aur uski baahen mere gale mein thi. Maine hairat mein ek nazar uske pairon ki taraf daali toh
pata chala ke maine usko kamar se pakad kar uper ko utha liya tha aur uski paon hawa mein jhool rahe the.

Vo kisi phool ki tarah halki thi. Mujhe ehsaas hi nahi ho raha tha ke maine ek jawan ladki ko yun apne haathon ke bal hawa mein pakad rakha hai. Zara bhi thakaan nahi. Agar vo us waqt na bolti toh pata nahi main kab tak usko yun hi hawa mein uthaye choomta rehta.